للإعلان على ليلاس salamehyt@gmail.com

لمشاكل التسجيل ودخول المنتدى يرجى مراسلتنا على الايميل liilasvb3@gmail.com

Liilas Online



العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية



القصص المكتمله خاص بالقصص المنقوله المكتمله

ذنبي أني وثقت فيك ، للكاتبه : خديجه111 ..

ذنبي أني وثقت فيك.. للكاتبه:خديجه111 السلاااااااام عليكم وش الحال عساكم بخير اليوم جبت لكم روايتي ذنبي أني وثقت فيك..هذي الروايه دراميه..وبيها لمست كوميديا ورومنسيه.. هي

إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 28-12-11, 09:26 PM   المشاركة رقم: 1
المعلومات
الكاتب:
اللقب:

البيانات
التسجيل: Jan 2011
العضوية: 210207
المشاركات: 109
الجنس أنثى
معدل التقييم: دلوعة البابا عضو بحاجه الى تحسين وضعه
نقاط التقييم: 16
شكراً: 25
تم شكره 12 مرة في 6 مشاركة

االدولة
البلدSaudiArabia
 
مدونتي

 

الإتصالات
الحالة:
دلوعة البابا غير متواجد حالياً
وسائل الإتصال:

المنتدى : القصص المكتمله
افتراضي ذنبي أني وثقت فيك ، للكاتبه : خديجه111 ..

 

ذنبي أني وثقت فيك..

للكاتبه:خديجه111




السلاااااااام عليكم وش الحال عساكم بخير
اليوم جبت لكم روايتي ذنبي أني وثقت فيك..هذي الروايه دراميه..وبيها لمست كوميديا ورومنسيه..
هي جزء من الواقع دمجت مع الخيال..
لربمى صارت هذه القصه بأكثر من منزل..لكني حددت هذا المنزل..
حيث يقع بالمنطقة الشرقيه..



أبطالها جزء مني ..من خيالي..


صحيح أن الأحلام تبقى أحلام
لكن ماذا أيتها الأحلام الورديه؟؟
ذنبي وثقت للكاتبه خديجه111
_________________________________

الجزء الاول:
ان عمري15سنه أسمي دفى
عندي اختين أكبر مني ريم وديما متزوجات..الكبيره توها مسقطه وماعندها عيال..
الصغيره والد وجابت بنت أسمها علياء
عندي أخو أكبر مني خاطب لكنه لسه ماملك عمره18سنه اسمه صقر
أختي الي اكبر مني بسنه ونص عمرها 16سنه اسمها مي
انا..
وبعدي عارف13سنه
وبعده ساره9سنه

أنا من بيت طبقته الأجتماعيه مش موجوده بالأصل..
نسكن ببيت أهل أمي أبوي كان يشتغل ببيع الجح((الحبحب))أو((البطيخ))لكن توقف عن هذي الششغله من لما أنفتح باب الصندوقوتكسر كل الجح
...
لما توقف عن هذي الشغله صار عاطل عن العمل لمدة خمس سنوات..
في هذي الفترة امي صارت تخيط ملابس اطفال وبطانيات للناس..
وأبوي ياخذ الفلوس ويشتري بيها لنا أكل..
في أوقات العيد كانوا أمي وأبوي يجمعون بكل مايقدرون لدرجة أنهم يبيعون بعض الاشياء من البيت..
بس علشان يشترون لنا ملابس للعيد..
أهل أبوي....

جدي كان من الرياض وهوه كان صايغ ذهب..
لما كان ينقل ذهب بالقطار من الرياض للحسا..أنسرق ذا الذهب..
سدد بكل ماجمع طول عمره قيمة هذا الذهب..
عايلة أبوي شبه مقتدره ماشي حالهم..
يعني..
عمتي المطلقه تششتغل مدرسه..
وعمي يشتغل دكتور..
وأصغر عم عمره28سنه عطالي بطالي االمفروض يشتغل صيدلي لكنه مايريد ذا الشي..
أما عن باقي عمامي..
عمي عبدالله..متزوج وبعيد عننا شويه يعني أقصد من ناحية الاهليه بيننا وبينه مشاكل
عمي أحمد..متزوج
عمي علي..متزوج
عمي مصطفى..هوه الدكتور متزوج من عيال عمه((عيال عم ابوي))من الرياض ويشتغل ويعيش هناك
عمي هاني..هوه الي قلت لكم عليه من شويه عطالي بطالي..

جدي ألحين مات الله ير حمه




أهل امي..
يعيشون بالخبر..
حالهم زين مررررره جدي من امي يمتلك عمارتين وبيتيني للأجار
وبيت بالحسا هذا إلي ساكنين بيه
عندي خالين واحد مات
والثاني مسافر بالعراق
خالاتي كثار
أم احمد..
ام راكان..
ام فهد..
ام صالح..
ام عقاب..
أما باقي الشخصيات والقصه راح تتعرفون عليهم بعدين أثناء الأحداث
.............................
طططططططططططططن طططططططططططططن ططططططططططططن




مي:سوير ووجع قومي فتحي الباب
ساره:أووووووووف مافي غيري يفتح الباب؟؟
مي:ووصمخ قومي
ساره:أنزين
وقامت وهيه تتململ وتتأفف..

أنا كنت بالمطبخ أجهز للغدا..
دخلت مي..
دفى:منو جا؟؟الاهل؟؟
مي:أتوقع أففففففف الله يعيننا ألحين ماراح ننام
أ

وشويه أله ونسمع الصراخ والهذره وأصوات الصغار
دفى:جاو

((اممم..فيه عندنا6شباب مراهقين وصوتهم الله لايوريكم مثله أنكم تقولون ماسكين مقرفون!!))
دفى:شكلها خالتي أم صالح جت هع؟؟
مي:أيه هذاني أسمع صوت عيالها
دفى:أكيد جا حبيب القلب؟؟
مي:هيه((وظربتني بخفه))عييييب
دخلت بتول:هلا دفى
دفى:أهلين هلا
مي:وأنا مالي سلام؟؟
بتول:أهوه أنت وخري أنا أبي دفى وبس..تعالي دفى أريدك بكلمة راس
سحبتني لفوق الدرج هناك ماكان فيه أحد..الدرج كان مغطى من كل مكان ومايشوفنا أو يسمعنا أي أحد
بتول:ياله قووووولي وش سوى أخوك
((ملاحظه بتول خطيبة أخوي صقر))
دفى:وه بس خرعتيني عبالي عندك سالفه
بتول:متحمسه لاتلوميني قولي لي حددوا الملكه؟؟
دفى:هههههههه أيه حددوها الشهر الجاي
بتول:ياااااااااااااي أخيرا..حتى أنا عندي اخبار لك
دفى:قولي قولي؟؟
بتول:جاووك خطاب وكل واحد كرشه قدامه أصحاب خير..ألي تقدم لك عمره 30سنه مدرس وعزوبي مطلق مرتين..طوله 188 ووزنه 89..موهذي مواصفات عريسك؟؟!!!!!!!
دفى:هع ههههههههههه عبالي عندك سالفه..أدري من زمان صباح الخير
بتول:يوه عبالي جايبه لك أخبار سنعه..طيب وافقتي؟؟
دفى:أبوي شكله موافق لكني...
بتول:محمد؟؟
دفى:لاتهتمين..طيب عندك أخبار عن حبيب قلب مي؟؟
بتول:ههههه أيه الملكه هذا الأسبوع ماعندك خبر؟؟
دفى:لاه بجد؟؟
بتول:أنت أبي أعرف عايشه بالدنيا وأله لا؟؟


..................................

مشوا أهلنا بعد ماكتبوا كتاب مي..
والله حسيتها مفقوره أول مرهتشوف بحياتها جوال..
وربي ودي قتلتها أربع وعشرين ساعه تكلمه
هذا واحد من عيال أم صالح..
صالح الكبير عمره17سنه يعني مراهق مثلها
زواج أقارب وصغار بعد!!
...............................


أبوي:بنتي تبينه؟؟
دفى:ألي تشوفه يبا
أبوي:بنتي ترى معاه فشل كيلوي!!!!!!!!!!!
(((أنا قلت كلمه وماراح أتراجع عنها))دفى:القول قولك يبه
أبوي:على بركة الله..
بعد يومين جابوا الشيخ وملكوا عليه لو لاحظتوا ترى عمري15سنه وهوه30سنه
لكن أنا أبه كذا واعي مومثل زوج مي مراهق
.............................
كلمته وكلمني أسلوبه ساحر لما جاي يكلمني كلامه حلو مثل العسل يحكي لي عن نفسه وعن شغله..
لكان مامره سألني إن كنت بخير وأله احتاج شي
............................


خالد:حبيبتي أنا قريب راح أعمل العمليه
دفى بملل:أهممم ألف مبروك وعقبال ماأسمع انك طلعت منها بالسلامه
خالد:الله يبارك فيك
دفى:اممم
خالد:والله لوتتبرعين انت بالكليه مويكون أحسن؟؟
دفى:ههههههه لالا أنا ماني بمضحيه بنفسي كليتي وأبيها
خالد:أفاااااااااااا والله نزلتي من عيني أنت دفى آلـ... تقولين كذا!!
دفى:((ذا شكله يتكلم جد))يعني تبيني اتبرع لك بكليتي؟؟
خالد:أيه
دفى:ليه موفيه واحد متبرع لك؟؟
خالد:بلى لكنه مات!
دفى:مات وكيف يعني ألحين لازم انا اعطيك كليتي؟؟
خالد:أنا ألي خابره انه كليتك تتناسب مع كليتي..ومافي أي أحد لقيته غير ذاك الرجال ألي مات!!
دفى:يعني أنت مصر؟؟
خالد:لالا أنت على راحتك تبين زوجك يعيش علطول كذا يتألم؟؟
دفى:لاتضغط عليه
خالد:أوكي ماراح اظغط عليك انا اقول لك رايي
دفى:طيب راح افكر
خالد:أوكي ترى بعد ثلاثة ايام العمليه وللحين مالقيت احد يعطيني كلته
دفى:قلت لك راح افكر باي
خالد:بايات
وسكر من عندها..
__________________________________________________ __
من هنا راح تبتدي قصتي انا من شويه كنت اعطيكم مختصر عن الحياة ألي عشتها..
تبرعت له بكليتي وكل حاجه مشت تمام التمام..
إيليمن...
------------------------------------


دفى:يما ماأبي آكل انا أبي أشوف خالد
أمي:حبيبتي بعدين تشوفين خطيبك
دفى:يما وألي يعافيك ابي اشوفه

حطت امي الملعقه بالصحن ووقفت..
أمي:أمري لله راح أقول للدكتور
طلعت لبرى وثواني يجي الدكتور ترتبت ولبست الغطا على وجهي..
الدكتور:ياأستازه دفى مايصيرش تشوفين خطيبك علشان هوه تعبان وأنت تعبانه ماتقدريش توأفي على رجولك
دفى:دكتور انا راح اوقف علشانه والي يعافيك ابي اشوفه
الدكتور:مابأدرش علشان الاداره حتطردني لوعملت كدا
دفى:أرجاك يادكتور اريد اشوفه علشان خاطري
وثواني يدخل دكتور ثاني لكن هذا سعوديه..
والله أني انقرفت من شكله..
مطول شعره ومسوي له قذله على جنب ودي كان فرغت الي ببطني
الدكتور السعودي:السلام عليكم أختي أنت دفى آلـ....؟؟؟
دفى:أيه
الدكتور السعودي:خالد آلـ....،ألي تبرعتي له بكليتك يكون خطيبك؟؟
لاعت كبدي من الطريقه الي يتكلم بيها..
دفى:أيه ليه صار بيه حاجه؟؟
الدكتور السعودي:لالا تطمني لكنه يبي يشوفك
الدكتور المصري:لكن يادكتور سعود مايصيرش كذا هيه تعبانه ومايصيرش تؤف على رقليها
الدكتور السعودي:أنت وش دخلك خلك ساكت ولاكانك سمعت او شفت حاجه
سكت الدكتور المصري لأنه خايف من السعودي أنه يطرده..

وقفت على رجولي لكني ماقدرت دقايق وقعدت مره ثانيه على السرير الوجع مومتحملته..
الدكتور سعود:هيه ياانت جيبي كرسي متحرك لها..
جابت ليه الممرضه كرسي متحرك ومشوني وودوني للغرفته..
دخلت وشفته يعني ماعلامه مصحصح ومابيه شي!!

أ
دفى:خالد انت بخير
خالد:أيه بخير والحمدلله
دفى:بيك حاجه بيك شي؟؟
خالدلالا انا بخير..يقولون أنك تبين تشوفيني!!!!!!!!!!
دفى:((يعني أنت ماتبي تشوفني؟؟؟))هاه أيه بس حبيت أتطمن عليك
خالد:مافيني أله العافيه

جلست جنبه شويه..كان أسلوبه بارد على عكس لما أجي أكلمه بالتلفون..
.....
رجعت لغرفتي وضليت بالمستشفى اسبوعين..
وألحين راح اطلع..
.....................................
توجهت للسياره وركبت فيها كانت كبييييييييييره وواسعه مررررره وحلوه كثير..
خالد طلع من أسبوع كامل لكن ليه ماكلمني ولاحتى زارني؟؟
تنفست بصوت عالي قريب للتنهيده..
:وش فيك يادفى كذا تتنهدين!!!
تلفتيت حاوليه ومالقيت أي احد..غير السايق
دفى:منو؟؟
السواق:هههههههه انا السواق
ولف نظره عليه!!!!!!!!!!!

شفته هوه هوه عيونه العسليه الفاتحه وبشرته السمراء..
دفى:محمد؟؟؟!!!
محمد:أيه محمد بعينه وعلمه
دفى:وش جابك هنع؟؟
محمد:جيت ابي أسألك ليه تزوجتي من خالد؟؟موانا حبيبك هع؟؟
دفى:محمد أنت ليه جيت أنت ناوي تخرب حياتي؟؟
محمد:دفى أرجاك جاوبي على سؤالي
تجمعت الدموع بعيني وقلت:
محمد أنا مامره فكرت فيك كحبيب أنا أفكر فيك كولد خاله وأخو وبس!!!
محمد:أنت تكذببين ليه أنا أدري أنك تحبيني وأنا أحبك
دفى:محمد أنا ألحين مخطوبه لاتدخل نفسك في حياتي خلني أعيش حياة العز!!!!!!!!!!!
محمد:أدري انك تزوجتيه علشان فلوسه!!!
دفى:محمد وصلني على بيتنا بدون كلام
محمدراح تندمين يادفى وتجيني وتبوسين رجليه علشان أتزوجك!!!!!!!!!!!
دفى:محمد لاتوترني زياده مشي لبيتنا أو راح انزل وآحذ تكسي
مشى محمد بدون أي كلمه...
كلامه كله صحيح انا تزوجته علشان فلوسه وبس..وأنا احب محمد ماغيره..لكني ماأبي واحد أصغر مني بشهر...ومراهق مثلي..أنا أبي واحد كبير ويفهم أكثر مني...

لكن ليه أشتغل عند خالد وصار سواق..
وهوه يشتغل عند أبوه بالكراج!!

دفى:لااااااااااااااااااا محمد!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!
___________________________________________
غمضت عيوني بقوه وغبت عن الوعي...
فتحتهم ولقيت نفسي بين حطام سياره!!..
جيت أبي أوقف لكني ماقدرت لأني كنت تحت السياره...
سمعت صوت محمد وهوه ينادي بأسمي..
محمد:دفــــــــــــــــى
دفى:محمد محمد أنا هنا تعال ساعدني..
تلفتيت حاوليه ولقيت محمد هوه الثاني معايه تحت الحطام..
دقايق وأسمع صوت الناس وهمه يحاولن يبعدون الشضايا من الحادث..
كانت رجولي تنزف دم ومو قادره أتحرك أحس بألم غير طبيعي برجولي وضهري وكليتي آآآآآآآآآآه
بعد مارفعوا الحطام ألي فوقنا حاولوا يشيلوني لكن فيه حاجه رجولي..
رجولي تحت حاجه ثقيله..
تجمعوا الناس..
وأنا احاول أغطي وجهي بقد ماأقدر..
وبع محاولات شالوها وحسيت بقلبي انشال معاها..
صرخت صرخه تقطع القلب..
حتى أني شفت واحد من الرجال ألي فوقي يبكي!!!
شفت ناس يحاولون يطلعون محمد..
هوه طلع بسهوله مومثلي..
أنا أحس بألم فضيع..
جاوا الاسعاف وحملوني ودخلوني السياره بعدها ماحسيت بشي حسيت انه هذا الالم هوه الم الموت خلاص..
قبل لاأموت تمنيت شي واحد واحد بس..
أنه محمد مايموت معي...
__________________________________________

خالد:افففففففففف يما والله مليت منها ومن خشتهاماأبيها
أم خالد:حرام عليك البنت تبرعت لك بكلتها كيف تبي تطلقها هاه؟؟
خالد:يما ماأبيها جاهله توها صغيره أبي وحده عمرها عشرين موخمس طعش
أم خالد:ياوليدي بنات الناس مولعبه عندك
خالد:يما مابيها
ام خالد:خالد لاتفشلني أكثر مما تفشلت أن طلقتها ماعاد احد يزوجك
خالد:يماااااااا أما قلتع ماأبيها طيب
ام خالد:على راحتك أمري لله
دق جوال خالد...
خالد:ألو؟؟
صقر:هلا هلا خالد..أسمع دفى سوت حادث!!!!!!!!!
خالد:هاه شنو كيف؟؟
صقر:ماأدري لكني لما شفتها تأخرت دقيت على جوالها ورد عليه واحد وقال لي أنها بالمستشفى!!!
خالد:أففففففففف أي مستشفى؟؟
صقر:مستشفى((.....))
خالد:طيب خلاص لما أصير فاضي بجي!!!!!!!!!!!!1
صقر:خالد أقول لك دفى مسويه حادث توق لي لما تصير فاضي بتجي
خالد:أهممم طيب راح أجدي ألخين
سكر من عنده..
ام خالد:وشو صار؟؟
خالد:دفى صار لها حادث!!!!!!!!!!
____________________________________________
الدكتور:للأسف من اليوم ورايح ماراح تقدر تمشي!!!!!!!!!!!!!!
صقر:شنووووووووووووووو؟؟


أنتهى الجزء الاول..

تتوقعون وشو راح يصير؟؟
1:دفى وشو راح تسوي لما تعرف بألي جرى لها؟؟
2:محمد وشو صار له؟؟
3:خالد هل راح يطلقها؟؟

تابعوني كل أحد

 
 

 

عرض البوم صور دلوعة البابا   رد مع اقتباس

قديم 28-12-11, 11:13 PM   المشاركة رقم: 2
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,325
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13499
شكراً: 7,124
تم شكره 12,653 مرة في 3,465 مشاركة

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : دلوعة البابا المنتدى : القصص المكتمله
افتراضي

 




ياهلا فيك ..
تنقل للقسم الآنسب ..


 
 

 

عرض البوم صور ♫ معزوفة حنين ♫   رد مع اقتباس
قديم 09-01-12, 01:59 PM   المشاركة رقم: 3
المعلومات
الكاتب:
اللقب:

البيانات
التسجيل: Jan 2012
العضوية: 234477
المشاركات: 4
الجنس أنثى
معدل التقييم: زوزو العامرية عضو بحاجه الى تحسين وضعه
نقاط التقييم: 12
شكراً: 0
تم شكره 2 مرة في مشاركة واحدة

االدولة
البلدUnited Arab Emirates
 
مدونتي

 

الإتصالات
الحالة:
زوزو العامرية غير متواجد حالياً
وسائل الإتصال:

كاتب الموضوع : دلوعة البابا المنتدى : القصص المكتمله
افتراضي

 

هلا والله دلوعت البابا
بس يااارب تكملين الرواية
ومشكووورة على الرواية

 
 

 

عرض البوم صور زوزو العامرية   رد مع اقتباس
قديم 17-07-12, 11:36 PM   المشاركة رقم: 4
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6592
شكراً: 999
تم شكره 6,812 مرة في 2,232 مشاركة

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : دلوعة البابا المنتدى : القصص المكتمله
افتراضي

 

الجزء الثاني...


الحياة تتكون من مكونات مثل مايتوكن الخبز من وجود الدقيق..
فلما نرفض باقي مقادرينا؟؟

__________________________________________________ _____________


أنا البنت الثانيه ألي بهذي القصه راح أقول لكم قصتي..

أنا بنت عم دفى لكن موجنبهم ولا بيني وبينهم علاقه قويه..حتى مامره شفتها ولاهيه شافتني..

لكني أعرف انه عندي عيال عم ماأعرفهم..
أنا عمري15سنه..

عندي ثلاثه أخوان..

سالم:22سنه
محمود:20سنه
عنبر:9سنوات
وانا البنت الوحيده بينهم فلذلك أبوي وأمي دلعوني بزياده..
ومن شدة تدلعهم أنحرفت عن الطريق الصحيح ألي من الازم أني أتبعه ورحت لطريق ثاني طريق الشر والفساد..

أمي دائما في حفلاتها ومحتفلاتها وأبوي في العمل وإن رجع نام..
وإن جيت بكلمهم قالوا تبين فلوس هناك همه بالخزانه اخذي ألي تبينه وروحي
____________________


أنتهى ذا الدلع من لما....

لوجين:بابي أبي أسافر برى السعوديه
أبوي:أهمم طيب سافري محد منعك
لوجين:لكن بابا مافي احد يسافر معي؟؟
أبوي:روح لحالك عادي

سافرت لفرنسا وإذا أبوي درا أصلا أني رحت لها..
كنت مسافره مع ثلاثه بنات..
وكل وحده منهم ألعن من الثانيه..

عبير+سمر+رهف=ضياع للأبد

حبيت لي واحد هناك..
في فرنسه لكنه سعودي وبعد ماحبني على أساس..
طلب مني الزواج..
وأنا رفضت..
عصب عليه وقال:أحلمي تشوفيني مره ثانيه..
بعدها رحت وشكيت لصاحباتي وقالوا لي أروح وأعتذر منه..
ونفذت ماأمروني به..


ظربت باب الشقه..
وفتح الباب فهد..
لوجين:فهد أنا آسفه
فهد ماعطاني وجه وخلى الباب مفتوح ودخل..
رحت له..
لوجين:فهد سامحني
فهد:ماراح أسامحك أله إذا قبلتي الزواج مني
لوجين:خلاص أقبل أقبل أنا موافقه
فهد:خلاص راح نتزوج مسيار!!
لوجين:لكن مسيار...
قاطعني:أشششششش مسيار أو أطلعي لبرى وماعاد تعرفيني ولاأنا أعرفك
هزيت راسي بأيه..
..........................

كان عمري14سنه صغيره وماأفتهم شي..
تزوجنا بالمسيار وضليت أشوفه ويشوفني بالفندق إلي يعيش فيه..


وبعد مارجعت للسعوديه قام يبتعد عني شويه شويه..
ليمن طلقني وأختفا!!!
صحيح اني ماحملت منه..
لكن المصيبه العظمى هيه..
كيف راح أتزوج وأهلي مادروا اني كنت متزوجه..
والناس كلها ماتدري أني تزوجته..
حتى صديقاتي مايدرون ماقلت لهم..
______________________________________

سالم:عنبروه جيب لي كاس ماي
عنبر:عندك إيدين
سالم:أقول لاتطول لسانك عليه ياله قوم وجيب لي كاس ماي
عنبر:مللللللللم ماأبي مللللللللللم مابجيب لك ماي ههه
وقف سالم ومسك أخوه مثل القطو..
سالم:تجيب ماي وأله أرميك برى للشارع
عنبر:زين زين..
تركه وراح عنبر للمطبخ يجيب ماي لسالم..
كنت جالسه جنبهم وأفكر بالمصيبه ألي انا فيها وشنو راح أسوي..
سالم:لوجي تعالي لعبي معي بالسوني
لوجين:......لارد
سالم بصوت عااااااااالي:لووووووووووووووووجيييييييييييين
لوجين:هممم
سالم:ألعبي معي سوني
لوجين:أتن رجال كبير ووش كبرك كيف تلعب سوني..أقول خلك عاقل مثل عنبر!!!
سالم:ياقليلة الادب يألي ماتستحين على وجهك..كذا تطولين لسانك على اخوك الكبير
لوجين:ذبحتنا بأخوك الكبير أقول لاتطول لسانك علي انا أختك الوحيده!!
وماعطيت لكلامه الباقي هم ومشيت ورحت لغرفتي فوق..

فتحت الماسنجر..
ولقيت عندي دعوه جا براسي أنها وحده من صاحباتي وقبلت..
علطول فتح مكالمه..

لوجين:((خنتني يعني أستاهل؟؟))
أما صاحب الدعوه((الخيانه من طبعي))

((الخيانه من طبعي))

هلا وغلا بيك لوجين

((خنتني يعني أستاهل؟؟))

مين؟؟

((الخيانه من طبعي))

(حط وجه يضحك)أنا حبيبك فهد

((خنتني يعني أستاهل؟؟))

نعم ووش تبي؟؟
موانت طلقتني وخلصت؟؟
وش تبي فيني بعد؟؟


((الخيانه من طبعي))

أنا أحبك يالوجين أحبك أنا راح أرجع وأتزوجك
أبي أشوفك أشتقت لك
(وحط وجه حزين)


((خنتني يعني أستاهل؟؟))

طيب تعال وتقدم لي من ابوي


((الخيانه من طبعي))

راح أتقدم لك لكن اربي أشوفك قبل



((خنتني يعني أستاهل؟؟))

ليه تبي تشوفني وأنت حافض شكل وجهي؟؟



((الخيانه من طبعي))

أشتقت لك وأبي أشوفك



((خنتني يعني أستاهل؟؟))

طيب ليه؟؟



((الخيانه من طبعي))

أبي اتناقش معك بشي



((خنتني يعني أستاهل؟؟))

هذا أنا أكلمك
قول
أسمعك



((الخيانه من طبعي))

لالا مايصير
مايصير أله وأنا أشوفك وجها لوجه



((خنتني يعني أستاهل؟؟))

طيب متى أشوفك؟؟



((الخيانه من طبعي))

بكرى في الـ(...)



((خنتني يعني أستاهل؟؟))

لكن موهذا مكان للعوايل؟؟



((الخيانه من طبعي))


لاتخافين أنا راح ادبرها باي
____________________________________________


ركبت السيارهوأنا احس بخوف غير طبيعي بطني يعورني!!

وصلت للمكان ألي قال لي عنه فهد
نزلت وأنا خايفه وأرجف..
وقبل لاأدخل..
:ماتغيرتي هذا أنتي حتى لوأنت تحت الغطى أعرفك..مشيتك حركاتك..عطرك..كل حاجه زي ماهيه
تلفتيت حاوليه وشفت فهد واقف وراي..

بالبدايه خفت لأني تذكرته يوم جا وعطاني ورقة الطلاق...خفت أنه ألحين يخدعني..
فهد:ليه خايفه؟؟
لوجين:ومن قال أني خايفه؟؟
فهد:أنت لما تخافين تحاولين أنك ماترمشين كثير علشان تكونين مركزه!!
لوجين:ووش دخلك خايفه اولا
فهد:ماعلينا تعالي معي
لوجين:لوين؟؟
فهد:قلت لك أبي أكلمك بموضوع تعالي معي نروح للمطعم
لوجين:وكيف بنروح؟؟
فهد:هههههههه بسيطه ندخل أنا وياك لداخل على أننا زوجين!!
لوجين:لالا ماراح أسوي كذا أخاف أحد يشوفني معك
فهد:ووش عرفهم الناس بيك هاه وأنت تحت الغطا؟؟
لوجين:انت عرفتني حتى أهم راح يعرفوني
فهد:لالا لاتخافين تعالي معي وكل حاجه راح تمشي تمام
لوجين:طيب لكن
فهد:لكن؟؟؟
لوجين:كيف اقدر أوثق بيك؟؟
فهد:تقدرين أنت بس قوليها براسك وراح توثقين بيه

.............................
الجو هادئ مرررررره..
فهد كان ماسك كيس اول ماعطونا طاولة منعزله..
صارت المصيبه..

فهد:ريحت المكان موعاجبني
وطلع عطر من الكيسه وبدأ يررشه بكل مكان..
لوجين:فهد..انت تدري أني عندي ربو ماأتحمل العطر كثير
فهد:بس شويه بس شويه

حسيت بخنقا وبديت أكح..
وقف فهد عن الرش..
وجا ومسك شنطتي وطلع منها البخاخ..
فتحت وجهي وحطيت البخاخ بثمي..

دقايق وأسمع..
تشييييك
رفعت وجهي وأشوف الضوء ألي يفاجأني بعيوني!!

فهد:ههههههههه ياله قومي
لوجين:شنو سويت؟؟
فهد:ههههههه ولاشي بس صورتك كم صوره عجبتيني!!
لوجين:عطني الكميرا
فهد:هههههه لالالا
لوجين:عطني الكميرا
فهد:أمممم خليني أفكر
لوجين:أرجوك عطني أياها
فهد:بعد تفكير لا لا ماراح اعطيك أياها

وقفت ورحت له وجيت بسحب الكاميرا من يده
ناظرني بحقد ومسك يدي بقوه وقال:أنت وحده حقيره وراح تشوفين شنو راح أسوي فيك
_________________________________________

رجعت للبيت وأنا أبكي...
مسكني أخوي سالم وقال لي:بننزل للحسا ياليت تتجهزين علشان بنت عمنا صار لها حادث ورايحين نشوفها
لوجين:وخر عني أنا ماأبي انزل للحسا وماأبي أسافر لأي مكان

رحت لغرفتي وضليت أبكي وأبكي..
جتني أمي وقالت لي انهم راح ينزلون للحسا وقلت لها نفس الكلام..

مشو عني وخلوني بروحي مع الخدم ألي بالبيت

بعد ساعتين من مشوا..

دق جوالي..
لوجين:نعم؟؟
:لوجين عبدالله آلـ...؟؟
لوجين:أيوه من معي؟؟
:انا آسف لأني أنقل لك هذا الخبر وياليت تصبرين على مصيبتك!!
لوجين:منو أنت ووش صاير؟؟
:أنا واحد أسمي حسن آلـ.../أنا واحد من ألي ساعدوا أهلك بالحادث..!!!!
لوجين شهقت:أهلي؟؟؟؟
حسن:أسمعي ياأختي انا شفت هذا الجوال ودقيت على كل الأرقام أكثرهم ماردوا..غير أنت وواحد مسجل بأسم بوصقر...أنا آسف..لكن أهلك تعرظوا لحادث بالسياره
لوجين وقفت وأنا أشاهق:طط..طيب ألحين وين أهمه ووش صار لهم؟؟
حسن:اهمه حاليا بمستشفى بقيق...
لوجين:وأنا شنو عرفني بمستشفى بقيق..أبي اجيهم ألحين
حسن:أسمعيني أنت أخذي أي سيارة أجرى وقولي لسواق وديني لمستشفى بقيق وهوه علطول راح يوصلك
لوجين:طيب طيب..

سكرت من عنده بدون حتى ماأقول له مع السلامه..شكرا..أي حاجه

ونزلت بعد مالبست عباتي..
أخذت سيارة أجرى وقلت:مستشفى بقيق بسررررررعه
السواق:آسف لكني ماأودي مشاوير برى الدمام
نزلت وأنا معصبه ووقفت تكسي ثانيه بعد خمس دقايق..مرت عليه كأنهم خمس سنوات..
لوجين:مستشفى بقيق بسرررررررررررعه
السواق:حاضرين للطيبين

ومشى السواق ووصلنا أخيرا للمستشفى..
لوجين:كم الحساب؟؟
السواق:ميتين ريال
لوجين:ماكله حلال أمك أنا
وطلعت الميتين ورميتها عليه..

وصلت لباب المستشفى ودقيت على جوال سالم..
رد حسن:الو؟؟
لوجين:وينك في أي غرفه؟؟
حسن:اختي لاتستعجلين...
قاطعته:شنو ماأستعجل في أي غرفه
حسن:أصعدي للطابق الثاني وأنا راح انتظرك عند المصعد..ولما توصلين أنا راح أدليك لغرفهم
لوجين:طيب..طيب
وسكرت وركبت المصعد للطابق الثاني..
طلعت من المصعد شفت رجال كثيرين..
ماميزت أيهو هوه...
قلت بصوت عالي:حسن حسن
شفيت رجال يقترب مني..
لوجين:حسن؟؟
حسن:أيه أختي تعالي معي
مشيت وراه..
وصلنا لغرفى دخلت فيها علطول بدون ماناظر شي..
شفت دكتور وواحد يشبه أبوي كثيييييييير..
لوجين:حسن فين جايبني؟؟
حسن:أنا سويت ألي عليه ياأبوصقر..الباقيي عليك..مع السلامه
الدكتور:الله يكثر أمثالك
حسن:تسلم كثيرين بالبلد كذا لكن محد يحس فيهم
بوصقر:تسلم أخوي وإنشألله نردها لك بش زين
حسن:طيب أستأذن

مدري حسيت بأمان بتواجد رجال يشبه أبوي..
لكن الشيب كان يملا راسه..
مماأعطاه منظر مهيب..
لوجين:ممكن أبي أشوف أمي وأبوي وأخواني؟؟
الدكتور:تفضلي أختي أجلسي أنت ألحين وأنا راح أطلع وأترككم على راحتكم
طلع الدكتور..
بوصقر:لوجين؟؟
رفعت راسي..
لوجين:أنا عمك ماعرفتيني؟؟
لوجين:أنا مامره شفت عمامي..ممكن أبي أشوف أهلي
عمي:حبيبتي..أبوك..وأمك..وأخوانك...
وقف عن الكلام..حسيت بجفاف بحلقي..وصرخه مكتومه..
لوجي:وش فيهم؟؟((وعليت صوتي)قوووووول وش فيهم؟؟
عمي:البقا براسك يابنت أخوي!!
طحت على الأرض..
وطلعت حرتي بكل شي صار اليوم..
صرخت ضربت..
ليما حسيت بحظن دافي..
يهديني ويقول:لاتخافين هدي أنا ألحين صرت أبوك وأخوانك..أنا كل ألي فقدتيه
حسيت بحنان الأبوه ألي مامره حسيت بيه..
حنان جديد.. أول حنان حسيت فيه لأنه أبوي مامره جرب وحظني..
رنت صوته طريقته كل حاجه فيه حسستني بالحنان والطمأنينه..
رفعت راسي وقلت:عمي أبي أبوي وأمي
أول مره أشوف رجال يبكي..
عمي:أنت هدي..موكل حاجه تبينها راح تصير..لوأن الدموع راح ترجع لك ميت..أوصراخك..كان رجعت لي أبوي وأمي..!!!!!

_______________________________________________

في مكان ثاني...


قلبي تقطع من سمعت هذي الكلمه..
الدكتور:للأسف من اليوم ورايح ماراح تقدر تمشي!!!!!!!!
صقر:شنوووووووووووووووووو؟؟!!!!

الدكتور:أنا آسف لكن هذي ألي مقدر ومكتوب لازم تتقبلون ذا الشي

ماأدري شنو راح أسوي أختي صارت مشلوله..أبوي مش جنبي..ياربي وينك ياأبوي عننا..وين رحت بذا الوقت..
دق جوالي ورديت:نعم؟؟
أمي:هاه وش صار بأختك؟؟
صقر:ماأدري يايما ماأدري وش أقول لك الصراحه...
وسكتيت علشان ماأدري كيف راح أقول لها..
أمي:قول وش فيها أختك؟؟
صقر:يما دفى..دفى..دفى ماعاد تقدر تمشي من اليوم ورايح!!!!!!!!!!!

سمعت صرخت أمي..
أمي:أويلي ويلاه بنيتي حبيبتي والله أنك ماتستاهلين ذذا الشي..آآآآآآآآآآآآه يابنيتي والله ماتستاهلين..
سكرت التلفون ومسحت دمعتي ألي طاحت على خدي..
((لازم أصير قوي وأخليهم يعتمدون عليه بالمواقف االصعبه))
________________________________________________

دخلت الغرفى ألي نايمه فيها وناظرت فيها وهيه نايمه مثل الملاك البريء لكن لوتدر أنها أنشلت وش راح تسوي..
رحت وجلست جنبها..
دقايق وتفتح عيونها..
صقر:دفى..دفى
دفى:مـ..مـ...موـــيه..
طلعت لبرى ونزلت لي تحت وشريت علبة مويه وصعدت مره ثانيه..
ولقيت الممرضه جنبها وعندها مويه!!
أنقهرت كثير..
طلعت الممرضه لبرى..

صقر:دفى
دفى:نعم؟؟
صصقر:أنا عندي لك خبر ماهب زين
دفى:ليه محمد صار فيه شي؟؟؟
صقر:محمد ماأدري عنه..لكن أنت
دفى:أنا وش فيني؟؟
صقر:أكيد راح تتفهمين ذا الشي..
دفى:قول خوفتني وش السالفه؟؟
صقر:أنت..أنت...
دفى:انا شنو؟؟
صقر:انت ماعاد تقدرين تمشين!!
دفى:شنو شو قلت؟؟
صقر:ألي سمعتيه..أنت ماعاد تقدرين تمشين..!!!!!
دفى:لالا أنا أقدر أمشي وجت بتحرك رجولها...!!
لكن لاماقدرت تتحرك..
دفى:أنا أقدر أمش أقدر
جت بتوقف وتحاول لكن ماقدرت..
صقر مسكها وعدلها بجلستها..
سحبت يدها وصرخت في وجهي:أنت بعد عني انا أقدر أمشي لاتحاول تساعدني
شفتها تحاول توقف وهيه تبكي..
________________________________________________

بوصقر:عبدالله عطاكم عمره
الكل:لاإله إلا الله الله يرحمه..
هاني:أنا من زمان ماشفته الله يرحمه ماكان حته يزور أمي
علي:الله يرحمه ماكان يجرع يجي بسبب فعلته الشينه
بوصقر:مايهم ألحين..المهم أنه بنته لوجين مافيه لها لاأبو ولاأم..لازم واحد مننا يكفلها؟؟

علي:أنا عن نفسي أرفض
هاني:انا مومستعد أكفل أحد علشان انا ماأشتغل واختي هيه ألي تصرف علي
أحمد:انا يكفيني عيالي
مصطفى:انا أسكن بالرياض وراح أسافر عن قريب للخارج ومومستعد آخذ احد معي كفايه زوجتي وولدي
بوصقر:يعني مافي غيري
أحمد:أنت تدري أن أخوك مسيوي فعلت شينه..ومحنا مستعدين نكفل بنته
الكل:صح
__________________________________________________ ___

أنتهى الجزء الثاني..
شو تتوقعون؟؟
1:خالد للحين ماطلقها..ياترى هل راح يطلقها؟؟
2:محمد فينه؟؟
3:وش راح يصير للوجين؟؟ومن راح يكفلها؟؟
4:وش هيه عملت عبدالله الشينه..؟؟
5:فهد وش ناوي يسوي؟؟

 
 

 

عرض البوم صور بوح قلم   رد مع اقتباس
قديم 17-07-12, 11:37 PM   المشاركة رقم: 5
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6592
شكراً: 999
تم شكره 6,812 مرة في 2,232 مشاركة

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : دلوعة البابا المنتدى : القصص المكتمله
افتراضي

 

الجزء الثالث..



دعوت من قلبي أن تعشقني فلما أنت تحبني//ولم تعشقني
__________________________________________________ _____
د
دق جوال دفى..
دفى:نعم؟؟
خالد:السلام عليكم
دفى:هلا حبيبي وش فيك ماجيتني أبي أشوفك((وصارت تبكي
خالد:دفى أسمعي هذي الكلمه..وياليت تسمعيهم زين لأني ماراح أعيدهم مره ثانيه
دفى:أقلقتني قول
خالد:أنت طالق طالق طالق..بكرى راح أجيب لك ورقة الطلاق وأطلقك قدام الناس!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!
طاح التلفون من إيد دفى..

لوجين ألي كانت جنبها:دفى..دفى وش فيك؟؟
أخذت التلفون وسمعته..
خالد:يمكن ماسمعتيها عدل..أنا قلت لك ماراح أعيد كلامي مرتين دفى أنا ماحبيتك وماراح أحبك..ماراح أقدر أعيش مع أنسانه ماأحبها...
قاطعته:يا(....))..أنت كيف تقول كذا هاه..كيف تقدر تكسر قلب أنسانه بهذ السهوله..ياولد الـ.. وأله أقول يمكن أبوك ماله ذنب..لأنه موذنبه جاب ولد مثلك
وسكرت التلفون..

دفى:انا والله ماسويت شي يخليه يزعجه..لكن لأني صرت مشلوله؟؟!!
لوجين:هدي يادفى مايصير تبكين كذا
دفى:أنا ماعاد لي أي داعي أعيش..كليتي وأخذها..رجولي وماعاد لها فايده..وألحين يطلقني...
أنصدمت لما قالت يطلقني..
يمكن قصتها مثل قصتي؟؟
لوجين:طيب أحكي لي وش القصه..يمكن تكونين مثلي؟؟
دفى:وش أحكي لك ووش أقول لك...
قاطعنا دخول عمامي كلهم..
مسحت ددموعي وحاولت أنزل راسي
تعدلت لوجين وعدلت حجابها..
أحمد:أسمعي يابنت أخوي ماواحد مننا يقدر يكفلك غير بوصقر..والصراحه بوصقر حالته الماديه سيأه كثير
هاني:أنا عاطل باطل وماأقدر أكفل أحد
مصطفى:أنا راح أسافر عن قريب لأمريكا وماأقدر آخذ أحد معي
علي:وأنا ماأكفل بنت عبدالله
بوصقر بصوت عالي:علييييييي
لوجين:ووش فيها بنت عبدالله هاه؟؟أنا أنسانه مثلكم..وإذا مافيه غير عمي بوصقر فأنا موافقه هوه يكفلني...
قاطعنا عمي مصطفى:السالفه موتوافقين أولا..السالفه أنه هوه ماعنده فلوس تقدر تعيشك
أحمد:كفايه عليه عياله


دفى:تتكلمون عن بنت أخوكم كأنها بضاعه معروضه بالسوق..والله أنكم طحتوا من عيني
هاني:أسكتي ياقليلة الأدب..هاذيلا عمامك وقصري صوتك بوجودهم
بوصقر:لاتغلط على بنتي بحضوري
هاني:خلي بنتك تحترم نفسها وبعدين قول لي هذا الكلام
بوصقر:لاتطول صوتك علي وأنا أخوك الكبير
هاني:أحسنت تربية بنتك ياأخوي الكبير

دفى:لاتغلط على أبوي
بوصقر:بنت
سكتيت لأني حسيت بالحرج من نفسي
ةحاولت أخفي الدمعه ألي طاحت على خدي

لوجين في أذن دفى:والله وطلع لك لسان
دفى:أعجبك في وقت الشده
لوجين:عجبتني وقت الشده


مصطفى:طيب شنو قررتوا
لوجين:أنا أبي عمي بوصقر
أحمد:لكن بوصقر...
لوجين:موأنا صرت الوريثه الوحيده لأبوي؟؟
الكل:أيه
لوجين:خلاص انا أبي عمي بوصقر هوه ألي يعتني بيه وبورثتي
عمامي كلهم ماعجبهم قراري..
ألحين الكل صار يبي يكفلني لأنهم سمعوا طاري الفلوس
__________________________________________________ _____________

بغرفى ثانيه كان الهدوء يغطي على المكان عكس غرفة دفى ألي تعج بالفوضى بسبب الناس ألي هناك..
هدوء قاتل..

يتلفت حاوليه ومايشوف أحد..
محد هنا غير هوه..
لاأمه
لاأبوه..
لاأخوه..
لاأخته..
الظظلام مخيم على كل الأرجاء..
صوت جهاز التنفس هوه الونيس الوحيد هنا

من شدة الهدوء حس أنه يسمع دقات قلبه..
لكن محد جا..


محد جنبه بدأ يستوعب شويه ألي حاوليه..
صوت الرعد..
والنور ألي يجي ويختفي..
النافذه ألي جنبه

وقف بصعوبه وهوه يحس بدوار براسه..
اتجه للنافذه وصار يناظر منها منظر جميل وهوه يشوف الناس تهرب من المطر..
تمنى شي واحد أنه يطلع تحته..
له زمان ماشاف المطر ولالمسه..
طلع برى الغرفى وهوه يحس بألم في كل أنحاء جسمه دخل المصعد وضغط على أنزل دور..


وربي أني بغيت أموت من الفرح وأنا أحس بالمطر يلامسني..
من زمان ماشفت المطر ولا حسيت فيه..
وربي ودي أطير من الفرح..
وربي لو عندي جناحين كان طرت..

سمعت صوت من ورايه..
:محمد وش تسوي هنا؟؟
ناظرت ورايه وشفت اخويه صالح..

محمد:صالح..أنا ليه بالمستشفى؟؟

صالح:انت سقت السياره وماعندك رخصه..وسويت حادث..وألحين بنت خالتك ماعاد تقدر تمشي بسبب الحادث!!
محمد:انا..أنا سويت كذا!!!
صالح أيه أنت أنت سويت كذا

محمد:وربي أني ماراح أسامح نفسي
جلس على الأرض وهوه يمسح حبيبات المطر عن وجهه,,ويلعن اليوم الي أنولد فيه..
وصالح كان يأنبه بدل مايخفف عليه
__________________________________________________ _

أحس بساعده لأني تخلصت من شخص بارد بالمشاعر مثل خالد..لكن بنفس الوقت الحزن يط
......
أما أنا فأحس بالسعاده لأني أحس بالأمان ألي ماحسيت بيه من قبل..مع عمي كان كل حاجه حلوه..لكن مهما كان أنا فقدت أهلي
............

أنا الوحيد التعيس هنا..أكيد دفى ماعاد تبيني بعد ألي سويته فيها..أنا أفقدتها حاجه ماتقدر تستغني عنها..
........
أجلوا زواجي من صالح بسبب وفاة عمي عبدالله..
.......
أنتقلنا للدمام نعيش هناك مع بنت عمي..وأبوي أجل ملكتي على بتول..قهر ياليتني ملكت مع صالح..
.......
__________________________________________________ __
بعد مرور ثلاثة شهور.....





في مكان آخر..
نغم..

انا عمري من عمرهم 15سنه مثلهم بالضبط..
انا بنت عمهم أحمد..
أنا بنت فرفوشيه وحبوبه وعطوفه<<<برآآآ
وأحيانا دعووووووووووله

صحيح أني أشوف دفى لكن قليل لأنه أبوي مايرضاء يقول أنهم مومثلنا كيوت
حتى عيال عمي حرموني منهم...

طيب أنا بنت أبوي الوحيده..
انا وأخوي فيصل..

عمره27سنه..
والله ودي أقتله على ألي يسوي فيني
متكبر علي وعلى كل الناس حتى أمي وأبوي..
شايف نفسه فوق الفوق..

ويفيخني كثير لما أطلب منه شي بالموت والعمى يرضاء يسويه..
او بالأحرا..مايسويه!!

أوكي أنا مستغربه أنه اليوم أبوي جا وقال لنا أنه نتجهز علشان بنروح الدمام ونقعد هناك أسبوع!!
لكن مايخالف أنا ماعندي مانع بما أنه حنا راح نغير جو ونفرفش..
-------------------------------------------------------------------


ركبنا السياره وانا فراحانه مرررررره وماعندي هم..
وأمشي وأصوفر وعادي مومهتمه بكلام أخوي وهوه يناديني ويأشر أسكتي..

ركبت السياره وسكرت فمي..كنت بس أحارج لأخوي لأني أدري أنه مايحب يسمع اي احد يصفر..
مشينا بالطريق الصحراوي وأنا أناظر من النافذه المنظر مره حلو..صحيح أنها صحراء وفاضيه..
لكن الرمال ألي فيها مع شروق الشمس طلعت مره روعه..
كأنها جبال من ذهب..

فيصل:نغيموه والله إن سمعتك تصفرين مره ثانيه لأشيلك من شعرك وأرميك على الأرض
مديت له لساني..
لكنه ماشافه لأنه كان مركزه بالسواقه..

وصلنا أخيرا للدمام..
صحيح أنها تشبه الحسا لكن للحسا ريحه مختلفه..
ريحة الطبينه والنخيل..
على عكس هنا إييييييق ريحتها سيارات..


وقفنا عند باب الفله الكبيره والضخمه..ألي يشوفها يقول قصر..
لكن أنا مايعجبني مثل هذي البيوت..
يعجبني البيوت ذات التصميم البسيط والواسع..

لكني مستعجبه كيف عمي يشتغل بأرامكوا وعنده مثل ذا البيت..
انا ماأنكر انه أرامكو وراها فلوس لكن مولهذي الدرجه..

المهم مايهم..
لكن كأني سمعت برضوا أنه عنده شركات وعمرات للتأجير..
المهم مايهم..
ماعليه منهم ماعليه غير من نفسي...


دخلت للبيت صحيح أنه كان واسع أله أنه الأثاث مضيعه..


عاد أنا ماأحب البيت يكون كبير أضيع فيه
لكن حبيت أتجول
دشيت المطبخ وشفت أخوان دفى يتهاوشون وأمهم واقفه على الطبخ وتصوت عليهم
أبتسمت لذا المنظر وطلعت من المطبخ ورحت أتمشى بالبيت

قطع عليه تجولي بالبيت صوت..
:أنا آسفه لاني تأخرت عليكي..حياك ادخلي
ومسكتني من يدي وسحبتني لفوق الدرج..
كان الدرج حالزوني وله فتحتين لجهتين وكل جهه فيها عشر غرف..
ألي مستعجبته ليه هذا الكم الكبير من الغرف وعددهم كان قليل على حد علمي..

وصلنا لغرفى أول مادخلت فيها فسرت أنها لبنت دلوعه مررررره..
لأنه الغرفى ورديه وهذا الذوق طفولي والطفوليين دلوعين..
الدببه بكل مكان..
سجادة الغرفى على شكل أميرات والت ديزني!!
صحيح بجد ذوق طفولي..
الابتوب لونه وردي كان مشغل..الأثيم وردي..المسن وردي!!!
والله ماأكذب لو قلت حتى حمامها وردي..

ماأقول أنه الوردي للأطفال..
لكن أقول حتى السجاده يعني على أميرات ديزني..


لوجين:انت نغم صح؟؟
أبتسمت:أيه أنا نغومه
لوجين:وأنا بنت عمك عبدالله لوجين
مدت يدها..
ومديت يدي وسلمت عليها..
ثواني وينظرب الباب بهدوء..
لوجين:أكيد هذي دفى..
لوجين:أدخلي
دخلت دفى ومي..

كان منظر دفى حزين مره وهيه جالسه على الكرسي المتحرك..
ونظرات الألم في عيونها..
أبتسمت إبتسامه عريضه وطبيت على دفى وقلت..
:الحمد لله على سلامتك يالدوبه خوفتينا عليك
أبتسمت وباين من إبتسامتها أنها تخفي حزن وراها..
دفى:الله يسلمك
مي:وأنا مالي سلام؟؟؟
نغم:ههههههههه أيه انتي صرتي من العالم المنسي
مي:حرام عليكي

ويدق جوال مي..
مي:انا أستأذن
لوجين:أيه بس بس عرفنا أكيد حبيب القلب
مي:هههههه انا رايحه
نغم:من لقا أحبابه نسى أصحابه
طلعت لبرى..
دفى:موكأنك عكستي المثل؟؟
لوجين:صحيح كأنه المثل يقول من لقى أصحابه نسى أحبابه؟؟
نغم:والله أنا ماأدري لكن في كتاب القاموس حقي كذا يعني شو أسوي
لوجين+دفى:ههههههههههههه
لوجين:والله أنك فله

كانوا يضحكون وأنا أنكت..
أشوف أبتسامتهم ألي تخفي وراها هموم..
أتحدى إن ماكانوا يقاومون دموعهم
لوجين:أنا رايحه تحت بجيب ببسي وبطاطس وأجي
طلعت لبرى..

لفيت لدفى..
نغم:دفى؟؟
دفى:هلا؟؟؟
نغم:صحيح أنه خالد طلقك؟؟
دفى حسيتها خلاص راح تموت..
دفى:أهمم
وهزت راسها بإيه..

إبتسمت لها بحراره..
نغم:على الأقل صار ألحين فيه أمل تاخذين محمد!!!
تغيرت ملامح وجهها وقالت:أنا ماأعرف أحد بذا الأسم
أبتسمت لها وحطيت يدي على إيدها..
نغم:حبيبتي لاتكذبين على نفسك أنا أعرفك تحبينه..
أتذكركم قبل كنتم تموتون على بعظكم...
قاطعتني:وانتي قلتيها كنتم..ماضي يانغم..هذا ماضي..ثانيا لوأني أبيه كان ماقبلت بخالد

نغم:لآ انت للحين تحبينه وهذا واضح من طريته
دفى:نغم أرجوك لاتفتحين ذا الموضوع
نغم:أنا ماراح أفتحه لكن انت متى حبيتي إفتحيه انا مستعده أسمعك..

--------------------------------------------------

أحس اني سويت الصواب بأني أخلي عمي وعياليه يجون يسكنون معي لكني برضوا أحس أني غريبه بينهم..

ليه وانا أحاول أكون وحده منهم..
صحيح أنهم يتوددوني لكني أحس أنه هذا الشي ألي يضهرونه ماأحس انهم بجد أنهم يتوددوني داخلهم..
سكرت باب الثلاجه وانا ماسكه ثلاثه قواطي ببسي..
وحطيتهم بالصحن جنب الشبس..

وأنا بطلع إصطدمت بحاجه قويه..
وطاح الصحن من إيدي..
لوجين:وجع وش جيب لمبة الشارع هنا؟؟
صقر:أفاااا يابنت العم صرت أنا ألحين لمبة الشارع؟؟؟

لوجين:اوووووب آآآآسفه أنا ماكنت أقصد..
وعدلت حجابي...
أبتسم ودخل للمطبخ وأخذ بيالة شاي وطلع..

لقطت الأغراض ورجعتهم بالصحن..
وصعدت لفوق..

وسمعت نغم تتكلم..

دفى:إن أنفتح ذا الموضوع معناتها أنك تفتحين جروحي القديمه وتحطين عليكم الملح!!
فتحت الباب بطفاقه((يعني برجاجه..أو بخباله..أوبقوه..يعني بختصار بطريقه همجيه))علشان يحسون أني دخلت..

ماأدري وش الأسلوب عندها هذي النغم غيرت الموضوع وكأنها تتكلم عنه من زمان..
نغم:ولا أزيدك من الشعر بيت يمكن نسافر للندن هذي السنه
دفى:بس موكأنكم تصرفون فلوسكم على فاضي؟؟
نغم:هههههه لالا أحنا نستمتع فلذلك مانصرف فلوسنا على فاضي
لوجين:صح كلامها صحيح
______________________________________________


أستمتع بهذ الجلسه...

نسيت حزني وهمي..
طلعت لبرى الغرفى لغرفتي ساعدوني نغم ولوجين ونزلوني من فوق لي تحت..
وراحت هيه ولوجين بيشوفون غرفت نغم..

تذكرت أني نسيت حجابي فوق فناديت على لوجين ونغم لكن محد سمع لي..
قلت بنفسي خليني أسوي ليه تحدي وأصعد ذا الدرج..

جيت بنزل من ع الكرسي وأصفع ذيك الصفعه السنعه..
صحيح أني تألمت لكني كملت التحدي..

---------------------
شفتها وهيه تحاول تصعد على الدرج درجه درجه..
وشعرها الأسود الحريري ملتف حاوليها..
وتسحب نفسها بقوه وتحاول تصعد بدون تعب..
-------------------

حاوت أصعد وبكل قوتي أدف نفسي وأسحب رجولي..

لكن ماأدري شو صار فزلقت وطحت غمضت عيوني بقوووووه
علشان ماأشوف شي..
حسيت أني طولت بالهوى ففتحت عيوني..
وشفت شخص ماسكني..
طويل وعريض وشعره ناعم واسود وقصير..


بعد كم خصله عن وجهي أغتضت من هذي الحركه وقلت..
:ممكن توصلني للكرسي؟؟
فيصل:لاماراح أوصلك ليما تبوسني على خدي
صار وجهي أحمر من الغيض ورفعت يدي وبكل قوتي...

عطيته صطار على وجهه!!!!!
دفى:وها عطيتك إياها وصلني على الكرسي أو حطني على الدرج وأنا أنزل بنفسي

سمعت صوت حد يركض فوق فنزلني على الكرسي ناظرت فيه وشفت وجهه محتقن ولونه أحمررررررررر..
قال:راح أوريك شغلك

مشى لبرى البيت..
ماأهتميت وناظرت منوا جاي شفت لوجين نغم تركض برجاجه على الدرج..وتضحك ضحك هستيري..
وتنزل بسرررررررررررعه..
ثواني وأشوف لوجين تنزل وهيه ماسكه المخده وتضحك هيه الثانيه..

وبدوا يتلاوحون على بعضهم البعض وهمه يضحكون..

دفى:هو وش فيكم كذا أنرجيتوا؟؟
نغم:هههههههههههه ههههههههههههه تعالي ألعبي معنا..

جيت بشاركهم لعب..

لكن قطع علينا تلفون لوجين...

ردت وهيه تاخذ نفس..
-------------------------------------
لوجين:ألو من؟؟؟
فهد:أنا فهد..أبي أشوفك اليوم!!!!!!!


أنتهى الجزء الثالث...

وشو تتوقعون يصير؟؟؟

1:فهد بشنو يفكر؟؟
2:دفى للحين تحب محمد؟؟
3:محمد وشو راح يصير له؟؟

 
 

 

عرض البوم صور بوح قلم   رد مع اقتباس
إضافة رد

مواقع النشر (المفضلة)

الكلمات الدلالية (Tags)
القسم العام, القسم العام للروايات, الكاتبة خديجة 111, اقسام الروايات, ذنبي اني وثقت فيك, روايات, روايات مميزة, روايات خليجية, روايات كاملة, رواية الكاتبة خديجة, رواية ذنبي, رواية ذنبي أني وثقت فيك كاملة, رواية ذنبي اني وثقت فيك للكاتبة خديجة 111 كاملة, رواية ذني اني وثقت فيك, وثقت فيك, قصة مميزة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 12:00 AM.


عين دبي

وظائف السعودية  | وظائف حكومية  | شفط الدهون  | اعلانات الوظائف  | دردشة 

 



Powered by vBulletin® Version 3.8.5
Copyright ©2000 - 2018, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية