صاحب السمو ..

**شموخ السلاطين** · 13-11-11, 03:26 PM

يسلموا شموخ على البارت

نزار مع حبه لرشا بس مراح يسلم واللي راح
يزيد من قوته وجود دلال ويبدا الضغط على رشا

رشا بدا يظهر وجهها الحقيقي واللي مراح ترضى
بالاهانه وبعد الجرح اللي جاها من نزار

ماجد في البدايه مراح يكون متقبل رزان لانه بعتقاده
مجرد طفله وغنيه مدلله

رزان مع العشره راح تبدا تخلي ماجد يميل لها لانها
طيبه وحنونه

ابو نزار انسان كريه واعتقد انه هو سبب اللي صار بين نزار ورشا
بعد ماشكك في رشا بعد معرفته بطبيعت العلاقه بينهم بدا يزرع الشك

في انتظار البارت القادم

**عبق الرياحين** · 13-11-11, 08:25 PM

السلام عليك ورحمه الله وبركاته

اختي شموخ توني قريت الروايه والصراحه حلوه تسلم يدينك عليهااااااااا

نزار ورشا
الا\صراحه كرهته كرهت تصرفاته سلامات وش يحس فيه بغصبها انها تخلع حجابهاااااا وين غاريته وحميته على محارمه ماااالت اذا عدو الرجاجيل عدوك بس عندي احساس ان رشا راح تجيب راسك وتعلمك شلون تمد يدك عليهاااااا وتضربها

ام طارق وام ماجد ياكرهي لكم الله ياخذكم ويفك رش رش من شركم

ماجد ورزاااان
سبحان الله يمكن زواجكم فيه خيره لكم والله يرزقكم السعاده

بو نزار وانت ما عندك تفاهم تشوف وتحاكم وتنزل عقابك ولا عليك من احد شكلك ما صدقت تلزق بنتك باي رجااااال
مالت عليك انت بعد

شموخي ننتظك بفارغ الصبر

**شــموخــ كــبريائيــ** · 18-11-11, 11:14 AM

البارت السابع

جمانه وتسحب رزان ع الجنب:وجبتي راس ماجد اتاريك منتي هينه...و بهيام:عقبال ما اجيب راس اخوه
اكتفت رزان بإبتسامه صفرا
نوره:روان شغلي شي سنع احس شياطيني تبي تردح ردح ماصاحي

شغلوا عبدالله الرويشد اخذ قلبي

اخذ قلبي على غفله .. حبيبي الملح والقبله
احبه واهوا عذبني .. بين اهلي واحس بغربه
عشقني اهوا عذبني .. بين اهلي واحس بغربه
وانا بس شكوتي لله

لو شافني مع غيره .. يموت وتذبحه الغيره
علموني يا خلق الله .. انا منه ترى بحيره
توه الحين يحس فيني .. صحيح الدنيا صغيره
وانا بس شكوتي لله

خذا قلبي هذا الغالي .. حبيبي الزين ديالي
بزاف بزاف عاجبني ... راني مانشيلو من بالي
تولاموغ توجي بورتوا .. حبيبي الزين ديالي
وجوتيم نيمونغ كيتبا .. راني مانشيلو من بالي
الناس كاين هدرو معايا .. وانا كان فكري الحالي
وقاموا البنات يرقصون ويتنكسون و يغنون لرزان والله رحمت حالها شكلها بعالم وبهم اكبر من عمرها.....وقعدوا البنات فيني إلا و ارقص و شغلوا عراقي ومن شفت بنات العمه والله اني قمت مدري احس بشي من اشوفهم و على حظي حطوا طبله مصريه وماحطيت شي فخاطري احلى شي عندي الرقص الشرقي وربي هزيت من خاطر و إلا واشوف زوله داخل عند عمته و بالعكس تحمست اكثر و محد غيري انا و جمانه نرقص لأن الثانيات تعبوا
حسيت بنظراتهم لي في نظرات الغيره والصدمه والإعجاب و يوووه احس نفسي فوق نزار ما شال عينه و اول ما خلصت الطبله سكروا الاغاني عمته حلفت يمين نزار يجلس عندنا اضطريت اجلس جنبه على كثر ما احتقره إلا أني بقهر العذال
دقيت ابتسامه كرست ولفيت له:منت رايح؟تفكني من وجهك
نزار رفع حواجبه:اشوف طالعتلي بشخصيه الواثقه
ضحكت بخفه وغرور:يا حبيبي اللحين بس بتتعرف على شخصيتي
نزار بلا مبالاه:نشوف

تعشينا في ظل رقابه نزار يحسبني ما اعرف اكل بس طنشته وبعدها رحت المغاسل و سمعت مها وما غير تلوي لسانها:شفتي كيف لازقه فيه؟
لمار وتلوي لسانها حبتين:خل تجي دلال وتربيها وتسنعها عدل
مها:الله يخلف بس كانت وحده وصاروا ثنتين
لمار:وربي بيمل ومرده لي وانا اوريك فالوقحه هاذي ياللي ماتربت

ما كنت ناويه اتمشكل عند احد وانا الي بربيهم عدلت نفسي و شفت نزار بيطلع وهي فرصه يا تظبت او تخرب حياتي كلها
رشا رفعت حاجبي بدليل السخريه:حبيبي
نزار...يالله عاد صدقت خل أدبها شوي:عيونه
رشا مديت عيوني وحاسه بالمصيبه تقترب مني
نزار بسخريه:تعالي حبي
رشا بلعت ريقي وقريت ع نفسي ياذي المصيبه الي جبتها ع راسي رحت له و انصدمت حركته شلتني يده كانت بوجهي و الطامه بيده الثانيه تتحسس ظهري واسفل ظهري وقح

نزار شفتها ترجف وعجبني هالشي وحسيت عرق رقبتها بيطلع من كثر ماهي شاده فيه وبسته وطفيت تمردي وهمست فأذنها:تحديتك و فالنهايه انتي جيتي لعندي
و ربي انفاسه و همسه تعصفني عصف و عوده المعتق و ريحه الدخان تشعل كل خلايا جسمي...بلعت ريقي وقابلت وجه وبنفس همسه:بنات عمتك يراقبونا وحبيت اكسر عودهم ما عشان سود عيونك وشي ثاني انت قلتلي تعالي وانت بستني
اختفت إبتسامته ..انا و ألعب بشعري:ما توقعت بالسهوله هاذي اربح التحدي
ضحك وباس رقبتي بقوه بنفس المكان وطلع
عدلت نفسي واخذت نفس وشفت البرنسيسات وسويت نفسي منصدمه:انتوا هنا
لمار بقهر:لا هناك
ساره:شوف شوف اكلت بعقل خالي
يووووه حتى ساره شافت الله يرجني:خير شو صار؟
مدت عيونها:بعد تسأل السباله شو صار شوفي رقبتك كيف خالي مخرمها
غصت في ملابسي من الاحراج و غطيت إحمرار رقبتي بشعري ودخلنا عند الحريم مر اليوم حلو ومدري نزار شو قايل لام طارق وربي ماحطت عينها فعيني ولا قالت كلمه تجرحني وحمدت ربي ماشفت نزار

روان تتنطنت:يوووه بر بر بنروح البر
ام نزار:خلي الخبال عنك شوفي رزان اصغر منك وما ساوت مثلك
روان:اووه ماما هاذي من تزوجت صارت عاقل
رزان وقفت بغضب:اوفف صدعتوني على هاذي الزواجه الله يلعن اليوم الي وافقت عليه
مشت عنهم
روان:يووه كلتني وانا امزح
ام نزار:قلبي حاسسني البنت فيها شي من يوم ما كتب كتابها والبنت متغيره
كنت جايه ادخل جناحي وسمعت كلامهم بدون قصد
روان بتفكير:وانا بعد حتى ماسمعتها تكلم ماجد تلفون ماما اخاف حد غصبها توافق

ارتعت وخفت من كلامهم نزار لو شم ريحه الخبر اخوي بيصير ورا الشمس وبسرعه رحت غرفتي واتصلت بماجد
ماجد:توك تذكرتي عندك اخ
رشا:هههه وانت يعني حتى ب بنق ماتعبر او تعال زورنا ومنها تشوف زوجتك
كشر بوجه:وانا عشانها ما اجي
رشا:ترا البنت مغصوبه حالك من حالها
ماجد:مستحيل يصير الي فبالك توها مراهقه ما اريدها تتعلق فيني وخبال مراهقات اكرهه
رشا تنهدت:ترا عمتي و روان بدأوا يشكوا فالموضوع والبنت ضايعه شوي وتكشف موضوعكم و نزار لو عرف والله مايعديها على خير
ماجد بتعب:رشا ما عاد يهمني شي
رشا بترجي:ماجد والله نزار يطين عيشتنا كلنا طلبتك لاتردني
ماجد بقهر:زين شو المطلوب
رشا:اطلع عندها
مد عيونها:اركب المراهقه سيارتي!!!! عشم ابليس فالجنه
رشا:اهووو علينا
ماجد:اصلا نحن باكر رايحين البر وبشوف خشتها ولزوم اسولف عندها
رشا:من رايح البر؟
ماجد بإستغراب:زوجك عزمنا ما قالك؟
رشا ترقع:اووه شكلي نسيت...وبسرعه:زين بقوللها تجهز نفسها وانت بتمر عليها....سكرتها فوجه وطنشت اتصالاته

وصلني صراخ نزار يالي موتني رعب ورحت له بس سويت نفسي ما خايفه
رشا:خير
نزار:باكر الفجر رايحين البر نحن وعمتي و عمي وعوايلهم واهلك نادي ياسمين تجهز ملابسنا
رشا توني انتبه:لا لا إلا البر
تكتف نزار:خير مدام رشا ما عاجبك البر
رشا حسيت بدموعي:لا لا ما بروح....تركته وسمعت صراخه بس ما اهتميت
هاذي الحشره تتطنشني!! مسكت خصرها بقوه و جريتها لعندي ودقت بصدري صرخت صرخه سكتتها:انكتمي....يلعن خيرها من سكتت قامت ترجف:ثاني مره لا تطنشيني وربي مايحصلك خير وبعدين حركات الدلع والصياح مالتكم ما اريدها
رفعت وجها وتعلقت عيوني بعيونها دموع متكوره بمحجرها....:ليش تصيحي؟
رشا بقهر:ما يخصك
رفعت حاجبي:تقولي ولا كيف؟
رشا:ما بقول شي وشي اسمه بر مابروح

شكلها ماتفهم ما احب حد يتحداني شلتها بيدي وصرخت صرخه اتوقع كل الحاره سمعتها
رشا:نزلني
شلتها وانا اصلا مدري بشو افكر شفتني اروح غرفتها ولبستها غصب عباتها و نزلنا تحت واخيرا ركبتها غصب الهمر
رشا والله قلبي يرقص من الخوف و قررت اقوي نفسي نحن بعمان يعني امان وقطع علينا
نزار:هلا بالنسيب....ايوه جنبي...زين...ماجد يريدك
رشا وقف قلبي:هلا ماجد
ماجد:خبرتيها؟؟
رشا بكذب:ايوه والحين برسل رقمها تفاهم عندها....سكرت من عنده ورسلت الرقم وبعد دقايق نزار نزل سوبر ماركت ورجع معه اكياس...حسيت بمغص فبطني اول ما اتصل بأمه....نحن طالعين بنتعشى برع لاتنتظرونا.....بنام خارج...إن شاء الله...تصبحي ع خير

اظن صار لنا ساعه و انا اسوق والغريبه مانطقت بحرف لفيت اشوفها ولقيتها نايمه نذاله فيني صحيتها
فتحت عيوني بقوه من صراخه وشهقت من شفت المكان:نزار رجعني رجعني البيت
ابتسمت وطنشتها بس يالله جابت العيد من وقفت السياره وبحده:وبعدين معاك؟؟ انزلني اشوف
رشا:ما اريد مابنزل ما على كيفك
نزار نزلت ونزلتها حسيتها مثل الريشه تعلقت بحضني حاولت افكها ما قدرت:ممكن اعرف ليش ذا الخوف
و ماغير تصايح ركبتها السياره وعطيتها ماي بعد مازين بر وبالليل وهي تصيح ومن حسيتها هدت
رفعت راسها بأطراف اصابعي:ليش تصيحي؟
رشا بقهر:يوم كان عمري 9 سنوات كنا طالعين البر و ماما...رجعت تصيح...
مسحت راسي توني تذكرت امها لدغها ثعبان و توفت حسيت نفسي غبي يقال بأدبها وانا ارعبتها بس...
رشا بحرقه وصياح:كان الثعبان بيلدغني وجات ماما تاخذه بس لدغها كان المفروض انا اموت
نزار:بس خلاص لا تصيحي هذا قدر ...
رشا بقهر:و هذا شفتني اصيح ارتحت؟؟
نزار:بس لازم تتعودي ع البر والله بتستانسي من يروح الخوف شوفي بشغل نار وبعدين نزلي
رشا:ما بنزل
نزار:يصير خير

شعلت النار و رحت اطلع الاكياس ودايم احط ملابس احتياط بالسياره طلعت لي جاكيت ولها جاكيت وعطيتها

كرهته والله ماعنده ذره إحساس

و الله حاسس بالذنب بس قررت اعوضها ومن رحت لها
نزار:يلا انزلني بنشوي دجاج
رشا:ما اريد شي اتركني في حالي
نزار شفت رجفتها وتقربت:امنتلك المكان لاتخافي والله مايصير لك شي وانا موجود
رشا:لا لا اخاف
نزار سندت يدي عالباب:شكله عجبك انا اشيلك
رشا خفت يسويها:زين احلف بتحميني؟
نزار:و الله العظيم احميك واليوم و كل يوم

تعبت من كثر ما اصيح والدنيا صاكه فيني بعد اسبوع بطلع من هذا البيت بنت ال17 تتزوج حتى ما اعرف كم عمره وعيت من سرحاني بصوت مسج وصل تلفوني وفتحت المسج الرقم غريب....(الساعه 8 بمر اخذك خلك جاهزه....ماجد)
قرأت المسج مره ثانيه معقوله يكون نفسه ورسلت...(عفوا من ماجد؟؟)

من شفت مسجها حسيت بكل الشياطين تركب راسي لأني اكره حركات المراهقات واتصلت فيها
رزان بصوتها الناعم:هلا
ماجد بعد تتميلح:هلا فشكلك وبعدين بسألك كم ماجد تعرفي؟
رزان تستهبل عليه:سوري شكلك غلطان ما اعرف حد باسم ماجد
و الله والله لو كانت قبالي كان عدمت وجها:باكر الوعد....وسكر بوجها

اقلقتني بحركتها 24 ساعه تتلفت يمين و يسار ساويت شاي يدفينا و خلصت شاويه و تركته يبرد
نزار:انتي ابدا ما تجي بر؟
هزيت براسي لا
نزار:صبيلي شاي
من سمعت صوت الكلاب لزقت فحضنه
بلعت ريقي من الريحه الي عصفت خشمي و جهي بكبره اندفن فشعرها
رشا:يمى كلاب
كنت غايص فبحرها ولميتها فحضني وهي تمسكت فيني اكثر واكثر حاولت ابعد راسها بس هي ملاصقه ملاصقه وترجف
نزار:افااا فحضني وترجفين
مطيت عيوني وبسرعه بعدت عنه بس ملاصقه فيه
نزار:رشا ترا ماتاكل الكلاب
رشا برعب:صوتهم يكفي
نزار بديت اكل والله ترجف ماقدرت اكمل اكل:تاكلين ولا اوكلك
اكلت غصب وعشاني خايفه ما حسيت بطعم الاكل
نزار:زين ليش كل ذي الرجفه
رشا:لان البر مو امان تحصل زواحف و ثديات و طيور وحتى وحوش
انفجرت ضحك:هههههه وبس
رشا:و ماحاسه بالأمان
ماعجبني كلامها:و يعني انا ما اقدر اوفرلك امان؟
صديت عنه:انا معاك احس بالضياع
قهرني ردها:انسدحي اشوف
لفيت له:ننام هنا؟
طنشتها وانسدحت وتلحفت بالبطانيه
جلست يمكن ساعه وميته رعب وتأففت مليون مره والاخ مطنش
واخيرا رشا بخوف:نزار انا خايفه
نزار:تراني بنام صدعتيني
وسكتت فتحت عيوني اشوفها:تعالي جنبي...مد ذراعه
حسيت بخجل ما اريد قربه
نزار:رشا كلامي ما اعيده
رشا بحده:ما اريد
نزار بصرخه:عمرك مابغيتي....

مر الوقت وانا حاسه بخوف:نزار
نزار:هااا
رشا وامسك فجايته بقوه:انا خايفه
نزار احسني اليوم ما تمام وجودها جنبي يقصف كل خلايا جسمي
نزار:قومي بنام فالسياره

من باكر الصبح
يالله قهرتني هالمراهقه فوق ما انا مسكر بوجها رجعت ترسل...وين بتاخذني؟...دخلت قصرهم و حمدت ربي رايحين بر مستحيل اركبها سيارتي واخذت الاند

روان:حركات حركات بعد نركب عند حبيب القلب
رزان بقهر:انقلعي
روان وتلبس شيلتها:امش نطلع ماما خارج تنتظرنا
ومن طلعوا
ام نزار:اخبار اهلك عساهم بخير؟؟
ماجد:بخير......تمنيت ما اشوف حد واخذها بس اللحين انقهرت لا وبعد الاخت ماتتحجب مثل الأوادم
مشيت له امد يدي بس سحبني وباسني من الخدود يوووه احراج
ماجد:عمتي سيارتي كبيره اركبوا عندي احسن من السواق
ام نزار:لا روح انت و زوجتك تاخذوا راحتكم
ماجد:بس
ام نزار:لا تبسس انتوا روحوا
ماجد تنهدت بقهر وشفت الخدامه تدخلت شنطه المصيبه سيارتي
و اول ما ركبنا لبست سماعتها و ارتحت

**شموخ السلاطين** · 19-11-11, 03:13 PM

تسلم الايادي شموخ على البارت

رشا كسرت خاطري وخوفها وبكيها من البر
بس الانسان لازم يواجهه مخاوفه علشان يتغلب عليها

نزار يا الحبيب وش تبيها تقولك انت الامانوالطمان فعلا انت تحسسها بالضياع
وفوقه عدم الامام من تصرفاتك من تصرفات الناس اللي حولك والله يستر من
دلال لا تختم القافله معكم بس شكلها قدرت تجيب راسك بس صبر لين تسلم الرايه

ماجد الله يهداك ماسك مراهقه ومراهقه شفها من منظور ثاني علشان تتقبلها
بس اتوقع بعد طلعت البر ممكن تتطور الامور من ناحيت بينهم او احد الاجهتين هذا اذا ماتعقدت

في انتظار البارت

**شــموخــ كــبريائيــ** · 09-12-11, 10:11 AM

البارت الثامن

و فالبر وتحديدا قدام السياره و اثناء طيران شعر رشا مع نسمات الهواء نزار ماسك خصرها بقوه وبكل عصبيه:تعلين صوتك علي...انتي تعلي صوتك علي؟؟
بالرغم من شده لخصري بقوه حسيته تخدر وبتحدي:و اقص لسانك لو ذكرت اسم سامي
نزار شدها بقوه من شعرها:هذا اخر كلامك
رشا:و قسم بالله لو تتعرض لي او لأهلي و الله و الله بتحصل بالبند العريض و فكل وسائل الاعلام عن حياتي عندك و بأدله بعد
نزار ضحك ضحكه زادت توتري بس انقذنا وصول سياره عمته وكانت تقترب منا وتركني وبسرعه ركبت السياره وقف جنبي و لف راسي لجهته:اسمعيني زين انا بصراحه عنيد يعني لا تحسبي كلامك هذا بيخليني اتركك بالعكس انتي كذا تجبريني اتمسك فيك و ازيد العيار
صدمني بس سويت نفسي مو مهتمه:اعلى ما بخيلك اركبه
نزار:بعدين نتفاهم

سلمت على عمته و البرنسيسات و عرفت راشد و سعد اولاد عمته بعد وابوهم متوفي
راشد....... 27وكيل بوزارة القوى العاملة.
سعد..........24 طيار بسلاح الجو
لمار..........22 في كلية الأداب
مها..........21 في الجامعة العربية
انشغلوا بتركيب الخيم وتذكرت احداث الفجر.....تخيلوا معي نزار ال**** الي مفكر حاله فوق الناس ما يصلي!!!! تعوذت من ابليس و مالي دخل فيه بس قهرني.....بعد ماخلصت مصليه جلست ادعي ومن خلصت.
نزار:كل هذا دعاء لـ سامي
رشا تخصرت:عندك مانع؟
نزار:اللحين انا زوجك المفروض لي الدعاء
رشا رفعت حاجبي:يوم تصلي وتقابل ربك ساعتها يصير خير .....وزدت عيار السخريه:بس لا يكون عندك عذر شرعي
و بعدها حسيت شعري تقطع من كثر ما يشده:انا تقولي عني كذا؟
رشا:لأني بنت تستقوى علي و تفرد عضلاتك كذا تربيت تستقوى عالبنات
نزار بطلها بس بصق فوجها:انا غلطان لأني مديت يدي وإنت هذا قدرك.
مسحت وجهي:هذا بس الي قدرت عليه؟
تركني و راح بس ماتركته و كل واحد يشتم الثاني

رزان:اووف
ماجد:خير
رزان:مليت
ماجد:غطي شعرك
رزان:يوم تكون ولي امري ساعتها تكلم
وقف بريك بقوه
شفته:مجنون انت تسحب بريك كذا
ماجد:يا ذكية انتي على الورق زوجتي يعني انا مسؤول عنك غطي شعرك وبلا كثر حكي.
زران بعناد:ما عـــكيفك
ماجد رفع حاجبه:طيب..............شغل سيارته ولف و غير مساره
رزان:وين رايح؟؟؟؟
ماجد:تغطي شعرك ولا كيف؟؟؟؟؟
رزان:زين ليش اغطيه انا كذا متعودة محد قالي شي؟؟؟؟
ماجد:انتي بالغه ولا لا؟؟
انحرجت رزان وسكتت
ماجد بصرخة:جاووبي
رزان بهمس:ايوه
ماجد بحدة:زين غطيه و خلاص
رزان بسرعه غطته و تحس شوي و بتصيح من صراخه
ماجد:والله لو شفتك مطلعة شعرك ما يحصلك خير فاهمة
رزان بهمس:فاهمة

و بوصول كل العوائل............

ماجد:ههههههههههه اقول جيب السكين وعن الهياط الزايد
سعد:ليش ما تخليه يذبح عاد في الخيمة داق الصدر بيذبح الذبيحة
نزار:هالخبل اعسر ما ينفع
مازن وماسك السكين:بذبح باليمين بحاول ترا خاطري اذبح
ماجد بنص عين:انا اصلا اعرف ليش يريد يذبح بيساويها بطلها يعني
راشد:نعرف نعرف بيتميلح قدام البنات
مازن ويحك راسه بإحراج:ديييم كشفني
سعد ينط من مكانه:يلعن خيرك عليك افكار ياخي ليش ما خطر في بالي خلاص جيب السكين.
مازن يسوي نفسه حزين وماد البوز:الله لنا خذ
ماجد:يااا سالي لاتصيحي خلاص
دقيقة نعرفكم على عم نزار.......
ابو نهال............ام نهال
نهال........18 مقبول في كليه الطب بس بعد ما بدأت
نهى......... 13 ثاني إعدادي
نادر..........9 سنوات

وعند البنات..........
رشا:غير غير الي جاية عند حبيب الغفلة
رزان:انقلعي من وجهي
روان:لا بعد كبرنا و صرنا نغطي شعرنا
رشا:بس خلاص اتركوها في حالها
لمار:لا يكون زوجها غصبها تغطي شعرها شكلها معصبة من جات.
رزان بغيض لــ لمار:لا ماجد حبيبي ما يغصبني على شي بس انا خلاص كبرت و لازم اغطي شعري.
جمانه تصفر:يووووووه فديت الحبيب انا
نهال بخبث:شو سويتوا في السيارة؟؟
رزان:حمارة ما يخصك
رشا....اقهر البرنسيسات و بإبتسامة:عااادي قولي اكيد في حركات النص كم
روان:قبل اعترفي انتي و نزار شو سويتوا فالبر من امس وانتوا هنا
حمر وجهي من العصبية ما من الإحراج او الخجل تذكرت كلامه و حركاته الزفت
سارة:ايوه ايوه هذولا توهم مالكين بعدهم بريئين اعترفي انتي
نورة:يس علمينا ناخذ كورس
رشا بقهر:انقلعوا بس
مها بإبتسامة وشماته:يوووه الأخت متضاربة مع زوجها
رشا:لا يا حبيبتي بس ما احب اتكلم عن خصوصياتي عند اي حد.

مر الوقت سريع تغدينا و كل وحدة ترمي كلام للثانية سواء كانت قاصدة تنرفزها او تتشمت وكذا لحد العصر قمت ولبست تي شرت لون تفاحي من وجاكيت بربري عشان الجو بارد وبنطلون جينز وشوز سبورت كابا...واكيد بخيت من عطر فيمي بوس وعطيت واقي شمس ومرطب شفايف برتقال واخير لبست نظارة فندي.
رزان لبست ستريش اخضر ماسك بدون اكماك فوق الركبة من ولبست جاكيت قصير اسود وجينز و فلات شوز باللون الأخضر من ونظارة شمسية
رشا:يوووه غير طالعة كاشخة الحصة
رزان:ههههههههههه خل نطلع محد قومنا
رشا وافتح باب الخيمة:شووو شكلنا داخلين على حرب انا وانتي مع بنات عمتك
رزان:اسكتي 24 يتشمتوا ما عرف شو شايفات نفسهم بس والله ما اتركهم بس ما اعرف كيف اقهرهم؟؟
رشا بضحكة:خلينا نمشي شووي وبقولك.

ماجد:اوووووووووف جاني حر
سعد ويشلح تي شرته:صراحة احسد مازن على افكاره من اول ما لعبنا كورة شلح قميصه
ماجد شلح قميصه

جمانه :خلونا نجلس هنا شوي تعبت
نورة:هنا الشباب يلعبوا كورة ما يصير
جمانه تهمس لــ سارة:وه وبس شوفي عضلاته
سارة بعباطة:بصراحة انا ما اشوفهم يلعبوا كورة اشوف عرض احلى جسم
نهال:يووووووه ليان اخواااانك شي
ليان..........ايه هين الجسم يخقق و ماشي عقل:هههههههههه
جمانه بحدة: ترا واحد زوج رزان
روان تقهر جمانة:و الثاني سنجل خووذيه نهال
مها:حتى اخواني حلوين
جمانه بقهر:ايوه بناخذ راشد لــ نهال مرة مناسبين
نهال فتتحت عيونها:لا لا كبير راشد وبعدين اعتبره مثل اخوي
جمانه:زين سعد
سارة تهمس لــ جمانه:يوووووووه بتفضحي نفسك اسكتي
نزار يشووت الكورة بقوة وجات في راس سمر

وطاحت سمر:هيء هيء ...........وبدأ صراخها يوصل لسابع سما:مااااااااااااامااااااااااااااااا تعاااااااااااااااااااااااااالي

مازن يغطي اذونه بأصابعه:يووووووه عااد شغلت دوريه الإسعاف
نزار بعصبية:يلعن خيرك ليش ما اخذت الكورة و من ساعة تتبرز مع عضلاتك شف بسببك انا ضربت اختك
راشد:لحقوا عليها.................و ركضوا

سمر متسدحة في الأرض:مااااااااااااما رااسي البقرين ضربوووووني هيء هيء
ماجد ويشيلها من الارض:بس بس ما صار فيك شي
سمر بدموووع و بصراااااخ يفجر طبلة الأذن:اريد ماااااااااااااااااااااااماااااااااااااااااا ضربووووووووووووني
مازن بحدة:بس خلاص اسكتي فقعتي اذونا اللحين باخذك
وصلت رشا و ليان بنفس الوقت
و حضنتها رشا:بس خلاص
سمر و مستمرة بالصياح:ضربيهم اكرهم عورووووووووني تعورت
مازن ويهز اذنه بإصبعه:يووووووه عااد العجوز ما بتسكت
ليان:فضحتنا ماغير تتسدح في الأرض و تصايح
ماجد بصرخة:اسكتي
سكتت سمر بخوووف و ما بقى غير تشاهق و مادة البوز
رشا:طيب قولي من عورك باخذ حقك منهم؟؟
سمر:البقرين
مازن:بقرين في شكلك شو هـــ الكلمات
ماجد:سمر تعورك الضربة؟؟
سمر ومادة البوز:ايووه
ماجد:وقسم بالله اشوتك فــ وجهك اقوى منها لو قلتي بقرين
سمر ورجعت تصيح:هيء هي ء
رشا:بس بس قووولي من ضربك بضربه
مازن:زوجك ضربها بالكورة
رشا:كذااااااااب
سمر بنفس الصيااح:عوووووووورني و ضربني و الله انا ما سويت شي
رشا:زين زين بضربه فقعتي اذونا لياان خذيها عند ماما
سمر:لا قبل تضربيه
رشا وقفت:زين طيب و اسكتي
شفته لابس اصفر كت و شورت اسود واظن شوز من بوما سبوورت و نظارة راي بن على كثر ما كان وسيم انا كان ودي اصفقه بكف اكرهه والله احس حد داعي علي و تزوجت هالمخلوق شاافني و جا لعندي
نزار:what you want?
رشا:بضربك شوي عشان المدام توقف صياحها
نزار:بشرط
رشا:زين موافقه اهم شي نخلص من صياحها
ضربته بخفة وسكتت سمر و اخذتها ليان
جيت بمشي ومسك يدي
رشا:نعم؟؟
نزار:شكلك نسيتي شرطي

مازن:يوووووه احسني صم ما اسمع
ماجد ويشوف رزان وطنش مازن

جمانه:خبلة انتي اللحين زوجك مبرز عضلاته وانت هنا
رزان وتتذكر كلام رشا:هييييي انت لا تتكلمي عليه ترا اغار
نورة بسخرية:كبروا العيال
وصلهم صوت ماجد:رزان
رزان بلعت ريقها:بااااااااااااي بناااااااااااااات

رزان مرة منحرجة لأن الاخ مفسخ
ماجد بإبتسامة:ابتسمي
رزان بإستغراب:ليش؟؟
ماجد بنفس الإبتسامة:الدنيا كلها تتفرج علينا
رزان ابتسمت
ماجد وبنفس الإبتسامة:ممكن تفهميني شو هاللبس السخيف؟؟
رزان تشوف لبسها:شو فيه؟؟
ماجد يمشي يده على خصرها:شووفي مرة لاصق حتى عظامك احس فيهم
رزان انحرجت:شيل يدك
ماجد:تروحي اللحين و تبدلي لبسك هذا
رزان:انا كذا متعودة البس وبعدين انت شو يخصك؟؟
ماجد:شووفي دام اسمك مربوط بأسمي يعني ما اريد حد يقول شوف زوجة ماجد شومسوية و مدري شو
رزان:يوم اصير فبيتك ساعتها تكلم................و تركته

رشا بخوف:وين رايحين؟؟؟؟؟؟؟
نزار:سكري باب السيارة
رشا سكرته و نزار تحرك بالسيارة
نزار:اليوم بنام فالبر
رشا:هااااا لا لا نويه ما رح انام هنا مستحيل بليز نزار ما اريد
نزار:و لوسمحتي ما اريد اسمع صراخك بالليل خلك طبيعية
رشا وجاتها حالة الهستيرية و تسكر اذونها:لا لا بنرجع البيت مارح انام هنا لا ما اريد نزار
وقف سيارته و مسح وجه:انكتمي شوي
رشا:لااااااا ما اريد نزار حراام عليك يوم واحد وخلاص ما اريد
نزار يمسك يدها:اسكتي وغصب بتنامي هنا
رشا وتفك يدها بقوة:انا ما دلال تغصبني على شي.
نزار بحدة:لا تجيبي طاريها
رشا:اوووووه صح نسيت ما تقدر تفرد عضلاتك عليها وترجع لي
صفعها بكف سكتها..........ومسكت خدها:حقير

سعد.................ياااااااانااااس غير هالعيون الذباحة........
ليان و بداخلها:بسم الله هذا ليش كذا يشووووف.
مسك كتفها وشدها جهته
رزان بإحراج:بطل شوو فيك الكل هنا
ماجد:كيفي ولبسك بدليه اتركي المراهقة عنك هذا ما لبس وحدة قريب تتزوج
رزان:زين بطل وقبل لا تكلمني البس تي شرتك
ماجد و يرفع حواجبه:ما لك دخل بملابسي و لاحياتي
عصبت رزان:يعني انت الي على كيفك؟؟اقولك بطل ترا والله بصرخ
ماجد:جربي
رزان بصراخ:ماااااااااااااااااااماااااا
ماجد بطلها:غبية والله انا اربيك يا وقحة
رزان:محد وقح غيرك ليش تدخل المسبح بدون ما تستأذن خربت حياتي
ماجد بعصبية:انقلعي من وجهي...................خافت منه و تركته.

نزار:انزلي
رشا قبل لا تنزل من سيارته:والله بتندم على الكف هذا
نزار بضحكة:خوفتيني ياااحلوة.................

بالليل احتل الرعب قلب رشا كانت لابسة قميص تركواز وجاكيت ثقيل مرة و لابسة البنطلون العريض جينز و فلات اسود
ليان بهمس:زين قولي لــ نزار ترجعوا البيت
رشا...بلاك ما تعرفي الأخ مد يده ومستحيل اكلمه
لمار:اقول رشا ما ناوية تكملي دراسة يعني عشان تتناسبي مع مركز نزار؟؟؟
رشا بقهر:اللحين اتعلم فرنسي وبعدين يصير خير
روان:وانتي الثانية لايكون تحملي و تدرسي ثالث ثانوي.
رزان ما فهمت:هااااااا
سارة:ايوه احس ما ينفع حامل وتدرس والله تتعبي
جمانة:يووووووه اشك تجلس سنه بدون ما تحمل ما شفتي كيف لازق فيها
نورة:هههههههههههههههههه على فكرة ترا ماجد احلى من مازن
جمانة شافتها بنظرة.
و اتصل نزار بــ رشا بس طنشته
و اتصل بروان:هااااااي نونو....ههههه زين كليتني .....جنبي.....رشا حبيب القلب يريدك
اخذت التلفون بقهر:هلا حبيبي
نزار:اللحين حبيبك قدام البنات المهم تعالي
رشا:وين؟؟
نزار:انا الحين بجي اخذك من الخيمة.
رشا:بس.......طوووط سكرها بوجها........:اوكي بس دقيقة اوكي انت تعال...........هههههههه باااااااي

نزار يتحن حن بصووت عالي
لمار:محد غريب تعال نزار
شافتها بنظرة صاروخية رشا
روان و تقلد لمار:تعال نزار محد غريب ما شفناك من ساعه
وصلهم نزار لابس قميص هاي نك اسود و جاكيت بني و بنطلون بيج بوس ونايك شوز ........ومحد غير لمار ترد عليه محد لحق يقول شي

نزار يمد يده لـــ رشا:مشينا؟؟؟؟
رشا وقفت وشبك يده بيدها
رشا:لحظة البس شيلتي
نزار:بنجلس قريب من خيمتكم محد بيشوفك
رشا:باخذها احتياط...........وطلعوا
و اول ما طلعوا بطلت يدها بقوة:خير
صفعها بقوة
مسكت خدها من الصدمه وبدأت دموعها تنزل:ليش؟؟؟
نزار:تحسبي اخبارك ما توصل لي
رشا:شو سويت؟؟
نزار:مادة لسانك على اختي سميحة
رشا:والله ما قلتلها شي
نزار ويرص بين سنونه:لاتحلفي يا***** وبعدين انا واثق اختي ما تكذب انت الي ماعرف كيف تربيتك ال********
رشا تركته وركضت بعيد خلاص بعد كلامه الجارح ما تحملت شي...... وعدي صرت اكثر مصرة انفذه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

\|[ فعاليات منتديات ليلاس]\|

الإهداءات

صاحب السمو ..

المنتدى العام للقصص والروايات