لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 07-07-12, 01:36 PM   المشاركة رقم: 41
المعلومات
الكاتب:
اللقب:
ليلاس متالق


البيانات
التسجيل: May 2011
العضوية: 224710
المشاركات: 3,261
الجنس أنثى
معدل التقييم: اسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييم
نقاط التقييم: 1223

االدولة
البلدSaudiArabia
 
مدونتي

 

الإتصالات
الحالة:
اسطورة ! غير متواجد حالياً
وسائل الإتصال:

كاتب الموضوع : اسطورة ! المنتدى : القصص المكتمله
افتراضي

 

{!!{الــــــجـــــزء 38}!!}
شوق/مقدر مقدر
ياسر/ ادري انه اللي سواة ماينسي بس الله غفور رحيم واخوك مو الاولي ترى تغير بالحيييل واللي ماراح تصديقنه اكثر انه صار شيح وامام مسجد حتى شكلياً تغير
شوق/ولو صعبه اشوفه قدامي راح اتذكر كل شي
ياسر/ توكل على الله ترى كان شرطه انه يرجع انك تسامحينه وانا وعدته اني اظمنك
شوق/ طيب بس بسلم وبروح غرفتي مقدر اجلس معه
ياسر/ اوكي مو مشكله,,ويالله روحي جهزي الحلا اللي قلتي عليه على بال مااخلص شغله
عندي بالمكتب وافضى لك
شوق/ لا خليها وقت ثاني احس مالي مزاج
ياسر/على كيفك هو؟ اقول انا ربع ساعه واخلص خليك تنامين قبل اجي والله لااكسر لك راسك هههههه باي
شوق /باي

*************************
اليوم الثاني

ياسر/ ماعليك الحين بتجيب القهوة وتجي

راكان/والله مدري وش اقولها

ياسر/ لاتقول شي انا شرحت لها كل شي

جات شوق بالقهوة والحلا

شوق/ سلام


راكان +ياسر/وعليكم السلام


شوق قربت ومدت يدها لراكان تبي تسلم


بس راكان ضمها وبكي

راكان/ سامحيني يالغاليه انا متعذب من ذاك اليوم

الشيطان كان مسيطر علي وعاميني ,ذاك اليوم بعد ماشفت ياسر متمدد قدامي وهو شبه ميت

وتذكرت شكلك وانتي تترجيني ابعد عنك وتقولين انا اختك خاف الله

طلعت من المستشفى وحاولت انتحر رمين نفسي قدام سياره كانت مارة

بس ربك ماكتب لي اموت والرجال اللي صدمني كان رجال صالح اخذني عنده

وقلت له قصتي وجلس ينصحني واخذني معه كم محاضرة وربي هداني


على يده,,انا الحين واحد ثاني غير راكان الاولي اللي كل شي عنده مباح


ارجوك شوق سامحيني عشان ارتاح.ادري ان اللي سويته مو هين بس العفو عند المقدرة

شوق ساكيته

ياسر قرب منها وهمس باذنها


ياسر/ شوق ياعمري سامحيه وخلينا نطوي هالسالفه,ونبدا صفحه جديده عشاني

شوق/ الله يسامح الجميع ,عن اذنكم

راكان مسك يدها/قولي سامحتك يااخوي وتعالي اجلسي جنبي واحكي لي كيف

حياتك مع هالدب المتوحش ههههه , مدري وش عاجبك فيه هذا انسان عسكري

ومايعرف الا الدفاشه والتحقيق

شوق/ ياسر عندي بالدنيا كلها

ياسر/ يالبى قلب زوجتي ياناس

راكان/ههههه الله يسعدكم ولايفرقكم ’بس ماقلتي اللي طلبته منك


شوق/ الله يسامحك دنيا واخرة ومعليش مقدر اجلس تعبانه شوي وبروح ارتاح


ياسر/ طيب حياتي روحي وانا بجلس معه


بعد ماراحت شوق

ياسر/ هذا شوق وسامحتك وش باقي تبي

راكان/ الله يخليك كله بمجهودك

ياسر/طيب انا عندي موضوع وابيك تساعدني فيه

راكان /ابشر من عيوني

ياسر/ تسلم عيونك ,اسمع الموضوع هو ......

*$$***$$***$$***$$***$$***$$*
دلع/وععععع ريحتك وخر عنييييي


وليد يشم ملابسه/انا ريحتي توني متروش ومتعطر


دلع/تكفى اطلع من الغرفه احس بكتمه


وليد/ كتمه مني؟؟؟


دلع/ايييييه منك اطلع براااااا



وليد زعل ولبس ثوبه وطلع من البيت بكبرة>>>>ههههههههههه احسن خلك
*$$***$$***$$***$$***$$***$$*
سامي/اقول هاتي وعن الدلع

ايناس/وخر عني هذي مجوهراتي وماراح تاخذها ,كفايه

رصيدي اللي سحبت كل اللي فيه بدون مدري

سامي/اقول اخلصي وهاتي والبركه بالوالده تبدلها لك مو انتي انناس الدلوعه هههه


ايناس(مو هالدلع هو اللي وداني بداهيه)


سامي سحب منها الصندوق /على فكرة بكرة بنرجع السعوديه رتبي نفسك


*$$***$$***$$***$$***$$***$$*

ماجده/ ممكن اعرف هذا لمن يامحترم؟


زياد/يالله صباح خيير وشوله تفتشين بجيوبي؟


ماجده/لاتجاوب سؤالي بسؤال اخلص من هو له هالجوال؟ وليه مخبيه بجيبك

زياد/ترى مااحب هالاسلوب ,وصوتك لاترفعيه على مرة ثانيه مفهووم


ماجده/ايوه طلعني انا الغلطانه

زياد/استغفر الله العظيم ,وش يسكتها ذي


ماجده/يسكتني الحقيقه يازوجي المحترم

زياد/هالجوال يازوجتي المحترمه شريته لك هديه بس


باقي ماشريت الشريحه وقلت اعطيك هو بالطيارة



ماجده/ايوة اضحك عليه بكلمتين ترى انا هبله واصدق اي شي

زياد/قسم بالله اني جايبه لك بس تصدقين انك ماتستاهلين الواحد يهديلك

وانا الغلطان اني فكرت اجيبه لك


ماجده.......

زياد/عن اذنك


ماجده/زياد لاتروح ,,انا انا اسفه بس انقهرت لاني

خفت انك تستعمله عشان تكلم البنات اللي قبلي


زياد/لو ابي اكلم كلمت ومن جوالي وقدامك بعد ,ترى ماني


خايف لامنك ولا من اطلق شنب بس انا ماابي


ماجده قربت منه وحضنته/وربي احبك واغير عليك

وماابي وحده ثانيه تشاركني فيك,انا ابيك لي لوحدي فاهم


زياد........

ماجده/زيوووود حبيبي سامحني عاااد

زياد/خلاص حصل خير بس اتمنى هالاسطوانه ماتنعاد مرة ثانيه

وتوثقين فيه اكثر من كذا

ماجده/ يابعد قلبي ,ابشر من عنوني وهذا وعد

*$$***$$***$$***$$***$$***$$*

هلا/حمودي ليه زعلان؟

احمد باسها/ موزعلاني ياقلبي بس تعبان شوي ,روحي العبي

هلا/لااريد ان اذهب

احمد/ ههههه الله يرج سبيستون اللي غيرت لسانك


هلا/لماذا تضحك؟

احمد/ اقول طسي هناك مالي خلقك


هلا/شكلك مو حلو وانت زعلان

احمد/ موزعلان حتى شوفيني اضحك ههههههه

هلا/طيب غني لي

احمد/اممم طيب بغني بس تروحين عني ههههه

((ياحبيبي يامحلاه مو بس حلو ياناس الله عليه الله
ياويلي من زينه مااحلى هدب عينه
كل ماالتفت صوبي مجبور ثاني اهواه
ياحبيبي يامحلاه مو بس حلو ياناس الله عليه الله ))
هلا / الله حلوة ,,طيب انا بروح توم وجيري جات

احمد/مانسيتي شي؟؟

هلا قربت منه وباسه خده وراحت

بعد ماراحت هلا احمد دق على زياد


زياد/هلا ابو حميييد وحشتني

احمد/اقول المادم لاتسمعك وتغارمني ههههه


زياد/ايو الله صادق موناقص مشاكل ههههه

احمد/اخبارك ومتى بترجع فاقدك يالثوووور


زياد/هههههه ادري امم بكرة راجعين بس وشفيه صوتك ؟


احمد/متضايق شوي

زياد/لاتقلقني قول وشفيك

احمد/ماينفع عالجوال اذا جيت نتفاهم الحين روح لاتسوي لك المدام تحقيق

زياد/ اقول لآ تفكر اني خايف منها ترى انا اسد في البيت
احمد/ عارف عارف ههههه يالله طس زين
زياد / ههههه فمان الله

*$$***$$***$$***$$***$$***$$*


ليد/يارغد اقولك مو طايقه ريحتي

رغد/ههههههههه


ليد/تضحكين هاه

رغد/مو يمكن لك فترة ماتروشت ههههههههههههه

ليد/وجع والله اني باليوم اتروش مرتين وعطري من الغالي

بس مدري وش فيها علي

رغد/طيب لاتعصب انا عارفه وش فيها

ليد/احلفي

رغد/والله بس بالاول ابي البشارة

ليد/ابشري باللي تبين بس قولي

رغد/دلع امممم حامل

وليد/هههههههههههههههههه ههههههههههههههه

رغد/ههههههه وش فيك ليه تضحك؟

وليد/ دلعوتي حامل؟مو متخيل كرشتها قدامه ههههههههههههههه رغوده تتكلمي جد


رغد/هههههههههه الله يرجك ايه اتكلم جد حتى قلنا لها تحلل

وليد/يعني بصير ابو ؟ يسسسسس بس ليه ماقالت لي؟


رغد/يمكن استحت

وليد/يالبى دلوعتي ياناس طيب انا اساتاذن بروح لام خالد اتطمن عليها

رغد/لسى بدري خلك شوي ,وبعدين من ام خالد؟

وليد/ دلوعتي هههههههههه يالله باي

رغد/الله يحفظك بس انتبه للطريق
*$$***$$***$$***$$***$$***$$*
نهايه الجزء 38

 
 

 

عرض البوم صور اسطورة !   رد مع اقتباس
قديم 07-07-12, 01:38 PM   المشاركة رقم: 42
المعلومات
الكاتب:
اللقب:
ليلاس متالق


البيانات
التسجيل: May 2011
العضوية: 224710
المشاركات: 3,261
الجنس أنثى
معدل التقييم: اسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييم
نقاط التقييم: 1223

االدولة
البلدSaudiArabia
 
مدونتي

 

الإتصالات
الحالة:
اسطورة ! غير متواجد حالياً
وسائل الإتصال:

كاتب الموضوع : اسطورة ! المنتدى : القصص المكتمله
افتراضي

 

’’,,’’,,’’الجــــزء 39,,’’,,’’,,
صقر/يمه والله مو طايق نفسي بروح اتمشى كم يوم وبرجع
ام صقر/وتخلينا لحالنا انت عارف انه مافيه الا انا ونجود
صقر/يمه بخلي ياسر يطل عليكم كل يوم
ام صقر/لا انا عندي حل ازين
صقر/وشو؟
ام صقر/هو وزوجته يجون عندنا هالاسبوع
صقر/مااظن بيوافق
ام صقر/ انت كلمه وشوف وش بيقول
صقر كلم ياسر وياسر رفض وقالهم هم يجون
وام صقر واقفت وبعد يومين بيجون عنده

*$$***$$***$$***$$***$$***$$*


ياسر/وشفيك؟ لايكون مبوزه عشان خالتي بتجي عندنا؟


شوق/مو كذا بس احس خالتك تكرهني ماتطيقني مدري ليه ودوم تدقني بالكلام



ياسر/لا غلطانه خالتي طيبه وتحبك ودوم تمدحلي فيك


شوق/من جد؟اجل ليه مااحس بهالشيء؟


ياسر(ليتك تدرين انها ماتحبك عشان اخذتيني من ماجده على قولتها)


ياسر/بس احس انه فيك شي غير هذا؟


شوق/فديت الي يحس فيني


ياسر/يعني احساسي صح؟


شوق/ايوة انا متضايقه من خالتي ام راكان,تخيل تبي


راكان يتزوج عاليه عشان روان تتربى عندها



ياسر/بس راكان مستحيل يوافق


شوق/فعلا ماوافق والبارح صارت عندهم خناقه للسماء عشان رفض



ياسر/اكيد بيرفض صعبه يتزوج زوجه اخوه



بس خالتي دوم انانيه


شوق/ عاليه توها مكلمتني وحدها متضايق من هالموضوع


ياسر/الله يعين مااحد خالي من المشاكل


*$$***$$***$$***$$***$$***$$*


العرسان رجعو من السفرزياد وماجده راحو على شقتهم


وايناس خلت سامي يوديها على بيت اهلها لانها مو طايقه الجلسه معه


اول مادخلت ايناس شافت راكان جالس بالصاله يقرا قرآن ايناس


(معقول هذا راكان؟ سبحان مغير الاحوال بس والله طالع شكله


حلو باللحيه واللوك الجديد


ايناس/السلام عليكم


راكان رفع راسه من المصحف ويوم شافها قفله وقام يسلم


راكان/ هلا والله بحبيبه اخوها تعالي ياقلبي تعالي


ايناس رمت نفسها بحضنه /هلا فيك وحشتني وربي


فكرناك مت بس الحمد لله انك حي

راكان/الحمد لله على كل شي.الف مبروك ياعروس والله وكبرنا ههههه


وين زوجك اسلم عليه؟
ايناس/الله يبارك فيك والله نزلني وراح
راكان/غريبه مادخل وسلم؟
ايناس/خله يولي
سحر/ هلاااااا بالعروس كلللوش تو مانور البيت
ايناس لفت لسحر/ هلا فيك حياتي والله لك وحشه
تصدقين كنت احس هالشهر سنه
سحر/ اوم البكش الحين شهر العسل ثقيل
ايناس(آآه لو تدرين كم انضربت بهالشهر )
راكان/ طيب اخليكم براحتكم بروح لبندر ابيه بموضوع
ايناس/اوكي بس لاتتأخر ابي اسولف معك زمان عنك
نزلت ام راكان /هلا بالعروس ليه ماقلتي انكم بتجون كان ارسلت السواق يجيبكم
ايناس/ حبينا نسويها مفاجأة
ام راكان/ وين سامي
ايناس/ نزلني وراح
سحر/ خلينا من سامي الحين وقولي وين رحتو ووش سويتوا يالله عجلي
ام راكان خفي عالبنت شوي اصلا ماراح يمديها تقول شي الا وزوجها جاي
ايناس/لاتخافيت قلت له لايجي بجلس هنا
ام راكان/ كيف يعني لايجي يعني اخوانك بيودوك؟
ايناس/ لا قصدي بجلس هنا على طول ماابي ارجع معه
ام راكان/ اييش انتي انهبلتي؟توك جايه من شهر العسل وتقولين هالكلام؟
ايناس/ يمه سامي العيشه معه ماتنطاق ؟شوفي جسمي كيف صايرمن اثار ضربه لي
ام راكان حتى لو يذبحك تتحملين لانك السبب باللي انتي فيه وغصب عنك بترجعين عنده
سحر/يمه حرام عليك
ايناس/ يمه مابيه ماابييييه
ام راكان/ سحروة لاتعبين راس البنت بكلامك,وانتي
بلا كلام فاضي واتصلي لزوجك يجي ياخذك بلا لعب بزارين
قال مابيه قال ,وش تبين الناس تقول توها ماكملت شهرين وتطلقت

ايناس/ انتي هذا اللي يهمك كلام الناس بس احنا بالطقاق

ام راكان /اقول عن الكلام الزايد .انا بروح اريح شوي


واذا جاء سامي صحيني ابيه بسالفه


سحر/انوس ماعليك منها انتي قولي لراكان الموضوع وهو بيوقفه عند حده


ايناس/اكيد بيفشلني وبيقول انتي اللي جبتي البلا لنفسك


سحر/راكان مايدري ياسر ماخبرة بالموضوع


ايناس/احلفي

سحر/والله

ايناس/اشوى كنت خجلانه منه وخايفه


سحر/راكان تغير 180درجه وصار يجنن كفايه كلامه


وصوته وهو يقرا قرآن اخر الليل يجيب العافيه

ايناس/الله يثبته


سحر/والحييييين يالله قولي وش سويتو بسفرتكم


ايناس/ والله انك فاااضيه ؟,بالله وش تبين تعرفين ؟ اقولك عيشه تجيب الهم


*$$***$$***$$***$$***$$***$$*

ام ضاري/يابنتي مافيها شي ,وراكان يقولون انه اعتدل حاله,وبيكون نعم الابو لروان
عاليه/مستحيييل انتي وش قاعده تقولين ؟معقول انا اخذ اخو حسام ؟
اصلا الفكرة اساسا انا شايله فكرة الزواج سؤا راكان او غيرة
بالله كيف تبيني اخذة وانا اشوف حسام بكل مكان؟كفايه
وجه روان اذا طالعت لها كأني اطالع لحسام
ام ضاري/يابنتي انتي لازم تتزوجين عشان
عاليه/يمه ارجوك قفلي عالموضوع
ام ضاري/خلاص براحتك بس اللي تسوينه غلط انتي باقي بعز شبابك
*$$***$$***$$***$$***$$***$$*
ياسر/ياهلا والله بالخاله تو مانور البيت

ام صقر/منور بوجودك ووجود راعيته فديتها


شوق/تسلمين يالخاله

ام صقر/يالبى قلبك انتي وهالضحكه

ياسر/وش عندها العجوز تتغزل بزوجتي ههههههه

ترى انا اغاااار موووت عليها

ام صقر/هههههه والله يحق لك تغار ياولدي اجل احد عنده هالقمر ومايغارعليه

شوق(غريبه وشعندها اليوم لسانها ينقط عسل)

ياسر(الله يستر من هالحنان المفاجيء)

ياسر/ يالله انا بروح عشان تاخذون راحتكم ,شوفي ياخاله

ترى هالغرفتين فضيناها لكم عشان تاخذون راحتكم واعتبرونا ضيوف عندكم

ام صقر/الله يسلمك يمه ماقصرتوا

بعد ماراح ياسر شوق ودت ام صقر ونجود لغرفتهم

اللي ياسر جهزها لكم لانها اساسا ماكانت مؤثثه

*$$***$$***$$***$$***$$***$$*


وليد/دلوعتي ليه ماقلتي لي عن حملك وانك تتوحمين؟


دلع مغطيه على خشمها /والله مدري بس استحيت اقولك خفت تضحك علي اعرفك

وليد/ههههههه من ناحيه الضحكه انا مو بس ضحكت الا مت ضحك هههههههههههه


دلع معصبه/ وليه ان شاء الله مو ماليه عينك

وليد/الا مالياها وزود بس مو قادر اتحيل كرشك قدامك ههههههههههههههه


دلع/ههههههههه ولا انا بس عاد وش اسوي ,اممم تصدق اني فرحت لاني بصير ام


وليدقرب منها /واحلى ام بتكونين

دلع/وععععع وخرررر مو طايقه ريحتك


وليد/ترى مليت كل ماقربت منك قلتي وع ومدري وشو

دلع/والله مو بيدي بجد ماني متحمله ريحتك


ورجاء من اليوم لاتنام عندي بالغرفه روح نام بالصاله


وليد/اييييش بالصاله ؟؟ طيب وش رايك انام بالشارع مرة وحده


دلع............


وليد/دلوعه وربي اشتقت لك وابي



دلع/اممم ابيك توديني بيت اهلى بجلس هناك كم يوم


وليد/نوووو مستحيل لاتحلمين اصلا

دلع/حتى يروح الوحم شوى

وليد/لا عادي بشتري لك كمامات وركبيها اذا قربت منك ههههههههههه

دلع/ترى ماامزح


وليد/ولا انا ,انتي عارفه اني مقدر انام وانتي مو جنبي


دلع/بس من اليوم انت بغرفه وانا بغرفه

وليد/حتى ولو اهم شي تحت سقف واحد ياقلبي

دلع((وربي عارفه اني تعبتك معي بس غصب عني ,ربي يخليك

لي والله ودي اضمك بس وعععع ريحتك ))


*$$***$$***$$***$$***$$***$$*


ماجده/طيب ابي ازوركم كيف


ام صقر/ تعالي بيت ياسر


ماجده/وربي فشله ازور امي ببيت الناس لو جلستو ببيتكم مو احسن؟


ام صقر/ لافشله ولا شي البيت بيتنا اصلاوياسر فديته مو مقصر

ماجده((الله يعين شوق عليك يمه اعرفك اكيد مطفشتها
والمسكينه ماتحب المشاكل))
ماجده/ وشوق وش اخبارها؟


ام صقر/ماالت عليها من مرة ,مدري وش لاقي فيها


ماجده/يمه عيب انتي ببيتها اخاف تسمعك

ام صقر /منخمده نايمه ,تخيلي ماتعرف تسوى شي ؟موتتنا جوع لو مو ياسر يطامر بهالمطاعم كان صارت علوم

ماجده(وربي شوق احسن طباخه والكل يشهد )

ام صقر/لا ومو فالحه الا تترزز قدام هالمرايه عشان تلحس مخ هالاهبل ياسر

ماجده/ يمه زياد يناديني عن اذنك وان شاء الله اجيكم


ام صقر/وانتي بعد مدري وش لاقيه في هالثور اللي عندك

ماجد/ يمه باي ويوصل سلامك لزياد

زياد/ وشفيك متى ناديتك انا

ماجده/ مالقيت عذر غيرك عشان اقفل

زياد/ وليش تقفلين

ماجده / بس كان فيه سالفه وماابي اتكلم فيها وصرفت الوالده

زياد/ اهاااا يعين طلعتي راعيه تصاريف خخخخخ

ماجده/ منكم نستفيد يالث

زياد/ ياايش؟

ماجده/ هههههههههههه لا ولا شي

زياد/ والله لو ماتتكلمين لاجي وانتف لك هالكم شعره اللي براسك

ماجده/ امي تقول وش عاجبك في


زياد/ في اييييييش


ماجده/الثور اللي عندك ,ماجده قالتها وانحاشت

زياد/ انا ثوور هيييين تعالي والله لاعلمك كيف الثوارة على اصولها تعااالي


*$$***$$***$$***$$***$$***$$*
شوق كانت نازله من الدرج وسمعت بالصدفه كلام ام صقر عنها

شوق((حسبي الله عليك من يوم جيتي ماجلست على حيلي وانا اخدم فيك

انتي وبنتك وتقولين عني كذا؟؟؟ اففف بس لازم

اصبر مو عشانك لا وربي عشان قلبي وحبيبي ياسروكلها
اسبوع الله بيعيني عليه ))
*$$***$$***$$***$$***$$***$$*
زياد/طيب حالوت معها مرة ثانيه؟


احمد/حاولت بس مافيه فايده

زياد /طيب هي وش قالت بالضبط؟


احمد سرح بخياله شوي

احمد/يمه طيب انا احبها وهالشي كفايه


ام احمد/انت الحين تتكلم جد والا من تمزح؟

احمد/يمه تشوفيني رايق للمزح


ام احمد/اجل اسمع الكلام الصدق,اللي جالس تقوله هذه مو حب هذي خرابيط نت وكلام فاضي

كيف تحب وتبي تتزوج وحده لاتعرفها ولا شفتها

ولا اي شي عن اهلها وهي نفس الشي انت مافكرت بعمامك

بخوالك ؟ وش بتقول لهم تعالو نخطب وحده مااعرف الا حروفها ورسايلها

احمد/ وهذا يدل انها محترمه لانها ماورتني صورتها بس حروفها على قولتك

ام احمد/ شوف يمه انا مو معترضه على البنت نفسها

انا مااعرفها الله يستر عليها مين من كانت انا معترضه عالفكرة من الاساس


تبي تحب وتتزوج البنات وش كثرهم قولي ابي من بيت الفلاني وانا اخطبها لك


احمد/ وانا ابيها هي يمه احبها فاهمه وش احبها


ام احمد/ احمد انت مو احمد العاقل اللي ربيته وش فيك؟


احمد........

ام احمد/شوف انا قلت كل اللي عندي شيل فكرة ارتباطك فيها والا


احمد/والا ايش؟

ام احمد/ انسى انه عندك ام

احمد/يمه ليييه كذا حرام عليك

ام احمد/ انا امك وادري بمصلحتك وحتى اهل البنت بيكون


ردهم نفس ردي صدقني

زياد/طيب انت وش بتسوي؟


احمد/ انا كلمت البنت وشرحت لها وضعي وكانت متفهمه

وقالت اهم شي رضى امك

زياد/ حلو يعني البنت متفهمه اجل ليه زعلان؟

احمد/ لاني ماابي اخسرها ,انا حبيتها من جد وتعلقت فيها يازياد

زياد/انا حذرتك من هالشي صح؟

احمد/ ايوة صح بس غصب عني

زياد/ والحين وش بتسوي؟

احمد/ والله مدري بس بنستمر مع بعض وبضل احاول بامي يمكن ترضى

زياد/ الله يعينك
*$$***$$***$$***$$***$$***$$*

شوق/باقي يومين ويجي ولدها وتروح عني


حلا/هي ليه تكرهك؟


شوق/والله مدري علما اني ماقدر قلت لها شي يزعلها مني

حلا/وربي انتي خوفتيني منها ,اخاف تسوى فيني كذا لاصرت مرت ولدها

شوق/يعني باقي مصرة تتزوجين صقر؟


حلا/ايوة وباقي اسبوعين وكل شي يتم


شوق/والله حرام


حلا..............


شوق/اممم عاليه قالت لي ان ضاري تعب وتنوم بالمستشفى يومين تدرين عنه؟

حلا/الله يشفيه

شوق/يعني عندك خبر؟


حلا/لاتوني ادري

شوق/توك تدرين وهذي رده فعلك؟ هان عليك لهالدرجه

حتى ماقلتي بسألها وشفيه وليه كان تعبان


حلا...........

شوق/عموما هوعنده هبوط في الضغط من قله الاكل والنوم


.واظن عارفه مين السبب


حلا........


شوق/يالله انا تأخرت عن اذنك


حلا/سلمي على اللي عندك

شوق/يوصل مع السلامه

*$$***$$***$$***$$***$$***$$*

..../صعبه واخاف ننكشف

..../انتي ماعليك نفذي اللي قلت لك عليه وبس وبعدين هذي احسن فرصه قدامنا

..../بس

..../لابس ولا شي خلي قلبك قوي والا ماتبين اللي وعدتك فيه


..../الا ابي اممم وابي عليها زياده شوي

..../من عيوني بس نفذي اللي طلبته منك


..../اوكي

>>>>>ياترى ياقرائي الاعزاااء من هالشخصيتين اللي يخططون ؟

واي نوع من المصايب ناويين عليه؟


*$$***$$***$$***$$***$$***$$*

بعد ماراحت شوق حلا بدون شعور خذت الجوال ودقت على ضاري
ضاري كان نايم بغرفته وآول ما دق الجوال رد بدون مايشوف المتصل من .
ضاري بتعب / الوو ,
حلآ / ....
ضاري / الوو الوو .!
حلآ / ....
ضاري قفل الجوال وحطه جنبه
حلآ تبكيٍ , ( وآلله احبك بس وش أسوي غصب عني )
ضاري رجع أخذ الجوال وشاف آخر مكالمه وأنصدم انها حلآ
ضاري ( حلآ أللي دآقه ?غريبه ياليتها تكلمت وسمعت صوتها.,بس ياترى ليش اتصلت بي؟ )

*$$***$$***$$***$$***$$***$$*

ياسر/انا اليله بتأخر ويمكن انام بالدوام
شوق/ليه ان شاء الله؟
ياسر/عندنا عمل زياده ,وبعدين عندك احد يونسك يعني لاتقولين اخاف بروحي
شوق/اوكي الله معك


ياسر/طيب حقتي وينها؟


شوق تفتح الفرن/عيب مو هنا والا نسيت اننا مو لحالنا بالبيت؟


ياسر/لا مانسيت بس الكل لاهي ومااحد بيشوفنا


شوق/نو نو اذا جيت يصير خير


ياسر/طييييب براحتك انتي الخسرانه ,بعدين لاتقولين خسارة ضيعت احلى بوسه



شوق/هههههه لا ماراح اقول بس يالله روح



ياسر/ اوكي اوكي انا اوريك يادبه باي
شوق/باي ههههه


*$$***$$***$$***$$***$$***$$*



راكان / شوف يا أخ سآمي انا ما اعرفك زين بس اللي اعرفه ان ايناس

اختي وما أرضى احد يتجرأ ويهينها ولو تكرر اللي صار بسفرتكم

ماتلوم غير نفسك

سـآمي / أظن من حق الزوج اذا غلطت عليه زوجته يأدبها

راكان / حتى لو غلطت عليك مفروض تقدر انها

لسى صغيره وطايشه وما يكون عقابك قاسي وعنيف كذآ

سـآمي / أقول لآ تسوي لي محاضره ياشيخ راكان ,ترى عارفين وش كنت

وزوجتي انا حر فيها انشاء الله احرقها بكااز مال لآحد خص فينا

راكان عصب وقام ومسكه من ثوبه


راكان / قسم بالله تمد يدك عليها مره ثانيه اذبحك يامدمن

سـآمي / عدآل يامطوع بريده ,,أقول لآ يكثر وفكني

قبل لآ أخليك تعرف منهو سامي


راكان عطاه بكس على وجهه

راكان/ وانا بخليك تعرف منهو راكان ومن اليوم مالك زوجه عندنا ,وورقتها


توصلها ولآ ببلآغ مني للشرطه اوديك أنت وألشله حقتك بداهيه

سـآمي يمسح الدم اللي نازل من خشمه

سامي / رآح تندم انت وأختك والله ما اعديها لك , وصفق الباب وطلع


ايناس وسحر كانوا على الدرج وشافوا اللي صار

ايناس / يييييييس تسلملي يا أخويه ياحبيبي

سحر / فرحانه ؟؟ترى زوجك اللي قاعد ينطق

ايناس/عارفه وودي انه ذبحه مو بس طقه

*$$***$$***$$***$$***$$***$$*

زواج حلا وصقر قرب موعده والامور ماشيه بهدووء

ام حلا ونجلاء جالسين يجهزون لحلا

لانها رفضت تروح السوق وقالت ياخذون لها على ذوقهم

*$$***$$***$$***$$***$$***$$*
نهايه الجزء 39

 
 

 

عرض البوم صور اسطورة !   رد مع اقتباس
قديم 07-07-12, 01:40 PM   المشاركة رقم: 43
المعلومات
الكاتب:
اللقب:
ليلاس متالق


البيانات
التسجيل: May 2011
العضوية: 224710
المشاركات: 3,261
الجنس أنثى
معدل التقييم: اسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييم
نقاط التقييم: 1223

االدولة
البلدSaudiArabia
 
مدونتي

 

الإتصالات
الحالة:
اسطورة ! غير متواجد حالياً
وسائل الإتصال:

كاتب الموضوع : اسطورة ! المنتدى : القصص المكتمله
افتراضي

 

,’’,,**’’,, الـــجــزء 40,,’’**,,’’,,
ياسر نايم بالدوام وصحاه صوت رنه جواله
ناظر بالساعه وشافها 3ونص الفجر
ياسر/الو
...../انت نايم هنا وتارك الغريب يلعب بشرفك وعرضك على كيفه
ياسر/من انتي؟ووش هالكلام الفاضي؟
..../مو لازم تعرف مين ولو مو مصدق تقدر تروح البيت وتشوف بعينك,,وقفلت الخط
ياسر((اعوذ بالله من الشيطان اكيد هذي وحده تكره شوق وتبي تخر بيننا ,خلها تولي)

ورجع يبي ينام بس الشيطان ماخلاه بحاله

وجلس يوسوس له وخلاه يقوم ويروح البيت

وصل ياسر البيت وطلع على طول الدور الثاني وقبل يدخل غرفته

ام صقر/ياسر

ياسرلف /هلا ياخاله امري

ام صقر/ مايامر عليك ظالم ابيك تشوف هالورقه حقت مراجعتي

للمستشفى مدري متى الموعد

ياسر اخذ الورقه وطالع فيها

بس تفاجأ ان باب غرفة شوق ينفتح ويطلع منه رجال متلثم


ويوم شاف ياسر هرب بسرعه من قدامهم ونزل من الدرج

ياسرلحقه بس الرجال كان اسرع من ياسر وطلع من البيت و اختفى بلمح البصر

ورجع ياسر زي المجنووون وطلع يجري على غرفة شوق

وضرب الباب برجه ودخل وكانت شوق توها بتقوم من السرير


ياسر/مسويه روحك نايمه ياحقيرة ومسكها من شعرها


وعطاها كفف ورد عطاها كف اقوى

شوق من الخرعه ماقدرت تنطق بحرف

ياسر/المرة اللي راح قلت ظلمتك والمتصل مالك علاقه

فيه بس هذا شفته بعيني طالع من عندك يافاجرة

بايش قصرت معك وش لقيتي عنده وماهو عندي


تكلميييي لاتجلسين ساكته كذا

وجلس يهزها,, انطقي تكلمي وين راح لسانك


من هذا ومن متى تعرفينه ومن متى تدخلينه بيتي ياحيوواااانه

شوق/آآآآنننن آآآ


ياسرعطاها كف /تكلمي زي الناس من هذا ؟


شوق زي ماهي وياسر عصب من سكوتها ونزل فيها ضرب


ياسررمى عليها عباتها/قومي قدامي


جات ام صقر/خير ياولدي وش فيه وعلى وين موديها؟


ياسر/برميها بيت اهلها

ام صقر/زين تسوي اصلا هالاشكال المفروض مادخلتها بيتك


ياسر سحب شوق ورماها بالسيارة وشخط على بيت عمه

واول ماوصل البيت ودخل الصاله رمى شوق عالارض


راكان+امه +سحر +انس +ايناس مصدومين!!!!!!!!

ياسر/هذي بنتكم عندكم وورقتها بتوصلها عن قريب


راكان/ ياسر وش اللي صار؟

ياسر/ اسأل اختك المصون

راكان/ شوق وش صار تكلمي

شوق تبكي وساكته

ياسر/ اختك لقيت معها واحد بغرفه نومنا وشفته بعيوني طالع من الغرفه

للاسف انا مايشرفني تبقى على ذمتي دقيقه وحده بعد اليوم

راكان//ياسر عيب هالكلام

ياسر/علم اختك العيب


انس/شوق تكلمي ليه ساكته ؟


ام راكان/اكيد ماعندها كلام بعد ماانفضحت


راكان/يمه مو وقت هالكلام

ياسر/لو واحد مكاني كان ذبحها بس انا مسكت اعصابي

وقلت حرام اوسخ ايدي فيها وادخل السجن عشان وحده زيها..وطلع


راكان قرب من شوق/شواقه ليه ساكته ؟ليه ماتدافعين

عن نفسك ؟انتي بسكوتك خليتي الكل يصدق كلام ياسر

شوق/ااانناااا ’ونزلت دموعها

سحر قربت منها وحضنتها /شوق قلبي وشفيك ماتتكلمي ؟


شوق جات بتقوم بس حست بالدنيا تدور فيها وطاحت عالارض!!!



*$$***$$***$$***$$***$$***$$*

طلع ياسر من بيت عمه والدنيا ضايقه فيه ومو عارف على وين رايح

ركب سيارته وحرك بسرعه جنونيه

*$$***$$***$$***$$***$$***$$*
حلا دقت على ضاري

ضاري / الوو


حلا.....

ضاري/ اذا مابتتكلمين ليش داقه

حلا قفلت الخط

ضاري ارسل لها مسج

حلا فتحت المسج

((
آه مـنـك منقـهـرولا بقى عندي صبـر
لا تبرر لي خطـاكما أبي أسمـع عـذر
روح وانساني خلاصوقول فرقنـا القـدر
كم شلتك في العيـونبين رمشي والجفـون
ما هقيت انك تخون وتالي تجزيني غدر
كيف يهنا لـك منـاموأنت ظالم في الغرام
بعت حبي يا حـراممن بعد عشرة عمـر
يامـا دللـتـك دلالواعتبرت انك مثـال
كنت إلهـام وخيـالفي مواعيـد الشعـر
يا عسى عمرك مديدوتحيا أيامـك سعيـد
لو أنـا عنـك بعيـدومن فراقـك منقهـر
))حلا /وربي ظالمني ياضاري بس مااقدر اقول غير الله يعيني عاللي جاي
*$$***$$***$$***$$***$$***$$*
وليد/دلوعتي

دلع/همممم

وليد/قومي صحصحي شوي ,وخذي لك دش والبسي انا عازمك عالعشاء

دلع/مافيني حيل اقووم

وليد/انتي وقتك كله صاير نوم

دلع/شسوي كل مااجي بقوم احس بتعب ودوخه وارجع انام

وليد/مو مشكله الحين قومي عشان لانتأخر وتقفل المحلات

راح وليد ودلع على افخم مطعم بجده ,وجلسوا على احلى طاوله بالمطعم


وليد/وحشتني جلساتك ياقلبي



دلع/ادري تعبتك هالشهرين بس غصب عني مو بيدي

وليد/تعبك راحه انتي وخلودي


دلع/طيب يمكن انها بنوته
وليد/لااا تكفييين اخاف تجي عربجيه هههههههههههه
دلع/مااالت باقي مانسيت العربجيه؟
وليد/يااالبى العربجيه وانا وش وداني بداهيه غير العربجه حقتك
دلع/ههههههههه
وليد/دوووم هالضحكه ياقلبي ..اممم وش تبين تاكلين؟نقى احلى واغلي شي بالمطعم
دلع/ ابييي والا بلاش
وليد/انا قلت اطلبي اي شي لايردك الا لسانك
دلع/ بس اخاف تهاوشني او ماتجيب اللي ابيه
وليد/افاااا وانا ابو خالد انتي بس جربي وشوفي
دلع/اممممم ابي
وليد/ اخلصي
دلع/امممم ابي فلافل مرررة مشتهيتها
وليد/فلافل؟؟ الحيين جايبك افخم مطعم تقولين فلافل؟
دلع/قلت لك بتهاوشني بس ماصدقت
وليد/مو قصه بهاوشك بس
دلع/طيب شسوي نفسي فيها وابيها
وليد/امري لله اجيب لك فلافل,,يالله قومي قدامي
دلع/على ويين؟
وليد/على وين يعني بنروح نجيب لك فلافل من اي مكان هنا مافيه,,
وبنروح البيت
دلع/ولوديي لاتعصب
وليد/مومعصب ولا شي
>>>>هههههههههههه خربت السهرة ياحلو خخخخ
وليد/اقول برهوم ضف وجهك مو رايق لك الحين,اشوف فيك يوم ياشيخ
>>>>واناوش ذنبي ؟انا اللي خربت السهرة

*$$***$$***$$***$$***$$***$$*
راكان ودى شوق المستشفى وقالوا عندها صدمه عصبيه وهي السبب في عدم قدرتها عالنطق

سحر/ يعني بتضل خرساء على طوول؟؟

راكان/ لا الدكتور يقول فترة وبترجع زي قبل بس مايدري متى

سحر/ ياقلبي والله ماني مصدقه اللي صار

راكان/ حسبي الله ونعم الوكيل

انس/ انا لازم اربي هالياسر واوقفه عند حده,,المرة

اللي فات خلاها تنزل الجنين وهالمرة خلاها تفقد النطق

راكان/انس هدي الامور مو بالهواش تنحل

انس/ يعني عاجبك اللي سواه؟

راكان/ لاطبعا مو عاجبني بس لازم نفهم الموضوع صح

سحر/ وربي كاسرة خاطري ماتنهت بحياتها المشاكل تدورها دواره


*$$***$$***$$***$$***$$***$$*

ضاري جالس بمكتبه ومنشغل باوراق ومعاملات ودق جواله

ضاري/الوو


حلا......

ضاري/وشفيك ساكته ترى والله تعبت,

حلا.....

ضاري/تدرين انك تعذبيني كذا والله حرام عليك

حلا قفلت الخط ورمت نفسها عالسرير تبكي على حظها

ضاري حط ايدينه عالمكتب وسند راسه عليها((آآآآهـ ياحلا ليتك تكلمتي عالاقل

سمعت صوتك وانفاسك والله العظيم وحشتيني ,ياربي لمتى هالعذاب, انا احبها

واموت فيها وغيري ياخذها والله ظلم,,معقول كل احلامنا تتبخر بهالبساطه ,

؟ياليتني ماشفتك ولا حبيتك ياحلا الروح))

*$$***$$***$$***$$***$$***$$*

ماجده/وربي مو مصدقه شوق تسوي كذا؟؟

ام صقر/لاصدقي ,المرة اللي راح قدرت تتفق مع عشيقها

يقول انها مظلومه بس هالمرة ربي فضحها وشافها بنفسه

ماجده/بس شوق عمرها ماكانت بهالاخلاق

ام صقر/والله انك هبله وماتعرفين تميزين الخبيث من الطيب

ماجده/وياسر وش مسوي؟

ام صقر/والله ودي اذبحه حابس لي نفسه بالبيت لادوام راضي يروح

ولا جوال يرد عليه مدري على ايش كل هذا؟

ماجده/يمه تدرين انه يموت عليها وروحه متعلقه فيها

ام صقر/الله ياخذها بس

*$$***$$***$$***$$***$$***$$*

مر هالاسبوع بسرعه واليوم زواج حلا وصقر

وشوق باقي بالمستشفى بس حالتها احسن شوي

ولو انه النطق باقي معدوم

*$$***$$***$$***$$***$$***$$*
نجلاء/حلا دامك مو مقتنعه ليه توافقين ؟


حلا/ من قال اني مو موافقه

نجلاء/انتي لو تكذبين عالكل انا لا وكل شي واضح

بس ودي افهم ليه مصرة تتزوجينه

حلا/نصيبي مع صقر وانا راضيه فيه

دخلو البنات /مبرووووك حلاااوي
حلا /الله يبارك فيكم

الكل حضر منهم اللي حزن على حلا ومنهم اللي

ماعنده سالفه وطلع عنها اشاعه انها كانت تحبه من قبل يتزوج اختها

ومنهم اللي حضر عشان ينبسط ويتعشى ويروح

*$$***$$***$$***$$***$$***$$*

ياسر جالس بغرفته ومشغل اغنيه ماجد المهندس اللي شوق تموت فيها

>>>>>تسذوب انا اللي اموت فيها

((كون يمك الف هنيان اليوم
الف هنيان الليل انام يمك
انا احبك واحب كل حرف باسمك
انا احس يجرن سواد دمي وي دمك
كون يمك كون ابوسك
كون حضنك كون اشمك
كون اضمك كون احط راسي على صدرك
بلكي خدي يزيل همك
ناري ماتطفى ولا نارك طفت
وعيني قبلك تبجي اذا عينك بجت
يالعزيز المابعدت عن بالي لحظة
مااقول انت بعدت واشلون اضلك
وآه لو يذكرونك اقبالي
يبين بوجهي القلق لو جابوا اسمك
انت نقطة ضعفي انت
والله انت نقطة ضعفي انت
لو احب ثاني احبك

))
وهو منسجم مع الاغنيه دق جواله

ياسر/الو


بندر/ هلا ياسر وينك تاخرت؟

ياسر / تعبان وماني جاي

بندر/ غصب عنك بتجي والا والله لاجي واشيلك شيل

ياسر/ والله مالي نفس يابندر

بندر/افااا وترد صاحبك الغالي؟

ياسر/ والله مو طايق اشوف احد بس عشانك بغصب على نفسي واجي


بندر/يالبى قلبك ياصقيقي كنت عارف انك بتقول كذا خلاص احنا ننتظرك

قفل ياسر وراح الحمام وناظر بوجهه وانصدك!!!!!

كان مرة متغير دقنه طويله ومن تحت عيونه اسود من قل النوم والتفكير

ياسر((الحين انا حراق نفسي ومشغل تفكيري عشان وحده ماتستاهل
احد اصلا يفكر فيها ,وحده خاينه وحقيرة باعتني برخيص عشان واحد من الشارع))
>>>>>انت متأكد انك تتكلم عن شوق!!!!! مااصدق

ياسر/ لا صدق هي صدمه عمري الله لايبارك بالساعه اللي حبيتها فيها

>>>>> اللي يحب مايكرة

ياسر// برهوم خلك بحالك انت ماتعرف اللي احس فيه ,شوق خانتني عارف

وش معناة هالكلمه؟ انا شفتها بعيوني مااحد قالي,يانااس والله صعب

اتحمل انها كلنت نايمه بحضن غيري وتقوله نفس الكلام اللي

كانت تضحك علي فيه


>>>>ياسر اسئلك سؤال؟

ياسر/تفضل


>>>>انت وش رجعك البيت والتحديد بهالوقت مو تقول بتبات هناك

ياسر/ وحده دقت عليه وقالت اني نايم ومخلي الغريب يلعب بشرفي

>>>>>طيب ماجاء ببالك انها مؤامره جديده

ياسر/ كل مرة ببرر لها واقول مؤامرة ؟ لا يابرهوم هالمرة جد

وشفته بعيوني خارج من غرفتها وبنص الليل ,ياخي

حتى الغبي بيفهم وش كان يسوى عندها

>>>>عموما اتمنى ماتتسرع وتاخذ قرار تندم عليه

ياسر/انا فعلا اخذت قرار وورقتها بتوصلها اذا ماوصلتها الحين

*$$***$$***$$***$$***$$***$$*

شوق نايمه بالمستشفى جاتها

الممرضه وصحتها وعطتها ظرف

شوق قامت وناظرت بالظرف

شوق(غريبه من بيرسل لي هالظرف ؟ فتحته,, وكانت الصدمه!!!!))


*$$***$$***$$***$$***$$***$$*

وليد/دلوعه تصدقين فستان الحمل طالع عليك روووعه

دلع/ من جد والا بس تجبر بخاطري؟


وليد/الا جد الجد وطاله تخققين


دلع/يسلمووو


وليد قرب منها /اقول دلوعه مو كانه بدري ؟بتروحين من الحين


خلينا شوي انا ابيك بسالفه مهمه

دلع/لااا مو وقت سوالفك

وليد/والله مشتاق لك مووت انتي ماعاط تعطيني وجه

وكله نايمه حرام والله ترى طفشت


دلع/ ادري والله بس لاتحاسبني انا حاسب ولدك اللي ببطني هو السبب

وليد حط يده على بطنها/ انتي بس خليه يجي وانا بفقع له

وجهه هالخايس قليل الحياء

دلع/ ههههه والله حاقد من قلب

وليد/ والله ماانلام

دلع/انت شكلك بتأخرني قوم قوم ودني

وليد/طيب وش رايك اني مصر اسولف معك


دلع/ولودي وربي تاخرنا


وليد/ مالي دخل والا تبين اللي ببطنك ينتصر علي لا معصي


دلع/لا انت شكلك شارب شي وش ينتصر وماينتصر حرب هي


وليد/اقول جاك العلم وطلعه مافيه الا اذا قلت السالفه حقتي

دلع/اففف وهالماصخ وينه الحين محتاجه له ضروري


وليد/ من هو ؟


دلع/ مين يعني المستر


وليد/ لاااااا تكفين لاتجيبين طاريه ينط لي الحين


دلع/يارب يجي ويفكني منك


وليد/انا اليوم بايعها وحتى لو جاء قسم بالله ماراح تفتكين مني


>>>>>غريبه مادخلت صح

*$$***$$***$$***$$***$$***$$*
في القاعه وفي اجواء الفرح لناس والحزن والهم لناس


ام بندر/ هاك الدفتر وقعي

حلا.......

نجلاء/حلا وشفيك؟ لاتقولين توك تذكرتي انك ماتبينه؟

حلا......

ام بندر/ دامك ماتبينه ليه تخلينا نسوي العرس؟

حلا خذت الدفتر ووقعت ورمته ورجعت مكانها

بعد ربع ساعه اعلنو موعد الزفه

حلا/مولازم انزف هو انزف قبل كذا وانا مابي

سحر/عن الدلع ويالله انزلي انتي اللي وافقتي تحملي

بعد محاولات فاشله من حلا انها ماتنزل غصب عنها نزلت

وجلست عالكوشه وجوها قاريبها وسلموا عليها

حلا(معقول خلاص احلامي بقرب ضاري انتهت؟ وصرت

فعلا زوجه صقر الله يسامحك ياهند)
انطفت الانوار ودخل العريس
ومعه ابوها واخوانها قرب منها وهو مرتبك حيل

وبأيدين ترتجف مسك ايدها وباسها ورفع

وجهها بيديه وهي كانت مغمضه عيونها وباس خدها/مبرووك

يااحلى واروع حلا بالكوون كله

حلا ودها تفتح عيونها بس خايفه

حلاوي فتحي عيونك يابعد عمري

حلا فتحت عيونها وكانت المفاجأة!!!!!!!!

حلا/ ضااااري؟؟؟؟

ضاري/ايه ضاري يابعد عمري


حلا/كيف وشلون وليه

ضاري/يعني اروح؟


حلا/لا بس انت هنا بصفتك ايش؟

ضاري/بصفتي زوجك وحبيبك

حلا/كيف ؟ووين صقر
ضاري/هذي سالفه طويله بعدين احكيها لك
قربوا اخوانها وابوها وباركوا لها وراحواوهي مبين على شكلها الصدمه
بعد الزفه والهيصه ضاري اخذ عروسته وعالمطار طوالي
**ْ~~****~~*****~~****~~***~~****
نهايه الجزء40

 
 

 

عرض البوم صور اسطورة !   رد مع اقتباس
قديم 07-07-12, 01:42 PM   المشاركة رقم: 44
المعلومات
الكاتب:
اللقب:
ليلاس متالق


البيانات
التسجيل: May 2011
العضوية: 224710
المشاركات: 3,261
الجنس أنثى
معدل التقييم: اسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييم
نقاط التقييم: 1223

االدولة
البلدSaudiArabia
 
مدونتي

 

الإتصالات
الحالة:
اسطورة ! غير متواجد حالياً
وسائل الإتصال:

كاتب الموضوع : اسطورة ! المنتدى : القصص المكتمله
افتراضي

 

يــــــــــــــلا

وبكذا باقي 10 اجزاء واختم لكم الرواية

قراة ممتـــــــــــــــــــــعة

 
 

 

عرض البوم صور اسطورة !   رد مع اقتباس
قديم 08-07-12, 08:33 AM   المشاركة رقم: 45
المعلومات
الكاتب:
اللقب:
ليلاس متالق


البيانات
التسجيل: May 2011
العضوية: 224710
المشاركات: 3,261
الجنس أنثى
معدل التقييم: اسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييماسطورة ! عضو جوهرة التقييم
نقاط التقييم: 1223

االدولة
البلدSaudiArabia
 
مدونتي

 

الإتصالات
الحالة:
اسطورة ! غير متواجد حالياً
وسائل الإتصال:

كاتب الموضوع : اسطورة ! المنتدى : القصص المكتمله
افتراضي

 

,’’,,’’’,,,’’الــــجـــزء 41,,’’..,,’’’’
صباااح الخير عليكم
ادري طولت بس غصب عني وهذا هو البارت وصل
ولسى طازج من الفرن طوالي هع هع هع
بعد الزواج والهيصه كل واحد راح على بيته والعرسان طاروا على لندن
انس كان رايح لاصحابه بعد ماودى اهله للبيت وهو بالطريق
شاف بنت وثلاثه شباب يحاولون يسحبونها للسيارة
وقف سيارته ونزل عندهم
انس /خيير انت وياه وشفيكم عالبنيه؟
البنت وهي تبكي /تكفى الله يخليك ساعدني هذولا يبون يخطفوني
الاول/اقول تقلع مناك احسن لك
انس/بالاول فكوا البنت وبعدين اتقلع على قولتك
الثاني/اما عاد ماباقي الا المبزرة يوقفون بطريقنا اقول ضف وجهك قبل لا اكسرة لك,,وانتي ادخلي احسن لك ,وسحبوها بالقوة
انس ثارت اعصابه وهو يسمع صراخ البنت وماتحمل المنظر وهجم عليهم

بس هم ثلاثه وهو واحد والمثل يقول الكثرة تغلب الشجاعه

والشباب نزلوا فيه ضرب وترفس لين اغمى عليه

البنت هربت وحصلت دوريه بطريقها وقالت لهم يلحقون على انس

وفعلا جات الشرطه وشالوهم جميع انس عالمستشفى يخيطون الجرح اللي براسه

والبقيه عالقسم والبنت معهم

وبعد ماخلص انس جابوة عالمركز

الضابط/ممكن اعرف سبب الهوشه اللي صارت

الكل ساكت

الضابط/يعني ماراح تتكلمون؟ وانتي ياحلوة مو خجلانه من نفسك ؟؟

اكيد الهوشه عشانك .وكل واحد يبك له لوحده

البنت/والله مو كذا الموضوع انا كنت ...

انس/هذي خطيبتي وهالدشير تحرشوا فيها وانا ماتحملت وصار اللي صار

الضابط/ انت خطيبها؟؟؟؟

انس/ايه وياليت تنهي الموضوع بسرعه وتخلي البنت

تروح لبيتها مانبي فضايح على اخر اليل

الضابط/ودامك ماتبي فضايح وشوله مخليها تطلع باخر الليل؟

انس /هذا شي خاص وماله دخل بالتحقيق


الضابط يطالع لانس بنص عين

انس/وشفيك مو عاجبك كلامي؟

الضابط يكلم الشباب/ اللي يقوله هالولد صدق والا لاء؟

الشباب/..................

الضابط/وانتي مابتتكلمين؟

البنت.......

الضابط بصوت عالي/خطيبك والا لاااء

البنت/ايوة خطيبي


الضابط يكلم انس/بامكانك تاخذها وتروحون للبيت

واحد من الشباب/واحنا؟؟

الضابط/ههههه لا انتوا بتنورونا هنا حياكم ,,ياعسكري خذهم عالنظارة

*&*&*&*&*&*&*&*&*&*&*&*&*

ياسر بعد ماطلع من الزواج راح عالبحر وحصل احمد هناك


احمد/هلا والله بالشيخ ياسر

ياسر/هلا فيك وش عندك هنا؟


احمد/هههه زي اللي عندك

ياسر/ ايييه اللي عندي يهد جبال وانا اخوك

احمد/هونها وتهون وارمي حمولك على رب العباد


ياسر/ونعم بالله ,بس من جد وش جايبك هالحزة

احمد/ ضايق خلقي ومخنوق

ياسر/ شكلنا بالهوى سوى.,الا بسئلك انت ليه للحين ماتزوجت


احمد/هذا انت تزوجت وماارتحت يعني الزواج مو راحه


ياسر/انا مو مقياس لك’ وبعدين انت انسان خلوق وناجح بعملك

ووضعك المادي ممتاز يعني مافيه سبب يمنعك من الزواج

احمد /شسوي بهذا,,ويأشر على قلبه

ياسر/ اهااا يعني القلب متولع باحد

احمد/ايه متولع بس ربي ماكتب ان هالحب يكتمل


ياسر/ شوف انا طبعي مو حشري بس الليله

بخربها وبصير حشري واسئلك عن هالموضوع

احمد حكى لياسر السالفه كلها من بدايتها

ياسر/طيب يالغالي تبي رايي؟

احمد/اكيد رايك يهمني

ياسر/امك معها حق ,وانا من رايهالان حب النت مو حب حقيقي

يمكن اعجاب يمكن تعلق باسلوب الشخص لااكثر

واللي يقول غير كذا غلطان,الحب لازم يكون اللي تحبه قدامك

او شفته وعيونك جات بعيونه مو من ورى شاشه بس

ولا تقولي شفت صورتها ترى حتى هذي ماتكفي

اذا ماتحس بقرب اللي تحبه هذا مااعتبرة حب

احمد/عارف بس شسوى القلب ومايهوى وانا هويتها

ياسر/الله ينور دربك ويوجهك للطريق الصح,,امم شكلك تحب البحر؟

احمد/اعشقه عشق

ياسر/مثلك تمام ,ولي معه ذكريات حلوة

احمد/نفسي ابني لي خيمه واسكن هنا على طول

ياسر/ههههههه اما عاد خيمه

*&*&*&*&*&*&*&*&*&*&*&*&*
ضاري وحلا سافروا لندن وطول ارحله ضاري ساكت

وحلا مستغربه بس ماتكلمت وماحبت تحرج نفسها واول ماوصلوا رحوا عالفندق

داخل جناح العرسان

حلا كانت حاسه بفرح على دهشه على استغراب على شوق

كثير مشاعر حست فيها بس ماقدرت تحددها

دخل ضاري الغرفه وكانت حلا متشيكه عالاخروطالعه مثل القمر

قرب منها حيييل وحلا حست بكل خليه بجسمها ترتجف

ضاري رفع راسها بيده وحلا رفعه عيونها لعيونه


و و


طـــرااااااااااااااااااااااااااااخ



*&*&*&*&*&*&*&*&*&*&*&*&*
انس طلع من القسم وركب سيارته وكان بيمشي بس شاف البنت

واقفه جنب القزاز حقه

انس/خير وشفيه بعد؟

البنت/انا انا ابي اشكرك على وقفتك معي ,بصراحه انت رجال بمعنى الكلمه


انس/ماسويت غيرالواجب ,بس ياليت تحترمين اهلك المرة الجايه

وماتعيدين اللي صار

البنت/والله انت فاهم الموضوع غلط انا صديقتي تحب واحد

ومن زود ثقتها فيه عطته صورها, والحين هو جالس يهددها بالصور

والمشكله طلب منها 10000ريال عشان يرجع لها الصور, وهي طلبت

مني اعطيه المبلغ واخذ الصور,بس هو طلع حقير وكان بيخطفني


انس/وليه حضرتها مااعطته المبلغ؟

البنت/ ابوها مانعها من الطلعه

انس/وانتي عادي اهلك يخلونك تطلعين بنص الليل؟

البنت/امي متوفيه وابوي وزوجته الليله طالعين وبينامون برا البيت

عشان كذا طلعت,بس والله اول مرة اسويها ولو موصديقتي ماطلعت وغامرت

انس/عندك رقم صديقتك؟

البنت/ايوة عندي ليه؟

انس/بتأكد من كلامك

البنت عطته الرقم وهو دق

انس/الو السلام عليكم

هنادي/هلا وعليكم السلام

انس/تعرفين بنت اسمها,,ولف للبنت

انس/وش اسمك؟

البنت/رواسي

انس /بنت اسمها رواسي؟

هنادي/ايوة صديقتي ليه

انس/ انتي ارسلتيها بفلوس لشخص؟

هنادي/ايه بس من انت وليه تسأل؟

انس/ انتي ماتستحين؟ عارفه ان البنت كانت بتروح فيها بسببك

لولا الله ارسلني لها وفي هالوقت بالتحديد ,كان هالحقير واللي معه خطفوها


هنادي/انت وش تقول

انس/الحقير اللي ارسلتيها تعطيه الفلوس جاب معه شله وكانو بيخطفوها

وقفل الخط ولف لرواسي وشافها تبكي


انس/ليه تبكين الحين؟


رواسي/اتحيل لو ماكنت موجود و خطفوني من جد وش بيكون حال ابوي

لو عرف اكيد ماراح يصدق اني مظلومه


انس/ربك سترها هالمرة بس ان شاء الله ماتتهورين المرة الجايه

رواسي/لا لا توووبه والله توبه

انس/عطيني عنوانكم عشان اوديك


رواسي عطته العنوان ووصلها ورااح

*&*&*&*&*&*&*&*&*&*&*&*&*

في لندن وفي غرفه العرسان تحديدا


حلا ماسكه خدها/ هذي كلمه مبروك ؟؟؟؟


ضاري طالع لها ولف واخذ مخده ولحاف وراح نام بالصاله وخلا حلا بالغرفه


حلا((هذا وشفيه؟وليه سوى كذا؟لا هذا مو ضاري مو ضاري ))

*&*&*&*&*&*&*&*&*&*&*&*&*

راكان/اييييش؟انتي وش تقولين؟

الدكتورة/ هوه دا اللي حصل احنا سبناها نايمه وجينا مالقيناهاش

واصلا قلنا لها ان الحركه مش كويسه عشان اللي ببطنها

راكان/اللي ببطنها ؟يعني شوق حامل!!


الدكتورة/ايوة حامل ولسى ببدايه الحمل ولازم ترتاح عشان ماينزل

راكان/ومتى اختفت؟

الدكتورة/احنا جينا الساعه2بالليل وماكانتش موجوده

راكان/افف وش هالبلوة ياربي

*&*&*&*&*&*&*&*&*&*&*&*&*

عاليه/روان تعرفين من هذا ,وتاشر على صورة حسام



عاليه/هذا ابوك اللي كان نفسه يشوفك ويربيك بس الموت خطفه مننا



روان تطالع بامها ومو فاهمه الموضوع


عاليه/كان لي الزوج والحبيب والصديق بس ماامداني اتهنى


انا وياه وكلها اسبوعين وكل شي انتهى
*&*&*&*&*&*&*&*&*&*&*&*&*
الكل عرف عن اختفاء شوق حتى ياسر عرف بس مااهتم وقال اكيد متفقه


مع حبيبها وبتعيش عنده


حتى بعد ماعرف ان شوق تركت رساله بالمستشفى تقول فيها انها ماتقدر


تعيش بين ناس شكوا وصدقوا انها خاينه ,وراح تبعد وتعيش وحيده ارحم من


انها تجلس والكل يناظر لها بنظرة احتقار ,وقالت لهم يقولون لياسر


انه راح يندم بوقت مايفيد الندم
راكان بلغ الشرطه عن اختفاء شوق والشرطه قامت بتحريات وعرفت


ان شوق اخر من شافها قال انها ركبت لموزين


*&*&*&*&*&*&*&*&*&*&*&*&*
حلا ليه ماتاكل؟


ضاري/مالي نفسكلي انتي



حلا/ولا انا لي نفس ,وقامت وشالت العشاء وودته المطبخ((ياربي ليه يعاملني


كذا؟معقول بطل يحبني ؟اجل ليه تزوجني؟ افففف ))


ضاري/ انا بطلع تبين شي؟


حلا(ودي اقوله خذني معك طفشت بس مااقدر )


حلا/لا مابي شي


ضاري راح للثلاجه وفتحها وشرب مويه وطالع لحلا وكانت جالسه على طاوله الاكل وحاطه راسها عليها ,وكانت لابسه صميص وردي وفاكه شعرها


قرب منها وحط ايده على شعرها ولعب فيه شوي وبعدين


طلع من المطبخ بسرعه وصفق بالباب وراح


حلا(ياربي وشفيه ضاري اكيد فيه شي )



*&*&*&*&*&*&*&*&*&*&*&*&*


صقر/هنوده لاتكسرينها ياقلبي



هند/بابا خليني اكسرها وجيب غيرها عادي


صقر/هههههه لاوالله وليه طيب


هند/كذا


صقر/بس انا مااشوف بدونها وعلى بال مااشتري غيرها كيف اشوف؟


هند/خالي هاني يشوف مو زيك


صقر/ انا عيوني تعورني ولازم البسها


هند/خلاص حتى انا ابي زيها


صقر/بسم الله على عيونك,اممم تغديتي؟



هند/ايه عمه نجود غدتني بس انا زعلانه



صقر/افااا وش مزعل حبيبه بابا



هند/ابغى ماما حلا وحشتني ليه ماتجي عندنا


صقر/ ماما حلا سافرت مع عمو ضاري وبتجي بعدين


هند/يعني هيه ماتحبني؟


صقر/لا تحبك , من قالك انها ماتحبك؟


هند/جده تقول انها ماتحبني


صقر(الله يهديك يمه حتى هالصغيرة ماخليتيها بحالها)


صقر/ لا تحبك واذا جات بوديك عندها كل يوم اوكي


هند/اوكييييي
*&*&*&*&*&*&*&*&*&*&*&*&*


سحر/اقولك تو نجلا خبرتني


راكان/ومن قالها هالكلام؟


سحر/ماجده اخت صقروتقول انه طلقها ليله زواج حلا



راكان/يعني ليله انها اختفت,اكيد ماتحملت انه طلقها ,حسبي الله ونعم الوكيل


سحر/مافيه اي خبر عنها؟


راكان/ابد تقولين فص ملح وذاب ,المشكله انها حامل وتعبانه



سحر/لو عندها قرايب كنت قلت راحت لهم بس مافيه



*&*&*&*&*&*&*&*&*&*&*&*&*
بعد اسبوع


ضاري دخل الغرفه وكانت الانوار طافيه وحلا نايمه ولع جواله عشان يشوف


قرب منها وشافها نايمه وحاضنه صورة ,سحب منها الصورة بدون ماتحس


ولقاها صورته ((آآه ياقلبي والله تعبت وماعاد اقدر اتحمل اكثر من كذا))


قرب منها اكثر وباس خدها


حلا حست فيه وقامت مفزوعه



حلا/يمممه وشفيه؟؟


ضاري/بسم الله عليك مافيه شي


حلا ولعه المبه اللي عند راسها/ضاري فيك شي ؟تعبان ؟


ضاري/ لا


حلا/اجل ليه شكلك كذا؟


ضاري بدون شعور ضمها حيييل لصدره


ضاري/آآآه لو تدرين اشكثر احبك


حلا/ ادري


ضاري/لا ماتدرين لو تدرين ماكان عذبتيني طول هالفترة


حلا.............


ضاري /تدرين ليه الكفف؟ وليه تعمدت اعاملك بهالقسوة


حلا/اموت واعرف ليييه انت ماتعرف قد ايش مقهورة منك


وودي اعرف ليه سويت كذا وليه خربت احلى ليله بحياتي


ضاري/لانك ضحيتي فيني عشان وصيه قاسيه وظالمه


ولو ماراكان وياسر والا كنتي الحين مع صقر وبحضنه


حلا/بس انت تدري اني احبك



ضاري/ادري بحبك بس كنتي بموتينه بغبائك


حلا...........


ضاري/حلا انا احبك واعشقكوكنت راح اموت لو تم زواجك من صقر



حلا/بعيد الشر عنك


ضاري مسك يدها وحطها على قلبه/حاسه بقلبي كيف يدق بسرعه


عارفه ان هالدقات كانت بتوقف يوم مديت ايدي عليك بس كان


غصب عني ماكان عندي رد على عذابك لي غير هالكف


حلااخذت يده وباستها وحطتها على خدها


حلا/هذي احلى يد واحلى كف اخذته بحياتي,والله احبك وعمري ماحبيت غيرك


ضاري/يابعد قلبي انتي وانا اموت فيك


وماعاد اقدر اتحمل اكثر من كذا دقيقه وحده


>>>>مساااء الخير يالربع

ضاري/لاحول ولا قوة الا بالله انت ماتخلى اي لحظه حلوة او رومنسيه الا وتحشر نفسك فيها؟

>>>>ياخي مو بس انتوا تستانسون حسو بغيركم شوي

ضاري/ومن ماسكك روح دور لك جو رومنسي بعيد عننا ,انا ماصدقت اجتمع مع قلبي وروحي تكفى اذلف ولاتخرب علينا الجو
>>>>طيب بجلس عاقل والله مااقول شي
ضاري/هههههه حلللوة تكفى عيدها ,اقول تشووف الباب هذاك ؟
اذا ماتشوفه قولي وانا اوريك اياه
>>>>>ا اشوفه وبروح بس ترى بطلع وانا زعلان,ومااظن حلاوي يرضيها اطلع زعلان

ضاري/مالك دخل بحلاوي

حلا/برهومي لاتزعل بليز,بس من جد مالك داعي تجي بهالوقت

>>>>>انا مالي داعي؟طيب وش رايك اموته واجي انا مكانه
ضاري/صدق انك ...... ...... مشفر محذوف .......
>>>>>ويييين الباااب ياعرب

نهايه البارت41

 
 

 

عرض البوم صور اسطورة !   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتب, مستر, تمضي, برهوم, تصنع, بنكسر, صابر, عابر, فرصتي, والحظ
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 04:37 AM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية