اسولة
نستناك ياقلبي
‏
عسي المانع خير
‏
في حفظ الرحمن

السلام عليكم ورحمة الله وبركاته
مساء الخير يا صبايا
انا جييييييييييييييييييت
فيس يتنفس بقوة عشان جاية جري
سوري والله على التاخير اسفة جدا جدا
بليز يا بنوتات لا تزعلو مني
وتاخدو على خاطركم
بس كنت مشغولة شويتين
والان جيت اهو

بسم الله نبدا

طبعا الاخ عبد الله ورطني في الموضوع
عجبني الموضوع فعلا فكةر رائعه وخيالية
وانا بشكر دندون من كل قلبي عليها

بس عبود بك لم يكتفي بالتوريطة
بل زاد الامر واختر لي الفترة التاريخية
طبعا مشكور على التوريطه يا بيه
بس انا طلع عيني وانا بدور على خيالي
ادور على خيالي اني ابقى في عصر الفراعنه

كل ما افكر شوية الاقي خيالي بيهرب مني
بسبب اني مش قادرة اتخيل اني مع العظماء دول

المهم قاعده كده ساعة عصاؤي ( ما تيلا يا حاجة ...........فلقتينا.......... خلصي من فضلك)
طبعا دي اصواتكم اللي زهقنا مني اصلا بسبب التاخير
احم احم
المهم وانا قاعده افتركت درس كنا بناخده في التاريخ
وهو عن الاساطير الفرعونيه

الاساطير عند الفراعنه كانت نوع من الادب
يعني هي قصص خياليه
واضح ان خيالهم كان واسع
واعتقد انهم كانوا بيستخدموها لاضافة الرهبه على الملوك العظماء
فيفضل الشعب فاكر ان الملوك القديمة عظيمة مهما حصل

المهم الاسطورة كانت تتكلم عن ايزيس وازوريس
طبعا لا اعلم مدى معرفتكم بهذه الاسطورة التي تحكي عن وفاء الزوجة لزوجها واخلاصها لحبيب عمرها
بحيث انها قعدت تدور عليه عمرها كله

وتحكي ايضا عن خسة ونذاله الاخ الشرير (ست ) وانه قتل اخوه بسبب الحكم والمال والجاه

اصل الاسطورة
ان ست قتل اخاه وخدعه ليضعه في تابوت ورميه في النيل
وان ايزيس فضلت تدور على تابوت ازوريس لغاية ما لقيته
وبقوتها السحرية قدرت ترجع له الروح وعاشت معاه لبعض السنوات
خلالها انجبت حورس
ليعلم ست بمكانهما ويعود ليقتل ازوريس ويقطع جثتة ويدفنها بمحافظات مصر ال14
طبعا ساعتها كانوا 14 بس
دلوقتي ما شاء الله كبروا وتكاثروا وبئوا 28
الله يزيد ويبارك
المهم يكبر حورس بعد كده ويقتل عمه وينتزع منه الملك والحكم

تخيلت اني ممكن اكون بمثل دور ايزيس
وسرت القشعريرة في جسدي لتخيل ان ممكن يحدث لاي فرد من اسرتي شئ لا قدر الله
لتركبني القوى السحرية الشريرة
واقسم اني هاقتل ست ده يعني هقتله

المهم رحت عند ست
ووقفت عاقدة ذراعي ونظرت له بقوة وقلت بلهجة باردة : انت قتلت زوجي .
امتقع وجه ست وتلون بالوان الطيف السبعه ليتنحنح : نعم
صرخت بقوة : انت قتلت زوجي
ارتعد وانتفض : والله بيتهيئلي كده
ارتبك : يعني مش عارف ، هو والله اللي دخل التابوت لوحدة
ده انا كنت بقولهم يجربوا بس
لكن جوزك باى حب التابوت وقال انا مش قايم
فاطرينا نقفل عليه
الظاهر ولا مؤاخذه انه طهئان من وش سيادتك وعاوز يغير جو
وتلاقية دلوقتي وصل للفيوم عوم هو وتابوته

ضيقت عنيا بغضب وقلت له : والله ، طهئان من وشي ، ده انا هطلع عينك
يا تيييييييييييييييت
وانزلت لعنتي عليه انه يتقلب قرد
وطردته من القصر ورحت ادور على زوجي العزيز اللي على حسب الاحصائيات قاله انه قرب يوصل لاسكندرية
المهم سافرت اسكندرية محافظتي الحبيبة لقيته قاعد على الشط بيتشمس حضرته
وضارب الشورت الهاواي والقميص المشجر
صرخت فيه : انت بتعمل اية ؟
نظر الي بدهشه ليبتسم : باخد تان يا حبيبتي تعالي خديلك تان انتي كمان بتبقي جامدة في التان
وعشنا في تبات ونبات
في اسكندرية عروس البحر المتوسط

بس يا صبايا
اتمنى ان القصة تحوز على اعجابكم
وسوري مرة تانية على التاخير

اممممممممم
مش عارفة اورط مين بصراحة
امممممممممم
بيتهيئلي هسيبلك المهمة دي يا بسوم او دندون
اي واحدة فيكم
تقترح اسم
العوافي يا صبايا

خطيرة قصتك اسولة
‏
حكاية اللعنات خطيرة ههههههه
‏
بجد قصص الفراعنة حلوة وغريبه
‏
وانتي تخيلتي الدور مضبوط
‏
‏
يسلمو أسولة ولايهمك حبيبتي
نورتينا ياعسل
‏^^
‏
دمتم بود