للاعلان لدينا اضغط هنا


العودة   منتديات ليلاس > القصص والروايات > منتدى قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء

إضافة رد
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 28-08-12, 07:22 AM   المشاركة رقم: 61
المعلومات
الكاتب:
اللقب:
ليلاس متالق


البيانات
التسجيل: Oct 2008
العضوية: 102007
المشاركات: 1,218
الجنس أنثى
معدل التقييم: وردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييم
نقاط التقييم: 1181
شكراً: 985
تم شكره 1,160 مرة في 315 مشاركة

االدولة
البلدSaudiArabia
 
مدونتي

 

الإتصالات
الحالة:
وردة الزيزفون غير متواجد حالياً
وسائل الإتصال:

كاتب الموضوع : مشاعل السعودية المنتدى : القصص المكتمله من وحي قلم الاعضاء
افتراضي

 

صباح الخيرات والليرات ........هلا وغلا بميشو كيفك ياعسل ......تسلم ايدك على البارت الحلو والخفيف نوعا ما ....يعني ماهو خالي من الاحداث والاشياء المثيرة والمؤثرة ....ماقصرتي ياقلبي حلو انك تعطي كل حدث حقه بالتفصيل علشان توصلين لنا كل الي ببالك بدون اجحاف في حق احداثك وحلاوة الطبخة الي تستوي على نار هادية ومتمهلة خصوصا انو ابطالك ماشاء الله كثار وكل واحد وراه احداث مثيرة


غرام وسند

حالة غرام مخيفة جدا وخصوصا وصفك لاطرافها الي ملتوية وملامحها الي تغيرت كثير لدرجة الي يشوفها يعتقد انها انولدت بعيوب خلقية واعاقات .......ومااعتقد انو بس عين الي فيها ...وكنت متوقعة انو بمجرد علاجها بالقرأن بتطيب بس كلامك عن البنت الي ماتت بسبب غلطة اهله يخليني احتار البنت ايش صابها غير العين هل من طيحتها صارت ممسوسة طيب القرأن مو العلاج الصحيح ......الله يعين شكل غرام نهايتها مأساوية

اما سند تصرفاته تخوف حسيت انو مش في وعيه كل مااسود وقلت انو فيه شي من الي بغرام وتعامله مع ابوه غلط مايصير مهما كانت ضيقته لانو مهما سوى ومها فعل غير المكتوب ماراح يصير لو ياخذها لاخر الدنيا بدل هالمعمعة يروح يصلي ركعتين ويدعي لاخته

العنود واخوانها

العنود الى متى بتظل على عنادها واحكامها على عمامها واتهامهم بالي فيهم وهي عارفة انو خالتها السبب ولو تبغي من زمان وقفتها عند حدها غرورها لوين بيوصلها الين تفقد اخوها المقرب لها ........اعتقد نايف من داخله يلومها لانها متمسكة برايها اذا كانت جدتها معبية راسها بأحقاد صارت هذيك كانت بالقديم عمامها مالهم دخل ولا يعرفو الي صار ......ماراح تصحى من الي هي فيه الا اذا عرفت انها سبب في دمار اهلها مو حمايتهم وهذا نايف يحاول يتعالج بعيد عنها والسبب خالتها المحترمة وولدها

سارة والي تعرفه هل ممكن يكون لها دور مغاير عن راي العنود وهي الي تغير مجرى عيلتها احسن من العنود ممكن ليش لا مالازم نستهين فيها

زياد الى متى وهو على هالحالة والخوف والضعف والاستراحة الي مايدري عنها الي وين بتاخذهم من مصايب

راكان وسمر

راكان ايش يقصد بكلامه والعنود مين علشان يحط كلامها بباله مسوية فيها الخبيرة على غفلة تعرف كل العالم وتصرفاتهم والي بقلوبهم ........وليش ماهو فرحان بسمر مو لانه مايحبه لا لانوه حاسس انو فرحته ناقصة بسبب امه وابوه وبعده عنهم الي يوم هم بصحتهم راموه ولا عبروه والحين ربي بلاهم والعنود قاعدة تلوم اهل ابوها وحاقد الظاهر بتطلع عقدها عليهم

راكان جايته مصايب ومشاكل الشركة من جهة والاستراحة من جهة ويمكن عيلته من جهة وشرفوه ام السحور من جهة عساها ماترجع من دبي تطيح فيها الطيارة وتفك العالم ومااعتقد سفرتها بدون غرض


صقر وخواته

رنيموه قبل تعرف بلاوي ابوها عادي تصيع وتطلع مع طالحة بس يوم عرفت المستور استخفت وسوت حالها معقدة اتمنى اذا ظلت على حالها فعلا ماتتزوج سند لانو ممكن تسوي فيه شي خوب الي سوته بريم بداية الجنون واصلا الي تسويه مبالغ جدا امها الي عاشت المعاناة ماجاها شي وهي مسوية فيها حساسة


وابو صقر الي متى هالعقل بس مو منه من زوجته الي متكتمة على بلاويه لو هو مفضوح مارفع عينه بأحد ولا تجرء اصلا ...بنشوف النهاية مع هالعيلة

ابرار شفيها الناس في وين وهي فوين يعني بنت عمها بمصيبة مايعرفون لها علاج وهي متحسسة من كلام اهلها عن اختها يمكن علشان غرام خايفين على شجون شفيها هذي ........كل البنات اذا مايدرسون مسنترين ببيوتهم هذا حال اغلب البنات شفيها موعاجبها الوضع ماهي الوحيدة من بنات العيلة يعني شتبغي اهلها يسوون لها ...تحمد ربها انها مو مثل ريم وخواتها عايشين بخوف من ابوهم

رعد

والله هذا بعد سوالفه ماتنتهي دامه مو دكتور اجل ايش متخصص وليه يكذب هالامور مافيها كذب مايتوب الا اذا ابوه زعل منه فترة وقاطعه .......واذا عيال اخوانه اقنعوه يغير تخصصه يسمع كلامهم


طلال ومراموه

تصرف طلال طبيعي وعادي اغلب الشباب في وقتنا مايبون عيال ببداية زواجهم وفي منهم من ينتظر سنة هو وضح رايه لمرام المفروض تحترمه وتتناقش معاه .......يعني اي شاب يبغي يعيش فترة بدون اي مسؤليات زايدة وهو مازال يأقلم نفسه على زوجته وتعامله معاها ........ والمشكلة مرام لما عاندت مو لانها تتمنى الامومة لانها تفكر انو متعمد يبي يتزوج عليها بعدين تفكيرها كان غبي لذلك تتحمل مزاج طلال هالفترة هي الي مابادرت لاقناعه لو ماكان مخبرها من قبل كان ماله حق يزعل ........يالله نتفرج ونشوف شورانا خخخخخخخخ


ميشو في انتظارك ياقلبي

 
 

 

عرض البوم صور وردة الزيزفون   رد مع اقتباس
3 أعضاء قالوا شكراً لـ وردة الزيزفون على المشاركة المفيدة:

قديم 02-09-12, 11:12 PM   المشاركة رقم: 62
المعلومات
الكاتب:
اللقب:
ليلاس متالق


البيانات
التسجيل: Jul 2011
العضوية: 227060
المشاركات: 383
الجنس أنثى
معدل التقييم: مشاعل السعودية عضو سيصبح مشهورا قريبا جدامشاعل السعودية عضو سيصبح مشهورا قريبا جدامشاعل السعودية عضو سيصبح مشهورا قريبا جدامشاعل السعودية عضو سيصبح مشهورا قريبا جدامشاعل السعودية عضو سيصبح مشهورا قريبا جدامشاعل السعودية عضو سيصبح مشهورا قريبا جدا
نقاط التقييم: 621
شكراً: 261
تم شكره 613 مرة في 124 مشاركة

االدولة
البلدSaudiArabia
 
مدونتي

 

الإتصالات
الحالة:
مشاعل السعودية غير متواجد حالياً
وسائل الإتصال:

كاتب الموضوع : مشاعل السعودية المنتدى : القصص المكتمله من وحي قلم الاعضاء
افتراضي

 



بسم الله الرحمن الرحيم

السلام عليكم ورحمة الله وبركاته

الحمد لله والصلاة والسلام على رسول الله

توكلنا على الله .. لا اله الا الله محمد رسول الله ..



البارت 11


لاتستمع لاصوات ناس تناديك
تراك تحرجني بكثرة التفاتك
وإلا عشان القلب مولع وهـاويك
تلعب على كيفك بعاشق حياتك
أمـوت وأحيا عند زولن يراعيك
مـــاأحب غيري يفرح بذكرياتك
مــا ودي افضح حبي اليوم وادعيك
خايف عواذل لاتزلزل ثباتك
عذبتني حيرتني فى تماديك
عيني عليك وذبحتي من سواتك
ارحم شعور اللى يحبك ويغليك
لا تجعل اسلوبك يشوه حلاتك

" سلامة العبدالله " ..




قبل الفجر ..


صوت احد الاجهزة الممتدة اسلاكها لغرام ..
صحيت ام سند وهي مستغربه من هالصوت وصوت اخر مصاحب لها ..
التفتت لغرام وشاف عيونها جاحظة و وجهها اسود .. وقفت مصدومة لتتفاجأ بدخول سند ..
سند صرخ على الممرضات دخل الدكتور وطلب من سند وامه الخروج ..
ام سند تبكي / ويلي على بنتي .. بتروح من بين يديني اختك يا سند وانا ما اقدر اسوي لها شي ..
سند يحس بنار تحرق صدره يدور بصاله امام غرفة غرام وهو يشد شعرة توجه لباب الغرفة ..
بس انفتح قبل ما يفتحه سند .. الدكتور بجدية / راح ننقلها للعناية المركزة ..



صباحاً ..
بيت ابو سطام ..
ابو سطام / لا حول ولا قوة الا بالله ويش جاها البارح كانت بخير ..
سلطان / والله علمي علمك يبه .. العنود تقول ماسمعت الا الجهاز يصيح ودخل سند عليه والدكتور واخذوها للعناية ..
ام سطام تمسح دموعها / وين هي العنود .. في بيتها والا عند بنتها ..
سلطان / لا والله قالوا لها ما تقعدين بالعناية ممنوع .. بس سند الله يهديه رج المستشفى بصراخه ..
ابو سطام بعصبية / هالولد ويش جاه انهبل .. مغير يصايح ..
سلطان / سند انقلب حاله من بعد ماتغير حالة اخته .. اليوم اقابله واكلمه ان شاء الله ..
ابو سطام / لا تكلمه ولا شي خله كم يوم وهو يهدا بحاله .. هو مثل جدة سند ..
سلطان " وقف " / ابشر يبه عن اذنكم اليوم فيه شغل واجد بالشركة تامرون على شي..
ابو سطام و ام سطام / سلامتك .. الله يسهل دربك ..

بعد خروج سلطان ..

دخل رعد عليهم .. / السلام عليكم ..
ام سطام وابو سطام / وعليكم السلام ..
رعد يقبل راس ويد والدية / كيف حالكم اليوم ..
ابو سطام / بخير .. ها متى بتسافر ..
رعد / الليلة يبه ..
ام سطام تمسك يده / بتطول ..
رعد يبتسم / لا يمه ماني بمطول كلها كم يوم وارجع ان شاء الله ادعي لي ..
ام سطام / الله يوفقك .. ويبعد عنك عيال الحرام وبنات الحرام ..
ابو سطام / نبي نملك لك انت و غيث بيوم واحد قبل رمضان ان شاء الله ..
رعد / كيف يبه نملك وغرام هذي حالتها ..
ابو سطام / الله اخبر بها غرام ان كان لها حياة بتاخذها وان كاتب الله اجلها بيصير .. والوقت بيمشي ..
رعد / بس يبه العنود تزعل ..
ابو سطام بحزم / ماهي زعلانه .. وعلى ايش تزعل .. تعترض على قضاء ربها .. روح الله يهديك وصلح امورك ..
رعد / ابشر يبه اللي تامر عليه " وبداخلة .. مالك حل يا ابو سطام "



بالمستشفى ..


ابو سند عند الدكتور عبدالمحسن ..
د. محسن / امس كنت معاها وبعد القراءة تحسنت وبدات حالات التشنج والاختناق تخف عنها ..
ابو سند / صادق .. وزاروها اهلها .. عمامها وخوالها .. وكانت تفهم علينا ونفهم عليها ..
د. محسن / الحمد لله على كل حال .. " يتنهد " ابي ازيد عليها القرائية .. وان شاء الله تتحسن ..
ابوسند / بتطول ..
د. محسن / لاتقنط من رحمة الله .. وحنا تونا باول المشوار .. قلت لك يا بو سند نبي مساعدتك ..
ابو سند / والنعم بالله .. يالله تشافيها ..



ــــــــــ



بالرياض ..
زياد يمسح جبينه بتوتر / طيب يا غنام ويش نسوي الحين ..
غنام / استاذ زياد الخسارة كبيرة والاستاذ راكان لازم يعرف بالموضوع ..
زياد / هو اليوم جاي ..
غنام / على خير ..


بيت ابو راكان ..
العنود / الحمد لله ابوي هدي هاليومين ..
سارة / ايه بس ليه ساكت ..
العنود / خالية ساكت .. احسن من صراخه خاصة باليل ..
ساره / ايه صدق بالليل يخوف ..
العنود / الله يتمم شفاه .. وشفاء امي ..
ساره / امين .. الا شفتي عروس صبري ..
العنود تبتسم / ايه يا حليله .. الطيبون لطيبات .. وزوجته واضح انها طيبة وحبابة من شكلها ..
سارة / الا ليه رجعت ..
العنود / الحين اخوها محتاج لها وصبري غرفتة مو جاهزة .. قال اسبوع او اقل وراح يسوي عرس على قدهم يفرحها ..
ساره / وين يسويه .. صبري عنده اهل ..
العنود / ما ادري .. بس له اصدقاء ومن ديرته كم واحد يعوضونه عن اهله فيسويه بينهم ..
سارة / اهااا ايه صدق .. بتسوين عزيمة راكان عشاء والا غداء ..
العنود / عشاء هم جايين العصر وزياد يقول ان راكان على طول جاي لنا ..
سارة / طيب طلبتي حلويات ..
العنود / لا انا سويت كم صينية حلى وكم صينية معجنات تكفي ..
سارة متفاجاه / والعشاء من المطعم والا انتي تسوينه ...
العنود برفعة حاجب / وليه طلبت هالذبيحة .. اكيد انا اللي بسوي العشاء ..
سارة / ياربي من هالبخل ..
العنود تبتسم / مو بخل بس طبخي احلى من طباخ المطاعم .. والا عندك راي ثاني ..
ساره / في ذي صدقتي ..



ــــــــــ



بالخبر ..
بـ شركة الفارس .. مكتب سلطان غرفة الاجتماعات ..
سلطان مجتمع بشباب العائلة اللي يشتغلون بالشركة فقط ..
سلطان بجدية / طلبتكم حتى اشوف حل لتسيب والاخطاء اللي صايره ..

الكل صامت ويترقب ..
فارس جف حلقه من الخوف ..
ياسر يطالع فيهم هو موظف بالاسم الى الان يتدرب ..
بدر ماسك القلم ويرسم على ورقة بيضاء بدون تركيز ..
طلال وسيف مركزين وبهدوء الواثقين ..
سعود وعناد خايفين ان يكون فيه خطاء حصل منهم .. وبكذا راح يخسرون مشاريع جديدة تنسب لهم ..
سند لم يحضر .. بتال بالرياض ..

سلطان / طلال .. راح تنسحب منك بعض الصلاحيات وتروح لـ سيف .. وانت راح تستلم مشاريع جديدة ..
سعود وعناد راح تتحول لكم الملفات اللي ماسكها سند وانتم تقاسمونها ما بينكم براحتكم ..
" وسكت لثواني " وانت يا فارس .. ويش عندك ..
فارس سكت مو عارف ايش يقول ..
سلطان / تدري ايش اللي يشفعلك .. انك حليتها قبل ما تكبر .. راح يدخل معاك محمود وراح يدقق معاك الحسابات ..
وانت يا ياسر ما انت ناوي تتدرب ..
ياسر بتبرير زاد الطين بله / الظروف ما تسمح اني اجي كل يوم مرض اختي وروحة بدر للعسكرية تشتت تفكيري ..
سلطان بسخرية / لا جد يامسكين .. اجل تغير مدربك وتجي عند عمك خالد .. حتى ظروفك تتعدل ..
ياسر فتح عيونه للاخر .. بدر ضحك عليه .. والكل ابتسم .. ما عدا سلطان ..
سلطان بجدية / بدر .. ممكن تقول من سمح لك تقدم على العسكرية وتجهز ..
بدر / ما يحتاج اخذ الاذن من احد .. انا رجال فاهم واعرف مصلحتي فين ..
سلطان عصب مايحب احد يتكلم بذا الاسلوب .. بحدة / بدرررر .. عدل لسانك احسن ما اعدله لك ..
بدر يطالع بخاله برود / اعتذر يا خال .. بس انا ما احب شغل الشركة ..
وانت عندك خبر ان كل الشغل رامية على ابو مبارك .. "وقف " .. وهذي استقالتي اذا كان هذا يريحكم ..
" تقدم بدر من خاله وحط الورقة قباله " .. واذا تبيني اتنازل عن شي ثاني ما عندي مانع اما العسكرية لا ..

سلطان عصب حيل ..
والكل نظراته على سلطان وبدر ..
عناد حس ان ماراح يعدي هالنقاش على خير ..
سلطان وقف بهدوء .. و .. طرررراخ .. كف على وجه بدر صوته هز جدران المكتب ..
طاح عقال بدر على الارض من قوة الضربة ..
عناد فاتح فمه مصدوم ومقهور ..
الباقي جالس مصدوم ..
بدر بهدوء قبل راس خاله واخذ عقاله من على الارض وطلع ..

عناد بعد ثواني تحرك بيلحقه بس وقفه صوت سلطان ../ عناد خله ..
عناد بزعل / اعذرني .. اخوي ما اتركه .. " وترك المكتب وطلع "
سلطان جلس على الكرسي .. وبجمود / اطلعوا .. سعود قول لسكرتير لا يدخل علية احد ..
سعود / سم طال عمرك ..



خارج المكتب ..
الشباب ..
طلال / خالي اليوم جاي وهو معصب ..
سيف / طيب لو اجل الاجتماع .. اصلن ماقال شي مهم ..
سعود / ابوي له كم يوم مو طبيعي ..
ياسر / وطاحت على راسنا يعني ..
شافوا عناد داخل مكتبه ..
طلال لحقة ../ ويش صار ..
عناد بعصبية / ويش صار .. ناديته ما جاوبني ..
طلال يحاول يهديه / ان شاء الله مابه الا العافية ..
عناد بعصبية / فمه مليان دم .. ويمشي مو متزن في مشيته .. اخاف انه دايخ ويـ .. اعوذ بالله من الشيطان ..
طلال / اذكر الله تلاقية بالليل يرجع ومابه شي .. انت ما تقول انه بكرة ماشي لطايف خلاص الليلة يرجع ..
عناد يتنهد ولملم اغراضة من على المكتب ../ انا رايح للبيت ..
طلال / بحفظ الله ..
عناد طلع من جنب الشباب بدون أي كلمه ..
طلال بعد ما بعد عناد ../ الله يهدي بدر ويرجع قبل ما ينفجر عناد ..
ياسر / اعطوه وقت يهدي نفسه فيه الين المغرب ويرجع بدر ما يطول بزعلته ..
سعود / حكم تؤامه خلاص المغرب بدر موجود ..
الشباب / هههههه



ـــــــــــــ



بالرياض ..
صوت طرقات على الباب ..
العنود / مين ؟
.../ ام طارق ..
العنود تفتح الباب / هلا يامرحبا ..
وبعد السلام والسؤال عن الحال و الاحوال ..
ام طارق باعتذار / اعذريني وانا خالتك ادري ان الوقت ماهو بوقت زيارة ..
العنود بابتسامه / افاا عليك ياخاله البيت بيتك .. مرحبا بك بيوقت ..
ام طارق بمحبة / والله يابنتي ماجابني الا موضع مهم ..
العنود / خير ان شاء الله ..
ام طارق / وانا خالتك انا عندي علم بحال ابوك وامك .. وادري انهم تعابا ..
واليوم كنت زايرة وحدة من الحريم وقالولي عن شيخ معروف وانا اخذت عنوانه ..
وجيتك اعلمك حتى تودين ابوك وامك لعل بيديه العلاج .. والشفاء من ربك ..
العنود بالم / والله ياخاله انتي عارفه بالحال .. وعارف اللي صار لنا بدورتنا على المشايخ ..
تذكرين لمن قالو عن الشيخ *** ويوم وصلنا عنده طلب هذاك المبلغ وماقصرت عطيناه واخر شي يطلع مشعوذ ..
والثاني مايعرف من الرقية شي خنق امي اللين بغت تموت بين يدية .. والثالث شوة ابوي من الكوي وانا ونايف جهال ..
مالنا بهالطريق معرفة .. والا اللي يتشرط بمحرم قوي .. ونايف ماله جهد يمسك امي وابوي .. واللي بمواعيد تطول ..
ولمن لقينا الشيخ اللي ريحنا وتحسنت حالتهم قدر الله انه يسافر .. وانا ياخاله صرت مرعوبة من هالي يطلعون ..
كل يوم والثاني تسمعين عن قصة الهيئة ماسكه مشعوذ يدعي انه من المشايخ الرقاة ..
ام طارق / يابنتي هالمره ابي اخلي طارق يسال عنه وان كان ماعلية خلاف يروح معانا ..
العنود بامتنان / والله ياخاله معروفك ما انساه .. جزاك الله خير ..
ام طارق / هذا واجبي .. بس وانا خالتك اخوك راكان لازم ينتبه لكم .. وان ماقدرتي روحي لجدك وعمامك ..
العنود سكتت تفكر بهالحل .. ام طارق تكمل / خالتي ام عبدالعزيز قالت لي عن سالفه الظبي ..
يابنتي اللي راح راح .. لتقعدين وتربطين يدينك واذا راح الوقت صحتي .. ينقال لافات الفوت ماينفع الصوت ..
العنود تهز راسه / صدقتي .. يصير خير ان شاء الله ..
ام طارق / الا خالاتك مالهم صوت وين راحوا ..
العنود / خالتي شريفه سافرة مع عيالها لدبي وجدي اخذه زوج خالتي خديجة وراحوا لعيال عمهم ..
ام طارق / اجل اعجلي بامورك قبل لايرجعون وتبتلشين .. نايف مسافر وزياد معليهه خوف بالشركة ..
سارة تدخل عند البندري بنتي واحنا نروح الصبح بعد مايسرح زياد لشغله ونرجع قبل لايرجع ..
العنود تبتسم / ان شاء الله بس اول شي نتاكد من الشيخ ..
ام طارق توقف وتحط برقعها على وجهها / اها فمان الله .. ان جاب العلم طارق بخير علمتك ومشينا ..
العنود / باذن الله .. مع السلامه ..


ــــــــــــــ


بفرع شركة الفارس ..
بتال يوقع على بعض الاوراق .. قفل الملف واعطاه السكرتير ..
بتال / في شي ثاني ..
السكرتير / لا استاذ .. امم .. استاذ عندي خبر بس ااا ..
بتال بعقدة حاجب / خير فيه شي ..
السكرتير / قبل يومين سمعنا عن حريق صار باحد المستودعات .. وانه سبب لهم خساير كبيرة ..
بتال / لا حول ولا قوة الا بالله .. عسى ما فيها خساير ارواح ..
السكرتير / لا .. بس ااا ..
بتال / ايش فيه تكلم ..
السكرتير / الحريق صار باحد مستودعات شركة ولد عمك راكان الفارس ..
بتال بصدمة / ايشش ..



بشركة السعد ..
غنام / طال عمرك كثير من الموظفين قدموا استقالاتهم ..
زياد مرتبك / ليه .. ايش السبب ..
غنام وهو يتفحص زياد / استاذ زياد انت تعبان ..؟
زياد يمسح جبينه اللي يتصبب منه العرق ../ لا مني تعبان بس .. انا رايح المطار اجيب راكان ..
غنام / مو بدر على وصوله اتوقع انها ما اقلعت من مطار اسطنبول ..
دخل بتال / السلام عليكم ..
زياد وغنام / وعليكم السلام ..
غنام / استاذن ..
بتال/ ويش صار يا زياد وليه ما علمتني ..
زياد / حتى راكان ما يدري .. انا ماني عارف ايش اسوي ..
بتال / الخسارة كبيرة ..
زياد يهز راسه .. بـ نعم ..



ــــــــــ



قبل المغرب .. مطار الرياض ..
بتال وزياد بانتظار راكان وسمر ..
بتال بابتسامه / ياهلا والله تو ما نورت الرياض ..
زياد / الحمد لله على السلامة ..
راكان / الله يسلمكم من كل شر ..
بتال / خير ان شاء الله ويش هالتاخير ..
راكان بزهق / حصلت مشكله بمطار اسطنبول وتاخرنا ساعة ونص وبعدين هينا .. حوسه خلها على ربك بس ..
زياد / المهم وصلتوا بسلامة ..
بتال يروح لاخته / كيف الغالية ..
سمر زعلانه وخانقتها العبرة / ابي اروح لشرقية ..
بتال يطالع فيها وبرود / خير .. اقول سمر اعتدلي احسن لك .. زوجك عنده مشاكل بالشركة وانتي لازم تكونين معاه ..
سمر بدلع / بس انا مشتاقة لكم مره ..
بتال يطالع فيها برفعة حاجب / اذا زوجك حل مشاكله روحين معاه .. واذا ماقدر انا اوديك .. بس الحين خليك مع زوجك ..
راكان يلتفت عليهم / يالله مشينا ..
بتال / الله يستر عليكم انت رو سلم على اهلك وريح ..
زياد / لا مافيها تروح معانا مسوين عزيمة صغيرة في البيت وانت لازم تحضر ..
راكان / ومره وحدة تسلم على عمك ..
بتال محرج / بس ..
راكان يقاطعه / لا بس ولا شي امشي يالله ..


ــــــــــ



بالخبر ...
بيت ابو عناد ..
عناد واقف عند باب البيت .. يحاول يتصل على بدر بس مافي أي فايدة الجوال مقفول ..
ام عناد / عناد يمه .. تعال يمه رد على التلفون واحد يبيك ..
عناد فز وراح لتلفون بسرعة / الو .. نعم .. ايه .. طيب .. مسافة الخط بس ..
عناد اخذ شماغ ومفتاح سيارته وطلع بسرعة ..
ام عناد / عناد .. ياولد .. من اتصل .. عناد .. " بس محد رد عليها .. "

بعد نص ساعة ..

...../ حسني يا حسني ..
حسني حارس الشاليه / ايوه يا فندم .. حائزر .. جيك اهوه .. اهلا يا باشا ..
عناد معصب / ليش تاخرت .. وين بدر ..
حسني / دا نايم قوه .. دا حررتوة مولعه .. وبيون .. و ,,
عناد دخل وشاف بدر نايم على السرير وواضح انه تعبان ..
عناد / بدر بدر ..
بدر يفتح عيونه والحرارة مسببه له اهتزاز وعدم وضوح .. / ااااه ..
عناد لحظ القطن اللي بفم بدر .. حط يدة على جبين بدر وحس بالحرار ..
عناد / حسني تعال ساعدني .. " رفع بدر و وقفه و اخذه لسيارة .. "
عناد عند باب السيارة / شكرا حسني انك بلغتني ..
حسني يبتسم / دا واقب يافندم .. الاستاز طلب مني ما ائول بـ ..
عناد يقاطعه / سلام حسني .. " وحرك سيارته .. وتوجه ببدر للمستشفى " ..


ـــــــــ



بالرياض ..


العنود لبسه تنورة بني وبلوزة خوخيه كانت رافعة شعره بشباصه ومنزله خصل ..
ساره لبسه فستان بيج وبلوسط حزام بني ..
ساره / اقول العنود ايش رايك بفستاني حلو ..
العنود / ما كانك مبالغه شوي .." التفتت لراكان وسمر " هلا والله ..
ساره / وصلوا وصلوا ..
العنود طالعت فيه .. راكان / ههههههههههه يا قلبي ..
ساره / بعد انت ابي سمر ..
راكان / افااا كل الترحيب لسمر .. وانا ..
العنود / هلا والله .. " وبعد السلام والسؤال عن الاحوال "
العنود / عن اذنكم ...
راكان / ايه العنود بتال بالمجلس ..
العنود / يامرحبا به .. دقايق انزل ابوي وامي ..
راكان تغيرت ملمحه / بسرعة ..
العنود تنهدت وطلعت .. سمر تسولف مع ساره وارتاحت معاها ..
بعد دقايق نزل ابو راكان و العنود وام راكان ..
سلم راكان على امه واستغرب سكوتها ..
راكان / العنود ويش فيها امي ..
العنود / الحين وقت مو مناسب عندك ضيف اول مره يدخل بيتنا .. وانت جاي من سفر وتعبان ..
لمن ترتاح راح نتكلم .. مو بس في حالة امك وفي مواضيع ثانية ..
راكان رفع حاجب / ويش هي هالمواضيع الثانية .. " بسخريه "
العنود بنفس نبرته / لفضيت استاذ راكان وتنزلت وجلست معانا قلت لك ..
راكان / يصير خير خلينا نروح لضيوف ..
العنود / ايه ترا ارسلت عزيمة لطارق ..
راكان / طيب .. الا وين الجد والجماعه ..
العنود تبتسم / الكل مسافر ..
ابو راكان راح لمجلس الرجال .. راكان / احسن .. انتبهي لسمر تمام ..
العنود / هههههه بعيوني .. الا كيف حالكم ..
راكان / الحمد لله تمام ..
العنود بنبرة مقصودة / اهااا واضح ..
راكان بنفس النبرة / تونا حبه حبه ..
العنود / طيب خذ القهوة وقهوي ضيوفك ..
راكان / الحين العزيمة علشان وتقولين قهوي ..
العنود / خذها وانت ساكت وخليني الحق على مرتك قبل ما ساره تذبحها ..
راكان / هههههههههه


ـــــــ



بالمستشفى ..
عناد / الحمد لله على السلامه ..
بدر / الله يثلمك ..
عناد يضحك / ههههه الله لا يبلانا ..
بدر / ذحكت بلا ثنون ان ثاء الله ..
عناد / هههههههه اسكت واللي يسلمك ..
بدر / يالله وذيني البيث راثي يوذعني ..
عناد / تاجلت سفرتكم اجل ..
بدر / لا بتره نلوح ..
عناد / ههههههههه يافضيحتك ..



ـــــــــ




بيت ابو عناد ..
ابو عناد / العيال وينهم ..
ام عناد / والله ما ادري عنهم .. اتصل عليهم مقفله جوالاتهم ..
ابرار تدردش مع بنت عمها وخالها بالواتس .. / خالي رعد سافر ..
ام عناد / ايه .. وان شاء الله يرجع بعد كم يوم ويملك ..
ابو عناد / الله يوفقه ويهديه وعقبال الجميع ..
ابرار مركزة مع البنات ..
ابو عناد / شجون وينها ..
ابرار / يبه شجون زعلانه على غرام وانه محد خلاها تزورها ..
ابو عناد / لا حول ولا قوة الا بالله .. ما يصير تشوفها وهي بهالحاله لا تحسنت انا اخذها واوديها ..
دخل عناد وهو يسند اخوه ..
عناد / هههههههههه لا تتكلم بدير بطني انفجر خلاص ..
ام عناد / بسم الله على ولدي ويش جاه ..
ابو عناد / انخلع ضرسك .. تستاهل ..
عناد يبتسم / يمه خالي سلطان اعطى بدير كف خلع ضرسه ..
ام عناد / اجل سلطان .. تستاهل ما اخذته الا انك تستاهله ..
بدر / تثبحون الى كير ..
الكل / هههههههههههههه


ـــــــــــــ


بيت ام عزام ..

غيث / ملكتي وملكت اختي بعد رمضان ..
الجوهرة / ليه .. عمي يبي العرس بالعيد ..
غيث / والله احنا ننتظر اخونا عزام .. لجاء سوينا الملكه وبعدها العرس ..
الجوهرة / ومتى جاي عزام ان شاء الله ..
غيث / بنهاية رمضان ان شاء الله ..
ام عزام / وجايب بناته وزوجته بياخذون عمره وبعدين يمرون علينا ..
هيفاء / والله مشتاقة لهم ..
الجوهرة / والله انا خايفة من بناته ما ادري كيف اخلاقهم ..
غيث / لا ما شاء الله بناته محترمات وكانهم طول عمرهم عايشين بالسعودية ..
هيفاء / ايه انا اكلمهم على النت ..
الجوهرة / اما انا مالي صله بهم بس بامهم وياحلو سوالفها واحترامها ..
ام عزام / الله يسهل دربهم وييسر لهم .. ويرجع كل مغترب لدياره بخير وسلامه ..
الكل / امين ..



ــــــ



بيت ابو طلال ..
شقة طلال ..
طلال يدخل وبيده كيس اسود واضح انه من محل فخم ..
نوال بلقافه / طلولي حبيبي اكيد هذا لي بمناسبة فتح العيادة ..
طلال / دختورة ملقوفه .. اطلعي برا ..
مرام / طلال تطرد اختك ..
طلال يجلس جنبها ويبي يحرج نوال /حبيبة طلال انتي وعيونه ويبوسها على خدها بقوة .. ابيك بكلمتين وهي متلزقة ..
مرام حمر وجهها .. اما نوال بلعانه ../ واااااااااوو اتمنى اشوف مسلسل تركي على الطبيعة ..
طلال فتح عيونه على الاخر / اه ياقليلة الادب .. " ويرمي عليه الخداديه "
نوال تمسكها / ههههههههههه اجل تطردني و تحرجني وتبيني اسكت .. ما صارت ..
طلال / انتي لسانك طويل وبعد شغلك طال بزيادة .. شكلي ابي ا..
نوال توقف / لالالالالالا لا تهدد ولا شي .. قايمه باااااااااااااااااي
طلال / هههههههههههه مجنونه الله يعين مرضاها ..
مرام تصد عنه بعيونه ... زعلانه ...
طلال يحضنه من كتوفها ويحط يده على بطنها .. وبحنيه / كيف حالكم اليوم ..
مرام تطالع فيه وبعبرة / بدري ليه مستعجل لو خليتها بعد مايمشي ولدت حتى ماتتعب نفسك ..
طلال رفع يدين وبعد عنها / استغفر الله مرام انتي كيف يتعاملون معاك الخلق .. يا ان ما افهمك يا انتي ما تفهمين ..
مرام عصبت / لا انا غبيه ما افهم ... اهئئئئئئئئئئئ .. " وراحت لغرفة النوم "
طلال يرمي شماغه .. طالع الكيس اللي على الطاولة .. وبعد 10 دقايق ..
طلال يدخل غرفة النوم وشاف مرام معطية الباب ظهرها وضامه مخدته .. طلال يقرب منها ..
طلال بهمس / مرام حبيبتي ..
مرام .. لا رد ..
طلال فكرها ما ردت زعلانه ..
طلال يقرب منها اكثر ../ حـ ... " انتبه انها نايمه ".. ههه .. والله ان ولدي بيربيك ..
غطاها بالفرشة ودخل للحمام وتدوش " اكرمكم الله " ودخل جنب مرام وضمه وهو مبتسم على حالها ونام ..



ـــــــ



بالرياض ...
راكان / تسلم يدينك عنودة الاكل ولا فيه احلى منه ..
العنود / هني وعافية ومتى ماحبيت بس قول لي وانا اطبخ لكم وارسله من عيوني ..
سمر رافعه حاجب مو عاجبها الوضع بين العنود وراكان ..
راكان يتثاوب / يالله تصبحون على خير ..
العنود / وانت من اهله .. فمان الله ..
ساره / راكان متى ما كنت مشغول جيب سمر ..
العنود بسخرية / ايه مو سمر وراكان تحت امرك فاضين ..
سمر بغرور / حبيبتي ساره انتي تعالي عندي البيت ناخذ راحتنا هنا الجو يكتم ...
العنود ابتسمت .. راكان مو مركز معاهم تعبان ونعسان ويفكر في الشركة ..
راكان بضيقة خلق ../ هاا مطولين تراي زهقان من الثياب اللي عليه ..
سمر لبست نقابها .. / مع السلامة سارونه ..
العنود بابتسامه / في حفظ الله ورعايته ..
ساره / مع السلامه ..

بعد خروج سمر وراكان ..
ساره باستغراب / ليه سمر تتكلم معاك كذا ..
العنود بسخرية / غيرانه مني على راكان ..
ساره / لا والله جد اتكلم ..
العنود تتخصر / ساره يا تنامين يا تدخلين معاي المطبخ ..
ساره تنقز / لالالا انام بااااااي >> وهي تجري لفوق ..
العنود / الله يصلح حالك ويصلح حال اخوك وزوجته ..
زياد دخل ومعاه ابوه / السلام عليكم ..
ابو راكان / سلمت يدينك يا بنتي ..
العنود بالم / تسلم يبه ..
توجه ابو راكان لفوق لغرفته .. زياد / ما شاء الله العشاء بجد مشرف .. تسلم يدينك ..
العنود / تسلم .. كيف كان ابوي ..
زياد / مره يسولف لنا عن سفره ومره يسولف عن عمي سلطان مع بتال ومره يسرح ويقول كلام مو مفهوم ..
العنود تهز راسها .. زياد / ابوي كانه تعبان هو ويش فيه ..
العنود / بعدين اقولك .. اول ماتفضون انت وراكان ويرجع نايف نجتمع واقول لكم ..
زياد / طيب ليه ماتقولين لي ..
العنود / لا بعدين زياد .. يالله تصبح على خير انا ورايه شغل ..
زياد / طيب .. وانتي من اهله .. " وتوه خطاء خطوتين الا ويرن تلفون البيت " ..
زياد يتوجه له ويرفع السماعة ../ الو .. هلا .. الله يسلمك .. ايه لحظة .. العنود هذا لك ..
العنود / من ..
زياد / تقول جارتكم ام طارق ..
العنود ارتبكت / ايه انا ارسلت لها شويه من عشانا يمكن تبي تشكرني ..
زياد / اهاا .. طيب تصبحين على خير ..
العنود تهز راسها وبصوت هامس / الو .. هلا خالتي .. الحمدلله .. ايه .. ايه .. والله ..
.. ان شاء الله .. 9:00 اكون جاهزة ان شاء الله .. مشكورة خالتي .. بس رني على تلفون البيت وانا اطلع ..
تصبحين على خير .. فمان الله .. مع السلامه ..
العنود تاخذ لها نفس / يارب سهلها لنا يارب وشافي ابوي وامي يا كريم ..



ــــــ


بالخبر ..
9 صباحا ..
بيت ابو بتال ..
الجوهرة / هلا والله .. كيفك يمه .. اخبارك .. اامم اااممم .. والله .. لا حبيبتي لا تزعلين ولا يضيق خاطرك ..
ولا يهمك .. انا اكلم بتال واخليه يجيبك اليوم عندي .. لا تزعلين نفسك .. وانا مشتاقة لك ..
لا تبكين حبينتي انتي .. راكان بكيفه يبي يجي مرحبا به واذا عنده شغل يقعد وانتي تجين عندنا ..
ويش يقول .. انا كم مره قلت لك لا تخلينه يجبرك على شي انتي ما تبينه .. بس تجيني وانا اوريك ..
واعلمك كيف تخلينه خاتم بصبعك .. يالله حبيبتي ابوك الحين بيروح لشركة .. يوصل .. بحفظ الله ..
سلطان نازل مع الدرج ../ من تكلمين ..
الجوهرة / هذي سمر تسلم عليك ..
سلطان يبتسم / الله يسلمك ويسلمها .. كيف حاله .. عسى مرتاحه ..
الجوهرة بتنهيدة / وين ترتاح .. البنت زعلانه تقول مشتاقه وراكان مو راضي يجيبها ...
انا الحين ابي اتصل على بتال يجيبها اشوف راكان بس اخذها قال معاد جايبها الشرقية .. ومتحجج بشغل الشركة ..
سلطان ما عجبته نبرة صوتها / الجوهرة انتي هالايام متغيرة من يوم صرتي تروحين جمعات ام خزامى وانتي متغيرة ...
الجوهرة / ويش اللي تغير فيني .. متغيرت ولا شي هذا انا .. المهم كلم بتال قله يجيب اخته اليوم ما تتعشاء سمر الا عندنا ..
سلطان برفعة حاجب / حاضر مولاتي تامرين على شي ثاني ..
الجوهره تبتسم / ههه مايامر عليك عدو ..
سلطان يوقف وبحدة / الجوهرة ان تدخلتي بين سمر وراكان بشي .. ماتلومين الا نفسك .. فاهمة ..
وسمر بتقعد مع زوجها الا ان تتعدل احواله حتى لو تقعد شهر بالرياض ماتجينا .. وان جات بدون راكان ..
بتشوفين شي يالجوهرة عمرك كله ماشفتيه مني الظاهر الدلع الزايد نساك منهو سلطان .. سمعتي الكلام ..
الجوهرة سود وجهها وبضيقة / اللي تامر عليه .. " وسكتت والعبره خانقتها "
سلطان خرج متوجه لشركة وتاركها وراه بدون أي كلمة توديع ..
الجوهرة طلعت لغرفتها حتى تفرغ قهرة وزعلها وتطلق العنان لدموعها ..


ــــــــــ




بالمستشفى ..
امام العناية المركزة ..
ابو سند / لا الحمد لله كانه احسن اليوم ..
د . محسن / الحمد لله ..
سند جامد والوجه اسود له يومين مانطق بحرف مع امه او ابوه او اخوانه ..
فقط غرام هي اللي يتكلم معاها بهمس ما يسمعه احد ..
ابو سند / بس يادكتور تطلع من جسمها ريحة كريه ومزعجه مانقدر نتحملها ..
د. محسن / يبغالها تنظيف وعناية بس ..
ابو سند / امها ماتقصر تحممها وتنظفها كل يوم مرتين بمساعدة الممرضات ..
د. محسن / يمكن هذا من اللي فيها .. هي خلها توقف على رجلينها وبعدين يصير خير ..
ابو سند / امها قالت انها قدرت تحرك اصابع رجولها ويدينها ..
د . محسن / ايه الحمد لله .. شفت التحسن .. بس التغذية كل مالها تسوء ..
ابو سند / ايه ملاحظ ان ما عاد تاكل الا الشوربه ..
د . محسن / لان بدا الجهاز الهضمي عنده يسوء وانعدام الشهية و الامساك ياذيه ..
سند تنهد بقوة ومسح وجهه ..
د. محسن / اتمنى تشجعون غرام وتقون عزيمتها وانها تقاوم انعدام الشهيه وتغصب نفسها على الاكل ..
ابو سند يتنهد / لاحول ولا قوة الا بالله مشكور يادكتور ما قصرت ..
د . محسن / هذا واجبنا .. مع السلامه ..
ابو سند / بتوفيق .. " انتبه لبدر واخوه عناد " .. هلا والله ..
عناد وبدر / السلام عليكم ..
ابو سند وسند / وعليكم السلام ..
عناد / كيف حالك ياعمي وكيف حال بنتك ..
ابو سند بضيق / الحمد لله على كل حال ..
بدر / طمنا ياعم ايش قالك الدكتور ..
ابوسند / والله ياولدي مايمدحها يقول ان الاكل ماش بس حركة يديها ورجوله ..
عناد / ان شاء الله ياعم تكون بداية خير ..
ابو سند / ان شاء الله ..
بدر / والله ياعم انا مريت اسلم واودعكم مسافر لطائف ويمكن اطول ..
ابو سند / فمان الكريم وانتبه على نفسك والله يوفقكم جميع ..
ودع بدر عمه وولد عمهه الجامد واخوه وراح مع اصدقاء له دخلوا معاه المجال العسكري ..


ــــــ


بالرياض ..
الساعة 9:15 ..
ابو راكان بعصبية / انقلعي عني لا بارك الله فيك ياقليلة الادب ..
العنود تحاول في ابوها / يبه الرجال يبك برا يبك في مشوار يبه .. دخيلك يبه بلا فضايح ..
طارق وراء الباب / يا اخت نايف عنك انا اتفاهم معاه ..
العنود تركت ابوها وراحت لامها وساره ..
العنود / ساره لجات الساعة 12 الى ربع وما جيت انا .. ارجعي البيت ..
وخذي الصواني الملفوفه بالقصدير في الثلاجة وحطيها بالفرن وبعد ساعة طلعيه وخليها وان شاء الله ماراح نتاخر ..
ساره / ان شاء الله .. واذا تاخرتوا وجا زياد ايش اقوله ..
العنود / قولي ما ادري .. واذا اتصل نايف قول له اني بالمطبخ او الحمام أي شي غير طلوعنا من البيت خلاص ..
ساره / طيب .. " لبست نقابها ساره وعدلة العنود عباتها وغطاها وغطاء امها وطلعوا لطارق وام طارق .."
ساره توجهت لبيت ام طارق وراحت للبندري .. ابو راكان راكب بمقدمة بجنب طارق ..
وام راكان والعنود وام طارق بالخلف ..


ـــــــــ



بشركة السعد ..
راكان بصراخ / وليه مابلغتني من اول توك تقول يازياد ..
زياد ساكت مو قادر يتكلم من الرجفه اللي صابته ..
راكان يكمل صراخ / الخساير كبيرة والمشاريع اللي عندنا محتاجه دعم مادي ..
غنام / وجانا تبليغ من البنك لازم نسدد دفعه من القرض اللي كان على ايام الوالد ..
راكان يجلس على الكرسي بحيل مهدود ../ ويش السواه الحين .. من وين نجيب المبلغ ..
غنام ساكت وزياد يحاول يتمالك نفسه لاحد ينتبه على رجفته ..
راكان / غنام ارسل على مدير المالية ..
غنام / مدير المالية قدم استقالته من يومين ..
راكان يرفع راسه مصدوم / نعم .. كمان فيه مصيبة جديدة استاذ غنام اطربني ..
غنام ياخذ نفسه / اكثر من موظف قدم استقالته وغير بعض الموظفين يطالبون برواتبهم المتاخره ..
راكان / مقيوله لطاح الجمل كثرت سكاكينه .. " وبعد دقيقة تفكير " ..
بلغ الموظفين ان أي شخص يبي يستقيل او مستحقات له متاخره يبلغنا وياخذون اللي يبونه وفوقها حبه بركة ..
غنام عقد حواجبه / ان شاء الله طال عمرك ..


ـــــــ


بعد مرور اسبوع ..


بالرياض ..
العنود / يا زهرة ..
زهرة / ايوه ياعمه ..
العنود بابتسامه / كم مره اقولك لا تناديني ياعمه ..
زهرة بمداعبه / طيب ياعمة العنود ..
العنود / هههههههه الله يسعدك يازهرة ... " وبجدية " اقول زهرة يابكرة يابعدة بيرجع جدي وخالاتي ..
زهرة بتفهم / اعرف ايش تبين تقولي .. قالي صبري عن كل شي ..
العنود / م ابيك تقربين من شريفة بذات واي شي تطلبه منك نفذيه ..
زهرة بعقدة حاجب / اعوذ بالله والله اني ما اطالع بوجهه ..
العنود / زهرة مو تنفذينه تنفذينه صدق .. يعني تبينين انك نفذتية بس غير .. مثل مايسوي صبري ..
زهرة بطريقتها المضحكة / اههااا مادام صبري يعرف قلت له يعلمني ويدرسني .. وان فشلت فهو السبب ..
العنود / هههههههههه الله يعين هالصبري ..


ـــــــــ



بشركة السعد ..
راكان / كيف الامور ماشية يا غنام ..
غنام / مثل ما تحب ..
راكان / ومدير المالية ايش اخبارة ..
غنام يبتسم / حاول يرجع بس نفذت اللي طلبته ..
راكان / اهم شي الانتباه والتركيز على المشروع الجديد اللي استلمناه شركة النايفه قوية ..
واي غلط معاها راح تنهينا .. وتعلن افلاسنا ويمكن نروح فيها وراء الشمس ..
غنام / لا توصي حريص طال عمرك ..


ــــــ



بالخبر ..
بيت ابو سطام ..
ابو سطام / رعد متى يوصل ..
سلطان / الليلة يبه ..
ابو سطام / على خير ان شاء الله ..
سلطان / الا مازرت غرام اليوم يبه ..
ابو سطام / والله وانا ابوك ما عاد اقدر اتحمل الريحة .. اعوذ بالله .. البنت اشغلت عقلي .. وانا نايم وصاحي ..
سلطان / الدكتور اللي دايم متابع حالتها جات له بعثة لمحاضرات بالخارج .. وما بيرجع الا بعد ثلاث شهور ..
ابو سطام / ايوه ومابه دكتور ثاني يعرف طبها ؟
سلطان / يبه المستشفى يقول معاد يقدر يسوي لها شي وكتبوا لها خروج ..
ابو سطام / مو تقول قبل كم يوم علقوا لي بخشمها يحطون به الاكل وشلون يطلعونها ..
سلطان / والله يا يبه قالوا ان علت بنتهم ماله علاج ينتظرون قضاء ربهم فيها ..
ابو سطام / لا حول ولا قوة الا بالله ..
سلطان / ابو سند ماقصر .. بيجيب لها ممرضة وبيسوي لها غرفة طبية .. محل غرفة ابوة الله يرحمه ..
ابو سطام / الله يرحمه .. قول لهم يجيبون الشيخ مسفر ويتلا عليها ..
سلطان / والله يا يبه ان الشيخ مسفر كبر ومعاد يقدر .. الدكتور دل سند على شيخ زين وشاب توه بس يمدحونه ..
ابو سطام / الله يعجل وانا ابوك بعلاجها .. ويجعل العلاج بيد هالشيخ والشفاء من عند الله ..


ــــــــــــ



بالرياض ..
بيت راكان ..
راكان / يالله حي الشيخ بتال ..
بتال يبتسم / الله يبقيك ..
سمر بفرحة / هلا بتال هلا وغلا ..
بتال / هلا بك يا قلب بتال ..
وبعد السلام والسؤال عن الحال والاحوال وبعد ما تغدوا وعينوا خير مثل ما يقولون ..
بتال بهدوء / ما ودك تروحين لشرقية ..
سمر ترفع عينها في راكان / راكان عنده شغل ..
راكان / يومين ويخلص شغلي .. اذا خاطرك تروحين بتال بيروح اليوم روحي معاه اذا ودك ..
سمر خاطرها تقول ايه ابي روح بس خايفه يزعلون منها وبتردد / لا اذا فضيت رحنا ..
بتال بنبرة مقصودة / ما اشتقتي للبنات ..
سمر بغصة / اصلا محد يرد عليه والواتس يانوال تتكلم عن المستشفى يا ريما ورنيم عن هواشهم مع خواتهم يا ابرار ..
بتال / وغرام ما تكلمك ..
سمر بعبره / لا اصلا ما ترد لا جوال ولا واتس ولا شي قاطعتني مره وحدة ما ادري ليه ..
بتال بهدوء / لانها تعبانه ..
سمر تطالعهم مستغربه ايش التعب اللي يمنعها من الكلام ..
راكان بهدوء / صار لها حادث وهي تعبانه ..
سمر شهقت بخوف / متى وليه ما قلتولي .. وهي كيفها ويش صار لها .." وبدات الدموع تنزل " ..
بتال / بعد زواجكم صار الحادث .. سمر غرام تعبانه ونفسيتها تعبانه الحين هي في فترة العلاج ..
واهم مافي العلاج نفسيتها .. وكل مالها في تحسن ..
سمر تبكي / ومو مصدقتكم ما اصدق شي من كلامهم الا لمن اشوفها ابي اروح لهم ابي اشوفها اههههههههئئئئئئئئ ..
راكان يحضنها / خلاص حبيبتي اهدي الحين وجهزي نفسك علشان تروحين .. بس اول شي بطلي بكى ..
واهدي وبعد لازم تحطين في بالك يمكن ماتشوفينها ..
سمر تبعد عن حضنه / ليه ..؟
بتال / لان غرام ترفض احد يجيها .. نفسيتها تعبانه .. لازم تساعدينها ياسمر مو تزودين عليها ..
سمر تهز راسها وهي تمسح دموعها / انا ابي اروح اجهز نفسي ..
راكان وبتال / خذي راحتك ..



ـــــــ



في احد المطاعم بالخبر ..

عناد / وانت ليش معصب هالقد ..
سعود / مقهور ولا وحدة من بناتنا تشتغل .. لو هي مدرسة تنبلع لنها بين بنات ومو مختلط .. لكن مستشفى ومختلط ..
عناد / هي عيادة اسنان خاصة لنساء انا رحت وشفت العيادة حقتها خاصة باستراحة خاصه لنساء قول جناح خاص لها ..
وعيادة الرجال بالجهه الثانية ولو فيها غلط ما سكتوا اخوانها وخالي .. يعني هالعصبية مالها داعي ..
سعود / تشوف بعد كم يوم اذا ما جابت العيد وفضحتنا قدام الخلق هذي نوالوه ياعناد ام السان ناسي ..
عناد / هههههههههههه قول من اول عقدة فيك من الصغر .. هههههههههه ....
سعود يبتسم / ويش عقدة انت الثاني بس ذي البنت عوبه تاكل الاول والتالي ولا تخاف ..
عناد / ههههههههههه والله ياسعود انها عقدة فيك ومالها حل الا بزواجكم ...
سعود يرفع حاجب / كمل غداك وانت ساكت بس .. زواج قال ..


ــــــــــ



بالرياض ..
العنود / ها وين زياد ..
ساره / يقول تغداء مع واحد من الشركة اااممم غنام يقول انه اسمه غنام ..
العنود / هني وعافية .. امي تغدت ..
ساره بفرحة / ايه الحمد لله تغدت الغداء كله .. الحمد لله تحسنت كثير .. قبل بالغصب لقمة او لقمتين ..
العنود تبتسم / ايه الحمد لله .. تعالي جلسي خلينا نتغداء ..
ساره / مو احسن ننادي خالتي خلود ..
العنود / تتغدا مع جدي تحت ..
سارة بنبره مقصودة / اقول عنود الدكتور اللي وديتي امي وابوي عندة ايش اسمه ..
العنود وهي تصب لها كاس لبن / ليه ان شاء الله ويش تبين فيه ..
ساره / ابد سلامتك .. بس ما شاء الله من رحتوا له كم مره .. امي وابوي ما شاء الله ..
ما شاء الله وهم هادين وتحسنت صحتهم شوي .. فا ابي اعرف ايش اسمه ..
العنود / اقول ابلعي الاكل احسن لك ما بقى الا بزران يتكلمون بهالمواضيع ..
ساره بنبرة / هالبزران اللي تقولين عنهم يعرفون كل شي ..
العنود غصت بلقمتها ../ كح كح كككححح كح كح .. " وبخنقة " ويش تعرفين ..
ساره / اعرف ان امي وابي فيهم عين وانتم للحين ما تعرفون من معطيهم العين علشان تاخذون من اثرهم ويطيبون ..
العنود ارتاحت شوي / ومن قالك هالكلام ..
ساره ترفع حاجب / لمن قلتي لي هذاك اليوم بتدينهم للمستشفى ومع طارق وخالتي ام طارق استغربت ..
سالت البندري وين بيروحون وقالت لي انهم رايحين لشيخ و انا فهمت كل شي من نفسي ..
العنود سكتت شوي .. وبهدوء / ساره ما ابي أي احد يدري عن اللي قلتيه ..
لان اذا احد عرف امي وابوي بتنتكس حالتهم ويمكن يتعبون اكثر ..
ساره / تطمني انا كبيره وعاقله وافهم ماني خبله .. امشي واسولف باسرار بيتنا ..
العنود / هههههههههه طيب يالكبيرة اشربي البن علشان تكبرين اكثر ..
ساره / منار اتصلت وتسلم عليك ..
العنود / الله يسلمك ويسلمها .. الا ايش اخبارها ..
ساره / انتي ليش ماتتصلين وتكلمينها .. هي طيبه وتسلم عليك .. وتقول انها مشتاقه لنا حيل ..
وان عمها نجحت عمليته وهو بخير وكل يوم عن يوم يتحسن وقريب راح يرجع من المانيا ..
العنود / والله مقصرة بحق هالبنت .. الحمد لله على سلامة عمها ..
ساره تبتسم / تقول انها نقص وزنها واحلوت وصبغة شعرها وقصتها ومدري ايش ..
العنود / ههههه الله يوفقها ويسعدها ..
دخل زياد / السلام عليكم ..
ساره والعنود / وعليكم السلام ..
زياد يلتفت في الجناح الخاص للعنود وساره / وين نايف ..
العنود باستغراب / نايف بالجنوب ..
زياد / لا وصل من قبل .. انا شفتها اليوم وانا مع غنام كان راكب مع واحد اول مره اشوفه ..
العنود مصدومه / نايف هينا .. وما جاء البيت ..
ساره / يمكن عنده مشوار وبعد شوي يوصل ..
زياد / يمكن .. اما العنود بقيت في صمت الصدمة ..


ــــــــــ



بالخبر ..
بيت ابو سند ..
ابو سند بغصة / اذكري الله ياحرمه .. لا تزيدين وجعها وجع ...
ام سند تبكي / لا تخلونها بهالغرفة .. هذي الغرفة شينه ..
ابو سند يمسح وجهه ويتنهد / مافي غرفة تصلح تكون غرفة طبية غير غرفة ابوي الله يرحمه ..
ام سند بقهر ودموع / اكررررررررررهههااااا اكره هالغرفة واكره صاحبها ..
ابو سند فتح عينيه للاخر ورفع يده / اص صاحبها مات الله يرحمه وهو عمك جد عيالك ..
والله والله يالعنود ان سمعت هالكلام مره ثانيه ماتقعدين في هالبيت دقيقة وحدة ..
ام سند سكتت متفاجأه من ردة .. وبذهول / تطردني من بيتي بعد هالعمر ..
ابو سند بصد / اللي ما يحشم نفسه ماينحشم .. " وتركها واقفه بصدمتها " ..


بغرفة غرام الطبية .. بطابق السفلي ..
سند ينيم اخته على السرير / تو مانور البيت يالغالية ..
غرام تبتسم .. سند مسح لعابها بالمنديل و الابتسامة على وجه ..
سند / مو هينا احسن من المستشفى ..
فارس وياسر جالسين باحد زوايا الغرفة و باين الضيق بوجههم ..
سند رفع عينه فيهم وبجمود / ويش عندكم .. على هالقعدة الصامته ...
غرام رفعت عينها فيهم ونزلتها ونزلت دمعته ..
سند عصب وانقهر .. لان فارس وياسر واضح على وجههم التقرف ...
سند بحده / اطلع برا انت وهو كتمتو نفسي بوجودكم ..
فارس يحاول ما يوضح غومه كبدة / لا .. ااا .. انا تعبان وابي انام استاذن ..
وطلع وطلع ياسر وراه بسرعة متوجه لدورة المياة ..
سند يبتسم لغرام / غرومه الحلوة .. ماتبنا نلعب سوا ..
غرام تبتسم .. وعيونها ملئه بدموع ..
سند / لا تضحكين عليه وتقولين مايعرف يلعب .. انا تعلمت كيف الاعب بالايباد ..
صح خربت ثلاث او اربع .. بس تعلم كيف العب صح .. شوفي ..
وبدا يلعب ويحاول يضحك غرام ويضحك معاها وهو يبكي بداخله ..


ـــــــــ


بيت ابو بتال ..
سلطان يدخل جناحه ..
سلطان / السلام عليكم ..
الجوهرة وهي تتمكيج / وعليكم السلام ..
سلطان يرمي شماغة على السرير / غرام جابوها البيت .. مسيــ .. " باستغراب " وين بتروحين ..
الجوهرة بصد / ام خزامى مسوية جمعها وام بندر بتحضرها وبعض نساء المهمات بالمجتمع المرموق ..
سلطان رافع حاجب / لا .. وبدون ماتعطيني خبر وبدون موافقتي والله تطورنا يالجوهرة ..
الجوهرة تلتفت عليه وباستغراب / استئذن وموافقه .. وانت من متى تقولي لا ماتروحين ..
دائما اطلع اروح وارجع ماتقولين وين وليش ..
سلطان يحط يدينه بحضنه وبنظرات تفهمها الجوهرة / الجوووووهرررره قبل روحاتك وجياتك مع امي وخواتي ..
وكل اللي تقولونه نعرفه رزين وموزون .. ومن يحضر جمعاتكم معروف لكن روحاتك ذي .. ماهي عاجبتني ..
غيرتك عليه يالجوهرة وغيرت اطباعك .. تغيرتي علىكبر يالجوهرة واخذتي اطباع ماهي بزينه ..
الجوهرة بعصبية / سلطان اشوف كلامك انت اللي مو موزون .. اول شي الجمعه عند ام خزامى ..
وانت تعرف هي زوجة من وبنت من ومن بيحضرها اقولك هم من بعد .. و..
قاطعها سلطان / من اخر الكلام .. مالك روحة يالجوهرة وان تعديتي عتبت الباب ورحتي مكان ما اعرفه ..
ياويلك يالجوهرة .. اعقلي وحطي عقلك براسك وارجعي الجوهرة اللي اعرفها ..
قام سلطان ونزل تحت يبي يتقهوا مع عياله سعود وسامر ووليد ..
الجوهره رمت فرشة المكياج ومسحت بقايا المكياج بعنف ..


بالصالة اسفل ..
سعود / اليوم منظر سند وفارس وهم شايلين غرام تقطع القلب ..
سامر / ايه انا ماقدرت اتحمل ورحت على طول ..
ابو بتال / الله يشافيها عاجل غير اجل ..
.../ السلام عليكم ..
الكل / وعليكم السلام
ابو بتال يوقف وهو فاتح يدينه / هلا وغلا بروح ابوها هلا ..
سمر ترمي نفسها بحضن ابوها وتبكي / وحشتوني ..
سامر / لو مابكيتي كان قالت سمر كبرت وصارت حرمة ..
اخوانها / ههههههههههه


ــــــــــــ


بعد يومين ..



بالرياض ..

ساره وهي تتنفس / عنود الحقي ..
العنود بخوف / ويش صار ..
ساره / خالتي شريفة وبناتها تحت ..
العنود بنظرات توعد / خوفتي قلبي .. وخير ياطير .. اول مره نشوفهم ..
ساره تضحك / ههههههههه والله لو تشوفينهم ايه اول مره ..
العنود برفعه حاجب / خيرررر
ساره / خالتي شريفه مسويه " وهي تضرب خدودة " بوتكس .. وشده الوجه .. و مها .. نافخه الشفايف كذا ..
" وهي تمد شفايفها الناعمه وصغيره لقدام " وصابغة الشعر اصفرررررررررر كانه شمس براسه ..
اما حنان .. قاصة الشعر كانها فار ..
العنود / تمزحين ..
ساره / هههههههه لا والله ما امزح ..
خلود من وراها اللي تغيرت من بعد سفرتها مع ابوها واختها خديجة / ههههههه عنود لا يفوتك المنظر ..
العنود / طيب خليني البس العباية وانزل وانتي ساره البسي عباتك ..
ساره / طيب ..
خلود / انا سابقتكم .. " وطلعت "
العنود تمسك ساره / روحي نومي امي .. وابوي نايم .. واذا سالتك شريفه وين هم .. قولي تعبانين ونايمين تمام ..
ساره / تمام .. " وراحت بسرعة لبست عباتها ونزلت .."


بالمجلس بالطابق الاسفل ..
شريفة / والله يالعنود يا بيت العروس بدبي يهبل .. وحلف عبودي ان يخذلك احسن فستان عرسك قرب ..
واخذ هذاك الفستان اللي ياحلوة اخر واحد بالسوق ومافي منه بالعالم .. الحين لجاء عبودي قولي له يوريك صورته ..
هو صورها بالجوال وكل يوم يقول متى اشوف العنود لبسته هههههههههههه ياحبيبي منهبل على الفستان ..
العنود من وراء برقعها تطالعها وهي بتنفجر من الضحك / والله ماقصرتوا فيكم الخير ..
مها / بسراحه وااايد الفستان غاوي هههههههههه حبيت دبي وصرت اتكلم مثل اهلها ..
العنود بهمس لساره / الله يلوع كبدك ..
ساره / كنت احب الكلام الاماراتي بس ذي ..." وهي تهز راسها " .. انهت الذوق عندي ..
حنان وهي تنفح بشعرها مره يمين ومره يسار / ويش رايكم بشعري ..
العنود بسخرية / يهبببببل مررررره
خديجة ساكته طول الوقت وتراقب وفي نظراتها شي غريب غير عن المره الاولى ..
..../ والله اللي يهبل صوتك يجعلني فداها ..
فزت واقفه هي وساره .. العنود غطت عيونها ..
عبدالله / كيف حالك يالعنود ..
العنود الصداع بدا يهز الصوره امامها ومعاد توضح .. حست بتشنج برجلها اليمنى ..
ساره تطالع بعبدالله بخوف وهي متغطيه وما توضح ملامح وجهها ..
.... / عبيد ويش عندك بمجلس الحريم ..



انتهى ...

اتمنى يحوز هالبارت على اعجابكم ..

واعذروني على القصور .. والاخطاء الاملائية ..

اختكم ومحبتكم ... مشاعل السعودية ..

دمتم بحفظ الله .....



 
 

 

عرض البوم صور مشاعل السعودية   رد مع اقتباس
5 أعضاء قالوا شكراً لـ مشاعل السعودية على المشاركة المفيدة:
قديم 04-09-12, 03:33 AM   المشاركة رقم: 63
المعلومات
الكاتب:
اللقب:
ليلاس متالق


البيانات
التسجيل: Oct 2008
العضوية: 102007
المشاركات: 1,218
الجنس أنثى
معدل التقييم: وردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييم
نقاط التقييم: 1181
شكراً: 985
تم شكره 1,160 مرة في 315 مشاركة

االدولة
البلدSaudiArabia
 
مدونتي

 

الإتصالات
الحالة:
وردة الزيزفون غير متواجد حالياً
وسائل الإتصال:

كاتب الموضوع : مشاعل السعودية المنتدى : القصص المكتمله من وحي قلم الاعضاء
افتراضي

 

صباح الورد .....صباح الفل والرياحين .......تسلم ايدك ميشو على البارت الحلو .........وشكل الاحداث الجاية بنواجه عواصف اكثر من الي راحت

العنود

العنود على الرغم انها عارفة اسرار كثيرة بس مثل ماخمنت هي متأثرة بكلام جدتها الظبي وحقدت على اهل ابوها الي ماجاها منهم نفس ماجاها من اهل ابوها بس حاطة اللوم عليهم وهالشي غلط هي سمعت من طرف واحد بس ومايصير تحكم وتقرر من راسها اذا هي عادلة وحكيمة تبحث اثر وهي بنفسها شافت ماانضر ابوها الا يوم صار عند اهل امها والا يومه عند اهله كان عايش بخير وصحة
كلام ام طارق صحيح الماضي ماراح يفيدها بشي وهذا هي شافت انها ماتقدر تحمي اهلها وهي وحيدة ونايف الي ماعاش حياته صار ضحية ايش منتظرة الين يصير شي اكبر بعدين بتتحرك

هي عارفة الكثير عن ماضي شرفوه واعتقد انها مخططة لاشياء كثيرة وسكوتها عن سالفة الزواج بسبب موال براسها بيجي وقته بعدين .....بس اعتقد مكابرها وغرورها بيطيحها بشي ماهو على البال .......وسارة هي الي بتكمل الي ابتدته العنود لانها عارفة الكثير بس ساكتة تشوف نهاية الي بتسويه اختها

كلامها لراكان ماعجبني يعني ماكفاها الي جاء لسمر بسبب خالتها ومناروه الي لليوم منتظرة عقابها على الي سوته احس العنود عاجبها هالشي ومبسوطة لانها ماتبغي راكان ينبسط بحياته .........مايعجبني تلميحها احسها وحدة بغيضة وحقودة ومن تحت لتحت .......راكان توه متزوج متوقعة انو بداية الزواج على طول الزوجين بيلحقو يعرفو اطباع بعض .........اشوف فيها يوم تتزوج بتال ويربيها عدل

بس وين قوتها وحقدها الي عند اهل ابوها يوم دخل عبيد وقفت مثل الصنم حتى لو بسبب الماضي بس مولدرجة سكوتها له ......اعتقد الي دخل واحد من اخوان العنود يااما راكان ويمكن نايف الغايب رجع فجأة

خديجة ايش سر نظراتها وتغيرها هل اكتشفت شي من افعال شرفوه .........وحتى تغير خلود المفاجئ جدا غريب ....متشوقة اعرف السبب

زياد ونايف

زياد الضعف الي فيه ضعف مرضي موطبيعي واكيد بسبب شي في ماضيه يا بطفولة او المراهقة وهو ملازم لراكان علشان يحسسه بالامان بس مين راح ينتبه له ويعالجه

نايف الي غاب واحترنا ومليون سبب براسنا مرات قلنا يتعالج عن الادمان وبيرجع بشخصية اقوى وبينتقم من عبيد ومرات نخاف انو انجرف ورى طريق الادمان وانا استبعد هالشي لانو لو ادمن يبغي له فلوس وهو من وين بيجيبها


غرام وحالتها

غرام حالتها غريبة جدا وتعور القلب اعتقد انها مو عين لا في شي ثاني والريحة الكريهة من وين وهي امها مو مقصرة تنظفها وتحممها اكثر من مرة ......يمكن قرب بنات عمها يريح نفسيتها بس ماراح يقدرون يكونو على طول معاها سمر متزوجة وملزومة ترجع لزوجها وبيتها والبنات يمكن مايتحملو ريحتها اذا اخوانها رجال ماتحملو ...

وسند اسم على مسمى فعلا قدر يعيش مع غرام بدون مايحسسها بأي تغيير ........وكأنو غرام اخته الوحيدة ...فاق على اخوان سمر وحيدة اهلها

سلطان والجوهرة

الجوهرة من زواج بنتها وانا مو طايقتها ابد ......والحين على كبر قامت تهمل بيتها وتطول لسانها .......اعتقد الحل بيد سلطان مايكتفي بس بالكلام والعصبية لابد يخيرها بين بيتها وترك سوالفها التافهة او تخسر عشرة دامت اكثر من 33سنة .......وبنشوف اذا تتحمل كلام الحريم وشماتتهم عليها ......

لا وبعد تبغي تحشي راس بنتها وبتخلي راكان خاتم بأصبعها ههههههه انتي حلي مشاكلك واضمني حياتك وزوجك وبعدين انصحي .....والله منتظرة الي بيجيها من سلطان

اعتقد تلصقها بأم خزامى بتحط براسها انها تاخذها لبتال .......وهذيك ميتة عليه مابتصدق .....بس اتمنى سلطان وبتال يكون لهم راي ثاني ........ميشو بتال مايتزوج الا العنود وربي منتظرة هاللحظة من اول الرواية الاثنين ثنائي انفجاري رهيب ........وهي الي بتحرق قلب الجوهرة اذا تزوجها بتال .......تصدقي توقعت يصير شي يوم بتال راح بيت عمه قلت بتال مابيرجع الا مملك على العنود دام البيت فاضي لاالجد ولا شرفوه

ابو سند وام سند
ايش الي سواه الجد سند مخلي العنود لليوم كارهة عمها .......لهالدرجة كان شرير ومحطم الكل وماحد قادر يوقفه عند حده وموته كان راحة للجميع


رعد وهيفاء

رعد وعدم حماسه للزواج واصرار ابوه الي ماهو وقته .......يعني لهدرجة ماعنده احساس مستعجل على هالهيفاء بتطير هي وخير لو انتظرو كم شهر وبعدين مين الي بيتزوج هو والا رعد ماله داعي فرض الراي والتحكم بحياة الغير اكره الشيبان لما يتدخلو بحياة غيرهم .....الناس في ايش وهو في ايش

راكان

مين ورى الخساير الي تصير له ......وليش هو مستهدف مع انو مو اغنى من غيره ولا شركته اكبر من غيرها ...اعتقد الخونة من نفس الشركة .......وماعرفنا ايش الي موجود بالاستراحة والله يستر ماتطيح براس راكان وزياد الوحيد الي يدري انو تركي حط الاغراض وماعنده دليل وشخصيته ضعيفة

ميشو في انتظارك ياقلبي

 
 

 

عرض البوم صور وردة الزيزفون   رد مع اقتباس
الأعضاء الذين قالوا شكراً لـ وردة الزيزفون على المشاركة المفيدة:
قديم 06-09-12, 10:39 PM   المشاركة رقم: 64
المعلومات
الكاتب:
اللقب:
ليلاس متالق


البيانات
التسجيل: Jul 2011
العضوية: 227060
المشاركات: 383
الجنس أنثى
معدل التقييم: مشاعل السعودية عضو سيصبح مشهورا قريبا جدامشاعل السعودية عضو سيصبح مشهورا قريبا جدامشاعل السعودية عضو سيصبح مشهورا قريبا جدامشاعل السعودية عضو سيصبح مشهورا قريبا جدامشاعل السعودية عضو سيصبح مشهورا قريبا جدامشاعل السعودية عضو سيصبح مشهورا قريبا جدا
نقاط التقييم: 621
شكراً: 261
تم شكره 613 مرة في 124 مشاركة

االدولة
البلدSaudiArabia
 
مدونتي

 

الإتصالات
الحالة:
مشاعل السعودية غير متواجد حالياً
وسائل الإتصال:

كاتب الموضوع : مشاعل السعودية المنتدى : القصص المكتمله من وحي قلم الاعضاء
افتراضي

 



بسم الله الرحمن الرحيم

السلام عليكم ورحمة الله وبركاته

الحمد لله والصلاة والسلام على رسول الله

توكلنا على الله .. لا اله الا الله محمد رسول الله ..



البارت 12



إنكسار القلب مايعني ضيـاع.
كلهـا مـدّه و ترجـع تجبـره
الهوى قصّه نهايتهـا الـوداع
إعتبرها نهر حـزن ٍو اعبـره
قاوم الدمعه بقدر المستطـاع
وكانها طاحت تحجّج بِشْعَـره


" منقول "



بيت ابو نايف " وبيت سطام " ..
بالمجلس بالطابق الاسفل ..
شريفة / والله يالعنود يا بيت العروس بدبي يهبل .. وحلف عبودي ان يخذلك احسن فستان عرسك قرب ..
واخذ هذاك الفستان اللي ياحلوة اخر واحد بالسوق ومافي منه بالعالم .. الحين لجاء عبودي قولي له يوريك صورته ..
هو صورها بالجوال وكل يوم يقول متى اشوف العنود لبسته هههههههههههه ياحبيبي منهبل على الفستان ..
العنود من وراء برقعها تطالعها وهي بتنفجر من الضحك / والله ماقصرتوا فيكم الخير ..
مها / بسراحه وااايد الفستان غاوي هههههههههه حبيت دبي وصرت اتكلم مثل اهلها ..
العنود بهمس لساره / الله يلوع كبدك ..
ساره / كنت احب الكلام الاماراتي بس ذي ..." وهي تهز راسها " .. انهت الذوق عندي ..
حنان وهي تنفح بشعرها مره يمين ومره يسار / ويش رايكم بشعري ..
العنود بسخرية / يهبببببل مررررره
خديجة ساكته طول الوقت وتراقب وفي نظراتها شي غريب غير عن المره الاولى ..
..../ والله اللي يهبل صوتك يجعلني فداها ..
فزت واقفه هي وساره .. العنود غطت عيونها ..
عبدالله / كيف حالك يالعنود ..
العنود الصداع بدا يهز الصوره امامها ومعاد توضح .. حست بتشنج برجلها اليمنى ..
ساره تطالع بعبدالله بخوف وهي متغطيه وما توضح ملامح وجهها ..
.... / عبيد ويش عندك بمجلس الحريم ..
عبدالله متفاجئ / نايف ؟
نايف بسخرية / لا خياله اطلع من مجلس الحريم ياعبيد ولا قلت ان البيت ما فيه احد واذا غاب القط العب يافار ..
عبدالله بارتباك / اااا اناا كنت مسافر واااا جيت اسلم بس ... مافيها شي ..
حنان ومها بالجهه المقابلة للعنود وساره وهالجهتين مايشوفون نايف اللي واقف بالصاله ..
مايشوفه الا اللي بوسط المجلس .. شريفة وخديجة وخلود .. واللي واضح على وجههم الصدمة ..
نايف بحدة / عبيد اطلع من المجلس ..
عبدالله ومازال بحالة الصدمة / طيب .." وطلع من المجلس .."
شريفة اللي كانت تاكل المكسرات ومن لمن شافت نايف وقفت اكل وهي متفاجأه / تشوفون اللي اشوفه ..
خلود وخديجة ملتزمات صمت المفاجأة ..
حنان ومها اثار فيهم تغير وجه عبدالله وامهم وبغريزة الفضول المعروفة فيهم اطالوا براسيهما من عند الباب ..
حنان بشهقه / ههههههههئئئئئئئئئئئئئئئئئئئئئئئئئئ انت من ؟
نايف صد عنها بقرف .. وبصوت عالي / ساره العنود ..
خرجت العنود وهي ماتشوف .. الصورة مو واضحة بسبب الصداع .. ومستنده على ساره ..
ساره / العنود ويش فيك ... ايش صار لرجلك ..
العنود وهي وساره الا الان ما رفعوا روسهم وشافوا نايف .. بالم / شكله شد عضلي ..
طلع نايف لطابق الاعلى قبل خواته ..
العنود تطلع الدرج بصعوبه .. وساره تحاول تساعدها ..
وبعد ما وصلوا لجناحهم ..
ساره بذهول / انت مين ؟
العنود رفعت راسها وشافت ...


بالاسفل ..
مها برومانسية / يالبيييييييييييييه يهبل ..
حنان برومانسية / يسحر ابد ماتوقعت ان نايف بهذا الجمال ..
شريفة / هو وين راح وايش سواه .. ظنك تجميل يامهيه ..
مها / يمه ويش تجميلة .. هي شوية رياضة مع نيو لوك ولبس كول .. بس ختيييررررر
شريفه بهمس بينها وبين نفسها / رياضة ... قلبي مو مرتاح منك يا نايف ..
شريفة تلتفت للخلف / شفتــ .. وين راحوا خديجة وخلود ..
حنان / طلعوا قبل شوي ..
شريفة / وين راحوا وكيف راحوا وانا ماشفتهم ..
حنان / يمه خلود قالت لك انها تعبانه وخديجة رجلها ناداها ..
شريفة / قلعة تقلعهم .. اقول شفتوا زوجة صبري ..
مها بقرف / يعععععععع يمه دوبيه وشيفة وتتكلم كلام يمني مو مفهوم ابدا ..
حنان بقرف / لا والا ريحتها وييي مره قرف مامي ..
شريفة / قدرة والا من وين يتزوج هاللي بلا اصل بوحدة مزيونه ..
اقول مها انا رايحة مشوار ضروري .. وابي اتاخر هااا .. وانتم ارجعوا البيت ..
مها / ماااااممييي انا مشتاقة لستيقاتي " صديقاتي " ابي اروح لهم ..
حنان / ايه ماماااا هم متجمعين بالمملكة .. ماراح نتول ..
شريفه بستهزاء / يمه مامي ماما .. ستيقاتي ونتول .. " وبتشميق " لا بتفعدون بحلقي من بيتزوجكم وانتم كذا ..
روحوا وانبسطوا ومتى ما خلصتوا ارجعوا البيت .. بس ها اذا مالقيتوني في البيت لاتطلعون ..
مها وحنان بس قالت لهم روحوا نطوا وطلعوا قبل لا تكمل كلامها ...





بالطابق الاعلى ..
العنود عاقدة حواجبها / انت ويش مسوي بنفسك ..
نايف بجفاف / ويش مسوي ..؟
العنود تطالع شعرة المقصوص بطريقة غريبة .. ومظهر لبسه ازارير بلوزته العلوية مفتوحه لنص صدرة ..
سلسال حولين رقبته .. اساور مالية يدينه .. / نايف انت وين سافرت بالضبط ومع من ؟
نايف رافع حاجب وبسخرية / وليه ان شاء الله اجاوب على اسئلتك باي صفه ..
العنود عصبت / نااااايف ..
نايف بحدة / العنود انتي فيه مره سالتي راكان وين رايح ومع من .. ؟ . ولا مره سالتيه لاهو ولا زياد ..
مخليتهم يعيشون بهواهم .. وانا تبين تتحكمين فيني .. انا رجال والشعري ملا وجهي ..
" وبتنهيدة " لا تعصبيني يالعنود وتخليني اسوي شي مايعجبك ولا يعجبني ..
ساره تحاول تلطف الجو / اقول نيوف من الاخر ويش جبت لي من هدايا ..
نايف يبتسم / هدايا هي هدية وحدة .. " وطلعها من جيبه " جهاز أي فون 4 اس وبشريحته ..
ساره تنط وتحضن اخوها / واااااااو نايف اخيرااااااا جهاز لي وحدي احسن من ابو كشاف ..
نايف يضربها على راسها / تستاهلين احسن .. عن اذنكم رايح اخذلي دوش .. " اكرمكم الله "
قرب من العنود وقبلها على راسها قبله عميقه واليمه .. وتركهم ..
العنود واقفه بصمت الحيرة والخوف والضياع ..
وساره واقفه وهي تتصنع فرحة الحصول على جهاز جديد ..



ـــــــ



بالخبر ..
بيت سلطان ..
بتحديد جناح سمر
الجوهرة / ها كيف الوضع ..
سمر / تمام .. كل شي اقوله لك ماما ..
الجوهرة / انتي رحتي بيت عمك .. ابي اعرف ايش اللي صار كل حركة وكل كلمة سوتها ام راكان وبنتها العنود ..
سمر / خالتي ام راكان شفتها يمكن ربع ساعة وبعدين اخذتها العنود علشان وقت علاجها ونومها ..
تصدقين ماما مره حزنتني شكلها مره تعبان .. وكنت ابي اقول لراكان بس هو ماعطاني فرصة ..
قال أي شي صار في بيت اهلي وشفتيه وسمعتيه انسيه .. " ترفع كتوفها " ما ادري احسه ما يحبهم ..
ااامممممم مدري كيف ماما .. وساره حبوبه هالبنت فرفوشة مره تجنن .. وبس ..
الجوهرة / والعنود ويش سوت ..
سمر ببراءة / ولا شي عادي ..
الجوهرة بحدة / بننننننت سمر مو تصيرين غبية مثل خالتك كل ما اقول لها سوي كذا تسوي عكسه ..
العنود ايش سوت قولي لي حركة حركة سوتها حتى لو عطست ..
سمر / ماما ماسوت شي اصلن ماجلست معاي .. حتى الضيافة ارسلت ساره ..
الجوهرة بكره / لانها قليلة ادب لو فيها شوية ادب كان جلست معك .. اسمعي ياسمر ..
لا تعطين هالعنود وجه ولا تطبين بيتهم خير شر اما ساره تراها دودة من تحت تبن ..
لاتغرك وتمثل عليك الطيبة هي مراية لاخته كلها خبث وشر .. ابعدي عنهم .. واقطعي كل علاقاتك فيهم ..
سمر سكتت وماردت على امها محتاره .. اذا قاطعة ساره من تكلم بالرياض وتزورها ويزورها ..
راكان طول الوقت بالشركة .. والبنات منقطعات عنها ..
الجوهرة بحدة / سمررر اكلمك ماتردين عليه .. فهمتي اللي قلت لك علية ..
سمر ما سمعت ايش قالت .. وبارتباك / هااه ايوه ايوه فهمت ..
الجوهرة بعصبية / والله ما يموتني ناقصة عمر الا انتي وخالتك وابوك ..
سمر / ابوي ايش سوى ..؟
الجوهرة بقهر / مايكفي عمري اللي راح وانا محرومه من التمتع بهالدنيا .. بيزيد عليه وبيحرمني بهالعمر ..
سمر موفاهمه / ايش تقصدين يمه ..
الجوهرة تنهد / ام خزامى عندها صديقات نسوان رجال اعمال يعني من العوائل الكبيرة بالسعودية ..
يسوون سهرات كل نهاية اسبوع سوالف واخبار وغناوي ورقص .. " تنهد " جمعات عمري ما شفت مثلها ..
وكل وحدة تجيب بناتها معاها او خواتها او بنات خواتها .. رحت لهم مرتين ..
ياني تفشلت في اول مره رحت لهم حسبتها مثل جلسات عماتك .. وصديقاتنا .. رحت لهم بجلابيه من جلابياتي ..
هي مافيها شي وكاشخة بس مو مثلهم انا بينهم كاني امهم .. هم لبس غير وسوالف غير ..
وكل وحدة تتكلم عن سفرتها لأوروبا والا امريكا والا والا والا شي ياسمر ماعمري سمعت فيه ..
وانا جالسه بس اتبوسم لك .. حدي سفراتي الطايف والا الجنوب .. وان سافرت للخارج الخليج والا لبنان وسوريا ..
لا بعد مجموعه القبيلة كلها معاي .. ويوم شافني ابوك مستانسه واروح اسهر عندهم ..
صار يصارخ علية ويهدد ويتوعد فيني .. " تنهدت " فوق ماني صابره على هالعيشه اللي تنقص العمر ..
بيحرمني من الفرحة باخرتها .. علشان كذا يابنتي اقولك اسمعي كلامي حتى لاتعشين بالحرمان والنقص ..
وتشوفين غيرك يشوف هالدنيا ويعيشها بطولها وعرضها وانتي لا .. اسمعي كلامي ونفذية .. انا اكبر منك وافهم منك ..
سمر اول مره تسمع هالكلام .. هم صح عمرهم ماراحوا رحلة لوحدهم كل عمامها وعماتها مع بعض ..
ولا مره سافروا للخارج .. الا مرتين او ثلاث .. وبعد ما طولوا .. وندموا على خروجهم لها وكرهوها بعد ..
صوت رنين الجوال ..
رفعته سمر / هلا نوال .. الحمد لله .. ايه .. ياليت .. خلاص تم .. اصلي المغرب وانزل ..
قفلت .. " سمر لامها " .. هذي نوال تقول اتفقوا هي والبنات انه نزور غرام اليوم ..
الجوهرة / وانا بعد رايحة لام سند .. والله خجلان منها .. من يوم ماطلعت بنتها مارحت لها ..
" توقف " .. يالله نصلي ونروح لهم ..
سمر / ان شاء الله ..


ـــــ



بالرياض ..
بالشركة ..
راكان يمسح على شعره / الحمد لله مابغينا نخلص ..
غنام واقف ويحرك جسمه يمين يسار / انكسر ظهري وانا جالس ..
زياد / الحين نقدر نريح شوي ..
راكان / اتعبناك معانا ياغنام .. اعذرنا .. وان شاء الله حقك محفوظ ..
غنام ياخذ شماغه / هذا واجبي .. ومافيها حق ما حق ..
راكان / لا .. ان شاء الله اول ما تتعدل الاوضاع المالية راح تاخذ مكافاءة على مجهودك ..
غنام يبتسم / مانقول لا اذا فيه فلوس انت كريم وحنا نستاهل .. هههههههههه ..
راكان وزياد / ههههههههههه
زياد / الا مانت ناوي تنزل لشرقية يا راكان ..
راكان بمزح / وانا ليه ادهن سير غنام .. لان بكره نازل لشرقية .. اشتقت لها ..
غنام / اشتقت لشرقية والا المدام ..
راكان يوقف وياخذ شماغه / ما ابي اكذب عليكم .. للاثنين ..
زياد / وانا رايح بعد معاك لي حول الشهر ماشفت جدي وجدتي ..
غنام / روحوا ولا تشيلون هم .. مافي شغل مهم هاليومين .. كله خلصناه اليوم ..
راكان وزياد / الحمد لله .. اجل تصبح على خير ..
غنام / وانتم من اهله .. استاذن ..
راكان / اذنك معاك ..
زياد لراكان .. وبعد طلوع غنام / متى نمشي ..
راكان / انا ودي الليله ..
زياد / قدام مشينا ..


ـــــــ



بيت ابو نايف ..
بالمطبخ الطابق الاسفل ..
العنود / بسم الله الرحمن الرحيم .. من انتي ..
زهرة /هههههههههه ماعرفتيني انا زهرة ..
العنود بضحكة / ويش مسوية بنفسك .. وليش كذا .. لا والله راح فيها صبري .. بذبحين الرجال لو شافك كذا ..
زهرة اللي حاطة شامة كبيرة بوجهها و ملبسه اسنانه بلبس اسود مقرف .. وحاشية ملابسها وصايرة دوبية ..
والشعر منفشته .. وريحتها مقرفة ../ هذا كله علشان اكره شريفة وبناتها فيني يصيرو كول ما نظرو فيه ..
قرفو وطردوني .. افتك من شرهم ومن غثاهم .. وصبري مبسوط ومكيف على الاخر ..
العنود / ههههههههههههههههههههههههههه ههههههههههههههههههههههههه هههههههههههههههههههههه
ههههههههههههههههههه ااااااااااااه يابطني هههههههههههههههههه من هههه من زمان ماضحكت
هههههههههههههه الله عليك يازهرة هههههههههههههههههههههه
دخلت ساره عليهم بسرعة / ايش فـ اااااااااااااااااااااااااااااه يمه انتي مين ..؟
العنود وزهرة / هههههههههههههههههههههههههههه
زهرة / انا زهره هههههههههههههههههه
العنود تحاول تهدا من الضحك / يالله اطلعوا ابي اسوي العشاء ..
زهرة / لا ياعمه هذي المره سبقتك وسويته .. ذوقوا طبخي ..
العنود / ليه يازهرة انتي توك عروس ..
زهرة تتنهد / خليني ياعمة اشتغل الهي نفسي عن ذكر اخوية الله يرحمه ..
العنود / الله يرحمه .. مادام فيها راحتك فسوي اللي تحبينه ..
ساره / عنود نايف خلص حمامه ويبي شاهي .. يقول ابيه ثقيل وحلو يعني حق الكيف ..
انا مافهمت اذا انتي فهمتي سوية ..
العنود عاقدة حواجبها .. تصرفات نايف مو مريحتها .. جوال جديد وبرمز قفل جديد .. ملابس غريبة ..
سيارة جديدة .. مبلغ مالي كبير في محفظته .. كل شي فتشته .. فيه شي ما يريح ..
قطع عليها سلسلة افكارها .. صوت زهرة ..
زهرة / ياعمه هذا الشاهي اللي طلبه نايف .. ياعمه ..
العنود انتبهت / هممم ايه .. ااامم .. شكرا ..


ــــــ


بالخبر ..
بيت ابو سند ..
البنات حولين غرام ..
سمر تبكي / انا اسفه تاخرت عليك بس ماكان عندي خبر قبل يومين قال لي راكان وبتال وعلى طول جيت لك ..
غرام تطالعها بجمود ..
شجون اللي مغطيه وجهها ماتبي غرام تشوفها وهي تبكي ..
نوال تحاول ماتبين تقرفها من الريحة ..
مرام ماقدرت تدخل بسبب الوحم .. وهي بالاصل لها اسبوعين ماشافت غرام من اخر مره طاحت فيها ..
ابرار تقضم اظافرها ماتوقعوا غرام بهذي الحاله ابد هم مازاروها ولا مره ..
رنا وروان واماني وريهام طلعوهم البنات لانم فضحوهم بصوت البكى وكان احد مات ..
نوال بابتسامه ../ كيفك غرام ان شاء الله تحسين نفسك احسن ..
غرام جامدة ما ترد عليهم ولا تعطيهم أي اشاره .. ماتبي تبين ضعفها ولا تبي احد يشفق عليها ..
وزعلانه من صديقاتها وبنات عمها .. الي مازاروها .. ماكانت تبي البنات يزورونها ..
بس لمن سمعت ان الشباب مسوين سهرة بالاستراحة وسند كان رافض الروحة علشانها ..
فقالت ان البنات بيسهرون عندها .. وسند علشان ترتاح نفسيتها وتقدر تقاوم المرض ..
رضخ لامرها وطلبها .. ومره وحدة ياخذ راحه حتى يقدر يعيد ثباته و اتزانه .. ويرجع سند السند لعائلته ..
رنيم / غراام انتي تسمعينا ..
غرام لا رد ..
ريما / لنكون ازعجناها ..
نوال مهي قادره تتحمل اريحة .. / عن اذنكم رايحة الحمام " اكرمكم الله "
ابرار في نفسها " معقوله هذي غرام .. اللي كانت ماتقعد في مكان واحد ولا تسكت .. معقول هذي نهايتها "
رنيم / ابرار انتي تسمعينا ..
ابرار / هاا
رنيم / اقول ايش رايك نقعد عند غرام غصب عنها ونراضيها والا نتركها ونروح ..
ابرار / كيفكم ..
ريما تضحك / لا بنقعد عندها اللين تتكلم .. وتضحك معانا ..
سمر ثبتت الاي باد قبال غرام وكتبت ..
" ادري انك زعلانه لاني ما كلمتك .. بس انا ماكنت ادري عن مرضك صدقيني ..
لو عرفت كان شفتيني عندك من اول يوم .. غرام ردي عليه لا تخليني .."
غرام حركت يدها ..
البنات / ههئئئئئئئئئئئئئئ .. " شهقة خوف وعطف .. اصابع ملوية بطريقة مؤلمة "
غرام تكتب " اتركوني لحالي " طبعا اخذت وقت طويل الى ان كتبت هالكلمتين ..
شجون سحبت الغطاء عن وجهها وكتب .. " اذا قدرتي تركبيني على الخيل تقدرين تطلعينا من عندك الليلة " ..
سمر / ههههههههههههه ما اتخيل شكله شوجي وانتي فوق الخيل ..
شجون / من وأنوثتي الطاغية والا ركوب الخيل بس لرجال ..
غرام .. فيس رفع حاجب ..
وبدا البنات يدخلون شوي معاهم طبعا يخرجون شوي ويغيرون جوا .. مو كلهم سوا .. كل بعد شوي تطلع وحدة ..
وقفت رنيم وريما و فتحوا شبابيك الغرفة .. وبعد وقت دخلت ريهام وقدرت تسيطر على دموعها ..
واتفقوا انهم يتعشون عند غرام ..


ـــــــ


عند الشباب بالاستراحة ..
توه وصل راكان وزياد ..
راكان / والله لكم وحشة ..
عناد / صدقناك .. من لمن صار اللي يجيبك الشرقية عندك وانت قاطع ..
راكان / هههههههههه لا والله لا تظلمني .. وهذا انا اتصل عليك في اليوم اكثر من مرة ..
تقول كذا اجل لو قطعت ايش بتسوي فيني .. وتعلق مشنقتي على مدخل الخبر ..
بتال / اقول من عند طلال .. احد راح يساعدة ..
ياسر / لا لوحدة .. فارس وسيف راحوا لهم مشوار .. وبيرجعون بعد اشوي ..
سعود وصقر يلعبون بلاي ستيشن وسامر و زياد يشجع ..
بتال / اجل انا رايح له ..
سند قاعد قبال المسبح ويفكر .. كان بينه وبين الشباب اللي داخل الجلسه جدار زجاجي ..
راكان / كيف غرام ..
عناد يتنهد / على الكلام اللي تقوله امي انها بالحيل تعبانه .. انا شفتهم لمن جابوها من المستشفى وكمان اول ماطاحت ..
تصدق تمنيت يرجع الزمن لورا وما اضايقها بوالا كلمة صح قبل تنرفزني بحركاتها بس مو كره فيها ..
خوف عليها غرام ماتجي مكان الا تغير كل جوه تخليك تضحك وتعصب بنفس الوقت ..
راكان سرحان بسند / وهو كيف عايش ..
عناد / من يوم طيحت اخته وهو مايتركها الا الليلة وعلى اللي قاله فارس ان غرام هي اللي طلبت ..
راكان يقاطعه / هي تتكلم ..
عناد عقد حواجبة / كلامها ما ينفهم بس سند يفهمه وبعض الاحيان يقول اللي تبيه قبل ماتتكلم او تبين ..
وقبل يومين قالت لي امي انه حطوا جهاز قبالها اتوقع أي باد تكتب فيه ويفهمون عليها ..
راكان / انا اختنقت من جو الجلسة خلنا نطلع للحديقة ..


عند طلال ..
بتال / كيف الوضع عندك ..
طلال / متقلب ..
بتال / طيب متى بيستقر ..
طلال / المشكله مرام مو راضية تفهمني عندها شي في راسها ماني فاهمه ..
الكلام اللي قالته لي امي عنها كله عشته وقت الخطوبه .. هدوئها واناقتها ..
غيرت كل تفكيري عن الزواج وبدات اتقبلها بس بعد الزواج انقلبت 360 درجة ..
لا تلبس ذا لا تقول كذا لا تروح هينا ولا تسوي كذا لا تزعلني ..
وانا انفذ اللي يريحه .. واذا طلبت شي نفذت العكس تماما .. مانبي عيال الحين ..
اول شهر حامل .. احمد الله ياطلال وهذا مكتوب .. لا تتصلين عليه وانا بشغل ..
كل دقيقة اتصال والا رساله غزل .. اجي البيت ليش ما ترد ليش ماترسل ليش تطنش ..
انت ماتحبني ... هييييييييي موال البكي والدلع .. هههههه بس ربي اخذ حقي منها ..
وحامها كله نوم اروح واجي نايمه .. هذا احسن شي بس اللي مضايقني انها راكنتني على الرف ..
بتال / يا اخي صدعت راسي وانت بس تقول ايش يصير اجل كيف لو اعيشه .. واحسن خلها تركنك على الرف ..
طلال / لا .. اقولك شي بس ما تضحك .. تعودت على موالها اليومي ..
بتال / هههههههههههه حالتك صعبه ههههههههههههههه ..
طلال / اقولك لا تضحك وتضحك الشرهه مو عليك عليه انا اللي اشكي لك .. صدق الشكو لغير الله مذله ..
بتال / هههههههههههههههههه


راكان وعناد ..
عناد / ها يالعاشق كيف المعشوقة ..
راكان يتنهد / والله ياعناد ما ادري ايش اقول ..
عناد عاقد حاجبه / عسى ما شر ..
راكان / احس فيه شي .. ما ادري هينا " وياشر على صدرة " فيه شي ما اعرف اوصفه ..
عناد / انت قبل تقول احساس بقص ماراح يكمله الا سمر .. ويش الاحساس الثاني " وبمزح " ليكون احساس الابوة ..
راكان صد عن عناد وهو مو مقتنع .../ يمكن ..
عناد / اجل شد حيلك وخلك مثل طلال ..
راكان يبتسم / ابو سنتين .. هههههههه ..
عناد / لا يسمعك يعصب .. ههههههههههه ..


دخل عليهم بالجلسة .. / السلام عليكم جميعا .. ما وحشتكم ..
الشباب / هلا وعليكم السلام ..
سعود / الحمد لله على السلامه ..
رعد / الله يسلمك ..
فارس / مفاجأة حلوة صح ..
سيف / ويش مفاجأته اصلا الكل يدري انه جاي الليلة ..
طلال / حياكم يا شباب العشاء جاهز ..
الشباب / الله يبقيك يابو عبدالعزيز ..



ــــــ
بمكان اخر ..

...بابتسامة نصر/ طال عمرك .. لقينا اللي طالبته ..
... بفرحه / واخيرا .. انتبهوا له وخلوه تحت عينكم .. و انتظروا الاوامر ..
..../ سم طال عمرك ..




وبمكان اخر ..

... بعصبية / ويش تقول انت ..
.. بارتباك / هذا اللي صار طال عمرك ..
.... بعصبية / جهز نفسك راح تهرب معي برا المملكة .. الا ان تضيع السالفه ..



ـــــــ



يوم جديد ...

بيت ابو سطام .. على الغداء ..
ابو سطام / الله يبلغنا الشهر الكريم وحنا باحسن حال ..
راكان وزياد ورعد / امين يارب ..
ام سطام / متى بترجع لـ الرياض يا راكان ..
راكان / اذا الليلة اعلنوا انه رمضان بكرة بعد الفطور ان شاء الله ارجع ... واذا لا بكرة العصر ..
ابو سطام / الله يوفقكم ان شاء الله ويحميكم من كل شر .. الا يازياد وشلون ابوك ..
زياد / الحمد لله هالايام صحته زينه ..
ابو سطام بفرحة / هاا تقوله صادق انت تجلس معاه ..
زياد / والله ياجدي الشغل ما خلا عندي وقت .. بس اكثر من مره تغدا معانا ..
ام سطام / حلفت بالله ياراكان ان تجيب ابوك معاك لو بالغصب المره الجاية .. طلبتك يمه لا تكسر بخاطري ..
راكان بضيق / ان شاء الله يمه .. يصير خير ..
ام سطام / لا ابيك توعدني ياراكان .. والله ياراكان ان ما جبته المره الجاية لا اقاطعك طول العمر ..
رعد / ابشري يمه ولاتزعلين خاطر ان ابو راكان ماجانا انا اخذتك واخذت ابوي وطبينا عليه ..
ابو سطام / تقوله صادق يارعد ..
راكان / لا والله ما تتعبون نفسكم بالمشوار انا برسم الخدمه واجيبهم لكم وبعد نعيد عنكم باذن الله ..
ابو سطام وام سطام .. بابتسامه فرح .. واستبشار بالخير .. / الله يخليك ويسهل دربك .. ويحفظك من كل شر ..



ــــــ



حبّوا من تحبّـون مـن غيـر تقصيـر
وأعطوا بلا منّه
وعيشوا بلا غيـاب!
ما من ورى العزلة
سرور وتباشيـر
غير الحزن والدمع
لأصحابها اصحاب!
وان شحت الأفراح
فأستبشروا خيـر
ما صك بـاب إلا فتـح غيـره ابـواب! ..






اعلن بان الليلة ليلة رمضان ..
وتسارعت ايامه ..

غرام .. وبتلاوة القران تحسنت واصبحت تستطيع الجلوس لوحدها .. وتحريك يديها ..وبدا يوضح قليل من كلماتها ..
سند .. عاد الا اتزانه .. تلك الليلة اعتذر من والده .. وابو سند " فهد " مازال غاضب من العنود زوجته .. وهي لم تعتذر بعد ..
ابو بتال " سلطان " .. مازال اعصابه مشدودة .. خوفا من الخساير المحتمة على الشركة ولا احد يعلم بها ..
الا خالد وعبد العزيز .. والجوهرة تزيد علية بتذمرها من الوضع تريد السفر وتريد السهر .. لولا تساله عن حاله ..
غيث .. بدا مكتب المحاماة بالاشتهار .. قرب موعد وصول اخيه يعني قرب موعد عقد قرانه بريما ..
التي لم يراها الى الان .. وطلب النظرة الشرعية .. والموعد .. اول العيد ..
راكان .. مشغول بالشركة والمشاريع التي يحاول ان تكون قفزة لشركة .. سمر محتارة هل ستكمل دراستها بالرياض ..
ام تعتذر لهذة السنة وتقدم السنة المقبله مثل شجون .. ساره قطعت الاتصالات بها ..
العنود ما زالت متواصلة مع ام طارق بالذهاب معها الى الشيخ وعلاج والديها .. دون ان يلاحظ احد ..
زهرة وساره ساعدوا العنود بالشي الكثير .. فصبري اصبح يراقب بوابة المنزل الرئيسية ..
وكلما راء عبدالله وشريفة بلغ زهرة .. لتتنكر والعنود لتختفي وتخفي والديها .. خلود اما بغرفتها او مع والدها ..
خديجة كثرت غيابها عن المنزل ولا احد لحظ غيابها ..زياد كما هو ظل راكان .. ابو نايف في غرفته ولا يروح ولا يجي
نايف .. غيابة عن المنزل باليومين والثلاث .. العنود كل ما تساله يعصب ويصارخ عليها ..
رعد ماهمه موضوع ملكته وان فيه وحدة بتشاركة حياته قرر وراح يتنفذ وبدون نقاش " زواج على ورق وبس "
بتال طول فترة شهر رمضان وهو يفطر ويتسحر مع سمر وراكان وبعدين يروح شقته اللي ماخذها بالرياض ..



اليوم .. 20 / 9 .. الموقع .. مدينة الرياض .. الساعة .. 12:30
بيت ابو نايف ..
صحيت العنود على صوت طق الباب .. بصوت نعسان .. / مين ؟
... بصوت مازح / انا الذيب ..
العنود عقدت حواجبها لفتره وبعدين ابتسمت .. وهي تفتح الباب / ويش تبي يالذيب ..
منار تحضنها وهي تضحك / ابي اكل كممممممممممممممم هههههههههههههههههه
العنود / الحمد لله على السلامة متى وصلتي ..
نايف اللي كان غايب عن البيت من ثلاث ايام بصوت مبحوح / اتصلت عليه على السحور وقالت استقبلها ..
منار / ماعرفته بالبداية الا لمن قربت .. والله تغيرت يانيوف .. والا السيارة كاااااااااششخه ..
نايف / اذكري الله .. لا تصكيني عين ..
العنود بنبرة / لسه ما شفناها ولا ركبناها الا ايش نوعها ..
منار / لاااااااا تقوووووليننننننننن اني انا اول وحدة ركبتها ..
العنود / بضبط .. ما قلتي لي ايش نوعها ..
نايف هو داخل طالع من جناحهم رايح غرفته الجديدة .. / اودي .. " ودخل غرفته وقفل الباب " ..
منار / الا ايش السالفه ليش نايف متغير ..
العنود ترفع كتوفها / مدري ..
ساره وهي تتثاوب وتحك شعرها / ليش هالازعاج ..
منار بعصبية / ساررررررررووووووووووه كم كره قلت لك لا تلبسين بجايمي ..
ساره بفرحة تنقز / منووووووووور " وطراخ " ..
العنود ومنار / هههههههههههههههههه
ساره بعبرة / هذا بدال ماتطمن عليه لصار فيه شي ..
العنود وهي تضحك تحاول تقومها / هههههه هههههه قومي ههههههههه انا قلت لك البارح انتبهي ههههههه
منار / ههههههههه ما دام انها كبيرة عليك وبس تطيحين وانتي تلبسينهم ليه تلبسينهم مرة ثانية تستاهلين ..
ساره بزعل / انقلعي .. اللهم اني صايمه اللهم اني صايمه ..
منار / ايه صح تذكرت .. اللهم اني صايمه ..
العنود واقفه تطالع فيهم وهي تضحك ..



ـــــ




بالخبر ..
الساعة .. 8:00 م
عناد / ابرار .. تعالي ابيك شوي ..
ابرار تقوم من قبال التلفزيون .. وتلحق عناد .. ودخلت وراه غرفته ../ خير فيه شي ..
عناد بجدية / قفلي الباب وتعالي اجلسي ..
ابرار وهي مستغربه قفلت البار وجلست قباله / خير عناد خوفتني ..
عناد / مِن مْن البنات معاها بلاك بيري ..
ابرار ببرائة / رنيم بنت عمي راشد .. ليه ؟
عناد / بس ..
ابرار /ايه بس .. والباقي يا أي فون يا جالكسي .. مانحب البلاك بيري ..
عناد عقد حواجبة / طيب روحي ولا تقولين لا حد عن اللي صار ..
ابرار وقفت وهي مستغربه / طيب .. " وراحت وخلت عناد " ..
عناد تنهد / رنيم ..



ـــــــــ



بالرياض ..
العنود بسرعة / نايف قوم .. ناااايف ..
نايف نايم كانه ميت .. العنود تعبت وهي تحاول تصحيه .. ومو راضي يصحى .. تركته وراحت لغرفتها ..
العنود بسرعة / سارة انا رايحة المستشفى ابوي مرتفعه حرارته ونايف مو راضي يصحى ..
ساره / طيب كلمتي زياد والا راكان ..
العنود / لا .. " اخذت عبايتها بسرعة وطلعت " ..
العنود وهي نازلة مع الدرج صادفة منار وهي طالعه معاها كاسة عصير مانجو ..
منار / عنود ايش فيم على وين رايحة ..
العنود / رايحة اودي ابوي المستشفى تعبان ..
شريفة اللي واقفه عند غرفة الجلسة وماكانت تدري بجيتها العنود / ويش فيه ابوك ..
العنود لفت لها متفاجاة / تعبان .. عن اذنكم ..
راحت العنود بعد مالبست عبايتها تنادي زهرة حتى صبري يجهز السيارة ..
زهرة / ياعمة صبري دوبه حرك راح يجيب اغراض البيت اللي ناقصة .. وخلا جواله هينا عندي ..
العنود وقفت ضايعه ماتدري ايش تسوي رجعت بسرعه لغرفتها واخذت جوال ساره واتصلت على راكان ..
راكان وبتال وزياد وغنام بمجلس راكان اليوم معزومين عنده للفطور .. اول اتصال من ساره مارد ..
قال اكيد تطلب منه يجي يفطر عندهم وهو مشغول هالايام حتى صار يجيب شغله للبيت معاه ..
وهذا الشي بدا يضايق سمر .. علشان كذا راح يخليها تروح لشرقية مع بتال بعد يومين وتقعد عندهم الا بعد العيد ..
سمع صوت رنة رساله فتحها وكانت من العنود ..
" راكان انا العنود ابوي مرتفعة حرارته مره محتاج مستشفى لا تخذلني يا اخوي تكفى ماعندي احد يسعفه " ..
راكان مايقدر يترك الشغل الحين والضيوف .. بهمس / زياد روح للبيت ابوي تعبان ..
زياد رفع عينه في راكان .. ركان بهمس / لا تخلي بتال و غنام يحسون ان فيه شي .. بسرعة ..
زياد وقف / عن اذنكم ..
بتال / خير فيه شي ..
زياد بارتباك / لا ابد .. اا .. بس تذكرت مشوار مههم كنت ناسية .. اسمحولي ..
الكل / مسموح ..




ـــــــ



بعد يومين ..

بيت راكان .. اليوم بتال ما افطر عندهم عازمة غنام للفطور وقال مره وحده يخلي راكان وزوجته يرتاحون من وجهه ..
راكان / ها سمورتي مبسوطة انك بتروحين الشرقية ..
سمر / ما تتصزر قد ايش .. والا طفست وانا هينا ..
راكان بابتسامه ورفعة حاجب / لا والله وتقولينها كذا بوجهي ... حتى مراعاة لمشاعري ما في ..
سمر / هههه لا حبيبي بس انت مشغول هالايام كثير وانا قاعدة لوحدي ما تعودت ابد ..
راكان بخبث / بس تدرين انه مافي شي ببلاش ..
سمر رافعه حواجبها / احلف .. ويش تبي ..
راكان / الكتاب باين من عنوانه ..
سمر بغنج / اااااممممممممممممم والله على حسب مزاجي ..
راكان يرمي الملعقة اللي كان يكل فيها الحلى .. / لا والله مزاجك ها .. انا اوريك يام المزاج ..
سمر نطت من الكرسي وراحت تجري .. وراكان وراها .. وهي تصارخ جد خايفه وهو يضحك على صراخها ..



ــــــــ


بتال بعد ما خلص فطور مع غنام استاذن من بدري وراح يزور عمه ..
بتال عند الباب الرئيسي / ياولد يا اهل البيت ..
صبري / اهلا اهلا .. تفضل ..
بتال / وين اهل البيت ..
صبري / العم زياد دوبوه طلع .. والعم نايف من امس مسافر .. والعم ابو نايف نايم بغرفته ..
بتال / وعم ابو راكان وين ..
صبري / في غرفتوه هو تعبان هاليومين اذا تبغى تزوروه تطلع لوه في غرفته .. دقائق بس ..
راح صبري كلم زهرة ودخلت زهرة لعند العنود ..
ساره / العنود ماتلاحظسن ان شريفة وعيالها هالايام خافه زياراتهم ..
العنود / جعلها دوم ..
ساره / لا انـ ..
زهرة دخلت / ياعمه في راقل يبغى يزور عمي ابو نايف ..
العنود وقفت عند الشباك بظنها ان محد يشوفها .. بس بتال لمح الظل اللي واقف عن الشباك وراح ..
بتال بداخلة / ويطلعون مع الشبابيك على الرجال .. هالعنود كل مره اقول احسن الظن بها يا بتال بس ماش ..
هذي مو حقت احسان الظن .. من يوم اللي قالته امي و اخذها صور سمر واللي سوته بالزواج .. ابد مو هينه ..
صبري يقاطع تفكيرة / تفضل ..
بتال يطالع بصبري من فوق لتحت .. وبداخله " رجال غريب وسطهم بلا حسيب ولا رقيب ..
لا ابد مو عاجبني الوضع .. راكان لا زم يعرف بالموضوع كله .. ويشوف له حل "..
وهو طلع مع الدرج سمع صوت ضحك بنت واصل لا اخر الصالة .. وكلامها كله واضح ..
منار / هههههههههه حبيبي كلاها ايام ونكون مع بعض على طول .. خلاص ..
ما بقى الا كم يوم من رمضان وكم يوم من العيد واحون معاك .. يا لله حبي بلا زعلا .. حياتي انته ..
وهذي احلا بوسة اممممممممممممممممممممواح ..ههههههههههههههههههه لا لا تذوب بعدين من وين للي حبيب .. "
بتال ما قدر يستحمل الكلام وحاس ان النار شاعله في صدرة .. دخل على عمه وسلم بسرعة وتحمد له بسلامه وطلع ..
زهرة / الضيف راح ياعمة ..
العنود / ما امداه .. ماتقهوا ولا شي ..
زهرة / لا ابدا ..
ساره / يمكن استحى قال ما فيه احد من الشباب ما يصر اجلس ..
العنود / يمكن .. الا وين منار لساتها تكلم الحبيب ..
زهرة / ايوووه تكلموه " وبمزح " ابغى اروح اسمعها واحفظ كم كلمه منها يمكن اهبل بصبري ..
العنود بضحكة / اكثر من كذا .. حرام عليك .. هههه ..
زهرة بكوميديا / يامئمنه لرقاله يامئمنه المية بالغرباله ..
ساره والعنود / ههههههههههههههه



ــــــــــ



بالخبر ..
طلال / عناد انت متاكد ..
عناد / ايه .. مافي احد من البنات معاها بلاك بيري غيرها ..
طلال / طيب يمكن واحد من الشباب بس مسوي انه بنت ..
عناد / لو واحد من الشباب يقول انا من بنات الفارس .. طلال صحصح معي ..
طلال / الموضوع مو مهم .. وحدة حاطة صورة شاب وتقول هذا خطيبي .. مو شي فاضح ..
عناد بعصبية / ادري ان هذا تافه ومو فاضح .. بس اللي مو تافه ولا فاضح اسم عايلتنا .. هذا يمس شرفنا ..
وبعد الكل يدري ان بتال مو خاطب ولا متزوج .. وبعدين اللي ارسلوها لي يقولون كنا نكلمها ..
تدري ايش يعني نكلمها .. ويمكن يواعدونها وتطلع معاهم .. اووووووووووووووووف ..
طلال / في هذي معاك حق .. طيب من ارسلها لك ..
عناد / واحد كان معانا من ايام الثانوية والجامعة والكل يعرف انه صايع تذكر توفيق الـ ..
ارسلها لي ويقول خويتي بنتكم ..اتصلت عليه وسالته ويش يقصد وحلفته وانا اعرفه زين انه مايكذب ..
ولا يخاف وقالي كل شيء .. في البداية ماصدقته .. لان اللي اعرفة البناتنا مايحبون البلاك بيري ..
بس قلت خليني اسال اختي يمكن وحدة عندها و ماندري .. وقالت ان الوحيدة اللي نعاها هي رنيم ..
طلال / وسواه الحين ..
عناد عصب من برود طلال وتناحته / طلال تدري خاطري في ايش ...
طلال / في ايش ..
عناد ينط عليه وبصوت عالي / اذبححححححححححححك ..



ــــــــــــــ



بيت راكان ..
راكان يفتح الباب / ياربييييييي انت ماتخلي احد يتهنا ..
بتال بعقدة حاجب / فينا نكلم مع بعض شوي .. وتقول لسمر تجهز ..
راكان بقلق / خير فيه شي ..
بتال يدخل / اول شي قول لسمر تجهز وخلينا نمشي يدوب نلحق .. وانت تعال المجلس ابيك بموضوع مهم ..
راكان راح لسمر وقال لها تتجهز وبسرعة راح لبتال ../ خير ويش فيه ..
بتال يحاول ينسق الكلام ويكون هادي حتى مايسبب مشكلة كبيرة لراكان / قفل الباب اول شيء ..
راكان حاس بان فيه مصيبة قفل الباب وجلس جنب بتال / بتال تراك ارعبتني ويش فيه انطق بسرعة ..
بتال / راكان انت تدري ان ابوك كبر وان غياب الرقابة عن البيت يسبب ضياع للبنات ..
انا بصراحة ماني عارف ايش اقول بضبط بس اللي ابي اقول لك .. انك تنتبه لأخواتك ..
راكان باستغراب / اخواتي .. اخواتي انا .. انت ايش عرفك بأخواتي .. وليش تقول هالكلام .. بتال ويش السالفه ..
بتال ذكر لمواقف اللي شاف فيها العنود وسماع المكالمات وما ذكر لراكان الخلاف اللي بين العنود وامه الجوهرة ..
لانها سوالف حريم ما يبي يتدخلون فيها ..
راكان / هههههههههههههههه ههههههههههههههههههههههه والله ضحكتني هههههههههههههههه
بتال عاقد حواجبة / راكان هذا الموضع يضحك ..
راكان / هههههههههههه اخواتي انا يا بتال كذا ومن العنود ههههههههه ..
بتال عصب / راكااااااااااااان بطل ضحك ..
راكان يهدا / اول شي العنود لو اشوفها بعيوني وسط شباب انا ما اشك فيها واحد بالمية ..
اما انك تقول تكلم ولبس وانت شفتها وسمعتها .. اصدقك .. لن الفترة اللي كانوا اهلي يجون فيها الشرقية ..
كانوا معاهم بنات خالتي شريفة وهذي اهي وبناتها ما استغرب أي شي منها .. وخاصة بنتها الكبيرة ..
اللي بعمر العنود او اكبر منها بسنه تقريبا .. انت ماتعرف اختي .. انا اعرفها اكثر منك ..
واللي شفتها بالعباية والمكياج هذي بنت خالتي شريفة خواتي عباياتهم عريضة وساترة وبدون زينه ..
ولو شفت وحدة منهم مايلة كان كسرت رجلها ..
بتال ماعجبه رد راكان .. وما يبي يقول له انت سمر ي اللي قالت له عن العنود بليلة عرس طلال ..
خايف يدخلها بمشكلة .. ولا يبي يقول لراكان عن اللي سوته العنود بامه ..
بتال بجدية / بس ولو يا راكان انت لازم تنتبه انت تدري يكلمون بجوالاتهم ..
راكان يقاطعه / ايه .. الرقم الاول اللي عندهم باسمي .. انا اعطيته نايف يعطيه العنود ..
وطول ماهو معاهم مكانوا عارفين انه باسمي وان انا اللي اسدد الفواتير .. وكل الارقام اللي يتصلون فيها اعرفها ..
والحين ساره عندها شريحة .. بدون اسم بكره احولها باسمي وكل المكالمات راح اعرف لمن ..
بتال سرح بفكرة شوي .. وبعدين .. تذكري شغله / امممم راكان انت ما تقول وعدت جدتي تعيد بالك في الشرقية ..
راكان / ايه ان شاء الله ..
بتال / قلت لاهلك ..
راكان / لا ليه انا ابي اخذم بعد كم يوم .. على 27 او 28 رمضان ان شاء الله ..
بتال / اهاااا يكون احسن ..
راكان / حس ان ورا هالاسئلة سر ..
بتال / بصراحة ايه .. اللي سمعتها تتكلم في بيتكم تقول بتقابل حبيبها بالعيد .. وبتكون معاه على طول ..
خلنا نتاكد اذا بنت خالته او اختك .. وايش يعني تكون معاه على طول .. بتهرب مثلا " قالها بسخرية "
راكان / هههههههه اتراك مانا بسعوديين ههههههه ..
بتال ابتسم .. وفي صدره زحمة افكار و هواجيس ..



ــــــــــــــــــ


بعد يومين ..



بيت ابو نايف ..

ساره كالمعتاد جاية تجري للعنود / العنننننوووووووووووود الحقي ..
العنود / خييررررررررررر
ساره / خالتي شريفة مسوية البطايق حقت عرسك انتي وعبدالله وتقول قولي للعنود تنزل وتشوفهم ..
العنود بسخرية / مصدقة عمرها خالتك .. وواثقه مررررررره ..
ساره / العنود جدي هالايام بس ساكت والحين لمن قلت له جدي من جد عبدالله بيتزوج العنود ..
قال اللي تبيه شريفة تسوية .. جدي ليه يخاف من شريفة ..
العنود وهي تلبس عباتها وبنبرة غريبه / مايخاف منها بس في راسة موال نشار يبي يغنية على حسابي ..
" وهي واقفه عند الباب " .. خليك هينا ومستعدة لقفل الباب ..
ساره واقفه عند الباب .. وشافت العنود تدخل ابوها غرفته وتقفل عليه و امها غرفتهم / انتبهي لامي ..
وقفلي عليكم الباب .. ولا تفتحين الباب مهما صار فاهمة ..
ساره تمسكها وبخوف / وانتي .. نايف مو موجود ولا زياد ولا احد ..
العنود / لا تخافين واخوانك حتى وههم مو جودين ماراح يقدرون يسون شي ..
هذا المهزلة اللي تسوية خالتك وجدك ماراح ينهيها غيري .. انتبهي لنفسك .. ولا تنسين لا تفتحين الباب لاحد ابد ..
طلعت العنود وساره قفلت الباب التفتت لامها وشافتها تبكي وتهز جسمها امام وخلف ..
ساره تقدمة من امها / يمه ايش فيك .. ليه تبكين ..
ام راكان / روحوا .. روحوا ..
ساره اللي تعودة تسمع هالكلمة بس مو عارفة لها تفسير / وين نروح يمه ..
ام راكان رحلت لصمت الضياع ..


بالاسفل ..
بمجلس النساء ..
شريفة تاكل علك وتقلب في البطايق ... دخلت عليها العنود وبصوت قوي / طلبتيني ..
شريفة نقزت / وجع .. فجعتيني ..
العنود تطالع بالغرفة / لحالك ..
شريفة وهي تضحك / اااايه البنات فرحانين بزواج اخوهم وراحوا السوق يكملون اغراضهم ..
وعبدالله يشوف جناحة فيه عمال يسوون البوية والديكور .. وااي لو تشوفينه يالعنود راح يهبل ..
ياحبيبي فرحان بعرسة .. وكله على شانك انتي يا العنود .. يحبك ..
العنود قفلت الباب بقوة وقفلته بالمفتاح .. وتقدمة بهدوء من شريفة ..
شريفة تغير لونها ../ بنت العنود ويش فيه .. ويش بلاك تطالعيني كذا .. تخوفين يا بنت ..
العنود تبتسم / جد خفتي يا ..........,.............,...............,................,.. .............,.........
شريفة تسمع باقي الكلام وكل بعد شوي يتغير لونها من الخوف .. قامت شريفة ولبست عباتها وطلعت بسرعة ..
العنود تطالع بالبطايق المرمية على الارض .. لمتها وقطعتها كلها ورمتها بالزبالة ..
وخرجت من الغرفة .. شافت منار وزهرة داخلين البيت .. ومحملين اكياس جايين من السوق ..
زهرة / بسم الله الرحمن الرحيم .. هذي ام خبله ويش جابها ..
منار / ويش فيها تجري كذا كانها احد يطاردها ..
العنود تهز اكتافها وببرود / مدري .. " وطلعت فوق ولحقتها منار "
طقت الباب العنود .. ساره / مين ..
العنود / فتحي انا ..
ساره فتحت الباب / هاا ..
العنود / وين امي ..
ساره / نامت .. العنود امي كانت تبكي و تـ
العنود تقاطعها / هششششششش تعالي بالصالة الكبيرة ..
منار / ايش صاير انا زي الاطرش بالزفة واقفه معاكم ..
العنود / مو صاير شي بس ورينا ايش جبتي ..
منار / تعالوا شوفوا .. بس قبل كل حاجة .. انا حجزت وطيارتي قبل الفجر يعني سحروني بدري ..
العنود / ومن بيوصلك المطار ..
منار / الحلوة زهرة وزوجها صبري .. تجنن ذي الادمية ..
العنود تبتسم / أي صح .. يالله ورينا بسرعة وخلينا نرتبهم لك لا تتاخرين عن عمرك ..
منار بابتسامه / وه فديتوه ..
العنود وساره / خفي علينا يا جولييت .. ههههههههههههههههه



ــــــــ



بالخبر ..
عناد / ها ايش نسوي ..
بتال / نقول لصقر ..
عناد / صقر بمكه هو وسامر وياسر .. ويبون يطولون وماهم راجعين الا ليلة العيد مع بدر علشان عندة اجازة ..
بتال / طيب .. لزم نجيب هالبلاك ونفتشه .. بس كيف .. محتاجين مساعدة وحدة من البنات ..
طلال / مانبي نسبب مشكلة بين البنات وبعدين لو وصل العلم لرنيم راح تزعل ..
عناد / بطقاق وخلها تزعل ..
بتال / وهو صادق ..
طلال / لا حرام عليكم ..
رعد يجلس جنبهم / ويش فيكم تتوشوشون ويش العلم ..
عناد قال لرعد كل السالفه ..
رعد / انا عندي الحل ..
بتال / ويش هو الحل ..
رعد / انا اروح ازورهم في البيت واتغفل رنيم واخذه ..
طلال / حلو هالحل .. ومافيها مشاكل ويوصل العلم عند الكبار وتصير مشكله مالها حل ..


ــــــــ


بيت ابو عبدالله ..
عبدالله بعبية / وشلون يعني مافي زواج بالعيد ...
شريفة بصراخ / يعني مافي انا ويش اتكلم اعجمي ..
عبدالله بصراخ / ويش السبب طيب انتظر هالفترة واخطط واخر شي مافي ..
شريفة تحاول تهدا / انت خطبتها .. حللت .. ابوك خطب .. انا نسيت ان اخطبها من اخوها ..
كنت اظن ابوي يكفي لكن اليوم ابوي قال ما خطبتوا البت ولا كلمتوا راكان ..
عبدالله / بس هذا بسيطة الحين ادق على ابوي يجي بكرة ونروح نخطبها وانتهت المشكله ..
شريفة بارتباك / وشلون انتهت العنود ماتبي تسكن هينا تبي بيت لحاله وتبي تجهز عمرها ..
تبي تفرح .. انت ماتبيها تفرح ..
عبدالله ارتبك / العنود .. طيب على اللي تبيه بس نملك ذحين وبعدين الزواج على راحتها ..
شريفه تحاول تفتك من هالمشكلة اللي ماتوقعتها / طيب اصبر خلي ابوك يجي ..
ويكلم راكان ويخطبها ونعيد نرتب الامور بهدوء وعلى اللي يرضي العنود لاتزعل ..
عبدالله بعصبية /اوووووووووووووووووف " وتركها وطلع "
شريفه بداخلها " هذا اللي ماحسبت احسابه طيب يالعنود تهدديني انا .. ان ماخليتك تركعين عند رجولي ..
تترجيني اسامحك .. وامك وابوك واخوانك راح اخليهم كلهم خدم عندي .. اصبري يالعنود اصبري .."



ـــــــ



بالخبر ..
بيت ابو صقر ..
مياسة بفرحة / من وين الشمس شارقة اليوم رعد جاي يزورنا ..
رعد / هههههههههه والله ادري اني مقصر معاكم ومو بس معاكم مع الكلا بس الدنيا ملاهي ..
رنا / ملاهي و الا سينما ..
رعد بسخرية / ياااااا الله ضحكتيني ههههههههههه بايخة لا عاد تعيدينها ..
رنا برطمت .. البنات / ههههههههههههههههههه
رنيم الله جالسه جنب رعد والبلاك بينهم / اشولن تجيزاتك لزواج ..
رعد / على ابو سطام وسلطان انا ويش دخلني ..
رنيم " هه كلكم زي بعض عندكم الحرمة قطعة اثاث تستخدمونه متى ما بغيتوا وترمونها متى مابغيتوا "
وقفت / عن اذنكم .. رايحة اشرب موية احد يبي ..
مياسة / ايه يمه رنيم وقلي لشغالة تجيب الضيافة ..
الكل كان يطالع مياسة ورنيم .. في هالاحظة رعد اخذ الجهاز ودخة جيبه بسرعة وبدون ما احد ينتبه ..
مياسة / ماودك تشوف هيفاء مثل ما غيث طلب ..
ريما دوروها ما تلقونها ... راحت تجري للمطبخ تلحق رنيم ..
رعد ومياسة / ههههههههههههههه
رعد / احرجتيها ..
مياسة / لا تتهرب من السؤال ما ودك تشوف هيفاء ..
رعد يوقف وبضيق / لا .. وانتي تدرين اني ما احب اتكلم بموضوع الزواج ..
مياسة / حبيبي لا تزعل .. اجلس وخلاص ماراح نفتح هالموضوع مره ثانية ..
رعد يبتسم / انا ما زعلت .. ومافين اطول .. الشباب متجمعين بنتسحر سوا وغيث معزوم عندنا فافشلة اجي انا متاخر ..
رنا / علشانه اخو العروس ..
رعد يلتفت عليها / ريهام ورنا طول الجلسة ساكتين ما يتدخلون في اللي مالهم فيه .. انتي ليش غير ..
خلك ساكته احسن سوالفك ماسخة ..
رنا زعلت هالمره من جد ووقفت بتروح غرفتها .. مسكها رعد وسحبها لحضنه وهو يضحك / هههه ..
زعلت روح خالها .. لاتزعلين كنت امزح معاك والظاهر ثقلت .. ضيعت طريقة المزح مع البنات ..
ومزح الشباب ثقيل .. يالله رنوووووووو لا تزعلين ولك اكبر عيدية مني بس ارضي الحين ..
رنا برفعه حاجب / عديتي تكون كبيرة ..
رعد / ايه اكبر شي ..
رنا / طيب سماح روح الحين بس العيد اسالك عنها .. لا تنسى ..
رعد / ههههههههه مو ناسي .. اوسطهم اهبلهم صدق ..
رنا / هئئئئئئئئئئئ انا هبلا .. اولا انا مو اوسطهم يعني مو هبلا ..
رعد / هووووهوووو علينا فتحنا باب .. اقول سلام لو اقعد عندكم ماني طالع الا الصبح .. مع السلامة ..
الكل / مع السلامة ..
رنيم وريما بعد ماطلع رعد / وين رعد ..
الكل / راح من زمااااااااااان ...



ـــــــــــ




بيت ابو نايف ..
بعد خروج منار مع زهرة وصبري يوصلونها المطار .. بحوالي النصف ساعة ..
..../ السلام عليكم ..
نقزت العنود وساره اللي كانوا ياكلون من صحن فواكه قبالتهم / بسم الله الرحمن الرحيم ..
ساره / بغى قلبي يوقف ..
العنود / وعليكم السلام هلا .. ويش هالمفاجئة الحلوة ..
راكان / حبيت اتسحر معاكم اليوم فيها شي ..
العنود بابتسامه / لا ابد تشرف باي وقت تحب يامرحبا بك ..
ساره / وين سمر ما اشوفها ..
راكان يدخل غرفتهم اكثر ويجلس جنب ساره / سمر راحت الشرقية لها خمسة ايام ..
العنود تمد له قطعت تفاح / افاا وانت كيف تفطر وتتسحر ..
راكان / اما يجيب زياد معاه من اللي تسوونه او او غنام او المطاعم المعبية البلد ..
العنود / ليه ما قلت لي كان سويت لك اللي تحبة وارسلته لك .
راكان / ماصار شي يالله ملحوقة راح اتسحر عنكم اليوم وبكره نفطر سوا ونمشي لشرقية ..
العنود / بكرة بتروح لشرقية ..
راكان / اية بس مو لحالي بنروح كلنا ..
ساره نقزت بفرحة / احلف ..
راكان / ههههه والله ..
ساره / احلا شي ان زوج خالتي خديجة جا قبل شوي واخذ جدي وخالتي خلود وقال بيروحون لعيال عمة ويعيدون هـ ..
العنود تقاطعها / بس حنا مارتبنا وضعنا على هالشي ..
نايف يدخل .. بعد غياب 4 ايام .. / وعلى ايش مرتبه نفسك على زواجك من عبدالله ..
العنود وقفت متفاجأه .. وبصدمة / نعم ..
نايف / ايه صدق انت ماتدري عن شي " وبتمثيل " اخي الاكبر الاستاذ راكان ..
انت معزوم على زواج اختك الكبرى العنود على عبدالله 6 من شوال .. وبحضوركم تتم افراحنا ..
تتتاااا تتتتااااا ... عجبك الاعلان ..
راكان يوقف وهو يرمي عنقود العنب من يده .. باستغراب / ايت زواج .. ومن عبدالله .. ومتى انخطبت ومن من ..
نايف يجلس على كنبة مفردة امامها وياخذ عنقود العنب / عبدالله ولد شريفة .. وانخطبت من جدك ..
وحددوه واختك عاجبها .. ماوراها احد فليش تهتم بروحه لاهلها .. وحبيب القلب راح يكون لها بعد ايام ..
ساره تطالعهم خايفة وموع افة ايش تسوي ..
العنود بصراخ / ناااااايف ...
نايف بصراخ اعلى وهو يوقف / وطي صوتك .. ماني اصغر عيالك حتى تصارخين علية كذا ..
ساره صارت تبكي او مرة تشوف اخوانها يتهاوشون كذا وبهذي الدرجة ..
زياد دخل وما حسوا فيه وسمع الحوار ولمن شاف ساره تبكي قرب منها سحبها لحضنه يهديها ..
راكان بصراخ / بببببببببببببببسسسسسسسسسسسسسسسسسس بس .. ما كان احد كبير واقف قدامك ..
ما في أي احترام .. ايش هذا .. " صمت عم المكان " وبعد دقائق " بكرة تجهزون نفسكم ..
وبعد المغرب نمشي لشرقية .. الكل حتى انت يا نايف .. وما ابي أي اعتراض .. وانتي " يقصد العنود "
بلغي ابوك وامك بهذا الشي وقولي لهم اجباري مو اختياري الروحة .. " وتركهم وطلع "
زياد جلس ساره على الكنبه ولحق راكان ... نايف طلع وراهم وتركوا العنود واقفه وكانها جدار بلا احساس ..



ـــــــــ



بالخبر ..
رعد / ها ما قدرتوا تفتحونه ..
عناد / لا ..
بتال / هذا اللي ما خطر في البال والحل ذحين كيف نشوف الجهاز ونفرمت اللي فيه ..
طلال يمسك الجهاز / وليه التعب فرمتها ومدري ايش .. هاااه ونتهينا " رماه في المسبح اللي قدامها " ..
رعد / لاااااااااا .. يوه منك يا طلال كيف ارجعه ذحين ..
عناد / ومن قال لك اصلا بترجعه .. هو تصادر والا التلاف على طول ..
بتال / واذا عرفنا انها بتاخذ جهاز جديد .. بلاك بيري لا ..
طلال / وكيف بتعرفون ..
بتال / اكيد صقر بياخذ احد الشباب ويروح يشترية .. فاذا عرفنا .. قالنا له ممنوع البلاك بيري بين بناتنا ..
رعد / كذا حلو .. وخلصنا من الصورة ومن الرقم ومن المشكله ..
عناد وهو واقف ومتخصر قبال المسبح ويطالع في الجهاز / ما ظنيت ..



ـــــــــــ


اليوم الثاني ..
بيت ابو سطام ..
ابو سطام يحاول مايبكي / ياهلا ياهلا ..
سطام / هلا بك يبه ..
ابو سطام هينا ما قدر يتحمل وبكى ..
سلطان يحاول ما ينهار مثل ابوه / لا تلومه وانا اخوك من الغيبة وحشتنا ..
سطام عاقد حواجبة / غيبه ..
سلطان تدارك الامر .. / اكيد ما افطرتوا زين تفضلوا للعشاء تفضلوا ..


بمجلس النساء الداخلي ..
العنود ساكته وتفكر باللي صار وكيف تقدر تحله .. اليوم ما قدرت تتكلم مع احد ..
كل ما جات تتكلم سكتوها بصرخة .. حست بصداع بيفجر راسها والروية انعدمت قبالها ..
ساره بهمس / العنود جدتي تكلمك ..
العنود انتبهت / هلا اسفة ما زمعتك جدتي امريني ..
ام سطام عاقدة حواجبها / بسم الله عليك ويش فيك ..
العنود / سلامتك يا جدتي بس لي يومين مانمت وطول الخط اتعبني ..
الجوهرة بهمس / عساك ما تطيبين ..
ام سطام توقف / ماتشوفين شر وانا امك .. هذا هو العشاء جاهز تعشي وعيني من الله خير ..
وروحي حطي راسك نامي جناحكم نظفناه وجهزناه لكم .. روحي ارتاحي وريحي امك ..
العنود توقف وقبل راس جدتها / الله يطول بعمرك ويخليك لنا ..
ام سطام تبتسم وتحضنها / انتي بنت الخالي ريحة الغوالي .. "وبعدتها عنها " .. يالله للعشاء قبل يبرد ..
العنود التفتت لامها ومسكتها وراحت تتعشاء .. ولاول مره عايلة الفارس مجتمعه بلا غرباء ..



ـــــــ



اول ايام العيد ..
بيت الفارس ..
ابوسطام كل بعد شوي يلتفت لسطام والبسمة مو مفارقة شفاته .. ولدة الواضح ان صحته متحسنه ..
يطالع سلطان وياشر له براسه .. ويرجع يلتفت على سطام ويسولف معاه ..
خالد " ابو عناد " لسلطان / ما شاء الله على عمي كانه صغر 20 سنه وراء ..
سلطان يضحك / ههههههه حاسدة ..
خالد / اعوذ بالله .. انا احسد عمي .. وبعدين انا قلت ما شاء الله ..
سلطان / الحمد لله جعل هالفرحة دوم .. غرام بدات تتحرك وتلين اعصابها .. بس هالريحة ياللي ماعرفنا سببها ..
خالد / امين .. تدرين ان قبل يومين امها قصت شعرها كله .. وزعل سند وقام حلق راسة مره ..
سلطان / ايه ادري .. ورحت شفت غرام .. وعايدتها وونستها شوي وتغزلت بالقصة ..
ياروح خالها فرحت وستانست واجد ..
خالد / اية وانا بعد رحت لها واخذت راشد مع وحكينا له قصص عن ايام طفولتنا وايش كنا نسوي في رمضان ..
وضحت معانا واستانست .. يقولون ان الراحة النفسية هي اللي تسرع بالعلاج ..
سلطان / ايه صدقت ..


عند الشباب بزاوية في المجلس ..
راكان عاقد حواجبة وباين الضيق علية ..
عناد / انت ماتقولي ايش فيك .. ليه متضايق ويش صاير معاك ..
راكان / وكم مره قلت لك ماقيني شي .. ماتفهم انت .." وقام وترك عناد متفاجأ " ..
عند باب المجلس المطل على الحديقة .. بتال واقف يشرب فنجان قهوة انكتم من ريحة البخور وحب يغير جو ..
...../ بتال ..
بتال يلتفت خلفه / هلا ..
راكان / بغيتك بموضوع مهم ..
بتال عقد حواجبة / امر ..
راكان / مو هينا .. امش معاي ..
بتال رمى فنجان لقهوة وراح وراه وهو قلقان حاس ان الموضوع فيه مصيبة ..



عدا صباح العيد بفرحة ... واستقبال المعايدين ببسمته ..



مساء ..
بيت ابو صقر ...
راشد بصراخ صحى اهل البيت كلها .. / رنننننننننننننننننننننننيييييييييييييييييييييييييم ..
مياسة تركض وراه وهو يخطي بخطى سريعة ولا كان رجله عرجاء ...
رنننننننننننننننننننننننيييييييييييييييييييييييم ياكـ*** يا حيــ*** .. اطلعي ..
رنيم فتحت باب الغرفة وطلعت مفجوعة من الصوت / ويش فيه ..
مياسة بسرعة / ارجعي وقفلي البابـ ..
ما كملت كلمتها الا راشد يضربها بعصاتهه على وجهها خلاها تطيح على الارض ..
رنيم وباقي البنات اللي خرجوا من غرفهم على الصوت صرخوا .. اما صقر فصحي قبل وراح للاستراحة ..
رنيم / يممممممممممممممممممه " وراحت تجري لها وقبل ماتوصل مسكها راشد وراماها على الارض "
راشد وهو يرفس رنيم بكل مكان تطاه رجله بدون رحمه .. ريما والبنات يصارخون ويرجونه يتركها ..
بس راشد ما يسمع لهم هو يصارخ ويلفظ على رنيم باقسى الكلام / يا **** يا *** تبين توطين راسي بالارض ..
هذي كله من امك ما ربتكم مـ .. " ماكمل كلمته لان مياسة ضربته من الخلف باقوى ماعندها علشان تقدر تبعد رنيم "
راشد اختل توازنه وطاح على الارض مياسة وريما سحبوا رنيم وحاولوا يقومونها بس رنيم فقدة الوعي ..
راشد استعاد قوته ووقف وابعد مياسة وريما باقوا ماعندهم وضرب ريما بالاعصى وبعده رجع لرنيم ..
ريهام رنا وروان انتبهوا لامهم مياسة اللي ما طاحت الا على حافة الطاولة وانضرب راسها فيها ..
ونزل الدم منها على السراميك الابيض اللي انتبهوا له رنا وروان .. و ريهام تصرخ / يمممممممممه ..
ريما مسكت يد روان وباذنه / روحي نادي عمامي بسرعة ..
روان راحت تجري مع الدرج وتوجهت لبيت عمها خالد وكانت يدينها مليانه بالدم ..




بيت ابو عناد ..
ابو عناد نازل مع الدرج .. صوت الجرس والدق على الباب يبلغهم بمصيبة / طيييب طيييييب ..
فتح الاب وشاف روان بدون عباية و وجهها مليان دموع ...وبصراخ وهي تبكي /ابوي ذبح امي ..
ااااااااااااااااااههههههههههههههه عمي ابوووووووووووووووي ..
ابو عناد اللي ارتعب من الدم الموجود بيدين البنت وراح يجري لبيت اخوه ..


بيت ابو سند ..
سند كان توه يفتح شباك غرفة غرام .. وسمع صوت صراخ باين انه فيه شي مو طبيعي ..
رجع قفل الشباك ... وبتبرير لغرام علشان ماتشك بشي / الجو مغبر .. انا رايح اقضي حاجة وارجع لك ..
طلع من عندها بسرعة وراح يجري لبيت عمه راشد ..


بيت ابو راشد ..
خالد يحاول يبعد راشد عن رنيم البنت راحت تحت رجليه ..
البنات يبكون عند راس امهم ..
دخل سند ووراه سلطان .. سلطان اللي كان واقف عند بلكونه مكتبة بالدور الثالث ..
وشاف حركة غريبة في حديقة عيال عمه .. فخاف وراح يتطمن عليهم ..
سند بعد راشد بيد وحدة عن رنيم .. سلطان راح لاخته اللي السراميك تحتها صار بحر من الدم ..
والبنات يصارخون كانهم مجنن .. روان تصارخ / ابوي ذبح امي ورنيم .. امي ماتت ..
سند دخل وحدة من الغرف وسحب فرشة من احد الاسرة ولف فيها رنيم وحملها بين يدينه وطلع ..
سلطان صرخ على ريهام / قومي جيب شي الف فيه امك بسرعة ..
ريهام بسرعة راحت جابت جلال صلاة ولفت فيها امها .. سلطان حمل مياسة بين يدينه ونزل وراء سند ..



بعد يومين ..


بيت ابو سطام ..
ام سطام والعنود وسمر رايحين يزورون مياسة ورنيم بالمستشفى ...
العنود كانت ماتوقعة ان راكان يكلمها ويقول لها تجي معاهم تزور ..
سمر متضايقة من وجود العنود معاها بس سكتت لوجود جدتها ..
ام سطام / حسبي الله ونعم الوكيل .. ما خلا محل ما ضربها فيه ..
كسر البنت تكسير .. يا روحي يا بنتي فج راسها لها الله لا يبارك بيده ياجعلها الكسر ...
سمر / الا عمي راشد ليه سوا كذا ..
العنود ملتزمة الصمت وفكرها مشغول باللي غايب عنهم له 3 ايام شافته اول العيد وبعدين ما شافه احد ..
سمر بصوت عالي / هههههههههههيه انتي ماتسمعين ..
العنود باستغراب تطالع من تكلم ذي / انا ..
سمر / لو الجدار اللي وراك ينطق كان نطق من صراخي .. يالله راكان يواقف برا ..
تغطت العنود ومشيت وهي ساكته مالها خلق غرور وتفاهات سمر ..
بعد ما ركبوا السيارة .. راكان بعصبية / كان طولتوا ليش تكلفون على نفسكم ..
سمر / هذي اختك .. مو انا ..
ام سطام بعصبية / ذحين بتمشي والا بتطول وانت واقف ..
راكان حرك السيارة وهو يفكر باللي بيسوية ماله حل الا ذا الشي ..
بعد ماوصلوا وزار راكان عمته مياسة .. ودخلت جدته وسمر لرنيم .. وقبل ما تدخل العنود مسكها ..
راكان / انتي لا .. ابيك بشغله ..
العنود بهمس / امر ..
راكان يمسك يدها ويمشي .. والعنود اتبعته بسكوت .. الا ان وصلوا لغرفة ..
راكان / ادخلي ..
العنود تطالع فيه وتطالع بالغرفة / هذا ايش ..
راكان / ..........





لاتقلق ..
كل اللي فينيّ خيبة أمل
خيبة أمل وشوية قهـر !
و الله معيّ .. كل ما يأست أحسه معيّ ..
يعنيّ بـس أزمه , ... أزمه وتمر !



انتهى ...
اتمنى يحوز على اعجابكم ويكون تعوض لكم عن البارتات اللي قلتوا انها قصيره ..
واعذروني على القصور .. والاخطاء الاملائية ..



وعندي سؤال اللي يجاوب عليه صح راح تكون لها جائزة بكشف سر صغير بالرواية ..
شنوا الشي اللي خال ابو صقر يثور على رنيم ويضربها بهالشكل ..؟



اختكم " مشاعل السعودية " .. " كونوا بخير " .. << متى تمر علينا صاحبة هالكلمة ..

[/COLOR]

 
 

 

عرض البوم صور مشاعل السعودية   رد مع اقتباس
7 أعضاء قالوا شكراً لـ مشاعل السعودية على المشاركة المفيدة:
قديم 07-09-12, 01:02 PM   المشاركة رقم: 65
المعلومات
الكاتب:
اللقب:
ليلاس متالق


البيانات
التسجيل: May 2011
العضوية: 224988
المشاركات: 596
الجنس أنثى
معدل التقييم: اموولهـ عضو ذو تقييم عالياموولهـ عضو ذو تقييم عالياموولهـ عضو ذو تقييم عالياموولهـ عضو ذو تقييم عالياموولهـ عضو ذو تقييم عالياموولهـ عضو ذو تقييم عالياموولهـ عضو ذو تقييم عالي
نقاط التقييم: 794
شكراً: 578
تم شكره 811 مرة في 230 مشاركة

االدولة
البلدSaudiArabia
 
مدونتي

 

الإتصالات
الحالة:
اموولهـ غير متواجد حالياً
وسائل الإتصال:

كاتب الموضوع : مشاعل السعودية المنتدى : القصص المكتمله من وحي قلم الاعضاء
افتراضي

 

مسائكـ أمنيات محققه*

ميشو ابدعتي بارت جد طويل ورائع


نايف
وش قصة تغيره هذا معقوله زي ماقالت هموسه انه يشتغل مع الشرطة عشان يقدر يطيح عبيد في شر اعماله
يمكن ليش لا
يمكن صديقه اعتقد اسمه ماجد ( ضاعت الورقة والقلم ) حس فيه ولحق عليه والسفره اللي كانت في الجنوب كانت لعالجه وتبليغ الشرطة عنهم
خاصه ان نايف يبي ينتقم من عبيد وبعد يثبت لإخوانه انه رجال وقد المسؤوليه

في مقطع في الروايه يدل على كذا ان المحادثه كانت بين ضابط وأعوانه*
العنود*
شك بتال فيك بيعحل بزواجك منه خاصه بعد الكلام اللي قاله لراكان*
وجأ نايف يثبت اكثر بقصة زواجكم فهو ربط بين الشئين وقرر تزوجيك لبتال
كيف بيكون موقفك راح ترفضين وانت في قرارة نفسك تتمنينه*
واخوك بيتركك ترفضينه ما اعتقد*
شريفه*
معقوله العنود فضحت نفسها لها وقالت لها انها تعرف كيف تعبت أمها وأبوها*
هي أذكى من كذا
هي ماسكه على شريفه اكثر من شئ وبدأت تكشف لها بعض أوراقها*
بس هي بتتركها كذا من دون عقاب
اعتقد ان الصداع اللي تشتكي منه العنود له يد فيه
بتال
خوفك على بنت عمك هو اللي خلاك تتقدم لها والا تبي تربيها لانه في نظرك ماتربت
شعلتين من نار انت وإياها مدري كيف بتتفقون

ام بتال
بنظرك هذه الحياة اللي انت محرومه منها سفر وسهر وطلعات وبئس الحياة هذه اللي بتخليك تخسرين بيتك وزوجك عشانها
ابو بتال راح يوقفك عند حدك بس يفضى لك*

غرام
تحست حالتها بسبب الراحه النفسيه اللي حاوطها الكل فيها في البدايه ماكانت تشوف الا سند والحين الكل مهتم فيها

راكان
حرام عليك ياميشو تظلمين راكان عشوقه وتشبهينه فيه
هذاك كله إحساس وهذا ابد ما عنده ذرة إحساس*
مهما كان إهمال أبوه له ما يتخلى عنه في زي هالوقت اللي محتاجه
مدري ليش العنود ماتبي تقوله عن مرض أبوه*
تعاقبه يعني والا تبيه هو يحس كم مره يشوفه
ولا يهتم فيه وبعد شاف وشلون حالته كيف لما كانوا في الدمام*

مياسه وراشد
وش قصة الثوره هذه على بنته معقوله صالحه لها يد في الموضوع لانها تبي تورطها وهي ما نفذت اللي تبيه منها
ضرب راشد موب اول مره لها ليش اهلها ساكتين عنه كل المده هذه*
ردة فعل رنيم على الضرب يمكن يكون عكسي وتسوي شئ تندم عليه

سند*
معقوله يكون هو السند لرنيم ويقدر يخليها تشيل كره الرجال من بالها

رعد*
قرب موعد ملكتك من بنت هي تتمناك وانت ابد مو متقبلها زواج على ورق ياكثر مانسمع الكلمه هذه وبعدين يندم صاحبها في وقت ما عاد ينفع الندم

دام لنا نزف قلمك المبدع

 
 

 

عرض البوم صور اموولهـ   رد مع اقتباس
3 أعضاء قالوا شكراً لـ اموولهـ على المشاركة المفيدة:
إضافة رد

مواقع النشر (المفضلة)

الكلمات الدلالية (Tags)
للكاتبة مشاعل السعوديه, مشاعل, منتدى قصص من وحي قلم الاعضاء, الدفا, السعوديه, اظماني, بردان يا, حضن, روايات خليجيه, روايات و قصص, روايه بردان يا حضن الدفا عطشان واظماني الجفا, روايه سعوديه, صعود, عطشان, نوال
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: http://www.liilas.com/vb3/t176859.html
أرسلت بواسطة For Type التاريخ
رواية بردان يا حضن الدفا .. عطشان واظماني الجفا / بقلمي - القصص المكتمله من وحي قلم الاعضاء This thread Refback 18-08-14 04:28 AM


الساعة الآن 11:10 AM.


حواء

 



Powered by vBulletin® Version 3.8.5
Copyright ©2000 - 2014, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية