لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > قسم الارشيف والمواضيع القديمة > الارشيف
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

الارشيف يحتوي على مواضيع قديمة او مواضيع مكررة او محتوى روابط غير عاملة لقدمها


 
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 19-07-12, 12:13 AM   المشاركة رقم: 11
المعلومات
الكاتب:
اللقب:

البيانات
التسجيل: Mar 2012
العضوية: 237143
المشاركات: 74
الجنس أنثى
معدل التقييم: الفل للحلوين عضو على طريق التحسين
نقاط التقييم: 72

االدولة
البلدSaudiArabia
 
مدونتي

 

الإتصالات
الحالة:
الفل للحلوين غير متواجد حالياً
وسائل الإتصال:

كاتب الموضوع : الفل للحلوين المنتدى : الارشيف
افتراضي

 

صباح الورد والفل والياسمين




البارت الثالث




اما هي فصلت ورفعت يديها تناجي ربها

تدعي يارب احفظ أهلي يارب يارب يسر لي خدمة زوجي يارب

يارب ساعدني وعطني القوة يارب


يارب اشفيه مما فيه يارب



خلصت التفتت وشافت الاغراض اللي جايبتها خالتها وشافت شنطتها مارتبت

سحبت الشنطة ودخلت الغرفة وراحت وجابت أغراض خالتها حطتها على السرير

وبنفسها انا لازم أخطي الخطوة الجريئة وارتب أغراضي بالدولاب

و انام معه (واحمرت خدودها وحست بالخجل بس لا زم أسوي كذا لازم


بيقول عني قليلة أدب وجريئة بس هذا اللي ينفع مع تركي

يارب قدرني بس )

فتحت الدولاب وشافت الارفف اللي فوق واللي تحت وغيرت

خلت ملابسة بالارفف اللي بمستوى الكرسي وقريبة يمه
بس استغربت لما شافت مجلد كبير

مكتوب كله بالانجليزية

وقرت اسمه عليه

استغربت وجاها الفضول تعرف وش هو وقالت بنفسها:هذي فرصة لازم استغلها

وفتحت شنطتها وبدت ترتب ملابسها فوق

وراحت لم الاغراض اللي من خالتها

فتحت

الصندوق الاول لقت فيه

أطقم ذهب والماس وساعات من ارقى الماركات

ابتسمت


وفتحت الصندوق الثاني

ولقت عطور من اغلى الانواع وخمريات وتول بعطور نادرة


وفتحت الصندوق الثالث وهو أكبرها

لقت فيه

بجايم من الحرير والستن الفاخر وقطنية من ارقى المحلات وجايبه معها ارواب قصير

ولقت فيه قمصان قصيرة حلوة

ولقت فيه قمصان نوم يوم شافتها شهقت وتوردت خدودها

ولقت بناطيل وفساتين قصيرة وبلايز

كل شي جابته لها



رتبتها بالدولاب


ونظفت الغرفة

وجلست تريح

اما تركي فدخل على الوالدة

مساء الخير

الام:مساء النور

هاه عساك قيلت وارتحت

تركي:الحمد لله

الام:ترى انا اللي قلت لها لاتقومينه خليه ينام

تركي:تذكر وش قايل لفرح

وصمت

الا بلغت عمك ابو حاتم

تركي:يووووووووووه تصدقين نسيت

اكيد بيزعل علي


بروح له بعد المغرب

امه زين يمه

الا على فكرة ترى المصممة بتجي المغرب وبعد اذنك ابيها تقوس لفرح

اييييييييييه مايخالف


اما فرح فأخذت لها شور بالحمام اللي جوا الغرفة اللي يوم دخلته كان مصمم للي في حالة تركي وطلعت من الحمام

ولبست لها فستان من اللي جابتهم خالتها

وشعرها بدت تنشفه


الا يصعد تركي

دخل ماشافها بالصاله

دخل للغرفة وشافها جالسة على التسريحة تمشط شعرها وكانت لابسة الفستان

لونه وردي فاتح مناسب لبشرتها البرنزي الفااااااااااتح المايل للبياض

وشاف نقش الحنا بيديها

كانت تمشط شعرها ولا انتبهت ولا حست به

الا تشوف المراية عاكسته

ارتاعت ووقفت ونزلت راسها


تركي:من سمح لك تدخلين الغرفة


فرح:لا رد

تركي:ولا يابنت الفقر جالسة ولا همك

فرح:رفعت راسها وبابتسامة ممزوجة بحيا وناظرته كنت انشف شعري

راحت يمه ومسكت العربية ودفته ولا قدر يقول شي

:قربته يم الطاولة اللي بالصالة وراحت

وطلعت من الثلاجة عصير وفطائر حمتها بالميكرويف

وجابتها له

وبابتسامة تسحر

تفضل حبيبي أكيد جوعان ماتغديت

تركي:شيليه عني شوفتك تسد النفس

جات وشالته








ورجعت وجلست قباله




















فرح:أبوي يسلم عليك

تركي:الله يسلمه وكيف كلمتيه

فرح:(تراها تتظاهر بالقوة والجرأه

ومن داخلها ميته خجل) من جوال خالتي


تركي:اها


صمت مابينهم
فرح حبت تكسر هالصمت :بعد أذنك

خالتي اليوم بتجيب المصممة وطالبتني

تركي:هي قالت لي ولا تسوين تصميم يفشل يابنت الفقر تفشلينا

قدام الناس

والا خلي أمي تصمم لك

يكون أحسن

الا وش سالفة هالصناديق الفارغة ؟

فرح:بنفسها أفشلك ؟

خالتي جايبة لي هدايا

تركي:أها وانا أقول الفستان اللي عليك من وين؟

أكيد هي عارفة ذوقك الخايس يابنت الفقر وجابت لك

فرح:كلماته قاسية عليها ومؤلمة اممممم قلبي(يالله تطلع مع كم رقعة بالقلب وخوف) عجبك

تركي:اي شي تجيبه امي حلو

فرح :أكيد ياقلبي الله يطول بعمرها ويحفظها لك

فرح وهي بابتسامة تأشر باصبعها له ممكن سؤال صيغنون بس

تركي يطالعها من قريب جمالها يسحر

تركي عجبه شكلها الطفولي والعفوي

تركي: خير وش عندك بعد


فرح: عن أذنك شوي باجيبه

وقامت وهو يسترق النظر لها وسلمته الكتاب وهي تبتسم

فرح:هذا من تأليفك

تركي: هذا من وين طلعتيه أنا قايل لعامر يحرقه

فرح:من ارفف الدولاب لما جيت ارتب ملابسي

تركي:متضايق بالحيل ومرتبة أغراضك بالدولاب معي \

انتي وش انتي

جاية تقلبين مواجعي

يابنت الفقر

حس بعجزه وذكرته بالحادث وبوفاة ابوه قلبت عليه المواجع اللي

يبي يتناساها


رمى عليها الكتاب بقوة ضرب بوجهها وآلمها

فرح منصدمة من ردة فعله وغضبه الكتاب صابها على خدها وعينها

الالم شديد


ضربة الكتاب تحرق وتآلم

نزلت دموعها

اما هو فدخل للغرفة يبي يهرب من هالذكريات المؤلمة مايبي يتذكرها مايبي

حط راسه بين يديه

تذكر الحادث بتفاصيلة

كان يسوق وهو يفكر بالبنت وبناصر

اللي كان يبي يطيحة بها الفساد

الا تواجهه سيارة ماقدر يتفادها وتقلبت به السيارة

ليصحى بالمستشفى

الشعور صعب وصفه

رجولك ثقيله ماتقدر تحركها كأنها حجر

يشوف عامر قدامه

تركي:انا وين

عامر:الحمد لله على السلامة بالمستشفى

تركي:تذكر الحادث الله يسلمك

وجه عامر مايبشر بالخير

تركي :فيك شي عامر


عامر:لا وشح بوجهه عنه

الا على دخلت د. حمد

د.حمد:الحمد لله على السلامة

تركي:الله يسلمك د .حمد رجولي ماحس فيها وش صار


حمد:تركي انت رجال مؤمن بقضاء الله وقدره

آآآآآآآآآآآه تذكر لما قال له :الضربة جات بالظهر وتاثر العمود الفقري جاك شلل نصفي

خبر كالصاعقة نزلت على رأسه

ما امر ذلك الخبر عليك تركي

اصبحت عاجزا تحطمت أحلامك وانتهى كل شي

تركي:
يعني ماني قادر امشي مرة ثانية د.حمد تقول الصدق

حمد نزل راسه بحزن

تركي:ما اصدق عامر والله ما أصدق ضمه عامر لصدره بكا تركي


(قلما يبكي الرجل ولكن عندما يبكي ما أصعب بكاءه)


تركي :عامر:ابوي وين ؟امي وينها ؟روان وينها ما أشوفهم

عامر :نزل راسه

تركي:ابوي فيه شي

عامر:لارد

تركي:عامر اسألك بالله رد

عامر:البقا براسك عمي توفى


ضربة اخرى تلقاها تركي

لم يصدق

تهاوى بين يدي عامر ليصاب بنهيار عصبي جراء صدمتين بان واحد



ليفيق على نفس الحالة والواقع المر الذي يجب ان يعايشه

نعم اتعلمون كيف عايش الواقع هذا

عايشه بالرضاء بالقضاء والقدر

وبتقوية صلته بربه التي انتشلته من تعاسة الى السعادة



الا يسمع أذان المغرب يخرجه من تلك الذكريات المؤلمة

ليستعد لمناجاة ربه التي يجد بها لذة تنسيه هذا الالم


توضأ تركي واستعد للصلاة وطلع من الغرفة وما اهتم لفرح أبد







نرجع لفرح:

راحت لدورة المياة ماتبيه يشوف دموعها وضعفها كانت تحسب ان هالكتاب بيقربها منه بس حست انها ابعدها منه بالحييييييل

تمسح دموعها وتمسك خدها تحسها حارة

شافت المراية

شهقت لما شافت خدها محمر وعيونها منتفخة من الضربة

بكت وهي تكتم شهقاتها

توضت وطلعت

وجلست تصلي


سلمت ودعت ان الله يلين قلبه لها ويسخره

ما أقساك تركي ما أقسى قلبك

قرت اورادها

وتفكر يارب وش السواة وش أقول لخالتي لما أنزل

مابي أكذب

وصعب أقول تركي


دقت عليها خالتها

فرح المصممة تحت انزلي

فرح:نزلت دموعها حنانها يحسسها بأمها وش اشتاقت لها تبي تشتكي لها قسوة تركي

خالتها:حبيبتي وش فيك

فرح :مافيني شي وهي تمسح دموعها بيدها

بنزل الحين


خالتها مارتاحت صعدت لها


نرجع لتركي:


ركب مع السايق وراح لعمه


لقاه بالخيمة هو وحاتم


العم :حيا الله تركي وينك من زمان ماتقول عندي عم

حاتم: حيا الله القاطع

وين الغيبات لا يكون بس سويتها وتزوجت

تركي:وش دراك

ابشرك عمي تزوجت


العم:افا وانا عمك ما تقولي

تركي:ياعمي الموضوع جا مستعجل

وقال له السالفة


نعرفكم:

العم ابو حاتم:شريك لابو تركي وماسك الشغل

حنون وحبوب

ام حاتم:طيبة تحط على الجرح يبرا راعية واجب


حاتم:30 سنة وسيم مهندس مابعد تزوج


هناء :25 سنة جميلة جدا متخرجة وجالسة بالبيت


سارة:15 مملوحة وفلة



وغصبه عمه على العشاء



طلعت أم تركي فوق

وضربت الباب وفتحت لها فرح

شهقت خالتها يوم شافت وجهها وكيف عينها منتفخة

وش صار لك؟

فرح:بكت وحضنتها خالتها

مين تركي؟

فرح:لا طاح علي صندوق طقم الذهب

ام تركي:بسم الله عليك

لا زم اكلم الدكتورة تجي تشوفك

والمصممة بخليها تطلع لك هنا وتقوس عليك


كلمت ام تركي الدكتورة وطلعت المصممة فوق


المصممة رانيا:يييه شو هيدا اللي بوجهك

ام تركي: بسيطة يالله وين التصاميم والاقمشة

وبدوا يختارون واختارت فرح تصميم روعة(وهي تتذكر كلام تركي القاسي) واختارت الالوان وأضافت له بعض الاشياء

ام تركي:منبهرة وكيف تنقي وتناقش وتختار

خلصت الا الدكتورة واصلة


الدكتورة:لك مين عامل فيك ده

فرح:طاح علي الصندوق

الدكتورة:وكشفت عليها

ام تركي هاه بشري عندنا عزيمة بعد 5ايام

الدكتورة:لا حاجه بسيطة والمرهم دا حيخففه في 4 ايام

الدكتورة:مرة تانية ابأ انتبهي

ومتسحبيش حاجة ثقيلة بعدين تكوني حامل ويبقأ مصيبة

فرح:وردت خدودها ان شاء الله

الدكتورة: يا اختي بتنكسف

وبينها وبين فرح دنتي قمر بسم الله ماشاء الله

يابخته تركي

ام تركي:يالله عاد يابثينة عن الكلام الزايد

دكتورة:هوه انتي كدا ياام تركي

لما اجي اسولف بتقولي يالله خلصي



أخذت ام تركي الادوية منها

والتفت على فرح وابتسمت وقالت عقبال يابنتي ماأفرح بحملك

ابتسمت فرح بحيا

جابت ام تركي المرهم وفتحته

وحطته على وجه فرح تذكرت أمها ونزلت دموع الشوق اشتقت لامي

خالتها: الله لا يحرمكم من بعض

فرح:مشتاقة لها

ام تركي :بتشوفينها قريب ياعمري وبنروح سوا لها

الا ترى التسجيل بدا ذا اليومين ماودك بالجامعة

فرح:الا بس بأجلها ذا السنة تعرفين خالتي تركي بحاجة لاهتمام

ام تركي: بس حرام تضيعين سنة من عمرك بعدين تتحسفين

فرح:عمري ماراح اتحسف على هالسنة لانها بخدمة تركي وسعادته

ولا ودي ابتعد عنه


ام تركي :الحمد لله اللي ارزقني مرت ولد مثلك ويشهد الله ما أعدك الا مثل بنتي أخليك ترتاحين

فرح:خالتي لا تنتظريني على العشاء
\
ام تركي:ارسل لك عشاك

فرح:لا تتعبين نفسك احس مصدعة وبنام


ام تركي:ماعلي بارسله

وطلعت

أما فرح فتفكر بتركي

وليه سوا كذا وتذكرت لما قال انت تقلبين مواجعي


ونامت وهي تفكر


تركي:رجع من عمه

ودخل على أمه السلام عليكم

الام:وعليكم السلام

تركي:عمي وعياله يسلمون عليك

الام :الله يسلمهم

هاه عسى ما زعل

تركي: والله انه هه بس رضا

وعزمته هو وعياله

الام :زين

تركي:هاه جات المصممة

وعساك اخترتي لها الزين

الام :هههه لا هي اللي اختارت وصممت

تركي :لا أكيد بتفشلنا

الام :تعشيت
تركي: ايه

الا وين فرح؟

اليوم وانت رايح تصلي ماأدري وش جات تاخذ من الدولاب طاح عليها

صندوق وضربها على وجهها وعينها

وتورمت واستدعيت بثينة وعالجتها

تركي:تذكر وش سوالها وهو كان رامي عليها مجلد الماجستير

بطلع أشوفها


ياقسوة قلبك تركي الى أي درجة تصل


طلع للغرفة ودخل بشويش لقاها نايمة قرب منها وشاف وجهها وكيف جهة الضربة متورمة ومشوهتها

يارب انا ليه سويت فيها كذا ماتستاهل

تحاول تخدمني وانا أصدها

ليه ياربي ليه

وطلع للبلكونة يفكر

فرح فتحت عيونها لقت نور البلكونة مفتوح وشافت تركي جالس

يفكر


فرح:حبيبي تركي

تركي:غمض عيونه يوم قالت حبيبي

تركي:نعم والتفت لها

وشافها واقفة ببجامتها وكيف وجهها متورم

انا ماكنت أقصد اني آذيك

فرح جات وجلست قدامه ومسكت ايديه

تركي حس باحاسيس اول مرة يحسها

ابتسمت له:مسامحتك و اللي صار صار والسبب فضولي اللي تسميه لقافة

تركي:ابتسم لها

فرح:حست بالفرح يدب بقلبها لما ابتسم لها يعني فيه امل


(لقد نجحتي فرح ها انت فتحت باب قلبه )


يالله قلبي ماودك تريح

ممكن ادفك

تركي:يحرك رأسه بايه

دفته ودخلته الغرفة

وراح لدورة المياه


وطلع لقاها واقفة ببجامته وعطته اياه والابتسامة مافارقتها

ولبسها

وقربته يم السرير

ونزل وانسدح

فرح طبعا وبجرأه راحت وطفت النور

الا نور الابجورة

وجات وهي مترددة وخجلانة بس لازم هالشي يصير ولو يقول اللي يقول

تركي ماينفع معه الا كذا

وجات وانسدحت جنبه بس حاولت انها تبعد عنه

تركي:مستغرب ومتفاجئ

فرح:تصبح على خير

تركي:وانت من أهله

فرح ماقدرت تنام منحرجة مرررررررة اول مرة احد يشاركها السرير غير امها

وبنفس الوقت فرحانة لانه ابتسم لها ومارفض مساعدتها أبد


الحمد لله يارب الحمد لله




اما تركي:

فالاحساس بالذنب من اللي صار يغطيه واللي زاد عليه
ردة فعلها لما جا يعتذر

وكيف مسكت يديه ماتبي تحسسه بالذنب


وهي تبتسم رغم ان اللي جاها منه كثيرر وقاس


والاغرب نومها معاه بنفس السرير مايفصل بينهم الا مسافة صغيرة

زعزعت كيانه ولخبطته




ياترى هل تركي بدا يتغير والا الاحساس بالذنب

خلاه يسوي كذا؟وراح يرجع زي ماكان؟






تابعوني بالبارت الرابع

 
 

 

عرض البوم صور الفل للحلوين  
قديم 19-07-12, 01:36 PM   المشاركة رقم: 12
المعلومات
الكاتب:
اللقب:

البيانات
التسجيل: Mar 2012
العضوية: 237143
المشاركات: 74
الجنس أنثى
معدل التقييم: الفل للحلوين عضو على طريق التحسين
نقاط التقييم: 72

االدولة
البلدSaudiArabia
 
مدونتي

 

الإتصالات
الحالة:
الفل للحلوين غير متواجد حالياً
وسائل الإتصال:

كاتب الموضوع : الفل للحلوين المنتدى : الارشيف
افتراضي

 

:nkknn :

 
 

 

عرض البوم صور الفل للحلوين  
قديم 20-07-12, 07:29 AM   المشاركة رقم: 13
المعلومات
الكاتب:
اللقب:
عضو فخري
ضياء ليلاس

البيانات
التسجيل: Apr 2012
العضوية: 241278
المشاركات: 2,878
الجنس أنثى
معدل التقييم: أضواء الصباح عضو جوهرة التقييمأضواء الصباح عضو جوهرة التقييمأضواء الصباح عضو جوهرة التقييمأضواء الصباح عضو جوهرة التقييمأضواء الصباح عضو جوهرة التقييمأضواء الصباح عضو جوهرة التقييمأضواء الصباح عضو جوهرة التقييمأضواء الصباح عضو جوهرة التقييمأضواء الصباح عضو جوهرة التقييمأضواء الصباح عضو جوهرة التقييمأضواء الصباح عضو جوهرة التقييم
نقاط التقييم: 2237

االدولة
البلدKuwait
 
مدونتي

 

الإتصالات
الحالة:
أضواء الصباح غير متواجد حالياً
وسائل الإتصال:

كاتب الموضوع : الفل للحلوين المنتدى : الارشيف
افتراضي

 

السلام عليكم و رحمه الله و.بركاته

صباح الخير و المغفره من رب العالمين

فله ربي يعطيج الف عافيه بدايه جميله استمري للاخير ...



فرح شخصية قويه رغم كل شيء مرت فيه و لا وحده غيرها كان استسلمت من اول صده من زوجها و الكلام القاسي اللي يقوله لها و ما تحملت و خصوصا انه حطم احلامها بعدم دراستها ...

بس لانها بنت اصل تبي ترد الجميل لو على موتها و عسى ربي يقدرها و شكلها قاعده تمشي على الخط السليم و هذا هي فرضت وجودها في حياته حتى لو ما بين ...



تركي شعور قاسي النقص و خصوصا للرجال لانه هو الشخص المعتمد عليه دايم فلما يفقد شيء من نفسه هالشعور يذبحه يبيله شوية وقت و يطيح اللي براسه و خصوصا لا عرف من هي فرح و انها البنت اللي انقذها او يمكن يكون العكس ان يفكر ما صبرت و عاشت معاه الا عشان ترد جميله و بس و لا هو ما يعني لها شيء و هني المساله على فرح لازم توضح لها و يغير فكرة وجودها معاه برد الجميل ...


بنت خالته مريضه نفسيه الظاهر و اصلا الغلط على اهلها اللي تركوها بالغربه بروحها مع تركي اكيد بتفكر باشياء غير انه قريبها .. اتوقع بعد سفر تركي صار لها حادث اعتداء او شيء من هالقبيل و عشان جذي تبي تنتقم منه ...


الباقي ربي يستر عليهم

باتتظارج سلمتي يارب


........

 
 

 

عرض البوم صور أضواء الصباح  
قديم 27-07-12, 02:15 AM   المشاركة رقم: 14
المعلومات
الكاتب:
اللقب:

البيانات
التسجيل: Mar 2012
العضوية: 237143
المشاركات: 74
الجنس أنثى
معدل التقييم: الفل للحلوين عضو على طريق التحسين
نقاط التقييم: 72

االدولة
البلدSaudiArabia
 
مدونتي

 

الإتصالات
الحالة:
الفل للحلوين غير متواجد حالياً
وسائل الإتصال:

كاتب الموضوع : الفل للحلوين المنتدى : الارشيف
افتراضي

 

مساء الخير


مرورك خيتو اسعدني



البارت الرابع

تركي ما قدر ينام يفكر وكل مالتفت شافها بجنبهة

وش هالاحساس اللي بقلبي

فرح انا اليوم قسيت عليك وانت مالك ذنب اكيد بهذا كله

بس لما اشوفها احس اني عاجز

بس اهتمامها فيني يوجع قلبي

انا انا مو لازم اخليها على ذمتي

كلها هالفترة لما تخلص العزيمة وتهدأ الاوضاع راح اوديها لهلها

واعطيها حريتها

ومن اليوم ورايح ماراح اقسى عليها ابد

اما فرح فاخجل راكبها

يااااه ياتركي واخيرا

انا لازم من بكرة احاول لازم لا ياتركي الا الضعف والعجز

اللي تحس فيها قامت تصلي

صلاة اخر الليل


بس تفاجأ فيها يوم قامت من السرير

وراحت يمه وغطته بالمفرش وهي تقول بصوت هادئ الله يحفظك ويحنن قلبك علي انت اللي (توها بتقول جميلك برقبتي انت اللي انقذتني )
وسكتت


تركي اصابته كلماتها بالصميم انا وشو يافرح وشو

جالسة على سجادتها ورافعها يدينها لربها تناجيه بما يحمله قلبها من هموم وحمل ثقيل
يارب الملوك اغلقت ابوابها امام السائلين وبابك مفتوح يارب

يارب افتح قلبه لي يارب يارب قدرني على رد جميله يارب اقذف

بقلبه الراحة لي يارب يارب بدل قسوته علي باللين

يارب


يارب اشفيه

يارب قدرني أرد جميلة

يارب




صباح جديد اليوم يطل على ابطال روايتنا


صباح يشوبه الحزن والفقد

لام فرح وابيها


صباح محمل بالامل لفرح

وصباح مختلف مزيج من أحاسيس عديدة تداعب قلب تركي وجملة بترتها ولم تكملها فرح تشغل تفكيره


في الديرة

ابو فرح وبين بصوته السعادة:صبحك الله بالخير


ام فرح:
صباحك النور يالله اجعل هالفرحة دوم

ابو فرح: آمين من دقت وسمعت صوتها وانها مبسوطة وبخير وانا مرتاح

ام فرح:الحمد لله الله يوفقها ويسخره لها

ابو فرح:آمين

وجلسوا يتقهوون ويفطرون


بالرياض:

عند فرح وتركي


صحت فرح من النوم والتفتت وشافت تركي نايم

غلبها الحياء وكيف تجرأت ونامت بجنبه

مشت بشويش وطلعت واخذت لها غيار من الدولاب

دخلت للحمام وشافت وجهها الا خف احسن من اول

وخذت لها دش دافي وطلعت بسرعة

تعدلت مكياج خفيف على السريع ولبست وطلعت من الحمام


دخلت بتصحي تركي

الا تشوفه صحا

فرح قربت له الكرسي وبابتسامة:صباح الخير قلبي

تركي:صباح النور وهو يناظر بوجهها وضاق صدرة كيف تشوهت بضربته

وساعدته لين ركب ووصلته الين دورة المياة

وجهزت له كل شي


وطلعت تصلي الضحى


الا سلمت الا هو يطلع من الغرفة

تركي: ننزل نفطر


نزلت معه

الا الخالة


جالسة بالصالة

دخلت هي وتركي

صباح الخير

صباح النور

وجات فرح وحبت على راسها

الخالة:الله يرضى عليك يمه

وتشوف وجهها كيفك الحين؟

التفت لها تركي

فرح:الحمد لله احسن من اول بكثير

يالا نفطر

وطلعوا على الطاولة

الخالة:فرح يمه ما ودك تعزمين أهلك يوم الخميس

فرح تناظر تركي (وتخاف يزفها والا يسمعها كلمتين ):ودي بس يالغالية تعب عليهم ولا عندهم أحد يجيبهم ويرجعهم

الخالة:لا يمه العزيمة عزيمة لك تركي كلم خالك واعزمه



تركي: ان شاء الله اكيد لازم يجون

فرح:بنفسها لا لا اكيد بيسوي لي مصيبة


ام تركي:هاه التسجيل بعد يومين بيقفل ماغيرتي رايك أخاف تتحسفين

تركي:اي تسجيل

الام:حق الجامعة

فرح: لا ماغيرته ياخالتي والتفتت على تركي وقالت عمري ماراح اتحسف على هالسنة لانها بخدمة تركي وسعادته


تركي:لا رد تذكر الكلام اللي قاله لها وانه حرمها من الدراسة

كيف ماقالت هو اللي حرمني اكمل هو استحقرني وعيرني بفقري

ياااااه يافرح


(كم انتي عظيمة فرح ونادرة اسأل الله ان يعينك على رد جميله)


الخالة الله يخليكم لبعض


فرح :آمين ويخليك لنا ويطول بعمرك

خلصوا فطور واستأذنت فرح وطلعت فوق ترتب

وهي ترتب الا بدخلة تركي


تركي:فرح

فرح:نعم ياقلب فرح

تركي:ممكن رقم جوال الوالد

فرح:نزلت راسها ماعنده جوال

تركي:الثابت طيب

فرح:ممكن الجوال

أخذت الجوال وكان يراقبها وهي تدق الرقم بكل عفوية وبراءة




وعطته الجوال تفضل قلبي

ترد الام:الو

تركي:السلام عليكم كيف حالكم

الام:وعليكم السلام
بخير بس من معي

تركي:تركي

الام:حيا الله تركي وشلونك وشلون الوالدة وفرح

تركي :ماعليهم بخير

وشلون ابو فرح


ام فرح:ماعليه طيب

تركي:هو قريب يمك

لحظة وتمد له التلفون هذا تركي

الاب:حيا الله تركي

تركي:الله يحييك وشلونك

الاب :بخير

وانت والوالدة وفرح عساكم بخير

تركي:أبشرك بافضل حال

يا ابو فرح تراك معزوم ليلة الخميس عشاء

لبنتك

ابو فرح:ودي يابوك بس انت عارف جيتنا للرياض صعبة مشكور ياوليدي دعوتك وصلت واعذرونا

تركي:لا صعبة ولا شي ابرسل لكم السواق والا عامر

ابو فرح:لا تكلف على نفسك يابوك الله يرضى عليك

تركي:براحتكم والله كان ودنا تحضرون

ابو فرح:مرة ثانية يابوك

تركي:على خير

رفع راسها وشاف الشوق لهلها بعيونها وابتسم وقال:

يا خال ماودك تكلم فرح؟

الخال :الا

ومد لها الجوال

فرح :بصوت مليء بالشوق والعبرة

هلا بالغالي

الاب:هلا بفرحي هلا بنور عيوني وشلونك يمه

فرح:صوته حسسها بالحنين له نزلت دموعها ماقدرت تحبسها حنت له ولحضنه وللجلوس معه وسوالفة

تركي يناظر عيونها مغرورقة بالدموع هزته دموعها



فرح: بخير جعلك بخير وشلونك ووشلون امي

الاب:بخير

فرح:يبه ليش ماتحضرون العزيمة وبصوت البكا مشتاقة لكم

الاب:يمسح دمعة الشوق اللي ابت الا ان تخرج لتعلن شوقه لها صعبة يمه لم يعد يستطيع اكمال حديثه مع فرحه



تبين تكلمين امك


فرح:ايه

الام:بنيتي فرح

فرح:هلا بحبيبة قلبي

وزادت دموعها

يمه وشلونك اشتقت لك

الام:تبكي بخير يمه عساك مرتاحة

فرح:ايييييييييه الحمد لله مبسوطة وفرحانة وتركي الله يطول بعمرة مايقصر

الام:الحمد لله يمه الله يوفقك ويسخرة لك

فرح:امين

الام:سلمي على خالتك

فرح:يبلغ فمان الله

وقفلت وتوها بتمد الجوال لتركي

الا سألها

مشتاقة لهم

فرح:تهز براسها ايه

تركي:بابتسامة حركت قلب فرح

بعد العزيمة باوديك لهم

فرح:ابتسمت والله

تركي:ايه

يالله عاد مسحي دموعك

فرح وهي تمسح دموعها مشكور تركي



تركي بنفسه يااااه يافرح اوعدك ماعاد اقسى عليك يافرح


ماعاد أقسى


( انها دعوات الليل تلك التي اطلقتها فرح تناجي ربها)


نعم لقد قذف الله بقلبك اللين لها


رفع راسها يشوفها ترتب الغرفة

وكان يناظرها كأن اول مرة يناظرها

وغمض عيونه وتذكر دموع وعيون اللي انقذها

فتاة ستيرة كانت بتروح بين يدين ناصر

وبدعواتها ربي حماه ايه وستر عليه

حتى بالحادث

لو الضربة جات بمكان قريب من اللي جاته كان انشل تماما

غمض يتذكرها





كلها فترة يافرح واخليك تشوفين حياتك







فرح:بنفسها

وش فيك ياقلب نبضت لما ابتسم لي ليه

لا ياقلب لا تكفى تكفى وهي تحس نبضات قلبها بيدها

انا هنا أرد جميل له وبس

وبعدها اخليه

اقسى ياقلب اقسي




تركي :

فرح


فرح:نعم قلبي


فيه سؤال ودي أسأله

فرح:تفضل

تركي:

هو زوج امك

فرح:ايه زوج امي امي لما ولدتني انقطع عنها ابوي ولما طلعت من اربعينها ارسل لها ورقتها من دون سبب تركنا

الا بابوي اللي تزوج امي ورباني مثل بنته ووعيت على الدنيا وهو قدامي

الله يطول بعمره ويخليه ماعرف ابو الاهو

ولو يطلب عمري اهديه له


تركي: آمين

طيب لو طلع ابوك الحقيقي

فرح:ماأظن يطلع بعد هالسنين

تركي :ولو يطلع

فرح:ما أظن عندي ابو غير ابوي ابو فرح وبس بعدين صعبة يطلع

تركي:انتي حافظه القرآن

فرح:ايه الحمد لله تو ختمته قبل ماأتزوجك باسبوع

تركي:ماشاء الله

فرح:بابتسامة طيب حبيبي

انت تشتغل؟


تركي:لا عمي ماسك كل الشغل حقنا وراتبي ينزل شهريا

فرح:طيب ليه ما تداوم وتمسك الشغل الخاص فيكم

تركي:بألم وضيقة صعبة ماتشوفين حالتي اني مقعد ويضرب يديه على الكرسي

فرح:قربت منه وبخوف قالت ليه ياقلبي العصبية


بعدين وش مقعد عمر هالشي ماكان عيب

تراك تقدر تركي جلوسك كذا بدون شغل متعبك ويحسسك بها الاحساس
طيب لا تداوم يوميا

خصص لك يومين: داوم فيها

تركي:صعبة يافرح

نظرات اللي بالشركة لي بعد اللي صار كنت على حياة ابوي اجي مشي

والحين بكرسي

ماأتحمل نظرات الرحمة

فرح: لا ماهي صعبة غلاي لا تصعبها

انت قوي ياتركي وبتخطاها صح

تركي:صح

فرح:فكر فالموضوع زين حبيبي

تركي :ان شاء الله

(كلامها طوق النجاة الذي سينتشلك من امواج احاسيس العجز الثائرة

بقلبك

برافو عليك فروحه برافو)





بالديرة:

ام فرح:ليه رفضت العزيمة

ابو فرح:ما أقدر يالغالية صعبة علي

قلبي بيوجعني عليها زيادة

ام فرح:بس كان ودي نشوفها

ابو فرح:بتشوفينها

حس بالم بصدرة عود يرجع له قام عن ام فرح عشان ماتحس بشي

وطلع يبي ياخذ نفس


وأخذحبة القلب وحطها تحت لسانه وجلس برا


وتركا على الجدار

لحد ماخف الالم


وتذكر كلام الدكتور:انت لازم لك عملية قلب مفتوح والا راح يتوقف قلبك عن العمل


نرجع للرياض:

فرح:ماودك تقولي عن اهلك اللي بيجون يحضرون العزيمة

تركي:اكيد بس لما اروح اصلي وارجع

فرح:امممم تلحق خير تراي انتظرك

تركي:ان شاء الله



الكويت:

عهود: وهي تشوف الفستان العاري اللي شرته عشان هالعزيمة وتحطة بالشنطة وهي تبتسم ابتسامة خبث انا لازم اجلس عند خالتي فترة

لازم ارجع تركي حبيبي لي

لازم


امي ماراح ترفض ابد


والله لا تشوفين والله يا اللي ماعرف اسمك

نهاية حياتك مع تركي على يدي


بجناح روان واياد

روان:حبيبي اياد

اياد:يابعد عمره

روان:ودي أقعد عند أهلي شوي

اياد:وتخليني ماأقوى بعدك

روان:مو راح تسافر لنرجس

اياد:ايه وما ودج تسافرين معي

روان:امممم ودي أقعد عند امي وقبل ماتجي بأكون بالكويت

اياد:اذا على جذي انا موافق



بامريكا

نرجس بامريكا


نرجس:تبكي تخوني يا جاسم

وهي تقلب الصور

وربي ماقصرت عليك بشي وربي


الا تذكرت الرسالة اللي قرتها بجواله

(حبيب قلبي انا عازمتك بالمطعم الساعة 7)

وشافت الساعة وطلعت لنفس المطعم


ومن حسن الحظ انه قريب


دخلت وراحت يم الطاولة وشافته مع وحدة ومعها ولد وحامل وكان يضحك ويسولف


ماصدقت اللي تشوفه جاسم حبيبها وابو بنتها

ليه ياجاسم








التفت جاسم وشافها واقفة ودموعها على خدها

طلعت تركض وهو توه بيلحقها الا مسكته الحرمة وين تروح جسوم

ابتسم وكمل جلسته

راحت للشقة


تبكي كل شي

متزوج علي

آآآآآآآآآآآآآه اهئ

وعنده ولد وحامل

وربي ماقصرت عليه بشي



لها الدرجة وصلت معك ياجاسم

نقلت عملك عشانها

وتمسح دموعها

وتلتفت تشوف بنتها يارا وزادت دموعها

(ما أصعب ذلك الموقف عليك نرجس امرأة مجروحة من زوجها )


وش اسوي ياربي


الا بدخلت جاسم


جاسم:نرجس انا

نرجس:لا تكمل جاسم انا عرفت كل شي

ومن بين دموعها ليه ياجاسم

انا قصرت عليك بشي

جاسم:لا

طيب ليه ياجاسم ليه

جاسم :لا رد

نرجس:رد علي جاسم رد ليييييييييه

جاسم:احبها نرجس احبها اعشقها

نرجس:وانا وبنتك

جاسم:هي اللي خذت القلب هي وانتي وبنتك لكم اني اخليك على ذمتي معززة مكرمة والا تسريح باحسان وشوفي حياتك وتزوجي حتى البنت بخليها معك ماراح اخذها منك

نرجس :ماهي مصدقة ابد ابد تحس انها بحلم وتصحى منه

لا لا واقع نرجس آآآآآآآآآآآآآه


يعني حياتي معك كانت كلها كذب بكذب لا مشاعر صادقة ولا شي

حتى بنتك عفتها

وقفت وقالت:أكيد تسريح باحسان ياجاسم

وارجوك خلص الموضوع بسرعة ارجوك

قبل مايجي اياد


جاسم:اكيد

وقام وطلع


وهي بكت بكت لين جفت دموعها

عاشت حياة بمشاعر كاذبة من زوجها


اللي تحبه وتعشقه





نرجع للرياض


تركي وفرح

تركي:الله يسلمك خالتي ام عامر اكيد تعرفينها


وخالتي ام اياد بالكويت

حبوبة وطيبة واياد

اللي ما خذ اختي روان

وعندها ولد اسمه مازن هههههه شقي مرة الله يصلحه

وروان راح تحبينها مرة

واكيد هي متحمسة تشوفك


فرح:هههه وانا بعد متحمسة


اممممم خالتك عندها بنات


تغير وجهه

ايه عندها

بنتين


فرح:تحمست اشوفهم


وعمك ابو حاتم

تركي

الله يسلمك خالتي ام حاتم ههههه سنافية

وعندها بنتين

تركي:اممممم جعت ماودك نتغدى


فرح :الا حبيبي

ونزلوا تحت يتغدون



وبعد الغدا ارتاحو


الكويت


عهود:ماما

ام اياد:نعم

عهود:كم بنقعد بالرياض

ام اياد:ثلاث ايام وبعدها بنمشي لمكة وناخذ عمرة

عهود:اممممم ودي اجلس عند خالتي مع روان ودي أحضر ملكة صديقتي

رهف

ام اياد:ومتى ماشاء الله ومن بتاخذ

عهود:بتاخذ ناصر ولد اكبر تاجر بالرياض

وملكتها الجمعة الثانية

ام اياد:ماشاء الله النصيب من الكويت للرياض

عموما انا ماعندي مانع بس نرجع من مكة ترجعين معنا للكويت

عهود: بنغمة التودد والدلع ودي اغير جو


ام اياد:ههههههههه على راحتك

عهود:بنفسها والله لاوريك واقلب حياتك تركي


بالرياض

تركي:يفكر بكلام فرح عن الشغل

وقال:فعلا انا ليه ما أجرب يومين بالاسبوع

بحاول من السبت الجاي


فرح:تركي

تركي بابتسامة:نعم

فرح:ماودك نطلع بالحديقة شوي نتقهوى

تركي:يالله

وطلعت تدفه بالعربية

فرح وهي تدف تركي احاسيس ملخبطة تقلب بقلبها



واليوم ماقسى عليها ابد

وابتسامته تحرك قلبها وش جاني

اقسى ياقلب اقسى


وطلعته برا وراحت يم الحديقة والجلسات

ولقت خالتها وجلسوا يتقهوون معها

الخالة:فرح

فرح: نعم

الخالة:الفساتين وصلت

فرح:ماشاء الله

تركي:هاه يمه عساها ماخربته

الخالة:لا يمه بالعكس وفرح ماشاء الله فستانك يهبل

تركي :وينه

الخالة :لا مفاجأه ماتشوفه الا باعزيمة

تركي:ههههههههه

فرح:ومتى بيوصلون الضيوف

الخالة:الاربعاء بالليل بتحضر خالتك وبيروحون لمكة
وعهود بتقعد تحضر ملكة صديقتها

تركي:شرد بتفكيرة

فرح:التفتت لتركي تناظرة الا شارد بالتفكير

بعهود ووش بتسوي اكيد وراها مصيبة

بقعدتها


اما بالليل تركي منسدح ورافع راسه بيديه وجات فرح لابسة بجامة ستان سوداء وانسدحت بجنبه وبحيا لفت يمه

تروك حياتي

تركي حركت قلبه كلماتها: نعم

فكرت بالموضوع

تركي:ايه

وش قررت

تركي:اممممم اداوم يومين واشوف اذا جاز لي الوضع والا قعدت

فرح:فرحت بالحيل

الله يوفقك

(انجاز ماعملتيه فرح )

تصبح على خير غلاي

تركي:وانت من اهل الخير

وعطته ظهرها ودمعت عيونها دموع الفرح

اما هو فالتفت عليها وشافها معطيته ظهرها وعود يناظر بالسقف ويفكر

بعهود اللي اكيد ماراح تخليه بحالة

واكيد بتضر فرح


طبعا مر يومين على ابطالنا

فرح تخدم تركي بعيونها وتفكر ان روان بتقول لها كل شي عن تركي وعن الحادث والدراسة وراح تساعدها

تركي:فرح بدت تقتحم قلبه بشوي شوي

ويفكر بالمصيبة عهود


ابو فرح وامها

الاب حالة قلبه بتردي


اهل الكويت موعد وصولهم اليوم


روان بشوق لاهلها

وعهود الانتقام يغالبها



نرجس تنتظر ورقة طلاقها حريتها

عشان تلملم شتاتها

وترجع نرجس اللي قبل



في المساء هبطت الطائرة الكويتيه مطار ارضنا الحبيبة

ونزلوا منها

قلوب مشتاقة

وقلوب منتقمة


الخالة راحوا للفندق يريحون

اما روان فراحت لاهلها


ام تركي:هلا والله بحبيبتي

روان :هلا بك وتسلم

ياااااااه يمه مشتاقة لكم بالحيل

ويدخل مازن واياد وتركي

روان:هلا والله تروك وتسلم عليه

وربي مشتاقة لك

اياد:افااااا وانا

روان بحيا:اياااااد

الكل ضحك

اياد:انا استأذن

الخالة:يمه وين اجلس

اياد:تعبان بريح

وطلع

روان:يمه وينها

امها وبحضنها مازن

من هي

روان:فرح

تركي:ههههههههه توك شوي

الا بدخلت فرح

فرح:السلام عليكم

روان:التفتت وانبهرت بجمالها

هلا والله

فرح:الحمد لله على السلامة


روان:الله يسلمك

التفتت على تركي:ماشاء الله قمر تروك وتغمز

تركي:يابنت استحي

التفت يناظر فرح شي داخل قلبه يتراقص لما يشوفها


وجلسوا مع بعض شوي وطلعت روان ولدها تريح

وفرح وتركي طلعوا فوق

فرح :تركي

تركي:نعم

فرح:احس من يومين وفيه شي شاغل بالك عسى ماشر قلبي

تركي:لا مافيه شي

فرح:اكيد

تركي:ايه وتصبحين على خير نامي بكرة وراك شغل

فرح ابتسمت

تصبح على خير


حلمت انها تركض تدور ابوها تركض وتناديه يبه يبه

لقته ماسك قلبه ويتشهد يبه لا تموت الله يخليك يبه

الا يقومها تركي

تركي:بسم الله عليك فرح قومي

الا صحت

فرح:حلم الحمد لله وحطت يديها على وجهها تبكي

تركي:يوم شافها تبكي رق لها وحاول يقرب منها لين قرب شوي ومد يده متردد يبي يمسح على شعرها

مسح على شعرها

انا حلمت ببوي وانه وصاحت تركي من غير شعور ضمها لصدره

فرح بضمت تركي لها حسستها بامان وحنان فاقدته

تركي:هدي فرح حلم ومافيه الا العافية وبكرة نكلمه اول ماتقومين

بس انا خايفةعليه

تركي:لا تخافين فرح بكرة نتطمن هدي


وجلس يقرى عليها لين هدت ضربات قلبها اللي كان يحس فيها ونامت بحضنه

احساس مختلف لكليهما

احساس بالامان لفرح

واحساس غريب عانق قلب تركي


انتهى البارت

 
 

 

عرض البوم صور الفل للحلوين  
قديم 29-07-12, 05:48 AM   المشاركة رقم: 15
المعلومات
الكاتب:
اللقب:
عضو فخري
ضياء ليلاس

البيانات
التسجيل: Apr 2012
العضوية: 241278
المشاركات: 2,878
الجنس أنثى
معدل التقييم: أضواء الصباح عضو جوهرة التقييمأضواء الصباح عضو جوهرة التقييمأضواء الصباح عضو جوهرة التقييمأضواء الصباح عضو جوهرة التقييمأضواء الصباح عضو جوهرة التقييمأضواء الصباح عضو جوهرة التقييمأضواء الصباح عضو جوهرة التقييمأضواء الصباح عضو جوهرة التقييمأضواء الصباح عضو جوهرة التقييمأضواء الصباح عضو جوهرة التقييمأضواء الصباح عضو جوهرة التقييم
نقاط التقييم: 2237

االدولة
البلدKuwait
 
مدونتي

 

الإتصالات
الحالة:
أضواء الصباح غير متواجد حالياً
وسائل الإتصال:

كاتب الموضوع : الفل للحلوين المنتدى : الارشيف
افتراضي

 

السلام عليكم و رحمه الله و بركاته

صباح الخير و رضا الرحمن

سلمتي يارب على البارت .. فيه عتب صغيرون الاحداث جدا سريعه هالشيء يا فله راح يظلم الروايه كثير خذي وقتج .. شاركينا بمشاعر اﻷبطال و احاسيسهم .. كثره السرد من الكاتبة يفسد بعض الاحيان جمال الروايه و حبكتها ...


فرح .. انسانه قويه اللي قدرت تكسر حواجز كثيره مثل الخجل و الخوف لانه هدفها سامي تبي توصل لغايه دفع الدين اللي برقبتها بس اتوقع عالفكره بدت تتلاشى شوي شوي مع تغير تركي ... ﻷافضل لانه بيزيد القرب بينهم ...

و خصوصا بعد موافقته للعمل هالشيء بيغير نفسيته للاحسن و راح يبعد عنه فكره النقص و العجز .. ربي يوفق بينهم ...

اتوقع بتزيد علاقتهم مع بعض مع تعب ابو فرح اللي اتوقع انه ممكن يتوفى ة راح يوصي تركي على فرح و امها ...


امابنت خاله الله يستر منها لانها شر لابد منه بش ياليت ابوها يفكر شوي و يمنعها من الجلوس عندهم او انه تركي يسافر بفرح لاهلها و هذا الشيء يبعدها عنهم...



سلمتي يارب


......

 
 

 

عرض البوم صور أضواء الصباح  
 

مواقع النشر (المفضلة)

الكلمات الدلالية (Tags)
أ مات, للكاتبة, ليلاس, منتدى قصص من وحي قلم الاعضاء, الحلوين, الحب, الفم, الفل للحلوين, احياني, روايات خليجية, روايات و قصص, روايه أ مات الحب عشقا و حبك انت احياني, روايه سعوديه, عشقا, فرح, و حبك
facebook



جديد مواضيع قسم الارشيف
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t178852.html
أرسلت بواسطة For Type التاريخ
Untitled document This thread Refback 01-11-14 05:08 PM


الساعة الآن 04:10 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية