لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


خفقات قلب و تمرد أنثى

بسم الله الرحمن الرحيم خفقات قلب و تمرد أنثى انا اومن بشي مهم في حياتي هو الحريه في اختياراتي بحيث ما تعترض مع كوني

إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 31-03-08, 08:27 PM   المشاركة رقم: 1
المعلومات
الكاتب:
اللقب:
ليلاس متألق


البيانات
التسجيل: Aug 2006
العضوية: 10657
المشاركات: 257
الجنس أنثى
معدل التقييم: NONO123 عضو على طريق التحسين
نقاط التقييم: 78

االدولة
البلدQatar
 
مدونتي

 

الإتصالات
الحالة:
NONO123 غير متواجد حالياً
وسائل الإتصال:

المنتدى : القصص المكتمله من وحي قلم الاعضاء
Icon Mod 44 خفقات قلب و تمرد أنثى

 

بسم الله الرحمن الرحيم

خفقات قلب و تمرد أنثى


انا اومن بشي مهم في حياتي هو الحريه في اختياراتي
بحيث ما تعترض مع كوني أمراءه لها كيانها و مشاعرها
ولا تعترض مع ديني و قناعاتي ولا مع مجتمعي بس انا ارفض
الخنوع ارفض الخضوع ارفض اجباري على اي شي يكون
ضد قناعاتي ضد انوثتي ارفض اكون الشاه الي تساق
الى الذبح ارفض اكون مستسلمه وخاضعه احب اعيش حروبي
بنفسي واستمتع بها احب اواجه الحياه بقوه و بعزم و تصميم
ارفض خضوعي لسلطه الرجل المستبد و اومن بالرجل الي
يكسب عقلي قبل قلبي ما احب المشاعر تسيطر علي ولا
انها تشلني و تعيقني من التقدم مع هذا كله احب اعيش
لحظاتي الرومنسيه مثلي مثل اي بنت احب ارسم فارس
الاحلام بمواصفات خياليه احب اشوف النهايات السعيده
تبكيني النهايات الحزينه بس احب اتمسك بواقعي
اعيشه بواقعيه ادخل عليها لحظات من الرومنسيه
من خيالي و كتاباتي هي خيالي الي استمتع به
فأرجو ان تستمتعو مع خيالي و مع بطلت قصتي
\
\

حياه بطلت قصتي هي اعتراض على انها تكون الشاه وحبت تلعب
دور الذيب الدور الازلي لرجل لشي في نفس يعقووب راح تعرفونه
مع احداث القصه القادمه وهي خياليه بحته اعيد و اكرر خياليه بحته


(الفصل الاول)

سكرت السياره وطلعت روحي في المنظره اعدل احجابي و ارتبه نزلت من سيارتي

هديتي من اخوي الكبير ابو سلمان احب السيارات الكلاسيكه و الرياضيه خذت كتبي

اليوم عندي شكسن مهم خلاص ما ياقي لي شي بخلص ويوم الخميس راح يكون يوم

مناقشتي لطروحه الماجستير وراح ارجع ديرتي وهلي الي اوحشوني وخاصه الحياه

مع سلمانوه تقصر العمر كله عافس الشقه عفاس محد يصدق انه انا عمته الكثير يفكرون

اني حرمته و هو يحب يقص عليهم سكرت سيارتي و كملت مشي للجامعه كنت

ادري اني اشد الانظار بحجابي و شكلي بس ما كان يهمني وما كنت اعيرهم انتباه

رن جوالي ........ترن .......ترن .......ترن

شمايل:الووووووووو .....هلا و الله بالعسل ههههه ليش تصرخين
الحين انا في الطريق جايه يلا باي
دخلت المدرج لقيتها قاعده و معصبه على الاخير
فتون" كان ما جيتي احسن انتي تعرفين انه يتصيد لج ويمكن يسوي لج
شي وما تخلصين اطروحتج
شمايل" لا تفكرين في هذا الكلب انا اعرفله عدل يهودي قلب و قالب يكره كل
شي يمت للمسلمين و مو مصدق ان مخ متخلف مثلي يطلع منه هذي الافكار
فتون"هههههههههه الله يقطع ابليسج مو بس عشان هذا تراه معجب
شمايل"مالت على الي جابه انا اطالع اشكال خايسه ومعفنه مثل هذي
وبعدين ناسيه اني متزوجه يا الخبل
فتون"ههههههههههه زواج مع وقف التنفيذ متى بيصير اذا انتي في بلد
و المعرس في بلد ثاني
شمايل"والي يرحم والديج صكي هاذي السيره الي تلوع جبدي وتفقع مرارتي
انا كل ما افكر اني بخلص وبرد معناتها رح يتحدد الزواج من كم يوم
دريت من سلمان انه هو رد السعوديه و اكيد عمي بيفتح موضوع
الزواج مع ابوي وانا بموت حره الخايس اكرهه
فتون"انتي ما راح تنسين له السالفه ابد تراه كلام جهال
شمايل"جهال في عيونه الثنتين لو عمر العشرين عمر جهال عجل انا
في الخمستعش كم اطلع بيبي انا يقول عني سيبال ملبسينه اساور حديد انا
فتون"هههههههههه حرام عليج من متى هو ما شافج الحين ماشاء الله عيني
عليج بارده تقولين للقمر قوم وانا اقعد بدالك ولا الشامه الي على طرف
ثمج تجنن عليج بس عيبج القصر قزحه
شمايل"قزحه في عينج الله يكثر خير الاكعوب تخليني انخله اخر مره شفته لما كنت
عمري 15 سنه وهو كان عشرين وكان بيسافر عشان يدرس برع وجاي يسلم
و اسمع منه الي يغث خاصه يوم يتطنزون عليه اخوني انه بياخذني
قط كلامه هذا و حلفت من ذاك اليوم لسود عيشته و اخليه عبره
لجنس الرجال كلهم........
فتون" والله انتي سالفتج سالفه لو انتي مو متزوجه كان خذتج لخوي بدر
شمايل"هههههههههه روحي مناك وش الي يخليني اخذ اخوج اول شي مخبول
مثلج وبعدين مغازلجي رقم واحد وبعدين بنت عمج تنطره يعني ما ينفع
وبعدين انا ينطرني ابليس وش اسوي حظ ردي
فتون"هههههههه حرام عليج سويتي الريال ابليس حاله انتي وياه في حرب
شمايل"اي اشد من الحرب اقولج سلمانوه ما سلم الساني على الصبح
ادري انه زعلان مني بس يا خويتي من اسمع اسم خاله تقولين
تركبني شياطين و اطيح في الي جدامي و هو ما سلم جات فيه
فتون"مسكين الولد ربي يعينه ما ادري شلون عايش معاج
شمايل"عمى بعينج بلا الحين انا محد يقدر يعيش معاي ويا وجهج انا البراءه كلها
فتون"بس خلاص هذا هو البرفسور دخل صكي بعدين نكمل
في الشقه كان سلمان توه داش جاي من الجامعه اكيد عمته ما وصلت خاصه
بعد الهوشه الصباحيه الي صارت ما خلت شي ما قالته والي حز في خاطره اكثر
كلمتها عنه انه انسان فاشل و تابع لكل من هب ودب صج اجرحته وحز في خاطره
ما يدري وش سالفتها من تسمع طاري خاله تقول عقرب لدغها ما تخلي شي ما تقوله
تقط خيط وخيط محد يسلم من السانها رغم محبتها له بس بعد ما سلم ما يدري ليش
تكره خاله ركان بشكل رهيب ما تواطن سيرته مع انه خاله رجال ما عليه كلام
دكتور اختصاصي في القلب و مال وشباب و رزانه يعني الف بنت تمناه بس مو
عمته المصون وبنت عمه الله يعين هي ما عطتني فرصه اقولها انهم قررو يكون العرس على طول بعد ما ترد الحين لو تدري بتعلنها حرب وامي تقول لي امهد
لها الموضوع اي تمهيد اي بطيخ يالله بسترك بضرب تلفون احشرتني الوالده تلفونات في المحاظره اكيد تبي تسمع وش سويت اضرب البيت احسن
الحين الكل طلع رفع السماعه وضرب على البيت يرن محد شله
بس الحين حد شله
سلمان "الووووووووووووو .......
الطرف الثاني "الووووووووووو.....
سلمان"جزوي ليش ما رحتي المدرسه وش تسوين في البيت
الجازي وصوتها متحشرج"مزكمه و حرارتي مرتفعه عشان كذا امي ما رضت اروح
اشلونك اخي العزيز و الغالي وشلون عميمه شوشو...
سلمان "بخير كلنا بخير امي وين عطيني اياها ...
الجازي "زين بروح اناديها لك يلا تحمل على عمرك .... باي
ام سلمان نجديه" هلاوالله وغلا بولدي الغالي اخبارك يا بعد هلي
سلمان"هلافيج الغاليه اعلومكم عساكم بخير ابوي اعلومه ..
نجديه"كلنا بخير يا عمري ها يوليدي بشر فتحت السالفه مع عمتك
سلمان بتنهيده"اي وعينج ما تشوف الا النور اغسلت شراعي غسال و ما خلت كلمه
ما قالتها يمه وجعني حجيها انتي تعرفين عمتي وتعرفينها لين كانت معصبه
نجديه "يعني شلون راح تكسر كلمت جدك وابوك يا ويلنا بتصير مصايب في البيت
سلمان"انا ابي اعرف هي ليش رافضه خالي و مو طايقته انتي تعرفين ليش يمه
نجديه "وانا وش عرفني هي عليها طواري محد يصدق الي بعقلها ويشهدون
بركادتها و مخها الي يوزن بلد بس من تطر كلمه راكان تقول كنه حد لدغها
سلمان "يمه انا مالي خص كيفيكم وياها المصيبه انها معصبه بشكل كبير
ما تتصورين وش قالت عني كلام صج يوجع انتو تصرفو معاها انا ما يدخلني
اخاف اخسر عمتي و السبه شي ما يخصني و لا يدخلني فيه
نجديه"خلاص يا عمري هي ما راح تقدر تغير شي راكان زوجها يعني
لو يجي في اي لحظه يبغيها جدك وابوك ما بيعيون بس العرس شكليات
سلمان "الله يعين شكلها صج بتصير حرب يلا الغاليه اخليج الحين تامرين على شي
نجديه"لا يا عمري ما يأمر عليك عدو تحمل على عمرك وعلى عمتك ما اوصيك استحملها ......
سلمان"تامرين امر الغاليه يلا من رخصتج سلمي على الي عندج ........
نجديه"يوصل يا عمري يلا في امان الله وحفظه

الى هنا يكون بدايه الحرب بين الذيب و الشاه
بس يا هل ترى بيتغير الوضع ولا لا
لنا لقاء في الاسبوع القادم و احب انوه ان قصتي راح تكون
قصه قصيره ارجو ان تستمتعو بها

 
 

 


التعديل الأخير تم بواسطة NONO123 ; 31-03-08 الساعة 08:38 PM
عرض البوم صور NONO123   رد مع اقتباس

قديم 31-03-08, 08:33 PM   المشاركة رقم: 2
المعلومات
الكاتب:
اللقب:
عضو راقي


البيانات
التسجيل: Oct 2007
العضوية: 45420
المشاركات: 5,396
الجنس أنثى
معدل التقييم: فراشة الوادي عضو على طريق التحسين
نقاط التقييم: 83

االدولة
البلدSaudiArabia
 
مدونتي

 

الإتصالات
الحالة:
فراشة الوادي غير متواجد حالياً
وسائل الإتصال:

كاتب الموضوع : NONO123 المنتدى : القصص المكتمله من وحي قلم الاعضاء
افتراضي

 

مساء الخير نونو

مشكورة يالغالية على انزال قصتك الثانية هنا في ليلاس

لي عودة بعد القراء و التعليق

 
 

 

عرض البوم صور فراشة الوادي   رد مع اقتباس
قديم 31-03-08, 08:44 PM   المشاركة رقم: 3
المعلومات
الكاتب:
اللقب:
ملكة الرومانسية


البيانات
التسجيل: Dec 2007
العضوية: 58271
المشاركات: 3,072
الجنس أنثى
معدل التقييم: فروحه عضو بحاجه الى تحسين وضعه
نقاط التقييم: 25

االدولة
البلدUnited Arab Emirates
 
مدونتي

 

الإتصالات
الحالة:
فروحه غير متواجد حالياً
وسائل الإتصال:

كاتب الموضوع : NONO123 المنتدى : القصص المكتمله من وحي قلم الاعضاء
افتراضي

 

السلام عليكم ورحمة الله وبركاته


لك مني جزيل الشكر والتقدير على تلبية طلبنا في طرح قصة الثالثة وان شاء الله اعتبريني من المتابعين لها هنا
في منتدنا الغالي ليلاس

وبالتوفيق


لي عودة لتعليق على الاجزاء بعد اكتمال الفصول الناقصة لاني كنت اتابعها في المنتدى الاخر

(فرووحه)

 
 

 

عرض البوم صور فروحه   رد مع اقتباس
قديم 31-03-08, 10:38 PM   المشاركة رقم: 4
المعلومات
الكاتب:
اللقب:
ليلاس متألق


البيانات
التسجيل: Aug 2006
العضوية: 10657
المشاركات: 257
الجنس أنثى
معدل التقييم: NONO123 عضو على طريق التحسين
نقاط التقييم: 78

االدولة
البلدQatar
 
مدونتي

 

الإتصالات
الحالة:
NONO123 غير متواجد حالياً
وسائل الإتصال:

كاتب الموضوع : NONO123 المنتدى : القصص المكتمله من وحي قلم الاعضاء
New Suae

 

(الفصل الثاني )كانو يمشون احذا بعض في تناقض كبير ما بينهم ويمكن هذا الي
خلاهم اكثر قرب و محبه من بعض يمكن عشان الاختلاف في شخصياتهم

كبير فتون بنت سعوديه و جايه مع اخوها في بعثه لدراسه و تدرس مثل
شمايل بس هي متاخره عنها بحكم ان شمايل دراستها كانت في مدارس اجنبيه
عشان كذا كانت سريعه في التحصيل العلمي و كذالك سابقه بكم سنه
و ذكيه بشكل كبير و جميع الي تعاملو معاها من اساتذتها يشيدون بسرعه
البديه عندها و الذكاء الغير عادي وخاصه في اختيارها تخصص الكيمياء الحيويه
و دراستها و الحين رساله الماجستير فيها شمايل بنت عمليه وفي نفس الوقت سريعه
الغضب و العصبيه ما راح اقول انها فاتنه بس لها جمالها الخاص بها و تتمتع بجاذبيه
تشد اي شخص يشوفها من اول مره بكل المقايس هي البنت الاصغر في العايله و اخر العنقود و الدلوعه وخاصه ان اخوانها كلهم اكبر منها باشواط على قوله
اخوها ابو سلمان جات في الوقت الضايع ...
فتون "وش راح تسوين اليوم وخاصه انه الجمعه ...
شمايل"بمر هارود ز و بشتري سلمون عشان اسويه على الغداء تعويض
حق سلمان عن هوشه الصبح بسويله مطبق سلمون
فتون"هههههههههههههه انا اخبر المطبق زبيدي من وين جا سلمون
شمايل"والله هذا الي موجود حتى سمجهم يلوع الجبد ما ادري شلون يا كلونه
فتون "يعني ما راح تطلعين مكان ...
شمايل"لا انتي تعرفين انا ما احب اطلع يوم الجمعه وبعدين سلمان يطلع مع رفجانه
يعني ما يصير ارز الوجه وبعدين ابي اخلص كتابت الرساله عشان يدوب
الحق عليها واطبعها يعني اليوم في البيت
فتون"زين وش رايج امرج عقب العصر اخلي اخوي ينزلني عقب يمر علي
بس اكيد سلمان ما راح يكون موجود
شمايل"اكيد اليوم هو متواعد مع رفجانه بيرحون يسهرون برع مثل عادتهم
ما تبيني اوصلج في طريقي
فتون"لا يا عمري اخوي بيمرني الحين بس مو تنسين الحلوووووووووووووو ما اوصيج
شمايل"بسويلج احلى حلى كم فتونه عندي انا يلا حياتي باي
فتون"باي
اوصلت االشقه ودخلت حصلت سلمان قاعد على الكرسي يقرى قرآن التفت عليها
شمايل"السلام عليكم
سلمان بهدوء"و عليكم السلام.....
كانت عارفه من صوته انه عاده زعلان دخلت الاغراض داخل المطبخ
و طلعت وقربت منه وفجئه حبته على راسه ولوت عليه من وراه
شمايل "سامحني فديتك والله ما كنت اقصد الي قلته بس انت عارفني لين عصبت
سلمان مذهول من عمته اول مره تحبه بهذي الطريقه و تعتذر مع انها دوم ما تعتذر
بس لين اعتذرت تعتذر بطر يقه راقيه وعجيبه تحسس الي تعتذر له انه هو الغلطان
مو هي عجيبه عمته هذي
سلمان"مو مشكله يا الغاليه كني ما سمعت شي على العموم انا قلت ان ما يدخلني
في هذي السالفه نهائي عشان ما نخسر بعض
شمايل"اي سالفه شوف سلمان انا ما عندي اي سوالف من اي نوع وخاصه الي ترتبط بخالك المحترم عشان كذا ريح نفسك ولا تفتح معاي اي شي فاهم
سلمان"مثل ما تبين انا بروح عشان اصلي ......
شمايل"بتغدى بالبيت ولا برع .......
سلمان "اهني وش راح تسوين لنا ....
شمايل"بسويلك مطبق سلمون ومعاه دقوس عجب هذا غير الحلوووووو
سلمان"هههههههههه مطبق شنو انا اخبر المطبق زبيدي مو هههههههه
شمايل "سلمانوه و صمخ بطيت اذوني والله هذا الي موجود احمد ربك
اوه على فكره ترى رفيجتي راح تجيني يعني للعلم
سلمان"اوكي مافي مشكله انا طالع بعد العصر مع رفجاني
شمايل"خلاص يلا انا بروح ابدل و بسوي الغداء تبي شي زياده
سلمان"اي ابي عيش محمر معاه خاطري في دهنه عربيه بعد
شمايل"اوكي بشوف في من الدهنه الي جابتها امك اخر مره ولا لا
\
\
\
\
\
\
في الدوحه و في بيت ابو سلمان من صكت نجديه التلفون عن ولدها وهي
سارحه و تفكر الحين و الحل هذي سالفتها من سنين من ينجاب طاري اخوها
تقول جبريت يشب لا و الاخ مو مهتم عادي عنده حتى ما يدري عنها اي شي
بارد هذا الرجال عليه برود يذبح شلون البنت راح تتقبله اذا هو ما يتحرك
عنده هي مثلها مثل اي مره ما تفرق تزوجها ولا ما تزوجها شلون راح يعيشون
مع بعض هي بعنادها و غرورها و هو بأبرودته و عنجهيته راح تكون قنبله الله
يعين ما انتبهت نجديه على دشه رجلها الي قعد احذا بنته الجازي ويطالعها
ثاني (ابوسلمان)"خير وش فيها امج صاخه مالها حس
الجازي "ما ادري يوبه من صكت من عند سلمان وهي على هذي الحاله
ثاني "اها السالفه فيها اخوج اكيد الحين بتفجها مناحه علينا
الجازي وهي تضحك"حرام يوبه مشتاقه له بعد ولدها ..
ثاني"هههههه صبري شوي اقول يا الربع وش اخبار سلمان
نجديه بلاشعور"بعد قلبي وليدي ايه عليه ...
اهني ضحك ثاني والجازي فطست ضحك عليها لين ماكنت منتبه تقول اشياء لا شعوريه ... انتبهت على ضحكهم هذا متى جاء ما شافته
نجديه"خير وش الي يضحك ضحكوني معاكم و متى جيت انا ما شفتك
ثاني "شلون تشوفين وانتي خبر خير من تكلمين ولدج تضيع علومج
نجديه "احطلك تاكل ولا بتنطر الاعيال ..
ثاني "خير يا ام سلمان وش فيج مو بالعاده تكلمين بهذي الطريقه
نجديه"لا فديتك ما فيني شي بس اليوم قمت وانا معومسه شكلي بزكم عادتني بنتك
ثاني "الجازي روحي غرفتج ابي امج في كلمه
الجازي "ان شاء الله يوبه من رخصتكم
ثاني "وش السالفه انتي فيج شي خير سلمان فيه شي شمايل صاير لها شي
نجديه"لا فديتك محد فيه شي كلهم بخير
ثاني "عجل وش فيج ولا تقولين انج مزكمه هذي ما تطوف علي قولي الي عندج
نجديه"ما ادري وش اقولك بس يا ابو سلمان انت ما تلاحض ان اختك ما تبي العرس ولا تبي اخوي
ثاني "شايف و عارف بس هذا الشي خلاص انتهى وما عاد فيه مفاصله هي قدها حرمته من زمان و كل الي باقي العرس
نجديه"كيف وهم مو طايقين بعض شلون بيعيشون مع بعض
ثاني "بيعيشون لا تخافين اكيد بيصير بينهم احتكاك كبير بس لا تخافين على اخوج راح يقدر يروضها بس اذا قدر يكسب عقلها قبل كل شي انتي تعرفين
شمايل تحب الي يتعامل معاها يتعامل من منطلق انه ندها وفي كل شي
نجديه "انا خايفه انت عارف غرور اختك وعارف برود اخوي يعني بتصير حرب
ثاني"هذا الي يحلي الحياه ويخليلها طعم و لا ناسيه وش كانت حالتنا انا وانتي
نجديه"هههههههههههه لا تذكرني يما رقدتك برع من الحره
ثاني وهو يغمزلها "بس من الحره الا قولي من الغيره اقول عادني ابي حرمه ثانيه
طالعته نجديه بغضب ...........
نجديه "سوها ويكون اخر يوم في عمرك اعيالك كبرك وعادك فيك سوك
فطس ثاني من الضحك عادها تغار وتموت عليه قرب منها
ثاني "انتي عندي تسوين الدنيا وما فيها انتي الي في قلبي وروحي انتي
ام عيالي وبنت عمي
استحت نجديه بشكل كبير رغم كل هذي الاسنين و الاعيال الي كبرو ورغم كل شي
تحس مع ثاني كنها البنت الي تزوجته وعمرها 16سنه احساسها اتجاهه ما تغير اذا ما كبر وصار اكبر مع العشره تحبه وتغليه ومحد يسواه عندها ولد عمها ورجلها وابوعيالها ابتسمت له بحب كبير
نجديه"فديت روحك الله يخليك لنا و يطولنا في عمرك يا الغالي
\
\
\
\
\
\
\
وفي الرياض و في بيت ابو راكان كان الوضع يختلف بشكل كبير
ابو راكان (فهد)و ام راكان (لولوه) عندهم من الاعيال نجديه الكبيره عمرها 33سنه
وهي زوجه ثاني اخو شمايل وعقيها يجي
راكان وعمره 32سنه دكتور وجراح اختصاصي في القلب
وبعده بندر وعمره 28سنه يشتغل مع ابوه في شركه المقاولات الي لهم
متزوج من بنت خالته مشاعل و عنده منها ولدين
فهد و ومحمد و هي الحين حامل في شهرها الثامن

وعقبه يجون التوم
جنان 24 سنه مدرسه لغه اجليزيه بنت مطيوره وراعيه اكشنات بس تسمع الكلام على العكس من اختها
رناد 24سنه تشتغل في شركه خاصه بالحاسب الالي هي النقيض من جنان هاديه و رزينه و تفكر الف مره قبل لا تسوي شي عيبها الوحيد هو غرورها البنات كل و حده منهم اجمل من الثانيه وخاصه انهم توم
جنان ورناد قاعدين في الصاله ويطا لعون التلفزيون ومندمجين دخلت
عليهم امهم لقتهم متسدحين ومشاهدين التلفزيون
ام راكان"انتو كله حالتكم كذا مشاهدين التلفزيون ولا هذا الكميوتر
جنان و رناد يضحكون على الكمبيوتر الي صار كميوتر
جنان"يمه اسمه كمبيوتر مو كميوتر
امها"الي هو اسمه قومو برزو الغداء الحين بيجي ابوكم واخوكم
رناد"يمه اجل وش شغلته الخدامه اذا احنا كله نكرف في هذا البيت
امها تطالعها بغضب"لا والله احلفي انتي لين رحتي بيت رجلك
وماكان بمقدوره يجيب لك خدم وش راح تسوين يا فالحه
رناد بغرور"اذا مو قادر على بنت فهد احسن له يضف وجه ولا يورينا اياه
جنان كانت تضحك من قلب بس ماسكه نفسها هذي امها دوم مناقر مع رناد
جنان"ولا يهمك الغاليه الحين نروح نجهزه انتي بس تامرين امر وسحبت
اختها معاها تعالي بس عن المناقر
وفي المطبخ و البنات يجهزون الغداء
رناد"والله حاله امي كله كارفتنا كراف تقولين شغالات اجل هذي وش شغلتها بالله
جنان"هههههههه انتي الي تجيبين الكلام لنفسك لو تسكتين وتسوين شغلج كان
ما سمعتي الي ما يعجبج
رناد بغضب "لا يا شيخه احلفي ما يكفي امي من صوب واخوج ذاك من صوب
جنان"على طاري راكان عندي لج خبريه سمعتها البارح
رناد"انتي ما تجوزين عن التصوخ افرضي حد صادج في يوم وش راح تسوين
جنان"اول شي انا ما كنت اتصوخ ثاني شي هم صوتهم كان عالي وسمعتهم
رناد"من هم هذول يا الخبل ....
جنان"ابوي وراكان ...
رناد"قولي بسرعه وش صاير يا رويتر ...........
جنان"هههههههههه حلوه رويتر هذي تصدقين انفع
رناد"اخلصي علينا قولي الي عندج ....
يا ترى وش اسمعت جنان؟؟؟؟
وش الي صاير بين راكان وابوه؟؟؟؟؟؟

 
 

 

عرض البوم صور NONO123   رد مع اقتباس
قديم 31-03-08, 10:41 PM   المشاركة رقم: 5
المعلومات
الكاتب:
اللقب:
ليلاس متألق


البيانات
التسجيل: Aug 2006
العضوية: 10657
المشاركات: 257
الجنس أنثى
معدل التقييم: NONO123 عضو على طريق التحسين
نقاط التقييم: 78

االدولة
البلدQatar
 
مدونتي

 

الإتصالات
الحالة:
NONO123 غير متواجد حالياً
وسائل الإتصال:

كاتب الموضوع : NONO123 المنتدى : القصص المكتمله من وحي قلم الاعضاء
New Suae

 

(الفصل الثالث)
رناد"اخلصي قولي وش صاير بين ابوي وراكان
جنان"الله يسلمج انا نازله تحت ابي اشرب ماي والا اسمع صوت عالي من مكتب ابوي تراه هو راكان كنوا يتخانقون
رناد"اوهووووووووووو خلصينا عطينا الزبده........
جنان"تبين معاها خبز ولا بدون هههههههه....
رناد "جنوه ويهد اخلصي وقولي الي عندج
جنان"اخوج بيعرس اخر الشهر الجاي .......
رناد"احلفي والله من من الاهل حد انعرفه ........
جنان"اصبري انا ما خلصت السالفه اخوج طلع متزوج يا فالحه
اهني رناد طلعت عيونها على برع مو مصدقه معقول اخوها تزوج من وراهم عشان كذا كان هو ابوها يتخانقون ...
رناد"من صجج معقول راكان متزوج من ورانا ....
جنان"ههههههه اصبري الي جاي اعظم
رناد "في اعظم من كذا ......
جنان"اخوج طلع متزوج واحنا انا وانتي الي ما ندري الزواج صارله من يوم سفر اخوج ورواحته يدرس برع
رناد"من صجج ومن هذي الي متزوجها اخونا
جنان"حزري فزري ........
رناد"جنانوه مالي بارض لج قولي من وخلصيني .....
جنان"بنت عمنا المصون .........
رناد"لا مو معقول شمايل ؟؟؟؟؟؟؟؟؟شلون
جنان"شلون هذي ما ادري بها بس الي سمعته اخوج مو راضي يتمم الزواج يقول انه زواج مو متكافئ و مدري شو وانها موش من مستواه وابوج قام يصارخ وعصب على الاخير ......
رناد"خرف اخوج وش هو الي هي مش من مستواه ما شالله عليها عيني عليها
بارده دارسه برع و على خبري انها تحضر ما جستير و ش يبي اكثر
جنان"هههههههههه اخوج خبره بها القديمه الي شكلها كان يخرع ومركبه
تقويم في سنونها المعوجه تخبرينها ماكانت تحب تلبس مثل البنات
وكله خشنه و كل وقتها مع اخونها الرجاجيل
رناد"هههههههه هذيك شمايل المراهقه الحين على قوله امي انها تعق الطير من السماء بعدين البنت منا مع الوقت تتغير
جنان"هههههههههه معليش هو ما شفها لكن لين شفها اكيد بيغير كلامه
رناد"اخلصي قطعي السلطه وانا بجهز السفره يلا ....
وفي مستشفى التخصصي كان راكان قاعد في غرفه الاطباء وفي راسه الف فكره وفكره وخاصه هوشته مع ابوه البارح بخصوص العرس نسى انه معرس ونسى سالفه
بنت عمه عمره ما فكر فيها يا ربي يخبرها وهي مراهقه تخرع بعدين هو ما يبيها
عنده مواصفات لزوجه المستقبل تختلف عن بنت عمه الحين وش راح يصير ابوه
حالف ان ما تتم هذا الزواج انه يتبرى منه وش هذا التخلف الي عليهم الحين كل شي تغير الا عقليه هذول الشيبان ما تتغير عادهم في العصور الحجريه و اردى
وش يسوي يتزوجها واذا ما دخلت مزاجه الله حلل اربع بياخذ غيرها (يا ولد يا خطير بكيفه هو كنه بتخليه يصبر شوي )
دخل طلال عليه لقاه سارح هو اليوم مو طبيعي من اصبح وفي شي شاغله
طلال"السلام عليكم ....
راكان"وعليكم السلام و الرحمه ..
طلال"خير يا راكان انت من جيت وحالك متغير و روحك في خشمك وش صاير
راكان"الخير بوجهك مافيني شي بس شكلك بتحضر عرسي قريب
طلال مستغرب"وش عرسه الي طلع بين يوم وليله متى خطبت ومتى صار كل هذا
راكان"خطبت هههههههههه انا مالج من زمان يا ريال
طلال بذهول"متى صار انا رفيجك من سنين ما قلتلي عن انك مالج
راكان"هههههههه انا كنت ناسي السالفه ما ذكرني فيها الا الوالد البارح بس
طلال "انت من صجك حد ينسى انه معرس انت عليك يا اخي برود يذبح
راكان "والله اني ناسي سالفه ازواج هذي صارت قبل سفري و يوم كان عمي
مريض حتى العروس ما ادري عنها شي خير شر
طلال"انت عجيب معرس القرن الي ما يعرف عن عروسه اي حاجه وين فتره الحب والعشق مالت صج
راكان"اي حب اي عشق انت بعد انا مو راعي هاي السوالف ويا وجهك قوم ضفه من جدامي يلا انقلع
\
\
\
\
\
\
وفي لندن وفي شقه شمايل اسمعت جرس الباب كانت توها طالعه من الحمام و انتو بكرامه وما خذه شور خاصه بعد كراف الضهر حق الغداء راحت عند الانتركوم
شمايل "هو وذ مي ؟؟؟
فتون"هذي انا يا المخفه .. .....
شمايل "يا هلا والله صبري بفجلج الباب ...
فتون برع عند الباب ويا اخوها بدر الي يسمع صوت شمايل الناعم و الرقيق
فتون"هوووووووووو يا الاخو وش فيك سارح في صوت البنت استح على وجهك
بدر"انطمي زين لقوم اكسرج متى تبيني امر عليج اخلصي
فتون"بسويلك تلفون لين خلصت .....
بدر"ولد اخوها مو هني متأكده ...
فتون"اي متأكده هي قالتيلي بنفسها ....
بدر"خلاص متى بغيتي تردين عطيني خبر ها عاد ما اوصيج ابي من الحلووووالي تسويه شي عجب ....
انفتح باب العماره وطلعت فتون مسرعه على شقه شمايل مكانهم حلووووووو وفخم
وعاجبتها شقتهم في حي راقي وفي حراسه وامن على اعماره مو مثل المكان
الي ساكنينه بس يلا مكانهم مقبول طقت جرس الباب افتحت شمايل
شمايل وهي تبوس فتون"هلا والله وغلا بفتونه تعالي دشي حياج
فتون"اوه يا خطيره انتي وش هذا الجمال و النعومه
شمايل وهي تلف على نفسها كانت لبسه بنطلون برمودا احمر و معاه احزام ابيض
و قميص ابيض فيه ورود حمره صغيره شبحات كان شكلها روعه وخاصه
شعرها الي يوصل لي كتفها و بكسراته الناعمه طالع روعه عليها شمايل بدون
ميكب قمه في الجمال و هي من الاشخاص الي يكرهون المكياج ما تحبه
شمايل"مرسي يا قلبي اعيونج الحلووووووووووه تعالي قعدي بجيب القهوه
و الحلووووووووووو مسويتلج كم نوع كرمى لعيونج انتي بس
فتون "تسلمين يا قلبي الا اقول شمايل
شمايل من المطبخ المفتوح على الصاله "هلا امري .....
فتون"يعني اذا تقرر العرس وش راح تسوين ويمديج تجهزين و فستان العرس
شمايل وهي تحط الصنيه مالت القهوه و الحلى جدامها"فتون احسن لج تسكتين ولا تغثيني بالسالفه هذي توني رايقه ما ابي اغتث
فتون"شمايل يا عمري الي انتي تسوينه غلط وغلط كبير بعد يعني زواجج منتهي
والي يصير تحصيل حاصل يعني لو شو تسوين راح يصير برضاج او عدمه
شمايل"عارفه والله عارفه بس غصب عني يوم تنجرح كرامتج وخاصه من الي تبنين
عليهم احلام المراهقه يكون جرحج كبير و تتحول المشاعر وتصير كره
فتون"يعني كانت في مشاعر قبول جه راكان والله وصدتج
شمايل تطالعها بغضب "الحين هذا الي مسكتيه علي ايه اعترف كانت في مشاعر
بس الحين وبعد كلامه صرت ماواطن شيفته
فتون"ما يصير هذا زوجج يعني راح تعيشين معاه على الحلوه و المره ولزم تحترمينه
وتصونينه في غيبته وحضوره
شمايل "انتي وش شايفتني صايعه عشان تقولين لي هذا الكلام
فتون"الغاليه والله مو قصدي بس انا اقول هذا الشي عشان مصلحتج
شمايل"شوفي فتون انا متربيه عدل و تربيتي تحتم علي اني احترمه
واكبر دليل اني طول هذي الاسنين ولا في لحظه نسيت اني شايله اسمه وعلي اني
اصون هذا الاسم حتى لو كرهت صاحبه وانتي شفتي بعينج يما تعرضت لتحرشات
فتون"ما اعتقد شمايل انتي شخصيه قويه من داخلج و عارفه كيف تواجهين الحياه بقوه واصرار وهذا الي يعجبني فيج انج عمليه
شمايل"يعني الحين تمدحيني ويا وجهج ....
فتون"هههههههه اشفيج اكيد امدحج
شمايل بصوت رقيق"بالعكس انا مثلي مثلج ما افرق عنج في شي ابي اعيش
مع انسان يحبني ويعيشني لحظات الحب و الدلع بس واقعي فرض علي
انسان بارد و عايش لنفسه وبس عمره ما فكر ولا لحظه انه عنده زوجه
يسأل عنها او مثل باقي المتزوجين يضرب يقول كلام حلووووووو خبر خير ما يدري عن الدنيا عياش عالمه ببرود
فتون"يعني لو سو كذا كان غيرتي رايج ؟؟؟
شمايل"تبين الصج ما تفرق عندي سوا او ما سوا انا مو قادره اقبله كرجل وكزوج مو قادره احسه انسان سطحي ما تهمه غير المظاهر الشكل وبس
فتون"ما ادري وش اقولج انتي ابخص بنفسج
شمايل"هذج قلتيها انا ابخص بنفسي يعني اكلي من الكيكه وانتي ساكته
فتون"ههههه على فكره ابي من الحلووووووووو حق بدور موصيني وصاه
شمايل"افا بس اكيد مسويه زود اعرفج انا تموتين على الي اسويه واخوج الزطي
فتون"ههههههههه اما زطي زطي ما يخليلي منه شي يبلعه كله
شمايل"في العافيه ........
فتون"تدرين شي في احيان كثير اتمناج حق بدر اخوي ودي تكونين زوجه اخوي وتعيشين معانا بس يلا هذا النصيب
شمايل تطالعها بحب"هذج قلتيها النصيب و بخبث ما تدرين يمكن انتي الي تعيشين عندنا
فتون بنص عين "وش قصدج الشيخه قولي وش عندج
شمايل"هههههههه ولا شي
شمايل تشوف ان فتون مناسبه لولد اخوها (سلمان) شخصيتها تركب على شخصيته وبعدين
راح تقدر على القطو العود هههههههه حلوه هذي بس يا ترى بيصير الي في بالها
وتخطط له ولا لا ما تدري الدنيا نصيب وكل يا خذ نصيبه والي مكتوب له


وفي بيت ابو ثاني سلمان رجال له هبيه والي يشوفه تعجبه شخصيته رجال عصامي
بنا نفسه بنفسه لما جاء الدوحه عشان امه الله يرحمها كانت الزوجه الثانيه لبوهم
بس بعد وفاته امه ما حبت تقعد في الرياض وقررت تعود لهلها و كان معاها ولدها الوحيد سلمان كان انسان ذكي و عارف هو وش يبغي عشان كذا كل اعياله
طلعو عليه في افكاره ويمكن اكثر وحده تشبهه في شخصيتها هي شمايل بحكم انها
الاصغيره و اخر العنقود و هو متزوج من بنت خاله (كلثم) و عندهم
ثاني 40سنه وهو الي يشتغل مع ابوه في الشركه و مثل ما قلتلكم
متزوج بنت عمه نجديه
بعده يجي سلطان33سنه و بعد يشتغل في شركه ابوه و متزوج من
اهلهم من صوب امه وضحه و عنده ثلاث بنات ولد واحد
بعده يجي علي28سنه يشتغل طيار و مو متزوج و عزوبي لحد الحين
واخر العنقود هي بطلتنا شمايل 25سنه
كان ابو ثاني مثل العاده قاعد يقرى الجريده و هو يشرب اقهوته قبل لا يروح
الشركه مع انه تقاعد بس يروح يقعد له ساعه او اكثر و يعود خاصه بعد نوبه
القلب الاخيره والي حذره منها الدكتور ومنعه انه يرهق نفسه
كانت ام ثاني جدامه وتقهويه يوم سمعت ولدها داخل عليهم يصبح
علي"صباح الخير عليكم ...
راح دنق على امه يحبها و راح لبوه بعدها يدنق عليه ويحبه
ام ثاني"صبحك الله بنواره يا الغالي تعال قرب افطر مع ابوك
ابوثاني"وعليكم السلام انت متى جيت
علي"البارح الساعه اربع الفجر ...
ابوثاني "انت لو تترك هذي الشغله وتمسك الشركه مع اخوانك احنا في خير
علي"يا ابوي انت عارف انا ما فيني على شغل التجاره وما افهم فيها و ما احبها
ابوثاني "يعني يعجبك لا ليلك ليل ولا نهارك نهار وكله ما بين السما و الارض
لا زوجه ولا عيال لين متى
علي شكل ابوه اليوم مشوط عليه بالقوه و مستلمه من صباح الله خير
ابوثاني"خير اشوفك ما ترد علي مو عاجبك كلامي مثل العاده مافي فايده انت
مفقود منك الرجاء
ام ثاني "اعوذ بالله يا رجال وش فيك على الولد خله في حاله
ابوثاني"دلعج فيه هو الي مخليه كذا اخته الي اصغر منه احسن منه الف مره
علي "يا ابوي انت ليش كله تقارن بيني وبين اخواني يا ابوي الانسان يشتغل الي
يحبه وانا ناجح في شغلي فليش مو عاجبك ليش و هو يقوم من مكانه ويروح غرفته
ام ثاني"هذك كسرت خاطر الولد ليش دوم تحسسه انه فاشل وهو احسن الناس
ابوثاني"من قال اني اشوفه فاشل بالعكس انا اشوف نفسي فيه بس ابيه يتحرك
يصير له بيت وعيال وهو رافظ من يوم الي صار
ام ثاني بحزن"انت ناسي انه كان يحبها الولد كان ميت عليها وربنا ماكتب الله يرحمها ويرحمنا برحمته
ابوثاني"هذج قلتيها البنت راحت الله يرحمها والحي ابقى من الميت مو يدفن روحه معاها
ام ثاني بحزن"ليش انا ما ودي وليدي يتزوج و يصير عنده عيال جيزه جيز غيره
بس مو بيدنا ولدك لين الحين عايش معاها و مع ذكرياته وياها ولدي حاله يقطع القلب .......
ابو ثاني بحزن اكبر"الله يعين انا رايح تامرين على شي
ام ثاني "لا تطول ولا اتعب روحك
ابوثاني "تامرين امر يالله من رخصتج
وش سالفه علي ومن هي الي ماتت وعايش مع ذكرياتها ؟؟؟؟
لقائنا انشاء الله في الاسبوع القادم لكم تحياتي

 
 

 

عرض البوم صور NONO123   رد مع اقتباس
إضافة رد

مواقع النشر (المفضلة)

الكلمات الدلالية (Tags)
خفقات قلب و تمرد أنثى, قصة خفقات قلب و تمرد أنثى
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 10:26 AM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية