##البارت التاسع والثلاثون##
شذى بدموع:ماأبي خالد وبكت
عزيز قام لها:شـــــــذى
شذى بصياح:ماأبي خالد ماأبيه
ابو تركي بخوف:طيب خلاص هدي نفسك
ابو زياد:وش السبب طيب
شذى بصياح وعصبيه:ماأبيه خلاص ماأبيه ومسحت دموعه:يبه الحين تدق على ابوه وتقول لهم يفسخون الخطوبه
ابو تركي:طيب بس هدي نفسك
ابو زياد:واذا فيه مشاكل فكري مو تستعجلين بفسخ الخطوبه
شذى بعصبيه:قلت تفسخونها تفسخونها الحين وناظرت لأبوها:ياللا الحين دق
ابو تركي:بس...
قاطعته شذى بدموع:يبه الله يخليك الحين الحين
ابو تركي:طيب وش السبب فشله نفسخ بدون سبب
شذى بصياح:الله يخليك يبه اذا تحبني الحين
تركي:طيب خلاص يبه دق ماتبيه مي غصيبه
ابو تركي ماهانت عليه يشوف بنته بالحاله ذي وطلع جواله ودق على ابو خالد...
شذى تبكي بصمت وتذكر السي دي ويطلع صوت شهقاتها....
عزيز ضمها:شذى خلاص هدي نفسك
شذى بشهقات:ماتوقعت خالد كذا ليش ليش وماقدرت تكمل وبكت...
ابو تركي بعد ماسكر من ابو خالد:قلت له الحين ممكن اعرف السبب
شذى وقفت وبدموع:مافيه سبب بس انا ماأبي اتزوج وراحت ركض لغرفتها...
ابو تركي:الله يعين ماأدري وش فيها
ابو زياد:وش قال ناصر
ابو تركي:يقول الزواج قسمه ونصيب مع اني ماودي اخسر نسبكم
شذى دخلت غرفتها وسكرت الباب واسندت جسمها عليه وبكت... وسمعت صوت مسج واخذت جوالها وفتحته وتناظر بالمسج وتبكي والمسج مقطع فديو لخالد وهو سكران ومعه بنت...>>تذكرون الليله اللي سكر فيها خالد وفيها بنات يوم باسل يصوره طبعا هذا المقطع>>
بعد مانتهى المقطع طاحت عند الباب وبشهقات:خالد ليش تسوي كذا حرام عليك والله احبك ليش تخدعني ليش وزادت شهقاتها وصياحها...
طق طق طق >>صوت الباب
شذى مسحت دموعها وقامت وفتحت..
عزيز دخل:طيب مو فسختي الخطوبه ليش البكي
شذى بدموع:انصدمت ماتوقعت خالد كذا ومدت جوالها لعزيز:شف ماصدقت انه كذا
عزيز شاف المقطع وانصدم وشهق:لا ماأصدق يمكن الصوره مفبركه وناظر صح:بس واضح انها مي مفبركه
شذى بصياح:ليش يسوي كذا ليش وش ناقصه عشان يروح للطريق هذا
عزيز جلس ع السرير ومازال بصدمته:الحين هو مسافر
شذى بشهقات:ايه رايح للبنات مامل من البنات اللي هنا
عزيز بقهر:احسن انك رفضتيه قبل تنخدعين
شذى مسحت دموعها:اكيد يوم اقولك عن المسج يوم يقول مدمن صدق
عزيز:اخخخ بس معقوله خالد يسوي كذا
شذى:واميره اول ماخطبني حذرتني اكيد سامعه شي او شايفته
عزيز:لايكون عبدالله مثله بعد
شذى:لاتستغرب
عزيز:الله يستر بس
شذى جلست ع السرير وبكت...
عزيز ضمها لصدره:الحين ليش البكي
شذى زادت شهقاتها...
عزيز:عارف انك تحبينه وصعبه تنسينه بس عاد هذا اللي الله كتب والحمدالله اكتشفتي حقيقته قبل تنصدمين فيه...
))))))>>><<<((((((
بعد صلاة العشاء
العمه نوف وبناتها وفارس ووليد جالسين بالصاله وينتظرون ابو وليد...
ابو وليد دخل:السلام عليكم
:وعليكم السلام
ابو وليد جلس:كلمكم خالد اليوم
وليد:ايوه بكره بيرجع
ابو وليد:الله يحييه بس وسكت..
العمه بخوف:بس ايش
ابو وليد:كلمني نايف اليوم ويقول بنته ماتبي خالد وافسخوا الخطوبه
الكل انصدم وسكت الا وليد تكلم:ليييش طيب
ابو وليد:ماأدري
العمه نوف:الله يعين الحين وش بنقول لخالد
وليد بتحذير:لا أحد يقوله الا اذا جاء البيت وبنفسه"الله يعينه نفسيته توها باديه تحسن واخر شي شذى تفسخ الخطوبه"
ابو وليد:الله يعين
مها بقهر:وشذى على كيفها يوم حدد خالد الملكه ترفض
ابو وليد:اصلآ من البدايه لو انه خاطب من بنات اعمامه احسن
العمه نوف:عاد هاذي رغبته والله يكتب اللي فيه الخيره يمكن خيره له
////@@@////@@@////
يوم جديد على أبطالنا وتحديدا بعد صلاة العصر...وعبدالله عند خالد عشان يطلعه من المستشفى...
عبدالله:الحمدالله على سلامتك
خالد بحزن:الله يسلمك
عبدالله:المره عدت على خير وماأحد عرف وتعالجت قبل يصعب العلاج بس انتبه تعيدها ترى ماكل مره تسلم الجره
خالد بعتب:تدري ياعبدالله اني مستحيل امشي بالطريق هذا بس غصب عني
عبدالله:من الحين انتبه وخذ حذرك
خالد بابتسامه:طـــــــيب بس بنروح بسرعه تراي مشتااااقه للطلعه والدوران من زمان
طلعوا وركبوا سيارة عبدالله...
خالد بارتياح:يازين الحريه كني بسجن
عبدالله مشى بالسياره:وش رأيك تروح معي البيت
خالد:لا اسمح لي وبفرح:هانت ترى بملك الخميس
عبدالله:بالسرعه هاذي
خالد بابتسامه من الأذن للأذن:ايوه يكفي صبرت بما فيه الكفايه
عبدالله بمزح:بس ع الأقل انتظر لاتهرب البنت من شكلك اللي تقول عصفور منتف
خالد:ههههه لا وانت الصادق عنز بتموت بعد
عبدالله:هههههههههههههههههههههههه مره نحفان ومتغير
خالد يناظر بالمرايه:والهالات لازم اشوف لهن حل
عبدالله:عادي يبي لك اسبوع تأكل صح وتنام صح وترجع طبيعي
خالد:اخخ بس متى يجي الخميس
عبدالله:ههههههههه نسيت كلامك لي
خالد:عاد شسوي بقلبي
عبدالله:هههههه الله يوفقك
خالد:اميييين ويوفقك انت بعد ويرزقك الذريه الصالحه
@//@//@//@//@//@
شذى من البارح ماطلعت من غرفتها ومحزنه وصلها مسج وفتحته (ترى خالد ياحلوه طلع من مستشفى الأمل مو رجع من السفر زي ماقال)مسحت المسج وبكت بصمت...
ابو تركي:وين شذى
ام تركي بحزن:بغرفتها
ابو تركي:انا بروح لها
ام تركي مسكته:لا اتركها انا بناديها
ابو تركي جلس:اوكي ناديها
ام تركي راحت لغرفة شذى وطقت الباب...
شذى مسحت دموعها وغسلت وجهها وفتحت..
ام تركي:تعالي ابوك ينتظرك بالصاله
شذى هزت رأسها:ببدل وانزل
ام تركي بحنان حطت يدها على كتفها:تعبانه
شذى ابتسمت غصب عشان ماتخوف امها:لا بس رأسي مصدع
ام تركي:ياللا لاتأخرين على ابوك
شذى:اوكي دقايق وانزل
//////@@@@@@\\\\\\\
عبدالله وصل خالد لبيتهم وراح لبيته...وبعد السلام واخذ اخبار خالد وسبب سفره واسئله الى مالها نهايه وانتهاء خالد من القهوه...استأذن بيرتاح بغرفته وراح يمشي..
ابو وليد:خـــــــالـــــــد
خالد وقف ولف لأبوه:سم
ابو وليد:نايف دق علي البارح وفسخوا الخطبه
خالد بيستوعب يمكن سمع خطأ:نعم نايف اي نايف
ابو وليد:نايف ماغيره اللي خاطب بنته
خالد بصدمه:ش شـــــــذى وبدأ صوته يضعف:فسخت الخطوبه
ابو وليد:ايوه ولاتنسى ان الحياه ماتوقف على شخص وكل شي قسمه ونصيب
خالد راح لغرفته ومو مصدق دخل الغرفه وسكر الباب وتسند عليه:اكيد عرفت اني بالمستشفى وغمض عيونه:ليش يارب يصير لي كذا ليش ونزلت دمعته:ااهــــ ياشذى ماأقدر اتركك كيف ترضين تسوين فيني كذا وجلس عند الباب وحط يده على رأسه...
@@/////@@/////@@
شذى عند ابوها والصمت سيد الموقف...
ام تركي جت ومعه صحن فطاير وعصير ونزلته عند شذى...
ابو تركي:سمي بالله وابدي بالأكل
شذى ابتسمت بحزن:وين تركي
ابو تركي:لاتنسين ان اختباراته باديه
شذى اكلت فطيره:صح واحنا الأسبوع الجاي بعد
ابو تركي:ولازم تنسين كل شي وتفكرين بأختباراتك
شذى: ان شاء الله
وبعد ربع ساعه استأذنت وراحت لغرفتها بحجه انها بتذاكر...دخلت وقفلت الباب وجلست ع السرير ودق جوالها ناظرت واستغربت من الرقم وردت..
شذى:الووو
:.........
شذى:الووو مين
اخذ نفس:السلام عليكم
شذى مشككه بالصوت:وعليكم السلام
:اخبارك شذى
شذى عرفت الصوت وبصدمه:خـــــــالــــد
:ايوه خالد
شذى قوت قلبها وباستهزاء:حياك طلعت من مستشفى الأمل
خالد بحزن:شذى ياليت تسمعيني..
شذى قاطعته بعصبيه:اسمعك وش اسمع ياحسره سواد وجهك
خالد انجرح من كلمتها وبحزن:طيب اذا مو سامعتني ليش فسختي الخطوبه
شذى بصراخ:فسختها ليش الحين اقول لك ليش وقفلت بوجهه وارسلت مقطع الفديو له..
خالد رمى جواله بعصبيه على السرير:اوووه ليش مي سامعتني وضرب يده بقوه على السرير:الله لايوفق باسل كله منه وسمع صوت مسج فتحه وانـــــــــــــــــــــصـــــــــــــــــــــدم وبعد مانتهى المقطع عاده بيتأكد صدق هو او مفبركه وتذكر الليله هذي ورمى جواله بالجدار لين تكسر:الاناني الحقير مرسل على شذى وبقهر وعصبيه ضرب يده بالجدار وكسر كل اللي يشوفه قدامه ومايسمع الا صوت تكسير من غرفته...
فارس خاف من الصوت وراح يركض يناظر يدور الصوت وسمع مصدر الصوت من غرفة خالد وراح له ووقف عند الباب وبخوف:خالد وطق الباب
خالد بصراخ:ماأبي احد ماأبي احد رح
فارس زاد بطق الباب:خالد وش فيك
خالد بعصبيه وصراخ:خلاص ماتفهم ماأبي احد ماابي احد اتركوني وضرب يده بقوه بالمرايه...
فارس خاف عليه وطلع جواله ودق على عبدالله.....
غرفة خالد كلها زجاج وحوسه جلس ع الأرض ومسك رأسه ودموعه شلال:ليش يصير لي كذا ااه يارب ارحمني
فارس فقد صوت خالد وخاف وطق الباب بقوه:خـــــــالـــــــد
خالد يسمع الصوت بس ساكت مارد ويبكي بصمت...
فارس راح لمها وبسرعه:مها وين المفاتيح
مها باستغراب:اي مفاتيح
فارس بسرعه:مفاتيح بأخذ المفتاح الثاني لغرفة خالد
مها بخوف:ليه فيه شي
فارس بعصبيه:وقتك انتي تسألين وبصراخ:تدرين وين المفاتيح
مها:مفاتيح خالد كلهن معه
فارس:اوووف ودق جواله وناظر ورد:هلا
عبدالله بسرعه:افتح الباب
فارس:طيب وراح ركض وفتح لعبدالله..
عبدالله :فيه احد قدامي
فارس:لا بسرعه قبل يسوي بنفسه شي
عبدالله راح ركض لغرفة خالد وطق الباب..
عبدالله:خالد
خالد سمع صوت عبدالله وفتح الباب وضم عبدالله:شذى تركتني ياعبدالله
عبدالله مسح على ظهره:هد نفسك الحين وتعال معي البيت ولف لفارس:قل للخدامة تنظف الغرفه
فارس هز راسه بالموافقه...
عبدالله:ياللا بنمشي
خالد مشى معه بدون مايتكلم....
@@//@@//@@//@@
ليان واميره بالصاله...وسمعن صوت الجرس...
ليان وقفت:افتحي واذا كان سلطان قولي اني مو فيه
اميره:اممم اتوقع عزيز لانه بالطريق وقايل لي بيمر
ليان:اجل بروح فوق
اميره راحت تفتح الباب وليان راحت فوق...
عزيز:اوووف ساعه عشان يفتحون
اميره فتحت الباب وصرخت:عزيز وضمته
عزيز ضمها:اخبارك
اميره:تمام حياك تفضل
عزيز:وين بعلك
اميره:هههههه طلع قبل شوي
عزيز دخل:فيه احد
اميره:لا ليان وفوق
عزيز جلس بالصاله:اخبار اموره
اميره:بخير بشوفتك
عزيز:اممم خالد جاء هنا
اميره بارتباك:هاه لا بس مارجع الا العصر من السفر
خالد بشك:السفر او المستشفى>>شذى قايله لعزيز انه بالمستشفى>>
اميره بارتباك اكثر:عاد انا ماأدري بس يقول عبدالله انه مسافر
سمعوا فتحت الباب وصوت عبدالله...
عزيز:جاء
خالد وعبدالله دخلوا المجلس...
عزيز وقف:بروح لهم
اميره:براحتك انا بروح فوق عند ليان
خالد حاط يديه على وجهه ويبكي بصمت...
عبدالله بهدوء:خالد وش السالفه
خالد مسح دموعه وبقهر:الله لايوفقه اكيد هو ماغيره
عبدالله:مييين
خالد بحزن:باسل ارسل مقطع فديو على شذى وانا سكران ونزل رأسه وبكى...
:وانت بتسكت على خيبك قبل على الأقل كشف حقيقتك
عبدالله:عـــــــزيـــــــز احترم نفسك
خالد وقف وبصدمه:عـــــــزيز
عزيز دخل وبقهر مسك كتف عزيز بعصبيه:انت تـــــــسوي كذا لييييش وبصراخ:وش ناقصك قل ليييييش ليييييييييش
عبدالله سحب عزيز:لو سمحت بعد
طــــــــــــــرااااااااااااااااااااااخ كف لخالد من عزيز وبعصبيه:ماتـــــــستاهل حب شذى لك
عبدالله بصراخ:عبدالعـــــــزيـــــــز
خالد حط يده على خده وبعد كلام عزيز ان شذى تحبه نزلت دموعه....
عزيز باستهزاء:لا تبكي ت.....
قاطعه عبدالله بعصبيه:عزيز
عزيز بعصبيه:تدافع عنه اكيد انك مثله
طرااااااااااااخ كف من عبدالله لعزيز
عزيز حط يده على خده مصدوم...وخالد شهق:عبدالله
عبدالله بعصبيه لخالد:اول شي خالد تعالج وثاني شي كل اللي صار له من باسل
عزيز:..........
خالد باس رأس عزيز:سامحني والله غصب عني كل شي من باسل
عزيز ضم خالد:انت اللي سامحني ولاتزعل
خالد ابتسم:انا ازعل منك مستحيل
عزيز:هههههههه وضرب كتف خالد بخفيف
ولف لعبدالله:وانت بعد تعال ومد يديه له
عبدالله ضمه:انا اسف بس غصب الا وخالد عاد
عزيز:هههههههههه بس صراحه اوجعني
عبدالله ضمه:تراك غالي ولو قسيت عليك لاتزعل
خالد:عاد خلاص خلصوني تراي ميت جوع
عزيز:والعشاء على حسابي بس اختاروا مطعم
@@//@@//@@//@@//@@
ليان منسدحه بسريرها واميره جالسه جنبها..
ليان:شكلهم راحوا مافيه اصوات
اميره:اكيد
ليان جلست:وش رأيك ....وقطع عليهن صوت جوال اميره
اميره:شذى وردت:اهـــــــليييييين
شذى:السلام عليكم
اميره:وعليكم السلام
شذى بحزن:اخبارك
اميره باستغراب من صوتها:تمام اخبارك انتي
شذى ماقدرت تمسك نفسها وبكت...
اميره بخوف:شذى وش فيك
زادت شهقات شذى...
اميره انهبلت وبرعب:احد فيه شي وش فيك
شذى:........
اميره:شذى وش فيك وش صاير
شذى بصياح:خالد
اميره ارتاحت:وعلى بالي فيه شي خوفتيني
شذى:نذل ياأميره نذل ماتوقعته كذا
اميره:..........
شذى:الو اميره
اميره:معك
شذى:فسخت الخطوبه
اميره استأنست:صدق احسن لك
شذى بحزن:ليش فرحتي فيه شي ماأعرفه مخبيته عني
اميره:لا بس انا ماأبيك تأخذين خالد
شذى:طيب انتي تطلقي من عبدالله
اميره بصدمه:اتـــــــطلق ليش
ليان ناظرت لأميره باستغراب وخوف..
شذى:ليش انصدمتي مو كنتي قبل ماتبينه
اميره بعصبيه:شذى قبل بس الحين تغير كل شي
شذى بعصبيه:ايه اكيد تحبينه وارتحتي يوم فسخت الخطوبه استأنستي
اميره انصدمت منها:شذى ايش هالكلام
شذى بصياح:ايه ارتحتي بعد ماتركت خالد وانا احبه
اميره بصراخ:وحبيه انا مانعتك ماتحبينه
شذى بشهقات:بس هذا اللي تمنيتيه
اميره بهدوء:شذى انا كنت اتمنى لك الخير وماأبي تجربين اللي جربت
شذى باستهزاء:والحين ليش ماتطلقين والا عاجبك الوضع
اميره بقهر:شذى ماتوقعتك انانيه كذا وقفلت بوجهها وجلست ع السرير وسرحت...
ليان بخوف:اميره فيه شي
اميره هزت راسها بلا..
ليان ماحبت تحرجها او تجبرها تقولها ووقفت:بنزل تحت وطلعت....
اميره:ياربي وش فيني ليش عصبت يوم قالت تطلقي وحست بألم فجأه ببطنها وصرخت:اااه
ليان قريبه من الغرفه وسمعت الصرخه وراحت لها:امـــــــيـــــــره
اميره ماسكه بطنها وبألم ودموعها تنزل:ليان الحقيني
ليان بخوف:وش فيك
اميره زادمعها الالم وبدموع:ليان قولي لعبدالله يسامحني اذا بيوم اخطيت عليه ووقفت وبالم:اااه بموت وداخت وطاحت مغمي عليها
ليان انهبلت ماتدري وش تسوي ووقفت بمكانها مي قادره تحمل او تستوعب اللي صار ودموعها تنزل...وبعد خمس دقايق راحت ركض لجوالها ودقت على عبدالله...
عبدالله وخالد وعزيز بالمطعم والطلبيه وصلت لهم بس الى الان ماابتدوا بالأكل...
عزيز:بسم الله وسحب الصحن
دق جوال عبدالله وناظر ليان وبدأ يخاف..ورد:هلا ليان
ليان بصياح:عبدالله الحق على اميره
عبدالله وقف ماسمع صوتها زين من البكاء بس سمع اميره وبخوف:ليان وش فيه
ليان:اميره ماأدري وش فيها
عبدالله انهبل وقفل بوجهها قبل يسمع ردها وراح ركض لسيارته وخالد وعزيز خافوا وراحوا ركض وراه..
عبدالله ركب سيارته وشغلها وقلبه يدق بقوه ويتنفس بسرعه من مجهود الركض اللي عمله بس اهم شي يلحق واميره مايصير فيها شي....
خالد وقف عند سيارة عبدالله و يتنفس بسرعه:عبدالله وش فيك
عبدالله بسرعه:اركبوا اميره
عزيز بس سمع اسم اميره ومايدري وش السالفه ركب وركب خالد وراحوا طيران للبيت...
ببيت عبدالله ليان عند اميره ودموعها تنزل وخايفه وبصياح:امييره الله يخليك قومي اميره
اميره:......"مغمى عليها"
ليان بصياح:هئ هئ اميره تكفين قومي عبدالله يحبك مايقدر يعيش بدونك وزادت شهقاتها...
عبدالله كل الاشارات اللي قدامه قطعهن والسيارات تجاوزهن بسرعه جنونيه وصل البيت ونزل وترك السياره شغاله والباب فاتح وراح ركض للبيت...وعزيز نزل وراه وراح ركض بس خالد بقى لانه مو قادر يحس بدوخه بسبب الجوع ماأكل شي من الصبح...
عبدالله فتح الباب وراح ركض فوق مثل المجنون ودخل الغرفه وشاف ليان تبكي واميره طايحه انهبل وراح ركض لها وبصراخ:امـــــــيره وهزها:اميره قومي لاتتركيني
عزيز دخل وبخوف:وش فيها
ليان اخذت اقرب شي لها وتغطت فيه وبغصه:ماأدري طلعت وسمعت صراخها وقالت لي قولي لعبدالله يسامحني وبعدها فقدت الوعي
عبدالله بدموع:اميره اميره تكفين قومي وبكى..
عزيز:الحمدالله تبكي مافيها شي انشاء الله يمكن فقر دم بس بنأخذها المستشفى
ليان جابت عطر ومدته لعبدالله:خذ يمكن تصحى
عزيز اخذ العطر من ليان لان عبدالله يبكي ومو يمها وجلس جنب اميره وحط عطر عند خشمها...
اميره شمت العطر وحركت عيونها ببطئ
عبدالله مسح دموعه و بفرحه:امييييره
اميره فتحت عيونها بتعب:عبدالله
عبدالله ضمها لصدره بقوه خايف يفقدها..
اميره بألم:اااي بطني
عبدالله بخوف:يألمك
اميره صرخت من الألم:اااي
عزيز:بنأخذها المستشفى
اميره وقفت وبدموع:بسرعه ماني قادره اتحمل
عبدالله راح ركض وجاب عباتها ولبستها وشالها وراح المستشفى...
خالد داخل المجلس ومنسدح من التعب وطلع جواله ودق على عزيز...
عزيز بممرات المستشفى ينتظر عبدالله واميره عند الدكتور ودق جواله...
عزيز:هلا خالد
خالد بتعب:بشر كيف حالة اميره
عزيز:الى الأن عند الدكتور وبعدين وش فيه صوتك
خالد:جوعان وراسي مصدع
عزيز:ههههههه الحين اقول لعبدالله يقول لليان تحط لك اكل
خالد:سويت خير طيب مع السلامه
عزيز:مع السلامه وبعد ماسكر شاف عبدالله طالع من الدكتوره وقلقان ومتوتر...
عزيز:بشر
عبدالله تنهد:بيأخذون عليها فحوصات
عزيز:الله يستر ان شاء الله خير
عبدالله:تصدق اني خايف
عزيز:خل ايمانك بالله قوي وجلس:والحين دق على ليان تحط لخالد عشاء
عبدالله تذكر:صح وبقوله لايروح البيت الا اذا رجعنا عشان ليان وطلع جواله وقال لليان تحط عشاء لخالد وقال لخالد مايرجع لبيتهم
الا اذا رجعوا عشان ليان....
بعد نصف ساعه"
خالد قام يغسل بعد ماتعشى وسمع صوت الباب واستغرب من يجي بالوقت هذا وناظر بساعته 12 وربع من بيجي هالوقت...وراح للباب وفتح وانصـــــــدم سلطان وش جايبه الحين...
سلطان استغرب من وجود خالد وبتوتر:السلام عليكم
خالد:وعليكم السلام
سلطان بشك:وش تسوي هنا وعبدالله مو موجود
خالد:مو شغلك بعدين تراقب عبدالله انت
سلطان بعصبيه:ويـــــــن ليان ليش انت هنا
خالد:ههههههههههههههههههههههههههههههههه
سلطان دف خالد ودخل وينادي بصراخ:لـــــــــــــــــــــيــــــــــــــان
خالد مسكه مع كتفه:مجنون انت تدخل كذا
سلطان بقهر:انت ليش هنا
خالد بهدوء:سلطان انت رجال وعاقل واذا تفكر اني جالس عشان ليان فأنت مريض انا رجال وبقلبي غيرها وجلست عشان عبدالله بالمستشفى وماعندها احد وتخاف واصلآ حتى الصاله مادخلتها بقسم الرجال
سلطان:..........
خالد:وبعدين ليش جاي وعبدالله مو فيه لاتنسى انك مطلقها
سلطان:ولاتنسى انها بالعده
خالد:واذا مايحق لك
سلطان:.......
خالد:ياليت تروح قبل يجي عبدالله احسن من المشاكل
سلطان بحزن:طيب ليش ماتفهمني وتكلمني
خالد:عاد هذا شي راجع لها
سلطان:الله يخليك بس بدخل لها شوي
خالد:ماأقدر مسؤليتي وصعبه
سلطان برجى:الله يخليك بس عشر دقايق
خالد:واذا رجع عبدالله
سلطان باس رأس خالد:خالد انا أول مره اطلبك
خالد:طيب بس بأخذ الأذن من ليان
سلطان:لا تكفى اكيد بترفض
خالد:اوكي بس اذا سويت شي او زعلتها مو احسن لك
سلطان بفرح:طيب بس وين مكان غرفتها
خالد:ادخل الصاله ورح فوق وابحث بالغرف حتى انا ماأعرف مكان غرفتها
سلطان دخل الصاله وراح فوق...
ليان ارتاحت بعد ماطمنها عبدالله على اميره وبدلت ملابسها ولبست قميص بينك قصير وكت وفيه رسومات ووقفت عند المرايه وفكت شعرها وسرحت ويدها على بطنها اللي بدأ يكبر,,,
سلطان احتار فيه اربع غرف مايدري وين غرفة ليان فتح اول غرفه مقابله له وشكلها مكتب عبدالله سكرها وشاف الغرفه اللي بعدها مفتوحه وواضح انها غرفة عبدالله واميره راح للغرفه الثالثه ووقف متردد لانه حس انها غرفة ليان فتح الباب بخفيف ووقف,,,,
ليان استغربت وبنفس الوقت خافت:ياربي من معقوله خالد لا لا ماأتوقع بس يمكن سكران لالا هو متعالج غريبه من وبدأ قلبها يدق بقوه ورجولها ترجف,,,
سلطان سم بالله وفتح ووقف قلبه مشتاااق لليان حيييل وشكلها بالقميص اللي طالع يجنن وصغيره مره,,,
ليان بتحاول تستوعب اللي قدامه"سلطان لا بس شكلي من كثر ماأفكر فيه معقوله بس هذا سلطان وانا اعرفه"وبصدمه:ســـــــلطـــــــــــــــــــــــــــ ـان
سلطان بابتسامه:اخبارك ليان
ليان:........وتناظر فيه
سلطان ارتبك من نظراتها وخايف انها تعصب,,,
ليان باستهزاء:خير وش جايبك لغرفتي
سلطان:ليان تكفين ارجعي ماأقدر اعيش بدونك
ليان بسخريه:ماتقدر تعيش بدوني والا حبيبتك تركتك
سلطان:حبيبتي وام طفلي اللي ببطنك انتي
ليان:وانت ماتفكر الا باللي بطني والا انا عادي ولاهميتك
سلطان:صدقيني ليان انت فاهمه غلط
ليان بعصبيه:فاهمه غلط وجاي بتكمل بعد
سلطان بعصبيه:انتي ماتستاهلين اللي يحبك والشرهه مو عليك على اللي جاي متعني على حسابك ولف للباب بيطلع وقبل يطلع لف لها وبتهديد:انا مرجعك مرجعك والا جالسه هنا وتفكرين بخالد تراه مايحبك وطلع من الغرفه ومن البييت كله....
ليان جلست على السرير مصدومه وبدموع:مجنون مجنون كيف يفكر كذا كيف انا احبه هو احبه وبكت بقوه....
@@///@@///@@///@@///@@
اميره طلعت نتيجة الفحص,,,وعبدالله واميره عند الدكتور,,,
اميره خايفه وماسكه يد عبدالله بقوه,,
الدكتور:ازيك ياأميره تحسنتي دي الوئت
اميره:ايوه
الدكور:ماتخافشي حاقه بسيطه وبتحسني ان شاء الله مع الدواء
عبدالله بخوف:طيب وش فيها
الدكتور:التهابات بسيطه بالمعده
اميره:طيب وبطني ليش يوجعني وانت تقول المعده
الدكتور:لاتخافي يابت من اللتهاب بيتوجع بطنك بس حنصرف لك دواء
عبدالله مل من الدكتور وعشان يتخلص منه وقف:مشكور دكتور ومسك يد اميره وطلع وقال لعزيز يروح مع اميره للسياره وهو بيجيب علاج اميره ويرجع,,,,
///@@@///@@@///
الساعه3 ص
عزيز وخالد راحوا للبيت...واميره من التعب دخلت الغرفه ونزلت عباتها ورمت نفسها ع السرير ميته نوم ومي قادره تصبر....عبدالله راح لغرفة ليان لازم يتطمن عليها قبل ينام وهاذي عادته فتح باب غرفتها وشافها نايمه ومو متغطيه تقدم منها وانتبه لدمعه على خدها مسحها وباسها مع جبينها ومسح على شعرها:الله يوفقك ويسعدك يارب وغطاها بالبطانيه وسكر النور وطلع وراح لغرفته طبعا مادخلها بعد مارجع وانتبه لأميره نايمه بلبسها ابتسم وتقدم منها وباس خدها:الله لايحرمني منك
اميره حست فيه وجلست بخوف:من انت
عبدالله استغرب"لايكون فيها شي":انا عبدالله وش فيك
اميره انحرجت لانها غفت ونزلت راسها..
عبدالله ضمها لصدره وبرقه مسح على خدها...
اميره ترمش بعيونها ومرتبكه منه وحرارة جسمها وصلت لأخر شي ودقات قلبها تنبض بقوه...
عبدالله:اخخخ اميره تكفين لاترمشين ماأقدر انا وابتسم...
اميره ارتبكت من ابتسامته ودقات قلبها زادت حتى ان عبدالله سمع دقات قلبها,,,
عبدالله حط يده على قلب اميره وابتسم:ليش قلبك يدق
اميره قامت من حضنه وبارتباك:بشرب ماء
عبدالله مسكها قبل تروح وحط عينه بعين اميره:تحبـــــــيني
اميره ارتبكت وارتجفت شفتها ونزلت راسها:هـــــــه من قال وطلعت وراحت المطبخ واخذت نفس وفتحت الماء ورشت نفسها بماء بارد ومن حرارة جسمها ماحست ببرودة الماء,,,,,
عبدالله استأنس وبيطير من الفرحه واخيرا فيه تطور انسدح"والله ياأميره لا اطيحك بحبي بس اصبري"وتلحف واستسلم للنوم,,,
@@@؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛@@@
اليوم اول يوم للاختبارات النهايه للفصل الأول الكل قلقان وخايف وعلى اعصابه الا شذى اللي ماهمتها تجيب نسبه او لا لان كل تفكيرها مع خالد,,,,
زياد وتركي ماناموا وجالسين بالصاله ويفطرون لان باقي ساعه ونصف على وقت الاختبار,,,,
تركي بصراخ:يـــــــاســـــــلام بس باقي لي مادتين واخلص فله
زياد بقهر:اووف انا اول يوم الله يعين لا ورياضيات وفصل كامل ماأدري وش السالفه فيه
تركي:ههههههههههه والله الرياضيات عقده
زياد:حرام عقدة العالم
شذى نزلت وهي طفشانه ومرهقه:السلام
زياد صفق:هـــــــلا واخيرا شفناك
تركي:ول ول وش فيها الاخلاق زفت
شذى جلست وصبت لها كوب حليب:الله يأخذ الرياضيات اخر فصل ماأعرف له عقدني
زياد:يوووه حتى انتي يالدافور ماتعرفين اول بسألك
شذى:انا شكلي بطنش
تركي باستهزاء:ايه هين تطنشين وين راح كلامك وقلدها:بدخل طب هذا طموحي
شذى تذكرت خالد وانه مايبيها تدخل وعناد له قررت تدخل "انا لازم اجيب نسبه عشان ادخل طب لازم خالد مايستاهل اضيع مستقبلي عشانه"
زياد ضربها بالخداديه:وين وصلتي
شذى انتبهت وبغرور:طبعا بدخل طب بأذن الله
زياد:وانا بعد شكلي بدخل
تركي:هههههههههههههههههههههههههههه وقام:اقول اروح اخذ شاور واذاكر شوي احسن وراح يمشي وركب الدرج ولف لهم:خايف تشرحوني بعد وتسوني فيني نظريه
شذى+زياد:هههههههههههههههههههههههههههه
زياد:شذى فيك شي
شذى بابتسامه:لا بس الأختبارات مطفشتني
زياد ناظر بالساعه:يوووه مابقى شي وقام:بروح اخذ شاور
شذى:ولاتنسى اذا رحت المدرسه خذني معك
زياد:اوكي استعدي
شذى شربت الحليب واخذت قطعة فطيره واكلتها وبعدين قامت تلبس عشان المدرسه....
//@//@//@//@//@//@//@//@//
العصر بعد الصلاه ليان منسدحه بالصاله
واميره جالسه ومعها كأس عصير وسرحانه,,,
ليان:اميره
اميره سرحانه ماانتبهت لها ,,,,
ليان جلست واخذت الخداديه ورمتها على اميره,,
اميره صرخت وقامت:حماره خوفتيني
ليان:هههههههههههههههههههههههههههههه
اميره اخذت الخداديه ورمتها على ليان:هبلتيني كنت سرحانه ههههههههههه
ليان:ههههههههه عشان تنتبهين
اميره:انتي وبطنك ههههههههه ابد مو لايق
ليان:حرااام عليك اسكتي وناظرت:بعدين مو كبير مره
اميره:ايه واضح وتقدمت ووقفت عند الكنب وبعد تفكير:ليان صح بسألك
ليان بمزح:لا لاتسأليني زعلت وكشرت
اميره جلست على طرف الكنب:تكفين ليان لاتصيرين نحسه
ليان:ههههههههههههههه يعني مصلحه
اميره باست خدها وبدلع:ياللا عاد
ليان بخبث:ماني عبدالله بدلع وبكلمه وحده تجيبين رأسي
عبدالله دخل بهدوء وسمع اصواتهن ووقف يسمع طبعا يشوفهن ويسمع بدون ماينتبهن له ,,,,,
اميره:تكفين ليان
ليان:هههههههههههه بشرط
اميره بسرعه:اللي تبين بس اهم شي اعرف
ليان:تسوين لي الليله كبسه لاني مشتهيتها
اميره:ابشري من عيوني بس بسألك عامر وسكتت
ليان باستغراب:عامر وش فيه
اميره:امممم لا خلاص
ليان:والله تقولين لي غصب وش بغيتي
اميره:اتمنى ماتفسرين غلط
ليان بحيره:طيب قولي
اميره:عامر طلب مني شي وصراحه محتاره
ليان:عامر
اميره:ايوه بس خايفه من عبدالله
ليان بجد:اميره اذا شي يرفضه عبدالله او يعصب منه ارفضي طلب عامر واعتذري بأي حجه
اميره:بس ماأبي ازعل عامر
عبدالله ماقدر يتحمل ودخل وبعصبيه معها شوي استهزاء:عــــــامــــــر تهتمين لزعله وانا لا شاطره وصفق بيديه
اميره خافت وارتبكت وليان بتغير الجو:هلا عبدالله جيت
عبدالله بعصبيه ونظرات ناريه وجهها لأميره:لاتصرفين اميره وعارفه لو كل العالم تعدل مستحيل تعدل
اميره:احترم نفسك وياليت تفكر بعقلك احسن وراحت تمشي ,,,,,
عبدالله مسكها بقوه:اذا صرت اتكلم ماتمشين توقفين
اميره بعصبيه:ومن انت انشاء الله
ليان بتهدي الوضع:تعوذو من الشيطان وصلوا على محمد
عبدالله:اللهم صل وسلم عليه بس بعض ناس لازم يتعدل والا بعدله غصب
اميره باستهزاء:شاطر ماقلت شي غلط وطنشته وراحت فوق,,,,,
عبدالله ضرب رجله بالأرض بعصبيه:انا ماأدري متى برتاح وعامر موجود وباسل
ليان:عبدالله هد نفسك بعدين انت تزوجت اميره وخلاص ليش الشك
عبدالله بعصبيه وصراخ:طيب وش يبي فيها ليش سكتت
ليان:..........
عبدالله بسرعه:انا لازم اعرف وش كان يبي منها وراح ركض لأميره,,,,,
اميره بالغرفه ومنقهره على عبدالله اخذت جوالها ومسحت مسج عامر عشان مايشك اذا شافه :ياربي لازم اقوله ان عبدالله يشك فينا عشان مايدق مع انه شي عادي مجرد سؤال وانا اعتبره مثل زياد وقطع عليها دخول عبدالله اللي مثل الصاروخ ومعصــــــــــــــــــــــــــــــب بعد,,,
اميره وقفت من الخوف وعبدالله اخذ الجوال منها وبصراخ:بتكلمينه هاه وشدها بقوه مع ياقتها:انــــــــــــتي لييييييش كذا ليش حرااام عليك وتنفس بقوه:ماتحسين فيني بموت من الغيره خاصه من عامر وباسل وضمها لصدره:انــــــــــــتــــــي لي انا وبــــــس
اميره من الخوف منه وقربه منها نزلن دموعها,,,
عبدالله مسح دموعها بيده:لا تكفين الا ودموعك
اميره ماقدرت تمسك نفسها وانفجرت بكي,,,
عبدالله ضمها لصدره وبحنيه:تكفين اسكتي لاتبكين
اميره زادت شهقاتها,,,
عبدالله ضمها لصدره بقوه:لا تبكين الله يخليك ماأقدر اتحمل
اميره بعدت عنه ومسحت دموعها وراحت جهت الحمام تغسل,,,
عبدالله راح وراها:اميره
اميره وقفت عند المغسله وغسلت وجهها وسرحت بصورة عبدالله اللي عاكسه على المرايه,,,,
عبدالله انتبه لسرحانها وغمض عيونه وبنفسه"ياربي وش فيها لايكون تحب عامر ورد عليه صدى صوته لا اميره واضح انها بدأت تميل لك ,,,لا لا تصدق نفسك لو كانت تحبك كان قالت لك ورد عليه صدى صوته بس كيف تقولك ,,,وبعقله حتى مشاعرها تبخل فيها,,,وقطع عليه صوت اميره اللي تنبهه يبعد عن طريقها..
عبدالله انتبه وبعد وبتسأول:وين بتروحين
اميره ببرود:وين بروح يعني بنزل عند ليان
عبدالله ارتاح على باله انها بتقول بروح لأهلي جلس ع السرير وبتنهيده:اااه خايف انها تحب عامر او عامر يحبها انا لازم اسأل عامر وطلع جواله ودق على عامر,,,
@@@@@@@@@@@@@@@@
عامر وفيصل بالحديقه وفالينها سوالف وضحك وعندهم شيبس وبيبسي,,,
فيصل:هههههههههههههههه جد تكلم
عامر:جد الجد الجد
فيصل باستهبال:لا احسبه عم العم العم
عامر:يادب .....وقطع عليهم صوت جوال
عامر
عامر ناظر:عبدالله غريبه وش ذكره
فيصل:هههههه اكيد شاك بشي وداق يتأكد
عامر دق قلبه وتذكر كلامه لأميره وبنفسه"الله يستر لايكون ورطت البنت"وحاول يكون طبيعي ورد:اهلين
عبدالله:السلام عليكم
عامر:وعليكم السلام
عبدالله:اخبارك
عامر:تمام
عبدالله:عندك احد
عامر:لا ليش تسأل
عبدالله:لانه شي صراحه ماينقال
عامر يأشر بيده لفيصل بمعنى اجلس:ليش ماينقال
عبدالله:بدون لف ودوران وش كنت تبي من اميره
عامر يستغبي:اميره اي اميره
عبدالله بعصبيه:عــــــامر لا تستغبي وش كنت تبي منها
عامر ببرود:ماكنت ابي شي بعدين ايش اللي ابي منها
عبدالله بصراخ:عــــــامر وش كنت تبي منها
عامر بعصبيه:يعني وش ابي منها احبها مثلآ
عبدالله بصراخ وعصبيه:حبتك القراده انا عارف انك تحبها
عامر:حبتك القراده انت مجنون احب زوجة اخوي وين عقلك
عبدالله بشك:اكيييييد
عامر بطفش:ايه ارتاح وعشان ترتاح اللي احبها من بنات اعمامي
عبدالله بفضول:من
عامر:عاد تحقيق مو لازم تعرف
عبدالله براحه:اهم شي مي اميره ومع السلامه
عامر:مع السلامه
فيصل:هههههههههههههه شفت اني قلت لك
عامر:الله يعين
فيصل غمز بعينه:صح من اللي تحب من بنات اعمامك
عامر وقف:ههههههههههههه بعدين تعرف وراح البيت,,,
@@@////@@@////@@@
مر اسبوعين على الأحداث السابقه واليوم اخر يوم بالأختبارات النهائيه وتبدأ الأجازه,,,,
اميره بالصاله وليان فوق بغرفتها,,,دخل عبدالله وبابتسامه:السلام عليكم
اميره رايقه وردت له الأبتسامه:وعليكم السلام
عبدالله:عندي لك مفاجأه
اميره بسرعه:اللي هي
عبدالله:امممم والا بوقتها احسن
اميره بدلع:لا عبودي تكفى قلها الحين
عبدالله:اخخخ بس منك وانا اقدر
اميره:ههههه طيب قلها بسرعه
عبدالله:بكره اهلك واهلي وعمي ماجد بيجون وبيجلسون كل الأجازه
اميره صرخت بفرحه:جــــــــــــد
عبدالله:جد الجد وكل شي سويته عشان يجون
اميره من الفرحه ضمت عبدالله:الله لايحرمني منك
عبدالله باس خدها:لو كنت عارف انك بتفرحين كذا وبتضميني كان من زمان قايلك
اميره انحرجت وحمر وجهها,,
عبدالله قرصها مع خدها:اموووت انا بالمستحى
اميره:عبدالله عاد خلاص
عبدالله:هههههههههههههههه وحط يده على شعرها:ليش دايم رابطه فكيه واخذ الشباص وفكه وتناثر بنعومه على ضهرها:اذا صرت بالبيت اتركيه كذا
اميره شافت ليان نازله مع الدرج ولعبدالله:ليــــــان جت
عبدالله باستهبال لليان وهو ماد يديه:ياهلا والله بالكوره واللي معها
ليان بدلع:عبدالله عاد لاتقول كذا
عبدالله:ههههههههههه ويعد بأصابعه: 6 7 8 9 ياسلام مابقى الا اربع اشهر
ليان ناظرت لأميره وبخبث:وانشاء الله بالأربع اشهر اميره تحمل
عبدالله رفع يديه:امــــــــــــــــــيــــــن الله يسمع منك
اميره:لا والله بدري بعدين انا توي صغيره ناقصه ازعاج بعد
ليان+عبدالله:ههههههههههههههههههههههههههه
عبدالله بمزح:اصلآ انتي بزر
اميره بنص عين:عبدالله
عبدالله يسوي نفسه خايف:لا لا انتي احسن وحده بالكون كله
ليان:ههههههههههه وصرت ياعبود تخاف بدل ماتخوف
اميره وعبدالله ناظروا بعض,,,,
ليان باستغراب:وش فيه
اميره بخبث وهي تناظر لعبدالله:بعض ناس كان يخوف ويتقوى بس .....
قاطعه عبدالله وبنفس الخبث:بس بعد ماملكت حبي خلاص ماأقدر
ليان:هههههههههههههههههههه ردها لك
اميره تستغبي:مين انا
ليان:ايوه وعبود عنده حبيبه غيرك
اميره ناظرت لعبدالله اللي سوى نفسه مرتبك عشان يخوف اميره,,,,
عبدالله بارتباك مصطنع:هاه ايه اكيد مافيه غير اميره
اميره بنظرات ناريه:ايه الحمدالله على بالي
عبدالله يصفق:يــــــــــــاســــــــــــلام امورتي تغار
اميره بارتباك:من قالك انا بس كذا و.....
عبدالله قاطعه:خلاص خلاص المهم بديت اعرف شعورك وبس
ليان:وايش طلع معك
عبدالله:اممممم مو حب لا وناظر لأميره اللي نزلت عيونها بالأرض وتلعب بأصابعها:شوي اممم ماأدري كيف افسره بس بداية خييير ان شاء الله
اميره قامت:بروح اشرب ماء
عبدالله ابتسم وبنفسه"عارف انها بدأت تميل لي وتبي تهرب بس اصبري اذا ماخليتك تموتين فيني ماأكون عبدالله"
اميره دخلت المطبخ وفتحت الماء البارد وغسلت وجهها واخذت نفس:ياربي وش فيني ليش قمت وليش ارتبكت يوم تكلم يعني احــــــ ...... لالا مو حب بس اوووه ياربي وش فيني هالأيام اشتاق لك وارتاح اذا صار بالبيت اكيد اني احــــــ ,,,,, لا لا من قال وهو زوجي اكيد بتعود عليه اوووه طيب ليش ماأترك الافكار واروح عندهم وراحت عند عبدالله وليان,,,,
@@//@@//@@//@@//@@
شذى معها جالكسي وقهوه وبالصاله جالسه ومستأنسه اخر اختبار بكره واخر مذاكره الليله,,,
دخلوا زياد وتركي:دبــــــه تأكل ولا قالت لنا
شذى طلعت لسانها تبي تقهرهم:هههههه واكلت بتلذذ:اممممم يجننن امممم
تركي بقهر:عادي اصلآ مانبي
شذى:ههههههههههههههههههههههههههههه
زياد:فيه بالمطبخ اقول لسالينا تجيب لنا
تركي:ايوه بسرعه
شذى طلعت العلبه وضحكت:هههههههههه ههههههههههههههههههههههههههههه
تركي سحب العلبه منها:اممم زياد تعال نروح فوق
شذى:لا اجلسوا عندي
زياد صرخ:يــــــــــــاســــــلام بكره اخر يوم
تركي:ههههه قديمين انا من زمان مخلص
شذى:واميره اكيد تجي بكره
تركي+زياد مع بعض:لاااااا حنا بنروح
شذى بصرخه:احــــــــــــلــــــفوا
تركي باستهبال:والله العظيم انا بنروح الرياض وبيجون اهل عبدالله بعد
كمل زياد:وبنجلس الأجازه كلها
شذى:وناسه بس لو اهل عبدالله مايجون تكتمل
زياد+تركي:هههههههههههههههههههههه وجع لاأحد يسمعك بس
شذى قامت:بروح اكلم اميره
زياد:لا خليها مفاجأه
تركي:مفاجأه لا يابابا عبدالله لازم يقول لها
دق جوال زياد,,,,
زياد:هههههههههه هاذي اميره
شذى تنقز:تكفى تكفى برد عليها
تركي:اعتقد دقت على زياد واذا تبيك تعرف رقمك
زياد رد على اميره:اهليييييين اشتقت لك يادبه
اميره:هههههههه مساء الورد
زياد:مساء النور اخبارك
اميره:تماااام اخبار انت
زياد:بخيييير وطاير من الفرحه بكره اخر يوم
اميره:وانا بعد بوصل سطح القمر من الوناسه انكم بتجون
زياد:ومن قال انا بنجي
اميره بتحطيم:لا تقول جد تكلم
زياد:ايوه بنروح القصيم
شذى بصراخ عشان تسمعها اميره:كــــــذاب بنجي بكره
اميره:ههههه سخيف خوفتني
زياد:عاد الله الله بالاستقبال الحلو للشيخ زياد
اميره:انت تعال وشف مايسرك
تركي قرب من جوال زياد وبصوت عالي عشان تسمعه اميره:اميــــــــــــره اهم شي جهزي لنا غرف للنوم قبل يحجزهن عبدالله لأهله
اميره:ههههههههههههههههههههههه لاتخاف انتم الأوائل الا اذا عبدالله منعكم
عبدالله دخل وسمع اخر كلمتها:وش فيه عبدالله
اميره بهمس:عبدالله
زياد:هههههههههههههه جاك الموت ياتارك الصلاه
عبدالله جلس جنب اميره:مين
زياد سمعه:انا الشيخ زياد
اميره:زيزو
عبدالله:عطيني اكلمه واخذ الجوال:اخبار زياد
زياد:هلا والله بالنسيب بخير اخبارك انت
عبدالله:تمام مستعدين لبكره
زياد:ايوه بس جهز الغرف
عبدالله:لا يابابا الشباب من الحين بقسم الرجال
زياد:ههههههههه يعني بتمنعنا
عبدالله:اكيييد والا اتركم تسرحون وتمرحون عند امورتي
زياد:ههههههههههههه قل كذا من الغيره بس لاتخاف انا أخوها
عبدالله:ههههههههههه وعشان تأخذ راحتها بعد
زياد:يوووه اجل فيه مراقبه
عبدالله:ايه
زياد:طيب ماأبي اطول عليك باي
عبدالله:بااااي
اميره تناظر بعبدالله وسرحانه فيه"ياربي جذاب شكله وعيونه بعد حتى رموشه محليته اكثر معقوله ماأنتبهت له الا اليوم بس احسه اليوم غير خاصه بعد ماخفف من سكسوكته"
عبدالله انتبه لها وبخبث:مضيعه شي بوجهي
اميره انحرجت وبارتباك:هاه بغيت شي
عبدالله:هههههههههههههههههه وش فيك
اميره وقفت:عن أذنك
عبدالله قام بسرعه ومسك وجهها ورفعه وناظر بعيونها:لييييش تهربين مني
اميره رمشت بعيونها ونزلت رأسها بالأرض وهي تحس بحراره بجسمها من قربه لها ودقات قلبها تزيد بقوه,,,,
عبدالله بهمس وهو يحرك اصبعه بنعومه على خدها:ابيك تحفظ في حياتك قاعده اللي يحبك صدق صعبه يخليك وترك اميره وطلع,,,
اميره تنفست بعمق وجلست ع الكنب:ااه يارب وش فيني معقوله احبه وقامت:لالا ماأحبه بس كذا ومشت خطوتين: ياربي وش فيني معقوله احبه ورد عليها صدى صوته:ايه تحبينه اجل ليش ترتبكين ويدق قلبك اذا قرب منك
@@@////@@@////@@@
خالد يتمشى بسيارته بالشوارع بدون هدف وهو حزين وطفشان تنهد بقوه"يعني بكره شذى بتجي اااهــ منك ياشذى ماتوقعتك كذا بس انا استاهل استاهل والا كيف وحده تشوفني سكران ومع بنت وتوافق وضرب يده بالسكان بعصبيه:والله كله من باسل كله منه ونزلت دمعه حاره على خده,,,مسحها بكف يده وبقهر:من شذى عشان تنزل دموعي عشانها اللي يبيعني برخيص ابيعه لو كان غالي وانتبه لسيارة باسل ومعه عيسى مقابلين له وشكلهم رايحين الاستراحه
ضرب هرن لهم وفتح شباك سيارته,,,
باسل:مو كأنه خالد
عيسى باستهزاء:ايه وش عنده
باسل فتح شباك سيارته وبرود:خيييير
خالد بنفس بروده:واللي يشوفكم من وين يجيه الخير
باسل باستهزاء وهو يصفق بيده:هههههه برافوا بتعلمن درس واحنا ماندري
خالد بقهر:للأسف حقير ماتفهم الدرس
باسل بعصبيه:ماحقير الا انت يالــــــ.......
عيسى بطريقه تنرفز:باسل اتركه مسكين اول شي بالمستشفى وبعدين الخطيبه رفضته لسواد وجهه
خالد جنت جنونه وعصب ونزل من سيارته وراح ركض وفتح الباب اللي عنده عيسى ومسكه مع ياقته بقوه:انــــــــــــت اخر من يتكلم
عيسى خاف من خالد وناظر لباسل يعني انقذني منه,,,,
باسل نزل وسحب خالد من وراء:بعد لاتجيب لنا المشاكل حنا بطريق عام
خالد وهو راص على اسنانه:حسبي الله عليكم
باسل:لاتقعد تحسب علينا وهذا بس تحذير لك واصبر باقي ضربه تقضي عليك
خالد:وش تقصد
باسل:كل شي بوقته حلو وركب السياره ومشى وترك خالد يناظر بمكان ماراحوا معه,,,,,
@@@/////@@@/////@@@
يوم الخميس بعد المغرب الكل اجتمع ببيت عبدالله من اهله واهل اميره واعمامه وطبعا سوا لهم عشاء كبير,,,,
الحريم والبنات بالصاله وانواع الأزعاج والفله والسوالف والحريم بجهه والبنات بجهه ,,واميره وشذى ومشاعل كل مره على وحده تصب القهوه,,,
اميره بوناسه:اول مره احس بوناسه كذا
ليان:الله يديمها
:امــــــــــــــــــيــــــــــــــــــن
مها بخبث:عاد لو عبدالله عنده زوجه ثانيه كان وناسه تساعدك
اميره كشرت:مها ماعندك غير هالسالفه
:هههههههههههههههههههههههههههههههههههههه
شذى بدفاع:اصلآ وين بيلاقي مثل اميره
اميره بغرور:احم احم صادقه شذى
مها:اصلآ الرجال لو بيتزوجون مايشاورون
اميره:لا ياقلبي عبدالله يأخذ الأذن مني
خلود كملت:وغير كذا مستحيل يتزوج على اميره
دخلت في هاللحضه دلال اللي الكل انصدم من جيتها وناظر فيها باستغراب خاصه من لبسها الفاضح اللي ماكأن الناس ببرد وبمياعه:هــــــاااااي
اميره ناظرت لها بكره ومها تكلمت:اعتقد انا مسلمين وش هاي
دلال طنشت كلام مها وناظرت لأميره بنظرات حقد وكره:حلو بيت عبدالله
خلود:احد سألك عن البيت وبعدين ليش ماتسلمين
دلال بطرف خشمها وهي تأشر بأصبعها:صح نسيت وسلمت على الكل ويوم وصلت عند اميره قالت بهمس:بتندمين انك اخذتي حبيبي مني وجلست,,,,
اميره شب قلبها نار هذا اللي ناقصني تجي تخرب وناستي لا وتقول لعبدالله حبيبي حبتها القراده انشاء الله,,,,
ليان حست ان الجو توتر بعد ماجت دلال وبتغيره:اخبارك دلال
دلال بدلع مو لايق:تماااام اخبارك انتي واخبار البيبي
ليان ابتسمت لطاري البيبي:الحمدالله بخييير
دلال:"انا لازم اقول لخالي يبعد ليان عن بيت عبدالله مالها ذنب وعيسى نذل اكيد بيضرها بس لازم ابعدها بأسرع وقت"
شذى لأميره:هاذي وش جايبها
اميره بطفش:وانا ادري رازه فيسها ع الفاضي صدق لصقه
شذى وهي تناظر لدلال:اميره بالله هذا لبس يلبس صدق وقحه
اميره بقهر:هذا كله اكيد عشان عبدالله بس خليها تقرب منه اذا هي بنت ابوها والله لا امسح فيها الأرض
شذى:هههههههههه قويه بس احسن خليك كذا هاذي ماينفع معها الا كذا
الرجال طبعا بقسم الرجال وكلهم مندمجين ومبسوطين على سوالف الجد الا خالد اللي جالس عندهم وسرحان وابد مو معهم,,,
عبدالله ضرب ركبة خالد بخفيف:يابو الشباب وين وصلت
خالد انتبه له وبضيق:احس اني مخنوق
عبدالله:خالد انسى كل شي واستأنس مع الشباب
خالد بتنهيده:بحاول وياليت اقدر
الجد بصوت عالي:وش رأيكم بالأجازه هاذي نزوج الشباب
طبعا عزيز وخالد وعامر شهقوا والبقيه ماتوا ضحك,,,
ابو عبدالله:انا معك بهاذي
ابو وليد:وانا بعد وناظر لخالد,,,
خالد ارتبك وبسرعه:اصلآ انا ماأبي اتزوج
عزيز:وانا بعد
الشباب:ههههههههههههههههههههههههههههههه
الجد يناظر لأبو عبدالله وابو وليد:انتم بس حددو موعد وانا حاظر
عبدالله +وليد مع بعض:الحمدالله انا متزوجين والا كان صرنا بخبر كان
سلطان باستهزاء:وبس بتزوجون الشباب كذا غصب يعني مافكرتوا بالنتايج
الكل عرف قصده وسكت الا ابو عبدالله تكلم:واذا صرت انت فاشل يعني الكل فاشل مثلك
سلطان انصدم ماتوقع رد عمه كذا خاصه قدام الرجال والشباب ناظروا فيه وعليهم علامة الصدمه والأستغراب,,,
ابو زياد:لاتحكم ياأبو عبدالله عليه بالفشل الزواج قسمه ونصيب
كمل الجد:والمشاكل بكل بيت بس الواحد يصبر ويحل مشاكله بنفسه
كمل ابو تركي:وسلطان اكيد عنده اسبابه الخاصه خلته يطلق
سلطان ارتاح من رد الثلاثه,,,
عبدالله ناظر بسلطان بقهر:بس بالنهايه ضحية الطلاق ناس مالها ذنب
عزيز بينهي النقاش قبل يكبر:اقول اتركونا من هالمواضيع وناظر لأبوه:ياأبو عبدالله قلنا قصه من قصص الناس اول
الجد تحمس وبدأ:مره من المرات فيه بنت رزقها الله بالجمال والطول بس وسكت
الشباب ناظروا لبعض وتكلم عزيز:بس ايش
الجد:بس حضها ردي
خالد بهمس لعبدالله:شكلها مثلي
عبدالله:هههههههههههههههههههههههههههههه
كمل الجد:وراحت تسقي من البير
عزيز بسرعه:لاتقول طاحت فيه
الكل مع الجد:هههههههههههههههههههههههههه
سلطان:لا اكيد عشيقها زارها عند البير
الجد:طيب خلوني اكمل وناظر للشباب:بس شباب اول شباب صح مو مثل الحين لعابين
عبدالله:هههههه طيب كمل
الجد:المهم يوم راحت تسقي شافت واحد طويل وواضح انه رجال ومعه حصان وواقف بعيد شوي عن البير ووراه ابله بيسقيهن يوم شافته انزحت عن البير وخلت الرجال يتقدم
عزيز:احلى احلى
كمل الجد:وتقدم الرجال واسقى ابله وشكرها ورجع دربه
عبدالله:وبعدها وش صار
الجد:مرت الأيام والرجال كل يوم يتردد على البير ويلقى البنت ويقعدون يسولفون وتعلقت البنت فيه وخطبها من ابوها وهو راجع لأهله بالطريق ذبحوه قطاع طرق وصل الخبر للبنت ومرضت وثلاث ايام وهي ماتأكل وماتت
خالد:احسن ماتت معه عشان ماتعذب
عزيز وعبدالله فهموا قصده ورحموه والبقيه بدأو يستمعون لقصة الجد الثانيه....
أذن العشاء والكل قام للصلاه للمسجد,,,والبنات قامن يصلن فوق ماعدا دلال اللي جلست بالصاله وطبعا جلست لهدف جايه عشانه بس احتارت ماتدري كيف تنفذ الخطه لان ام تركي وام زياد وام عامر وام وليد وام ماجد والجده بالصاله,,,
دلال:"ياربي هالعجز ليه مايقومن يصلن اووف مالي فرصه الا الحين وش اسوي"وطلعت جوالها وارسلت لعيسى(صعبه المهمه شكلي ماأقدر انفذها ساعدني بخطه)
بعد خمس دقايق وصلها مسج من عيسى(اذا انشغلوا وياويلك اذا عاد ضيعتي الفرصه)
اميره نزلت من فوق وناظرت لدلال بنظرات ساخره وكملت طريقها للمطبخ,,,
طبعا بالمطبخ خمس خدامات وكلن ماسكه شغلها,,,
سونيا خدامة ام زياد:how ara u amirah
اميره بابتسامه:fine وناظرت بشغلهن وماشي زي ماقالت لهن
اميره صبت لها كوب ماء وشربت وسمعت صوت عبدالله ينادي نزلت الكوب وراحت بسرعه قبل يدخل والزفت هنا,,,
اميره:عبــــــدالله لحــــــظه
عبدالله لف لها وبابتسامه:ههه فيه احد
اميره سحبته:ايوه المطبخ مليان والصاله البنات فيها
عبدالله قرصها مع أذنها:يعني افهم منك اني ماأدخل
اميره:ايوه
عبدالله:اوكي طيب ياأميرتي لو سمحتي قولي للبنات يدخلن الشباب بيسلمون على خالتي>>يقصد الجده
اميره:اوكي وناظرت له وهي ترمش:وانا طيب ادخل
عبدالله سحبها لجهته:اكييييد وانتي اول وحده بعد
:ابــــــــــــد مو مكان رومنسي قريب من المطبخ
اميره وعبدالله لفوا لعزيز وعبدالله تكلم:مو شغلك انت وحط يده وراء ظهر اميره:زوجتي وكيفي
عزيز كش له:مــــــالــــــت بس وترى الشباب بيدخلون
عبدالله بسرعه:لا انتظر ولف لأميره:بسرعه ادخلي
اميره راحت وشافت البنات على الدرج بينزلن وقالت:بنات ارجعن الشباب بيدخلون
البنات رجعن واميره راحت معهن فوق وهي مو مرتاحه لان دلال جلست,,,,
الشباب دخلوا وسلموا على الجده,,,
الجده:ياهلا فيكم تو مانور المكان اجلسوا
سلطان:اخبارك ياخاله
الجده:بخير وناظرت بوجهه بتفحص:الا انت وش فيه وجهك
سلطان:مافيني شي
عزيز باستهبال:يايمه مافيه شي بس يتدلع عشان ترجع له مرته
سلطان:هههههه ايه ياخاله صادق عزيز ونبي الواسطه
عبدالله:احم احم
عزيز:ههههههههه عاد الحين تقوم حرب داحس والغبراء
خالد كمل:هههههههه عاد صدق حرب
سلطان باستهبال:عاد انا من ناحيتي تطمنوا بتمصلح عشان عبود يساعدني
عبدالله:اصغر عيالك انا تقول عبودي بعدين يابابا انا مالي دخل
خالد:ههههههههههههه طيب ياعبدالله ليش ماتساعده
سلطان باستغراب:انت ياخالد تقول كذا لا لا الدنيا فيها شي
خالد:ههههههه لا بساعدك انا
قطع عليهم صوت دلال بمياعه:اخبارك عبدالله
الكل ناظر لجهتها وتكلم عامر بهمس:وجــــــع هاذي وش جابها
عبدالله ببرود:الحمدالله
الجده:وانتي ليه ماتروحين عند البنات
طاح وجه دلال والشباب فطسوا ضحك,,,
عامر:هههههههههههه اي يابطني ههههههه حلوه
دلال حقدت على عامر وتدعي على الجده بنفسها,,,وقامت وراحت للبنات,,,
فيصل:تكــــــسر الخاطر
سلطان:قليلة ادب وبعدين وش جايبها
عزيز بخبث:عبدالله عازمها
عبدالله بسرعه:تــــــكذب هي جايه
:ههههههههههههههههههههههههههههههههههههه
البنات فوق منتشرات بكل المكان بالغرف والصاله وطبعا مسويات بحث للمكان,,,
اميره:ياربي ماخليتن مكان مافتحتنه
مها:ههههه بنات ياأختي لازم نشوف كل شي
اميره تلعب بمفتاح غرفتها:اهم شي ان مفتاح غرفتنا معي
شذى تناظر بصوره لعبدالله بالصاله:بناااات تعالن شوفن الصوره هاذي جنااااان
اميره طارت عيونها:وقــــــدامــــــي بعد
البنات:ههههههههههههههههههههههههههههههه
دلال دخلت وهي مقهوره وتغلي من داخل تقدمت ووقفت,,,
البنات ناظرن لها,,,
دلال حطت رجل على رجل وباستهزاء:فيه شي
ريم:لا ابد بس استغربت جيتك
دلال حطت رجل على رجل وبكذب:انا جيت لان عبدالله عازمني وماحبيت اكسر بخاطره
ليان:اصلآ عبدالله مايعرف انك هنا عشان يعزمك
البنات:ههههههههههههههههههههههههههههههههه
اميره تهز رجلها بالأرض بعصبيه"طيب ياعبدالله وعازمها ببيتي بعد ويقول ماأحبها" ووجود دلال بمكان معها زاده,,,
دلال وهي تناظر بالبيت:البيت حلو بس وجود ناس فيه خربته
اميره ناظرت فيها باحتقار وسكتت وليان تكلمت:انتي جايه تشمتين والا تسلمين
مها باستهزاء:لا شكلها تشمت
دلال بحقد:اشوف الكل قام ضذي
شذى بسخريه:وانتي اصلآ من بيصير معك
البنات:هههههههههههههههههههههههههههههههه
عند الشباب بالصاله,,,,
عبدالله قام:شباب تأخرنا والرجال ينتظرونا
عزيز:بكيفهم سوالفهم كلها الشركه والفلوس
خالد بطفش:وهنا احسن وناظر لعبدالله:العشاء متى
عبدالله:ههههههههههههههههه انتظر
خالد:ميت جوع
عامر:صادق بنتعشى
عبدالله:طيب بجيب العشاء ونادى خالد:خالد تعال معي نجيب العشاء ولف لزياد:زياد قل لأميره والبنات يجهزن السفره بالصاله ويحطن السلطات
زياد قام:طيب وراح لأميره,,,
دلال:"ياربي مليت طفش بس شسوي عشان الخطه" وابتسمت بخبث:"اهم شي اميره تنمحي من الأرض"
زياد قال لأميره وراحت هي والبنات يجهزن السفره ماعدا دلال نزلت بالصاله وارسلت لعيسى مسج يكون قريب من بيت عبدالله,,,
الكل قام لصالة العشاء يتعشى ومع انشغالهم بوقت العشاء دلال انسحبت بدون ماأحد ينتبه لها وتلفتت وماشافت احد وراحت ركض وهي خايفه واخذت اللي تبي بسرعه ولفت طرحتها وطلعت مع الباب الخلفي المطل على الحديقه ودقت على عيسى,,,,
دلال بسرعه:عيسى وينك
عيسى بارتباك:وقفت سيارتي بعيد شوي عن البيت وبدخل بس كيف
دلال بصوت منخفض وهي تلتفت:انت ادخل ورح من وراء وفيه مجموعة ورود تخبى بينهن لين اجي
عيسى:طيب.... ودخل البيت وراح مثل ماقالت له دلال وتخبى وبعد خمس دقايق لمح دلال جايه ركض,,,
عيسى وقف:هلا دلال
دلال بسرعه:خــــــذ سو نسخ وبسرعه رجعهن
عيسى بابتسامة خبث وهو يمد يده:تسلم لي هاليدين
دلال بفرح:اهم شي ابعد اميره عن عبدالله
عيسى وهو يلعب باللي عطته دلال:اضمني كل شي بعد هذا وحرك اللي معه
دلال:طيب لاتأخر وخذ نسخ ورجعه بسرعه قبل يشكون
عيسى:عشر دقايق وراجع وراح ركض لسيارته وركب وراح,,,,ودلال رجعت ودخلت وهي مرتبكه وارتبكت اكثر شافت مها بوجهها,,,
مها باستغراب:دلال من وين جايه
دلال تسوي نفسها طبيعيه:جاني اتصال وطلعت اكلم بالحديقه
مها على نياتها:اهـــ وكملت طريقها للمطبخ,,
دلال اخذت نفس:الحمدالله وراحت وجلست بالصاله,,,,,بعد نصف ساعه جاء عيسى ودخل وحط اللي اخذه من دلال بمكانه بعد ماأخذ منه نسخ ودق على دلال وقالها تأخذه وترجعه بمكانه,,,,,
انتهى........
24-09-12, 01:46 PM
جديد مواضيع قسم القصص المكتمله من وحي قلم الاعضاء
العرض العادي
