البــارت السادس

في بيت أبوفهد

الدنيا مقلوبه فيصل وفهد رافضين الملكه وأبوفهد مصر عليها ورفيف قلبها طاير من الفرح حبيبها ألي ياما حلمت فيه اليوم بتصير ملكه مع خوفها من حبه لجمانه هي تدري أن جمانه تفوقها في الجمال وقلب وليد ملك يمينها
لكن هي قلبها ملك يمين وليد ولو بيدها ماحبته وهي تدري أنها خسران

عند رفيف كانت روان معها في غرفتها
روان بعقل:مدري كيف وافقتي أنتي تدرين أنه مايحبك
رفيف ببتسامه حزينه:صدقيني مو بيدي قلبي يحبه ومو راضي بغيره
روان:أخاف بكره تندمين على حبك
رفيف بهدوء:صدقيني من الحين أقولك أنا ندمانه على حبه لكن وش يفهم القلب
روان بحزن لحال أختها قالت:أرفضي وقلبك مصيره بينسى
رفيف بسخريه:إذا وليد نسى جمانه أنا أنساه
روان بقهر:مدري شلون تحبين واحد يحب غيرك
رفيف وهي تسكر عيونها قالت بحزن:هذا ألي ذابح أختك
على هالكلمه دخل فيصل
فيصل وهو يطالع في رفيف ألي ماحست بدخلته قال بقهر:موته بكرامه خير من عيشه من غيرها
رفيف أفتحت عيونها وطاحت عينها في عينه وكانت عيونه حمر من القهر
فيصل بنفس القهر:بتندمين
رفيف ماقدرت تتحمل كل ألي في البيت يلمونها أنها وافقت على وليد ونزلت دموعها على خدها
فيصل بهدوء:روان أتركيني
روان وهي قايمه:طيب
طلعت روان وسكرت الباب وراها وتقدم فيصل وجلس مع رفيف على السرير
فيصل بسخريه:وفري دموعك بيجي يوم تحتاجينها
رفيف ماقدرت تتحمل فصارت تبكي بصوت مسموع ويدها على وجها
فيصل ضمها لصدره وقال بحنان:لاتبكين أنتي ألي جبتيه لنفسك
رفيف وهي في صدر فيصل قالت من بين شهقاتها:مقدر يافيصل
فيصل بعد وجها عن صدره وقال بهدوء:تحبينه
رفيف نزلت عيونها مستحيل تجيها الجرأه تقول أيه أحبه هذا شي عيب في عاداتهم فكيف تقول لخوها أي أحبه
فيصل ببتسامة قهر:يعني أفهم أنك تحبينه
رفيف كان ردها دموع على خدها بغزاره
فيصل مسح دموعها بكف يده وقال بقهر:أرفضيه لورفضك يكون سبب موت قلبك تراك ماخذه واحد ناذر قلبه لغيرك
رفيف بحزن:الله لايشربك من نفس الكاس
فيصل بسخريه ممزوجه بقهر:تدرين أنها نفس كلمة وليد لبوي
رفيف بصرخه:بس أرحموني ترى ألي تتكلمون عنه بعد ساعات بيكون زوجي
فيصل بقهر:بيدك ترفضين وإلا تحملي الكلام
رفيف بغصه قالت بهمس:ليتك تشوف ألي بقلبي من غير لاينطق لساني
فيصل رد ضمها لصدره بقوه وقال بحزن:أدري ياخوك الحب محد يقواه
رفيف صارت تبكي بصوت مسموع وفيصل سكت عنها وصار يمسح شعرها
رفيف بعدت عنه وقالت بحياء:فيصل أقولك شي بس ماتعصب علي ولا تنقد
فيصل ببتسامه زادت وسامته:قولي
رفيف نزلت راسها وقالت بصوت واطي:تدري لوخيروني بين وليد وعذابه وواحدن غيره ودلاله لختار وليد
فيصل عض على شفايفه بعدين قال بهدوء:لهدرجه تحبينه
رفيف وهي على وضعها قالت بهمس:أحبه كلمه ماتوصف شعوري ناحيته
فيصل بقهر:بس أنتي حبيتي الشخص الغلط
رفيف رفعت عيونها وشافت القهر بعيون فيصل قامة وحبت على راسه وقالت بهدوء:سامحني أدري غلطت وغلطتي كبيره
فيصل طالع فيها بعدين قال ببتسامه حزينه:تدرين أنك خساره في وليد
رفيف وفيها غصه قالت ببتسامه:أنا ألي أخترت
فيصل قام وحبها على راسها وقال بحب:الله يسخر وليد لك
رفيف ضمته وقالت بحب:تدري أني أحبك
فيصل بضحكه:أكثر من وليد
رفيف بعدت عنه وقالت بجد:وليد حبه في القلب لكن أنت حبك في دمي وفبتسامتي وضحكتي وحزني وفرحي
فيصل أبتسم وقال:الله يسعدك
دخل يوسف وعناد المجلس وكان الكل موجود
أبومشاري ومشاري وخالد وأبوبدر وبدر وفواز وأبوطلال وطلال وعادل
أبوسيف خال وليد وسيف ولده
عناد ويوسف:السلام عليكم
الكل:وعليكم السلام
أبوفهد طالع في عناد وقال ببتسامه ساخره:حياكم على ملكة وليد
يوسف بجمود:الله يحيك
عناد تقدم من وليد وسلم عليه وقال بهدوء:مبروك
وليد بقهر:الله يبارك فيك
عناد تركه وجلس جمب عادل ويوسف بعد مابارك لوليد جلس جمبه
عادل بهمس:وشفيك أنت وليد بتاكلون بعض بنظراتكم
عناد يرد بنفس الهمس:مافينا شي
عادل بشك:مافيه شي والرجال للحين يطالع فيك كنك سارق حلاله
عناد رفع نظره وشاف وليد يطالع فيه وأبتسم في وجهه ورد على عادل بسخريه:ألي سارقه أغلى من الحلال
عادل ببتسامه:الله يستر الرجال ماهو راضي ينزل عينه عنك شكلك سارق شي غالي بالحيل
عناد بقهر:ممكن تسكت
عادل بضحكه:أفا هذا وأنا صديقك
عناد يوجه كلامه لخالد ألي جالس جمبه من الطرف الثاني:حجزت قاعه وألا أحجز أنا
خالد بقهر:لا ماحجزت روح أحجز أنت
عناد بضحكه:وش رايك نخلي الزواج عائلي ونخلص نفسنا
خالد ببتسامه:تصدق فكره
قطع عليهم دخول فهد ومعه المملك وتمت مارسيم الملكه على خير وصار الكل يبارك لوليد
مشاري ببتسامه:مبروك أبوخالد
وليد بهدوء:الله يبارك فيك
خالد بهمس لعناد:تصدق تذكرت يوم ملكتي نفس الكآبه
عناد بنفس الهمس:ليه ماقلتلي أن جمانه خطيبة وليد
خالد:كان الموضوع مومهم ويوم زواجك توقعتك تعرف لأن مشاري قال هي خطيبة وليد
عناد بقهر:أول شي مشاري قال خطيبة الوليد مو وليد وبعدين فيه مليون وليد وش عرفني أنه وليد هذا
خالد بجد:خلاص أنسى وليد هذا هو تزوج
عناد بغيض:بالله عليك هذا شكل متزوج
عادل دخل عرض وقال:ماتسمعون الرجال يحيي للعشاء
عناد:يالله قمنا
قام الكل للعشاء بستثناء وليد وفيصل
فيصل:ندمان
وليد يحاول يداري حزنه قال ببتسامه:أحد يناسبكم يندم
فيصل:على مين تلعبها شوف وجهك
وليد بجد:صفحة الماضي طويتها قبل لاجيكم
فيصل بهدوء:أتمنى ياوليد
وليد وهو قايم:بطلع للحديقه أحس بخنقه هناء
فيصل بسخريه:خنقه وتوك تقول طويت الصفحه
وليد:صدقني بحاول أنسى
فيصل وهو قايم معه:من باعك بيعه
وليد بقهر:لاتقول باعتني أنت تدري أنها مغصوبه وألا هي تحبني مثل ماأحبها
دخل عناد على هالكلام كان راد ياخذ جواله نسيه مكانه
فيصل رفع عيونه في عناد وشاف وجهه أسود من القهر وقال ببتسامه يرقع:مسرع تعشيت
عناد وعيونه على وليد قال بغيض:جيت أخذ جوالي
وليد كل ألي سواه تجاوز عناد وطلع لبرى من غير لايبرر كلامه
أما عناد أخذ جواله وطلع من البيت القهر ألي بداخله سد نفسه عن كل شي
فيصل تبع وليد ألي جالس على الزرع في الحديقه وجلس معه وقال بهدوء:مايستاهل عناد هالكلام
وليد بقهر:وأنا ماقلتله شي أنا قلت الصدق
فيصل بسخريه:تقول زوجته تحبك وماقلت شي
وليد بنفس القهر:والله مو ذنبي إذا زوجته تحبني
فيصل بعصبيه:لاشكلك جنيت وإلا هذا كلام رجال
وليد بغضب:إذا كلامي مو عاجبك قوم عني
فيصل يحاول يتمالك أعصابه:معقوله الحب يسوي بك كذا
وليد بقهر:ليتني مت قبل هاليوم
فيصل طارت عيونه وقال:لا عزالله راح عقلك
وليد وهو قايم:أقول قم شوف ضيوفك وخلني أتمشى لين يخلصون عشاهم
فيصل وهو قايم:الله يهداك
في صباح اليوم التالي بالمستشفى بالتحديد
كان الدكتور عند عهد عشان يشيل الغطاء عن عيونها
عهد كانت ماسكه يد غاليه وقلبها بين خايف وفرحان
الدكتوربعد ماشال الغطاء عن عيونها قال ببتسامه:فتحي على خفيف
فتحت عهد عيونها بخفيف وحست بضو خفيف ورجعت سكرت عيونها لأنها ماتحملت الضو
الدكتور ببتسامه متفائله:ليه سكرتي عيونك ردي فتحيها
عهد ردت فتحت عيونها بشويش وكل مازادت في فتح عيونها زاد عليها الضولحد ماحست إن ألي تشوفه أبيض في أبيض وعيونها آلمتها
الدكتورببتسامه:وش تشوفين
عهد ردت سكرت عيونه وفتحتها مره ثانيه وكررت الحركه أكثر من مره لحد ماصار كل شي واضح قدامها
عهد ودموعها على خدها:يارب لك الحمد والشكر
غاليه نزلت دموعها من الفرحه وقالت ببتسامه:ألف مبروك
الدكتور بنفس الأبتسامه:مبروك
عهد حست بدوخه وسكرت عيونها وقالت بتعب:دكتورأحس بصداع
الدكتور:شي طبيعي مع الوقت بيخف بس أنتي حاولي تسكرين عيونك لدقايق عشان يخف الصداع
غاليه بفرح:متى نقدر نطلع دكتور
الدكتوروهو يأمر الممرضه تشوف الضغط:إن شاءالله إذا كل شي تمام تطلع العصر
عهد بهدوء:دكتور ممكن أطلب منك طلب
الدكتور ببتسامه:آمري
عهد وهي تفتح عيونها قالت:مابي أحد يدري إني أشوف
الكتور بجد:أسف مقدر أخبي هالشي
عهد ودموعها على خدها قالت بترجي:تكفا دكتور
الدكتورأخذ وقت ساكت بعدين قال ببتسامه:بلبي طلبك لو إن هذا ممكن يضرني
عهد حست بصداع وسكرت عيونها وقالت ببتسامة شكر:صدقني ماراح أنسى هالموقف
الدكتور وهو طالع:أهم شي تهتمين بصحتك
عهد ببتسامه:إن شاءالله
طلع الدكتور وغاليه أرفعت نقابها وضمت عهد وصارو يبكون من الفرح

دخل مشاري المستشفى وتوجه على طول لغرفة دكتور عهد يبي يتطمن عليها
مشاري بعد ماطق الباب:السلام عليكم
الدكتور ببتسامه:وعليكم السلام تفضل
جلس مشاري على الكرسي المقابل لمكتب الدكتور بعد ماسلم عليه باليد
مشاري:بشر
الدكتور بهدوء:للأسف العمليه مانجحت
مشاري بخيبت أمل:مافيه أي أمل
الدكتور وهو يحس بالتوتر:مافيه شي صعب على رب العالمين
مشاري وهو قايم:مشكور
الدكتور:لاشكر على واجب
طلع مشاري وتوجه لغرفة عهد وطق الباب لحد ماطلعت له غاليه وستفسر منها عن حال عهد وقال لها متى بيرخصونها وقالت العصر وقال أنه هو بيمرهم لأنه يخلص دوامه في العياده العصر
في بيت أبوبدر

نزلت سماهر وهي ماخذه راحتها لأن البيت مافيه أحد الكل في دوامه ومها هالوقت نايمه وكانت لابسه بيجامه حرير لونها أبيض وتوجهت للمطبخ وحصلت الخادمه فيه
سماهر وهي تجلس:فيه شي ينوكل
الخادمه:شنو يبغى أنته
سماهر وهي تركي يديها على الطاوله وتحط وجها بين كفوفه قالت ببتسامه:مومهم أي شي
الخادمه صارت تحط قدامها من أنواع الفطورألي عندها
سماهر بدت تاكل وهي تسولف مع الخادمه وبعد ماخلصت فطور أخذت كوب الكافي وطلعت من المطبخ لكن وهي طالعه أصدمت في بدر وأنكب الكافي على ثوب بدر ويدها
سماهر بألم:وجع
بدرطالع ثوبه بعدين قال بصرخه:وجع بعينك ماتشوفين
سماهر رفعت عيونها وطاحت بعيون بدر ألي كان يطالعها بشمئزاز
سماهر حست على عمرها وغطت وجهها بيديها وقالت بحرج:أطلع
بدر ببتسامه ساخره:لايكون داخل مطبخك
سماهر تراجعت لورى ورفعت يديها عن وجهه وقالت بعصبيه:وقح
بدر طالع فيها لدقايق بعدين قال ببتسامه ساخره:والله الوقح ألي واقفه قدامي
سماهر كشرت بوجهها بعدين تقدمت بجرأه ودفته بيدها عن طريقها وهي تقول بهدوء ساخر:كلن يرى الناس بعين طبعه
بدر طارت عيونه من جرأتها وقال بعصبيه:لايكون ألي قدامك ماهورجال يوم تدفين
سماهر وهي تمشي ومعطيته ظهرها قالت ببتسامه:سراحه أنا ماشوف رجال ليه أنت تشوف
بدرفقد عقله من كلامها ولحقها ومسكها مع يدها وخلاها تصد عليه وقال من بين أسنانه:والحين شايفه رجال وإلا لا
سماهر خافت منه وصار قلبها يرجف من الخوف
بدر وهويرمي يدها قال بقرف:شفت وقاحه وقلت أدب بس مثلك ماشفت
سماهر بخوف مع عصبيه:والله ماوقح غيرك ماسك يدي كأني محرم لك
بدر بسخريه:الحين عرفتي إنك مانك محرم
سماهر ماردت عليه وصارت تركض مع الدرج لغرفتها
بدر طالع فيها لحد ماأختفت عن عيونه بعدين رد المطبخ

سماهر دخلت غرفتها وصكت الباب وركت ظهرها عليه وصارت تهف على وجها بيديها
سماهر بقهر:وقح وجهه مافيه حياء على باله ميته عليه

=================

في بيت عناد

أم يوسف:جاسم وين عناد من البارح ماشفته
جاسم بهدوء:راح لشغله مبكر اليوم
أم يوسف بتوتر:أنت شفته اليوم
جاسم ببتسامه مطمأنه:أي شفته وأفطرت معه بعد
أم يوسف بحزن:مدري عن هالعناد من يومه كتوم ولا يحب يقول ألي في خاطره
جاسم قام من مكانه وجلس جمب أمه وحط يده ورى كتوفها وقال بحنان:لا تحاتينه يومه عناد رجال ماينخاف عليه
أم يوسف بنفس الحزن:مافيه أحد يتحمل أن زوجته تحب غيره
جاسم بستنكار:يمه الله يهداك مولأنه كانت مخطوبه نقول تحب
أم يوسف بوجع:يمك على بالك أن هالكلام هين علي أقوله على مرت ولدي لكن ألي أنت ماتعرفه أنها تموت فيه مو تحبه بس
جاسم قام واقف وجسمه يتنافض من الغيض:ومن قال هالكلام لك
أم يوسف رفعت عيونها لولدهاوقالت بمراره:شوف حالك وهي ماهي مرتك أجل حال عناد كيف بيكون
جاسم بنفس الحاله:خلك من حالي وحال عناد وقولي من قال لك هالكلام
أم يوسف وهي تقوم قالت بسخريه:الكل يدري عنهم منيومهم صغار وهي متعلقه فيه
جاسم بغيض:عشانها كانت متعلقه فيه من صغرها تقولون أنها تحبه
أم يوسف بعصبيه وهي تطالع في وجه جاسم:ماهو أنا ألي أقول ألي يقول خالتها وهي بنفسها دوم تتغزل فيه عند جنان وإذا منت مصدق روح أسأل جنان بنفسك
جاسم حس الدنيا تدور فيه من شدة الصدمه عمره ولا في أسوأ أحلامه يتخيل أن هو ولا أحد من خوانه ياخذ وحده يكون قلبها متعلق في غيره فكيف عناد بيتحمل ياخذ وحده دوم تتغزل في غيره هذا أذا ماسمع الغزل منها مباشره وسمع همساتها الذايبه فيه وهي تقوله أحبك
جاسم لحد هالكلمه وحس نفسه بيرجع وهو منقرف من كل شي حوله
أم يوسف قالت بمراره وهي طالعه من الغرفه:لا تقول لخوك شي تزيدها عليه
جاسم حس ماعاد فيه طاقه للوقف فجلس على الأرض وهو يقول بروح خاليه:ليه أنا بايع أخوي

في بيت وليد

ساره بعد مادخلت غرفة جنا قالت بصراخ:يالله قومي الظهر بيأذن وأنتي نايمه
جنا قامة واقفه من الروعه وقالت بخوف:وش فيك
ساره وهي تضحك:ليت معي كميرا أصورك
جنا طالعت فيها بغيض وقالت:لو منتي أختي الكبيره وإلا كان عرفت أتصرف معك
ساره ببتسامه:أشوى أني الكبيره
جنا ردت رمت نفسها على السرير وهي تقول بتهديد:سويره ضفي وجهك قبل لا أنساء أنك أختي الكبيره
ساره تقدمت منه وجلست على طرف السرير وقالت بجد:جنو قومي بنروح لجمانه
جنا قامت جالسه وقالت بحيره:ليه وش صاير لجمانه
ساره بحزن:نبي نقنعها تروح لسوق عشان تخلص جهزها عرسها باقي عليه أسبوعين بس
جنا بصدمه:أسبوعين مايمدي
ساره وهي تغالب دموعها:أدري مايمدي بس وش نسوي حكم القوي على الضعيف
جنا وهي قايمه:خلاص عطيني ربع ساعه أخذ شور ونروح
ساره وهي قايمه:لا تتأخرين عشان بنروح قبل وليد يرد من الشركه
جنا وهي تاخذ روبها قالت بهدوء:ماراح أتأخر

طلعت ساره ونزلت تحت لمها ألي ماجفت دموعها من يوم ملكة جمانه

في بيت أبومشاري

دخلت عهد وغاليه للبيت
غاليه ببتسامه:وش شعورك وأنتي تشوفين البيت ألي عشتي فيه
عهد ودموعها على خدها قالت بشبه أبتسامه:تصدقين لحد الحين ماني مصدقه
غاليه ضمتها بفرح وقالت:ولا أنا مصدقه
أبو مشاري ببتسامه:فرحونا معكم
غاليه بعدت عن عهد وقربت من أبوها حبت راسها وقالت ببتسامه:فرحانه أن عهد طلعت المستشفى
أبو مشاري قرب من عهد وحطوط كتوفها بيده وقال وهو يحب راسها:حمدالله على سلامتك
عهد ودها تطالع في وجه عمها وتشوف كيف شكله بس خايفه يكشفها
أبومشاري وهو يمشيها لداخل البيت قال بحزن:كنت أتمنى أن عمليتك تنجح بس ربي ماكتب
عهد وهي منزله راسها للأرض قالت ببتسامه:قدر الله وماشاء فعل
أبو مشاري يجلسها على الكنب ويجلس جمبها قال بحنان:الله يعوضك بخير منها
غاليه بضحكه:أشوف أبومشاري من شاف بنت أخوه سحب علينها
أبو مشاري رفع عيونه لغاليه وقال ببتسامه:لا تخافين محد أخذ غلاتك
غاليه وهي تجلس على كنب منفرد قالت ببتسامه:أي ألعب علي
عهد ببتسامه وهي مازلات منزله راسه:أشم ريحت غيره
أبومشاري وهو قايم:لا مادام دخلنا في الغيره أطلع أحسلي
غاليه بضحكه:أي ولعها بينا وطلع
عهد رفعت نظرها وشافت عمها معطيهم ظهره بيطلع كان نفسها تقوله لا تروح بشوف وجهك
غاليه قطعت عليها تفكيرها وهي تقول ببتسامه:يابنت ترى أبوي راح وأنتي تطالعين الفراغ
عهد مسحت دمعه تمردت من عينها وقالت بحزن:كان نفسي أشوف كيف شكله يشبه أبوي أو لا
غاليه قامت جمبها وقالت ببتسامه حنونه:الأيام قدامك كثيره وبتشوفينه وتملين عينك منه
عهد بحزن:قومي نروح لداري أبي أشوف الغرفه ألي عشت فيها
غاليه بهدوء:ماودك تشوفين كيف شكلك
عهد بهدوء مشابه:دوم أسمعكم تقولون أني أشبه أمي كثير فخاف شكلي يكون غير صورت أمي ألي حافظته من صغيري ويروح الشي الوحيد ألي حافظته عنها
غاليه وهي تمسكها مع يدها وتقول:لا تخافين إذا صدق تشبهين أمك بتكون نفس الصوره ألي حافظتها
عهد وهي تقوم مع غاليه قالت بخوف ممزوج بحزن:أخاف حتى لو مشبها كلامهم يكون رسخ في مخي
غاليه وهي تمشي معها لغرفتها:لا تخافين صدقيني كلامهم أكيد فيه شي من الصحه
عهد بشبه أمل:يارب يكون صدق


في بيت أبو جمانه

في غرفة جمانه بالتحديد

جمانه بصوت مبحوح من كثر البكي قالت:ساره الله يخليك مالي خلق لشي
ساره وهي جالسه مع جمانه على السرير قالت ببتسامه:جوجو ماودك تفرحين أمي وهي طول عمرها تتمنى تشوفك عروس
جمانه صارت تبكي بشكل هستيري وتقول من بين شهقاته:كانت تتمنى تشوفني عروس لوليد مو لغيره
جنا قربت من جمانه وقالت لساره بقهر:الحين ماصدقنا تسكت تردين تبكينها
ساره بهمس:ماكنت أقصد
جنا ضمت جمانه وقالت بهمس في أذنها:الخيره في ماأختاره الله لا تجزعين من قدر ربك
جمانه صارت تشهق من غير صوت
ساره بألم:بس الله يرحم والديك قطعتي قلبي
جنا بعدت جمانه عن صدرها وقالت ببتسامه:بعدين يمكن هالعناد يكون أحسن من وليد
جمانه غمضت وقالت بغصه:مافيه منهو أحسن من أبو خالد
ساره بقهر:خلاص أنسي وليد زي مانساك هذا هو ملك على رفيف ولافكر فيك
جمانه فتحت عيونها بصدمه وقالت بصوت متقطع:ملك
جنا بعصبيه:وش هببتي أنتي
جمانه قامت واقفه زي المقروصه وصارت تنتفض من الغيض والقهر وهي تردد:ملك ملك
جنا ضمتها لكن جمانه دفتها بقوه عنها وهي تتنافض كأن فيها حمى وماعلى لسانه غير ملك ملك
ساره بخوف:جنا وش فيها لايكون أنهبلت
جنا ودموعها على خدها قالت بعصبيه:أكيد بتنهبل بعد كلامك
ساره وهي تمسك كتوف جمانه قالت بترجي:تكفين جمانه أهدي تكفين
جمانه صارت الدنيا سواد في سواد في عينها وطاحت على ساره
ساره بصراخ:جمانه
جنا مسكت جمانه مع ساره وحطونها على سريرها وجابت عطر وصارت ترش منه في يدها وتحطه على وجه جمانه
ساره وجهها كله دموعها قالت بخوف:ليه ماتقوم
جنا وهي أردى من حالت ساره قالت بصراخ:كله منك كله منك
ساره صارت تضرب وجه جمانه كفوف وهي تقول:قومي الله يخليك قومي
جنا لما يأست أخذت جوالها من شنطتها ودقت على رقم وليد يجيهم بعد ماقالت له أن جمانه مغشي عليها
ساره بصوت باكي:وش سويتي يالخبل اليحن من بيفكنا من أبوها
جنا وهي تتنافض من خوفها على جمانه قالت بقهر:خله يولي أهم شي تقوم

في أحد مطاعم العليا
يوسف بخوف:وشفيه وجهك قلب ألوان بعد هالأتصال
وليد وهو يقوم قال بخوف وقلق:مدري أتصال من الأهل يبوني أجيهم
يوسف قام معه وهو يقول :أن شاءالله خير أنا بوصل
وليد وهو ناسي من تكون ألي يتكلم عنها قال وهو يبعد الكرسي عشان يطلع:التعبان بنت خالتي
يوسف بهدوء:وين خوانها عنها
وليد وهو يمشي ويوسف معه قال بخوف:بنت عبدالله ماعندها أخوان
يوسف مسك يد وليد وقال بقهر:وأنت بأي حق توديها وين أبوها عنها
وليد سحب يده من يوسف وقال بقهر:وأنت وش دخلك
يوسف بعصبيه:ناسي أنها زوجة أخوي
وليد وهو يكمل طريقه بسرعه قال بغيض:لاجت في بيت أخوك ذاك الوقت تكلم
يوسف ضرب الباب بيده وهو يقول بقهر:تحمل ياعناد تحمل


في بيت أبو جمانه
دق وليد على جنا وقال لها أنه برى يستناهم
جنا بعد مالبست عباتها ونقابها لبست جمانه عباتها وغطت وجها بالطرحه عشان ماتنكتم
ساره بتوتر:كيف نزلها لسيارت وليد
جنا بعد ماخلصت قالت بعصبيه:تعالي شليها مع رجولها وأنا بشيلها مع كتوفها ونزلها تراها خفيفه
ساره سوت مثل ماقالت لها جنا ونزلوها لتحت ومن حسن حظهم البيت كان خالي
وليد شافهن كيف شايلاتها فقرب منهن بسرعه وهو يقول بعصبيه:أنتن صاحيات يومكن شايلاتها كذا
جنا وصوتها رايح من العب والبكي:مانقدر نشيلها غير كذا
وليد قرب بيشيل جمانه لكن ساره ردته بصراخ:حرام عليك ماهي حلال لك
وليد سفها ودخل يديه من تحت رجولها وراسها وشالها بسرعه للسياره من غير لا يقول شي وهو يحس أن ماس كهربائي مس كل عضو من أعضائه
ساره أركبت مع جمانه ورى وجنا قدام
وليد أخذ نفس بعدين ركب وهو يقول بعصبيه:وش صار معها
جنا بتردد:درت عن ملكتك وداخت علينا
وليد مسك بريك بسرعه وهو يقول بعصبيه ممزوجه بقهر:وليه قلتولها
جنا بخوف:أنت ودها المستشفى لا يصير فيها شي بعدين نتكلم
وليد حرك السياره وهو كل شوي يرد يطالع ناحيتها
في بيت أبو مشاري

في غرفة عهد

عهد واقفه قدام المرايه وعيونها تذرف دمع
غاليه وهي واقفه وراها قالت ببتسامه:صارلك ساعه واقفه قدام المرايه
عهد لفت ناحيت غاليه وقالت ببتسامه:تصدقين كأني أشوف وجه أمي
غاليه ببتسامة فرح:يعني مك كانت حلوه كذا
عهد فرح ممزوج بحزن:لا أمي أحلى مني
غاليه بضحكه:أي أنصبي علي
عهد جت بترد عليها لكن طرقات خفيفه على الباب قطعت كلامهم
غاليه:أمسحي أدموعك أكيد هذي أمي
عهد مسحت دموعها وجلست على السرير وغاليه فتحت الباب وبالفعل كان أمها
غاليه تحب راس أمها:هلا بأحلى أم بالكون
أم مشاري ببتسامه:أيالعياره الحين أحلى أم وأنتي ماجيتي تسلمين علي
غاليه وهي تبعد لمها عشان تسلم على عهد قالت بضحكه:لا أم مشاري شايله علينا
أم مشاري حبت عهد على راسها وقالت بحنان:حمدالله على سلامتك
عهد تقاول رغبتها لا تطالع في وجه أم مشاري قالت ببتسامه:الله يسلمك
أم مشاري أجلست معها على السرير ومسكت يدها وقالت بحنان:ترى خالد جاب مهرك وأبيك تقولين كل شي تبينه لغاليه عشان بنبدى نجهزلك
عهد بتردد:يمه أبي أروح أنا بنفسي مع غاليه
أم مشاري بصدمه:تروحين
غاليه تدخلت وهي تقول ببتسامه:خلها تروح معي وأنا بمسك يدها
أم مشاري بعصبيه:لا أنتن جنيتن كيف تروح وهي ماتشوف
عهد برجاء:يمه تكفين لا تحرميني أني أكون زي أي عروس
أم مشاري بحزم:غاليه هي ألي تروح وأنتي لا ليه حنا بايعينك نخليك تروحين
غاليه بمكر:خلاص يمه السوق أنا بروح وباخذ معي عهد للمشغل عشان تبدى تسوي برنامج العروس
أم مشاري وهي قايمه:كيفكم بس خذي أختك مرح معك
غاليه تصرف:يمه مرح مشغوله مع عيالها وزوجها
أم مشاري بعصبيه:لايكون بتروحين بروحك
غاليه ببتسامه:ليه بايعه عمري أروح بروحي لا باخذ معي ساره وجنا لأنهم أكيد بيجهزون لجمانه
أم مشاري:كذا براحتكم
بعد ماطلعت أم مشاري قالت عهد بقهر:الحين بفهم كيف بروح معك وأنتي أخذه بنات خالتك معك
غاليه جلست معها على السرير وقالت ببتسامه ماكره:ياحبيبتي بنصرفهم بنزلهم أول بعدين بقول لهم بروح معك للمشغل ورد لهم وننزل أنا ونتي في سوق ثاني لما نخلص أغراضنا سريع سريع يعني خلال ثلاثه أيام بس
عهد بسخريه:ثلاثه أيام أمداني أخلص
غاليه ببتسامه:أحنا نخلص الأشياء المهمه والباقي أنا أجيبه لك
عهد بقهر:خلاص كيفك

البارت السابع

في المستشفى

بعد وصول جمانه تم نقلها للعنايه لأن القلب عندها نبضه ضعيف

وليد يمسح العرق ألي يغطي جبينه وقال بخوف:وش فيهم تأخرو عندها
ساره وصوتها رايح من البكي:مدري والله أني خايفه عليها موت
وليد يحس كل دقيقه تمر خوفه يزيد عليها خايف يفقدها يكفيه وجودها في دنيته لو عايشه مع غيره
جنا بهدوء:وليد دق على أبوها لازم يدري أن جمانه في المستشفى
وليد وهو رايح راد في الممر قال بقهر:خله يولي من متى تهمه
جنا بنفس الهدوء:تهمه أو ماتهمه شي مالنا دخل فيه هذي بنته ولازم يدري
وليد سفها ولكنه يسمعها كل تفكيره مع قلبه وروحه ألي داخل العنايه
ساره بصوت مبحوح:أنا بدق على أمي أقولها وهي تبلغه
جنا بعصبيه:أمي لا تبين تخوفينها عليها
ساره طلعت جوالها من شنطتها وقالت بقهر:خلاص أنا بدق عليه
جنا:أرسلي له مسج مو لازم تدقين
ساره أكتبت مسج لعبدالله وقالت فيه أن جمانه تعبانه في المستشفى


في بيت أبو يوسف

يوسف رد البيت وهو مقهور من موقف وليد ومن سوأ حظه صدف جاسم وعناد جالسين مع أمهم وجنان في الصاله المتوسطه البيت
يوسف وهو داخل:السلام عليكم
الكل:وعليك السلام
جاسم ببتسامه:غريبه راد البيت بدري
يوسف حب أمه على راسها وجلس معها على نفس الكنبه وقال وعينه على عناد:ألي كنت معه دقو عليه أهله وراح لهم
عناد بهدوء:وراك تطالع فيني كذا
يوسف بقهر:تدري ودي أسوي شي غير المطالع بس مافي اليد حيله
أم يوسف:يوسف علامك على أخوك
عناد بنفس الهدوء:عندك شي قوله وإلا لاتجلس تطالع فيني
يوسف بقهر:تدري من هو خويي ألي دقو عليه أهله
عناد بسخريه:لا ماتشرفت بمعرفته
يوسف بغيض:هذا وليد راح يودي حرمك المصون للمستشفى
عناد ببتسامه ساخره:وخير ياطير وش علي منه ومنها
جاسم قام واقف وهو يتنافض من الغيض وقال بعصبيه:وهذا وش دخله وإلا المستشفى حجه له ولها يختلون في بعض
أم يوسف بعصبيه:جاسم وش هالكلام
جاسم مازال على وضعه قال :ليه مو كلامك أنها ذايبه في غرامه
عناد طارت عيونه في جاسم وقال بين أسنانه:من وين جبت هالكلام
جاسم بسخريه:لايكون ماتدري أن حرمك المصون ماخلت أحد ماقالت له أنها ذايبه في ولد خالتها
عناد قام واقف وهو يقول بعصبيه:قلتلك من وين جايب هالكلام
جاسم طالع في جنان وقال بسخريه:أسئل أختك كم مره سمعت منها تتغزل فيه
جنان حدث ولا حرج كانت تطالع في أمها وتعاتبها بنظراتها"ليه قلتي له"
عناد وجه نظره لجنان وقال بعصبيه:أنتي قلتي هالكلام
جنان بخوف:أنا والله قلت لمي بس
عناد بقهر ممزوج بعصبيه:وهالكلام صدق
جنان بنفس الخوف:أي صدق
عناد بغضب:وليه ماقلتي لي هالكلام من قبل
جنان بهمس:مابغيت أجرحك وأنت ماشاورت أحد قبل تاخذها
أم يوسف بهدوء:يمك هالكلام قبل خطبتك وهي تراها كانت تتكلم عن خطيبها ماهو أحد غريب
يوسف بسخريه:العيب ماهو عليها العيب على ألي دخل عرض
عناد رمى يوسف بنظره قاسيه وطلع
أم يوسف بقهر:عاجبكم الحين
جاسم وهو طالع ورى عناد قال بقهر:لا تلوميني يالغاليه مارضيتها عليه
يوسف وهو قايم قال بهدوء:ترى هو ألي جابه لنفسه

جاسم ركب مع عناد السياره وقال ببتسامه:أدري منت طايقني
عناد طالع فيه بعدين حرك السياره من غير ولا كلمه
جاسم بجد:ماودك تروح لها في المستشفى
عناد بهدوء:لا ماني رايح وبعدين ماهي في عاداتنا
جاسم بقهر:أدري أنها ماهي من عاداتنا لكن بتخليها مع وليد
عناد بعصبيه:وإذا كانت مع وليد ترى وليد رجال مامنه خوف
جاسم بسخريه:تصدق أشك أن عندك غيره
عناد مسك بريك من قوته ظرب جاسم قدام
عناد بغضب:أنزل لا تشوف شي مايسرك
جاسم بأسف:يابن الحلال فوتها لي ماعرفت أعبر
عناد بعصبيه:شوف صوتك مابي أسمعه ويالله أنزل
جاسم ببتسامه:أفا تطردني وأنا أخيك الصغير
عناد بجد:مشكلتكم ماحد فاهم السالفه
جاسم بهدوء:أنا أدري أن زواجك منها وراه قصه بس بغيتك أنت تقول من كيفك
عناد رد حرك السياره وقال بهدوء:تدري ألي جرحني مو السالفه نفسها ألي جرحني أن جنان قالت لكم وماقالت لي يعني تبي تحرجني وهي تنشر أن زوجتي تحب غيري
جاسم بنفس هدوئه:ترى جنان قالت لمي في وقت زعل لما درت بخطبتك وأمي هي ألي قالت لي
عناد بقهر:تدري لو ألي كان خاطبها غير وليد ممكن أتحمل لكن يكون ألي خاطبها وليد شي يقهر أنا دايم أسمع كلامه عن خطيبته بس عمري ماتوقعت أنها تكون بنت عبدالله لأنه عمره ماقال منهي إلا ليوسف ويوسف تعرفه مايحب يتكلم
جاسم بجد:ولا أنا كنت أدري حتى أمي تقول ماتدري لأن مالها علاقه قويه في عايلته ألي كان يدري جنان بس
عناد بغبن:تدري ألي غابني أن زواجتي منها ماكانت بخاطري
جاسم بهدوء:طيب وش جابرك عليها طلقها وريح راسك
عناد بخبث:لا الحين لي حاجه فيها أخلصها ورميها على أبوها
جاسم بعصبيه:عناد عيب عليك ترضى هالشي لجنان ترى البنت حشيم وكون أبوها سكير مايعيبها وترى وراها أرجال أولهم عمك وعمهاعزام تدري أنه مايرضى عليها ويمكن يقطعك لاضريتها
عناد بسخريه:تصدق خوفتني الحين مهو أنت ألي تقول طلقها والحين تقول البنت حشيم
جاسم بعقلانيه:شوف أنا ماعيب البنت في شي غير أنها تكلمت عن خطيبها وأنها تحبه وتموت فيه وماخلت أحد ماقالت له يعني طلاقها الحين أزين لك ولها هي ترجع لخطيبها وأنت تفتك من كلام الناس أنه أخذ وحده قلبها مع غيره وأنت أدرى بكلام الناس وترانا من نفس الجماعه يعني كل خي يعرف خيه
عناد بجد:شوف كلامك مايعني لي شي يعني الناس كلامهم مايخلص وأنا ألي في راسي بسويه وماعلي من أحد

في بيت أبوبدر

بدر وهو داخل المجلس:السلام عليكم
الكل:وعليك السلام
أبوبدر بجد:الحين أنت داخل من غير لا تنادي تخيل سماهر جالسه معنا
بدر في نفسه"يعني ماشفته تراني شفتها ومليت عيني منها"
بدر ببتسامه:أسف طال عمرك نسيت أن عندنا ضيفه
أم سماهر:أقرب تقهو
بدر ببتسامه:مانردك يامرت الوالد
أبوبدر بعصبيه:تراها عمتك مو مرت الوالد
بدر بنفس الأبتسامه:أفا عصب علينا الوالد ولا يهمك عمتي وتاج راسي تبي شي بعد
أبو بدر بستغراب:غريبه مطيع اليوم
بدر ببتسامه خبيثه:اليوم طولت واقف في الشمس والظاهر صابتني ضربت شمس
أم سماهر بخوف:أنت صادق وإلا تمزح
أبوبدر يدخل قال ببتسامه:الشمس وين جاتك
بدروهو طالع:مدري أنا جيتها أو هي جاتني
أم سماهر بستغراب:لاشكل الولد جن
أبوبدر ببتسامه:لاتخافين بدر يجنن بلد وهو ماجن

بدر بعد ماطلع من عندهم شاف فواز واقف في حوش البيت وهو يكلم بالجوال
بدر بعصبيه مستنعه:من تكلم
فواز بخرعه:بسم الله فوفتني يارجال
بدر ببتسامه:ماهقيت أنك خريش
فواز سكر الجوال بعد ماعتذر من ألي يكلمه بعدين قال بخبث:أشوفك طالع من عند أبوك وشاق الخشه وش السالفه
بدربخبث:دهن سير
فواز وهو يرفع حاجبه قال بستغراب:وش هالمصلحه ألي تبي دهن سير
بدر تجاوزه طالع وهو يقول بغموض:بعدين تعرف

في المستشفى

دخل عبدالله من باب المستشفى وشاف وليد واقف في الممر فتوجه له بسرعه
عبدالله بخوف:وش صاير
وليد بهدوء:جمانه تعبت شوي وجبناها للمستشفى
عبدالله بنفس الخوف:شوي تعب وهي في العنايه
وليد بنفس الهدوء:لأن نبض القلب كان ضعيف عندها بس الحين الحمدالله والدكتور يقول بنخليها لبكره وإذا نبضها ماضعف بطلعها
عبدالله بقهر:وتعبها وش سببه
وليد بسخريه:أنت أدرى
عبدالله طالع في وليد بعدين قال بهدوء:لا تضن أني تمنيتها لغيرك
وليد طارت عيونه في عبدالله كيف يقول ماتمناها لغيره وهو جابرها على غيره
عبدالله وهو يتجاوزه رايح لغرفة الدكتور قال بحرقه:ليت ألي أخذته أخير منك
وليد يحس الدنيا تدور فيه وكلام عبدالله كله غموض" إذا هو ماغصبها أجل كيف صار كل هذا "

في بيت أبو وليد

ساره رمت نفسها على الكنب وقال بتعب:يبي لي يومين نوم بعت الخضه ألي خضتهناها جمانه
جنان جلست جمبها وقال بحزن:ماتوقعت جمانه تحب وليد هالحب
ساره بألم:كيف ماتحبه وهي من صغرها وكلن يقول أنتي لوليد
جنان بنفس الحزن:يعني علقوها فيه بعدين قالو تراك لغيره مثل ألي يبني قدام أجمل وأحلى قصر ويشاورك في كل صغيره وكبيره ويقول هذا قصرك ولما أكتمل القصر وصار في أجمل بنيان قالو له أعذرني مانقدر نعطكياه دور لك بديل
ساره بسخريه:وليته أي قصر هذا حلم طفوله وعشق مراهقه وحب نضوج
جنان قامت واقفه وهي تقول:بروح أخذ شور وبصلي العشاء ونام
ساره قامت هي بدورها بعد ماتبي تشوف وليد بعد مادرى أنها السبب في تعب جمانه

في بيت أبو طلال
في جناح عادل وضي

عادل فتح باب الجناح وشاف حبيبته جالسه وتطقطق في الاب قدامها
عادل ببتسامه:السلام عليكم
ضي طالعت فيه بنص عين وردت تطالع في الاب ولاعبرته ولا بكلمه
عادل في نفس"أكيد مشكله جديده"
عادل جلس معها في نفس الكنب وقال وهو يسحب الاب من قدامها:ترى رد السلام واجب
ضي قامت واقفه وقالت بعصبيه:ليه أنت تعرف الواجب
عادل بهدوء:الله أما طولك ياروح الحين وش أنا مسوي بعد
ضي بنفس العصبيه:أبد ماسويت شي أنا بفهم ليه منت مثل طلال شوفه ماخذ مرح من العصر يتمشون وبيتعشون في مطعم بعد
عادل بعصبيه:ألف مره قايل لك لا تقارنيني بأحد وإذا طلال عاجبك روحي له
ضي أنزلت دموعها على خدها وهي تقول بقهر:يعني بسهوله تقولي ماتبيني هذي آخرتها يابوبدر
عادل قام واقف وقال بعصبيه:الحين أنا مابيك يابنت تراك كرهتيني في حياتي تبيني على كيفك
ضي بعصبيه ودموعها مازالت تبلل خدها الأبيض المورد من العصبيه:أنا كرهتك في حياتك الحين إذا طالبت بحقوقي تقول كرهتك في حياتك
عادل بنفس العصبيه:والله ماتوقع أن التمشيات من حقوقك علي
ضي ترد عليه بنفس عصبيته:أي منحقي تمشيني مثل طلال مايمشي مرح
عادل بغضب:والله هذاك طلال وأنا عادل وإذا ماهو عاجبك تعاملي عندك ألف طوفه أضربيزون راسك في ألي تعجبك
ضي أقربت منه ومسكت يده قبل يطلع وقالت بغيض:ماراح تطلع الحين توديني مطعم نتعشى
عادل رمى يدها من يده بقوه وقال بسخريه:تصدقين أنك بزر
ضي جن جنونها من كلامه وقالت بتهور:ليتني ماخذه طلال كان أبــ
قطع كلامها كف حار على خدها
عادل بعصبيه:عيدي هالكلام وشوفي وش بيصير فيك
ضي حطت يدها على خدها عمرها ماتوقعت أن عادل يمد يده عليها دايم تستفزه وعمره مافكر يرد على أستفزازها له بضرب وشمعنى الحين
ضي بصوت يغالب البكي:تضربني ياعادل
عادل وهو يضغط على يده ألي ضربها فيها قال بندم ممزوج بعصبيه:أنتي ألي جبتيه لنفسك
ضي رمت نفسها على الكنب وصارت تبكي بصوت مسموع وهي تقول بين شهقاتها:أطلع مابي أشوفك أطلع
عادل أخذ فتره يسمع شهقاتها وقلبه يتقطع عليها كان وده يضمها ويتأسف بدل المره مليون مره لكنه في الأخير طلع وتركها في دوامت بكاها

طلال رد ومعه مرح متأخر وكان عدنان وعادل جالسين في حديقة البيت
طلال ببتسامه:السلام عليكم
الكل:وعليك السلام
طلال جلس معهم وقال بجد:إلا وش مجلسكم للوقت هذا ماوراكم دومات بكره
عادل بسخريه:يعني حلال عليك وحرام علينا
طلال ببتسامه:والله أنا حر نفسي ماحد له حكم علي إذا بدوام وإلا ماني مداوم كيفي
عدنان بضحكه:وش رايك أترك الطب وأجي أشتغل معك
طلال بستهزاء:وش بتشغل عندي
عدنان بنفس الضحك:أي أحد بزره تعبان أعالجه أنا يعني خدمه مجانيه من شركتك لموضفيها
طلال وهو قايم قال ببتسامه:عزالله ماحد داوم عندي على هالخدمه
عدنان يسوي نفسه مصدوم:أفا
طلال وهو يضحك:أفا وإلا ماهو أفا هذا الصدق
عدنان ببتسامه: شكلي بجرب في عيالك
طلال وهو متوجه لداخل البيت قال بعصبيه مصتنعه:ياويلك تقرب منهم
عدنان يوجه كلامه لعادل ألي شكله سرحان:وأنت ماتبيني أجرب في عيالك
عادل صحى من سرحانه وقال ببتسامه:مايغلون عليك
عدنان بخبث:أقص يدي إذا منت زعلان من أم العيال
عادل رفع واحد من حواجبه وقال:من قال
عدنان ببتسامه:لأنك لاصرت راضي عليها ما نقدر نقرب من عيالك لكنك لا زعلت عادي عندك كأنك تعاقبهم بفعل أمهم
عادل بعصبيه:لا شكلك جنيت فيه أحد يعاقب عياله بذنب أمهم
عدنان بنفس الأبتسامه:أي أنت
عادل قام واقف وهو يقول بعصبيه:تصدق أنا الغلطان ألي جالس معك
عدنان وهو يضحك:ماجلست معي حبن فيني لكنك مطرود
عادل سفهه وتوجه لداخل البيت بيروح ينام وهو يتمنى أن ضي نامت مايبي يتواجه معها الحين خصوصا بعد كلام عدنان

ْْْْْْْْْْْْْْْْْْْْْْْْْْْ

في جناح طلال
طلال طلع من الحمام بعد ماخذ شور وشاف مرح تصلي
طلال بعد ماخلصت مرح صلاتها قال بهدوء:أنتي وش تصلين
مرح بخجل:أصلي العشاء
طلال يحاول مايعصب:العشاء الساعه وحده أنتي ماتخلين هالطبع ترى مايجوز تأخرين صلاتك
مرح قربت منه وحبت خده وقالت ببتسامه:أسفه أخر مره بس لاتعصب
طلال هالمره ماقدر يتحمل وقال بعصبيه:الحين تتأسفين مني ليه أنا ربك وإلا أنتي تصلين رياء
مرح بصدمه:رياء
طلال مسك يدها وجلسها على السرير وجلس معها وقال بجد:الحين قولي وش معنى أسفك مني يعني أنتي دارين خاطري ومافكرتي في عقاب ربك
مرح بخجل:مافكرت في الموضوع ولا شفته من نفس الزاويه ألي أنت شفتها منه
طلال طالع فيها بعدين قال بهدوء:الدين مافيه زوايا يعني فيه صح وغلط وألي أنتي تسوينه غلط أوله تأخيرك لصلاتك وثانيه أعتذارك مني ترى محد نافعك في أخرتك لا أنا ولاغيري ألي بينفعك عملك الصالح بس
مرح حطت راسها على صدره وقالت بحب:الله لا يحرمني منك ولا من نصايحك
طلال حاوط خصرها بيده وقال بحب:ولا يحرمني منك بس عندي طلب صغير
مرح وهي على وضها:أنت تامر ماتطلب
طلال بهدوء:أبيك تصلين السنن وقايم الليل عمري ماشفتك تصلينها حد الفرض وبس
مرح ببتسامه:ببدأ من الليله عشان نفسي زي ماتقول
طلال بعدها عنه وقال ببتسامه:أجل قومي صلي وأنا بعد بصلي أحس لوماقمت الحين عنك مدري وش بيصير وأنا حدي تعبان
ْْْْْْْْْْْْْْْْْْْْْْْْ

دخل عادل جناحه وشاف ضي على نفس وضعها متمدده على الكنب بشكل مائل "يعني من رحت للحيل تبكي"
عادل قرب منها وجلس جمبها وقال بهدوء:ضي ضي
ضي:.....................
عادل أنتابه خوف فقرب من وجها ورفع راسها وحس بنفاسها الحاره تلفح يده حط يده على جبينها لقى حرارتها مرتفعه شالها بسرعه وتوجه فيها لغرفة النوم ونيمها على السرير وتوجه للمطبخ التحضيري في جناحه وجاب منه ماء فاتر وعلبت منديل مع حبوب بنادول وكاس مويه حطها في صينيه وتوجه فيها بسرعه للغرفه
عادل حط الصينيه على الكمدينو وبدى يكمد جبينها وهو يهمس بألم:عسا يدي أنقطعت قبل ماتنمد عليك
بعد نص ساعه بدت حرارة ضي تخف
ضي وهي تفتح عيونها قالت بحزن:ليه تكمدني خلني أموت يمكن ترتاح مني
عادل ماأستحمل كلامها كيف يتخيل حياته من غير هواشه وصراخها ونعومتها وضحكاتها
عادل رفع أكتوفها وضمها لصدره وهو يهمس في أذنها بحب:أحبك يالخبله وتقولين أخليك تموتين
ضي كأنها تنتظر هالكلام عشان تبدأ نوبت البكاء
عادل بعدها عنه ومسك خدها بين كفوفه وصار يبوسه وهو يقول بألم:بس لا تبكين بس لاتبكين
ضي بين شهقاتها:تحبني وإلا تلعب علي
عادل باسها على شفايفها بعدين قال ببتسامه:إذا ماحب ضيونه أجل من أحب
ضي رمت نفسها على صدره وردت تبكي ماتدري هي تبكي من التعب وإلا من الكف وإلا من كلامه الحين
عادل بعدها عنه وقال ببتسامه:يالله خذي البندول عشان حرارتك تخف
ضي ببتسامه:باخذه إذا كان من يدك
عادل مد عليها حبت بنادول كاس المويه وضي أكلت الحبه وشرت شوي من المويه
عادل ببتسامه:عفيا على الشطوره يالله قومي أخذي شور ينشطك
ضي بتعب:مابي بنام
عادل بخبث:شكلك تبيني أنا أعطيك الشور زي ماعطيتك البندول
ضي بحياء:عادل
عادل وهو يضحك:تراك زوجتي حلالي
ضي وهو قايمه قالت ببتسامه ممزجه بحياء:أقوم أبرك لي
عادل وهو مازال يضحك:يكون أحسن لأن الفكره بدت تعجبني وأنا مضمن نفسي

ضي توجهت لغرفة التبديل وهي تقول بهدوء:لا قول وأنا أحب نفسي
عادل بعتب:أنا أحب نفسي
ضي سفهت كلامك ودخلت غرفة التبديل ألي فيها باب للحمام:أكرمكم الله:
عادل في نفسه"عمرك ماراح تتغيرين ياضي دوم تفكيرك سطحي "

ْْْْْْْْْْْْْْْْْْْْْْْْْْْْْ

في بيت أبو مشاري

غاليه ببتسامه:وش شعورك وأنتي اليوم رايح للسوق
عهد ترد لها الأبتسامه وهي تقول:المهم مو السوق عندي المهم أني أول مره بلبس من ذوقي
غاليه بمزح:أكيد بيطلع خايس مثلك
عهد بهدوء:تصدقين لو قايله لي هالكلام قبل يمكن بنهار وبكرهك لكن الحين أقولك ألي مايطول العنب حامض عنه يقول
غاليه وهي تصفر:لا البنت أستخفت تراك ماخذه مقلب بنفسك
عهد دفتها قدامها وهي تقول ببتسامه:أقول أمشي لا نتأخر على ساره وجنا
غاليه بفرح:أعقلي يابنت لاحد يشوفك
عهد تحط يدها في يد غاليه وتقول ببتسامه:أمسكي يدي لحد يكشفنا ون روح فيها
غاليه مسكت يد عهد وطلعو من البيت وركبو مع السايق ألي وداهم لبيت خالتهم أم وليد لأنهم مواعدين ساره وجنا يروحون يقضون لجمانه لأن جمانه طلعت اليوم من المستشفى لكنها رفضت تروح لأي مكان فتكفلن ساره وجنا بالموضوع خصوصا أن جنا نفس مقاس جمانه يعني ماراح يتعبون

ْْْْْْْْْْْْْْْْْْْْْ

في بيت أبو جمانه

خلود من بعد ماعرفت المعرس وهي ميته قهر كانت تتوقع أنه من ربع أبوها الدشير لكن عبدالله صدمها وهو يقول أن الخيانه جت من ولد أعز الناس عنده ويوم سألته قال لها عناد ولد ناصر وهي تعرف عناد زين مستحيل يخلي الموضوع يمشي كذا يعني يمكن بعد زواجه بسبوع يطلق جمانه وترد لها في البيت وهي تحسب أنا خلصت منها للأبد
قطع عليها تفكيرها دخول الخادمه ماريا
خلود بعصبيه:خير داخله من غير لا تستأذنين
ماريا بخوف:أنا طق باب كثير بس أنتا مافيه رد
خلود بعصبيه:أخلصي وش عندك
ماريا:منى يبي أنتي تحت
خلود قامت واقفه وقالت برتباك:منى
ماريا:يس مدام
خلود بنفس الأرتباك:خلاص روحي وأنا بنزل لها الحين
طلعت ماريا وصكت الباب وراها أما خلود صارت تدور في الغرفه ماتدري كيف بتتقبل منى الموضوع تشيل جمانه من راسها وإلا لا

منى جالسه في غرفة أستقبال الضيوف وحاطه رجل على رجل وهي تفكر وش سوت خلود في موضوع جمانه
خلود ببتسامه مرتبكه:هلا والله
منى قامت لها وضمتها وهي تقول بخبث:وحشتك وإلا عبدالله الخايس نساك حبك لي
خلود بعدت عنها وهي تقول بنفس الأرتباك:محد يقدر ينسيني حبك
منى أجلست وجلست خلود جمبها وقالت بجد:خليني من هالموضوع وقولي لي وش سويتي في موضوع جمانه
خلود وهي تبلع ريقها قالت:يوه أسكتي مادريتي أن جمانه راعيت شباب وأبوها مسكها مع رفيقها في المجلس وهدده يا يذبحه يايتزوجها والشاب المسكين شرى حياته وملك عليها
منى بعصبيه:ألعبي على غيري أنا أعرف جمانه ماهي راعيت هالحركات
خلود قامت واقفه وسوت نفسها معصبيه معنها بتموت من الخوف وقالت:عاد هذا ألي صار وإذا أنتي منتي مصدقه روحي أسألي أبوها
منى بهدوء:تعرفين الشاب
خلود قالت بهدوء ممزوج بخوف:وأنتي وش تبين بالشاب
منى بقهر ممزوج بعصبيه:لأن مافيه أحد ياخذ حاجه منى تبيها
خلود جلست جمبها وقالت بخوف:وش ناويه عليه
منى بخبث:والله دامها راعيت حركات فأنا أولى وإذا مليت منها كيفها تطس تتزوج
خلود بنفس الخوف:طيب ماقلتي لي وش تبين بالشاب
منى ببتسامه كريهه:أنتي وش عليك إلا متى عرسها
خلود بغموض:مدري أتوقع لساء ماتحدد
منى بفرح:يعني يبي لها على الأقل شهر أمداني أمل منها ورميها لعريس الغفله
خلود بسخريه:بس أنتي ماعرفتي منهي متورطه معه
منى ببتسامه ساخره:يعني مع من غير دشير أبوها
خلود رمت القنبله في وجه منى بقولها:لا حبيبتي متورطه مع العقيد عناد بن ناصر الـ
منى بصدمه:عناد ماغيره ألي مجنن نص بنات الجامعه
خلود ببتسامه :أي ماغيره
منى بقهر:ماتنلام يوم ماتعطيني وجه بس واحد مثل عناد وش يبي بوحده شاذه قالتها بمكر
خلود بستغراب:شاذه
منى ببتسامه خبيثه:أي حبيبتي تصدقين كذا المسأله صارت سهله
خلود بتوتر:وش ناويه عليه
منى وهي قايمه قالت بخبث:لا تستعجلين حبيبتي كل شي في وقته حلو

البارت الثامن

في بيت أبو فهد

روان دخلت غرفة رفيف وكانت رفيف جالسه على السرير وطقطق في الاب
روان ببتسامه:سلام عليكم
رفيف رفعت نظرها لروان وقالت ببتسامه:وعليكم السلام خير وش عندك مشرفتني في غرفتي
روان أجلست على السرير وهي تقول بخبث:ماسمعتي أخر خبر
رفيف بتوتر:روان قولي وش عندك وخلي عنك حرق الأعصاب
روان ببتسامه:عرسك بعد وسكتت
رفيف بقهر:قولي وش عندك وإلا طسي برى غرفتي
روان ببتسامه:عصبت البنت بقولك بس بشرط
رفيف بنفاذ صبر:المطلوب
روان وهي تلعب حواجبها بشكل مضحك قالت:تروحين معي لبيت عمي فهد
رفيف بسخريه:قولي بشوف حبيب القلب
روان بحياء:مثل ماتبين بس هاه تروحين أو لا
رفيف ببتسامه:نروح ليش لا بس قولي لي ألي عندك أول
روان بجد:عرسك بعد شهر
رفيف بتوتر:من قال
روان ببتسامه:ألي يشوف وجهك مايقول كانت بتموت لو ماخذها
رفيف بعصبيه:خلي عنك الكلام الفاضي وقولي من ألي قالك
روان بهدوء:سمعت أبوي يقول لمي زواج وليد بعد شهر
رفيف صارت تفرك يديها في بعض دليل توترها وخوفها
روان أمسكت يدينها وقالت بهدوء:ليش خايفه موأنتي ألي أصريتي تاخذينه
رفيف نزلت دموعها وقالت بهدوء:أخاف أشوف معشوق جمانه وماشوف وليد معشوقي
روان بسخريه:توك تفكرين تأخرتي كثير ياقلبي
رفيف رمت نفسها على صدر روان وصارت تبكي من غير صوت
روان بهدوء:قومي صلي ركعتين ودعي ربي يسخر لك وليد
رفيف بصوت باكي:من يوم الملكه وأنا كل ليله أصلي وأدعي ربي يشيل جمانه من قلبه
روان ببتسامه:خلاص قومي صلي ركعتين تهدي أعصابك وأنا بروح أقول لمي بنروح لبيت عمي

ْْْْْْْْْْْْْْْْْْْْْ

في بيت أبو مشاري

عهد تطالع جسمها في فستان شاريته لصباحيتها :مو كنه ضيق شوي
غاليه ببتسامه:يابنت لا ضيق ولا شي بالعكس بياكل منك حته
عهد بفرح:تصدقين عمري ماتخيلت جسمي حلو كذا
غاليه بسخريه مازحه:بسألك من ألي لاعب عليك
عهد وهي تضحك:عيوني هم قالولي تتوقعين أنهم مايعرفون الذوق
غاليه ببتسامه:لا عاد كلش ولا هالعيون مقدر أقول فيهم شي
عهد قربت من غاليه ألي جالسه على السرير وحبتها على راسها وقالت بحب:أحبك
غاليه بضحكه:يابنت أستحي تراي غاليه مو خالد
عهد لمت بوزها وقالت بسخريه:ترى خالد ينتظر حبي
غاليه أمسكتها مع يدها وجلستها جمبها وقالت بجد:صح خالد مغرور لكن قلبه طيب يعني بسهوله تكسبينه
عهد وهي تقوم:خلي هالموضوع أنا بعرف أتصرف وقولي لي متى بنروح نسوي البروفه حقت الفستان تعرفين الزواج باقي عليه أربعه أيام
غاليه قامت معها وقالت:بنروح المغرب
كلهن صد ناحيت الباب ألي أنفتح بقوه وكانت مرح ومعها في
مرح بعصبيه:أنا بفهم طول اليوم في هالغرفه وش تسوون
غاليه بهدوء:مرح الله يهداك وش بنسوي يعني
في بقهر:من وين جايبين هالفستان
مرح طالعت في شكل عهد ألي كانت منزله راسها وقالت بعصبيه:لايكون بتخلين هالخبله تلبس هالفستان عند خالد
غاليه طالعت في الفستان ألي كان ضيق على عهد لحد ركبها بعدين واسع مع كرستال منثور بشكل عشوائي على الصدر مع أكمام جبنيز ولونه ليموني
غاليه ببتسامه بعد ماقيمت الفستان:وش فيه
مرح بسخريه:لايكون عاجبك عليها بس أنا الغلطانه ألي خليتك تروحين تجهزين لها
في بغيره:على بالها جسمها حلو شاريه لها هالفستان
غاليه ببتسامه ماكره:بشوف ذوقي يعجب خالد أو لا إذا شاف هالفستان على عهدوه
مرح بعصبيه:وأنتي مصدقه بخلي هالخبله تلبسه الحين تنزله وأنا بروح أجيب لها جلابيه مغربيه
أم مشاري وهي داخله قالت بحزم:محد له كلام على عهد وأنا موجوده وهي بتلبس ألي تبي
مرح بقهر:بسـ
أم مشاري بأمر:مرح رجلك ينتظرك برى وأنتي ياغاليه تجهزو عشان بعد المغرب تروحون للمشغل لأن ساره كلتمني تقول بيمرون عليكم
غاليه ببتسامة أمتنان:تامرين يالغاليه
طلعت مرح وتبعتها في وهم في الممر قالت مرح بعصبيه:أنا بفهم أمي كيف واقفه معها بعد ماعرفت بسواد وجها
في بقهر:تلقينها لعبت عليها بكم كلمه وأمي صدقتها
أبو مشاري وهي داخل مع الباب ألي كانن مرح وفي واقفين في ممره قال بهدوء:عن من تتكلمون
مرح بقهر:عن عهد يعني مايكفي تبلت على خالد وخليتوه يتزوجها بعد بتمشـ
قطع كلامها أبومشاري بعصبيه:بنت عمك أشرف من الشرف نفسه ولا عاد أسمع هالكلام
في بقهر:يومها شريفه ليه تجبر خالد يتزوجها
أبو مشاري بعصبيه ممزوجه بعتب:والله عهد ماتنلام يوم بعض الناس يجرونها زي الخروف وراهم ماخافو من عقاب ربي
في برتباك حاولت تخفيه خلف عصبيتها:أكيد متبليه علي
مرح بصدمه:لايكون صدقتها يبه
أبومشاري بغضب:ليه ماصدقها وأنا ألي مربيها ومربي خالد يعني إذا شكيت فيهم كأني شاك بنفسي
مرح بقهر:يعني في ماهي تربيتك يوم تصدق فيها
أبو مشاري بنفس الغضب:مرح أقصري الهرج وتوكلي لولد عمك ينتظرك برى
مرح تعدت أبوها وطلعت وهي ماتشوف من الغيض كيف يصدق عهد ويكذب في ودامه متأكد من برائتها ليه زوجها خالد بالغصب

في جات بتروح لكن صوت أبوها وقفها وهو يقول بهدوء مايخلو من العصبيه:ترى أمك هي ألي شافتك وأنتي تدخلين عهد
في جمدت في مكانها ماتدري من الخوف وإلا الحياء
أبو مشاري قرب منها ومسكها مع يدها ومشاها معه لداخل الصاله وهو يضغط على يدها ويقول:كما تدين تدان يابوك خافي من الظلم ودعوت المظلوم ترى مابينها وبين ربك حجاب
في نزلت دموعها وقالت بأسف:سامحني يبه توبه ماعاد أعيدها
أبو مشاري وهو يفك يدها ويتجاوزها قال بهدوء:ترى ماكلمتك لأن أمك قبل لاتقول لي السالفه حلفتني بالله ماقولك شي

ْْْْْْْْْْْْْْْْْْْ

في بيت أبوبدر

أم سماهر ببتسامه:حيالله من زارنا تو مانور البيت
رفيف ببتسامه هادئه: البيت منور بأهله
أم سماهر وهي تدخلهم غرفة الضيوف قالت بحنان:تفضلن بروح أقول لسماهر تجيكن
سماهر من وراها قالت ببتسامه مرحه:هذا أنا جيت
رفيف بمحبه:هلا والله سماهر
سماهر سلمت عليهن وقالت بنفس الأبتسامه:أخيرا شرفتونا صارلي أسبوع جايه إلا ماوحشتكم
روان ببتسامه:ماهو وحشتينا بس بغينا نجلط من كثر الشوق
أم سماهر:عن أذنكم
البنات:خوذي راحتك
رفيف ببتسامه:إن شاء الله مستانسه هناء
سماهر ترد لها الأبتسامه وهي تقول:وأحد يجي عند عمي فهد ومايفرح
روان:إلا ضي وأريام مو جايين
سماهر وهي تطلع جوالها من جيب تيورها:بدق عليهم الحين صارلي يومين ماشفت قرودتهم
رفيف ببتسامه:حرام عليك تقولين عن هالجمال قروده
روان بمزح:أما جمال كثري منها الحين من الجمال بدر وإلا النزغه لماروه
أريام وهي داخله قالت بقهر:النزغه أنتي مو بنتي
روان ببتسامه:عاد مايليق هالطول وأصير نزغه
أريام بسخريه:ترى مامن طول الطول عند جنا وجمانه
روان بحباط:يختي لا تذكريني تجيني الجلطه لاشفتهم جسم وطول وش خلو لي غير الفتافيت
أريام أجلست جمب رفيف وهمسة في أذنها:ورى وجهك مرهق
رفيف ترد عليها بنفس الهمس:يمكن لأني مانمت
روان بلقافه:هيه أنتي وياها خلو السوالف الجانبيه عنكم
سماهروهي معقده حواجبها:أريام كلمتي ضي لأني أدق عليها ماترد
أريام بضحكه:أي كلمتها وكالعاده متهاوشه مع عادل وحابسها في الجناح
روان ببتسامه ساخره:أنا مدري ضي متى بتعقل
أريام ببتسامه:لا أعرس عادل ذاك الوقت تعقل
سماهر بعصبيه:فال الله ولافالك جعل عادل مايشوف مره غيرها
رفيف ببتسامه:يختي لا تدعين على الرجال أدعي ربي يسنع له ضي

ْْْْْْْْْْْْْْْْْْْْْْْ

في بيت أبو جمانه

جمانه كانت نايمه وصحاها صوت نغمت جوالها مديت يدها وأخذت الجوال وردت من غير لا تشوف الرقم
جمانه برهاق:ألو
عزام بفرح:هلا وغلا والله بهالصوت
جمانه أخنقتها العبره وقالت بصوت متقطع:ع م ي عز ا م
عزام بخوف:جوجو وش فيك
جمانه تنحنحت بعدين قالت:أشتقتلك متى بترد
عزام بحنان:بكره وأنا عندك
جمانه بصرخة فرح:صادق وإلا تلعب علي
عزام ببتسامه:لا صادق بكره إن شاء الله الساعه أربع العصر وأنا عندك
جمانه جلست على السرير وصارت دموعها على خدها وصوت أنفاسها بدت تبان متوتره
عزام بحنان ممزوج بقلق:جمانه وش فيك ياقلب عمك
جمانه كأنها منتظره هالنبره عشان تبكي
عزام زاد قلقه عليها فقال بعصبيه:أبوك مسوي لك شي
جمانه بين شهقاتها:أبوي زوجني
عزام ضحك بعدين قال بحنان:الحين هذا ألي مزعلك وإلا تتغلين
جمانه بصوت باكي حزين:أبوي زوجني لعناد ناصر
عزام بصدمه:عناد وليد وينه
جمانه ردت تشهق من البكي وقالت بنبره مأثر فيها البكي:مدري أبوي غصبني عليه وعرسي بعد أربعه أيام
عزام بعصبيه:وليه مادقيتي علي أول ماصارت السالفه حتى وليد ليش ماكلمني
جمانه زاد بكيها لما جاب سيرت وليد
عزام بنفس العصبيه:وليد صاير له شي
جمانه بين شهقاتها:وليد ملك على بنت عمه بعد ماسمع بملكتي
عزام حس نفسه يضيق حبيبه تبكي ومجروحه من أبوها وخطيبها ألي ماصدق تملك عشان ياخذ غيرها
عزام بقهر:والله لدفعهم كلهم ثمن دموعك بس خليني أرد
جمانه بنبره مبحوحه من البكي :مابيك دفع أحد ثمن دموعي أبيك تجي تكون جمبي مالي أحد غيرك من تبي يسلمني لعريسي ويوصيه علي
عزام بقهر:وأنتي مصدقه أني بخليك تاخذين هالعناد غصب عليك
جمانه بيأس:لو تفركش الزواج كلن بيتكلم علي لأن الكروت وزعت والقاعه أحجزت يعني مايكفي سمعت أبوي ألي ملاحقتني تبيني أزيد الطين بله
عزام بغيض:مايهمني كلام الناس أهم شي سعادتك
جمانه ردت دموعها تنزل بهدوء على خدها المورد من كثر البكي قالت بهدوء:ماعاد تفرق معي يمكن عناد يصير خيره لي
عزام بعصبيه:بكره بجيك ونتفاهم الحين بخليك عشان الشباب ردو لشقه
جمانه بهدوء:مع السلامه
ْْْْْْْْْْْْْْْْْْْْْ

في بيت أبو طلال
في جناح عادل

ضي توكل بدر ورايد عشاهم عشان ينامون دخل عليها عادل

عادل ببتسامه:السلام عليكم
بدر ورايد طارو له وأرتمو في حضنه وضي سفهته ولكنه موجود
ضي بعصبيه:بدر رايد تعالو كملو أكلكم
بدر بطفوله:حلاس سبعت
ضي قربت منه وجرته بقوه من عادل وهي تقول بعصبيه:مدام شبعت تعال أفرش أسنانك ونام
عادل ترك بدر ألي كان متمسك فيه بقوه وقال بين أسنانه:لاخلصتي من عيالك تعالي أبيك
ضي بسخريه:تصدق ماخذ مقلب في نفسك جالس تامر وكأنك أمير وأنا الخادمه عنده
عادل نزل رايد وقال بغضب:ماني راد عليك عشان هالصغار
ضي وهي تمشي بدر للمغسله قالت بقهر:عمرك مارديت ماتهمني
عادل في نفسه"اللهم طولك ياروح"
ضي فرشة أسنان بدر وبدلت ملابسه ونيمته في سرير وردت تاخذ رايد
عادل كان جالس على الكرسي وحاط رايد على رجوله ويوكله من أكله
ضي مدت يديها لرايد ألي تبسم له ومد يديه لها
عادل مد رايد لها وقال بهدوء:بدر نام
ضي بسخريه:يعننك مهتم عمرك ماهتميت فيهم إلا لاصرت راضي علي
عادل بنفس الهدوء:يمكن أني أكون بعيد عنهم شوي لكن هذا مايعني أني ماأهتم فيهم
ضي جلست على كرسي مقابل عادل وصارت توكل رايد ألي جالس على رجولها
عادل بملل:أبي أفهم لمتى وحنا مانتراضى يومين على بعض
ضي بقهر:إذا تدري فهي مصيبه وإذا ماتدري فالمصيبة أعظم
عادل بجد:أنتي بعدي عن مرح وشوفي حياتنا كيف تمشي
ضي بعصبيه:أنا بفهم ليه حاط دوبك من دوب مرح يعني عشاني أحبها وأرتاح معها تبي تحرمني منها
عادل قام وتقدم منها وحط يده على كتفها وقال بحنان:يمكن أنتي تحبينها بس عمرك سألتي نفسك إذا تحبك أو لا
ضي قامة واقفه وقالت بغيض:ياخي حتى حبها لي بتشككني فيه تصدق أنك مريض
عادل طالع فيها بعدين قال بسخريه:خلك معها لين توديك في داهيه
ضي توجهت برايد لغرفته هو وبدر وهي تقول:أنت أطلع منها وتعمر

ْْْْْْْْْْْْْْْْْْ

في المطار وصل عزام وكان في أستقباله سلطان زوج أريام لأنه يصير ولد عمه
سلطان بعد ماسلم قال ببتسامه:تو مانور الرياض
عزام يرد له الأبتسامه وهو يقول:منور بأهله
سلطان وهم يمشون للسياره:أشوف خاطرك فيه شي سلامات يابو عبدالرحمن
عزام بهدوء:مافيه إلا الخير بس إذا ماعليك كلافه ودني بيت عبدالله
سلطان بستغراب:بيت عبدالله قبل ماتمر لبوي ألي ينتظرك على نار
عزام بنفس الهدوء:كلها نص ساعه وأجيكم
سلطان ببتسامه:تامر كم عندنا أبو عبدالرحمن
عزام بأخوه:الله لايخليني منك

ْْْْْْْْْْْْْْْْْْْْْْْْْ

في بيت أبو جمانه

جمانه أخذت شور ولبست فستان لنص ساقها لونه أسود وكان الفستان ماسك على الصدر بعدين واسع بقصه حلو ولبست صندل لونه أبيض "أكرمكم الله" ومسكت شعرها بورده بيضاء على جمب وحطت قلوس بلمعه حمراء وماسكراء وتعطرت ونزلت لعمها ألي بلغها بصوله للمجلس من خمس دقايق

جمانه وهي داخله قالت ببتسامه:أخيرا
عزام قام واقف يوم سمع صوتها وفتح يدينه لها وهو يقول بحنان:وحشتيني
جمانه أسرعت له ورمت نفسها في حضنه وهو حوطها بيديه وهو يقول في أذنها بهمس:على بالك لامنك كشختي ماراح أشوف الحزن في عيونك
جمانه لماسمعت همسه في أذنها صارت تبكي عزام جلسها على الكنب وجلس جمبها ومسح دموعها بكفوفه وقال بقهر:من متى جمانه تبكي عمري ماشفت دموعك بعد وفاة أمك
جمانه حطت كفوفها على وجها وصارت تبكي بصوت مسموع
عزام سحبها لصدره وضمها وقال بقهر:صدقيني طول ماراسي يشم الهواء محد ضايمك
جمانه بين شهقاتها:أذبحو جمانه أذبحوها
عزام أنتفض بجزع وقال بعصبيه:قومي معي لبيتي وألي فيه خير يقرب لك وهالعناد بيطلقك ورجله فوق رقبته
جمانه بعدت عن صدره وقالت بصوت باكي:عمي صدقني مابي أطلق
عزام بغيض:ماتبين تطلقين عشان وليد راح عليك
جمانه أمسحت دموعها بيديها بعدين قالت بهدوء:يمكن يكون وليد من أضعف الأسباب لكن سببي القوي أرجوك ماتسألني عنه
عزام بعدم أقتناع:مافيه سبب مهمن كان قوي يجبرك تعشين مع واحد ماتبينه
جمانه بسخريه:منا طول عمري عايشه مع ناس ماأبيهم فرقة الحين يعني
عزام مسك يدها بين يديه وقال بحنان:عمري ماسألتك ليش تكرهين أبوك ولا راح أسألك لكن مايرضيني أنك ماتحبينه مهما سوى يضل أبوك
جمانه بألم :صدقني لو كنت أقدر كان حبيته من زمان
عزام بجد:وخطبتك من عناد
جمانه قاطعته بهدوء:عمي صدقني لو حسيت بيوم أني ماني قادره أكمل العيش معه بقولك بس الحين عندي طلب
عزام بحنان أبوي:تدللي مو تطلبين
جمانه بنبره مخنوقه:أبيك أنت تزفني على عريسي ومابي أحد غيرك وأبيك توصيه علي
عزام مسك وجهها بين كفوفه وحبها على جبينها وقال ببتسامه:مو أوصيه عليك إلا بقرص لك أذنه عشان مايفكر يكدر خاطرك
جمانه قامت وحبته على راسه وقالت ببتسامه:الله لا يخليني منك

ْْْْْْْْْْْْْْْْْ

لليلة الزواج في بيت أبو جمانه

دخلت منى البيت وهي ماتشوف من الغيض لأن خلود ألعبت عليها وقالت مادري متى موعد الزواج واليوم لقت كرت زواجه عند أبوها ألي معزوم على الزواج
ودقت على مريم صديقة خلود وأكدت لها أن خلود راحت معها لسوق وشرت فستان لزواج
منى شافت خلود جالسه تطالع في التلفزيون فقربت منها بسرعه ورمت الكرت في وجهها
منى بعصبيه:شلون تقولين ماتدرين متى الزواج وزواجهم محدد من يوم الملكه
خلود بخوف:صدقيني ماكنت أدري محد قالي
منى قربت منها وشدتها مع شعرها وهي تقول بغضب:ماتدرين هاه أجل فستان الزواج ملمن شاريته
خلود وهي تتلعثم بالكلام:أي فستان أنا ماشريت فستان
منى زادت من شد شعرها وهي تقول بنفس الغضب:على بالك مريم ماقالت لي
خلود بقهر:كذابه صدقيني كذابه الفستان كنت شاريته عشان زواج خالد
منى فكت شعرها وهي تقول بخبث:تبين أصدقك تجبين لي رقمه الحين
خلود بتوتر:رقمه من وين أجيبه
منى أجلست جمبها وقالت ببتسامه خبيثه:سهله ياقلبي شوفيه في جوال زوجك أكيد مسيفه عنده
خلود بنفس التوتر:متى تبينه
منى بعصبيه:أضني قلت الحين يعني قومي طسي لزوجك النايم وجيبي لي رقمه
خلود قامة واقفه وقالت بتوتر:بروح أجيبه
منى حطت رجل على رجل وقالت ببتسامه كريهه:لاتطولين ياقلبي

خلود طلعت فوق لجناحها وبعد عشر دقايق نزلت لمنى ومعها الرقم
منى تمد يدها لخلود تاخذ الرقم وهي تقول:مشكوره ياقلبي
خلود مدت لها الرقم وقالت بتوتر:أبي أفهم وش تبين بالرقم
منى بخبث:تعالي جمبي بتشوفين وش بسوي بالرقم
جلست خلود جمب منى ألي كانت تكتب مسج لرقم عناد
خلود بعد ماقرت المسج قالت بصدمه:منجدك بترسيلين له هالكلام
منى سوت أرسال وقالت ببتسامه خبيثه:أكيد برسلها عشان أضمن طلاقها
خلود بخوف:أحس بننكشف
منى ببتسامه خبيثه:لا ياقلبي ماراح ننكشف وبتشوفين

ْْْْْْْْْْْْْْْْْْْْ

جمانه راحت لبيت عمها عزام بعد ماطلب من أبوها ياخذها يبيها تكون تحت عينه يخاف عليها من كثر ماهي كاتمه تنهار وخصوصا أن الليله ليلة زواجها فشي أكيد بتكون بحاجة ناس تحبهم وترتاح لهم يقفون معها ويخففون توترها
جمانه جالسه مع عمها عزام في الحديقه قطع جوهم جوالها
جمانه وهي ترد على الجوال:هلا وغلا
ساره بمرح:وين هاجه عنا جينا بيتكم مالقيناك
جمانه ببتسامه:وش عندكم
ساره بنفس المرح:ياقلبي بنام معك وإلا ماتبينا
جمانه بفرح:خلاص تعالو لبيت عمي عزام
ساره لوت بوزها وقالت بقهر:الله يستر عليك وين نجي لبيت عمك ماراح ترضى أمي
جمانه وهي تطالع في عمها قالت:دقيقه سارونه
جمانه سكرت السماعه بيدها وقالت ببتسامه:عادي يجون البنات ينامون عندي
عزام ببتسامه:أكيد ياقلبي البيت بيتك
جمانه أرسلت له بوسه في الهواء وردت على ساره وهي تقول:عطيني خالتي بكلمها
ساره ببتسامه:لا تعبين عمرك أمي عطتني الموافقه وأنتي لاطعتني على جوالك
جمانه بفرح:يالله الحين تعالو
ساره:أحسبي لنا نص ساعه على مانجمع أغراضنا ونجيك وعلى فكره ترى أمي ودت ملابسك لبيتك ورتبتهم
جمانه حاولت تبان طبيعيه:أنتظركم
سكرت جمانه من ساره وطالعت في عمها ألي كان يطالع فيها وراسم على وجهه أحلى بتسامه
جمانه ببتسامه:تصدق أنك أحلى واحد شافته عيني
عزام ضحك بعدين قال ببتسامه:تتعلمين الغزل فيني
جمانه وردت خدودها من الحياء وقالت بتلعثم:البنات بيجون
عزام ضحك بصوت عالي من شكلها وطريقة كلامها وقال بين ضحكاته:تصدقين الحين ألي أقول أنتي أحلى وحده شفتها بحياتي
جمانه وهي مازالت بحيائها:يعني رفع معنويات
عزام وقف ضحك وقال ببتسامه:أنتي تدرين أنك أخر وحده تبي رفع معنويات في الشكل
جمانه ببتسامه خجوله:البنات بيجون ونبي شي نسهر عليه تقدر تجيب لنا
عزام ببتسامه:من عيوني بس خلهم يجون أول بعدين أروح أجيب لك السوبر ماركت كله

ْْْْْْْْْْْْْْْْْْْْْ

ساره وجنا مرو على سماهر وجت معهم لجمانه
ساره بحياء:الحين لا طقينا الباب من بيفتح لنا أخاف ينط لنا عمها
جنا ببتسامه:أقول طقي الجرس وش علينا منه ترى مابين منى شي
سماهر دفت ساره وطقت الجرس وكان ألي يطق الجرس يكون على حافة الدرج
جنا دفت سماهر ألي ماقدرت تتماسك وطاحت على الأرض على فتحت الباب
ساره وجنا تراجعو لورى لما شافو ألي فتح الباب
عزام بعد لهم عشان يدخلون
جنا بهمس:قومي يالخبله لاتفضحينا مع الرجال
سماهر وهي تقوم قالت بعصبيه:دواك معي لادخلنا
جنا دخلت قبلهم وساره أنتظرت سماهر ألي كانت تعرج من رجلها دخلو سوى
عزام لما سمع الباب تسكر طلع عشان يروح يشتري لهم لوازم السهره

في داخل البيت

سماهر بعصبيه:تعالي وربي ماخليك
جنا تبعد عنها وهي تضحك وتقول:تصدقين شكلك بيطلع جنان في العرس وأنتي تعرجين
جمانه وهي تضحك:وش مسويه فيها يالخبله
جنا ببتسامه ماكره:تبين أسوي فيك مثلها
جمانه جت ورى ساره وهي تقول:لا مابي
سماهر جلست على أول كنب لأن ألم رجلها زاد عليها وقالت بألم:بموت من ألم رجلي
جمانه بخوف:تعورك
سماهر حطت يديها على وجها وصارت تبكي
جنا قربت منها وقالت بأسف:صدقيني ماكنت أقصد
سماهر بسرعه طمرت على جنا وصارت تعض كتفها بقوه
جنا تصرخ:آآآآآآآآآآآآآي والله يعور
سماهر فكتها وقالت بضحكه:يختي بنقش لك يدك بلاش
جنا تطالع مكان العضه وتقول بعصبيه:والله لو علمت لتندمين
سماهر ردت جلست وهي تقول ببتسامه:البادي أظلم ياقلبي
جمانه ببتسامه:تصدقون ماتخيلت أني أضحك هالكثر في هالليله
ساره ضربت جبينها وقالت:يوه نسينا السواق واقف برى ومعه الأغراض
جمانه ببتسامه:خله لين يجي عمي لأن مافيه خادمه تجيب الأغراض

ْْْْْْْْْْْْْْْْْْ

في بيت أبو يوسف
كان عناد جالس بالملحق ومعه جاسم وعادل وعدنان
عادل قطع سرحان عناد بقوله:عناد جاك رساله
عناد ألي كان رافع رجوله على الكنب وحاط يديه ورى راسه ألي مريحه على المركى قال بهدوء:من بيكون يعني تلقاها من رسايل الأعلانات
عدنان مد يده لجوال عناد ألي كان محطوط على الطاوله قدامه لكن عناد مد يده قبله وقال ببتسامه:أنت لو تخلي عنك اللقافه مافيه أحسن منك
عدنان وهو يضحك:ياخي يدي تحكني مقدر أقاوم
عناد فتح الرساله وعلى وجهه بتسامه لكن الأبتسامه تحولت لصدمه لعصبيه لقرف
جاسم بخوف:عناد وش في الرساله
عناد قام واقف وركض بسرعه للمغسله وصار يرجع
الشباب قامو وراه
جاسم بقلق:سلامات وش فيك
عناد غسل وجهه بعدين قال بهدوء:مدري
عادل وهو يرفع حواجبه قال بستغراب ساخر:ماتدري
عناد جاء بيرد عليه لكنه رد يرجع وهالمره على الأرض
جاسم مسكه وهو يقول بقلق:لا أنت منت بخالي
عناد بعد جاسم عنه وهو يقول بعصبيه:أنت ماتشوف الأرض بعد عني تراي ماني بزر
عدنان بخبث:إذا السالفه ماهي الرساله ماجيب العلم
عناد بعصبيه:والله واحد يمد يده على جوالي لقصه له
عادل بجد:وش الرساله ألي تخليك ترجع مافي بطنك
عناد غسل وجهه بعدين راح للغرفه وأخذ جواله ومسح الرساله بعدين ظرب الجوال على الجدار وهو يقول بغضب:ممكن تفارقون ترى والله ماني رايقـ
قطع كلامه عناد لأنه رد يرجع ودمر المجلس
جاسم بعصبيه:ياخي ترى مافيه شي يخليك ترجع بهالشكل
عناد تركهم وتوجه للمغسله يغسل وهو يقول:قول للعامل يجي ينظف المجلس
عادل أخذ جوال عناد المرمي على الأرض وطلع شريحته وشبكها في جهازه وهو يقول بصوت منخفض:خلوه لحاله عناد أعرفه مافيه أعند منه وهذا شريحته في جهازي إذا تعب بيدق علينا
جاسم بقهر:نفسي أعرف وش هالرساله ألي خلته يرجع كذا
عدنان ببتسامه:بعرف هذا حب لقافه وإلا أيش
جاسم خزه بنظره قويه وطلع وتبعه عدنان أما عادل راح لعناد ألي واقف عند المغسله ومركي يديه عليها وقال بهدوء:مهمن كانت الرساله لا تعكر مزاجك ترى بكره زواجك
عناد أول ماذكره بزواجه رد يرجع
عادل بقهر:بتقعد ترجع لمتى يعني
عناد بعصبيه:وأنت شايفه بيدي
عادل بنفس القهر:أنا بروح وإذا بغيت شي دق على رقمي الثاني لأني شبكت شريحتك في جهازي
عناد سفهه وصار يغسل وجهه بعصبيه كذا مره

ْْْْْْْْْْْْْْْْْْْْْْ

جمانه تطالع شكلها في فستان زفافه وعلى وجهه شبه أبتسامه
سماهر بضحكه:جمانوه شكل ذوقي ماعجبك
جمانه ببتسامه مجامله:وين ألقى أحلى من ذوقك
ساره وهي ترتب أغراض جمانه ألي بتاخذها للفندق معها قالت ببتسامه:سماهر خفي على بنت خالتي تراها حساسه
جنا وهي داخل ومعها صينيه عليها أكواب عصير وفطاير قالت ببتسامه:جمانه تراني حاجزه عمك يختي ماخلى شي ماجابه
ساره وهي تضحك:عاد أنتي تموتين في بطنك
جنا حطت الصنيه على التسريحه وقالت ببتسامه:يختي أخذ واحد كريم ولا أخذ واحد يموتني من الجوع
جمانه دخلت غرفة التبديل وبدلت الفستان بيجامه قطنيه لونها أبيض واسعه
ساره بعد ماخلصت ترتيب الشنطه قالت لجمانه ألي طالعه من الغرفه:ترى معضم الملابس ذوق مرح
جمانه جلست على السرير مع سماهر وقالت ببتسامه:مدري من غيركم وش كان حالي
جنا وهي تمد عصير لكل وحده قالت بجد:يالله أكلو وصلو قيامكم ونامو ترانا سهرنا جمانه

ْْْْْْْْْْْْْْْْْْْْْْْْ

في بيت أبو مشاري

عهد كانت حاطه رجولها على طاوله قدامها قالت بتعب:خلاص بغسل الحناء تعبني
غاليه بعصبيه:وين تغسلينه خليه ساعه ثم غسليه ونامي
عهد بملل:تعبت وأنا مشبصه كذا يختي بصلي وأنام ليتني رفضت مثل جمانه
غاليه بقهر:يختي لا تذكريني بتموتني هالبنت لا راحت سوق ولا مشغل حتى برنامج عرايس ماسوت ولا غيرت في شكلها ولا شي
عهد بقهر:من يلومها مقهوره غاصبينها وتبينها تتسوق زيها زي أي عروس
غاليه بجد:هذا أنتي مثلها وماسويتي مثلها
عهد طالعت في غاليه فتره بعدين قالت بهدوء:جمانه قلبها محروق على خطيبها لكن أنا مافي قلبي أحد يعني ممكن أي بنت تمر في نفس موقفي ترى المشكله ماهي في الغصيبه المشكله أنها مبرمجه قلبها لوليد وفجأه يعطونها غيره ويبونها تتقبل الفكره في أسبوعين صدقيني صعبه حيل
غاليه بتعاطف:الله يعينها وترى عناد ولد عمي شايف نفسه وشديد فتعامله
عهد بهدوء:بتقوليلي عنه الله يستر لا يكون حظي مثل حظها
غاليه ببتسامه خبيثه:يعني تحاتين خلود
عهد بعصبيه:يعني لو جبتيلي صورته كان ظرك شي
غاليه وهي تضحك:أخاف لاشفتي شكله تموتين من الخرعه ترى شكله مره يخرع
عهد بخوف:من جدك وإلا تلعبين علي
غاليه ببتسامه ماكره:بكره يذوب الثلج ويبان المرج
أم مشاري وهي داخله عليهم قالت بعصبيه:أنتن تدرن الساعه كم وأنتن طاقاتها حنك
غاليه ببتسامه:أكذب لو قلت ندري بس أتوقع بدري
أم مشاري وهي تمسك يد عهد قالت بعصبيه:بلاك ماسكرتي حلقك وأنتي تسولفين قومي يمك غسلي حناك صارلك ثلاث ساعات يكفي
عهد قامت مع أم مشاري تغسل حناها وهي تدعي في قلبها على غاليه
غاليه قامت لمها وقالت ببتسامه:خليها يالغاليه أنا بغسله عنها وأنتي روحي أرتاحي
أم مشاري بعدت عن عهد وقالت بتهديد:معك نصف ساعه ألقاكن نايمات
غاليه ببتسامه:من عيوني

ْْْْْْْْْْْْْْْْْ

في بيت أبوبدر
كانو الشباب مجتمعين في الملحق

فيصل وهو يوزع الورق قال بقهر:وليدوه إذا منت منتبه قوم خل فهد يجي مكانك
وليد:...............
بدر ببتسامة سخريه:عزالله ماشفت الفوز بعينك وهالعاشق معك
فيصل ضرب وليد بالمنديل وهو يقول بقهر:قم أنقلع لا بارك الله في عدوك
وليد أبتسم وقال:خير وش فيك
فيصل بعصبيه:وش فيني هاه صارلي ساعه أكلمك وأنت تعد النجوم
وليد ضحك من غير نفس وقال:خلاص بقوم وخل فهد يجي مكاني
فيصل بعصبيه:يكون أحسن وأنت روح في الزاويه هذيك "قالها وهو يأشر على زاوية المجلس"وأسرح مع جنونك على كيفك خسرتني
وليد هالمره ضحك بقوه وقال بين ضحكاته:الله يعين فهد عليك
فهد سحب فواز وجلس مكانه وقال ببتسامه:ليه هو أنا بايع عمري أجي قبيله خل فواز هو ألي يجي معه
فواز بعتراض:مع أحترامي لك لكن أنا أبي بدر أخيي وأنا أولى فيه
فيصل أشر لفواز وقال بقهر:أجلس والله لو مافزنا لعلقك في المروحه برجلينك
فواز جلس وهو يضحك:من الخوف ماني عارف العب

وليد جلس بعيد عنهم وفكره يوديه لجمانه وش تسوي نايمه وإلا صاحيه ياترى فرحانه وإلا قلبها ينزف دم مثل قلبه
صحى من أفكاره على صراخ فيصل وهو يقول:قم قم لابارك الله فيك أنت الثاني هذاك "قالها وهو يأشر على وليد"وعذرناه لكن أنت فويش تفكر
فواز قمز بسرعه واقف وقال وهو يضحك:ترى العيب فيك ماهو فينا
فيصل طمر بسرعه على فواز ومسكه مع ياقة ثوبه وقال بين أسنانه:تصدق أني أتحرش من اليوم أبي أضرب أحد
فواز وهو مازال يضحك:يعني وجت في راسي
فيصل أرفعه فوق وقال ببتسامه خبيثه:أيه
وليد قام لهم ومسك يد فيصل وقال ببتسامه هاديه:تدري أني أدري أن المقصود بالضرب أنا فترك فواز عنك
فيصل ترك فواز وقال بنبرة غاضبه:يعني ودك تنضرب
وليد ببتسامه:أيه ودي أهد حيلي ومافيه حد غيرك يتماشى مع قوتي
بدر قام واقف وجاء بينهم وقال بعصبيه:هيه أنت وياه أحترمو البيت
فيصل ماقدر يمسك نفسه وضحك على شكل بدروقال بين ضحكاته:صدق المخفه
بدر ضربه على صدره بيده وقال بقهر:صدق بزران
وليد ببتسامه:ياخي كسر خاطري فيصل قلت أسوي لكم أكشن
فيصل حب وليد على راسه وقال ببتسامه:الله لا يخليني منك
فهد وهو قايم:أقول عن أذنكم بروح لم العيال
وليد رد لحزنه وقال بهدوء:ليه هي ماراحت مع ساره وجنا
فهد وهو قايم قال بهدوء يخفي خلفه قهره:لا أجلست مع خالتي
بدر حط يده على كتف وليد وقال ببتسامه حنونه:ماراح يغسل همك إلا عمره وش رايك نمشي الحين
فهد ألي وصل الباب صد لهم بعصبيه وقال بأمر ممزوج بعصبيه:عتب أنت وياه برى الرياض وشوف وش بيصير فيكم هذا ألي ناقص ينحاش كأنه مره متزوج عليها رجالها لا حضرتو العرس الله معكم
وليد ببتسامه خاليه من الحياه:ومن قال بروح قبل ماحضر زواج عناد وإلا أنتم ناسين أن عناد مهما صار يضل رفيقي
فهد ببتسامه:أي هذا وليد ألي نعرفه

حيالله المنضمين لنا جدد ونورتوني بهالأنضمام

وشكر حار لكل ورده عطرت صفحاتي برودودها الحلوه

ملاحظه في البارت الثامن ذكرت أن ساره قالت لجمانه معضم أغراضك شراء مرح هذا غلط مني أنا كنت أقصد فرح مو لأني حاطه مرح ضد مع جمانه لكن بحكم أنها أقرب لها وبنشوف في هالبارت موقف مرح من جمانه مع أو ضد ولاتنسون ترى جمانه بنت خالة مرح
في بنات سألو وشلون سماهر تعرف البنات بقولكم أنهم كلهم من نفس الجماعه هذا أولاً ثانياً بما أن أمها آخذه عم ساره فشي طبعي بتتعرف بالعايله

البارت التاسع::::
ْْْْْْْْْ

يوم الزواج في القاعه

فرح بعصبيه:جمانوه أنهدي تراك نرفزتي مصففة الشعر
جمانه بعصبيه:خلها تطس ماني بحاجتها تراي قايله مابي كوفيرات خلوني بروحي
فرح قربت منها ومسكتها مع أكتافها وقالت بهدوء ممزوج بعصبيه:ترى هالليله عمرها ماراح تتكرر فلا تضيعينها
جمانه بعدت يدين جمانه عنها وقالت بغصه ممزوجه بحزن مر:ليه ماحد حاس فيني أنا أحس أني بموت أرحموني
فرح ضمتها لصدرها وقالت بحنان:محد منا فرحان لعرسك بس مابليد حيله
جمانه صارت تبكي بشكل هستيري وهي تقول بين شهقاتها:أحس بكتمه أبي أطلع من الفندق الله يخليك طلعيني لو جلست أكثر يمكن أموت
فرح بعدتها عنها وجلستها على الكرسي وجابت مويه وصارت ترش عليها وتقول:أذكري الله كل هذا من أبليس
جمانه صار وجهها أسود من الكتمه
مرح بصراخ:جمانه جمانه
أدخلت مرح وأم وليد على فرح وهي تصراخ بشكل هستيري على جمانه ألي باين عليها فاقده للوعي
مرح بخوف:وش صار لها
فرح وهي تضرب جمانه على خدودها:تقو على مشاري يجي بنطلعها برى القاعه
أم وليد بعصبيه:أنتي صاحيه نطلعها وين نوديها
فرح وهي تناظر في عيون جمانه ألي بدت تفتح قالت:يمه بطلعها لبيتنا وباخذ الكوفيرات معي ولا منا خلصنا جينا للقاعه
جمانه بتعب قالت:أبي عزام
أم وليد قربت منها وقالت بحنان:هدي يمك الحين أدق على عمك وخليه يجيك
جمانه سكرت عيونها وقالت بنفس التعب:الله يخليكم بسرعه
أم وليد دقت على عزام وقالت له يجي لهم في القاعه لأن جمانه تبيه
مرح أجلست جمب جمانه ومسكت يدها وقالت بحنان:ترى هذا شي طبيعي كل عروس تتوتر في ليلة زواجها قومي صلي ركعتين وبيروح كل هالتوتر
جمانه وهي تحاول تقوم قالت بتعب:بقوم أخذ شور أحس جسمي كله حار بعدين بصلي
مرح ساعدتها على الوقوف وصلتها للحمام "أكرمكم الله"
فرح وهي تمسح دموعها قالت بحزن:كاسره خاطري هالبنت مالها حظ في هالدنيا
مرح بعصبيه:وش هالكلام يعني زواجها من عناد ماهو من حظها الزين
فرح بقهر:تصدقين ألي يشوفك يقول ماتعرف عناد وين زين لها وهو مغرور متسلط جاف في تعامله ماعنده حنان أبي أفهم وش فيه زين
مرح بنفس العصبيه:كل هذا يروح بعد الزواج أنتي أكثر وحده تدري كم تمنيته ياخذ في أختي بس الله أكتبه من نصيب جمانه وهي عندي مثل أختي
أم وليد بعصبيه:أنطمي أنتي وياها تراني ماني بناقصه وروحو شوفو جمانه ليه تأخرت أخاف عمها يجي مايحصلها
جمانه وهي طالعه بروبها قالت بحزن:هذا أنا طلعت ممكن تطلعون بلبس
طلع الكل ولبست جمانه قميص قطن لون سكري طويل وأكمامه كت وأخذت مصلاها وصارت تصلي وتدعي ربها ييسر أمرها

ْْْْْْْْْْْ

في قسم عهد

غاليه بعجاب:تصدقين أخاف إذا شافك خالد يصير لعقله شي
عهد ببتسامة جذابه:لا تخافين بصير حنونه على أخوك
غاليه بسخريه مازحه:ألف مره أقولك تراك ماخذه مقلب في نفسك
عهد بغرور مصتنع:لا حبيبتي أنا واثقه من نفسي
ساره أقتحمت الغرفه عليهم وهي تقول ببتسامه:ممكن ندخل
غاليه ببتسامه:منتي دخلتي وش له الأستأذان
ساره قربت من عهد وحبتها على جبينها وقالت بحب:ألف مبروك ياقلبي
جنا بضحكه:بعدو عني بشوف ألي أخذت حبيبي خلودي
عهد وهي منزله عيونها للأرض قالت بتمثيل للخوف:تكفون فكوني من هالمتوحشه
جنا تقدمت منها وحبتها على خدها وهمست في أذنها بصوت ذايب مصتنع:ماتوقعتك حلوه كذا
عهد حست بقشعريره من همسها فقالت بعصبيه وهي تدفها بعيد عنها:وخري عني شكل الثانوي خرب أخلاقك
جنا وهي تضحك:يختي الجمال ينطق الحجر مبالك بوحده مراهقه
غاليه ببتسامه:جنو وش قلتي لبنت عمي قلب وجها أحمر كذا
جنا وهي بتطلع قالت ببتسامه:أسأليها أنا بروح أشوف جمانه
ساره:وأنا بعد من جينا هناء وفرح مختليه فيها وطاردتنا للغرفه الثانيه
غاليه ببتسامه:ودي أروح معكم بس عهد ماعندها أحد
ساره وهي بتطلع قالت ببتسامه:معذوره ياقلبي

ْْْْْْْْْْْْْْ

أم وليد:قومن روحن للغرفه الثانيه عزام بيدخل
مرح:طيب خالتي بس قولي لها أن عمها جاء أخاف تكون لساء بروبها
أم وليد:خلاص بشوفها بس بلغن ساره وجنا لا يجون عندها
فرح:أن شاء الله يمه
دخلت أم وليد على جمانه شافتها تصلي فطلعت وسكرت الباب ودقت على عزام وبلغته أن جمانه ماعندها أحد وهي نزلت تحت تقف مع أختها وأم يوسف

دخل عزام على جمانه وحصلها تصلي فجلس جمبها على الأرض
جمانه بعد ماخلصت صلاتها رمت نفسها على صدره وصارت تبكي بشكل يقطع القلب
عزام حواط ظهرها بيديه وصار يهديها بكلامه وقلبه ينزف على صغيرته
جمانه بعدت عنه وقالت بين شهقاتها:أبي أطلع مابي أجي القاعه وهو يجي ياخذني من بيتك
عزام مسكها مع يدها وقفها وهو يقول بحزن ممزوج بقهر:مالك إلا الرضا قومي أخذي عباتك
جمانه قامت وأخذت عباتها ولبستها وعزام دق على أم وليد وبلغها ألي رفضت في البدايه بس عزام قال كلمته وهو ينهي النقاش بأنه بياخذها وبياخذ معها كوفيراتها وهي ألي تبيها من البنات بتروح معها

عزام بعد ماسكر قال بهدوء:ماودك تاخذين أحد من البنات
جمانه هزت راسها بلا وهي تبكي بصمت
عزام قرب منها ومسكها بيدها وطلع وبلغ الكوفيرات يلحقونه لأن العروس بتتزين في بيتها

طلعت جمانه ويدها في يد عمها وهم طالعين من القاعه كان وليد ومشاري وجاسم واقفين عند الباب ينزلون أغراض

جمانه صار جسمها ينتفض وهي تطالع شكله المحيوس
أما وليد عرفها وكيف مايعرفها وقلبه صار يدق بعنف كأنه يقول شوف هذي حبيبتك
وليد نسى نفسه وصار يطالع فيها وهو يتقدم ناحيته وحاله يقول

يزيد الشوق في عيوني ويقتلني عليك الشوق

إذا أنت أشتقتلي مره أنا كلي غرام وشوق

أحبك حب فوق الحب وبيتك ياغلاي القلب

أنا حبك مجنني وبعدك عن حياتي صعب

جمانه تعلقت عيونها بعيون وليد وحالها يقول

طيوفك تسكن بعيني تنومني وتصحيني

أسولف معك في غيابك ونار الشوق تكويني

لأنك غير كل الناس وقلبك طيبه وحساس

وبك كل شي تمنيته أحطك تاج فوق الراس
عزام حس بنتفاض جمانه يزيد وشكل وليد ماهو راحمها وهويتقدم منهم
جاسم حس أن وليد يمشي كأنه مخدر وعيونه معلقه على البنت ألي ماسكه يد عزام لكن مسرع ماتبرمجة المواقف في عقله وعرف السبب
عزام شد جمانه مع يدها وهو يقول بعصبيه:تحركي
جمانه:..............
عزام شدها بقوه أكثر وهو يسب كل شي حوله
جمانه صحت من سكرتها وقالت بألم ودموعها غرقة نقابها:عمي يدي عورتني
عزام فك يدها وهو يقول:يالله أمشي بسرعه
مشى عزام وجمانه للسياره وليد كمل طريقه لحد ماوصل لمكان وقفة جمانه وصار يحرك رجوله على الأرض وهو يقول بهمس:خلاص راحت
جمانه بعد ماركبت السياره طالعت ناحية وليد وقالت بهمس:عمري ما راح أحب غيرك أوعدك
حرك عزام السياره من غير ماينطق بكلمه يدري أنها مجروحه لكن مهما صار الموقف ألي صار ماعجبه ففضل الصمت والعتاب لاحق عليه

مشاري حط يده على كتف وليد وقال بهدوء:على الأقل أحترم الرفقه
وليد بألم:تدري مالاوي يدي غير الرفقه
مشاري بنفس الهدوء:خلاص قوم نكمل شغلنا ونساها
وليد وهو يمشي مع مشاري قال بسخريه:أي قلبي على كيفي أقوله أنساها ينساها
مشاري بنفس الهدوء:أنت حاول

ْْْْْْْْْْْْْْْْْ

في غرفة جمانه في القاعه

ساره بقهر:معقوله مانشوفها وهي عروس
فرح بسخريه:وأنتي مصدقه أنها بتتزين هي هربت عشان تاخذ راحتها
جنا بألم:تصدقون مالومها وين لها نفس تتزين
ساره بدت دموعها تنزل قالت بغيض:حتى لو مغصوبه هذي عهد نفسها وكاشخه ولا أحلى عروس
مرح بسخريه:حبيبتي عهد وين بتلقى مثل خالد يحق لها
ساره بعصبيه:والله إذا خالد ماناقصه شي ترى عهد مثله وزياده
فرح تنهي النقاش:أقول قومو خل نخلص وننزل تحت ناقف مع خالتي
جنا بهدوء:أنا بروح لعهد مالي خلق أنزل تحت
ساره:وأنا بروح معك بخلي الكوفيره تضبط شكلي
مرح بقهر:قولو ماتبون توقفون معنا
فرح بأمر:كلنا بننزل تحت مو حلوه مانوقف مع خالتي
سماهر وهي داخله قالت ببتسامه:وش عند الحلوات محتجبات
فرح ببتسامه:ننتظر جانبك
ضي من وراها قالت ببتسامه:وين عروسنا
ساره بقهر:عروسنا أنحاشت
ضي بصدمه:أنحاشت
ساره بنفس القهر:أي دقت على عمها وخذها لبيته
سماهر بغيض:وعمها على كيفه ياخذها
جنا بسخريه:من بيوقف في وجه عزام أمي وإلا خالتي
سماهر بعصبيه:وأنتن جالسات هناء أنا بروح لها وإلا تبي حياها
ساره بخوف:منصدقك والله غير يطردنا عزام من بيته لو جمانه ماتبينا
سماهر بعصبيه:خله ماني معبرته وجمانوه بتكشخ زيها زي غيرها
جنا ببتسامه:أنا بروح معك أحب أشوف الأكشنات
فرح بجد:خلاص روحي أنتي وسماهر بس وإذا خلصت جبوها غصب عليها
سماهر ببتسامه:ولا يهمك أزهليها عندي

ْْْْْْْْْْْْْْ

في بيت عزام

عزام بعصبيه:يعني عاجبك الموقف ألي حطيتيني فيه
جمانه بقهر:الحين بتحاسبوني على حبي وأنتم السبب فيه
عزام قرب منها ومسكها مع يدها بقوه وصار ينفضها بعنف وهو يقول:كلمه وحده وليد هذا تنسينه تراك على ذمة رجال وهالحب مابي أسمع سيرته
جمانه سحبت يدها منه بقوه وقالت بغيض:أنسى الحين تبوني أنسى وين ألي يقول باقف معك والسالفه كلها كلام
عزام بعصبيه:سألتك ألف مره تبينه أو لا وفي كل مره تقولين أي الحين أنطمي ولاسمع سيرة وليد لكون ذابحك بيدي
جمانه أنهارت على الأرض وصارت تشد شعرها بعنف وهي تقول:أرحموني حتى حب حياتي بتمنعوني من ذكراها كل شي حلو بحياتي منعتوني منه
عزام نزل لمستواها وأخذها بصدره وقال بألم:يومك تبيه هالكثر ليه ماخليتيني أطلقك من عناد
جمانه أنهارت تبكي وهي تقول بين شهقاتها:وليد أصبح حلم صعب المنال
عزام زاد من ضمها وهو يقول بحنان:يومك عارف أنه حلم ليه تعذبين نفسك وتعذبينا معك
جمانه بصوت مبحوح من البكي:ماهو بيدي أدري عيب هالكلام ومنقود لكن وألي خلقني وخلقك ماهو بيدي أحس روحي معلقه فيه
عزام وده ينفضها بعنف ويقولها أصحي أصحي الحب ماهو عندنا أرحمي الحب لغير زوجك عيب وماهو عيب بس أكبر مصيبه لبنت من بناتهم بس ماباليد حيله
جمانه بعدت عنه وقالت ببتسامة ألم:أدري ودك تذبحني لكن أنتم السبب من وعيت عالدنيا وأنتم تقولون أنتي لوليد وليد زوجك تراي ماحبيته بيراتي أنتم زرعتوه بقلبي غصب علي خليتوني أتعلق فيه تعلق الزوجه لزوجها وعشقه عشق العشيقه لعشيقها
والحين تبوني نسى كل هذا عشانكم قررتو تزوجوني غيره صعبه ياعمي صعبه
عزام قام واقف وقفها معه وقال بهدوء:مالومك يابنت آخي ولام الله من لامك
جمانه بللت شفايفها بعدين قالت ببتسامة مقهور:ماهو أول وحده تحب وتتزوج غير ألي تحب
عزام بحنان أبوه:ماتدرين الخيره وين ويمكن سعادتك مع عناد
جمانه بألم:ماعاد تفرق ياعمي ماعاد تفرق
عزام ببتسامه:يالله قومي روحي لغرفتك وبخلي الكوفيرات يجونك أبيك خلال ساعتين تكونين أحلى عروس
جمانه بهدوء:من عيوني

ْْْْْْْْْْْْْْْْْْ

في قاعة الرجال

خالد بهمس:ياخي أبتسم هذا أنا مثلك ووزع أبتسامات
عناد في نفسه"وين أبتسم وأنا آخذ حثالة المجتمع ليتني أقدر أصرخ وقول طالق مابيها بس صعبه صعبه لي فيها حاجه "
خالد ببتسامه:ترى المسأله مايبي لها حسبه
عناد بقرف:ياخي كيفي مابي أبتسم ممكن تسكت
خالد ببتسامه:لا الأخلاق تجاريه
خالد بستفسار:إلا عبدالله ماجاء
عناد بقهر:ياخي عمره ماجاء وأنا وش علي منه
خالد ببتسامه:بسكت قبل لا تذبحني
عناد بغيض:يكون أحسن

مشاري بضحكه:شوفو وجه عناد تقول مودينه الصفاه ماكنه معرس
فيصل بسخريه:صدق مصخره واحد بيموت عليها ومحروم منها والثاني ملك يمينه ومايبيها
مشاري طالع في وليد ألي جالس مع بدر وقال بحزن:تصدق أني مستخسر جمانه في عناد جمانه فرس أصيله
فيصل بسخريه:لايكون بعد أنت من معجبينها
مشاري ببتسامه:لا معجب ولا شي هي كلمة حق وقلتها
أبومشاري قطع كلامهم بقوله:الحين أنت جالس وتارك الضيوف قوم ساعد عيال عمك
مشاري قام واقف وهو يقول:تامر طال عمرك
فيصل بحترام:تراني حاضر للمساعده
أبومشاري ببتسامه:ماتقصر يابوك
مشاري توجه مع أبوه لعيال عمه وهو يقول بحترام:يبه ماودك تبارك لعناد
أبومشاري بعصبيه:أبارك له على سواد وجهه
مشاري بهدوء:هذا خالد نفسه وفرحة له وباركت له وش معنا عناد
أبومشاري بعصبيه:خالد ماسود وجيهنا مثل هالعناد والله لو ماهو ولد ناصر ليكون تصرفي ثاني
مشاري بستغراب:ماسود وجيهنا وهو أنحط في نفس موقف عناد
أبومشاري ببتسامه:لايابوك غلطان عهد أدخلت على خالد بفعل فاعل
مشاري بقهر:فعل فاعل وتغصبه عليها
أبومشاري بنفس الأبتسامه:هالشخص خدمني خدمة العمر من يوم جتنا عهد وأنا أتمناها لخالد بس كنت عارف خالد مستحيل ياخذها وهي كفيفه ويوم جتني هالفرصه أستغليتها
مشاري بقهر:أنتي تدري أن عناد كان جاي لعبدالله وإلا شهادة عادل مالها قيمه
أبومشاري بعصبيه:عادل مع عناد على الخير والشر وإلا على بالك نسيت سالفة الخدامه وبعدين خالد وعهد حتى لو محد درى بالموضوع مستحيل أصدق فيهم خالد تربيتي وعهد تربية أمك لكن جمانه من رباها أبوسكران أربعه وعشرين ساعه وإلا مرة الأبو ألي الله العالم بخلاقها وعناد كلنا نعرفه ماهي أول مره وألي يغلط مره يغلط عشرين مره
مشاري بسخريه:مع أحترامي لك يالغالي لكن كلامك مايدخل عقل عاقل
أبومشاري بغضب:الحين كلامي ماهو عاجبك عشانك والله على شاكلة ولد عمك وإلا تحسبني مدري عن تليفوناتك آخر الليل
مشاري توهق وقال بتهرب:عن أذنك هذا عدنان يأشر لي
أبومشاري بسخريه:يأشر لك قول بنحاش

ْْْْْْْْْْْْْْْْْْْْ

سماهر برتباك:سيارة عمها موجوده تتوقعين يطردنا
جنا وهي تنزل قالت ببتسامه:أتوقعي أي شي من عزام تراه مايحشم
سماهر نزلت وقالت بسخريه:إذا مايحشم تراني ماحشم
جنا بضحكه:نشوف الحين
سماهر طقت الجرس وهي تقول:خله يقول شي لخليه بيزه مايسوى
جنا بتوتر:تصدقين بديت أخاف ليتني ماجيت معك
قطع حديثهم فتح الباب وكان عزام تراجعن البنات ورى وقالت سماهر بحترام:ممكن نشوف جمانه
عزام رفع واحد من حواجبه وقال:أدخلن داخل وبروح أقولها
دخل عزام وبعده بثواني دخلن جنا وسماهر
سماهر بقهر:وينه ألي بيطردنا
جنا بسخريه:لا تستعجلين على رزقك خل جمانه تقول مابيهن وشوفي وش بيصير
قطع كلامهم دخول جمانه بكامل زينتها وهي بفستانها الأبيض وكانت فعلا آيه في الجمال مهما تناظرها ماتمل العين من شوفتها رغم بساطة مكياجها وفستانها لكن الحلو حلو لو صحى من النوم
سماهر وجنا كل وحده فتحت فمها من جمال جمانه
جمانه بهدوء ساحر:وش رايكن
سماهر صفرت بقوه بعدين قالت بصوت عالي:واااااااااااااااو جمال ياعالم جمال
جنا ضربتها على كتفها وقالت بعصبيه:أستحي يابنت ترى البيت فيه رجال
سماهر زغردت بعدين قالت ببتسامه:من يلومني وأنا أشوف هالجمال قدامي
جمانه ببتسامه باهته:الله يرفع قدرك مثل مارفعتي قدري
سماهر قربت منها وضمتها بخفيف وقالت بفرح:ألف مبروك ياقلبي
جنا بعدتها عنها وقالت بعصبيه:يختي بعدي عنها خربتي كشختها
سماهر بعدت عنها وقالت ببتسامه:من فرحتي والله
جنا حبتها على جبينها وقالت ببتسامه:ألف مبروك حياتي
جمانه بهدوء:من جابكم
سماهر بنفس الأبتسامه:السايق
جنا بتوتر:ماودك تردين للقاعه حرام تحرمين أمي وخالتي فرحتهم فيك
جمانه بنفس الهدوء:ألي يبيني يجي هناء أما أني أروح القاعه مستحيل
سماهر بعصبيه:لاشكلك جنيتي وين يجونك ويتركون عهد
جمانه بدت تفقد هدوئها وقالت بحزم:كلمتي وحده
سماهر بدت تصارخ وهي تقول:قسم بالله لو ماجيتي معي بالطيب لسحبك معي سحب
عزام من ورى الباب قال بعصبيه:لايكون شاه بتسحبينها وراك
سماهر بعصبيه:محد مقوي راسها غيرك ياخي أطلع منها وهي تعمر
عزام بنفس العصبيه:أحشمي لسانك لا تسمعين شي مايسرك
سماهر بسخريه:ترى المرجله ماهي بملاغات الحريم
عزام بصرخه قويه:جمانه قولي لضيفتك تقضب الباب
جنا بهمس:فضحتينا مع الرجال أنطمي
سماهر بسخريه:ليه أنتي تشوفين رجال
عزام فقد أعصابه وقال بعصبيه:قسم بالله لو منتي بنت بدر لتشوفين شي مايسرك
جنا تكلمة بحترام:العيبه ماتطلع من بنت بدر
سماهر بقهر:قولي له أني ماني بنت بدر ماله داعي الف والدوران
جنا بهمس:يعني يرضيك تلاسنينه ويحسبك من خواتي
جمانه بحزم:سماهر عيب عليك تراددين الرجال وجنا معها حق لو كنت مكانها مارضيتها
عزام قطع كلامهم بقوله:جمانه تعالي
سماهر بعناد:جمانه بتروح معي غصب على ألي مايرضى
عزام بعصبيه:جمانه أطلعي لا أجيك
جمانه حبت سماهر على راسها وقالت ببتسامه:بجي عشانك بس أنتي روحي وأنا بجي مع عمي
سماهر ببتسامه:عشانك بروح
طلعت جمانه لعمها ألي كان يغلي من الغضب
عزام بعصبيه:مابي أسمع شي روحه للقاعه مافيه وخلي قليلة الحياء هذي تطلع من بيتي
سماهر لبست نقابها وغطت عيونها وطلعت لهم وهي تقول بسخريه:لايكون داخله بيت ملك وأنا مدري
عزام أنصدم من وقاحتها وقال ببتسامه مايله:أن لم تستح فصنع ماشئت
سماهرخزته من فوق لتحت بشكل مباشر وقالت بسخريه:تصدق أنك عقل طفل بجسم رجال
جمانه بعصبيه:سماهر عيب عليك
سماهر وهي طالعه قالت بأسف:سامحيني يالغاليه بس ألي جمبك يستفز
عزام ببتسامه ساخره:عادي قولي أني معجبك وتراني حاضر
سماهر صدت بعصبيه وقالت بغضب:ثمن كلامك تراي بنت رجال
عزام بنفس السخريه:وبنت الرجال تلاسن الرجال كأنها رجال
سماهر بنفس الغضب:لأن ألي قدامي حشره من حشرات الأرض
جنا ماقدرت تتحمل فطلعت وسحبت سماهر بقوه وهي تقول بهمس:بسك فضحتينا ماتخلين طبعك
عزام وهو طالع لفوق قال بسخريه:نصيحه لا تحطين راسك براسي
سماهر بصوت عالي:أعلى مافي خيلك أركبه
جنا دفتها بقوه لبرى وهي تقول بعصبيه:صدق وجهك مغسول بمرق فيه بنت حشيم ترادد رجال
سماهر بعصبيه:يرحم والدينك أسكتي عني
جنا بعصبيه:خلنا نخلص من هالزواج على خير وبعدين نتحاسب

ْْْْْْْْْْْْْْ


في القـــاعـــه

منى بقهر:الحين هذا ماعنده كرامه يتزوجها بعد الرساله
خلود بهدوء:يمكن خاف من عمه لأنه كان حاضر السالفه
منى بخبث:إذا ماخليته يكره نفسه قبل مايفكر يقرب منها ماكون منى
خلود بخوف:وش بتسوين بعد إذا بعد رسالتك وماطلقها وش بقى
منى طلعت جوالها من جيب بنطلونها الواسع وهي تقول بخبث:حبيبتي كثر الدق يفك اللحام
خلود بتوتر:ياخوفي تنقلب السالفه على روسنا
منى وهي تكتب رساله قالت ببتسامه خبيثه:لاتخافين عيوني أنا منى والأجر على الله
خلود تقرأ وش تكتب منى وعلامات الصدمه تعتلي وجها

ْْْْْْْْْْْْْْْ

في بيت عزام

جمانه برجاء:عمي عشان خاطري ردني للقاعه
عزام يضبط شماغه على المرايه قال بعصبيه:ماني لعبه عندك مره جيبني ومره ردني
جمانه بقهر:إلا قول محتر من سماهر وتبي ترد الحره فيني
عزام صد عليها وقال بغيض:هالحيوانه ماتجبين لي سيرتها
جمانه بنفس القهر:يعني عشانها طولت لسانها حبتين تعصب علي
عزام بعصبيه ممزوجه بسخريه:حبتين هذي باقي وتمد يدها قليلة التربيه
جمانه بملل:الحين خلنا من سماهر وردني للقاعه
عزام بسخريه:أنا بفهم أنتي عروس وإلا لا تصدقين ماشفت فيك من توتر العروس ولا حياها شي ياتبكين يا تلاسنين
جمانه عضت على شفتها التحتيه وقالت بمراره:معك حق بس مدري وش فيني محس بأي أحساس من أحاسيس العروس كل ألي أبيه تعدي هالليله على خير
عزام بهدوء:طول عمري أتمنى أشوفك عروس ويوم صرتي عروس ماشفت غير شكل عروس من غير إحساس
جمانه بألم:أحساسي مات
عزام بقهر:بس بس ترى ماصدقت على الله يتغير مودك بترجعين على طير يلي خلك من غير إحساس أبرك من هالأحساس
جمانه صدت عنه وهي تقول:بروح ألبس عباتي
عزام ببتسامه:أنتظرك تحت

ْْْْْْْْْْْْْْْ

في القــاعـــه

عهد بخوف:غاليه خلك معي
غاليه تمسك يد عهد قالت ببتسامه:لا تخافين بكون معك
مرح بسخريه:لايكون هالعمياء خايفه
غاليه بقهر:مرح ياليت تمسكين لسانك
مرح بعصبيه:لا تعالي طقيني أحسن
غاليه بهدوء:مرح ماهو وقت هواش خالد بيدخل الحين خلي الهواش بعدين
أم مشاري دخلت وحبت عهد على راسها وقالت بحنان:ألف مبروك والله يسعدك ويرزقك بالذريه الصالحه
عهد وجهها صار إشارات مرورمن الخجل
غاليه بضحكه:البنت وصارت إشارة مرور وهي ماشافت العريس أجل لا شافته وش بتسوي
أم مشاري بعتب:غاليه
غاليه أكتمت ضحكتها أمها تخاف أن عهد أنجرحت من كلمة لا شافت العريس ماتدري أن عهد تشوف
أم مشاري أمسكت عهد مع يدها وقفتها عشان تستغبل عريسها وعمها
دخل أبومشاري ومعه خالد
أبومشاري قرب من عهد وقبل جبينها وقال بحنان:ألف مبروك ياأبيك
عهد بهمس:الله يبارك فيك
أبومشاري لخالد ألي منزل نظره للأرض:تعالي يابوك سلم على عروسك
رفع خالد نظره لعهد ألي منزله راسها وتقدم بهدوء لها ولما وصل لها قبل جبينها وهمس في أذنها بنبره هاديه:أرفعي راسك تراي أشوف مو مثلك
عهد حست بقشعريره تسري في جسمها من نبرته ولاشعوري رفعت نظرها لوجهه وحطت عينها في عينه وقالت ببتسامه ساخره:العماء عماء القلب ياولد عمي
خالد حس لحظه أنها تشوفه مثل مايشوفها لكن سرعان ماتبخر أحساسه وعهد تحرك بردة عينها مثل المكفوف
خالد جلس وجلسها معه وهو يقول بسخريه:ماشاء الله عليك لسان يكفيك عن النظر
عهد ودها ترفع عيونها له تبي تتفحص شكله بدى لها من النظره الأولى وسيم وسامته حاده تخوف ألي قدامه
أم مشاري قربت لخالد ألي بدوره قام لها وحبها على راسها وقالت:لاوصيك على بنت عمك تراها يتيمه
خالد ببتسامه:لاتوصين عهد بعيوني
غاليه من ورى أمها قالت ببتسامه:يمه خلي لنا مجال نبارك
أم مشاري بعدت عن خالد وهي تقول ببتسامه:يالله باركي بسرعه وطلعي المصوره تبي تاخذ لهم صور
غاليه سلمت على خالد وهي تهمس في أذنه:دير بالك على عهد تراها جوهره لاتضيعها من يدك
خالد قبصها على خدها وهو يقول ببتسامه:لاتحاتين بنت عمك
مرح وهي تبعد غاليه عشان تسلم على خالد:مبروك
خالد بضحكه:مبروك كذا من غير أبتسامه كأنك مغصوبه تقولينها
مرح تتصنع أبتسامه وهي تقول:لا مغصوبه ولا شي بس تعبانه
في سلمت على خالد وهي تقول بندم:سامحني أنا ألي بليتك في هالعمياء
خالد طالع في في بنظره حاده وهو يقول:عيدي
في بهمس:موقته بعدين أقولك
خالد بين أسنانه:يصير خير
أم مشاري:يالله يمه خلو العرسان يصورون براحتهم

طلع الكل وبقى العرسان

خالد مسكين على باله ألي جالسه جمبه ماتشوف عشان كذا أخذ راحته
خالد يحرك يديه بشكل ودي أذبحها وهو يقول:ماكأن المصوره تأخرت
عهد مسكت ضحكتها لاتنفجر قدامه وقالت بسخريه:ترى حركاتك مالها داعي قلتلك العماء عماء القلب
خالد بهت وصار يطالعها وعيونه مفتوحه من الصدمه
عهد هناء ماقدرت وضحكة بشكل هستيري ماتدري هو من حركات خالد وشكله وإلا من الضغط النفسي والحياء
خالد لاشعوري أبتسم مايدري سر هالأبتسامه حلاة ضحكتها وإلا الموقف السخيف
عهد بعد ماقدرت تسيطر على ضحكاتها قالت بخجل:أسفه
خالد بنبره جاده:الحين من صدقك تحسين بكل حركاتي
عهد ببتسامه خجوله:ماراح أعيد ألي قلته
قطع كلامهم المصوره بدخلتها عليهم وبدت تصورهم

ْْْْْْْْْْْْْْْْْْْ

جمانه وصلت وستغبلتها ساره وفرح ألي أنصدمو من شكلها وهي بكامل زينتها
ساره ويهي تجلس جمانه في الكوشه:تصدقين ماتوقعت أنك حلوه هالكثر
جمانه ببتسامه هاديه:عيونك الحلوه
فرح بستعجال:بسرعه خلصو أمي تقول عناد وعزام بيدخلون هالحين
جمانه حست كل مافيها توقف عن الحياه الحين أستوعبت وش سوت بعمرها عذاب شوفت أبوها أرحم مليون مره من هالعناد كيف تعيش مع غير وليد ودها تصرخ وتقول مااااااااااااااااااابيه والله مااااااااااااااااااااابيه لكن لافات الفوت ماينفع الصوت
ساره أنتبهت للمدموع جمانه ألي صارت تنزل كأنها مطر يمطر على أرض خاليه من الحياه
ساره بحنان ممزوج بألم:جمانه الله يرحم أومك لاتخربين مكياجك بدموعك
جمانه:....................
ساره بعصبيه:فرح تعالي تفاهمي معها
فرح نزلت دموعها على بنت خالتها الحزن واضح على وجهها كأنها إنسانه بنفاسها الأخيره
ساره بصرخه:مو قتك يافرح تعالي شوفيها الرجال بيدخل
فرح مسحت دموعها وقربت من جمانه وجلست قدامها على ركبها ومسكت أكتوفها وقالت بحنان:جوجو مامليتي صارلك أسبوعين تبكين ماعورتك عيونك من البكي أرحمي نفسك ورحمينا
جمانه:...................
أم وليد وهي داخله قالت بستعجال:يالله قومن عناد وعزام بيدخلون
ساره بقهر:وين يدخلون وحال جمانه كذا
أم وليد طالعت في جمانه ألي كان وجهها خالي من الحياه ودموعها تنزل كأنها لؤلؤ على خدها الأبيض
أم وليد بصدمه:وش فيها ليه تبكي
ساره بنبره مقهوره:مدري عنها شوفي لها صرفه لاتفضحنا مع الرجال
أم وليد توترت من جوالها ألي يدق وكان المتصل عزام ومن حال جمانه
فرح قامة واقفه وهي تقول بيأس:خلهم يدخلون ماراح ترد علينا لأنها ماهي حاسه فينا
ساره بعصبيه:وين نخليها وهي كذا
فرح بعصبيه:وش تبينا نسوي كاهي قدامك تصرفي معها
أم وليد تمنع عبرتها وهي تقول بأمر:يالله قومن الرجال برى بيدخلون
ساره قبلت جمانه على جبينها وهمست في أذنها:وكلي أمرك لربك ربما تكرهون شيئا وهو خيراً لكم

أم وليد ردت على عزام وبلغته يدخلون وبقت عند جمانه ومسكت الزاويه بعيد عنهم عشان ياخذون راحتهم

دخل عزام ومعه عناد على جمانه ألي كانت على نفس وضعها
عزام تقدم من جمانه وأنصدم من شكلها ومن قو الصدمه وقف مكانه ماقدر يقرب منها ألي يشوفها يقول روحها منزوعه منها
عناد أستغرب من وقوف عزام ولاشعوري وجه نظره لجمانه وحس بغثيان أول ماطاحت عينه عليها ولاشعوري طلع من الغرفه بسرعه لايرجع عليهم
أم وليد صدمها فعل عناد لكن توقعت السبب حال جمانه
أم وليد بحنان:يمك قرب منها كلمها يمكن تحس فيك
عزام رفع نظره لالسواد ألي واقف في الزاويه وقال بفتور:علامها
أم وليد بحزن:مدري يمك كلمها يمكن تحس فيك
قرب عزام من جمانه وجلس نفس جلست فرح على ركبه ومسك كفوفها وصار يقبلها وهو يقول بمراره:جوجو أنا عزام ماتبين تكلميني
جمانه:.............
عزام قام واقف وقفها معه وضمها بحنان وهو يهمس في أذنها بحنان:لمتى لمتى هالحزن
جمانه صرخت صرخه عاليه بقول:ماااااااااااااااااابيه ماااااااااااااااابيه
عزام زاد من ضمه لها وهو يقرأ من الآيات عليها ودموعه لا شعوري بدت تحلق في محجر عينه
أم وليد بجزع:الله لايوفق من كان السبب
دخل عناد بعد مارجع كل ألي في معدته وغسل وجهه لكن صرخت جمانه وقفته مكانه وصار يطالع ظهر عزام وهو ضامها له
عزام بحنان بعد ماهدت:سمي بالله وذكري ربك
جمانه صارت تبكي بشكل يقطع القلب وهي تقول بين شهقاتها:الله يخليك عمي قوله يطلقني
عناد بسخريه:شفت ناس وقحه كثير لكن مثل وقاحتك ماشفت
عزام صد لعناد وهو يقول بنبره حاده:ترى ماهي ناقصتك
جمانه بعدت عن صدر عزام وهي تقول بصوت مبحوح من البكي:أي وقحه مالك شغل فيني طلقني مابيك
عزام توهق كلام جمانه يجرح أي رجل وماراح يلوم عناد لو صفعها كف لأنه لو مكانه هذا أقل شي بيسويه لكن ردة فعل عناد صدمته
عناد ببتسامه ساخره:وقاحتك على قلبي أحلى من العسل
أم وليد بهدوء:الله يخليك لهلك خف على البنت تراها مقهوره
عناد بحترام:لا تحاتين ياخاله ماني بزر عشان آخذ بكلامها
عزام همس في أذن جمانه وهو يقول:تدرين لو مكانه ذبحتك عزالله أنك أخذتي رجال
جمانه لأول مره ترفع نظرها له ولاشعوري حست بخجل من نظراته ألي مسلطه عليها كأنها عيون صقر يناظر فريسته وماقدرت تطالع فيه أكثر من ثواني معدوده ونزلت نظرها كان نقيض لوليد وليد ملامحه حنونه لكن هذا ملامحه قاسيه رغم وسامته وعيونه حاده عكس عيون وليد الناعسه
عزام أستغل خجلها وقال بهمس:تصرفي بعقل خلي عنك حركات المراهقات وحترمي زوجك
جمانه:.........
أم وليد وهي تقرب من جمانه قالت بهدوء:بعد يمك بجلسها وبارك لها لأن أمه وخته بيجون يباركون له
عزام همس في أذنها بقول:أخليك الحين ولا تخافين لأني بوصلك للفندق بنفسي

طلع عزام وطلع معه عناد عشان أم وليد تضبط شكل جمانه ألي نحاس من البكي

أم وليد بعد ماجلست جمانه مكانها دقت على ساره تجي مع الباب الثاني للغرفه عشان تضبط شكل جمانه
ساره بصدمه:الحين عناد شافها كذا
أم وليد بقهر:ليته على الشكل بس جمانه سمعته كلام يسد النفس
ساره بعصبيه:يعني أنتي ماترتاحين إذا مانكتدي على نفسك الحين وش فايدت كلامك غير أن عناد بيحقد عليك ويطين عيشتك
جمانه بقهر:ساره الله يرحم والديك ترى ألي فيني مكفيني ماني ناقصتك
ساره بدت شغلها وهي تقول بغيض:وش الفايده أعدلك بعد ماتخرع الرجال من شكلك
جمانه تحاول تتماسك لا تنهارقالت بغضب:قسم بالله إذا ماسكتي عني لقوم أغسل وجهي وريح نفسي من هالمهزله
ساره ألتزمت الصمت وهي تعدل شكل مكياجها ألي نحاس

ْْْْْْْْْْْْْْْ

جاسم بستغراب:الحين وش مطلعك ماصارلك نص ساعه داخل
عناد وهو حاط بشته على يده قال بعصبيه:جاسم حل عن سماي
جاسم طالع في عزام ألي كان كل شوي يتصل وشكله مهموم قال بهدوء:وش فيه عزام لايكون طينتها داخل
عناد زادت حدت عصبيته وهو يقول:قسم بالله إذا ماتسكت لكون لافك كف
جاسم بسخريه:تسويها منت متعود على مجرمينك تتوقع كل الناس مثلهم
عناد صد لعزام ألي يأشر له وهو يقول بنبره حاده نوعاً ما:تعال بوصلك لعروسك
جاسم بدهشه:يوصلك أجل قبل شوي وين وداك
عناد سفهه وتوجه لعزام وهو يقول في نفسه"ليت كل ألي أنا فيه حلم ماعاد أبي منها شي كل ألي أبيه ماشوف وجها"

""البــارت العـاشـر""
ساره وهي بتطلع قالت بهدوء:أطوي صفحة حياتك الماضيه وأنسي
جمانه تحاول تتمالك أعصابها لاتنفجر فيها وفي كل شي حولها صح هي هدت لكن مو لأنها متقبله الموضوع لكن حياها منعها أنها تثور أكثر في وجود هالعناد مهما صار هي بنت وهو رجل غريب عليها لكن خلها تتعود عليه إذا ماخلته يطلقها ماتكون جمانه
ساره طلعت من الباب الثاني على دخول عناد
عناد طالع فيها بعدين صد بنظراته لأم وليد وقال بهدوء:لو تكرمتي ياخاله تنادين لي أمي وأختي بسلم عليهم وطلع
أم وليد وهي بتطلع قالت بهدوء:بيجون الحين يمك
عناد حاول يتحرك ناحيتها لكن ماقدر إشمئزازه وقرفه وكره لها أمنعوه من التقدم
طق الباب ودخل منه أم يوسف وجنان وأمل خالتهم

عناد صد لهم وأبتسم وهو يقول:هلا والله
أم يوسف ضمته وهي تبكي وتقول:الحمدالله ألي طول بعمري لين شفتك معرس
عناد بعدها عنه ومسح دموعها بكف يده وهو يقول بحنان:فرحانه تبكين زعلانه تبكين
أمل ببتسامه:يعني ماتعرف أمك دمعتها على طرف عينها
عناد رفع نظره لها وقال وهو يبتسم:وأنتي طمعتك ماهي على طرف عينك
أمل ببتسامه:تصدق أني أشك ماعندي دموع أصلاً
عناد بعدت عنه أمها عشان أمل وجنان يسلمون عليه
أمل وهي تسلم عليه قالت بهمس:تصدق زوجتك قمر ياخي عليها جمال خرافي
عناد رد بنفس همسها وهو يقول:الجمال جمال الأخلاق
أمل لوت فمها وهي تقول:ياحسرتي عليها يوم قدرها رماها عندك
عناد ببتسامه ساخره:توك تشوفينها وتتحسرين عليها
أمل وهو تناظر جمانه ألي منزله نظرها للأرض قالت ببتسامه:ياخي فيه ناس يدخلون القلب من أول نظره وعروسك منهم
جنان قطعت حديثهم وهي تقول ببتسامه:ممكن أبارك
عناد مد يده لها وسحبها لصدره وهو يقول بحنان:إذا ماباركتي أنتي أجل من يبارك
أمل ضربته على كتفه بخفيف وهي تقول:يعني مباركتي مالها معنى
عناد قرب راسه لها وهمس في أذنها وهو يقول ببتسامه:روحي للي دخلت قلبك
أمل وهي بتروح لجمانه قالت ببتسامه:تصدق أنها أبرك من وجهك
عناد بعد جنان وحط يده على كتوفها وصدو لناحية جمانه ألي ماكانت تدري بأحد وهي في عالم آخر
أمل ببتسامه حنونه:مبروك ياعروس
جمانه رفعت نظرها لأمل وقالت ببتسام باهته:الله يبارك فيك
أمل قبلت جبينها وهمست في أذنها بقول:تحملي هالعناد تراه أسم على مسمى
جمانه لاشعوري رفعت نظرها لعناد ألي كان مركز نظره لهم لكن أول ماطاحت عينه في عينها صد بقرف
أم عناد وهي تبعد أمل:الحين أنتي تباركين وإلا تلقين محاضره في أذانيهم
أمل بعدت عنها وهي تقول بضحكه:يختي عروس ولدك فيها مغناطيس جذبني لها
أم عناد قلبت جمانه على جبينها وقالت بنبره بارده:مبروك
جمانه بخجل:الله يبارك فيك
جنان قربت منهم وهي تقول ببتسامه:بعدو عني ببارك لعروس أخوي
أمل ببتسامه:يعني أحد ماسكك تعالي باركي لها
جنان قبلت جبين جمانه بعدين همست في أذن جمانه بقول:سامحيني خربت حياتك قبل تدخلينها
جمانه بدهشه قالت بهمس:خربتيها
جنان وهي على نفس وضعها قالت بنفس الهمس:ترى عناد يدري عن حبك لوليد
جمانه كأن أحد صفعها كف على وجهها ماتخيلت ولا واحد في الميه أنه يدري عن حبها كيف يرضى بوحده تحب غيره ومو أي حب هذا عشق بجنون
أم مشاري بحزم:يالله خل نطلع عشان المصوره تاخذ صور لهم ويطلعون للفندق
عناد بهدوء:مانبي مصوره بنطلع للفندق عزام ينتظرنا برى
أمل بعصبيه:والمصوره ألي واقفه برى وش نقولها
عناد بنظره حاده لأمل قال:قولي لها تضف قشها مانبيها
جنان همست في أذن أمل بقول:لاتراددينه لا يغسل شراعك الحين
أمل بسخريه:والله ألي يشوفه يقول مغصوب
جنان بنفس الهمس:تكفين خلنا نطلع وأقولك كل شي
أم مشاري بأمر:يالله بنات طلعنا
أمل بقهر:أنتم أطلعو وأنا بساعد جمانه بلبس العبايه
أم مشاري وهي طالعه:لاتطولين
عناد طلع مع طلوع أمه وخته مع الباب الثاني

ْْْْْْْْْْْْْ

جلست عهد على الكرسي وهي تغلي من الغيض ماخلت هالمصوره حركه ماقالت سووها والمصيبه خالد كان يبتسم طول التصوير ماكأنه ألي قبل أسبوعين مقوم الدنيا ومقعدها

خالد جلس على كنبه منفرده مقابله لها وهو يقول بسخريه:تقدرين تلبسين عباتك وإلا أدق على غاليه تساعدك
عهد ببتسامه خبيثه:ليه غاليه وأنت موجود خلاص تعود كل شي أنت بتسويه
خالد فتح عيونه على آخرها وهو يقول بعصبيه:مصدقه نفسك بالحيل تراك
عهد قامة واقفه وهي تقول بنفس الأبتسامه الخبيثه:وليه ماصدق نفسي تطول وحده بجمالي
خالد بقهر:جمال ناقص يالعمياء
عهد صدت بوجها عنه لايشوف ضحكتها وهي تقول بتأثر مصتنع:يعني بتعايرني بشي ربي قدره لي
خالد حس بندم وقال بأسف:أسف بس أنتي حديتيني
عهد بخبث:الحين بتجيب عباتي وإلا لا
خالد قام وجاب عباتها من الشماعه وهو يقول ببتسامة مقهور:وهذي العبايه جبناها
عهد سوت نفسها بتاخذ العبايه وبحكم أنها عمياء شي طبيعي ماتشوف وين ماد يده بالعبايه فمسكت ذراعه ألي أول ماحس خالد بحرارتها على ذراعه رمى العبايه وهو يقول بغيض:عمياء أنتي
عهد كان ودها تضحك وتضحك لكنها قالت بحزن مصتنع:الله يسامح مصر تجرحني
خالد رد مسك العبايه ورماها عليها وهو يقول بقهر:خذي عباتك لابارك الله فيك ولافي عباتك
عهد أسمكت عباتها قبل تضرب في وجهها وهي تقول بسخريه:شويشوي لايطق في راسك عرق
خالد مسك أعصابه لايصفعها بكف يعدل أسلوبها
عهد لبست عباتها ونقابها وقالت ببتسامه:تراي خلصت ممكن تمسك يدي عشان نمشي
خالد بصدمه:أمسك يدك
عهد قربت منه كأنها بتمشي لحد ماضربت كتفها بكتفه
خالد ضغط على يديه قدام وجهها وهو يقول بين أسنانه:قسم بالله أن عتي هالحركه لتشوفين شي مايسرك
عهد بهدوء تخفي خلفه ضحكها المكتوم:وحده عميا وش ترتجي منها
خالد غصب نفسه ومسك كفها ألي حس برعشته في كفه وقال ببتسامه ساخره:صارلك ساعه تتقربين مني ويوم مسكت يدك تتراجفين
عهد سحبت يدها منه بقوه وقالت بقهر:مابي منك شي أمش وأنا بمشي وراك
خالد رد مسك يدها بقوه وهو يقول بسخريه:والله ماني بايع عمري تطيحين قدام خلق الله وتفشليني
عهد:.........

ْْْْْْْْْْْْْْْْْْْ

طلعت جمانه وهي لابسه عباتها وماباين منها شي حتى يديها مغطاه بالقفزات
أستقبلها عزام عند الباب وكان عناد معه لكن عناد ماقرب ناحيتها
عزام مسك يدها وهو يقول بحنان:لو حسيتي أنك منتي قادره على هالحياه قوليلي
جمانه بنبره مخنوقه بالعبره:الله لايحرمني منك
عزام فتح الباب الخلفي لها وساعدها على الركوب وصك الباب
عناد ركب قدام مع عزام بعد ماعزام ركب
عزام بهدوء:لاوصيك على جمانه ياعناد تراها غاليه
عناد بنفس هدوئه:لاتوصي
عزام ماعجبه تصرفات عناد ولارده البارد
عناد بنفس الهدوء:تدل الفندق
عزام وعينه على الطريق قال:أي أدله متى بتسافرأنت
عناد عض على شفته التحتيه بعدين قال بتصريف:ماحجزت للحين تعرف زواجي جاء بسرعه ومامداني أحجز
عزام ببتسامه:خلاص السفر هديه مني لكم
عناد بعتراض:مالك لوا يابومحمد بس أعذرني هديتك ماهي مقبوله
عزام رفع حاجبه وهو يقول:هديتي لبنت أخوي ماهي لك
عناد يحاول يمسك أعصابه لاينفجر فيه وفي بنت أخوه وقال:إذا لبنت أخوك سافر معها أنت
عزام حس بقهر من هالعناد لكن مايبي يشد معه عشان خاطر جمانه فسكت

ْْْْْْْْْْْْْْْْ

فيصل بخوف:وليد شكلك تعبان
وليد وعيونه حمر وجهه محمر قال بتعب:شكلي كذا
فيصل بحزن لحاله قال:قوم خل نطلع من المغرب وأنت هناء وشوفت عينك أغلب المعازيم مشو
وليد وهو قايم قال بتعب:يالله أحس كل مافيني يوجعني
بدر شافهم فتوجه لهم وقال:على وين
فيصل:وليد تعبان بوصله للبيت
بدر طالع وجه وليد ألي أتعب واضح عليه فقال:وين توديه البيت وشكله كذا خل نوديه المستشفى
وليد بعتراض:مابي مستشفى كل ألي أبيه أنام
بدر مسك مع يده وهو يقول بأمر:بتروح غصب عليك أنت من اليوم منت عاجبني
فيصل:خل نطلع الناس صارت تطالعنا

طلعو بدر وفيصل وليد وراحو للمستشى على سيارة فيصل

ْْْْْْْْْْْْْْْْ

في الفندق

دخلو عهد وخالد لجناحهم
خالد رمى بشته ألي كان حاطه على يده على الكنب وقال:تبين تبدلين
عهد"ذكي تصدقون هالرجال"
عهد بسخريه:لا بجلس بفستاني
خالد بعصبيه:تمسخرين أنتي وجهك
عهد برود:آسفين
خالد قرب منها ومسكها مع كتوفها بقوه وقال بين أسنانه:شوفي يابنت العم ترى خلقي ضيق ودمي حامي فلاتستفزيني تندمين
عهد بعدت يديه عنها بهدوء وهي تقول:تراي أسمع وأفهم من غير ماتمد يدك
خالد مسك يدها بعنف وهو يقول:تعالي أوصلك للغرفه عشان تبدلين
عهد في نفسها:إذا ماخليتك تشرق بسمي ماكون عهد بس صبرك علي"
خالد فتح باب الغرفه ودخل عهد وهو يقول:بدلي وأنا بطلب لنا عشاء
عهد بخبث:وين أبدل وأنا ماأدل في الغرفه
خالد بقهر:والمطلوب ست عهد
عهد ببتسامه ماكره:دلني على الدولاب وبعدين باب الحمام أكرمك الله"وأكرمكم"
خالد مسكها وصلها لدولاب ألي متربه فيه غاليه أغراضها وقال بقهر:هذا الدولاب حفضتيه
عهد ببتسامه:أي حفضته يالله دلني على الحمام أكرمك الله"وكرمكم"
خالد وصلها لباب الحمام"أكرمكم الله"وقال بقل صبر:أي أوامر ثانيه
عهد ببتسامه جذابه:تسلم ماتقصر ياولد العم
خالد داخ على أبتسامتها وغمزاتها ألي بانت مع الأبتسامه وقال بتوتر:بطلب لنا عشاء
عهد بنفس الأبتسامه:ماودك تاخذ شور
خالد وده يطلع قبل لايفقد قدرته على نفسه قال بنفاس ملخبطه:باخذ بعدك
عهد ببتسامه:طيب ممكن تطلع
خالد أخذ نفس وقال:لاتطولين
عهد وهي متوجه لدولاب:ربع ساعه بس
خالد بسخريه:ربع ساعه أجل لو بتطولين كم تاخذين
عهد بضحكه:لاتستعجل على رزقك بتعرف مع الأيام
خالد ابتسم وقال:الله يستر

ْْْْْْْْْْْْْْْْْ

في المستشفى

فيصل بعصبيه:وين تطلع وحرارتك أربعين
وليد وهو متمدد على السرير قال بصوت مرهق:باخذ خافض للحراره وطلع
بدر ببتسامه:مافيه طلعه وأنا بجلس معك
وليد بنفس الأرهاق:بالقوه يعني
فيصل ببتسامه:وش نسوي لك إذا الطيب مانفع معك
وليد سكر عيونه وقال برهاق:إذا دق أحد يسأل عني قولو أني سهران معكم
بدر سحب له كرسي وجلس جمب سرير وليد وقال:أنت ريح ولاتحاتي شي
فيصل بصوت خافت:أنا بروح وبرد بعد الصلاه أخاف أبوي يفقدني وأنت أدرى بالوالد
بدر ببتسامه ساخره:عزالله ماشفناك إلا الضحى هذا إذا ماكان الظهر
فيصل طالع في وجه وليد المرهق وقال ببتسامه حزينه:وين يجيني النوم وحالة وليد كذا
بدر بقهر:الله لايسامح من كان السبب
فيصل بحزن:ماهي من نصيبه
بدر بسخريه:أي هذا أنتم إذا فقتم الشي قلتو ماهو من نصيبنا
فيصل بقهر:بالله عليك وش كنا نقدر نسوي نروح نكفخ الرجال لأنه زوج بنته
بدر بسخريه:لا زوجوه بنتكم بالقوه وزيدو همه
فيصل بغضب:قسم بالله لو مانا في المستشفى لعلمك شغلك
بدر أشر بيده بمعني روح بس
طلع فيصل قبل لايرتكب جريمه في بدر هو يدري أن معه حق لكن مهماً صار هذي أخته ومايرضى أحد يقول أنهم أجبرو وليد عليها

ْْْْْْْْْْْْْْْْْْ

كانت ماسكه في يد عزام ماتبيه يروح ويخليها مع هالرجل كل خليه في جسمها تصرخ بمابيه
عزام قبلها على جبينها وقال ببتسامه:فكيني بروح
جمانه ألي مازالت بعباتها ونقابها قالت بصوت مخنوق:خلك شوي
عزام طالع في عناد ألي واقف متفرج وقال ببتسامه:شوف زوجتك بدل منت واقف كذا
عناد بتوتر:والله أنت عمها وتقدر تتصرف معها
جمانه رمت نفسها بصدر عزام وصارت تبكي بشكل هستيري
عزام توهق مايدري كيف يتصرف معها وهالعناد ماكلف على عمره يحاول يهديها
عزام بتوتر:جوجو حياتي بسك عاد
جمانه بعدت نفسها عن صدره وهي تقول بين شهقاتها:موبيدي غصب عني
عزام ببتسامه:معذوره ياقلبي هذا توتر طبيعي لكن أنتي زوتيها حبيتين
جمانه بصوت مبحوح من البكي:خلاص تبي تروح روح
عزام مسك يديها وقال بحنان:بروح بس متى ماحسيتي أنك تعبتي تراي موجود
جمانه تغالب البكي قالت وهي تهز راسها:أن شاء الله

طلع عزام من جناحهم في الفندق

ْْْْْْْْْْْْْْْ

عهد خلصت الشور ولبست لها قميص حرير طويل لونه أبيض ضيق على الصدر بعدين واسع وقصة الصدر على شكل سبعه من ورى وقدام وهو عباره عن سيور وعلى صدره كرستالات خفيفه لونها فضي مع سكري ولبست حلق صغير لونه فضي على شكل قلب وجففت شعرها وخلته على ظهرها وكان شعرها فستقي مع خصل ثلجيه ومقصص طبقات ويوصل لحد خصرها ووحطت قلوس وردي مع شدو وردي وكحل تحت العين أزرق وماسكرا وبلاشر ورشت عطرها المفضل ولبست صندل"أكرمكم الله"لونه فضي
بعد ماخلصت طلعت وهي ترجف لاينقلب السحر على الساحر وبدل ماتعذب خالد تتعذب هي
خالد كان منزل شماغه وجالس على الكنب ومرخي راسه على الكنب ويلعب بيده في شعره
عهد وقفت على الباب وهي ترجف من الخوف حاولت تتقدم لكن ماقدرت كل ألي قدرت عليه
عهد بهمس:خـ اـ لـ د
خالد رفع عيونه فيها وصار يطالعها من فوق لتحت كأنه يقومها
عهد توترت وهي تشوفه كيف يناظرها فحبت تنهي هالنظرات بقولها بحده:خالد
خالد أبتسم وقال بصوت ثقيل:آمري
عهد في نفسها"الله ياخذه هو هالصوت مدري وش يبي يثقل صوته "
خالد قام واقف وقرب منها حتى صارت تحس بنفاسه الحاره تلفح خدها
خالد قرب من أذنها وهمس بنبره خبيثه :معك حق العماء عماء القلب وإلا فيه عمياء تزين نفسها كذا
عهد توترت من قربه ومن هالنبره ماتدري هو كاشفها وإلا وش يقصد
خالد باسها مع أذنها ألي كان يهمس فيها وعهد شهقت شهقه قويه كأن روحها طلعت
خالد وهو يضحك من قلب قال:كل هذا تأثير البوسه
عهد ماقدرت تتحمل فدفته بيديها على صدره وهي تقول بصوت رايح من الخجل:أستح على وجهك
خالد مازال يضحك قال بين ضحكاته:تراك زوجتي
عهد بنفس الوضع قالت بقهر:أدري زوجتك بس خف علي شوي
خالد مسك كفها وباس باطنه ببطئ وهو يقول ببتسامه:باخذ شور وبعدين نتفاهم
عهد سحبت يدها منه وهي تقول بقهر:تراي العمياء وإلا نسيت
خالد ببتسامه ساخره:لامانسيت بس عماك مايمنعني أخذ حقوقي
عهد بغيض:وماتخاف العمياء تجيب لك طفل وماتقدر تعتني فيه
خالد بنفس الأبتسامه الساخره:ومن قال أبي عيال من هالعمياء إذا بغيت عيال أخذت وحده كامله
عهد بتحدي:وإذا قالتلك العمياء مالك حقوق عندي
خالد برود:تكون ماعرفت منهو خالد
عهد تجاوزته وهي تتحسس بيديها قدامها لاتضرب بشي لحد ماجلست على الكنب قالت بسخريه:حقوقك ماني مانعتك عنها لكن صدقني بدفعك ضريبة هالقرب طفل
خالد طالع فيها بقهر وقال بعصبيه:لايكون مصدقه إني بموت عليك تراك عمياء لارحتي ولاجيتي
عهد برود:خلاص خل هالعمياء بحالها
خالد سفها ودخل ياخذ له شور وهو مقهور منها وفي داخله يقول"يارب صبرني "

ْْْْْْْْْْْْْْْْْ
عناد رمى شماغه على الكنب وفتح أزرار ثوبه الثلاثه الأولى ورمى بنفسه على الكنب وسكر عيونه مايبي يطالع هالمخلوقه يحس لاشافها بغثيان
جمانه أبتسمت بسخريه وقالت في نفسها"الظاهر حتى هو ماهو طايقني بس ياترى السبب يحب أو عشاني أحب"
جمانه توجهت للغرفه وتركته وراها في الصاله على نفس الوضع
دخلت الغرفه ونزلت عباتها ونقابها وتوجهت للحمام"أكرمكم الله" عشان تاخذ شور

عناد فتح عيونه وماشافها فتأكد أنها في الغرفه دخل يده في جيبه عشان يوقت المنبه لصلاة الفجرفتح جاوله ألي كان مقفل وهو يوقت المنبه ظهر له رساله وبعد ماخلص من المنبه فتح الرساله وكان فيها
"تصدق سهرتي البارح جنان مع حرمك المصون كل شي كان نفسي فيه سويته البارح تدري وش سويت بقولك .................. مشفر"
عناد رمى الجوال على الكنب وركض للحمام "أكرمكم الله"ورجع مره ومرتين وثلاث وربع حتى داخ من كثر مارجع طلع من الحمام"أكرمكم الله:بعد نص ساعه وهو مبلل ملابسه بالمويه لأنه فتح الدوش على راسها لأنه قرفان حتى من نفسه

جمانه طلعت بعد ماخذت شور وكانت لابسه بيجامه قطن لونها أسود وهذي الحاجه الوحيده ألي شرتها وحطتها مع أغراضها ألي جابتها فرح للفندق ورتبتها
وجهها كان خالي من أي مساحيق وشعرها مجفف وممسوك ذيل حصان

جمانه تخرعت من شكل عناد وثوبه كله مويه وشعره فقالت بخوف:وش فيك
عناد رفع عيونه لها وكشر بوجهه ورد بسرعه للحمام"أكرمكم الله"لأنه حس بغثيان لكن ماكان في معدته شي يرجعه
جمانه توجهت له ووقفت على باب الحمام"أكرمكم الله" وقالت بنفس الخوف:دايم ترجع أنت

عناد صد بوجهه عنها وهو يقول بعصبيه:ماهو شغلك وأقلبي وجهك عني
جمانه تركته وتوجهت للغرفه تصلي قيامها وتنام تحس كل طاقتها أستنفذت

عناد توجه للغرفه ببدل ثوبه فتح الباب وصدمه منظر جمانه ألي تصلي كيف وحده تعرف ربها وتخافه تسوي سوتها قال في نفسه"كثير منا يصلي لكن صلاته تكون عاده ماهي عبده "
توجه للدولاب وطلع منه بيجامه قطن وتوجه للحمام ألي في الغرفه"أكرمكم الله"يبدل وهو يحس بدوخه من كثر الترجيع

جمانه خلصت صلاتها فشالت مصلاها وطالعت في ألي جالس على السرير وحاط راسه بين كفوفه وشكله يحس بصداع
جمانه بهدوء:تبي بندول
عناد أول ماسمع صوتها غمض عيونه بقوه يبي يهرب من صوتها كل مافيها يكره وينقرف منه
جمانه قربت منه وحطت يدها على كتفه وقالت بهدوء:عنـ
بتر كلمتها دفت عناد القويه لها ألي خلتها تطيح على الأرض بقوه
عناد بقرف ممزوج بعصبيه:قسم بالله إذا قربتي مني لكون ذابحك فاهمه"قالها بصرخه"
جمانه وهي تتألم قالت بغرور:تصدق بموت عليك
عناد تفل عليها وهو يقول بقرف:الله ياخذك
جمانه تحاملت على عمرها ووقفت وهي تقول بعصبيه:تراي ماني زباله تفل علي
عناد وده يصفعها كف لكن مايبي يقرب منها شي من كثر ماهو منقرف منها فقال وهو يكشر بوجهه:تكرم الزباله عنك
جمانه طارت عيونها حتى لوهي تحب مايحق له يقذبها بهالكلامات الجارحه حتى الصميم فقالت بقهر:إذا حبي لولد خالتي جريمتي فزواجي منك مصيبتي
عناد بكره:حبك لولد خالتك وإلا معاشرتك لحبيبتك
جمانه بصدمه:معاشرتي لحبيبتي
عناد بقرف وكره:لاتسوين نفسك منصدمه لأن البرائه ماتليق على أشكالك
جمانه بسخريه:تصدق وفرت علي الكثير كنت أحاتي كيف أفهمك أني مابيك لكن أنت أختصرت علي
عناد حس بغثيان من مجرد الفكره وقال وهو يكشر بوجهه:وووووع أنا أقرب منك
جمانه سفهته وتوجهت للجهه الثانيه من السرير وهي تقول ببتسامه:يكون أريح

عناد حس لو قعد دقيقه ثانيه عندها يمكن يتهور ويذبحها فطلع للصاله عشان يصلي قيامه وينام

ْْْْْْْْْْْْْْ

صحى بدر على ونين وليد ألي كان يهلوس بس جمانه
بدر حط يده على جبين وليد ألي كان حار فضغط جرس الممرضات ألي خلال دقيقه جت
بدر بخوف:حرارته مرتفعه
الممرضه قربت من وليد وشافت بالفعل حرارته مرتفعه وطلعت تجيب خافض للحراره وبعد دقيقه جابت الخافض وحطه مع المغذي المشبوك في يد وليد
الممرضه بهدوء:أن شاء الله الحراره بتنزل
بدر وهو يطالع في وجه وليد قال بحزن:وش سبب الحراره
الممرضه بنفس الهدوء:الحراره مالها سبب معين وهو مافيه مرض عضوي يمكن يكون السبب نفسي
بدر بقهر:الحل يعني كل أربع ساعات بتعطونه خافض
الممرضه ببتسامه:من هالجمانه ألي يهلوس فيها
بدر بعصبيه:الحين أنا وين وأنتي وين
الممرضه بعتذار:أسفه وعن أذنك
بدر سفها وكل تفكيره في وليد مايدري لوين بيوديه هالحب

ْْْْْْْْْْْْْ

في بيت أبوطلال

بجناح عادل

ضي وهي طالعه من الحمام"أكرمكم الله"بروبها قالت ببتسامه:غريبه مانمت بالعاده تنام
عادل ببتسامة حب:خلي عنك الكلام الفاضي وتعالي بسولف معك
ضي توجهت لتسريحه وصارت تمشط شعرها وقالت وهي تطالع لعادل من خلال المرايه:يعني بتفهمني أنك مشتاق لي
عادل قام من السرير وتوجه لها وضمها مع ظهراها وهو يقول ببتسامه:أنا في كل دقيقه أشتاقلك بس أنتي ماتعطيني فرصه أبين لك
ضي لفت له وهي تقول بحب:أدري أني عصبيه بس وش أسوي هذا طبعي
عادل باسها على خدها وقال بحب:عصبيتك على قلبي أحلى من العسل
ضي وقفت على روس أصابعها وباسته على خده وقالت ببتسامه:تدري أني أحبك
عادل ضحك وقال:لامدري
ضي ببتسامه:نصاب تدري أني أعشقك مو أحبك بس
عادل ضمها لصدره وقال بذوبان:وأنا مو أحبك بس إلا أموت فيك
ضي وهي بحضنه قالت بحزن:عمرك ماسويت شي يبين حبك لي
عادل بعدها عن صدره ومسك وجهها بين كفوفه وقال بحنان:ياقلبي ياعيوني الحب إثبات الحب ماهو بالتمشيات والعشيات في المطاعم وكثرة الهدايا الحب أرفع من هالشكليات كلها الحب وفاء عطاء الحب يبان بعيون الحبيب دون كلامه الحب خفقان القلب لاشفت معشوقك
ضي ودموعها على خدها حطت يدها على قلب عادل وقالت بهمس:يعني هذا يخفق من حبه لي
عادل ببتسامه:خلي حد يحط يده بدالك وشوفي قلبي يدق أولا
ضي هالمره هي ألي ضمت عادل وهي تقول بحب:أحبك وأموت فيك

ْْْْْْْْْْْْْْْْْْْْْْْ

في بيت أبووليد

جنا تشيل بقايا الميك أب عن وجهها وهي تقول بعصبيه:مهما صار هالشي مايبرر فعلك
سماهر ألي جالسه على السرير قالت بألم:أدري غلطانه بس وش أسوي هذا طبعي
جنا صدت عليها وهي تقول بسخريه:يعني إذا طبعك مايصير تغيرينه
سماهر نزلت دموعها على خدها وهي تقول بقهر:كلكم تلموني على طول لساني ومحد فكر شنو السبب
جنا قربت منها ومسكتها مع كتوفها وقالت بنبره حاده:مهما يكون السبب الغلط غلط مايتجزأ
سماهر رفعت عيونها لجنا وقالت بعصبيه:بالله عليك قولي لي كيف دافعين عن نفسك إذا ربيتي مع شباب وكل واحد يناظر لك أنك صيده سهله
جنا بصدمه:صيده سهله
سماهر أنهارت وصارت تبكي وهي تقول بألم:من يومي صغيره وأنا أشوف بعض الحركات المقززه من عيال عمامي وكل واحد يشوفني من حقه أهو وماكان عندي طريقه أدافع فيها عن نفسي غير وقاحتي بالرد عليهم عشان محد يقرب مني وبالفعل نجحت خطتي لدرجة أنهم صارو يكرهوني من وقاحة كلماتي
جنا بقهر:ليه ماقلتي لمك وهي تتصرف معهم بدل ماتنحطين بخلاقك
سماهر قامت واقفه وصارت تنتفض من شدة الغضب وهي تقول:أمي وينها عني لاهيه بزوجها وعيال زوجها وأنا آخر أهتماماتها
جنا ضاعت كلماتها أمام منظر الحزن والقهرألي أعلتى وجه سماهر
سماهر بمراره:صعب شي تربيت عليه عشر سنين أقدر أغيره بيوم وليله
جنا بلعت ريقها وقالت بحزن:وصعب تلقين أحد يصدق تبريرك لطولة لسانك
سماهر بقهر:وأنا مايهمني أحد وينهم عني زمان عشان أعبرهم الحين
جنا بهدوء:لازم يهمونك أنتي عايشه وصدهم منتي عايشه بكوكب لحالك
سماهر بسخريه:ليه فيه أحد حاس فيه أصلن ياختي تراي صفر على الشمال محد داري عنه
جنا بنفس الهدوء:على الأقل لاتخلين الناس تاخذ فكره شينه عنك
سماهر أخذت نفس بعدين قالت بهدوء:كل ألي أبيه ماتاخذين بخاطرك مني والباقي ماهموني
جنا ببتسامه:تدرين زين أني مقدر أزعل منك
سماهر وهي تطلع جوالها من جيب تيورها ألي لبسته بعد مافصخت فستانها قالت:خلني أدق على أمي تدزلي السايق
جنا بعصبيه:صاحيه أنتي تروحين مع السايق في هالوقت
سماهر بسخريه:يوه تصدقين نسيت وش رايك أدق على أخوي وإلا أبوي
جنا ماكان عندها رد صح على من تدق لا أبو ولا أخو حتى خال مالله رزقها لأن أمها وحيدة والدينها
سماهر لبست عباتها وودعت جنا وطلعت للسياق ألي ينتظرها تحت

ْْْْْْْْْْْْْْْْْْْْْْ

أشرقت شمس هذا اليوم الجديد تحمل الكثير من الألم لأشخاص ولأشخاص آخرين بعض الفرح

صحت عهد ألي نامت مكانها بعد ماصلت الفجر حتى خالد ماشافته لأنه طلع بعد ماخذ الشور من غير لايكلمها
عهد بملل:بالله هذي حاله أتصرف تصرفات العميان وأنا أشوف
قامت عهد بهدوء وتوجهت للغرفه ولفحتها برودة الغرفه في وجهها أول مافتحت الباب
عهد بشطانه:نايم الحبيب على السرير ومخليني على الكنب
عهد وهي حاطه أصبعها على فمها وتحركه قالت:وشلون أصحيه بخرعه
لفت نظرها العطورات الكثيره على التسريحه من وين جت هي كان لها عطرين بس أجل الباقي من وين جو أبتسمت بخبث وتوجهت للتسريحه ألي كانت عباره عن قواعد حديد مطليه بالبني والرف حق التسريحه مصنوع من الزجاج وعليه نقوش باللون البني ومراية التسريحه مثبته على الجدار
عهد أضربت التسريحه من تحت برجلها بقوه وطاح الرف الزجاج على الأرض مع العطورات ألي أغلبهم تكسر منهم عطوراتها
خالد قام واقف على السرير من الخرعه وهو يقول بنفس متروع:وش صاير
عهد ودها تضحك وهي تشوف الخوف في وجهه قالت بحزن تخفي خلفه ضحكها:أسفه مادريت أن قدامي شي
خالد طالع العطورات ألي على الأرض وأكثرها كانت عطوراتها الماركه متكسره
خالد بعصبيه:الله يكسر عضامك مثل ماكسرتي عطوراتي
عهد سوت نفسها مأثره وهي تقول بأسف:آسفه
خالد نزل من السرير وتوجه لها ومسكها مع كتوفها وهو يقول بغيض:وأسفك وش الفايده منه
عهد طالعت تحت رجولها وشافت بعض من زجاج العطورات تحتها وخالد كان ماعليه أنعال فحبت تخليه يدوس عليها
عهد بكتمه مصتنعه:بدوخ من ريحت العطور
خالد بخرعه:تعالي أطلعك برـــ
عهد داخت وجت بطيح على الأرض لولا أن خالد المسكين تقدم منها ومسكها قبل لاتطيح لكن بمجرد مامسكها حتى حس بلألم في رجله
خالد تحامل على ألمه وشالها بين يديه وطلعها برى الغرفه ونيمها على الكنب
عهد فتحت عيونها بخفيف كأنها بدت تصحصح وقالت بثقل:آآآآآآه
خالد ألي كان يضغط على رجله بالمنديل عشان يوقف الدم قال بعصبيه:قومي بوديك البيت لاتكسرين شي ثاني بعد
عهد قامت جالسه وقالت بهدوء:أنت وطيت على الزجاج
خالد بصدمه:وش عرفك
عهد تحاول تخفي أبتسامتها قالت:حسيت من صوتك تتألم
خالد كلمة مصدوم شويه عليه من صوته عرفت أنه يتألم معقوله لهالدرجه أحساسها عالي
عهد ببتسامه:لاتقولي بعد أنك منت مصدوم مني وعيونك مفتوحه على الأخر
خالد ضيق عيونه وصار يطالع في عيونها بشك لكن حركات عيونها حركات واحد أعماء
عهد ببتسامه:برجع أقولك العماء عماء القلب ياولد عمي والله ياخذ ويعطي
خالد وهو قايم قال بقهر:أقول قومي بدلي ملابسك بنكنسل الحجز وأتوقع أنك تدلين مكان كل شي
عهد بخبث:وين أدل وأنا توني قالبه الدنيا
خالد مسك يدها وقفها معه وهو يقول بغيض:قومي
عهد قامت معه وكسر خاطرها خالد وهو يتألم من رجله والمشكله أنه ماتأكد إذا فيه بقايا زجاج أولا
عهد بهمس:رجلك تألمك كثير صح
خالد سفها ولارد يحس راسه مصدع منها كل مافيها يثير الحيره
عهد وقفت قدامه وقالت بترجي:طلبتك شوفها لايكون فيها بقايا زجاج
خالد أبتسم لها وقال بهمس:أهمك يعني
عهد رقص قلبها من الفرح وقالت ببتسامه:أكيد تهمني مو زوجي
خالد ببتسامه ساخره:زوجك على ورق ولاتفكرين أني بغامر بحياتي معك
عهد سحبت يدها منه بقوه وهي تقول بقهر:مدري على شنو شايف حالك
خالد رد مسك يدها وسحبها معه للغرفه وهو يقول:موقت دلع خل نطلع من الفندق