البارت الـ 14 ..



..

بعد يوم جميل قضته ملاك ويا أهلها .. أتصل عليها ثامر وحاولت فيه تنام عندهم اليوم لكن رفض وصرخ عليها .. هي مستغربه معاملته لها !! من رجعوا وهو منقلب وش فيه ماتدري !! كانوآ حلوين .. ركبت السياره سلمت وسكتت ولارد عليها ..
..
صارت تطالع بالشباك بصمت .. قطع سرحانها صرخه ثامر على السياره الي قدامه : وججججعه ان شاء الله يضرب بريك وانا ورااااهه .. ( طلع راسه من الشباك ويأشر بيده ) هيييييه انتتتت ماتشوفف !
ملاك : حبيبي لاتصارخ وش فيك
ثامر حط يده على فمه وصرخ : اششششش
( ملاك الصدمه باينه من عينها الي غرقت دموع .. سكتت !
ثامر لف بسرعه عنها وضغط على البوري عشان يمشي الي قدااااامه ..)
***
يوم السبت ..
يوم دوامات وقلق .. يوم طويل ومرهق .. بس توهه فبدايته كانت الساعه 10 الصباح .. فزت ملاك من نومها مرعوبه كيف راحت عليها نومه كذا .. عركت عينها بتعب طالعت بالساعه الي جمبها كم من مره تستوعب .. لفت جمبها ماحصلت ثامر
..
ملاك : اوووففف راح وخلاني يعني ماعندي دوام انااا
قامت بكسل وتوجهت للمطبخ تشرب لها مويه .. حست بنشوفه غريبه بحلقها ويألمها كل مابلعت ريقها قالت بقله حيله : انفلونزآ !!!
( شربت لها مويه ورجعت للغرفه جلست على سريرها ومسكت الجوال بتتصل على ثامر ثواني سمعت صوته داخل للبيت .. ازرار ثوبه مفتحه وشعره مبهذل وتحت عينه سواد وابتسامته على وجهه بس شافها كشر بشكل غريب .)
ملاك : ثامر وش فيك !!
ثامر يترنح بمكانه سند على الجدار : لا لاتطرين اسمي على على لسانك
ملاك قربت منه : وشفيك تحكي كذا ..
ثامر مسك راسه : انا تعبان وابي انام وخري عن وجهي
( ملاك بعدت بدون ماتحكي معاه زياده .. )
***
فبيت ابو عبدالعزيز #
ام عبدالعزيز جالسه مع نواف الي ماخذ له اجازه من الدوام .. لما تتزوج ديما ويتطمن عليها .. مايقدر يتركها بروحها .. بالاول كان خايف عليها من الي برا البيت الحين من الي بداخله .. خصوصا وليد !!!
..
نواف : مالي خاطر بالزواج يمه
ام عبدالعزيز : ليه يمه .. والله عندي لك بنيه تهبل .. تعرفها ملاك اختك .. يقالها شهد .. والله اني شفتها يمه .. تهببل
نواف ابتسم : شهد .. والله يمه مالي خاطر ..
ام عبدالعزيز : ازوجها وليد يعني !!
وليد نزل مع ذكر طاريه : وش فيه وليد
نواف : تزوجينها ذا !
ام عبدالعزيز : وش فيه اخوك .. مملوح والكل يتمناه
نواف ضحك بسخريه : والله مستعد اخذها ولاترمينها بجحيمه
وليد : ارحمنا يالجنه ..
نواف طالع فيه ووقف .. : جنه قدامك
ام عبدالعزيز : وش فيكم على بعض والله تصدعون الراس > وطلعت برا للحديقه تبعد عن ازعاجهم .. لأنها عارفتهم !
( ديما طلعت من غرفتها ووقفتها كلمه وليد ..)
وليد : لاعفيه عليك .. كمل كمل دور الاخ الصالح الي خايف على اخته .. يرحملي والديك حل مشاكلك انت بالاول وبعدين حل مشاكل غيرك .. (نزلت ديما ولف وليد عليها .. ) شرفت الانسه الشريفه ههههههههههه كملت الصفه .. آخخخخ لو بيدي اقسم بالله قطعتك تقطيييع
نواف وقف قدام ديما وأحتمت ورا ظهره : وليد احترم نفسك .. ماينشره عليك تفكير بزر سطحي تبي تثبت رجولتك عليها .. اثبت رجولتك على الي قدامك بالاول كان فيك خير
وليد : بعد عنها واوريك فيهااااا
نواف : وليييييييد اعقل ( ضرب راسه بخفيف ) فيك مخ هنا ولا مافيك .. حمار انت
( دخلت ام عبدالعزيز على محاوله وليد انه يسحب ديما من ورا نواف )
ام عبدالعزيز بصوتها الحاد : وليييييد
( وليد وقف مفزوع )
ام عبدالعزيز : وش تسسسوي !!!
وليد شال مفتاحه من على الطاوله : يمه اذا ماربيتي بنتك انا بربيها بيدي > وطلع
(ديما نزلت دمعتها على خدها .. ماامداها تنسى يذكرها لا ويبي يضربها ثاني مره مايكفي الي سواااه .. )
نواف لف عليها .. وحط عينه بعينها الي ماوقفت بكي .. خنقته عبرته رفع لها راسها بيدينه ومسح لها دموعها باصبع ايده الكبير .. : وقفي بكا
ديما : نواف تعبت .. ابي اتزوج وارتاح منه اليوم قبل بكراا ..
نواف : يخسى هالبزر يسوي لك شي وراسي يشم الهوا
ام عبدالعزيز الي واقفه قدام الباب والصدمه بعينها : وش السالفه ..!!
نواف يضيعها : ها .. ولاشي يمه بس متضارب وياها .. تعرفين وليدوه مايخلي احد بحاله .. واذا على شهد انا باخذها كان يرضيك
ام عبدالعزيز كأنها نست وابتسامتها ملت وجهها : هذي السسسساعه المبااااااركه واخيرا بفرححح فيك
نواف ابتسم : هههههه فرحتي بثنين قبلي .. ولافرحتي غير
ام عبدالعزيز بفخر : انت نواف .. ابتصل عليهم الحين قبل لاتروح البنت > وطلعت فوق
ديما حطت يدها بيده : مبروك ياخوي
نواف لف عليها : يبارك ربي بعمرك ويهنيك
(ديما ضحكت بحسره )
نواف ضم يدها وحطها على صدره : ربي يقدره ويسعدك :$
***
من جهه ملاك .. الساعه 9 المساء
طلعت من الغرفه شافته جالس بالصاله وياكل خبزه نااااشفه وبيده الثانيه تفاحه وسارح بعيد .. استغربت منه كثير وش فيه ! مو طبيعي ابداا !!!
ثامر لف عليها ورمى الي بيده بسرعه : انا انا بطلع مالي جلسه هننااا ولاتتصلي علي ماني بزر
ملاك استفهام كبير على وجهها : حبيبي وش فيك .. وش الي غير حالك ؟
ثامر وقف : مافيني شي تشوفييني مجنونن !!!
ملاك : لا ماقلت كذا بس انت تعبان ؟
ثامر صرخ وبعد عنها وعن البيت كله : ماااااااااافيني شي
..
( ركب سيارته ويحس بخنقه ورجله تقوده لمكان وحيد يحس فيه براحه عجيبه
دخل بيتها .. ويفرك يدينه ببعض .. بس يكون بقربها وبمكانها يرتاح ..)
سمع صوتها من بعيد وكلامها موجهه له : ثاااامر انت جيت ..
ثامر لف بسرعه : وانا اقدر افارقكك .. كل ماطلعت فيه شي يرجعني عندك
رنا بين نفسها ( مالك الا انا ياحبيبي انت ) ضحكت بضحكه شيطانيه : ههههههههه

( دخلت ام طلال .. الي هي مضبطه ثامر بيدها .. كل هذا عشان الفلوس مثل ماحكت لها رنا عن الخير الي من ورا ثامر وأهله .. ناس متخلفه ممكن تعمل السحر للناس بس عشان الفلوس .. تنعمي عن الضمير والحس عشان الفلوس بسس .. مسويين له سحر مخلينه خاتم بيدهم .. وصاير يموت بشي اسمه رنا ولايقدر يشوف غيرها ..صارت ماخذه تفكيره وهاجسسه .. صاير يتحلم فيها بالليل ويشهق باسمها .. كل هذا بسبه وجبه بسيطه اكلها عند أهل رنا .. بطلب من اخ رنا له .. وهو ماكان عارف أنه اخوها .. اخوها طلال .. يشتغل بشركتهم من زمان .. بس ماعمره حط بباله انه اخو رنا وطلال وافق على حكي امه .. انتقام منه .. ويبي يلعب بالفلوس ويذوق طعم العز شوي .. ولو على حساب هالخروف مثل ماسماه !! )
..
ام طلال : اخبارك ياثامر
ثامر : طيب بشوفتكم خالتي
ام طلال : أي ادري .. استريح ليه واقف ..
( ثامر ابتسم بارتباك وجلس ..
طلال دخل عليهم وكل الكره بعينه لثامر .. حاول بالايام الي راحت يتقرب منه اكثر .. عشان يحصل الي بباله ..)
طلال : شفتي يمه .. سيارتي هالخايسه الي اشتريتيها لي خربت .. وش اسوي الحين !!
ام طلال : وش خربها .. كله من مشاوريك وفرفرتك الي مالها داعي بالشوارع ليل نهار .. وتمسك بها خطوط طويله وانت مافحصت كفراتها حتى .. ماتبيها تخرب كذاا
طلال : لازم تشترين لي سياره ثانيه ماهي حاله أطر احد يجي يوصلني كل يوم
ام طلال : وانا من وين لي هاا !
ثامر : خـ خـآلتي انا اشتري لطلال سياره .. بس انتم آمروا
ام طلال : لا ياولدي تكلف على نفسك ..
طلال : لاخليه يكلف يمه .. ابغى سياره عدله ها مو أي سياره .. وانا واثق باختيارك
ثامر ابتسم ابتسامه كبيره : اكييييد احسن سياره عندك ماكو غير طلال وواحد .. اهم شي تستانس
طلال : تسلم لي يالحبيب
***
من جهه نواف #
نواف : من هالمزعج ؟ (رفع التلفون ) آلو ..
ملاك تحاول مايبين البكا بصوتها : آلو
نواف : آلو هلا ؟
ملاك : نواف .. ابي ماما
نواف بسرعه : ملاك وشفيييييك ؟؟
ملاك زاد بكيها : نواف عطني ماماااا
نواف : طيب طيب .. يممممه بسسسرعه تعالي ملاك على التلفون ..
ام عبدالعزيز نزلت بسرعه على صراخ نواف : طيب ملاك على التلفون وشفيك تصرررررخ ..!!
نواف بصوت واطي : يمه تبكي ..
ام عبدالعزيز حطت يدها على قلبها ونزلت بسرعه : يمه بنتي ..
آلوو .. ملاك يمه وش فيك
ملاك انهارت بكا من سمعت صوت امها : ماماااا
ام عبدالعزيز : عيون ماما وش فيك يمه ..
ملاك : ثامر
ام عبدالعزيز : وشفيه ..
ملاك : ماما ثامر مو طبيعي .. صاير ماينام بالبيت .. واذا دخل البيت وشافني صرخ وتغير وجهه وكشر بوجهي .. (شهقت بالبكي ) ماما انا ماسويت له شي يضايقه او يزعله مني .. طبخ واطبخ له .. غسيل واغسله .. والبيت نظيف .. وماعمره جا مرا وشافني بشكل مو مرتب .. ماما كل شي كويس ليييه يسوي كذا معاي .!! ماما وربي تعبت منه كثيررر .. مو طبيعي فييييييه شي ! ماهو ثامر وربي .. انا تعبانه ماما مو قاعد يرد علي .. حرارتي مرتفعه ومافي حاجه قعدت ببطني ..
ام عبدالعزيز ضاقت فيها الدنيا .. كل شي ولاضيقه عيالها : ماما ملاك .. تعالي عندنا بالبيت ..
ملاك : ماما اطلع بدون مااقوله .. حتى اتصالاتي ومسجاتي مايرد عليها ..
ام عبدالعزيز : اجل اخليك لوحدك .. ملاك لازم نوديك المستشفى انتي تعبانه برسل السواق يجي ياخذك ..
ملاك : بس ماما
ام عبدالعزيز : لابس ولاشي .. لاتخليني اجي معاه ياملاك .. اجهزي برسله الحين
ملاك : طيب !
ام عبدالعزيز : انتبهي لنفسك يمه .. مع السلامه
ملاك : مع السلامه ..
نواف كان جالس عند امه طول المكالمه : وش فيهااااا
ام عبدالعزيز : ياقلبي عليها تعبانه ..
نواف : كل هالبكي على تعب بس .. فيها شي ثاني يمه لاتخبين علي ..
ام عبدالعزيز : نواف قول للسواق يروح يجيبها ..
نواف : سواق وانا موجوود يمه .. لا انا بروح اجيبها ..
ام عبدالعزيز مسكت يده قبل مايروح : لاتضغط عليها عشان تحكي لك .. خلها براحتها
نواف : ان شاء الله .. مع السلامه .
ام عبدالعزيز : مع السلامه ؛
***
وصل شقتها .. ورن الجرس بعد 10 دقايق جته ..
ملاك : مين ..
نواف : انا نواف ياملاك ..
ملاك طالعت نفسها بالمرايه كان وجهها اصفر وانفها احمر من البكي وسواد تحت عينها من التعب .. فتحت له الباب : آهلن نواف ..
نواف دخل وصكر الباب : السلام عليكم ..
ملاك : وعليكم السلام ..
نواف : يلا جاهزه
ملاك راحت للمطبخ الي كان على شكل بوفيه .. اخذت الصحن والفوطه الي على الغساله وصارت تمسحه .. تبي تبعد عنه عشان مايلاحظ وجهها .. او الدموع الي بعينها .. بس وين ياملاك .. نواف حافظك : ايوه .. بمسح هذا بس ..
نواف فتح التلفزيون وجلس على الكنبه : اوك خذي راحتك ,,
ملاك زلق من يدها الصحن وطاح على الارض .. نواف فز من مكانه وقال بسرعه : جااااك شي
ملاك حطت يدها على فمها وبكت .. قام لها نواف مسكها من كتوفها : ليه تبكين .. انكسر الصحن بس .. كويس ماجاك شي
( ملاك طالعت فيه ودموعها ماليه عينها بدت تفقد توازنها وطاحت بين يدينه ..)
نواف صرخ فيها : ملااااااااااااااك
***
ب المستشفى
نواف وعبدالعزيز واقفين عند باب الغرفه .. وديما وامها جالسين على الكراسي القريبه من عندهم ..
طلع الدكتور ووقفوه ..
..
نواف : ها دكتور طمني
الدكتور : مثل ماتوقعت انهيار عصبي ..
عبدالعزيز : كيف انهيار عصبي وهي بالعمر ذا يادكتور
الدكتور : الانهيار مايعرف اعمار ياخوي .. وشكل اختكم تعرضت لضغط شديد ولد عندها هالانهيار ..
(نواف دعا بداخله الف مره على ثامر .. )
" لاتستعجل يانواف .. هذي اختك صح بس برضو هذا صاحبك وولد عمك واخوك الي ماجابته امك .. ماتدري وش الي قالب حاله كذا .. "
نواف : استغفر الله العظيم .. طيب نقدر نشوفها يادكتور ..
الدكتور : اكيد .. بس حاولوا هالايام ماتعرضوها لضغط .. واي خبر سئ ممكن يأثر بصحتها وينكسها للأسوأ
نواف : ان شاء الله (لف على عبدالعزيز ) انت قل لامي بدخل اشووفها ..
.> دخل عليها كان التعب باين على وجهها الاصفر الباهت ..ودمعتها ماوقفت
نواف يمسح على شعرها : لآياملاك .. لازم توقفين بكي كل شي الا صحتك ..
ملاك : نواف ابغى ثامر الاول .. هذا مو ثامر هذا مو حبيبي (وغطت وجهها بيدها )
نواف حزن عليها بقوه : ملاك ... وسعي صدرك طيب عشان خاطري (بعد يدينها عن وجهها وطالع فيها ) عشان خاطر اخوك ..
( ملاك حاولت تكتم شهقاتها ..)
نواف : وانا بشوفه .. اوعدك بشوفه لك وأكلمه وش تبغين اكثر
ملاك بسرعه : لآ لآ أخاف يزعل
نواف : لآماراح يزعل .. شوفي حالك انتي على فراش التعب ولاكلف خاطره سأل عنك .. وانتي تحاتين زعله .. ثامر مقصر معاك واجد .. ولازم اكلمه ؛
(طلع من غرفتها .. وقابلته امه )
ام عبدالعزيز ودمعتها بعينها : وشلونها ..؟
نواف ووجهه فاضحه : طيبه !

( ام عبدالعزيز فتحت الباب عليها .. وتبعتها ديما وعبدالعزيز معاهم ..
جلس نواف على الكرسي الي جمب الغرفه .. سند راسه يفكر بحاله ثامر .. حتى هو ملاحظ عليه التغير .. ثامر مو طبيعي ابدا ..)
طلع جواله ودور على رقمه وأتصل عليه .. ب البدايه مارد .. بعد كم محاوله من نواف رد عليه بصوت شبه نايم ..
نواف : ثامر ..
ثامر : أي ثامر اجل مين !
نواف : وينك ؟
ثامر تثاوب بكسل : ببيتي
نواف : بيتك ؟ أي بيت تقصد
ثامر : نواف وبعدين معاك .. انت وش تبي
نواف : ملاك بالمستشفى وانت نايم ببيتك ..! الله العالم نايم ببيت مين
ثامر : انا وش دخلني .!! مو هي اختك
نواف عصب : كيف وش دخخخلك .. ملاك زوجتك ياثامر انت المسؤول عنها الحينن خوش زوج والله
ثامر ببرود : اذا على هذي بكرا اطلقها ولايهمك ..
نواف : لاانت الحكي ضايع وياك .. لازم اشوفك
ثامر : تشوفني .. أممم مااقدر اشوفك .. انا منشغل هالايام
نواف : وش مشغلك ان شاء الله
ثامر : مع حبيبتي .. على طاري حبيبتي هذي هي تناديني وخر مناك (وقفل بوجهه )
نواف بعد الجوال : وش قصه اهله ذااا .!!
طلع عبدالعزيز من الغرفه .. وجا جلس جمبه .. : وش صار معاك ..
نواف يطالع قدام : كلامه مو مفهوم .. حبيبتي !! ونايم ببيتي ؟ (لف على عبدالعزيز ) شكيت انه متزوج ثانيه تصدق .؟
عبدالعزيز بسرعه : تعووووذ من ابليس ! وش هالفال والي يرحم والديك .. لاتسمعك ملاك بس تموت علينا !
نواف : اخخخ ياصبر قلبك ياملاك !
عبدالعزيز : ناوي تقولها شي
نواف : لا .. ماهي ناقصه ضغط .. وأنت سمعت الدكتور أي خبر ممكن ينكس حالتها للأسوأ ..
***
دخلت عليه رنا وجلست جمبه على السرير
رنا : حبيبي يكلم مين ؟
ثامر : نواف
رنا : ومنو نواف هذا
ثامر : اخو زوجتي
رنا : تو تو تو انا زوجتك .. انا بس
ثامر : ادري ياروحي انا بطلقها ..
رنا : لآلآ .. لاتطلقها !
ثامر : مو تقولين انتي بس زوجتي .. مايصير تكون عندي ثانيه غيرك ..
رنا : لاياحياتي .. ابيك ترسلها رساله .. تعزمها عندنا ..
ثامر : ليه !
رنا : ابغاها تشوفك معاي عشان تموت من الحرهه الوسخه
***

توقعاتكم شالجديد

يعطيك العافيه الصدمه الكبري لمي يطلق ثامر ملاك ياليت السحر ينقلب علي الساحر ويطلق رنا الساحره الوسخه حرتني ها الساحره رويني فيها ياشموعه ههههه

ههههههههههههههه ي حبني لك ..
لا بسم الله عليهم " ودي تيقي "
ماطلبتي شي ابشري هههههه


منورهه فديتكك :$

البارت الـ 15


***
بعد مرور شهر على هالأحداث ..
ثامر قطع اتصاله بملاك بشكل كلي .. وبالشباب كلهم ..
*عبدالعزيز : مره شفته بالشارع وماانتظر ثامر الاشاره تفتح وقطعها .. هرب مني .. حاولت الحقه بس ضيعته بنص الطريق .. السالفه بقت بيني وبين نواف .. ولا جبت لملاك أي طااااااااري ..
*ملاك : كنت اكابر قدامهم كلهم .. بس آخر كل ليله .. بداخل سريري .. آتجمع على نفسي وابكي بضعف .. آشتقت له !
*نواف : ماكان حالي احسن منهم .. هم ملاك الي كاسره خاطري .. ولاهم ديما الي ملكتها وزواجها اليوم .. ولاهم ولد عمي الي ماادري وين ارضه من سمااه ..!!
*ديما : آنا خايفه من الي بيصير اليوم .. ماشفته غير مره وحده .. ولاكلمني طول هالفتره .. انا قلت لنواف ماابغى بس اليوم كيف بهرب منه وانا بجلس وياه وقت طويل وبسافر معاه ! ولوحدي .. ملاك كاسره خاطري حيلل .. الله لايوفق هالثامر اكرهه !!
**
ملاك : ديما يلا
ديما كأنها صحت من تفكير عميييق : يلا ايش
ملاك ابتسمت لها وبداخلها غصه : زفتك
ديما ارتبكت : زفتي الحين ! طيب وينه هو ماصورنا مادخل مالبسني ما
ملاك قاطعتها : بيسوي كل هذا على المنصه .. ولانسيتي
ديما بسرعه : قدام كل هالناس لاآآ
ملاك : ديما وش فيك يلا عاد ..
ديما : طيب بنزف له لوحدي .!
ملاك فتحت الباب .. وطل ابو عبدالعزيز براسه : مايزف دلوعتي غيري
ديما خنقتها العبره : بابااا ( وجرت عليه وضمته )
ابو عبدالعزيز ضامها بقوه : روح بابا آنتي
ملاك غارت وبعدتها عنه : ترا بتحوسين نفسك شوفي شوفي فستانك كيف صار
ديما ضحكت والعبره بصوتها : بابا راضي عني
ابو عبدالعزيز : وكيف ماارضى عنك .. (مسك يدها ) يلا زوجك ينتظرك ..
ديما : وينه هو !
ملاك : على المنصه ؛
..
ديما مشت مع ابوها لما وقفوا قدام الباب .. آنفتح واشتغلت الاغنيه الي كانت مختارتها لها ملاك .. خذت نفس عميق ومشت .. يدها بيد ابوها .. ونظرها كان معلق عليه .. كان يبتسم لها .. حاس بنظراتها له .. بس هي مالاحظت هالشي ..
طالعت بكل هالناس الي حاضرين عشانها .. حست فرحتها ناقصه .. ناقصه حيل بدون سبب طاحت دمعتها .. نواف الي كان يمشي وراها حس برجفتها .. وسمع شهقتها .. مرر يده على ظهرها .. حست فيه ولفت .. كل الناس أنصدمت !! ليه ماتكمل مشيها لآخر الممر وتوصل للمنصه .. ليه وقفت !! ديما الي كأنت حاسه بنظرات الناس لها .. ماهمها .. طالعت بنواف الي عينه معلقه عليها .. دمعتها ماوقفت .. خنقته عبرته
نواف يمسح دمعتها : لآتبكين
ديما : نواف مااقدر
نواف نزلت دمعته : الا تقدرين .. تقدرين ( مسح دمعته بطرف كمه ومسك يدها .. أتجهه للمنصه الي كان واقف عليها عبدالله وأبوه .. وأخوان ديما وأعمامها وأبوها الي وقف معاهم .. وصلها ليده وحكا كلمه باذنه .. ديما ماسمعتها .. بس بسرعه توجهه نظره عليها وأبتسم ..
..
بعد ماجلسوا لبسها ذهبها .. وكانت تبتسم له بأرتباك .. ورجفتها ماوقفت وهو يمرر يده على يدها عشان يقفل الاسواره .. أو لما لامست يده البارده رقبتها .. لما كان يحاول يقفل السلسله بس ماعرف .. ساعدته امه ومشى حاله ..
أكلوا من الكيكه .. وصوروا مع بعض ورقصوا لها .. بعدها طلعوا .. وجت اللحظه الي تطلع فيها ديما معاه ..
بعد محاولات اقناع استمرت نص ساعه .. وتدخل من نواف الي كان ميت ضحك عليها طلعت .. وصلوهم للفندق بموكب ضخم ؛
..
دخلوا للغرفه .. وكانت ديما متعلقه بثوب نواف .. وترجته مايطلع .. جلس معاها شوي بعدها طلع بحجه يتركهم على راحتهم .. توعدته مليون مره بداخلها ..
بعدها لفت على الغرفه ماحصلت عبدالله .. سمعت صوت الحمام ارتاحت .. توجهت للدولاب وحصلت كم قطعه مرتبتها امها لها .. مسكت وحدهه منهم أعجبتها كثير .. وهي الوحيده المقبول انها تلبسها بهاللحظه .. كانت خايفه منه كثير ولولا هاللبس كان جلست بفستانها !!
كان قميص نوم وردي فآتح .. لما فوق الركبه وعليه روب أطول منه محليه .. أنتظرته عند باب الحمام لما طلع .. طالع فيها وهي حاضنه اللبس بيدينها ..
حاولت تدخل الحمام لكنه كان واقف بنص الباب .. حس انها تبيه يوخر .. ابتسم بارتباك وبعد : آسف ..
ديما قفلت الباب بسرعه : لاعادي ..
..
أنتظرها تطلع من الغرفه .. وكل شوي يلف راسه يشوف اذا طلعت من الحمام ولا لا
بعد نص ساعه طلعت .. حصلته مسند راسه على الكنب .. ومغمض عينه .. حسبته نايم .. لفت بترجع للغرفه .. بس فتح عينه بسرعه ..

عبدالله : ديما
ديما ماتدري وش تقول : هلا ..
عبدالله لف راسه عليها : ماتبغين تآكلين ..
ديما بربكه : لا .. مو جوعانه
عبدالله وقف واتجهه لها : لامايصير
ديما : لاوالله مو جوعانه ..
(عبدالله قرب منها وحس برجفتها وصدرها يطلع وينزل من الخوف)

*ديما : ماادري وش كان يبغى مني كنت بموت من الخوف ..
*عبدالله : لحظتها كل الافكار الي كنت حاطها ببالي والاستعداد لهاليوم .. واني بكون رسمي معاها طااااااااارت .. فيها جاذبيه غريبه هالبنت .. قومتني من مكاني وانا ماكان فيني حيل .. واتجهت لها .. والله لو تقولون فيه حريق شب ماقمت من قوه النوم الي كان فيني .. بس من طلعت .. ماادري وش جاني .. شعور غريب ؛
..
عبدالله مرر يده على وجهها : لازم تاكلين شوفي لونك اصفر
ديما بسرعه : عشانك واقف قدامي بس
عبدالله رفع حواجبه ببراءه : ماراح اسوي شي انا .. بس كلي بالاول
ديما : طيب باكل .. (وبعدت عنه بتوتر )
( عدت ثواني وجا أكلهم .. الي كان طالبه من المطعم تحت .. جلسوا قدامه ؛
ديما ماقدرت تاكل ابدا .. طالعت فيه وطالعت بالاكل .. بعدها رجعت طالعت فيه
عبدالله الي كان مستمتع بالعشا .. وياكل بكل رحابه صدر .. مارفع عينه
حس انه يوترها من جد .. خلص أكله وحط الشوكه على الطاوله بادب وقام ..
قصد يطول بالغرفه بيشوف وش بتسوي ..
ديما كانت جالسه بربكه على طرف الكنبه .. ومجمعه يدينها بتوتر .. وهو كان يراقبها من بعيد .. حسب انه اذا قام وتركها براحتها بتآكل .. بس خيبت ظنه وماحركت ولاشي من قدامها .. كانت تطالع التلفزيون الي قدامها بصمت .. وكانها تفكر بشي كبير ..
قطع عليها سرحانها بدخوله .. جلس جنبها )
..
عبدالله : وش فيك ..
ديما تطالع بالارض : مافيني شي ..
عبدالله رفع راسها بيده . : ليش سرحانه
ديما كانت تطالع تحت ومو قادره تحط عينها بعينه : مو سرحانه
عبدالله : ديما طالعيني
ديما حطت عينها بعينه : ........
عبدالله ابتسم : تخافين مني ؟
ديما بسرعه : لا ..
عبدالله : طيب ليش احس اني اوترك ..
ديما : لا ماتوترني بس .. أنو ماادري أنا ا
(عبدالله قرب منها بسرعه وخطف منها بوسه سريعه على خدها
ديما انصدمت منه وفزت من مكانها ويدها على مكان البوسه ..
عبدالله ضحك بداخله على شكلها .. ميل راسه لها طالع فيها بأنسجام ..
ديما قامت بسرعه بتهرب من هاللحظه بس وقفتها يد عبدالله الي مسكت يدها ..)

عبدالله : اذا يريحك .. نأجل شهر عسلنا لوقت ثاني .. لما تتعودين علي شوي ..(شدها من يدها لما ضربت بصدره وصار يحس بدقات قلبها .. وصارت عينه بعينها .. ومحوطها بيدينه قال بصوت واطي ) : لما يروح توترك .. وترتاحين لي ..
(ديما هزت راسها بايجابيه .. آرخى يده وهربت منه على الغرفه .. أبتسم للمره المليون هاليوم وتركها على راحتها .. توجهه لكنب الصاله ورمى نفسه بتعب عليه وناااااام )
***
اليوم الثاني بعد زواج ديما .. وبالتحديد بالفندق ؛
الساعه 9 الصباح
ديما صحت من النوم .. تلفتت ماحصلته بالغرفه حمدت ربها وقامت .. خذت لها لبس ودخلت للحمام .. محتاجه لحمام داااافي يريح اعصابها ويروقها ..
طلعت ولبست بجامه كامله بيضاء .. نشفت شعرها الي طال عن اول بالهوا بس ..صار حيوي ومموج وأحلى .. عطرت نفسها وطلعت برآ .. حصلته مثل وضعه امس نايم ب الكنبه على بطنه .. ماحبت تزعجه .. جلست بالكنبه الثانيه وحطت ايدها على خدها تتأمله .. بعد نص ساعه فتح عينه بتعب طالع بالكنبه وشافها تتامل فيه .. ابتسم لها ارتبكت ولفت راسها ..
..
عبدالله يعدل جلسته وازار قميصه مفتوحه كلهآ : صباح الخير
ديما مستحيه من شكله وماطالعت فيه : صباح النور
عبدالله : هههههههه فطرتي
ديما : لاتوي صاحيه ..
عبدالله وقف وصار يتمغط : يلا بغسل ونفطر .. / اطلبي الفطور الي يعجبك <
ديما : طيب ..
..
ثوآني طلع من الغرفه وحصلها على وضعها .. توجهه للطاوله الي كان عليها الفطور واخذ بآكيت الدخان الي عليه .. رمى نفسه بتعب وطلع له وحده وولعها ..
ديما كانت تتأمل فيه مصدومه .. نواف ماجاب لها طاري انه يدخن ابداااا
..
ديما ببراءه : تدخن وانت مااكلت شي
عبدالله لف راسه عليها : احبها بالصباح ..
ديما باندفاع قامت عنده وسحبتها من يده : لاتدخن
عبدالله طلع زقاره ثانيه وولعها وأول ماسحب منها .. سحبتها ديما من يده ورمتها بصحنها : لآ
عبدالله بعناد طلع الثالثه بس قبل لايولعها سحبتها بيدها وباليد الثانيه سحبت الباكيت منه وقامت : لآ يعني لآ
عبدالله بفهاوه مد يده : اعطيني الباكيت
ديما واقفه بعيد عنه بعناد : لآ
عبدالله يحك راسه وقال بترجي : ديماا
ديما : لآ تحاول ..
( عبدالله قام من محله وتوجهه لها .. هي خافت ورجعت .. لما حجر لها بزاويه وسحب الباكيت من يدها وهو يطالع بعيونها .. وهي ميته خوف من قربه منها ..)
عبدالله : تعودت ..
ديما خنقتها عبرتها بدون سبب بكت : طيب يضرك
عبدالله انصدم وهو يشوف دمعتها نزلت : طيب طيب ليه تبكين !!
ديما مسحت دمعتها بسرعه : مافي شي بس وربي مو زين لك ..
(عبدالله حس بشعور غريب .. مد لها الباكيت وحطه بيدها ..)
ديما الي ضمت الباكيت لصدرها ومو مصدقه الي سواه : لآتدخن ثاني
عبدالله مسح دمعتها : بقلل منه اوعدك ..
ديما بعدت عنه وراحت ترمي الباكيت بشنطتها عشان ماياخذه : كويس
عبدالله : نقدر نفطر الحين
ديما ابتسمت له : آي ..
عبدالله : يلا ؛
***
ع المسا
بغرفه ملاك ..
سرحانه هذا حالها من بعد ماصار لثامر .. ولاعادت تدري عنه إي شي .. سرحانه بس
تنزل دمعتها بصمت وتمسحها .. امس زاروا خالتهم ام مشعل ..

(( ملاك : خالتي مو معترضه على شي .. ب العكس
ام مشعل نزلت دمعتها : يابنتي شوفي حالك .. هلكتي ! ليه ماتاكلين يمه .. حتى نوم ماتنامين والله ان قلبي متقطع على ثامر اكثر منك .. هذا ولدي قبل مايكون زوجك .. انا انا يابنيتي ماادري وش الي قلب حاله كذاا .. ثامر مسحور انا اقوله ولدي ماهو طبيعي
ملاك بسرعه بكت : وشو مسحور ياخالتي ايش هالحكي
ام مشعل بهمس : انا قلت لمشعل يراقبه بدون لايدري عنه .. يابنيتي طول وقته ببيت مايطلع منه ابد .. ماادري بيت من ؟ وضعه يحير ..
ملاك : تعوذي من الشيطان ياخالتي .. تراك خوفتيني
ام مشعل : بس هذا الي يصير !! ))
تذكرت حكي خالتها وبكت .. قطع عليها صوت مسج جوالها .. مسكت الجوال بكسل وفتحته .. ارتجفت من الحكي الي فيه وزاد بكاها .. ثواني انفتح باب الغرفه ..
نواف بهدوء من ورا الباب : ملاك .. (وطل براسه .. / دخل بسرعه )
وش فيك تبكييييين
( ملاك قامت من مكانها وضمته بقووووووووه )
نواف يمسح على ظهرها : حبيبتي .. رجعنا للبكي
( ملاك بعدت عنه ومدت له الجوال .. قرأ المسج ورفع عينه وأستفهام كبير على وجهه)
نواف : وش يبي ذا
ملاك : ابي اشوفه نواف
نواف : قريتي الرساله زييين ( أبي اشوفك وحدك .. مشتاقلك ) تبيني اخليك تروحين لحالك بايعك انااا !
ملاك ضربته على صدره : نواف هذا زوجيي
نواف : اوكيه زوجك سابقا .. حاليا مااعترف فيه كزوج لك
ملاك شهقت بالبكي : لاتقول كذاااااا ثامر يظل زوجي لو ايش مايسوي
نواف ماقدر يملك نفسه وفلت لسانه : تدرين انه كان بيطلقك لما كنتي طايحه بالمستشفى عشان يخلص منك .. وانتي سالتيني كيفه .. واقولك طيب ويسال عنك .. كذبت عشان مصلحتك .. (عض على شفاته ودمعت عينه ) عشاني احبك وخايف عليك
ملاك : طيب انا وش اسوي الحين يانواف قولي وش اسوي
نواف : اوديك تشوفينه ..بس انا بكون معاك
ملاك : بس
نواف قاطعها : وبدون مايدري عني .. اوعدك .. مااقدر اتركك وياه لوحدك .. انا خايف عليك ياملاك .. لاتقولين هذا زوجي مو غريب .. الا غريب .. ثامر صاير غريب وانا مستحيل اتركك !
ملاك : طيب !
...
بعد عشر دقايق طلعت من الغرفه ..
ملاك : انا جاهزه ؛
نواف الي ماكان مقتنع بالسالفه ابدا : يلا
.> هدوء مو طبيعي بالسياره .. ملاك تفكر بعيون ثامر لاشافته بعد هالغيبه الطويله .. ونواف يفكر بأيش اللي يبغاه ثامر منها .. معقوله حن قلبه فجأه !
وصل للمكان ووقف السياره وصار يدور بعيونه على ثامر ..
نواف : انزلي شوفيه هناك .. وقولي وصلني وراح .. لاتقولين له اني هنا
ملاك : طيب .. > نزلت وهي تحس بخوف غريب .. قلبها يدق بسرعه رهيبه ويدها ترجف ودمعتها بطرف عينها ..
بس شافته بكت .. قرب منها وضم يدينها وحطها على صدره ..
ثامر : واحشتني كثير
ملاك : ليه ياثامر
ثامر : تعالي بوريك شي بعدين نحكي ..
( مسك يدها ومشت معاه .. دخلها ببيت جديد عليها .. وجلسها ..)
ثامر : خـ خـليك هنا .. > وراح !
( ملاك استفهام كبير على وجهها مو فاهمه أي شي ..
ثواني رجع بصينيه عليها 3 كاسات عصير )
ملاك حاولت تخلي الوضع طبيعي وابتسمت له رغم عنها : حبيبي
ثامر : لا لا لحظه مو الحين .. > ودخل ثاني مرا
..
( ملاك طلعت جوالها الي اهتز من كثر البنقات .. شافتها كلها من نواف ..
دخلته مره ثانيه ماتبي تخوفه وتبي توضح له ان الوضع طبيعي .. وكل شي كويس
دخل ثامر ومعاه وحده ..
ملاك وقفت من الصدمه وطالعت فيها ! )
رنا : تو مانور بيتي فيييك
ملاك ترجف : ثـ ثامر وش تبغى هذي .. كيف انت معاها بنفس المكان وبهالبيت عندها هناااااااا كيفففف
ثامر : هيي كانت تبيك تجين انا ابـ
رنا : لو سمحتي لاترفعين صوتك على زوجي
ملاك مو مستوعبه : زوجككك ! زوجك مين
رنا ضمت ثامر من ورا : ايوه زوجي .. (قالت بهمس ) صح ماقدرت اجيبه بالوضع الطبيعي .. بس قدرت اجيبه بطرق ثانيه
ملاك صرخت : ايششش تقولين انتي انتي حيووانه حقييييييرهه انتي أ
رنا سكتتها : هيييييييي اششش تغلطين علي ببيتي .. لاحبيبتي .. كنت ابيك تشوفيني وياه بس .. ويلا يلا برا واشوفك ثاني مره هنا احش رجولك حش .. اتوقع هالجمله مو غريبه عليك .. وخلاص ياروحي انسي ثامر .. ثامر حقي انااااا ومستحيل يرجع لك .. هو خلاص خاتم بيدي ويموت اذا بعد عني .
ملاك الي دموعها ماوقفت من شافته معها : ثامر ثامر قول شي ليش ساكت
ثامر نطق : بس رنا زينه ماتسوي لي شي .. حتى اكل تعطيني .. وانا جبت لهم خدامات وبيت وسواق .. وعادي معيشيني زين .. وبعدين انا احب رنا
(ملاك كان بيغمى عليها من الصدمه .. )
رنا : خلاص هيه يلا برا وش تطالعين ..
( ملاك فتحت الباب بأستسلام .. نزلت درجتين وطاحت بالدرجه الثالثه ..
نواف الي كان يطالع بالباب من انفتح .. فز لها باسرع ماعنده وصرخ فيها )
نواف : ملاك قوووومي قووومي ليش وش سوووااا لك قوليلييييي
( ملاك الي منهاره بكي ماقدرت توقف على رجولها .. نواف قطعه قلبه عليها وراح للباب وصار يصقع عليه يصقع ويصارخ لما فتحوااا )
الخدامه : آيوه
نواف دفها ودخل وهو يصرخ فيها .. : الي جالسه برا دخليها جوا البيت بسسسسسرعه
( الخدامه طلعت وشافت ملاك .. ونواف طلع فوق يدور على الغرفه الي فيها ثامر ..
وصار يفتح غرفه غرفه ويصرخ بأسمه .. رنا سمعت واحد يصرخ وخافت من داخل البيت خصوصا ان امها واخوها مسافرين .. وهي لحالها معاه ! )
..
فتح باب الغرفه بقوه وكانت رنا ورا الباب ضرب الباب براسها وطاحت على الارض
رنا بصراخ : من انتتتتتت
( نواف توجهه لثامر الي كان على السرير وواضح على نظراته الخوف .. وانه مو طبيعي ابدا
جلس على السرير وصار يضرب بوجهه )
نواف : ثامر انا نواف .. ثامر صحصح معاي ..
ثامر : ايش ايش الي تسويه هنا وشو ليش جاي
نواف شد ثامر من ثوبه ووقفه : قوم قوم معاي
ثامر فك يدين نواف : وخخخخخر عني
نواف شده غصب من ثوبه : بتجي معاي
رنا : اتركههه خيييير
نواف : انتي على زززززق .. ياللي ماتخافين الله .. الله ينتقم منكم انتي وامكككككك > شده ومشى فيه وهو يبغى يتحرر من يده ويرجع بس نواف ماسكه من ورا وينزل به الدرج غصب .. وصله لما باب السياره وركبه بعد معاناه .. واتصل على مشعل
نواف : الووووو تعاااااااااال بسسسسرعه
مشعل : وشوووووو نواف وش فيكككك !!
نواف يهلث : تعال شارع ............. البيت الي جنب المسجد اسسسرع
وثامر يصارخ : فكككككككككني والله ماتمسكني فكنني
مشعل خاف من سمع صوت اخوه : جااااايك
.> مسافه الطريق ووصل عنده .. ونواف طول وقته ماسك ثامر لاينزل من السياره ..نزل مشعل وقرب منهم ..
مشعل : وشفييييييه
نواف : الكلبه مسويه له شي
ثامر يصارخ : فكوني وش تبون مني فكوووووني انا ماابيكم مااحبكم رجعوني بيتي خلوووني عندهاااااا ابيهاااااا
مشعل : رنا رناااا ورا كل ذاااا والله مااخليها > توجهه للبيت ومسكه نواف
نواف : ملاك اهم منها .. تراهاا داخل
..
( مشعل توجهه للبيت وكل شياطين الدنيا بوجهه .. حصلها طايحه سب فملاك ..
ماحست الا بكف حار يرجعها على وراا .. ثواني مسك شعرها وهز راسها : انا سكت لك واجد .. اقدر باتصال واحد اطيرك انتي واهلك للمريخ .. بس مابي ماتستاهلين الواحد يتعب روحه عشانك .. انتي وش مسويه لأخوي ( هزها بقوه ) انطقي
رنا الي دمعت عينها غصب من قوه الشد : فكككككك شعري لأخليك تندم
مشعل : اندم ! بتسحروني انا بعد ؟ ليه باقي فلوس مااخذتوها .. باقي شي نفسك فيه وتبينه .. باقي ؟ قولي لي يمكن اقدر اوفره لك .؟
رناا : اسحرك واسحر اهلك كلهمم
مشعل من قوه شده بشعرها حسه طاح بأيده : وش مسوين لثامر !
ملاك صرخت : مشعل خلاص .. اسمع صراخ ثامر براااااا .. ثامر تعبان .. ( قالت بخنقه ) هو اهم وش تبغى بهذي ..
مشعل فك شعرها ومسك فكها وضغطه بقوووه : اذكرك .. بكرا انتي واخوك وامك .. في الباي باي .. حبيت اعطيك خبر يمكن تفكرين تنحاشين .. بس بنجيبك .. والله مااخليك بحالك يشهد الله اني مابخليك بحالك .. ومثل ماعذبتي اخوي بتتعذبين اكثر .. مثل ماقطعتي قلب امي وقلب ملاك وقلوبنا كلنا عليه بقطع قلبك .. > فكها ومسك ملاك ومشى .. ثواني رجع لها وصقعها كف ثاني
مشعل : هذي عن حره قلبي
..> ركبت ملاك ورا .. ومتعلقه بالباب من الخوف وتبكي وهي تشوف ثامر يصارخ وينتفض بمكانه ومشعل راكب وراه وماسكه لانه كل شوي يلف على نواف ويسحب الدريكسون من يدهه .. كم من مره بغوا يصدمون ..
وصلوا لمككان وصفه مشعل لنواف .. كان ينتظرهم صديق مشعل الي يعرف مشايخه كثير يشتغلون بفك السحر ..
فتح الباب وسحب ثامر الي ماكان قادر يشيل نفسه من النفضه الي فيه ويسحبونه على قدام وهو يتراجع على ورا .. اخر شي شاله مشعل وصديقه ودخلوه لبيت الشيخ
...
ملاك يدها على فمها وتبكي وتدعي له : وشش بيسوون فييييه
نواف : لاتخافين عليه .. هو بأمان الحين ..
..
اول مادخلوا البيت وام عبدالعزيز شافت وجيههم ..
ملاك عينها منفخه من البكي ووجهها احمر .. نواف شماغه على كتفه وشعره مبهذل وازاريره مفتحه ..
ام عبدالعزيز : وش فيييييكم
عبدالعزيز : نواف وش صاير !
نواف بصدمه واضحه بعينه : ثامر طلع مسحور !
ام عبدالعزيز : مسحوووووووور

***

توقعاتكم
بينفذ مشعل كلامه برنا ولا بس حكي عشان تخاف ؟
وش بيصير على ثامر ؟
جديد عبدالله وديما ؟

..
الأجوبه ب البارت الجاي ..

البارت الـ 16#

..
الساعه 2 المساء ..
رجع مشعل بثامر للبيت .. الصدمه بعينه وكأنه صحا من غيبوبه ومايدري وش صاير فيه للحين .. قربت امه منه وصارت تبوس راسه ويده وهي تبكي ..
ثامر بتوتر : يمه لا تبكين .!!
شيما والدمعه بعينها : الحمدللهه على سلامتك
( ثامر طالع فيها )
مشعل : يمه ثامر بخير الحين شوفيه قدامك مافيه الا العافيه
ام مشعل : وش اسوي يمه مو بيدي الله لا يوفقهم لادنيا ولا آخره
ثامر لف على مشعل : من ؟
مشعل مسك ثامر وجلسه بالصاله : انت ارتاح الحين وخل هالسالفه بعدين ..
ثامر بأنفعال : لا بتقول لي !!
مشعل : يابن الحلال خل هالسالفه علي .. انت اهم شي طلقها .. والباقي علي
ثامر صرخ : اطلق ميييين .. ملاك !!
ام مشعل بخوف : لا يمه وش ملاك !!
ثامر : اجل مين ؟
شيما : من غير هالحيوانه ؟
ثامر بصدمه : رنا ؟ انا متزوج رنا !!
مشعل : ماكنت بعقلك وقتها
ثامر قام بسرعه وتوجهه للباب : ايا بنت الكلب
مشعل صرخ بشيما : وقتك تقولين له !
ام مشعل : الحححقه يممممه لايسوي بروحه شي
مشعل ركض وراه : ثااااااااامر

***
نواف كان جالس تحت مع امه .. على نزله ملاك من الدرج جاه اتصال
نواف : الو .. هلا مشعل
مشعل يلهث : نواف الحقني والي يرحم والديك
نواف تعدل بجلسته : وش صاير ؟
مشعل : ثامر طلع قبل شوي يركض ولحقته حتى مااخذت سيارتي .. ضيعته الحين بس شكله رايح لبيت رنا
نواف قام : خير ان شاء الله .. يلا جايك " وقفل "
ام عبدالعزيز : وين يمه شوف الساعه 2
نواف مانتبه لملاك : ثامر طلع من بيتهم ومايدرون وين راح .. بدوره لا يجيب لنا مصيبه
ملاك غرقت عينها من سمعت اسمه : ثامر فيه شي !!
نواف طلع من الباب : مافيه الا العافيه للحين ..

***
راحوا لبيت رنا وحصلوه يرن الجرس ويتنفس بصعوبه : حبيبتي افتحي هذا انا
مشعل صرخ : ثاااامر
مسكته يد نواف : هشش .. خله
مشعل : شاللي خله تبغاه يدخل عندها وتسوي له مصيبه
نواف : خله وبتشوف ..
# دخل ثامر وقفل الباب وراه بسرعه ..
رنا تبكي : وش تبغى ؟
ثامر : ابيك
رنا : ولا بتخلي اخوك يجي يضربني مرا ثانيه
ثامر بسرعه : لاحشى يخسي .. يخسي الا هو يضربك .. ( مسك يدها )
رنا حبيبتي يلا عاد ..
رنا : مابي وخر ..
ثامر : حبي
رنا صدت عنه : مابي
ثامر مرر ايده على شعرها : رنوو ..
رنا : بعد عني
ثامر مسك شعرها بقوه وشده هي صرخت بصدمه : انتي طالق يازوجتي المصون .. مدري كيف كنت اعمى ووافقت .. ابوك يالسحر وش حاطه لي انتي .. والله كنت منعمي حيل ..
رنا صرخت : فكك شعرررري
ثامر : سحرك هذا بيطلع عليك ي روحي .. ي حوبي انتي ..
رنا : ثامر انا احبك لكن لاتحدني اعمل لك ثاني ..
ثامر : هههههههههههههه والله ؟ تبين فلوس ! كم تبين بس
رنا : يالحقير فك شعري ..
ثامر : الحقاره لك والله العظيم كلها لك .. حلال على قلبك
رنا : على ............
ثامر هزها : هييييي تراني مطول بالي علييك بزيادهه .. لا تحديني اتصل على الشرطه واقولهم عنك .. عاد هم يتصرفون .. وها ترا حد الساحر القتل ياحلوهه .. تدرين ولا .. ( لفها عليه واعطاها كف ) لكن انا احب اخلص اموري لوحدي .. حسابي معاك قريب .. قريب حيل

( طلع وشاف مشعل ونواف واقفين عند الباب .. ركب سياره نواف وقال : وصلني البيت
نواف شغل سيارته ومشى .. بدون لايحكي معاه ..
..
بعد مرور اسبوعين على آخر الاحداث .. كان مشعل يحاول بثامر انه يترك موضوع رنا عليه .. ويمحيها من الوجود بس كان رافض بحجه مايبغى مشاكل زيادهه .. وهي ماراح تقدر تسوي شي بعد الي صار لها ..
حاول ثامر بذي الفتره انه يكلم ملاك او يرسل لها شي بس ماقدر .. كانت مشغله باله كثير .. بس كل ماحاول انه يدور رقمها عشان يتصل عليها .. يقفل جواله ويروح ينام / لما جا ذاك اليوم >
..
دخل ثامر بيت عمه .. قاصد يروح له عشان ملاك .. رن الجرس وانتظر ..
فتح له عبدالعزيز ..
..
ثامر : السلام عليكم
عبدالعزيز ابتسم ابتسامه واسعه : وعليكم السلام والرحممه
ثامر ابتسم له : اخباركم ..
عبدالعزيز : بخير الحمدلله .. ( مسك يده ) حيااااك
ثامر : الله يحيك ..
عبدالعزيز غمز له : ارتاح بناديها لك .. ماجيت الا عشانها
ثامر : لاوالله مو
عبدالعزيز : ههههههههههههههه بناديها > طلع فوق شافها منسدحه على سريرها وتلعب مع ريان ..
عبدالعزيز : ملو ؟
ملاك فزت من مكانها : هآ ! سم
عبدالعزيز ابتسم وشدها من يدها لما جلست : قومي عدلي نفسك
ملاك : ليش ؟
عبدالعزيز كان بيقول لها بس غير رايه : بس مشتهي اطلعك ..
ملاك رجعت انسدحت : لا مالي خلق
(عبدالعزيز شدها من يدها ثانيه لما وقفت )
ملاك : آآآآآييي
عبدالعزيز فتح الدولاب : شوفي لك لبس بسرعه ..
ملاك : عزيز مو رايقه
عبدالعزيز : الا رايقه .. الى متى وانتي كذا ماطفشتي
ملاك غرقت عيونها : لا ماطفشت ..
عبدالعزيز : طيب > شال ريان وطلع وصك الباب
ملاك : عزيز هاااااته وربي مسليني
عزييييييز .. أووف > تنهدت بضيقه وزفرتها ..
( ماكملت دقايق انفتح الباب مره ثانيه ..)
ملاك مغمضه عيونها : عبدالعزيز خلاص ماابي اطلع مو غصب
ثامر : الا غصب
ملاك فتحت عينها بسرعه ولفت على مصدر الصوت : ثامر
ثامر تنهد : عيونه
ملاك خنقتها العبره وقالت بلهفه : وحشتني !
ثامر قرب منها وجلس على السرير جنبها : يشهد ربي انك اكثر ..
( ملاك تحسست يده ورفعت عينها على عيونه الي كانت الدمعه فيها ..
ثامر مرر يده على وجهها .. وفتح يده لها .. قربت وضمته بقوووه وبكت :(
ثامر يمسح على شعرها قال بهدوء : اششش .. خلاص
ملاك متعلقه بثوبه شهقت بالبكي : لاتروح عني ثاني مرا .. بعدك اموووت
ثامر بسرعه : بسم الله علييييك لاتقولين كذا
ملاك : لا بقول ..
( ثامر دمعت عينه وسكت .. بعد ثواني حكا )
ثامر : خلينا نروح بيتنا
ملاك بعدت عن حضنه ومسحت دموعها بعفويه : طيب
ثامر حس بأنها بيبي قدامه ابتسم ومسك يدها : يلا
( ملاك وقفت معاه .. قرب منها وباس خدها .. وحاول يلطف الجو )
اشر على عيونها : لاتبكين ثاني مره .. شوفي بدا يطلع لك تجاعيد
ملاك طلعت عيونها : تجااااااعييييد ( وقربت من المرايه بسرعه وصارت تطالع بوجهها تدور عليها )
ثامر ضحك : هههههههههههههههههههههههه (وقرب منها وحضنها من ورا ) حلوه بتجاعيد ولا بدون
ملاك : بس مافيني تجاعيد ..
ثامر باس راسها وغمض عينه وهو يشم ريحه عطرهاا قال بهدوء : اشتقت لك
ملاك استحت : طيب يلا نروح بيتنا
ثامر : خلينا نقعد هنا شوي
ملاك بسرعه : لآ ..
ثامر : ههههههههههه طيب يلا ..
..
عبدالعزيز ابتسم من شافها نزلت معاه : لو اني داري انك بتنزلين كآن رقيته لك ولاكلفت نفسي ورقيت لك
ملاك ابتسمت .. وثامر حوطها بيده : ممكن ترقى تجيب عبايتها بآخذها معي
عبدالعزيز تنرفز : عممي انت وياهااا ! مابقى الا هي
ثامر وملاك : هههههههههههههههههههههههههه
ملاك : اصلا عبايتي تحت
عبدالعزيز : عاد انا الي برقى لك ..
ثامر : أنا ارقى لك يابعدي انتي
ملاك : هههههههه
عبدالعزيز ضحك ولف على ريان : وامك ساحبه علينآ ياحبيبي .. آقول مو انت اخذت زوجتك .. جب لي زوجتي من بيتهم ياخي ..
ثامر : ليش وش موديهآ هناك .؟
عبدالعزيز تغير وجهه وقال بهمس : زعلانه
ثامر : ههههههههههههههههههههه والله ؟
عبدالعزيز : أي يعني فيه شي ثاني بيطلعها من البيت .. حتى ولدها مخليته هنا .. طيب يعني انا مااداوم .. ولا أغث امي فيه يوميا .. ولا جا فالليل ابلش به ..
ثامر : وش تبلش به هو ولدك .. وخالتي ماراح تقصر ..
عبدالعزيز : ياخوي ادري .. بس قطه وجهه .. صرفتها بانها تعبانه .. بس شهالتعب الي اسبوعين ..
ثامر : رهف تزعل بسرعه وترضى بسرعه اذكرها يومنا صغار .. قردنها شوي وبتمشي معاك ..
عبدالعزيز : الله يعين ..
ملاك جت : يلا .؟
ثامر : مشينا ..
ملاك سلمت على عبدالعزيز وباست ريان : سلم لي على ماما وبابا اذا رجعوآ ..
عبدالعزيز : ابشري ..
ملاك : باااي
عبدالعزيز : ان شاء الله تطلعين انتي من هنا وترجع الثانيه
ملاك : ههههههههههههه تبغاني اكلمها ؟
عبدالعزيز بسرعه : آنتبهي
ملاك : طيب :$
***
ب شقه عبدالله وديما #
الساعه 9 المساء
ديما دخلت عليه وكان يكلم بالجوال ..
عبدالله تغير صوته : خلاص بعدين .. بعدين .. يلا باي
( لف عليها ) صح النوم ؛
( ديما ابتسمت وصدت .. )
عبدالله لف على التلفزيون : ترآني مااكلت جالس انتظرك .. ممكن تعملي لي أي شي آكله ؟
( ديما طالعت فيه .. وقامت دخلت المطبخ .. سوت له سندويشتين جبنه .. وجت حطتها قدامه .. طالع في الصحن وطالع فيها .. دخلت للمطبخ ثاني مره وطلعت علبه عصير مانجو .. وجت حطته قدامه بعد مافتحته له .. ورجعت جلست بمكانها ..)
عبدالله رفع العصير : بس انا مااشرب مانجو ..
( ديما قامت من مكانها واخذته .. رجعت جلست وهي تشرب منه ..)
عبدالله ضحك : ههههههههههههههه ديما وش فيك ؟
( ديما ماردت .. )
عبدالله: الاخلاق قافله ؟
ديما : عبدالله مو رايقه ..
عبدالله : ايش الي خلاك مو رايقه ؟
ديما لفت عليه : انت !
عبدالله : افاا وش سوييييت !
ديما : يعني ماتدري
عبدالله : لاماادري !
ديما انفعلت : وحركتك اليوم الظهر لما جيت تاخذني من الجامعه وش تسسميها ؟
عبدالله مااستوعب : أي حركه .. تراني مو فاهم
ديما : طايح لي تغزل بالبنت الي جمبي .. وباقي البنات ماسلموا من نظراتك ..
عبدالله : تغارين ؟
ديما : لا
عبدالله ولع زقاره : لالا جد تغااارين
ديما : قلت لك لااا
عبدالله : طيب ليش منقهره ..
ديما : اكيد بنقهر زوجي جالس يكلم وحده ثانيه وقدامي .. حتى لو مااغار بنقهر اكيد
عبدالله سحب منها وزفرها : لا ماتنقهرين .. الا تغارين علي .. وبعدين ياديما مو احنا اتفقنا بأول يوم زواج اننا نتعامل مع بعض مثل الاصحاب .. لأنك ماتقبلتي فكره اني اكون زوج لك .. بدون أي علاقه بيننا قبل صح ولا ؟ هذا تفكيرك
وانا كنت مقدر كل ظروفك .. ولا ضغطت عليك بأي شي .. بس لاتمنعيني من شي ابيه وماحصلته عندك ..
ديما دمعت عينها وقامت : تبغى ايش وماحصلته عندي .. قولها ..
( عبدالله حس انها فهمته غلط حط زقارته .. قام من مكانه وقرب لها .. مسح على وجهها وهي بعدت يده )
ديما بكت : وخرررر عني
( عبدالله مسك يدها بقوه ونزلها )
ديما : اييييدي
عبدالله هزها : اسمعيني ..
ديما طالعت تحت : فك ايدي ألمتني
عبدالله : لما اقول الي عندي .. انا مو قصدي الشي الي جا ببالك الحين .. انا ماخذك بكل مافيك .. ومتقبلك .. وحابك ..
بس انتي مابادلتني هالشعور .. تحسسيني اني هم على قلبك .. كأني شي تبغين توصلين معاه للنهايه وتتخلصين منه ..
الشي الي مالقيته عندك .. ( قال بهمس ) حبك لي .. ليه ماتحبيني ديما .. ماقلت لك اعشقيني .. موتي بهواي .. بس تقبلي فكره اني انا وياك عايشين ببيت واحد .. مع بعض .. نآكل سوا .. ننام سوآ .. يرحملي والديك حسي فيني .. والله اني فاقد حنااااان ياديما .. وانا اتعلق .. اتعلق باي احد جديد يدخل حياتي ..
( نزل راسه وسكت شوي ) ديما .. يمكن ماقال لك نواف .. بس امي متوفيه وانا صغير والي لبستك هذي زوجه ابوي .. وابوي ماذقت منه غير السم .. تصدقين من سنين ماشفته الا بيوم زواجي .. ماساعدني بأي شي .. تزوج ورماني عند جدتي .. مربيتني .. امي .. اعشقها كنت ..
(ابتسم والدمعه بعينه ) أي كنت .. توفت الله يرحمها .. ( رفع عينه ) بس الحين عندي انتي ..
تغارين علي ادري .. مكان بداخل قلبك لي انا .. حتى لو كان صغير .. لي انا
ديما ابيك قربي .. خليك قربي انا بحاجتك .. لاتخليني احتاج غيرك وانا حاجتي عندك
..
( ديما ماوقفت بكي .. فك يدها .. ولازالت واقفه بمكانها ومنزله راسها ..
عبدالله نزل راسه مستواها وطل بوجهها .. رفعه لها ومسح دمعتها .. )
مسك يدها وباسها : آسف ألمتك ..
( ديما طالعت فيه .. شوي .. قربت منه وضمته حييل .. وزاد بكيها ..
عبدالله قوا يده عليها .. نزلت دمعته وشهق بها .. حست فيه وبعدت عنه بسرعه .. رفعت ايدها ومسحت له دمعته .. مسك يدها ونزلها )
ديما : وانا قربك ..
( عبدالله ابتسم لها وسحبها لحضنه ثاني مره .. )
ديما بعد دقايق بعدت عنه : خلاص عاد ..
عبدالله : ههههههههه خليني ماشبعت منك .. ولا بس حضن تسلكين لي
ديما استحت : لا مو كذا مآ
( عبدالله خطف منها بوسه سريعه .. ورجع للكنبه ومسك سندويشته بكل براءه )
ديما تنرفزت : خير ايش ايش هالحركه
عبدالله واكل بفمه : انبسط عليك لما تتوترين وبعدين ماسويت شي
ديما : بررررئ .. بعدين لاتتكلم وانت بفمك اكل قرف
عبدالله بلع : ههههههههههههه أي برئ .. وبعدين انتي تكلميني تبغيني اطنشك ؟
ديما : لا
عبدالله : خلاص اجل ما تتحملي القرف .. خليني اكل بسلام ؛

***
بيت ابو عبدالعزيز #
دخل نواف ورمى نفسه على الكنبه : السلام عليكم
عبدالعزيز : وعليكم السلام والرحمه ..
نواف يتمغط : راحت ملاك !
عبدالعزيز : ايي ماتشوف البيت هدوء
نواف ابتسم : ياحبي لها .. الا قولي وش اخبارك ؟
عبدالعزيز : بخير نحمدو .. كيفك انت
نواف : الحمدلله .. الا وش عندك مسنتر تحت هالايام .. هههههههههههه طاردينك من العش ؟
عبدالعزيز : وش طارديني .. هم وينهم بس
نواف : افاا منحاشه ؟
عبدالعزيز : هههههههههههههههه لا زعلانه
نواف : آآووه مب سهله بنت عمي .. وطول هالايام زعلانه
( عبدالعزيز هز راسه بأيجاب .. )
نواف : يعينك الله ياخوك .. الحمدلله اني اعزب للحين
دخلت ام عبدالعزيز على اخر كلمه : لامانت اعزب ..
نواف مسك قلبه : ورااااااه ؟
ام عبدالعزيز بابتسامه كبيره : نسيت شهد ..
نواف : لايمه تكفين
ام عبدالعزيز : تبيني أكنسل كل شي .. عيب بحقنا اعطيناهم كلمه وخطبناها امس
نواف : يمه ليش
( عبدالعزيز كان يتابع الموقف وماسك ضحكته .. )
ام عبدالعزيز : ايش الي ليش .. منو الي طق الصدر ذاك اليوم وقال ابيها .. ماهو انت
نواف يحك راسه : كنت امزح طيب
ام عبدالعزيز : خل مزحك ينفعك .. جهز نفسك هالاسبوع يمكن نروح لهم عشان تشوفها ..
نواف : لا يمه خليه الاسبوع الجاي
ابو عبدالعزيز نزل : خير البر عاجله
نواف لف راسه باعتراض .. : وش فيك تتبوسم انت بعد
عبدالعزيز : هههههههههههههههههههههههههههههههههههههههههههههه
نواف يأشر عليه : طالع الثاني
عبدالعزيز : مبروك يالعريس
نواف يسلك الموضوع ابتسم ابتسامه صفراء : يبارك فيك
عبدالعزيز : ههههههههههههههههههههههههه ماأمداك تكمل جمله اعزب الا جتك الوالده
نواف مسك راسه : يوووووهه باقي لي اسبوع
عبدالعزيز : ههههههههههههههههههههههههههه

..
انتهى البارت ..
توقعاتكم /
هل بتتحسن حياه عبدالله وديما .. ؟
ايش جديد الظروف الي بتحل على ملاك وثامر ؟
نواف .. وش بيسوي ف موضوع زواجه الي ماخش مخه ..
عبدالعزيز .. بيحاول يرجع برهف ؟ .. ولابيخليها لما يطيح الي براسها

كل الأجوبه بالبارتات الجايه ..
ترقبوا :$