السلام عليكم ورحمة الله وبركاته
كيفكم يا حلوين ؟
اخباركم
اعذروني على التاخير
اترككم مع الوصفات
يااااااااااااااااارب تعجبكم
اتفضلوا

طاجن العكاوي

المقادير:
1 ك عكاوي
1/4 ك بصل اورمة
2 بصلة كبيرة الحجم
2 معلقة سمن بلدي
بهارات
تسلق العكاوي في الماء ( حطي فصين مستكة متوسطين الحجم ولما تسيح المستكة بتحط العكاوي ثم ورق اللورى والحبهان و ضعي الماء لعمل الشوربة وملح وفلفل وبصلة صغيرة ) لمدة ساعة ونصف او الي ان تنضج اللحمة
هاتي صينية متوسطة الحجم وضعي بها السمنة
وقطعي البصلتين الكبار لشرائح وحطيهم فيها
صفي اللحمة من الشوربة وحطيها في الصينية والبصل الصغير شقي راسه فقط وضعيه مع اللحمة
رشي التوابل عليهم ( ملح وفلفل وبهارات اللحمة وزعتر وجوزة الطيب وحبهان ناعم مطحون وورق لورى تاني )
قلبي الصينية جيدا ثم رشي قليل من جوزة الطيب على الوجة
وضعي كبشتين من الشوربة المعدة سابقا وادخليها الي الفرن برضه حوالي ساعة ونصف او حتلى ينضج البصل وتتسبك الشوربة وتتحول الي صوص



طاجن البامية باللحمة الضاني


بصوا ياصبايا انا معلمتهوش اليومين دول
بس انا مجربااه كتيرررررر اوي قبل كده
بسلق اللحمة واول ما تستوي بشيلها من الشوربة ( طريقة اللسق زي بتاعة العكاوي بالظبط )
بجيب حلة اوطاجن فخار ( بجد بتطلع فية روعة )
احط فيها سمنة بلدي واضفيلها بصلة مبشورة واول ما البصلة تدبل احط شوية توم مفروم صغيرين واقلبهم في السمنة الي ان يحمر البصل والثوم
احط اللحمة واحمرها فيهم وشوية شربة عليها عشان متتحرقش البصلة
وبعدين احط البامية واقلبهم جميعا ثم اضيف عصير الطماطم
واتركها تغلي ، اول ما تغلي اشيلها من على النار واحطها في الفرن واسيبها لغاية ما تستوي
ممكن لو قليتي لونها فاتح تضيفي معلقة صلصة حتخلي لون الصلصة محمر وجميل



الخضار بالباشميل

المقادير :
1/2 كيس بسلة وجزر
2حبة بطاطس متوسطة الحجم
3 حبات كوسة متوسطة الحجم
لحمة مفرومة معصجة

اغلي البسلة والجزر في ماء الي ان تقارب على النضج ضعي البطاطس والكوسة في اخر غلوة
صفي الخضار و ضعية بصينية متوسطة الحجم مع اللحمة وقلبيهم جيدا

طريقة البشاميل
معلقة سمن بلدي كبيرة وشوية زيت صغيرين
تقدح على النار ثم يوضع بها 4 ملاعق كبيرة دقيق
يقلب الدقيق مع السمن الي ان يصفر لونه
ضعي عليه 2كوب لبن ( 1/2 ك لبن )ويقلب بسرعة
(يعني وانتي بتحطي اللبن تقلبي بايدك التانية عشان الدقيق ميكلكعش )
هدي النار وقلبيه الي ان يصبح سمك البشاميل متوسط الحجم
ارفعيه من على النار
هاتي بيضة كبيرة او بيضتين صغيرين واضربيهم مع ملح وفلفل وحطيهم في البشاميل وقلبيهم بسرعة فيه
كدة البشاميل جاهز

في طريقة تانية للخضار
للي بتحب الاكل متسبك اوي
بدل ما تسلقي الخضار
هاتي حلة متوسطة الحجم وحطي فيها معلقة سمنة وشوية زيت وبصلة صغيرة مبشورة
دبلي البصلة وبعدين حطي البسلة والجزر وشوحيهم
وضعيلهم قليل من الماء ، بعد شوية حطي البطاطس وقلبيها معهاهم وقليل من الماء وفي الاخر حطي الكوسة وحطي برضه قليل من الماء الي ان يقارب الخضار على النضج
وحتلاقي المية نشفت عشان مكنتش كتيرة
حطي معاهم اللحمة المعصجة وحطي الملح والفلفل الاسود وقليل من بهارات الطبخ والبطاطس وقلبيهم كويس
وبعدين حطيهم في الصينية المتوسطة الحجم وصبي عليهم البشاميل
ممكن ترشي فوق وش البشاميل شوية جبنة رومي
بس مش كتير حتعمل ريحة حلوة
دخلي الصينية الي الفرن واتركيها الي ان يتماسك البشاميل
ولعي الفرن من فوق عشان وشها يحمر
وبالهنا والشفا



محشي ورق العنب

المقادير:
كوب رز بلدي
حبة طماطم متوسطة الحجم ن حبة فلفل رومي اخضر متوسطة الحجم
بصلة مبشورة متوسطة الحجم
خضرة للمحشي (شبت وبقدونس وكزبرة)
لحمة مفرومة معصجة وناضجة
معلقتين سمن بلدي
ضعي قدر على النار واقدحي بيه السمنة ثم ضعي البصلة المبشورة وقلبيها الي ان تدبل وتدخل الي الاصفرار
حطي الطماطم والفلف المقطعين رفيع اوي و قلبيهم مع البصلة لغاية ما يدبلوا
ضعي كمية اللحمة المفرومة اللي انتي عايزاها
وقلبيها معهاهم وبعدين حطي معلقتين صلصلة كبار
وقلبيهم وشوية مية صغيرين وقلبيهم الي ان تتسبك الخلطة مع الصلصة حطي الخضرة المقطعة رفيع وقلبيه بسرعة فيهم واول ما تدبل ارفعي الحلة من على النار واضيفي الارز المغسول جيدا
قلبي الخلطة مع بعض جيدا وضعي الملح والفلفل وبهارات الطعام وممكن تضيفي مكعب مرقة فاين فودز لحمة او فراخ على حسب الشوربة اللي حتضفيها للمحشي
وابداي احشي ورق العنب ورصية بالحلة ( حطي في قعر الحلة اعناق ورق العنب وبصل مقطع لشرائح كبيرة زي ما قالت هموس قبل كده عشان لو لقدر الله اتلسع ميوصلش لورق العنب بس انا بحط بصل عشان البصل بيدي لورق العنب او أي محشي ريحة و طعم جميل) لغاية متخلص الخلطة
حطي حلة ورق العنب على النار وضيقلها كوب من الشوربة ولو كان الكوب مغطاش ورق العنب حطي شوية تانيين بحيث انه الشوربة تغطي وش ورق العنب
واول ما تغلي الشوربة هدي النار عليه واتركيه الي ان ينضج

دي صورة الحشوة قبل وضع الارز



ودي بعد ما حطيت الارز



ودي صورة المحشي بعد ما استوى




الممبار ( بطريقة حماتي )
نفس مقادير حشوة المحشي بس مش بنحطها على النار
يعني بخلط كل الاشياء مع بعض على البارد ونستبدل السمنة بالزيت ونحشي بيهم الممبار
حطي حلة كبيرة على النار و املي نصفها ماء واتركية ليغلي
عند بدء غلو الماء اسقطي فيه الممبار واحده واحده
الي ان تخلص كمية الممبار كملي الماء الي ان يغطي وش الممبار وسبية يستوي
لما بيستوي الممبار شلية من الماء وضعيه بمصفاه كبيرة
حطي طاسة كبيرة اوحلة وضعي بها كمية من الزيت كبيرة
واقلي فيها الممبار بس خلوا بالكم عشان بيفرقع كتير
لما يحمر من الجنبين طلعيه وقدميه



صدور الفراخ بالبسلة والارز

المقادير :
1/2 ك صدور بانية متبلة ( التتبيلة العادية ملح ، فلف ، زعتر ، كاري ،بهارات فراخ بصل جاف ، عصير نصف ليمونة اتركيها في التتبيلة نصف ساعة )، 2حبة طماطم متوسطة ، فلفل رومي اخضر و1/2 حبة احمر و1/2 حبة اصفر ، 1/2 كيس بسلة
2 كوب ارز بسمتي ، مغلف توابل رز ميلرز بطعم الدجاج

اغسلي الارز وضعي 2 معلقة سمنة وقلبية فيها ثم ضعي 2 كوب ونصف ماء ثم توابل الميلرز وقليل من الملح
واتركية لينضج

هاتي صينية او طاسة وضعي بها 2 معلقة سمن بلدي كبيرة وقليل من الزيت و ضعي الفراخ البانيةواول ما يتغير لونها للابيض اقلبيها ولما تتغير الو شالتاني للابيض شليها من على النار
في نفس الطاسة ضعي بصلة صغيرة مبشورة وعندما تدبل
نزلي البسلة ثم الطماطم ثم الفلفل وقلبيهم مع البصلة
وضعي قليل من الماء لما ينشف الماء رجعي الفراخ تاني
وضعي ملعقتين من الصلصة ودوبيهم في الخضار والفراخ ثم ضعي قليل من الماء وهدي النار واتركيها لتتنضج

اغرفي الارز الناضج بطبق كبير
ثم ضعي عليه صدور الفراخ


ثم رشي عليه الخضار كدة




اصابع الجلاش الذهبية


الحشوة : صدور فراخ بانية مقطعة قطع صغيرة ومتبلة
بقية البانية اللي فوق ، فلفل اخضر رومي مقطع قطع صغيرة ، وزتيون مقطع الي قطع صغيرة
لو حطيتي فلفل اخضر حطي زيتون اسود
لو حطيتي فلفل الوان حطي زيتون اخضر
ده عشان الالوان يجماعة بتفتح النفس
معلقتين جبنة بطعم الشيدر لافاش كيري او أي نوع جبنة مطبوخ ذائب
حنحطها مع معلقة سمنة على النار وبعدين نحط الفلفل
ولما الفراخ تستوي حطي الزيتون ، متسبيهوش كتير في النار عشان ميمررش ، يعني يشم النار بس
ارفعي الحشوة من على النار وقلبي فيها الجبنة
ثم احشي الجلاش واعملية صوابع ورصية في صينية
وادهنيه زيت وحطية في الفرن ولما يستوي ولعي علية الشواية عشان يحمر من فوق
حشوة اخرى ( انا مجربها برضه )
لحمة مفرومة معصجة وبسلة وجزر وفلفل
حطي معلقة سمنة وبعدين ضيفي البسلة والجزر وحطي عليهم قليل من الماء ، ولما يقاربو على النضج وينشف الماء حطي الفلفل وقلبية معاهم الي ان ينضج وتتسبك
احشي بيها الجلاش



الحلو
بم اني مش بحب الحلويات
مش حقدر احط حاجات كتير
بس انا عملت صنف حلويات اتمنى يعجبكم
تارت الكريمة بالفواكه
ده يجماعة افتكاسة مني
بمعنى انه بنفس طريقة التشيز كيك بس من غير تشيز
اصلي مبحبش التشيز كيك بس عجبتني الوصفة وخصوصا انها سهلة
المقادير
علبتين بسكوت شاي او علبة كبيرة
4 معلاق سمنة بلدي كبيرة ( ممكن تستبدل بالزيت عادي )
2 ظرف كريم شانتية
طبق من الغويط قشطة او كريمة لباني
2 معلقة سكر مطحون
2 معلقة لبن
فواكه للتزين

حطي البسكويت في كيس بلاستيك وافرميه بالنشابة
لغاية ميبئى معظمه ناعم افرغية في الصينية اللي حتعملي فيها التارت ويفضل تكون متحركة او تفتح من الجنب
اضيفي السمنة السايحة واللبن او ممكن تضيقي شراب من ماء الفواكه المعلبة لو عندك
اعجينيهم في البكوست واضغطي البسكويت وافردية بالصينية كلها
ضعيه في التلاجة على الاقل 6 ساعات
ممكن تبيتية من بليل قبلها بيوم




الكريمة
افرغي ظرفين الكريم شانتية مع القشطة او الكريمة
والسكر واضربيهم بالمضرب الكهربائي
لو حسيتي انها تقيلة مش هشة يعني
ضيفي قليل من اللبن لغاية ما تحسي انها بقة هشة
صبيها على البسكويت وافرديها على السطح
ثم زينيها بالفواكه
ادخليها الي التلاجة مرة اخرى
لمدة لا تقل عن 3 ساعات او لما تحسي ان الكريمة مسكت




بالهنا والشفا يا صبايا
واتمنى ان الاصناف تكون حازت على اعجابكم

اخبااااركم صباااايا ،،

زيزفونتي ،، الزهايمررر ضااارب من زمااان ،، بس ساااعااات يوصل حده ،، والظااهر امس كااانت فيوزااتي ضاااربه ،، والله لوتشوفيني احوووس في الصفحااات والمواضيع ادور ،، هههههه

المهم ،، اليوووم سويتها لج ،، وصورررت بالتفصيل ،، بس عاااد انتظررري لين انز الموضوووع ،،
الصراااحه اليووم طعم المضروبه رهيييب ،، تذكرتج ،، قلت ليتج عندي او اقدر ارسل لج ،،

شوشو ،، اسم الله عليج من الصداااع ،، ولا يهمج ،، بنزيد الردووود والصفحااات ولا يجيج الصداااع ياااعمررري ،،،