للاعلان لدينا اضغط هنا


العودة   منتديات ليلاس > القصص والروايات > منتدى قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء

إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 03-04-08, 10:18 PM   المشاركة رقم: 201
المعلومات
الكاتب:
اللقب:
ليلاس متألق


البيانات
التسجيل: Oct 2007
العضوية: 45521
المشاركات: 165
الجنس أنثى
معدل التقييم: زيونه الحلوه عضو بحاجه الى تحسين وضعه
نقاط التقييم: 10
شكراً: 0
تم شكره 6 مرة في مشاركة واحدة

االدولة
البلدBahrain
 
مدونتي

 

الإتصالات
الحالة:
زيونه الحلوه غير متواجد حالياً
وسائل الإتصال:

كاتب الموضوع : زيونه الحلوه المنتدى : القصص المكتمله من وحي قلم الاعضاء
افتراضي

 

منار : يمه يا الله بروح تاخرت
وقفت مذهوله ومصدومه شخص مختفي من شهور واحين رجع لاكن رجع غير الي راح
الي رجع شبحه
اشهقت بصوت عالي : يمه
ام مشاري : ذبحتيني شفيج وقفت مصدومه بعدها راحت له : مشعل وينك انت ذبحتني بعدك عني
مشعل : بخير وباس راسها انا اسف يا الغاليه
ام مشاري : انا مااقدر اشيل عليك بس بنت الناس الي طلقتها والله اعلم السبب و خليتها مطلقه واهي حامل
مشعل وقف مصدوم بعدين رد بجفىى: انا ماعندي زوجه اصلا زواجي غلطه والحمدالله صلحتها
منار : ياريتك مارجعت انت ماتحس وطلعت عنه
مشعل : شفيها ذي يعني خذت خالها صارت وياها
ام مشاري : اذا تبي الصراحه كلنه وياها البنت ماعليها كلام و بنت اصل بس انت جليل خاتمه
مشعل : يمه انا تعبان وماابي اتناقش في هل موضوع انسي الفكره و الولد انا بصرف عليه
ام مشاري : اسمع انا احين بخليك بس لي كلام ثاني معاك
دخلت الصاله واقعد واهو كان بصعد لغرفته
في هل لحظه كانت شذى واصله ودشت
شذى : افف حرر ياربي الناس برد بس انا ميته من الحر
ام مشاري : هلا بنتي شخبارج
شذى : دخلت بس ماجافت الشخص الثالث الي موجود: بخير يا خالتي بس ولدكم متعبني
ام مشاري : هههههههههه يا الله كلها فتره و بتولدين
شذى بحنان لمست بطنها :اي اخخ متى اجوفه بس
مشعل الي وقف لما سمع صوتها وكان قلبه يدق بسرع
هل موقف يحسه صعب عليه يحس بشوق ذابه لها بس كرامته عنده فوق كل شي
شذى حست بوجود شخص التفت والتقت عيونها بعيونه
زادت نبضات قلبها اهي لحد احين مو مستعده حق مقابلته عقب هل فتره يمكن خمس شهور
تكون عن البعض مو كلش طويله بس عندها كانت مثل السنوات تحس مشاعرها متلخبطه اهي شوق ولا خوف ولا كره ماكانت تقدر تفسرها كانت نظراتها له لوم وعتاب
شالت عينها عنه و قامت من مكانها عشان بتطلع
ومشعل كان يحس بنفس الاحاسيس ويحس بشوق لها و مشتاق لجوفتها ولصوتها ولكل شي
لاحظ التغير الي طرى عليها و بطنها الي شوي منتفخ
و راح باله ليوم الي كان وياها يتكلمون عن اليهال
مشعل ظك اخخ متى اجوف بطنج منفوخ فيه بيبي واقعد اسولف وياه والعب وياه
شذى : جريب ان شاء الله حياتي تبين اول شي شنو
مشعل : اي شي اهم شي بيبي مثلج
شذى : اذا ولد ابيه مثلك
مشعل : واذا بنت عليج

التفت يدورها كانت اطلعت من الصاله والبيت بكبره
تنهد وصعد الغرفه الي كانت تجمعهم سوى
دخلها شافها ماتغيرت
حس بضيق دخل خذ له شور وطلع من البيت

شذى رجعت البيت وقعدت مده في السياره عشان تهدي نفسها
شذى : المفروض كنت اسمعه كلام عشان يحس شوي .. بس كسر خاطري تغير وقعدت تصيحوحشني لا لازم اصير قويه .. وكانت تفكر ومانتبهت لعبدالعزيز الي واقف
وضرب الجامه
عبدالعزيز : الحلو سرحان في شنو
انتفضت لانها ماتدري عنه
ابتسمت له: مافيني شي بس احس بتعد
عبدالعزيز : تبي اوديج المستشفى
شذى : لا مايحتاج
دخلها داخل وياب لها كاس ماي
عبدالعزيز : تفضلي
كانت سرحانه تفكر
حط الكاس على الطاوله وقعد يمها : شفيج
شذى: جفته .. جفته وقعدت تصيح
عبدالعزيز : من الي جفتيه
شذى : مشعل
عبدالعزيز :..............
شذى : كان راجع من السفر تغير وايد مو الي اعرفه ضعفان و حالته حاله انا عمري ماجفته على هل حال
عبدالعزيز : لا تفكرين فيه خليه يولي الي باعج بيعيه
ورن تلفونها وكانت منار متصله
شذى : الوو
منار : شخبارج يا الغاليه
شذى : زفت والحمدالله
منار : جفتيه
شذى : اي وياليتني ماجفته وقعدت تصيح
منار : حبيبتي هدي دقايق وبيي لج
بعد 10 دقايق وصلتمنار وراحت لغرفة شذى
كانت قاعده على السرير وماسكه المخده وتصيح
منار : افاا ليش الدموع تره دموعج غاليه علي
وقعدت يمها وحضنتها
منار : شذى لاتفكرين فيه اهو مايستاهلج احنه كلنه وياج تصدقين انا انصدمت لجوفته وقلت له ياريتك مارجعت
شذى : حرام عليج شكله تعبان ماجفتيه
منار : ياقلبي تفكرين فيه واهو خلاج وراح
شذى : منار انا خايفه
منار : لاتخافين مايقدر يسوي شي
شذى : خايفه ياخذ ولدي
منار : مايقدر


مشعل الي راح بيت اخته طق الباب
افتحت الخدامه الباب وقالت لطلال بابا مشعل يبيك
مشاعل : مشعللللللللللللللللل
الشغاله : اي ماما
طلال : اكيد
الشغاله : اي بابا اكيد بابا مشعل
دخلو المجلس وكان قاعد
مشاعل راحت له وحضنته : وينك انت وين رحت وليش غايب هل فتره وليش طلقت شذى
مشعل : هلا مشاعل كل هل اساله قولي مشتاقه لي وخلاص
مشاعل : ذبحتنه بغيبتك
مشعل : ههههههه هل كثر انا مهم لو ادري سويتها من زمان
ضربته على صدره
مشعل : ههههه
طلال : هلا وينك يا القاطع وسلم عليه بحراره
مشعل : ويا الدنيا
طلال : الف مبروك حمل زوجتك
مشاعل طالعته بلوم
طلال : او سوري
مشعل : لاعادي يا اخوي شكلي برجعها
مشاعل : يوم تطلقها وبترد بترجعها ليش لعبه عندك
مشعل : انتي مالج خص سمعتي طلال ابيك اتيي معاي اروح لابوها لان مشاري مارضى يكلمني او ايي معاي
طلال : لانك غلطان من ساسك لين راسك
مشعل : لاتزيد همي همين
مشاعل : ليش تبينه نسكت الي سويته مو شوي
مشعل : انتو معاها ولا معاي
مشاعل : مع الحق لو شنو صار بينكم مالك حق بالي سويته انت ماتدري اهي شكثر عانت بسببك ترقدت في المستشفى وعانت من كلام الناس حتى الجامعه تركتها و اهي احين بيت خالها و طلعت احسن منك تزورنه وتسال عنه و على طول عند امي لاكن انت شردت
مشعل : ارجوج لاتزيدين علي
مشاعل : لازم تسمع لانه بتسمع اكثر من جي
مشعل : طلال بتيي معاي قوم بدل وبنتظرك 10 دقايق تاخرت بروح

وقام وطلع
طلال : بروح الحقه لايسوي شي يفشلنه زود
مشاعل : ان شاء الله يطردونكم ومشت عنه
طلال : انا شلي خص
وراح لبس ثوبه
وطلع لمشعل
بعدها توجهو بيت اهل شذى
كان مشعل على اعصابه
دخلتهم الشغاله المجلس
بو خالد دخل انصدم بمشعل
بوخالد : سلام
مشعل وطلال : عليكم السلام
قام مشعل ببوس راسه
بو خالد : لا تجرب مني عقب الي سويته لك ويه اتيني
مشعل : سامحني يا يبه انا غلط وياي اعدل الغلط
بو خالد : عقب شنو حسيت على نفسك
مشعل : يبه غضب عني بقول لك الموضوع وانت قول معاي حق او لا
طلال : عيل انا بستاذن لين تخلصون
بوخالد : ياولدي اقعد انت واحد منه وفينه
طلال : لا ياعمي هل شي بينكم وانا ماابي اكون موجود
وطلع
بو خالد : تفضل يا ولدي
مشعل : قال له السالفه الي صارت في يوم حفلة عبدالعزيز
بوخالد انذهل وقعد يفكر مايدري يلوم بنته او يلوم زوجها : والله ياولدي انا متفشل منك وبنتي فشلتنه .. احين انا ماالومك على الي سويته بس لازم تسمعها اول
مشعل : يبه ماقدرت اسمعها جفت الصور بعيني والرساله
بو خالد : انا متفشل ياولدي منك وامرني
مشعل : مايامر عليك عدو يبه بس ابي ارجعها
بوخالد : بترجعها بعد سواد ويها
مشعل : انا في الفتره الي بعدت عنها عرفت اني مااقدر ابتعد عنها و ماادري احس اني ظلمتها وانا ابيها
بو خالد : البنت زوجتك وتقدر ترجعها وقت الي تبي
مشعل : انا اسف يبه على الي صار
بوخالد : لاتالسف ياولدي شكلي ماعرفت اربيها عدل
مشعل : عن اذنك بروح عندي اشغال بكملهم
بو خالد : اذنك معاك
وطلع مشعل
بوخالد جلس مكانه وحس بضيق
ام خالد دخلت عليه : شصار
بوخالد : بنتج فشلتنه ونزلت راسنه عند الريال
ام خالد : ليش شنو سويت
بو خالد : مو مهم بس اهو برجعها
ام خالد باعتراض : شنو يرجعها يوم يطلقها و خلاها تعاني احين برجعها انا حسيت بنتي بتستخف مو كفايه اهي بعيده و قاعده عند اخوي و ماتبي اتيي هني لانك ظلمتها اول وعرفت ان يمكن تسويها وتظلمها مره ثانيه
بوخالد : بترجع له وغصب عنها ومافي نقاش في هل موضوع

شذى كانت على السرير تحس بتعب وهموم الدنيا كلها على راسها
كانت خايفه من الي بصير تحس قلبها ناقزها

منار رجعت البيت
منار : يمه ولدج الي مايتسمى وينه
ام مشاري : منار احترمي نفسج
منار : اهو الي ماحترم حاله بالي سواه
ام مشاري : منار
منار : انزين بسكت بس والله حرام شذى نفسيتها دمار
ام مشاري : مشعل يبي يرجعها
منار : يرجعهااااااااااااا هذي استخف وقعد عباله لعبه اهي مصدق روحه بترجع له
مشعل : بترجع وغصب سمعتي ولا تطولين صوتج سامعه
منار التفت عليه ومشت بتروح غرفتها مسك يدها
مشعل : سمعي قولي لها اني ابي اكلمها
منار : مالي خص فيك سمعت
مشعل : قولي لها الي قلت لج ومالج خص بالباقي
منار : روح كلمها بروحك عن اذنك وشالت يدها

واتصلت في عبدالعزيز تشكي له
منار : انا خايفه عليها
عبدالعيزز : لاتخافين مابسوي شي
منار قعدت تصيح
عبدالعزيز : منوره لاتصيحين انا ارعف ان صعب عليج الي يصير بس خلج قويه لانه احين اهي محتاجه لنه
منار : خيافه من الي بصير
عبدالعزيز : منوره لاتخافين قل لن يصيبنا إلا ما كتب الله لنا وقومي غسلي ويهج وخلج قويه يا الله انا بروح عندي اجتماع
منار : اوكيه باي

على العصر اتصل مشعل في طلال عشان يخلي عمامه واخوه يرؤوحون بيت جده
عشان يعتذر لهم ويكلمهم في الموضوع


على العصر كانو عمامه اجتمعو في بيت الجد

مشعل : سلام عليكم
الجد محمد : مانبي منك لاسلام ولا كلام هذي اخر تربيتنه فيك
مشعل : يدي اسمعي اول بعدين قول الي تبي
الجد محمد : مانبي نسمع منك شي وبيتي يتعذرك
بو عادل : يبه خلنه نسمعه مهما كان هذي ولدنه
الجد محمد : لو مو عشان عمامك وقدر ابوك جان طردتك
مشعل : انا اعرف اني غلطت في الي سويته \ وانا ياي اليوم وابيكم تساعدوني عشان اعدل كل شي صار و انا كلمت عمي بوخالد واهو قال لي كيفك وياها و قلت له اسبابي والالي صار
واحين مايهم شنو السبب لان هل شي بيني وبينها بس الي ابيه ان تساعدوني اني اكلمها لان اعرف ان بترفض فابي يدي يكلمها لان اعرف انه يمون عليها
الجد محمد : انا مابكلمها لاني مو راضي على الي صار مهما سوت االمفروض ماتطلقها وتستر عليها هذي اول شي وثاني شي حتى لو فيها شي انت ماتحبه تقدر تعدله او لازم في شي ثاني تحبه وانا الصراحه ماجفت عليها شي بنت مؤدبه وخلوقه ومافي مثلها
مشعل : بس يدي الي صار محد يلومني فيه لانه شي اي واحد مكاني بسويه
الجد محمد : انا مايهمني الي صار بس ترجعها وبرضاها انا ماابي ولدنه يربى بعيد عن ابوه
مشعل : وانا ابيك تكلمها لانها مابتسمعني
مشاري : عيل تبي تطلقها وتروح وترد تبيها سيده تسامحك
مشعل : المفروض اهي تعذرني
مشاري بعصبيه: لا صج شنو تعذرك.. تطلقها واهي حامل وتبي تعذرك تعرف انك عديم احساس و قام عنهم وطلع
الجد محمد : جمال الحق ولد اخوك هده وانت يا مشعل هذي اخر مره لك تسوي هل شي
ويا الله قوم روح لحرمتك وجوفها وحاول وياها صج اهي يمكن تردك بس اصبر عليها
بوطارق :ان شاء الله يبه وقام يجوف مشاري

 
 

 

عرض البوم صور زيونه الحلوه   رد مع اقتباس
قديم 03-04-08, 10:19 PM   المشاركة رقم: 202
المعلومات
الكاتب:
اللقب:
ليلاس متألق


البيانات
التسجيل: Oct 2007
العضوية: 45521
المشاركات: 165
الجنس أنثى
معدل التقييم: زيونه الحلوه عضو بحاجه الى تحسين وضعه
نقاط التقييم: 10
شكراً: 0
تم شكره 6 مرة في مشاركة واحدة

االدولة
البلدBahrain
 
مدونتي

 

الإتصالات
الحالة:
زيونه الحلوه غير متواجد حالياً
وسائل الإتصال:

كاتب الموضوع : زيونه الحلوه المنتدى : القصص المكتمله من وحي قلم الاعضاء
افتراضي

 

مشاري : هذي استخف وقعد
بو طارق : شكله بس احنه ماندري شلي خلها يطلقها
مشاري : حتى لو شنو بينهم عاد طلقتها انزين ليش تشرد و ترجع وتبي ترجعها هل ادمي ماعنده دم ولا يحس كان بودي اكفخه عشان يمكن يحس
بو طارق : هههههه انته هد اعصابك هذي مو اختك تسوي جي لو منور شنو بتسوي
مشاري : جمال انا اعتبرها مثل اختي لاتنسى انها كانت اتيي وتلعب ويا منور و ربت في بيتنه
وثاني شي لازم نعامل غيرنه مثل مانحب يعني لو انا وقفت وياه في ظلمها بيي اليوم الي بتنظلم وحده من خواتي ولا عيالي
بو طارق : معاك حق في اللي قلته بس من الي بتنظلم مشاعل ماله امل يسوي شي طلال عندها مثل الارنب بس فالح علينه
مشاري : هههههههههههه انا اقول بس جي ... مثل ماتدين تدان
بو طارق : هذي مشاري الي ارعفه الي يضحك ولا يعصب
مشاري : هل اخو يخلي الواحد في حاله

كان مشعل طالع في ويهم : مشاري انا اسف على الي صار يا اخوي بس والله غصب عني
مشاري طنشه ولا كانه يسمع بس عمه طالعه وكان يقصد كلمه
مشاري : هل كلام مو لي تقوله قوله للي ظالمها
مشعل : يا اخوي ابيك تصير سند لي
مشاري : انا سند وياك في كل شي الا هل موضوع يا الله انا ماشي مع السلامه
مشعل : فمان الله


بعد ايام كان في سيارته
وكان رايح بيت عبدالعزيز
عشان يكلم شذى

طق الجرس وكان ينتظر الجواب ويحسب الدقايق والثواني
كان يحس قلبه شوي ويطلع من محله

بعد دقايق ... فتح عبدالعزيز الباب
عبدالعزيز : خير اشتبي
مشعل : ممكن اكلم شذى شوي
عبدالعزيز : مابينه وبينك كلام وكان بصك الباب بس يد مشعل امنعته
مشعل : ممكن اكلمها
عبدالعزيز : قلت لك مابينك وبينها كلام خلاص البنت ماتبي تكلمك
سمع صوت من وراه : خله يدش
عبدالعزيز : تفضل
راحت الصاله ولحقها مشعل
شذى : شوق شتبي بسرع و اذلف
مشعل : شذى انا مشتاق لج احس روحي بدونج مااقدر اعيش انا من غيرج ولا شي انا ندمان على الي صار كان المفروض اسمعج .
اقطعته : ندمان اسمعني ولاتقاطعني انا خلاص عفتك والنفس عافتك وماعدت ابيك زواجي غلطه والحمدالله تصلحت هذي شي والشي الثاني انا ماعدت احبك كرهتك وكرهت كل شي يربطني فيك حتى الود الي انا حاملته هذي ولدي بروحي انت بالنسبه له ولي مت و لو سمحت تفضل وقامت وطلعت عنه
كان قاعد ويحس روحه في حلم مزعج بعدها قام وطلع
عبدالعزيز : ليش فكرت ان من اول ماتيي بتسامحك .. اهي عانت منك لو سمحت ابعد ماابيها تعامني منك
مشعل : انا
قاطعه انت شنو علمني انت شنو انت لو تحبها وثقت فيها مو من اول عقبه او شي طلقتها
ماقدر يرد عليها و ركب سيارته و قعد يفتر في الشوارع مو عارف شنو يسوي
في نفس اليوم زارها ابوها

بوخالد : يا بنتي شخبارج لين متى بتقطعين
شذى : يبه هني مرتاحه الحمدالله و بعد اسلي خالي لين يتزوج
بو خالد : يبه انا يايج عشان شي
شذى : عرفت الي تبي تقول يبه الي بيني وبينه انتهى وانا ماابيه
بو خالد بحده : بتردين له غصب عنج عقب سواد ويهج تعاندين الي مثلج مايتكلم
شذى : يبه
بو خالد : شنو بتقولين
شذى : والله والله الي خلقني انا ماارعف عن الصور و بعد انا مالي دخل فيه ولا في غيره انا حبيت زوجي وخلصت له و اصلا اهو متزوج وزوجته صديقتي وانا مااقدر اخونها او اخون زوجي واهو عاش وياي ولازم يعرفني
بو خالد : سمعي باجر الصبح ابي اغراضج جاهزه وبتردين عليه ولا ترى انتي لابنتي ولا اعرفج
شذى : يبه حرام عليك وقعدت تصيح
بوخالد عورت قلبه بس حب يكون قاسي لانه مايبيها اتم جي ومايبي ولدها ينولد في هل اوضاع
تركى وطلع عشان لايضعف
قعدت تصيح
عبدالعزيز داخل يغني : يسالني مكانو وين جو قلبي ولا العين مايدري
سكت لما جاف شذى تصيح الاميره ليش تصيح من الي زعلها
شذى : ابووي يبيني ارد له
عبدالعززي : شنو تردين له
شذى : ابوي قال و هذي امر وتعرف اوامره اهئ اهئ
حضنها و قعد يمسح على راسها : يا الغاليه هدي انتي تعرفين احين ماتقدرين تسوين شي ؟ ( وعسى أن تكرهوا شيئا وهو خير لكم)
شذى : انا اكرهه ماابي ياريته يموت
عبدالعززي : شذى انتي مو ياهل وحرام تدعين عليه
شذى : اهو سبب كل البلاوي
عبدالعززي : اوش خلاص يا الله قومي غسلي ويهج وخلج قويه يا الله انا عازمج انتي منور خبرج لازم انتي ويانه
شذى مالي نفس
عبدالعزيز : وان قلت عشان عزوزي
شذى : ههههههههه انزين خلاص
عبدالعزيز بجديه : سمعي احين انتي غصب بتردين له بس ان سوه لج شي او قال شي ماتردين له لو على موتي
شذى : بسم الله عليك الله يخليك لمنوره
عبدالعزيز : خلاص اخجلتيني وحط يده على ويهه
شذى : هههههه انت مايطيح عليك تستحي
عبدالعزيز : انزين عن الهذره الزايده وقومي تراني متطرقع من اليوم
شذى : على هل خشم ثواني واكون جاهزه بس تعال الناس مغرب وانت يوعان وغدى غديناك
عبدالعزيز : بعد يوعان شنو اسوي
شذى : والله انك تاكل اكثر مني يا الدب و لا تمتن اما انه صرت فيله
عبدالعزيز : هههههه قولي ماشاء الله لاباجر اصير حوت
شذى : ياليت هههههه
عبدالعزيز : قومي وعن السوالف
و قضت اليوم وناسه
في الليل ماكانت تقدر تنام وتحس بتقلصات

في يوم الثاني ياها ابوها وخذها كان ودها تختفي او تكون غير مرئيه
بعد ماوصلو بيت مشعل
دخل ابوها المجلس واهي ويا
الخدامه قالت لام مشاري و مشعل كان موجود سمع
تفاجئ شذى مع ابوها هني امس طاردته واليومي يايه
منار كانت على الدرج تسمع كل شي
وراحت تكلم عبدالعززي وقال لها عن الي صار بين شذى وابوها وخلته لانه مشغول
منار : ياويل قلبي عليها مسكينه الله يعينها

في المجلس
ام مشاري : هلا والله تو مانور البيت .. اخوي شخبارك وشخبار ام خالد
بوخالد : بخير وهذي الأمانه وصلت لكم وانا احين اترخص
مشعل : وين ياعمي توك ياي اقعد تقهوه
بوخالد : يابوك مشغول يا الله مره ثانيه مع السلامه

شذى من يات واهي حاطه الشيله على ويها وماارفعت راسها ومن كثر مااهي تفكر وحاسه بضيق تحس باللام بس متحمله

ام مشاري : مشعل خذ زوجتك ترتاح اهي في الشهر السادس و يمكن تعبانه من القعده
مشعل : ان شاء الله وراح لها يا الله امشي بساعدج
دفعت يده بقسوه : اقدر امشي بروحي ومشت عنه راحت لدار منار دخلت و صكت الباب
منار تخرعت وطلعت من الحمام ( وانتو بالكرامه ) : بسم الله هلا والله بنور البيت
وحضنتها
شذى : قعدت تصيح ماابيه اكرهه
منار : حياتي هدي و اذا تبين تمي عندي لين تهدين بتبرع بالحجره لج بعد شتبين
شذى : هههههه اخخخخ
منار : شفيج
شذى : من مساعه احس بالم يقطعني
منار : هدي اعصابج ورقي بروح ايب لج شي تشربينه
شذى : لاماابي بس برتاح شوي احس بعتب
منار : اوكي
شذى : في حبوب ماعطتني الدكتوره يبيهم
منار : عادي تاخذين حبوب
شذى : هذي الحبوب الدكتوره كتبتهم لي
اخذت الحبوب و شوي واهي نايمه

نزلت منار تحت
مشعل : رحت الحجره لاهي مو موجوده وين راحت
منار : في حجرتي وبتم هناك و خلها على راحتها حرام عليكم اهي شكر بتحمل من ضغوط والياهل بعد
مشعل : تكلمي عدل سامعه
منار : اوهو عن اذنك بروح لامي ومشت عنه

مشعل : الله يعيني اذا اختي جي عيل مالومها على الي بتسويه

مر اسبوعين وشذى معاهم يت
بس لما يكون مشعل موجود ماتطلع من غرفة منار من يطلع تطلع من الغرفه

منار : سلام وااي تعبانه مايصير مااروح الجامعه
شذى : هلا منوره روحي احسن لج بدال الملل
منار : اي والله
شذى اعتفس ويها و كان باين عليها تتالم
منار : شذى شفيج
شذى تاكبر : مافيني شي آآآآه
منار قومي انروح المستشفى
شذى : لامايحتاج و قامت لاكنها ارجعت طاحت على الارض
منار : شذى شفيج وقعدت تحركها وماقامت
راحت تدور على مشعل : مشعل الحق شذى
مشعل : شفيها
منار : ما .. ماتحرك
مشعل : شنوووووو
منار : قوم تحرك
راح لها وحملها واخذها للمستشفى وراحت معاه امه واخته



بعد ربع ساعه طلع الدكتور
مشعل : ها بشر شخبار زوجتي
الدكتور : المدام شكلها وايد تعاني من ضغوط نفسيه واثر عليا وعلى الطفل وان خلينه الطفل لين التاسعممكن يسبب ظرر للام فلازم نولدها
مشعل : بس اهي توهاداخله السابع
الدكتور : عشان سلامتها وسلامت الطفل لازم نسوي لها طلق صناعي ونولده لانه زوجتك في بدايه حمالها عانتت من ضغوط نفسيه وايد وغير الانهيار واحين رجعت تعاني نفس الضغوط
مشعل : خلاص دكتور سو الي عليك
الدكتور : تعال معاي عشان توقع الاوراق اللازمه وبكره ان شاء الله بنسوي لها الطلق الصناعي
بعد ماوقع رجع لامه
ام مشاري : لاتخاف عليها ان شاء الله بتقوم بالسلامه وايد نسوان يولدون في السابع
مشعل : يمه انا السبب في الي اهي فيه ان صار لها شي او للياهل انا بكون السبب
م مشاري : ياولدي هذي مقدر مكتوب عليكم يا الله روح جوف مرتك وتطمن عليها
مشعل : لا يمه انتو روحو لها انا بخلص جم شغله وبيي لكم
شذى كانت قاعده على السرير ومعاها منار
منار : شخبارج احين
شذى : الحمدالله تمام بس قال لكم الدكتور
منار : ايي يا الله افتكيتي من شهرين
شذى : ويهج عاد
منار : ههههههههه يارب بنت
شذى : لا مو بنت بييب ولد
منار : يا الخاينه يعني تعرفين شنو بتييبين ليش ماقلتي لنه تعال شريتي اغراض
شذى : ايي صح الاغراض قولي لعزوز يجهز كل شي
منار : واي فديت عزوز وقلبه مافي مثله دام السالفه فيها روحه له انا بروح ارتب لج كل شي
شذى : هههههه استحي شوي
منار : هذاك اول بنات اول يستحون
شذى : ههههههههه سكتي لااحد يسمعج
منار : خلهم يسمعون ريلي وكيفي على طاري ولدج شنو بتسمينه
شذى : بسميه عبدالعزيز
منار : لالالالالالا مافي اعترض بس ريلي عبدالعزيز
شذى : ههههههه على كيفج الا بسميه لانه اهو قال لي اول ولد على اسمي
منار : متى
شذى : مالج خص اقول راسي عورني
منار : احين انا عورت راسج
ام مشاري : منار خليها ترتاح
منار : انزين
ام مشاري : منار ابي اكلم مرت اخوج شوي
منار : قولي منار ذلفي وخلاص
شذى : انزين ذلفي
منار : اراويج بعدين بعضض ولدج
شذى : حلالج بس ذلفي
بعد ماطلعت منار
ام مشاري : يابنتي انا في حسبت امج او لا
شذى : اي انتي امي الي مايابتني
ام مشاري : دامني في حسبت امج بطلب منج طلب
شذى : انتي تامرين امر لو تبين عيوني اعطيج اياه
ام مشاري : فيج الخير بنتي عاجبج حالج وحال ريلج
نزلت راسها شذى و حركت راسها بالنفي
ام مشاري : يابنتي مهما صار بينكم و مهما غلط فاهو ريلج وانتي مرته .. اهو بيبقى لج وانتي بتبقين له تره حالكم لا يرضي ربج و لايرضيني ولا يرضي امج ولا يرضي احد و لازم تعدلون الي بينكم لانه احين انتي بتصيرين ام ولد لازم يعيش في استقرار
عدل كلامي ولا غلط
شذى : عدل بس
ام مشاري : بس شنو
دخل مشعل وكمل : بس ان اهي ماعادت تبيني وتكرهني صح

ام مشاري : ماتعرف من باب الاحترام اطق الباب وتدخل و بعد انا ماعمتك تتسمع علينه
مشعل : اسف يمه
ام مشاري : لو سمحت اطلع برع وخلها ترتاح وتفكر في كلامي
مشعل : بس يمه
ام مشاري : يا الله جدامي وخل اختك تقعد وياها واتصل في امها وقول لها
مشعل : اوكي خلاص
وطلع
ام مشاري : يمه فكري عدل و استخيري ربج يا الله تحملي بروحج
شذى :ان شاء الله
منار : شصار
شذى : آه الي صار كنت افكر فيهم وخايفه يقولون لي اياه
منار : عن موضوعكم صح
شذى : ايه
منار : وانتي شنو بتسوين
شذى : خايفه احس ان جفته مااعرف شنو اقول لج اكرهه ونفس الوقت احس بشوق له
منار : احين انتي لاتفكرين بشي و اذا رجعتي بيتنه يصير خير انتي بعد ماتولدين واطلعين من المستشفى بتروحين بيتكم صح

 
 

 

عرض البوم صور زيونه الحلوه   رد مع اقتباس
قديم 03-04-08, 10:20 PM   المشاركة رقم: 203
المعلومات
الكاتب:
اللقب:
ليلاس متألق


البيانات
التسجيل: Oct 2007
العضوية: 45521
المشاركات: 165
الجنس أنثى
معدل التقييم: زيونه الحلوه عضو بحاجه الى تحسين وضعه
نقاط التقييم: 10
شكراً: 0
تم شكره 6 مرة في مشاركة واحدة

االدولة
البلدBahrain
 
مدونتي

 

الإتصالات
الحالة:
زيونه الحلوه غير متواجد حالياً
وسائل الإتصال:

كاتب الموضوع : زيونه الحلوه المنتدى : القصص المكتمله من وحي قلم الاعضاء
افتراضي

 

شذى : اي
منار : هناك فكري على راحتج
شذى : يصير خير والله كريم

في اليوم الثاني وسوو لها الطلق

ام خالد : يارب نجي بنتي ويسر عليها
ام مشاري :الله يحفظها ويحفظ ولدها
كانو الكل موجودين ويدعون لها تقوم بالسلامه
كان مشعل حده خايف

بعد ساعه طلعت الممرضه: الف مبروك يتربى في عزكم يابت لكم ولد امورر
بوخالد: الف مبروك يا ولدي
بعدها راحو لشذى وكان حاملين باقات ورد
ام خالد : الحمدالله على السلامه يمه
شذى بتعب : الله يسلمج يمه ابي ماي
ام مشاري خلج انا بييب لها : راحت ياب لها ماي وشربتها
شذى : ابي اجوف ولدي
منار : شذوي جفت اينن لاكنه نتفه جنه قطو صغير
شذى : محد قطو الاريلج
منار : بقول له تراه برع
شذى : قولي له يمه ابي اجوفه
ام خالد : ان شاء الله بس حاسبي عليه تراه مو كامل توه خديج
شذى : يمه هذي ولدي اكيد بحاسب عليه
دخلو عمام ريلها يباركون لها وابوها
يابت الممرض الياهل عشان تجوفه اخذه ابوها وحمله وقعد ياذن في اذنه وعطاه بنته


قعدت تتامله
شذى : ايين عمري وقعت تبوس فيه
ام مشاري : فيه شبه من ابوه ومنج العيون و الشكل الويه ماخذ من ابوه
ام خالد : واللون الشعر ولون العين والفم امه
قعدت تطالع فيه وتسمي عليه
منار : اي عليه بس وايد اصفر
ام خالد : شكله صايده بوصفار ولا تنسين انه توه
ام مشاري : بنات يا الله امشو عشان مشعل يبي يقعد ويا مرته ولده شوي قبل ماياخذون الياهل الحضانه
طلعو البنات ودخل مشعل في يده باقه حمره و في يده الثانيه دبدوب لونه ابيض وازرق وفيه نفاخات(بالونات) و سلة جوكليت
: سلام الحمدالله على السلامه يا الغاليه
شذى : الله يسلمك وقعدت تطالع ولدها الي كان نايم
جررب منها وباسها على راسها وقعد يمها : ها يا الغاليه شنو بتسمينه
شذى : عبدالعزيز
مشعل : خلاص ولا يصير خاطرج الا طيب اهم شي رضاج
شذى : اي خب انت تدور على رضاي وطالعته وبعدها صدت عنه
مشعل : انا اسف يا الغاليه انتي لو مكاني شنو بتسوين
شذى:اسمع لاتيب طاري الموضوع انا نسيته ونسيت كل شي
مشعل: يعني تبتدين صفحه يديده
شذى : هههههههههه من قال لك ابي ابتدي شي كل شي مات انا حياتي عشان ولدي وبس مو عشانك
مشعل : عن اذنج
وقام عشان يطلع
شذى : انته دايم ذي تشرد لانك جبان ماتواجه
مشعل : سمعي انا سكت لج وايد و بسكت عشانج تعبانه لا كن من تصيرين اشوه لي تصرف ثاني
شذى : تهدد
مشعل : اعتبريه مثل ماتبين
شذى : خوفتني الصراحه ماعادت تفرق معاي
في هل لحظه ياتهم اللممرضه وخذت الياهل
ومشعل طلع وقعدت شذى تفكر في كل الي صار معاها: آآآآآآآه ليش مايفهم اني خايفه مااقدر اتحمل صدمتين كفايه وحده والله انك تقهر ماتفهمني ولاتحس بالي ابيه ابيك تحسسني بالامان

بعد اسبوع طلعت شذى بس ولدها بخلونه بعد اسبوعين
طبعا راحت بيت امها عشان النفاس وعشان ترتاح
كان مشعل كل يوم يروح لولده ويمر على شذى بس اهي ماتروح معاه عبدالعزيز يوديها عشان تجوفه


عقب اسبوعين بعد ماراحت طلعت ولدها ارجعت بيت زوجها وكانت منار مسويه حفله
وكل العايله عازمتهم ( شوق وسامي, عبدالعزيز ومنار , الاء وريم ، مشاعل وطلال ،مشاري ورهف ) وعيالهم
كان البيت فوضه وصراخ يهال
خالد : خالوه خالوه اتيني اياه ابي اثوفه
شذى : تعال اقعد وبحطه على ريولك
قعد على اللارض وقعدت يمه وحطته على ريله
ياهم قيس : ابيه عتيني
شذى : تبي اقعد
قيس : لا عتيني
شذى : الحق امك عيل
احمد : عموه عطيني اجوفه
خالد : لا مالنه احنه بس
احمد : لا مالنه احنه
وكانو بتشابكون بس شذى نادت مشاعل ويات فككتهم
مشاعل:كل واحد يروح لامه لامالك ولا ماله عبالكم لعبه
شذى : هههههه مساكين
مشاعل : خلهم يولون عبالهم لعبه كل واحد يبيه روحي وديه فوق يرتاح هني ازعاج
شذى : اخاف يصيح
مشاعل : خلي جانيت تقعد وياه
شذى : اوكي خلاص احسن له توني يايبته من المستشفى

الشباب كانو في الصاله الثانيه
و البنات شغلو لهم شي عشان يرقصون شذى كانت تتفرج عليهم
منار : قومي ويانه
شذى : لامافيني شده احين
منار: كيفج عيل
بعدها مشعل قعد ينادي ودخلو لهم كيك على جوكليت وكاتب فيه الحمدالله على سلامتك عزوز
و قعدو يقطعون الكيك و الكل عطاها هدايه
اما عبدالعزيز كان مستانس ان سموه عليه وفياب له هديه عوده ولما بطلتها كانت سياره الي على بترول
شذى : با الله عليك شنو اسوي فيها احين توه نتفه
عبدالعزيز : ههههههه ماادري قعدت ادور مااعرفت شنو اخذ اخر شي عجبتني وخذتها
مشعل اهداها طقم ماس وحق ولده سوه له الحجره وترسها العاب و ثياب واغراض

بعد خمس شهور

ظلت شذى على حالها جافه معاه وبارده
اما مع الكل شذى لي يعرفونها

مشعل : منور شرايج بالفكره
منار : حلوه عاد ان شاء الله ترضى
مشعل : الله يسمع منج الصراحه تعبت وانا احاول فيها
منار : خلاص الليله نعزم اخوانك و اهلها
مشعل : مانبي ملاقيف
منار : ههههههه تقصد الاء وريم
مشعل : اي مانبيهم
منار : حرام عليك مساكين

شذى كانت تلعب ولدها بعدها راحت تقعد مع ام زوجها نعطتها اياه
ام مشاري : ياعمري والله بسم الله عليك وقعدت تلاعبه واهو يضحك لها
شذى :يمه خليه عندج بروح اسوي له مرضعه
ام مشاري : اخذي راحتج يمه

منار : هاي شذوي
شذى : هلا
منار : امم اليوم نبي نروح المزرعه
شذى : مالي نفس
منار : بتروحين غصب عنج مو برضاج
شذى : بفكر خلني اروح اسوي حق ولدي مرضعته
منار : ولدي ولدي اكو ساكت وشحليله النتفه
شذى : يحصلج مثله
منار : انزين انزين جهزي لج اغراض وحق القطوج بعد
شذى : محد قطو الا ريلج
منار : هههههههههههههه فديت ريلي
شذى: متى بتسوين عرس احين صار لج سنه مخطوبه
منار : عزوز يقول يبي يتطمن عليج عقب
شذى : وليش يعني قاعده في الشارع
منار : يحاتيج و لين تتعدل امورج بعدين
شذى : ههههه اموري عاجبتني مثل مااهي ومافي شي يتعدل الي انكسر مايتصلح
منار : الله يهديج ومشت عنها اي مو تنسين تتجهزين
شذى : انزين خلاص
بعد ماسوت لولدها مرضعه عطتها ام زوجها تعطيه واهي راحت الغرفه عشان تجهز اغراض كان مشعل توه طالع من الحمام ( وانتو بالكرامه)
مشعل :شذى
شذى : خير
مشعل : الخير بويهج بس اذا ماعليج امر جهزي شنطتي
شذى : عندك يد جهزها بنفسك و قامت عشان تطلع
مشعل : شذى
شذى :اشتبي
مشعل :خلاص سلامتج

 
 

 

عرض البوم صور زيونه الحلوه   رد مع اقتباس
قديم 03-04-08, 10:22 PM   المشاركة رقم: 204
المعلومات
الكاتب:
اللقب:
ليلاس متألق


البيانات
التسجيل: Oct 2007
العضوية: 45521
المشاركات: 165
الجنس أنثى
معدل التقييم: زيونه الحلوه عضو بحاجه الى تحسين وضعه
نقاط التقييم: 10
شكراً: 0
تم شكره 6 مرة في مشاركة واحدة

االدولة
البلدBahrain
 
مدونتي

 

الإتصالات
الحالة:
زيونه الحلوه غير متواجد حالياً
وسائل الإتصال:

كاتب الموضوع : زيونه الحلوه المنتدى : القصص المكتمله من وحي قلم الاعضاء
افتراضي

 

في الليل وفي المزرعه
اجتمعو العايله اخوات مشعل وازواجهم وزجاتهم واخت شذى وزوجها

كانو مشغلين موسيقى كلاسيك
و قاعدين عند المسبح وحاطين طاوله فيها عدت اصناف من الاكل

مشعل كان موصل مايكرفون في جهاز الاستريو
شغل اغنيه سجيت بيك للعماني


عفواً لايمكن عرض الرابط إلا بعد التسجيل


بعدما كملت اغنيه
مشعل : اولا شي حبيت اقول لكم سبب جمعي لكم انا في نفس التاريخ من السنه الي فاتت ظلمت انسانه بتسرعي وانا ندمان وحبيت اعتذر لها جدامكم كلم
واقول لها
حبيبتي و زوجتي العزيزه ..
من منا لايخطا ومن منا لا يغترف الاخطأ...
محبوبتي انا اعتذر لكي عن زلتي ..
وخطأي الذي دمر حياتنا و جعلك تبعدين عني يا هوى نفسي ..
اتيتك اليوم وكلي امل ان تقبلي غذري و تغفرين لي زلتي اعتبريني
كالطفل .. الذي يخطأ اعرف ان قلبك كبير ويغفر ..
و ارجو ان تثقي اني لن اقدم على خطا مماثل
فارجوكي ان تغفري لي وتسامحيني يا محبوبتي ....

شذى ادمعت عنيها وراحت له : انا مسامحتك بس
مشعل : لاتخافين مستحيل اعيد الغلطه مرتين وحضنها
قعدت شذى تصيح وتضحك نفس الوقت
راحت منار وحضنها وباستها
وعبدالعزيز حضن مشعل
مسك مشعل وةشذى : ها تصافيتو
شذى : ايه و حست روحها منحرجه لانه كان مشاري موجود
مشاري : يا الله احين فارجو روحو مع بعض تراني يوعان الي يبي ياكل ايي
العايله قعدو يتعشون ماعدا مشعل وشذى الي راحو يتمشون
واختارو بقعه فيها ضوء القمر وقعدو
مشعل: احبج يا الغلا واعدج اني مااخطي في حقج ماحيت وربي يشهد علي وان خطيت يعلني الموت
شذى : بسم الله عليك الله يطول في عمرك لي ولعزوز
مشعل : امين ويخليج يا الغاليه وحضنها ...................



-----------------



النهايه ..
انا اعلم ان الوداع علي صعب ولا كن لكل شي نهايه و هنا نهاية قصتي مع مشعل وشذى
سوف اوعدكم الان احبابي و لا اعرف هل هنالك لي عوده مره اخرى و مع
روايه اخرى ام سوف اكتفي بهذه الروايه
واشكر من تواجدو معي في القصه منذو بدايتها
و اشكر الذين كانو يتواصلون معي اما بالردود ام مجرد القرائه
و اعتذر منكم ان اخطات في حقكم او في حق القصه او ان اكون قد قصرت في امر من الامور
احبابي ها انا ذا قد انتهت من قصه قد تحدث في ارض الواقع او حدث وقد لاتحدث

قد اسمتعت بوجودي معكم احبتت تعليقكم وارائكم وتحمسكم للقصه


قد انتهيت من كتابتها في

3/4/2008 يوم الخميس
في الساعه 10:45

زيونه الحلوه

 
 

 

عرض البوم صور زيونه الحلوه   رد مع اقتباس
قديم 04-04-08, 12:44 AM   المشاركة رقم: 205
المعلومات
الكاتب:
اللقب:

البيانات
التسجيل: Oct 2007
العضوية: 45785
المشاركات: 76
الجنس أنثى
معدل التقييم: ميسان عضو بحاجه الى تحسين وضعه
نقاط التقييم: 10
شكراً: 0
تم شكره 0 مرة في 0 مشاركة

االدولة
البلدSaudiArabia
 
مدونتي

 

الإتصالات
الحالة:
ميسان غير متواجد حالياً
وسائل الإتصال:

كاتب الموضوع : زيونه الحلوه المنتدى : القصص المكتمله من وحي قلم الاعضاء
افتراضي

 

هلا زيونه وااااااااااااااو روايتك جد روووووووووووووعه ونهايته أروع وأعتذر لك عن أنقطاعي فألتمسي لي العذر

بصراحه وقفتي قلبي يوم طلق مشعل شذى بس الحمدلله عرفتي تكحلينها

بس خساره راح نفقدهم كلللللللللللللهم

وبعدين حرام هالأبداع تضيعينه وتحدينه في روايه وحده لازم يكون لك غيره وحنا بعد مارح نستغني عن أبداعك وتشويقك لنا غلاتي
كتبتي فأبدعتي فلكي مني كل الشكر والأمتانان على أبداعك المميز
تقبلي تحياتي ومروري
ميسان

 
 

 

عرض البوم صور ميسان   رد مع اقتباس
إضافة رد

مواقع النشر (المفضلة)

الكلمات الدلالية (Tags)
كثر ما كرهته عشقته
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 03:00 PM.


حواء

 



Powered by vBulletin® Version 3.8.5
Copyright ©2000 - 2014, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية