لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack (2) أدوات الموضوع انواع عرض الموضوع
قديم 14-06-12, 03:49 AM   المشاركة رقم: 161
المعلومات
الكاتب:
اللقب:
ليلاس متالق


البيانات
التسجيل: Oct 2008
العضوية: 102007
المشاركات: 1,208
الجنس أنثى
معدل التقييم: وردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييم
نقاط التقييم: 1356

االدولة
البلدSaudiArabia
 
مدونتي

 

الإتصالات
الحالة:
وردة الزيزفون غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
افتراضي

 

صباح الخيرات .......تسلم ايدك هموس على البارت الحلو .........انا اشوف المواعيد حلوة بس الي يريحك احنا معاك وتعودنا على ثلاث بارتات

غلابوه ومشاعل

ماتمنيت مشاعل ترجع لغلابوه بسهولة عرف يلعب عليها كيف هي تغطي على فعايله وماخبرتهم بكلامه وانتقامه وهو جاي يحط البلا عليها .........بصراحة تستاهل الي بيجيها منه هو يحيها حب تملك مافي واحد يحب زوجته يجي يحط اللوم وهو مايدري هي ايش قايلة عنه بس لانو عرف انها ماقالت شي بالاول ماراح تقول شي الحين هو يهمه اشباع رغباته والشك بيضل براسه والجاي اعظم لانو مستحيل يعدي الموضوع وفويرس مازال حاقد على سلطان ومفتخر بأختياره لغلابوه بس بيصير الاعظم وهو الي بيكسره لانو مازال على نفس عنجهيته

اما غلابوه كل كلامه ماله معنى عن عقوق امه ماعرف انها طيبة الا لاستدراج مشاعل وبتشوف هي انو ماتغير ولا بيتغير دامها سهلة الاقناع ........وماراح يتغير لانو لو تهمه امه ماانتظر هالوقت كله

اما سلطان هو الي جايب الهم لنفسه والا دانوه تاركها على هواها يخيرها بين تتعدل مثل مايبي والا كل واحد يروح بطريقه الزواج مافيه مجاملة ابد

ماجد وعبد الرحمن

مبرر ماجد جدا سخيف ومردود عليه اذا اهله كانو بيرفضو قبل وهو عزابي وشعاع سليمة كيف الحين مو خايف من رفضهم وردة فعلهم وعنده زوجة وعيال والي بيتزوجها معاقة يعني مافيها زود عن زوجته الاولى صدق اناني والحب ماطلع الا بعد ماشاف شعاع سبحان الله

واما عبد الرحمن ردة فعله جدا عادية وطبيعية وشئ متوقع وماراح يخسر شي لو قطع علاقته فيه

فرح ورامي

كنت متوقعة والا واحد بيتنازل عن حقه يتشرط ودام هذا كلامه وحقارته لاخيرة الله فيه وفرح الرباحانة بأختيارها رضى ربها ولا المستنقع الي بتعيشة بين ذيابة البشر ........اما ابوها مابرد خاطري بموته هو ارتاح بالموت السريع وبناته بعذاب تمنيته يتعذب قبل موته

فويرس وشجون

فويرس ناسي عمره ومصدق حاله الحين الشباب يتكلمون عن موتت نسيبه واحنا عارفين انو الناس ماتصدق تلاقي سلافة وتحش فيها بس مثل ماالناس تكلمت عن ابو شجون والي اكيد دلالوه وامها بيضغطون عليه بس اتمنى من كل قلبي انو يكشفها ويكشف الحسب والنسب الي مناسبهم كيف مربيين بنتهم وهو ماحبها ولا بيحبها فراح يرميها رمية الكلاب ..........مااعتقد بيطلق شجون لانو الكل معاها وهو شاف وسمع بأذنه وهو نفسه ميت عليها بس يكابر ويبيغي فرقاها علشان لايضعف اتحداه لو يطلقها ويعرف انو في مين يبغيها مااشتغلت الغيرة بقلبه متأكدة انو يغار على شجون ودلالوه ابد والدليل عدم ستر هذيك وهو ساكت لها

ياني منتظرة فضيحة دلالوه الي بتكسر فويرس عدل خخخخخخخخخخخخ هموس فديتك لاتطولين فيها علشان نبغي شجون تاخد حقها من فويرس وتتشرط عليه علشان ترضى تكمل معاه او تعطيه ريق حلو ..... لازم ترد كرامتها قبل تولد علشان مايطلع الولد او البنت الا شجون مأمنه لهم الجو الي انحرمت منه ومايعيشو بدل

شعاع

اعتقد مرضها خطير وي هاملة نفسها فالكل بينشغل فيها وحتى فويرس وبينسى موضوعه مع شجون لانو الي بيمرو فيه صعب وبياخذ كل مشاعرهم ووقتهم

في انتظارك ياعسل

 
 

 

عرض البوم صور وردة الزيزفون   رد مع اقتباس
قديم 14-06-12, 10:34 PM   المشاركة رقم: 162
المعلومات
الكاتب:
اللقب:

البيانات
التسجيل: Jan 2008
العضوية: 61155
المشاركات: 26
الجنس أنثى
معدل التقييم: السلطانه عضو على طريق التحسين
نقاط التقييم: 54

االدولة
البلدSaudiArabia
 
مدونتي

 

الإتصالات
الحالة:
السلطانه غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
افتراضي

 

السلام عليكم يعطيك العافيه وتسلم يدينكـ يارب الي اتوقع انا انوا تسقط شجون ومايكتمل حملها وحتى ممكن تنفصل عن فارس وذاك الوقت حيتندم ويحس بتصرفاتوا الغلط وغروره ... وعندى استفسار كيف امل وورده يحكون انوا دلال تكلم وعندها علاقات وانا ماقريت اي شي يلمح للحكي الي كاتبينه واعذريني اذا ثقلت عليك

 
 

 

عرض البوم صور السلطانه   رد مع اقتباس
قديم 14-06-12, 11:35 PM   المشاركة رقم: 163
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,516
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
افتراضي

 

السلام عليكم ورحمة الله وبركاته
صباااح الخير....صباح الورد......صباح الراحه
همووووسه تسلمين لي يا ذووق عسى ربي لايحرمني منك ....الحمد لله انا بخير وعافيه
والف مبرووووك على التكريم تستاهلين كل خير ياقلبي
وتسلم يدينك على البارتات الرووووعه كالعاده والاحداث كل مالهااااا تزداد اثاره

عبد الرحمن ومااااجد
صدمه كبيره لعبد الرحمن انه يطلع خويه الي يشتكي له حال خالته ويتكلم دايما معه عليهاااا
والي معتبره اخوه يطله نفسه الشخص ال لعب بخالته وقلب لهااا حياتها ودمرهااا والنتجه كانت
انها فقدت المشي ومقاطعة فارس لهاااا اربع سنين وبالمقابل هو عليش حياته ولاا يهمه ومتزوج
معيييل ومرتاح والضحيخ جالسه تتجرع المر طووله هالسنين والله كنت متوقعه ردة فعله
وشيء طبيعي انه يقطع علاقته فيه لانه كان السبب في دمار حياة خالته
اما ماجد مبرراته جدا سخيفه وبايخه مثل وجهه اجل اهلك غاصبينك العب غيرها اذا البنت هالايام
مانتغصب اجل الولد ينغصب

غلاب ومشاااعل
مدري لييييه ما فرحت يوم مشاعل رضت انها ترجع لغلااب احسه فعلاا ما يستحقها ولاا فيه شيء
يشفع له انها تظل على ذمته الا امه الطيبه .... الى متى بتظل تستحمل طريقته الهمجيه والا حقده
الاسود على فارس وهي غلطانه لانها تسترت على فعايله من قبل وهو استغل هالنقطه لصالحه
وركبها الغلط عند اهلهااا........ وشكل الشك الى الان معشش براسه وبيظل ينكد عليهااااا
لانه عنده يقين انها مازالت تحب ولد عمهااااا
وغلاابوه متاكده انه صعب انه يغير طريقة تعامله مع امه لاه يظن انها السبب في معاير الشباب
وفارس له مايدري انهم مايسون ظفرهااا هذه امه الي ربت وتعبت لين خلته مثل الجحش
يجي اللحين يتنكر لافضالها عليه

فرح ورامي
حسبي الله عليك صدق انه خسيس ونذل زي ابوه يعني ماتعظ من الي صار لابوه ولااشاف موتته
الشينه الي المفروض انه يترك هالدرب ويتوب يجيب ساومها على شرفها
الله ياخذه الحقيررر خل حقارته ووساخته تنفعه مصيره يموت موتة كلب مثل ابوه
اما فرح فهي الفايزه باختيارها رضا ربهاااا على انها تعيش عيشه المذله

فارس وشجون
اللحين انت ماتبت من حركاتك يعني هالغروروالعنجهه مازالت فيك البنت ابوها ميت وهي بمصيبه
وانت همك الشباب راح يتكلمون فيك وخير ياطير الناس يتتكلم فيه سالفه والا لاا الا بتخترع لها سالفه
وتقعد تزيد فيها وتعيد.......والمفروض انك تكون جنبها وتواسيه بغض النظر عن كونها زوجتك هي
انسانه فقدت لها عزيز .........وهذاااا انت كل ما بغيت منها حاجه تجي تجري لهااا وهي تلبي لك

عاد اللحين دليل وامها بيستغلون هالفرصه ويجلسون يحشون راسف ويرس على شجون ويملون قلبه
عليهااا وهو عاد على طريف بس ما اتوقع انه ييطلقها لانه من داخله هوو يحبها ومتعلق فيها
بس رافض التعلق عشان لايكسر غروره

هموس تسلم يدينك ياقلبي جعلها تحرم على النار

 
 

 

عرض البوم صور عبق الرياحين   رد مع اقتباس
قديم 16-06-12, 11:35 AM   المشاركة رقم: 164
المعلومات
الكاتب:
اللقب:

البيانات
التسجيل: Nov 2010
العضوية: 202983
المشاركات: 109
الجنس أنثى
معدل التقييم: أمي روحي عضو على طريق الابداعأمي روحي عضو على طريق الابداعأمي روحي عضو على طريق الابداع
نقاط التقييم: 243

االدولة
البلدAngola
 
مدونتي

 

الإتصالات
الحالة:
أمي روحي غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
New Suae

 

ج ــزأ الــ خ ــامــس والـ ع ــشــرون
في المستشفى
كل أهلها هناك
مشاعل: ماتسكت من البكاء
غلاب: جالس جنبها يهديها
شجون: تستغفر وتدعي لشعاع من قلب وتمنع دموعها لاتنزا
فارس: يروح ويجي مو حاس بالي حوله كلهم ينتظرون الدكتور يطلع منها
الدكتور: طلع ووجهه متغير مرررة
فارس: ركض بشرنا دكتور
الدكتور: شعاع الكلاى عندها مرة تعبانة وحالتها مرة حرجة لازم تبرع حالا والا بنتك راح تودع الجياة
فارس: انا ابتبرع
ام فارس: بين خوفها على شعاع وخوفها تخسر ابنها وحيدها
دلال: لاحبيبي كذا تضر نفسك
فارس: مابي اسمع أي كلمة
مشاري: بس هي فاقت الحين اولا
الدكتور: ايوه فاقت ولازم ناخذ موافقتها
فارس: بعصبيه بدون رايها انا راح اتبرع لهاااااا
ابومشاري: لاتتسرع وخلنا نشوفها الحين وربك يشفيها يارب
الدكتور: ماراح اسمح الا لـ 3 اشخاص بس
فارس: انا وابوي وأمي لازم اقنعها تسوي العمليه الحين
الدكتور: كل واحد لحاله مايجلس الا خمس دقايق بس
فارس : انتظر خروج امه وابوه وضاق يوم شاف ابوه طالع منها والدموع بعيونه اول مرة يشوف ابوه يبكي دخل بهدوء وشاف انسانة وجهها اصفر وشفايفها بيضاء ويالله ترفع عيونها له جلس جنبها وباسها على راسها ومسك يدها يبوسها
شعاع: رفعت عيونها له ويالله قدرت تحرك شفايفها مشكور ياخوي ماقصرت بس مابيك تتبرع لي بكليتك
فارس: يالله فهم كلامها ماراح اتخلى عنك شعاع يكفي العذاب الي شفتيه مني
شعاع: ضغطت بيدها الهزيله على يده ان كنت تحبني زي ماحبك لاتتبرع تبرعك ماراح يفيد عارفه ان يومي قرب
فارس: انتفضت يده بيدها وحبس دموعه راح تعيشي وراح اعالجك وترجعي شعاع زي ماكنتي
شعاع: لفت وجهها عنه ونزلت دمعه على خدها ماقدرت تمنعها
فارس: شعاع
الممرضه: خلاص لاتتعبها اطلع لو سمحت
فارس: طلبتك ابجلس عندها ماراح اتعبها
الممرضة : ان كنت تحبها فعلا اطلع شوف كيف ضربات قلبها
فارس: طلع وخيبة الامل فيه راح بسرعة للدكتور بسرررعه ابيكم تسوون لي عملية أختي تذبل
الدكتور: مو بسرعة كذا لازم اجراءات وتحاليل واختك رافضة تسويها
فارس: اررررجوك لاتنتظر موافقتها ارجوووك دكتور ساعد أختي ان ماتت اعتبرني مت وانتهيت معاها جلس على ركبه ودموعه تنزل من عيونه الا شعاع يادكتور الا شعاع مابي افقدها
الدكتور : حط يده على كتفه استغفر ربك والأعمار بيد الله
سلطان: جاء مسرع يوقف مع عيال عمه هو والعنود وسلطانة وامه وابوه
غلاب: ضاق يوم شافه جاي لف على مشاعل جلوسنا هنا ماله أي معنى يالله نرجع للبيت
مشاعل: بعصبيه مستحيل أترك اختي ابد
مشاري: فهم على سلطان مشاعل ياقلبي روحي ارتاحي واحنا ان شاءالله راح نظل معاها
غلا وسحر يبكون ماقدرو حتى يتكلمون
الممرضة: وينها شجون
فارس: وهو ضايق هذي هي
الممرضة: شعاع تبغاك بس لاتطولي عندها لوسمحتي
الكل استغرب من طلبها لها
شجون: بكل حكمة وهدوؤ طيب دخلت عندها ونزلت دموعها يوم شافت حال شعاع بسرعة مسحتها وجلست جنبها
شعاع: مسكت يدها بعيون ذبلانة ويد ضعيفة شجون انا متأكدة ان يومي قرب ومابي فارس يتبرع لي بلعت ريقها بصعوبة اصلا من نشوف حلقها قالت بهمس انا الوحيدة الي اعرف ان ولده باحشائك مابي ولده يتميم بسببي انا مليت من الدنيا ومشتاقة لربي لعل ماجاني تطهير وتكفير ذنوب
شجون: قلبها يعتصر ألم علشان شعاع بس سكتت وماردت
شعاع:...... شجون
شجون: سمي ياعيون شجون
شعاع: بحزن تراني عارفة قدر الالم والحزن الي انتي فيه بس صدقيني ماتضيق حتى تنفرج انا متأكدة انك راح تعيشين بسعادة مع أخوي او مع غيره ربي راح يعوضك نتيجة صبرك وتحملك وحشمتك وعفافك بس لاتسعجلي
شجون: تنهدت ربي كريم وشوفتي لك وانتي طيبة هذا اكبر سعادة لي
شعاع: ابتسمت بحنان رغم الالم الي تعانيه اتوقع ايامي هنا معدودة ويارب نتجمتع عنده زي ماجمعنا بالدنيا
شجون: غمضت عيونها علشان ماتطلع دموعها
الممرضة: انتهت الزيارة ياأختي
شجون: طيب وجت تبي تقوم
شعاع: شدتها مع يدها اهتمي بالي ببطنك ناظرتها نظرات مودع
شجون: طلعت من عندها تحمل كل هموم العالم
فارس: قرب منها ايش قالت لك
شجون: توصيني انك ماتتبرع
فارس: مستحيل اتخلى عن أختي
شجون: بس صدقني مو من مصلحتك بعدين ترا شيخنا ابن باز الله يرحمه حرم التبرع بالأعضاء لانه مو ملكك ملك ربي بس
فارس: اقول استكي ولاتصدعين راسي لانك ماجربتي حب الاخت او الاخ ماتحسين بالي انا فيه
دلال: مسكته مع اكتافه خلاص حبيبي لاتعصب موزين لك اتركها وريح هناك
شجون: تبلد احساسها منه وجعها لشعاع بلد احساسها عن كل شي نظرات الوداع الي شافتها بعيون شعاع مازالت بعيونها
الممرضة: دكتور شعاع مصممة تشوف كل أهلها
الدكتور : راح لها برحمه يابنتي يا شعاع راح يضرك كثر الكلام
شعاع: ناظرته بحزن دكتور انت عارف انيومي قب لاتحرمني من وداعهم
الدكتور: ان شاءالله ربي يمد بعمرك وتجلسين معاهم كلهم يوم تتشافين
شعاع: انا اعرف بحالي واحساسي اني ابودع قريب لاتحرمني من أهلي بآخر ساعات عمري
الدكتور: عارف ان حالتها صعبه رضي بشرط انهم مايتأخرون عندها
الكل زارها سحر وغلا ومشاعل ماتحملو جلسون يبكون عندها وبسرعة طلعتهم الممرضة
جاء دور مشاري تعمد يتأخر كأنه يتهرب يشوفها بالحالة هذي
مشاري: دخل وحزن الدنيا كله طبق عليه يوم شاف حال أخته اجهزة تحاوط فيها بكل مكان جسم هزيل ووجه اصفر شفايف بيضاء جلس جنبها بهدوء
شعاع: من زود التعب كان مغمضة عيونها يالله فتحتهم يوم حست فيه حست بقرب شخص تحبه تعرفه من ريحته الي حفظتها ياما ضمها حفظت حتى انفاسه لانه عودها على قربه فتحت عيونها وابتسمت بصعوبه
مشاري: قرأ بعيونها نظرات مودع عجز يتمالك نفسه نزلت دموعه دمعه وراء دمعه حتى صار يبكي بصوت
شعاع: اول مرة تشوف مشاري يبكي رفعت يدها الي فيها مغذي وحطتها على وجهه وصارت تمسح دموعه لاياخوي لا ياحن شخص عرفته عودتنا على الصبر كنا ادا نهرنا كلنا انت تمثل لنا مصدر الصبر والقوة لا يانظر عيني ماتحمل اشوف دموعك بعيونك
مشاري: مسح دموعه حاول يتماسك جاء يبي يتكلم ويمثل الصبر ماقدر بكاء ثانيه ماقدر ياشعاع ماقدر هذا فوق تحملي
شعاع:حاولت ماتنزل دموعها الا غرقت عيونها بكره مشاري يانظر عيني ابطلب منك آخر طلب بحياتي وقلي تم
مشاري: وهو يحاول يتماسك تم يانبض قلبي
شعاع: لاتأجل زواج لموتي وخله حلفة تفرح فيها سحر لاتعاقبه علشاني
مشاري: انتي راح تكوني اول من يحضر ان شاءالله
شعاع: بس ان ربي أخذني عنده وصيتي مايتأجل زواجك ولا تغيرون فيه شي
مشاري: لاتتفاولين على نفسك ياختي انتي شعاع قلبي وشعاع بيتنا وراح تظلين كذا
شعاع: تناظره بحنان وانت كنت كل شي بالنسبة لي ابو واخو وحبيب وصديق لاتتوقعني ماحس فيك وانا نايمه تدخل على بالليل كم مرة تأكد من غطاي ومن حالتي كنت احس بيدك الي تمسك جبيني ومت يدك الا تعدل غطاي
مشاري: تافجأ اول مرة تقوله كذا كان يظنها نايمه
شعاع: مسكت يده وحطتها تحت خدها النحيف انت كنت مصدر سعادتي ومصدر قوتي بعد ربي
الممرضه: اخوي انت اكثر واحد طول عندها
شعاع: مشكورة انك خليته هالمده لانه مصدر راحتي
مشاري: قرب وباسها مع راسها ومسك يديهنها وباسهم مابي اتعبك ياختي
شعاع: ناظرته نظرات مودع حتى الباب
مشاري: يوم وصل لباب لف عليها ابتسم لها بكرة ان شاءالله راح ازورك وتراني انا وابوي وأمي وفارس جنبك ماراح نخليك حتى ترجعي معانا
شعاع: التسمت بحزن وماعلقت على كلامه
كلهم رجعو للبيت الا فارس رفض يرجع جلس مع ابوه ومشاري وامه
فارس: نام على الكرسي بدون مايحس من زود الارهاق قام على صوت الممرضة وهي تجري تنادي الدكتور حاول يدخل منعوه
مشاري: قلبه يدق بقوة وهو يحاول يهدي من خوف فارس وهو يكتم خوفه
فارس: يروح ويجي ويناظر ساعته لهم نصف ساعه عندها لاحس ولاخبر يجي دكتور ويطلع الثاني وهم لاحس ولاخبر ضرب الجدار اوووف
مشاري: يروح ويجي ويستغفر ويدعي
أمها: تبكي يارب تخليها لنا يارررررب
ابو مشاري: منزل راسه ودموعه تنزل بس يحاول يكون قوي قدام عياله
الدكتور : طلع ووجهه متغير
فارس: هاه دكتور طمنا ايش صار معاها
الدكتور: انتم مؤمين بقضاء ربكم وحاولنا نسوي لها المستحيل بس ربك أخذ امانته احسن الله عزاكم وعظم الله اجركم
فارس: لاااااااااااااااااااااااااااااااااااااا

********************



مرت أيـام العـزاء بـحزن كبير

شجون: كانت هي الي وقفت معاهم ايام العزاء الكل حزين ومايتحرك الا هي استقبلت المعزين وتحاول تتمساك كانت اذا خلص اليوم وتفرق المعزين تروح لغرفتها ترفرغ كل بكاها حتى بزحمة الحزن نست فرح ومامرت عليها وماعرفت ايش صار عليها مع ابوها توفي ابوها ومرضت شعاع وتوفيت وهي من حزن لحزن ومصيبه لمصيبه حتى ماتعرف مصير الي ببطنها ميت حي ماتعرف شي
الكل فاقد شعاع فقدو ابتسامتها كلامها وصايها ونصايحها
بس اكثر شي فارس الي مارضي يطلع من غرفته
دلال: اضطرت تجلس معاه بغرفته لانه مارضى يروح لشقته
ام فارس: هاه يابنتي مارضى ياكل
دلال: تعبت معاه ياخاله مو راضي يعبرني اصلا
ام فارس: حتى اخوه مشاري وابوه كلموه ابد مو راضي يعطي احد وجه يابنتي يامشاعل حاولي معاه
مشاعل: يمه جيته امس قالي مابي احد
مشاري: السلام عليكم
ام فارس: وعليكم السلام طلبتك يمه روح لفارس له اسبوعين الحين و مانزل ولاتكلم مع احد حتى الاكل مايحرك من صحنه الا شي بسيط اخاف على ولدي انا ان رحت بكيت معاه وماسويت شي الا زدت حزنه حزنه ياويل قلبي بس فقد بنت ومصيبتي بالولد الي اخاف يهلك نفسه من حزنه على أخته
مشاري: هدي ياخالة هو بس مصدوم بعدين راح يتعود
ابو مشاري: ليته ندم قبل وفاتها مو الحين توه يفوق ويحس بخطاه
ام مشاري: انت اصلا ماتحبه ولاتعبره ولافيه أحد حاس فيه زيي يكفيني هم فقدي لبنتي تزدوها علي قامت لغرفتها تبكي
ابو مشاري: لاحول ولاقوة الا بالله
شجون: قامت ولحقت بخالتها دخلت عليها
ام فارس: وهي تبكي شفتي ياشجون ماحد يحب فارس والله قلبي محروق عليه يابنتي
شجون: قربت منها وضمتها سلامة قلبك ياخالة انا ابروح له الحين
ام فارس: طالعتها بخوف بس اخاف ...
شجون: ماعليك لاتشيلي هم ابروح له واشوف
مشاعل وسحر وغلا : دخلو على ام فارس يواسونها
غلا: وين راح تروحي شجون؟
شجون: ابروح لفارس اواسيه
غلا: انجنتي انتي ماخذ من زوجته واهله ياخذ منك وهو مايطيقك
شجون: لاتشيلون همي ابروح له مستحيل نخليه بالزضع هذا عن اذنكم
مشاعل: حرام عليك تجرحينها
غلا: ماعاش من يجرح شجون بس خفت عليها يحطمها اصلا فارس دايم يجرحها وهو مروق والحين نفسيته زفت اكيد راح يفرغ حرته فيها
ام فارس: والله ان هالبنية بنت حلال الله يسخر لها وليدي يارب
غلا: جلست ماشاءالله عليها توه ابوها متوفي وهي متخلي عنها وماوساها بالعكس زود عليها وهي ماشالت بخاطرها او ردت له بالعكس خايفه وقلقانه عليها
مشاعل: فديتها شجون ليت الكل زي طيبة قلبها
ام فارس: ونعم البنت والله يارب وليدي يقدرها ومايفرط فيها
مشاعل: يوم مات ابوها كان ناوي يطلقها بس ابوي منعه وسبحان الله صار الي صار للمرحومه وانشغل
غلا: توها تعرف ردت بخوف الله يستر مايطلقها اذا هدأ
ام فارس: انا راح اوقف بوجهه هالمرة البنيه ماشفنا عليها شي يعيب وشوفي ايش مسويه معانا وعها
مشاعل: تعرف عناد فارس الله يستر
شجون: توكلت على ربها وطقت باب غرفة فارس
فارس: مابي احد الي برا الغرفة لايدخل مالي خلق أحد
شجون: بكل ثقة دخلت
فارس: بعصبية رفع عيونه موقلت مابي احد يدخل انتي ماتفهمي
شجون: ماكأنه يتكلم دخلت وجلست
فارس: يابنت الناس لاتجنني وتخليني اتصرف تصرف تندمي عليه فارقي عن وجهي مالي خلق اهلي وزوجتي تجيني انتي اقول برااااااااا
شجون: ماقامت ولاتحركت وجالسه بكل برود وثقه
فارس: وهو مقهور منها صح نسيت انك مالك مشاعر ولا احاسيس عدي تنهانين عادي ماعندك مشكله
شجون: طنشته كلماته الجارح هالي متأكده انه يتنقاها علشان بس يجرخها ويخليها تطلع بس هي مصممه تطلعه من الحزن الي هو فيه .... بكل برود طيب ليه ماتبي تشوف احد؟؟؟
فارس: بعصبية مزاجي مالي خلق احد كيفي أيش دخلك انتي اشوف ماشوف مالك دخل فيني
شجون: ترا كلنا متأثرين لشعاع زي تأثرك واكثر بس مو كذا الانسان يبن حزنه وضيقه مو كذا المحبة يافارس الي يحبها يدعي لها يتصدق لها حزنك اكثر منا تعرف ليه
فارس: اول مرة بعد موت اخته يسمتع لأحد مارد عليها بس لف وجهه عنها
شجون: لانك حزن مع حسرة ندمان على الي سويته فيها
فارس: اروجكي شجون مابي اسمع شي
شجون: قامت من الكرسي وجلست على طرف سريره اول مرة تقرب منه كل هالقرب بعد الي صار بينهم قبل شهرين حطت يدها على كتفه قالت بحنان فارس مالومك لو ندمت بس تقدر تكفر عن الي صار بعمرة تاخذها لها صدقة لاتخليها من دعائك فارس تراها محتاجة له كثير
فارس: مابكى اول موت اخته وكان كاتمها توه يتفجر ويبكى ندمان ياشجون ندمان قدر عدد شعر راسي حط راسه بين ايدينه وجلس يبكي بقوووة ليتني مت قبلها ليتني مت قبل مامد يدي عليها ليتني مت قبل ماهجرها اربع سنوات وصار يبكي أكثر
ام فارس سمعت صوت ولدها جت بسرعة هي ومشاعل فتحت الباب بس فارس ماحس فيهم كان يبكي بقوة
شجون: اشرت بيدها لهم يعني خلوووه عارفه لو شافهم مايقدر يفضفض لها ويرتاح
مشاعل : اخذت امها وطلعو
ام فارس: راحت للصالة
ابو مشاري: خاف ايش فيه فارس جاء يبي يقوم
مشاري: خله يبه مادام شجون معاه ماعليه ان شاءالله
دلال: ذبحتها الغيرة لا انا ماقدر اصبر ابروح اهديه اكيد قالت له شي ضيق صدره طول عمره فارس قوي اعرفها ماتحبه وتحب تقهره وتنرفزه دايم يشتكي لي منها والحين هو حزين ياروحي وهي استغلت ضعفه وضيقت صدره بوقت هو ضايق مايقدر يدافع عن نفسه وقامت تبي تروح
ابو مشاري: اجلسي دلال ليت كل الناس زي رحمة وطيب قلب شجون كان الدنيا بخير
ام فارس: ايه والله تراها هي الي رجعت فارس لأخته وفكت الحاجز بينهم احنا اربع سنين مارجعناهم لبعض وهي بكم شهر قدرت ترجعهم لو ربي ثم هي كان توفيت بينتي وقلبها محروق على اخوها وقلب فارس يحترق اكثر
دلال: زادت غيرتها وتمنتها سكتت ومامدحو شجون قدامها جلست وقال اوووف
شجون: تسمتع لفارس وهو يبكي ويتكلم تسمح على شعره وهو يبكي
فارس: ماصدقت اكلمها ياشجون ماصدقت تفكين الحاجز بيني وبينها رفع راسه شجون انا اول ماشفتها ضقت بقوة حاس فيها شي مخبيه علينا شجون كانت اختي مرضيه وتعاني لحالها تخليت عنها ياشجون وخذلتها كيف ابسامح نفسي كيف ليتني مت قبلها ليتني فديتها بعمرري
شجون: استغفر ربك ولاتقول ليت تعرف ربك رحوم والي جاها باذن ربي تكفير ذنوب ترا الشيطان يفرح بكلامك لاتتخلى عنها الحين وهي بامس حاجتها لك يافارس محتاجة دعواتك لاتخليها قوم توضا وصلي وارتاح مسكت يده وحاولت تساعده
فارس: قام توضا وكبر للصلاة
شجون: خلته يوم كبر للصلاة ونزلت تحت وسوت له شوربة وراحت له
فارس: صلى ودعاء لاخته من كل قلبه وكان يدعي لها وهو يبكي بقووة حس براحه قام وجلس على سريره
شجون : جت جنبه وعطته الشوربة
فارس: مابي يشجون نفسي مو مشتهيه شي
شجون: لازم تغصب نفسك والا راح تمرض سويت لك شوربة علشان ماتتعب معدتك الي لها اسبوعين ماكلت الاخفيف
فارس: بس
شجون: قربت له الصحن تاكل او أكلك
فارس: لاخلاص انا اكل
شجون: انتظرته حتى خلص صح ماشرب كثير بس اهم شي دخل شي لمعدته شالت الصحن على جنب وهو قايم يغسل مدت له حبة بندول
فارس: ليه مايحتاج
شجون: ابغاك تنام عليها
فارس: بس مافيني نوم
شجون: لاتكابر عيونك حيل ذلابنة وشوف السواد الي تحتهم من زود الإرهاق
فارس: بدون معارضة أخذ الحبة ونام على مخدته وشرب معاها عصير ليمون يهدي من توتره شوي
شجون: غطته وجلست على الكنبة
فارس: حس براحة بعد صلاته الي صلاها ودعاؤه لربه ماحس بنفسه الا وهو نايم
شجون: يوم حست انه نام من انفاسه طلعت بشويش وتركته ونزلت تحت
ابو مشاري: ها طميني عليه يابنتي
شجون: بصوت هادي علشان مشاري فيه الحمد لله هدأ ونام
دلال: ابروح عنده
شجون: برايي تخلينه يرتاح انا ماصدقت ينام عارفه انه مانام كويس بعد وفاة الغاليه الله يرحمه والارق والجوع اثر على نفسيته أكثر ان شاء الله يقوم بأحسن حال
دلال: قامت انا ابصير قريبه منه علشان لو احتاج شي ماراح ازعجه انا احرص على مصلحته من غيري
شجون: براحتك يالله عن اذنكم
ام فارس: سبحان الله يالبنت مادخلت قلبي اول ماشفتها وكل يوم تدخل لقلبي أكثر وأكثر أخلاق عاليه وطيبة ورحمة وحنان وحكمة الله يحفظها
مشاري: ايه ماشاءالله عليها ليت أخوي يعرف قدرها ومايفرط فيه
ابو مشاري: يارب وقفتها معاها مايسناها لها ابد
دلال: دخلت بشويش على فارس وجلست بعيد عنه علشان ماتزعجه ضايقه حيل من تقرب شجون له لازم احمل منه والفت انتباهه لازم شجون تخيط خيوطها عليه وأنا اتفرج
فارس: بعد ساعة قام من نومته لف يدور شجون شاف دلال نايمه على الكنبة ايش جابها هذي الحين قام وراح للحمام يغسل وجهه
دلال: يوم سمعته بالحمام قمت من نومها قمت حبيبي
فارس: لالسه نايم ايش تشوفين قدامك وجلس على طرف السرير يفرك راسه
دلال: قربت جنبه وحطت يدها عليه تبي تحضنه
فارس: ماله خلق شي ابعد عنها ابنزل تحت
دلال: ضاقت من تصرفه طيب ابنزل معاك حبيبي
فارس: مارد عليها ونزل عند اهله
امه: فرحت فيه هي وابوه
فارس: باسهم مع راسهم وجلس عندهم ووجهه احسن من أول تلفت الا وين شجون ؟؟؟
دلال: بضيقة مادري عنها انا كنت خايفه عليك وجيت عندك شجون منعتنني بس انا صممت ماقدر اتركك وانت كذا
امه: فديتها شجون ماتبي احد يدخل عليك يزعجك ووراحت ترتاح بعدك تراها هي بعد لها اسبوعين ماتنام زين ولاحتى تاكل
فارس: بحزن كلكم بكلمتين مني تركتوني الا شجون قلت لها كم كلمة وماتركتني صممت تواسيني حسيت بررراحة يوم طلعت الضيقه الي فيني كنت كامتها بصدري يوم طلعت ارتحت ماتخيلين يمه احس جبل على صدري وراح
أمه: ضمته عساها دوم الراحة يارب وشجون بنت حلال فديتها كلنا حذرناها ماتروح بس هي صممت ماتركك
فارس: ايه والله ماقصرت
دلال: خلاااااااااص حست انها تبي تنفجر اجل بعد مارتحت نرجع لبيتنا حبيبي
فارس: ناظرتها بعصبيه قسم انك فاضيه ماتبين تجلسين معاي دقي على سواقكم يوديك لأهلك انا ابجلس هنا ومتى ماقررت ارجع قلت لك
دلال: انقهرت مرة بس ماردت عليها تخافه وتعرف عصبيته
*****************
في اجتماع مع الشباب
ابراهيم : وهو يلعب بالوت صح عيال عزيتو عبدالرحمن
ماجد: كان يقلب بجواله حط الجوال بسم الله عليه من مات له
ابراهيم: مادريت خالته متوفيه لها اسبوعين كذا
ماجد: بلع ريقه أي خالاته
ابراهيم: ههههههههههههههه ايش عرفتي فيهم
ماجد: خلاص قلبه يدق بقووووووووة لا لا لااااااااااا يارب مو شعاع قلبي كيف بدون تردد دق على عبدالرحمن مارد ياربي ياعبدالرحمن رد الله يخليك وريحني دق ثانيه وثالثه بس لارد
عبالرحمن: كان يشوف الرقم ماله خلق أحد كيف عاد ماجد تركه جته رسالة فتحها (( توني اعرف والله ياخوي من اخوياي بس ارجوك طمني لاتكون شعاع))
سكت مارد أخذ جواله ادع لها لاتنساها من دعائك
ماجد: يوم جته الرساله أخذ الجوال بيد تررجف فتحه وقرا رد عبدالرحمن عرف انها شعاع حرك سيارته
ربعه: هيه مجود وووين
ماجد: ماعبرهم اسرع بسيارته وراح للمكان الي متعود عليها يطلع همه وغمه نزل ومشى عن البحر كان نصف اليل والجو هادي جلس وحط يدينه على رجوله وتوها تنزل دموعه من هول الصدمه مابكى بسرعه آآآآآآآآآآآآآآآآآآآآهـ ياشعاع ليتك رفضتني بس مابعتدي عني مجرد احساسي انك عايشه بنفس جنياي يكفيني جد انا حقيرر وماستاهلك انا تخليت عنك وتزوجت بس وربي ماكنتي تغيبن عن بالي تذكرت برائتها ضحكتها سواليفها جلس يبكي ويبكي كل مايتدمر شكلها بالعبايه آخر ماشافها مابقى منك الا بس عيونك نفسها والا كل شي تغير فيك حتى قلبك تغير علي جلس ساعيتن بدون مايحس بنفسه مانبهه الا آذان الفجر قام وهو مصمم على شي راح لبيته بعد ماصلى الفجر وفتح دولابه وطلع ثيابه وحطها بالشنطة
تهاني: هلا حبيبي وين راح تروح
ماجد: ابسافر عمرة وارجع لك كلها يومين وراجع لك
تهاني: تناظره بحب وحنان اخاف عليك ماجد انتبه لنفسك تراك غالي
ماجد: مسك وجهها بين يدينه وناظرها بحنان قال بقلبه مستحيل اعذب معاي قلب ثاني ضمها من عيوني ياقلبي وانتي انتبهي لشعاعي ومنصور
تهاني: من عيوني ياقلبي
ماجد: ركب سيارته بعون ربي ماخليك من دعائي ياشعاع كل سنه ابعتمر لك والسنه هذي ابحج لك ماكفرت عن الي سويته وانتي حيه ابكفر عن الي سويته بعد وفاتك
************************

في السجن
شجون: طلبتك يافرح سامحيه وحليله محتاج لنا الحين
فرح: ربي راح ياخذ حقي منه الي سواه فيني موقليل
شجون: ماتخيلت قلبك قاسي كذا
فرح: بعصبيه لانك مانحرمتي من اغلى شي بحياتك ماحد سلب شرفك منك وانتي طفلة وعشتي القهر طول عمرك لانك ماجربتي شغلي الدعارة واحتقار الرجال لك لانك ماجربتي تصير زي الكورة يشوتنها برجولهم متى ماخلصو منها ماجربتي يطفون زقايرهم برجولك وهم سكرانين انا عشت عذاب بسبب ابوي عشت جحيم وبكل سهولة تقولي سامحيه انا الحين انتظر قصاص وكل هذا بسببه انتي ماعانيتي زيي لاتلوميني يا شجون لاتلوميني ابد
شجون: بحزن عشت زي عذابك اشتغلت اشين شغله وبحر الشمس وكانو يتفضلون علي بعشرة ريال تزوجت بذلة اخذ مني اعز شي مني وإهاني اشد إهانة يتقزز مني كل مايشوفني الفرق بيني وبينك اني بشرف واتتي لا انحرمت من عطفه الله يرحمه وحنانه بس يظل ابونا يافرح فهمتي ابونا الي جاك تبتي عنه ولاتنسي ان ربي يبدل ذنوب التايبن بحسنات بس لاتحرمي نفسك من برك لابوك وهو متوفي يمكن ربي يدخلك الجنة بسبب برك له مايكفي انه مات شر ميته يافرح
فرح: تنهدت بحزن تبي تقول الله يرحمه بس مو قاردة تتخيل طفولتها وعذابها ماقدرت لاتبجبرني ياختي ابد مو قاجرة تطلع من فمي وبكت
شجون: قربت منها وحضنتها خلاص ياروحي لاتجبري نفسك خلاص
****************
في بيت سلطان
دانة: الحق علي سلطان
سلطان: يركض لها ايش فيك ياعمري
دانة: مو قادرة اتحمل شكل النونو والي بطني راح ينزل ((( حامل بالشهر الثاني )))
سلطان: ارتبك وخاف وبسرعه شالها للمستشفى
الممرضات اخذوها منه
سلطان: يروح ويجي قلقان عليها
اهلها جو وخايفين عليها حيل واهل سلطان بعد
الدكتورة : طلعت
سلطان: طمنينا عليها
الدكتورة: انتم لسه شباب راح ربي يعضوكم غيره
سلطان: رحم دانة كثير والا الولد بداله ولد جلس عندها طول والوقت يهديها ويواسيها طبعا دانة دلوعة أهلها ويوم عرفت ان النونو راح سوت مناحة كبيرة بس سلطان جلس يدلعاها ويواسيها ويحاول تنسى
*********************
في المزرعة
شجون : حزينة اجتمعت عليها كل الامور فقد شعاع وموت ابوها وقرب قصاص اختها والولد الي ببطنها الي محتارة فيه ماتدري ايش مصيره
دلال: دنو ايش سوا سلطان يوم تعورتي
دانه : بدلع يووووه ياقلبي هو مرابط عندي مايفارقني وجاب لي عقد الماس بسلامتي
مشاعل: تسمع كلامها وتحس بغيرة بس تستغفر ربها لأنه فرق بتعامل غلاب عن سلطان مع دانة وكل شوي تستغفر جواتها ماتبي ابليس يلعب فيها
دانة: تشوف علامات وجه مشاعل تتغير وتزيد بالكلام مرة اصلا قبل كان يخاف علي مرة ومايخلني اشيل الدبوس الي تحت توقعته راح يزعل مرة ويتضايق لاني اجهضت قالي اهم شي سلامتك قلبي وماحبيته الا انه راح يربطني فيك والي جابه راح يجيب غيره وهـ بس فديت حنانه
مشاعل: الله يعوضني بغلاب ليته يحس او يشعر هذاني حملت منه سواها لي حكاية الحمل ولا اشوفه فرح ولا اهتم بس فدية خالتي الي طارت من الفرحة اهم شي عندي فرحتها
دلال: اجل ايش راح يسوي فروسي ان حملت كل شهر يترقبني احمل ويضيق اذا جتني الدورة
شجون: بقلبها وانا الي مابغيت احمل قدر ربي احمل بس ماقدر ربي لي شي الاخيرة
غلا: ياشين سامجتهم بعد
سحر: اقصري صوتك يامجنونة
غلا: تبي تغير الموضوع شوفو من جاء مو هذا صديق فارس الي اسمه غريب
شجون: تضيق لطاريه تكرهه كل ماتتذكر كلام زوجته عنهو ضاقت أكثر يوم سمعت صوت مسجل سيارته عالي بصوت اغاني هزت براسها بقهر وخيبة أمل
مشاعل: ايش فيك ياروحي
شجون: مافيني شي بس احس نفسي ضايقه ابروح عند الحريم وراحت بعيد تشم هواء حاسه انها مررة ضايقه تسترت كويس لأنها شمة ريحة دخان عرفت انه من غريب وفارس بس ماخلتهم يشوفونها اسرعت بمشيها بس بسرعة هدات تحس انها مهدودة مرة ومتأكدة ان الحجنين تعبان حيل تخاف تراجع دكتورة ينفضح امرها حطت يدها على بطنها الله يخليك لي ويقدرني اسعدك يمكن اصير وحيدة بدنيتي مالي انيس غيرك
*********************
في الجزأ السادس والعشررروون
راح يكون يوم تاريخي لبطله من بطلات روايتنا
عصت ربها وتابت قبل فوات الآوان
اكيد عرفتوها بطلتنا وحبيتنا فرح الي ماخذت من الفرح الا اسمه فقط
يوم قصاصها هل راح يتم او لا
وان تم ايش راح يكون موقف شجووون الا توالت عليها المصايب
وهل راح يوقف معاها هالمرة فارس ويرد جميلها ووقفتها معاهـ يوم أخته
او يتخلى عنها ويتركها


راح تعرفون كل شي بالجزا السادس والعشرررون بإذن الله
سرعة ردوكم تشجعني على تنزيل البارت بوقته
فلاتبخلون علي فيها
انتظر ردودكم على أحر من الجمررر


&&&&&&&&&&&&&


فائدة:
أخي أختي :
أطلب قلبك في ثلاث مواطن :
* عند سماع القرآن ..
* في مجالس الذكر ..
* في أوقات الخلوه ..
فإن لم تجد ,, فسأل الله أن يمن عليك بقلب ،،
فإنه لا قلب لك ..!!
[/COLOR]

 
 

 

عرض البوم صور أمي روحي   رد مع اقتباس
قديم 16-06-12, 06:20 PM   المشاركة رقم: 165
المعلومات
الكاتب:
اللقب:

البيانات
التسجيل: Jan 2008
العضوية: 61155
المشاركات: 26
الجنس أنثى
معدل التقييم: السلطانه عضو على طريق التحسين
نقاط التقييم: 54

االدولة
البلدSaudiArabia
 
مدونتي

 

الإتصالات
الحالة:
السلطانه غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
افتراضي

 

رائعه تسلم يمينكـ اتوقع فرح ماتعدم ويفرج عنها وماعرف اتوقع غريب مو هو غريب الي تعرفه شجون من كانت صغيره واحسن انقهرت دلول والله يزيدها اكثر

 
 

 

عرض البوم صور السلطانه   رد مع اقتباس
إضافة رد

مواقع النشر (المفضلة)

الكلمات الدلالية (Tags)
أمي, للكاتبة أمي روحي, ليلاس, العنكبوت, بيت, روايات خليجيه, روايات و قصص, رواية بيت العنكبوت, روايه سعوديه, روحي, قصص من وحي قلم الأعضاء
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t174576.html
أرسلت بواسطة For Type التاريخ
Untitled document This thread Refback 20-10-14 09:37 PM
Untitled document This thread Refback 04-08-14 05:03 AM


الساعة الآن 04:50 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية