&&الجزء العاشر&&
راح ياسر للمجلس
ابو راكان /هلا ياسر وين كنت؟
ياسر/كنت اتمشى شوي
هاني/ يمكن عنده مكالمه خاصه والا شي هههه
ياسر يناظر لهاني بنظرة هاني ماقدر يعرف ايش معناها
ابو راكان/ لايابوك ياسر مو من هالنوع لو قلت راكان والا انت كان صدقنا
الكل/ هههههههههه
راكان/ ياقلبي عالمكالمات الخاصه انا عايش عشانها هههه
حسام/ استغفرالله العظيمياخي خاف ربك وخاف على خواتك ترى الدنياسلف ودين
راكان/ اقول لايكثر مسويلي فيها مطوع
ياسر/ والله حسام ماقال غير الصدق .بس مين اللي يفهم
بندر/ خلاص فكونامن نجرتكم اللي ماتخلص

هاني/ اقول على فكرة ترى انا عزمت صديقي وليد وبيجي بكرة

حسام/ وليد ماغيرة ؟والله زين تصدق بغيت

اعزمه بس خفت تخانقوني وتقولون جلسه عائليه

ياسر/لاياخوك الدعوة سوالفووناسه . والحين خلونا ننام ورانا قومه من الصبح

ابو بندر/ اايوالله ياولدي انك صادق .ايهعلى فكرة قبل انسى ترى

الخيل اللي قلتلي عنها راعيها موافق عالبيعه
ياسر/ صدق زين اجل بكرة اكلمه واتفق معه عالمبلغ.واخذها منه

هاني/ اي خيل ؟
ابو بندر/ هذي فرس عجبت ياسر وراعيها كان معند يبيع والحين وافق

هاني/ طيب هي تستاهل

ياسر/ يالبى عيونها ايه تستاهل

راكان/ ههههه اللي يسمعك يقول يتكلم عن حبيبته
ياسر/ ايه حبيبتي عندك شي
ابو راكان/ خلاص انت وياه كل واحد يمسك فراشه وتصبحون على خير

*******************************

شوق حالوت تنام بس ماقدرت وذبحها التفكير بهاني (معقول هاني يكون لغيري؟

اناطول عمري اشوفه فارس احلامي اف انا كذا طول عمري مالي حظ
طيب وسحر وش بتسوي اذا عرفت بخطبته؟ يارب ساعدني انساه)

******************************

عصر اليوم الثاني وصل وليدوالشباب انبسطو بجيتهلانه فرفوش ويحب الرجه

شوق وحلا كانو يلعبون حول المسبح وياسرجالس بعيد يقرى جريده بس يسرق النظرات ناحيتهم
شوق حست بنظرات ياسر
حلا/ يالله لو عاليه معنا كان اوم الوناسه

شوق/ هههههه والله مااظن باقي بتجي بعد ذاك الموقف

حلا/ ايوالله انا اتخيل نفسي بدالها ياربيه فشيله

شوق/ تصدقين حسام كثرانه اسئلته عنها

حلا/ كيف يعني؟

شوق/يعني من بنته؟ كم عمرها؟ مخطوبه؟ من متى تعرفينها
حلا/ اهااا يمكن يبي يخطبها

شوق/ ياليت والله عاليه تهبل ويكفي انها صديقتي

حلا/ مالت عليك وانا وين رحت ؟ ههههه

شوق/ وع عاد ماباخذ لاخوي الحلو الا انتي ؟

حلا/ مالت عليك انتي واخوك الشين انقلعي بس

شوق / هههههههه زعلتي؟

حلا/ ايه اكيد زعلت

شوق/ طيب روحي اشربي من البحر ههههههههههههههههه

********************************

هاني كان يكلم جوال وشاف البنات وكان عنده مقطع يضحك في جواله ويبي يوريهم اياها

قرب منهم

حلا/ هلا والله باخوي الغالي

هاني/ هلابك زود تعالو تعالو شوفو هالمقطع

شوق/ اذا يخوف ماابي اشوفه

هاني/ لاوالله يموت ضحك

حلا/ طيب يالله ورنا

هاني شغل المقطع والبنات ماتو من الضحك عليه

حلا/ هاني دقيقه بروح اجيب جوالي عشان ترسله لي

هاني/ بعدين
حلا/ لا بعدين بتنسى دقيقه بس..وراحت
شوق شايله هم ياسر تخاف يهزئها قدام هاني

شوق/ عن اذنك هاني بروح دوره المياه

هاني/ طيب انا بروح

شوق/ لاانتظر حلا الحين بتجي

هاني/ اوكي بنتظرعشان خاطرك

شوق راحت وبعد 10دقايق طلعت وبراسها فكره وناويه تنفذها

طلعت تجري وهي تصرخ /يمااااه يماااه الحقوني يماااه

هاني راح لها يركض لانه خاف عليها وياسر بعد جاءيركض
شوق جات تركض ورمت نفسها بحضن هاني متعمده وسوت نفسها خايفه وتبكي

هاني شاف البنت متعلقه فيه وخايفه ضمها وهو يحاول يهديها وهو مايقصد شي

بس ياسر يوم شاف هالمنظر عقله طاروبدون شعور سحب شوق وعطاها كف

ياسر/ صدق قليله حيا تحظنينه كذا قدام الكل وماهمك احد..

وانت وشد هاني بثوبه /ماتستحي على وجهك

طايح لي حب واحضان قدام الله وخلقه

هاني دف ياسر وكان بيطيح

هاني/ انت وش تقول البنت مدري وش خوفها

وجات تركض وانا مااقصد شي
ياسر عطاه نظرة ولف لشوقومسك ايدها

ياسر/ قدامي اشوف

شوق/ مورايحه معك
هاني/ شوق روحي ولاتكبرون الموضوع ..
ياسر / انت بعدين اتفاهم معك
هاني راح وخلاهم
شوق/ انت وش تبي مني ليه قاعد تتحكم بحياتي
ياسر/ شوق قلتلك لاعاد تستفزيني ليه ماتفهمين
شوق تاكدت ان ياسر يغار عليها من هاني
شوق/ وانت ليه حارق اعصابك خلك بحالك

وانا بحالي وكل واحد حر بتصرافاته

ياسر/ يعني ماتعرفين ليه حارق اعصاب؟

شوق/ مايهمني اعرف

ياسر/انتي ماعندك احساس

شوق/الا عندي بس اعطيه اللي يستاهله ..وشوف من اليوم مالك دخل فيني

ياسر رافع ايده بس مسك نفسه في اخر لحظه

شوق/ ليه وقفت اضرب لاني صرت متعوده

ياسر راح وخلاها

وهي جلست على العشب لوحدها(الحين اللي سويته صح والا غلط؟

ومن فين جاتني الجراة اني احضن هاني ؟كله منك ياياسر

وليه وش دخل ياسر؟انتي اللي تبين تعرفين هو يحبك او لاء

.طيب ليه ابي اعرف؟
اف اف من هالياسر مو مخلني ارتاح بحياتي)

***************************
طلع ياسر بسيارته وهو مسرع

وشافه بندر ولحقه..ودق عليه جوال

بندر/ ياسر خير وش فيك مسرع عسى ماشر

ياسر/ مالك دخل انشالله اموت وافتك من هالدنيا
بندر/طيب وقف شوي ابي اركب معك
ياسر/بندر ترى والله مو رايق لك
بندر/ادري بس امانه وقف
ياسر وقف وركب بندر معه
بندر/خير وشفيك؟متهاوش مع احد
ياسر.......................
بندر/ياسر لاتخوفني عليك وتكلم

ياسر/بندر ابي منك خدمه
بندر/عيوني لك امر
ياسر/تسلم عيونك.بس ابيك تعرف لي وش بين هاني وشوق
بندر/هاني وشووق؟؟؟وش بيكون بينهم يعني
ياسر/هذا اللي ابي اعرفه لاني بموووووووت لو ماعرفت والله بموت
بندر كسر خاطرة ياسر لانه يعرف انه يحب شوق
بندر/خلاص بشوف ولو اني متاكد مابينهم شي..والحين خانا نرجع المزرعه الشيبان بيقلقون علينا
ياسر/ولو اني ماودي ارجع بس عشانك
بندر/تسلم ياخوي
***********************************************
الصبح 6ونص الكل نايم بس دلع قامت ولبست لبس رياضه وافطرت وطلعت الملعب

وجلست تلعب كورة لانها تموت فيها

عند الشباب

وليد لزمو عليه الشباب ينام عندهم
قام وليد على صوت الكورة لان الملعب مو بعيد عنهم

(الحين مين اللي مروق من العيال وجالس يلعب كورة مع هالصبح)
طلع برى وانصدم يوم شاف دلع وهي تلعب وناسيه الدنيا وما فيها

وليد(هذي اللي شفت ببيت هاني .ياترى من هي؟ انا لازم اعرف)
قرب وليد منها /سلام ياابو الشباب ممكن الععب وياك؟
لفت دلع ويوم شافته تذكرت وجهه وحست بالاحراج منه لانها مو لابسه الا لبس رياضه
ومافيه مجال تهرب او تتغطى بس مابينت وسوت نفسها مو مهتمه
دلع/ شباب في عينك انا بنت مو ولد .وبعدين وشتبي هنا يالله فارق
وليد عجبته عربجتها /انتي الحين عاده نفسك من فصيلة البنات؟ حرام عليك
تضلمينهم معك
دلع/ احترم نفسك احسن لك
وليد/ ليه يعني انتي تعرفين الاحترام؟
لو محترمه نفسك مانزلتي بهالبس ولعبتي كورة وانتي عارفه ان المجلس فيه رجال
والا تحبين تستعضين حضرتك

دلع استفزها كلامه وبدون شعور
طرررررااااااااااااااخ

كف على وجه وليد!!!!!!!!!!!
وليد من الصدمه ماعرف يتكلم
بس قرب منها وليد ومسك شعرها وشدها لعنده

وباسها
ودفها وراح وخلاها

دلع انصدمت من اللي سواه وليد وراحت تركض داخل وهي بالطريق صدمه بسحر بس ماوقفت
وراحت غرفتها قفلت الباب ودخلت الحمام
وقفت قدام المرايه وغسلت وجهها وهي تحاول تمحي من وجهها وشفايفها اي اثر للي صار
بس مستحيل يمحي هالاثر من قلبها او عقلها (ليه سوى كذا ليه نذل حقير)ونزلت دموعها اللي دايم تخفيها عن الكل

رجع وليد للمجلس وهو عقله وقلبه مو معه نسيهم عند دلع

قرب من هاني /هاني هاني

هاني/همممم
وليد/ هاني انا بروح الاهل يبوني
هاني / فتح عيونه/ ليه عسى ماشر
وليد/ لا مافيه شي بس يبوني اوديهم مشوار ضروري

يالله عن اذنك وسلم عالشباب

هاني/ الله معك
*******************************************
ام بندر/ هند وين دلع مااشوفها
هند/ بالغرفه تقول بتنام ومو مشتهيه فطور
شوق/ اخاف تعبانه
ايناس/ لاتخافين هذي ماتمرض هههههه
حلا/ بسم الله على اختى .ليه وش فيها عشان ماتمرض مو مو زيك زيها
ايناس/ مدري بس الاولاد مايمرضون كثير زي البنات
وهي والله اعلم انها ولد مو شايفه لبسها وتصرفاتها 100%100 ولد
حلا/ اقول حدك عاد ترى زودتيها
سحر/ ايناس بس وش هالكلام
ام راكان/ وشفيكم على بنتي وهي صادقه دلع اللي يشوفها يقول ولد
لا لبس زي البنات والشعر بوي ولافيها من الانوثه شي
ام بندر/والله عجزت معها وكل ماكلمتها قالت مااحب لبس البنات المايع
ام راكان/ بصراحه ظلمتوها بهالاسم هههههه
شوق/ انا بروح اشوفها
حلا خذيني معك
راحو البنات لدلع ولقوها ميته من الصياح
شوق/ دلوعه وشفيك
حلا/ بنت احد مسويلك شي
دلع/ روحو عني روحو

شوق/ مو رايحه لحد مااعرف وش فيك

دلع/ انا مو زيكم
شوق/ كيف يعني؟
دلع/يعني انا مو بنت زيكم
حلا/ ومن قال
دلع/كلكم تقولون وسمعتكم باذني ليه وش ناقصني عنكم
شوق/ ياعمري يادلوعه انتي السبب
دلع/ انا؟؟
شوق/ ايه انتي اول شي شوفي لبسك مو فارقه عن انس بولا شي
وشعرك مايوحي بالانوثه
يعني انتي مو شايفه فيه فرق بينك وبين حلا وايناس وانا ؟
دلع/ بس انا مااحب لبس الدلع والمصاخه
حلا/ هذي اللي بنوطى ببطنها
شوق/ دلع ومن قال انك لو لبستي زين وحطيتي احمر واخضر بيقولون عنك ماصخه؟
دلع................
حلا / انتي عارفه لو لبستي تنورة قصيرة وعليها بدي ولبستي بوت

وحطيتي في شعرك ربطه وش بيصير ؟
راح تاخذين العقل لان جسمك مرة حلو ويمكن احلى من جسمي هههههه
دلع............
شوق/ الحين احنا بنخليك وانتي فكري بكلامي وشوفي وش بيطلع معك

******************************************

نهايه الجزء 10

&&الجزء 11&&
هااني / انت اكيد تمزح
بندر/ لا ماامزح وترى هو يقول متاكد من كلامه
هاني/ هذا اكيد انهبل .والله مابيناا شي اصلا اعتبرها زي حلا ودلع .وبعدين لاتنسى
ان خطبتي قريب يعني لو كنت ابيها كان خذتها والا انا غلطان
بندر/ معك حق بس هو يقول انه شافكم اكثر من مرة جنب بعض وباين انكم تحبون بعض
هاني/ انا حلفت لك ان مابيننا شي وبعدين انا ملاحظ عليه
انه غيران عليها وباين من عيونه انه يحبها .
وانا تعمدت اقهرة عشان اتاكد انه يحبها
يندر/ هو مو يحبها الا يموت فيها بس مو معطيته وجه
هاني/ دامه يموت فها ليش مايخطبها
بندر/يقول باقي ماجاء الوقت المناسب
هاني/ خلاص فهمه السالفه وخله يلحق عالبنت قبل تطير تارها حلوة وماتتفوت ههههه
بندر/ اقول لايسمعك تراها واصله معه هههههه
***********************************
وليد رجع بيتهم وهو مو طايق نفسه وماله خلق لاحد
حنان/ هلا والله باخوي الغالي
وليد/ هلا حنان
حنان/ ولودي ترى بعد شوي ابيك توديني السوق
وليد /قولي لزياد يوديك انا مو فاضي
حنان / لا انا ابيك انت
وليد/ اوووة انتي ماتفهمين قلتلك مو فاضي
حنان/ خلاص اسفه مايحتاج تعصب علي كذا
وليد طلع فوق وهو معصب 0دخل غرفته ورمى نفسه عالسرير
وفجأة طلعت له صورة دلع (آآآ’ انا ليه سويت كذا كيف سمحت لنفسي اغلط هالغلطه ومع مين مع اخت هاني ؟كيف بقابله بعد اليوم. لا مااظن تقدر تقوله اف اصلا هي السبب هي بس حتى ولو انا ماكان لازم اسوي اللي سويته .لازم اعتذر منها بس كيف)

مالي الا حنان هي بتساعدني بدون ماتدري

نزل تحت بسرعه ولقى حنان على نفس جلستها ومبين انها زعلانه

وليد/ حنونه لايكون زعلانه بس
حنان.............

وليد/ طيب انا اسف ويالله قومي البسي بنروح السوق
حنان / مو توك تقول مو فاضي
وليد/ بس الحين فضيت يلله عاد عن الدلع (يالى هالاسم بس)
حنان / اوكي دقايق واكون جاهزة

*****************************************

اليوم الثاني انتشر خبر خطوبه هاني وكانت الصدمه قويه على سحر اللي طاحت

اول ماسمعت الخبر واهلها اضطرو يرجعون البيت

بندر قال لياسر سالفه هاني وشوق وانهم مابينهم شي وياسر كان بيطير من الفرحه

*************************************

يعد اسبوع

ام راكان/ اسمع خذا الرقم صار عندك ابيك تخليها تذوب فيك وماتشوف غيرك

واذا قدرت تخليها تطلع معاك بتكون الدفعه اكبر

احمد اخذ الرقم/ طيب انتي وش بتستفيدين من هالشي؟
ام راكان/انت مالك دخل انت تنفذ وبس واحمد ربك اني وافقت

ادورلك شغله ترى بس عشان اختك سناء توسطة لك عندي
احمد/مشكورة وماقصرتي بس لو تكلمين

راعي الشركه يزود معاشي شوي عشان اضبط لك البنت زين

ام راكان/طيب مو مشكله اكلمه بس انت شوف شغلك زين

احمد/ من عيوني ..يالله عن اذنك

******************************************8

اليوم الثاني

احمد طلع الرقم وجلس يناظر فيه
(وش سوت هالبنت لام راكان عشان تسوي فيها كذا ؟

طيب انا وش دخلني فيهم اهم شي الجيب يكون مليان وطز في الباقي

بس فاتني شغله نسيت اسالها عن اسم البنت بس مو مهم اذا كلمتها بتعرف عليها وبتقولي اسمها

&&&&&&&&&&&&&&&

حنان/ خلاص بتجي بس انت ليش ملزم اعزمها مع البنات وانا علاقتي فيها مو ذاك الزود؟

وليد/لابس اخوها صديقي ولازم نقوي العلاقات شوي

ورغد مصاحبه اختها يعني مافيها شي لو صاحبتيها

حنان/ بس هي مدري وش اقولك
وليد/ وش فيه
حنان/ الكل يقول عنها عربجيه ومافيها ريحه الانوثه
وليد/ ماعليك منهم انتي تعرفي علي دلع عن قرب وشوفي اذا كلامهم صح او خطاء

حنان/ ماشالله وحافظ اسمها بعد
وليد/ هههه دايم اسمع رغد تتكلم عنهم وعاد تعرفين اخوك سريع الحفظ

حنان/ هههه طيب ياسريع الحفظ روح جيب مالذ وطاب من الحلويات لزوم الجلسه

وليد/ بس كذا من عنوني
حنان(غريبه هالطيبه والذوق والكرم اللي نزلو عليك اليوم؟)
حنان/ تسلم عنونك
***********************************

شوق جالسه في غرفتها تحل واجباتها
رن تلفونها وكان رقم مو مسجل عندها
شوق/ الوو
ياسر/ هلا شوق كيفك
شوق/ من معي لو سمحت؟
ياسر/ انا ياسر
شوق/ ياسر؟خير وبعدين من عطاك رقمي
ياسر/ شوق خلني اتكلم شوي وبعدين انتي بنت عمي ومو عيب اخذ رقمك
شوق/ اظن مابيننا كلام
ياسر/ارجوك اسمعيني شوي
شوق............
ياسر/شوق انا ابي اقولك اني متاسف على اي شي حصل مني وزعلك
ترى انتي غاليه على ويمكن اغلى من عيوني
شوق.............
ياسر/ هاه شوق راضيه على والا باقي زعلانه؟
شوق/اسمع لو سمحت رقمي لاعاد تتصل عليه .وقفلت بوجهه
ياسر/ ياربي وش اسوي مع هالبنت انا ليه حظي كذا؟
بس انا لازم اشوف لي حل معها

***************************************
سحر/ شوق ممكن تبادليني بشريحتك؟
شوق/ليه؟
سحر/ماابي اضعف واتصل بهاني
شوق/ ليه باقي عندك امل فيه؟
سحر/لا بس انا كل يوم ادق عليه اسمع صوته وافقل

وعشان كذا ابي شريحتك لاني مو حافظه الرقم

فما اقدر ادق وترى شريحتي مليانه مو فاضيه

شوق/ اوكي مو مشكله نتبادل كم سحر عندي

سحر جات وحضنتها/ فديتها ياناس

***************************
البنات وصلو عند حنان وطبعا دلع جات
معهم بعد اصرار حنان عليها

حنان/ هلا والله تو مانور بيتنا

شموخ/ منور باصحابه

حنان/ كيفك دلع وكيف خواتك؟

دلع/ تمام وانتي
حنان/الحمد لله زينه
عفاف/ زينه والا نحول هاهاها

البنات/ههههههههههههه
حنان/ خذو راحتكم بروح اجيب شي نشربه واجي

راحت حنان تحت ولقت الشغاله مجهزة كل شي

وليد جاء المطبخ/ هاه جو ضيوفك؟
حنان/ ايه جو ليه تسأل؟
وليد/ هاه لا مافيه شي انا رايح تبين شي؟
حنان/لا الله وياك ولاترجع بدري
رجعت حنان للبنات وكملوا سواليف وبعد ساعه دق جوال حنان
حنان/ الو. هلا وليد .ايه طيب اوكي بقولها

حنان/ دلع
دلع/ هلا
حنان/ اممم وليد يقول اخوك هاني يبيك عند الباب

دلع/ هاني؟ غريبه مادق وقال تجهزي؟
حنان/ لا هو بس يبي يسالط عن شغله وبيروح هو ووليد

دلع/ طيب تعالي معي اخاف احد في طريقي؟

حنان/ لا اخواني كلهم مو فيه ووليد قالي لاتنزلين

دلع راحت عند الباب طالعت حول الباب ماشافت لاهاني ولا سيارتة
وجات بترجع الفله وتفاجأت باللي مسك ايدها

دلع بخوف/ انت!!!!!!!!!!!

وليد/ دلع ارجوك سامحيني عاللي صار مني
والله مدري كيف سويت كذا و ماكان قصدي

بس انتي استفزيتيني
دلع/ فك ايدي وروح قبل احد يشوفك والله مو ناقصه

وليد/ مو رايح الا اذا سامحتيني
دلع/عمري ماراح اسامحك انت واحد حقير ونذل

ولو غيري كان قالت لهاني وذبحك.. وراحت وخلته
وليد/ اف من ذاالبنت يعني تعبي وخطتي راحت عالفاضي؟

رجعت دلع للبنات
حنان لاحظت على دلع انها مو معهم

حنان/ دلع فيك شي؟
دلع/ هاه لا مافيه شي
بعد ساعه جاء هاني واخذ دلع وراحوا

*************************************
اليوم ام راكان مسويه عشا لاختها اللي

توها جايه من الرياض
سحر/ اف من هالبنت مدري على ايش شايفه نفسها

انا لازم اوقفها عند حدها

شوق/مالك دخل فيها اخاف بعدين تشتكيك لامي

وانتي عارفه امنا حاطه عينها عليها لراكان

سحر/ انتي الحين مصدقه ان راكان بياخذها
شوق/ وليه مااصدق
سحر/ راكان مو وجه زواج هذا حق لعب

وخرابيط وتسليه مو حق زواج

شوق/ خلاص اسكتي هذا هي جات

شذى/ هاي بنات
البنات/ هايات
شذى/انتو لسى ماغيرتو اثاث بيتكم من المرة اللي راح؟

سحر/ والله المرة اللي فاتت تو مالها ثلاث شهور

يعني لسى جديد

شذى/حتى ولو انتو خيركم كثير والمفروض

كل شهر تغيرون

سحر/ قل اعوذ برب الفلق

شذى/ لاتخافين مااحسد هههه

شوق/ عن اذنكم بنات عمي جو

سحر/ خذيني معك

شذى/ ههههه اللي يشوفكم يقول بنات الوزير اللي جو

سحر/ اقول ترى زودتيها وانا ساكته لك
شذى/ يامامي خوفتيني ترى

راحو البنات وخلو شذى وهي مقهورة منهم

شذى(والله خسارة هالعز فيكم )

الكل مجتمع في بيت ام راكان والجمعه كلها حريم بس

ياسر رجع بدري لانه عنده دوام ويبي ينام

وقف سيارته ونزل وقبل يفتح الملحق

وقفه صوت انثوي يناديه

التفت ياسر وشاف بنت بكامل اناقتها وريحه

عطرها مالي المكان ومغطي على كل شي

ياسر/ هلا اختي ناديتيني ؟

شذى/ ايه ناديتك مو انت ياسر؟

ياسر/ ايه نعم انا ياسر اي خدمه؟

شذى/ انا دايم نفسي اشوفك والحمد لله الفرصه جات لعندي
ياسر مستغرب/ وليه تبين تشوفيني ؟واصلا مين انتي

شذى/ انا اصير بنت اخت ام راكان
ياسر/ اها طيب والمطلوب مني

شذى قربت منه / انت انسان جذاب وخسارة تاخذ من بنات خالتي . انت يبيلك وحده كلها انوثه ورقه وتقدرك
وتحبك
ياسر حس بالاحراج من قربها الشديد له
ياسر/ لوسمحتي روحي داخل
شذى/ ليه قربي اثر فيك لهادرجه
ياسر ماعجبه هالوضع
ياسر/ انتي مو خايفه احد يشوفك معي كذا
شذى/ لا مو خايفه .وبعدين انت تستاهل الوحده تسوي اي شي عشانك
ياسر مندهش من جراتها
شذى فتحت شنطتها وطلعت ورقه ومدتها لياسر

ياسر/وش ذي
شذى/ هذا رقمي خذه وخلنا ندردش مع بعض لاني عندي كلام كييييييير ابي اقوله لك
ياسر وصلت معه/ انتي ماتستحين على وجهك؟
الحين بنات عمي مااخذت ارقامهم تبيني اخذ رقمك انتي؟
شذى/ ليه وش فيني انا
ياسر/ بصراحه انا مايشرفني اكلم وحده مثلك

شذى/ هههه كنت متوقعه تقول كذا

لاني عارفه انك ثقيل بس مع الوقت بيروح هالثقل

ياسر/ اقول ادخلي داخل لاني ماابي

اغلط عليك ودفها ودخل الملحق

شذى(وين بتروح وراك وراك انت لي مو لغيري)

هالكلام كله كان تحت سمع ونظر شوووق !!!!!!!
نهايه الجزء11

&الجزء 12&
هالكلام كله كان تحت نظر وسمع شوق
اللي كانت بالحديقه وهوم ماشافوها(الحين هذا
ياسر؟معقوله البنت جات لعنده ورفضها؟
مو معقول يعني
بيسوي فيها شريف مكه ومو راعي سوالف ؟والا تغير
؟اف انا عقلي احتار اصدق اللي شفته بعيني والا طول
هالفترة ظالمته ؟بس مستحيل انا شفت كل شي بعيني)
رجعت الذاكرة بشوق لست سنوات يوم كان عمرها10سنين
كانت غايبه لانها تعبانه شوي
طلعت الحديقه تلعب وراحت جهه الملحق تدور بستها
وكانت تموت على ياسر لانه يحبها ويلعب معها
وحاط لها درج عنده
معبيه العاب واي شي تبيه كان يجيبه لها وكانت متعلقه
فيه بالمرة وكان عمر ياسر ذيك الايام17
شافت باب الملحق مفتوح شوي وسمعت صوت
بنت تبكي داخل قربت من الباب وطلت براسها

وكانت الصدمه!!!!!!

شافت فايزة بنت جيرانهم اللي كبر سحر تبكي وياسر يهدي فيها
ياسر/ خلاص فايزه لاتبكين والله هالغلطه لازم تتصلح اوعدك بس لاتقولين لاحد
فايزه ميته صياح/ انا خايفه اهلي لو عرفو بيذبحوني
ياسر/ قلتلك لاتعلمين احد ويالله البسي عشان اوديك
وزي ماقلتلك هالغلطه اوعدك راح اصلحها مهما كان الثمن
مسك البنت وجاء بيطلع وشاف شوف بوجهه

ياسر/ شووق!!!!!!!!!!!!!!!!

شوق طالعت فيه وفي فايزه وراحت تجري داخل

ياسر نادها بس ماوقفت ولاردت عليه
راح ودى فايزه بيتهم ورجع

بس اللي ماتعرفه شوق
ان ياسر ذاك اليومكان بالمدرسه وسمع راكان يقول

بروح عندي موعد غرامي ويضحك مع زميله

بعد طلوع راكان بساعه ياسر ماارتاح لطلعته

ولحقه البيت..يوم قرب من البيت شاف راكان

طالع من البيت ومستعجل ناده بس مارد عليه

دخل البيت واول مافتح الملحق شاف فايزه في

حاله مايعلمه الا الله
وسالها من سوى فيها كذا وقالت له انه راكان
وياسر قالها الكلام اللي سمعت شوق

بس للاسف شوق مالحقت على اول

الكلام ولا عرفت انه راكان .وياسر ماحب

يشوة صورة اخوها بنظرها وقال صغيره وبتنسى مع الوقت

ومن يومها شوق كرهت ياسر وكانت صدمتها فيه كبيرة

لدرجه انها مرضت وجلست بالمستشفى اسبوع

لانها كانت تشوف ياسر احسن واحد في نظرها

&&&&&&&&&&&&&&&&&
سحر جالسه تسمع اغنيه بالحديقه ودق جوالها

سحر/ الوو

المتصل/ هلا والله بهالصوت
سحر/ مين معي؟
المتصل/ واحد يحبك وهيمااااان فيك
سحر/ اخوي انت شكلك غلطان

المتصل/ لا مو غلطان مو هذا الرقم .................0503

سحر/ الا هو بس ماعرفتك

المتصل/ نتعرف ياروحي انتي
سحر اقول انت واحد فاضي .وقفلت بوجهه
سحر(سخيف .معقول يعرف شوق؟لا مستحيل .بس لازم اسالها عنه.لا لا انا عارفه اختي مو راعيه هالسوالف وهذا واحد ماعنده سالفه)

********************************

اليوم ياسر نقل لفلته الجديده

حسام /ماشالله الفله روووعه بس يبيلها وحده تنورها

هاني/ قصدك لمبه يعني ههههههههههههههههه

حسام /هي هي هي بايخه

بندر/ انا اللي بدور له عروسبس هو ينوي

ياسر/ عن قريب انشالله

هاني/ يااااهوه اخيرا بتفرحنا

ياسر/ ههههه قول يارب توافق بس

حسام/ انت الف وحده تتمنى قربك
ياسر/ تسلم والله بس .وياشر على قلبه

ياسر/هذا مايبي غير وحده

بندر/ الله يجعلها من نصيبك انشالله

حسام/ اشوف فيه اسرار هاه

ياسر/ ههههه تعالو افرجكم على باقي الفله

**********************************

بعد شهر

سحر بسبب نفسيتها الزفت بعد خطوبه هاني

ضعفت قدام كلام المتصل وبدت تتجاوب معه

ياسر خطب شوق وباقي ينتظر الرد من عمه
*********************************

ايناس/ سامي والله صعبه

سامي/ لامو صعبه كلها ساعه وارجعك
ايناس /طيب سوسو تروح معنا
سامي/ طيب مومشكله اهم شي اشوفك
ولو اني ودي نكون وحدنا بس

دام انتي تبين كذا على امرك

وفعلا راحت ايناس مع سامي اللي تعرفت عليه عن

طريق سارة لمطعم وجلسو ساعه وبعدين رجعها بيتهم

********************************

بندر/ ياخي فيه الف غيرها

ياسر...................

بندر/ ياسر انا مااخبرك ضعيف كذا

وترى هي بنت لاراحت ولاجت

ياسر/ بس انا احبها يابندر احبها وشايل هالحب

بقلبي من صغري وتجي هالحين وترفضني

صعبه والله صعبه

بندر/ ادري صعبه بس خلاص الزواج مو غصب

واللي خلقها خلق غيرها.ولا يهمك انا ادورلك اللي

تنسيك شوق واخطبها لك

ياسر/اذا مااخذت شوق مستحيل اخذ غيرها

********************************

شوق كانت بتروح المطبخ ومرت الصاله وشافت ياسر
مع ابوها وامها

شوق/ سلام

الكل/ وعليكم السلام

ياسر طالع فيها بنظرة حزينه

وشوق اول مرة تشوف زي هالنظرة

خلتهم وراحت المطبخ

ياسر/ انا جيت اخذ اشياء لي بالملحق وقلت اسلم عليكم

ابو راكان/ هلا فيك باي وقت واتمنى ماتكون
زعلان مني عشان شوق

ياسر/ لا ولايهمك الزواج مو غصب على قولتهم

عن اذنكم ..وخلاهم وراح للملحق

شوق فرحت برد ياسر (زين والله انك فهمت)


بعد ماراح ياسر

ام راكان/وش السالفه ؟ممكن افهم

ابو راكان/ ياسر خطب شوق وهي رفظت

ام راكان بدون شعور/ اييييييييييش رفظت ياسر وفلوسه

هذا بدال ماتحمد ربها انه بياخذها وهو عارف

انها من الشارع.لااصل ولا فصل

ابو راكان/ جواااااهر انطمي

ام راكان/ لا مابنطم ومو على كيفها ترفض

ابو راكان / الكلام معك ظايع انا بروح وحسك عينك تعيدين هالكلام مفهوم

شوق كان بيدها كاس عصير وطاح

وطلعت عند امها

شوق وهي تبكي/ يمه ايش الكلام اللي قلتي تو؟

ام راكان.................

شوق تهزها/يمه ردي علي هالكلام من جد والا تمزحين

يمه الله يخليك ردي علي

ابوس رجلك يمه ردي عليك

ام راكان/ لا ماامزح

شوق بصدمه/ يعني ايش انا مو بنتكم؟

ام راكان/انا طول عمري انتظر هالفرصه تجي

عشان اقولك

شوق حاطه ايدها على اذنها

ام راكان/ابو راكان لقاك عند المسجد وهو رايح يصلي الفجر وكسرتي خاطره وجابك عندي ولما مااحد سال عنك قال خلينا ناخذ فيها اجر ونربيها مع عيالنا
وانا ماكان عندي خيار الا اوافق

شوق تضحك/ يمه انتي اكيد اكيد تمزحين معي انا متاكده

ام راكان/ انتي ماتفهمين اقولك انا مو امك ولا ابو راكان ابوك

شوق طلعت تجري للملحق

ياسر كان يرتب الاغراض اللي يبيها بالشنطه

وتفاجأ بدخله شوق عليه وهي منهارهوتبكي

ياسر/ شوق وشفيك ؟؟؟

شوق/ياسر انا موانا وامي مو امي وكل شي كذب في كذب

ياسر قرب منها/ شوق هدي وتكلمي زين انا مو فاهم

شوق/ ياسر انا راح اصدقك انت انا بنتهم والا لاء

ياسر/ ومن قالك هالكلام الفاضي

شوق/ امي تقول اني مو بنتهم واني من الشارع

الله يخليك قول انها تكذب علي تكفى ياسر

قول ان هالكلام كذب

ياسر بدون شعور ضمهالصدره وتم ساكت

شوق اول مرة بحياتها تحس بالامان جنب ياسر

شوق/ ليه ساكت يعني هالكلام صدق وانا من الشارع

وانت كنت عارف صح
ياسر بعدها عنه شوي /شوق حبيبي هدي وانا بقولك اللي اعرفه

انا يوم جابك عمي كان عمري 8سنين وانتي يومها يمكن

عمرك سنه او سنه وشهرين وامي قالت ان عمي

لقاك عن المسجد وعمي قالنا نعتربك زي سحر وفعلا
عشنا سوى زي الاخوان ومااحد يدري

بهالشي غيري انا وراكان وحسام

وامي وابوي هم الوحيدين من العايله اللي كانو

عارفين هالسالفه

وسحر كانت صغيرة وماتفهم

شوق تبكي بحرقه/ طول عمري حاسه انها مو امي

معاملتها لي غير عن خواتي .

.هههههه خواتي اي خوات وانا من الشارع

ليه كذا ياربي ليه انا وش سويت

ياسر/ شوق اهدي وانسي الموضوع وانا بعوضك عن كل شي

شوق/ انت زيك زيهم كلكم كذابين كلكم وطلعت تجري

**********************************

اليوم الثاني

حسام/ لسى شوق مافتحت غرفتها؟
ام راكان/اذا قرصها الجوع بتفتح
سحر/ يمه معقول الكلام اللي قلتيه؟

طيب ليه سكتي وتكلمتي الحين حرام عليك

ترى الموضوع مو بالساهل تجين وتقولين لها

انتي مو بنتنا وانك من الشارع

ام راكان/الحقيقه كان لازم تنقال م زمان بس ابوك هو السبب

ايناس/ اصلا كنت شاكه انها مو اختي ملامحها غير عننا

انس/ والله من الغيرة لانها احلى منك تقولين كذا

ايناس/ ايه اكيد بتدافع عنها بس على فكرة

ترى انا اختك مو هيه

حسام/ انا بروح اشوفها

ام راكان/خلك انا بروح لها

طلعت ام راكان لشوق ودقت عليها وفتحتلها

ام راكان/اخيرا فتحتي.. الحين

ماتقولين لي هالحركات عشان ايش؟
بدل ماتشكريننا اننا ربيناك تبين تحاسبينا ؟

شوق.............

ام راكان/اسمعي ترى مااحب الدلع
وبما انك عرفتي كل شي ترى المعامله راح تختلف شوي

شوق تطالع فيها

ام راكان/ ليه تطالعين كذا ؟انا اتكلم جد يعني اولا

من ناحيه المصروف راح ينقص كثير لان بصراحه

عيالي اولى وكفايه السنين اللي راحت وانتي راسك براسهم

شوق نزلت دموعها(هذا اللي هامك ومشاعري مالها قيمه)
وكمان الشغاله تتعب كثير وتبي احد يساعدها
ومااظن عندك مانع تساعدينها

شوق/ حاضر ماما قصدي ام راكان

ام راكان/ايوه خلك شاطرة واسمعي الكلام دايما

عشان تبقين بهالبيت واللي تبين ترجعين للشارع احسن

شوق(يارب اموت وارتاح )

ام راكان/يالله قومي كلي لك شي وشوفي وش ورا ك من اشغال وخلصيها

بعد ماطلعت ام راكان

شوق جلست تبكي على حظها وتلوم

ابو راكان ليش خذها من الاساس

*********************************
نهايه الجزء12

&&الجزء13&&
ياسر عند عمه في الشركه
ياسر/بس ياعم اللي سوته خالتي جواهر دمر البنت
ابو راكان بضيقه/ والله انا متكدر عشانها بس
خلاص اللي كنت خايف منه صار
ياسر/انت ماشفتها وهي تترجاني اقولها ان هالكلام كذب
ابو راكان .........
ياسر/ عموما انا باقي عند كلامي بخصوص الزواج .عن اذنك
ابو راكان (والله ماراح ارتاح واتطمن عليها الا معك)
***************************************
راكان رجع اخر الليل وماعنده فكرة عن التطورات اللي حصلت
راح لعند شوق فتح الباب بس ماانفتح لانه مقفل بالمفتاح
فتح محفظته وطلع مفتاح وفتح الباب ودخل

شاف شوق نايمه واثر الدموع على وعيونها


قرب منها وباسها وجلس عالارض

ومسك ايدها وحطها على وجهه

شوق شمه ريحه عطرة وفزت من مكانها

وماتت من الخوف يوم شافته

راكان/ بسم الله عليك وشفيك مرعوبه كذ

شوق/ انت كيف دخلت هنا؟

راكان/ من الباب

شوق/ بس الباب مقفول

راكان/ههههه شكل النوم ماثر عليك

شوق/ انا متأكد ه انه مقفول

راكان/ قلتلك مفتوح وانا كنت مار وقلت اشوفك لاني

من امس ماشفتك .ولاتسوين لي سالفه

شوق شده اللحاف عليها/ طيب لو سمحت ابي انام

راكان/ افااا طرده يعني ههههه ماعليه تصبحين على خير

شوق(انا متأكده اني قفلت الباب كيف دخل؟الحين عرفت معنى

تصرفاته معي لانه عارف اني مو اخته من جد حقير)

***************************************
انتشر خبر شوق والكل عرف بالموضوع
بس مااحد تغيرت معاملته معها باستثناء ام راكان وايناس

******************************

اليوم زواج هاني ورغد

رغد/ هنوده لاتخلوني بروحي

هند/ ترى اخوي ماياكل
رغد/ ادري بس

حلا/ لابس ولا شي ويالله الزفه قربت

عاليه/ وااي فديتج تهبلين

رغد/ تسلمين والله
عاليه/ شوق اشفيج مو طبيعيه اليوم؟

شوق/ لايمكن بس عشان سحر مو معاي

هند/والله مالها حق ماتجي هذا زواج ولد عمها ةلاتحضر

شوق/ مسكينه مرة حرارتها مرتفعه وماقدرت تجي

نجلاء/ يالله عجلو الزفه بدات

نزلت رغد على انغام الموسيقى وكانوا البنات حواليها

وراحت للمكان المخصص لها

وجو زميلاتها وخلاتها يسلمون عليها ويعطونها هداياهم

وبعد ربع ساعه جاء وقت دخول هاني

انطفت الانوار وركزه على المدخل اللي بيطلع منه هاني

وكان ماشالله رزه بالبشت >>>مثلي ههههههه

دخل هاني ومعه ابوها واخوانها


وصل لعند رغد وباس جبينها


هاني/مبروك


رغد/ الله يبارك فيك


هاني لبسها الشبكه


وجاء ابوها واخاونها وسلمو عليها وطلعوا


بعد ساعه هاني خذ عروسته وراحو عالفندق


*&*&*&*&*&*&*&*&*&*&*&*&*


شوق واهلها رجعو مع ياسر لن حسام رجع بدري ونام


وراكان مايدرون عنه


وصلهم ياسر وشاف سيارة راكان واقفه

وقالهم ينادونه لانه يبيه ضروري


شوق قالت لراكان ياسر يبيه ونزل له


راكان/ خير ياسر وش عندك


ياسر/ اسمع ادري الموضوع قديم بس ماضني انك نسيته


راكان..........

ياسر/ موضوع فايزة


راكان/اي فايزة؟


ياسر/ لاتسوي نفسك ناسي من فايزة


وترى انا جاي وابيك تروح تخطبها

راكان/ايــــــــــــش انت مهبول انا اتزوج هذي؟


ياسر/ ليه وشفيها فايزة ترى غصب عليك بتخطبها انا


وعدتها اني اصلح غلطة زمان والحين جاء الوقت اني اوفي بوعدي

يعني انت تغلط واخوي يصلح اغلاطك

التفت ياسر وراكان لمصدر الصوت


راكان +ياسر/ شووووق

شوق / ايه شوق يااستاذ ياسر الحين مو عيب عليك اللي قاعد تقوله

ايش ذنب راكان يصلح غلطه انت السبب فيها هاه

ياسر/ شوق انتي مو عارفه شي فخليك بعيده احسن

شوق/ لا عارفه كل شي .وشفت بعيني واظن انك فاكر

واذا كان راكان طيب وراح يقبل باللي تقوله

انا اللي راح اوقف بوجهك وراح افضحك عند ابوي

ياسر/ راكان انا رايح وانتظر ردك على كلامي

شوق/ انت احقر منك ماشفت . كيف تقبلها على ولد عمك

ياسر مسكها مع كتوفها /انتي غبيه والا ماتفهمين؟

انا طول عمري متحملك ومتحمل اهاناتك لي

بسبب غلطة اخوك اللي مالي ذنب فيها

وكل هذا عشان مااشوه صورتة قدامك

شوق/ بس انا شفتك بعيوني مااحد قال

ياسر/ والله العظيم مو انا هذا راكان واذا مو مصدقه اسأليه

واسألي فايزة

شوق تناظر براكان اللي منزل راسه

شوق/ انت عارف راكان مستحيل يكذبك

او يقول شي يزعلك عشان كذا ساكت

ياسر/ مو حبا فيني هذا لانه خايف مني لاني عارف سرة و كل بلاويه


وانت ليش ساكت ليه ماتتكلم وتقول لاختك


الحقيقه والا خجلان من نفسك


راكان/بس خلاص انت طول عمرك ذالني بهالسالفه

.انت وشعليك فيها خلها في ستين الف داهيه مااحد بيصدقها لو تكلمت

ياسر/ وتقولها بهالبساطه طيب لو كانت اختك كان رضيت لها كذا

راكان/تخسي تكون زي خواتي خواتي اشرف منها مليون مرة


ياسر/ البنت مالها ذنب انت الي لعبت عليها وسويت اللي سويته


وهالحين بتروح وتخطبها غصب عليك واذا مو

متحملها على قولتك طلقها بعد الزواج بكم شهر

راكان........

شوق/ يعني كلام ياسر صدق؟

وانا طول هالفترة كنت ظالمته ؟

راكان/شوق والله كانت غلطه او لعب عيال بس هو مكبر السالفه

شوق/ شرف البنت عندك لعب عيال؟

انا مو مصدقه اللي سمعته مو مصدقه .. وطلعت تجري لغرفتها

راكان/عاجبك كذا؟


ياسر/ لاياشيخ لايكون انا الغلطان وانا مدري

اقول ترى عندك اسبوع تقنع عمي وتخطب البنت

والا لي تصرف ثاني معك

*&*&*&*&*&*&*&*&*&*&*&*&**&*&*&*&*&*


هاني /مبروك رغوده

رغد/الله يبارك فيك

هاني/مو مصدق انك قدامي ياااااه انا الدنيا مو سايعتني من الفرحه

رغد................

هاني/ تصدقين من يوم الموقف اللي صار وانتي

شاغله فكري وقلبي

رغد/ بلييييييز لاتذكرني

هاني/ههههههه ليه

رغد/ بس كذا

هاني مسك ايدها/ ليه ايدك باردة كذا؟

رغد/ امممم مدري

هاني/تصدقين عيونك تذبح

رغد............


هاني/ طالعيني ليه نزلتي عيونك؟


رغد/ هاني

هاني/ ياروح وقلب وعيون هاني>>>>>البنت راحت فيها هههههه

رغد/ امممم انت رحت برا وشفت بنات كثير

وكمان وبنات عمك حلوات وماعليهم كلام ليه اخترتني انا بالذات؟

هاني/ معقول ماتدرين؟

رغد/ لا ماادري

>>>>>كذابه لاتصدقها بس تبيك تقول

رغد/ برهوم . على شحم

>>>>>طيب خخخخ

هاني/ لانك اخذتي قلبي وماقمت اشوف احد غيرك

رغد نزلت راسها

هاني/ اقول رغوده بنطول كذا؟

رغد/ كيف يعني؟

هاني/ يعني خليني نكمل كلامنا في مكان ثاني


رغد/لا هنا كويس

>>>>>احلفي بس ههههه

هاني/ لاخلينا نروح غرفتنا عندي كلام كثييييييييير ابي اقوله لك

رغد ............

هاني شالها وراحو غرفتهم وحطها عالسرير وجلس جمبها

>>>>كح كح ياخي لون الغرفه مو شي

هاني/ بسم الله الرحمن الرحيم انت مو وين طلعت ؟

قصدي كيف دخلت هنا؟

>>>>>عادي مع الباب

هاني/ لاياشيخ احلف بس

>>>>والله ههههه

هاني/ اقول اقضب الباب احسن لك

>>>افاااا طرده يعني

هاني/ ياخي انت مرة ذكي مدري على مين طالع

>>>>هههه يسلمو والله كلهم يقولو كذا

هاني/ اقول لايكثر وعطني مقفاك

>>>>طيب خلاص بروح لاتدف اصلا لون الغرفه مو عاجبني هههههه


*&*&*&*&*&**&*&*&*&*&**&*&*&*&*&*



شوق ماجاها نوم وطول الليل تتقلب بفراشها

(معقول طول هالفترة ظالمه ياسر؟

يعني هو ماله ذنب وكل هالبلاوي تطلع من راكان؟

مو قادره اصدق)

*&*&*&*&*&**&*&*&*&*&**&*&*&*&*&*


بعد اسبوع راكان اقنع ابوة انه يحب بنت جيرانهم فايزة


ويبيهم يخطبونها له امه رفضت لانها تبي له شذى بنت اختها

بس هو اصر على فايزة

وفعلا خطبها وسوو حفله كبيرة وحددو زواجهم بعد 6شهور


*&*&*&*&*&**&*&*&*&*&**&*&*&*&*&*


سحر/ يابعد عمري والله مااحس بالوقت وانا اكلمك



تركي /بس والله نفسي اشوفك.حرام عليك ترى انا بشر


سحر/لاتروكي والله مااقدر.اصلا مدري كيف كلمتك من الاساس


تركي/لو تحبيني زي مااحبك كان خليتيني اشوفك


ترى انا ماقلت اشوفك بشقه والا مكان مشبوة لا قلت بمكان عام


سحر/ صعب والله صعب


تركي/ خلاص براحتك انا الحين بنام


سحر/ تروكي زعلت مو؟


تركي/عادي حتى لو زعلت مو مهم


سحر/ تركي اذا انت زعلك مو مهم اجل مين اللي مهم عندي


تركي/خلاص سحورة انسي


سحر/تركي حبيبي خلاص بفكر وارد عليك بس لاتزعل


تركي/يابعد قلب وروح تركي .الحين اقدر انام وانا مرتاح


سحر/ نوم العوافي حبي


تركي/ باي ياقلبي


سحر/ باي


*&*&*&*&*&**&*&*&*&*&**&*&*&*&*&*


انس/ ياخي مدري احسهم معقدين شوي



مصعب/ انت ماجلست معهم صح عشان كذا ماعرفتهم زين


والله الجلسه معهم تخليك تحس انك مع ناس فاهمه الدين كويس


انس/ طيب وين بيكون اجتماعهم؟

مصعب/ عند الشيخ سالم

انس/ طيب بشوف اذا اقدر اجي والا لا

مصعب/ لا لازم تجي هم اكدو علي اجيبك معي

انس/ خلاص على امرك

*&*&*&*&*&**&*&*&*&*&**&*&*&*&*&*

ابو راكان بالمكت حقه وقال للشغاله تنادي شوق

شوق/ اممم ناديتني؟

ابو راكان / ايه تعالي اجلسي

شوق جلست

ابو راكان/كيفك شوق

شوق/ بخير

ابو راكان/ شوق ادري انك زعلنه وماخذة على خاطرك مني

عشان اللي صار

شوق/ خلاص الامر صار عادي بس ابي اطلبك طلب

ابو راكان وعيونه مليانه دموع/ امري ياقلبي

شوق وهي ماسكه البكيه/ ابيك تخليني اقولك يبه زي اول

ابو راكان قام وقرب منها / انا ابوك ومها صار بتضلين

بنتي شوق الدلوعه والحنونه علي

شوق حضنته وهي تبكي


*&*&*&*&*&**&*&*&*&*&**&*&*&*&*&*

نهايه البارت ال13

*&*الـــــجــــــزء 14*&*

نجلاء/فهد انت شتقول مو فاهمه شي

فهد/ انتي تعالي المستشفى وبفهمك كل شي

بندر/ خير وشفيه فهد؟

نجلاء/ مدري يقول في المستشفى وعنده مشكله ولازم اجي

بندر/ خلاص قومي البسي بوديك

نجلاء/ ومشوارك؟

بندر/ ماعليك باعتذر منهم بس اخلصي

نجلاء /دقايق بس

وراحو لفهد المستشفى

نجلاء شافت فهد وباين عليه التوتر

نجلاء/ خير فهود خوفتني وش صاير؟

فهد/ صدمت وحده بسيارتي وهي الحين بالعمليات

نجلاء/ ماتت ؟؟؟

بندر/ فال الله ولا فالك خلينا نفهم السالفه.فهد البنت صارلها شي؟

فهد/ مدري الدكتور يقول كسر برجلها اليمين

بس والله مو قصدي ..هي اللي طلعت في طريقي فجأة

بندر/ لاتخاف انشالله مافيها الا العافيه خلنا

نروح للدكتور ونتاكد منه عن حالتها

نجلاء/ اهلها يدرون؟

فهد/ وانا وش دراني عنهم

نجلاء انا جبتك عشان تدخلين عندها وتشوفينها

لاني مااقدر ادخل عليها وبالمره تسألينها

على اهلها وتدقين عليهم

نجلاء/ خلاص عيوني انت تطمن انشالله انها بخير

فهد بحزن/ انشالله

فهد هذا اخو نجلاء عمرة32 ارمل زوجته وبنته ماتوا

بحادث سيارة قبل 6سنوات

*&*&*&*&*&**&*&*&*&*&**&*&*&*&*&*

شوق جالسه بغرفتها بعد ماخلصت شغل البيت اللي الشغاله

ماقامت تسويه بناء على طلب ام راكان

نامي عالسرير وفجأة خطر على بالها شي

راحت للدولاب وطلعت علبه حمراء

>>>>تتذكرونها صح؟عفيه عليكم شاطرين

فتحت العلبه وطلعت السلسال ولبسته وراحت للمرايه

(سامحني ياسر كل هالوقت كنت ظالمتك واعاملك

ازفت معامله وانت متحملني وساكت .

بس صعب اروح اقوله انا اسفه وسامحني)


*&*&*&*&*&**&*&*&*&*&**&*&*&*&*&*

بنفس الوقت ياسر جالس بغرفته ويسمع لماجد المهندس

*كون يمك الف هنياله اليوم
الف هنياله الليله اللي نام يمك
انا احبك واحب كل حرف باسمك
انا احس يجرن سوى دمي ويا دمك
كومن يمك كون ابوسك كون احضنك
كون اشمك كون اضمك كون احط راسي
على صدرك بلكي صدري يزيل همك*
ياسر(اه ياشوق متى تحسين فيني )

قام واخذ مفتاحه ولبس وطلع

*&*&*&*&*&**&*&*&*&*&**&*&*&*&*&*

شوق خذت كتابهاوراحت للحديقه تحل واجبها لانها تحب تجلس هناك

ودق جوالها
شوق/ الوو
حلا/ هلا شواقه كيفك
شوق/ ماشي حالي انتي كيفك
حلا/ ماشي حالي هذي تقولينها لاصرتي مو تمام صح

شوق/ والله مدري ايش اقولك بس

راكان مو مريحيني وبديت اخاف منه

حلا/ ليه شو سوى

شوق/ تخيلي كنت مرة كنت نايمه ومقفله على بالمفتاح

وصحيت وهو ماسك ايدي ويبوسها

حلا/ يمه كيف دخل مو تقولين مقفله بالمفتاح؟

شوق/ هذا اللي قهرني ولما سالته قال

ان الباب مفتوح وانا النوم ماثر فيني

حلا/يمكن صادق

شوق/ اقولك متأكدة .وانا حاسه ان عنده نسخه عن مفاتيحي

وهذا مخوفني زياده

حلا/ طيب قولي لـــ

شوق/ هه اقول لمين لامه ؟ معقول بتصدق وحده من الشارع وتكذب ولدها؟

حلا/ طيب عندي حل

شوق/ وشو؟

حلا/ اممممم قولي لياسر

شوق / انهبلتي ياسر لو عرف راح يذبحه انتي ماتعرفين ياسر كثري

حلا/ يعني عارفه انه يحبك ويغير عليك؟

شوق/ ايه ادري انه يحبني ويغار علي وانا بعد بديت احبه بس

حلا / ودامك عارفه كذا ليه تعاملينه هالمعامله الزفت

شوق/ والله غصب عني يمكن كنت غبيه وماقدرت حبه لي

بس كان فيه اشياء كثيرة واقفه بيننا

والحين وش باقي واقف بيناا؟؟؟؟؟

شوق التفتت مصدومه / ياسر!!!!!!!!

ياسر قرب منها وخذ الجوال وقفل الخط

ياسر/ ايه ياسر اللي طول عمرة صورة شوق ماغابت عن باله

ياسر اللي يموت بتراب رجلين شوق
ياسر اللي يتمنى يووووت ولايشوف دمعه نازله من عيون شوق
ياسر اللـــ

قاطعته شوق
شوق/ بس ياسر كفايه

ياسر/ خليني دامني لقيت الفرصه اني اقولك اللي بقلبي

شوق/ عارفه بدون ماتقول بس

ياسر/ بس ايش؟

شوق/ ياسر انا انا ماانفعك انت وين وانا وين

ياسر/ هشششش لاعاد اسمع هالكلمه منك
شوق/ بس هذي الحقيقه

ياسر/ وهالحقيقه انا عارفها من زمان وحبي لك ماتغير ابد

شوق نزلت دموعها /سامحني ياسر انا ظلمتك كثير بس انا

ياسر / شوق ماابي اشوف دموعك .وانا عممري

مازعلت منك عشان اسامحك

شوق.................

ياسر/ ترى انا باقي انتظر ردك

شوق/ ردي على ايش ؟

ياسر/ الزواج

شوق................

ياسر/ هههه يعني اعتبر السكوت من علامات الرضى؟

شوق خلته وراحت تجري داخل

ياسر حس ان الدنيا مو سايعته من الفرحه

(معقول شوق موافقه علي ياااااااة مو مصدق نفسي)

*&*&*&*&*&**&*&*&*&*&**&*&*&*&*&*
ولد اخت ام راكان خطب سحر وامم راكان وافقت عليه

سحر رفضت بس امها غصبتها توافق والا بتفصلها من المدرسه

وسحر وافقت غصب عنها وطبعا ابو راكان مايدري عن السالفه

*&*&*&*&*&**&*&*&*&*
شوق طلبت من ياسر ياجل خطوبتهم لين تخلص

هالسنه وتنجح وهو واقف

*&*&*&*&*&**&*&*

سحر تطورت علاقتها بتركي وصارت تطلع معه عادي

وكانها تعاقب امها لانها غصبتها على ناصر ولد خالتها

*&*&*&*&*&**&*&*&*&*&**&*&*&*&*&*


ايناس/ سوسو الله يخليك راسي بينفجر اعطيني حبه الله يخليك

سارة/ ياعمري والله كان ودي بس انا ماعندي الحين

ايناس/والله بعطيك اللي تبين بس عطيني واللي يرحم والديك بموت

سارة/ والله ماعندي بس اذا مصرة بحاول اكلم سامي يجيب لك

ايناس/ليه سامي عنده منها؟

سارة/ ههههه ايه سامي هو اللي يعطيني

ايناس/اجل خلاص باي

سارة/ ههههه باي

سامي / فديتك انتي وهالمخ

ساره/ خلاص ياعم الحين لو تقولها ارمي نفسك بالنار

بترميها وهي مغمضه

سامي/ وانا ماابيها ترمي نفسها بالنار ابيها ترميها بحضني ههههههههه

سارة/ وانت والنار واحد ياقلبي ههههههههههههه

سامي/ هههههه اقول لايكثر ويالله اذلفي عندي موعد مهم

ساره /اوكي بذلف بس لاتنسى تعطيني الاخبار

*&*&*&*&*&**&*&*&*&*&**&*&*&*&*&*

بعد ماراحت سارة من عند سامي اتصلت عليه ايناس

ايناس/ الوو

سامي/ هلا بقلبي وروحي انوس كيفك؟

ايناس/ تعبااانه حيل

سامي/ افااا سلامت قلبك من التعب

ايناس/ سامي راسي بينفجر وابي من الحبوب اللي عندك

سامي/ تامرين امر كم ايناس عندي .خلاص تعالي وانا اعطيك

ايناس/طيب الحين ارسل السواق واعطه اياها

سامي/ نعم نعم سواق!!!! لاياقلبي تجين بنفسك

.قصدي عشان اتطمن عليك مو تقولين تعبانه

ايناس/طيب خلاص ربع ساعه واجي باي

سامي/ باي ياروحي هههههه


*&*&*&*&*&**&*&*&*&*&**&*&*&*&*&*


انس/ تصدق كان فيه اشياء واجد في الدين مااعرفها او فاهمها غلط

بس الله يجازي الشيخ سالم فهمنا زين

مصعب وباقي ماشفت شي

انس/ بس كيف يبغانا نحارب الكفار اللي عننا وهو ماسوو لنا شي؟


مصعب/ لو جاتهم فرصه بيسوون انت بس لاتفكر

ترحمهم وخل كلام الشيخ براسك

هذولا اعدائنا ولازم نحاربهم والا الله بيعاقبنا

جهاد/ ترى الشيخ يمدح فيك ويقول انه يشوف فيك صورة المجاهد الغيور على دينه

انس/ بارك الله فيه والله يقدرنا على نصرة الاسلام


*&*&*&*&*&**&*&*&*&*&**&*&*&*&*&*

ايناس/سامي بسرعه بموووت والله بمووت

سامي/ ياروحي بس ترى هالحبوب غاليه

ايناس/تفتح شنطتها/ خذ اللي تبي بس عطني وريحيني

سامي/ ههههههههههه لاياحبي خلي فلوسك لك

انا ابي شي ثاني

ايناس/قول اي شي انا موافقه بس خلصني راسي بينفجر

سامي قرب منها وبضحكه خبيثه/ابيك انتي فاهمه؟

ايناس//..................

سامي/شوفي انا بروح داخل بالغرفه اذا موافقه على طلبي تعالي

واذا مو موافقه روحي بيتكم ولاعاد اشوف وجهك مفهوم

ايناس من شده الالم اللي فيها من المخدر

ماقدرت تتحمل وراحت ورى سامي !!!!!


*&*&*&*&*&**&*&*&*&*&**&*&*&*&*&*
ناصر/ سحر انتي تكرهيني؟؟

سحر/ لا

ناصر/ اجل ليه تعامليني كذا؟

سحر/ كيف يعني؟

ناصر/ مدري مااحس انك تفرحين بجيتي

ولا تسولفين معي زي اي اثنين توهم مخطوبين

سحر.....................

ناصر/ سحورة والله انا احبك واصريت اني مااخذ غيرك

سحر/ بس انا

ناصر/ انتي ايش تكلمي؟؟؟

سحر/ انا انا باقي ماتعودت عليك

ناصر/ اشوى والله على بالي بتقولين شي ثاني مو مشكله اذا هذا السبب
راح تتعودين علي مع الوقت

سحر/ انشالله
ناصر/ والله ودي اسولف معك للصبح بس لازم انام وراى دوام من الصبح

سحر/ مو مشكله

ناصر/ باي حبيبتي
سحر/ باي

شوق/ سحورة شكل الولد يحبك ليش قاسيه عليه كذا؟

سحر/ مو كفايه اني مغصوبه عليه بعد تبغوني احبه ؟

شوق/بس هو وش ذنبه ان خالتي غصبتك ؟هو مايدري

سحر/ والله عاد ذنبه والا مو ذنبه انا ماابيه

شوق/ ايش؟هالحين ماتبينه؟ ليه ماقلتي كذا قبل الملكه؟

الحين الناس وش بتقول عنك؟

سحر/ طز فيهم ماهني احد

شوق/ سحورة نصيحه مني لاتخسرين ناصر

سحر........................

*&*&*&*&*&**&*&*&*&*&**&*&*&*&*&*


سامي/ خذي هذي واذا خلصت تعرفين البيت

ايناس/بس هذي شويه ماتكفي وانت قلت بتعطيني اكثر من كذا؟

سامي/ الحين مشي حالك بهذي وبعدين ربك يحلها

ايناس/طيب السواق راح وابيك توصلني

سامي/ اوكي من عنوني كم ايناس عندي

*&*&*&*&*&**&*&*&*&*&**&*&*&*&*&*

شوق بغرفتها وتسمع اغنيه مابنكسر صابر

واللي صارت ماتسمع غيرها من يوم ماعرفت انها مو بنتهم
***
ما بنكسـر صابـر .. لو فرصتي تمضــي
والحظ لـو عاثـر .. بصنــع أنــا حـظــي
لــو تنثـر أحـلامـي .. برجــــع أرتبـــها
ولو تصعب أيامـي .. بعيش وماحسبها
يامسهل الدنيا مهما تعاندنا
عادي التعـب عادي .. والهم هو ملحه
ولو ما الحزن بادي .. مانفهم الفـرحه
*******
وهي تسمع دق الباب

شوق فتحت الباب/ هلا راكان

راكان/هلا فيك افااا بتخليني واقف كذا

شوق بدون نفس/ تفضل

راكان دخل وقفل الباب وراه

شوق/ ليه قفلت الباب؟؟

راكان/ابي اسولف معك وماابي احد يزعجنا

شوق.............

راكانقرب منها / شوق انتي ليه متغيرة معي؟
مو انا راكان اللي يحبك ويدلعك ودايم تسمعين كلامه

شوق.....................

راكان/شوق اذا كان على سالفه فايزة خلاص هذا انا خطبتها وصلحت كل شي

شوق/المفروض سويت كذا بدون مااحد يجبرك

راكان/مااحد اجبرني وبعدين مو هذا موضوعنا

شوق/ اجل وشو موضوعنا؟

راكان/شوق ليه صايرة تتجنيني ؟وماصرت اشوفك زي قبل

شوق/ لان قبل غير والحين غير

راكان/بس انا مااحس ان فيه شي تغير انتي باقي شوق

حبيتي ودلوعتي,,وقرب منها يبي يحضنها

بس شوق دفته عنها/اعذرني راكان اول كنت احسبك اخوي بس الحين الوضع تغير

راكان/شوق لاتكبرين الموضوع وكلك كول

وبعدين خير ياطير ماطلعتي من هالعايله من زين هالعايله عاد

شوق/ راكان بلييييز اطلع من هنا

راكان/شوق لاتصيرين بايخه ترى والله مشتاق لك من زمان ماجلستي او سولفتي معي

شوق/ راكان اطلع والا والله لاقول لياسر

راكان عصب عليها/ياسر ياسر وشعندك مع ياسر مو هذا اللي ماكنتي تطيقينه

شوق/ كنت

راكان/والحين؟

شوق...............

راكان/طيب انا الحين بطلع وترى بعتبر اني ماسمعت منك شي

بعد ماطلع راكان شوق بدون شعور دقت على ياسر

ياسر/ هلا وغلا بالشوق كله

شوق/ هلا فيك

ياسر/ صوتك مو عاجبني فيه شي؟

شوق/ راكان

ياسر/وشفيه ؟

شوق/ بصراحه بديت اخاف منه من جد
ياسر/ سوالك شي؟؟؟

شوق/ لابس توه كان هنا وقالي كلام ماعجبني وحاول

ياسر/ حاول ايش تكلمي؟؟؟

شوق حست انه عصب/ هاه لا مافيه شي
ياسر/ شوووق تكلمي

شوق/ تكفى ماابي مشاكل بس قله يبعد عني وترى ماسوى شي بس كان يبي يحضني زي قبل وانا منعته وعصب علي

ياسر/ بالطقاق يعصب زي مايبي وماعليك منه انا بتفاهم معه اوكي

شوق/ اوكي بس الله يخليك ماابي تسوي مشاكل معه

*&*&*&*&*&*&*&*&*&*&*&*&*&*&*&*&*

نهايه الجزء 14