البآآرت العشرين...


أشتغل الكهرب من جديد
حتى تعتلي شهقه عجزت أكتمها وأنا أشوف جابر قبالي على
الأرض وجهه ملطخ بالدم وبحضنه ورد بنتي..ماسكها
وهي نايمه بسلام ماتدري عن ألي يصير حواليها...حسيت قلبي راح
يوقف عن النبض والكلام على أطراف شفايفي مو قادرة
أطلعه..ماأدري أفرح بشوفة بنتي ألي كانت بين أيديه أو أبكي
على الجرح ألي أعترض خده اليمين وهو بكل مصدمة ظل جالس
على رجوله مو مستوعب ألي صار أبد...جلست على رجولي قباله وأنا
أحس خلاص كل طاقه فيني راحت
جاردينيا :جابر
بس مارد علي ..قلتها وبصوت مهزوز والدم ينزف بقوة من خده على رقبته
حتى ماعطاني أي ردة فعل..لاصرخ بوجهي ولا تحرك كان مثل الصورة قبالي
ميته من أي تعبير...لابس ثوب أسود وشعره الكثيف تاركه مبعثر
بكل جهه..مديت يدي برجفة بس رجعتها وبتردد رجعت مديتها
ولمست ذقنه ومنبت الشعر صرت أحس فيه خشن..خشونه رمتني
في عالم لأول مرة أحس أني أنتمي له..ظليت أطالعه وهو
معقد حواجبه الكثيفة وعيونه تتحرك يمين ويسار
عجزت أفسر نظرته لي أبد..تشجعت و.مسكت ذقنه بقوة..نويت
أتكلم بس دموعي سبقت كل شي أحس فيه..ماأدري
هالدموع خوف من الدم ..أو أمل طلع ممزوج بفرحة رجوعه لي
وأني على باله مانساني هينا أو هي فرحة بشوفة بنتي
ألي أنحرمت منها..والله ياناس ماصرت أدري وش ألي
ساكن بداخلي ..ضايعه ..حياتي كلها ضياااع ..صد بوجهه عني وهو للحين
مايبي يشوفني ..عمره ما تأمل ملامحي أو على الأقل حسسني بشي
رفع ورد وبأندفاع رماها بحضني وقام...كنت جالسه وأنا أحس بالبرد
يحضني بقوة..لدرجة أن ورد نفسها حست ببرودة أيديني وصحت
وهي تبكي
جابر يوقف عند الباب وهو معطي ظهره لجاردينيا:كم مرة قلت لك
أني أتقرف لاشفتك يابنت الناس أفهمي؟؟؟
دفنت راسي على صدر بنتي وضميتها لي بقوة ..أشتقت لها موووووت
ورد:ماما يأورني
أبعدتها ومسكت راسها بأيديني الباردة وهي حاولت تبعدهم
متضايقة من برودتها..قعدت أتأمل ملامحها ماتغيرت كثير بس
شعرها كان قصير وماشالله طالعه لها خدود حالها هالحين أحسن
بكثير من قبل يوم كانت وياي ...أبتسمت لها
جاردينيا:حبيبتي...أحبك أنا والله أني أحبك
ورد تضم أمها رغم أن دموعها متعلقه بعيونها:أنا بأأأأد
جابر يرفع يده ويتحسس الجرح ألي أعترض خده وهو يحرقه:لاتقعدين
تمثلين علي أنك أم عن جد
جاردينيا للحين ضامة بنتها:..............
جابر وبداخله غضب مايدري كيف كاتمه:كم مره لازم أقولك أني كاشفك
وكاشف ألاعيبك الخايسه..بس شكلك مصره تسوين ألي براسك
رفع حواجبه لفوق من كلمه وصلت لمسامعه
جاردينيا واقفه وراه :مشكووور جابر ...تعال خذها عند أهلك
كنت واقفه وراه بالضبط أطالعه بثقه من كل كلمه أقولها...ماراح تستفيد ورد
من قعدتها وياي بأي شي غير أنها بتكون نسخة طبق الأصل من حياة
عشتها قبل يوم كنت بنفس عمرها ..وحيدة ويتيمة..عايشة بدار أيتام
بعد مارمتني أمي مدري أبوي فيه..رصيت على أسناني بقوة وهو لف بطوله وضخامة
جسمه يطالعني وأنا أشوف بعيونه الغامضه كل علامات الأستغراب...
بنظراته كان بداخلي ألف أحساس يتهاوى وأنا أمد له ورد أبيه
ياخذها..أحسن لها تعيش مع أهلها وتنسجم مع المجتمع ألي عايشه فيه..مابيها
تحس بيوم أنها أقل من غيرها أو تتمنى الموت على العيشه ألي عايشتها ..مابيها
تعيش نفس الحياة ألي عاشتها أمها..ظليت منزله عيوني بأنكسار غرقانه
بالدموع أبيه ياخذها بسرعة من عندي قبل ما أغير رايي
جابر يبتسم ويروح يمشي تاركها تتعذب أكثر:وش دعوة ألي بتركها
معك هالحين مهبوول أنا؟؟!! ع بالك بخليها تتشرد مع أم نفسك
هههههههه بأحلامك
كل شي كان ساكن الجرح واأنا...وهو أبتعد عني لين دخل السيب
وأختفى من قدامي..أي قلب عايش بداخل هالأنسان ..ليش يكرهني ومايطيق يشوفني؟
ليه تزوجنى؟؟ليه لازم أعيش الحزن ومايتغير فيني غير مقدار الألم بكل جرح يعترض
طريقي...والله ماعاد فيني صبر أبد لازم أعرف وش يفكر فيه
عديم الأحساس هذا..نزلت ورد وأنا أحس بداخلي جمرة تحرقني..دخلت السيب
وتوجهت صوب المجلس ألي كان مسكر بابه ..فتحت الباب بدفاشه بدون
مقدمات ...بلعت ريقي وأنا أشوفه يفسخ ثوبه ويرميه وبيده الثانيه
ماسك منديل وحاطه على خده..عضلاته بارزه أكثر من الفانيله
ألي كانت ضيقه ولاصقه بجسمه ..حواجبه معقدها لين صارت
ملتصقه ببعضها تدل على المزاج السئ ألي عايش فيه
جابر بصوته الغليض :فارقي عن وجهي لا والله العظيم
أحط كل حرتي فيك
نسيت كل شي كنت بقوله له وهمست
جاردينيا:تعورك...؟؟!
جابر ينافخ:أفففففففف
جاردينيا تميل براسها:والله ماكان قصدي أأذيك بس لقيت البـــ
جابر صرخ:قللللت فاااااااااارقي
بس جاردينيا بهاللحظة دخلت الغرفة وهي تتصنع القوة
جاردينيا:ماراح أفارق وأنت تاركني هينا خمس أيام حتى ماكلفت
نفسك تسأل أذا أنا حيه أو ميته
جابر يوقف ويرفع عيونه لسقف يحاول يصبر نفسه:أللهم طولك ياروح
راحت جاردينيا له ووقفت قباله وراسها وصل لمستوى صدره..رفعت
عيونها له وهي حدها معصبه من هالغرور ألي تشوفه
داخله وماله أي سبب,,ماكان يفصلها عنه غير أنفاس حست منها بأحساس
ظل يعبث بداخلها وهو مجروح...حركت عينها صوب صدره البارز
ألي كان يرتفع وينزل بسرعة مع ريحة عطر كانت هاديه على غير العادة
جاردينيا ترفع يدها:أنت ليه متزوجني دامك ماتبي تكون مسؤل عني؟
حست براسها يرجع لورى أول ماجمع جابر شعرها كله
بقبضة يده اليمين وبسرعة لفها لورى ةمسك يدها اليسار ورجعها لورى
ظهرها..غمضت عيونها بقوة وهي تحس أن شعرها كله راح يتقطع
شعره شعره لو ظل ماسكها بهالطريقه بدون أي رحمة
جابر يتكلم من ورى أسنانه:وبعدين يعني؟مو كفايه أني من تزوجتك
وحياتي جحيم في جحيم..طالعي شكلك بالأول عشان
تعرفين ليه أنا كارهك
جاردينيا تحاول تتحمل:لاتحط شكلي عذرر لأفعالك التافهه
جابر يمسك شعرها ويرفعه لفوق وهي تحس بجسمها
ينتفض من العوار:أنا شفت ناس تكذب بس نفسك ماشفت
جاردينيا ماعاد لها حيل لشي:أنت ليش تكرهني
جابر يسحب جسمها لين لصق ظهرها بصدره:لأنك ألي
خليتي ذعار ينسى أهله عشآآآنك..تبين كم قولي لي؟!!
وش ألي يملى عينك 6ملايين 7ملايين(صرخ) تكلمي
جاردينيا الدموع تنزل بدون شعور وهي تحس بحرارة غريبه تحتوي
جسدها مع كهرب غريب صار يسري
في منابت شعرها ألي على وشك أنه يقتلعها جابر من جذورها:ذعار!!
(تكلمت بقهر وفيه بحة تتملك صوتها)أنا سمعتك تسبني عند
هذا الزفت ألي جى البيت..ذعار هو ألي خطبني تفهمممم أختارني
من بد كل البنات
جابر بأستهزاء: مو عشان سواد عيونك ولا أنتي مين راح
يفكر فيك..طالعه من دار أيتام ..أبوك راميك
وأمك أكيد تشتغل خدامة عند أحد والله يستر أذا مو عند ناس نعرفهم
حتى جمال ماعندك..
جاردينا صرخت:بأأأأأأأس..أنا أكره ذعار والله العظيم أكرهه
لأنه وصاك تتزوجني..أكرهك أنت ..فكني وأذلف من البيت
فاااااااارق
جابر يلف يدها بقوة لورى ظهرها:هصصص..كفايه دموع تماسيح
وروحي ألبسي عبايتك برجعك مكان ماجيتي...دقايق
وأشوفك جاهزه لا والله تشوفين الشارع هالحين بيتك

البآآآرت الواحد والعشرين...




دفني بعيد عنه وأنا أحس بيدي وجع ماحد قادر يتحمله

...سحب قميص كان مرمي على المركة ولبسه على السريع ..صرخ بوجهي
(قلت روحي) وأنا أطالع فيه..يبي ياخذني لجده!! من بقعد عنده هناك
ماعندي أحد ولا أعرف أحد..رمت نفسي عند رجوله

جاردينيا:والله ماعندي أحد..أنت زوجي أنت الوحيد ألي أعرفه
حتى أبوي ماعرف بأي مكان هو فيه
جابر بصوت عالي:توك تقولين أنك تكرهيني!!
وأبوك عايش حياته ويربي عياله على فكره تراه هينا عندنا بالرياض
وفيه دار أيتام فاتحه أبوابها لك

رفعت راسي له وعيوني غرقانه بالدموع..لدرجو ماكنت أشوفه زين..
مسحت دموعي وهو يرفع رجله بقرف مايبيني أمسكه أبد..تركت رجوله
ومسكت يده بأيديني الثنتين وبهاللحظة كنت كارها نفسي على الذل ألي
عايشة فيه..بستها وماشفت نفسي غير مرميه بعيد عنه من يده ألي ضربت
كتفي بدون رحمة..شهقت وصرت أبكي بحرقه حطيت يدي
على فمي أحاول أسكت بس ماقدرت والله ماقدرت..طول خمس
الأيام كنت عايشة برعب لحالي كيف لو أخذني ورماني هناك
ياربي..لا أب ولا أم ولا حتى عايلة أتساند فيها
أعتلى صوت ورد وصارت تبكي بصوت عالي واقفة متخرعة
عند الباب وهي تطالعني ماتدري شسالفة

جابر يأشر لها:أنا مو ناقص وجع الراس قومي
خوذي بنتك لابارك الله فيك

لفيت براسي أطالعها ..لابسة بنطلون جنز أسود على جكيت وردي
وأيديها مغطيه بقفاز..فاتحة فمها وباين أنها حدها متخرعة..رفعت يدي ومسكت شعري
من ورى وأنا أحس بصداع من كثر ماكان جابر شاد شعري بقوة

جابر بزهق:قووومي

ذعار ماتزوجني عبث!! وش قصده؟؟ صح ...أنا من راح يفكر يتزوجني..معقولة
تزوجني ذعار عشان شي ما أعرفه..عمري مافكرت بهالطريقة؟
ذعار واحد غني وألف بنت تتمناه وش معنى أنا..؟؟غمضت عيوني وقسم بالله
صرت أحس أني أغرق في بحر ماله نهايه..بس فتحتها أول ماجلس
جابر قبالي ومسك خدودي البارده بأيديه الضخمة ألي كانت دافيه..
ثبتني زين وهو مقرب من وجهه لي والجرح بخده مجتمع الدم حواليه
بشكل يخووف..حاولت أرجع براسي لورى بس ماقدرت
كان ماسك راسي بقوة..جالس على رجوله ويطالعني بتركيز...
يتأمل شي ماعرفته من نظرات عيونه الغامضة

جابر بصوت هادي كأنه رجع لوضعه الطبيعي:تكفييين لاشفتيني
معصب بعدي عن طريقي..لاتخليني أسوي شي
أندم عليه بعدين..خليك بعيده لين أنا أرسى على بر

هز راسي بأيديه وبعدها سحبه حتى يطبع بوسه على جبهتي وصرت
أحس بخشونة شعر عوارضه ...ظلت عيوني متعلقة بملامحه ألي مليانه
كثير هداوة وطيبه على عكس كل ألي شفته قبل شوي..قعدت
أطالع حواجبه..عيونه ..شعره الممتدد لنص ذقنه وبعدين مخفف عوارضه
ومحددها بأتقان..سحبت راسي بقوة من بين أيديه وقمت لورد ألي للحين تبكي..
رفعت يدي وصرت أمسح خشمي من الدموع ألي كانت حواليه..مسكتها مع
يدها وأخذتها له..دفيتها على خفيف له وعلى طول طاحت بين
أحضانه بخطواتها الصغيرة

ورد من بين شهقاتها:م..ماماااا(بكت)ماحب بابا وعععععععع
جاردينيا:قوم خذها لبيت أهلك مابيها تقعد عندي هينا..


حرك جابر يده اليمين ولفها حول جسم ورد ألي تمايل صوبه..قطعت قلبي بعيونها
الواسعة المتعلقة فيني..يارب صبرني لين تروح عني..يارب لاتخليها تعيش
نفس الحياة ألي عشتها يكفي عليها موت أبوها

جابريميل براسه على شعر ورد من قدام:شفتي أمك مو صاحيه!!
ورد تلف له وهي مادة بوزها تدافع عن أمها:أنت وعععع روأ بعيييد

رفعت رجلها ونطت رجل جابر وراحت تركض لي ..فتحت أيديها
الصغيرة ع بالها بشيلها وأرفعها لفوق بس أنا غطيت
وجهي بيدي اليمين وعيوني منزلتها بالأرض

جاردينيا بعصبيه:قووووم خذ البنت
ورد وهي خلاص تقطعت من البكا:لا ماما...مااااااااااابي بابا ماااابي

تنهد جابر بصوت مسموع وقام..جى يمشي لي بخطوات واسعة بس أنا ماعطيته
فرصة يسوي أي شي..تركت ورد ورحت لغرفتي سكرتها بقوة وقفلتها بعد..
تساندت بظهري عليه وتركت لدموعي الحرية تنساب على خدود صارت تعشقها..روحي
يايمة..روحي وخليني بروحي..روحي
بدال ماتتعذب أمك من الوحدة وتتعذبين معها..جلست على الأرض
ببطء وملت براسي على أيديني بعد ماضميت رجولي لصدري..تعبت ياناس
من كثر الدموع
تعبت..

جابر يطق البباب:جاردينيا..أفتحي الباب أنا جايب ورد لك مايصير
تخلينها وتروحين
جى بعدها صوت طق بالعافية ينسمع
ورد تضرب الباب بأيديها الثنتين:ماما ..أنا بأأأد مأأأأك..ماما

رفعت أيديني ورصيتها على أذاني بقوة ..قلت بكل عصبيه
(ماتفهم أنت ..قلت لك خذها..خذهأأأ)
ماعاد أبي أسمع منه شي..أبي أقعد بروحي,,أختفي صوته فجأة وماعاد
أحد يطق الباب..ظليت جالسة وأنا خايفة ياخذني لجدة؟
لالا ماراح أسمح له يسوي ألي يبي ..قمت بسرعة ورحت
لاصقة بزجاج الشباك البارد أول ماسمعت صوت سيارته تشغلت..
شفته يرجع لباب المدخل وأختفى ثواني بعدين طلع مع صوت باب أتسكر وهو شايل
ورد ألي مايله براسها على كتفه العريض..ياحياتي تعبت..أبتسمت
لها ورفعت يدي أودعها..السحب فالسما فوق جابر بدت تتفرق
تغادر أرضنا بسلام..طرت عبالي فكرة كانت
أنسب شي أقدر أسويه..نطرته لين ركب وتحرك مبنعد عن البيت
متوجه للبوابه الخارجيه..أبعدت عن الشباكوعلى طول سحبت عبايتي
ونقابي ولبستهم على السريع..ماراح أسمح له ياخذني
لأي مكان..فتحت باب الغرفة ورحت أركض بخطواتي الواسعة
صوب باب المدخل فتحته وطلعت..هبت علي هوا خفيفة ممزوجة بريحة
التراب المتبلل بالماي وهي تفوح بكل مكان..الأرض مليانه مستنقعات
والقمر معكوسة صورته عليها وهو يمر من بين السحب ويختفي..رفعت
راسي لسما بعبث ورحت
أمشي بسرعة تاركة باب البيت مفتوح...لازم أبتعد عنه وأختفي عشان ماياخذني
لمكان..كنت أمشي حافيه بدون نعال والتراب باااااااااارد
غير الحصى ألي قعد يوجع رجولي..دخلت داخل النخل
والعباية من تحت راحت كلها ماااي..تردد صوت الرعد من بعيد مودع
كل شبر حضنه لساعات...رغم أني كنت خايفة بس كنت أشجع
نفسي بكم كلمة..لفيت براسي لورى وقعدت أطالع
بيت الطين من بعيد واللمبة ألي مشتغله فوق
باب المدخل معطيه للجلسة ألي قبالها شكل خياااااااااال..وقفت عند
وحده من النخل والماي مجتمع حواليه..رفعت عبايتي لأن رجولي ثلجت
ماعدت أقدر أمشي وعيوني تطالع
النخل المرتفع فوق مغطي السما عني ..كل شي ظلام في ظلام
يممممه أنا وش أفكر فيه؟؟وين بروح أصلن وأتخبى في هالمزرعة
لكن فتحت عيوني على الأخر وحسيت برجولي ماعادت تشيلني
وأنا أسمع صوت كلب قريب مني مع بقرة...تركت المكان ورحت أركض
وأركض بدون ماألتفت وراي..وفجأة طلعت من النخل ووقفت قبال
بيت حيييييل عوود يتكون من طابقين..ظليت جامدة مدري
كيف هالبيت طلع بوجهي..فيه كراج شفته وأنا أتلفت
بوسطه كم سيارة..حطيبت رجلي وركضت وصوت الكلب كل
ماله ويصير قريب..نزلت على العشب الأخضر وتوجهت صوب
باب زجاجي..فتحته بقوة ودخلت..صرت أبتعد
عن الكنب وأضرب برجووولي السجاد ألي أكيد راح من الطين
العالق بأصابعي..طلعت لصالة ودخلت غرفة دافيه حيييل وريحة الأثاث القديم
بدت تداعب أنفاسي..رحت ورى كنبة عريضة وتخبيت وراها..ضميت رجولي لصدري
ومن كثر البرودة ألي تحتويها مع أطراف أيديني
ماعدت أحس بشي...دخلت رجولي داخل عبايتي لعل وعسى تدفا وأنا
أضم عمري بقوة وأسناني بدت تضرب بعضها من البرد..
ملت بجسمي على الأرض وأنسدحت ..أبي أنام بدون ما أكون حزينه
لو يووووم

البآآآآرت الثاني والعشررون
\\\\

ســـــــــــــأنام بلا حلم ولا ذاكرة
علني أتبعثر على وسادتي
الصغيرة
وأضيع دون أن يجمعني أحد
فأصبح حكاية حدثت مرة
\\\\\
فتحت عيونها وهي تطالع جابر نايم على كرسي قبالها وبحضنه
ورد مايلة براسها ونايمة بعد..عقدت حواجبها وهي تشوف
على خده جرح معترض بالوسط وواصل لحد ذقنه...باين أنه عميق
لأن الجلد حوله أحمر ورغم أنه حاط بلاستر ألا أن نصه طالع..تساندت
بأيديها على السرير وحركت جسمها كله تبيت تعدل زين
وهي مو مستوعبه وش ألي أخذها لحد هينا..رفعت المخدة
ألي وراها ورمت ظهرها عليه..رفعت يدها ومسكت جبهتها بعبث
ودوخة خفيفة تتملكها مع صداع ...غمضت عيونها وفتحتها ببطء وهي تحس
برطوبة فاللحاف من ملابسها المتبللة للحين..حركت عيونها صوب الشباك
ونور الشمس يملى المكان
وأوراق الشجر تتمايل بحرية مستسلمة للهواء...لفت على يمينها
ولمحت فوطة رطبةطايحة جنبها وفيه بقعة
ماي على فراشها..طرى على بالها كل شي صار أمس
والجرح كأنه صحى بعد مانامت مشاعرها من كثر الألم..هي وش سوت
له عشان يجرحها بهالطريقة..كيف هان عليه ينسى كل شي جمعهم..
مستحيل ألي كان قبالها أمس طارق..مستحيييل لكن
ملامحها تبدلت لخوف وصورة سليمان طلعت فجأة متوقف بعدها أفكارها..
حست بأنفاسها تتسارع لكن كل شي تبدد أول ماجابر مد يده
وسحب يدها بدفا
قام
وشال ورد بهدوء وعلى طول حطها جنب رجول غالية على السرير


جابر يبتسم بحنان:صباح الخير
غاليه بكل صدمة:............
جابر يقرب منها ويحط ميده على جبهتها:وش دعوة ماتردين علي؟؟
لايكون بس زعلانة وأنا مدري(أبعد يده وهو يتكلم بأريحية)
لالا حرارتك هالحين مستقرة أحسن من أمس بكثييير
معقولة ظل معها طول الليل سهران بجنبها..رفعت عيونها وهي تشوفة
يبتعد عنها ويدخل الحمام..مايسوي جابر هالشي دام عنده قلب من حجر
يحب يجرح ويهين بدون مايهتم لأحد
طلع من الحمام ووجهه كله مع شعره مبلل ماي ..رفع يده وقعد
يرجع شعره الكثيف لورى وبهدوء مسح الماي ألي بأيديه بمناديل
أخذها من طاولة قريبه بجنبة وبحركة سريعة مسح وجهه ورمى المناديل
بالزبالة ..تقدم لغالية ألي كانت تغيب في عالم
حزين صنعته هي من تصرفات غير محسوبة..تذكرت كلام
فيروز عنه أنه يكرها عشانه يعتقد أنها السبب
ورى وفاة أمها رغم أن الكل يعرف أنها ماتت بسبب مرض السرطان..
وزاده كلام هنادي وهي تشوف جابر يعاملها بطريقة غير
عن منى ويهين كرامتها بدون سبب..
أخذت نفس وصدت بعيونها عنه بجفا أول ماجلس جابر قبالها

جابر:أبيك تفتحين لي قلبك ياغالية..عارف أني دفش
أحيانا بتصرفاتي ألي مايتحملها أحدد
بس والله أني أحبك ومهما صار أحنا أخوان
غاليه:..............
جابر يحط يده على راسها ويمسح على شعرها:ألي فيك
أمس أنهيار عصبي عجزت ألقى له سبب والكل أمس
يقول أنه شافك تضحكين وتسولفين عادي
غاليه وكل ألي صار أمس قعدت تتذكره من جديد:.............
جابر يقرب ويهمس لها:وأنا أخوك تكلمي ...قولي لي
غاليه بنفسها وهي تداري دموعها:وش بقولك؟
أني قررت أدمر حياتك بسكاتي عن سوايا خالتي وسليمانن
أقول لك أنها أرسلت واحد مايخاف الله
عشان يتعرض لسمعة زوجتك
جابر بشك من سكوتها:غاليه؟
غاليه تبلع ريقها:بقولك بس أبيك ماتخليني...جابر ألله يخليك لا تخليني بروحي
لهم أعرف أنك ماتحبني عشانم تعتقد أني السبب ورى وفاة أمي
(مسكت يده بقوة وهي ودها تصيح)
ألله يخليك لاتخليني
جابر يحضنها وهي زادت فالبكا:أفآآآآآآآ..من ألي قالك أني أكرهك
عشان أمي ..أصلن وش دخل وفاة أمي فيك..(أبعدها عن صدره
وخشمها على طول راح أحمر)غلاي هالدموع ذي كلها عشان مين؟
والله ما أخليك ولا راح أخليك
غاليه منهارة:أنت ماتحبني نفس غاليه؟
جابر بأستغراب:الحمدالله والشكر...عن جد أنك هبله..هههههه

قعد يضحك وهو يمسح دموعها

جابر:طيب فهميني

نوت تتكلم بس هنادي فتحت الباب كله ودخلت
هنادي:لو سمحت أبي الغرفة شوي
جابر بدون نفس يقوم:طيب دقايق في كلام بيني وبين أختي
هنادي تطالع غاليه وكأنها حست أنها على وشك تقول كل شي:
بس أنا وراي جامعة وماقدر أنطر
جابر يطالع غاليه ويمسك خدها:أشوفك بعدين أجل
غاليه تسحب يده ماتبيه يروح وهي ودها تقول كل شي له
دام أن عندها أستعداد:مو الحين
هنادي تتأفف:تأخرت عن الجامعة وبندر ينطر براا

سحب جابر يده عن يدها وبملل طلع من الغرفة وغالية بكل أستسلام
تتابعه بعيونها أول ماطلع..دخلت هنادي الغرفة وسكرت الباب وراها

هنادي تجلس على السرير وتطالع غاليه بنظرة مافهمتها:لايكون
قلتي له عن سالفة شريفة وسليمان
غاليه بربكة:هااااا... لالا وش أقول له
هنادي ترفع كتوفها :مدري عنك تراك خبلة
غاليه بتعب:قلت لك ماقلت له شي
هنادي براحة وبعد ماحست بأطمئنان/: أشوااااا...تدرين أنه طلق جاردينيا
قدامنا
غاليه فتحت عيونها:طلقها!! وش قاعدة تقولين أنتي
هنادي بدون نفس:وراك معصبة طيب..وخير ياطير أذا طلقها
غاليه بأنكسار:أكييييييد سليمان زين لها شي ألله ينتقم منه ألله لايوفقه
دنيا وأخره
هنادي تهز راسها:لأ..بس الغريب أنه قال لعمي(بنت أخووك)
وجدتي هالحين بغرفتها تعبانة من السالفة...الله أعلم أن فيه سالفة
كبيرة كلنا ماندري عنها
غاليه:...............
هنادي :مصيبه لو طلعت بنت الفلبينية ذي تقرب لنا
أو تكون بنت عمنا,,فشلة وش بنقول للعالم
غاليه:بنت عمي معقولة!!
هنادي:ماعلينا عن قريب بيصير ألي في بالي وبقابل جابر وأقوله
أني أنا ألي بالمنتدى..(حبي ..قالتها بدلع..جنوووووون)
غاليه تحط أصبعها على فكها وبتردد:ماتخافين يسوي لك
شي لو عرف أنك هنادي
هنادي بثقة:لأ..بالعكس راح ينصددم أخذت معلومات في الطب عشان
أكون بنفس مستواه..وزاده أني أنا وياه نكتب خواطر..تتذكرين قبل..
يوم كان ياخذني لغرفته ويقرا لي خواطره
غاليه تتكلم بفرح :أيام ليتها ترجع..بس والله صدمني يوم شفته قاعد عندي
حسيت بأحساس غريب..حبيته أكثر من أخواني..حسيت أني ظالمته
هو قال أنه يحبني
هنادي:كذاااب أخوك
غاليه بعصبيه وهي تحس بأحباط:لاتقولين كذاب عنه؟؟!
هالحين تحبينه وتقولين عنه كذاب
هنادي بنظرة حاقدة:بشوف أنا وش أقل من غيري فيه يوم
يتركني وياخذ زوجة ذعار ؟؟ليه خلاني أحبه وهو عارف بهالشي

دخلت أم محمد الغرفة ومعها صينية الفطور

أم محمد :صباح الخير أخبارك بنيتي
غاليه تتصنع الضحكة:بخير خالتي
راحت هنادي صوب طاولتها وبقهر سحبت كم كتاب ..طلعت بدون ماتقول لغاليه
مع السلامة
أم محمد تطالع ورد ألي نايمة ع طرف السرير:هآآآآآآآآو...من ألي جايب
ورد لحد عندك
غاليه للحين الأبتسامة مرسومة على شفايفها:هذا جابر ياحليلة
لقيته نايم عندي وبحضنه ورد
أم محمد تنزل الصينية بحضن غاليه:جابر عندك!! والكل يسأل عنه ع بالهم
مختفي
غاليه تعقد حواجبها:ليه؟
أم محمد:والله يابنيتي الوضع أبد مايطمن ولا يسر أحد..وجدتك بعد
كاطلق جابر زوجته ودموعها ماوقفت وهذي هي طلعت مع سواقها
ولاحد يدري وين راحت؟
غاليه بخوف:لايرتفع الضغط عندها
أم محمد تجلس قبال غاليه:غذي نفسك أنا وأمك
وجدتك لاتخافين عليها
رفعت غالية أيديها وسحبت الخبز وكل تفكيرها مع أخوها ألي ماكان
واضح عليه أنه صاير له شي أو حتى متضايق..معقولة كان يخفي هالشي
عشانها تعبانة!! تردد لها صوتها الحنون أول مرة يكلمها بهالطريقة
أول مرة يحس أن أخوها موجود يحبها ويداري عليها..
قامت أم محمد وباست راس غاليه
أم محمد:أبي أرجع وألقاك ماكله كل شي
غاليه :هههههههه
دخل بندر فجأة الغرفة وهو رافع أيديه ويتكلم بصوت عااااالي...
لابس بنطلون جنز رصاصي على جكيت أزرق غامق
بندر:لالالا وش حلاتك...قاعدة تتغلين علينا
أم محمد بأبتسامة.:تهقى!!
جى عندها وبقوة مسك خدودها وجرها
غاليه تدفه:عوووووووورتني ياطعس
بندر يبوس راسها:ألف ألف ترليوون سلامات
أول مانوى يبعد عنها ..مدت غاليه يدها وسحبت خده
بندر متفاجأ:ياااابت بعدي قسم لا أشد شعرك
غاليه بتحدي:جرررب
دخل بدر بخطواته البطيئة متكشخ بالثوب البني وباين أنه توه متروش من شعره
المبلل وريحة العطر المتعلقة بكل خطواته..بيده فنجان قهوة وبقهر ضرب
يد غاليه
بدر:كم مرة لازم أقولك أحترمي ألي أكبر منك
غاليه تمسك يدها:آآآآي
بو ذعار :ها ها من مد يده عليك
غاليه تأشر لبدر:يبه شفه:ضرب يدي بقوة
بو ذعار بأمر:بوس يدها أشوف
بدر وهو ناوي يشرب الفنجان فتح عيونه:أناااا أبوس يد ذي ؟ليه زوجتى
غاليه ترفع راسها:هو أنت تطووول
بو ذعار يطالع بدر بنظره مليانه تهديد:تسمع وش قلت
بدر بغرور مسك يدها بدفاشه وقرب أصابعها من شفايفه
وباسها بالهوا..بعدين حذف يدها
بدر :هاااا
غاليه تضرب يدها على السرير:يبه..قسمن بالله نصاااااااااب ماسوااا شي
بدر يطالع بندر بطرف عين:شفتني أبوس يدها صح
بندر يهز راسه :وأنا أشهد
دخلت منى تمشي بخطوات بطيئه حيل تدل على تعبها بس من شافت
ورد شهقت والكل لف لها متخرع
منى تأشر لورد:هذي من متى هينا؟
غاليه بأستغراب:من أمس؟
محمد يتكلم بدون نفس :الحمدالله ع سلامتك غاليه..
لفت منى ونادته بس هو أبد ماعطاها وجه..وراح تاركها ..طلعت من الغرفة
منى تحاول تسرع:محمد..حمووود
محمد بعصبيه:روووووحي وراك أحسن

وقفت والدموع تعلقت بعيونها..طلعت أم محمد من الغرفة وراحت تمشي
فالسيب متجاهله منى وبنفسها مدركة للوضع ألي راح يكون بينهم..
أول ماطلعت لصالة لمحت جابر ينزل من الدرج برسمية تدل
أنه متوجه لشركة ...لابس شماغ رافعة لفوق وذيك النظارة الرصاصية
تغطي بوسامة نص ملامحة الصامته على ثوب رصاصي مخصر
على جسمه..أول مانزل من الدرج على الأرضيه راح يمشي
بخطوات متسارعة حيل..رفع يده وقعد يطالع ساعته الرصاصية بعد
ألي تعلقت بيده اليسار رغم شكلها البسيط

أم محمد:جابر!
جابر يفتح باب الصالة:أعذريني خالة مستعجل


سحب الباب وكمل بخطواته متوجه لسيارته الجيب..واضح أنه مستعجل حيل..
فتح باب السايق ونظارته عاكسه كل شي قباله بسكون..ركب وتحركت
السيارة مبتعدة عن الفلة ببطء.. طلع لشارع وزاد من سرعته تساند
بيده على الشباك وبدون شعور قعد يتحسس
الجرح بأستغراب
كيف تحمل الألم ومسك نفسه لايضربها ضرب تعرف أن الله
حق بعدها...كيف سكت وراح تاركها رغم أن الدم ظل ينزف بقوة
وهو يحس بالجرح ياكله أكل؟؟كيف قدرت بوجودها تستر على
الغضب بداخله ومايحس فيه غيره
أفكار تراودت لعقله المشتت بهاللحظة
وهو مايدري ليه تراجع عن قرار أنه يرجعها لجده؟
لكن هو خلاص طلقها
ماعاد ينتظر غير ردة فعل جده لو عرف بالموضوع وأنه ترك كل الأمور
بوسط الطريق بعد ماحارت أفكاره أكثر..لف يسار وأصوات الشاحنات
مع ريحة الدخان تزداد أكثر..أخذ نفس بقوة ووقف
بسيارته عند مواقف الشركة ..نزل من سيارته وتوجه بخطواته المتوازنه
صوب الدرج ألي تفرد بأناقة تصميمة وديكورة..صعدة وهو منزل
عيونه بعدم تركيز للي حوليه..أنفتح باب الأستقبال يرحب بقدومة على
طول أستقبلته هوا دافيه والموظفين حواليه كلن مهتم
بشغله
غير الناس الرايحة والجاية عند مكتب الأستقبال...
ضم أصابعه مع بعض أول ماسرى طيف ملامحها بذاكرته
وهو كأنه يحس ببرودة خدودها الناعمة...باردة لدرجة تملكه تأنيب الضمير
وكل الليل وهو يفكر بحاله وياها..حرك أصابعه وهو بفرك بشرته ببعض
يتحسس ذيك النعومة ألي لامسها فيها..نعومة خلته يتمنى
لو أنه يظل ماسكها لدقايق بس لكن هي أبعدت..توجه
صوب الأصنصير ودخله رفع يده وصار يعدل شماغه
ألي كان معطيه رسمية أكثر تعلقت بملامحة..أول
ما أنفتح الأصنصير ومد رجله حتى يخطي أول خطواته صوب المكتب

......:دكتور
وقف وبهدوء سحب نظارته و لف لمصدر الصوت
جابر:نعم
صالح يتقدم منه: حبيت أبلغك أنه فيه شخص ينطرك بالمكتب
جابر:مين؟
صالح يهز كتوفه:مدري بس أصر أنه يدخل مكتبك
وينطرك فيه
جابر بأستغراب:طيب روح أنت هالحين

جمع نظارته بين أصابعه وحطها في جيبه..توجه صوب مكتبه وأول
مافتح الباب هبت هوا قوية من المكيف حتى تتحرك أطراف
شماغه ألي كانت نازله لين مستوى ذقنه..فتح عيونه
على الأخر وهو ماسك يد الباب بعد ماوقفت خطواته
وهو يطالع بالشخص ألي قباله,,ماهو مصدق أنه يشوفه كان جالس
على كرسيه المتوسط الغرفة قبال مكتبه الفخم..ظل يطالعه للحين
يبي يستوعب هو من قاعد يشوف..رمى الشخص القلم
ألي بين أيديه وقعد يسكر نص الملفات ألي فتحها..تساند
بظهره على الكرسي براحه ودار فيه صوب الشباك حط كوع
أيدي على أطراف الكرسي وشبك أصابعه بكل
هدوووء مع بعض والأبتسامة للحين مرسومة
على شفايفه..سحب هوا وتهنده بصوت وصل لمسامع جابر
ألي للحين واقف عند الباب بكل صدمة تفجرت داخله

.......: تصدق بالله أن هالكرسي قعدت فيه قبلك..وقبل ذعار
وفجأة تركته وأخذه ذعار وبعد تركه عشان تاخذه
أنت..أنت المنتظر عند جدك من البداية لا كان
يبيني ولا يبي ذعار

تقدم جابر بخطواته خطوة خطوة وهو يسحب يد ااباب وبقوة تسكر
مستنفر حده من طؤيقة أسلوبه بالكلام وهو يقول(جدك)
كأن هالجد جده لحاله...مشى لين وقف
عند المكتب وقباله ظهر الكرسي

جابر:وش قصدك بالمنتظر..
........:روح أسأل جدك هالسؤال

جابر يحط أيديه على الطاولة وينحني على الطاولة
والخاتم ألي لابسة بأحد صابعه بأناقه ضرب الخسب
وطلع لع صوت:أنت لك عين تجي لهالشركة ..
....:ياولدي لاتسمع بأذنك كل شي وتصدقه..خل عقلك
بعد يسمع
جابر يرفع حواجبه ويحرك عيونه جهة اليمين بأستهزاء:مدري
أقولك عمي أو عبدالله حااااف..بس بغيت أقولك لعبتك
أنت وبنتك على ذعار مكشوفة..تتذكر يوم قلت أنها راح ترجع
لك..أبشرك بترجع
عبدالله يلف بالكرسي ويواجهه:ذعار هو ألي جى يستغلها
بعد ماأرسله جدك
جابر يطالعه بنظرة حارقه وصوته أشبه بالصراخ:لاتبرر
لبنتك تصرفاتها..وجدي له حق يرسل ذعار مثلك يالنصاب أنت
وبنتك.ولاتبرر لبنتك تصرفاتها..تصور!!
وصل فيها التمثيل أنها تكون نسخة من شيطان قاعدة تمثل
علي أنها ماتعرف أني ولد عمها وبعد ذعار المرحوم
عبدالله سكت وبعد صمت نطق كلماته
ألي كانت أقرب لعدم التصديق عند جابر:والله العظيم أنها
ماتدري عن شي(نزل عيونه كأنه متردد وبصوت ألم عميق
أنفجر بين أوتار قلبه)أنا وذعار زورنا بطاقة بأسم غير أسمه
وأسم العايلة عشان ماتعرف بشي
حرك جابر عيونه بسرعة لعبدالله وبدت عيونه تتسع تدريجيا
وألم الماضي عاد من جديد ألالام سكنت
قلبه الحزين بس مسرع ماأبتسم:أهااا..كذبة قاعدة تألفها عندي
(صرخ)عبالك أنا غبي !!!هااا ...أنا من كيفي شايف مسرحيتكم
وساكت(نطقها كلمة كلمة)من ..ك,,ي,,ف,,ي
وعبدالله ظل جالس بكل هدوء..أستقبل
هالصراخ بأوراق الحقيقة يفتحها بين عيون الفجر
الأليم..حتى تشرق بعدها الشمس ألي طال
أنتظارها..ع قلب وحدة تألمت في ليل مظلم:هالمسرحية أنا
من ألفتها أنا وذعار,,جاردينيا مالها شغل بأي شي..كانت أداه عشان
نوهم فيها جدك أننا قاعدين نمشي نفس ماخطط هو..أستغلينا
أنها على نياتها..والله العظيم ماتعرف أني أكون عم ذعار ولا تعرف
أنه ولد عمها..طلعتها من دار الأيتام وعذبتها في بيتي
مع أمها,,أو..(رفع عيونه لسقف)أو بالعربي أوهمتها أني
أعذب أمها بعد ماسلمت لها 10000عشان تسوي
ألي أبيه وتفارق عني..(حط يده على قلبه كأنه يحس
بوجع وهو يتذكر كل ألي سواه) كنت أبيها تشوف
أمها تترك البيت وتتركه هي عشان تقابل ذعار وهو عاد يتكفل بالباقي


قعد يتكلم وجابر يسمع بعد مانزلت الأقنعة من ناس حذفهم
من حساباته...بدى أحساس الألم ألي سكن بصوت عبدالله
أضعاف مايحس هو فيه..كل شي أنتهى وظلت جاردينيا عالقه
بذاكرته بهاللحظة..عالقة بدموعها وحرمانها من بنتها..تذكر صورتها
ألي عجز يتذكرها وهي لابسه فستانها الأبيض ترتسم في مخيلته
وكأن ألي سمعه ماكان غير صفعة أنفضت كل شي بداخله..أبتسامتها
رغم أنها عادية لكن كانت تحمل من المشاعرشي كثير
مات بين أيديه مثل ما ماتت مشاعره وفضلت تتخبى
بين شرايين قلبه..ورغم كل ألي سواه
راح وأخذ بنتها منها عشان ينفذ لعبة الأنتقام ألي ماكانت غير
نوايا خبيثة داست على كرامته وكرامتها

عبدالله يقوم عن الكرسي:ومشى كل ألي خططنا له أنا وذعار..وفعلا
تزوجها وقعد جدك من فرحته يحط في رصيد ذعار
ملايين ألي أنا تمتعت فيها أكيد..وتمر الأيام حتى أشوف ذعار
في يوم من أيام الصيف يوقف قبالي وشكله
غير طبيعي قال لي:جاردينيا تحبني ياعمي تحبني بجنون
وأنا مستحيل بكون ألي يكسر قلبها بيده..
ذعار قدام هالحب ضعف وقرر يترك كل شي ويسافر
بعد...بعد ماطلقها
وهذا هو مات وكل شي بقى حلو وهو في الحقيقة مررر
جابر :طلقها!!..وجدي ليه يطلب من ذعار هالشي
عبدالله:عشان يدمرني أنأأ..(سحب ورقه وحطها قبال جابر)
هذي ورقة طلاقها
جابر وطعنات الألم تهد حيله:........
عبدالله يترك الكرسي ويروح لجابر:أنا جاي اليوم عشان شي بخاطري..
(حط يده في جيبه وسحب المفاتيح وبكل هدوء مسك كف جابر
وحط فيها المفاتيح)هذي مفاتيح بيتي أمانه عيالي
عندك وانا عمك
جابر يعقد حواجبه:عيالك وين أذا جاردينيا..
عبدالله يقطع كلامه:قصدي عيالي غانم وغروب..أمانه عندك
أنا عمري ماكنت ذاك الأأبو ألي يستاهل أنه ينذكر بالخير
عندهم ..خل أمي تربيهم
جابر:............
عبدالله يرفع يده ويحطها على كتف جابر:سلمني على أمي
..وبذكرك زوجتك لا تستهين فيها تراها بمستواك وأرفع بعد
جابر:بمستواي!!


قال هالكلمات وطلع من المكتب تارك جابر يغيب في عالم مازال
ياخذه لأبعد مما يتصور...عالم كشف له نص الحقيقة
ألي ظل نصها الثاني غايب لكن على مسامعها ماكان غايب..
أكتمل بين زوايا الغرفة
ألي أحتضنت جسدها المرمي على الأرض بدون ولا حركة..
حقيقة أنقسمت تفاصيلها بين أثنين يجمعهم رابط واحد
بس قلوبهم مازال الطريق لها طويل..عقدت حواجبها بضيق ورى الكنبة الطويلة
ألي مغطية وجودها..بلعت ريقها وهي تسمع صوت أثنين كأنهم
يتهاوشون فوق راسها وهي بالعافية تحرك جسمها المتهالك
وحرارتها مرتفعة بشكل غير طبيعي..حركت راسها
بحيت صار لاصق على الأرض ومسامعها تنصت لسر كبير
ظل مصيره مجهول متعلق بالعايلة ...وقبال الكنب ضرب
عصاه بالأرض بكل قوة

الجد سعد:تهدديني يانورة؟
الجدة نورة بثقة ونظراتها الثابته متعلقة فيه:أيه أهدد...أسمعني
أنا حره طلعت من تحت أيدين رجال حرر..ولو حطيت أحد براسي
أجيب راسه بالأرض
الجد سعد بأستهزاء رغم أن كلامها هزه من داخل وهو يروح يجلس
على الكنبة المتمددة جاردينيا بكل خرعة وراها من كل شي
تسمعه:وش بيدك تسوين ..هذا الطريق فدامك فاضي
الجده نورة ترفع يدها معلنه بداية عاصفة من الحقايق الغايبه:لا تعتقد
أني بيوم غافلة عنك ..تزوجتك بعد ماتوفى أبو عيالي عشان كنت
أبي من يشيل عني هم هالثروة ألي الكل طمعان فيها
..كنت أبي من يساعدني ..يكون عون لي
وأخترتك أنت ووماكنت غير واحد حااافي منتتف
الجد سعد ثار:نورة أحترمي حالك
الجده نورة واقفة قباله بكل حكمة وهيبه تملكت هالعجوز:هالعايلة
عايلتي ماتنتمي أنت لها ..ولايجي في بالك أني بشوفك
تدمر ععيالي وبقعد سااااكته..لاااااااا...ماعرفتني
الجد سعد وهو ماسك راسالعصا بكل أيديه الثنتين:ههههه
هالحين صرت لعيالك زوج أمهم بعد ماتعبت وكبرت الفلوس
(قام ومشى على يساره بخطوات بطيئة وهو يتكلم)طيب..كنت
أنتظر هاليوم يانورة(وقف عند الخزانه وفتحها حتى يسحب منها ورقة)
شوفي هالورقة أنتي كاتبة لي كل ثروتك لي يعني(سكر الخزانة
بقوة تعبر عن غضبه)لو أبي ..طردتك أنتي وعيالك مع أحفادك
برى
هالثروة كلها

رفعت جاردينيا راسها وشافت الجد سعد قبالها
معطيها كتفه ونوت تشهق خايفة من صراخة بس على طول
مالت براسها عل الأرض وهي تدعي ربها أنه مايلتفت أو
ينتبه لوجودها ورى الكنب..صارت تحس
بحرارة تحرق جسدها بعد مازادت هالحرارة مع الخوف

نورة بدون أهتمام:تطردنا!! ههههههه ويهون عليك
تطرد جابر بعد؟؟!!

البآآرت الثالث والعشرون..


بـ سولف للصور .. قصة غيآبك..!!
وآنتثر آهآت..!!
وآدقبآب الصبر ..
تتثآوب على ..{ جدرآن عمري ..
آخرالساعات !
و آنآ آسأل هـ / الزمنوآبكي؟!
آمآنه ..!!
وين وديته؟!!




نورة بدون أهتمام:تطردنا!! ههههههه ويهون عليك
تطرد جابر بعد؟؟!!

صمت عجيب غريب أحتوت ملامحه وهو يحس بنبضات
قلبه تزيد من سرعتها خوف من أن السر ألي خباه سنين
ينكشف أو يكون مكشوف عندها وهي ساكته..تقدم بخطواته
الرتبكه ونورة تراقب تصرفاته وتحس أنها بهاللحظة لمست الجرح
حتى يصحى من جديد في قلب هالشخص ألي مايعرف قواميس
للأنسانية بداخله

الجد سعد وهو يتلعثم:جابر؟ وش دخل جابر
الجده نورة تروح وتجلس بنفس المكان ألي كان جالس فيه وهي
تتكلم بنفس نبرة الثقة ألي أحتوت صوته
قبل شوي وهالحين تلاشت:جابر ولد بنتك!!!
تعتقد أني ماأدري أن بنتك المصون سافرت بدون علمك مع
زوجها ألي يصير أخو زوجة عبدالله..زوجته ألي ضحكت فيها
عندي وبالأخير يصير أخوها زوج بنتك..أخوها ألي حتى
عربي مايتكلم ..وجابت منه حفيد لك هو جابر وبعد ماخفت أن هالعار
ينكشف بين عايلتك وتصير مضحاكه..أخذت جابر من أمه بالغصب
وسلمته لبنتي أم بدر يوم كانت مسافرة هي وزوجها غانم بعثه
لأمريكا..طلبت منهم يربون الولد وينسبه غانم له على أنه ولده..
ولابعد طلبت من بنتي تكذب علينا وتقول أنها حملت وولدت
بجابر هناك لأن بعثة زوجها كانت سنه..حرقت قلب بنتك بيدك
ولما مرت السنين وأكتشف عبدالله هالشي طفشته من البيت
لأنك خفت أنه يستلم حلال أبوه ويكشف سر حفيدك ألي تربى
قدام عينك بين ناس أعتبرهم أخوانه..وبعدك مامليت
رحت وأرسلت له ولدي عشان يدمر عمه..ماكفاك أنك دمرت
جابر بعد ماخليته يتزوج فوزية ويطلقها بعدين
رحت زوجته بعد من بنت عمته..وماستحيت حتى بعد ماحذفت
أخوه برا العايله
الجد سعد وهو يحس أن قلبه بيوقف:.........
الجده نورة تقوم:قعدت تخيط وتخلي عيالي يلبسون بدون مايعرفون
وش هي نواياك..شوووف سعد أقسم لك بالله لو قربت من جابر
أو زوجته والله الذبح مايكفيني فيك..جابر ولدي
تربى على أيديني ..وزجته بنت ولدي الغايب ماراح أخليك
تسوي ألي تبيه وأنا أتفرج نفس كل مرة تفهمممم

حسيت أني أحلم وأنا أسمع هالمصايب ذي كلها..حشا هالجد ذا مو جد
حيووان متوحش!! سمعت صوت عصاه
وخطواته المتسارعه تطلع
تاركه الجده نورة لحالها والصمت كسا المكان بخوف غريب أحتواني..
ياااعمري جابر رحمته قسسسسم...يكسر خاطري
والله..أجل هو متزوج
مرتين الأولى فوزية والثانيه ماعرفتها..أكيد يجبها دام أنها
بنت عمته..وأنا اقول الولد ليش يكرهني ..ياحياتي أجبرووه يتزوجني
حتى يحافظون على بنت ذعار وهو من الأساس
متزوج بنت عمته..أمممم
أكيد أنها حلوه لأني ألي فهمته أن بنت الجد تزوجت واحد أجنبي دامه مايتكلم
عربي ..يصير أخو زوجة عبدالله ولد الجده..رفعت راسي وحطيت
يدي على فكي أفكرررر..يعني عبدالله ولدها متزوج وحده أجنبيه..تعدلت
بجلستي وأسندت ظهري على الكنب..نزلت النقاب والشال من راسي وبسرعة
مسحت شعري وأنا أحس حلقي ناااشف
عبدالله نفس أسم أبوووي..وععععع..أكره هالأسم ذا؟ حركت رجولي وهي
خشنه من الطين الجاف عليها وشكلها بصراحة يجيب المرض..
رفعت راسي للجدار قبالي وأنا أطالع السما من ورى الشباك الممتدد
بطول الجدار من تحت لفوق ومصمم بشكل مربعات
كبيره وسطه مربعات صغيره وكل تفكيري بجابر
..فوزيه هالأسم مو غريب علي..طيرت عيوني وفتحت فمي
أول ماتذكرتها... ذي ألي جت لبيت الطين مع الجده والحيوان الثاني
وقعد جابر يضمها..وعععع...من زين الحلايا..وأنا أقول وش ألي يربطه
بهالبنت بس أذا هو متزوجها وطلقها كيف يضمها بهالطريقة
ألي شفتها وواقف معها عند سيارتهم يوم شفته ولافي أي
حدود بينهم؟!! رفعت راسي ومسكت شعري ..آآآه
ياراسي تقول ناقصه أنا..فهموووني ياناس في شي بالموضوع
مو قادره أفهمه هالعايلة باين أنها مصايب مكومة..
ياحليلك ياذعار كيف كنت متحمل؟؟ههههههه.فوزية
ذي وشفتها طيب زوجته الثانيه كيف شكلها حتى ماقالوا
أسمها ووجع..ياااااااااااه هالحين صاروا عيال عم ولا أحد فيهم داري..
ألله يعينك ياجابر ..غمضت عيوني
وأرتسمت صورته بخيالي ..كل جزء في ملامحه ألي يحتويها
كثير طيبه وحنان قعدت أتخيله وأحساس بداخلي ينتشر مليااان فرح..
تصدقون هالأنسان أمووت فيه لا عصب رغم أني
أكلت نيب من هالعصبيه..رفعت يدي وقعدت
ألمس مكان ماكان ماسك شعري وأنا أحس بألم فيه..
بتقولون عني مو بصاحيه أعرف بس مره معلمتنا تقول لنا أن
المره تحب زوجها بكل عيوبه..حتى لو كان
أغبر..شين..هههههه فتحت عيوني وأنا أسمع صوت
بكا الجده ألي قطع قلبي ..قمت بدون شعور ووقفت أطالعها
وهي معطتني ظهرها المنحني بألم وأنكسار غير طبيعي..تحركت صوبها
لين وقفت وهي بكل خرعة رفعت راسها وصارت تلف
لورى ماتدري من وين طلعت لها..

الجده نورة تشهق وتحط يدها على صدرها بعد ماعدلت ظهرها:بسم الله
أنتي مين؟
حسيتهــا النقذ لي من ألي ناويه جابر علي ... جلست عند رجولهـا وهي
بكل تأمل تطالع فيني
جاردينيا : أنا ... أنا زوجة جابر أسمي جاردينيا
مالقيت نفسي غير بحضنهـا تضمني لها بقووووه وهي تبكي أشد
من قبل ... بغيت أبكي معها ...
الجده نوره: أنتي أنتي زوجة ولدي جابر ...(أبعدتني وصارت
تضم راسي بأيديهـا ...تطالعني بشوق غريب عجزت أفسره
ياجماعه ... أبتسمت ومسحت بيدها الدافيه شعري ) تعالي يا بنتي
...تعالي أضمك ...من زمان وأنا أحتري هالحظه...
سحبتني لهـا وضمتني مره ثانيه ...تصدقون أني حسيت بجضنهـا الدفاوالأمان
وشعور ولد بداخلي بين مشاعري ميته وأرض ماعاشت بين زوايا ذكرى حلوه...
الجده نوره تبعد جاردينيا بخوف: يابنتي .. أنتي وراك حاره ؟! مسخنه

مع أن جسمي بالعافيه أحركه بس جاهدت عشان أبتسم بوجها الحنون
مـاأدري ليه جروحي ألي رماها جابر لي تفجرت
عندها ...سحبت يدها وبستها...
جاردينا: أنا ....أنا ياخالتي شايفتك من قبل ؟!
ماذكرتيني


الجده تمسح دموعها ماتبي ها الدموع تكون علامة ضعف:
خالتك أنــــــا جدتك !!!!!!! يابنت

ياحليلها ...وي فديت هاالحرمة بس..هزيت راسي لها وأنا مبتسمة
(ولايهمك ..جدتي)
الجدة نورة:شايفتني من قبل!!(أخذت نفس وعيونها صار لونها أحمر)
وين ؟!!

حسيت أن ها الجدة هي ملاذي الوحيد ... حسيت براحة ونا جالسة
قبالها هي الي راح تريحني من جابر وقرار أنة ياخذني
لــــــجدة !!

جاردينيا:تذكريني يوم وصلتي لبيت الطين...أنا ألي قال عنها جابر خدلمته
(جيني)سمعتك تتكلمين عني وطلبتي منه يقول لي أنك بأي يوم
ممكن تطليني

كنت أتكلم وهي منزلة عيونها بس فجأة لفت صوبي وهي فاتحه
عيونها بصدمة مو مصدقه ألي أقوله
الجده نورة أنعفست ملامحها:ووجع..وساكته يامال ألي مو قايلة..
يخليك خدامة عنده ويقول لنا هالشي مفتخر بسواياه وساكته!!
نزلت راسي وعيوني صارت بالأرض..بس هي بقوة مسكت
ذقني ورفعت راسي..خلتني غصب أطالعها

الجده نورة بشبه صراخ:تكلمي؟
جاردينيا متفاجأة من هالأنفعال:هو..هو أصلن مافرقت معه تعاون مع منى
عشان توهمني أن حفلة الخطوبة لبدر وهند هذا زواج..لبست
فستان وطلعت لناس..ولأ بعد مالقيت حاط لي كرسي
ظليت واقفه ولا أسوى بيزه..بعدين أهاني بالفندق وخلاني
كم يوم لحالي هناك..حرمني من ورد(حسيت وأنا أتكلم قاعدة
أجرح نفسي بنفسي..صرت أحس بالقهر من نظراتها ألي
مو مصدقة أن جابر يسوي هالشي)
يكرهني والله يكرهني لدرجة يضحك على شكلي..تاركني
في بيت الطين هناك خمس أيام
الجده تهز راسها:لالا...هذي مو بسوايا ولدي جابر ..مستحيل

قمت وفسخت عبايتي والألم نفس الألم ماتغير شي..
جاردينيا:شوفي ,,والله ألبس لبس صيف يذبحني البرد لحالي
ولا احد داري عني..وأمس جى عندي وقعد يهاوشني شدني
مع شعري وقالي(باخذك من مكان ماجيتي)بيرجعني لجده..والله
ماعرف أحد عشان هالشي هجيت من بيت الطين كنت بتخبى
بأي مكان بالمزرعة عشان ماياخذني وصدفة طحت بهالبيت

رفعت الجده نورة بأندهاش تطالع فيني من فوق لتحت بكل صمت..
عجزت أستوعب هي صدقت كلامي أو لأ..حست فيني أو لأ؟؟؟
بس قامت من مكانها وقالت بكل هدوء

الجده نورة:أبيك ترتاحين الحين..بس شوفي جابر لو عرف أنك
في هالبيت ماراح يحصل خير..لاتصيرين خبلة وتكشفين نفسك بنفسك

تحركت بخطواتها البطيئة معطتني ظهرها وشكلها ناوية تطلع
بس تكلمت أبيها تفهم الموضوع كامل بدون أي لبس

جاردينيا:يكرهني..يكرهني ..لأني أحب أخوه ذعار حتى
بعد ماتزوجته هو..!!

توقفت خطواتها وهي للحين معطتني ظهرها..ظلت على هالحال ثواني
بس مسرع مالفت لي وهي تهز راسها

الجده نورة:أنا ماقلت لك أنك خبلة؟؟ أنا سألتك هالحين ليش هو يكرهك؟!!
أقول أمشي وراي خليني أدلك على مكان غرفتك بسس

تصدقون !! حسيت نفسي مالي أم داعي..فمي لازم أقفله بس أحس
نفسي صايره ثرثاره تقول ماصدقت أشوف أحد وأسولف معه..هع هع ..
رفعت عبايتي وبسرعة رحت لورى الكنب وسحبت شالي والنقاب
مشيت بخطوات واسعة أبي ألحقها لين صرت وراها بالضبط..طلعنا
من هالغرفة على الصالة الواسعة..حركت عيوني يمين ويسار
أقيم شكل هالصالة..أممم..مش بطاله؟؟ يعني عادية وبسيطه
..الكنب بهالصالة باين أنه قديم ألا أحسه مغبر!! باين أنه ماتنظف من زمان ..فيه
كم صورة على الجدار ومكتبه كبيره بوسطها تلفزيون وقبال هالمكتبه مخاد
على طول الجدار ومراكي ..حطت الجده يدها على الدرابزين وقالت
(بسم الله) وهي تصعد الدرج

</B></I>

الجده نورة:أنتي كم عمرك؟
جاردينيا ترفع عيونها لفوق تشوف مسافة الدرج طويلة أو لأ:أممم 26 سنة ليه؟
الجده نورة:ماشالله أجل أنتي وجابر بعمر بعض
جاردينيا:من النحاسة والله..شكله لو عرف يمكن يحذف
نفسه من الصدح مره وحده ..بس أنتبهي لا تقولين له
الجده نورة تضحك وهي تنتقل لدرج الثاني:ههههههه...وش دعوة عاد
أنه مايعرف والله أنك ماعرفتي جابر للحين..ع بالك بياخذك
ومايعرف عمرك
جاردينيا تتقدم لين صار كتفها جنب كتف الجده ومالت براسها:
تتوقعين!!(نطقت بدون وعي وبطريقه أشبه أنها راح تشهق)
ياويلي أجل يعرف أني دكتورة أطفال
حطيت يدي على فمي مدري كيف نطقت هالكلام..أبتسمت
بوجه الجده ألي وقفت وهي للحين تطالع فيني
الجده نورة رافعة حواجبها:أنتي دكتورة نفسه؟!!
يلعن أبو هالوهقه ألي على صح..قعدت أوزع أبتسامات
عندها وبسرعة مشيت وعيوني لصالة الطابق الثاني أبي
أرقعع ألي قلته
جاردينيا:آآآآآآه..ياحلاة الصاله
بس ماشفت غير يدها يوم مدتها وبقوة مسكت قميصي
من ورى وسحبتني لين رجعت لها صح..أنا وش صاير لي هذا كله
عشاني ماشفت أحد لمدة خمس أيام ..صرت أخوووور كل شي
الجده ترفع يدها:أنتي دكتورة ولا لأ؟يعني من راح تخبين
عليه..علي أنا؟(رفعت صوتها) يلا تكلمي أشوف
قعدت تهزني وتهددني تتوعد فيني بعيونها ..ماشفت عجوز نفسها..عليها صحة!!!
ماشالله تبارك الله عين الحسود فيها عووود
جاردينيا:أيه..دكتورة
الجده نورة :ولدي يعرف بهالشي
جاردينيا تقرب أصابعها من بعض وهي تتكلم بثقة والفرح
باين أنه ناط من عيونها:أعجبك ياجدة..قلت له أني مخلصة الثانوية ولا النسبه زفت
أنا بس قلت هالكلمتين ماحسيت غير بضربه جت من ورا راسي ونص
شعري جى قدام..رفعت يدي وقعدت أحك مكان الضربة...ياااااااااااااربي
تقول ناقصة أنا
الجده نورة:فالحه والله وشاطره بعد..فرحانتن بسواتك !! أنا قاعدة
لك في هالبيت قعده وقاعدة للحمار الثاني والله
لا أطلع ألي في بطن كل واحد منكم
جاردينيا أنفجرت ضحك:ههههههههههه,,,واللك أنك صادقة بكلمة
حماااار
الجده نورة بعصبيه:مو الأول أنتي..قدامي يلا
ياااعزي لحالك ياجابر عز الله بترووح فيها ..,والله يعينك مقدما
رحت أمشي وراها لين وصلنا لصالة..فتحت أول غرفة على يسارها
الجده نورة:خذي لك دش وريحي حالك يابنيتي..والعصر بطلع
أنا وياك لسوق تشرين لنفسك ملابس
وقفت عند باب الغرفة وهي راحت نازلة من الدرج..حركت عيوني
صوب السرير ألي كان بنص الغرفة تحت الشباك بالضبط..وعلى
الشباك ستاير ثقيلة حيل والغرفة كانت شبه مظلمة..بس ريحة
المكان ريحة عطر حريمي هادي حيييل..دخلت الغرفة وسكرت الباب وراي..
هالحين كيف باخذ لي دش وأنا ماعندي ملابس ولا فوطة!!
رحت صوب الكبت ألي بزاوية الغرفة على يسار السرير وفتحته..
حطيت يدي على خصري وقبالي ملابس مرتبه فوق
بعضها بناطيل وبلايز ..
من حقته ذي ..؟ وآنا وش علي ..باخذ لي آلي آمشي حالي فيه
ولا رحت السوق وشريت لي برمي هالملابس ..سحبت لي بلوزه ورديه
عليها رسومات من ورى الظهر على بنطلون برمودا ..بدددلع
نفسي دام بو الشباب مو بهينا أبصراحه كرهت حالي بهالقمصان
ذوقه ذوق هنديه ..!حطيت الملابس على كتفي وسكرت الكبت ..
ياحبيلي لجدتهم تدخل القلب ..آفداها بعمري ..لوعندي جده نفسها
والله ماراح آفقد لاحنان آمي ولا أبي ..وآناعندي هالحنان كله ..
طبعاً مافيه حمام داخل الغرفه ..آفففف ..طلعت من الغرفه
وآنا بفضول آطالع كل شي في غرف كثيره هينا ..
آكيد دام عايلتهم كبيره ياحظهم بهالجمعه ..
الحمدالله آني خليت ورد معهم تتونس والله ..
دخلت الحمام وبعد ساعه طلعت وآنا عن جد آحس آني وحده ثانيه
بس وقفت آول ماشفت الجده قاعده على كنب
وقبالها قهوه وشاهي مع صينيه فطور ,,
الجده نوره :تعالي يا بنيتي ..
رفعت آيديني وصرت آمسك الفوطه آلي على راسي لا تطيح والبرد
يحضن جسمي من جديد
جاردينيا تمشي بخطوات هاديه :آحس ببرررد مع آن جسمي قبل شوي حار ..
الجده نوره تآشر للمكان آلي جنبها : تعالي آقعدي جنبي ,,تعالي
عدلت البلوزه آلي لا بستها زين ورحت عندها ..
مريت من عند الطاوله آلي بوسط الصاله وجلست جنب الجده ..
الجده نوره تاخذ آبريق لونه رصاصي :هذا حليب بالزنجبيل
بيد فيك وبقوي جسمك ..
جاردينيا تحط آيديها بين فخوذها :بس آحس آني بثلج
الجده نورخ بمزح : بلا مامن لحم ..جلد وعظم
قامت والابتسامه مرسومه على شفايفها مدري وين ناويه تروح ..
بس آنا عيوني كلها على الفطور والود ودي آكل شي ..
سحبت الكوب وقعدت آشرب منه ..وهي آبتعدت عني بمسافه
وآنحنت ورى وحده من الكنب وجت معها دفايه صغيره لونها آحمر
جاردينيا :آفاااا ياجده .........
الجده نوره ماعطتها وجه: آقول مابي الهرج الكثير آنا ..آكلي وغذي نفسك
آبي ولدي لا شافك مايعرفك ...
رفعت حواجبي لفوق مدري وش قصدها لا شافني مايعرفني ..
مايحتاج يعني عيوني ذي آلي من دون جفون لا تغيرت شلون بتتغير ؟!!هههههههه
حطت الدفايه عند رجولي بعد ماشبكتها على الكهرب ..بس آنا قعدت آتثاوب
بشكل غير طبيعي ’آكلت لقمتين على السريع وآستأذنت منها عشان آرتاح
رحت صوب الغرفه وهي نادت خدامتها عشان تجي تشيل الاواني ..
دخلت وعلى طول رميت نفسي على السرير تمددت داخل اللحاف
وقعدت آحرك رجولي وآفرك آيديني في بعض آبي الفراش يدفا بسرعه
رفهت راسي لسقف وشلت الفوطه من راسي عشان يجف شعري
آبيع عمري كله بس عشان آشوف جابر لو مالقاني فالبيت وش راح يسوي هههههههه ..بيضرب آسداس بآخماس والله ..حطيت يدي على بطني
وآنا آمسح عليه ,,ماعليه ماترستك والله زين بس لا تخاف بعوضك لا آرتحت ..