لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack (2) أدوات الموضوع انواع عرض الموضوع
قديم 21-04-12, 11:46 PM   المشاركة رقم: 36
المعلومات
الكاتب:
اللقب:
ليلاس متالق


البيانات
التسجيل: Oct 2008
العضوية: 102007
المشاركات: 1,208
الجنس أنثى
معدل التقييم: وردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييم
نقاط التقييم: 1356

االدولة
البلدSaudiArabia
 
مدونتي

 

الإتصالات
الحالة:
وردة الزيزفون غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
افتراضي

 

صباح الخيرات .........تسلم ايدك ياقلبي على البارت حيل موجع تأثرت كثير ابدعتي في وصف معناة كل بنت تعيش تحت ولاية اب او اخ مثل حال ابو فرح


فرح وشجون

فرح قصتها موجعة حيل وخصوصا انو معناتها ابتدت من طفولتها بس لو هي لما كبرت اتخذت طريق ثاني وتخلصت من ابوها كان افضل من الي سوته يعني هي لما قتلت ابو رامي خلاص العالم نضف في مثله العشرات وهذا ابوها ماضيع وقت جاب البديل على طول سواء لها او لابو رامي .........المصيبة الاساسيه في امثال ابوها من المدمنين الي عقولهم ماعادت موجودة ... تدري خاطري يكون عندنا قسم خاص او هيئة حكومية خاصة لابناء المدمنين اي بلاغ عن اي شخص مدمن يكون مسؤل عن عيال او اخوان او حتى بنات اخوان وغيره تنشال الولاية عنهم وماعاد لهم سلطة عليهم والدولة تتكفل فيهم واي بلاغ عن هالحثالة يجيهم بايعيين بناتهم علشان جرعات على طول قصاص علشان يكونون عبرة لغيرهم ............حرام فرح ضاعت خلاص حتى لو قتلت مجرم القتل قتل وهي تعمدت تقتله لو كان مغتصبها يمكن يكون لها عذر بس هي صار لها سنين عنده وفي مين يشهد عليها انها تروح وتيجي وتسافر معاه برضاها اذا ماكان الحكم قصاص بيكون اغلب سنين عمرها ضاعت بالسجن والمذنب الحقيقي يسرح ويمرح برة

مسكينة فرح وامثالها بس مانقول الا حسبي الله على كل من ظلم بني ادم علشان لذة دنياه ...يمكن الي خفف على فرح انها تصافت مع اختها بس مافي امل فرح تطلع ولو طلعت ماراح تعيش لانو الناس بتقتلها بكلامهم سمعتها في الحضيض والله يعينها يمكن السجن ارحم لها


اما شجون الله يصبرها واعتقد هروبها بداية تغير حياتها الي بتلتقي فيه ابو مشاري لانو رجال كبير وبتأمن فيه لانو طيبه بيكون باين بوجهه وغير كذا عنده عيلة يضمها لهم ............وعندي احساس بتكون قريبة من شعاع الثنتين بيخففو على بعض .......
تدري مازلت اعتقد انو غرور فارس بينكسر على يد شجون الي ابوه بيجبره يتزوجها علشان يحميها من ابوها وتظل عنده في بيته حتى لو فارس ماتقبلها بس مع الراحة والاكل شجون بتكون صحتها احسن من الاول بكثير مع انو القهر الي داخلها والجروح مستحيل تنمسح .........شجون اخت فرح الي فارس يحتقرها والي يحتقر امثالها حتى خواته ماسلمو منه كيف بيتقبل ........بس ماراح ينكسر راسه الا بهالشي

اما ياسر او غريب بالرغم اني متعاطفة معاه وماني ضده ابد بس بعد مستصعبة انو يتزوج شجون الي طول عمرها محرومة ومدللولة عند الناس مهما كان غريب اصله موشرعي ماله نسب حلال يعني مو ولد حلال وضايع نسبه ولاهو يتيم معروف نسبه ........انسب زوجة له وحدة بنفس حالته لابيوم بتعايره ولا بيوم بتتحسر على زواجها منه لانها نفس حالته ماتدري هل هي بنت من اصل حلال او حرام لاهو بيتكبر عليها ولا هي بتذله بنسبها

صح شجون ابوها مدمن بس لها اصل ويمكن لها عمام وخوال معروفين بس ابوها مقاطعهم ولايعرفهم ولا يعرفونه وممكن يكون لهم ظهور .......

على الرغم من احتقاري لتصرفات فارس بس كل ماقريت انو كان شخصية غير ومحبوبة اعرف انو داخله نفس الانسان الطيب بس يظهر العكس بسبب صدمته في شعاع ....احسه كان نفس مشاري في الطيبة


اما زواج مشاعل من غلاب بيكون دمار لانو من الكلام الي انقال عن الخلافات الي بين فارس وبين غلاب انو بيكون انتقام شديد من غلاب بمشاعل وراح يرميها مطلقة بعد فترة بسيطة ...........وهذي بتكون وحدة من الدروس الي بتجي لفارس وحتى ابوه الي طاعه وخسر ولد اخوه علشان تهور ولده


مها زين عقلت وفاد فيها دروس ياسر .........وربي يرزقها ولد الحلال بدون ماترخص عمرها

سحر بعد ربي بيفرجها عليها وماراح تتزوج الصايع حمد ........حرام هاليتيمة تنقهر بهالزواجه الي مستحيل تنجح

سلطان بعد مااعتقد بيكمل مع دانة احسها بنت مو متربيه زين من خلال كلام البنات انها تتلصق فيه يعني نفس مها وحركاتها وهالاشكال ماينجحون في حياتهم


في انتظارك ياقلبي

 
 

 

عرض البوم صور وردة الزيزفون   رد مع اقتباس
قديم 22-04-12, 07:20 AM   المشاركة رقم: 37
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,112
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
افتراضي

 

السلام عليكم و رحمه الله و بركاته

صباح الخير و الرضا من الرحمن

همس ربي يعطيج الف عافيه على البارت ما قصرتي

==========================
(( فرح ))

حكاية من بدايتها ألم و وجع كانت ضياع شرف و ضياع دين و انهيار انثى و السبب

أب كل همه توفير حاجته , و هي تروي حكايتها استشعرت قوة المها و وجعها

للحظة عذرتها على اللي كانت تسويه بس كل إنسان له عقل و يفكر كانت ممكن

تفكر بخيارات ثانيه عشان تحمي نفسها و اختها , بس وجودها وحدها بحياتها

و أنها خسرت شيء عظيم فما عاد يهمها أن أخسرته ثاني و ثالث و لو مليون

الاهم انه اختها تكون بخير و ما تعيش نفس اللي عاشته ... قتلها أبو رامي لو

مكانها ممكن سويت نفس الشيء شخص حرام كلمة إنسان فيه حيوان بشري

أن صح القول اللي يعتدي على أطفال يستغل حاجة اهلهم للمال ., يمكن خيره

و تكفير ذنوب على اللي عاشته من انتهاك لحرمات الله هذي هي بدت تمشي

بالطريق الصح و تهدي لله , ...

===========================
(( شجون ))

تكمل حياة الالم و الوجع اللي عاشته اختها هذا هو الاب يعيد نفس الحكاية

بفصول متكرره يمكن .. يمكن تختلف بان شجون هربت و إن شاء الله تلقى من

يساعدها و يوقف معاها بعكس فرح اللي كانت وحدها .. اتوقع انها ممكن تلاقي

بطريقها ابومشاري ...

===============================
(( ياسر ))

أنا اختلطت علي الأمور .. هل هو نفسه غريب اللي كانت تتذكره شجون و ليش

أسمه ياسر ... ؟؟؟

=============================
(( مها ))

زين سوت و عقلت عن خبالها الأولي الترزز ما ينفع أحد النصيب يجي بأمر الله

بس حلو انها بدل لا تنتكس و تحس بالنقص عرفت اللي تسويه غلط و انه التعطر

و الحركات هذي مالها داعي ...

=============================

سلمتي يارب

..
..
..


 
 

 

عرض البوم صور بياض الصبح   رد مع اقتباس
قديم 22-04-12, 05:43 PM   المشاركة رقم: 38
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,516
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
افتراضي

 

السلام عليكم ورحمه الله وبركاته

مساء الخير......مساء الابداع.....مساء التالق تسلم يدينك هموسه على البارت
الموجع يالله فعلااااا مبدعه بوصفك وتطرقك للقضايا والاحداث ....لاحرمنا ابداعك

فرح وشجون يالله ياهموسه والله وانا اقرا قصه فرح ان قشعر جسمي كله وحسيت فع ان دموعي انزلت معااااااااناه جدااا قاسيه حسبي الله ونعم الوكيل على مثل هالابو الي قتل طفولة بنته بس عشان يشبع غرايزه ونفسه الدنيه
وانا الي كنت لايمتها ومركبتها الغلط مع انه ماننفيه هي تتحمل نسبه بسيطه والمفروض يوم انها وعت وقدرت
تاخذ قرارها كان خذت اختها وهجت باي مكااااااان والله لو انه الشارع ائمن لها من بيت ابوهااااا

شجوووون يالله ماعرفتي اختك وحقيقتها الا اللحين وصار من صعب انها راح تلقي فيها او انها تقدر تساعدها لانها
قضيه قتل واكيد راااح يحكمون فيها بالقصاص بس والله انه ارحم لفرح لانها لو عاشت راح تكون منبوذه من الناس والمجتمع
واحسن شيء هي هروب شجون لابو مشاري الي رااااح يقدر يساعدها ويحميها من طمع وخبث ابوها
ويمكن انه يقدريامن لها وظيفه ومكان آآآآآآمن تقدر تعيش فيه

فارس
مهما رحت او جيت تظل انسان اناني وحقير وياااريت يجيك شيء يكسر من غرورك وعنجهيتك
الي مدري على ايش جالس بس تامر وتنهي وتتحكم بمصير غيرك من غير لاتهتم برغباتهم ولا هم وشيحبون
وهاغالب الي شاد الظهر فيه هو الي بيكسر غرورك ويعلمك ان الله حق اذا شفت كيف يعامل اختك او انه موريها
الويل
وانا مع زيزفونه في انه شجون هي الي راااااح تادب هالفارس مع اني ودي ياسر ياخذها ويعوضها
عن الشقا والحرمان والتعب الي عاشته عندد ابوها

مشاري وسحر
يااااارب نشوفكم في اقرب فرصه وكل واحد ماسك يد الثاني لانكم فعلاا لايقا ببعض

مها وياسر
واخيرااا يامها رجع لك عقلك وتركتي عنك هالسواليف الماصخه وريي يرزقك بالي يقر عينك ويفرح قلبك
بالحلال

هموسه مشكورهياعسل على هالابداااااع وبانتظارك بكل شوق

 
 

 

عرض البوم صور عبق الرياحين   رد مع اقتباس
قديم 24-04-12, 07:02 PM   المشاركة رقم: 39
المعلومات
الكاتب:
اللقب:

البيانات
التسجيل: Nov 2010
العضوية: 202983
المشاركات: 109
الجنس أنثى
معدل التقييم: أمي روحي عضو على طريق الابداعأمي روحي عضو على طريق الابداعأمي روحي عضو على طريق الابداع
نقاط التقييم: 243

االدولة
البلدAngola
 
مدونتي

 

الإتصالات
الحالة:
أمي روحي غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
Shakehands

 

اشكر شكر خاص كلا من :
امولت, وردتي , عبق الرياحين , مشرفة بياض الثلج
عاجزة عن شكركم ولقيت الصمت ابلغ لاني مهما شكرة ماوفيكم حقكم
انتم سر نجاحي بعد ربي
لاحرمني الله منكم
دمتم بود

 
 

 

عرض البوم صور أمي روحي   رد مع اقتباس
قديم 24-04-12, 07:05 PM   المشاركة رقم: 40
المعلومات
الكاتب:
اللقب:

البيانات
التسجيل: Nov 2010
العضوية: 202983
المشاركات: 109
الجنس أنثى
معدل التقييم: أمي روحي عضو على طريق الابداعأمي روحي عضو على طريق الابداعأمي روحي عضو على طريق الابداع
نقاط التقييم: 243

االدولة
البلدAngola
 
مدونتي

 

الإتصالات
الحالة:
أمي روحي غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
Newsuae

 


الــــــــ ج ــــــزأ الـــــســـابــع
شافت رجال باين عليه علامات الصلاح طالع من احد البيوت بحارتهم واضح انه يوزع صدقات على فقراء الحي يجي متاخر علشان ماحد يعرفه ماتدري ليه شجون ارتاحت له ركضت اتجاهه طاحت عند رجوله ياعم ارجوك انقذني الله ينقذك من عذابه
ابو مشاري: آمين يابنتي خير ايش صاير
شجون: فحانه ويالله تتنفس خوف وتعب تتلفت مافيه وقت ارجوك ركبني بسيارتك وانا اقولك كل شي
ابو مشاري: خاف منها وتردد
شجون: والله ان نيتي طيبه والله لاقولك كل شي بس الحين لو يجي ابوي راح يذبحني تكفى ياعم والله مارا حاضرك بشي الله يشهد علي اني صادقة
ابو مشاري: حس انه بورطة كيف يثق فيها لو كانت مسويه شي موزين وهاربه من أهلها خصوصا ان الشايب محذرهم قال بس يابنتي ..........
شجون: شافترجال بوسط الظلام جاي من بعيد عرفت انه ابوها ابوها فتحت باب السيارة وركبت ونزلت راسها تحت
ابومشاري: حس انه بورطة كبيره ما ميز شكل ابوها لان الدنيا ظلام بس واضح واضح انه رجال يمشي من بعيد مقرب صوبهم
سعد: بعصبيه اقول يالاخو ماشفت بنت مارة من هنا؟؟؟؟؟
ابو مشاري: تردد وسكت شوي
شجون: صار قلبها يدق بقوة وقالت اكيد ماوثق فيني وراح يعلم ابوي يارب مالي غيرك سخر قلب هالرجال لي يارب انقذ شرفي وعرضي يارب وحدك يعلم بصدقي حنن قلب هالرجال علي ونزلت دموعها
ابومشاري: بكل ثقه لاياخوي ماشفت عن اذنك وحرك سيارته ومشى
شجون: تنهدت براحة وحمدت ربها يوم شافته يحرك سيارته ويطلع من الحارة كأن هالحارة حجيم توها تطلع منها
ابو مشاري: وقف سيارته على جنب بعد ماتأكد انهم بعيدين من ابوها لف عليها قالها ممكن افهم انتي منو وبنت مين وايش قصتك وليه هاربه من ابوك
شجون: انا شجون سعد ناشي
ابو مشاري: لف عليها نعم انتي بنت سعد ناشي
شجون: بحزن ايوه اكيد ضقت انك انقذت اخت واحدة قاتله بس والله اختي ....
ابو مشاري: ومنو قالك ضقت بالعكس ربي رحمني انه جابك لي لاني صعب علي اجي انا آخذك
شجون: وأنت تعرفني
ابو مشاري: الله مستعان وكيف ماعرفك وانتي بنت فوزية سبحان الله اقول هالرجال مو غريب علي بس الظلام ماخلاني اميزه
شجون: ايه صح أمي اسمها فوزيه بس انت ايش عرفك فيها
ابو مشاري: أمك اخت أغلى انسانه بحياتي زوجتي أم مشاري الله يرحمها
شجون: بفرح وراحة يعني انت زوج خالتي اخيرا لقيت ناس يعرفونا من يومي صغيره ماشفت احد من اقاربنا دق بابناأو حتى سأل عن أحوالنا اصلا ماعرف لي أقارب او لا عشنا انا وأختي وحيدات بدنيانا نعرك ظلم ابوي بدون لاعم ولاخال
ابومشاري: تنهد بألم كل اقاربكم ابعدو عنكم علشان ابوك ماكان يبي احد يجي لبيته ويوم انحرف وجر فرح معه كل واحد من اقاربكم ابتعد عنه يبري سمعته منه
شجون: بحزن وخليتونا معاه يجرم فينا زي مايبغى
ابو مشاري: للاسف يابنتي ماباليد حيله وينك ياهيا تشوفين بنت أختك كانت مرة تحب أختها فوزيه الله يرحمهم كلهم
شجون: ممكن ياعم اعيش عندكم لو خدامه أي شي تبغونه واالله لاسويه بس شي يرضى ربي ماعندي مانع اعيش بشرف واموت بشرف والاقي ربي شريفه ماحد مسني ولا لمسني ارجوك ياعم اهم شي ماترجعني لأبوي وتحميني منه
ابو مشاري: حاشاك يابنتي تكوني خدامه انا الحين ابوديك للبيت والصباح رباح
شجون: طلبتك ياعم لاتتخلى عني ربي جابك لي الله يخليك لاتتخلى عني موتي ولا ابيع نفسي لأحد وخنقتها العبرة
ابو مشاري: تقطع قلبه مستحيل يتخلى عنها ومايقدر يوعدها لان سعد ابوها وهو بس زوج خالتها تنهد وقال الله يعين
دخل على بيته نصف الليل وصحى زوجته وقالها السالفه
ام فارس: فزت من نومها وطلعت عيونها وزوجها يحكي لها الي صار بندر انجنتيت أنت تجيبهاعندنا وتبلانا فيها هي وابوها
ابو مشاري: اوووص قصري صوتك هي تحت بسرعه غيري ملابسها ودخليها غرفه وخليها تنام أكيد هالمسكينه تعبانة وماذقت العيشة
ام فارس: بس يابندر
ابو مشاري: بحزم لولوه قلت خلاص
ام فارس: طيب تامر أمر الشكوى لله نزلت وهي مقهورة مرة
شجون: جالسه بعباتها بالصاله ومازلت ترجف من خوفها من ابوها لسه ماحست بالأمان
ام فارس: بدون نفس تعالي للغرفة هنا بدون ماتهلي ولاترحب فيها
شجون: راحت معاها بهدوء
ام فارس: هذي الغرفة وهذا حمامك وتبين شي تاكلينه اجيبه لك
شجون: لامشكورة خالتي
ام فارس: نصها نوم ومقهورة بجيبت شجون نصف هالليل وعايلة مشبوهه ناظرتها بقهر وماردت على شكرها وطلعت وسكرت الباب رفعت يدينها الله يعينا عليك بس يارب تفكنا منها بأقرب فرصه شكل رجلي انجن وربي وطلعت فوق لغرفتها
ابو مشاري: هاه ان شاءالله ارتاحت وعطيتها اكل
ام فارس: احمد ربك دخلتها للغرفه وعطيتها ملابس مادري تلبسهم اولا والأكل تقول مابي والحين لو سمحت خلني انام وافكر بكره بالبليه الي جبتها لنا
ابو مشاري: قام يصلي ورده ويدعي ربه يدله على شي ينقذ شجون من ورطتها
مانام طول الليل وهو يفكر بخطة تنقذ شجون من ابوها اخيرا توصل لحل مع انه متأكد ان عياله زوجته راح يزعلون ويرفضون بس صمم على هالحل
************************
في الصباح جمع بندر عياله
فارس: بعصبيه كيف تجيبها عندنا بالبيت يبه ناس زي كذا مايجابون بالبيت هذولا عار علينا تلطخ سمعتنا فيهم
شجون: كانت في غرفة جنب الصالة وتسمع كلامهم وتتألم حيل
مشاري: هدي يافارس ابوي تصرفه سليم وماجاب بنت من الشارع هذي بنت خالتي الله يرحمها
ام فارس: ساكته وعاضه على لسانها احترام لزوجها والا بقلبها غيرة تقتلها لأنها تعرف حب زوجها لزوجته هيا الي موتها ماطفى حبها لها لو اخفى عليها بس كل زوجة تفهم زوجها
فارس: أي بنت خاله الله يرحم والديك يامشاري خالتك ماتت الله يرحمها ورباهم ابوهم اسوأ تربيه بناته خربو وحدة قاتله وهذي تلقاها ماعجبتها القيمة وطلعت تدور قيمة اغلى
بندر: جب ولاكلمة زيادة لاتقذف بنات الناس انت ايش فيك ماتخاف ربك امس بنت عمك واليوم هالبنت المسكينه ماخليت احد ابد
فارس: قرب لابوه يبه ايش فيك لاتخلي طيبة قلبك تعميك اعرف أختها وحده خربانه منتهيه وكملتها بالقتل انت الحين جايب عندنا بنت واحد مدمن مخدرات واخت وحدة بايعه نفسها لكل رجال وقاتله يعني وحده منتهيه تعرف كيف منتهيه
بندر: والله كلمة زيادة لاطردك برا وهي اخليها مالك شغل فيها تفهم او لا
ام فارس: انقهرت من ردة زوجها على ولدها المدلل بس ماقدرت تتكلم وتشوف كيف زوجها معصب
فارس: طيب راح تعيشها عندنا تتوقع راح ابوها يوافق
بندر: أنا ماجمعتكم الا علشان كذا ابشاوركم فيه لأن ابوها مستحيل يخليها عندنا كذا
مشاري: بهدوء ايش حلك يبه
بندر: يناظر بعياله لازم واحد منكم يتزوجها ونعطيه مهرها عندها راح يقتنع لو ماقتنع رفعنا فيه قضية زوجناها غصب عنه
مشاري: اسمح لي يبه انا زواج شايله من بالي انصدمت مرة مابي انصدم ثانيه وتعرف اني عقيم مابي اظلمها معاي
بندر: رفع عيونه لفارس وانت يافارس
فارس: ضحك باستهزاء انا لو تنتظبق الارض على السماء ماخذتها انا اتزوج وحده زي كذا استغفرالله بس انا فارس الي الف بنت تتمناني اتزوج بنت سعد والله حاله
بندر: يطالع بعياله يعني هذا ردكم ؟؟؟
مشاري وفارس: ايه يبه
بندر: ابتسم بخيبة امل كنت متوقع هذا ردكم وكل الليل احط الف احتمال واحط له حل
فارس: بحماس ويدعي ربه ان ابوه يقتنع ويطلعها من بيتهم قلت لك يبه صعبه تسكنها معانا
شجون: تدعي ربها ان بندر مايتخلى عنها وكل شوي تزيد دقات قلبها
بندر: طالع بولده باستهزاء منو قالك اني استسلمت انا توقعت رفضك انت ومشاري وحطت حل ثاني
فارس: ايش حلك؟؟؟
بندر: ناظر بزوجته بعدين ناظر بعياله وبكل حزم قال انا راح اتـــــــــــــزوجـــــــــــهــــــــا
ام فارس: أيــــــــــــــــــــــــش !!!!
فارس: وقف بعصبيه من جدك يبه
بندر: ايه من جدي هذا وقت المزح
ام فارس: بكت ايه قل من زمان انك ماحبيتني قل من زمان انك بس تحب هياء وانا بس مربية لعيالك هذي اخرتها يابندر تتزوج علي بعد هالعمر
بندر: ومنو قالك اني ابخليها زوجه بمعنى زوجة هي بغرفه وانا بغرفه بس اهم شي انقذها من ابوها
ام فارس: لاتلف ولاتدور بانت خفايك آآآآآآه بس ياحسرتي
بندر: مو انا الي الف وادور يالولوة انا اكبر من كذا بس بنت جايه تحمي شرفها وعرضها اتخلى عنها لا والف لا بعد
ويكون بعلمكم بكره الصباح راح اخذها نحلل ونعلم ابوها علشان نتزوج اقرب وقت ممكن عن اذنكم
ام فارس: طلع زوجها وجلست تبكي بقوة آآآآآآآهـ ياحسرتي بس
مشاري: خلاص ياخاله هدي
ام فارس: كيف اهدي يامشاري وبندر راح يتزوج علي بعد هالعمر كله راح يتزوج علي
مشاعل: نزلت من غرفتها على صياح أمها ايش فيها
فارس: ابوك آخر عمره جايب بنت من الشارع ومقرر يتزوجها على أمي مسوي راحمها
مشاري: كم مرة اقولك يافارس لاتغلط على بنت خالتي وتقول من الشارع بعدين تراك تتكلم عن ابوك مو عن أي واحد ايش احشم ابوك يافارس بكلام وتكلم عنه باحترام فاهم اولا
فارس: بعصبيه وأنت بعد مسوي فيها حميه تزوجها وأنقذ أمي الي عاملتك طول عمرها بحسبة ولدها
مشاري: ناظره من فوق لتحت بعصبيه وبدون مايتكلم
فارس: اعذرني يابو بندر بس ابوي والله خربط كل شي عندي حقك علي ياخوي
مشاعل: وعلى كيفه يتزوجها ليه أمي قصرت بحقه علشان يجرحها تضم أمها خلاص يمه لاتقطعين قلبي تركت امها وراحت لغرفة شجون وهي معصبه
مشاري: مشاعل وقفي
مشاعل: فتحت الباب بعصبيه
شجون: فزت من فتحت الباب ووقفت قالت هلا انا آسفه موقصدي اسبب كل هالمشاكل بس
مشاعل: بس ياليتك تريحنا وتطلعين بهدوء يكفي مافينا من بلاوي تجين تكملين انتي
شجون: طالعت بعيون مشاعل الي معصبه ولا لامتها تعرف قدر الأم عند بنتها هي حرمت من حنان امها ولو فيه سوت زي مشاعل لفت تاخذ عباتها لبست عباية باليه وقديمه لبست قفازها وغطاها بكل هدوء وطلعت من الغرفة شافت رجلين واقفين ومراة تبكي واحد هادي ملتحي وواضح هدوءه والثاني طويل وطالع الشرر من عيونه نزلت راسها وكملت مشيها
مشاري: وين ؟؟؟؟
شجون: ماتحب تتكلم مع الرجال سكتت
مشاعل: مالها مكان بيننا
مشاري: انتي انجتيني تبين ابوي يكسر راسك ابوي جابها وانتي تكسري كلامه
شجون: تتمنى ترد عليه وتقول خلوني مابي اجلس سكتت ومشت
مشاري: وقفي ياختي ماراح تطلعي
فارس: بعصبيه خلها تولي ايش فيك متمسك فيها خذها وريحنا اجل
شجون: توالت الطعنات بقلبها ليه مايرحموها يظنوها حجر ماتحس كل واحد يرميها على الثاني طنشت مشاري وكملت مشيها تجاه الباب ومشاري يناديها ومايقدر يوفقها بس هي مطنشه فتحت الباب الا بوجهها ابو مشاري
ابو مشاري: ناظرها متفاجيء من طلوعها وطالع بعياله وعيونه تطلع منها الشرر
مشاعل: خافت واحتمت بظهر مشاري

ابو مشاري: ارجعي شجون وادخلي غرفتك
شجون: بصوت هاديء الله يخليك خلني اطلع
ابومشاري: بعصبيه والله ماتطلعين الا على جثتي والي موعاجبه من عيالي هو يطلع وهذاني اقولها الي يبي يضايقها لايلوم غير نفسه
الكل تغير وجهه
ام فارس: ماقدرت تتحمل وذبحتها الغيرة وطلعت غرفتها
مشاعل: لحقت أمها لغرفتها
فارس: مر من عند ابوه كاتم غيضه وطلع من البيت
مشاري: بكل هدوء طلع غرفته وهو يفكر كيف يحل مشكلة خالته الي ماقصرت ولابيوم بحقه كانت قمة الحنان معاه وماعمرها قست معا ه او مع أخته
ابو مشاري: لف على شجون ادخلي غرفتك ياشجون والعصر بحول الله تطلعي مع السواق والشغالة تشتري ملابس لأني لازم اكلم ابوك تلقينه الحين قالب الدنيا عليك
شجون: مشكور ماقصرت بس مابي لاملابس ولاغيره
ابو مشاري: رفع يده انا اذا قلت شي قولي تم يالله عن اذنك
شجون: دخلت غرفتها ايش هالورطة الي تورطت فيها ان رجعت لابوي معناته ابيع شرفي وان جلست هنا خربت سعادة اسره كامله رفعت يدينها يارب تحلها من عندك
***************
في بيت سعد
سعد: كان نايم من شد التعب لانه ماحصل هروين تعذب حتى نام قام وهو مصدع حيل يسب ببنته والله لو القاك لاذبحك وارتاح منك كيف هالبنت شر علي عمري ماستفدت منها رن تلفون بيته رفعه بعصبيه نعم
بندر: هلا سعد وشلونك
سعد: من معي
بندر: انا بندر زوج هيا نسيتني
سعد: كأن ذكرى ايامه الحلوة مع فوزيه تمر قذام عيونه بس الم راسه ومفعول الهروين مايخليه يركز قال خير وش تبي
بندر: ابطمنك ان شجون عندي
سعد: بعصبيه وش جابها الحيوانه وصف لي بيتك ابجي آخذها
بندر:هدي راح انا اجيك
سعد: انا مابيك ولابي اشوف وجهك ابي بنتي طول الليل وانا خايف وقاقان عليها
بندر: مسك اعصابه سعد انا ابجيك ابتفاهم معك بخصوص شجون ولك الي تبي
سعد: بسرعه جيبها يابندر انا ابيها الحين آآآهـ ابموت من زود الألم
بندر: مالك الي الي يرضيك ياسعد كم رقم حسابك
سعد: فرح هذا رقم حسابي
بندر: خلاص اعتبر الفلوس جتك ومتى مافرغت من شغلي مريتك نتفاهم بخصوص شجون
سعد: يازين القرابه الي تفيد مثل شرواك اهم شي لاتتاخر بالفلوس تراني تعباان
بندر:خلاص اعتبر الفلوس عندك مع السلامة سكر السماعه تتوقعني كل شوي ابدعمك واساعدك على ادمانك على هالخبيث بس احل مشكلة شجون وابلغ عنه علشان يتعالج غصب عنه آآآآآآآآآه ياخسارتك ياسعد كيف دمرتك نفسك وبناتك متى راح تفوق وترجع زي اول بس ايش بعده بعد مادمر حياة البريئة فرح
************************
في غرفة شعاع
مشاعل: لاتدافعين عنها ياشعاع وحدة راح تدخل ضرة على أمي تبغين ادور لها عذر
شعاع: طيب ابوي شرح لنا ظروفها يعني هي ماتعمدت هي مظلومة بعد
ام فارس: الى هالدرجة انا رخيصة عندك ياشعاع ماتهتمي فيني وتقدمي الغريبة علي
شعاع: مسكت يد أمها وباستها تعرفي انك اغلى شي عندي يمه والي يجرحك يجرحني بس هالمسكينة ابوها راح يبعها علشان فلوس هربت منه وطاحت ولله الحمد بيد ابوي الي يبغى ينقذها ابوي عرضها على اخواني ورفضو المفروض تزعلي من مشاري وفارس الي ماتزوجها وانقذوك مو عليها او على ابوي
مشاري: دخل عليهم صادقة شعاع
كلهم لفو نظرهم له
مشاري: ياخالة انا كلمت ابوي وقلت له اني موافق عليها مع انه يعلم الله مالي خاطر بالزواج بس مواقفك معاي مانساها وانتي بحسبة أمي الله يرحمها
مشاعل: ركضت له وحضنته الله لايحرمني منك ياأحن قلب
ام فارس: نزلت دمعتها الله يجزاك خير ياوليدي ويرزقك منها مهما شكرت لك ماوفيك حقك صرت احسن من زوجي الي بذلت له كل شي واخرتها يجازيني بضرة
شعاع: يمه الله يخليك لاتلومين ابوي أي انسان عنده نخوة وحميه راح يسوي سواته منو الي بايع قلبه يشوف بنت شريفة تهرب لتحمي شرفها يسيبها ويرجعها لابوها
مشاري: شعاع صادقة ياخالة وابوي لو انه حريص بس على الزواج ماقالنا احنا نتزوجها لاتلومينه فديتك ولاتشيلي شي بخاطرك عليه ويكون بعلمك انه فرح مرررة يوم خبرته اني انا الي راح اتزوجها لو خاطره فيها مافرح هالفرحه
ام فارس: رفعت ايدينها قل آمين الله يرزقك منها بالذرية الصالحه يارب
مشاري: ابتسم مجاملة عن اذنكم
شعاع: ياقلبي هو ماعمري شفت احن منه
ام فارس: ولد بطني ياحسرة ماهتم فيني وهذا رضي يضحي علشاني فديته من عمره طيب وحنون الله يرزقه ويسعده معاها يارب
شعاع: ياليت تنزلوني تحت اشوفها
مشاعل: صح نسينا نتعرف عليها خلاص راح تكون زوجة اخوي
ام فارس: روحو انتم انا مالي خلقها
شعاع: استغفري ربك يمه الحمد لله ربي فرج عليك موكذا شكره
ام فارس: استغفرالله بس لسه اعصابي مشدودة مابغى اقابلها الحين
شعاع: خلاص ياعمري ارتاحي فديت قلبك واحنا راح ننزل لها
شجون: كانت جالسه وتفكر بمصيرها المجهول طقو البنات عليها الباب
مشاعل: يوم دخلت تفاجات وتغير وجهها
شعاع: دخلت وابتسامتها على وجهها
شجون: ارتاحت حيل لشعاع وبادلتها الابتسامة وقربت تسلم عليها
شعاع: حيا الله زوجة اخوي
شجون: استغربت قالت انتي اخت ابو مشاري
شعاع: بإبتسامة لاياقلبي أنا بنته بس أخوي مشاري خطبك من ابوي
شجون: سكتت وقالت بقلبها مرة للأب ومرة للابن كأني كورة يشوتنها زي مايبون اهم شي مارجع لابوي
مشاعل: يوم شافت شجون تغير وجهها حقدت عليها ظنتها طمعانه بأبوها قالت بسخريه يمكن ابوي الي انقذها احب عليها من اخوي
شجون: رفعت عيونها لمشاعل وماحبت ترد بس جرحها كلامها
شعاع: ضغطت على يد شجون وبابتسامة حنان صدقني انك راح تتتزوجي درة بس ماحب اغشك ترا اخوي كان متزوج وانفصل عن زوجته لأن اخوي مايجيب عيال
مشاعل: تسندت على كرسي شعاع تناظر بشجون بحقد وتريقه
شجون: ردت بهدوء الرجال ان كملت اخلاقه مايعيبه شي بعدين هو ماقصر يوم وافق علي مع اني فيني عيوب كثيرة وانا ماتزوجت رغبة بالزواج تزوجت علشان انقذ شرفي وعرضي بس لو بنت غيري حرة وعايشة ببيت ابوها معززة مكرمة كان من حقها تتشرط بس زي حالتي لو يجيني شايب طايح وافقت عليه وانا مغمضة بس اهم شي انجو بشرفي مايتدنس
مشاعل: تأثرت من كلام شجون وندمت على سؤ ظنها فيها ونزلت راسها للارض
شعاع: قربت شجون منها وضمتها الله يحميك ويحرسك ويسعدك يارب بعدتها عنها وناظرت بوجهها نظرة حنان صدقيني ماراح ربي يخليك وانتي نيتك كذا
شجون: ابتسمت لها الله كريم
*******************************
في الاستراحة
فارس: معصب تخيل ابوي جايبها من الشارع وناوي يتزوجها ان كنت اكذب امي يوم تقول ابوي يموت بزوجته الاولى بس الحين تأكدت والا فيه رجال عاقل يسوي سواته
احمد: هدي يافارس هذا اخوك مشاري ماقصر وانقذ امك
فارس: من وين اهدي يرحم والديك وراح تكون زوجة اخوي ام عياله اخت فرح يعني راح يكون عيال اخوي جدهم مدمن مخدارات يجر على بناته وخالتهم وحده داعرة وقاتله
احمد:اخوك مايجيه عيال نسبة ضئيلة يجيه ظنا جلس مع زوجته اربع سنين ماجاه شي راح يجيه يوم تزوجها
غلاب: ماعلق على كلامهم كان بس يتابع وساكت وقف قال عن اذنكم
احمد: يوم طلع غلاب ايش فيه ماد بوزه
فارس: بعذره صرنا نسايب الحين والي يمس سمعتنا يمسه كيف راح يناسب ناس ناسبو ناس زي فرح واهلها مالومه غيره يفسخ خطوبته من اختي
احمد: ياشيخ يحمد ربه انكم ناسبتوه لاينسى ان امه هنديه لاراحت ولاجت
تعرف اخوك محظوظ كأنها تشبه اختها تذكر فرح كانت موووووت
فارس: الله ياخذها هي واختها ويفكنا منهم
**************************
في بيت ابو سلطان
ام سلطان: اخوك انجن يوم يزوج ولده مشاري هالبنت يعني خلاص ولده عقيم وأمه متوفيه يرميه هالرميه
ابو سلطان:اخوي اعرف بعدين مشاري مو صغير يعرف مصلحته زين لاتنسين انه البنت تصير بنت خالته بعد
ام سلطان: بس كان هو راح يتزوجها بس مشاري رفض ...
لا اخوك حبه لزوجته الا اعماه لو ام مشاري حيه الحين كان رفضت ولدها يناسب هالناس
ابو سلطان : استغفري ربك يامرة وقف بعصبيه تصبحين على خير ماعندك الا كلام يرفع الضغط
ام سلطان : بسم الله علي نط فيني
سلطان: مسائك الله بالخير يمه ونزل يبوسها مع راسها
ام سلطان: هلا وغلا بوليدي تاج راسي الحمد لله جابك ربي تو خالك مكلمني يسألني متى الملاك احرجتني معهم ياوليدي
سلطان: تغير وجهه يمه الملاك يوم الزواج ان شاءالله
ام سلطان: افا ياوليدي ليه كل هالتأخير
سلطان: كل تأخيره فيها خيره
ام سلطان: ليه كان كلامك كذا بخطبتك لمشاعل كنت ناشب بحلقونا وحلق عمك تقدم الملاك
سلطان: وقف هذاك اول كنت مخفه الحين ركدت يمه عن اذنك
ام سلطان: يوم راح ولدها آآآآآآآآخ يالقهر الا قل كنت تموت فيها ودانه مالها نصيب بس ان شفتها بحول الله راح تسرق عقلك وقلبك سوا فديتها تجنن بسم الله عليها اجمل من مشاعل مليون مرة الله يوفقهم يارب وافرح بعيالهم ويرزق اخته الزوج الصالح الي يسعدها
********************
في غرفة مشاري
ام فارس: جيتك ياوليدي اقولك شي مهم
مشاري: تفضللي ياخالة
ام فارس: مسكت كتفه انت ياوليدي بحسبة فارس والي يسعدك يسعدني والي يضايقك يضايقني وانا عارفه انك ماقبلت تتزوجها الا علشاني بس ياوليدي انا نزلت وشفتها والبنت شكلها مو مقبول ابد وانت كنت متزوج العنود وكانت قمر ماشاءالله عليها وهالبنت الله يستر عليها عكسها بكل شي ووو تبي توصفها
مشاري: رفع يده لاتوصفيها ياخالة انا راضي فيها انا بعد اربع سنين ماجاني عيال يعني مو خالي من العيوب وهي بنت تبي الستر وابوي فزع معاها بس كان على حساب سعادتك وانا ماعندي زوجه اجرحها ولاشي
ام فارس: بس ياوليدي البنت
مشاري: قاطعها انا راضي فيها ياخالة
ام فارس: تنهدت براحة الله يسعدك ويوفقك يامشاري ياولد بندر وين ماكنت
مشاري: بابتسامة آآآمين
***********************
في غرفة سحر
مشاعل: هي نفسها البنت الي كانت معانا بالمدرسة
غلا:: يووووووه فرق كبير بين العنود وبينها مسكين خالو
سحر: بهدوء مشاري ماقرر كذا الا دارس الموضوع كويس
غلا: بس اكيد ماشافها كان ينصدم البنت عاديه جدا تقدري تقولي قبيحه مافيها ذرة حلا
سحر: استغفري ربك ولاتغاتبيها
غلا: والله مو قصدي اغتابها بس حرام خالي لانه طيب هو ياخذها ياليت ماخذها فويرس وتنكسر شوكة غروره شوي
مشاعل: هههههههههههههههههههههه
غلا وسحر : ايش فيك !!!
مشاعل: ميته ضحك بس تخيلت شكل فارس مع شجون ههههههههههههههه
غلا: ههههههههههههههههههههه ياليت
مشاعل: لا والله حرام البنت تبغى الامان بزواجها وتتزوج فارس قسم يطلع الشيب براسها اكثر من أبوها لو تشوفينه كيف معصب
سحر: بعصبيه وهو ايش لقفه مشاري راح يتزوجها مو هو
مشاعل: ايوه بس يقول ليه ندنس سمعتنا بزواج اخوي منها حتى يقولي ان زوج المستقبل شكله متضايق بس ماتكلم
غلا: اااوف الا المزيون غلاب لايهون ويتركك
مشاعل: رفعت يدينها ياليت تجي منه وارتاح
غلا: الى هالحين تحبي سليطين ترازواجه قرب لاتحلمي كثير
مشاعل: لاسلطان ولاغيره مابغى أي رجال
سحر: تنهدت بضيق صادقه مانبغى ولارجال
غلا: مخطوبات وقريب زواجهم ويقولون مانبغى ولارجال اقول افتحوا لنت بس وخلونا ندور مديلات علشان نكمل جهازكم
سحر: انا عن نفسي مالي خلق
مشاعل: ولا انا
غلا: والله اني مغرقتكم بجمايلي انا الي اجهزكم وانتم الي تعرسون مالت عليك وعليها
*********************
في المطعم
ياسر: انت انجنيت ياصلاح
صلاح: بكل برود مانجنيت ولاشي بكامل قواي العقليه يادكتور ياسر
ياسر: كذا تجرح مشاري
صلاح: قرب من ياسر ورص اسنانه منى عيني اجرحه واشوف الحزن والحسرة بعيونه زي ماجرحني وادمى قلبي
ياسر: صلاح استغفر ربك لاتظلم الرجال تعرف ان ابوه وعمه طلبو منه يتزوجها ابوها مابغاك هو السبب مو مشاري هو تورط زيك ابوه حلف عليه مايرفضها ويجرح عمه
صلاح: وانت مصدقه مشكلتك ياياسر طيب كثير ومشاري مسوي قدامك الانسان الطيب وانت واثق فيه وتصدقه على طول
ياسر: اقول خلنا نقوم ابرك
صلاح: تسند على الكرسي ماكملت اكلك
ياسر: شبعتني بخبرك ماقصرت
صلاح: ابتسم عادي بكره راح تشبع بحفلة زواجي
ياسر: ومن قالك ابحضره
صلاح:لو ماتحضر راح ازعل منك
ياسر: ناظره نظرات عتاب عادي ماراح تفرق معاي انا ماسوي شي الا مقتنع منه لو كل الكون زعلو مني مستحيل اجي فرح انسان يبني سعادته على تحطيم وكسر غيره لو كان هالانسان مايقرب لي اجل كيف لو كان اغلى ربعي مستحيل ياصلاح احضر زواجك لو كان على حساب صداقتنا انت فرطت بمشاري ولاهمك زعلت عليه بذنب ماجناه والحين تتلذذ وانت تنقم منه وتبيني افرح معاك انك حققت النصر صدقني زواجك منها موحب زواجك انتقام بس وراح تندم بالأخير لذة نصر مؤقته وبسرعة تنتهي عن اذنك
صلاح: ابتسم تعجبني ثقتك من نفسك وقوة شخصيتك .
**********************
في بيت ابو مشاري
ابو مشاري: بكره ياوليدي تروح تسوي التحاليل مع شجون تعرف ماضمن ابوها يغير رايه بأي وقت نبي نملكم ونرتاح منه
مشاري: بهدوء علشان يغلف مشاعره المختلطه في داخله يصير خير يبه
ابو مشاري: استأذن من عملك وانا بكره ابوديها تسوي كل الفحوصات
مشاري: سم يبه يالله تامرني بشي ثاني
ابو مشاري: سلامتك
مشاري: باسه على راسه تصبح على خير يبه
ابومشاري: تلاقي خير وانا ابوك
************************
في غرفة شجون
شجون: جالسه على فراشها وحاطه راسها على يدينها وسرحانه آآآآآآهـ ياشجون ايش راح تكون حياتك بعد ماتتزوجين مشاري رفعت راسها وتسندت على الجداروتطالع السقف بس واضح من كلام أخته انه مرة طيوب اجل اكيد هو القصير الملتحي الي شفته لان الطويل واضح انه مغرور وعصبي وشايف حاله تنهدت براحة الحمد لله انه هذاك احمدك يارب بس ماشافني وهو كان متزوج قبل ويمكن زوجته احلى مني مو يمكن الا اكيد انا مو حلوة من يومني صغيره شينه مسكين اخاف ينصدم يارب اقدر اسعده راح فكرها بعيد
شجون: وهي خانقتها العبرة الكل في المدرسة يعايروني يقولون عيونك تخرع لونها اخضر وانتي سمراء
غريب: ابتسم ولف وجهها بيده طالعني
شجون: طالعته بعيونها ليه
غريب: شاف بريق عيونها الي يجننه قسم ماعمري شفت عيون احلى من عيونك ولا اتوقع راح اشوف
شجون: تعرف بس انت الي تمدحني
غريب: الحمدلله اني انا بس امدحك تعرفي شجون انت حلوة بس نحيفة حيل ونحفك هو مأثر على شكلك لو تلبسي ملابس حلوة زيهم وتسمني راح تكوني احلى من البنات هذي كلهم
شجون: اتمنى البس فستان ابيض منفوووش وادور فيه وكل البنات يطالعوني وأحط وردة حمراء عند أدني زي رهف بنت جيراننا مرة شفتها بالعيد لابسه فستان ابيض وتفتخر فيه قدامنا تمنيت امون زيها
غريب: ان شاءالله اكبر واتوظف وظيفه حلووة واشتري لك احلى فستان
شجون: ابي الفستان الابيض الي عند محل ابو عماد
غريب: ولايهمك راح اجيب لك من احلى محل مو محل ابو عماد
شجون/ ببراءة بس تراه غالي بميتن ريال
غريب: ابتسم على برائتها ايش عرفك ؟؟؟
شجون: يوم شفته على رهف رحت للمحل وسألت عنه
غريب: انا الحين اجتهد بدروسي والحمدلله احاول اتغلب على كل الظروف الي تمنعني من اني اتفوق بدراستي اجي تعبان من كرف عمي جاسم ولا انام اسهر اذاكر تعرفي ليه ياشجون
شجون: ليه ؟؟؟
غريب :علشان اتخصص تخصص حلو واول ماتخرج اجي آخذك واعيش احلى عيشه تنسيك كل تعبك
شجون: ياليت ياغريب ياليت متى بس متى

آآآآآآآآآآآآآآآآآآه ياغريب عجزت انساك كان حلمي انك انت تكون زوجي كل يوم يمر انتظر رجعتك واعدتني ترجع ومارجعت خلاص الحين راح ابعد تفكيري عنك قريبا راح اصير ملك شخص غيرك لو انك فيه مارضيت اخون زوجي الله يسعدك وين ماكنت ماراح افكر فيك الا غلا اخوة بس غير كذا مستحيل افكر فيك الله يعيني ابعد ذكرياتك الي ظلت معاي 15 سنه الله يعين يااااااااااااااااارب
*****************************
في بيت ابو سلطان
ابو سلطان: تعال سلطان ابكلمك بموضوع
سلطان: آمرني يبه
ابو سلطان: مايامر عليك ظالم ياوليدي بس حبيت اشاورك بصلاح ولد فؤاد
سلطان: عقد حواجبه ويدعي ربه ا ن الي بباله مو هو طالع بابوه ايش فيه يبه
ابو سلطان: صلاح جاي يخطب العنود
سلطان: وقف بعصبيه وهو يتذكر كلام فارس له
*
*
*
انتهى الجزا
حمد & سحر
شجون & مشاري
مشاعل & غلاب
معاريس كثير بروايتنا ينتظرون نزفهم بالاجزاء القادمة بس السؤال الي يطرح نفسه
من هم الي راح يتم زواجهم ومن هم الي ماراح يتم ومن هو الي راح يسعد منهم ومن هو الي راح يتعس ؟؟؟؟؟؟؟
صلاح والعنود هل راح يرجعون لبعض بعد قصة حب كان مصيرها الفراق اربع سنوات والا سلطان راح يوقف بوجه زواجهم ؟؟؟؟؟

فائدة :
1- كان عبد الرحمن بن أبي ليلى يصلي في بيته فإذا شَعَرَ بأحدٍ قطع صلاة النافلة ونام على فراشه – كأنه نائم – فيدخل عليه الداخل ويقول: هذا لا يفتر من النوم؟! غالب وقته على فراشه نائم؟! وما علموا أنه يصلي ويخفي ذلك عليهم

دمتم لي بود
هموووسة










لاتنسو الدعاء لاخوانكم في سوريا

 
 

 

عرض البوم صور أمي روحي   رد مع اقتباس
إضافة رد

مواقع النشر (المفضلة)

الكلمات الدلالية (Tags)
أمي, للكاتبة أمي روحي, ليلاس, العنكبوت, بيت, روايات خليجيه, روايات و قصص, رواية بيت العنكبوت, روايه سعوديه, روحي, قصص من وحي قلم الأعضاء
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t174576.html
أرسلت بواسطة For Type التاريخ
Untitled document This thread Refback 20-10-14 09:37 PM
Untitled document This thread Refback 04-08-14 05:03 AM


الساعة الآن 12:38 AM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية