أخيراً مراتي رواية جديدة
للأمانة ماكنت راح أقرأها قلت بس تكتمل بقرأها
بس الفضول أجبرني أقرأ البارت الأول
ومن بعده الثاني والثالث
وهذا أنا هالحين أنتظر البارت الجديد
ماشاء الله حبيت القصة بدايةً
وحبيت بداية ارتباط عبد العزيز بغنادر
الله يستر كيف بيكون لقاءهم الأول
الله يعطيك الف عافية
ومتى مواعيد البارت الرسمية ؟
تحياتي

السلام عليكم **

•
•

[ 6 ]



.. تقلب على فراااشه وهو يسترجع كل اللي صاار ..
وكأنه حلم .. او خياال .. او اي شي ضباابي ..

[ عبدالعزيز ]
_________


يعني يلاقيها من ووين والا من ووين !!
من هالعاالم اللي تحت جنااحه
امه اللي ماشافت الدنياا من وهي بنت الين ماصارت عجووز ..
.. والا اخته ديمه الدفشه المهمله بحكم تربيتها بين عياال وبدوون اخت !!
*
*والا من اخواانه مساعد اللي ماتوفق لا بعرس ولا وظيفه ولا سنع
والا سعود المرااهق وجنوونه !!

وفووق هذا هم التدريس وطلاابه ومحااظرااته ..
ويوم بغاا يستقر وينهي معانااته مع العزوبيه ومن ندى ..
بطرررفة عين كل شي انقلب رأساا على عقب !!!

غنااادر ماكاانت في حسابااته ابد صارت هي الاسااس *..
وندى اللي هي *كل الحسبه طلعت براهاا بكاف ونون ..

.. ليته مااخطب من عمه ولا قررب باب بيتهم
.. ليته تعناا للبعيد ابررك من القرريب
بس يالله كل شي قسمه ونصيب !!


.. شاال هم قلقهاا وازعاجهاا
وتربيته لهاا من جديد على مايحب و يشتهي ..
اكررره ماعليه انه بعقله النااضج يتعاامل مع مرااهقين يبي لهم طوولة باال ورااحة اعصااب
وهذي كلهاا مهب عنده ..
وعشاان كذا توجه للتدريس الجاامعي وترك الثانوياات ومشاكل المراهقين ..

.. خلااص اللي صاار صاار
ولازم يتمم كل شي بسرعه ..
ماهو بفااضي بكره تطلع له بعله والا مصيبه ..

.. قرر عمه يعزم على *عشاا بمنااسبة الملكه
و يعزم اهله وربعه عن لا يزعل احد والا يشيل واحد منهم في خااطره ..
اثقل عززيمه على قلبه ..

.

.. تنهد وفز وااقف بيروح يشيك على لبس ابووه ..
هو صح رجل امه وعمه لكنه مااعمره نااداه الا بابووي ..
ولا عمرره حس بانه ماايعني الكلمه وهو ياشر له قبل يعمى ..
كاان حنوون عليه مرره ..
ودايماا يأشر بيده وعيوونه له*
وهو عينه عليه .. ( عطوو اليتيم .. لا تنسوون اليتيم .. ووين اليتيم )
لحد مااركبه لقب اليتيم .. من دوون اخواانه اللي هم من امه بس ..

.. دخل على امه وهو تمسك بيد ابووه وتحط اللقمه فيهاا ..
وترفع كااس اللبن لفمه وتمسح الاثر اللي على شفاايفه ..
وقبل لاتنزل يدهاا يوم عرفت انه شبع ..
مسك يدهاا وحب عليها.. هذي طريقته عشاان يعبر لها عن شكره ..

.. منظر تعوود عليه عبدالعزيز خااصه بعد مافقد ابووه بصره قبل عشر سنواات ..

وامه صاايره له عيوونه اللي يشووف بهاا
وسمعه اللي يسمع به ..
ولساانه اللي يتكلم به ..
ورجله اللي تسووقه للي يبي ..

ماينساا عزيز ابووه قبل سنه وش سواا يوم تنوومت امه بالمستشفى بسبة المرااره *..
كاان يصحاا في الليل على شهااق ابووه ودمووعه مبلله لحيته ..!
ماايحط لقمه بفمه الا لين يروح لهاا ..
ولا تهناا له قعده لين يودوونه لهاا ..

هي روووحه لو رااحت معنااها روحه هو بعد رااحت ..!


.. وقفت امه وهي تمسك يد ابووه وتهديه لفرااشه ..
وقابلهاا عزيز وهو يحضن ابووه ويكلم امه ..
يمه بكرره عمي عازم على عشا كبير عشان ملكتي ..
جهزو لابووي بشته الاسوود وتاكدو انه نظيف ومكوي ومعطر ..
وثياابه انا بطلعها من الخياط بكره العصر
وبوديهاا مع ثياابي تكوى ..
وملابسه الداخليه في الكيس اللي معلق على الشماعه ..

.. ام عبدالعزيز / مايخاالف .. وترددت ...
اااا ااااا ياولدي بناات اختي يوم تملكن جابو لهم رجالهم طقم ذهب واللي المااس*
وعطوهم اياهم يوم جو يسلموون عليهم ..

شف يابووي العرب وش يجيبون لحريمهم وجب لها ..
لا تقصر في بنت عمك ..
وبحر الزين تستااهل بنتها الحشيمه عشانهاا ..

عزيز / هههههه مانتيب سهله يام عزيّز
عندتس علووم ماهيب عندي ..

ذي دعابير مالها لزمه ..
لا جت عندي تبشر بالخير ..


.. ولا كأنه اللي كاان قبل يفكر وشلوون يقنع ندى
انه يشبكهاا لا تملكوو !!!


•
•



.. ياكووود طلعة العلووم لا عرفت انهاا بتغث احد ..!
ودك تنعررف باقصى سرررعه وترتااح من همهاا ..


[ فيااض ]
_______


.. كل ماجاا بيقوول لنجوود تردد ..
مرره ماايبي يهجد ليلتهاا ويكدرهاا
ومرره لين تسكت بنتهاا
ومرره لين تخلص مذاكرره لعيالهاا
ومرره لين ترجع من مسياارهاا


والحااصل حس انه يتهررب من الفررص
اللي سنحت له ولا استغلهاا ..
قرر يقوول لامه قبل ويشووف ردة فعلهاا ..

بكرره يبي يملك بعد ماخطب لنفسه من سند
وسند يبي الفكه من خوااته ..
دام انهاا مواافقه خل تووكل هم و طااح ..



.. دخل على امه وهي تصاايح على البناات ..
وتتاكد من اغرااض العشاا بكره لايكوون نااقص شي
والا احد بااقي ماعزمووه ..!

ناظرت في ساعتهاا وحده بالليل
قليل ماتسهر لذا الحزه ..

.. ام فيااض../ الله لا يغضب عليناا
انتصف الليل .. لاصلااة ولا عبااده ولا نووم مثل العرب !

توجهت للمغاسل وهي تكسر كمومهاا تبي تصلي الوتر قبل ماترقد
شكلهاا ماهيب قاايمه الا على الاذاان ..


.. تفاجأت بفيااض وهي يحب راسها من وراهاا ..
استحت منه لانهاا كااشفه راسهاا ماعليه شيله ولا شي ..
ماودهاا ولدها يشووف شيبهاا البسيط اللي ملوونه الحناا ..

شاف رجلها ممدوده على المغسله*
ومد يده وهو يفرك رجلهاا عنهاا
وهي يد متمسكه بالمغسله ويد بكتف ولدهاا ..

وهي تدعي له بخجل بالرضاا و التوفيق وبر عيااله به ..
نزل رجلها وعينه بعينهاا ..

فيااض / يمه ابكلمتس في موضووع ..
بيني وبينتس وماابي احدن يدري به لين اقوولتس ..


قبضهاا قلبها ..
ماتحب الاسراار والموااضيع الخااصه ..
تحس ماوراهاا خيرر ..

.. مااعليه يااولدي ارتااح لين اصلي ركعتين ..
صلت وابليس اللعين في كل عااير و صااير يطلع لهاا ..
مااخلا و لا بقاا مصيبه ماطراهاا لهاا ..
سلمت وفي نيتهاا تعيد صلاتهاا اللي ماعقلت منهاا شي ..


جلست على سجادتهاا وابتسمت له تحثه يتكلم ..

/ هاا يابووي وش عندك ..
/ يمممه اناا ابي اعرس !!


عقدت حواجبهاا وعضت على شفايفهاا
رمت الجلاال من عليهاا وهي تستااذنه للحماام

/ مااعليه يابووي ابرووح للحماام الله يكررمك شووي وآجي ..
*تحس بمغص قوووي من سمعت الخبرر ..



دقاايق وهي تطلع له ونبرة صوتهاا متغيرره
وكأنهاا تحقق معه ..!*


/ ووش علتك بتعررس !!
زين و سنع عندك
وعياال وعندك
وخير و نعمه عندك

وشو له تغث ذا الضعيفه وتنكد عليهاا وعلى عمررك ..


انصدم .. *مااتوقع امه بتعاارضه ابد !!
/ يمممه مهووب نقص في ام عبدالله
بس انا رجاال عندي خير
واقدر افتح بيتين ..
ومنهاا اضف ذا البناات لا يعجزن عند اهلهن ..

/ عندك خير تصدق به ..
الفقرا والايتاام والاراامل واهل افريقيا اولى ..

.. والبناات مهوب ضافهن عن العجاازه الا عرسك !
البناات بيرزقهن الله .. ماهم محترينك ..
واعقل واناا امك وخل ذا الطيش عنك
لا تخرب بيتك بيدك ..


/ يممممه انتي غريبه
مانتيب مثل الامهاات اجل ..
الامهاات يفرحن بعرس عيالهن ..


/ فررحت في عرسك الاوول
وغير الاوول ماالي فررحه ..
الا هم عليك وعلى عييلك وبيتك ..

/ عياالي بخير ولانيب مقصر عليهم
وامهم في بيتهاا معززه مكررمه ..
اناا ابي اغيرر .. مليييت
بعدين اناا مانيب بزر طاايش
انا عاارضي خطه الشيب*
واعرف وش اسووي
ابي بس رضااتس وتبااركين لي ..


/ اسمع علمٍ جاااك و تعدااك
عياالك ان مابزتهم امهم لادرت عن عرسك
ترااني ماانيب بازيتهم
وبيتي يتعذررهم


.. تبيه يترراجع ..
بس هو مصمم ..
ومتشررب الفكرره شرااب ..

.. حب رااس امه مرره ثاانيه ..
/ ابد العيااال ازهليهم ..
حتى لو زعلت امهم ..
ادندن عليهاا بكلمتين ..
وارضيهاا برضووه .. و سفرره
وبتقبل الامر وترضاا بالووضع

.. / ومن هي اللي بتااخذهاا ؟؟
.. / هياا بنت عمتي ..


مسكت رااسهاا امه بعد مااحست انه يدوور
مااتدري هو الظغط والا السكرر اللي ارتفع ..
قالت له ولازالت عيونهاا مسكرتهاا ..

/ ومااالقيت غيرهاا !!
تسان خذت من بعيد السعه ..

/ يمممه هي اولى ..
ع الاقل نعرفهاا اصلهاا و فصلهاا وتربيتهاا ..
مهووب اطيح في وحده لا دين ولا مله !!

عطته قفاهاا وهي تنسدح على سجداتهاا ..
/ بصررك سوو اللي تبي ..
بس لااشووفك تطرريه عندي ..
والا تجيني تشتكي ..


وموقفهاا عكس مووقف ابووه اللي شجعه
ع الاقل يسترر على بنت اخته اليتيمه ..*


•
•


.. الماال الساايب يعلم السررقه ..
.. واللي عينه فاارغه احذره ..


[ طاااارق ]
________


.. فرد الاوراااق على مكتبه وهو يسب و يشتم ويلعن ..

.. المقاااول الخبيث استغل انشغاال طاارق عنه بزوااجه والتجهيز له*
واستغل التووكيل اللي موقعه طارق له ..
عشاان يخلص له بعض الامورر ..


صاار يزور تووقيعه .. والاختاام معه ..
ويااخذ مشااريع صغيرره *باسم طاارق ..
و بمعدااته اللي منزلهاا في السووق ..


/ الخبيث 90 الف وهج لبلااده قبل ينكشف ..
وحلق لحيته و تركهاا مع عهدة الاختاام ..*
كاان يكلم نفسه..
شووي يلووم نفسه وشووي يواسيهاا وشووي*
يقر بانه يستااهل ...


.. / مااعليه ياطاارق غلطة الشااطر بالف ..
وهالكلب اقدر اجيبه بأذنه وادووس عليه بجزمتي ..
بس هذاا رااح يضر سمعتي بالسوووق وانا تووني تااجر مبتديء ..

زين مااعليه .. ياعلهاا جمر يتلظى في جووفك يا احمد ..
ياعلهاا دااخله عليك بالسااحق والمااحق والفقر المتلااحق ..
ياعلك تصرفهاا على صحتك ..

تعووذ من ابليس بعد ماابردت حررته
واستغفرر ربه ..
شررب كااس موويه يبررد على قلبه ..
مااهمته الفلووس كثر مااهمه استغفااله له وانتهاازه لثقته فيه ..


.. قرر يلتفت لشغله شووي بعد ما انشغل عنه ..
كاان يدرس بنوود مشرووع كبير مقدم عليه ..
راح يقدم اقل عررض ..
و بينتظر فتح المظااريف بعد اسبووعين *
*

.. اذا رسى عليه المشرووع راح ياجل زوااجه ع الاقل سنه ..
واذا طاار منه .. فـ راح يحدد زوااجه باقررب فرصه ..
لانه بيدخل بثقله في هالمشروع ..
وبيحط فيه اللي ورااه و دوونه ..


•
•

.. كنهاا حبة قهووه في *مقلاااه ..
بيحرمونهاا انهاا تستمتع في ذكرياات الخطووبه و المكاالماات والمسجاات والسهرر بانتطااره ..
وهو حتى مااكلف على نفسه يساال عنها او يجي يسلم او يمر حتى مرور الكراام ..


[ تـٓـــرف ]
_______


.. خذت جوال ندى ابكلم نجوود
كوود تعطيني علووم المااخووذ طويررق

سلمت عليهاا وسولفناا وانا احااول اسحبهاا
لطااري طارق والا العررس وهي غبيه
ماغير تشررق بي و تغررب وتخرط في كل شي الا سيررة طاااارق !!


.. علمتهاا بان جواالي مصاادر عل و عسى تنقل لطارق الخبر ..
و يدبر اي طريقه عشاان يكلمني ..
ماادري وش فيهاا اليووم متنحه مااطاعت تفهم علي ..
حتى تعليقااتها علي بطاارق مااعاد ذكرتهاا
ياااااااااااااااااليل ماطووووووووولك ،.!


نجوود / هههههه الحين من جدتس جووالتس مصاادر !
طيب اشتري ثااني بالخش عنهم !

ترف / لااا اناا ماطلع الا رجلي برجل امي
خلااص رااحت الثقه والبركه في اخووتس ..


.. كانت بترد ..
بس السمااعه انسحبت من يدهاا
بعد مااعرف من تكلم ..


هو جااي زهقااان و طفشااان
والنفسيه ترااااااب وكانها توها تطري عليه ..

سحب السمااعه من اخته ورد بصوته الخشن ..

طارق / ووش دخل اخوهاا ..!
هو اللي سحب منتس الجوال ؟؟
البرركه في اخووتس ذا فيه لقااافه العاالم كلهاا ..


.. تنحنحت وكحكحت بعد مااشرقت بريقهاا من المفاجأه ..

/ طااارق ..!

*/ طاارق بزهق وهو يطلع فووق بعد ماشااف نظراات امه اللي مااعجبهاا الوضع ..

/ ايه طاارق .. ووش اخباارتس
/ الحمد لله طيبه .. وبترردد ... اممم كيفك ..

/ زفت و طفشاان*
وعلى فكرره احتماال نأخر زواجناا للسنه الجاايه ..
مهووب اكيد بس احتماال ..

/ انقهررت .. كاان مزعج ابوهاا يبي يقدمه
والحين يأخرره سنه !!!!
.. بغت تقوول شي *بس ترااجعت ماتبي يحس انها بتمووت عليه ..
*
حست *باحبااط والعبرره بحلقهاا

.. ابكيفك لو تأجل عشر سنين بعد عاادي

*/ ههههه عشر سنين مش بطااله
ع الاقل آخذ راااحتي و حريتي
بس وقتهاا انتي بتكوونين على مشاارف الاربعين
يعني عجوز !!!

/ ياسلاااام يعني انت اللي بتثبت على عمررك و شكلك !
ماانتب طااق الخمسين و تركّض من مستشفى لمستشفى ضغط وسكر
وبلاااوي العجاازه !

/ الرجاال ماايعجز لو هو التسعين
وانتم حدكم اخر الاربعين بعدهاا
تبدوون العد التناازلي ..

تحس بغثه من كلاااامه ..
داايما تشتااق تكلمه ..*
ولا كلمته دبل كبدهاا بحكيه ..

/ ااا عن اذنك ..
ندى تبي جوالهاا ضرورري

.. قالتهاا وهي تلووي فمهاا بملل ..

/ لحظه لحظه !!
ابقولتس شي ..

فز قلبهاا .. وحمررت اذانها بخجل ..
تحترريه يتغزل بهاا ..
الا اكيييد ..
او بيعتذر عن دفااشته ..!
او ....


قااطع تفكيرهاا ..
/ ترف .. *ترا بنسكن مع اهلي لاتزوجناا ..*
**بناخذ جنااح لنا ..
وعزام اخوي بينزل غرفته تحت ..


تضاايقت /

يعني مارااح تااخذ راحتهاا بالبيت ..
بيت اهله دايماا داخل و ظااهر
وبزاررين و خدم وعياالهم ..!
غير كذاا وااضح ام طاارق مااتبيهاا
لاجت يوم الملكه ولا اتصلت تباارك الا بعد يومين ..


.. بس سكتت وش تقوول! ..
/ عاادي مايخاالف ..
يـ الله بااي ..

سكررت منه وحلفت بنفسهاا ماعاد تكلمه قبل العررس
ماقد سكررت منه واعصاابها راايقه ..!
الا لازم يحرق دمهاا ..
تنهدت ..*
ورااحت تجهز لها لبس للعزيمه ..


•
•


.. بعض الناس يعتبر الوقااحه قووة ..
يغلط ولا كانه سواا شي ..


[ هيـــــا ]


وليش ان شاء الله مارووح !!
خاالي ملزم عليناا .. وحنا ماسوينا شي غلط ..

بعدين لازم يتعودوون على جيتي واني بصير وحده منهم ..
لازم احضر كل عزايمهم ..
ولا رااح اجلس عشانهاا ..
كانهاا ماتبي تشووفني بالطقااق لاتجي ..


مريم / هياا استحي على وجهتس ..
اول شي ملكتس الخميس اللي رد هالخميس .. وعيب يشوفونتس النااس جااايه لبيته ووش بيقولوون !!

ثااني شي عيب توااجهين نجوود وانتي ماخذتن رجلهاا وانتم معررفه من قبل ..
خليهاا ع الاقل لين تقبل الموضووع ..

/ مااااعلي من احد ..
برووح واللي له كلمه يقولهاا لخالي والا لفيااض عشان يعرفون يسكتونهم ..

لاني اوول وحده ولا اخر وحده تزووج واحد متزووج قبل ..
لا سوويت حراام ولا منكرر ،،

/ ماانتيب رااايحه ياهيااا
وحلفن اشهب ماانتيب رااايحه ..
ولا صرتي خبله ماانيب مطااوعتس ..

/ اووووووف منتس
تحكميييين فيناا على كيفتس
ترااتس مانتيب امي ولا ابووي
ماااالتس دخل فيييييييييني ..



.. دخل هيثم وهي تنفخ على مريم ..
سحبهاا من شعرهاا ودفهاا ع الكنب اللي وراهاا


/ ياالكلبه .. بتحكم فيتس على كيف كيفهاا
وفيااضووه والله ماتااخذينه وهو راادني يووم اخطب منه ..

**.. خله على قوولته يجيب ولي امرره معه*
وعقبهاا بقضبه البااب ..

هياا بعصبييه */ منقهرر منقهرر يووم ردك فيااض بدوون مايشااور ترف ولا احد ..
لانه شاايفك ماانتب رجاال و كفوو ..
قالتهاا وهي تر كض للدرج ..
*

جن جنووونه ..
ماعااد يشووف الا هي و الشيااطين ..

نط الدرج ثنتين واربع لين لحقهاا على اخرر درجه ..
وضرربهاا ضررب القفرره وركلها لين حبت الارض ..

مرريم ركبتهاا ماسكتهاا من الالم وماخلتهاا تطلع الدرج بسررعه ..
*لحقت عليهاا بعد ماصاارت خرقه مايتحررك فيهاا عضوو ..

ابعدت هيثم بقووه وهي تدفه ع الجداار وتنزل لاختهاا ..
مهماا غلطت تبقى اختهاا ..
تحبهاا و تغليهاا ..
واللي سووته اكيد بسبب ضغط نفسي عليهاا
يوومين وبتعقل ..


كذا هي دايماا
تبرر لهم اغلااطهم عليهاا ..

•
•

خلااااص بس ..
الهرووب له حد و ينتهي ..

[ ريـــــاض *]

.. رجع من المطاار بتاكسي لبيت اهله ..
ماقاال لاحد عن مووعد جيته ..*

وقف وتفاجأ بالسياارات اللي عند بيت اهله ..!
ووش عندهم ..
عزيمه اكيد بس شكلها كبيرره ..
اووووف زفرهاا بضييق ..

هو جااي بقميص عاادي و بنطلوون جنز ..
وغير كذاا معه * هالعبوودي اللي يبي له ووضع خااص ..

.. وجوااله هناا مايتصل ووش السواااة ..!
دخل عبوودي اللي عمره خمس سنواات ..*
من جهة بااب الحرريم اللي مطررف ..

تنحنح .. ياااااااااولد ..

شااف البزارين بالحووش وناادى اكبرهم ..
تعاال يااشااطر .. انت مييين !!

/ انا برهووم ولد منيراان ..

ضحك من قلب ..
/ هههههه من منيراان هذي ووش تطلع !!

/ منيراان جيراان الفيااض انت من ؟؟

/ رفع حااجبه متعجب لسؤااله ورد بسؤاال ..
/ تعررف بناات جيراانكم
نااد لي اي وحده منهم وخلهاا تناادي امهاا معهاا ..


/ طيب برووح .. قالهاا *عينه على الولد المزيوون*
اللي يلعب بمفااتيح معه ولا التفت له ..

•
•

يعد العشاا طلب عبدالعزيز عمته *بحر الزين يسلم عليهاا
لانه يووم الملكه ماسلم عليهاا ..

طلعت للحووش يوم قالو لهاا ترااه فالحووش ..
شاالت برقعهاا وعطروهاا بناتهاا ..
طلعت له وهي مستحييه ..

ونااويه تدخله باي مكاان غير الحووش ..
لازم يجلس وتقهويه ع الاقل ..

طلعت .. ورفعت راسهاا وشهقت ..
وبلحظه طااح جوالهاا من يدهاا ..

ما التفتت له عينهاا على اللي مقبل*
عليهاا و الشووق فعيووونه ..
لووى عليهاا وضمهاا وهو شووي يحب راسهاا
وشووي يدهاا وشووي خدهاا ورقبتهاا ..

بعد عنهاا شووي ويلتفت لعبوودي*
اللي لازاال يقرقش بمفااتيحه ويلعب بها ويشقلبها بين يديه ..
شااله ورفعه لامه .. والولد مااهمه شي ولا طالع فيهم حتى ..

جفلت وعقدت حواجبهاا ..
/ من ذااا ؟؟؟

بخجل وخووف من ردة فعلهاا *..

/ ااا عبووودي وولدي !!

.. صدمــــــــه !!
ضربت على صدرهاا ..
/ ووووووولدك !!
ماااخذ لك كاااافررره !!

ريااض بخجل /
يمممه الله يرضاا عليتس ..
مااهيب كاافره امه ..
هي عربيه بس مهاجره لامريكاا من وهي صغيرره ..
والحين هي مهيب في ذمتي طلقتهاا ..

غصب عنهاا انتحبت تبكي ..
مالهاا الا الله ثم هالوولدين ..
وكلن يقدح من راااسه ..
لاشاوروهاا في عررس ولا سمعوو لهاا رااي ..
ياااشماااتة النااس فيهاا وفي عيالهاا ..
بيخلوونهاا هي وعياالها علك في حلووق اللي يسواا ولللي مايسواا ..

*

ضمهاا لصدرره وهي تحااول تدفه عنهاا مقهوررره ..
.. قررب لهاا عبوودي يمكن تحن له و تساامحه ..
عطته قفاااهاااا ودخلت ..!!!


•
•


.. كاانت مرره فرحاانه لاختهاا
وممتنه لهاا انهاا خلصتهاا من هالبلووى ..

واليووم كررفت بعشاا اختهاا كرف الحميرر وعسل على كبدهاا هالكررف ..

ماا اهتمت لنغزاات النااس وكلاامٍ تلقطه منهم ..

وشلوون الصغيرره تعررس قبل الكبيرره
ووشلوون عزيّز خذ اختهاا وهي من حينهم ومعرووف انهاا له ..


.. زي الفرااشه ..
تشتغل وتعلق وتنكت وتسوولف ..
حتى ان النااس الفااضيه ماخلوهاا بحالهاا ..
.. قاالو اكيد انه عاافها يوم شااف اختهاا
وانهاا تحااول تظهر للعرب انه عاادي
عشاان مااحد يتفررح عليهاا او يتشمت فيهاا
وعشاان ماتحس اختهاا ان عينهاا على رجاالهاا ..


كل هذاا لقطته سوااء بتلميح او تصريح ..
بس هي ولاااااااااهمهاا ..
طززز في اللي يدورون *الحكي كلهم ..
*اهم شي سووت لللي تبيه ..
وغيرره ياكلوون هوااا ..
ماا لاحد شغل فيهاا ..



•
•

النااس تحت خبصه وربشه ..
وسواالف و قهااوي و حلوياات وتبااريك ..

وهي كنهاا في بيت مهووب بيتهاا ..


[ غناادر ]
_______


متربعه ع السررير بقميصهاا الاصفر اللي يغطي كعب رجلهاا ..
وشعرهاا الاسوود لامته بشبااصه سوداا..
وعندهاا ترمس قهووه و صحن حلاا مشكل ..

.. تعيد و تزيد ..
.. تكرر و تسمع ..

الحفظ عندهاا مشكله ..
لو هو موااد علميه تفهمهاا وبس
كاان خلصت بسررعه ..

.. السبت اللي بعده امتحاناتهاا النهاائيه
وماهيب فااضيه للجمعاات و الخراابيط
وتضيع وقتهاا على فلاانه و فلتاانه ..

لازم تجييب نسسبه زينه بااي شكل ..

ريم / غناادر انزلي ..
فشله العاالم يسألوون عنتس بيبااركوون لتس ..
نص سااعه واطلعي ..

/ لا والله مااانيب فااضيه ..
نص سااعه اتجهز ونص سااعه اسلم ..
ضااع من ووقتي سااعه ..!
والمااده الزفت يبي لهاا صم ..

/ ياابنت الحلاال العمر يقضي والدرااسه ماتقضي ..
انزلي بس ووسعي صدرتس وتعشي ..

/ لا والله مااانيب راايقه لهم ..
قوولي لهم رجعت مووضة تخفر العرووسه ههههه

/وقبل لاتررد انفتح البااب ودخلت تررف وعلى وجههاا ابتساامه ..
ومعهاا طفل شاايلته ..

ترف / اتحدااااااااكم تعرفووووونه .،
نطت غناادر / اللـــــه يجنن .. من ولده ذاا !!

ريم باستغرااب ..
ذا مهووب من بزااريناا ..*
اشقر ههه

.. دخل ريااض والتهوو فيه عن الولد وهم يسلموون عليه بفرررحه .،
واحلااااا شي جيته بدووون ميعاااد ..

وقفوو قبااله وهم يسالوونه عن اخبااره ..
وشااال الوولد من تررف وهو يساالهم ..

/ ووشراايكم بوولدي .. حلوو صح !!

شهقوو باستغرااب ..
بس الوولد يفتح النفس ماخلاا لهم فرصه يعترضوون او ينااقشوون ...

تراكضوو عليه يضمووونه ..
ويشيلووونه من يد ليد ..
وهو زي الاطررش في الزفه ..



ريم باستغرااب /
وراا ولدك كذاا
مستحي والا خاايف والا ماايعرف عرربي ..

ريااض بحناان ورحمه له وحسرره عليه /
لااا عنده توحـــــــــــــد ..

•
•


الى الملتقى ..

السلام عليكم
ام سوووونه هلااا ومليااااااار غلااا حي الله الحااااااااااامل والمحمووووووووول والمحمووووول اليه..هع

وهـ يا ام سوونه مابغيتي تنورينااااا اشتقناا فري متش..

نجي عاد للاحداث المهمه ..
اول شي عزيّز وعلاقته برجل امه ..ياحلييييله حبيت هالعزوز والله انه رحوووووووم بس رجل امه يستااهل يوم قدّم لقا اللي يرد له ماقدمه.. بس ياختي ابوهـ عاجز مره عشان ام عزيز توكله وتشربه وتقوده ؟؟؟
يعني حتى لو عميان بيقدر يتصرف بروحه.يعني شكلها تتعامل مع طفل وتخاف عليه يضيع والا يصير له شي .. ؟؟
وبعدين عزوز انسى ندى خلاص انت رحت مع غنادر البنت الداافوره والله بتصلح لك يااشيخ بس اصبر شووي وبتشووف السنع والله ماتندم يوم خذتها ولاتلفكر انها دلوعه والا بزر اللي صراحه تشري رضا ابوها وحشمته بين الناس ماهيب بزر ابداا..
يعني بس انت من تتعرف عليها بتقول الحمد الله ان ربي هواللي اختار لي وعسى ان تكرهوا شي وهو خيرا لكم ياا عزيّز..

ندى : تبين الصدق انصدمت وتفاجأة من فرحتس لاختس وانت تخدمين بيوم ملكتها شي غريب صراحه وبعيد بالمره عن الفكره اللي خذناها عنتس قبل.. بس بعد للحين اقول انتي تدبلين الكبد.

هيا : ياا انا كرهتس كـــــــــــــــــــره .. وخلي اخوتس احسن شي سواه جعل يدينه تسلم والله..
ام فياااض افاااااااا فاااااااااا والله ثم افاااااا.. هذا وانا ماخذه عنتس فكره زينه تروحين من الو موقف تنهزمين.. لو انا منتس وعارفه ان زوجته هي الحلى والطرى كان حلفت عليه انه مايتزوج عليها..
بس انتي الله يهيدتس موقفتس كان ضعيف شوويه..

فياض.. اجل ما شااء الله طلعت قادر وعندك امكانيه.. يوم انك ماشاء الله تبي البنات مايتكومن ببيوت اهلهن زوج شباب المسلمين العزابيه يا القادر.. هذا اخوك جا يله اشوف زوجه وخله يلقى له وحده تقوم فيه بالغربه هو ولدهـ..
بس والله كان خاطري انك قايل لنجود عن هالخبر اليوم كنت اتمنى اشوفها وهي مقطعتك باسنونها يمال الضربه اللي تضرب راسك ياا الثور..

رياض : والله الضياع اللي انت فيه الحين متزوج ومطلق وعندك ولد ووولدك بعد فيه توحده يعني السالفه صعبه بشكل بس ياليت ترجع فيه عشان تعالجه هناك من اللي هو فيه.. والله من شفت تصرفاته وكيف هو مو مهتم باللي حواليه واني قلت فيه توحد.. بس تدري وش اللي مخوفني صدق.. ان الولد يتعرض لتحرش.. مدري خايفه عليه ان وضعه يكون اسوء لو يشوفه احد مايخاف الله ويبي يتحرش فيه.؟

غنادر: يااااااااااااا والله نعم العروس .. خليهم والله مانافعتس الا الله ثم دروستس ..اجلسي ولا تهتمين خلي ندى تكرف لين يغمى عليها.. بس يا الدافوره تمنيت صدق ان عزوزو يشوفتس..

ترف وطارق: للحين انت على خبالك.. الله يعين بس .. والله اني معك بانك تأجل الزواج عشان تقدر تكون نفسك من جديد بس اللي ماحبيته انك بتسكن ترف مع اهلك.. خليهم عشان يتخرعون من ان السخط يكون عليهم جماعي..هخهخهخه

ام سووووووووونه تكفين عاد لا تطولين الغيبه .. نبي نشوووف الثور فياض لما يقول لنجود عن ملكته ولوو اني اتوقع انها تعرف قبل مايقول لها..
بانتظار البارت الجاي اذاا الله احيانا بكل شوق فلا تطولين علينا..

هلا ام سنن وحشتينا موت يالغلا .......تسلم ايدك ياقمر على البارت الحلو .....


طارق وترف

والله هالاثنين حكايتهم حكاية وترف لاتبين له لهفتها لانو ماينعطى وجه وبيستلمها بالحكي الله يعينها عليه وعلى اهله الي ممكن يقومون الدنيا اذا عرفو بزواج اخوها على بنتهم ويسوون فيها سوات اخوها ببنتهم وخصوصا انهم موراضيين فيها



فياض وهيا ونجود


هيا مو على اساس انها كانت بتموت على طارق وذبحت عمرها اشوف الحين ميتة تبغي فياضوه الخايس لايكون موافقة على الزواج لغرض براسها ........بس ان شاء الله هيثم يسوي الي براسه ويطردهم ومايزوج فياضوه ونجود تدري بالسالفة قبل ملكته وتتغير معاه ويصير خسر الثنتين علشان لايفكر يتزوج على حرمته واذا تركته بيعرف قيمتها وقدرها وبيكون درس له ولهيوه الخايسة كرهتها من قلبي هي وامثالها



عبد العزيز وغنادر وندى


علاقته مع زوج امه جدا رائعة وكبرته بعيني بس قهرني فكرته عن غنادر واستكثار الشبكة عليها بس راح يعرف انو ربي جزاه لانو بار بأهله بغنادر الي عقلها كبير وترفع الراس


اما ندى الحين مبسوطة ومطنشة كلام الناس بس اذا الي حاطة عيونها عليه تزوج غيرها ومافكر فيها بتندم وبيحترق قلبها وبينكسر راسها والله يستر ماتحاول ترجع عبد العزيز لها وتنقلب على اختها خصوصا اذا الي تبغيه تزوج قبل زواج غنادر فأكيد بتسمع الكلام من جديد عليها وهالمرة بيهمها وبيقهرها بعد



رياض

الحين هو مسافر يدرس والله يتزوج ويخلف ان شاء الله ابوه مايرحمه ويطلع هالسفرة من عينه ........ولو يتزوج هيو الي بتموت على العرس احسن بعد علشان ينحرق قلب فياضوه ........وابوه الي مسوي حاله مهتم ببنات اخته ياخذ وحدة منهم لرياض العازب حاليا



في انتظار البارت الجاي