عِتق يا سلااااااام عليك بارت جممميل
محمل بالأحزان

بثينه والعمرة جددّت لها الاحزان وتذكرت أهلها
وهي اصلا ما نسيتهم عششان تذكرهم
الله يصبرها وقفت معاها بقلبي أصعب شي إن أهلك كلهم يتوفون وتبقين انت لوحدك
اعوذ بالله عسى عمري قبلهم ياااااااااااارب

راجح شخصية غير مكترث مهمل في نفسه
ولا يدري عن غيره وإلى الآن شخصيته غير واضحة

أبو علي واطلال
صراحه زوجته مالها دااعي
خلاص الزواج قسمه ونصيب ويمكن أن اسامه ماهو مداريها إذا تزوجها
أبو علي عجبني إهتمامه في بنت اخوه

تركي حزنه على ولده وزوجته نساه امه
وخوفها عليه حتى مكالمه يطمنها عليهغ

فارس إنسان طيب وحبوب ياحظ زوجته فيه ^-*

إن شاء ما اكون نسيت أحد من الأبطال

ممبدعه يا عِتق
سلمت اناملك

قَطْفة أُولَى مِنْ بَيْنَهُمَا : يالتيهن هموم قلبي معازيم تحل وسطه عدة ايام وتروح

مذهلة تعرِيني مِنْ رداء الإدراك فـ لم أدركني
و مجنونة تضرّمين في حبل الوريد النّور فَـ يَحرِقُني

عتق السنين


رائعـــــــــــــة انتِ جد ابدعت ياقلبي

ياسلام ..

عِتق السنين

رغم الغيّآب والحزن ..
كآن للحرف معكِ والقلب لحظة عنآق ..
.
.
يُشجينيّ حرفك يآمتألقة ..
طآب ليّ المكوث مع حرفك ..
فهنآ ..بين الآبجدية وجمآلهآ وبيّنك ..
الكثير الكثير ..

وجميله سوالف هالهموم ..
بعض الغياب مر الا كله مرير
لكنه يمتعنا .. يوم نبوحه
مثل هالمتعه

عِتق السنين

والجمال الذي لاينتهي
حرف كم أعيد تفاصيله

واه على أنين الحرف
ولوعة التفاصيل الممتلئة بألم الغياب
ضجّ المكان مشيدا بروعته



لا أدري بما أشدو !
فكتائب الغياب هُنا وجع مشتهى

أنامل حب وسلام تعانقك
لك جل إعجابي


لك..

السلام عليكم ورحمة الله وبركاته
حبايبي يحبني لكم والله تسلمون ولي خلف الكواليس منورين اشوف طلتهم هون >> هم عارفين انفسهم ما لمح لاحد ابد ^^


،


البارت 9 توني بدأت في كتابته مع اني مرهقة بس عشان ما اقصر في حقكم وإن شاء الله ينزل يا صباح / مساء الاثنين بكره بإذن الله ، وإذا تأخرت يمكن نأجله السبت*’

[size="5"]يا ليتهنّ هموم قلبي معازيم تحل (وسطه) عدة أيام وتروح

بقلم/ عِتق السنين !


’.







(9)






إنتى عيونك والعتيم .. سبحان رب خالقه
قصيدة لشاعر قديم .. عاشق وماحد صدقه
ومن كثر ما غبتي عليه .. جمع قصيدة وشققه

إنتى عيونك سالفه .. سمعتها ليلة سفر
واثنين مروا بعاصفه .. وضيعوا نجمة وقمر
ومن يومها كثر الظلام .. وراح السحاب وبارقه

إنتي عيونك هالمدى .. بحر وطيور مهاجرة
تركت في شطه صدى .. صوتٍ تجرح آخره
ليتك سمعتي صرختي .. بالحيل كانت صادقه

إنتى عيونك نجمتين .. ضي ٍ ورا ضي ٍ يعود
ويادوب غابوا ليلتين .. خلو شموس الكون سود
رحتي ولا ظنك تجين
وين الوعد يامفارقه

إنتى عيونك والعتيم .. سبحان رب خالقه
قصيدة لشاعر قديم .. عاشق وماحد صدقه
ومن كثر ما غبتي عليه .. جمع قصيدة وشققه

بدر بن عبدالمحسن




،





ودموع تبين سوف تلعلع الاجفان قريبا .. باستثناء اصابع قدميها التي تؤلمها .. انتبهت عليها صبا لتتقدم لها وتمسك كفيها/ بثينه وش فيك وجهك ليه صاير كذا
لم تخفي الحزن عن عينيها من لعقة الكحل و الآي لاينر .. لتمد كفيها وهي تسمح دمعتها المغادرة دون ان تترك اثر للذكرى
لتهمس بهدوء/ وحده شكلها ما انتبهت على رجولي وطيت عليها
سقطت عينيها على قدم بثينه وتخفيها بـ حذاء سوداء شاهدت الاحمرار/ ياربي بثينه تعورك كثير
لتبلع ريقها وبرجفة/ شوي ..



لتتقدم سارة وهي تبتسم/ يالله بثينه وقعي هنا ...
صبا/ عمتي الله يهديك ما تشوفينها تتوجع عطيني الدفتر انا اساعدها
ساره وهي تلاحظ الالم على وجهها الجميل/ بسم الله عليك وش فيك يمه
بثينه تبتسم/ عادي عمتي ما فيني شيء .. بعدين شنو هالدفتر
ساره/ دفتر شنو يعني .. وقعي ما انتِ موافقة على راجح
ضاق مجال التنفس وصار محصورا بها .. تحاول ان تأخذ النفس طويل ومن ثم فتحت عينيها/ عطيني القلم عمتي وين اوقع
صبا/ اخص يا توقيعه ما شاء الله فن .. هاتي يدك .. اففف كل هذا خجل من توقيع عز الله ان راجح ماهو نايم اليوم
بخجل/ صبــــا
لتضحك/ سكتنا خلاص .. الف الف مبروك يا قلبي
بثينه بهمس/ الله يبارك فيك ...

لتعم اجواء الفرح







،








في الجهة الاخرى – مجلس الرجال


ابتسم راجح/ محمد ابد ما تهجد
ليضحك محمد/ يخي حرام عليك ملكتك اليوم .. ما ودك تشوف العروس
ليقاطعه ياسر/ الله يعين بنت اخوك على الثقيل
لـ يرمق اخيه بنظرة جعله يصمت ...
محمد/ احم اقول ياسر وش اخبار الدوام
ياسر/ والله كل يوم مشغول سفريات ورا بعض .. بس حمدلله هالايام خف جدولي ...
محمد/ يخي ما تعتب كل يوم مسافر
ياسر/ أي تعب انت ثاني بالعكس شغلي ممتع
تركي بسخرية/ واضح
ياسر يردد في داخله ( اعوذ بالله .. هذا وش فيه يناظر كذا )



فارس/ يا شيخ هذا الدفتر تفضل
الشيخ/ على بركة الله ... مبروك يا راجح جعلها زوجه خير عليك وبرفقه والبنين
ليبتسم بثقل رجولي/ الله يبارك فيك .. ما عليك امر يا شيخ تتعشا معنا
الشيخ/ المعذرة يا ولدي وراي ناس كثير اتمم لهم ...
راجح/ على راحتك يا شيخ ..









،







في مجلس النساء


ثمة افكار في رأسها كـ خبثها .. نسيت ان الاشواق تتكاثر في هذا الوقت من كل عام .. نسيت انه على موعد مع سرابه في نفس المكان والزمان الذين التقيا فيهما اول مرة ، وهي تنض فستانها مرة اخرى لتهمس بكره/ شفتي كيف حتى ما استحت مشفوحة على الزواج
عليا بـ تنهيدة/ استغفر الله العظيم زوجته ليه تستحي منه .. سهى ما انتٍ ناويه ترأسينها عالبر
سهى بغيض وهي تلقم اظفارها/ قاهرتني اجل يأخذ العمياء وانــــــا
عليا/ ربي بـ يرزقك احسن من راجح واعرفي انه مو من نصيبك
سهى وهي ترفع الخصل التي تزعج عينيها/ مين قال لك .. راجح لي تفهمين وراح تشوفين كيف اخليه يرجع لي


عليا/ وين بتروحين .. اجلسي يا سهى وبلاش فضايح لا تخلين احد يتشمت عليك
سهى وهي تبعد يدها عن معصمها/ وخري عني .. والله لوريها العمياء...

لتمسكها عليا وهي غاضبة/ اشوف تماديتي تبين اقول لأبوي تراني قول وفعل .. حتى يحرمك من طلعة البيت اعقلي وانثبري بمكانك


لتجلس مرغمة والقهر يمتلئ قلبها ....







،





حاولت الوقوف ولكن الالم يزيد جلست على الكرسي والثواني الهاربة لم تشعر الا بخوف من القادم وهي تسمع الضجيج من حولها وتسبح في ظلام هي الوحيدة الغارقة ولا تنجو .. هنئوها ام راجح ومريم وياقوت وجميع من حضر .. ليهدأ المكان ولم تشعر بالهدوء ارغم عينيه على ان يواجها لابد ان تواجه الماضي صورا شتى ارعبتها .. ثم ما لبثت التعود على رؤيتها ان حولها جزء من الجدار .. لا يستوقف النظرات الا بهدف تحديد تلك الواجهة .. صورتها الفاتنة وكأنما أسرت قلبه زينتها المكلفة وهو يبلع ريقه شعرها الحريري يتساقط على اكتافها ناعمة وصغيرة .. فستانها السكري الناعم عينيها المليئة برتوش تتأمل الارضية فمها الممتلئ زهر تقدم اليها ليردف بـ اتزان وينحني ليقبل جبينها/ مبروك


لترفع رأسها بعد اكتمال اثر الصدمة
ليصافح يديها ويضغط عليها/ ليه خايفه تراني ما اعض
لتجيب بهدوء وقلب ينبض سريعا/ الله يبارك فيك

لتتقدم لهم ام راجح وياقوت تحمل العلبة المخملية/ يالله راجح لبس زوجتك الشبكة
راجح بتوتر/ ياقوته ما اعرف
لتضحك ياقوت/ افا ودرس اللي امس نسيته خذ لبسها العقد
ليأخذ منها العقد/ بثينه
بارتباك/ سم
ابتسم لها ثم همس برقة/ حطي شعرك على جنب بلبسك العقد
لتعشر بتدفق دم بشرايينها وقلبها ينبض سريعا .. لتسحب شعرها على جنب برجفة واضحة له وهو توتر ليضع العقد حول عنقها رائحتها التي وصلت لأنفنه واسكرته اغلق العقد بسهولة لتلمس يده ظهرها يشعر بنوبة من التوتر والارتباك ...

لـ يبلسها الشبكة وكانت بمساعدة ياقوت .. ثم هنئوهم مرة اخرى لـ يخرجون

راجح/ بثينه حبيبتي وش فيك ساكتة
لتغمض عينها بشدة " يمه من صوته والله انه يخوف ياربي وش فيني ارتجف "
ليمتد يده لـ كفيها ويثبتها/ اهدئي خلاص قلت لك ما اخوف ولا اعض .. بثينه افتحي عيونك
ولكن خوفها منه ليتعرق جبينها .. ذكريات تحوم على رأسها تكره أي رجل بقربها ..
راجح/ لا حول ولا قوة الا بالله ..
اخذ بعض المناديل الموضوعة على الطاولة الدائرية الكبيرة .. الصق جبينها بكفيه ثم مسح برقه/ خلاص بثينه من شنو خايفه انتِ
لترتبك بثينه/ لا تقرب الله يخليك لا تقرب مني
لينصدم من كلمتها ثم اردف بحنان/ طيب ماني مقرب بس اهدئي من الخوف عرقتي لا تخربين مكياجك
بثينه بحزن/ انا آسفه لا تزعل مني
ما زال مستغرب من حالتها الغريبة وكأنما تعاني من شيئا ما/ بثينه انتِ وش الي مخوفك مني .. انا اذيتك بـ شيء
لـ تسقط دمعة يتيمة/ لا والله ما ضايقتني بس انا نفسيتي تعبانة شوي .. سامحني راجح ما كنت لك زوجة الي تبيها
راجح/ ماني متضايق الي مضيقني انك عايشه في غرق الظلام .. وين ايمانك بالله يا بثينه .. قومي معي غسلي وجهك واذكري ربك
بثينه بألم/ ما اقدر اوقف
راجح بخوف/ انت مو طبيعية اليوم وش فيك
بثينه بـ احرج/ ما اقدر رجولي تعورني شوي
راجح/ اقدر اشوفها
بثينه بخجل/ هاا
ضحك عليها/ بشوف رجولك بس ما راح عورك
ليقف وينزل مستواه لـ يشاهد احمرار رجولها/ من شنو هذه احد اذى رجولك مو باين انها طيحه
بنظرة كسيرة صدأت منها الاعين كثيرا/ ها طحت أي طحت
راجح/ بثيه بلاش كذب احد معورك واضح , معي شنطة الاسعافات بالسيارة بجيبها ثم ارجع لك
بثينه/ ها لا راجح لا تروح .. بعدين
لـ يقاطعها/ ماني مطول ثواني واكون عندك .. مدري كيف متحمله الالم



لا تريده ان يخرج وهو لم يبقى عندها الا كم دقائق .. احست بالأمان معه رغما ان اهلها لم يقصروا ولكن اهتمامه الغريب شدها كثير .. ولا مفر من ذاك الوجع وهو يسير ببطء هلاكه بين ممرات صدرها اغمضت عينيها وهي تزود بالأوكسجين .. سوف تعطي فرصة لـ نفسها ولـ زوجها هي باتت زوجة مسئولة عن ذاتها ...










،






ايطاليا – في بيت ابو علي

يراقب المارين بين السكك ويدرك انه على خطأ ولكن مالذي يفهم قلبه ، يمضي مطوق عقله بأحزمة الجنون المنسقة يتجاوز زحام الصابرين أو الذين لم يأثموا في حياتهم بالقدر الذي يتوعدهم بالنار .. يمضي دون ان يلتفت للوراء ودون ان يعينه سماع خطوات يضاف الى وقع خطاه فـ هو لا يكترث بعدد الرفاق في رحلته نحو السقوط .. ليسمع صوت رنين جواله رفع جوله لـ تسقط عينيه على " ام علي "



ليجيب عليها/ نعم وش تبين
اطلال بخوف/ انت وينك ما تقول لي اسبوع ما اشوفك حرام عليك ...
تنهد بتعب وقلة حيله/ طيب ونهاية معك يا اطلال تراك أزعجتني زواج ماني متزوج عندك حكي غيره
اطلال بغضب/ بـ تتزوج تسمع وصبا بتكون لك .. إذا انت ما تعرف مصلحتك انا علمك وافهم منك
بغيض اردف اسامه/ والمطلوب الحين
اطلال/ ترجع لي البيت .. ما تخاف ربك تاركني بروحي انا ولدي لا سمح الله دخل علينا احد
اسامه/ انا جاي الحين .. كنت مشغول
اطلال/ أي تعال لا تتأخر سويت لك الغدا الي تحبه
اسامه وهو يرمي حجر بطريقه ثم اردف/ إن شاء الله دقيقتين واكون عندك .. قفلي الباب على نفسك مع سلامه

لـ يغلق الخط ثم ينفخ الهواء ويضم معطفه من برودة الجو

الدنيا فرح والدنيا عطر ، الدنيا ربيع يلغي عن الثلج شتاءه وعن الحر صيفه وعن الشوارع العارية خريفها

ليسير بصمت .. كان في شارع يفصل عن بيت اخته – بضع دقائق صعد السلالم ليصل الى البيت ضغط على الجرس برنين متواصل .. فتح له الباب علي دخل البيت واغلق الباب من خلفه ثم حضن ابن اخته/ علي وش مصحيك هالوقت ها حبيبي
علي/ جوعان
ليبتسم اسامه وهو يعض خدوده/ فديت الجوعان تعال ندخل المطبخ بنشوف وش طبخت ماما
علي/ خالو انت فين رحت .. انا استنيتك البارح في الليل تروح معي نشتري حلاوة وتأخرت ونمت
اسامه بضيق/ سامحني حبيبي نعوضها الحين نتغدا مع ماما ثم نخرج
علي/ طيب ..
اسامه/ تعال معي
سارا لـ يدخلون المطبخ ورائحة الطبخ الجميل .. فتح القدر الكاتم لـ يشم رائحة مرة اخرى/ احلى شيء في امك طبخها
وهي تضع اناملها على خصرها/ لا والله سيد اسامه .. حرمان لك مافي غدا
اسامه/ بسم الله الرحمن الرحيم .. انتٍ متى دخلتي سكنهم مـ سكانهم
اطلال بغضب وهي تضربه على يديه/ اصبر بتخرب لي الي سويته تعرف تجلس هناك
اسامه بغيض/ علي شفت ماما شريرة تعال خن نروح البقالة نتغدا بدون منة احد يالله امش معي
اطلال تصرخ/ والله ان خرجت انسى اني اختك تسمع
اسامه استغفر بينه وبين نفسه/ وبعدين يا اطلال مو تبين نتغدا خلاص بنطلع برا انا وعلي وانتِ تغدي بكيفك
اطلال وهي تكور قبضتها لتسددها على كتفه/ جرب تخرج بس والله ان ازعل عليك ولا ارضا بعد
اسامه/ استغفر الله العظيم احنا بنجلس في الصالة جهزي الغدا على بال ما أخذ لي شاور
اطلال/ اســــــــــــــــامه
ليقهقه وعلي يضحك دون ان يفهم عليهم ...
اسامه/ والله ماني مطول .. نص ساعة واخرج
اطلال بغيض/ روح ولو بردت العيشة احلم اسخنه لك مرة ثانية

تجاهلها لـ يمر من امامها صعد للطابق العلوي ليدلف الباب بهدوء ....






،







في الرياض
بيت ابو احمد - في مجلس النساء




عالج جروحها ومن ثم جلس بجوارها/ ها تحسين بعوار الحين
ابتسمت بثينه بخجل/ لا شوي مو مثل قبل .. مشكور
راجح/ والعفو ما سويت الا واجبي .. بثينه ممكن اعرف ليه رفضتيني في المرة الاولى
لتصمت ونزلت رأسها بحزن من ثم اردفت/ ما كنت افكر في الارتباط .. اصلا ما قد فكرت في هذا الموضوع
راجح/ طيب والحين ما تغير تفكيرك
اللحظة التي توقف صدرها عن الصعود والهبوط وهي تتسع عينها وهي تغمض عينيها من جديد/ عادي
راجح/ اسمعي يا بثينه مابي اغصبك على شيء ما تبينه .. ترى زواجنا بعد اسبوعين
ابتعدت عن قربه الذي بات يحرقها لـ كي يقترب منها لـ يمسك اناملها ثم ضغط على يدها/ عندي دورة مفاجئة ولازم اكون في ايطاليا وابيك تكونين معي منها شهر عسل وشغل في نفس الوقت
هل لي ان تحبه دون أن تدس في جيوب قلبها الامل
لتردف بهدوء/ بس انا ما جهزت
راجح يبتسم بحنان/ عادي جهزي معي اهم شيء خذي لك الاشياء الضرورية
بثينه بخجل/ طيب اللي تشوفه
راجح/ لا انا ابي رأيك انا لو علي كان اخذتك من الحين
لتغمض عينيه من الخجل/ طيب بس على شرط
راجح بـ تنهيدة/ آمري
بثينه/ مابي زواج كبير ابيه عائلي
راجح/ ليه ما تبين تفرحين غير هالشرط
ليتقوس شفتيها/ هذا شرطي الوحيد ...
راجح/ يصير خير إن شاء الله ....




لـ يدخل عليهم محمد ويقطع جلستهم

محمد بخبث/ ما شاء الله سيد راجح مقفل الغرفة ها .. يالله تقلع جلستك انتهت ورجاجيل ينتظرون العشا و زين الي سويت نسخة للمفتاح
راجح/ يا ثقل دمك
محمد/ احلف راجح اسحب كلمتك والا والله شيش بنت اخوي عليك
لـ ينحني قريب من إذنها/ انا وش الي بلاني بـ نسيب مثل عمك
لـ تضحك بخجل بثنيه ... ابتسم لها
محمد بغيض/ وش قلت لبنت اخوي ها .. اعترف احسن لك
راجح/ سر بينا مو بثينه
لتجيب بعفوية/ الا حبيبي
لتصمت حين استعادت عينيها وعيها فلا ترى سوى الظلام نزلت نظرها الى الارضية ووجها يختفي تدريجا من الخجل

ابتسم وبحب/ عيدي وش قلتي تو
محمد/ ما شاء الله على عصافير الحب ... اقول راجح تدل الدرب خربت بنت اخوي
راجح يتقدم من بثينه ويرفع راسها/ اقول محمد اطلع ما عليك امر اقفل الباب وراك
محمد استحى/ أي الي ما تستحي ..

لـ يخرج خارج من المجلس .. لـ يضحك راجح/ عمك مجنون بروح الحقه راح اتصل عليك في الليل .. تأمريني على شيء

لم ترد عليه صامته وغاصت في ثوب الخجل .. لـ يبتسم هو ثم سار الى الخارج






،





يوم جديد




في ساعة 9 صباحًا




صبا وهي تبعد المفرش من بثينه وبيدها الاخرى عبائه بثينه وحقيبتها/ يالله بثينوه اصحى .. يا حظي راجح مسهرك للصباح قومي
وهي مغلقة العنين ما نامت الا بعد ما اغلقت الهاتف من راجح .. تحدثا كثرا وبدأت تتعرف على ما يكره وما يحب وهو ايضا كسر الحدود المبهمة بينهم ، لتفتح عينيها وتستعيد وعيها/ وش فيك انتِ تراني ما نمت
صبا/ صباح الخير يا العروس .. البارح ما لحقت اجلس معك رحت لأخواني
بثينه باستغراب/ الحين مصحتني على شنو
صبا تتأفف/ اقول لا يكثر بس .. ما لحقتي يوم واحد تغيرتي بس ما عليه .. المهم بنزل السوق وعمتي سارة تنتظرنا هناك
بثينه/ حرام عليكم ما شبعت النوم اجلوها عصر
صبا/ لا والله هو في وقت يا حرم المصون ما معك غير اسبوع و6 ايام .. ما عاد عندك وقت .. قومي بثينه وبدلي لبسك


تأففت بثينه وهي تقف وتربط شعرها بالمشبك ثم شدت الخطوات لدورة المياه .. اغتسلت وجهها ومن ثم فرشة اسنانها لتغسل جسدها وتلبس ثوب طويل مريح ...
بثينه/ صبا فطرتِ



لـ يدخل محمد عليهم/ صباح النور
بثينه بخجل/ هلا عمي .. صباحك خير إن شاء الله
محمد/ ما شاء الله الوجه مورد .. مو هين راجح
لتنكمش بخجل/ عمي
ضحك محمد/ ها جهازين
صبا/ أي عمي والفطور مثل ما وعدتنا


محمد/ اكيد صبا .. يالله ترى عمتكم ساره محترقة وبـ تأكلنا شاورما بعد
لتضحك صبا وبثينه ..




،


في جهة اخرى - في الطابق السفلي





ام احمد تتناول التمر مع الحليب ، وبجوارها ابو احمد ، وتركي نائم على حضن امه

ابو احمد ويضرب بعكازه/ يا ولد قم نوم في غرفتك قم
ليحرك رأسه منزعج ..
لتردف ام احمد/ خله يا ابو احمد .. ما صدقت انه نام .. ما تشوف عيونه حمراء
ابو احمد بغضب/ هو الي جايب الغثاء لعمره .. تريك قم يا ولد
فتح عينيه المتعبة لحظة تثاوب ملفقة ونوم ظل يرشح ارقا ، ثم اعتدل بجلسته/ نعم يبه وش بغيت
ابو احمد/ إن شاء الله متى ناوي تملك على بنت عمك
ابتسم بتعب/ الي تشوفه يبه سوه
ابو احمد باستغراب/ انت صاحي ورا عيونك لونهم كذا
تركي بتعب ليقف ويولي ظهره/ ما فيني شيء .. يبه و ياليت تأجل موعد الملكة لأني تعبان من الشغل واخذت اجازة
بغضب/ انا يوم اكلمك ما تعطيني ظهرك توحي
تركي تقدم وشد الخطوات لأبيه لـ يقبل جبينه لـ يبتعد أبو احمد بصد/ قم فارق عن وجهي .. حسبي الله عليك
ام احمد بحزن/ استغفر ربك يا ابو احمد .. بتدعي على ولدك هو اخطأ وبـ يعتذر
مسك يد ابيه ثم قبلها/ العذر والسموحة يبه .. بس والله ما فيني لصدعة العرس ابي اخذها بثيابها
ابو احمد استغفر ربه كثيرا/ ليه عجزان تفرح فيها .. هي بنت عمك و اولى في هالفرحة من الغريبة اللي دخلت عليها وشوف وين وصلك كلامي وانت فاهم مقصدي .. زواجك والملكة مع بعض مع بنت اخوك
تركي بملل/ خلاص يبه تأمر ممكن اروح ارتاح الحين
ابو احمد/ الله يهديك بس ..





،




في عيادته




خرج آخر مريض من بضع دقائق .. سمع طرقات الباب لـ يرفع رأسه ويرى يوسف لـ يجلس بـ الاريكة الجلدية/ واخير شفتك ..
وعينيه على بعض ملفات المرضى/ عساه خير
يوسف/ خير إن شاء الله .. مبروك
ابتسم راجح/ الله يبارك فيك .. العقبة عليك
يوسف/ اعوذ بالله .. انا بكسر قانون العزوبية
راجح/ والله انك مهبول اجل تحكم على كل مرأة مثل حرمة ابوك
يوسف/ انت وش لك انا عاجبني حالي .. الا متى زواجك
راجح وهو يرتشف قهوته ثم وضع الفنجان على طاولته لـ ينظر لصديقه/ بعد اسبوع و6 ايام
ضحك يوسف ثم القى خبثه/ مستعجل يا ابو رائد
ابتسم بثقل خاص رجولي/ خير البر عاجله .. الفال لك
يوسف بـ تعقيده حاجبيه/ اقول استغفر ربك بس .. وانا مجنون بايع عمري
ضحك راجح/ يخي انك متناقض .. مستشار الطب النفسي .. عالج نفسك اول من كرهك للحريم وحصن نفسك
يوسف/ غير السالفة اقول ..
راجح بخبث/ لا يكون تحب من ورانا ومخبي
يوسف بغضب/ تخسى احب انت الي غارق لشوشتك
راجح لـ يغمز/ بالحلال , بعدين وش فيك عصبت
ليقف يوسف/ الجلسة معك ضايعه
راجح ضحك/ طيب لا هنت قفل الباب وراك



سارا خارج عيادته واغلق الباب بعصبية .. صوته الغاضب يمشي في زحام الصامتين ، لا يزال يكره كل امرأة ولا يزال يكن الولاء لوالدته و الذي جعله ينعتل الصمت ....







،





بيت أبو راجح - في المقلط




مريم/ يمه من جده اخوي زواجه قريب حتى ما جهزنا ملابسنا
أم راجح/ لا والله يمديك تفصلين روحي للخياطة الي دوم تفصلين عندها
مريم/ يمه ياقوت قولي شيء
ابتسمت ياقوت/ انتِ الحين وش فيك معصبه .. اخوك مستعجل ويمديك تفصلين عند ماريا ما تقصر معنا
مريم/ والله مسكينة بثينه متى بـ تلحق على تجهزيها
أم راجح/ يا انك تزنين .. روحي عن راسي وشغلي لي هالردايو .. وشلونك مع جاسر
ياقوت بضيق/ حمدلله يمه .. بخير
أم راجح/ الله يعين .. مريم اكتبي اسماء المعازيم
مريم/ يمه يا كثرهم عز الله ان يدي بـ تنقطع من الكتابة
ياقوت/ ليه دفتر الي مكتوب الاسماء يوم زواجي وينها
ابتسمت مريم/ أي والله انك صادقه .. بروح ادوره وعساني القاه
ضحكت ياقوت/ الله يقويك مريومه
ياقوت/ الا راجح وينه ...
لتردف ام راجح وهي تقرب راديو وتسمع البرنامج ( قلوب مطمئنة )
/ راح لدوامه .. وفي العصر بجيب العمال ويفتح الملحق
ياقوت/ يمه ما شاء الله البيت كبير وحتى الملحق الله يوفقهم يارب
أم راجح/ اللهم آمين .. انتِ اليوم بـ تتغدين عندي
ياقوت بضيق/ أي يمه .. جاسر مشغول ما يرجع الا بالليل
ام راجح/ وش فيك متضايقة ..
ياقوت/ ولا شيء يمه .. اليوم انا بطبخ لكم الغدا
ام راجح/ براحتك يمه ...






،






بعد صلاة العصر – في المول



صبا/ افف بثينه حرام عليك .. القماش روعة
بثينه/ ياربي منك صبا .. اقول لكم ما ابيه مكلف ابيه ناعم
سارة بتعب/ يا بثينه انتِ عروس والقماش مكلف لكنه ناعم وفخم ما شاء الله ولونه يناسب بشرتك بعد
بتأفف/ طيب خلاص عمتي ... والموديل ابيه ناعم وساتر كمان
سارة بفرحه/ ابشري ما طلبتي شيء ... خلاص نشتري القماش وفي كذا مصممة نسير عليهم ونشوف
صبا/ زين عمتي كذا خلصنا اهم الاشياء ..
ساره/ دقي على عمك فارس يجي يأخذنا






،



بعد ما خرج من عيادته اتصل على العمال ... ويقف فوق رأسهم يرشدهم ما يريده ... وبعد صلاة المغرب صلى ثم جلس بين اخوته بهدوء




راجح/ ها يمه قاصرك شيء يالغالية
لتبسم أم راجح/ لا يا أمك .. وراك ما نمت
راجح/ نصلي العشاء ثم نام ، الا وش عشاك اليوم
ياقوت/ انت ما شفت المعجنات ، مريومه روحي جيبها وجيبي معك ترمس الشاهي
لتقف مريم ... وتعبر امامهم
ضحك راجح/ يمه وش فيك ..
ياسر/ الله لنا .. انا اللي جاي تعبان من السفر ما فكروا فيني .. أي مسكين يا ياسر الله يعوضك بالجنة ونعيمها
ام راجح/ يا ولد قم رح نام ... حتى وجهك مسود من هاللي تركبه كل يوم
ضحكت ياقوت/ يمه كابتن طيار وش تبين يكون وجهه
ياسر/ أي اضحكي طاحت سنونك ... قومي والله اني جعيان ومواصل ما نمت والا في احد يخلي البارح ملكته
راجح بهدوء/ لا تنام الا وانت مصلي العشاء
ياسر/ يالليل الغثا اقول يمه جوووووعان مصاريني تقطعت
مريم وهي تضع صحون المعجنات في الطاولة ومن ثم ترمس الشاهي .. لـ يسحب ياسر احدى صحون/ مريوم صبي لي شاهي
أم راجح/ بالعافية .. والعشاء 9 يكون جاهز .. راجح يمه دق على ابوك
قايم من صباح ربي وللحين ما رجع من المزرعة






،



يتبعْ ..