لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > قصص من وحي قلم الاعضاء > القصص المكتملة (بدون ردود)
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية


موضوع مغلق
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 19-09-10, 04:49 AM   المشاركة رقم: 6
المعلومات
الكاتب:
اللقب:
كاتب متميز



البيانات
التسجيل: Jul 2010
العضوية: 179394
المشاركات: 1,372
الجنس أنثى
معدل التقييم: شبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالق
نقاط التقييم: 2673

االدولة
البلدSaudiArabia
 
مدونتي

 

الإتصالات
الحالة:
شبيهة امي غير متواجد حالياً
وسائل الإتصال:

كاتب الموضوع : شبيهة امي المنتدى : القصص المكتملة (بدون ردود)
افتراضي

 

*****
الجزء الرابع

صحى بادي من سرحانه على صوت عالي ولقى تريله قدامه مباشره

بييييييييييييييييييييييييب بيييييييييييييييييييييييييب







كان من سرحانه عاكس الخط اللي هو اصلن طريق
رايح جاي من دون حو اجز


لف بادي بقوه يمين وطلعت السياره بعنف على
التراب واثارت سحابه من الغبار

فرمل بادي بقوه وطلع صوت عالي بالرغم
من انها على التراب وثبتت السياره بارضها








***************************


في المستشفى عند طفله وامها


طفله مستمره بالقراءه على امها والام مستمره بغيبتها
عن الدنيا ومن فيها


دخلت الممرضه ومعاها جهاز الضغط بكل
هدوء قاست الضغط لأم طفله وطلعت

لحقتها طفله: لو سمحتي استني شوي

الممرضه : نعم بغيتي شي
طفله : طمنيني عن امي ان شاء الله في تحسن
الممرضه : امممممم بصرا حه لا على حالها امك داخله
غيبوبه وضغطها منخفض

نزلت دموع طفله وتنهدت بحراره ورفعت نظرها لفوق و
هي تمتم ياررررررب الطف فيها

الممرضه : اسمحي
لي بروح

طفله : الله معك


رجعت جنب امها وهي تتأمل امها على السرير نايمه
وجهها مرتخي

عيونها غائره وفمها مزموم وحوله تجاعيد الزمن
حفرها

وشعرها منستر تحت منديلها بس فرقت شعرها
واضحه الشيب كاسي شعرها
لونين ابيض ناصع وبرتقالي من فعل الحنا

ركضت طفله وحضنت امها مسكتها من كتوفها والصقت
خشمها براس امها

يممممممه قومي يمممممممممممه يممممممممممه تكفين لا تخليني

يمممممممه قومي شوفي شعرتس يبيله حنا خليني احنيتس
تشهق طفله

ما بين كل كلمه والثانيه تكفين يممممممممه

جلست طفله على الأرض وهي تصيح وتشاهم من كثر الصيا ح
عيونها


ورمت وصدع راسها خفت صوتها ومازالت شهقاتها مستمره
الى ان قامت

على حيلها وتوجهت للسجاده وكبرت الله اكبر تبي تصلي وتدعي ان

الله يخلي لها امها ويلطف فيها ولا يحرمها من ابوها اللي امسى الليل

وهو غايب عنها
******






ام نايف زهقت من حالتها اللي لازمتها
من درت ان اخوها راح للرياض



طلعت من غرفتها وراحت للحوش لقت ام عبد الله وامها
جالسات ومنقل



الجمر مقابلهن والنار تتراقص فيه والجو بارد بس مستمتعين بها



الجو وهن كل شوي يمدن ايدينهن يتلمسن الدفى من النار جلست ام



نايف وسحبت الدله وصبت لنفسها فنجال




ام نايف بكل براءه : الا اخوي وش عنده رايح الرياض وهي



تحاول ان عيونها ماتبين اللي بداخلها وتصدد عن ام عبد الله




ام عبدالله : تمسد الزوليه تحت رجلها بيدها المحنيه : راح يزور


صالح ورفعت عينها لام نايف بتشوف ردة فعلها




فزت ام نايف وقامت على حيلها : نععععععععععم
وليش ما قالي


ليش ما اخذني معه لييييييييييش


ام عبد الله : اصبري يا بنت الحلال وراتس شبيتي اصبري
هو قالي


اعلمتس انه رايح لصالح لا مشى بس قالي بعد قولي لها ان صالح ما

طلبها يعني لو رحتي معه ماتقدرين تشوفينه


ام نايف : ليش ما يبي يشوفني ليييييييييه ليييييه من سنين


وهو حارمني من شوفته ليييييييييييه غطت وجههها
بيدينها وصاحت


زي كل مررره يروح اخوها من غيرها بطلب من صالح



***********



بادي نزل من السياره وهو يتعوذ من الشيطان نزل يتفقد


السياره مطط جسمه وغسل وجهه ورجع يركب السياره وانطلق


بيكمل طريقه بعد فتره وصل لديرة ابو مساعد تلفت يمينه



ويساره يالله لها الدرجه تغيرت 18 سنه خليتها وهي بيوت طين


ومزارع الحين صارت مدينه فيها كل الخدمات وقف عند محطة


بنزين ودخل للبقاله




بادي : ممكن التلفون لو سمحت


: تفضل

طلع بادي رقم بيت ابو مساعد وضغط الارقام ..................


دقات التلفون ودقات قلب بادي دقات التلفون منتظمه
رتيبه ودقات

قلب بادي سريعه ويحس انها براسه وبقلبه ويده
عرقانه وفي بجسمه


برروده فضيعه ياربي وش اقول يارب الهمني
يارب قطع عليه


التفكير الخط اللي انفتح


: الو ووو



بادي :!!!!!!!!!!!!!



:: الوووووووو من على الخط



باي تنحنح وبلع ريقه وكأنه بتصفية صوته
يصفي ذهنه
: الو



السلام عليكم هذا بيت ابو مساعد



********

: ايه هذا بيت ابو مساعد من يبيه



بادي : قولي له بادي بن سرور




: طيب لحظه راحت هند تركض لعند ابوها يبه يبه



ابو مساعد : سمي ياعيون ابو تس


هند : في واحد على التلفون اسمه بادي بن سرور يبيك



فز ابو مساعد واقف واتجه للتلفون وهو يفكر بادي و ش يبي



ابو مساعد : هلا وغلا حيا الله بادي



بادي : السلام عليكم وشلونك يا ابو مساعد وكيف حالك



ابو مساعد وعليكم السلام ورحمة الله وبركاته الحمد لله بخير ونعمه

بشرني عنك وعلومك انت ومرتك



بادي : الحمد لله اقول ابو مساعد !!!!!!!!!!!!



ابو مساعد : سم آمرني محتاج شي تبي مساعده



بادي تسلم الله يرضى عليك بس انا هنا عندكم وما ادل بيتك ممكن

تدلني بيتك



ابو مساعد وعلامات الدهشه والاستغراب مرسومه على وجهه وبانت في

صوته : انت هنا عندنا


بادي : ايه انا واقف عند محطة ال......



ابو مساعد خلاص خلك واقف مكانك وانا ابجيك اخذك




*************



نوف: يمه !!!!!!!!!!!!!!!!!!!!!!!! منهو صالح اللي راح له خالي



ام نايف رفعت راسها لبنت ودموعها على خدودها انلجم


لسانها ما تدري وش تقول لبنتها




ام عبد الله : هذا يا بنتي رفيقن لخالتس



نوف : وامي ليش زعلانه ان خالي ما اخذها معه




ام نايف والخوف عاقد لسانها تنقل بصرها بين نوف
وام عبد الله ما

تدري وش تقول




ام عبد الله وللمره الثانيه تنقذ ام نايف : له اخت رفيقة امتس
من

سنين ما شافتها وزعلت على خالتس انه ما اخذها



نوف: اها يا حليلتس يمه كل ذا عشان صديقتس والله حركات يمه



ام نايف : بلاتس ما تدرين بغلاها عندي الله يجمعني بها يارب


*************

 
 

 

عرض البوم صور شبيهة امي  
قديم 25-09-10, 07:04 AM   المشاركة رقم: 7
المعلومات
الكاتب:
اللقب:
كاتب متميز



البيانات
التسجيل: Jul 2010
العضوية: 179394
المشاركات: 1,372
الجنس أنثى
معدل التقييم: شبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالق
نقاط التقييم: 2673

االدولة
البلدSaudiArabia
 
مدونتي

 

الإتصالات
الحالة:
شبيهة امي غير متواجد حالياً
وسائل الإتصال:

كاتب الموضوع : شبيهة امي المنتدى : القصص المكتملة (بدون ردود)
افتراضي

 

الجزء الخامس



كانت درجة الحراره تحت الصفر بثلاث درجات برد وصقيع وهواء بارد جدا

كان بادي واقف ينتظر ابو مساعد ولا هو حاس بالبروده اللي حوله

مع ان ملابسه ماترد البرد

كل تفكيره باللي بيجي الحين ويا خذه لبيته



شافه وهو مقبل عليه بعد مانزل من سيارته

اقبل بادي على ابو مساعد وحضنو بعض وكان

سلامهم لبعض دافي

ابو مساعد : يا هلا والله وشلونك ياخوي وهويشد على

كتوف بادي

بادي : هلا فيك الحمد لله

مسك يده ابو مساعد : يله خل موترك هنا ما عليه خلاف

بادي : لا انت امش وانا لحقك ما اقدر اخلي الموتر

ابو مساعد : خله يابن الحلال يله امش ذبحنا البر د

كان يتكلم والبخار يتصاعد من فمه لشده البررررررررررررد

بادي وهو يتجه لسيارته: يله انا ورااك الموتر لجاري

وما اقدر اخليه





*********************

غيوووووم وبرررررررررق وررررررعددددد ليله بارده

شتويه شديدة السواد يتخللها ضوء البرق وهزيم الرعد





اشواق : برررررررررد والله اني لابسه بنطلونين و3 شرابات

وقميص صوف وجكيت ومتلحفه بطانيتن وبرداااانه

وضحى ؛ سنوني تتكتك من البرد من تقوم تسويلنا حليب

وخبز صاج وهي تناظر بخواتها

منيره: لا تناظريني ماني قايمه

شيهانه : يعني لو انزل للمطبخ واسوي لكن تعفني

من غسل مواعين الغدا بكره

وضحى : ايه يله بسررررعه روحي

شيهانه : ماهو اسوي لكن وتجحدني بكره والله اعلم عليكن امي

اشواق : اوهوووووو ه روحي خلاص بسرعه وعدتس وضحى

راحت شيهانه تسوي حليب وخبز صاج ونزلت معها نوره ونس لها

وضحى: اشواق دريتي وش سوت نوره اليوم

اشواق: لا وش سوت !!!

وضحى : اليوم دق جارنا المصري وفتحت له

الملقوفه نوره



:ازيك يا اموره

نوره : !!!

: روحي اولي لمامتك تديني فصين توم



نوره قبل لا يخلص الرجال كلامه منطلقه تركظ

:يمه يمه يماااااااااااااااااااااه

ام محمد : هلا وش عندتس

نوره وبكل حمااااس : يمه جارنا ابو مصطفى يقول فصلي له ثوبين

ام محمد : وش تقولين

نوره : والله يمه يقول فصلي له ثوبين

ام محمد ناظرت شيهانه : روحي بسرعه شوفي وش يبي

ابو مصطفى

ر احت شيهانه ورجعت وهي ميته من الضحك

ام محمد ووضحى واقفات وكلهن فضول يبن يعرفن

وش يبي ابو مصطفى

وضحى : هاه وش يبي ابو مصطفى

شيهانه : هههههههههاي اه يابطني

ههههههههههههههههه يقول هههههه يبي

فصين ثوم ههههههههههه

ام محمد : نوره هههههه وشلون

سمعتيها فصلي لي ثوب

وضحى : هههههه والله من العجله

تبي تلحق توصل السالفه قبل تنساها ههههههه





اشواق: قسم بالله شلون سمعتها ذي اختس

ذي مسويه نفسها ام العرررريف ههههه

اشواق : وضحى سمعت امي تكلم ام نايف

بكره بتروح تزور طفله وامها

وضحى: ايه دريت قالت لي وبروح معها اشتقت

لطفله مسكينه الله يخلي لها امها



شوي ما درو الا وشيهانه ناطه عندهم وجايبه صينيه

فيها الحليب وخبز الصاج اللي المفروض انه خبز صاج

والتمن حول الصينيه ومدت وضحى يدها وصبت لخواتها حليب

مدت اشواق يدها للخبز وذاقت منه شوي وتفلته من فمها

ووهي تركض للحمام

منيره : بسم الله وش فيس يعلس العافيه

اشواق : شيهانه عساتس البلى كم انتي حاطه

علبة ملح مالح ماااااااااااااااالح وش ذا

شيهانه :بس حطيت 3 ملاعق



اشواق :حرام عليس جوعانه وبرداته

شيهانه : والله مالي دخل سويته زي ما علمتني امي

اشواق : والله بكره تغسلين مواعين الغدا

طارت عيون شيهانه وقفت وبدت عيونه تدمع :

ياسلام والله انتن وعدتني ورحت سويتلكن مالي دخل اذا ما اعجبكن

اشواق : بالله وانتي تسوين هالخبز ما ذقتيه

شيهانه : الا

وضحى : طيب وش رايس ينوكل والا لا

شيهانه : بصراحه لا

وضحى : خلاص تساعدين انت ومنيره على مواعين الغدا

راحت شيهانه وهي تحلطم وتصيح عند امها

وضحى : يله خلصن حليبكن وشيلن حوستكن

ونامن بكره مدرسه



**********************

ابو مساعد وصل لبيته وانتظر نزول بادي من السياره

امسك به من يده دليل الحفاوه والفرحه

به كان يقوده الى مجلس الرجال

واذا بشابين واقفين بانتظار الضيف



اقبل الشاب الاول واحتضن بادي بكل حراره

هلا والله بخالي بادي هلا بريحة امي

كان مساعد محتضن خاله بادي ويقبل راسه

ويده وخده وبالمقابل بادي بادله الاحتضان

والقبل كان ينظر لوجه مساعد ويقبل خده بادي:

وشلونك يا مساعد

ماشاء الله تبارك الله والله كبرت وصرت رجال وانا ابوك

مساعد : الحمد لله

ياخالي بخير انت بشرني عنك وينك ياخال وينك من زمان عنك

ابو مساعد: ياولدي خل المعاتب اهم شي شفناه وهو الحين بينا



اقبل فهد ولف له ابو مساعد

وهاذا نسيبي اخو ام ماجد وخال عيالي سلمو على بعض بحفاوه

ابو مساعد: ولدي يا مساعد روح داخل وقلهم يجهزون فراش لبادي ويعجلون بالعشى

مساعد : ابشر يابوي هالحين

بادي : لا ياولدي ماني بمرح هنيا انا جاي

ابي ابوك بسالفه وماشي زوجتي بالمستشفى

وتاركها والله اعلم بحالها

ابو مساعد: لا اله الا الله يابن الحلال

مانا بمخليك تسري بها الليل ومرتك

ما عليها خلاف لا اصبحت تيسر الله يسر لك

بادي : معليش خيرها بغيرها ان شاء الله اجيكم بس اول

ابيك بسالفه واذا يسمحون لنا الشباب نكون لحالنا

مساعد وفهد قامو وخلوهم براحتهم صار

انتباه ابو مساعد وتركيزه بالكامل عند

بادي بادي بدى يعرق ويحس ان بحلقه

شي يسده عن الكلام تنحنح ومسك

يد ابو مساعد وشد عليها

: ابو مساعد تكفى ابيك تسامحني يا اخوك

ابو مساعد انتفضت يده وفتح عيونه :

مسامح يا خوك بس على ايش اسامحك

بادي: انا سرقتك وانت ساعدتني بسرقتي لك



ابو مساعد : انت وش تقول يابادي وش اللي سرقته

وانا ساعدتك فيه وشهو

بادي وهو يحط عينه بعين ابو مساعد : بنتك



**************************

ام نايف

دخلت غرفتها

واتجهت لصندوق حديد مرسوم عليه منظر ربيعي

وله قفل طلعت مفتاحها من طرف مسفعها مربوط

بطرفه وفكت الصندوق وطلعت صوره قديمه مهترئة

الاطراف باللون الابيض والاسود وجلست تبوس فيها

وتصيح : يالله تجمعني فيه يالله اني طالبتك ان تفرج

همه يالله وصارت تمسح دموعها بمسفعها

: يمه منههو ذا اللي بالصورة اللي معس ؟؟؟

ام نايف وهي تمد يدها لبنتها بسمه هذا يا حبيبتي ابوتس

بسمه : اول مره اشوفه يمه في صور ثانيه له

ام نايف: ايه وحده شوفيها في خزانة الملابس صورته مع نوف

بسمه:وانا يمه مالي صور مع ابوي عشان اوريها بنت ابلا بدريه

ام نايف : لا ياقلبي ابوتس مات قبل لا تنولدين بس

وش معنى بنت ابلا بدريه

بسمه: عشان دايم تقهرني ان عندها ابو وانا لا

ام نايف بغصه : الا يا قلبي ردي عليها قولي ابوي

احسن من ابوتس الدب

بسمه:هههههههههه صح ابوها دب مررررررررررره

زي كذا وهي تفتح ايدنها كلها تنفخ خدودها



**********







ابومساعد : بنتي !!!!!!!!!!! بنتي انا وشلون ؟؟؟؟؟

انت ما قلت لي انها ماتت يوم جيت وسألتك



بادي: لا يا ابو مساعد بنتك عايشه

وانا يوم تجيني خفت تاخذها مني

ابو مساعد وهو يحس احساس غرررريب

ما يدري وشهو يصدقه والا يكذبه يخنقه

والا يضمه يذبحه والا يطمنه ماهو مصدق

ابداا : بادي انت تقوله صادق بنتي للحين

عايشه تكفى قول انك صادق وان ذا الكلام حقيقه

بادي : والله اني صادق بنتك سميتها على اسم امها طفله

تبسم ابو مساعد ووترحم على طفله

باديي مستمر بالاعتراف لأبو مساعد بس تراي مسجلها باسمي



ابو مساعد يحاول يكبت غضبه بس ما قدر ارتفع صوته

: ليش يابادي ليش توك تعلمني بوجودها

وليش تسجلها على اسمك ليش

بادي وهو يبادله النظرات ويواجهه بالماضي:

تذكر يابو مساعد كم مره جيتك بعد وفاة طفله

وقلت لك بنتك لازم تروح وتاخذها كنت تهج من

قدامي ما تبي سيرتها بالله كم مره

نزل نظره ابو مساعد بالارض وهو عارف

ان كلام بادي صحيح وانه السبب الاول في اللي سواه

بادي : يا خوي وش تبيني اسوي واحد

ومايبي ضناه وانا محروم من الضنا ماتبيني

استقبل الهديه اللي جتني من الله

تخيل نفسك مكاني وشوف ايش ممكن تسوي

ابو مساعدوهو يمسح وجهه ودموعه :

ياالله ماني مصدق طول الفتره اللي

فاتت ونا دايم اقول لنفسي ليش

اختفى بادي مافكرت انك ماخذ بنتي

لأني كنت متأكد انها ماتت لمن سارت

تجيني الحلوم اللي قلتلك عنها واختك

تأنبني وتسألني عنها



بادي : انا ابي السموحه منك وابيك تعطيني

مهله اشرح لها السالفه واعلمها بالحقيقه



ابو مساعد بلهفه : وليش ما تقولها

اول ما توصل وبعده اجيك واشوفها

وتتعرف على ابوها الصدقي



بادي : ابو مساعد اعتقد ان هالسنين اللي

فاتت وانت ماتدري عنها تقدر تكملهم كم يوم

لين اضبط اموري وامور امها ترفه

ابو مساعد : خلاص تم اجيك بعد يومين

بادي لا لا للا يومين خليها اسبوع وتعال

ابو مساعد خلاص اسبوع اسبوع

***************





صباح بارد جدا تتخلله رياح بارده والصقيع يملء المكان



أصبحنا وأصبح المُلك لله والحمد لله

لا إِله إِلا الله وحده لا شريك له، له الملك وله الحمد

وهو على كل شيءٍ قديرٌ،

ربِّ أسألك خير ما في هذا

اليوم وخير ما بعده وأعوذ بك من شرِّ ما في

هذا اليوم وشر ما بعده، ربِّ أعوذ بك من الكسل

وسوء الكِبرَ، رب أعوذ بك من عذابٍ في النار وعذابٍ في القبر



كان بادي يردد هالدعاء وهو راكب سيارته متجه لبنته وزوجته



كان يحس انه خفيف انزاح الثقل اللي على

قلبه نام وهو باله مرتاح سنين وهو حاس

بالذنب بس ارتاح يومنه علم ابو مساعد

عن طفله ودعى الله ان طفله تفهم موقفه وتقدر اسبابه

*******



ابو مساعد من فرحته ما قدر ينام بس كان يتقلب

وده يعلم كل الناس بوجود بنته قرر ان اول واحد

يستحق انه يدري بالخبر ولده مساعد وفعلا كان

جالس بحوش بيته يفطر مه ام ماجد والشمس

معطيه دفاها بكل حنيه وصوت العصافير حولهم يشرح الخاطر

اقبل مساعد وسلم على راس ابو ه وصبح على ام ماجد



ابو مساعد : ياولدي ترى خالك يسلم عليك مشى الفجر

مساعد: ليه مستعجل ماقعدت معه ليه ما مسكته يابوي نغديه

ابو مساعد : لاحقين خير يابوي انت

لا خلصت فطورك الحقني على المزرعه بقولك سالفه

مساعد وهو يشيل كاسة الشاهي اخلص هالكاسه ولاحقك

لف مساعد على ام ماجد : كيف اصبحتي يمه

ام ماجد بخير جعلك بخير

مساعد : وين فهد ماصحي

ام ماجد : الا بس راح لدلوعته هنوده يبي

يستعجلها عشان يوديها للمدرسه

هند وفهد وماجد بصوت واحد صباح الخير

مساعد : صباح النور وحط كاسته وراح يلحق ابوه

فهد: خير وش بك قمت والا لا حضرت الملائكه

مساعد : وينهم الملائكه اللي حضروا ما اشوف

ملاك الا امي مزنه والباقي الله اعلم فيهم وهو

يرفع حواجبه ومبتسم

فهد وهو يتمسخر بمساعد: اقول رح احسن

لك قال مافي ملائكه الا امي مزنه

هند بكل دلع : ماجد يله تأخرنا

ماجد انا خالص من زمان انتي اللي مدري

شتحوسين فيه من الفجر جت هند

وخبطته على كتفه وهو شد عبايتها

هند : خالي فهد شف البايخ ذا وش سوى حاس لي عباتي

فهد: يله يالدلوعه انتي فعلا اللي اخرتينا يله نسلم عليتس وهو ياخذ مفتاح سيارته

ام ماجد : الله يحفظكم

****************************

الساعه عشرة الصباح ابو محمد

وام محمد طالعين من عيادة النسا والولاده

ام محمد : الدكتوره خوفتني تقول اني كبيره على الحمل

ابو محمد : يابنت الحلال كل شوي

وهم طالعين لنا بسمعه جديده

ياما حريم قدتس واكبر منتس

ماجاهن شي يوم حملن خلتس منها

توكلي على الله وامشي نمر ام طفله



راحو للقسم الي فيه ام طفله دخلت

ام محمد ولقت طفله جالسه عند راس امها تقرى قرآن

طفله شافت المرة اللي دخلت عليهاماتدري

من يمكن يدخل عليها بس فكرت يمكن

وحده غلطانه بالغرفه بس رفعت ام محمد

غطاها وتهب طفله تركظ لها وهي تصيح

وحضنتها مر عليها البارح يوم عصيب ومحد

عندها ماصدقت على الله انها تشوف وجه

تعرفه وماهو اي وجه ام محمد الحنونه

ام محمد : بسم الله عليتس لا تبكين يا حبيبتي

طفله تصيح وتصيح وام محمد حاضنتها

وتسمي عليها لا ياامي مايسير كذا

امتس ان شاء الله بخير واعرفي انه

تكفير ذنوب وانها ان شاء الله مؤمنه

لأنى الله يبتلي المؤمنين ويمتحن صبرهم

طفله وهي تمسح دموعها وخشمها :

ادري يا خالتي بس من يومين وهي

ماترد علي اول تهذي بس الحين

ساكته يقولون غيبوبه وابوي راح امس

الصبح ولا عاد رجع مدري وينه قلقانه عليه

ام محمد : لا تقلقين ولا شي اسأل ابو محمد

كان شافه وطمنتس عليه

راحت ام محمد لقت ابو محمد واقف برى

الغرفه ومعه كيس فيه مويه وعصيرات

ومده لأم محمد اخذت الكيس

وسألته عن بادي ابو محمد : طمنيها بادي رايح

مشوار ووصاني عليها ان بغت شي تعلمس وانا حاضر

ام محمد : لا هي بس قلقانه عليه

ابو محمد : طمنيها ان شاء الله ما يطول عليها

ام محمد : شف انا بقعد عندها وانت لا جى وقت الزياره

جب وضحى وتعال مسكينه البنيه ماتنخلى لحالها عقلها

بيزيغ من ا لخوف على امها وابوها

ابو محمد : خلاص تم على اني ما اقوى على بعدك ياجمييييييييل

******************************

مساعد وابوه في المزرعه

ابو مساعد : والله اني صادق واسمها طفله بعد

مساعد وهو ماسك يد ابوه ويشد عليها

والله عندي اخت شقيقه لي اختي

انا من ريحة امي انا تكفى يابوي

لايكون تمزح معي تراني من كثر مقالبك

انت وفهد صرت اشك بكلامكم

ابو مساعد:والله ثم والله خالك رباها بعد وفاة امك

تذكر ذيك الايام انا كنت ماني مع الناس منكثر حزني

كنت رافضها وخالك ياما حاول فيني اشوفها بس

انا كنت اهج عنه قام هو اخذها وطلع من الديره

واستقر هناك وربى اختك

مساعد : طيب ليه ما جابها معه وخلانا نشوفها

ابو مساعد : لانها متدري عن

ذا الكلام كله ماتعرف عنا اي شي

مساعد : ومتى يبي يعلمها

ابو مساعد : وعدني بعد اسبوع يكون قايلها

مساعد من فرحته وده يطير لها وده يشوفها في هاللحظه

*************************

ابو عبد الله :اسمعني يا صالح انا بروح

اكلمهم اخر مررره وان شاء الله تلين قلوبهم

صالح : خلاص يا خوك عشر سنين وان متأمل

بولدهم الصغير يكبر بس راح الامل

ابو عبد الله : يأست لازم نحاول ونحاول

لا تعتقتد اني بيصيبني اليأس زيك

صالح : تكفى ابو عبد الله وصاتك نايف

وخواته وام نايف دخيلك لاتضام بعدي

والله ما انسى رجاها لي اخر مره كنا مع

بعض تقولي لا تروح خلك معنا انا قلبي

مقبوض وانا اضحك عليها ومستخف با احساسها

وكان اخر علم لي بها هاك اليوم الله لايعيده على

مسلم

*************

 
 

 

عرض البوم صور شبيهة امي  
قديم 01-10-10, 06:28 PM   المشاركة رقم: 8
المعلومات
الكاتب:
اللقب:
كاتب متميز



البيانات
التسجيل: Jul 2010
العضوية: 179394
المشاركات: 1,372
الجنس أنثى
معدل التقييم: شبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالق
نقاط التقييم: 2673

االدولة
البلدSaudiArabia
 
مدونتي

 

الإتصالات
الحالة:
شبيهة امي غير متواجد حالياً
وسائل الإتصال:

كاتب الموضوع : شبيهة امي المنتدى : القصص المكتملة (بدون ردود)
Jded الجزء السادس

 

الجزء السادس



رجعت الذاكره بصالح عشر سنين
لاخر مره كان في بيته وسط عياله


صالح :يا ساره وش فيتس كأنها اول مره اطلع للقنص

ساره : اعذرني والله ان قلبي مقبوض يا بن الحلال

صالح: من وش مقبوض تعوذي من الشيطان يابنت وعطيني البندق اللي انت داستها
ساره : تكفى يا صالح واللي يرحم والدينك اقعد هالمره بس عشاني
صالح : ما اقدر والله ياام نايف الحين ان اللي طالبهم وعشاني طالعين للقنص اهون لا واللي يخليتس لي
جت ساره وحطت راسها على صدر صالح وحاوطت خصره : صالح تكفى تعذر منهم تكفى وهي تصيح

صالح : احوووول اقولتس ما اقدر ويالله عطيني البندق ابي امشي

وخرت عنه وهي تمسح دموعها وراحت تجيب بندقه مدتها له وهي صاده عنه سحبها بيدها وضمها : اهون عليتس اروح ماشفت عويناتس
اهوه ساره يا قلبي ناظريني يالله ابي اخذ جرعه قبل ما امشي

رفع راسها بيده ناظر عيونها وحب راسها ومشى وهو عند باب البيت : ناظرها لأخر مره استودعكم الله الذي لا تضيع ودائعه
تجمع هو واصدقائه بعد صلاة الفجر وركبو سياراتهم كان كل ثلاثه بسياره كان صالح مع ابو خالد وابو عبد العزيز وطول ماهم ماشين كل واحد يجيب سالفه او قصيده وبكذا ينسون طول الطريق وصلوا للمكان المقصود ونزلو عفشهم وعزبتهم
ريحو ا شوي وبعدها بدو رحلة القنص وما اذن العصر الا وهم مجتمعين على الغدا وكلن يستعرض سلاحه وصيده

ابو عبد العزيز : ان اشهد ما بعد بندقك يا ابو نايف بندق
ابو نايف : اذكر الله وقل ماشاء الله

ابو عبد العزيز : لحول وش انا قايل ما انا بحاسد بندقك

ابو نايف : طيب اذكر الله
ابو عبد العزيز : الحين تقول اني حسود طيب ماانا بقايل ماشاء الله اعرف نفسي عيني بارده


او نايف : والله لو صار لبندقي شي يا ويلك

ابو عبد العزيز قام وهو زعلان وهو يتحلطم
جى ابو خالد يابو نايف خله عنك ذا الله يكفينا شره
ابو نايف : ماهي بضارته قولة ماشاء الله بس عنطزه وقل عقل


فعلا في ناس ماتذكر الله لا اعجبها الشيء واذا ذكرتهم ردو وبكل قواة عين انا ما احسد ترى عيوني بارده ومن هالكلام
في الليل ابو نايف جالس على فراشه و ينظف سلاحه وجى بيفككه الا هو معلق صمام الامان مدقر حاول ماقدرر ضغط الزناد بعد معلق مايتحرك فز من فراشه وراح لأبو عبد العزيز والرجال مجتمعين على النار
ابو نايف : شفتو ها اللي يقول عينه بارده بندقي معلقه ولا ني بقادر افككها ولا اني قادر اضغط زنادها

ابو عبد العزيز : لا اله الا الله تصدق ماعاد انا بمادحن لك شي تنشب بالحلق اشوف هاتها
مسكها ابو عبد العزيز وحاول فيها حاول معلقه الزناد معلق

قام ودقها بالأرض بشكل طولي دقتين وناولها صالح اشوف خذ جربها هالحين لا نبتلش

اخذها صالح وضغط الزناد مره ثنتين بعد مستمر الزناد وهو معلق

ابو خالد : ابو عبد العزيز يا اخي اذكر الله يمكنها تصلح


ابوعبد العزيز : احوووووول هه ماشاء الله تبارك الله بعد

طااااااااااااااااااااااااااااااااااااااااااااااااخ



********

بادي وصل للمستشفى وعلى طول راح لغرفة ام طفله وهناك لقى ام محمد طلعت طفله لابوها
وهي ملهوفه
طفله وهي تصيح : يبه وينك وينك امس كله ماشفتك ليش طولت علي
بادي كان ساكت بس حاضن طفله وهي تصيح بحضنه ناظرته طفله وهي تمسح عيونها بقفا يدها
: يبه ترى ام محمد عندي جتني الصبح وقعدت معي
بادي : ايه الله يجزاها بالخير والله مالحق جزاهم الناس الاجواد
طفله : يبه وين رحت شغلت بالي عليك
بادي : قريب خلصت شغله ضروريه ورجعت
اشلون امتس هالحين مريت الدكتور مالقيته
طفله : يبه امي مرره تعبانه من ذيك الليله وهي غايبه

بادي وهو يدعي من كل قلبه : الله يلطف فيها الله يلطف فيها

انابروح ارتاح وارجع سيارة ابو محمد تبين شي يا امي

طفله وهي تشوف ابوها تعبان ومرهق : لا سلامتك اهم شي ارتاح الله لا يخليني منك وهي تسلم على يده



*********************
استمرت الذكرى بصالح لذاك اليوم

صالح طارت عيونه وهو يشوف ابو عبد العزيز طايح بالارض وغرقان بدمه
التمو الرجال على ابوعبد العزيز
ابو خالد : وهو يحط يده تحت كتوف ابو عبد العزيز ويناظر بصالح وش سويت وش سويت ذبحت الرجال ذبحته صالح بخو ف
والله ماسويت شي البندق ثارت فيه والله :
: شيلوه خل نلحق نوديه للمستشفى فيه قريه قريبه بسرعه
نط صالح وهووللحين ماهو مستوعب اي شي فتح باب سيارته ودخلوه بسرعه وانطلق بسرعه جنونيه وهو كل شوي يلتفت

بشر يابو خالد وشلونه هالحين
ابوخالد : وهو يحط شماغه على الجرح يبي الدم يوقف بس ما يوقف كان الدم غزير
: والله ياخوك مدري دمه تصفى

شوي بدى ابو عبد العزيز يكح دم ووينازع ويتحشرج وصالح يقول لابوخالد شهده شهد ه ياخوك

ابو خالد: قل اشهد ان لا اله الا الله وان محمد رسول قل

لا اله الا الله وان محمد رسول الله
نطقها بصعوبه وهو بين كل كلمه والثانيه يكح لمن فاضت روحه وصالح يشوف ماحس بدموعه وهي تسيل


مات مات وانا اللي ذبحته
ابوخالد يبكي بصمت وهو حاط ايده على عيون ابو عبدالعزيز

صمت رهيب في السياره لمن وصلو المركز الصحي


وتم تبليغ الشرطه بالحادث

سجن بعدها صالح بتهمة القتل الخطأ وانتظار تنفيذ الحكم حتى بلوغ القصر يا يطالبون بالقصاص او العفو والان تمت عشر سنوات واولاد ابو عبد العزيز رافضين الديه والعفو ويطالبون بالقصاص
**********************
راحت وضحى مع ابوها لزيارة طفله وامها و فرحت فيها طفله وهم طالعين اصرت ام محمد ان طفله ترجع معهم
ام محمد : اسمعيني يا حبيبتي امتس الحين ماتحس با احد روحي ارتاحي وتروشي وغيري وشوفي ابوتس يحتاج شي ومن بكره ارجعي عند امتس
طفله : ما اقدر يا خالتي قلبي مايقوى اخاف توعى وتنادي ما تلقاني
وضحى : هي الليله بس ارجعي معنا شوفي شكلتس وشلون صار
طفله بكل تردد طيب بروح عشان اشوف ابوي اعشيه يمديه ميت من الجوع
ام محمد : والله ما تعشين انت وا بوتس الا عندنا فاهمه ويله الحين بنمشي يله
طفله راحت عند امها و حبت راسها وكلمتها كنها تسمعها : يمه انا بروح مع خالتي ام محمد وبكره الصبح ان شاء الله راجعه لتس ؟
********************
باد ي شاف ابو محمد بالمسجد وعلمه ان بنته عندهم في البيت
ابو محمد : وش سويت بموضوع بنتك
بادي : رحت لأبوها وعلمته
ابو محمد : اشوى الحمد لله وعساه ما تعصب عليك وهاوش
بادي : لا زي ما انا غلطت هو بعد غلطان بس فرح فيها مره ويبيني اعلمها هالاسبوع وانا والله مدري شلون اقولها اخاف تزعل علي وتكرهني
ابومحمد : الله يعينك ويقويك بس خلنا من هالسالفه وتعال معي للبيت تعشى وخذ بنتك معك

*** *********
اشواق : طفله امي تقولتس انزلي تعشي ابوتس بعد شوي بياخذتس
طفله : مالي نفس والله كل بالي عند امي
منيره : تعالي امي مسويه عشى ومتعبه نفسها عشانتس وتقولين مالي نفس
طفله : يا حبي لها خالتي ما في مثلها الله يسعدها

نزلو للعشى وكل وحده تجيب لها سالفه لمن راحت طفله مع ابوها
****************
ابو مساعد جمع عياله وعلمهم ان لهم اخت واسمها طفله

هند بفرحه وصراخ : الله يبه انت متأكد ان عندي اخت
ابو مساعد : ايه متأكد
هند وهي تنط تحب ابوها على راسه وتكلم امها : مزنه ابوي اشطر منتس جاب لي اخت وانت بس شاطره تجيبين من هالعيال
خبطتها امها بعلبة المناديل : بنت عن قلة الادب
كملت ننطنطتها وفرحتها
الا على دخلت خالها فهد
خالي فهوووودي عندي خبر عجيييب ماراح تصدق
فهد:وش عندس يالدلوعه
هند وبكل حماس : طلع لنا اخت جديده

فهد وعلامات التعجب بانت بوجهه : وش تقولين يا خبله
هند : اقولك طلع لنا اخت
فهد : ومنين طلعت لكم هالاخت نمتي ولقيتيها تحت المخده مثلا

مساعد وهو جالس هذي الله يسلمك اختي من امي وابوي كانت عند خالي بادي
فهد : اها !!!!
مزنه قاعده وبالعه غيضها وساكته تغلي من القهر كل تفكيرها وشلون يعلمها ابو مساعد مع عياله المفروض اني اول وحده تدري بذي السالفه
طيب انا اوريك كذا تحطني قدام الامر الواقع
كل واحد تقبل الخبر بطريقته بس فرحت هند بوجود اخت لها غطت على الكل
* ************
ام محمد جلست جنب زوجها
وش فيك اليوم منت خالي وراك علم
ابو محمد :وش اقو لتس والله بادي قالي سالفه ماتنصدق واشغلني فيها

ام محمد : خير ان شا الله
ابو محمد جيبي لي ما ء والبنادول صدعت راسي هالسالفه
ام محمد هالحين وضحى لاحقتني بالما والبنادول جنبك بالدرج الصغير

ابو محمد : شوفي يا ام محمد هالكلام لا يطلع لا حد ناظر فيها وهو يقول : تصدقين ان طفله ماهي بنت بادي

ام محمد شهقت وحطت يدها على صدرها : ايش!!!! شلون ماهي بنته اجل بنت من ؟؟؟

ابو محمد : بنت اخته وهو اللي مربيها

ام محمد والبنت تدري والا لا ؟؟
ابو محمد : طبعا لا حتى انه مسجلها با اسمه
البارح راح لأبوها وعلمه عنها
ام محمد : ليه هي كانت عنده وابوها ما يدري ؟؟؟
ابو محمد : ايه ووقام علمها السالفه كلها
تمو يتكلمون ومدروا باللي سمعهم وعرف سر بادي وطفله



لا تحرموني من ردودكم وتفاعلكم وان شاء الله الجزء السابع يوم الجمعه القادم

 
 

 

عرض البوم صور شبيهة امي  
قديم 09-10-10, 04:44 AM   المشاركة رقم: 9
المعلومات
الكاتب:
اللقب:
كاتب متميز



البيانات
التسجيل: Jul 2010
العضوية: 179394
المشاركات: 1,372
الجنس أنثى
معدل التقييم: شبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالق
نقاط التقييم: 2673

االدولة
البلدSaudiArabia
 
مدونتي

 

الإتصالات
الحالة:
شبيهة امي غير متواجد حالياً
وسائل الإتصال:

كاتب الموضوع : شبيهة امي المنتدى : القصص المكتملة (بدون ردود)
افتراضي

 

السلام عليكم

اعذروني بنات جاني ظرف طارئ جدا
وما قدرت انزل الجز الا الان
سامحوني


الجزء السابع

**********************

انفرط الاسبوع وبادي كل يوم يروح يحس الوقت
يخنقه ما قدر يصارح طفله بالحقيقه

راح للمستشفى وهو يكلم نفسه : خلاص بقولها
واللي يصير يصير الله يربط على قلب بنيتي
وان شاء الله ما تزعل مني يارب انت اعلم بحالي
يارب واعلم ليش سويت كذا ياررررب

لمن وصل لباب غرفة زوجته وفتح الباب لقى
الغرفه خاليه مافيها الا السرير

طلع وناظر برقم الغرفه نفس الرقم
رجف قلبه وحسه بيوقف طلع رايح للدكتور 00000 معقوله !!!!!!!!


فتح الباب لقى الدكتور جالس واول ماشاف بادي تقدم له

بادي : وين زوجتي وبنتي يادكتور
الدكتور: اهلا ياحج بادي اهدا اهدا ومسك
يد بادي وجلسه على الكرسي

بادي : رحت للغرفه لقيتها فاضيه وينهن
الدكتور : الحجه تعيش انت ياحج
توفاها الله بعد صلاة الفجر
بادي على انه عارف انها كانت
بأيامها الاخيره الا انه صدم ودمعت عيونه
جت بباله بنته حبيبته يا ربي الحين وينها فيه
بعد وفاة ترفه : البنت اللي كانت مرافقه معها وينها
الدكتور : معرفش بس اسأل في الاستقبال
قام بادي مثل المجنون وصل الاستقبال وسئلهم عرف
انها منومه اخذ رقم الغرفه وطيران عندها
***************
تحدد يوم القصاص وفشلت كل محاوله لجعل اولاد
ابو عبد العزيز يقبلون الديه ويعفون عن صالح
بعداسبوع القصاص بعد اسبوع بتيتمون
عيالي صدق بعد اسبوع بتترمل ساره
تفكير صالح زاده هم على همه يااارب يااااارب
كان كله هم ودموعه متحجره بعيونه
تحرقه رافضه النزول مخنوق من الضيقه
من الهم قام راح توضا وصلى وطلب
ربه يفرج له كان يدعي وهو موقن
بالأجابه من رب العالمين
كانت دعواته تتكرر بصدق ودموعه تسيل
تلسع خدوده بس ما استحى من ربه ياااارب
يااارب لا إلة الاانت
الله العظيم الحليم . لاإلة الا الله رب العرش العظيم
. لا إله الا الله رب السموات ورب الارض
ورب العرش الكريم
. لاإلة الا انت سبحانك إني كنت من الظالمين
لا إِلَه إِلاَّ اللَّه العظِيمُ الحلِيمُ ،
لا إِله إِلاَّ اللَّه رَبُّ العَرْشِ العظِيمِ
، لا إِلَهَ إِلاَّ اللَّه رَبُّ السمَواتِ
، وربُّ الأَرْض ، ورَبُّ العرشِ الكريمِ .
اللهم رحمتك أرجو
فلا تكلني إلى نفسي طرفة عين ِ
وأصلح لي شأني كله لاإله إلا أنت الله ،
الله ربي لاأشرك به شيئاً .
**************

بادي دخل على طفله الغرفه لقاها متكومه
على نفسها متلفلفه بعباتها
ومتنكده من الصياح حط يده على راسها
: يمه طفله قومي يمه
طفله فتحت عيونها وتملت عيونها دموع
: يبه امي ماتت يباااااااه
لمها بادي لحظنه :قولي اللهم اجرني
في مصيبتي واخلفني خير منها

طفله وهي مستمرها ببكاها : يباااااااااااه ماتت
وانا جنبها ما حسيت فيها ماتت وانا نااااايمه

بادي يابنتي :الحمد لله المفروض
انتس تحمدين الله انها ارتاحت امتس كل عمرها
تعاني الحمد لله راحت للي ارحم مني ومنتس
طفله وهي تمسح خشمها بطرف منديلها :
الله يرحمتس يمه ويغفر لتس
ودخلت بموجه من البكاء المرررر

جلس حاضن بنته ويهديها لمن جت
ممرضه فكت المغذي اللي في يدها
وقالت له تقدر تاخذها خلاص

**********

ام ماجد من سمعت خبر وجود طفله
وهي زعلانه على ابو مساعد وكاتمه
بقلبها تبي بس احد ينكشها حتى تنفجر فيه

وابو مساعد ولا درى عنها دايما
مهمش وجودها تحس وجودها بحياته
مجرد ام لعياله عارفه من بداية
زواجهم من 16 سنه انها غير وزوجته طفله
غير عمره ماجرحها بكلمه بس
احساسها بهذا الشي موجود تعرف ذي الحقيقه
ومتأكده منها ماعمره شاورها ولا اخذ
رايها بشي يخصه او يخص مساعد
مساعد اللي تحبه وتغليه كنه ولدها
والااخوها الصغير بس لازم يعرف
حاسه اني بموت من القهر لازم
000 ماهو بخسران شي لا
علمني انا قبل عيالي
كانت جالسه بالصاله ودلتها قدامها
وفنجالها بيدها فاضي من فتره وهي
ماسكته وتسوي فيه خطوط ودواير على الزوليه دخل عليها فهد
وجلس عندها : مسى الخير يام ماجد
ام ماجد : هلا فهد مسى النور
فهد: عطيني بالله فنجال قهوه من امس ماتقهويت
مدت له الفنجال وهي ساكته
فهد ملاحظ سكوتها من كم يوم عارف ان بخاطر اخته شي هو الوحيد اللي يلاحظ مزاجها لا تعكر

فهد: بيعينا بالسوق ياام ماجد
ام ماجد : اشتريك ياخوي اشتريك

فهد : علامتس يا مزنه ليش خاطرتس متعكر
ام ماجد وهي بخاطرها ليت ابو مساعد يحس فيني
مثل ماتحس فيني ياخوي : ابد يافهد تعبانه شوي
فهد: تبيني اقولتس وش مكدرتس ؟
مزنه رفعت عيونها له : دايما يافهد كاشفني
كنك مرايتي الله لا يخليني منك ضيقه وبتروح
ان شاء الله ماعليك مني
فهد وهو يمسك يدها بحنان
: شوفي انتي تكدرتي من بعد
ابو مساعد ما علمكم ان له بنت من مرته الاولى صح
لا تزعلين يا اختي انا حسب
ما عرفت من مساعد انه ما كان يدري عنها

مزنه: لاياخوي والله
اني ما زعلت عشان
كذا بالعكس والله اني فرحت لهند الحمد لله صار لها اخت
فهد تبسم وهو
يذكر هند وخبالها واستعدادتها لأختها
: شوفي انا عارفتس وعارف طيبة
قلبتس بس انتي زعلتي وابي اعرف سبب زعلتس
مزنه: وهي تتنهد وتغيرمن وضع
جلستها : اسمعني يافهد تدري ان ابو مساعد
يوم علم عياله علمني معهم تدري اني بلعت
غصتي يوم يسفهني ولا فكر انه يقولي!!! علم
مساعد قبلي ومالومه اخته من امه وابوه بس
انا لها الدرجه ما استاهل انه يقولي ويعطيني
خبر كذا يرمي الخبر علي ويبيني اتقبله بكل فرح !!


ليش دايما انا عنده اخر شي 00 اخر شي ليش ؟؟

فهد: يابنت الحلال امسكيه وعلميه باللي
بخاطرتس لا تسكتين وتحبسين بقلبتس والا ترى انا بعلمه
مزنه : لا تعلمه تكفى خلا ص
انا بطريقتي اقوله

فهد : اوعديني يا مزنه ا نتس
تقولين له كل اللي قلتيه لي
لازم يدري بضيقتس اذا سكتي
وعلى قولتس بلعتي غصتس هو
وش يدريه لوميه عاتبيه بس
طلعي اللي بخاطرتس لا يسير
لتس شي وتطيحين
علينا والا والله اني لا اعلمه انا

مزنه تمسح دموعها :اوعدك يافهد و الله لا يخليني منك
مد لها فنجاله : ولا منتس يا ريحة امي انتي
0000 صبي لي وقربي التمر

********

ثالث يوم العزاء
السلام عليكم يا بنات

ردن البنات وعليكم السلاااااام
اشواق : هلا بنوف تعالي شوي ونسينا شوي
نوف :ليش وش شايفتني مهرج
وهي واقفه فوق روسهن
وضحى لا يا ربي من قال اجلسي بس
اشواق: بكره بتروحين للمدرسه
نوف لا طبعا
اشواق" اجل حتى انا بغيب معتس

وضحى وهي تخصر : وليش ان شا الله بتغيبن "
نوف واشواق " يناظرن بعض ويضحكن الحين
عندنا حالة وفاة جارتنا ماتت الله يرحمها

نوف هي تشهق " يمه وانا ماره مجلس
الحررريم شفت ابلا نوره ناظرتني نظره
حسستني اني بالفصل
اشواق : هههههههههه يختي ذي الابله شديده
مرره ما عمري شفتها مبتسمه
وضحى : طفله تذكرين ابلا نوره صح
طفله : اكيد يا حبي لها
وضحى طيب امشي ننزل اكيد جايه تعزيتس
ونزلت طفله ووضحى وسلمت على ابلا نوره
وقعت جنبها

بعدها بشوي بدى المجلس يفضى من الناس
ارتفع صوت ابو محمد ينادي بالصاله
يا ام محمد : شوفي ترى جاتس ضيوف
ام محمد وهي تفز : حيا هم الله

وراحت تستقبلهم والبنات معها

الا دخلت عليهم حرمتين

وام محمد ترحب وتهلي وهي ما تعرف من
دخل عليها

السلام عليكم ورحمتة الله
ام محمد : وعليك السلااام ورحمة
الله وبركاته
ياهلا ياهلا يالله تحي الضيوف

ام ماجد : هلا فيتس
والمهلي ما يولي

انا يا امحمد 000 صح انتي ام محمد
ام محمد : اي انا ام محمد
: انا ام ماجد زوجة ابو مساعد زوج اخت بادي
جاركم وهذي بنتي

 
 

 

عرض البوم صور شبيهة امي  
قديم 12-10-10, 09:22 PM   المشاركة رقم: 10
المعلومات
الكاتب:
اللقب:
كاتب متميز



البيانات
التسجيل: Jul 2010
العضوية: 179394
المشاركات: 1,372
الجنس أنثى
معدل التقييم: شبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالق
نقاط التقييم: 2673

االدولة
البلدSaudiArabia
 
مدونتي

 

الإتصالات
الحالة:
شبيهة امي غير متواجد حالياً
وسائل الإتصال:

كاتب الموضوع : شبيهة امي المنتدى : القصص المكتملة (بدون ردود)
افتراضي

 

مساء الخيرات

اولا شكرا بحجم السماء والارض للرائعه نوف بنت نايف

ثانيا الجزء المفروض انزله الجمعه بس ردودكم
حمستني بصراحه

فعجلت بالموعد واذا ربي اراد وصار عندي شي
انزله لكم الجمعه فصدقوني ماراح اقصر



*************************


الجزء الثامن
******************************

في مجلس الحريم في بيت ام محمد


ام ماجد : وينها طفله
وهي تناظر بالبنات اللي واقفات

تقدمت اطولهن وكان الحزن مرسوم على وجهها
:انا طفله يا خاله ومدت يدها تصافحها
ام ماجد : عظم الله اجرتس يابنتي واحسن الله عزاتس
طفله : اجرنا واجرتس ياخاله
تقدمت هند وحضنت طفله : عظم الله اجرتس
طفله بعدت نفسها وهي متعجبه من هند : اجرنا واجرتس
ام محمد: هذلي بناتي وضحى واشواق

سلمن على ام ماجد وجلسن ام محمد جنب ام ماجد

وطفله جنب ام محمد وهند جنب امها
ووضحى تصب القهوه
هند كانت متحمسه على الاخر قربت من امها
: يمه شوفيها ياقلبي عليها نسخه من مساعد
بس على ا حلى
قرصتها امها : اوووش ابوتس يقول لا تجيبون سيره
هند وهي تهمس : يوووووووه ليش بلله!!
احسن وقت هالحين مره وحده خليها ترجع معنا
ام ماجد ناظرت بنتها نظرة : خلاص اسكتي

جت وضحى وجلست جنب طفله

طفله : تصدقبن يا وضحى توني ادري ان عندي عمه

وضحى بقلبها يا عمري انتي ماهي عمتس امتس امتس
: صدق !! وليش ما تعرفين ان عندتس عمه
طفله : مدري والله بس ابي اسأل ابوي
وبشوف ليش ما كد قالي
وضحى : يمكن عشانها متوفيه من زمان
طفله : يمكن ...

ام ماجد : يله اسمحو لنا جينا نعزي ونشوف طفله
وجعلها اخر الاحزان
وسلمت على طفله وطلعت هي وهند

********

في بيت ابو محمد مجلس الرجال


بادي شاف ابو مساعد داخل للمجلس هو وولده مساعد
بردت عظامه وعجز يقوم
اقبل عليه ابو مساعد وحب راسه
: عظم الله اجرك يا خوي واحسن الله عزاك
بادي الله يجزاك بالخير اجرنا واجرك
مساعد حب راس خاله وعزااه
وجلسو في المجلس الخالي الا منهم
بادي بعد وفاة ترفه اتصل على ابو مساعد وبلغه عن اللي صار وانه ما قدر يقول لطفله شي
بادي كان جالس على اعصابه وخايف من جيت
ابو مساعد خايف يطالبه يشوف طفله
ابو محمد حاس بالجو المتوتر بوجود
ابو مساعد وبادي
قال : اذكرو الله يا اخوان
لا اله الا الله الجميع تمتم بها
بادي : مال على ابو مساعد
: ياخوك ادري اني تأخرت عليك بس انت لازم تعذرني
واالله ما قدرت والله ودمعت عيونه
ماهي بسهله علي
ابو مساعد : الله المستعان هي شلونها الحين بعد وفاة امها
بادي : صابره
وناظر بابو محمد : الله يجزاه ابو محمد حلف علي تقعد
مع بناته عشان تسلى
ابو مساعد : ابو محمد ونعم والله فيه رجالن اجودي
الله يجزاه بالخير
بادي : تراه يدري عن طفله وانها بنتك
ابو مساعد : زييييين زين
بعدها بدقايق
مساعد قام وسلم على خاله : اسمحلنا ياخال بنمشي
بادي : الله يسهل دربكم
مساعد : ياخال بشرني عن اختي عساها بخير
بادي : طيبه الحمد لله ومسك يد مساعد وشد عليها
: سامحني يابوك حرمتك من اختك
مساعد وهو يحب راس خاله : لا تقول كذا يا خال
يمكن انا لو انحطيت بمكانك سويت نفس الشي وهذا
اللي الله كاتبه علينا
بادي : الله لا يحطك بمكاني ياولدي
مساعد : يله نشوفك على خير
وسلم على ابو محمد وطلع
ابو مساعد : يله نسلم عليكم

*********************


صالح باقي له يومين وبعدها يتنفذ الحكم


كان بس يصلي ويدعي ان الله يغفر ذنبه
ويرحم ابو عبد العزيز
ويربط على قلب ساره ويلهمها الصبر
وهو في عز همه تصور يوم القصاص وسالت دموعه


يافــــلاح .. الـــهم خيم بقلبي يا فلاح
كيف تبغاني اسولف وانت خابرني عليل

ويش قولك في عليل في حياته ماستراح
تنتثر دمعة عيونه لاظلم الليل الطويل

حالته لا ماتباعد حال الجريح الطريح
بالخطاء راحت حياته والخطاء ماله مثيل

كان ويـّــا صاحبه اثنين في ارضٍ براح
يطردون الصيد دايم من صبح لين المقيل

اجمعتهم صحبه الدنيا على جد ومزاح
مايهابون الليالي والحمول اللي تميل

ماقتل عامد ولكن ثور بليس السلاح
بالخطاء ثار السلاح ووين يلقا له دليل

وانعقد سجنه وربعه تنتظر فك الصراح
والأكيد إنه سجين ومارضوا ربع القتيل

هـــلّ دمعه يوم صلى ركعتين في الصباح
في نهار الجمعه اللي مر ثقيلٍ في ثقيل

هلل وكبـر ونفسه تذكر اللي راح وراح
كان في ربعه عزيز وذله الوقت الذليل

لا بسمه ولا نوف ولا نايف ولا فلاح
كلهم كانوا على باله ودمعه هميل


حان تنفيذ القصاص وغطوا الراس بوشاح
وجاك سيافه يشيل السيف ابو حدٍ صقيل

وارتخى راسه وزاد الموقف الحامي صياح
بين نوح وبين دمع وبين صيحات وعويل

وارتفع صوت الحشود وزاد نايف وصاح
يايبه تكفى دخيلك تستمع قول الدخيل

يابيه وشلون نصبر وكيف نهجع بارتياح
وانت من دنيا عيالك تاخذك بر الرحيل

يا نايف هاك علمي واحفظه قبل المراح
انتبه لخوانك وبالك عليهم لاتعيــــــــل

الله الله في الصلاة والصيام والصلاح
والله الله في امكم والله لكم بعدي كفيل

وغمض عيونه ونفسه تطلب الله السماح
رافع سبابته مظلـــــوم والله الوكيــــــــل

وسل سياف الصفا سيفه وطقه ثم طاح
راس المراجـــل وانتثر دمــه يسيـــــل

غسلوه وكفنوه ثم فاح طيب السدر فـــاح

خلني ساكت ودور غير هالقصه بديل

((منقوله مع بعض التعديل ))
************************

هند وهي حاضنه ابوها : يبه متى تجي طفله عندنا
ابو مساعد : بتجي ان شاء الله بس وفاة امها اجلت الموضوع

هند: الحين انا وش يصبرني يبه ليتك شفتها تهبل
والله عرفت انها اختي او ل ماشفتها

ابو مساعد: أيالنصابه وشلون عرفتيها
هند : نسخه من مسيعيد
بس هي احلى نحيفه وطويله وحلللوه

: منهو مسيعيد يالنمله
هند : من قال مسيعيد انا قلت الشيخ مساعد
مساعد: ايه كذا تسنعي يالنمله

هند : تدري مساعد قصدي الشيخ مساعد ان اختي حبيبتي
تشبهك مررره
مساعد بلهفه : والله
ام ماجد : اي ماشاء الله عليها كلها انت يا مساعد

مساعد : يا رب تعجل بلقانا والله اني من شوقي
ودي اطير لها

هندك تكفى ودي اطير معك

مساعد : استريحي انا اول وبعدين افكر
هند: مسيعيد والله لو ما تاخذني معك ازاعلك

مساعد: مسيعيد هاااه !!!!
الحمد لله الله رزقني باخت ثانيه والا من اول ماعندنا الا انتي يالنمله

هند: احووووووووووول لا عاد تناديني نمله

وهم في جلستهم دخل عليهم فهد

السلاااااام عليكم وجلس جنب اخته وحط راسه على رجولها
وش عندها هنوده صوتها يلعلع

هند : شف مساعد مسك علي كلمتك يالنمله انت اللي بديت بها يله خلصني منها

فهد : وانا صادق انت نمله يالله تبانين من نحفتس

هند : لا خلاص بتجي اللي انحف مني

فهد : منهي اللي انحف منتس

مساعد حاول يغير الموضوع : فهد اليوم شفت خويك سليمان وسألني عنك

فهد عرف ان مساعد غير الموضوع
: اي سليمان يا حليله وينه من زمان ماشفته

هند: حذفت المناديل على مساعد من حرتها وهجت
فهد فك ضحك على بنت اخته

مساعد وهو يضحك : يمه مزنه بنتس ذي مرجوجه الله يخلف عليتس

مزنه وهي مبتسمه : الله يصلحها بس

ابو مساعد : انت صدق تبي تروح لخالك واختك

مساعد :اي والله ودي اشوف احوالهم وش صار علمها والا للحين

ابو مساعد : يبه لا تصير عجل خالك لا علمها بيتصل

مساعد : معليش انا بروح يمكن انا اللي اقول لها
*******************
طفله حطت العشى لأبوها وجلست جنبه

: تفضل يبه
بادي ياكل وهو يحس اللي بفمه مثل التراب
ماله طعم بس مجبر ياكل قدامها

طفله تناظر بابوها وهي شايفه حاله حزين مهموم
زاد عمرره سنين بكم اسبوع

طرى ببالها عمتها اللي اول مره تسمع عنها

: يبه ابي اسألك ليه ما علمتني ان لي عمه ؟؟
بادي رفع راسه بسرعه وهو يهرب بعيونه عنها

: يا بنتي اختي ماتت من 18 سنه
طفله بعجله : بس ماعمرك جبت طاريها
بادي يفكر ان ذي انسب فرصه يعلمها

طفله :مسكت كوب الماء بتشرب وسئلت ابوها
يبه الا عمتي وش اسمها ؟؟
بادي تردد : اسمها طفله

شرقت طفله وقامت تكح يالله تاخذ نفسها من الشرقه

بادي : بسم الله عليتس يمه بسم الله عليتس

بعد ما هدت طفله من نوبة الكحه سئلت بخوف: احم احم وهي تصفي صوتها يبه عمتي لها بنات؟؟

 
 

 

عرض البوم صور شبيهة امي  
موضوع مغلق

مواقع النشر (المفضلة)

الكلمات الدلالية (Tags)
من وحي الاعضاء, ايامنا الحلوة, روايه, شبيهه امها, قصه
facebook



جديد مواضيع قسم القصص المكتملة (بدون ردود)
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 08:52 AM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية