المنتدى :
الشعر والشعراء
تعال لملمني بعد ما تبعثرت..!
للغايب..!
تعال لملمني بعد.... ماتبعثرت
.... أما كفى بعد ....وحنين وتجافي ..!!
خابرك لو طال الزمن ماتغيرت
.... وافي وتبقى طول ....الأيام وافي ..!!
ياحبيبي
جيتلكـ صمت يصرخ .. !
يدوي العالم صداه ...!!
جيت أنادي ...
يالغرام
ويالغرام
ويالغرام
جيتلك مكسور قلب
وياحرام .. ؟
جيتلك ... نصفين
نصف يطلب مغفــره ..
والنصف الآخر بعثره.
.
.
جيتك من البيدا عطش ياسحابي
.... عيني تخايل من سماك أنت غيمه .. !!
ياأول أحبابي كفايه..... عذابي
.... قوم أنتثر فوق ......المشاريه ديمه ..!!
ياحبيبي..
كنت أكابرفي
غيابك ..!!
وأنكسرت..
وفي سكوتي ..
بح صوتي
ومافرحت ..!!
و/كل شي ٍ في غيابك ماهو عادي }
....... من ألف باء الشعر لأخر سطر ..!!
من غيابك لابس الثوب الرمادي
...... تحت شمس الشوق وأتحرا مطر ..!!
.
.
آه ياصمت المكان
والزوايا ..
موحشه ..
ماكن بالدنيا أمان
آه ياصمت المكان
ماأشرقت شمس
الغياب
ومافرحت
.
.
في غيابك ملـّـني الشعر الحزين
....... ومركب ..الأفراح .. بغيابك ..غرق ..!!
شاعرك ينسج من خيوط السنين
....... الشعر والضيق وإحساس.. ..الأرق ..!!
ينتظر شمسك .. بعد غابت تبين
........ أو سحاب الوصل ......لامنه برق ..!!
من يلمّ الشوق ...ويلمّ... الحنين
....... لاأنتثرت . وضاق بي صدر الورق ..!!
.
.
وجف صوتي
وأنت غايب
وضقت من كلمة
تعال ...
إيه تعال
أقلب الغيبه وصال
ولملم أشلائي بحضورك
كل شي ٍ في يملاه الحنين
وفاض ..
وأغرقت سفن ومواني
من حناني ..
والأماني جفت
غصون الأماني
وبأنتظارك
شاعرك
مازال في
قِيد أنتظارك
.
.
ياحبيبي مابقى غير....... الأماني
...... وإنتظاري من الفجر.. الى الفجر ...!!
شاعرك يطرب على صوت الأغاني
..... لاذكرك ... وكحّل ..عيونه سهــــر ...!!
مازرعك إلا على جال المحاني
..... وردة ٍ ترقص على ...صوت الشعـر ..!!
من غيابك وأصغر أشيائي تعاني
..... غيبتك يومين .تعني لي ...... دهر ..!!
ياحبيبي ماخبرت ..إنك أناني
..... في حضوره يوم ......وغيابه شهر ..!!
كل ٍ حزن ٍ لمني مدري أحتواني
..... لين صار الحزن...... ياخذ بي أجر ..!!
في سفينة شاعرك ضاقت مواني
..... وين يرسي .........بالسفينه يابحر ..!!
لا تواخذني على.. زلت لساني
..... ماعُصمني من الخطا ....وأحنا بشر ..!!
.
للشاعر.. بدر الدويش
|
28-12-11, 09:51 AM
جديد مواضيع قسم الشعر والشعراء
العرض العادي
