لمشاكل التسجيل ودخول المنتدى يرجى مراسلتنا على الايميل liilasvb3@gmail.com





|[ فعاليات منتديات ليلاس]|

.:: الفعالية 1 ::.

.:: الفعالية 2 ::.

.:: الفعالية 3 ::.

.:: الفعالية 4 ::.

.:: الفعالية 5 ::.

.:: الفعالية 6 ::.



العودة   منتديات ليلاس > قسم الارشيف والمواضيع القديمة > الارشيف
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

الارشيف يحتوي على مواضيع قديمة او مواضيع مكررة او محتوى روابط غير عاملة لقدمها


ليت الجروح قصاص واخذ بثاري ..(( ضحايا لذه وانتقام ))

السلام عليكم ورحمة الله وبركاته البارت الثاني و الثالث ... البارت الرابع ... البارت الخامس و

 
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 13-02-11, 12:21 AM   المشاركة رقم: 1
المعلومات
الكاتب:
اللقب:

البيانات
التسجيل: Feb 2011
العضوية: 215900
المشاركات: 21
الجنس أنثى
معدل التقييم: ملاذالرووح* عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
ملاذالرووح* غير متواجد حالياً
وسائل الإتصال:

المنتدى : الارشيف
Newsuae2 ليت الجروح قصاص واخذ بثاري ..(( ضحايا لذه وانتقام ))

 

السلام عليكم ورحمة الله وبركاته





البارت الثاني و الثالث ...


ليت الجروح قصاص واخذ بثاري ..(( ضحايا لذه وانتقام ))


البارت الرابع ...

ليت الجروح قصاص واخذ بثاري ..(( ضحايا لذه وانتقام ))


البارت الخامس و السادس و السابع ...


ليت الجروح قصاص واخذ بثاري ..(( ضحايا لذه وانتقام ))

البارت الثامن ...

ليت الجروح قصاص واخذ بثاري ..(( ضحايا لذه وانتقام ))

البارت التاسع ...

ليت الجروح قصاص واخذ بثاري ..(( ضحايا لذه وانتقام ))





هنا بحط روايه من ارض الوقع جسدتها وغيرت في الاسماء والشخصيات لكنها واقعيه
جمعت عدد شخصيات هنا ..اتمنى ان اجد اراء منكم تفيد في الروايه
ان وجدت المتابعه والنقد البنا راح استمر في انزالها كل
يوم اربعاء ..



ارجو الحرص على اداء الصلوات في اوقاتها ان حلت اثناء قرائة الروااايه اللهم قد بلغت اللهم فأشهد ..
روايه من واقع الحياه ..جمعت فيها شخصيات وااااقعيه مختلفه من المجتمع وبعض المواقف او الامور اللتي تحصل من واقع الحياه ...وحاولت ان المس جانب مهم في حياة بعض الاطراف اللتي تشبعت من القسوه والظلم وذاق مرارت الالم بلا ذنب وبلاخطأ منها.. وصورتها لكم هنا ..



هناك من البشر من تجرع قسوة الظلم ومن ذاق مرارة الالم ..هناك من احتواه الحزن بكل معانيه.. ضحايا يتألمون لحالهم الكسيف ...ضحايا بلاسبب اقترفوه ولاخطأ او ذنب فعلوووه ... ولكن يتجرعون القسوه والعذاب بسبب اخطأ غيرهم .. ..وهناك من ارتسمت البسمه على شفاههم لطيب قلوبهم ونقاء نفوسهم .. تجمع قلوبهم روابط اقوى من رابط الدم ..واسماء ..راوبط ينبع منها الوفاء ..اساسهاالمحبه في الله ولكن هل تستمر البسمه في هذا الزمن ؟!وهل الحب وصفاء النوايا امد في وقتنا الحالي ؟ ...اما من ذاقو الحزن والبؤس في مجتمعنا لكننا لم نعرهم ادنا اهتمام او حتى نلمس معاناتهم او فرحاتهم فمن هو المقصر نحن ام هم ؟؟


/
/
/
/



الحب اسمى علاقه على وجه الارض ..رابطه نابعه من داخل النفس الزكيه مامصيره اذا انتهت هذه الرابطه وكانت مؤؤؤؤقته ..حب مؤقت ..لذه مؤقته..ماذنب الضحايا ؟........










البارت الاول



سمعت صوت الاذان تاففت ماشبعت من النوووم خاصه ان الفراش دااافي ..قمت بكسل
وانا ماودي اقوم واترك الفراش لكن حكم القوي ..جددت وضوئي وصليت
وبعد ما انهيت الصلاه اتجهت لفراش اخوي سعود اقومه هو معي بنفس الغرفه اممممم بشكل اصح
الكراج هذا مكانا اللي ننام فيه انا واخوي سعود من كم سنه ..اتجهت له وصرت اهزه او احركه بطراف اصابعي
وانادي باسمه حتى يحس فيي ويصحى ..لكنه
تأفف هو الثاني مني بس مافيه حل الا انه يقوم حاولت فيه :سعود تكفى قم ما ابغى اطلع من هنا قبل ماتقوم
رد علي سعود من تحت البطانيه وهو نايم : همم طيب زين روحي اناقمت خلاص
قلت له بعناد : مانيب رايحه قبل لا اشوفك داخل للحمام (اكرمكم الله )
رفع البطانيه عن وجهه وقال بصوت باين فيه الزعل : هاه شوفيني قمت يالله روحي قبل لاحد يصحى و..
حطيت يدي بسرعه عند فمه اسكره وقلت بسرعه مقاطعته : اشششششش لاتفاول بالشر تراني مانسيت اخر مره
رفع نظره لي وكان في نظرته شىء مافهمته مدري هو حزن او تاثر على وضعنا ووضعي انا بالذات



^
^
^
صحيت من النوم على صوتها كالعاده ..كنت ابي انوم شوووي لكن لماسمعتها تترجاني
ماقدرت اسمعها واكمل نومتي ..
قلت لها وانا اتأفف :شوفيني قمت يالله روحي قبل لاحد يصحى و.. ما خلتني اكمل كلامي
قاطعتني بسرعه وتغير وجهها عقدت حواجبها بكره للكلام اللي كنت بقوله ناظرت لها
حسيت بالحزن على حالها الله وتمنيت اني مااذكرتها .. قمت وانا افكر بنظرتها اللي شفتها لما ذكرتها
باللي بيصيرضحكت على حالي بسخريه هه ذكرتها !! وهي اصلن نست حتى اذكرها
هي كل يوم تعيشه ..زفرت بضيقه وانا اتحسب على اللي كان السبب


^
^
^
^
^



في احدى القريبه من الرياض تسكن اسر من طبقات ماديه مختلفه لكن يسودها التكاتف الاسري والعاطفي ..
لم تغزوهم ملذات الهواء وحب الذات .. ولم تسلل الى نفوسهم الانانيه بعد ..بل مازالت الاسر تعيش
بطبيعتها النقيه الطاهره على الفطره السليمه .. فالكل يتعامل مع بعضه البعض على انهم اسره واحده
لم تفرقهم عروقهم اللونيه ولا كانيتهم القبليه ولا طبقاتهم الماديه ....
هناك في احد المباني اللتي دخلت عليها تطورات العصر لكن هذا لم يغير نفوس اصحابها


صحيت من نومي على الاذان مثل كل مره ..صليت وجهزت فطور اهلي قبل لا اروح للمدرسه
اليوم الدور كان علي في التجهيز ..طبعآ الدور بيني وبين اختي نوير يوم انا اقوم واجهز الفطور
لاهل البيت حتى لاطلعو الرياجيل من المسجد اكون جهزت فطور هم يفطرون وكلن يروح في دربه
اللي عنده شغل لشغله واللي عنده دراسه لدراسته واللي عنده حلال يروح لحلاله وكذا ..
سمعت صوت وانا بالمطبخ هذا صوت نوير شكلها قامت !! غريبه مهيب من عوايدها !!
..تذكرت حركاتها وهبالها امس وهي تعلق
على نقلنا لرياض ..آه ياالرياض صحيح ماقد عشت فيتس لكن مالتس في قلبي مكان وجودي هنا بين
اهلي وربعي وناسي ابرك الف مره من روحتي هناك بين بشر طغت عليها الماده وغلفت قلوبها النسيان
وملذات الدنيا اللي مهما حاولنا ناخذ منها ماراح نشبع ونكتفي ..
ياهوووووووه من خذى عقلتس ::
كان هذا صوت اختى نوير اللي دخلت علي بطبيعتها المرحه والمطيوره
التفت لها وانا مبتسمه وقلت : افكر في النقل
نوير بهبالها : يعني لو فكرتي وش بيتغير الله لايعوقنا بشر بننقل بننقل هذا ابوحميد مو حيالله
رديت عليها وانا مبتسمه على تقليدها لللهجه السوريه : الله يوفقه بالنسبه الحلوه اللي تبيض اوجه
نوير تحك راسها وتكلم بعباطه :اممممم لا هذا عاد انتي وابوحميد ما ينخاف عليكم دوافير بالدراسه لو الكتب
تنوكل تسان ماقصرتو فيها
فتحت عيوني بقوه : اهبــــــي اذكري الله انتي وعيونتس تدقرين لي انا واخوي
ضحكت علي وقالت : لا انتي زال الخطر عنتس مدرسه ماعليتس لكن اذا فيه عوينه بتجي في اخوتس
رفعت الحليب من على النار وانا اضحك على تعليقها قلت :طيب روحي اخلصي مهوب لاجينا نروح
خليتيني اوقف لتس ساعه على ماتخلصين
ردت علي :لاتضايقين مافيه دراسه يعني لو تاخرنا محد بيقول شىء لاتنسين انها وقت المراجعات يعني
مهوب مهم حضوري وغيابي


^
^
^
^
^
فتحت الماااء اغسل البريق الثاني احط فيه ماء وحطيته على النار .. ورحت افتح الدرج حتى اطلع الصحون للفطور
بسرعه قبل ما يصحون اهل البيت طلعت ورتبتهم على السفره ..وصعدت الدرج بسرعه واتجهت لغرف البنات
ضربت على باب غرفة ابتهال ...لكن ماسمعت صوتها
رجعت ادق الباب وناديت :ابتهال يالله اصحي ...ابتهااااااااال يالله
سمعت همهمتها بس ما صحت رجعت انادي عليها بصوت اعلى
ردت علي بنرفزه ابتهال : طيب ...اووووووووف خلاااص فارقي
طلعت من غرفة ابتهال مستعجله ودخلت الغرفة اللي بجنبها قربت من اسماء
اسماء قوووومي يالله المدرسه ..اسوم
اسماء : همممممم
:اسمااااء بسرعه قومي بيطوفك الباص
اسماء بعصبيه : يووووووووه انتي ماتعرفين تذلفين
روعتني وقلت بسرعه وبصوت عالي :لا عشان تهاوشني عمتي لاتاخرتو قومي
ماحسيت الا بضربه في بطني منها وكملت بقووووه : طسسسي يالشغاله عن وجهي
ضغطت بقوه على بطني من الالم وتأوهت وغمضت عيوني من قوة الضربه .. تحركت من عندها
وانا اسحب رجولي الضربه قوويه وكملت علي وهي تعايرني بالشغاله !
تنهدت بالم وعضيت على شفتي السفلى من القهر تقولي شغاله تعايرني ..
حسيت دموعي تخط مجراها على خدودي مثل كل مره فجأه ضحكت على نفسي
تضايقت من كلمت شغاله لانها قالتها لي في وجهي!!
اذا ابوي راضي انهم يخلوني شغاله بتضايق اذا قالوها لي ! آه الله يسامحك يايبه .. مسحت دموعي وغسلت ورحت
اكمل ترتيب السفره قبل لاتقوم عمتي ..
^
^
^
^


دخلت الغرفه وانا متامله ان نوير جهزت بس يوم شفتها في فراشها بغيت اتوطى في بطنها
شقهت من الصدمه وقلت وانا قافله معي :نوير يالله اخلصي تأخرنا على المدرسه
نوير وهي مسكره عيونها : طيب
قلت بعصبيه : نوووير وين طيب وانتي خامده
نوير وهي تأفف :اففففف هوويا تونااا يالله صباح خير
هويا :اقول اخلصي علي يالله انا سويت الفطور لابوي والعيال وانتي في مخمدتس <<مرقدك
نوير بملل : خلاص بقوم بس تراي ماني منظفه غرفتنا اليوم وغرف العيال الا لارجعت
ناظرتها وقلت : خلااص ماتبين تنظفينها انا بنظفها بس الزام عليتس القابله وتبيعه
نوير فزت بسرعه : لالالا وشو تخليني اكرف يومين ورا بعض لا كل وحده تقوم بزامها
ناظرتها وانا شوي واضحك على حركتها : طيب استعجلي ترا ورانا مدرسه
نوير تافف: اووووووف خلاص درينا يالاستاذه هويا
قلت وانا اضحك على تعليقها :شكلهم بيفصلوني بسبة عينتس
نوير : لا انتي عندتس حصانه ضد العين
اشرت لها ا :رووحي لو عطيتس وجه ماخلصتي من الحتسي
بعد نص ساعه طلعت انا ونوير للمدرسه مشي كالعاده مثل بنات الديره ..
سئلتني نوير هويا الا صدز ماجابت لتس صديقتس من الاغراض اللي طلبتيها ؟؟
قلت لها : الا جابت الاغراض اللي شفتيه واليوم تقول بجيب لتس الباقي
قالت لي نوير : والله مدري وشهوله القطع والمكياج من كثر ماتطلعين يعني !!
والا ماتلطخين بوجهتس من المكياج ماغير كحل وحمرت براطم هذا اللي تحطينه والا الباقي ماله سنع
قلت لها وانا اناظر بوابة المدرسه: هذا هنا لكن لارحت الرياض لازم احط بجلس اتعلم عليهن قبل لا ننقل
قالت لي نوير : ومن بيعلمتس صديقتس ؟
قلت : لا ..
^
^
^
^
^
من كلمني راكان وقال دور لي بيت حولك وانا عايش في حيره .. مدري وش الدبره
اخوي يبي بيت قريب مني وانا بعد ابيه عندي قريب لكن ام فيصل ماتبي قربهم ..
رفعت يديني وحطيت راسي على يديني يمكن يخف الصداع اللي ماسكني
من التفكير ...محتار من ارضي ؟! ارضي نفسي واخوي ؟؟ والا ارضي ام فيصل ؟
جيت مبكر هنا لشركه احاول انغمس في الشغل وابعد عن التفكير في المشكله
اللي انحطيت فيها لكن للاسف اليوم الشغل كان قليل بعكس اغلب الايام
خطرت على بالي فكره وقررت انفذها ..رفعت سماعة التليفون وضغت ارقام
بتساعدني في الحيره اللي انا فيها الحين ...


^
^
^
^
^


من امس وانا نايم هناا بعد ماعرفت الصدمه الكبيره اللي كانت خاشتها عني
لميوووه ابتعدت عن البيت وعنها هي بالذات حتى ما اسوي شىء اندم عليه
... جلست اتذكر السنوات الاربع اللي عشتها معها وانا مغفل لها الدرجه تضحك
علي ؟ لها الدرجه كنت مغفل وغبي ؟! حسيت بالقهر يسري بعروقي وانا تذكر حركاتها
اللي تسويها .. كنت محتاج ابتعد عنها عشان افكر بهدووووء عكس الطوفان اللي بداخلي
ارخيت راسي وانا على الكرسي خلف مكتبي بعد ماخلصت المعاملات اللي بين يديني
بسرعه حتى اتفرغ في التفكير ورد اعتباري لنفسي قبل غيري .. ارخيت راسي بهدوء
وابحرت في عالمي الخاااص لحظات وقطع افكر رنين الجوال ! ... ما طالعت فيه مالي خلقها
اكيد هي لميوه توهااا تعرف اني مانمت في البيت ! خلها تنطق ... تركته لين سكت الجوال
وماهي الا لحظات ورجع يدق من جديد رفعت يدي بضغطه حتى احوله على الصامت
لكن ماطلعت لمياء !...







^
^
^
^
^
البارت الثاني




على ذاك الجدار اللي على حد البيوت الطين
وقفت وهاجس الذكرى نفض عن قلبي غباره

وفي ذاك المكان اثبت بان الادمي من طين
تخيل يوم لامسته تنهد من شقا نااااره

سأني وقال:انا اذكر تجوني من زمان اثنين
بكيت وقلت:......صدقني رحل وانقطعت اخباره




فيصل
من امس وانا نايم هناا بعد ماعرفت الصدمه الكبيره
اللي كانت خاشتها عني
لميوووه ابتعدت عن البيت وعنها هي بالذات حتى ما اسوي شىء اندم عليه
... جلست اتذكر السنوات الاربع اللي عشته
معها وانا مغفل لها الدرجه تضحك
علي ؟ لها الدرجه كنت مغفل وغبي ؟! حسيت بالقهر يسري بعروقي وانا تذكر حركاتها
اللي تسويها .. كنت محتاج ابتعد عنها عشان افكر بهدووووء عكس الطوفان اللي بداخلي
ارخيت راسي وانا على الكرسي خلف مكتبي بعد ماخلصت المعاملات اللي بين يديني
بسرعه حتى اتفرغ في التفكير وشلون ارد اعتباري
لنفسي قبل غيري .. ارخيت راسي بهدوء
وابحرت في عالمي الخاااص لحظات وقطع تفكيري رنين الجوال ! ... ما طالعت فيه مالي خلقها
اكيد هي لميوه توهااا تعرف اني مانمت في البيت ! خلها تنطق ... تركته لين سكت الجوال
وماهي الا لحظات ورجع يدق من جديد رفعت يدي بضغطه حتى احوله على الصامت
لكن ماطلعت لمياء !...




هذا ابوي وش عنده ؟

^
^
^
^
^

شهد
رن جرس الفسحه وطلعت الاستاذه بعد ماخذت
خمس دقيق من بداية الفسحه كالعاده !!
وقفت فاتن وقالت وهي تمغط :امممممم يالله شهد
قومي نروح نشتري فسحه
وقفت معها وابتسمت وقلت لها : مو مشتهيه
عقدت حواجبها وقالت باحباط : بس انا مشتهيه وماراح اكل لوما ا كلتي
وقفت معها ومشينا متجهين لساحه وقلت لها بكذب : فاتن انا مو مشتهيه اكل الحين
انتي روحي اشتري لك فسحه وكملت وانا لها وانا ااشر وانا انتظرك هناك
قالت لي وهي متضايقه : لا خلاص ماراح اشتري
قلت لها بحزم :اذا ما اشتريتي بزعل منك ..حاولت تعترض على قراري لكن انا ماعطيتها مجال
حرام احرمها شى مثلي .. فاتن صديقتي الوحيده وماعندي استعداد اخسرها وارجع للوحده اللي كنت فيها
جلست في المكان اللي اشرت لها عليه .. وطالعت
البنات اللي يمشون في الساحه
كنت اطالع في تعابير وجيهم .. اللي تضحك وتحس السعاده تشع من عيونها ..
واللي عاقده حواجبها ومندمجه بالكلام باين عليها تشكي على صديقاتها وملامحها
توحي باندماجها بسرد الشكوى والبنات اللي يركضون يعيشون حياتهم بطريقه طفوليه ..
افزعتني فتحت الباب الجانبي القويه كانو شلة بنات داخلين الساحه كانت وحده نهن منفعله في الكلام شدة انتباهي كلمه جت في الصميم ..
((يوووه اقولك امي معقده
متخلفه تبيني على كيفها!! كل شىء عندها لااااا وعيييييب وحراااام ومنقوووووووود !! ..افففففف ياااااه
امي من العصر الحجري !!))
عقدت حواجبي على الكلام الكبير اللي سمعته .. فيه وحده تقول عن امها متخلفه !
!فيه وحده تقول افففف
انذهلت واصدمت من قوة الكلمات اللي رمتها على مسمعي وكأنها ماقالت كلمه كبيره
في حق امها !! يالله وش هالبنت اللي تتكلم بوقاحه عن امها ..فكرت اقوم واقولها عن حياتي
اقوله وش شفت ووش عانيت .. اقولها بوسي يدينك
انتي مع امك مع اقرب الناس لك
حسيت بيد حطت على كتفي وفزيت بروعه : اللي ماخذ عقلك يتهنى به ؟
ابتسمة على طريقة فاتن التعبيريه :قلت محد خذا عقلي
فاتن تناظرني بعدم تصديق : عليناااااا
قلت وانا اتنهد بضيق : اشتقت لامي ...هالكلمه احسها فجرت بداخلي عواطف شوق
ووله لامي ياااااااااااه كم سنه مرت علينا ماسمعت صوتها ولا شفتها ولاضميتها اشتقت لريحتها
وضمتها ..حسيت بدموعي بدت تاخذ مجراها على خدي وانا اتذكر اخر لقاء جمعني بامي
من كم سنه ...

^
^
^
^
^
فاتن
رحت اشتري فسحه ورجعت لشهد شفتها رافعه نظرها للجهه المقابله لها وسرحانه
جلست جنبها ماحست فيني همست بصوت واطي ما سمعت ناديتها وانا ارفع صوت عليها اكثر من
مره ماسمعتني بالاخير حركت كتفها حتى تحس بوجودي حسيتها فزت او خافت ..
قلت لها وانااستهبل عليها : اللي ماخذ عقلك يتهنى به ؟
ردت علي بابتسامه من ورا قلبها :قالت محد خذا عقلي
قلت لها وانا مكذبتها : عليناا
ردت علي بصوت نبرته ضعيفه و حزينه ....قالت لي كلام كبير ..
كلام مايحس فيه الا اللي عارف معناه ( ام ) واهميتها في حياته
هي فاقده امها وهي حيه وهذا اصعب من اللي فاقد امه بالوفاه ..
كنت اشوف حركة عيونها وهي تعبر عن لهفتها لها شوقها لشوفتها
كسرت خاطري وزاد ضيقتي لما شفت دموعها ... اول مره اشوف شهد تبكي !!
شهد كانت مثال للقوه تبكي الحين !!..رفعت يدي لها اهون الامر عليها ..فقلت لها
وانا احاول اخفف من حزنها وفقدانها لامها : بتشوفينها ان شالله بتشوفيها
قالت لي بصوت هامس مبحوح من البكاء : متى يافاتن متى ؟ كل يوم اقول يمكن يلين
ابوي ويخليني اشوفها لكن ماتغير شىء يافاتن ماتغير!
قلت لها وانا اواسيها : ادعي ربك وهو ما يخيب دعاك
حركت شفايفها وتمتمت :امين


^
^
^
^
^
فيصل
قمت من مكتبي واتجهت لمكتب ابوي بعد ماطلبني ..
دخلت عليه وشفته متضايق وشكله ما نام زين وهذا
اثبته لي في اثناء الكلام
يوم صدمني بالخبر اللي ماكنت ناقصه عمي واهله يسكنون الرياض !!!
لاااااااااااا ماعندي استعداد ..
يكفي الوقت اللي جلسته حتى افتك من دق ابوي علي بالكلام
آخ للاسف اني دخلت على ابوي وانا مهموم وطلعت منه زايد هموم اكثر ..
صراحه يوم قال ابوي عن راي امي بالسالفه وانها ماتبي قربهم من بيتنا
ولا تبي اي احتكاك بينا هذا ريحني كثير وشجعني اني اايد كلام امي ..
انا مع امي في انا العلاقه بينا تكون رسميه وانهم مايسكنون قريب منا
طلعت من مكتب ابوي وانا حاس اني زدت في حيرته لاني حسيته محتاج مني تشجيع
حتى نقنع الوالده لكن تأييدي لامي احبطه ..




^
^
^
^
^
ابو فيصل
وش هالمشكله اللي انحطيت فيها ... لها الدرجه كارهين اخوي واهله
لها الدرجه ما يبون قربهم !! .. ام فيصل وعارف سبب حقدها علي
اخوي واهله لكن فيصل ! ليه مايبي قربهم مايكفي اللي سواه !!
زفرت بضيق وانا حاس اني في دوامه من التضارب في الافكار وزادت الحيره عندي
اخوي واتصالاته المتكرره من اكثر من شهر ونص وانا اماطل بالرد
واكذب عليه وهو معتمد علي !!
سمعت طق الباب رفعت راسي اللي مرخيه على الكرسي وقلت :تفضل
دخل علي السكرتير وقال لي ان اخوي ابو محمد عد الباب فزيت من مكاني
وقلت له :دخله بسرعه
شوي وشفت اخوي يدخل بهيبته المعتاده رحت وسلمت عليه ورحبت فيه بحراره
وجلسته وسولفنا شوي وقال لي :يا ابو فيصل لقيت لنا بيت ؟
بلعت ريقي وترددت في كلامي منحرج اقوله مادورت في الحي لان ام فيصل رافضه
وش بيقول اخوي عني بنزل من عينه .. بيقول عني رخمه قلت له : مالقيت بيت حولي
شفت ارتسمت على شفته ابتسامه وقال : انا لقيت بيت وشريت
ناظرته وانا مصدوم قلت له بتردد:شريت !!
قال لي وهو يناظرني بنظرات ماعرفت وش تعني وقال بهدووء : ايه شريت
قلت بسرعه :في اي حي ؟
قال لي :في نفس الحي اللي انت ساكن فيه بس بينا ثلاث شوارع
ابتسمت لا شعوريآ مدري هل من قرب اخوي وفي نفس الوقت بعده عن بيتي
رغم انها 3 شوارع الا انها كافيه نقول بعيده او ان اخوي حط ام فيصل وولدها
امام الامر الواقع


^
^
^
^
^


ابو محمد
رحت لمكتب العقار اللي كلفته يبحث عن بيت لي من اسبوعين
طبعآ كلفته بها المهمه بعد ماشفت اخوي يماطل في امر البيت
قلت مالي الا اني اسوي اموري بنفسي وفعلآ رحت لمكتب العقار اللي
اتصل علي اليوم وبلغني انه حصل بيت بنفس الحي رحت والقيت نظره على
البيت ...شفته صحيح يبغاله بعض التعديلات البسيطه بس هذا مهوب مشكله
عند ي الاهم راحت اختي وعيالها عندي .. اتفقت مع صاحب العقار انه يبلغ صاحب البيت
عن موافقتي على شرائه وانه نوقع العقد اليوم العصر حتى اقدر اعدل ...وفعلآ وافق العقاري
وطلعت من عننده وانا مرتاح من الهم اللي شاغلني من فتره....خطر علي اخوي وغيرت اتجاهي
لشركة ابوفيصل حتى ابلغه بالخبر اللي اشك انه بيفرحه !
دخلت عليه شفت نظرته فيها ارتباك وحيره ..مدري بس من حرك عيونه وتغيير كل لحظه
لجهه كانه رافض النظر في عيني او كانه خايف من شىء مدري لكن هذا اخوي وانا اعرفه
قلت له اني حصلت بيت بالبدايه انصدم لكن حسيته
فرح مدري هل هو من الصدمه !
او فرحان صدز من قربي عنده ...
^
^
^
^
^


فاتن
نزلت من الباص كان الصمت بينا من بعد الفسحه وهي ساكته وانا احترمت سكوتها
ماكنت ابي اتدخل في امورها الشخصيه .. يمكن يكون موقفي سلبي معها
او مو حلو او انانيه لاني صديقتها المفروض اثبت وجودي واكون جنبها واخفف عنها همها
وضيقتها.. لكن صداقتي انا و شهد اقل من سنه توها جديده وصعب تثق فيني بها السرعه
لان شخصيتها من النوعيه المتحفظه في كلامها ...
حتى امها اللي مااعرف عنها اي شىء ولا قد حكت لي عنها او جابت سيرتها الا انها
تبي تشوفها ومشتاقه لها لكن ابوها رافض ..ليه؟!! وش السبب؟؟!! ما ادري ماقالت لي
سبب معين
بالاساس هذا الخبر سمعته من امي لما حكت لي عنها وعن ابوها وزوجته ..
اغلب كلامه عن نفسها وعن سعود اخوها وتعلقها فيه ..
^
^
^

^


^

شهد
نزلت من الباص وانا احس نفسي مخنوقه تعبت من حياتي وتعبت من الوله والشوق لامي
نفسي ابوس يدينها ارتمي بحضها اشم ريحتها .. كل ماشفت خواتي كيف يتدلعون
ويضمون امهم وهي تضحك ويتدلعون عليه كنت اتمنى تكون امي عندي واسوي مثلهم
اتمنى اقول ابغى عطر مثل ابتهال وابغى فستان ومكياج مثل اسماء
و ابغى اروح لبيت خوالي وغيره وغيره لكن كل
هذا امنيات بعيده عن الواقع عن الحقيقه ... طلعت اهاااات من صدري
يمكن تخفف اللي فيني لكن ماتغير شىء فزيت بخوف
لما سمعت صوت عمتي تصرخ باسمي رميت مريولي على الارض ورحت لها
رحت لها وانا حاطه يدي على قلبي نبرة صوتها تدل على العصبيه !! يعني بتد يدها
علي بس هالمره وش
بيكون السبب بلعت ريقي ودخلت ....

^
^
^

^


^

 
 

 


التعديل الأخير تم بواسطة بياض الصبح ; 13-03-11 الساعة 01:52 AM سبب آخر: إظافة رابط البارت 9
عرض البوم صور ملاذالرووح*  

قديم 13-02-11, 12:30 AM   المشاركة رقم: 2
المعلومات
الكاتب:
اللقب:

البيانات
التسجيل: Feb 2011
العضوية: 215900
المشاركات: 21
الجنس أنثى
معدل التقييم: ملاذالرووح* عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
ملاذالرووح* غير متواجد حالياً
وسائل الإتصال:

كاتب الموضوع : ملاذالرووح* المنتدى : الارشيف
افتراضي

 

البارت الثالث
شهد
نزلت من الباص وانا احس نفسي مخنوقه تعبت من حياتي وتعبت من الوله والشوق لامي
نفسي ابوس يدينها ارتمي بحضها اشم ريحتها .. كل ماشفت خواتي كيف يتدلعون
ويضمون امهم وهي تضحك ويتدلعون عليه كنت اتمنى تكون امي عندي واسوي مثلهم
اتمنى اقول ابي عطر مثل ابتهال وابي فستان ومكياج مثل اسماء و غيره وغيره لكن كل
هذا امنيات بعيده عن الواقع عن الحقيقه ... طلعت اهاااات من صدري
يمكن تخفف اللي فيني لكن ماتغير شىء فزيت بخوف
لما سمعت صوت عمتي تصرخ باسمي رميت مريولي على الارض ورحت لها
رحت لها وانا حاطه يدي على قلبي عارفه انها بتضربي لكن وش السبب هالمره
بلعت ريقي ودخلت ....
^
^
^
^


^
ام سالم
من اليوم وانا انتظر هاللحظه او هالوقت حتى ترجع من المدرسه ...
.. ماصدقت سمعت صوت اسماء وهي تدخل عرفت انها جت
انهيت المكالمه مع امي ونزلت لها وصرت ارفع صوتي حتى تجيني داخل وتطلع من
كراجها ... شفتها دخلت وعيونها باين عليها الخوف مني صرخت
بصوت عالي :انتي متى بتصيرين سنعه !!؟ قول لي هاااااااه ؟
قالت لي وهي تجمع قبضة يدينها و بصوت يرجف ومتردد :لـــ يـــ ــه
قلت لها وانا اغلي من القهر اشوف فيها امها قدامي وهذا زاد كرهي لها : ماتعرفين هذا البلا انك
ماتعرفين ... تحركت بأتجاها بقووووووووه ومسكتها مع شعرها وسحبتها بقوووه
ودخلتها غرفت الكوي والغسيل ورفعت بلوزه لي واشرت لها شوووفي هذا وش ؟؟؟هااااه وش ؟
شفتها مندهشه من البلوزه ..حركت قبضة يدي وزدت
بمسكتي على شعرها بقوه اكبر وانا اقول لاتسوين نفسك بريئه وماتعرفين شىء !!
رفعت قبضة يدها وحطتها على يدي تحاول ترخي قبضه وقالت
لي بصوت بصوت باكي : والله ما احرقتها والله
قلت لها بتكذيب : انطمي انتي كذابه يعني البلوزه احرقت نفسهااااا !!
رفعت سبابتها حتى تحلف لكن ما عطيتها مجال
دفيتها على الارض بقوه وقلت لها :اليوم
ما راح تذوقين الغداء عقاب لك على البلوزه اللي حرقتيها .. وكملت بسخريه
وشريك تعلمين ابوك باللي صار لانه بيهتم فيك وضحكت على تعليقي الاخير عليها
لمحت في عيوها انكسار لكن مايهمني ابوها قبل كسرني بزواجه من امها
طلعت من عندها وانا فرحانه باللي سويته خاصه وانها ما افطرت والحين ماتغدت ..





شهد
حسبي الله عليك حسبي الله عليك يامرت ابوي كان هذا اللي اردده وانا اتاوه من الالم
ودموعي اللي ملت وجهي نزلت راسي بالارض وفكيت شعري احس جلدت شعري حااااره
وتالمني من قوة مسكتها
لي وحركة اطراف اصابعي على فروة راسي اللي احسها ان شالت من مسكت عمتي
حركت يدي وانفجعت باللي اشوفه .... خصل شعري براحة كفي
انصدمت وزاد شهاقي وبكاي صرت اتحسب عليها
حسبي الله عليك الله لايوفقك ولا يذوقك
الراحه مثل ماتذوقيني العذاب حسبي الله عليك
نزلت وجهي على راحت كفي وقعدت ابكي من القهر انا ما احرقتها والله مااحرقتها




اسماء
كنت اتابع امي وهي تضرب وتلفظ على شهد ضحكت على امي اتقنت دو المعصبه
لو كنت ما اعرف السالفه كان صدقت انها حارقتها وان امي متضايقه على البلوزه
..خلصت امي من ضرب شهد شفتها تبكي وتلوى من الوجع قعدت اطالع فيها
وانا بداخلي اقول احسسسن طلعت من عندها وانا فرحانه بالخبر اسرعت لجهة غرفة
ابتهال اقولها السالفه كلها وانا فرحانه باللي صار لزفته ..



سعود
دخلت الغرفه اقصد الكراج اللي ننام فيه كنت مستغربت بالعاده ما ارجع من المدرسه الا هي
قبالي تحقق معي !! فكيت ثوبي وفكيت جزمتي (تكرمون)
ورحت اغسل وابدل .... بعد ماخلصت استغربت الى الان ماجت معقوله؟!!
دخلت البيت ادورها لقيت اسموه بوجهي قاعده بالصاله قلت لها :وين شهد
ناظرت فيني وكملت تعبث بجوالها حسيت ان الشياطين تنطط بوجهي قلت لها
وانا قافله معي : ويــــــــــــــن شهد
ناظرت فيني وقالت بغرورها المعتاد : افففففففف وانا وش يدريني قالولك البودي قارد حقها !!
ضغطت على شفتي وانا اتمالك اعصابي وتركت لها الصاله وطلعت ادورها
في الغرف يمكن تكون ترتب ملابس البنات فيهن ....
دورت البيت كلللللللللله بس مالقيتها مابقى الا غرفة
عجوز النار وهذي مستحيل ادخل غرفتها حتى تلقى علي غلطه وتبعدني عن اختي ...
رجعت للكراج وانا افكر وين بتروح وين ؟؟
خطرت على صديقتها بس وش يوديها ووش اقول ؟! تاففت وانا حاس انها قفلت
معي قعدت امسح وجهي من العرق اللي يتصبب .. سمعت صوت فتحة الباب رفعت
راسي بسرعه شفتها تدخل ووجها احمر شكلها باكيه قلت لها بسرعه :وينك فيه ؟؟
قالت لي وهي تحاول تخفي وجها عني : كنت اكوي الملابس
قلت لها وانا اوقف قبالها : شهد قولي الحقيقه ؟


^
^
^
^
فيصل
ركبت السياره بعد ماطلعت من الشركه وانا في راسي موال لازم انفذه
اتجهت للبيت وصعدت لغرفتي اللي احس فيها بااارده مثل برودت اللي عايشه فيها
سحبت اللحاف عنها بقوه وقلت لها وانا احاول امسك اعصابي :لمياء قومي
ردت علي وهي تغطي وجها بالمخده وتلف للجهه الثانيه يووووه فيصل ماتشوفني نايمه
قلت لها وانا حاس اعصابي بتفلت :قوووومي قبل لا يصير شىء تندمين عليه
قامت وهي معصبه رجعت شعرها ورا اذنها وقالت : هاه خير وش عندك ؟؟
قهرتني كلمتها في زوجه تقول هاه والا خير لزوجها قلت لها ببرود عكس النار اللي بقلبي
:الخير بوجهك ..وناظرت فيها ببرود وكملت وانا احط عيوني بعيونها لقيت ورقه امس
في جكيتي الشتوي لك وطلعتها لها مديتها عليها من شافت الورقه شهق بقوه كبيره
ماقدرت اتحمل اكثر مسكتها من عضودها ووقفتها قدامي وسئلتهاوانا اصك على اسناني :
خاشه السالفه
من متى ؟؟هااااه من متى ؟؟
^
^
^
^


^


^
لمياء
سحب فيصل البطانيه مني وانا نايم هتأففففت نايمه ويقومني وانا مانمت الا الفجر وهو عارف
غطيت وجهي بالمخده وعطيته ظهري حتى يفهم اني ما ابغى اصحى ابغى اكمل نومتي
وقلت له : يووووه فيصل ماتشوفني نايمه ..لكن لما رفع صوته قمت وانا مقهوره منه
وحسيت بالخوف من نبرة صوته العاليه ومن تهديده قلت له وانا احاول ما ابين له الخوف اللي
تسرب بعروقي :هاه وش عندك ..ناظرني بعيونه اللي احس الشرار يقدح منهم وقال لي بهدوء
:الخير بوجهك وسكت كانه يبي يستفزني ورفع ورقه وكمل كلامه :لقيت ورقه امس
في جكيتي الشتوي لك انا من شفت الورقه شهقت من الصدمه وماحسيت الا بيدي
حطيتها على فمي ..وماحسيت
الا بيده تشد على عضدي ووقفني معه وقال لي وهو يصك على اسنانه :خاشه السالفه
من متى ؟؟هااااه من متى ؟؟
قلت له وانا ارجف مثل الورق بين يديه وبصوت يالله يطلع من الخوف
: انا انااا عرفت من سبع شهور
قال لي بصوت يصم الاذاني من قوته : وليه ماعلمتيني والا شايفتني مثل الجدار ؟؟!!
قلت له وانا ابكي من قوة مسكته ليدي : لااا مو كذا يافيصل انت مافهمتني
ترك يدي وكانه متقرف مني وقال : خلاص
من قال لي كلمة خلاص وانا احس قلبي بيطلع من مكانه قلت بهمس له :فيصل انا
ماخبيت عليك الموضوع الا لاني احبك وابيك
طالع فيني وظهرت على شفايفه ابتسامه ساخره وقال : هه تحبيني والا تحبين فلوسي!!
^
^
^
^


^


^
نوير
اليوم ابوي لقى بيت بالرياض اخيرآ مابغى
من سمعت بالخبر وانا حاسه بالفرحه ماقدرت امسك نفسي خميت برقعي وجلالي
وطيران على بيت عمتي ام سعد وابشرهم بها الخبر
لكن ماش مافرحو معي ! فشلوني جايه
ابشرهم ولا احد منهم فرح !!اعوبالله امحق عرب
سئلت منـيــّر (منيره) وش بلاتس معقده حواجبس من عرفتي بالخبر !؟
منيره وهي على نفس وضعهضامه رليها لصدرها ومتكيه بحنكها على كبهاا :مابه شىء وشتبيني اسوي ارقص يعني !؟
قلت وانا منقهر من ردها تمسخر علي : حمدلله والشكر الحين بدال ماتفرحين انّا بننقل
لرياض تكتّمين !
طالعت فيني شوي وقالت بعد ماتنهدت :اصلن ما احب الرياض ولا ابيها !!
قلت لها واننا رافعه حاجبي ونااقده عليها : ايه من كثر مامترتيها
قالت لي وهي موطيه راسها : لاتمهزين فيي
من قالت هالكلمه خلاص قمت منها وانا كاره نفسي جايه ابشرهم بالخبر
جابو لي التكه <<الضيقه
^
^
^
^


^


^
ابتهال
جتني اسماء وبلغتني بالسالفه وهي فرحانه باللي صار وانا ماكنت اقل منها سعاده
بس استغربت امي محرقه بلوزتها !!عشان تضرب شهد! طبعآ هذا اللي خطر ببالي
قلت لاسماء :اسوم يعني امي احرقت بلوزتها حتى تضرب شهد !!
ضحكت اسماء على سؤالي وقالت : لا يالغبيه هذي امالووه تقول انها تشوف
شهد تغسل وتكوي وتنظف لحاله ورحمتها تبي تساعدها بدون ماتدري شهيدان
خذت البلوزه بعد ماخلتهاا على طاولت الكوي وجلست تكويها لين
احرقتها
قلت لها :اها يعني امال مسويه فيها الاخت الحنون !!
ضحك اسماء على تعليقي وقالت: ايه طالعه علي !
^
^
^
^


^
منيره
جت لنا منيره فرحانه بالبشاره او الخبر اللي عندها لكن نست ان هالخبر
يمكن يكون نهاية حياتي انا
ماقدرت اجاملها واسايرها في فرحاتها صعب علي
ماقدرت الا اني امسك نفسي وما اجرحها واذكرها بشىء غاب عنها
سمعت صوت الباب ينفتح شفت اختي ساره داخله سلمت علي ورديت السلام
قالت لي :شفت نوير طالعه من بيتنا زعلانه وشبلاها ؟
قلت لها : جت تبشرنا ان خالي لقا بيت .. بلعت ساره ريقها وقالت بصوت هامس
:بها السرعه
قلت لها وانا مبتسمه :نوير تقول مابغى يلقا بيت وانتي تقولين بها السرعه
قالت :يمكن عندها ابطى عليها لكن عندي العكس
قلت لها وانا احاول اتحاشى ذكر اسمه : تظنين عنده خبر بنقلنا !
حركة كتوفها وقالت : ماهمني هو اهم ماعلي امي وانتم والا هو كيفه
ماقدرت اقاوم نفسي ضميت اختي لي والعبه خانقتني و خايفه منه خايفه يرجع
^
^
^
^


^


^
غلا
قمت العصر من النوم وغسلت وصليت العصر وطلعت من غرفتي سمعت
صوت جهة غرفتة اخوي فيصل مرتفع وكأني سمعت بكى لمياء !!
استغربت وعقدت حواجبي على هالفكره لميوه المغروره تبكي !!
شكيت في قدرتي على السمع
حاولت ارهف سمعي حتى اسمع الكلام بس للاسف سكوووووت وهدى الوضع
سمعت صفقت الباب ناظرت الا فيصل يناظرني بقوه وقال بعصبيه :خييييييير وش عندك هناا
قلت بقهر على طريقته : الخير بوجهك (حطيت عيوني بعيونه وكملت )والله
اناطالعه من غرفتـــي اذا كنت ناسي
مشى بسرعه باتجاهي ودفني بقوه بغيت اطيح ونزل بسرعه مع الدرج كن فيه احد يلحقه
رفعت كفي وبسته وتحمدت الله على نعمة العقل !!
^
^
^
^


هويا
شفت نوير جايه بسرعه ناظرت وراها ادور احد يلحقها من سرعتها ماشفت احد
استغربت ياربي هي وشبلاها طايره ؟!!
لحقتها شفت تنافخ قلت لها :نوير وش فيتس .. انا قلت هالكلمه وياليتني ماقلتها
رجعت على ورا من صوتها روعتني مافهمت ولا كلمه رحت بشرتهم ..وجيه تجيب النكد !
وجه فقر !! منيروه نافخه الخشه !!!
قلت لها وانا مطيره عيوني :هدي هدي لحظه فهميني السالفه بركاده
زفرت بقوه وتربعت على الارض وقالت : رحت ابشر منيروه ان ابوي لقا بيت
وبنشّد لرياض واحسبها بتطير من الفرحه مثلي ومن قلت لها العلم وهي نافخه خشتها
تقولين ذابحه لها احد!! قهرتني الحين جايتس ابيتس تفرحين معي ماتعبريني !!
قلت لها وانا حاسه بوضع منيره وعارفه ضيقتها :نوير لاتلومين منيره
انا قلت هالكلمه وهي تطير بي روعتني بصراخها :ايه ايه دافعي عن منيروه
قلت لها وانا اقدم ايديني بطريقه اهدي فيها الوضع : اهبي اهبي اركدي علي ..


^
^
^
^


نوير
جيت منهم اغلي من القهر الحين شايله عمري وفازعه لكم ابشركم واخر شىء
نافخه خشتها علي !! وكنت احكي واشتم واسب في عمري وفي منور
دخلت وفكيت برقعي ونزلت جلالي وذبيتهن (رميتهن) على سريري
وقعدت افكر باللي صار وانفخ واهاوش بيني وبين نفسي ماحسيت الا وهويا
تنشدني (تسئلني) قالت لي ::نوير وش فيتس
وانا من سمعتها قالت كذا وعلمها باللي صار كلللللله وانا قافله معي
قالت لي :هدي هدي لحظه فهميني السالفه بركاده
بغيت العن خيرها وهي تقولي هدي هدي بس تعوذت من بليس ورجعت اقص لها السالفه
من جديد وبركاده على قولتها
قالت لي بهدوئها اللي يجيب المر ::نوير لاتلومين منيره .. هنا قفلت معي بغيت اقوم
واتوطى في بطنها الحين بس قلت في نفسي ابلعي العافيه يانوير والا بيجلدتس راكان وولد محيميد
وقلت لها بقهر :ايه ايه دافعي عن منيروه
قالت لي وهي مرتاعه : اهبي اهبي اركدي علي
قلت لها وانا ازفر : هاه عطيني ماعندتس
قالت لي ببرودتها اللي تجيب الحرقان : منيره كاره النقل لرياض
قاطعتها وانا اتطنز : قولي قسم يقالتس جايبه علمآ جديد !!
قالت لي هويا وهي تحرك راسها يمين ويسار :لاحول ولاقوة الا بالله يابنت انتي
وراتس مطيوره !!؟؟خليني اكمل حتسيي وعقبها سوي اللي تبينه ...
:::::::::::

 
 

 

عرض البوم صور ملاذالرووح*  
قديم 13-02-11, 12:16 PM   المشاركة رقم: 3
المعلومات
الكاتب:
اللقب:

البيانات
التسجيل: Feb 2011
العضوية: 215900
المشاركات: 21
الجنس أنثى
معدل التقييم: ملاذالرووح* عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
ملاذالرووح* غير متواجد حالياً
وسائل الإتصال:

كاتب الموضوع : ملاذالرووح* المنتدى : الارشيف
افتراضي

 

السلام عليكم
عذرآ امل من الاداه نقل الموضوع الى قصص من وحي الاعضاء
وتعديل عنوان االموضوع الى هذه الضياغه

رواية ليت الجروح قصاص واخذ بثاي ..((ضحايا لذه وانتقام ))
وجزاكم الله خير

 
 

 

عرض البوم صور ملاذالرووح*  
قديم 14-02-11, 12:10 AM   المشاركة رقم: 4
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ملاذالرووح* المنتدى : الارشيف
افتراضي

 




إبششري ..
تم تعديل العنوان ..

تُنقل لـ قسم قصص من وحي الأعضاء ..
وحيـــآإك بيننا في ليلاس ..


 
 

 

عرض البوم صور ♫ معزوفة حنين ♫  
قديم 14-02-11, 08:58 PM   المشاركة رقم: 5
المعلومات
الكاتب:
اللقب:
ليلاس متالق


البيانات
التسجيل: Sep 2007
العضوية: 44619
المشاركات: 173
الجنس أنثى
معدل التقييم: ياخذني الوله عضو له عدد لاباس به من النقاطياخذني الوله عضو له عدد لاباس به من النقاط
نقاط التقييم: 117

االدولة
البلدSaudiArabia
 
مدونتي

 

الإتصالات
الحالة:
ياخذني الوله غير متواجد حالياً
وسائل الإتصال:

كاتب الموضوع : ملاذالرووح* المنتدى : الارشيف
افتراضي

 

الروايه شكلها حلوه وشكل منيره لها علاقه بفيصل بس عندي ملاحظه صغيره واتمنى ماتضايقك لما تكتبين عن شخصيتين يتكلمون تحبين تعيدين الحديث على الشخص الاخر واحس هالاسلوب مو حلو ويخرب القصه مثل هالمقطع

اقتباس :-  
فيصل
ركبت السياره بعد ماطلعت من الشركه وانا في راسي موال لازم انفذه
اتجهت للبيت وصعدت لغرفتي اللي احس فيها بااارده مثل برودت اللي عايشه فيها
سحبت اللحاف عنها بقوه وقلت لها وانا احاول امسك اعصابي :لمياء قومي
ردت علي وهي تغطي وجها بالمخده وتلف للجهه الثانيه يووووه فيصل ماتشوفني نايمه
قلت لها وانا حاس اعصابي بتفلت :قوووومي قبل لا يصير شىء تندمين عليه
قامت وهي معصبه رجعت شعرها ورا اذنها وقالت : هاه خير وش عندك ؟؟
قهرتني كلمتها في زوجه تقول هاه والا خير لزوجها قلت لها ببرود عكس النار اللي بقلبي
:الخير بوجهك ..وناظرت فيها ببرود وكملت وانا احط عيوني بعيونها لقيت ورقه امس
في جكيتي الشتوي لك وطلعتها لها مديتها عليها من شافت الورقه شهق بقوه كبيره
ماقدرت اتحمل اكثر مسكتها من عضودها ووقفتها قدامي وسئلتهاوانا اصك على اسناني :
خاشه السالفه
من متى ؟؟هااااه من متى ؟؟

لمياء
سحب فيصل البطانيه مني وانا نايم هتأففففت نايمه ويقومني وانا مانمت الا الفجر وهو عارف
غطيت وجهي بالمخده وعطيته ظهري حتى يفهم اني ما ابغى اصحى ابغى اكمل نومتي
وقلت له : يووووه فيصل ماتشوفني نايمه ..لكن لما رفع صوته قمت وانا مقهوره منه
وحسيت بالخوف من نبرة صوته العاليه ومن تهديده قلت له وانا احاول ما ابين له الخوف اللي
تسرب بعروقي :هاه وش عندك ..ناظرني بعيونه اللي احس الشرار يقدح منهم وقال لي بهدوء
:الخير بوجهك وسكت كانه يبي يستفزني ورفع ورقه وكمل كلامه :لقيت ورقه امس
في جكيتي الشتوي لك انا من شفت الورقه شهقت من الصدمه وماحسيت الا بيدي
حطيتها على فمي ..وماحسيت



ننتظر التكمله بس هل لك موعد محدد بتنزيل البارت

 
 

 

عرض البوم صور ياخذني الوله  
 

مواقع النشر (المفضلة)

الكلمات الدلالية (Tags)
ليت الجروح قصاص واخذ بثاري ..(( ضحايا لذه وانتقام ))
facebook



جديد مواضيع قسم الارشيف
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 05:44 AM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية