لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المهجورة والغير مكتملة
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المهجورة والغير مكتملة القصص المهجورة والغير مكتملة


موضوع مغلق
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 08-08-14, 11:24 PM   المشاركة رقم: 6
المعلومات
الكاتب:
اللقب:

البيانات
التسجيل: Jun 2014
العضوية: 268285
المشاركات: 34
الجنس ذكر
معدل التقييم: مسلوب الإرادة عضو بحاجه الى تحسين وضعه
نقاط التقييم: 47

االدولة
البلدKuwait
 
مدونتي

 

الإتصالات
الحالة:
مسلوب الإرادة غير متواجد حالياً
وسائل الإتصال:

كاتب الموضوع : مسلوب الإرادة المنتدى : القصص المهجورة والغير مكتملة
افتراضي رد: لأول مره قصة واقعيه على لسان صاحبها جرئه حب جنون موت وانحراف !!

 

الجزء الخامس :
*******************
دارت فيني الدنيا .. شنو يعني حامل .. يعني برحمها جنين ؟ منو ابوه ؟ معقوله انا ؟ و مع التعاطي شلون ؟ و هالدم يعني الجنين طاح ؟
قامت تهذي و تقول ( مبارك السبب .. مو قلت لك ابوي السبب .. )
شلتها .. ريشه !! وزن عظام و جلد بس !!
و الدم ينزل منها جنه دم ذبيحه .. حطيتها بالسياره و اهي تهذي و تخربط .. طرت فيها المستشفى ..
حدي خايف .. احبها .. ما ابي يصير فيها شي .. مريم لو يصير فيها شي انا اضيع !
انا الي طقيتها .. لو صار فيها شي .. ماراح اسامح نفسي لو اموت ..
مريم .. مريم .. خليج معاي لا تهديني ..

الجنين .. ولدي او بنتي ..
طلعي من هني نطير عالسفاره .. اتزوجج هناك .. انا مو نذل ..
و اتيبيين البيبي و نربيه و نهتم فيه و نتوب عن كل شي .. و نرجع الكويت ..
و عيش مثل اي زوجين .. طبيعين .. بس قومي و شوفي شراح اسوي لج ..

دخلوها .. شاحبه جنها شبح .. قعدت جم ساعه و انا خلاص احس مافيني طاقه اوقف ..
طاح الجنين .. ولد عمره 4 شهور و طاح معاه شي مني !!
شنو لو كان ولدي ؟ انا قتلت ولدي ؟ لو كانت الظروف غير .. جان انا صرت ابو ؟ مسؤول عن طفل .. روح يدييده ؟ شفته .. شفت الجنين و اهتز فيني شي !
بجيت .. لا تسألوني ليش !
ليش .. ليش


هديتها بالمستشفى .. بدون لا اتطمن عليها او ادخل اشوفها ..
رحت شقتي شربت لين فقدت .. لما سكرت قمت ابجي ههههههههههههه مصدق ان ولدي مات !!

و باجر رحت لها .. و الموضوع عندها عادي !!
" ناصر انا لازم اروح مشوار ..
" ما شبعتي ( ... )
" انا محتاجه .. احتاج مخدر
" طاح جنينج قبل جم ساعه .. و ما تفكرين الا بمخدر
" مو شي يدييد انا اجهضت اكثر من مره ..
هجمت عليها .. ماراعيت حالتها و طقيتها و اهي تصااارخ و تصااارخ بس مو الم .. ازنطها ابيها تموت .. تعبت منها .. من اعترافاتها الوصخه .. تعبت من سلبيتي .. تعبت من نفسي ابي اذحبها .. افتك منها و من نفسي .. .. تصارخ تقول :
" انت مالك شغل .. منو انت تحاسبني .. انا ابوي الي وصلني هني .. ابوي الي كان السبب .. انت ابوي ؟ زوجي ؟ اخوي ..
" جب يا حيوانه جااااب
" زوَجوني مبارك ولد الفلوس .. قالوا لي هذا من مواخذينا و بتدرسون بره .. روحي معاه تدري شنو سوا مبارك .. خذاني بقمة الطهر و الشرف .. و علمني اشرب قالي برستيج و انتي تفشليني .. و لازم تراضيني .. رضاي يدخلج الجنه.. شوي شوي علمني المخدرات .. قالي الحب و اذا تحبيني تدشين جوي .. نستانس مع بعض ..و لما خلصت فلوسه و ابوه عرف و وقف عنه المصرف .. قام يبيعني .. و بفلوس لحمي نتعاطى .. يقول العازه ايييي انا زوجي الي خلاني ادمن .. اهو الي علمني على ال***** ..
" لو .. لو يعلمج على الموت جان انتحرتي ؟( و انا ابجي )
" لا .. انا بنت صغيره .. بغربه .. مع واحد ظالم .. طق و تهديد و تعذيب .. لو يذبحني محد درا عني .. حاولت اقاوم .. اقاومه .. اقاوم ربعه لكنهم اغتصبوني .. و اهو استلم الثمن .. كله منو ابوي .. اجبرني عليه .. قلت له ما ابيه .. شكله مو مريح .. مابيه .. ما سمعوني .. قلت حق امي .. يما يسمسر علي .. .. و اجبرني اتعاطى وياه .. قالت لي هذا زوجج .. جنتج ونارج .. تصرفي.. و قاموا يطرشون لي فلوووس و فلوووس و فلووووس .. و مبارك الحقير طلقني و رجع الديره يقول ما تشرفه وحده مثلي !! و انا ابتلشت و قعدت .. انا ضحيه .. ضحيه .. ضحيه المال و الحسب و النسب .. ضحيه اهلي .. ضحية زوجي .. ضحيه انكتب علي اتوصخ من كان عمري 18 سنه و ما قدرت انظف نفسي لان هالسم يمشي بعروقي ..

طحت على ركبي و انا اسمع .. شلون اصدقها ؟ شهالعايله .. ؟ معقوله في جذي .. شلون احكم عليها الحين .. شسوي .. شسوي .. مسكينه مريم .. بجيت بصوت عالي .. لمتني حيل و غرقت راسي و ويهي بوس ..
" لا تبجي ناصر .. حبيبي اموت ولا تبجي جذي .. ساعدني .. الله يخليك ساعدني .. ابيك تنظفني .. ابي اترك هالسم .. ساعدني


و قررت اساعدها ..
طبياً ما تقدر تمنع المدمن عن المخدرات مره وحده .. لازم تدريج .. و لأني ابيها و شاريها .. انا الي وفرت لها المخدرات ..
تخيلوا واحد مثلي يدور على مروجين و يتعامل مع مدمنين و مجرمين علشان اشتري حق حبيبتي الي تشمه !!
ااااااااه يالذل .. يالوصاخه .. يالانحطاط ..
ادور على طالب سمعته تعبانه بالجامعه .. يوديني معاه عند مروج .. و ايدي على قلبي .. من اسمع صوت انقز مثل القطو !! بس ميخالف .. اتحمل علشان البنت الي لونت حياتي .. انا صج وان كانت حياتي معاها اكشن .. بس هم في فترات بحياتي كانت عسل .. كانت فرح .. كانت سعاده ..


في البدايه كانت قويه .. تحاول .. تسمع .. تنفذ و كل ما قلت الكميه كانت تتعب و تصرخ و تطق !!
تترجاني .. تبوس ريلي .. تهددني انها بتنتحر .. و كنت ساعات اضعف .. و اعطيها الي تبيه .. لين قررت اني ما اقدر بروحي على هالوضع ابي مساعده اطبا .. مساعدة مراكز معالجة الادمان ..
حيطتها عندهم .. اهم ابخص .. و قررت اعيد حساباتي .. بما انها بتنولد من يدييد متى ما طلعت نظيفه من المركز ..
رديت اداوم .. اكتشفت اني بسنه خامسه و مو باجي شي .. سنتين و اتخرج طبيب .. و اكتشفت ويوه يدييده علي .. طلبه و طالبات صغار .. نشاط و حيويه .. كل واحد ما يدري شنو ناطره ..

الغريب ان كان في بنت توها صغيرونه .. اول سنه لها بالجامعه .. او يمكن ثاني سنه .. ما كنت ملاحظ انها تراقبني الا لما ابتعدت مريوم عني .. مو بس تراقبني الا ترسمني بعد !
اي كانت البنت تراقبني و ترسمني و المصيبه انها تلحقني .. بنت متحجبه و محتشمه .. تدرس طب بعد .. مافيها من الجمال شي بس في بويها شي .. اممممم يخليك تنصعق !
يمكن طهارتها .. ما ادري .. ما همتني انا لي حبيبه و حبيبتي تعبانه و بتزوجها اكيد بتزوجها و برجع معاها الكويت و بنعيش مع بعض احلى عيشه و بييب عيال وااايد .. وااااايد

امتحانات و انا وحيد .. الله يستر لا اخبص الدنيا ..
وحيد و انا الي تعودت المها قبل لا انام .. احط خشمي على رقبتها اشم ريحتها .. ريحة جسمها و انام .. تعودت احط راسي على صدرها !! العاده تسمعون ان البنت تحط راسها على صدر زوجها بس انا العكس كنت احط راسي على صدرها .. من زود حبي .. و لأني احب التلزق !!
هههههههههه مو جنس لا يروح بالكم بعيد .. بس احب ادلع .. و احب ان حبيبتي تدلعني .. خاصه الغربه تخليك فاقد كل الناس و تحتاج امك فحلو تلاقي الصدر الحنون الحار .. يكون لك صدر امك .. صدر حبيبتك .. صدر زوجتك .. صدر بنتك ..
الزوجه او الحبيبه بالغربه تصير لريلها كل شي .. خاصه لو كان وفي و مخلص لها .. و ممكن الزوجه = الوطن !!
فيتعلق فيها زوجها لانها باختصار ريحة كل شي حلو !


المهم بلشت الامتحانات و انا ما انام الليل .. فلا تشوفون شكلي .. اول الشي اللون تبعان .. الويه هزيل .. هالات سود .. اللحيه ديرتي .. نعساااااااان احط راسي على الطاوله انام !!
و هذا الي صار ذاك اليوم .. خلصت من الامتحان و طلعت الكانتين .. حطيت راسي على الطاوله ولا انام .. ما ادري شكثر .. و شلون .. فتحت عيني ولا ( طيبه ) عندي .. مغطتيني بكوت طويل .. كوتها رمادي .. ريحته دهن عود .. واااااااااااااي دهن عود .. يعني ذبحتني !!
.. مجابلتني و ساااكته .. ويها للحينه نوراني ..
شافتني منثول فيها .. مو لأني معجب لأ .. لأني مستغرب تصرفها و مستحي منها .. صار ويها احمر .. قامت و راحت .. كوتها.. ذبحني .. اثارني !!

بس من شفتها رجعت بكل رزانتها استحيت من تفكيري الشهواني .. يايبت لي قهوه ..
طرمان .. انا وياها طرمان .. مدت ايدها لين اخذت الكوفي منها .. خذت الكوت و مشت و انا بكل وقاحه ما شكرتها و فرغت الكوفي كله بحلجي !!
طعم الكوفي غير .. فيه ريحه .. ريحه حلوه .. ريحة الكويت !
اااه يالكويت ..


" الووو
" نااصر .. يما ناااصر .. حبيبي وينك ؟
" معاج حبيبتي
" يما متى اتيي انا تعبت .. ما شفتك من زمان ..
" جريب
" خلني اييك مع ابوك ..
" لا لا دوامي صاير غريب و متعب و دوام بالمستشفى .. فما ينفع انا اييكم ..
" يما شفي صوتك ؟
" مافيه شي .. شفيني ..
" لا تخش عني ..
" وحياتج انا طيب ..
" لا تبطي علي يما ..
" من عيون ناصر يا ام ناصر
" ناصر .. هالله هالله بصلاتك يما .. ما اوصيك
" لا توصين حريص !


انتهت المكالمه .. انهاااااااااار .. قام يشاهق .. حس نفسه نجس .. صوت امه ما يقدر يتحمله .. شنو يقول لها ؟ شنو كانت بتقول لو شافت وضعه و وين وصل له !!
توضا .. حط سيادته .. ما يتذكر متى اخر مره فرشها ..
الله أكبر ..

حس نفسه خفيييييييف .. مو لأنه صلى بس .. لأنه بجى مثل الأطفال .. مايدري شنو يبي بالضبط .. مايدري شنو يدعي ربه .. كل الي قاله " يالله .. يالله .. يالله "
راح المركز بيتطمن عليها ..
كانت هناك بكل هدوء ..
" ناصر
" عيونه
" طلعني من اهني ..
" ما طبتي للحين ..
" امبلا تشافيت ..
ويها كان ابيض .. و الهالات اختفت .. شكلها تشافت صح .. و الشوق ذبحني .. ما سألت المعالجين عنها .. اخذتها و طلعت ..

ما قدرت اصبر و ابي اوقف الحرام ..
" مريم خنتزوج ..
" لا
" لا!!!
" ما اقصد .. يعني انا قصدي انت بتتخرج .. و مو وقته الحين ..
" نبي وقت اكثر
" اي وقت صار لنا جم سنه الحين !!
" و دراستك ..
" اقول جب سدي حلجج ..
" زعلت ..
قلت سدي حلجج و ما ابي اشوفج ذلفي


و الغريب انها ذلفت بكل هدوووء
اااخ يا قلبي .. ردتني بعد كل الحب .. بعد كل الانتظار .. ردتني !!
...


بنص الليل اسمع طقات باب قويه .. موصاحي الي قاعد يطق الباب ..
" منوووو
" نصور .. انا سالم افتح الباب ..
" سالم !! كاني كاني ..
فتحت الباب كان ساند مريم على جتوفه .. شلتها .. نايمه او مغمى عليها .. ما ادري ..
" ناصر .. الله يهديك .. وخر عنها وخر عن المشاكل ..
" ....
" عاجبتك حياتك وياها ؟
" ما فيها شي حياتي !
" العالم تتشمت فيك .. انت تعرف هاذي شنو ؟
" سالم .. احترم نفسك .. الي مو عاجبتك هذي حبيبتي .. و بتزوجها
" تتزوجها !! مينون انت !! احد يتزوج من بنت بهالاخلاق ..
" سااالم !!
" ناصر بنمنعك .. لو تموت ما تاخذها ..
" خوووش ههههههههه تمنعوني .. اطلع بره .. ما ابي اخسرك .. اطلع .. اطلع الي فيني يكفيني والله .. الله يخليك هدني ببلواي !!
" الله يهديك .. الله يهديك

رحت لها .. غرقانه نوم .. لعبت بشعرها .. وخرت الخصل عن ويها .. مررت اصابعي على خدها .. فتحت عينها بهدوء ..
" ناصر .. انا ..
" ليش يايبج سالم ..
" كنت ناطرتك بره و تعبت ..
" اوكي .. نامي
" انا ما ابي انام .. انا ابيك ..
" مو قلت لج نتزوج ..
" الزواج بعدين .. بس لا تحرمني الحين ..
" آسف .. نامي و انا بنام بالصاله .. و باجر يحلها الف حلال ..



قعدتني .. تبوسني .. معاها كوب قهوه .. لأول مره تسوي لي شي .. ريحة القهوه ذبحتني قبل لا اقوم مديت ايدي و شربتها كلها مره وحده !!
" شسالفه .. دلع من الصبح ..
" انت تبيني صج بالحلال .. خلاص بعاملك مثل ما نكون بشهر عسل !
" في شي عسل غيرج ؟
" نصوووورييييي
" عيونه .. روحه .. دنيته
" نصوري نسهر الليله ؟
" لأ .. خلاص دام الله فكج ما نروح مكان نسهر ويا بعض بالبيت ..
" امممم اوكي ..
حسيت نفسي اليوم فررررش و قوووووي و طااااااير و مستاااااانس .. طاقه ما اقعد بمكان .. درست و تغدينا و طلعنا و تمشينا .. رديت البيت .. فيني رغبه .. رغبه جنونيه .. نسيت صلاتي .. نسيت بجيتي .. نسيت الحلال و الحرام و بسرعه رضخت .. شي غريب !!


قبل لا يبدي الفلم بالتلفزيون .. عطتني كوفي ثاني .. و حدي استانست لان الكوفي عندي شي مقدس ..
اثناء الفلم قامت اتييب لي مشروب و انا اضحححححك و اهي تضحك !! و بدون سبب !!! ما مداني اسكر .. بس اضحك و اضحك مستااانس .. سحبتها فوق السطح ابي انسدح هناك .. ابي الهوا يطقني .. و قمنا نصارخ و نلحق بعض .. و نستعبط .. خوووش سهره ..



و استمر مسلسل الدلع .. هاك حبيبي .. بالعافيه حياتي .. كوفي .. مشروب .. سندويتشات .. طلبات مطاعم .. كيك .. حلويات .. حسيت نفسي خلاااص ..


بعد 3 اسابيع ..
قعدت من النوم صداااااع .. شي مو طبيعي .. اناديها .. اصاااارخ مريممممم بس مالها حس .. اصااااارخ ... راااسي بينفجر لدرجه اني قمت اطق راسي بالطوفه !!
طقيت راسي لين طلع الدم .. و طحت .. فتحت عيني اشوفها بطلت باب الشقه و دخلت مخترعه .. تناديني .. و ما ادري شصار ..
قمت من النوم .. احس برجع .. تعباااااان .. عيني تشوف كل شي اثنين .. يابت لي الكوفي ..
شي بالقهوه .. خلاني ارتاح .. !!
يا ويل قلبي .. صارت و هالمجرمه سوتها .. انا طبيب و عارفها .. القهوه اهي السبب و المشروب اهو السبب و الاكل الي كانت تعطيني اياه كان السبب ..


" مريم من الآخر شنو عطيتيني كل هالمده ؟
" ....
" مريم كلمني شنو الي قاعد اتعاطاه ؟
" ....
" تحجي يا زباله ..
تبجي و تطالعني .. دريت انها سوتها .. و كل الي صار لعبة وصخه علشان تطيحني معاها و طحت !!
اي نعم انا ادمنت .. ادمنت هيروين !!



حسبي الله عليها و نعم الوكيل .. عطتني كميات مهوووله من المخدرات خلال الفتره الي طافت .. و انا الحمار ما استوعبت و لا فهمت و لا عرفت و لا فكرت بسر تغيير المزاج المفاجئ و التغيرات الجسميه الي صارت لي من بعد ما كنت اشرب او آكل اي شي من ايدها !!
قمت و طقيتها طق بحياتي ما طقيته احد .. و لا عمري توقعت بتطلع مني هالقوه .. طقيتها و قلت اهي موته .. خلها تموت .. طقيتها لين طاحت و ما فجيت عنها و اهي طايحه طقيتها .. كسرت عظامها .. و شويه بحقها المفروض احرقها !!
و قعدت عالارض لميت ركبي بيدي و اهتزيت .. ورا و جدام .. ابي اهدا .. ابي افكر بالحل .. و تميت جذي يمكن ساعات لين بلشت اتعب .. تعبت .. قمت ارجف .. اعرق .. عوااااااااااار .. عواااااااااااااااااااااااااااااااااار بموت .. ضغطت على ريلي اكثر .. اعور نفسي يمكن عوار يغطي عن عوار ثاني .. بس مستحيل .. العوار شي لااا يطاق .. طحت على جنبي للحين لام ركبي و اون اووون .. مادري متى قامت بس كانت جدامي تعري و ايدها ما تتحرك و اعتقد كسرت لها ضروس و عظام .. مدت ايدها الصاحيه بكوب قهوه ..


رفسته و انا اصارخ .. يالقحــ .. يالقحـــ .. و فجأه مو انا .. امبلا انا قمت و بلشت الحس القهوه المصبوبه على الارضيه ..
يالله !!!
انا مثل الجلب .. الحس قهوه مكتوته على الارض .. ليش ؟ لييييش .. و بجيت و اهي بجت .. بس الي لحسته هداني و فج عظامي قدرت امد جسمي و انا مو مصدق ان هالذليل المدمن اهو انا !!
كرهتها .. كرهت حياتي .. كرهت اليوم الي قريت اسمي بالجريده .. كرهت اليوم الي سافرت و ييت .. كرهت امريكا .. كرهت امي فاطمه لانها ما قعدتني عندها و بسهوله قبلت البعثه !
و صلت البيت ..
كل شي أظلم ..
هدووووووء مبين ان الخادمه يات و سنعت و نظفت وراحت ..
بطلت الليتات و خففت عالاضاءه ..
قطيت السماعات و اللاب كوت على الغنفات .. بطلت زريايري .. و سويت لي كوفي اسوود .. شغلت ياني .. و قعدت ..
الساعه 7 .. ياليل ما اطولك .. بروح النادي بس مالي خلق .. عيل الممشى .. احسن الممشى .. مشتهي اركض بممشى الاحمدي !! درب فوق الساعه علشان اركض بمكان يعجبني ..
لبست شورت قصير و تي شيرت خفيف .. و طلعت ..
بلشت تسخين .. مشي و الحين اركض .. اركض .. اركض .. احس صدري يعورني .. النفس يحرقني .. بس ما اقدر اوقف .. ليش ؟ تعبان .. انا تعبان ..
تلفوني يرن .. فتحت الخط و انا الااااهث ..
" ا لــ وووووو
" الحق علي دكتوور الحق علي ..
" مـ نـــ و
" انا ياسمين .. ام محمد خالد ..
" شــ صــ ا يــ ر
" محمد تعب .. طاح علي .. الحقني .. الله يخليك ..
" طـ ر شـي لـي عنـ و انـج مـسـج .. انا بـ الطـ ر يـج

ركبت سيارتي .. و انا معصب لاني ما قدرت اتكلم معاها مثل الأودام و لاني احاتي محمد ..
علاقتي بمحمد قويه .. ليش ؟ يمكن لان لو ولدي من مريم عايش كان بعمره .. يمكن لانه مريض .. يمكن لانه يتيم ؟ ما ادري بس هالولد يهمني امره ..
ياسمين .. اسمها حلو .. و حده حلو عليها .. ياسمين ..
اشوا عنوانها قريب من الممشى .. ساكنه بالمنطقه العاشره .. غريبه تتعنى و اتييني العياده .. عيادتي بعيييييييده عليها .. و في اطبا اقرب لها! وصلت لها بعشر دقايق ..
وصلت .. الخادمه بره تنطر و الباب مفتوح ..
ركضت بدون لا اتنحنح .. كان محمد طايح على الارض .. امه تصارخ و تبجي و يدته ماسكه بنتها و تهديها ..
" دكتور .. محمد شفيه ..
" لحظه .. اتصلتي بالاسعاف ؟
" ايييييي الله ياخذهم تأخروا ..
فحصته .. نبضه ضعيف و التنفس عنده بطيء .. و انا اعرف حالته .. و ما اقدر اقولكم شنو سويت .. لان لو تعرفون الاجراء الطبي .. راح تعرفون تخصصي و بالتالي تعرفون انا منو و وين عيادتي و انفضح !
لكن الي سويته ساعده اكيد و فتح عينه بس للحينه مختنق ..
" حمود .. حمود يماااا .. حمود حبيبي ..
" ياسمين .. وخري عن الولد انتي مو قاعد تساعدينه .. خالتي مسكيها لو سمحتي .. خلوني اشوف شغلي ..
و كملت احاول اسعفه .. لين وصلوا الاسعاف .. هديت سيارتي عندهم و ركبت الاسعاف مع الصغير و معاي بطاقته المدنيه .. و وصلنا المستشفى .. يدته و امه لاحقينا بسيارتهم ..
سويت اوراقه و الياهل دخل الانعاش .. و انا معاهم .. شرحت لهم وضعه و كل شي و لمن خف و صعدوه الجناح تطمنت .. طلعت لها و لامها .. كانت حمرا و عيونها حمرا .. احس عينها ما تتبطل ..
من طمنتها قطت روحها بحضني تبجي !!
لمتني و انا متكهرب !!
شسالفه .. سحبتها امها و لمتها و اهي تطالعني منحرجه .. و شكرتني ..
الساعه 12 .. احس ابي كوفي .. طلعت من المستشفى .. ادور سيارتي .. اوووه تذكرت اني نسيتها عند بيت ياسمين .. شالدبره الحين ؟
تاكسي .. بس بوكي و فلوسي بالسياره .. ادق على جاسم ..
" الووووو
" هلااااا .. صج لا طريت الجلب زهب العصا ..
" هههههههه خـ .. عليك .. والله ما تستحي .. شتبون تحشون ؟
" ما نحش .. بس كنا بنتعشا و طريت علينا .. تونا بندق عليك ..
" انت تدري اني ما اتعشا ..
" هااا اخلص باكل
" مرني العدان ..
" هااا خير شفيك ؟
" ما فيني شي .. كانت حاله طارئه ..
" دررررررب
" عادي جنك رايح الشاليهات هههههههههههه
" يالله يالله يايك ..
وصل بعد ساعه تقريباً .. ريحة سيارته بصل !!
" الله يخسك شهالريحه ..
" من اليوع الله وكيلك .. بلعت الوجبه كلها بالسياره و جني وصخت السياره ..
" بالعافيه ..
" اي كله منك !!
" مو قلت لك بالعافيه ..
" لا كله منك
" اهوووو اخلص شتبي ؟
" تغسلها على حسابك ..
" تم
" بعدين شعندك .. لو مايكل جاكسون جان ما تفصخ جذي !! الله يهداك هذا شورت و لا سليب .. !!
اوووف تذكرت شكلي !
تيشيرت و شورت حده قصير .. و التيشيرت كان كله عرق و الجسم عرررق لما وصلت عند محمد ..
" هههههههه جنك لابس بجامه والله لو مو سنيكرز الي لابسه .. بعدين بالعدان ولابس جذي هههههههه والله سوبرمان ..
" اقول انطم بس راسي يعورني .. ابي كوفي ..
" افا عليك عز الطلب .. بس هاااا ما تنزل من السياره لا يقولون فعل فاضح بمكان عام ههههههههههههههههههههههه
وصلت البيت ..
طلعت سويج سيارتي السبورت .. و ماراح اقول شنهي .. لانها قويه . مشهوره . و علشان لا انفضح لوووول
و طلعت لاب كوت ثاني ..
دخلت الشاور .. ياربي ما اتحمل الماي .. ما ابي اطول .. ما ابي انهار خلصت بسرعه .. الساعه 2 ..
تعبااااااان ابي اناااااام
حطيت راسي على الفراش .. و افكر بياسمين .. قطت روحها علي .. لمتني .. ااااااااه متى آخر مره انحضنت ؟
متى آخر مره حسيت بهالدفا ..
متى حسيت بالمرا .. ما اتذكر .. احتاج مشروب .. شربت .. ما ثقلت لان مو باقي شي على الصبح و موباقي شي على الداوم .. ما يبي يجابل الاطفال سكران !!
قدرت انام الساعه 3 و شي و قعدت الساعه 6 .. شاور ثاني .. كان اكبر من طاقتي .. لميت ركبي .. هزيت جسمي ابي احس ان امي تهدهدني .. تهززني .. تخدرني .. تسكتني .. تنومني ..



الساعه 7 و نص انا بالسياره و الكوفي بيديي .. افكر بمحمد ..
اخلص الدوام و اروح له .. طرشت الفراش يشتري له بوكيت بي اس بي من الغانم .. و صج ما دريت متى خلص الوقت .. و رحت العدان ..
لما شافني .. ابتسم لي .. ويها اصفر .. حسيت ودي المه .. بس مسكت روحي ههههه و لما شاف الهديه اهو الي لمني .. ما كان يتكلم .. عور قلبي .. مثل ما قلت لكم .. احب الأطفال ..
التفت عليها .. كانت تعبانه صج !
للحينها بعباتها و اكتشفت انها حافيه !! و مو ماكله شي من امس .. حسيت بغلقه .. حاجيت امها
" خاله تقدرين تشوفينه جم ساعه ؟
" اي يما ..
" الحين 7 و نص .. الساعه 10 ارد ياسمين ..
" ليش ؟ وين بتوديها ؟
" اوديها بيتكم .. تتسبح .. تبدل .. تاكل شي و ارجعها ..
" اي والله يما ياريت .. بس ما ابي اعنيك ..
" شدعوا الناس للناس و الكل بالله ..
" يزاك الله خير ..


مشت معاي بدون اي كلمه .. تقريبا لنص الطريج ساااكته لين مره وحده قامت تصارخ و تبجي !! انهارت .. هستيريا كامله .. ( حمود .. حمود .. حمود )
احاول اهديها بدون فايده .. طقيت فلاشر و تياسرت ما سكتت لين تعبت صج كسرت خاطري .. حطت راسها على الكرسي و غمضت عيونها .. خشمها احمر و الويه تعباااان وصلنا بيتها .. سندتها بيدي ..
ما كانت تقدر تمشي ..
دخلت معاها .. راحت المطبخ .. سوت لي كوفي !! استغربت شكو وشدراها .. يوم شافتني مستغرب ..


" كل ما ييتك العياده كنت تشرب كوفي .. ما عمري دخلت مكتبك و ما فيه قهوه .. قمت انتبه لك .. شنو نوعية القهوه .. و كمية السكر .. حتى عرفت اذا تحبها مع رغوه او لأ ..
" ....
" ابو محمد مات بنفس المرض .. و محمد الحين يمكن يموت ابجر من ابوه بواايد ..
و بلشت تبجي .. و طاحت على الارض ..
" ما اقدر على فراق ولدي .. هذا الشي الوحيد الي باقي لي .. ناصر ما ابيه يموت تصرف .. و بلشت تكسر المزهريات ..
رحت لها .. حضنتها .. قامت تقاوم و تطقني .. اخر شي تشبثت فيني حيل لين هدت ..


و للأسف طحنا بالمحظور !!
انا هاذي نقطة ضعفي .. و اهي ارملة تعبانه .. و ما يجتمع اثنين الا ثالثهم الشيطان !
استحيت و طلعت من البيت .. تمنيت نفسي ميت ولا اسوي الي سويته .. اصلا ما اقدر احط عيني بعينها .. مجرد التفكير تتعبني .. كرهت نفسي .. الله ياخذك يا ناصر الي ما عندك كنترول على نفسك ..
اختفيت من حياتها و الولد اتطمن عليه من بعيد لبعيد .. و سيارتي خليت سالم مع العامل الي بالعياده اييبونها ..
اهي مو نذاله .. اهي خجل من نفسي !
من جريمتي .. من حركتي القذره ..
لين وصل لي مسج منها ..
آسفه على الازعاج .. محتاجه اكلمك بموضوع مصيري !
اخترعت .. و حسيت ودي ادق بس مستحي .. لكن انا غلطت انا اتحمل ..
دقيت عليها ..



" مساء الخير ..
" انا اسفه دكتور عالازعاج ..بس .. بس في شي لازم اقولك اياه .. اقدر اشوفك ..
" اي طبعاً .. بس افضل ما يكون مكان خاص ..
" اييك العياده ..
" اشوفج بعد ساعه ..

و ياتني ويها اصفر .. فيها شي مكسور .. لابسه اسود .. بالبدايه حسبت ان محمد صار فيه شي .. لكن الي قالت لي اياه ما كان يقل سوء عن موت الطفل !!

" صدقني ما كان ودي ايي او اشوفك بعد الغلطه الي صارت ..
.. انا .. انا اسف ..
" عدينا مرحلة الاسف .. لكل غلطه نتائج .. و النتيجه عرفتها قبل يومين
" ..
" انا حامل ..

جني بتعود على ان كل الحريم الي حواليني حوامل !! و انا الابو .. شسالفه .. انا مو مستعد للزواج .. مستحيل اتزوج .. مستحييييييل

كنت اتعاطى معاها .. للأسف تحولت الى حيوان .. لكن حيوان مجتهد !! اقصد اني لازلت ادرس .. شلون ؟ ما ادري .. ليش ما ادري ..
في البدايه المخدر كان متوفر و كل شي تمام .. لكن المشكله لما صارت الفلوس ما توفر المخدر الي تحتاجه !!
بديت ابيع ممتلكاتي البسيطه الي يبتها معاي من الكويت .. بس ما كفت .. بعت حتى ملابسي .. ما كفت .. فكرت اشغل غسال صحون لكن الاجر اسبوعي و انا ما اقدر انطر اسبوع .. و مريم خلصت فلوسها ..
في ليله كنت اصااارخ و اطق روحي بالطوف .. لو يحصل اني اذبح واحد و ابوقه عادي اسويها لكن شي مانعني .. شي حابسني بشقتي الي بعت اثاثها .. كنت اصاااااااااااارخ اصااااااااااااااارخ بصوت عالي .. احس الروح بتطلع مني
اطق راسي و ريلي بالارض .. بموووووت بموووووت و ابجي
و بجت معاي.. من العوار قمت اطقها تعبت بمووووت طحت عالارض ..
اهي طلعت من البيت بسرعه .. و انا من الالم قمت ارجع لين اغمى علي !
فتحت عيني .. و لا اهي تشيلني و مجهزه لي الجرعه .. شميتها .. فجت عظامي .. قدرت اتنفس .. غيبت و لما وعيت ..

" من وين يبتيها ؟
..
" مريم شنو الثمن ؟
انت تدري عدل ..
و ماااا تكلمت .. اول شي تعاني منه بالمخدرات انك تصير ديوث .. ما تغار خلاااص .. لو يحصلك تبيع امك تبيعها ..
و هاذي صارت حياتنا .. اهي تبيع و انا اشم معاها .. لين ذيج الليله ..
منشششع و طفت الكهربا .. و اهي نايمه بالصاله .. توها معدله راسها و لو تطيح الطوفه ما تقوم .. ولعت لي شموع و قمت اغني و انا اترنح .. كنت فوق النخل ..
ما وعيت الا انا طايح على جنبي اليسار و اضحححححك .. شوي و تغبش الدنيا .. ما اشوف عيني تزغلل ..
حرررررر ... ريحه .. دخااااان .. نااااااااااااااااااااااااااااااااااااااااااااااااا ااااااااااار
شبت الحريجه و مافيني حيل انقذ نفسي .. اشوفها تقرب .. تاكل كل شي .. عاد بيوت هناك و شققهم كلها خشب .. كبرت و كبرت و غيبت من الدخان ما وعيت الا بالمستشفى ..
الليتات كسرت عيني .. ما اقدر افتح عيني !!
ريحة خااايسه .. اهي ريحة بيتادين .. ريحة مطهرات و كريمات .. و ريحة لحم !! لحم مشوي !!
آآآآآآآآآآآآآآآه راسي ثقييييل ..
اطبا يتكلمون .. سسترات يروحون و يردون .. حتى في كلام كويتي .. ابي استوعب انا وين .. ولا شباب الدفعه معاهم ناس من السفاره بس افكر بشي وااحد .. مريم
وينها و شصار عليها .. و نمت ..
فتحت عيني مره ثانيه .. كانت طيبه .. شتسوي طيبه عند راسي ..
و نمت .. يمكن فتحت عيني 10 مرات و ما شفت الا طيبه ..
هالمره قمت من الالم ..
ظهري .. ظهري ..
شي مو طبيعي ..
مخدر ؟ لا ما احتاج لانهم يعطوني بالمستشفى مورفين و فاليوم !!
ظهري عوار .. شي ما ينوصف ..
اهني بس قمت افهم و احس .. قالي الطبيب .. اني محترق بحروق من الدرجه الثانيه.. و احتمال ما امشي اذا كانت الاعصاب محروقه .. و اذا كانت العضلات ذايبه و فيها التصاقات ..
كل هذا ما أثر ذاك التأثير .. ابي اعرف عن مريم ..
حلجي ناشف ما اقدر اتكلم .. حتى الشرطه موجودين يبون يحققون معاي .. بس احس لساني خشب ما اقدر ابطل حلجي ..
و عرفت بعدين ان مريم ما حاشتها النار .. صار فيها اختناق من الدخان و بعد اسعافات و عنايه قامت و ياتني .. و بجت ..
كانت تهدني تروح تتعاطا و ترجع .. و طيبه شبح حاضر غايب .. تراقب الوضع من بعيد لبعيد .. عرفت اني مدمن و ان الحادث كان نتيجة تنشيع من نفسها خذت تقارير من المستشفى و سوت اوراقي مالت الجامعه .. اخذ اجازه تنقصها توقيعي ..
و هم اتصلت على اهلي بالكويت .. طلعت رقم عمي العود .. و قالت له ان شقتي احترقت و حالتي ما تسر و من هالحجي .. بعد يومين عيال عمي الاثنين وصلوا عني .. صالح و ابراهيم ..
و طبعاً عرفوا عن الحادث .. عن ادماني .. و ما عرفوا عن مريم الا من الوشم الي ما احترق ..
فرقونا .. كانت تختفي لما تشوفهم .. تخاف منهم .. قعدوا معاي .. اول شهر مع بعض و بعدها تناوبوا كل واحد قعد عندي شهرين لين طلعت من المستشفى .. اقدر امشي بس الم و تشويه ..
وقعت و حولت اوراقي الكويت .. على ابو اكمل اخر سنه و نص لي بالديره .. و قبل لا اسافر اتفقت مريم مع واحد باكستاني بالكويت يروج انه يتكفل بحاجتي من المخدر ..
و ودعتها على اني راح اييبها عندي و نتزوج بس استقر بالكويت .. و بالفعل رجعت لامي الحبيبه .. كانت ميته خوف و من شافتني لمتني .. يا ريحة امي .. يا ريحة طفولتي .. ياريحة الشرف .. ياريحة الحنان ..
قطيت روحي يحضنها و بجيت .. جني ان بجيت اتنظف .. بجيت لين ريحت و قعدت جم يوم .. ظهري يخرع .. الميزه الوحيده اني ما اقدر اشوف ظهري كل شوي .. بس كنت اراجع الاطبا الي قالوا ان ممكن اسوي تجميل بس بعد فتره .. مشيتي كانت صعبه شوي و طولت سنه تقريبا و انا اعري .. و للحين احس بالم بين فتره و ثانيه ..
بعد ما سويت اوراقي و بلشت احس باستقرار .. فاتحت امي بالموضوع :
" فطوم
" انت ما تتسنع .. يماااا قول يماااا
" يمااا
" يا عيون امك ..
" انا ابي .. ابي ..
" شنو يما تدلل
" ابي اتزوج
" وييه يا ريحة ابوك .. على الف بركه .. ياليت يما اشوف عرسك قبل لا اموت ..
" اسم الله عليج فطوم ..
" متى نخطب ؟
" منو ؟
" دلول بنت خالتك سعاد و لا تبي شيوخ بنت عمك احمد ..
" لا لا
" منو عيل ما عندنا بعد بنات عمرهم حلو عليك ..
" يما انا ابي وحده برا العايله ..
" خلاص نخطب لك ساره بنت الحجي خليفه .. خوش بنت و قمر اسم الله عليها توها متخرجه من الثانويه .. و تعرف تطبخ
" يما الي ابيها كانت تدرس معاي بره
" ويه
و غلقت المسكينه .. شهقت انصدمت ان اكسر فيها جذي .. بس ما قدرت على طناقر وحيدها .. قالت و الحزن بصوتها ..
" من بنته ؟
" بنت ...
" يما هذيل ما يعطونك بنتهم ..
" امبلا يما .. احنا متفقين ..
" متفقين !!! انزين جم عمرها ..
" اكبر مني بسنتين ..
و زاد حزنها .. مسكينه ما قدرت اقول لها انها مطلقه و لا تعيش بره بروحها ولا اي شي ثاني !!
" موجوده بالكويت ؟
" توصل يوم الخميس ..
" متى نخطبها ؟
" اليمعه .. ماراح نخطبها .. راح نملج على طول ..
" ان شالله
و نزلت راسها .. احسها شابت اكثر و راحت .. اهناك كانت مريم متصله على ابوها و قالت انها بتيي يوم واحد و تملج اليوم الي وراه .. و اذا ما ودهع تفضحه يستقبلها و يوافق على زواجها .. و يصبر عليها اسبوع تجهز نفسها و تروح عنه .. طبعا الابو حس بمصيبه لانها بترجع الكويت .. حاول يقنعها انا تقعد هناك اكثر .. بس اهي خلاص تبي تتزوج حبيبها ..

يات و ملجنا بجو كئيييييييييييييييب و ليلة الملجه ماكان في شي يدييد .. كان جاويد الباكستاني يايب لهم الي يبون شموا و ارتاحوا و ناموا ..
و العيوز .. ما كانت مرتاحه .. حست ان مريم مو فاضيه .. مع ان مريم كانت تحاول تتقرب منها بس قلب الام دليلها .. قلبها ناغزها .. ما حبتها و لا كانت تاخذ و تعطي وياها ..
لين قامت بيوم .. كان ناصر بالمستشفى .. يدرس و شافت ان جنتها ما نزلت .. تأخرت صارت الساعه 3 الظهر للحين ما نزلت و اهي تعودت خلال جم شهر تتغدا معاها كل يوم الساعه 1:30 و ان كان غداء صامت ..
كانت فاطمه ام ناصر دايما تحاول تسبح حجي .. مسيجينه مره كبيره مستغربه من وضع مريم وين اهلها ما يزورونها ؟ ما يسألونها ؟ ليش هدوها هناك .. تبي تعرف ماضيها .. اصلها .. فصلها .. حالتها .. لكن هذيج ما ترد الا بحقران !!
و على الرغم من زعلها و حزنها الا انها شاريه جنتها قليلة الادب علشان خاطر وحيدها اليتييم ..




طرشت الخدم يطقون باب غرفتها محد يرد .. صعدت اهي .. تطق الباب ما كو حس .. اخترعت العيوز و دقت على ولدها و قالت له ..
الساعه 5 وصل البيت .. ركض لباب الغرفه .. ينادي يصرخ يطق الباب ماكو اي رد .. لين قام و كسر الباب و اهو منهااااار كان خايف من شي .. و بالفعل الي خايف منه صار ..



مريم على الارض .. دم نازل من خشمها .. عينها مفتوحه .. ماكو نفس ..
ام ناصر قامت تطق على راسها و الخدم لامينها و تبجي من قلب .. حياتي حدها تكسر الخاطر ..
بس قلبها يعورها على البنت الشابه .. مرت ولدها .. وقحه .. متكبره .. غريبه لكنها حبيبة ولدها ..
مو بس اهي كسرت خاطرها .. حتى ولدها ..



بودر ابيض تحت خشمها و على شفايفها .. طايحه بطريقه انها كاسره ايدها .. ملفوفه و مفتره فرر .. جسمها بااااااارد لمها ناصر جدام امه ..
" مريومتي .. ميمو حياتي .. قومي
" ...
" مريم .. حبيبي .. فتحي عيونج .. فديت عيونج .. شوفيني ..
...
" يالله عن الدلع .. حبيبج يترجاج تقومين .. انتي شسويتي بعمرج ؟ شسويتي بعمرج ؟ مريااااااام
و انهاااااااااااااار صراخ و بجي .. شالها و قطها بالسياره .. لا اسعافات المستشفى و لا توسله قعدها .. مريم ماتت من 7 ساعات بجرعه زايده .. و بعزاها ما استقبل احد .. كان بالمستشفى .. انهيار عصبي حاااد


و الغريب ان امه لما فطنت عن سبب الوفاة صارت فيها جلطه بالقلب .. يات الاسعاف وخذتها و طلعت اليوم الثاني .. كانت جلطه خفيفه ..


ابوها الي استقبل العزا و جابل الناس .. اندفنت مريم و ما اندفن حبها .. طلع من المستشفى بعد شهر .. كان معتمد على الفاليوم .. و سحب الكورس .. و حبس نفسه بغرفته
كانت اميمته بتموت بحسرتها عليه .. جم عمره علشان يترمل ؟ و الفضيحه الي صارت .. عرفت ليش ما كانت تقدر تبلع جنتها .. لانها مدمنه .. و كانت ودها تعاتبه على اختياره لكنه كان بوضع لو تموت ماراح يحس !
فكانت تتشكى حق عيال عمه الكبار .. و تنقل لهم خوفها




اهني تدخلوا عيال عمه .. بعد الفضيحه و موت مريم لازم يتصرفون لا يموت اهو بعد بجرعه زاايده .. خذوه و اهو ما يرد عليهم .. ودوه الجاخور ..
و حبسوه .. حطوا له صبي ينظف مكانه .. يقدم له اكل .. يهتم بامور المكان .. كلها جم ساعه علشان يبدي جسمه ينهااار و يحتاج مخدر .. صرخ لين قال بس .. محد سمع صوته .. قام يطق راسه بالطوف و بالارض لين جرح حاجبه بطرف حاد .. قام يبول على روحه .. و انتوا بكرامه .. وصل الى ان بطنه سهل و قام يوصخ روحه .. تعب .. تعب .. سخونه و رجفه .. 4 ايام من شدة التعذيب يغمى عليه و يقوم .. وصل انه يبوس ريل البنغالي علشان يطلعه .. و لما ما فاد بغى يذبحه بس قدر البنغالي ينقذ نفسه ..


ماتت اامه بتشوفه ..ما رضوا .. ترجتهم بروح عمهم .. قالوا لها ولدج بخير بس يغير جو بعد ما ماتت مرته .. ترمل و اهو صغير فعذريه اذا شفتيه تصرف بطريقه غلط .. و رضت .. راحت معاهم .. قلبها ناقزها .. الم الجلطه يتكرر .. ما تقدر تتنفس بس ما تقدر تتحمل بعاد ولدها اكثر .. تحاتيه .. حاسه ان فيه شي ..
وصلت .. سمعت صرااخه .. !!
فز قلبها قامت تركض برويلاتها الضعيفه الي كلتهم الخشونه و غصب تتنفس ..

لما فتحت الباب .. هجم عليها يبي يوخرها عن الباب بس ما مداه يدزها علشان ينحاش .. اهي طاحت .. ما تحملت وضع ولدها .. درت ولدها .. وحيدها اخر شي تبقى من زوجها المرحوم مدمن ..
ما تحمل قلبها و وقف !!
بس هالمره للأبد ..
ماتت المسكينه .. ما تحملت هالمصيبه .. بهالدنيا ما بقى لها الا هالولد .. الي تشد الظهر فيه ..
هالولد الي تحلم كل يوم فيه طبيب قد الدنيا و عياله يراكضون بكل مكان ..
و هالولد جثه على قيد الحياه !!


و فقد كل شي .. لا ابو و لا ام و لا زوجه ..
وحييييييييد

يمكن موت امه اهو الشي الوحيد الي هزه ..
كان مخلص اكثر من بالحبس .. و اخذ عزاها و اهو مصدوم .. يحس بالذنب .. اهو الي قتل امه .. و للحين لما ياخذ الشاور يصارخ و يبجي لشعوره بالذنب و الشوق لاميمته .. وده ترجع .. يبوس ريولها .. يبوس الارض الي تمشي عليها ..
اااااااااه شعور الذنب اقسى من اي شعور .. الضمير ما قام الا لما ماتت المسكينه ..
هان عليه موت زوجته حبيبته حياته جدام امه .. حس نفسه صار طفل مره ثانيه و يبي حضنها ..
لما دفنها قط روحه عليها يلمها .. يحس ان جسمها للحين حار .. ما كان يبي يطلع كان وده يردمون الرمل عليه و عليها و شبقى بدنيته ..


قام يصااارخ يمماااااا يمااااااااااااا انا محتاجج لا تهديني .. يماااا العالم كلها تروح الا انتي لا تروحين .. يمااااااا بعدج يتيم .. يماااا انا اخاااااف والله اخاااااف


عمامه و عيالهم عصبوا وقالوا اكيد ين وقعد شالوه بالغصب و يقرون عليه ..
دفنوا امه جدامه و اهو يرجف .. لانه صج خايف !


و كل جمعه يروح المقبره .. يزور قبرين .. الاول امه و الثاني زوجته .. خلال اقل من 3 شهور فقد دنيته كلها ..
للحين القصه لها اكثر من 16 سنه للحينه يزور امه بانتظام ..


المهم ان بعد خسارته الجايده .. قرر ان يلحق اغلى ناسه .. شيبي بالدنيا و اهو وحيد .. اهو الي قتل حبيبته و قتل امه ..
حاول ان ينتحر .. فشل ..
و النتيجه انه انسجن بالطب النفسي .. اي والله لا تستغربون القاضي راعى ظروفه و ما سجنه و لا امتنع عن عقابه شاف انه يحتاج الى علاج فودوه يتعالج .. قعد بالطب النفسي جريب 6 شهور .. اختلط بكل النوعيات و كل المرضى .. الذهاني و العصابي و حتى المينون .. و حس انه اهو اكثرهم ينون ..
يا انه مر عليه اشكااااال و ارنااااق و اكثر الي هناك كانو مدمنين مخدرات و للحين يتعاطون و موجودين بالواسطه ..
و كانو يشكلون عليه خطر بما انه تارك حديث الا انه بعد موت امه لو يغمسون بهروين و يطلعونه .. ما يتأثر !!
و شاف اكثر من حاله مافيها اي شي .. ذابحه و بالواسطه بدال الاعدام او السجن حاطينه بالنفسي ..
مرت عليه ايااااام صج شي ما ينساه ..
و الغريب ان فيه مثله .. المنتحرين الي فشلوا ..
و ايضا خضع لعلاج ديني ..
هزه شوي




عيال عمه طلعوه و ودوه السعوديه .. يقرا عليه شيخ .. و يحج ..
يمكن تناقض بس بالفعل حج و ارتاااااح .. لما سجد بالحرم قام يبجي .. بصوت عالي خلى الناس كلها تلتفت عليه .. و يحاولون يهدونه .. يسكتونه ..
مستحي من ربه و يحتاجه ..



رجع الكويت و قرر انه يسافر امريكا و هناك بيكمل اخر سنه و يدرس بعد سنتين تخصص .. ما عنده احد اهني ..
و رجع و كمل دراسته و اهو لحيته طويله .. ملتزم ؟ يمكن لان صلاته ما وقفها .. ماله خلق ؟ يمكن .. ما يهمه شكله ؟ يمكن
.. الشي الوحيد الي خذاه من حياته القبليه الخمر .. قطعه بعد الحج بس حالته كل ليله ذبحته .. بجيه كل ليله تعبه قام يشرب ..



هناك دور على طيبه .. مالقاها .. اختفت بكل بساطه !
وين راحت .. من بنته .. ليش ساعدتني .. شلون طلعت بحياتي و شلون اختفت ؟


تخرج بسرعه و قرر انه ما يتزوج و رجع الكويت ..
و صارت سالفة ياسمين بعد جم سنه عاش فيها بروحه لا انيس و لا ونيس .. لما عرف انها حامل توهق .. لا اهو الي يقدر يتزوج ولا يقدر يهد المره ..
هاذي غلطته ولازم يصلحها مهما كان الثمن ..
يوم قالت لي انها حامل ..
حسيت اني تجمدت .. و يمكن الوقت تمجد حواليني .. ما قمت اشوف شي .. و بالغصب اتنفس .. بس جدامها كنت هادئ تماما و بنفس الوقت مبين علي الضيق و سرحان ..
و بالفعل سرحت افكر بهالمصيبه .. حامل .. شنو يعني ؟
ما ادري متى طلعت و شكثر بقيت .. طلعت و كنسلت كل التزاماتي ..
ما شربت .. ابي اكون صاحي .. واعي .. فاهم
طلعت حرتي بالكوفي ..

اعرض عليها ان تطيحه ؟
بس في شي يمنعني .. بداخلي صوت طفل يصرخ !
تذكرت ولدي من مريم .. جنيني الي مات ..
تذكرت امي فطوم و اهي تقول يالله يما متى اشوف عيالك .. و اشيلهم بحضني .. اشم ريحتك فيهم

راسي بينبط ما ادري شلون اتصرف ..
انا مو مستعد اتزوج .. بعد تجربتي مع مريم عفت الحريم كلهم .. و للحين مو مستعد اشارك حياتي مع اي وحده ..
شنو الحل ؟

وانا افكر وصل لي مسج منها :
( لو ما رديت لي خبر بسرعه .. انا اعرف شلون اتصرف )

ااااااخ يا بنت الكلب .. اشكراااااا تهدديني جذي ..
شنو يعني تتصرفين ؟
تشتكين علي .. انفضح .. تتصرف يعني انقط بالسجن ولا انجبر اخذها بعد فضيحه تهز الكويت بعد ما اصير علج بحلوج الناس !!

لحظه و ليش اتسرع .. يمكن تتصرف يعني تطيحه ..
بس مالي ويه اقولها طيحيه ولا اقدر اقول لها .. في شي يمنعني .. مجرد التفكير بالاجهاض يكهربني ..


استشرت جاسم ..
بعد الزف و التشمت قالي اخذها و توكل .. انت وحيد .. و راح تملي بيتك مع ولدها خاصه انك تحبه .. و ولدك بيشيل اسمك .. جم عمرك انت و جنك لقيط !!

و قررت ..
طلبت منها اتييني العياده ضروري .. و يات

" سمعيني ياسمين .. كلامي الي بقول لج اياه الحين .. انتي ما لج اي تأثير فيه .. كان بناء على قناعتي و رغبتي ..
" .....
" انا قررت ..
" تجهضني ؟ صح ..
" قررت نتزوج ..
" شنو ؟ ( بتطير من الوناسه )
" مو لأني ابي اعيش معاج .. او لأني احبج .. لا انا ما احبج و لا ودي تشاركيني حياتي .. لاني شهم .. ما ابي اتركج بهالفضيحه و لا ابي اضرج و اعطيج شي يسقط الجنين و لاني ابي هالطفل ..
" انا مستعده اخلف لك عيال وااايد
" مو لازم .. انا ابي هالجنين و خلاااص
" نتطلق بعدها ؟
" ما ادري للحين .. انا مو متصور حياتي مع مره .. و بعدين لا تعتقدين ان بنكون مثل كل اثنين متزوجين عادي
" انا راضيه بكل شي ..
" يمكن ما تتقبلين الوضع .. بيكون شوي ناشف عليج .. بس تقدرين تنسحبين من حياتي باي وقت تبين ...
" لا لا .. بس حمود ؟
" محمد بيكون عندنا طبعاً
" اوكيه



و ملجنا .. ملجه اقرب منها عزا .. لا فرح و لا حتى عشا ..
دخلت البيت

" ما كنت احلم بيوم ادخل بيتك .. بصفتي زوجتك ..
" هاذي غرفتج مع ولدج .. تقدرين تستكشفين البيت اذا حابه ..
" انت وين تنام ؟
" بغرفتي .. تصبحين على خير


هاذي ليلة دخلتها !!
ولدها كان عند امها بما انه المفروض انها عروس يدييده ..
استكشفت البيت .. لقت غرفه مقفوله .. الوحيده المسكره ..
رجعت دارها تبجي على حالها ..


الصبح قامت مبجر ..
تسنعت و تمكيجت لبست دراعه ناااعمه و راقيه بنفس الوقت .. و المكياج خفيف بس رووعه
.. بخرت البيت و سوت له ريوق ..
طقت الباب ما رد عليها .. مع انها سمعت صوته يتكلم بالتلفون ..
حطت الريوق على الطاوله و نطرته ..
اجبان و البان .. زيتون و زعتر و اومليت و مسلوق و بيكن يعني شغل عدل مو اي كلام ..
نطرت و نطرت ..


نزل و شاف الطاوله .. بالبدايه انصدم .. بس بسرعه تمالك نفسه .. اممممم نقدر نقول عصب !!

" صباح الخير حبيبي ..
" ما راح اتغدى ..
" و الريوق ..
" مشكوره تريقي انتي ..

و طلع !!
بالسياره قام ينافخ مثل التنين .. ليش معصب ؟ ما يدري
لانها احرجته ؟ و لا لانها تبي تكسر كلمته و تعيش حياتها عادي ؟ ولا يمكن ناسيه سواتها الشينه ؟؟ او يمكن لانها ذكرته بأمه .. !

دوااااااااااام و نادي و كوفي ..
نسى في وحده تنطره بالبيت ..
لما رجع ..


لابسه بجامه حرير .. عنقوص و بف .. نايمه على الغنفات ..
و العشا على الطاوله ..
حس نفسه شرير بس في شي غصباً عنه يخليه يسوي جذي ..
كسرت خاطره .. غطاها باللابكوت و صعد داره ..
يفكر بتصرفاتها ..



و استمر الاسبوع الاول بهالجفا و هالقسوه ..
لين وصل محمد البيت ..

حاول ان ما يلقيه ويه بس ما قدر ..
و بوصول حمود تذكر ان ياسمين حامل .. فقام اييب لها كل ما يلزم من ادويه و مقويات ..
و حط لها خدامتين !!

..

في ليله ..
دخل عليها غرفتها بدون لا يطق الباب ..
محمد نااايم و اهي لابسه قميص عاري ..
تبلعم و اشر لها اتيي داره ..

اهي بدلت قميصها العاري بقميص نوم و روب طويل و رررركض داره
بدون لا يلتفت لها

" سويت لج حساب بالبنك .. الكرت على الطاوله .. اخاف يلزمج شي ولا ينقص ..
" نااصر
" نعم في شي ؟
" ناصر طالعني ..

التفت عليها ولا اهي بقميص نوم مشخلع !
توهق .. قام يبلع ريجه .. تعب !
قربت منه .. و لما انهدت عليه .. تجاوب بالبدايه و بعدها .. طررررررررررراق على ويهها !!
طلع ينام بسيارته و هدها تلملم عمرها و تبجي على كرامتها !!
ما قدرت اتقبلها
حسيت اكرهها من كل قلبي
لانها دخيله على حياتي انا عشت سنين بروحي و لا حرمه دخلت دنيتي ..
لو ابي حريم فممكن الاقي كل الانواع و بكل الاعمار و بكل الاسعار !!
لكني صنت نفسي سنييين لين يات اهي و هتكت خصوصيتي !
مو بالع ان في احد بالبيت ينطرني و يشاركني كل شي و انا مسؤول عنها اجباري مو باختياري !!


تجاهلتها و قسيت عليها مو بكيفي .. في شي يجبرني !
لين مره دخلت البيت نص الليل ..
صعدت داري ولا اهي طايحه عالارض عند باب غرفتي .. لونها اصفررر و سواد تحت عيونها مخيف !
اهني اخترعت .. تذكرت انها حامل

شلتها .. و حطيتها على فراشي ..
عطيتها الابر الي تلزمها .. و قعدت بالصاله افكر ..
هل احتاج الى ان اغير معاملتي معاها ؟
اي ودي بس ما اقدر .. شنو الحل ؟

مادري شكثر صار لي .. بس سمعت صوت الخدم ..
دريت ان الساعه 6 ..
صعدت داري بتجهز حق الدوام ولا اهي بفراشي .. لامه مخدتي ..
كسرت خاطري
قعدت عندها و لعبت بشعرها من فتحت عينها وخرت ..
خذيت شاور و طلعت بسرعه
وصيت الخدم عليها ..
و بالسياره ما طاوعني قلبي .. طرشت لها مسج

" ديري بالج على نفسج "

و ما ردت علي ..
و نسيتها جم ساعه .. بالبريك شفت الموبايل مطرشه لي مسج ..

" مشتهيه رقي

ههههههههههههههههههه ضحكت .. بدت سوالف الحريم و الدلع ..
و ما تخيلت نفسي بيوم ادش الفرضه هههه ما سويتها من قبل
المهم خلصت شغل و رحت مركز سلطان و شريت رقي مدور بطيخ سعودي و رقي كويتي
توهقت ما ادري شنو اشتري لها ..
و بطريجي خميت لي خرابيط حق حمود .. كاكاو و حلاو
وصلت البيت .. حسين اني مستحي ادخل البيت معاي هالاغراض لووووووووول
شكلي صج ابو عيال ..
شعور يونس !

شفتها انقضت على الرقي مثل المفاجيع
و تاكل و تخرخر و انا اطالعها و اضحك !!
مو حاس بنفسي شايل حمود بحضني و نضحك عليها ..

" ماامااااا شوي شوي اخاف تموتين

انا اهني مت ضحككك بصوت عالي .. اهي استحت اول شي بس ضحكت و فصلنا ضحك ..
الضحك ذوب سدود و اسوار ..
صرت احس براحه اكبر و اني بلشت اتأقلم ..

باجر كنسلت مواعيد العياده ..
اخذت حمود من الصبح رحنا حديقة الحيوانات هههههههه صج الولد استاااانس
و مثل الهنود قمنا نصور مع بعض ههه و معنا صخول و نعام و بقر ههههههههههههه

طلعنا رحنا المارينا ..
تغدينا .. و دقيت عليها اتيي معانا ..
يوم وصلت دخلنا فلم ..
طول الفلم احس بشعور حلو !!


شعور العايله الي انا مفتقده
و كملها حمود بالليل نطالع تلفزيون نام بحضني ..
و ما قدرت اشيله و اوديه داره .. كسر خاطري و كنت مستانس ان في طفل متعلق فيني
يعطيني شعور بالاهميه !
اخر شي وديته غرفته .. كانت هناك بعيونها النعسانه .. عطرها .. انوثتها
ياسمين وااااااايد اجمل من المرحومه ..
ما قدرت اقاومها ..
و بعد سنين شاركت وحده فراشي الي كنت محاظ على شرفه ههههههههههههه


و هاذي حالتي مستانس بس اكابر
متحفظ بس ادلع !!
صارت علاقني بحمود قويه من قلب لانه اخو ولدي .. ولانه ضعيف و مريض .. يحتاجني
حلو الشعور ان في احد يحتاجك

استغربت انها ما ترضى انها تروح معاي اي مراجعه ..
و لا عطتني رقم الطبيب الي تراجع عنده ..
بس اتييب لي السونارات بانتظام ..


و يات قالت لي بيوم ..

" ناصر شنو سر الغرفه التحتيه ..
" مافيها اسرار غرفة امي الله يرحمها ..
" و سر الكبت الي بغرفتك ؟

اهني حسين بتوتر شقول لها .. مشروبي داخل ؟
خموري و خرابيطي ؟؟

قلت لها :

" عن اللقافه الزايده ..
....
" متى تدشين الخامس ؟
" باجر
" اوديج اليوم ؟ عندج مراجعه ..
" لا لا .. انا اروح
" ليش ؟
" ما ابي اعنيك ..
" بوديج روحي لبسي ..


احس انصفق ويها !
بس راحت .. ولما قعدنا بالسياره نروح حق عياده بحولي ..
دقت عليهم و محد رد عليها ..

" العياده مسكره اليوم ..
" وليش ما قلتي ؟
" توني دقيت عليهم جدامك مح\ يرد !
" اوكي نروح نجيل البيت .. حق رمضان و نرجع ..
" اوكي



بهالفتره استغربت من نفسي .. قطعت الشرب .. شلون ما ادري و كنت مرتااااح
و ارتحت اكثر لما ياتني بيوم و قالت لي

" شنو بتسمي الجنين ؟
" لو بنت اكيد فطوم على امي .. و لو ولد بسميه على ابوي ..عبد الوهاب ..
" عيل الي ببطني عبد الوهاب ؟




شصااار فيني لما قالت لي ان الجنين ولد ..
شلتها والله ..
اعترف ما احبها بس بذيج اللحظه حسيت نفسي احبها !
و خلاص ابي اكمل حياتي معاها عادي و لا ابي اطلقها ..
و دلعتها اخر دلع ..
و دخل رمضان .. ما قصرت معاي ..
بطنها صج صغييييير بس كانت تتعب بالفطور و كل شي

في ليله ..
نزلت ولا اشوف باب الغرفه مفتوح ..
و ياسمين داخل ..
صور مريم مقططه عالارض ..
و ملابسها و اغراضها و كل شي متعبثه فيه
و قاعده تبجي بزاويه ..


شياطين الدنيا كلها قامت تتنطط جام عيني
سحبتها من شعرها و قطيتها بالصاله ..

" جذاب .. قلت لي غرفة امك ..
" هاذي غرفة امي ..
" غرفة امك ولا الماخور الي اتييب فيه حريمك .. و تحتفظ فيه بصور قحــــ ....ك ؟

قمت و طراقات ..
يمين و يسار ..

" اكلي تبن يا حقيره .. هاذي زوجتي .. هاذي حبيبتي الي ماتت ..

و شفتها مسكت بطنها وقامت تصارخ ..
تكهربت .. تذكرت حااااامل ..
هديتها و قفلت الباب مره ثنيه و اخذت المفتاح معاي و طلعت ..


بالسياره قمت ابجي !
لا تسألوني ليش
بس تعبت و الله تعبت ..
رديت بسرعه اخاف تولد ..

تاكدت انها بغرفتها دخلت داري و هات ياشرب لين خلااااص
قمت اتكلم مع كل الي مات وهدني !
احاجي نفسي .. احاجي لطوف ..

لما سمعت ضجه
فتحت الباب و شافتني على حالتي .. خذت ولدها و نامت بغرفة الخدامه ..
علبالها راح اذبحهم !!


و الصبح يمحي بلاوي الليل ..
قمت و تأسفت و شرحت الي صار و شنو وضعي و شحقه بكل اقتضاب لنها تفهمت و رضت !
و حسيت ان صار اتفاق خفي بيني وبينها ..

تتغاضى عن تصرفاتي .. شرط اني اعترها زوجه صجيه لي ..
وكان لها الي تبيه !!

انكسرت صورتي بعيونها ..
حسيت انها قامت تخاف من الليل ..
و ردينا و انفصلنا بالفراش ..
و بيني وبينكم .. صرت احس براحه اكثر !

الرسميه الي رجعت بينا .. كانت اريح لي بس بديت افقد شعور العايله الي حبيته ..
و رديت قطعت الشرب ..

اعرف نفسي لما اضعف .. انصدم .. احس بوحده .. لوعه .. اجبل على الكحول !!
يخفف عني ..
انا من النوع الي اذا سكرت ضحكت !!
مو مثل غيري .. في شباب يبجون .. شباب يتهاوشون .. شباب يتبيهمون !!
انا من الي يضحكون و لو بدون سبب

بس فراقي عنها خلاني اعوف الضحك ..
و قدرت تلعب على الوتر الحساس مثل ما يقولون
حمود تغير علي .. !
اي كانت تستغل علاقتي بالطفل .. حسيت انا حاقد عليها ..

قمت اسلط الضوء عليها و على حركاتها ..
استغربت شكل بطنها مو طبيعي ..
جنها مو حامل بالشهر السادس .. جنها توها بالبدايه ..
خذيتها الطبيب ..
و هناك طنوني على صحة الجنين ..
و بس كفاني هالكلام لان كنت شاك انها مو حامل لما تاكدت انها حامل ..
ما همني اسمع اي شي ثاني و رجعت البيت ..


حطيت حيلي بالدوام ..
بهالفتره كنت ادوام بمستشفى حكومي و بعيادتي ..
اقضي وقتي كله بالشغل .. ما ابي افكر بالنكد الي عندي بالبيت ..
ترا اكثر شي يكرهه الريال الطناقر .. والله لا تضحكون ..
انانية الرجل .. ما تسمونها انانيه .. هذا طبع .. يتوقع شغلات من المره .. فوق طاقتها .. ليش ؟ ما ادري !
لكن يعتبر ان هذا من حقه .. و لو قصرت بيلاقي انها ما تستاهل حياتك وياها ..
اييي مثل الياهل !
لو امه ما يابت له الالعاب الي يبيها يبدي يحس انه ما يحبها و وده بام ثانيه و يدور !!
عرفتوا قصدي ؟



ما كنت منتبه انها تراقبني !
اي تلحقني للدوام .. و داخل المستشفى .. تتنكر علبالها ما اعرفها ..
تلبس عبايه و اهي من النوع الي ما يلبس عباة ..
و تحط نظااره كبيييييره و مرات تحط نقاب !
شتبي بالضبط ؟ ما ادري


و بالعياده تحرق السكرتيره اتصالات ..
و مو عارف شتبي بالضبط .. لين يوم بالعياده ..

ياتني ام مع بنتها المريضه صار لها تراجع عندي سنتين و نص و بنص الفحص ..
بطلت الباب بكل قوه بلا احم ولا دستور و قامت تخزني و تخز المره !!
فشلتني
" لو سمحتي طلعي بره .. و نطري دورج .. و مره ثانيه طقي الباب ..

طلعت وراحت البيت ..
و انا اهني احس ينيت ودي اذبحها
رحت لها البيت على طول ..
و كنسلت مواعيدي ..



" انتي ينيتي ؟
" اييييي انا ينيت من رضيت اتزوجك
" ههههههههههههههه اي ينيتي .. نسيتي شنو سويتي .. و شلون تزوجنا ..
" ما اتذكر الا حبيبتك .. الي طحت عليك اليوم وياها
" حبيبتي ؟
" هه علبالك ما ادري انك على علاقه معاها و كل فتره و فتره تشوفها ..
" انتي قصدج ام عذاري ..
" اييييييييييي عليك نور .. حبيبتك سهام ام عذاري ..
" شلون عرفتي اسمها ؟
" هه و اعرف رقمها و رقم زوجها و عنوانها و دقيت عليها بس ما ردت و بدق على ريلها و ادري شسوي فيها
" مينونه !!
" انت مينون و حيواااان تتزوج و تخون !

بطت جبدي ..
رقعتها كف طيحها ..

" حيوانه انتي .. و يمكن انا حيوان صج لاني تزوجتج .. قاعده تراقبيني ؟ و تلاحقين المرضى .. بتخربين بيت المره على شنو ؟. على خيالاتج المريضه .. على اوهام وصخه .. انا ما اخونج لاني اساسا ما اعتبرج زوجتي ..

و قبل لا اكمل كلامي هجمت علي و غرست شي بصدري !!
ما ادري شنو بس تكهربت .. حسيت بشي حار قام يطشر .. على رقبتي على ايدي .. على صدري ..
دم


كملت و اهي مبققه عيونها خايفه ..

" انا اخذتج بس لانج حامل ..
" يا غبي .. يا غبي انا ما كنت حامل .. انا توني حملت .. يا غبي

طحت على ركبي من كثرة النزيف .. كل شي يفتر و احس قلبي يرقع حيل
ركضت و لمتني .. كانت تبجي ..
تصارخ تنادي الخدامات ..
و انا ما اسمع الا انا ماكنت حامل انا توني حملت .. و غيبت !




بالمستشفى ..

ياني المحقق و شرح لي بان زوجتي انهارت و اعترفت انها حاولت تذبحني .. و شهدوا عليها الخدامات ..
و ولدها عند امها ..
يعني راحت فيها .. !

بالتحقيق قلت كل شي و لا حاولت اضلل العداله .. و ارقع لها ..
بس علشان جنيني قمت اركز على انها ما كانت بحاله طبيعيه ..
يمكن هالشي يخفف عنها بعدين ..
اصابتي ما كانت خطيره .. فطلعت بسرعه و قدرت امارس حياتي عادي بس ايدي ما اقدر احركها عدل
رحت اشوفها بالنظاره .. قالوا لي اذا ابي ارفع عليها قضيه ..
بس قبل لا اقرر انا محتاج اشوفها .. و شفتها
كانت صفرا .. و تعبانه .. و كأنها كبرت عشر سنين .. لوهله كسرت خاطري ..
كانت تطالع نقطه مو معينه .. و كانها سرحانه ..
لما دخلت قامت .. و بكل وقاحه لمتني !!
حطت ايدها حوالين رقبتي تحاول تطولني ..
حطت ايدها على مكان الجرح .. تبوسه .. تشمه ..
تبجي ..

" حبيبي .. حبيبي .. حبيبي !!
...
" تعورت ؟
" ....
" انا بموت .. الي سويته فيك .. كان شي ما خططت له ..
" كنتي تبيني اموت ؟
" اموت و لا انحرم منك .. اموت ولا يصير فيك شي ..
" مبين هه
" ناصر و الله خالق سابع سما .. وربي ربك واحد الشوكه الي بتدش بريلك ابيها تدش بعيوني ..
" ليش ؟
" ينيت .. غرت .. انت ما تدري انت شنو بالنسبه لي و جم سنه ابيك و احبك ..
" ...
" لا تستغرب انا جم سنه الاحقك .. جم سنه وراك .. جم سنه ادرسك و ادرس اطباعك .. لين صرت انت الهوى الي اتنفسه .. بالليل احلم فيك و اصبح اصبح بخيالك .. شاركتني كل شي .. قبل لا احبك كانت حياتي سودا بعد ما مات خالد .. ارمله مالها الا ولدها المريض .. و ام كبيره بالعمر .. ومن شفتك تغيرت كل موازين حياتي .. كل افكاري .. كل طموحي .. عشقتك عشق من طرف واحد .. من كثر ما شفتك صرت اعرف شنو عطرك و ماركة ساعتك و بدلتك اي ماركه و كرفتتك من وين .. و شنو لونك المفضل .. وشنو مزاجك ..
اي كنت اراقبك .. صرت هوس .. و عرفت اني بدونك اموت ..
شافتني امي اذبل كل يوم .. انا مو كبيره .. انا مو جيكره .. انا .. انا مو فاشله .. بس انا كنت احتاجك .. انا ورده و محتاجه شمس تدفيني .. شمس تضوي حياتي .. انت شمسي .. انت .. انت كل شي بحياتي ..
و قلت لها لازم ادخل حياتك و لو بالغصب .. لو بالحيله ..
بس مالقيت فرصه افضل من اليوم الي طاح فيه محمد .. استغليت الوضع .. كنت ادري انك ما راح تتخلى عني .. واني لازم ادفع ثمن نيتي و تحملت لين صرنا حبايب .. بس البلوه لما صرت اموت فيك .. اموت بالتراب الي تمشيه عليه ..
اغااااار
اغاااار عليك حتى من الهوى الي تتنفسه .. اغااار عليك من كل شي
و انت تصرفاتك .. كانت بارده و تخليني اشك فيك .. انا ما صدقت احصلك شلون اقدر افرط فيك و لا اخلي وحده تاخذك مني ..
هذيج شفتها عندك واااايد .. مرات مع بنتها و مرات بروحها .. و مرتين شفتها مع ريلها .. عرفت عنها كل شي .. و انقهرت لانها حلوه .. بطت جبدي و ما قدرت اتحمل الموقف .. شي غصباً عني .. خلاني اقوم و اتهجم عليك ..
ناصر انتي لي انا بس .. تفهم ؟ بس انا ..
" ....
" ناصر تكلم .. قول شي ..
"...
" حرام عليك .. تحجى ..
" ...
" ناصر انا احبك ..
" ...
" ناصر .. ناصر ..


***

" تبي ترفع قضيه عليها ؟
" لأ .. هاذي زوجتي .. و جريب بتصير ام عيالي .. ياسمين حامل و هرموناتها متخربطه .. انا طبيب و اعرف شلون نفسيتها و شنو حالتها .. فمعذوره ..


شنو احساسي ؟
ما ادري
وحده تحبني هالكثر ؟
و يوصل حبها الى انها بتذبحني ؟
ما اقدر اعلق .. ولا اتكلم ..

طلعتها بكفاله وبدون اي كلام قطيتها ببيت امها ورديت بيتي
وكلت محاميين لها و لظروف حملها امتنعوا عن النطق بالحكم ..
و خليتها ببيت امها فتره طويله .. دقت علي لين يأست مني .. و طرشت لي مسجات و ما تلقت مني اي رد ..
سكرت العياده مؤقت و اكتفيت بالمستشفى ..
حياتي صارت بدون روح .. ما ادري شكثر استمرت ..

بس ياني اتصال على تلفون البيت .. حسيت ان فيه شي .. كانت الحجيه ..

" يما الحقني .. ياسمين تعبانه ..
" مافيها شي .. ان شالله ..
" ناصر ياسمين قاعده تولد بالبيت !
" شنو تولد اي توها بالسابع ..
" واااااااااااااي بتذبحني .. ما تفتهم البنت بتولد .. انا بدق عالاسعاف بتيي تعال ما نت ياي كيفك

و سدته بويهي !!

توهفت ..
اروح ولا لا ..
هذا الي بينولد طفلي !
ما قدرت افكر .. انا راح اصير ابو .. و ياسمين امه .. اقدر على جذي ؟
شي بداخلي خلاني اطلع بالبجامه .. طيران للمستشفى ..

طولت واايد .. كانت امها شايله محمد .. خذيته و ظلت طول المده تحاول تقنعني ان ارد زوجتي
و ان اعيش معاها .. و كلنا نغلط و رب الكون يقبل الندم و يسامح فمنو احنا علشان نكابر و نسامح .. خاصه بيصير عندي بيبي و يحتاج ابو ..
و اخيرا طلع الطبيب .. يقول لي ان صرت ابو
الاطفال بخير بس لانهم خدج يحتاجون الى الشيشه فتره .. و الام بخير !
طلبت منه اشوف الطفل ضحك وقال

انت ما تعرفش ؟
شنو ؟
دول توأم .. بنت و ولد قالك عريس و عروسه زي الأمر
هااا ؟!
مبروك



!!!!

توأم !!



يالله شنو شعوري وقتها ؟

فرحان ؟ طاااير ؟ مو مصدق ان فطوم و عبد الوهاب انولدوا مره ثانيه ؟

ولا متضايق لاني جذي تدبست عدل وياها ؟



انسانه مريضه , غيوره , شكاكه ؟

اكثر شي يقهر الريال المره الدعله .. و ياسمين دعله ..

اقارن

مريم بكل الي كان فيها كانت ضعيفه , مو حلوه لكن ناعمه و تحب الوناسه

ياسمين قويه و جميله للغايه لكنها شكاااكه تحبني موت لكن نكديه !!!!





كفة منو ترجح ؟

اكيد مريوم



الريال يحب الضعيفه و الي تحسسه انه قوي .. حتى لو كانت قويه بس تمثل تخليه يحس باهميته !

والله مو غشمره

و الريال اكثر شي يكرهه النكد و ضيقة الخلق .. خلي يحس انه طير ما انحبس علشان يحب يكون معاج

يمكن تضحكين

لكن الريال و ان كان نكدي يبي المره دايم تبتسم و دايم تضحك و دايم تراعيه

انانيه ؟

يمكن لكن هذا طبع غصبن علي و على كل ريال

شي ينولد معنا من ننولد







افكر ..



شلون اتصرف ؟

اخذ عيالي معاي ؟

و لا اخليهم مع امهم ؟

و شلون اقدر اتخلى عنهم بعد ما عطوني شعور ما يتثمن ؟

و شلون اخليهم معانا احنا الاثنين بوقت انا مو واثق من سلامة امهم النفسيه ؟

مو ممكن تضرهم ؟



دخت ..





طلبت اشوف اليهال ..

و الله العظيم ان لما شلت عبد الوهاب كان حده صغير بالغصب ينشال

مع اني طبيب و اتعامل مع اطفال طول الوقت بس كنت حاس ان هذا الطفل الوحيد و الاجمل بالعالم !

اخترعت اول شي اشيله لانه كان صغيييييير و عظامه طالعه حسيت انه راح ينكسر بيدي ..

كانت دقات قلبه قويه .. نايم

ويها متفخ .. قريب الى ان يكون قرد صغير !

والله مو ضحك

ملامحه مو محدده .. مشوهه بفعل الماي و لانه صغير و مولود مبجر الشعر مليااااااااااان بكل مكان و اللون غاااااامج

اهو صج قريب الى القرد الرضيع

لكن بنفس الوقت احس انه اجمل شي خلقه ربي !!





بسته ..

بست راسه .. و دموعي تنزل

شميته

و اذنت باذنه ..

يالله شنو هالشعور ؟





لو انا ام جان ممكن اوصف الامومه لان الوحده فيكم تحمل و تولد و الوحده فيكم مخلوقه و فيها رحم يعني مولوده لهذا الشيء

و تمارس امومتها مع العابها من تكون طفله

لكن انا ريال ..

ريال سوطرته الدنيا عدل .. وحيد و تعبان ..

و اييني شي يقلب حياتي كلها

صج ان الام الي يابتهم عافتها نفسي لكن .. لونت لي الدنيا بولادتها لهم ..

بنفس الوقت حسيت ان خلاص هذيله الي من ظهري اهم حياتي اليدييده .. اهم الي لازم اتغير و اعيش علشانهم ..

اشتغل لهم .. الفلوس الي تارسه الحسابات و الورث الي حصلته صار له معنى ..

مستقبل امي و ابوي

هههههههههههه والله صج حسيت انهم امي و ابوي مو عيالي ..

حلوه كلمة عيالي !









ييت بشوف فاطمه .. ولا مو موجوده ..

يقول الطبيب انها تحتاج الى عنايه خاصه بالعنايه المركزه لانها تعبانه

و تعب قلبي !!

شنو بعد ناطرني ؟





ما طاوعني قلبي ارد البيت و اريح

صارلي اكثر من 14 ساعه

و انا لابس بجامه بعد !!

ابي اودي عيالي معاي ههههههههههههههههههههه مينون صح ؟

بس خلاص تعلقت فيهم



خاصه هالزبوط

وهابووو

للحين ما شلت فطوم و لا اذنت باذنها بس حبيتها كافي انها شايله اسم الغاليه ..



و انا افكر

ياتني امها ..





" ما تبي تشوفها ؟

" ما ادري عمتي

" المره يابت لك بدال الواحد اثنين ..

" المره قصــ ..

" يما ياسمين تحبك ..

" الي يحب يحتال ؟

" كانت بتموت

" و موتتني بدالها صح ؟

" يما تغار عليك و تعبت نفسيتها .. تخيل لما تكون عالم شخص و اييك واحد يغزيه ؟ ياخذه منك ؟

" محد دخل حياتي ..

" الحامل عذرها معاها .. ترا المره يا وليدي مو اهي لما تحمل كل شي فيها يتغير و انت طبيب و عارف

" ...

" شنو بتسميهم ؟

" فاطمه و عبد الوهاب

" زين ما اخترت ..

" كنتي تدرين ؟

" شنو ؟

" انها ما كانت حامل و لما حملت كانوا توأم ؟

" يما انا مالي شغل .. لا تسألني .. انا االحين افكر ببنتي .. بنتي تعبانه .. المره لما تولد تنفج عظامها و تطلع روحها الله يغفر لها ذنوبها و لو ماتت تكون شهيده

" ذكري الله .. بنتج الحمدالله ما فيها شي

" ..

" لا تبجين عمتي

" تعبت بدنايها .. تعبت مع مرض زوجها و ولدها .. و الحين معاك ..

" انا ما تعبتها

" ادري يما ادري

" خلاص لا تبجين ..

"روح شوفها ..

" افضل اني ما اشوفها ..

" يما وراس عيالك روح شوفها .. حرام الله ما يرضى ..





اوكي الجزء الثاني من كلامها ما ياز لي لان الله ما يرضى انها تحاول تقتلني و تراقبني و تطين عيشتي و تتحايل علي و تغشني علشان اتزوجها لكن الجزء الاول .. اممممممممممممم سحر !!

وراس عيالي ؟



و دخلت عليها .. الشعر يخرع ههههههههه مادري اول مره اشوفها مبهذله !

كشه يعني شلون شعرها طاير و لازق امممم الويه اصفر و معرق و الجسم كله خااااق

اححح مبين انها صج تعبانه

سبحانك ياربي شلون تطلع روح من روح





" ناصر ..

" ...

" شفتهم ؟

" اي

" زينيين ؟

" عبد الوهاب اي .. فاطمه تعبانه شوي ..

" واي يما بنتي .. فاطمه فيها شي ؟ شفيها ؟؟

" بس تحتاج عنايه مركزه لانها مولوده مبجر

" الطبيب شقال ؟

" ما قال شي للحين

" روح ناده الله يخليك .. !





طلعت مستغرب ردة فعلها ..

و اهي مو اول مره تصير ام .. عندها حمود و كان موجود مع يدته و يروح ويرد على امه مستانس على المستشفى يلعب اهني و اهناك و خدامته معاه ..



دورت الطبيب ما شفته .. قالت لي الممرضه ان باجر الصبح اكيد بيمر ياسمين

طلعت هويتي و دورت لي واسطه و قدرت اشوف تقريرها و اشوفها ..



فطومتي .. كانت نسخه وهابي شعر و سمره .. اممم قرده هههههههههه

حاولت اشيلها ما قدرت .. حطيت اصابعي بالشيشه و مسحت عليها ..

اذنت بالشيشه بكبرها مو بس باذنها ..

مبين انها تعبانه ..

تقطع القلب الكلبه ..



قريت تقريرها .. قلبها مو طبيعي و تحتاج الى فحوصات اكثر علشان يقررون العلاج المناسب لها ..

من قريت التقرير و انا احس رقعه بقلبي و حرررررر و توتر و عصبيه .. بفقد اعصابي ماني قادر اتماسك اكثر ..

بس شي يجبرني على اني اتحمل ..

و عرفت ان هالشي كان ولدي !



شعور الابوه ما يختلف وااايد حسب رأيي الشخصي ..

بس لان الابو ما يرضع ولا يحمل ما يعني انه ما يحب ولا يعتني ولا يهتم ولا يدلع و لا يخاف و لا يموت بعياله !



الوهقه الحين شلون اقول لها ان فطومه تعبانه ؟

القيت نظره على بنتي .. استودعتها الرحمن و قررت اني ما اقول شي و الطبيب المتخصص يقولها باجر عن كل شي ..

اهني بس رديت البيت ..

و نمت 6 ساعات و بدون اكل قمت تصدقت و رحت المسيد ادعي و رديت عند اليهال ..

وهاب عند امه و فطومتي عندي بالعنايه .. !



احاجيها ..



يما .. فطوم .. انتي امي و بعدين بنتي .. و بتصيرين حبيبتي و صديقتي .. بس قومي يا عين ابوج ..

اول ايام ما كان قلبي يطاوعني ارجع البيت
ابي اكون عند اليهال .. بس ظروف الشغل و التعب اجبرتني ..
فطومتي بعد التحاليل و الفحوصات طلع عندها عيوب خلقيه في القلب !
طول عمرها تعيش على دوا الى ان ربي يفرجها و نلاقي لها علاج بالس المناسب ..

لما قال لي الطبيب ..
ما تعاملت مع الوضع كاي طبيب !
تعاملت معاه بمشاعر اكثر و عاطفه .. شي غريب علي
بالفعل هاذي الابوه
اذكر اني ما اكلت شي يومين
و اول ليله ما قدرت انام
بس شسوي ؟


المهم ان اسعى ورا علاجها ..
و اتذكر لما قلت لها ان فاطمه فيها عيب خلقي بالقلب و تحتاج الى عنايه خاصه
و كان السما طاحت على راسها ..

لان محمد بعد مريض و يحتاج الى عنايه خاصه !
كنت ناسي ..
بجت لين داخت و نامت ..
بعد ما اخذن علاجها و كل شي طلعنا كلنا بسيارتي ..
على ابو ان نفاس و بقطها ببيت امها ..
وصلنا
كان ودي انزل علشان عيالي
بس ما نزلت لانها موجوده !
عمتي حنت لين قالت بس انزل تغدا و من هالحجي بس شلون اتحمل بنتها ؟

رجعت البيت ..
افكر
شنو الخطوه اليايه
صج لو عيالي كبار جان طلقتها و خلاص كل واحد بطريجه
بس عيالي رضع توهم جم يوم .ز شلون اطلقها ؟
تاخذهم و عندي بنت مريضه ؟
و بنفس الوقت شلون اتحملها ؟
سالفة انها جذبت علي و اجبرتني فيها على الزواج ما اقدر ابلعها !
يمكن مكبر الموضوع بس طعنتني ..
انا مو خايف على عمري بس عيالي .. شلون اتطمن عليهم ؟

دخت و انا افكر
الحمدالله انها بنفاس
ريض على ما اقرر

مرت الايام و الغضب و الحقد الي بقلبي ما انمسح
مازرتها شهر
كانت ترسل لي مسجات كل ساعه
و انا كنت اسأل عن اليهال يومياً
و طرشت لي مسج فاطمه تعبانه ..

والله ما ادري شنو صار و شلون
شفت نفسي واصل و شايلها و راكض و اسعافات و الحمدالله صارت احسن ..
كنت حاط راسي على ايدي و قاعد بالمستشفى ..
مع ان فطوم دخلوها لي باجر بس ماني قادر اقوم
احس الادرينالين عندي ارهقني !

دقيت على جاسم
و لما ياني انصدم !

" انت شايف نفسك ؟
" شفيني ؟
" بجامه و حافي ..
" والي يعافيك ترا ما اقدر اقوم .. جاسم ابي ماي
" يالله يالله ارفع راسك دقيقه بس و الماي عندك

شربت الماي و رخت عضلاتي شوي ..
بعد هذا اكتشاف يدييد .. الادريالين بالخوف و الصدمه قام يتعبني
ما ادري ان كان ينزل ضغطي او يشل جسمي ..

قمت بمشي علشان ارد بيتي
ما قدرت تكهربت !
يوم طالعت ريلي و لا متفووووخه و زرقا !
اوف متى صار جذي ؟
تذكرت و انا شايلها و اركض فيها دعمت الباب ..
بيتهم بابه حديد من النوع القديم فانكسرت ريلي
و ما حسيت فيها لين ارتحت و صارت بنتي بخير ..


عاد صج مال خلق ..
جبسوها و الاهبل الي معاي على طول وقع عليها
يهال احنا ؟
فشلني ..

رديت البيت تعباااان و ريلي تعورني ..
استرجعت احداث اليوم
تذكرت ويها ضحكت !
شعرها مدهن , ريحتها تبط الراس , متنانه يطلع منها صوت اجياس ههههه
و فوق هذا تبجي الخشم و الخد احمر
اااااااااااااااااااااه يا ياسمين ..


مرت الايام بسرعه ..
و طلعت من الاربعين ..
مارحت لها الصبح ولا فكرت اخذها ..
و ترددت اساسا اخليها ترجع
بس ولهت على الزبابيط

بالليل امها يابتها ..
اوكيه فشله و عيب
بس انا كنت .. ما ابيها !!


المهم الي دخلت علي .. عروس !!
الشكل و اللبس و الريحه و الشعر
شي يدييد علي !
انثولت اول شي ..
بس انتبهت ان اليهال مو معاها ..

" اليهال ببيت امي ؟
" شحقه !
" مو تدري .. الليله ..
" الليله شنو ؟
" طلعتي من الاربعين ..
" و شسوي يعني ؟
" ولا شي ..
" انتي اذا ناسيه انا ما نسيت ..
" بس ناصر
" بلا بس .. قومي مسحي هالسيرك الي بويهج نروح انييبهم

شهالقسوه الي ياتني ؟!
ما ادري
كسرت خاطري بالسياره
بس ما قدرت اقول لها الا
" شلونج ؟

ههههههههههههههههههه والله هذا الي طلع مني !
غصبت روحي و ما قدرت !
و المسكينه ابتمست و ردت علي ..

" من بعدك لا لوني لون ولا حالي حال ..

و سكت
ما قدرت ارد ..
المهم وصلنا و اخذنا اليهال و العيوز مستنكره الوضع
طبعا اهي بالبيت اشوفها تروح وترد .. تروح و ترد
ودها تقول شي .. بس ساكته ..
تايهه ما تدري وين تنام
و انا ما اهتميت لان بنام مع اليهال !!

فرشت ديباج عالارض و نومتهم و انا عندهم ههههههههههه
ماكانو نايمين ..

وهابي فتح لونه شوي
بس حده يضحك
و فطوم قلب ابوها مبققه عينها ..

ما طولت دقايق الا انا بسااابع نومه !
تالي الليل جريب الصبح .. فزيت من النوم
شفت نفسي بروحي ..
دورتهم ولا بغرفتي على فراشي مع امهم و حمود وياهم
يعني عدت نفسها اوكي تقدر تنام بغرفتي !
كانت قاعده ترضع فاطمه و النيرس شايله وهابو

يوم شفت المنظر ..
اهتزيت !
صدرها بحلج الياهل
و الياهل من قوة الشفط تتحرك
و ويه ياسمين مبين عليه الالم ..


لما شافتني
غطت نفسها !
انا ما طلقتها للحين بس اهي غطت روحها ..

موقف غريب علي و عليها
المشهد .. عجبني
حسيت في شي ذاب بقلبي و ذوب معاه وايد من مشاعر الضغينه ..

رحت صوبها ..
بست راسها و طلعت ..
ما اسمعها الا تشاهق و تبجي ..


باجر بعد الدوام
قررت اشتري لها شي ..
يمكن تقولون تناقض
بس الي معاي قالوا لازم و حرام و تستاهل و كل واحد قام يستعرض بطولة زوجته و معاناتها
و اني لو ما ابيها لازم اجبر بخاطرها لو مو علشانها علشان عيالي ..
رحت محل مجوهرات و خذيت لها شبكه الماس ههههههههههه
دفاشه
بس ما عرفت شنو اخذ
و ثبتت براسي صورتها بليلة الاربعين .. جنها عروس
فقلت للي يبيع ابي هدية لعروس !!

و شفته حطها بصندوقها و لفها وبعدين حطها بجنطة سفر صغيره !
و انا بكل دفااااشه بالليل ..
قدمت لها الجنطه ههههههههههههه

استغربت ما درت انا شنو اقصد ولا شنو الي قاعد اقدمه لها ..
" مشكور
" بس انتي ما شفتي الهديه !
" الجنطه
" لا الي داخلها

و ضحكت ..

شافت هديتها .. و ردتها و ما شفت عليها اي ردة فعل ..
و بطريقه اليه قالت لي ..

" ما قصرت كلفت على عمرك ..
" تستاهلين انتي ام عبد الوهاب ..
" بس انا ما ابي هدايا ..

و بلشت تبجي

" انا ابي بيتي .. ابي زوجي .. ابي حياتي .. ابي بوعيالي ..
" لا تبجين على شي انتي سويتيه ..
" انا غلطت ..
" لا انتي ما غلطتي .. انتي قتلتي .. قتلتي ريلج و الحب الي بقلبه ..
" ليش ما تفهم .. انا ينيت .. لما شكيت انك على علاقه بمره ثانيه بغيت اموت .. لاني ما احبك .. انا اتنفس هواك ..

و تعالى صوت وهابو يبجي ..
سكتت و انا طلعت حيران


هالجزء فــــــــــــيه صدمـــــــــــــهـ




ما عرفت شسوي و لا شراح اسوي
و خليت الوضع كما هو عليه
منفصلين و مفصولين عن بعض الي يجمعنا اليهال
ما اقول لكم اني ما ولهت عليها و ولهت على حياتي قبل ذاك اليوم
انا اتعذب و اهي تتعذب
بس ما اقدر ... ما اقدر!

و استمرت حياتي بروتين طول 3 شهور
اقعد مبجر اروح المستشفى و ما ارجع الا جريب المغرب
و كنسلت العياده ابي الوقت الي اقضيه هناك يكون بين عيالي
انام ساعتين و اقوم اجابل هاليهال
العب مع وهابو و اضحك مع عين ابوها
جريب ساعتين و اطلع النادي .. و لا الممشى و قمت اروح الديوانيه !
ههههههههه اكتشاف يدييد على كبر
لان اليهال ما يقعدون وايد و انا ما اقعد اكثر من ساعتين بالوورك آوتس و مرات اقل
فيبقى وقت بعد و انا سكرت العياده و ما ابي اقعد وياها
فاروح ديوانيه ابو عدنان رفيجنا .. طبيب و يعرف جاسم بعد


لين ذاك اليوم الي انصدمت فيه !!
بالمستشفى لمحتها !!
بالبدايه شبهت عليها ..
في شي من داخل يصرخ و يقول انت تعرفها ..
بس ما عرفت بالضبط منو !

طول اليوم افكر فيها .. و بالليل ما قدرت انام
قمت اتقلب و حالتي حاله
ابي اتذكر منو .. بس مو قادر ..
حاس برقعة قلب !




و الساعه مو راضيه تمشي ابي يصير الصبح و اشوفها مره ثانيه
بس للاسف صار الصبح و صار صبح اسبوع و ما شفتها ..
مو نزوه ولا مشتهيها !!
ابي اعرف منو هذي
انا شكو صح
بس هاذي انا متاكد اعرفها !


تعبت نفسياً
والله مو مبالغه ..
و اخيرا شفتها بالبريك .. رحت مسافط المستشفى ..
يطل على البحر و قعدت هناك ابي يطقني هوا .. و الكوفي بيدي ..
و لا اهي هناك !

يوم شافتني .. انصدمت اهي
قمنا نطالع بعض مثل القطاوه ..
على ويهي خوف و استغراب و على ويها خجل و ابتسامه !!


عرفتها ..








بعد سنيييييييييين عرفتها !!
و عرفتني ..











طيبه



اي طيبه !
عرفتوها ؟


طيبه بعد كل هالوقت .. اهني .. معاي بنفس المستشفى ..
احساااااس امممممممم ....




واقفه جدامي بسمارها و شيلتها ..
قصيره وايد جنها ياهل ..
و رحتها ..
اااه يا دهن العود



ما قدرت اتكلم معاها
شي منعني .. قلت لكم مثل القطاوه نطالع بعض ..
و راحت
و انا عايش صرااااع بداخلي ..المشاعر تضاربت و كل شي فيني يصارخ
انت شتبي ؟!

تعبت ..
و لما رديت البيت
كانت ياسمين قاعده ببجامتها ..
توني اكتشف انها من بعد الودلاه قاصه شعرها و مصبغته ..
جد جد جميله .. مغريه .. انثى !
قاعده تطالع تلفزيون ..

" تعشيت ؟
" ههههههه من متى اتعشا ؟
" بس انت ضعفان واااايد
" لا تسوين روحج مهتمه ..
" بس انت ابو العيال
" و هذا الشي الوحيد الي مخليج على ذمتي ..

بجت ..

" ياسمين .. انسي حبي .. تبين تعيشين معاي علشان اليهال ؟ هالبيت بيتج و اذا حابه تتطلقين و تشوفين حياتج انا ما عندي مانع .. احنا صج ما دخلنا بالطيب و الخير بس اذا بننفصل خلينا ننفصل على خير ..
" لا ما ابي .. ابي اقعد
" كيفج بس لا تتصورين ان بنرجع حق بعض ..
" ميخالف ..


انصدمت منها !
راضيه بكل شي .. غثيتها .. لوعت جبدها بس هم ماكو فايده ..
ابيها تطلع منها و بنفسها ..
انا ما ابي اجرحها .. ما ابي اضايقها ..
و اخاف حياتي بتزعلها و اهي حساسه ..

قررت اني اشتغل عليها لين تصدق ان مافي امل نرجع حق بعض ..
قررت اني اوصل لها اني ممكن اتزوج عليها .. بشوف شراح يصير ..
و اليهال ؟

ما ادري شراح اسوي عليهم ..




بالدوام كنت اتمنى اني ما اشوف طيبه .. ما ادري ليش
بس احس ان خلاص لااا تشوفها ولا ترا بتضعف
شكو ؟
مو حلوه و ما تكلمك و ما تعرفها شحقه تضفع ؟ خاصه انها عارفه فضايحك و بلاويك الي ما عرفتهم ياسمين عنك
تعرف ماضيك الاسود و بيدها انت قمت ..
مو حلو هالشعور ..


و كان بالي مشغول مع المره !
شلون اتصرف ؟

صرت مثل البنت الخجوله !!
انزل راسي بالدوام اخاف اشوفها و بالبيت احاول اتحاشى اي اتصال مع ياسمين !!
لاعت جبدي


" ناصر ..
" خير ؟
" اممممم
" ناقصج شي ؟ اليهال ناقصهم شي ..
" لا
" شنو عيل ؟
" ناصر انا حاسه بوحده
" تبين تروحين عند امج ؟
" لا ابي اقعد عندك
" ياسمين .. ما تفهمين ؟ .. خلاص باباتي ماكو فايده .. الي انتي سويتيه مو شويه و انا ردة فعلي مبالغ فيها ادري بس مو بكيفي .. ما اقدر اكمل معاج ..
" ناقصني شي ؟
" العقل !
" حرام عليك ناصر ..
" حرام عليج نفسج يياسمين .. لا تتعبين روحج ماكو فايده ..
" نتطلق ؟
" كيفج .. انا حاطج حق اليهال ما ابي ايتم اليهال .. ولا احرمهم من امهم .. لكن اذا تبين تتطلقين .. اطلقج و نسوي تسويه عند محامي يصيرون اليهال يوم عندي و يوم عندج ..
" و اذا رفضت ..
" اتمنى انج ما تلعبين بكرت العيال .. علشان لا تشفين ويهي الثاني ..
" بشوف .. !
" لا تجربين ياسمين .. الا عيالي ..
" هذيل عيالي ..
ياسمين .. انا بحياتي ما ضريت احد ولا ابي اضرج .. انتي ام عبد الوهاب ..
" هه انا ام محمد .. تسمع انا ام محمد



و بدت الحرب !

 
 

 

عرض البوم صور مسلوب الإرادة  
قديم 08-08-14, 11:27 PM   المشاركة رقم: 7
المعلومات
الكاتب:
اللقب:

البيانات
التسجيل: Jun 2014
العضوية: 268285
المشاركات: 34
الجنس ذكر
معدل التقييم: مسلوب الإرادة عضو بحاجه الى تحسين وضعه
نقاط التقييم: 47

االدولة
البلدKuwait
 
مدونتي

 

الإتصالات
الحالة:
مسلوب الإرادة غير متواجد حالياً
وسائل الإتصال:

كاتب الموضوع : مسلوب الإرادة المنتدى : القصص المهجورة والغير مكتملة
افتراضي رد: لأول مره قصة واقعيه على لسان صاحبها جرئه حب جنون موت وانحراف !!

 

بنزل الجزء الأخير إذا في تفاعل !

 
 

 

عرض البوم صور مسلوب الإرادة  
قديم 14-09-14, 04:48 PM   المشاركة رقم: 8
المعلومات
الكاتب:
اللقب:

البيانات
التسجيل: Apr 2010
العضوية: 160301
المشاركات: 63
الجنس أنثى
معدل التقييم: مانسيتكـ عضو على طريق التحسين
نقاط التقييم: 55

االدولة
البلدSaudiArabia
 
مدونتي

 

الإتصالات
الحالة:
مانسيتكـ غير متواجد حالياً
وسائل الإتصال:

كاتب الموضوع : مسلوب الإرادة المنتدى : القصص المهجورة والغير مكتملة
افتراضي رد: لأول مره قصة واقعيه على لسان صاحبها جرئه حب جنون موت وانحراف !!

 

مسلوب الاراده


روايتك شيقة شوقتني ياليت تكملهااا

 
 

 

عرض البوم صور مانسيتكـ  
قديم 24-09-14, 04:24 AM   المشاركة رقم: 9
المعلومات
الكاتب:
اللقب:

البيانات
التسجيل: Jun 2010
العضوية: 171377
المشاركات: 1
الجنس ذكر
معدل التقييم: hashimmt عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
hashimmt غير متواجد حالياً
وسائل الإتصال:

كاتب الموضوع : مسلوب الإرادة المنتدى : القصص المهجورة والغير مكتملة
افتراضي رد: لأول مره قصة واقعيه على لسان صاحبها جرئه حب جنون موت وانحراف !!

 

منتظرين تكملتها بفارغ الصبر
لا تطول الغيبة

 
 

 

عرض البوم صور hashimmt  
قديم 28-10-14, 10:37 PM   المشاركة رقم: 10
المعلومات
الكاتب:
اللقب:

البيانات
التسجيل: Apr 2007
العضوية: 27564
المشاركات: 319
الجنس أنثى
معدل التقييم: نورالايمان عضو بحاجه الى تحسين وضعه
نقاط التقييم: 43

االدولة
البلدUnited Arab Emirates
 
مدونتي

 

الإتصالات
الحالة:
نورالايمان غير متواجد حالياً
وسائل الإتصال:

كاتب الموضوع : مسلوب الإرادة المنتدى : القصص المهجورة والغير مكتملة
افتراضي رد: لأول مره قصة واقعيه على لسان صاحبها جرئه حب جنون موت وانحراف !!

 

بصراحه احس نفسي اقرأ قصه خياليه كل هالاحزان اللهم أجرنا من الهم والحزن انتظر التكملة وأدعي لصاحب القصه بالهدايه والصلاح والله يغفر له لان ظلم نفسه وايد

 
 

 

عرض البوم صور نورالايمان  
موضوع مغلق

مواقع النشر (المفضلة)

الكلمات الدلالية (Tags)
لأول, مشان, جرئه, جنون, صاحبها, وانحراف, واقعيه
facebook



جديد مواضيع قسم القصص المهجورة والغير مكتملة
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 11:33 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية