السلام عليكم ورحمة الله وبركاته ...

ياسلااااااااااااااااااااااام على الفطووور والحركات ...

ماشاء الله عليكم مبسوووطين مع الموضوووع ...

مبرووووووووك التثبيت بجد تستاهلوا حبيباتي ...

يسلموووو أم رنووو والمشرفات الغاليات ...



هموستي منكوشتي ....

سويت طبقك هذا واعجب الخوال <<قلت عشان تدرون اني مو هينة <<ماجبت طاريك أبد..
قلت أنا أخترعته <<لبى قلبي ما أنصبني ,,,




بس أكيد ما احرقته مثل بعض الناس <<وين الباب أبي أنحااااااش ^_^


ويسلمووو على العصير يا بعد بعض الناس والله ....

فديتك أنتي وشوشتك ...


زيزفونتي ...لبى المرة الذربة ...

ماشاء الله عليك طباخة وش زينك ...

ولاتنسين المشاوي <<نشــــــــــــبة ^_^


هالتي الغالية ... وجميع الحلوااااات ...

قرب وقت سفري ورجوعي على بيتي ..

وبعدها انتظروا فطوووري ...



والحلا اللي راح أسويه بعووون الله ..

راح يكون تطبيق لحلا مسويته الهالة فديتها ...


كونوا بخير ,,,



صدووود ’’’

مساء البركاااات في شهر الرحمات ،،،

ياعمرررري عليكم والله ،،، تستاهلووون كل خير ،،، جد استانست وانا اقرا ردودكم ...

شوشو ،، ياعمرري على اللي حريصه ،، على نصفها الثاني ،، الله لايخليكم من بعض ،، بس الحمد لله انكم دليتو الدرررب ،، ترى قسمنا مايضيع ،، وشحلااااته ودهاليزززه منوررره وماتخوف ،، يعني خلكم متواجدين على طووول ،، مانبي هالطله تختفي بعد رمضان ,,, *~*

ورده ،، ياعمررري على تتكلم مصررري لأسووووله وتشررررح لها ،،، بس اشوفج ماحصلتي ترجمه لدبس التمر ،، هههههههه

صدوددددي ،،

منورره ،، ترجعين بالسلامه متنورررين بيتج ياااارب ،،، وبانتظااار التطبيق للحلا على أحر من الجمر ،،

الا صحيح ،، جربتي العصير ؟؟

تحيااااتي لأحلى ،، ثلاثي مررررح انضم لقسمنا ... ههههههههه
الله لا يحرمني ولا من وجودكم المميز ،،،
*

بسم الله الرحمن الرحيم


وبه نستعين >>> من اولها هههههههههههه


اليوم جايبة لكم اطباق جديدة فيها شوي من ابتكاري يعني اشوف اكل المطاعم واسرق

الفكرة منهم واحاول انا اصلحها بنفسي ... ان شاء الله تعجبكم وتنال على رضاكم




البيتزا بالدجاج المدخن :



العجينه هي نفسها السابقه في هالصفحه


حصريا فطوركم اليوم على شوشو وعشرة ايام على زيزو


وراح تستمر معاي على طول الا اذا فيه وحده ماناسبتها هالعجينه تبلغني راح اعطيها العجينه التقليديه

الصوص كلنا نعرفه مااعتقد تحتاجون اني اكتبه واذا تبونه ماعليكم الا الطلب وبس : )

الدجاج المدخن :

اقطع دجاج صدور الى مكعبات صغيرة شوي واحمسها في زيت زيتون حتى يعطيها نكهة مختلفه

وحبة فلفل احمر صغير واتركها الى ينشف ماءها مع رشها بالملح والفلفل الاسود والاوريغانو ثم اخليها

شوي حتى تكتسب لون ذهبي من التحميس وبعدها اطفي النار

واحط القدر على جنب واوسع بنصه واحط فحمه مشتعله واضع عليها القليل من الزيت واقفل

القدر على طول وبكذا نحصل على الدجاج المدخن
.
.
.
احضر الصينيه التيفال وامسحها بالزيت ثم افرد العجينه فيها واخلي لها طرف بسيط على جدار الصينيه

ثم امرر عليه الشوكه حتى نعطي العجينه تهوية وتطلع خفيفه

ثم احط صوص البيتزا على اطراف الصينيه والنص لا اخليه فاضي ثم احط الفلفل الرومي الاخضر والاحمر

والفطر والزيتون الحلقات ( الافضل ايديال لان له طعم مميز غير المقطع الجاهز بالعلب ) والدجاج المدخن و

جبنة المازرولا المبشورة وارش على الوجه اوريغانو او بهارات ايطاليه حسب الموجود عندك ......

امسك النص الفاضي واقطعه بالسكين الرول الخاص بالعجين الى ثمان مثلثات وامسك كل مثلث والزقه

بالطرف الي خليته على جدار الصينيه مثل ماتشوفون بالصورة :









ثم ادهن المثلثات البارزة بصوص البيتزا حتى تكتسب لون مختلف عن لون الجبنه







وبعدها ادخلها الفرن على طول وتطلع بالشكل هذا :







وعليكم بالف عافيه



السويسرول المالح :


نفس العجينه السابقه افردها على سطح مرشوش بالدقيق وتكون بسمك متوسط حتى ماتتقطع عند

حملها لوضعها بصينيه الخبز ......

ارش على سطح العجينه جبنه تشدر مبشورة ماعدا الاطراف حتى يسهل لفها واغلاقها وحملها







ياحبذا يكون اكثر بس انا بصراحه كسلت ابشر مرة ثانيه بعد ماطلع شوي *_*

ثم احط الخلطه على فوق الجبنه والخلطه هي :

تونه - فلفل رومي اخضر واحمر - زيتون حلقات - بصل شرائح او بصل اخضر - ذرة - بقدونس او شبت -

سماق - فطر -

او اي خلطه تحبوها يعني ماتتقيدو بهالخلطه وبرضه بعدوا عن الاطراف








ثم تلف العجينه مثل السويسرول وتحمل الى صينية الخبز ( عادة انا واختي نحملها حتى ماتتقطع )

ويرش الوجه بالبيض او الحليب ثم تدخل الفرن على نار متوسطه حتى تحمر العجينه من الاسفل

ثم تحول النار الى اعلى لتشقير الوجه









خلية النحل :


هالطبق مااحبه واحسه مادري شيبي من الدنيا بس اختي حلفت اليوم انها تسويها وانا واياها

طاق وطقيق الى ان غلبتني فقررت انزله لكم يمكن فيه احد يحبه

نفس العجينه السابقه >>> ادري الحين بتشوتوني مع هالجمله المكررة خخخخخخ

ندهن الصينيه بالزيت وناخذ كورة صغيرة من العجينه ونفردها على سطح الكف ثم نحط بوسطها

جبنه ( لافاش كيري المثلثات ) او جبنه بيضاء وبعدها نحكم اغلاق هالكورة ونحطها بنص الصينيه

ثم نكرر العمليه بالتكوير ورص الكور الى ماتتعبى الصينيه و ادهني سطح الكور بالبيض او الحليب

ورشي على الوجه حبة سوداء ومن ثم ادخليها الفرن على نار متوسطه الى ان تنضج ثم رشي

عليها القليل من الشيرة وغطيها بنايلون لتحافظ على ليونتها








رولات التوست :



الخلطه : بصل - زيت - ثوم - زنجبيل - دجاج صدور - فلفل رومي ملون - ملفوف شرائح - صويا صوص

ملح وفلفل اسود

يحمس البصل مع الزيت ثم الدجاج الى يستوي نص استواء ثم نضع الباقي

نفرد التوست بعد ازالة اطرافه وندهنه بالجبنه السائله ثم نضع على طرف التوست القليل من الخلطه

بعدها نلف الرول ونرصه بطبق التقديم او ممكن ندهن الطرف ثم نغمسه بالسماق او البقدونس








اكواب البيف باستري :


ندهن صينية الكوب كيك بالزيت

نفرد مربع البيف باستري ثم نقطعه الى نصفين او حسب كبر الصينيه ثم نغلف كل كوب بالعجينه المفرودة

مع ازالة الاطراف الزايده عن حد الصينيه ثم نحشوها باي حشوة او من الحشوات السابق ذكرها

( دجاج مفروم يحمس بالزيت ثم يوضع عليه البصل المقطع صغير وزنجبيل وثوم مفروم مع خضار مشكله

بطاطس وجزر مكعبات صغيرة وذرة وملح وفلفل اسود )

تدخل الصينيه للفرن على نار متوسطه الى ان تشقر الاطراف ثم بالملعقه يوضع على وجه كل كوب :

( 4 ملاعق جبنه سائله مع علبة قشطه )

تعاد الصينيه للفرن ولكن على نار الشوايه لتشقير الوجه







السبيرنغ رول على طريقتي :



اسلق دجاج صدور مع وضع بضع حبات من الثوم وبصله بكبرها وملح فلفل اسود حبوب وهيل

ثم ارفع الدجاج وانتفه الى شرائح طوليه صغيرة

احمس بصل كثير الى ان يشقر ثم اضيف الدجاج المنتف واحمسه معه مع وضع ملح وفلفل اسود وملح

الليمون فقط مع التذوق باستمرار حتى تتضح الحموضه بطعم الدجاج

ثم ارفعه من على النار واضع كمية كبيرة من الكزبرة الخضراء المفرومه والبقدونس المفروم وكميه اقل

من النعناع لان نكهته قويه ولونه يسود على طول فاقلل كميته حتى ماتسود الخلطه بسرعه ثم اضع

كميه كبيرة من الجبن السائل والمايونيز واحرك الجميع حتى احصل على مزيج متجانس

الان ناخذ شريحه من السبيرنغ رول واجعلها بشكل معين واضع الحشوة في احد الاطراف وبالطرف

المقابل ادهنه بالفرشاه بــ ( الدقيق والماء ) ثم الف الرول من جهة الدجاج واغلق الاطراف مثل الورق

عنب الى ان ننتهي بالطرف المدهون بالدقيق ثم اخذ الرول واغمسه بالبيض وبعدها بالبقسماط

واحفظه بالفريزر او اقليه على طول








.
.
.

الحلو بصراحه انا ماسويت شي بس بحط لكم كيكة التمر وكريم كراميل بالفرن من غير صور



كيكة التمر :


اصبع زبده بحرارة الغرفه - كاس تمر خلاص - 3/4 كاس سكر - فانيلا - 4 بيضات - كاس دقيق - باكينج بودر

* البيض يخلط جيدا

* يخلط السكر والزبده والفانيلا

* يضاف خليط السكر والزبده الى البيض ويخلط الجميع حتى يتجانس

* ثم يضاف الدقيق ويخلط ثم الباكينغ بودر ثم عجين التمر ( البلح )

* يذوب التمر في قدر على النار مع القليل من الماء حتى نحصل على خليط متجانس وهو الذي يضاف

للدقيق

* تدهن الصينيه بالزيت والدقيق ثم يوضع عليها الخليط وتدخل الفرن حتى تنضج





كريم كراميل بالفرن :



يذوب السكر على النار حتى يشقر ثم يصب بقوالب التقديم او بقالب كبير للتقديم

يخلط بخلاط العصير :

علبة حليب نستله المحلى الكبيرة - ملئ العلبه مرة ونصف ماء - 4 بيضات - فانيلا

يصب الخليط على القوالب ثم توضع القوالب بصينيه بحمام مائي وتدخل الصينيه الفرن

وتترك تقريبا ساعه او ممكن تزيد شوي ويفضل بعد نضجها تركها بالفرن حتى تبرد من نفسها

ثم ادخلها الثلاجه حتى وقت التقديم











طبعا زي ماانتو شايفين الكريم كراميل مخرم شوي زي الجبنه الفرنسيه وهذي دلاله على انها

كويسه لانها بالفرن ...... يعني الي بالفرن تطلع كذا مو زي العاديه






خلاااااااص يكفيكم فطور اليوم بعد كذا بتعانون من التخمه خخخخخخ

هذا اصلا لو اعجبتكم الاطباق *_*

هموس يسلمو ياعسل على هالفطور الحلو ...... اليوم اعفاء يعني ......والله رحمتيني لاني من شوي بس راجعة من برة ...

في كذا حاجة عجتني .... وخصوصا البيتزا بالدجاج شكلها رهيبة .....


تسلم ايدك لاخلا ولا عدم ويلوموني بحبها أحلى بوسة لاحلا هموس