كاتب الموضوع :
قال الزهر آآآه
المنتدى :
الارشيف
...كان احلى يوم ....قال لها ...بهالمكان ...انها ...اعذب نسمة هوى ...مرت عليه ....واجتاحته ....
سكرت عيونها تمحي ..ذكرى كلامه ....قعدت وضمت ...رجولها ...وهي تحس بالبرد ....ومغبونه.....حيل مغبونه!!!!.
......................
ماتحرك الوليد من مكانه ...يبي يهدى ...وتهدى انفاسه ...وش يسوي؟؟سلطان وراه وراه...وان كانت الصوره .موجوده ...كيف يبرر وجودها؟؟
لف راجع ...للوافي ...والتفت لرنا
الوليد بجمود- ارجعي انتي ...والي معكِ...!!وحسابكِ بعدين!!!
بسرعه رنا ركبت دبابها ...ورجعت ....للفيلا...وقبل ..تمشي لمحت الجوهره ...من بعيد ...تمشي ...وهي ..متعاليه ...ومبسوطه ...بالي سوته ...
تعمدت ..تمر من عندها ....ووقفت ..
التفتت لها الجوهره....
رنا- تدرين؟؟؟انتي ..احقر ..وحده ..عرفتها !!!
الجوهره ..كشرت ..- يووووووه !!!!!ترى طفشتيني!!!!ليه حمقانه ؟؟؟مو انا ...الي ..ظربته على يده...وخليته يظربها!!!..وبعدين احسن ...خليها تتأدب ...رفعت يدها ..لخدها ...
الجوهره بكره- وتحسبينّي ...بنسى ..مدة يدها ؟؟؟!!لا وربي !!! لأ ارد الصاع صاعين !!!
رنا هزت راسها- انا بعد الي شفته ..يابنت عمتي !! يالي من لحمي ودمي ..ماراح اسكت!!!!...وبقول للوليد!!
الجوهره- شوفي عاد ....تراني طفشت ..من تهديدكِ...الي توزعينه من اليوم!!!!روحي ...سوي الي تبين واصلاً..لو عندكِ ..كلام كان قلتيه قبل شوي......وهزت راسها ...بمكر...
وكملت – وانا اسوي الي ابي!!!!!!!؟؟؟؟تذكرين ..حمدان!!؟؟الحين هو خاتم بأصبعي ..امشيه زي ماابي!!..وش كان قبل ...؟؟كان ..يمشي ويقول ..ياارض انهدي ..محدش قدي!!!!...ومثله الوليد راح يكون ...بس ..على سنة الله ورسوله!!!!
رنا- حسبي الله عليكِ ....حسبي الله عليكِ.....
تركتها رنا ....وهي تذكر نظرات نجلا ....وتذكر ..كل ..الكلام الي كانت تقوله ...وتقصد فيه ..اهانتها!!!!
غصب ..نزلت ..دمعاتها ....واكبر تأنيب...يوم شافت الوليد يضربها ...ولمحت ..نظرتها ...المكسوره.....
ناظرت الجوهره...رنا وهي ترجع ..والتفتت ..لجهة الوليد....عضت على شفايفها ....ورفعت حاجبها ....بمكر ...وفي فكرها ...الف ...فكره ..وفكره....!!
............................................................ ......................................................
مسك لجام الوافي ...ومشى معه ..لين وصل ..للحاجز حق حمام السباحه ...
حتى الوافي ..ثاير ...وزعلان.....ربط لجامه ..
ووقف يناظر ..المويه ..والرسن العايم ..
الوليد- اعوذ بالله منك يابليس ....اعوذ بالله!!!.
..ومشى ..لنفس ..وجهتها....وهو ..مهزوز ...وباله ...انشغل بها ...لازم يلقاها .....هاذي
المره الثانيه ...ولا يمكن الرابعه ...الي يمد يده عليها ....ياترى ...صادقه؟؟زي كل مره ....وانت ظلمتها ؟؟؟
بس رنا ..ماقالت ...شي...!!والصوره ...؟؟ونجلا ؟؟!!..فجأه ذكر !!..
ان ..الرسايل ...ماكتبها الا الجوهره!!..بس شلون دخلت جناحهم ....؟؟هي استخدمت الجوال وبس!!
لازم يسأل رنا ..مره ثانيه .....وان ..كان شكه بمكانه ؟؟؟واليوم ...؟؟ليه ..ارسلت لي ..وردت؟؟.
عيبه ..الدايم... تسرعه ....واستعجاله ....
مشى ..ورجوله ..بدت تتعبه ........ فتح ..ازارير جيبه ...يدور ..منفس ..لأختناقه ..وكتمته ...
وقف عند ..نخله ...وتساند عليها ..عشان يرتاح شوي ......مسح وجهه بكفه ...تو... امورهم تزين ..وتصطلح ...توها ..وثقت فيه ...
تسآئل ...بنفسه...بس انت ..لين الحين ...ماوثقت فيها؟؟..تلاعبت فيه ..الظنون ..والافكار.....
............................................................ ............................
سااره- هاذي رنا ..جت ....!!!
التفتوا ..لها سمر وحنان ....
رقفت رنا ...وهي ..باين عليها الصياح ...نزلت
سمر- رنا وش صار؟؟؟الوليد مايرد ...!!!
حنان- ياخوفي ...يكون صار لها شي ؟؟!!
رنا- لا تخافون ...طاحت بحمام السباحه ....قاطعتها رنا
رنا – بس نجلا ماتعرف تسبح !!!!
رنا- طلعتها ...!!!!
حنان- اشوى الحمد الله ...وينها طيب؟؟؟
كلهم استنوا الاجابه ..
رنا مسحت دمعتها – مدري....مدري.....ودخلت بسرعه ....
ساره- وش فيها ...؟؟؟ناظرت.... حنان....
ساره- زحفيلي ...وخلنا نروح نشوف .....
سمر..بسرعه- بروح معكم...
ساره- لا انتي روحي لرنا ...شوفي وش فيها ....وش هاليوم ..الي انقلب كآبه ...ونكد..!!!
............................................................ ............................
رجعت الجوهره عند حمام السباحه ...تلفتت ..مالقته ......كل شي مساعدها ....الوقت ...والمكان .....ماتوقعت الظروف تجي معها ....وتسوي الي تبي ..بالسرعه هاذي...باقي خطوه وحده ....وبس...لو تمت!!! ياسلام!!!
طلعت جولها ....دقت دقه على امها وسكرت على طول ....هي تدري ان هالحركه ...بتجنن امها وتشغلها ...رجعت دقت ..دقتين وسكرت ......
...................................................
امي نوره – من ذا الي يدقدق ويسكر؟؟؟؟
حصه- هاذي الجوهره يمه ....غريبه .....دقت حصه عليها ....ماردت .....
حصه – ام سلطان ...البنات ماجو؟؟
ام سلطان- لا والله ..تأخروا ....
رزان- يمه توني ...شفت ...رنا ...داخله تصيح ....ومعها ..سمر !!!
ام سلطان- تصيح؟؟؟!!عسى ماشر !!!
امي نوره- لايكون ...الجوهره ...؟؟سار لها شيّن ..واحنا قاعدين؟؟؟؟
حصه- يمه خوفتيني ....ادق عليها ماترد !!!
ام سعود- تعوذوا من الشيطان ...لا يوسوس..فيكم!!
حصه- هم وينهم ..اصلا؟؟؟؟
ام سلطان- والله علمي علمتس...من جت هالدبابات ..ماشفناهم .....
قالتها ام سلطان وبالها مشغول ...برنا ..وصياحها ....
كملت- بروح اشوفه هالبنات .....
حصه- يمه الجوهره ادق عليها ماترد...وهي توها داقه مرتين ؟؟؟!!!!...تحركت ..منزعجه ....وقالت بصوت واطي ...
حصه- بروح اشوف وينها .....
امي نوره- ويت تروحين ؟؟؟المزرعه وش كبرها ....
حصه .. بسرعه وهي قايمه ....- بسأل رنا ولا سمر ....
............................................................ .....
امي هيا..تناظرهم ....ولمحت القلق على محياهم ...- وش فيها حصه ...؟؟
ام خالد- مابها الاالعافيه ...يمكن ..تعبت من السهر ....
امي هيا- ايه والله ...من زمان ماسهرت ....حتى العشا الله يهديهم ...أخروه...
ام خالد- لا تحاتين ...الحين بحيطونه ...خلاص ..الساعه ..11,5...
............................................................ .........
سمر – رنا وش فيكِ؟؟؟ ونجلا وينها ؟؟
رنا- نجلا ..ماعليها ...بس انا....انا مقهوره من ..الجوهره ...
سمر بغباء- وش دخل الجوهره ؟؟بنجلا..وحالها ؟؟
رنا..ناظرت اختها ...- يوووووه ياسمر ...الجوهره قالت للوليد كلام يسم البدن ...عن نجلا ....
سكتت
سمر- وكيف ..؟؟؟ وين شافته ؟؟
رنا- الوليد جا بعد ماطلعت نجلا من المويه ....والجوهره ..الحيوانه ....قالت ان ..نجلا .....
سمر بخوف- وش قالت؟؟؟
دخلت ام سلطان عليهم ...وشافت وجيههم....
ام سلطان- وش فيكم؟؟؟وارتس ..تصيحين؟؟؟
رنا- مافيني شي ؟؟
ام سلطان- يابنتي ...لا تروعيني ....وش فيتس؟؟؟
سمر بقهر- عشان نجلا ...طاحت من حصان الوليد....
ام سلطان بروعه- وشوووو؟؟؟ونجلا وينها ...؟؟
رنا ناظرت سمر ...وبسرعه ...سمر قالت
سمر- مع الوليد!! صح رنا ...
بلعت رنا ريقها ...
رنا- ايه ...
ام سلطان- الله يهديه ..كان خلاها تجي ..وتغير ملابسها ...روحي هاتي جوالي ....خلني اكلمه ...
راحت سمر ....وهي تناظر رنا ..وتأشر ...
سمر بصوت واطي- لا تقولين شي ....
قعدت ام سلطان ...جنب رنا ...وهي حانّتها ...وتبي ..تعرف ..سبب ..صياحها ...
............................................................ .......................
سمعت ...صوت ....احد يمشي ....جمدت ....خافت يكون ..جا يكمل ...ويهين ...زي ..كل مره ...وخافت يجي ..ويعتذر ...ومستحيل ..تسامحه ...على ظربها ..وكلامه الجارح لها ....
الوليد ..ناظر هينا وهناك ....تعب من المشي ...وين بتروح ...خلاص ...معاد فيه ...الا ..المكان الي يضم ..الحيوانات......
سمع ...صوت ...من وراه ...والتفت بكل مافيه ....يستقبل ..نظرات ...العذاب ..والملام ....بعيونها ...
جمد ...وهو يشوف الجوهره ...الي وقفت ..قدامه ..بلا حيا ..او حشيمه ..
الوليد..فتح فمه ...وقاطعته ...
الجوهره...اخيرا لقته ...وهاذي فرصتها ...- تكفى ...ياولد خالي ...تكفى ..اسمعني ...
الوليد ابعد عينه عنها ....زودتها ...لا خجل ...ولا حشيمه ...
الوليد بأمر- استري نفسكِ ...وارجعي!!
الجوهره ..بتمثيل ..دور ..الضعيف ..- اسمعني الله يخليك...انا ..يالوليد ...ماحبت غيركِ....من جيت ..والكل يقول ..الوليد للجوهره ...والجوهره ..للوليد ....انا ....الي من لحمك ودمك ....وبعدين ...اتفآجأ وتاخذ غيري؟؟؟؟....قالت كلامها ...الاخير بعبره ..ورجى ...
رفعت نجلا يدها ..لفمها ....تكتم ..انفاسها.....
الوليد..تفآجأ ..من جرئتها....الوقحه ....
الوليد- قلتلكِ استري نفسكِ.....وارجعي...يابنت الناس...!!
الجوهره- ليه؟؟؟ليه ...تنكر ..انكِ كنت بتاخذني ..قبل لا ..تاخذها ....
غمض الوليد عينه ...يدور الصبر ...ماتوقعها ...منها ....
نجلا ..كانت تنتظره يرد ....وكان ساكت ....نزلت يدها ..لقلبها ..الثاير . وغمّضت عيونها ......بكل ..وقاحه ...تكلمه؟؟؟!!
الوليد بعصبيه - ...والله لو لا..حشيمتي ...لامكِ...ولا كان شفتي ...السنع!!!اذلفي...عن وجهي!!!
بعد رده ..نجلا ...فتحت عيونها ....ومسحت دموعها .....
ورغم الالم ...
كل ..نبضه ...لقلبها ...تعلن بعالي الصوت .......
أحبه عدد طلات القمر
أحبه عدد حبات المطر
أحبه عدد ليال السحر
أحبه عدد أوراق الشجر
أحبه عدد أيام الدهر
أحبه عدد أسماك البحر
أحبه عدد أنفاس البشر
أحبه عدد شعرات الوبر
أحبه عدد غمزات النظر
أحبه
وحبه....يموتني ولآيحيي...
أحبه
وحبه....يظلمني ولآينصف
أحبه
وحبه يجرّحني ولآيداوي
............................................................ ........
قامت من مكانها ….وطلعت …..
انبهت لها الجوهره …..
نجلا رفعت حاجب- سمعتي …وش قال ؟؟؟؟اذلفي!!!
رفع الوليد راسه ….والتف .. للصوت وراعيته…
الجوهره بوقاحه …- ...ولكِ لسان ..بعد …الي ..سويته؟؟؟
الوليد كان يناظرها ….ولا ابعد عينه عنها ….
نجلا انتبهت ..لنظراته …بس تجاهلتها …
نجلا- استحي على وجهكِ !!!!!وصدق الوليد في كلامه!!….وربي لولا حشيمتي ..؟لأمي نوره ..وعمتي حصه …كان انا الي ..وريتكِ السنع!!!مو هو!!!!
شدت الجوهره على شفايفها…بنفسها شافت …الوليد مطنشها ….
من جت عنده …وهو منزل راسه …ويوم جت …النسره …عيونه ماتشوف الاهي!!!!
الي كانت بتسويه …ماراح تقدر تكمله ….
خذت نفسها …وراحت ….عنهم…وهي تغلي ….وش استفادت …؟؟ كشفت كل اوراقها …وبس !!!
وجود نجلا خرب عليها …واكيد الوليد …بيستحقرها ….
الله ياخذها …
……………………………………………………..
رنا عيت ..تقول لامها اي شي ….وبررت صياحها ….بأنه خوف على نجلا …يوم ..ركبت الوافي …..
اقتنعت ام سلطان ..باللي قالته …
حصه دخلت عليهم …ووراها سمر …
سمر- يمه ادق عليه ..مايرد؟؟
حصه- وش فيكم؟؟؟الجوهره وينها ؟؟؟ورا ماجات ؟؟
رفعت رنا راسها
رنا- يمكن …وقف دبابها …وجت مشي!!
حصه- عسى ..السالفه كيذى ..والله اشغلتني ..دقت ..دقتين وسكرت…وكل ماادق عليها ..ماترد…!!
سمر التقت نظراتها برنا ….
سمر- يمكن الارسال ياعمه …ولا طاح منها وهي راكبه الدباب …لاتخافين …محدن ماكلها !!
ناظرت ام سلطان بنتها …تأنبها …
حصه- خلني استناها برى …
طلعت ….عند ..المدخل ….تستنى …
ام سلطان- دقي مره ثانيه على الوليد ..خليه يجيب نجلا ..تتعشى …ونطمّن عليها …
سمر- طيب ….فكرها ..كان مشغول …رنا ..ماقالت لها …وش قالت الجوهره …
طلعت ام سلطان تحظر للعشا ….أخروهم هالبنات …والناس يبون يسرون….
…………………………………………………………………………………..
حنان وساره ….وهم رايحين…
حنان- ترا… انا ما ادل …الا المكان الي ..كان فيه الوافي ..
ساره- مو تقول رنا حمام السباحه …؟؟وينه …عن مكانكم ؟؟
حنان ..- مدري…
ساره- شوفي…دلال وعبير …
دلال وعبير …بنفس المكان ماتحركوا …..كانوا خايفين …وارتبكوا …
ساره- وراكم ..؟؟ليه مارجعتوا؟؟
دلال- نستنى الجوهره …راحت ..ورى رنا ….ولا جت …
عبير بلهفه- هاذي الجوهره جت …
التفتوا جميع …كانت الجوهره تمشي برجولها …
ساره- وين نجلا ؟؟
ناظرتها …الجوهره …- وش يدريني ..جايبه طرارات …وناسيتهم!!!!
ساره- احترمي …نفسكِ…وتكلمي زين!!!
حنان بصوت واطي- يووووه…يعني ماتعرفين ان لسانها زفر؟؟
حنان- ردي وين نجلا…؟؟
الجوهره- وين بتكون؟؟؟تمثل على ولد اخوكم …الخلفه …!!!
حنان- الجوهره!!!اتركي عنكِ …الخبال!!واعقلي!!ولسانكِ لميه ..عن قلة الادب!!
ناظرتهم ساره…
ساره- دامها مع الوليد …يلا نرجع ..عشان العشى ….
…………………………
دلال- وش فيكِ نفسكِ في خشمكِ؟؟؟
الجوهره- لحد يكلمني تراها واصله معي!!!
عبير – امشي طيب اركبي ….معنا…
دلال- وين دبابكِ؟؟؟
الجوهره- عيا يشتغل…!!!!
ركبت ورجعوا وهم ..متزاحفين …على دباب واحد ….
……………………………………………………………………………………………
بنفس الصاله …رانيا قاعده بركن ….وهي مو مع الناس ….ماسكه ..جوالها ….وكل شوي تدق …على خالد …وجواله مقفل …
ماتدري وين راح …من قالت له انها موافقه ..وهو ..مختفي …قلبها شاغلها عليه …اول مره يسويها …
مستحيل يكون زعلان منها ….لانه عارف …ليه تنازلت …وعشان مين …ليه يعذبها …ويزيد جروحها …ويقلقها ….
ابتسام- رانيا ..؟؟؟رانيا؟؟؟
رانيا انتبهت ..
رانيا- نعم؟؟
ابتسام مبتسمه- تعالي حطوا العشى ….
رانيا- يلا جايه ….
قامت ..وجوالها بيدها يمكن يدق عليها …بأي لحظه …
……………………………………………………………………………………….
ابعدت عينها عنه …ومرت من جنبه بتروح …ماتت من البرد ..…مسك يدها …
نجلا رطبت شفايفها- وخر يدك…
الوليد- ماني موخر…
نجلا بتفك يده …وعجزت..
الوليد بهدوء- لاتحاولين …ماني فاكها لين تهدين …
نجلا- ابعد يالوليد…!!انا ميته من البرد!!!
وبغمضة عين …سحبها …لحظنه…وكل احساسه يناديها …ويرتجي منها السماح ….
حركته ..جت ..بليّا ..تفكير...او تدبير...
جمدت نجلا لحظه …شد عليها الوليد…لين سمعت دقات قلبه ….ومهعا تنهيده....
تعبت ..تنكر ..وتكابر …هي تحبه …حتى لو يشك فيها …تجمعت عبراتها …وزادت شهقاتها …..
حس الوليد برجفتها …خلاص …معاد يقدر يتحمل بعدها …
الوليد بهمس- سامحيني…
نجلا زادت ..انفاسها …ودموعها….
ضمها اكثر….ونسى الوعود ….واخلفها ….
الوليد- نجلا؟؟ردي علي ….تراني تعبت …من كثر …المواجع ..الي تتحذف علينا…
سحبت نجلا يدها …من حظنه …ومسحت دموعها ….
نجلا بصياح- انت كيذى دايم …اتعبتني يالوليد….والله تعبت !!..ليه ظربتني… ؟؟؟ليه ماتصدقني..!!انا…
انا يالوليد….سكتت ….وتخاف لو تكلمت …يبتدي ..المن جديد ….
ابعد عنها شوي ..ورفع ذقنها ….مسح الكحل السايح بطرف اصابعه….
الوليد- انتي ايش؟؟؟
ناظرته نجلا بلا خجل …وبلا قيود …هو رجلها ولها كل الحق ..تقول الي تبي ..بلا ..حيا ..او ..خوف..
هو حبيبها …وهو الي تبي …ولو ..يعذّبها ….ويجرحها
نجلا برجفه..وعبره- اخاف ..اقولك….قاطعها …
الوليد بهمس ..وشوق جارف- تخافين ليه؟؟؟ومن ايش؟؟
نجلا نزلت منها دمعه..- مدري…مدري …يمكن لو قلتلك ماتصدقني..؟؟
الوليد ناظرها وانرسمت بنظرته ..الاحساس بالذنب ….من كثر مايشك فيها …خلّها تخاف …حتى تتكلم معه …
خايف كان …..تطلب منه …الفراق …وهو ماعاد يقوى …بعدها …
الوليد بتعب- تعالي ..تعبت من الوقفه ….
مسك يدها…ومشى لين ….وصل ..لنفس النخله الي كانت قاعده عندها ….قعد…وسحبها ..بحظنه …خايف ..من كلامها الي بتقول …ماعنده تبرير …الا خوفه …عليها …ومن بعد ..ماشاف وقاحة الجوهره …تغيرت امور كثير …
جت بتبعد …ومنعها …
احساسه بحلاوة قربها خلاه…يخاف …لا يفقدها …
الوليد بهدوء..- نجلا …انا …ماقصدي اضربكِ…بس انتي قلتي ..انكِ خذتي الصوره…
نجلا بأنفعال- الوليد انا قلتلك ماخت صوره من احد!!بس انت ..معند ماتبي تصدقني ؟؟انا؟؟؟؟تبي تصدق الي تسمعه من غيري …!!جرحتني…واهنتني ..قدامها!!
تحركت ..منفعله ..وواجهته…
نجلا وهي تصيح- ..مدري ليه انت …ماتبي تصدق اني نسيت …من كان قبلك …ومحيته!!..
الوليد انت قلت اني ..اصيله …والاصيله ..ماتخون …او ..تعصي الي خلقها …..وحتى ..مادافعت عني ..وسكتّها!!
الوليد- طيب …يانجلا والصوره؟؟
نجلا رفعت يدها وهي ضامه اصابعها- والله …والله ..الي شاهد علي الحين …اني مدري عن سالفة الصوره؟؟؟
الوليد- وليه ركبتي الوافي؟؟؟
نجلا- انت الين الحين ..ماتثق…من قعدت وانت تسأل ..وتسأل…..
حس الوليد برجفة جسمها ..
الوليد وهو يناظر عيونها …- امشي ..ارجعكِ…وبعدين نتكلم …
تنهدت نجلا…وانتبه لها …
الوليد- نجلا ..خلاص..اهدي…
لف يدهعلى كتوفها ….ومشى معها لين…وصلوا عند الوافي….
تركته نجلا …وقربت عند الوافي …ومسحت على ظهره …جت عينها على حمام السباحه وارتجفت اوصالها ….
قرب منها الوليد ….وبوسط الاضائه …لمح …جرح …صغير …على ظهر حصانه …وذكر كلامها …
يوم قالت ..ان الجوهره ..حذفتها ..بحصاة …شد على اصابعه …يعني ..كلامها ..صدق…
جت عينه عليها …وهي سارحه …
شاف اثر يده على خدها ….واثر ..ضغطه ..على ذراعها ..
ورفع يده لاشعوري …ولمسها…
الوليد- هذا منيّ؟؟
ابعدت نجلا راسها عن لمسته الي ..تزيد شوقها شوق…
نجلا بلوم وعبره- مب شي جديد...تعودت على الضرب...من زمان...بس الفرق...ان ..الي يدافع عني ...دايم ..انشغل بدنياه ...
نجلا- تدري اني بغيت اغرق؟؟؟
شافت لهفته بعينه …ولاردعتها ..عن كلامها ..
نجلا- كنت بموت …وارتاح واريّح!!..
الوليد بمزح..يبي ..يبعد جو الكآبه- ان متيّ مت انا…بعدكِ…بجي وارمي نفسي وراكِ…
رفعت نجلا حواجبها …
سكت الوليد ..ولارد عليها …مسك يدها ..
الوليد- يلا مشينا…تلقين الضيوف بيطلعون …ابي الحق عليهم …
نجلا شافت ثوبه …- ثوبكِ توسخ مني!!
الوليد – فداكِ…الى وصلنا شوفيلي درب …وبطلع معكِ نبدل…قالها وهو يناظرها بألف مغزى ومغزى …
ابعدت عينها عنه …
ومشت...
............................................................ .............
امي هيا- انعم الله عليكم ...ياام سلطان...عساها دوم سفرتن دايمه ..
ام سلطان- بوجودكم ..انشالله ...حياكم الله...
امي نوره- هاذي الساعه المباركه ...الي شفناكم فيها ....
امي هيا- الا وين مرت الوليد؟؟
ام سلطان- حبيّبتي ...تعيبينه ...وقلت لها ...ارتاحي ...
رفعت الجوهره ...حواجبها ....وانتبهت ..ان رنا تناظرها ...
امي هيا- سلامتها ماتشوف شر.....
امي نوره- الشر مايجيتس...انشالله...
ام سلطان التفتت لسمر ..
ام سلطان- سمر روحي خليهم يجيبون ...الشاهي...
سمر- انشالله يمه ...
قامت ..وطلعت ....
من عندهم ...جت بتروح للمطبخ ...الخارجي ...وشافت نجلا والوليد ...
الوليد انتبه لها ...وهو ماسك نجلا ...
الوليد- سمر!!..شوفيلنا درب ...
سمر استغربت ...منهم...من كلام رنا ..ظنت ...ان ...النكد...حليف نجلا اليوم ...
الوليد- سمر؟؟عسى ماشر التتنيح!!ماسمعتي وش قلت!!؟؟
ناظرت سمر نجلا ..الي تحاول تبعد عينها ...
سمر- الا سمعت ابشر ....ياخوي...
دخلت مره ثانيه ...شافت رنا ..بتروح المغاسل ..
سمر مبسوطه- ابشركِ...تصافوا ..اخوكِ ومرته ...وانتهت الازمه!!
رنا- وش تقولين انتي ..طولي صوتكِ...
سمر ..اشرت بيدها يوم شافت الجوهره ...مقبله..- بعدين بعدين...
قربت ..وسكرت الباب الي يفصلهم عن المدخل ....وهي رافعتن حاجبها وتناظر الجوهره ..
سمر- يلا تعالوا..
دخلوا ....وراحت سمر عنهم ماتبي تحرج نجلا ..اكثر ...
رقى معها الوليد....
نجلا- لحظه شنطتي..مدري وين حطوها...
الوليد- وين بيحطونها ..اكيد بغرفتي...
نجلا منفعله- بس مابي ..اروح لفرفتك !!
الوليد وقف على الدرج ..والتفت لها ...
الوليد- مالكِ مكان ...في ..هالبيت ....الا معي!!شدد على آخر كلمه ..
.كشر بوجهه يمزح..وقال
الوليد- بسرعه ..تاركِ مرعبتني بذا الكحل...الي محاوطن عيونكِ..
احمرت خدودها ...وهي عارفه ان شكلها ..لابد يكون غلط...وحوسه...دايمن ...كيذا ...تتعرض لهالمواقف ..معه ...وتكون فيه ..الجوهره ..النسره..!!
كمل,,ورقى ..لين وصلوا ..لباب ..فتحه الوليد ..وسحبها ..
الوليد بتعب- ادخلي ..مافيني اجرّك ِ...يكفيني رجولي....
سكر الباب ..وترك يدها ..يدري بالي يدور ببالها ...
ناظرت الغرفه ...مو زي جناحها ...وشكل مافيه غيرها ..مع الحمام...
الوليد- مافيه غرفه ثانيه....ولاني ..مخليّكِ..تنامين ..اصلا..بغرفه ثانيه ...
نجلا- مااتفقنا على كيذى ...
التقت نظراتهم ...
الوليد بهدوووء- فيه اشياء ...كثير اتفقنا عليها ...وكلها غلط في غلط!!!
ابعدت عينها ...تدور شنطتها ...
الوليد واقف عند الدولاب..
الوليد- تعالي شوفي اغراضكِ هينا مع اغراضي...
نجلا بسرعه- بروح للحمام .....تبي تبعد ..عنه ..وعن قربه ..قلبها مقبوض....وحاسه بالاحباط.....
دخلت الحمام....سكرت الباب ..وتساندت عليه ...
فيه ..وجع ..بقلبها ...ماتدري وش هو ....ضرب الوليد لها اليوم ...ماكان هيّن!!
لآ...وقدامها بعد!!...رفعت يدها ..لصدرها ...المكتوم....وارتفعت اصابعها ...تدور ...سلسالها ...مسكت رقبتها ...بسرعه ..
وين راح؟؟؟ياربي شكله طاح مني...؟؟
تحركت ...للمرايا....وفتحت عيونها على الآخر ...
شكلها ..مو يرعب ...الا..يفجع...بكحلها السايل ...وروجها ..الباهت ....
ماتدري ليه ...غصب ..تحدرت ..دمعتها ...
وبسرعه ..فتحت ..ملابسها ....ودخلت تحت الدش.....الحمام ..كان مجهز ...بكل شي ....
حتى ...اغراضها ..الي تستخدمها لقتها ...فيه ...ومرهم رجلها ...
طلعت من البانيو....نشفت ..شعرها ...وجسمها ...وهي تحاول تبعد عينها ..عن ..اثر ..مسكة الوليد لها ...
عطست ....
يووووه شكل حلقي بيلتهب ....الله يعين ...
سمعت دق على الباب ..
الوليد- نجلا؟؟
نجلا بسرعه- طيب ..بطلع الحين ....
ربطت ..حزام الروب ..عليها ...وشدته ...
فتحت الباب ...وبسرعه ..رجولها ..تدور ..الهروب ...
قاعد كان ..على طرف السرير ...ولاحظ حركتها ..المعتاده ....
قام ..ودخل الحمام ....وتركها ...
تنهدت ..من قلب ...غيرت لبسها ...بسرعه ....وقعدت تمشط شعرها ....دورت شنطة مكياجها ...تبي تخفي ...الحمار الي بخدها ....
..........................................................
ام سلطان- الله يهديتس ياخالتي ...وش معجلكم ...ناموا هينا ..؟؟
امي نوره- يابنت الحلال ...انا ..مانام ..الا ببيتي ...
ام سلطان- والله الوليد بيزعل ...
امي نوره- ابد مب زعلان ....خيرها في غيرها ...يلا..فمان الله ...وسلميني على نجلا ....
ام سلطان- انشالله ياصل ...مع السلامه ...
حنان- يمه ..تحسسينا بالذنب ...اقعدي معنا تكفين ؟؟
امي نوره- وش اقعد اسوي ؟؟بركب دباباتن مثلكن ؟؟؟نبي بيت الشعر ...وبكره ..انشالله بجيكم ...عشان اقعد فيه ...
ضحكت ساره- يمه...الحين بيفرق ..تنامن كم ساعه برى البيت ؟؟هماكِ بكره بتجين ؟؟
ام سلطان- لا تحاولون تقنعونها ...مالها الا الي في راسها
امي توره- اييييه اجديتي ...مايعرفني الا انتي ...
...
كلهم راحوا ..وقعدوا البنات ...ساره وحنان ...حتى الجوهره ...الي كانت بتقعد ..كان لازم تروح ..بعد الي صار ...
..........
بسرعه ...كانت ...تمسح الاساس ..على خدها قبل يطلع .....حست ان صوت المويه وقف ....وبسرعه ....نفضت شعرها ......وتعطرت ....ونزلت .....
بسرعه ...قبل ..يطلع ...
............
ام سلطان- هلا ..ياميّ...والله ان بالي ..مشغولن معتس...
نجلا ابتسمت ..برغم الاحباط الي هي حاسته ...
نجلا- لا اشوى ...طحت في البركه ....ورنا طلعتني...
سمر بضحك..جت ..من ورى ..امها ..- انالله ...كم مره اقولكِ ....حمام سباحه ..
نجلا- والله انا تعودت ..اسميها بركه ....
جوا الباقي ...
حنان بعربجيه- هلا ..والله ....هلا ...بالقمر ....
ضحكت نجلا ..على اسلويها ..
نجلا- خجلتيني ..صراحه ...شوفي خدودي ..كيف ..احمرت .....
سمر- وراكِ ياعمه ..قلبتي ..رجال؟؟؟
حنان- استحي ..على وجهكِ ...شا يفيني ..مطنزه ..انتي واخوكِ...هو يقول خشه ..وانتي ..تقولين ..رجال ....
ضحكوا جميع ....
ساره- هااه ..وشلونكِ عقب الطيحه ...
نجلا- والله كتوفي ..تعورني ..مشدوده ...مره...
رنا ..كانت معهم ..بس ساكته ...
انتبهت لها نجلا ..
نجلا- الله يعافيها رنا...شكلي تعبتها ..بعد..
رفعت رنا راسها .....وناظرت نجلا ...المبتسمه ....وبداخلها ..حقدت ..على غبائها ...وعلى نفسها ...
سمر- الحين ..انتوا وراكم ..قاعدين ..عند الدرج ..؟؟تعالوا ..نقعد برا ..الجو جنان؟؟
نجلا- لا ..تكفين ...احس ..ان حلقي بيلتهب...وبرا هوى .....
ساره- تعالو بس ...نقعد بالصاله ...ونتفرج ..على التلفزيون ....
|
15-01-08, 08:52 PM
جديد مواضيع قسم الارشيف
العرض العادي
