العودة   منتديات ليلاس > القسم الادبي > منتدى الكتب > منتدى الدراسات والدواوين الشعرية
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية


منتدى الدراسات والدواوين الشعرية كتب الشعر - دواوين شعرية - دراسات شعرية

صلاح جاهين , رباعيات صلاح جاهين كاملة

مع إن كل الخلق من أصل طين وكلهم بينزلوا مغمضين بعد الدقايق والشهور والسنين تلاقى ناس أشرار وناس طيبين عجبى !! عجبى عليك .. عجبى عليك

إضافة رد
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 24-06-08, 03:45 PM   1 links from elsewhere to this Post. Click to view. المشاركة رقم: 1
المعلومات
الكاتب:
اللقب:

البيانات
التسجيل: Oct 2007
العضوية: 47358
المشاركات: 14
الجنس ذكر
معدل التقييم: الرامح الصغير عضو بحاجه الى تحسين وضعه
نقاط التقييم: 10
شكراً: 0
تم شكره مرة واحدة في مشاركة واحدة

االدولة
البلدEgypt
 
مدونتي

 

الإتصالات
الحالة:
الرامح الصغير غير متواجد حالياً
وسائل الإتصال:

المنتدى : منتدى الدراسات والدواوين الشعرية
افتراضي صلاح جاهين , رباعيات صلاح جاهين كاملة

 

صلاح جاهين رباعيات صلاح جاهين 337269918.jpg

صلاح جاهين رباعيات صلاح جاهين 881774534.gif

مع إن كل الخلق من أصل طين
وكلهم بينزلوا مغمضين
بعد الدقايق والشهور والسنين
تلاقى ناس أشرار وناس طيبين
عجبى !!

صلاح جاهين رباعيات صلاح جاهين 881774534.gif

عجبى عليك .. عجبى عليك يا زمن
يا بو البدع يا مبكى عين دماً
إزاى أنا أختار لروحى طريق
وأنا اللى داخل فى الحياة مرغماً
عجبى !!

صلاح جاهين رباعيات صلاح جاهين 881774534.gif

مرغم عليك يا صبح مغصوب يا ليل
لا دخلتها برجليا ولا كان لى ميل
شايلنى شيل دخلت أنا الحياة
وبكره ح أخرج منها شايلنى شيل
عجبى !!

صلاح جاهين رباعيات صلاح جاهين 881774534.gif

سنوات وفايته عليا فوج بعد فوج
واحدة خدتنى إبن والتانية زوج
والتالتة أب خدتنى والرابعة إيه
إيه يعمل اللى بيحدفه موج لموج ؟
عجبى !!

صلاح جاهين رباعيات صلاح جاهين 881774534.gif

وأنا فى الضلام .. من غير شعاع يهتكه
أقف مكانى بخوف ولا أتركه
ولما ييجى النور واشوف الدروب
أحتار زيادة .. أيهم أسلكه ؟
عجبى !!

صلاح جاهين رباعيات صلاح جاهين 881774534.gif

نظرت فى الملكوت كتير وانشغلت
وبكل كلمة (ليه ؟) و(عشانيه) سألت
اسأل سؤال .. الرد يرجع سؤال
واخرج وحيرتى أشد مما دخلت
عجبى !!

صلاح جاهين رباعيات صلاح جاهين 881774534.gif

خرج ابن آدم م العدم قلت : ياه
رجع ابن آدم للعدم قلت : ياه
تراب بيحيا .. وحى بيصير تراب
الأصل هو الموت والا الحياة ؟
عجبى !!

صلاح جاهين رباعيات صلاح جاهين 881774534.gif

ضريح رخام فيه السعيد اندفن
وحفره فيها شريد من غير كفن
مريت عليهم .. قلت يا للعجب
لاتنين ريحتهم فيها نفس العفن
عجبى !!

صلاح جاهين رباعيات صلاح جاهين 881774534.gif

ياما صادفت صحاب وما صحبتهمش
وكاسات خمور وشراب وما شربتهمش
أندم على الفرص اللى انا سبتهم
والا على الفرص اللى ما سبتهمش
عجبى !!

صلاح جاهين رباعيات صلاح جاهين 881774534.gif

والكون ده كيف موجود من غير حدود
وفيه عقارب ليه وتعابين ودود
عالم مجرب فات وقال سلامات
ده ياما فيه سؤالات من غير ردود
عجبى !!

صلاح جاهين رباعيات صلاح جاهين 881774534.gif

غدر الزمان يا قلبى مالهوش أمان
وحاييجى يوم تحتاج لحبة إيمان
قلبى ارتجف وسألنى .. أأمن بإيه ؟
أأمن بإيه محتار بقالى زمن
عجبى !!

صلاح جاهين رباعيات صلاح جاهين 881774534.gif

يا باب أيا مقفول .. إمتى الدخول
صبرت ياما واللى يصبر ينول
دقيت سنين .. والرد يرجع لى : مين ؟
لو كنت عارف مين أنا .. كنت أقول
عجبى !!

صلاح جاهين رباعيات صلاح جاهين 881774534.gif


 
 

 

عرض البوم صور الرامح الصغير   رد مع اقتباس
الأعضاء الذين قالوا شكراً لـ الرامح الصغير على المشاركة المفيدة:
قديم 24-06-08, 03:48 PM   المشاركة رقم: 2
المعلومات
الكاتب:
اللقب:

البيانات
التسجيل: Oct 2007
العضوية: 47358
المشاركات: 14
الجنس ذكر
معدل التقييم: الرامح الصغير عضو بحاجه الى تحسين وضعه
نقاط التقييم: 10
شكراً: 0
تم شكره مرة واحدة في مشاركة واحدة

االدولة
البلدEgypt
 
مدونتي

 

الإتصالات
الحالة:
الرامح الصغير غير متواجد حالياً
وسائل الإتصال:

كاتب الموضوع : الرامح الصغير المنتدى : منتدى الدراسات والدواوين الشعرية
افتراضي

 


أنا شاب لكن عمرى ولا ألف عام
وحيد ولكن بين ضلوعى زحام
خايف ولكن خوفى منى أنا
أخرس ولكن قلبى مليان كلام
عجبى !!


أحب اعيش ولو أعيش فى الغابات
أصحى كما ولدتنى أمى وابات
طائر .. حُوان .. حشرة .. بشر .. بس اعيش
محلا الحياة .. حتى فى هيئة نبات
عجبى !!


سهير ليالى وياما لفيت وطفت
وف ليلة راجع فى الضلام قمت شفت
الخوف .. كأنه كلب سد الطريق
وكنت عاوز أقتله .. بس خفت
عجبى !!


كان فيه زمان سحليه طول فرسخين
كهفين عيونها وخشمها بربخين
ماتت .. لكن الرعب لم عمره مات
مع إنه فات بدل التاريخ تاريخين
عجبى !!


عجبتنى كلمة من كلام الورق
النور شرق من بين حروفها وبرق
حبيت أشيلها فى قلبى .. قالت حرام
ده انا كل قلب دخلت فيه اتحرق
عجبى !!


رقبة قزازه وقلبى فيها انحشر
شربت كاس واتنين وخامس عشر
صاحبت ناس م الخمرة ترجع وحوش
وصاحبت ناس م الخمرة ترجع بشر
عجبى !!


كل اللى فى الخمارة صابهم جنون
صبحوا الرجال يتبادلوا كاس المنون
وبدم ونبيت انكتب ع الجدار
" يا ميت ندامة ع اللى قلبه حنون "
عجبى !!


قالوا الشقيق بيمص دم الشقيق
والناس ما هياش ناس بحق وحقيق
قلبى رميته وجبت غيره حجر
داب الحجر .. ورجعت قلبى رقيق
عجبى !!


يوم قلت آه .. سمعونى قالوا فسد
ده كان جدع قلبه حديد واتحسد
رديت على اللايمين أنا وقلت .. آه
لو تعرفوا معنى زئير الأسد
عجبى !!


بين موت وموت .. بين النيران والنيران
ع الحبل ماشيين الشجاع والجبان
عجبى علادى حياة .. ويا للعجب
إزاى أنا ـ يا تخين ـ بقيت بهلوان
عجبى !!


أنا قلبى كان شخشيخة أصبح جرس
جلجلت به صحيوا الخدم والحرس
أنا المهرج .. قمتو ليه خفتو ليه
لاف إيدى سيف ولا تحت منى فرس
عجبى !!


دخل الربيع يضحك لقانى حزين
نده الربيع على إسمى لم قلت مين
حط الربيع أزهاره جنبى وراح
وإيش تعمل الأزهار للميتين
عجبى !!

 
 

 


التعديل الأخير تم بواسطة الرامح الصغير ; 24-06-08 الساعة 04:07 PM
عرض البوم صور الرامح الصغير   رد مع اقتباس
قديم 24-06-08, 04:10 PM   المشاركة رقم: 3
المعلومات
الكاتب:
اللقب:

البيانات
التسجيل: Oct 2007
العضوية: 47358
المشاركات: 14
الجنس ذكر
معدل التقييم: الرامح الصغير عضو بحاجه الى تحسين وضعه
نقاط التقييم: 10
شكراً: 0
تم شكره مرة واحدة في مشاركة واحدة

االدولة
البلدEgypt
 
مدونتي

 

الإتصالات
الحالة:
الرامح الصغير غير متواجد حالياً
وسائل الإتصال:

كاتب الموضوع : الرامح الصغير المنتدى : منتدى الدراسات والدواوين الشعرية
افتراضي

 


مهبوش بخربوش الألم والضياع
قلبى ومنزوع م الضلوع انتزاع
يا مرايتى يا اللى بترسمى ضحكتى
يا هلترى ده وش والا قناع
عجبى !!


حبيت .. لكن حب من غير حنان
وصاحبت لكن صحبه ما لهاش أمان
رحت لحكيم واكتر لقيت بلوتى
إن اللى جوه القلب مش ع اللسان
عجبى !!


ليه يا حبيبتى ما بينا دايماً سفر
ده البعد ذنب كبير لا يغتفر
ليه يا حبيبتى ما بينا دايماً بحور
أعدى بحر ألاقى غيره اتحفر
عجبى !!


ورا كل شباك ألف عين مفتوحين
وانا وانتى ماشيين يا غرامى الحزين
لو التصقنا نموت بضربة حجر
ولو افترقنا نموت متحسرين
عجبى !!


نوح راح لحاله والطوفان استمر
مركبنا تايهة لسه مش لاقية بر
آه م الطوفان وآهين يا بر الأمان
إزاى تبان الدنيا غرقانة شر
عجبى !!


على رجلى دم .. نظرت له ما احتملت
على إيدى دم .. سألت : ليه ؟ لم وصلت
على كتفى دم وحتى على راسى دم
أنا كلى دم .. قتلت ؟ .. والا اتقتلت ؟
عجبى !!


أنا كل يوم أسمع .. فلان عذبوه
أسرح فى بغداد والجزاير واتوه
ما اعجبش م اللى يطيق بجسمه العذاب
واعجب من اللى يطيق يعذب أخوه
عجبى !!


ينبوع وفى الحواديت أنا سمعت عنه
إنه عجيب .. وف وسط لهاليب لكنه
شقيت كما الفرسان طريقى .. لقيت
حتى الخنازير والكلاب شربوا منه
عجبى !!


يا قرص شمس ما لهش قبة سما
يا ورد من غير أرض شب ونما
يا أى معنى جميل سمعنا عليه
الخلق ليه عايشين حياه مؤلمة
عجبى !!


شاف الطبيب جرحى وصف له الأمل
وعطانى منه مقام يا دوب ما اندمل
مجروح جديد يا طبيب وجرحى لهيب
ودواك فرغ منى .. وإيه العمل ؟
عجبى !!


أعرف عيون هى الجمال والحسن
واعرف عيون تاخد القلوب بالحضن
وعيون مخيفة وقاسية وعيون كتير
وباحس فيهم كلهم بالحزن
عجبى !!


إيش تطلبى يا نفسى فوق كل ده
حظك بيضحك وانتى متنكدة
ردت قالت لى النفس : قول للبشر
ما يبصوليش بعيون حزينة كده
عجبى !!

 
 

 

عرض البوم صور الرامح الصغير   رد مع اقتباس
قديم 24-06-08, 04:24 PM   المشاركة رقم: 4
المعلومات
الكاتب:
اللقب:

البيانات
التسجيل: Oct 2007
العضوية: 47358
المشاركات: 14
الجنس ذكر
معدل التقييم: الرامح الصغير عضو بحاجه الى تحسين وضعه
نقاط التقييم: 10
شكراً: 0
تم شكره مرة واحدة في مشاركة واحدة

االدولة
البلدEgypt
 
مدونتي

 

الإتصالات
الحالة:
الرامح الصغير غير متواجد حالياً
وسائل الإتصال:

كاتب الموضوع : الرامح الصغير المنتدى : منتدى الدراسات والدواوين الشعرية
افتراضي

 


إقلع غماك يا تور وارفض تلف
إكسر تروس الساقية واشتم وتف
قال : بس خطوة كمان .. وخطوة كمان ..
يا اوصل نهاية السكة يا البير يجف
عجبى !!


يا حزين يا قمقم تحت بحر الضياع
حزين أنا زيك وإيه مستطاع
الحزن ما بقالهوش جلال يا جدع
الحزن زى البرد .. زى الصداع
عجبى !!


فى يوم صحيت شاعر براحة وصفا
الهم زال والحزن راح واختفى
خدنى العجب وسألت روحى سؤال
أنا مت ؟ .. والا وصلت للفلسفه ؟
عجبى !!


الفيلسوف قاعد يفكر سيبوه
لا تعملوه سلطان ولا تصلبوه
ما تعرفوش إن الفلاسفة يا هوه
اللى يقولوه بيرجعوا يكدبوه ؟
عجبى !!


على بعد مليون ميل من أرضنا
من الفراغ الكونى بصيت أنا
لا شفت فرق ما بين جبال أو بحور
ولا شفت فرق ما بين عذاب أو هنا
عجبى !!


إنسان أيا إنسان ما أجهلك
ما أتفهك فى الكون وما أضألك
شمس وقمر وسدوم وملايين نجوم
وفاكرها يا موهوم مخلوقه لك ؟
عجبى !!


نظرت فوقى للنجوم وانا ساير
رجليا عترت فى الحفر والحجاير
بقيت أقول وانا ع التراب : يا سلام
مش بس عبره أخذت لكن عباير
عجبى !!


يا نجم .. نورك ليه كده بيرتجف ؟
هو انت قنديل زيت ؟ أو تختلف ؟
أنا نجم عالى .. بس عالى قوى
وكل ما انظر تحت اخاف انحدف
عجبى !!


السم لو كان فى الدوا .. منين يضر ؟
والموت .. ولو لعدونا .. منين يسر ؟
حط القلم فى الحبر واكتب كمان
والعبد للشهوات .. منين هو حر ؟
عجبى !!


وقفت بين شطين على قنطرة
الكدب فين والصدق فين يا ترى
محتار ح اموت .. الحوت خرج لى وقال
هو الكلام يتقاس بالمسطره ؟
عجبى !!


سرداب فى مستشفى الولاده طويل
صرخات عذاب ورا كل باب وعويل
وفى الطريق متزوقين البنات
متزوقين للحب والمواويل
عجبى !!


الدنيا أوده كبيره للإنتظار
فيها ابن آدم زيه زى الحمار
الهم واحد .. والملل مشترك
ومفيش حمار بيحاول الإنتحار
عجبى !!

 
 

 

عرض البوم صور الرامح الصغير   رد مع اقتباس
قديم 24-06-08, 04:27 PM   المشاركة رقم: 5
المعلومات
الكاتب:
اللقب:

البيانات
التسجيل: Oct 2007
العضوية: 47358
المشاركات: 14
الجنس ذكر
معدل التقييم: الرامح الصغير عضو بحاجه الى تحسين وضعه
نقاط التقييم: 10
شكراً: 0
تم شكره مرة واحدة في مشاركة واحدة

االدولة
البلدEgypt
 
مدونتي

 

الإتصالات
الحالة:
الرامح الصغير غير متواجد حالياً
وسائل الإتصال:

كاتب الموضوع : الرامح الصغير المنتدى : منتدى الدراسات والدواوين الشعرية
افتراضي

 


أيوب رماه البين بكل العلل
سبع سنين مرضان وعنده شلل
الصبر طيب .. صبر أيوب شفاه
بس الأكاده مات بفعل الملل
عجبى !!


نسمة ربيع لكن بتكوى الوشوش
طيور جميلة بس من غير عشوش
قلوب بتخفق .. إنما وحدها
هى الحياه كده .. كلها فى الفاشوش
عجبى !!


يا طير يا عالى فى السما طظ فيك
ما تفتكرشى ربنا مصطفيك
برضك بتاكل دود وللطين تعود
تمص فيه يا حلو .. ويمص فيك
عجبى !!


كروان جريح مضروب شعاع م القمر
سقط من السموات فؤاده انكسر
جريت عليه قطه عشان تبلعه
أتاريه خيال شعراء ومالهوش أثر
عجبى !!


ياللى نصحت الناس بشرب النبيت
مع بنت حلوه .. وعود وضحك وحديث
مش كنت تنصحهم منين يكسبوا
تمن ده كله ؟ .. والا يمكن نسيت
عجبى !!


ما حد فى الدنيا دى واخد جزائه
ولا حد بيفكر فى غير لذاذاته
ما تعرفيش يا حبيبتى .. أنا وانتى مين ؟
إنتى عروس النيل .. وانا النيل بذاته
عجبى !!


رقاصه خرسا ورقصه من غير نغم
دنيا .. يا مين يصالحها قبل الندم
ساعتين تهز بوجهها يعنى لا
يترجرجوا نهديها يعنى نعم
عجبى !!


إخطفنى ياللى تحبنى ع الحصان
الدنيا قالت يوم فى ماضى الزمان
إخطفنى ياللى تحبنى ع الفرس
الدنيا قالت .. قام خطفها الشيطان
عجبى !!


من بين شقوق الشيش وشقشقت لك
مع شهقة العصافير وزقزقت لك
نهار جديد انا .. قوم نشوف نعمليه
انا قلت يا ح تقتلنى .. يا ح اقتلك
عجبى !!


قلبى عليل يا ناس وفى الكاس دواه
مديت له إيدى شربت م اللى حواه
جنبى الشمال خف .. اليمين اتوجع
وإيه يداوى الكبد م اللى كواه
عجبى !!


دى مذكرات وكتبتها من سنين
فى نوته زرقا لون بحور الحنين
عترت فيها .. رميتها فى المهملات
وقلت أما صحيح كلام مخبولين
عجبى !!


دخل الشتا وقفل البيبان ع البيوت
وجعل شعاع الشمس خيط عنكبوت
وحاجات كتير بتموت فى ليل الشتا
لكن حاجات أكتر بترفض تموت
عجبى !!

 
 

 

عرض البوم صور الرامح الصغير   رد مع اقتباس
إضافة رد

مواقع النشر (المفضلة)

الكلمات الدلالية (Tags)
رباعيات صلاح جاهين كاملة, صلاح جاهين
facebook



جديد مواضيع قسم منتدى الدراسات والدواوين الشعرية
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: http://www.liilas.com/vb3/t82371.html
أرسلت بواسطة For Type التاريخ
nay lovers | Facebook This thread Refback 09-12-09 03:51 PM


الساعة الآن 03:50 AM.

للاعلان لدينا اضغط هنا

حواء

 



Powered by vBulletin® Version 3.8.5
Copyright ©2000 - 2014, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية