كاتب الموضوع :
دلوعة البابا
المنتدى :
القصص المكتمله
الجزء الخامس والعشرون
دنيا غريبة ماشفت فيها إلا الأحزان
دنيا كئيبة أنا طيبه فيها لكن عمري ماشفت فيها طيبة..~
__________________________________________________ ________
غمضت دفى عيونها بقووووه..
دخل فيصل وقرب من السرير ورفع عن وجهها الغطا..
من خوفها نزلت دمعه على خدها..
فيصل:ماتخيلتها راح تجي منك..ذنبي أني وثقت فيكِ..!!!
فتحت دفى عيونها:ماصار شي يافيصل
فيصل:وأللي شفته بعيوني هاه..مو محمد هو أللي كان مسمى لك؟؟
جلست دفى:وانت شوء دراك؟؟
رفع فيصل الجوال وكان فيه رساله مكتوب فيها كل شي..
دفى:منْ مِنّ؟؟
فيصل:مايهم من من عموماً خلاص كل شي اللحين صار واضح ليه كنتي تعامليني بهذاك الأسلوب..!!!
أخذ فيصل المخده وأخذ من الخزانه غطا وطلع لبرى الغرفى..!!!
دفى حطت إيديها على وجهها:ياااربي شوء أللي يصيير؟؟
__________________________________________________ ________
نغم وجهها محمر حيييل..!!
ليلى:شوء صاير؟؟
نغم:هاااه لالا ولاشي
ليلى:بجد وش فيك كذا تغير لونك؟؟
نغم:أقوول لك ولاآشي
ليلى:خلآآص خلآآص لاتكفخيني زيآده
أبرار:هاه جهزتوا أغراضكم؟؟
لييلى:أيه هذاني ألم شنطايتي الأخيره
منال:ليه مستعجلين ودي أضل أكثر من كذا
رهف:جاي رمضآن بعد كم يوم
ابرار:أيه والله
لميا:حنا راح نضل لبعد بكرى أنا ومسا
ابرار:شمعنى؟؟
لميا:أخوي قال بيضل لبعد بكرى عنده كم شغله بيخلصهم وبيرجع الريآض
منال:أقول أنا ودي أضل أكثر..وش رايكم وحده تتنازل وتروح بكرى؟؟
مسا:ماعندي مانع والله فيني النوم ومامتعوده أنام غير ببيتنا أحس ظهري متكسر
لميا:لاوالله أنتِ تروحين وأنا أضل لامايصير..أنا رايحه
ساره:خلآص أنا راح أضل مع منال
ليلى:لالا انا بضل معها
منال:لولو خلي ساره تضل وأنتِ روحي
ليلى رفعت حآجب..
ابرار:إذا خلصتوا تلملم طفوا النور أووكـي
ليلى:أنا خلآص خلصت
وراحت ليلى وأطفت النور..
_______________________________________
بيت أبو ياسر...
تك تك تك..
فطوم:أدخل
دخل ياسر:هلا فطووم
فطوم:أهلين فيك
ياسر:فطوم ودي أكلمك بسآلفه
فطوم:أيه أسمعك
جلس جنبها...
ياسر:شوفي على سآلفة العرس بربيع أو ذو القعده...
قاطعته:أوووهوه حتى أنت تبي تضغط عليه مايصير كذا تبون أعرسوا وش دخلني فيكم هاه
ياسر:يافطوم أنتِ تدرين أنه خالتي أم رامي مو راضيه أله نعرس مع بعضنا
وقفت وقلت..
فطوم:وخالتي أم رامي بتحشر نفسها بالأكو والماكو .. ياخي موعد العرس وعلى كيفنا حنا نقرره .. هذا عرسنا مو عرسهم أففف
ياسر:خلآص ع راحتك لكن خلي براسك أنه هذا التصرف ممكن يضرني..تصبحي على خير
لما طلع ياسر من غرفتي جلست على أقرب مكان وأللي كان الأرض..ماأدري أحس أني أنانيه لكن بنفس الوقت أحس أنه هذا التصرف الصحيح..لكن ليه كلهم يبون العرس مبكر..ليه دايماً أمشي وراهم ليه مايمشون وراي مره..؟؟
__________________________________________________ ________
السآعه 10:00الصبآح..
عند دفى أللي ماغطت لها عين..
يآآربي ليه فهمني غلط ليه.. لو أنه سمعني وصدقني كان كل شي مشى تمام ليه بعد ماصار يمشي الوضع بيني وبينه تخرب.. كلو بسبب البركَةْ..أيه صحيح منال هي أللي رمتني فيها..لالا كانت بتساعدني أوقف لاأشك فيها باين عليها طيبه حيل..أستغفر الله .. ودي أقوم أشوف فيصل نايم وأله ضل سهران طول الليل مثلي..؟؟
وقفت وأتجهت للمجلس وفتحته بشويــــــش..لكن ماكان فيه أحد..قلت يمكن نزل للعمل ..لأكن دوامه مايبدأ ها الوقت..تذكرت أنه فيه غرفه فاضيه جنب المطبخ..
رحت وجيت بفتحها لكنها كانت مقفوله..!!!!!
أتجهت للمطبخ .....
وماكان فيه أحد أخذت لي حليب وعملت لي ساندويشة جبن..
أكلت منها قضمه لكن ماقدرت آكل أكثر من كذا..
سمعت باب الغرفى ينفتح..
حطيتهم بسرعه ع الطاوله وطلعت..
إبتسمت وقلت:صباح الخير
لف فيصل راسه وعطاني نظره خلآني أكره نفسي
دفى:فيصل ممكن تخليني أشرح لك شو أللي صار؟؟
فيصل:ياشين الصباح بشوفة وجهك وسماع صوتك..!!!!!!!
حسيت بسكين تدخل بقلبي..إتجهت للغرفى وقفلت الباب..
__________________________________________________ ________
سمعت حركه بالباب وعرفت أنها هي ..
تعدلت بجلستي وصرت أفتكر أحداث ليلة البارحه خطوه بخطوه..أحس إنه فيه أحد كان مخطط لكل أللي صار..لكني شفتها..شفتها تخونني..
وقفت وفتحت الباب ..ولقيتها طالعه من المطبخ
لما قالت لي صباح الخير..ودي لفيت لها وقلت:صبآح الفل والياسمين لكني لاأرادياً عطيتها نظره وحسيتها إهتزت..
دفى:فيصل ممكن تخليني أشرح لك شوء صار؟؟
فيصل:ياشين الصباح بشوفة وجهك وسماع صوتك
شفت دمعتها قربت تطلع من عينها..بودي أروح لها أللحين وأقول لها لا ماكان قصدي أجرحك..
أتعدتني وراحت للغرفى وقفلت على نفسها الباب..
رحت لعند الباب ورفعت يدي بضرب الباب..لكن الشجاعه ماوافتني بهذي اللحظه..رحت للمطبخ ولقيت ساندويشة جبن وكاسة حليب..
أخذتهم وأكلت من الساندويش قضمه..لكن ماكان لي نفس..فرجعتهم مكانهم وطلعت من لبرى..
__________________________________________________ ________
الساعه2:00الظهر..
آسيه:شلون يعني هاه وأنت بتمشي على رايها مايصير أبي أعرف فطوم ليه متغيره هاه؟؟
ياسر:أنا أشوف كلامها صحيح
آسيه:آآآهئ يعني أنت معاها طيب ليه ماقصرت عليه المشوار وقلت لي من زمان ..مع السلامه
ياسر:دقيقه آسيه
سكرت التلفون بوجهي..!!
أففف ياربي لازم أكلم خالتي أم رامي وأمي وأحل السالفه أللي مالها داعي ..
__________________________________________________ ________
بيت بو فيصل..
أحمد:مهما كان راينا مايصير نقرر وهي ماتدري لازم تعرف بالسالفه..يمكن تبيه وحنا ماندري
أم فيصل:طيب راح أكلمها أللحين
أحمد:خلآص كلميها وقولي لي وش تقول .. وأنا أللحين طالع ع العمل
أم فيصل:تروح وترجع لي بالسلامه
طلع من البيت ..
أتجهت أم فيصل لبنتها أللي كانت جالسه مع ساره..
أم فيصل:نغم تعالي معي
نغم رفعت حاجب:ليه؟؟
أم فيصل:تعالي طيب
نغم:أووكـي مامي جيت
وقفت وصرت أمشي ورى أمي..
دخلت غرفتي وقفلت الباب..ماأدري حسيت بالخوف ليه أمي قفلت الباب ماسويت حاجه غلط..أمي تبي تكلمني هذي أكبر معجزه..حتى لما رجعت من السفرهْ ماعطتني حظن ولا شي..
أم فيصل:حبيبتي نغم أجلسي هنا
جلست ع المكان أللي أشرت عليه..على طرف سريري..
أم فيصل:شوفي ياقلبي أمس جاوا لنا عيال خالة دفى يطلبون يدك لمحمد..!!!!!!!!!!!!!!
أنا هنا جمدت بمكاني شيحس فيه ذا المحمد أنا يبيني أنا ..!!!!
نغم:هههههههههههههههههههههههههههههههههههههههههههههه تمزحين معي صح؟؟
أم فيصل:لابجد..وأنا جايه أسألك عن رايك
نغم:أكيد لاااااااا
أم فيصل:ليه..؟؟
نغم:توني صغيره يماا وهو صغير بعد
أم فيصل:طيب عندي سؤال ثاني وودي تجاوبين عليه بصراحه
حسيت بخووف ..
أم فيصل:أنتِ تبين سلطان؟؟
تلخبطت وصار وجهي أحمر من طرت أسم سلطان تذكرت لما سمعت صوته أمس..
أم فيصل:راح أعتبرها إجابتك
وطلعت من الغرفى..إبتسمت إبتسامه عريضه..أللحين ماله داعي تتدخل دفى يبي لي أقول لها قبل لاتتكلم..!!!!!!!!!!!!
__________________________________________________ ________
4:00العصر الكل كان موجود ولوجين برضوا كانت موجوده..
فطوم:هلآآآ بتول
وحظنتها
بتول:أهليييين شحالك زمآن عنكم
فطوم:أنتوا ماتجون ولاتخلونا نشوفكم
بتول:شفتي عآد المفروض أنتوا أللي تجون لنا
فطوم:هههههههههههه وين آسيه؟؟
بتول:وراي أللحين بتدخل..جوا مي ودفى؟؟
فطوم:لاوالله للحين
مي:من طراني هاااااه؟؟
فطوم:مــــــــــــــــــــــــــــي
وحظنوا بعضهم..
وحظنة بتول..
فطوم:باقي دفى وينها؟؟
مي:والله ماأدري..أكلمها لكم أللحين
رحت لمكان منزوي شويه وطلعت التلفون ودقيت ع دفى..
تووووووت...توووووووووووت..
دفى:نعم؟؟
مي:هلا دفووه
دفى:أهلين
مي:وينك ماجيتي للحين؟؟
دفى:وين أجي؟؟
مي:نسيتي يعني اليوم جمعتنا
دفى:والله أحلفي نسييييييييييت راح من راسي
مي:طيب يالله قولي لفيصل علشان يجيبك
دفى:أووكـ بحآول
مي:شوء تحاولين لازم تجين
دفى:أوكي أوكي
مي:طيب..عندي لكم مفاجأه
دفى:شنو؟؟؟
مي:ماراح تصير مفاجأه لو قلتها أللحين
دفى:طيب بكلم فيصل
مي:أوكي نشوفك بخير
دفى:وأنتِ بخير
رحت لعند البنات..
مي:تقول نست
فطوم|:يوووووووووووووه
مي:تقول بتقول أللحين لفيصل علشان يجيبها
بتول:إيه أساساً ماراح تصير جمعه ووحده منا ناقصه
فطوم:إيه والله
__________________________________________________ ________
دفى:فيصل
فيصل:نعم مشغول بسرعه قولي وش عندك؟؟
دفى:ودي أروح بيت أهلي
فيصل رفع حاجب:مستعجله على رزقك بهذي السرعه
دفى:هااااه؟؟
فيصل:وليه تستأذنين ليه مارحتي كان دقيتي على صقر يجيك وياخذك؟؟
دفى:اليوم مسوين جمعه وودي ألحق عليها
فيصل:وخليني أخمن من أللي هناك..أمممم يمكن خالتك أم صالح؟؟؟
دفى:.......لارد
فيصل:أنا مشغول أللحين ..ياويلك لو عتبت رجلك باب الجناح ..
وسكر الخط بوجهي..!!!!!!!!
مسحت الدمعه أللي بللت خدي..
__________________________________________________ ________
5:00العصر
عند بيت أبو فيصل..
سلطان:لاتنسين أللي قلته لك
ديم:لاتوصي حريص ماراح أنسى
سلطان:أوكي أللحين روحي ورى أمي يالله
وقفت وطلعت من السياره ودخلت البيت..
ولقيت بوجهي نغم وبنتين من هم ماأدري..
ديم:نغــــــــــم
نغم:ديووووووووم
وبالحركة البطيءة حظنتها..<<<برآآآآ
نغم:إشتقنا لك يالدبه
ديم:وأحنا أكثر
مسكت يدي:تعالي معي
ديم:بالأول خليني أشوف عمي أتحمد له السلآمه
نغم:بعدييييين أللحين تعالي معي أعرفك على بنات خالتي
ديم:أووكي
مسكتني ووصلتني لعندهم سلمت ..
نغم وهي تأشر على منال:هذي منال بنت خالتي
سلمت عليها:تشرفنا
منال:يزيدني شرف
نغم وهي تأشر على ساره:وهذي بنت خالتي وتكون بنت خالى منال ساره
مديت يدي:تشرفنا
ساره:وأنا كمانه
نغم:ساره منال هذي بنت عمي ديم
ناظرت بينهم:وين دفى كأنها ناقصه؟؟
نغم:قلت لها تنزل لكنها مارضت
ديم:ودي أشوفها
نغم:تعالي نروح لجناحها
ديم:أوكي
نغم:منال ساره يالله تعالوا معنا
ساره:ماله...
قاطعتها منال:أوكي يالله خلينا نروح معك
ورحنا ع الجناح...
__________________________________________________ ________
عند مي والبنات..
فطوم:والله أنا مانيب متنازله مافي عرس أله لربيع
آسيه:تراك سببتي مشكله بيني وبين أخوك
فطوم:أنتِ أللي سببتيها لنفسك .. يعني وش فيها لو عرسنا بربيع؟؟
آسيه:ووش فيها لو عرسنا بذو القعده؟؟
فطوم:فيها أنه تونا مامدانا نعرف بعض
آسيه:والله أحلفي..حنا ومن عمرنا سنتين وحنا عارفين بعض
فطوم:يووووهووو يا آسيه ياقلبي
آسيه:فطووم خلآص براحتك أنا أستسلم..لكن خلي براسك أنك راح تسببين مشاكل بتعاملك معنا بهذا الأسلوب..وأخوي هو أللي يبي بذو القعده وأله لو عليه ماكان مانعت بربيع..بالعكس فتره أطول أحسن..لكن بكيفك أنتِ تبين الأمور معك خليها معك ..!!!!!
وقفت آسيه وطلعت من الغرفى ...
مي:لحووول
فطوم:قاهرتني يختي واقفه ببلعومي
مي:والله ماتوقعت آسيه بتصير كذا يوم
فطوم:توقعي كل شي منها هذي تسكت تسكت وبعدين تنفجر بركان
مي:بس صحيح يافطوم ليه ماتخلين العرس بذو القعده..يعني رمضان وشوال راح تكون فتره علشان تعرفينه عدل..مافي مشكله
فطوم:حتى أنتِ بتوقفين معهم..
مي:طيب طيب خلآص لاتعصبين أنا قايمه أنام لي شويه إذا بتجي دفى جلسوني أوكي
فطوم:طيب طيب
__________________________________________________ ________
بيت بو فيصل..
وصلنا لعند جناح دفى..ماكان براسي غير أني أدخل وأعمل حاجه ماتخطر براسها أخرب بينهم وأطلع..
نغم:الباب مفتوح يالله خل ندخل
دخلنا كلنا ..
نغم:دفـــــــــــــــــــــى
ثواني ودفى طالعه من غرفة النوم..
دفى:أووه ديــم
ديم:مفاجاه صح؟؟
دفى:أيووه
وجت لعندنا وسلمت علينا..
دفى:حياكم أجلسوا
كان في الوسط جلسه..جلسنا كلنا..
دفى:وش تحبون تشربون؟؟
ديم بمزح:واحد كبتشينو وقهوا ساده
الكل:ههههههههههههههههههههههههههههههه
دفى:من عيوني
ديم:هههههههههههه وين وين صدقتي عاد
دفى:هاه مو صحيح؟؟
ديم:ههههههههههه لالا مو صحيح يالله تعالي مانبي شي أجلسي معنا
نغم:أنا بقوم أجيب عصير
دفى:لا أنا أجيب
نغم:عآد ترى أنا أخت زوجك يعني البيت بيتي
دفى:هههههههههه أوكي
-------------------------------------------
وقفت وجيت بروح المطبخ..
لقيت الغرفى أللي جنب المطبخ مفتوحه..
فتحت الباب ولقيت أغراض فيصل هناك..!!!!!!!!!!
رفعت حاجب وكملت طريقي للمطبخ..
صبيت لهم عصير ورجعت ولقيتهم يقرقون ويضحكون..
نغم جلست جنب منال..
نغم بهمس:وأنا رايحه من شويه للمطبخ فتحت الغرفى أللي جنبه ولقيت أغراض فيصل هناك..شكلُ فيه مشكله بين دفى وفيصل
إبتسمت منال إبتسامه عريضه..
منال:أحلفي
نغم:والله
منال:الله يعينهم أجل
نغم:أيه والله
وقفت منال:عن أذنكم بكلم تلفون
دفى:إذنك معك
إتجهت للمطبخ ولقت الغرفى أللي قالت عنها نغم..
دخلت وطلعت عطرها ورشته بكل مكان..على ثيابه وبالجو وفراشه..ونزعت وحده من حلقاتها وحطتها على فراشه وطلعت لبرى..ورجعت جنب البنات
__________________________________________________ ________
11:00بالليل..
بيت أبو فيصل
وصل فيصل البيت وهو يحس براسه صاير بالونه..
صعد للجناح ومالقى أحد أتجه لغرفته ورمى نفسه ع السرير..
فيصل:أححح شنو ذا
وطلع الحلق من تحت ظهره..
ورماه بغضب للباب..وبدون ماينزع حتى الشماغ راح بنووم عمييييق..
تك تك تك..
دخلت دفى ولقته ناااااايم بسابع نومه..
دخلت لداخل وقربت منه وجت بتعدله لكنه وقفت..
دفى بهمس:ريحه..ريحة بنت
وعلت صوتها:بنت يافيصل بنت..قوم..وين كنت هاه
فتح نص عين:روحي أللحين مالي خلق أبي أنام
دفى:لا قوم أللحين قول لي وين كنت هاه؟؟
فيصل:أوووهوو وين بكون يعني كنت بالعمل
دفى:تكذب فيك ريحة عطر بناتي
فيصل:دفى مالي خلقك أللحين خليني أنام وبكرى تعالي وطلعي أللي براسك
دفى:لا اللحين قوم وقول لي من فين جات هذي الريحه هاه
فيصل:وأنا شدراني
لف للجهه الثانيه..
دفى:فيصل قوم كلمني وقول لي بجد من فين هذي الريحه؟؟
فيصل:.....لارد
دفى:ياتقوم ياأدق على صقر يجي وياخذني من هنا
فيصل:.....لارد
دفى:طيــــب على راحتك
طلعت الجوال ودقت على صقر..
دفى:ألو صقر
صقر:هلا وغلا وين أللي بتجي؟؟
دفى:تقدر تجي أللحين وتاخذني؟؟
صقر:في الخدمه أربعه وعشرين ساعه
دفى:تسلم لي
صقر:نص ساعه وأكون عندك
دفى:أوكي خذ وقتك
صقر:أشوفك بخير
دفى:وأنت بخير
وسكر التلفون..
دفى:صقر شوي ويجي
جلس فيصل وعيونه حمراااااا:والله ثم والله إن عدت رجلك الباب ماترجعين
دفى:أوكـي
وطلعت من الغرفى وراحت للغرفه الثانيه وصارت تشيل ملابسها وتحطهم بالشنطايه..
نص ساعه وهي خالصه..
دق صقر:يالله أنا تحت
دفى:ثواني وأنا نازله
وجت بتفتح الباب..
فيصل:لحظه
لفت دفى براسها:نعم؟؟
فيصل:ليه أللحين أنتِ رايحه؟؟
دفى:لأني قلت لك من فين هذي الريحه أللي فيك وأنت قلت وش دراني..موانت إتهمتني أني خنتك؟؟..أوكي وأنت كمانه خنتني..وأله من فين جات هذي الريحه
فيصل:طيب على راحتك..لكن على ماأعتقد سمعتي كلامي أللي من شويه
دفى:إيه سمعته((وتقلده))والله ثم والله إن عدت رجلك الباب ماترجعين
فيصل:وأنتِ متأكده تبين تطلعين؟؟
دفى:إيه
فيصل:طيب على راحتك..أنتِ طالق..!!!!!!!!!!!!!!!!!!!!
دفى بلقت عيونها:إيــــــــش
فيصل:كلمه وسمعتيها..خلآص أللحين أنزلي محد ماسكك
دفى:تطلقني يافيصل
فيصل:إيه قلت لك بتطلعين ماترجعين
دفى:أنا..تطلقني..
فيصل:ومن غيرك بذمتي علشان أطلقها
نزلت دمعتها على خدها ودي جيت لها وقلت لالا أمزح معك ماطلقتك أنا بس أمزح..لكن حسيت بكرامتي واقفه وتقول أنت قلت كلمه وماراح توقف قدامها..
دفى:طيــب..لكن قبل لاأمشي..أنا حبيتك..والمحب ومايخون محبه..لكن أنتّ خنتني ومعناتها ماحبيتني
فيصل:ومن قال أني خنتك؟؟
دفى:والريحه أللي فيك؟؟
فيصل:هذي من دخلت وهي موجوده
دفى:صدقتك
وفتحت الباب وطلعت..
بعد ماطلعت رحت ركض وفتحت الباب..
لفت دفى راسها..
كنت راح أروح وأحضنها وأقول لها أرجعي لكن:نسيتي شنطتك الثانيه..!!!!!!!!!!!!!!!!!
دفى:راح أنزل هذي وأرجع آخذها..
فيصل:لا أنا راح أنزلها علشان ماتوطين هذا المكان مره ثانيه..!!!!!!!!!!
كنت أقول كل كلمه وأحسها تطيح عليها مثل السهم..
نزلت راسها ونزلت..
ولحقتها وأنا ماسك الشنطه وصلتها عند الباب وحطيت الشنطه ولاكأنها موجوده إتجهت لفوق..
----------------------------------------------------------------------
لما وصل لي الشنطه فتحت الباب وطلعت وجلست على عتبت الباب أحس برجولي مو جايه تشيلني وأبي أطلع أللي بقلبي أللحين
شفت ظل قدامي رفعت راسي بسرعه ولقيت بوجهي صقر..
صقر:شفيك جالسه هنا..؟؟؟
رفعت راسي وقفت ورميت نفسي بحظنه وجلست أبكي وأبكي وأبكي...
صقر:شصاير؟؟؟
دفى:آآآآآآآآآآآآآهئ طلقني ياصقر فيصل طلقني آآآآآآآآآآآآآآآهئ
جمد صقر بمكانه وطلعت عيونه..
صقر:شنووووو طلقك..؟؟؟
دفى:إيه طلقني
صقر:شنو شنو شنو هو على كيفه
دفى:أنا السبب أنا سببتي لنفسي كل شي
صقر:ياقلبي لاتلومي نفسك
دفى: قال لي تطلعين من هنا ماترجعين لكن أنا ماسمعت له..ماتوقعت أنها راح توصل للطلاق
صقر:خلاص تعالي أللحين معي يالله
مسكني ووقفني ووصلني للسياره وأخذ شنطاياتي وصفهم بالشنطه ورى..
وركب جنبي..
وحنا ماشين ورايحين ع البيت..وقف بالطريق..
صقر:أي نكه تحبين؟؟
رفعت راسي:إيش؟؟
صقر:أي نكهه آيسكريم تحبين؟؟
دفى:أحلف بتجيب لي أسكريم
صقر:إيه دايماً أشوف بالمسلسلات الأجنبيه إذا زعلوا أو ضاقوا أخذوا لهم هذاك الآيس وياكلون فيه ليه ماتجربين
دفى:طيب على راحتك
نزل صقر وأنا رحت لفيصل ياترى أللحين شوء يسوي؟؟.. هو يبكي مثلي وأله نايم وأله شوء يسوي يترى..؟؟
أتفتح باب السياره ودخل صقر..
صقر:جبت من كل نكهه حبتين
وحرك السياره..
أنا كنت اناظر بالنافذه ولاكأني أناظر كنت بعالم ثاني..
قطع عليه صقر:يالله أنزلي
رفعت راسي له:وين..؟؟
صقر وإبتسامه عريضه على وجهه:البحر
فتح لي الباب ونزلت..فتح شنطاية السياره وطلع منها فرش..
دفى:مستعد ماشألله عليك
صقر:ههههههههه لا هذي الفرشه دايماً بالشنطايه أستعداداً لأي رحلة مفجأه مثل هذي
فرشها وجلسنا نناظر بالبحر صفف صقر الآيس وعلشان ماأستحي فتح له واحد بنكة الشكليطه وجلس ياكل فيه..
أخذت لي توفي وجلست آكل فيه..ومع كل قضمه كانت تنزل دمعه..
-----------------------------------------------
11:30بالليل..
الكل مستغرب وجود لوجين بين العيله..وهي برضوا حاسه نفسها غريبه..
بتول:لوجين تقومين معي جنب البنات
لوجين:إيه ماعندي مانع
وقفنا وإتجهنا للغرفى..
جلسنا جنبهم..
بتول:ودفى ماراح تجي؟؟
مي:والله مادقيت عليها بس شكلها خلآص ماراح تجي
بتول:آآها ليه طيب؟؟
مي:تقول نست ماقال لرجله عن الجمعه
بتول:أهاااا طيب أكلمها؟؟
مي:مفيش مانع
إبتسمت ووقفت ودقيت ع دفى لكنها ماردت..
________________________________________
عند دفى وصقر..
كانت شنطاية دفى بالسياره وماكان الجوال جنبها..
صقر:هاه أحسن؟؟
دفى:إيه إن شألله
صقر:أجل صلح علاجي السري
دفى:ههههههه إيه صلح
صقر:يافديت ها الضروس عسها دوم تبين
دفى:تسلم لي ياخوي وربي ماقصرت معي
صقر:ولو ماسويت شي..أله كم الساعه؟؟
دفى:الساعه أللحين كذا إثنعش أله شويه
صقر:أجل بنتأخر عليهم يالله خلينا نقوم
<<<<ماعجبكتكم سآلفة الآيس +_^
وقفت دفى:طيب كيف راح أقول لأمي وأبوي؟؟
صقر:هذي المهمه عليه خليكِ أنتِ بس مرتاحه أوكي
دفى:طيب
ركبوا السياره وحركوا ع البيت..
__________________________________________________ _____
بيت أبو فيصل..
فيصل جالس ع السرير وحاطِطّ مخدة دفى في حظنه..
ياترى أللي سويته كان صحيح..أكيد غلط لكنها إستفزتني والريحه هذي أللي مدري من وين جات..يمكن هي أللي تبيني أطلقها ورشت الغرفى بالعطر علشان تاخذ راحتها مع هذاك محمد..
وهو يفكر ويفكر راح بنوم عميــق..
وكانت هذيك الليله كل أحلامه بدفى..
--------------------------------------
أول ماوصلت دفى صعدت فوق ودخلت وحده من الغرف وماتدري أي غرفه ورمت نفسها على السرير وطلعت ثوب فيصل أللي أخذته معها وحطته جنبها وراااحت بنووووووم عميق..
رااح صقر لأبوه وأمه وفهمهم كل شي..
_______________________________
أنتهى الجزء الخامس والعشرون..
هاه شرايكم أدري تشآآآك<<<صدمه
|
18-07-12, 07:46 AM
الرواية كمليها رجااااااااااااااااااااااءآ والله ضغطنا ارتفع من الانتظار
جديد مواضيع قسم القصص المكتمله
العرض العادي
