***البارت السادس والخمسون***
@,,@,,,@,,,@,,,@,,@,,,@,,,@,,,@,,,@,,@
الساعه7:00 م....باسل وصل شذى لأميره وراح لبيت اهله...
شذى ضمت اميره:اخبارك
اميره:تماااام احلى احلى شذاوي الفستان عليك جنااان
شذى:احم احم من ذوقك
(كانت لابسه فستان قصير اسود ساده وفيه لمعه معطيته لون حلو وضيق من عند الصدر ويتوسع من عند الخصر وحزام فضي عريض شوي)
اميره:تفضلي
شذى جلست:هههههه والله وصرنا نعزم بعض بعد ماكنا مع بعض
اميره جلست واخذت القهوه:شفتي الدنيا وصبت لشذى:تقهوي
شذى اخذت الفنجان:اميره ماني مصدقه عطلت افتكيت
اميره:كيف الاختبارات سهله
شذى:يعني فيه سهل وفيه صعب
اميره:ونتيجتك بعد اسبوع اكيييد
شذى:ايوه وان شاء الله اجيب نسبه تدخلني طب
اميره:الى الان ناويه ع الطب
شذى:بإذن الله
اميره:وباسل
شذى:عادي عنده
اميره:اممم بسألك
شذى بضحكه:عارفه وش بتسأليني عنه ايوه صار
اميره بصرخه:صــــــــــــــــدق
شذى:وجععع قصري صوتك يجي عبدالله ويسمعك
اميره:طيب كيف باسل معك
شذى:اممم ماأدري ايش اقول احيانا يخوف واحيانا عادي واحيانا حنون
اميره:وانتي حسيتي بشعور تجاهه
شذى:اممم لا بس اذا قرب مني اموت بلحضتها من الخوف
اميره:طيب وباسل
شذى:امممم ايوه سمعت مره يقول ماأقدر اتركك
اميره تنهدت:أنا الله يعيني ابو عبدالله كابوس بحياتي
شذى:ياكرهي له هالشايب
اميره:والله يطفش ماادري وش يحس فيه
شذى:اهم شي عبدالله وابوه بكيفه
@//@//@//@//@//@//@//@//@
عبدالله بعد ماطلع الساعه 5:30 معصب طلع يتمشى وهو ضايق وشافه واحد من الشباب وقاله يجي معهم الاستراحه ويستأنس وينسى كل شي....
سعود:طيب ممكن اعرف وش مضيقك>>الشاب اللي قاله يجي عندهم بالاستراحه
عبدالله بضيق:كل شي مضيقني
سعود حط يده على كتف عبدالله:يارجال انسى كل شي ولاتضيق خلقك عيش حياتك ومد له كأس وسكي:خذ ينسيك همومك
عبدالله بتردد:لا ماكد جربته
سعود:يارجال خليه ينسيك وترتاح
عبدالله وسوس له الشيطان"صادق ليش ماأشرب وانسى كل شي مو ضارني ان شاء الله بجرب وهاذي اخر مره" وابتسم:اوكي بجرب
سعود ابتسم:اوكي يريحك وينسيك كل شي ومد له كأس
عبدالله اخذ الكأس وشرب شوي ونزله:لا ماأبي
سعود بخبث:ليييش ينسيك يارجال وضرب على كتفه بخفيف
اخذ عبدالله الكأس وشرب....
@@@@@@@@@@@@@@@@@@
الساعه 9:00م...خالد جالس بالصاله عند امه وخواته...دق جواله بنغمة عبدالله ووقف,,
ام وليد:بتروح لمكان
خالد:لا بكلم وارجع وطلع للمجلس,,
خالد رد:هلآ
عبدالله بصوت غير طبيعي:وينك
خالد باستغراب:نعم وينك انت
عبدالله:هههه وين بكون بعد برجع البيت
خالد بشك:انت وش فيك ووين مكانك
عبدالله:انا انا هو ايه عنده سعود ههههه فله
خالد بصدمه:انت شارب شي
عبدالله:ههههههههه فاتك
خالد"اللهم طولك ياروح":طيب بجي وين مكانك عندك احد
عبدالله:هههه وين ايوه بالاستراحه
خالد:طيب اي استراحه
عبدالله:ههههههههه ماأدري بجيك انا عند السوبر ماركت
خالد:اوكي بس انتبه للطريق
عبدالله:طيب
خالد سكر من عبدالله:اخخخ منك وش مسوي الله يعين وركب سيارته وراح للسوبر ماركت...
عبدالله بحاله غير طبيعيه وهو يتمايل:مشكور مع السلامه واخذ مفتاح سيارته وطلع وركب سيارته ومشى....
؛؛؛؛,,,,؛؛؛؛,,,,,؛؛؛؛,,,,؛؛؛,,,,؛؛؛؛,,,,؛؛؛؛,,,,؛؛ ؛؛,,,,؛؛؛؛,,,
الساعه 9:30 م
دلال لابسه شرت اسود وبدي احمر عاري ومنسدحه بالصاله وتتابع فلم ومندمجه معه,,,
خالد وصل عبدالله لبيت دلال مايبيه يروح البيت وهو سكران وتشوفه اميره فقال له عند دلال احسن....
عبدالله فتح الباب ودخل...
دلال قامت ولفت مستغربه من جيته:عبدالله
عبدالله بابتسامه:ايوه
دلال باستغراب من ابتسامته وبشك:جاي غريبه
عبدالله تقدم لها وهو يهبهب بكلام متقطع..
دلال عرفت وتأكدت انه سكران وابتسمت بنصر الحين تقدر تستغفله..
عبدالله قرب منها:ههههه مستأنس
دلال باست خده ومسكت يده:حبيبي تعال الغرفه
عبدالله باس خدها ومشى معها.............................................. .............
@,,,,@,,,,,@,,,,,@,,,,,@,,,,,@,,,,@,,,,@,,@
الساعه 11م.....
اميره:لا تكفين شذى اجلسي بدري
شذى:اميره فشله من الساعه 7 عندك الحين يرجع عبدالله
اميره بترجي:تكفيييين للساعه 1 طيب
شذى:اممممم اوكي بقول لباسل
اميره:ياللا الحين قولي له قبل يجي
شذى دقت على باسل....
باسل رد:هلآ
شذى:باسل
باسل:نعم
شذى:بجلس عند اميره الى الساعه1
باسل:اوكي
شذى بعد ماسكرت منه:وافق
اميره:اممم بجيب لنا عشاء
شذى وقفت:بروح معك
اميره:ياللا
اميره وشذى دخلن المطبخ...اميره تسخن العشاء...وشذى جلست ع الكرسي تنتطرها..
اميره:شذاوي
شذى:نعم
اميره:ماسألتك كلمتي اهلك
شذى:ايوه اليوم ابوي
اميره:اممم انا بقول لعبدالله بروح بعد يومين وصرخت:يوووووه زواج خالد نسيت اكيد بيقول بعده
شذى سرحت:اكيد واهلي بيجون وعمي بعد
اميره انتبهت لسرحان شذى:وانتي وش فيك
شذى بارتباك: ولا شي
اميره:شذى لايكون تفكرين فيه الرجال تزوج انسيه
شذى تصرف:ادري بس ماخلص اللي سخنتي
اميره:دقايق انتي جهزي البيبسي
شذى:طيب ترى بنأكل هنا احسن
اميره طلعت اللي سخنته:اوكي ..وحطته ع الطاوله
شذى بشهيه:اممم يجنن ريحته
اميره:احم من ذوقك
شذى صبت البيبسي:تصدقين البيبسي ادمان لازم نشربه بكل وقت
اميره مدت الصحن لشذى:تفضلي
شذى سمت بالله وبدأت تأكل...واميره بعد سمت بالله وبدأن يتعشن...
@//@//@//@//@//@//@//@//@
الساعه 1:00 ص....شذى راحت البيت واميره راحت فوق بغرفتها...
اميره بدلت لبسها وانسدحت:بنام ادري بيرجع الحين بس بنام واطنشه عشان يحس بتصرفات ابوه...واستسلمت للنوم ونامت...
الساعه 5 ص...
اميره فتحت عيونها واستغربت عبدالله ماجاء والمكان نفسه زي مانامت فيه..فزت من النوم وناظرت بالساعه وخافت ...اخذت جوالها ودقت على عبدالله بس مايرد...
اميره بعدت البطانيه عنها:بقوم اصلي وادق يمكن بالمسجد ودخلت الحمام...
@@//@@//@@//@@//@@//@@
عبدالله فتح عيونه بشوي شوي وانتبه لدلال نايمه جنبه...فز من السرير وهو مصدق واخذ جواله ولقى اربع مكالمات لأميره...ارسل لها مسج انه جاي الحيييين...وضرب يده بالجدار لين حس انها تكسرت:لا لا هذا اللي ماأبيه يصير استاهل انا استاهل وجلس وشد على شعره بقوه:استاهل اللي يصير لأني عصيت ربي بلحظة ضعف وسكرت الحين استاهل كل اللي صار الحين هذا اللي كنت ماأبيه حسبي الله عليك ياسعود اوووف وضرب يده بقوه بالكنب:بس هو ماجبرني انا اللي شربت وطلع جواله ودق على خالد...
خالد جاي من المسجد وبيدخل البيت ودق جواله...
خالد:خير عبدالله وش صاير
عبدالله:ياليت تجيب لي لبس
خالد:اوكي عشر دقايق واجي
عبدالله:بسرعه لاتأخر انتظرك ترى اللي فيني كافيني
خالد:اوكي
عبدالله سكر من خالد ووقف وهموم الدنيا كلها فوق رأسه...دخل الغرفه وكشر يوم شاف دلال جالسه بتقوم....
دلال:حبيبي
عبدالله بعصبيه:مو عشان اللي صار البارح ....
قاطعته دلال بدلع:وش فيك معصب
عبدالله بصراخ:انا كنت سكران البارح ولا ماصار شي وضرب رجله بالسرير:انتي انسانه....
قاطعته دلال بقهر:لاتذبح نفسك خلاص كل هذا عشان مشاعر اميره....
قاطعها عبدالله وهو يشد شعرها بقوه:لاتجيبين اسمها على لسانك.....وتركها لان سمع صوت الجرس...
دلال بحقد:وجع كل هذا عشان اميره اكرها هالانسانه ماأدري وش لاقي فيها....
عبدالله فتح الباب لخالد:وين الملابس
خالد"ياساتر":صباح الخير
عبدالله اخذ الملابس وبدون نفس:صباح النور
خالد باستغراب:وش صاير ع الصبح
عبدالله بعصبيه:خالد مو وقتك انا بدخل اتسبح واصلي وارجع البيت
خالد هز كتفه:طيب انا بروح تبي شي
عبدالله:لا وسكر الباب
خالد:"غريبه وش فيه اممم اكيد اللي بالي اممم طيب لو صار عادي زوجته ههههه الله يعينك ياعبدالله اكيد الرجال يوم رجع البارح سكران ماحس بنفسه ههههههههههههه الله يستر ولاتدري اميره"
،،،،//،،،،//،،،،//،،،،//،،،،//،،،،//،،،،،//،،،//
اميره ناظرت بالساعه:اوووف وينه الى الان مارجع لايكون فيه شي الله يستر بس ووقفت:والله هالايام صاير يتأخر كثير معقوله الشغل زايد او فيه شي ثاني ماأعرفه والله بديت اخاف....
عبدالله بعد ماأخذ شاور ولبس وصلى...لبس الثوب اللي جايب له خالد...
عبدالله:والله وطلعت اسمن منك ياخويلد الثوب ضيق شوي علي هههههه بروح تأخرت على امورتي قبل تجي النحسه الحين وتعكر لي مزاجي وطلع وراح لبيته......بعد ربع ساعه وصل البيت لانه كان مسرع......
اميره سمعت صوت فتح الباب وقامت وناظرت من فوق وشافت عبدالله ونزلت له تحت....
عبدالله:صباح الخير
اميره تكتفت:صباح النور بدري
عبدالله باس خدها:من عمرك راحت علي سهره مع الشباب
اميره:طيب ليش ماقلت لي خوفتني
عبدالله حط يده وراء خصرها ومشى:كنت زعلان
اميره بضحكه:والحين
عبدالله باس جبينها:اخخخ منك وانتي احد يطاوعه قلبه ويزعل منك فديتك
اميره:ههههههههههههههههه وفديتك انا بعد ورمشت بعيونها...
عبدالله مسك يد اميره وحطها على قلبه:شوفي نبضات قلبي اخخخ منك هذا بس برمشه من عيونك
اميره:.........بتروح الشركه
عبدالله دخل الغرفه:لا
اميره دخلت وراه:الحمدالله تصدق كرهت هالشركه
عبدالله فتح ازارير ثوبه:ليش
اميره:لانها طول الوقت اخذتك مني
عبدالله نزل ثوبه وطلع له لبس:والله عاد الشغل شنسوي
اميره انسدحت:بتنام
عبدالله:ايوه دقايق بس ببدل
اميره تلحفت بالبطانيه:تصبح على خير بنام
عبدالله بعد مالبس انسدح جنب اميره وحط يده على شعرها:زعلانه
اميره:لا بس بنام ماشبعت نوم
عبدالله:اهــــ يعني مو زعلانه
اميره:لا
عبدالله:وانا بنام بعد واذا قمتي بدري صحيني
اميره:ان شاء الله
@@@@@@@@@@@@@@@@@@
مرت الايام سريعه ع الكل...ومافيه جديد يذكر الا ان شذى نجحت بنسبه 98 وقدمت على كلية الطب .. واليوم زواج بطل من أبطالنا زواج خــــــــــــــــــــالــــــــــــــــد ,,,,,,,
الساعه 3:30م...في بيت ابو وليد الكل مشغول وو......الخ>>تعرفون عاد ربكة الزواجات>>
البنات عندهن الكوفيره جايباتها للبيت...والشباب بالقاعه يشوفون التجهيزات....ومشاعل بتروح المشغل بس مو الحين العصر...
خالد بعصبيه:فــــارس احسن لك رح جب ثوبي من الخياط
فارس بيلعب بأعصابه:اول مره اشوف احد زواجه الليله وثوبه بالخياط
خالد بصراخ:فــــــــارس
فارس:هههههههههه طيب بروح وانت حظرتك ليش ماتروح
خالد هدأ شوي وبغرور:لاتنســــــــى اني عريس
فارس باستهزاء:واذا بتلبس فستان وتحط حناء مثلآ
خالد:لا بس انا بنام واذا جت الساعه 6:30 بصحى والساعه 9 اجي القاعه
فارس:لا انت مرتاح واحنا نكرف
خالد انسدح ع السرير:اهم شي لاتنسى ثوبي
فارس:الحين بروح اجيبه
خالد:طف النور وسكر الباب
فارس:حط المنبه لاتنسى
خالد:لا تخاف حاط المنبه واكيد عبدالله مو ناسيني
@,,,,@@,,,,@@,,,,@@,,,,@@,,,,@@,,@
عبدالله بتهديد:شوفي والله العظيم لو احد يعرف او تبينين شي لا تكون جنازتك على يدي
دلال بطفش:خلصت
عبدالله بعصبيه:دلال
دلال:اصلآ مو رايحه
عبدالله:فكه يكون احسن
دلال:طيب انا بروح لوحده من صديقاتي
عبدالله:بكيفك ولو تروحين لأهلك احسن
اميره بنوم:شذاوي
شذى ويدها بعيونها:نعم
اميره تثاوبت:قومي
شذى جلست:طيب وناظرت بالساعه:4:00 يوووه اميره مو كأنا تأخرنا ع المشغل
اميره:الا بس عادي انا وانتي
شذى وقفت:من بيودينا
اميره:زياد
[اهل اميره واهل شذى ببيت عبدالله مع الجده والجد...وشذى عندهم بعد]
،،,,,,،،,,,،،,,,،،,,,،،,,,،،,,,،،,,,،،,,,،،,,,،،,, ,،،,,,،،,,,،،
فيصل:عامر
عامر بنرفزه:نعم
فيصل:اوووه ياخي فك التكشيره
عامر:اوووف منك فيصل من قال اني مكشر
جاء وليد يمشي:السلام عليكم
فيصل:اهلآ وليد وعليكم السلام
وليد جلس:اوووف تعبت ياربي هالشياب تعبونا بسرعه وبسرعه
فيصل بقهر:لا والزواج توه بعد المغرب والناس مايجونا الا بعد صلاة العشاء ليش العجله
وليد:وانا ادري
عامر:الحين من فيه داخل
وليد:امممم ابوي وعمي محمد وعمي عبدالرحمن وخالي نايف وخالي عبدالله وجدي والشباب
عامر:عبدالله عندهم
وليد:لا عبدالله وسلطان وخالد ماشفتهم
فيصل وقف:بنروح لهم
عامر ووليد وقفوا:ياللا
ابو وليد:شوفوا مو شوي تفشلونا استقبلوا زين
كمل ابو عبدالله:ومو كل مجموعه منعزله لا صبوا قهوه الصبابيين مايعتمد عليهم
ابو وليد:والمفروض خالد يصير عند الباب ويستقبل بس شباب الحين الله يهديهم بس
////////////////////////////////////
شذى واميره بعد ماأخذن شاور جلسن بالصاله ينتظرن زياد......دق جوال شذى وناظرت وردت:نعم
باسل:مساء الخير
شذى:اهلين
باسل:وينك
شذى:بالبيت وبعد شوي زياد بيجي يأخذنا المشغل
باسل:اممم ترى انا بأخذك للقاعه
شذى:لا بروح مع اهلي
باسل:لا قلت انا بوديك انا
شذى تبي تخلص منه:طيب
باسل:الساعه 8:30 اوكي
شذى:اممم لا بدري تسع الا
باسل:اوكي
اميره انتبهت لزياد يدخل:ساعه انت
زياد:يمه منك لاتاكليني جهزتن
اميره:من سنة جدي جاهزين
زياد:طيب ماأشوفكن لابسات فساتينكن
اميره:بعد مانخلص نرجع البيت ونلبس
زياد:لا لا ماني فاضي انا
اميره لبست عباتها:لاتخاف نروح مع اي احد
زياد:اوكي
@//@//@//@//@//@//@//@//@
ليان:ميشو خلاص عاد وقفي بكي
مشاعل مسحت دموعها:طيب
ليان:سلطان ينتظرنا بالسياره
مشاعل:اوكي بدخل الحمام شوي
ليان:ياللا بنزل وتجين
مشاعل:طيب
سلطان واقف ومعه تولين:يالله اكره انتظر الله يعيني
جت تمشي زينه[خدامة ام ماجد]:بابا سولتان
سلطان:لا من الحين سكتت بنتي وهاذي بتأخذها
زينه:نئم
سلطان:لا ولاشي نعم
زينه:ماما انت يبي بيبي صغير حق ماما ليان
سلطان:اما عاد وش هالعربي
زينه:نئم
سلطان مد تولين:انتبهي لها
زينه:حازر بابا واخذت تولين وراحت....
سلطان ينادي:ليــــــــــــان مشاعل بسرعه والا بروح
ليان نزلت:طيب طيب جايات
,,,,@,,,,@,,,,@,,,,@,,,,@,,,,@,,,,@,,,,@,,,@
الساعه 8:30 م....باسل واقف عند المشغل ينتظر شذى....
اميره:يوووه زياد مشغول يقول قولي لعبدالله
شذى لبست عباتها:لاتدقين ولاشي تعالي معي
اميره:لا صعبه عبدالله.....
قاطعتها شذى:عبدالله بيصير مشغول بعدين باسل مو ماكلك
اميره استسلمت ولبست وراحت مع شذى وراحن البيت عشان يلبسن فساتينهن ويروحن القاعه......
عبدالله عند خالد بالحلاق....
خالد يناظر بشكله:مو كأنه خفف لحيتي مره
عبدالله:لا احسن كذا بس تكفى خلصني بروح البيت بشوف اميره قبل تروح
خالد:لاحق على اميره
عبدالله طلع جواله:بدق رجعت من المشغل او لا ودق على اميره.....
اميره بقلبها"الله يستر اممم بقول رجعت مع زياد اذا قلت باسل مو معديه الليله على خير"وردت:هلآ
عبدالله:هلآ حبيبتي رجعتي من المشغل
اميره:ايوه
عبدالله:وينك الحين
اميره:رايحه البيت
عبدالله:اوكي انتظري لاتروحين القاعه انا بوديك
اميره:طيب
عبدالله:باي امورتي
اميره:باي
باسل يناظر لأميره مع المرايه بس مو واضح منها شي"يوووه اتمنى اشوفها بس كيف اذا شغلت النور بأبلش بس اوووه والله ودي اشوفها"
شذى سرحانه"ياربي زواج خالد الليله واحس عادي مو مثل قبل معقوله مشاعري تجاهه بارده وباسل صاير عادي مو زي قبل يعصبني وينرفزني اذا تكلم...."قطع عليها سرحانها صوت باسل...
شذى لفت:نعم
باسل:ماشفتك ليش
شذى:امممم مو لازم
باسل:لا عاد لاتصيرين نذله
شذى:اذا لبست الفستان ورحنا القاعه
باسل:اوكي مو تسحبين بعد
شذى:ههههههههه لا ماني ساحبه
اميره سرحانه"ياربي نوصل قبل يرجع عبدالله خايفه اذا وصل قبل وشاف باسل يعصب"
@,,@,,,@,,,@,,,@,,,@,,,@,,,@,,,@,,,@,,@
مها وخلود ووعد وريم واسماء ...خلصن ووصلن القاعه عشان الاستقبال....
مها لابسه فستان موف طويل من وراء وقصير من قدام وماسك على جسمها وعاري وفيه ورده صفراء ع الجنب ومسويه تسريحه بشعرها نازله ثلاث خصل والباقي مرفوع وفيه اكسسوار,,,
خلود لابسه فستان احمر بدون اكتاف وله ذيل وقماشه ستان وواسع من تحت الصدر وضيق من تحت وفيه وردادت صغيره بأصفر ومستشوره شعرها,,,
اسماء لابسه فستان ازرق قصير وواسع من تحت الصدر وعاري ومستشوره شعرها...
ريم لابسه فستان وردي طويل وعاري وناعم مره وضيق مع الخصر وفيه كرستال فضي ومسويه تسريحه بشعرها,,,
وعد لابسه فستان واسع ومن عند الصدر ضيق لونه تركواز ومره ناعم ومع جسمها طالع احلى لان بطنها بدأ يبرز شوي من الحمل ومسويه شعرها رول...
مها:خلود وين امي
خلود وهي تعدل فستانها:اعتقد اني معك ماأدري دوريها لين تلقينها
مها:مالت ...وراحت تدور امها
وعد جلست بتعب:والله تعبت مع اني مابذلت مجهود
ريم:هذا الحمل الله يعينك
//@//@//@//@//@//@//@//@//@
اميره وصلت البيت قبل عبدالله يوصل وارتاحت وراحت تلبس...
باسل لشذى:انتظر والا....
قاطعته شذى:لا شوي بس بلبس واجي
باسل:اوكي لاتأخرين بعدين لو لابسه ببيتك احسن
شذى:طيب فستاني هنا عند اميره ومافيه شي ياربي يأنتم
اميره لبست فستان وردي ستان حريري بدون اكمام وقصير ومزين مع الخصر بحزام مرصع بأحجار الشواروفيسكي الانيقه وتاركه شعرها مستشور وفيه فيونكه كرستال...
شذى لبست فستان اصفر مع قصة صدر سترابلس مطرز بالخرز الناعم على طول الفستان ومن تحت منسدل...وشعرها مسويه تسريحه رافعه نص الشعر والباقي مسويته رول بطريقه انيقه...
اميره:شذى جهزتي
شذى:ايوه وانتي
اميره:جاهزه بس انتظر عبدالله
شذى لفت طرحتها:طيب انا بروح باسل ينتظرني بالسياره ...وراحت لباسل...
باسل:تــــ.....وسكت لانه شاف شذى جايه تمشي...
شذى فتحت الباب:السلام عليكم
باسل:وعليكم السلام ياللا بشوفك
شذى نزلت طرحتها وفتحت عباتها وبدلع:شو رأيك فيني
باسل مسك بريك وبانبهار:لااااا لا حرام عليك ايش هالكشخه
شذى:عجبك
باسل بإنبهار:بجد بجد خياااال اصلآ انتي حلوه....
قاطعته شذى:عاد لاتبالغ
باسل بهيام:شذى ايش رأيك نطنش الزواج
شذى:لا عاد
باسل:طيب ياويلك اذا اخترب شي شوي واول ماينتهي الزواج بجي اخذك
شذى:يوووه يعني ارجع البيت
باسل:اكيييد بعدين احمدي ربك اسبوع تاركك عندهم
شذى:طيب اذا راحوا اهلي بروح معهم
باسل:اشوف عاد امممم على حسب مزاجي
@,,@,,,@,,@,,,@,,,@,,@,,,@,,,@,,,@,,,@
عبدالله بعد ماوصل خالد للبيت راح لبيته...دخل وشاف اميره جالسه بالصاله...
عبدالله شهق:اميــــــــــــره
اميره بإستغراب:فيك شي
عبدالله ركض لها وضمها وبهيام:اخخخخ بس وش رأيك نسحب ع الزواج
اميره بدلع:عبــــودي وهمست بأذنه...
عبدالله بقهر:لا لا لاتقولين
اميره:ههههههه والله اليوم
عبدالله ضرب رجله بالارض:والله مو وقتها
اميره:ههههههههههههههههههههه ياللا بس مانبي نتأخر ع الزواج
عبدالله:ياللا ,,,قريتي على نفسك
اميره:ايوه
عبدالله:امممم عندي لك مفاجأه بعد الزواج
اميره بفضول:ايش المفاجأه
عبدالله:امممم بعدين مو الحين
اميره بترجي:عاد عبدالله
عبدالله عدل شماغه:امشي ياللا تأخرنا
اميره:يووه ماني مرتاحه لين تقول
عبدالله:ههههههههههههه مفاجأه وبتعجبك بعد
اميره:عبودي عاد لاتصير نذل
عبدالله:امممم افكر اقولك بالسياره
@@@@@@@@@@@@@@@@@@
الساعه 9:15م.....مشاعل وليان وصلن القاعه ومشاعل راحت لجناح العروسين لين وقت الزفه...
مشاعل فستانها ابيض بسكري بدون اكتاف وطويل من وراء ومن قدام نافش وشعرها مسويته تسريحه مرفوع كله والطرحه نازله منه ومن قدام خصلتين...ومسكتها ورد طبيعي احمر بأبيض,,,
ليان فستان معلق على الرقبه ومزين بتطريز..ومع الاسفل منسدل مع كشاكش مائل..ونازل قماش مع الخصر من نفس نوع قماش الفستان بشكل مائل ومطرز بكرستالات صغيره دائريه..وشعرها تاركته على طوله بس مستشورته...
@//@//@//@//@//@//@//@//@
الساعه 9:30م....وصل خالد عند الرجال وسط استقبال وتبريكات الكل وسلم على المعازيم ...وتوسط بجلسته ابوه وعمه...
عبدالله:ع البركه اكشخ يارجال طالع رزه بالبشت
خالد بغرور:الله يبارك فيك فديتني من يومي رزه
عبدالله:سلمت على جدك
خالد وقف:يوووه لا وينه بروح اسلم عليه
عبدالله:لا وين تروح يارجال الانظار كلها عليك
خالد:طقاق ,,,وراح يمشي تجاه جده وباس رأسه..
الجد عادل:مبروووك ياوليدي والله يوفقك
خالد:الله يبارك فيك...وانتبه لخاله نايف وسلم عليه
نايف انعاد له موقف خالد مع شذى بعد ماشاف خالد وبرود:مبروووك
خالد تذكر خاله يوم يضربه كف ويوم يضرب شذى وبهمس:الله يبارك فيك ...ورجع لمكانه ومزاجه انقلب 180 درجه...
فيصل بعصبيه:عــــامــــر ترى طفشتني بعدين لاتحرك رجولك كذا
عامر ومو قادر يجلس دقيقه:فيصل ماني مصدق كلها اقل من ساعتين ومشاعل تصير لخالد
فيصل تأفف:ياخي ترى هاذي مليون مره تعيدها ترى قبلك ابوي وعمي مطفشيني بالشغل برتاح اوووف
عامر بنفسه"بلاك ماحسيت باللي بقلبي يافيصل احس فيني حره ودي اطلعها بأي احد قدامي ماني متخيل مشاعل لغيري"
عبدالله:يابو الشباب وش فيك سرحان ومد له فنجان قهوه
خالد اخذ الفنجان:ماأدري
عبدالله:..........
خالد:.....وشرب قهوه
عبدالله انتبه لعامر جاي لخالد وبنفسه"هذا وش فيه مكشر الله يستر بس"
عامر ووده يذبح خالد سلم عليه وشد على يده بقوه:مبروووك وتراها دره ماتنضيع
خالد تألم من مسكت عامر واستغرب من كلامه بس ماعطاه اي اهتمام:الله يبارك فيك
عامر:ات.........
قاطعه عبدالله قبل يكمل كلامه مايبي يصير شي وخاصه الليله:عامر
عامر لف لعبدالله:هلآ
عبدالله:ابوي يقول فيه بخور بسيارتي رح جبه
عامر:طيب .....وراح
عند البنات"
شذى واميره ومنال ووعد على طاوله لوحدهن ويتقهون ويسولفن...
منال:وعد الله يعينك على مها كيف صابره عليها
وعد:عادي معي ترى بس اذا شافت شذى واميره
اميره:ودي اعرف وش سويت لها هالانسانه مابلعتها ابد
شذى:بنات شوفن ليان تجنن
اميره بإعجاب:الفستان على جسمها خيال وبنتها ياقلبي تسحر
عند الرجال"
باسل جاي يمشي بغرور جهة خالد ووقف عنده ومد يده...
خالد مابغى يسلم بس استحى من الرجال ووقف..
باسل بإستهزاء:مبروووك يارجال
خالد دعس على رجل باسل بقوه وبغرور:يبارك فيك
باسل بهمس:اهم شي اخذت حبيبتك ودمرتك واتحدى الحين.......
قاطعه خالد بهمس مع انه من داخل يغلي:بتضل حبيبتي حتى لو تزوجت وافكر فيها لو كانت بحضن غيري
باسل انقهر من كلامه وبعصبيه:شذى انساها الحين شذى لي انا وبس
خالد بإستهزاء:ههههههه لك من قال شذى تحبني واخذتك عشان تنقذني والا اكذب بعد هههههههههه ياحرام حب وحده وتزوجت وتركته وحبت زوجها وتزوج وحب زوجته وهي تفكر بغيره من جد مسكين ههههههه
باسل انقهر وعصب ولولا وجود الرجال كان ذبح خالد بس وجودهم منعه ...راح وجلس وهو يغلي من القهر والعصبيه وكلام خالد يتردد بأذنه...
خالد جلس ويحس هم كبير انشال عن صدره بعد مابرد وجه باسل وقهره وابتسم ابتسامة نصر....
عبدالله جاء:وش كان يبي منك وليش تبتسم
خالد:ههههههههه ولاشي بس سمعته كلام ماينساه طول عمره
عند البنات"
مها جت للطاوله اللي فيها شذى واميره...
مها:ليش ماتقومن ترقصن
شذى:بنرقص بس بالوقت المناسب
اميره:انتي اشوفك مارقصتي مع انه زواج اخوك
مها:انا مااحب ارقص
اميره وقفت:انا بروح اسلم على ليان ,,,وراحت...
ليان عند لينا صديقتها...
اميره وصلت عندهن:السلام عليكم
ليان بإبتسامه:اهلين وعليكم السلام
لينا وقفت...
ليان:اعرفك هاذي اميره زوجة عبدالله ولأميره:وهاذي لينا صديقتي
اميره ابتسمت وسلمت عليها:تشرفنا
لينا بإبتسامه:وانا اكثر كيفك
اميره:تمام وانتي
لينا:الحمدالله بخير
اميره:استأذن الا ليان وين تولين
ليان:عند عمتي ام ماجد
اميره:ياللا باي...وراحت
لينا:ليلو اخخخخ بس من أخوك عنده هالملاك ويتزوج
ليان سدت فمها:وجع لينا قصري صوتك ماأحد يعرف غيرك
لينا:هههههههههههه وبمزح:وش رأيك اقول لها
ليان شهقت:لا بتذبحين عبدالله الليله
لينا:هههههههههههههههههه امزح بس ماشاء الله لااله الإ الله ملاك زوجته
ليان:وانتي يالدبه كيف مع خطيبك
لينا:ههههههه مرتاحه بس النحس عبدالاله دايم مخرب علينا ودايم واقف ببلعومي
ليان:متى الزواج ويانذله ليش ماعزمتيني ع الملكه
لينا:والله مانسيتك بس عائليه وبالشرقيه
ليان:قلتي لي اسمه نواف
لينا:ايوه نواف بن عبدالله ال......
ليان وقفت:بروح لميشو تعالي
لينا قامت:ياللا
عند الشباب"
سلطان:فيصل
فيصل:سلطان اذا بترسلني ماني رايح من الحين
سلطان:هههههه لا بس يادب سامي وصل الحين وقالي انه عند الباب وماأشوفه
فيصل:في اختراع اسمه جوال
سلطان انتبه لسامي يدخل وابتسم:خلاص جاء... وراح له
سامي سلم على ابو ماجد وماجد وسلم على خالد..وانتبه لسلطان:هلآ والله
سلطان بإبتسامه:مرحبا مليون ولايسدن وان زادن لابس ياهلآ والله بسويمي
سامي كشر:مية مره اقولك لاتقولي سويمي انطق اسمي بدون تصغير
سلطان:ههههههههههه ياللا تعال معي
عند البنات"
رقص وفله ووناسه....وينتظرن الزفه
اميره ومعها كوب عصير:شذى
شذى:نعم
اميره:بتروحين معي عند جدتي
شذى:ايوه عندها عجايز فله
الجده جالسه ع الارض وعندها ثلاث عجايز ام صالح وام نواف وام سعد...
اميره+شذى:السلام عليكم
العجايز رفعن روسهن:وعليكم السلام
اميره سلمت على كل وحده فيهن وباست رأسها وشذى مثلها...
الجده(ام عبدالله):هاذي اميره بنت ولدي عبدالله وهاذي بنت نايف
ام صالح:ماشاء الله تبارك الله الله يحفظهن
ام نواف:هاذي اللي اخذت عبدالله ولد المرحومه مرت محمد
الجده:ايه
ام سعد تأشر لشذى:طيب هاذي كانها ماخذت بزوجها سعود ولدي
شذى+اميره:ههههههههههههههههههههههههههه
الجده:لا الحافظ الله متزوجه
ام سعد:الله يوفقهن
الجده:الله يجزاك خير
الساعه 1:00ص....زفة مشاعل,,,
مشاعل وشوي تبكي:ليان بطني اااي
ليان:ههههههههه عادي ازمه وتعدي
مشاعل بخوف:ليان خايفه والله مو قادره امشي
ريم:مشاعل بلا هبل عاد لنا ربع ساعه نحاول فيك
مها دخلت وهي مبوزه:المتخلف هذا يقول ماني داخل عند الحريم واذا انزفت مشاعل وخلصت قولن لي
مشاعل تنهدت براحه:اشوى ع الاقل اخف من توتري شوي
ليان:ياللا ميشو سمي بالله وتعالي
عند الرجال"
وليد:وانت ليش ماأنت داخل
خالد:كذا ماله داعي حريم وزحمه
عبدالله:ههههههههههه ليش طيب عادي
وليد:والتصوير
خالد بتوتر:بعد ماله داعي
عبدالله:خويلد وجع وش فيك
خالد بإرتباك:ماأدري
وليد:ههههههههههههههههههههههههههههههه وضرب يده بيد عبدالله:الرجال خايف هههههه
خالد بعصبيه:مو وقتكم انتم اووووف
عند البنات"
نزلت مشاعل ع الدرج اللي مزين بورد احمر وابيض...وهي مرتبكه وتمشي شوي شوي على انغام موسيقي رومانسيه...وصلت للكوشه وهي تحس انها مشت كيلو مو امتار من الخوف والتوتر...وجلست ...
اميره:الله يعينها
شذى:هههههههههه واضح انك مجربه
مشاعل بإرتباك:ليان
ليان:لبيه
مشاعل:كم......وسكتت لان مها جت تركض وهي فرحانه...
مها وهي تلهث:ترى خالد بيدخل وافق
مشاعل والمسكه تحرك بيدها من كثر ماترجف:ليه طيب مو لازم
مها:مالت عليك بس هاذي فرصه ماتنضيع
عند الرجال"
خالد:واذا دخلت وش اقول
عبدالله بإستهبال:مايبي لها قل بصوت عالي سلآم يالربع هههههههههههههه
خالد صدق:واذا قلت
عبدالله:ههههههههههههههههههههههههههه ههههههههههههههه ههههههههههههههههههههه هههههههههههههههههههههههه استهبل غبي انت وش صاير لمخك
خالد:يووووه هذا ابوي وعمي
ابو وليد:ياللا تعال
خالد بهمس لعبدالله:اذا دخلت وش اقول
عبدالله:اممممم سلم على مشاعل مع جبينها وخذ كم صوره عاديه وبعدين ادخلوا وصوروا واذا خلصت خذ زوجتك ورح الفندق
ابو وليد:تحــــــــــــرك انت وش تنتظر
عند البنات"
شذى وقلبها يدق بقوه:يعني بيدخل خالد
اميره:وبعدين وش قلنا
شذى بسرحان:لا بس اسأل
مها مرت من عند شذى ووقفت وبإستهزاء:ترى الرجال مايوقف عند بنت معينه يااخت شذى والدليل خالد والحمدالله إن افتكينا منك وراحت...
اميره بقهر:حيوانه ماعليك منها
شذى بحزن:اميره انا فيني عيب اللي حتى زواج زي الخلق ماسويت ودمعت عيونها:وكل ماشافتني مها قطت كلام علي
اميره شدت على يدها تطمنها:ماعليك منها
دخل خالد يمشي برزته وهيبته وعلى يمينه ابوه ويساره عمه ووراه سلطان وفيصل وماجد...قرب من الكوشه وسلم على مشاعل مع جبينها...
خالد:مبرووووك
مشاعل بأرتباك وعيونها بالأرض:الله يبارك فيك
خالد وقف جنبها...
مشاعل وقفت بعد ماشافت ابوها وعمها وسلمت عليهم...
فيصل لسلطان:هههههه اختك شكلها بتطيح هههههه شف كيف يديها تحرك
سلطان:هههههههه حتى الرجال واضح انه مرتبك
فيصل:تسلم
سلطان تقدم:شرأيك وسلم على مشاعل:مبرووووك
مشاعل:الله يبارك فيك
فيصل:ههههههههههه ميشو هدي التوتر شوي
مشاعل:مو وقتك فيصل
سلطان لخالد:ههههههههه مبرووووك
خالد بإرتباك:الله يبارك فيك متى نروح
سلطان:هههههههههههههههههههه انتظر وش معجلك
خالد:لا بس.....وسكت لانه شاف امه وخواته جايات يسلمن عليه,,,
شذى بهمس:اميره
اميره:نعم
شذى ونظراتها على خالد:توقعين يحبها
اميره بطفش:شذى وبعدين اعتقد خلصنا من السالفه
شذى بعصبيه غصب طلعت:تشوفين عندك احد يحبك ويعزك والا انا اللي يحبني ضيعته من ايدي وعايشه مع واحد اشك انه مريض وفيه جنون ووقفت وراحت ركض للحمامات...
اميره بصدمه:شــــــــذى ووقفت:هاذي وش فيها
خالد بنفسه"الا والله هي ماغيرها شفتها وشكلها معصبه لأنه نزلت من المدرجات تركض او تبكي لو ماكنت بالمكان هذا كان رحت لها"
سلطان:يارجال وش فيك سرحان ولف للمكان اللي خالد يطالع فيه وبشك:من كنت تطالع
خالد ببرود:ماأحد
سلطان بجد:اذا تفكر......
قاطعه خالد بنرفزه:ياليت ماتدخل ولاتنسى قبل انك تحب لمى واخذت ليان ووقف:خــــلود
سلطان همس بأذنه:ياليت تترك مشاعرك على جنب ولاتظلم اختي معك وتركه وراح...
مشاعل بعد ماخذت كم صوره مع خواتها واخوانها وامها وابوها...وخالد بعد...راحوا لجناح العروسين...
خالد وتفكيره بشذى وده يعرف ليش راحت تركض لف لمشاعل:تحركي انتي وقتك تأخرين
مشاعل بطفش:منه والا من الفستان اوووف
خالد بعصبيه:لاتأففين اخر زمن بنت تجي تأمر على خالد الــــ.....
دخلت خلود ومعها المصوره...واخذت كم صوره لهم ...وبعدها طلع خالد وبقت مشاعل تودع امها وخواتها وتلبس عباتها....
خالد ركب السياره لان عبدالله بيوصله الفندق....
عبدالله:العلوم
خالد:عبدالله تكفى دق على اميره اسألها شذى وش فيها
عبدالله بعصبيه:خــــــــالــــــــد حرااام عليك البنت متزوجه وانت بعد
خالد بجد:شف اذا مادقيت والله العظيم لأطلق مشاعل الحين
عبدالله بشهقه:مجنــــــــون انت
خالد:انا قلت لك وانت بكيفك
عبدالله:دق ماني داق تفهم والا لا وفكر بعقلك
خالد نزل من السياره وعبدالله نزل وراه ركض ومسكه....
عبدالله بعصبيه:مجنــــــــوون انت وش بيقولون الناس طلق بنت عمه بليلة زواجها
خالد:خلــــــــهم يقولون اللي يقولون انا ماأبيها غصيبه مشاعل ماأحبها بس عشان ابوي تزوجتها افهمنــــــــــــــــي
انـــــــــــتهـــــــــــى........