لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


إضافة رد
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 18-12-16, 11:16 PM   المشاركة رقم: 131
المعلومات
الكاتب:
اللقب:
قاريء مميز


البيانات
التسجيل: Jul 2009
العضوية: 147465
المشاركات: 585
الجنس أنثى
معدل التقييم: دودي وبس عضو جوهرة التقييمدودي وبس عضو جوهرة التقييمدودي وبس عضو جوهرة التقييمدودي وبس عضو جوهرة التقييمدودي وبس عضو جوهرة التقييمدودي وبس عضو جوهرة التقييمدودي وبس عضو جوهرة التقييمدودي وبس عضو جوهرة التقييمدودي وبس عضو جوهرة التقييم
نقاط التقييم: 1271

االدولة
البلدSaudiArabia
 
مدونتي

 

الإتصالات
الحالة:
دودي وبس غير متواجد حالياً
وسائل الإتصال:

كاتب الموضوع : #الكريستال# المنتدى : القصص المكتمله من وحي قلم الاعضاء
افتراضي رد: كنا فمتى نعود ؟

 




مسااا النووور و السرور ..


يييمه كرررستا ش هالجمااال .. ماشاء الله 😍
بس اخ حركاات الكــــــت ماقلنا بنخلص منها 🙂

بااارت جمميل .. شكرًا ياكرستا ان اغلب الجزئية كانت عن جلوي عشان اقدر ابين كرهي له ..
بعدين كرستا اهم شي لا تقولين عن جلوي مظلوم ش كبررها .. كيف يصير الظالم مظلوم ماتجي والله !


بعض الغلطات تقتل و الزمن مايتكفل بجبرها .. خاصة جرح مابرى بعد هالسنوات كلها ..
تووه جاي مافي شي يشفع له .. يمكن لو سعى في وقتها أو ماسوى سواته يمكن هه حتى اعتذر حضرته متكبر عليه..

صدق ترا قريت البارت مرتين احاول اعذر جلوي ماقدرت الا زاد كرهه له ..


يعني ماعنده الا حب نوق..
هو اللي كأنه افلس من كل شي هالسنين في محاولاته للبحث عن بديل لها ولا قدر ..
جلوي ماهو جاي يبحث عن نوق جاي يبحث عن نفسه فيها..

اقتباس :-   المشاركة الأصلية كتبت بواسطة #الكريستال# مشاهدة المشاركة
  
تكرهين الشخص إلي عجز بأي شكل يسترد الأحساس الجميل تجاهتس في حريمه

الإحساس إحساسك .. والعجز عجزك .. كله لنفسك ياجلوي .. هي وش موقعها ..


انا من اول اقول انه اناني وكل بارت يثبت عليه هالشي اكثر ..
كل اللوم اللحين صار ع نوق ..

يانووق انتي السبب 15 سنه دفع ثمنها ..
يانووق انتي السبب انه وصل 40 وعياله صغار ..
يانووق انتي السبب انه للحين مااستقر في حياته ..
يانووق انتي السبب انه خسر عمر ماهو سهل ..
يانووق انتي السبب في تعبه..
يانووق انتي السبب انه ضحى في خياراته..
يانووق انتي السبب المفروض يكون عنده خمس ولا ست عيال
يانووق انتي السبب انتي السبب ..

هو بِسْم الله عليه ماسوا شي .. هذي سواتك ياجلوي تدفع ثمن غلطتك ..

الخساير اللي تدفعها واللي انت تشوفها خسائر اللي هي زوجتين ولدين صغار مقابل عمرك اللي راح هذا بدال ماتحمدالله ..
ولا شي قدام خسائر نوق اللي خسرتها بسببك .. كرامتها وسمعتها وفوقها شخصيتها .. ولسى راجع ياجلوي انت شخص مالك أمان ..
يوم شفتها بالبسطة ذكرت انها بنت عمك وينك من أول


ليه ماتقول يوم انك ظالم ربي بلاك بحبها ولاقدرت تطلعه من قلبك ..
ويوم انك ظالم انقلب حالك من الضحكه للبكيه ..
وان السنين هذي عايش تدور نفسك بين حريمك ولا لقيتاها ..
ايه خاين للعشرة ولا صنت بنت عمك ..والزمن مايرجع ياجلوي بعض الحريم تكون زي الوسم في قلب رجلها تكويه كي ..
يعيش هالعمر بحرقة هالكويه ولا يفيد فيه شي ..




منصور تسلم يمينه اللي صكت جلوي كف.. اييه بالله يستااهل ..
خلاص منصور حبييته ويوم يوري اخته ومرته شغلهم وقف شله الابالسه عند حدهم ليت جازي معهم ..
الجد ياظاالم منصور يخاف الله ووقف مع الحق ماهو انت اللي مع هواه
مسررع مافزع لجلوي بيت مرا وحده خله يحسن خلقه مع هالبنيات


اقتباس :-   المشاركة الأصلية كتبت بواسطة #الكريستال# مشاهدة المشاركة
  
كيف للرجال يعتذرون .. تطلع " آسف " منهم بدون ما تجرح كبرياء ولا تدمر وطن فيهم

نوق ماهي جاريه عندك حتى تراضى بإنصاف الحلول ولا بدون اعتذار ..
وانت الأسف تتكبر عنه .. هه ياكامل الرجوله
الرجال الحقيقي وهو اللي يعتذر .. وعمر الأسف مايدمر وطن الا يبني اوطان ..


اقتباس :-   المشاركة الأصلية كتبت بواسطة #الكريستال# مشاهدة المشاركة
  
يانوق بعد ماأخترت الفراق .. هو إنتس رحتي ورجعتي وخيارتس واحد .. حزنتس
واحد وضعفتس الطارئ بيتلاشى .. هالإنجاب أمر مالتس فيه خيار .. أمر الله ..

لا لا لا ياجلوي ..
نوق ماكان حزنها واحد .. الخلفة بأمر ربي .. نوق كان حزنها أعمق وأوجع من اللي انت عايش فيه ..
حزنها كان ع هالانسان اللي اقفى ورمى عشره 5 سنوات والحب ورا ظهر ..
حزنها كان ع هالانسان اللي حبته واهانها وبعثر كرامتها في الارض قدام الكل ..
حزنها ع الانسان اللي ماحفظها وماحفظ انها بنت عمه ورفع قدرها والدم اللي يجري بعروقهم واحد..
حزنها على الانسان اللي حبته ولا قدر يدمح الزله ومسرع مارمى الطلاق واقفى..
حزنها كبيير لدرجه اثر ع شخصيتها وع شكلها ..
لا تقارن ياجلوي لانها مقارنه ظالمه !!



اقتباس :-   المشاركة الأصلية كتبت بواسطة #الكريستال# مشاهدة المشاركة
  
أجبرتيني على الحتسي وأنتي الساكته .. على السؤال
عن أشياء كنت أنتظرتس تفتحين الباب لها وتتركين الباقي لي ..قلت لتس
" ماتبين تعرفين أي شي عن حريمي .. عن عيالي " وأنا أبي أكشف لك الغطا المستور

ذكرني بياسر التويجري يوم يقول

عـذرك هـزيل وسالـفَتك اجـوديه
بعض الحكي ماهوب مفروض ينقال

ان كان عذرك بالخطأ : طيب نيه
لا تصـير طـيّب حـاول تصـير رجـال



اقتباس :-   المشاركة الأصلية كتبت بواسطة #الكريستال# مشاهدة المشاركة
  
صرت يائس .. أعيش مع أنصاف الحريم ... أبحث عن من يعوضني فقدتس فيهن
*
لأني أحتاج أبحث
عن مكانتس يانوق في جسد وحده غيرتس .. علي أبحث عن أنسانه تعرف إلي أكرهه
وأحبه مثل ماأعرف أنا ماتحب وتكره .. نتشارك كل شي فينا

هذا اللي فالح فيه ..
يبحث عن وحده تعوضه عنها كله لنفس وأجل نفسه .. ولو لقى هاللي تعوضه ماذكرك يانووق





اقتباس :-   المشاركة الأصلية كتبت بواسطة #الكريستال# مشاهدة المشاركة
  
لا وصيتتس ماتواجهين وحدة من زوجاتي ..
لأني أخاف من أنه أحد يأذيتس وأنا مانيب موجود ... أخاف يمستس السوء ..
أخاف تظللتس غيمة من الخذلان وأنتي إلي مثل ماأعرفتس ماتعرفين لا الخذلان ولا الخيبه ..

بِسْم الله ع قلبك يالحنون .. انت اكبر اذيه لها ..
وانت ماحصلت منك الا غيمه الخذلان والخيبة .،
ماادري وشلون نوق كانت متحمله ثقالة دمك وععع



اقتباس :-   المشاركة الأصلية كتبت بواسطة #الكريستال# مشاهدة المشاركة
   حبيتس يانوق حب البدو إلي مابه زيف

لاااا بالله ماتدل حب البدو ولا انت حوله..
مااحد صور حب البدو كثر قصيدة لحن البدو لطلال الرشيد الله يرحمه ويسكنه الفردوس ..
وانت ياجلوي ماانت حولها ..لافعول ولا اقوال




اقتباس :-   المشاركة الأصلية كتبت بواسطة #الكريستال# مشاهدة المشاركة
   والله ماكنت أقدر أفتح معتس صفحات
ماضي والنهايات مره .. ماكنت أقدر أواجهتس بالماضي وأنا أعرف إن فيه ألمتس ..
عشان تسذا أتخذت قرار إن مانذكر شي عنها لفترة ..

على أساس انها بطالع في وجهك قبل ماتفتح الصفحات .. الماضي ماانقفل بينكم ولازال عايش ع الحاضر ..
ماادري وشلون يفكر هالرجال لا عاد يقرر وش هالقرار البايخ..



اقتباس :-   المشاركة الأصلية كتبت بواسطة #الكريستال# مشاهدة المشاركة
  
كنت ملكي يانوق من البداية .. ملك لي أنا .. ملك ولايحق لأحد يبعدني عنتس ..
لولا تعاطف جدي وحيلة عواد .. تسان أنا ماقدرت عليتس .. وعلى وصال البعد

كانت في الماضي .. ومااحدا طلق وتخلى الا انت ..
مهما السبب اللي سوته ماتطردها بهالشكل ياقليل الخاتمه ..
انا قلت لك انت يوم افلست من محاولاتك جيت لها..
انت وشله الخبث واللعبة الوسخه اللي لعبتوها صح قدرتوا ع القرب ..
بس وصلها هي مارح تقدر عليها مارح يرجع قلبها لك ياجلوي .<< الا لو انها خبله عاد 😆







اقتباس :-   المشاركة الأصلية كتبت بواسطة #الكريستال# مشاهدة المشاركة
  
دعيت الله ترجعين لي ولايوقف أحد في طريقنا .. ولما تسان لرب السماوات والأرض
يأذن كنت أنا متفاجأ في حالتس .. متفاجأ في هالتغييرات إلي فيتس ..

سبحان الله متفاجأ !!
ليه يااستاذ جلوي ع بالك الأمور والاوضاع ع حطت يدك من 15 سنه ماهيب متغيره..
ويوم نوويت ترجع على بالك بتلقى كل شي زي ماكان و ينتظرك مثلا !






اقتباس :-   المشاركة الأصلية كتبت بواسطة #الكريستال# مشاهدة المشاركة
  
رفعت صوتي بوجه مشعل
" تشوفني غلطان أنت ..؟ "

مصييببة اذا انت من جددك تسال !
انا خلاص تأكدت ان هالجلوي مضروب ع راْسه ..



اقتباس :-   المشاركة الأصلية كتبت بواسطة #الكريستال# مشاهدة المشاركة
  
جلوي صرخ بوجهه : مجنون أنا .. حمار .. ماكنت بعقلي .. أستفزتني يامشعل من ذيك السنين.. جرحت شين فيني ماقدر يبرى .. ولما طلقتها وطلعت تسان هذا آخر مابيني وبينها .. ماقدرت
أشوفها .. أحتسي معها .. ماقدرت والمشاكل بين جدي وولده وصلت قمتها .. إن تسان
عمي عبدالله من قواة باسه وغضب الله عليه قدر يفكر يجرجر جدي للمحاكم ..
كيف فيني أنا

ههههههه في هذي بوافقك ياجلوي انك صدق مجنون وحمار ..
استفزتك وانت تطالق ع طول هذا وانت تحبها طلقتها ولو ماتحبها ش سويت فيها ..
عايرتك بفقرك ولا غنمك اي كانت العياره ماتوصل للطلاق.. الا لو انك بااااايع

ماالك دخل في المشاكل اللي بين جدك وأبوها ..
اما مشاكلك انت مع ابوها هي اللي مااالها دخل تجي تحط حرتك فيها ..
لو تحبها صح ماطلقتها وطردتها كان رجعتها بيت اَهلها ولين هدت الأوضاع رجعت لها ..



فوقها يوم انه ميت عليها تزوجها بطريقه مهينه يعني لو تزوجها برضها بعرس زي الاوادم
اقلها قدر يكبر شانها قدام الناس و حريمه بالذات ماهو يحسون انه متفضل وانقذ سمعتها وهو الكذاب اللي ميت عليها


الجازي عوووبه بِسْم الله .. بس خليها تنكد ع جلووي وطلعه من طواره ..
ليش دنجوان زمانه ع باله التعداد سهل اللي يتزوج ثلاث يرتاح ..
حسنا ضعيفه من جدها يوم انها تصدق طبينتها !! الطباين مالهم اماان .. ياعمري عليها حسنا حزنتني والله
أجل انبسطت بشوفة وجهه فوق ماهو مااخذ عليها ثنتين هالضعيفه ..
خلك باجازي هذي نيتك الشيينه يوم تلعبين ع حسنا لا رضاوة ولاشي خلك بتمثيل دور الراضيه اجل لين ماينبط قلبك ..

كانها ناقصه خبث عشان تجتمع مع نوره ..
اجتماع الابلسه ياانه بيكون يرزرزون هالعيال في وجه نوق يقال بيقهرونها..
او عاد بيصفقونهم ويحطونها في نوق قدام جلوي ..



وبعدين جلوي ليش ماسمى الكبير منصور .. يكون سماه عبدالله عشان نوق كانت تبيه 🤔


عوّاد يوم يعصب .. ع كلمة ولد عبدالله
اذا بنات عبدالله مايفخرون انهم بناته من فعايله ..
يمكن عشان كذا عَصّب شلون يصير هو ولد الظالم العاصي ..
بس انا اقولك ياعواد اهدا من كذا تذكر يوم انك لحمه حمرا ولا لك حول ولا قوه..
ضفق عبدالله في بيته وحرمته هاللي مستهيج عليها ربتك اكلتك بيدها وحفظتك بيدها ... لا خواتك ولا شي ..
يوم ابوك ماهان عليه يجبر مرته تستقبلك ولا اقلها عيشك في بيته .. لاتنسى اذا كان عبدالله الظالم العاصي بس له فضل عليك
مو يوم طلع لك ريش نفشت نفسك وتنكر الفضل ،، ويمكن يوم ام نوق قالتها تبي تذكره ان له فضل عليك أوقف مع بناته
هاللي تربيت معهم ولا تصير انت والزمن ضدهم ..

بعدين أستاذ عوّاد بتسويلي فيها متفاجأ انك ماتدري انها ماتبيه..
ماادري انت ماتشوف ولا ماتفهم ولا وش وضعك .. طيب اللحين عرفت وش بتسوي .. انا مااشوف الا انك جمعت المهر


مشعل اكييد هو اللي يتميلح باخر مقطع .. ياالغرور اللي فيه اللحين نص مليون لو مليون وش بيسوي..
ضحكني يوم الدنيا قالبه عندهم وهو عايش عالم ثاني ..
ذكرني بوحده يوم نجتمع نتقوى الدنيا ازعاج وصراخ وبرزان يتصفقون وهي مأخذا وضعية اللي يصور ..
هههههه تشوفين الصور تقولين وش هالجوو اللي يفتح النفس مادروا عن الكواليس..

مشعل صدق احسه إنسان محترم وله فكر الحسوفه انه اخو جلوي ولا عقله وفتح له مخه ..
صدق وش لك بالحيله ياجلوي ماهو كل شي يجي بالقوة .. تقوم تسوي حركات مايسويها عاقل في اَهله عشان يطير ذياب




متعب عورني قلبي عليه .. قد اش ياس الرجال ..
مايصير كذا لمن يحط في باله ان هاللي يمر فيه كل اجر ورفع لدرجة تهون عليه ..
في النهايه وهو وضعه كذا احسن بكثير من ناس غيره .. وناس متعايشين مع أوضاعهم

فضية ماشاء الله حطت برأسها شيما ..
طيب يمكن شيما ماترضى ترفض عشان مرضه .. ولا ليكون مايحق لها ..ليش مايتزوج بتول
بنات الاخو صار الكل يحط ويشيل فيهم ..بدايتها نوق وتالياها شكلها شيما




نوير ارحمها صاير كل شي فوق رأسها ..
اصعب شي لامن كلاً تدخل فيك وكأنه هو الوالي ..
كلمتها لعواد حلالكم يوم طاح الظهر ..انا قلت بس بيصفقها عليها ..
صحيح معها حق بس لسانها صاير يهش وينش الرجل لسى مامداه يهرج تحط حيلها فيه تخليه لين مايهرج ثمن تستلمه 😆
وحتى جدها ممكن الشي اللي يشفع له انه سعى لها في التعليم .. يعني فضل زي ذَا المفروض ماتنساه وتجحده ..

ع انه عبدالله غيبه المرض واللي ممكن يكون تكفير عن سواياه الا ان بناته للحين يتحملون كل مواقفه وذكراها ..
وكأن خطاياه اكثر من انه يتحملها عشان يتحملونها بناته لدرجه الجد ماهو هاين عليه يعلن انه حلله وباحه

ام نوق صبرت صبر الله يعوضها خير ع صبرها ..
تعيش مع واحد بهالاخلاق .. وبعد ما طاح ماهانت عليها عليها العشره قامت فيه وهي مراه محتاجه من يقوم فيها


بادي ياحليليه جالس يتميلح ابو البنات .. وين اللي كان يزعل اجل ..





ياااربي ع الكــــــت واللحين وش بيصير للبنات اللي برا ..
الكل بيستهيج وبيسوي فيها الوالي ..


ويعني أستاذ جلوي قدر يدبر المهر ياانه من عوّاد و مشعل ..
اممم ماادري وش بيصير بس طالما وفوا بالوعد يمكن ترجع له نوق ..
بس بما انهم أنذال والنذاله في دمهم ليتها ماترجع ترمي عليه المهر وتقوله طلق غصبا عنك ..






يسعددد قلبك كررستا وتسلم هالايدين اللي تخط لنا هالإبداع ..
بانتظارك ياقمرهم ..














 
 

 

عرض البوم صور دودي وبس   رد مع اقتباس
قديم 19-12-16, 02:29 AM   المشاركة رقم: 132
المعلومات
الكاتب:
اللقب:
قارئة مميزة


البيانات
التسجيل: Mar 2008
العضوية: 67226
المشاركات: 262
الجنس أنثى
معدل التقييم: inay عضو على طريق التحسين
نقاط التقييم: 98

االدولة
البلدAlgeria
 
مدونتي

 

الإتصالات
الحالة:
inay غير متواجد حالياً
وسائل الإتصال:

كاتب الموضوع : #الكريستال# المنتدى : القصص المكتمله من وحي قلم الاعضاء
افتراضي رد: كنا فمتى نعود ؟

 

السلام عليكم
تقبليني كمتابعة جديدة لروعة ما تكتبين ,, لي عودة بعد الانتهاء من القراءة ان شاء الله

 
 

 

عرض البوم صور inay   رد مع اقتباس
قديم 20-12-16, 07:52 PM   المشاركة رقم: 133
المعلومات
الكاتب:
اللقب:
ناقد أدبي



البيانات
التسجيل: Dec 2011
العضوية: 233277
المشاركات: 2,614
الجنس أنثى
معدل التقييم: #الكريستال# عضو ماسي#الكريستال# عضو ماسي#الكريستال# عضو ماسي#الكريستال# عضو ماسي#الكريستال# عضو ماسي#الكريستال# عضو ماسي#الكريستال# عضو ماسي#الكريستال# عضو ماسي#الكريستال# عضو ماسي#الكريستال# عضو ماسي#الكريستال# عضو ماسي
نقاط التقييم: 7632

االدولة
البلدSaudiArabia
 
مدونتي

 

الإتصالات
الحالة:
#الكريستال# غير متواجد حالياً
وسائل الإتصال:

كاتب الموضوع : #الكريستال# المنتدى : القصص المكتمله من وحي قلم الاعضاء
افتراضي رد: كنا فمتى نعود ؟

 

دخول مستعجل وأعذروني ..


دودي .. والله العظيم .. مدري شاقول لتس .. بس أكيد تعرفين إني أحب تعليقاتتس
والتحليل .. وكل شي ..


Inay >>

حياتس الله .. قلبي لتس مكان ..

 
 

 

عرض البوم صور #الكريستال#   رد مع اقتباس
قديم 20-12-16, 07:57 PM   المشاركة رقم: 134
المعلومات
الكاتب:
اللقب:
ناقد أدبي



البيانات
التسجيل: Dec 2011
العضوية: 233277
المشاركات: 2,614
الجنس أنثى
معدل التقييم: #الكريستال# عضو ماسي#الكريستال# عضو ماسي#الكريستال# عضو ماسي#الكريستال# عضو ماسي#الكريستال# عضو ماسي#الكريستال# عضو ماسي#الكريستال# عضو ماسي#الكريستال# عضو ماسي#الكريستال# عضو ماسي#الكريستال# عضو ماسي#الكريستال# عضو ماسي
نقاط التقييم: 7632

االدولة
البلدSaudiArabia
 
مدونتي

 

الإتصالات
الحالة:
#الكريستال# غير متواجد حالياً
وسائل الإتصال:

كاتب الموضوع : #الكريستال# المنتدى : القصص المكتمله من وحي قلم الاعضاء
افتراضي رد: كنا فمتى نعود ؟

 

أم مروان :

أسعدتيني وربي بتواجدتس .. تأكدتي إن متابعتكم هي إلي تزيد الروايه جمال


ريمي : أحبتسسسسس


سراب الحكايا : يازينتس ربي يحفظتس والله

 
 

 

عرض البوم صور #الكريستال#   رد مع اقتباس
قديم 20-12-16, 08:34 PM   المشاركة رقم: 135
المعلومات
الكاتب:
اللقب:
ناقد أدبي



البيانات
التسجيل: Dec 2011
العضوية: 233277
المشاركات: 2,614
الجنس أنثى
معدل التقييم: #الكريستال# عضو ماسي#الكريستال# عضو ماسي#الكريستال# عضو ماسي#الكريستال# عضو ماسي#الكريستال# عضو ماسي#الكريستال# عضو ماسي#الكريستال# عضو ماسي#الكريستال# عضو ماسي#الكريستال# عضو ماسي#الكريستال# عضو ماسي#الكريستال# عضو ماسي
نقاط التقييم: 7632

االدولة
البلدSaudiArabia
 
مدونتي

 

الإتصالات
الحالة:
#الكريستال# غير متواجد حالياً
وسائل الإتصال:

كاتب الموضوع : #الكريستال# المنتدى : القصص المكتمله من وحي قلم الاعضاء
افتراضي رد: كنا فمتى نعود ؟

 

بسم الله الرحمن الرحيم
مساء الخير .. المفروض ينزل 11 بس تعبانه ومرهقه حييل .. فقلت أنزله
بدري أفضل ولا أأخركم .. وشي ثاني
إلي كتبته بالسناب أبكتبه لكم هينا .. كانت في تعليقات كثيره في المنتدى
أبنزل بارت يوم الأحد .. بإذن الله بنفس موعدنا هذا الساعه 9 ..
يلا شدوا حيلكم ^ ^ .. لاتنسون الايك والتقييم للدعم ..

( 7 )

رحت أركض لبيتنا داخله .. تاركه الشي إلي كنت متوقعته وماصدقوني أهلي

مسكت يد باب الحديد دافعته أكثر حتى أبعده عن طريقي .. أدخل للصاله إلي يعتلي فيها صوت القران .. وقفت وأنا أشوف
أمي منحنيه تلم أكياس من على فرشة الصاله وأبوي واقف .. ملامح وجهه يملاها كثير
طيبه .. لابس قميص بني فاتح بنص كم .. وطاقيته إلي على راسه تغطي شعره ..
رفعت أمي ظهرها واقفه حتى تتغير ملامحها من شافتني واقفه قبالها بصدمة ..
نطقت بأندفاع .. ( وش بلاتس يالنوري ) .. وكنت أبي أستوعب حضورهم قبل لا أقولها ..
أشرت بيدي لورا .. أبنطق .. أبقول .. أتموا العهد يمه .. وجوا يبون يغيرون أشياء
تعودنا عليها .. بس سبق كل كلامي .. صوت عمي عواد إلي أندفع من وراي في السيب ..
( السلام عليكم ) .. أتسعت عيون أمي وتحركت بخطوات واسعه صوب باب الصاله إلي كان مفتوح
حتى تدفعه بيدها توقف وراه وماصار بينا وبين عمي عواد .. غير هالباب ..

أم نوق : وعليكم السلام .. حيا الله عواد
عواد : الله يحييتس يام نوق .. بشرينا عنتس
أم نوق : ماتسأل إلا عن العافيه والطيب .. أقلط أقلط في مجلس الرجال وإن تسان معك أحد ..
حياكم الله جميع ..
عواد قاطعها : لا بالله مابي أكلف عليتس .. حنا جايين معنا أغراض نبي ننزلها
وحنا الماشين .. ولنا رجعه العصر
أم نوق رفعت صوتها وبحزم : ماهيب من سلومنا يقبل الضيف علينا ويروح بليا قهوة .. والله إن القهوة على النار مركبتها النوري .. ومير كاتبها الله تكون من نصيبك .. حياك الله ياعواد
وحيا الله من معك .. البيت ماهوب بيت غرب يومنك تمر عليه وتمشي .. بيت أخوك ..

رفعت أيديني لفوق وأمي واقفه وراي .. وأبوي قبالي .. شفت أصابعي ترجف .. ترجف بقوة
وحراره غريبه بدت تسري في جسمي لدرجه جلست على المركة ماعادت ركبي تشيلني .. أمي كانت مثل الجبل ..
ثابت .. ثابت وأنا وراها .. جناح مكسور .. رحبت في عمي ولا كأن العاصفة جايه
بتغيَر معالم حياتنا .. بنجرب فيها مقاس جديد لحياتنا .. وبيتنا .. وأشيائنا كلها ..
سكرت أمي الباب ولفت لي .. قربت ونطقت بصوت واطي
" يمي دقي على خواتتس خليهن يعجلن بالجيه ويجون من الباب الوراني (الخلفي).. وطلعي خمس أكياس لحم من الثلاجة وركبيها على النار "
كيف يمه .. كيف أعصابتتس تغرق في دم بارد تسذا .. تتحرك صوب أبوي .. تمسكه مع يده
ماخذته لغرفتها .. وتركتني لحالي .. هل هو هذا قدرنا .. فعلا إننا نغادر حياتنا تسذا ..
لحياة ومجتمع أكبر .. إنا نتنازل عن كل شي .. لأن لازم علينا نتنازل .. ولا نضحي .. !
أخذت نفس بقوة وفجأه السيب إلي بقسم الرجال أمتلى صوت رجال وضحك .. ماكان يفصل بيني وبينهم إلا جدار وباب سكرته أمي .. ليت إني يمه آخذ شوي من قوة هالجبل فيتس ..
والله إني قاعده أنهار وأضعف من داخل .. نزلت نقابي وأيديني والله مانيب قادره أتمالك
الرجفه إلي فيهم ..رميته بحضني وجريت الشيله .. أنحنيت بجسمي ماخذه الراديوا وسكرته .. رميته بقوة بعيد عني .. مسرع مسرع ينفذون الشروط بهالسرعه ..
وكلنا نعرف إن جلوي لو باع نفسه في سوق الجمعه ماجاب ربع هالشروط .. أنفتح باب الغرفه حتى أسمع صوت خطوات أمي .. وهي بصدمة تشوفني على ماتركتني
عليه
( يابنت قومي .. قومي لا تفشلينا .. عجلي بالقهوة خلينا نقوم بالمواجيب )

سمعت صوت خواتي .. في الحوش .. لحظات ودخلت نوق من باب الحوش علينا بالصاله
وهي تشيل أكياس بأيديها الثنتين .. أنحنت منزله الأكياس وأعتدلت بوقفتها ..

نوق بربكة وصوت واطي : يمه وش سالفة السيارات إلي برا .. والله خفنا تسثيره !
هيا توقف وراها وهي تسحب شيلتها : إي والله وش السالفه .. من الخرشه نزلنا بسرعه
وتركنا نص الأغراض عند السايق
أمي بهدوء : عواد ورفيقتتس الظاهر هنيا ومدري من معه ..

صرت أطالع أختي نوق .. عيونها تعلقت في أمي ولا نطقت بكلمة .. كانت الصدمة إلي في عيونها تحكي ألف كلمة .. !

شيما بتعب تدخل : يمه خلاص توبه .. طلقت الروحه مع بناتتس بالثلاث
عهد تضرب كتف شيما : يالجحود .. خميتي مابالسوق وتقولين تسذا .. لولانا ماشريتي شي
وعد ترمي نفسها على الأرض جالسه وهي ماده رجولها : ألحقوني .. نقصت خمس كيلوا !
أويلي بسسسسس
عهد تحط يدها على خصرها وتطالعها : وإذا نقصتي يعني .. أحمدي ربتس
وعد بخرعه رفعت إيديها : نعنبوتس تبيني أطير .. مابه شحم .. نبي نشحوم والله
أم نوق بضيق وهي تأشر على الأكياس : وش جايبين .. أنا ماقلت كلن تشري إلي ناقصها بس !!
هيا ضحكت وأشرت على نوق : خزنة الدوله براسها رايحه معنا .. وتبينا نقتصد


تحركت نوق من قبالنا بخطوات عجله .. حتى تصعد الدرج إلي على يميني لفوق .. آآآخ يالنوق .. هالأنسانه مدري وش أقول .. باطتن تسبدي .. وأخاف عليها .. إي والله صرت
أخاف على أخييتي من هالصمت الغريب إلي متمسكه فيه بأيديها ..
حركت أمي أيدينها بعجله ..

( يلا أعجلن شيلن هالأكياس لفوق .. والهذره الزايده مابيها .. كلن تمسك لسانها
لين الله يعديها )

ضميت شفاتي بقوة ماأدري هل الحتسي هذا موجه لي .. أو لخواتي .. أو وصيه قالتها أمي
من باب الحذر .. أهم شي إن خواتي جن من السوق قبل لا أحد يدري .. ولا تسان
صارت علوم أكيد .. تحركت شيما وصارت تشيل الأكياس صاعده الدرج ووراها
عهد ووعد .. وهيا تحركت طالعه للحوش ..
أخذت نفس بقوة .. أنحنيت ماسكه راسي والله الصداع بيفجر راسي .. خلاص ..
ماعندي إلا أروح أسوي القهوه والشاي .. وأدوَر لي مسكن شراب يمكن ألقى .. !
كود يخف الصداع شوي .. ماحب هالحبوب ذي ..
ولا أعرف أبلعها .. تنشب في حلقي ولا تنزل .. لدرجه
صرت أضطر آخذ مسكنات إلي تذوب فالمويه .. أمي تقول دايما حالتتس صعبه ولابها علاج .. والله عجزت .. وإن حاولت أبلعها .. تقعد في بلعومي وأستفرغها .. ولا رحت عاد للمستشفى
أبتلشت مع ذا الممرضات وأنا أشرح إن العلاج بالحبوب ماينفع معي .. ويقعدن يضحكن ..
وإن مرضت لا قدر الله بسخنه ... شربت خافض الحراره إلي للبزارين .. أفضل ألف مره
من إني أقعد ساعات أحاول في حبة بنادول تدخل فمي ..
لحظات ورجعت هيا تركض للصاله .. وقفت بخرعه

( جلوي وعمي عواد .. واقفين يحتسون مع السايق .. الله يستر )

هه .. لاحول ولا قوة إلا بالله .. بدينا .. أنتفضت واقفه .. وصرخت بوجها ..

( وإذا واقفين .. أقول ضفي حالتس لفوق وش بيسوون يعني .. تاركينا أسبوع
بليا أحد .. وبعد بيجوون يحاسبونا .. إن شاء الله يبونا نموت جوع ! )

فتحت أختي هيا فمها حتى تنطق : هاااا ...

ولا عطيتها وجه .. تحركت متوجه للمطبخ وأنا أفسخ عبايتي ..نزلتها عند الباب ودخلت المطبخ .. رحت للفرن
وقصرت النار على أبريق القهوه إلي المويه داخله ماعاد بقى إلا شوي .. طفح الكيل عندي
هالحين أنا غلطانه ولاهم .. أنا ردة فعلي ذي طبيعيه أو تصرفاتهم هي إلي صح ..
سحبت قطعة قماش صغيره من الفرن وتمسكت فيها بقوة .. أخذت أبريق الشاي ورحت للمجلى حتى أعبي هالأبريق ماي .. توقف أختي هيا عند الباب شكلها ماأستوعبت
إلي قلته

هيا : بس حنا تركنا السايق واقف .. لأن بسطة أختي نوق مانزلناها

ضحكت وأنا أفتح الحنفيه للأخير .. " ينزلونها هم الله لايهينهم .. "

سكرت الحنفيه ورجعت للفرن .. حتى أحط أبريق الشاي على العين .. أسحب الكبريت وأفتح الغاز ومن أشتغلت النار .. رميت عود الكبريت بعيد .. رحت للثلاجة حتى أمد مدي لفوق
وأفتح الفريزر .. أطلع أكياس اللحم .. وهيا مدري وين راحت .. أبصراحة ..
ركبت اللحم على العين الكبيره بالفرن .. ورحت جلست على الكرسي البلاستيك .. ماراح أنفعل وأتعب نفسي .. بحاول أكون هاديه وبكون إن شاءالله وش معنى أنا إلي محرقتن رزي
والكل عادي عندهم .. أمي ترحب وخواتي ولاعطوا السالفه أهتمام .. ونوق سكتت ..
ليش أنا إلي علي أحرق نفسي بنفسي .. أنطق باب القاطع إلي مسكرينه .. ينادي
عمي عواد .. " يابنات " ..!
ولا تسني أسمع .. تكتفت وحطيت رجل على رجل .. يلا هالمره بكون على كرسي
المتفرج .. ولا أبنطق بتسلمه .. بشوف آخرتها ..
رجع عمي ينادي .. " ياولد " .. لحظات وأسمع الباب ينفتح وتبدى كركرت هيا
وتهلي عواد فيها .. ثم ترحيبها ماشاء الله .. زين ماشالته من الأرض وطارت فيه ..
ماعليه .. ماعليه .. كلن وطبعه وفهمه للأمور .. سمعته يسألها إذا تسانوا رايحين
ومن معهم .. ومن متى .. وكيف ..!!
ضحكت وأنا قاعده على الكرسي .. يهالخوف إلي أمطر عليه فجأه .. ياناس أسبوع ..
أسبوع ماقال أبدق .. على أم البنات ناقصهم شي منا مناك .. ترا أنا لما أقول
ذا الحتسي والله مانيب محتاجه شي .. الأقوال شي والفعول شين ثاني !
الرجال دايما ماتحكمه إلا فعوله .. فعوله بس ومادون هالشي .. أرموه بالأرض
ودوسوا عليه بعد .. يالله يارب .. يالله سألتك تلهمني الصبر وسعة الصدر ..
لحظات وبدى يسأل عن خواتي .. فزيت واقفه ورحت للفرن .. وقفت قباله .. مسكت يد
الأبريق بقوة رافعته حتى أنزله بقهر .. المشكله هيا هذي إلي بدون مخ تقوله ..
تسذا كل شي .. رحنا وجينا وسوينا .. رصيت على أسناني بقوة .. خواتي وش بلاهن ؟؟
أنغسل المخ خلاص .. صرنا عشانه يطلعنا ويودينا وهو إلي بيصير تسنه مسؤول ..
أبقوله كل شي .. ماأقدر والله .. رميت قطعت القماش بقوة على الجدار .. وطلعت من المطبخ
بملامح أحاول فيها تكون بارده .. عاديه نفسهم .. مريت منهم وضربت كتف هيا ..
قلت لها وأنا أمشي ..
" سوي القهوة والشاي .. عندي شغل "
صعدت الدرج وعيون عمي عواد أحسها تلاحقني .. سكت ماعدت أسمع صوته .. صرت أصعد لين مادخلت صالة الدور الثاني .. تحركت بشكل مستقيم صوب باب غرفتي أنا ونوق ..
وأدفه وعلى طوول رحت يم سريري وقعدت عليه .. زحفت لين مالصقت بالجدار ومسكت بطني ... ألم غريب حسيت فيه .. حراره تشتب فيه .. نطقت نوق إلي واقفه تمشط شعرها
قبال المرايه بــ " بسم الله " .. صار تطالعني بعيون متسعه ..

نوق : وش فيتس

رديت بدون نفس " مافيني شي " رفعت راسي وأنا أبتسم غصب أبصير نفسهم ..
" شايفه فيني شي " .. مسحت على شعري لورا أبي أوخر هالشعر عن وجهي
لأني ماني طايقه شي ..!
نوق : تعلميني فيتس ..

مادريت إلا بهيا تدخل علي ووراها مين .. يالله .. وش بلاه هالرجال .. من جد قسم بالله
إني أحس ببطني جمره وتسبدي مشتبتن علي .. نزَلت نوق المشط بربكة حتى تتحرك بخطواتها صوب عمي عواد .. إلي دخل بلا أحم ولا دستور .. وصار يسلم عليها .. رفعت عيوني للسقف ورجعت بظهري على الجدار .. أنا وش أسوي بخواتي .. ياعالم .. ياناس ..
مدخله الرجال لفوق والصاله محيوسه من عفشهن وقراطيسهن وحالتهن القشرا ..!
أنا ماعدت أتحمل والله .. زود ماني داخل قدر ضغط .. هالتصرفات بتجلطني .. عيب
إلي يصير ..

عواد : أخبارتس يالنوق ..؟
نوق وهي تشبك أصابعها مع بعض بربكة وبصوت هادي : تمام عمي .. طمني عنك
عواد : الحمدالله ..

أنا لو أعرف وين حاط هالعطر .. والله لا أخذه وأكسره .. وش هذا .. شكله مخصص
يقلب روس خلق الله وبس .. حركت عيوني صوبه وصرت بطرف عين أطالعه من فوق لتحت
وهو متكشخ .. ياكرهي للرجال إلي تسذا فيهم جمال .. وكشخه ونظافه زيادة عن اللزوم ..
رفع أيديه لفوق وصار بعبث يجر أطراف شماغه المطويه لورا .. لف لهيا
" وين خواتتس " .. ؟
فتحت الخشه هيا ولفت براسها للصاله حتى ترجع تطالعه .. مدري وش خايفه يشوف
ماهوب شاف حوستكن .. يامال إلي مانيب قايله !

هيا : بالغرفه
عواد أبتسم بلطف لها : خليني أفاجئهن ..

تحرك بيطلع بس وقف .. لف براسه لنوق

عواد بصوت هادي : جوالتس شغال يانوق ..؟
نوق عقدت حواجبها : لا
عواد ضم شفاته وحرك يده لقدام : أجل ترا جلوي يبيتس تحت ..

نويت أتكلم وأقوله .. العهد يالعم ثم مقابلات الفاضين أمثال جلوي بس سكت من هزت راسها نوق .. طلع من الغرفه وراح يمشي صوب قسم خواتي لين أختفى من قبالي .. فزيت واقفه .. رحت لها .. مسكت يدها مانيب مصدقه

نوير : بتروحين له ..؟
نوق هزت كتوفها : وش أسوي

تحركت راجعه واقفه قبال المرايه .. لابسه بلوزه مشجره سادة على تنوره رصاصيه واسعه .. رفعت إيديها تمسح على شعرها الأسود الخشن وهو يوصل لحد خصرها ..
أختي نوق رغم كثافة شعرها ماشاء الله بس أخذت الشعر الخشن من أمي .. جادلته ويجي على قبضة يدي .. بس تتعب منه حييل ولا ودها تقصه ثم تحتاج لأهتمام وخرابيط
هي ماهيب يمها .. تحركت صوبها .. وقفت أبي أستوعب قلت لها
" يابنت .. وش فيتس .. علميني .. "
طالعت باب غرفتي ورجعت أطالعها
" خليتس ثقيله .. ماهوب كل من ناداتس رحتي له .. تراه يحسبن الأمور نفس قبل بترجع ..
المفروض مايشوفتس إلا إليا جاب شروطتس ولا بعد .. تطلعين روحه "

هزت راسها وبضيق " أببعد عن الشر وأغني له .. بشوف وش آخرتها معه " !

رفعت حواجبي لفوق .. هذي من جدها ولا تستهبل .. أنا أعرف إنها واطيه على الجمر بس تسذا بهالأستسلام والخضوع الغريب .. الكرامة وين محلها .. وييين .. لأن إلي سواه
شي مايتنسى .. المفروض موب أنا إلي أعلمها .. المفروض هي إلي تسوي هالشي ..
ترفض مقابلته .. وش يبي عمي عواد جاين يقولها إنه يبيها .. وهو أكثر شخص كان
شايف نكران جلوي للجميل والعشره .. أو مستانس على هالحيله الخبيثه إلي قدروا
فيها إن نوق ترجع تحت ظلال ناكر العشره .. تحركت بس مسكتها نطقت بقوة

" والله ماتروحين .. وأقسم بالله إن رحتي يانوق نذرن علي ماأكلمتس لشهر كامل "
طارت عيونها وهي تطالعني ..

نوق : تعوذي من أبليس ..

جريتها من بلوزتها .. تمسكت فيها بقوة .. رجعت أحلف لها .. لا تروح والله ماراح
تاخذ منه غير المذله .. نطقت
" أنتي مانتيب ذليله يحذفتس مثل مايبغى و يجيبتس مثل مايبغى .. وش بلاتس علميني ..
نسيتي فعوله .. نسيتي وجعتس .. محتاجه أذكرتس من بعد طلاقتس وش صار فيتس ..
وش قالوا عنتس الناس .. وش قالوا يانوق .. وش قالوا "

حسيت إن العبره تخنقني .. رفعت يدي .. حركتها صوب باب الغرفه
" هذا إلي داخلن علينا ماهوب إلي رجعتس له بالحيله .. "
صارت تحرك عيونها بكل أتجاه .. لين مارفعتها للسقف .. زفرت هوا بقوة ..
أقسم بالله .. أحس بداخلها ضياع وحزن وقهر .. وجرح .. جرح لأن الحرمة إذا أنهدرت
كرامتها من إلي تحسبنه عون لها .. ماهوب سهل عليها ترجع مثل ماكانت ..
قربت منها .. حضنت خدودها .. بكفوف أيديني ..

" والله لو كان فراقتس موجع وله ثمن .. ماتركتس جلوي .. ماتركتس يانوق "

نزلت أيديني وهي بسرعه لفت راجعه للمرايه .. صرت أسمع صوت ضحك خواتي ..
وقبالي أخييتي تتوجع بسكات .. عالم هالخوات إلي تحقق وراي .. وقبالي عالم ماكانت
تتمناه أختي ولا تبيه .. وأنا بالمنتصف .. تدرون وش إلي يقهر .. إن حنا إلي تسان علينا
نرجع كرامة أختي .. وهو لو تسان يقدَرها .. تسان أختار يرجعها باللي يداوي فيه جرحها .. سمعت أمي تناديني .. وبسرعه تحركت .. صوب نوق .. بست راسها .. وحضنتها بقوة ..
قلت لها ..
" تذكري إن جلوي ماعرفتس إلا قويه .. تكفين خليتس على مايذكرتس .. "

 
 

 

عرض البوم صور #الكريستال#   رد مع اقتباس
إضافة رد

مواقع النشر (المفضلة)

الكلمات الدلالية (Tags)
فمتى, وعود
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t203045.html
أرسلت بواسطة For Type التاريخ
Untitled document This thread Refback 14-11-16 12:35 PM


الساعة الآن 12:47 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية