البارت الثالث
كلمه الاخيــره



كــان يوم عادي قررنا نروح الحفله
وبعد ظرابه مع غزلان اقنعتها تروح
حليلها راعيه الصالون رحمتها كانت تصارع افاعي سلوى <<< اسم اخر لغزلان
اريد اعرف اختراع المشط بعده ما وصل لها
بس طالعه تجنن فستانها الفستقي بسيط ومسويه شعرها شينون بسيط
وبعد ظرابه حطينها لها جحال وقلوس هذا الي رمنا عليه
بس طالعه تجنن
جفت عمري في مرايـــه اخــر مره اتأكــد ان كل شي تمام
لبست عباتي وشيلتي ونزلت
نزلت تحت جفت خليفه واقف عند باب المطبخ يجوف غزلان مب مصدق عيونه
وهي مب منتبهه له
ناديتها : غزلان غزلان تعالي بسرعه
لبسي عباتج الحين بنطلع
غزلان : غيداء ما اريد اروح الحفله
: احلفي انتي بس
غزلان : ما اريد
: اقول تعالي الحين بيي محمد ولا خليفه يله يالسه فصاله بدون احم ولا دستور لا يكون بيت ابوج
غزلان : والله نسيت الحمدالله ان محد منهم دخل
: توني جفت سياره خليفه من بلكونه الحين بيدخل
من سمعت اسم خليفه يت فوق تركض لبست عباتها وتغشت ونزلت تحت ولقينا خليفه قاعد فصــاله
خليفه : على وين
غزلان : شدخلط نروح وين ما نريد
: استغفر الله بنروح حفله مع ماما
خليفه : ماشي روحه
غزلان : نعم نعم لو كنت ما اريد اروح بس الحين عناد فيك بروح
: الله يعينكم على مخكم جنكم يهال تتظاربون يله فدعه الله خليفه اجوفك يوم نرجع
وصلنا الحفله
كــان ثيم الحفله يوناني
غزلان: احس شكلي غلط .. خليني ارجع البيت
: لا ماشي رجعه
غزلان : والله ما اعرف احس ها المكان ما يصلح لي
: ليش ما يصلح لج
ودقايق نجوف هند
هند : هلا غزلان اجوفج اليوم هنيه كيف خلوج تطلعين من ملجئ او قصدي بيتكم
غزلان : لا تخليني اخرب كشختي عليج ..فدوه لظربج
هند : هههههههه يالله لبسوها فستان وتعتبر عمرها بنت
غزلان : جوفي لا تخليني اسوي شي بتصيحين عليه طول عمرج
هند : مثلا شو
غزلان : حبيب قلب خليفه
هند : ادري انج حاطه عينج عليه بس هو ما يجوف اشكالج
غزلان :ولا يجوف اشكالج
: هند مب جنج مصختيها تراها اختي والي يرشها ماي ارشه بدم
هند : ليش انتي محبسه انهم ربوج ولبسوج خلاص صرتي بنت عز.. الكل يعرف انج متبنايــه يعني لا تجوفيــن فوق وايد لا رقبتج تنكســر
: بنجوف حبيبتي
ورحنا عنها اخ لو محد كان حولينا جان كسرتها وكسرت عظامها ما ادري مصدقه عمرها على شووو لفيت ويهي وجفت غزلان تلعب مع اطفــال
: انتي شو تسوين هنيه
غزلان : شو تجوفين
: تعالي خلينا نروح
بنت ياهل : ما نريد نريدها نلعب ويانا
غزلان : اومر من سلطه عليها
: وانتي بنت منو
ياهل : بنت صقر *** سفير
غزلان : يا قلبي ما يخصني فيكم يله باااي
: انزين شو اسمج
حمده : انا حمده وهذا اخوي حمد
حمد : اف انتي وايد تسئلين
حمده : انزين انزين خلينا نكمل لعبنا مع غزلان
حمده : يدوه نوره
نوره : غزلان ما شاء الله عليج شو تسوين ويا يهال
: عادي تحب تقعد مع يهال
نوره : اول مره اجوفها هنيه بنت منو
غزلان :بنت بنت
: اختي ( حسيت بارتباكها )
نوره : ما شاء الله ... عيل وين امج
: امي موجود
عليــاء : ها بناتي قاعده ادوركن من صبح وين رحتن
: اجوف غزلان قاعده مع يهال تلعب
نوره : ما شاء الله عليج ام محمد .. ما قلتي لي عندج بنات شرات القمر وينهن عنا من زمان
امـــي : شو اسوي ابوهن يخاف عليهن
نوره : لا ما يحق له يخفي ها القمر عنا
حمد : اف يدوه نريد نروح نلعب
نزلت غزلان له وكلمته
حمد : اسف يدوووه
نوره : (جافت غزلان بستغراب ) من متى حمد صاير يسمع كلام .. شكلج تحبين يهال
حمده : يدوه يدوه عادي نشل غزلان وينا البيت
: هههههههه هاي اختي وانا اريدها بعد
نوره : يله عيل انا استاذن عنكم
: غزلان يله قومي
غزلان: اف ما اريد ما حبيت الحفله بقعد عند اليهال لين ما نرد البيت
حمده : يله غزلان خلينا نكمل العب يله يله
جافتهم غزلان بعيون كلها حنان
غزلان : يلـــه انا ببداء العد من 1 لين 5 وانتو انسدو والي امسكها الدور عليها
شو صدقعها هاي ولا مينونه الناس فحفله وهي قاعده تلعب
مسكتها من ايدها بقوى وبصوت واطي : انتي مينونه شو تلعبين نحن فحديقا شو بيقولن الناس عنج
غزلان : اقول فكينا بروحي ملانه ارد البيت ولا العب معاهم
الله يعينج على مخج جفت تلفوني يهتز وكان طلال
: يوم ارجع بدق لك لني فحفله ومشغوله ما رمت اسمع غير كلمه باي وسكرت
لفيت ويهي وجفت غزلان قدامي
غزلان : تكلمين منو
: اممم اكلم محمد
غزلان : ومحمد شو يريد
: ما اعرف ما سمعت صوته بسبب الاغاني .. اجوف بنات ينادوني بروح لهم
ورحت بعيد ما اريد اكلمها لني اعرف انها بتكشفني

~*¤ô§ô¤*~h~*¤ô§ô¤*~


طول الحفله وغيداء ما تكلمني ولا تمر من قدامي احسها كانت تجنبني
وما انتهت ال على حمده تمسك ايدي وتسحبني وانا قاعده اجوف الارض عشان ماتخرطف بفستاني
حمده : تعالي معنا يله
: حمدوه حياتي مره ثانيه بجوفكم وبلعب معاكم
حمده : ما عندي حد فالبيت العب معاه
: حبيبتي مره ثانيه
حمد : حمده سمعي كلام البنت
حمده : اف انت اسكت ما احبك انت ما تلعب ويايه
حمد : مب صغير عشان العب معاج
: (نزلت لمستواء حمده وجفت عيونها ) شو رايج حبيبتي اكلم يدتج ها الاسبوع نروح الحديقه ونلعب مع بعض
حمده : والله
: هيه حبيبتي مسحت على شعرها وبست راسها يله حبيتي انا بروح ما تبين تعطيني بوسه
طبعت على خدي بوسه
جفت حمد : وانت ما تريد تبوسني
حمد : لا انا ما ابوس بنات
مسكته وتميت ابوسه : يا قلبي انته انا الي ببوسك
حمد : قومي عني قومي عني بخبر عليج ابويه ... ابويه ابويه
حمده : هكــ .........
حمد : ابويه ابويه
: ابوك محد ههههههههههههههه وتميت ابوسه وهو يمسح البوسه
وقفت ومسحت على راسهم وعدلت شيلتي وظهرت من القاعه وركبت السياره وقعدت انتظر غيداء وام محمد
غمضت عيوني ( ابويه ابويه .. كلمه انحرمت منها وانا صغيره وانا السبب ...امي وابوي اهم شخصين فحياه كل انسان وانا حرمت عمري منهم وحرمت اختي بعد .. بتسامني غيداء اذا عرفت اني سبب في فراق امي وابوي غرام وغياهيب ... غرام تفكر فينا ..تتذكرنا ولا نستنا مثلهم
ركبت علياء وغيداء السياره
علياء : نروح
: لا ناوين تنامون اهنيه تعبانه اريد اروح اريد انام على شبريه وارتاح
غيداء : الساعه 12 شو رايج تنامين عندي اليوم
: لا لا شو انام ما عندي بيت
غيداء : ياله من زمان ما نمتي عندي
: خلاص انا موافقه
غيداء : ياي يعني اليوم سهره صباحيه
علياء : الله يعين ابوج اليوم
وصلنا البيت وانا هلكانه مب رايمه اتحرك دخلت غرفه غيداء
علقت عباتي وشيلتي وفريت تلفوني فطاوله الي عدال باب
ونمت على كنبه
غيداء : انا يوعانه
رفعت راسي : ليش ما كلتي فحفله
غيداء : ما احب اكل قدام الناس
: اريد اعرف لا تزوجتي ما بتاكلين قدام ريلج
غيداء : ريلي شي ثاني
: خلاص بروح اسوي لج شي بس بعد ما ابدل ملابسي
دخلت الحمام ( عزكم الله ) غسلت ويهي وبدلت ملابسي ولبست شيله وخذت تلفوني ونزلت تحت
بديت ادور فثلاجه شو اسوي لها
فتحت الدرج ولقيت معكرونه وقلت بسوي لها معكرونه وفطاير
جهزت الاغراض وقعدت اطبخ
؟؟؟ : بوووووووووووووووو
: بسم الله
لفيت ويهي وجفت محمد قدامي فريت عليه خاشوقه
محمد : اييييي (مسك ايده ) صايره انسه ملعقه
: خوفتني وطيحت قلبي .. الله يطيح قلبك وتحب بنت ونفتك منك
محمد : رفع ايده امييييييين ... شو تسوين فمطبخنا
: تستهبل اطبخ يعني شو اسوي
محمد : لحظة لحظة ورد على تلفونه ( اقول لك تعال بيتنا خلاص هونت بنتعشى فبيت ) وبند تلفونه
: ايه انته لا يكون خدامتك واطبخ لك انت ربيعك طلبو من المطعم هذا حق اختي
محمد : حرام عليج يوووعان ... شو رايج اساعدج
: صدق
محمد : ههههههههههههه طبعا لا
: مالت عليك افلعك بشوكه
محمد : هههههههه لا لا
: انزين اجلب ويهك خلني اخذ راحتي وانا اطبخ
وكملت طبخي سمعت تلفوني يرن بس برنه غير جفته وانتهت انه تلفون غيداء
جفت الاسم وما عرفت قلت حلني ارد
: الو الــــو بس محد يتكلم وسكر فويهي استغربت منو هالي الي بدق فهذا الوقت
دورت فالادراج دايما ام محمد تخلي ورقه وقلم فكل مكان للحاجه واخيرا لقيتهم كتبت الرقم
وحطيته فجيبي
غيداء : غزلان انتي خذتي تلفوني بغلط
: والله ما انتبهت طلعت تلفونها من جيبي ... هههههه اسفه عطيتها اياه
غيداء : الله ريحه حلوه شو طابخه
: امممم مكرونه وفطاير
غيداء : عن تحرقين المطبخ وراحت لغرفتها وانا اموووت واعرف منو الي اتصل لها
اذا اتصلت الحين ....لا لا بعدين بتصل من رقم محد يعرفه
خلصت طبخ ورتبت الاكل فحديقه
رديت الحديقه جفت خليفه قداعد
: بسم الله من وين انت ظهرت
خليفه : توني واصل
: انزين يله قوم قوم هذا مب لك هذا لي انا وغيداء
خليفه : قلتي بتطبخين لي وانا احب االمكرونه
: خلاص رحمتني اخاف يصيبك مجاعه اذا ما كلت من ايدي فعشان جيه بخليك تاكل
حطيت صحن زياده وجفت محمد وغيداء قاعدين على طاوله
: انتو من وين تظهرون انا فمطبخ ولا جفت حد ظهر
غيداء : ههههههههه سر سر
: انزينن عيل ماشي اكل موتو يووع
محمد : ارحميني والله احس معكرونه تنادديني تقول محمد محمد
: ههههههههههههه اقول جب وكل وانت ساكت
محمد : عزلان مب ناويه تين بيتنا وتقعدين عدنا
: رفعت راسي وجفته : ليش هذا بيتي انا شارده منه
غيدا : شو خدامه
: ههههه سخيفه جفت خليفه وكان فعالم ثاني ياكل بخدواء
تمنيت اني اروم اقراء الافكـــأر واقراء افكاره واعرف يفكر فشووو
خلصنا اكل وردينا الصحون الطبخ
محمد : شو رايكم نكمل السهر ونلعب
غيداء : يله يله بس بشرط نلعب فبلاي ستيشن وشريط مغامرات
محمد : لا كوره
غيداء : نحن بنات ما نهرف نلعب كوره
: اففففففف شو اريكم ف سيارات محد ما يعرف يلعبها
خليفه : انا موافق
محمد : وانا بعد
غيداء : نحن بنات فريق وانتو فريق اول شي انا وخليفه بنلعب وبعيدن انت وغزلان والي يفوز من فريقين بيلعب فاينل والي يخسر يشتري لفريق خسران هديه
: خلاص يله عيل
وبدينا نلعب بدينا نلعب لعبت غيداء وخليفه .. بس خليفه الي فااااز
زيزم لعبت انا ومحمد تمت غيداء ترمي محمد بمخده وتغلس عليه لين ما خسر
وبقينا انا وخليفه فــ فاينل
وبدينا نلعب
غيداء : يله غزلان يلــه
محمد : خليفه لا تفشلنـــا وتخســـر
وفجـــى نجوف تلفزون انطفى رفعنا راسنا وجفنا عليــاء واقفه وفايدهـــا وايـــر
علياء : انتو ما تستحون تصارحون واوبكم راقد
غيــداء : هذا ولدك
محمد : هذي بنتج
: انا مالي شغل
خليفه : انــا كنت العب بهدواء
علياء : ابوي الي محتشر ريايل كبار كل واحد اطول عني ولا انتن حريم والي يجوفكن عباله انكم عاقلين وفاهمين ويالسين تلعبون ومسوين ازعاج فليل
: اسفين ام محمد وهذا راسج وبسناه
ام محمد : يله انت وياه انت على بيتكم وانت على غرفتك وباجر من الصبح كل واحد فشغله
خليفه : انا عادي عندي بقوم
محمد : وانا شركه ابوي يعني عادي اتاخر ولد معزب
ام محمد : والله باجر ان تاخرتو دقيقه ينقس من معاشكم والحين بقول لبو محمد عنكم
خليفه : حسستني اني دريول
محمد : ياحيك انا حسيت عمري ناطور
: ههههههههههههه مستواكم اصلن
غيداء : امايه مب جنج لعبه الدور صدق وباجر الجمعه
:ههههههههههههههههههههههههههههههههه لقطو ويوهكم ولا مصدقين الاخوان
خليفه : هههههههه
محمد : هههههههه يا غبي ليش ما انتبهت
خليفه : وليش انت ما تشغل مخك
خليفه : يله فداعه الله بروح انام ولا اقول مافيني بصراحه اسوق اخاف ادعم
علياء : لا يا وليدي كله لا تروح انت الغالي
محمد : اخ راحت ايامك يا حمود
( ابتسمت وانا اجوفهم حبيت جكعتهم قعدتهم حبهم لبعــض احس ام محمد ( علياء) تحب خليفه لو انه مب ولدها
حسيت بغيداء وهي تتكلم صوت واطي
غيداء : مالت عليكي كليتي ريال بعيونك سكري حلجك لا تنفظحين .....
: ههههههههه شوفي هذي خبله
غيداء :صدق يما ليش تحبين خليفه اكثر من حمود .. لن حمود حمار مثلا
محمد : ههههههه سخيفه ...
خليفه : يمـــا انا بنــام فغرفتــي جاهزه
ام محمد : هيه يا وليدي جاهزه الغرفه نضيفه ومرتبه بس تغير فراش الحين بغيره لك
خليفه : ارتاحي انتي انا الي بغيره
: لا انت ولا هي انا الي بغيره
كنت اريد اي عذر عشان اروح منهم تعبت كل دقيقه احس بعذاب وان الذنب ذنبي ان ظهرت من البيت وخذت غيداء وياي








~*¤ô§ô¤*~h~*¤ô§ô¤*~

سمعــــت صوت حد يتحــرك ومسوي ازعــاج
غسلت ويهي وظهـــرت برع الغرفه اجوف شو هذا الازعــاج
بس ما لقيت حد جفت ساعه 5

مشيت بهدواء ادور بــاب السطح بــاب احلامــي
جفت السماء تعلن عن ظهور يوم جديد يوم قد استطيع ان ابني بعده احلامي
تذكرت احمد كان يحب ايلس وياي فسطح فليل ونهار يعرف اذا تضايجت هذا مكاني الوحيد الي احب اقعد فيه فوق السطح ..

غمضــت عيوني واتذكر شو صــار اليوم فمطــار
( سيف : يله بنتــي فمان الله
: فمان كريم
سيف : هالله هالله فعمرج واذا ما عيبج المكان بعده مكانج موجود من بينا
حنــان: لا تنسين تتصلين لي اول ما توصلين
سعيد : يله مع سلامه تروحين وما ترجعين
: شكت فيه بس فيه الخير على الاقل يا ... مع اني دايما اتظارب معاه بس الي ما توقعته احمد
يبدي bela عليه .. خلها تنفعك والله يهنيك وياها )

وصلت الامارات وانا الحين فبيت عمتــي فاطمه ( اخت سيف )
عندهـــا بنتين بدور وســاره وولدين علي وسلطان


مديت ايدي اريد المس السحــاب
اريد اكون بين الطيور اطيـــر بحــريه
سمعت صوت سيــاره تطلع من البيت جفتها بس كانت مسرعه
وانــا نزله من السطح جفت بدور قدامـــي
:good morning
صباح النور : صبــاح النور يا جميل ... ليش الحلو قايم بدري
:today first day in work
بدور : متحمسه وايد
: litel
بدور : يله تلبســـي بســرعـــه
خذت لي شور سريع
: فتحت الكبت
شو البس ما اعرف استحــي اخذ من بدور ....ولا مره جربت اخــذ بدلــه من اختــي اذا عجبتي او اتظارب معها على قميص خذته ولا رجعته اشياء بسيطه انحرمت منها وانحرمت من لذتها
لبست بنطلون جينز وقميص طويل وفوقه rob
وجفت شعري الاشقر من سنين وانا اصبغه وما عرفت لونه الاصلي وكل ما يطول شويه اقصه عمره ما كان طويل شرات شعر بدور او اسود شرات ساره
لقيت بدور قدامي : يله نروح
لبست ساعتي وخذت شنطتي
نزلنا تحت لقيتهم كلهم حولين الطاوليه علي سلطان ساره فاطمه
فاطمه : حياكم بنات قربو
بدور : لا متاخرين .. يله سارو روحنا
ساره وهي تعدل شيلتها وتلبس عباتها : يله الحين بطلع
سلطان : وهاي جيه بتظهر
علي لمحني من طرف عينه وجااف سلطان بنظرات بمعنها اسكت
سلطان : الناس شو بتقول علينا
فاطمه : اسكت مالك خص فالبنت
:I will waet in car
بدور : زين جيه تفكرها ما تفهمه عليك
سلطان : وتفهم
هذا الي سمعته من حوراهم وانا طالعه
يلست فسياره ... هذيل القربين مني يقولون جي كيف الناس الثانيه ركبت بدور وساره
بدرو : اسفه على الي صار سلطان لسانه طويل ياهل لا تاخذين على كلامه
: هصل كير
وصلتني المستشفى وراحت
(يلست امشي وانا اتذكر اخر مره كنت فيها interview
كنت يالسه اتكلم بكل ثقه لين ما دخل دكتور تاسف لنه تاخر يلس وخذ الاوراق وقعد يجوف sv
وتم يطالعني تلعثمت فكلام ما حبيت نظراته اكرها ها النظرات تذكرني باحمد )
يلست فغرفه وعدالي بنات بس كلهن موطنات وهذا الي يميز هذا مستشفى محد يروم يشتغل فيه الى اذا كان مواطن واستثناء اذا كان ممتاز وفوق الممتاز بعد
سمعت وحده تتكلم : عونه يقولون محد يدخل ها المستشفى غير موطنين وهااي شو تسوي هنيه
ثانيه : تصدقين انها مواطنه
الاولى : جذابه فيها ملامح عربيه بس ما اصدق جوفي شعرها الاشقر ولا ويها الابيض شرات ساحرات
ثانيه : ههه كيفج بس هذا الي سمعته
طنشت كلامهم خليت عمري ما افهم لهم وبدينا rund والي يقهر كان نفس دكتور الي وصل متاخر
خلص يومي فمستشفى بعذاب حسيت عمري كرهت احمد اكثر ولاكن قلبي يحبه اكثر مليت من تناقذ قلبي
بس الي عرفته ان الدكتور اسمه احمد وهذا الي ولع قلبي اكثر
وبنتين شرينه ونور
واما الباقي ما انتبهت لهم او ما جفتهم غير مره وحده
رجعت البيت ولقيتهم كلهم قاعدين فصــاله
: سلام الئيكم
الكل : وعليكم السلام
فاطمه : ها بنتي شحالج
: بخير
فاطمه : كليتي شي ... ســاره بنتي قومي خليهم يحطون لها غداء
: لا لا مشكــوره .. بتعشى مره واهد
بدور : تعالي قعدي معنــا
: بس ابدل ملابسي
رحت الغرفه بسرعه بدل ملابسي ورجع ت اقعد معاهم
طول عمري اشتاق ان يصير لي خووات اقعد معاهم اقول لهم شو سويت اليوم اتظارب وياهم
بدور : اف ســاروه خلي هذا البرنامج
ســاره : قولي العمه ســاره وبحطه لج
بدور : علي جوفها خلها ترجع برنامج كل يوم اتابعه
ســاره : امايه جوفي شو تطالع ستــار اكاديمي
فاطمه : يما ســاره حطي حق اختج الي تريده
ســاره : ماما هذا كله فسوق يوم تطالعه تقول يالتني بدال فلانه
بدور : يا جذابه ومنو الي يقول خاطري اقعد فــ
ساروه : جب جب فضحتينا محد يقول لج شي
: ههههههههــ
علي : غرام كلمتي عمي سيف
: yes
علي : عيل احمد دق لي كان يريد رقمج
: اعطيته
علي : لا ما اعرف رقمج
: خلاص انا بدق له بئدين
علي : طلع تلفونه من الجيب واحمد دق لج
بدور : حماته بتحبه
علي : السلام عليكم ... هلا احمد .... هيه موجوده .. تفضل ومد لي تلفونه
خايفه ارد عليه خايفه اكلمه
رديت على التلفون
Hi :
احمد : وينج انتي
: موجوده بس كنت شويه مشغوله
احمد : غرام انتي رحتي وكلمتي ايمي قبلا لا تسافرين
: يب يب ليش تسئل
احمد : بس اريد اعرف شو قلتي لها
: ليش تريد تعرف كنت بس اريد اسئلها سؤال
احمد : وسفرتج هذي ما يخصها ف ايمي
: لا ما يخصها فشي اريد ادور اهلي
احمد : غرام قولي شو صاير شو فيج ليش سافرتي
: ههه توك تعرف اني سافرت للحظه حسيت انك نسيت اني مسافره حتى كلمه بــاي ما قلتها لي ما ودعتني اخوك سعيد يا ودعني وانت مشغول مع حبيبه القلب وياليت بعد تحبك ......
احمد : شو قصدج
: ولا شي
احمد : قولي شو قصدج يالتها تحبك .. اصلن انتي غيرانه حقوده تحسبيني ما اعرف الي فقلبج .. تحسبيني ساكت بس جيه اعرفج انج تكرهين ايمي وتكرهين الخير لي وتكرهين تجوفيني وياها مستانس
: الله يسعدئك معاها
احمد : اصلن انتي طول عمرج جي ناكره للجميل .. واكبر علامه كيف تصرفتي ورجعتي بعد ما ربااج ابوي واهتمت فيج امي خليتيهم ورجعتي بلادج اصلن انتي جي حقووده وناكره للجميل
: (ليش تقول كل هذا ليش تجرحنـــي بكلامك ) شكراً والحين شو مطلوب مني شو تريد ليش اتصلت فيه
احمد : ولا شي كنت اريد اعرف ليش رحتي ل ايمي لكن الحين عرفت الحقد عمى قلبج وتحسبين الكل خاين شراتج يله باااااي
: وسكر تلفون ..هذا يزاي كنت اريد اقول لك عن معدنها اذا تحبك او لا .. هذا يزاي اني حبيتك وبنيت لك قصور فقلبي
انكمشت على عمري وبديت اصيح بسوط وااطي بس شهقاتي هي الي كانت تفضحني ليش الحب جي قاسي ليش الحب عذاب ليش يا قلبي حبيت احمد من كل ناس .. احمد ياما كنت جنبي وما تصدق الناس وتصدقني ولو اني اجذب عليك.. والله اني احبك ولو جفت انسان مالكني بهيبته وسوامته قلبي ما يتحرك مثل ما لما تناديني
احبك وكثر ما احبك ما اروم اكرهك
سمعت حد يتحرك وانتبهت على نفسي اني كنت فحديقه
سيده لميت شتات قلبي ودخلت الغرفه وسكرت الباب على نفسي
واطلقت الحريه لدموعــي انها تنزل بدون محد يجوفها ولا يحــس فيها

.:. ملكهـ .:.
أخيرا كشفت أول خيوط القصة ..
غزلان اخفت الحقيقة عن غيداء وحرمتها من عائلتها .. ما هدفها من ذلك

.:.غرام.:.
تتحدث بلسان مكسر.. لماذا ؟؟

.:.غياهيب.:.
لم تحضر في هذا الجزء

.:.ملكهـ.:.
الغموض مازال مسيطرا على الاحداث..
بانتظارك لتكشفي بقية الاسرار..

.:.دمتي بكل الود.:.

بــارات 4
عذاب جديد


يلست فحديقه ارسم
تعبت من جو البيت قلت بظهر الحديقه

عبير : غزلان حبيبي
رفعت راسي: هلا عبيرووو
عبير : شو تسوين ..؟؟
: ارسم يعني شو اسوي
عبير : غريبه لوحتج الونها غريبه احسها غير
: قلت اغير شويه
عبير: انزين اانا بروح الغرفه
: تعالي توه حد من بنات مطرشه لي برود كاست اونه ميره طاحت من الدري
عبير : هههههههههه هيه فاتج شو ما طرشو الصور
: وانتو بروحكم مسوين لكم قناه اخبار
عبير : شغل استهبال بدال ما تقومين تدورين شي طرشي برودكاست ودقايق يوصلج الخبر
: انا براويكم ان ما سويت مقلب بس خليني اجوف سيف شو يريد
عبير : ليش بيي عندج
: هيه قال يريدني فموضوع
عبير : خلاص انا عيل بخليج
: انزين عبير تلفونج فيه رصيد
عبير : هيه
: ممكن تعطيني اياهه دقايق
عبير : يفداج تلفون وصاحبته
: ههههههههههههههههه ما اريد صاحبته بس ابي تلفون
اتصل يو محمد : يله بو محمد يدق بخليج بكلمج بعدين
عبير : يله انا بروح الغرفه استناج هناااك
رحت لباب استقبل بو محمد
: هلا بو محمد اقرب اقرب
بو محمد : هلا فيج بنتي
: جفت وراء الباب عيل وين غيداء
بو محمد : ياي بروحي
: شو تشرب عصير ولا شاهي قهوه
بو محمد : قهوتج مشروبه تعالي يلسي خليني اكملج
(غيداء كلمته عن الجامعه يا رب ما يطريها يا رب يا رب )
بو محمد : بنتي انتي مرتاحه هنيه
: هيه مرتاحه
بو محمد : ما ودج تطلعين
: لا.. احب البنات الي هنيه وما اريد اظهر
بو محمد : يا بنتي كل وحده من بنات بيي نصيبها وبتروح بيت ريلها وانتي يا بنتي في حد متقدم لج
: جفت بو محمد بعدني مب مصدقه انا غزلان حد يتقدم لي
بو محمد : ولــد ناس وعايله معروفه ولدهم يشتغل ..س
: مب موافقه
بو محمد : استخيري ربج وما بيصر الى مكتوب لج
: بس انا مب موافقه
بو محمد : عطيني سبب
: سبب اني مب موافقه وما اريده
بو محمد :.. استخيري ربج .. وعفكره غيداء بتتزوج بعد وانتي تعرفينها حطت شرطها ما بتتزوج الى وانتي متزوجه قبلها وهم عيال عموم اخلاق ودين وحسن ونسب
: ( انا اتزوج ما يصير ما ينفع بنفضح بنفضح نزلت دمعتي وانا مب حاسه حط ايده على كتفي .. استخيري ربج
ركضت للغــرفه وشريط يعيد نفسه شريط عذابي المي يوم الي انكتب لي فيه اموت وانا حيه
غزلان تعالي يبي لي شي من المطبخ
: بس انت شو فيك ليش تتحرك جيه وليش تتكلم جيه
خميس : اشششششششش لا تتكلمين بصوت عالي بتقوم مريوم وبتصارخ
وكانت ليلتي الاولى فبيت مريوم الي تبنتنا
رحت مطبخ وحسيت بقرب انافسه الحاره على شعري وهو يلعب بشعري طويل واصابع يده
ما رمت اتحمل ذكريااات الي بعيشها طول عمري ولا بتزوج بنفضح لااااااااااااااااااااااااا
لقيت قدامي دواء عبير للسكر خذيته كله كله يمكن ربي يريجني من هذا العذاب
وامــوت وانا....................................

~*¤ô§ô¤*~h~*¤ô§ô¤*~


يلست على الكرسي وسحبت تلفون
بعد رنه رنتين وثلاث رد وصوته كان ثقيل .. راقد .. مشغول .. تعبان .. ما عرفت
: حبيبي راقــد
طلال : اممممممم
: خلاص عيل بخليك تكمل رقادك
طلال : ساعه كم
رفعت عيوني .. الساعه 9
طلال : خيبه نمت وااايد ليش ما قومتني من قبل
: انت ما قلت لي
طلال : الله يهديج يا غيداء الحين كيف بنام الفليل
: ( احلف انته بس تراك انت الي نايم او انا ) ... ما عليه بتنام
طلال : شو تسوين
: ماشي يالسه على النت
طلال : شو تسوين على النت
: اسبح واصيد قرش ... شو اسوي اكيــد على المسن اكلم ربيعاتي
طلال : هههه حد قال انج مضحكه وااايد
: شفيك
طلال : تجوفيني توني قايم من الرقااد وانتي تستخفين دمج
: طلال .. اقصر الشر صدق اليوم مالي خــاطر اتظارب وياك
طلال : ليش شو تشوفيني ما عندي شغله غير اتظارب معاج كل دقيقه
: طلال دقايق امي تدق الباب بدق لك بعد دقيقه
طلال : لا بيلس على الخط
: خلاص على راحتك
( تنرفزت من طلال ومن اسلوبه المتكرر وياي ما اعرف شو يريد مني بظبط كل يوم ظرابه ولوعــه جبد عمره ما حسسني بالحب )
: تفضلي يما
طلعت ارسها من الباب : كيف عرفتي اني انا
: (ابتسمت ) اعرف كل واحد ودقته على الباب
علياء : شو تسوين سمعتج تتكلمين فتلفون
: كنت اكلم غزلان
علياء : انزين .. بغيت اكلمج فموضوع
: هلا امايه امري
علياء : تعرفين ان محد عايش لج طول عمرج انتي وغزلان .. وان الدنيا فيها حلو والمر .. وانتي يا كثر ما يوج عرسان وانتي رفضتيهم وتطلعين سبب .. بس بعد اليوم ما ظني عندج سبب ( قلبي بداء يدق بقواء ) يا اليوم الي كل وحده تروح بيت ريلها
: في ناس متقدمين لغزلان
علياء : ومش بس هيه حتى انتي
: امايه بس انا
علياء : انا كلمت ابوج وقال اذا ما لقى سبب مقنع بيزوج وما عليه منج وحتى غزلان
: بس امايه
علياء : يايه اقولج عن المعرس.. هم عيال عم وشرات الاخوان .. ولد نوره صقــر .. ولد عمه فيصل ... صقر متزوج وحرمته ميته ويابت له توم وام نوره جافت غزلان وعيبتها حلوه وتعرف تتعامل مع يهال .. واهل فيصل من زمان حاطين عينهم عليج وقالو بيخطبون فيوم واحد
: دمعت عيني وطلال وحبي له 4 سنين بيختفي .. بسبه فيصل ) بس انا ما
علياء : استخيري ربج وظهرت من الغرفه
دمعت عيوني مش متخيله طلال وين بيروح .. انا لطلال وطلال لي .. ما اريد فلوس اريد بس ريل يصوني يحبني اريد طلال
طلال طلال الاسم الوحيد فبالي الحين
تذكرته رفعت سماعه تلفون وتميت ساكته سمع شو صار عرف شو استوى
بديت اسمع صوت انفاسه تقوى كل دقيقه
:طـ .......
طلال : وبرد اكلمج بعدين وبند بدون ما يسمع كلامي ردي على موضوع
انــا مالــي ذنب لو قــالو لي تبين منو بقول انت
ابيك وما ابي احد غيرك راضيه اعيش بدون العز بدون كل شي
بس اعيش وياك
طحت على السرير وبديت افكر كيف بتكون حالتــي
غزلان ما بتوافق
غزلان .. طلال .. غزلان .. طلال
والحين فيصل
نزلـــت تحت وجفــت خليفه ومحمد
: سلام عليكم
خليفه + ومحمد : وعليكم السلام
: شحالك خليفه
خليفه : بيخر الحمدالله
: اريد اعرف انت ما عندك بيت كل دقيقه فبيتنا ما عندك شغل
خليفه : لا ما عندي
محمد : ايه انتي انا مب معبي عينج حتى شحالك محمد ماشي
: حمود انت اربع وعشرين ساعه قدامي مليت من ويهك اريد تغير شويه
محمد : غيداء يوعان قومي سوي لي اكل
: رفعت حاجبي ) انا مب غزلان ما اعرف اطبخ
محمد : بس معكرونه تجنن خذي منها الوصفه
: ما فيني اخافها تفهمني غلط
خليفه : كيف تفهمج غلط
: ههههه يعني عبالها اني اريد اطبخ وانا ما احب الطبخ اخاف على ايدي
محمد ( فر المخده عليه ) مالت عليج اقول جلبي ويهج
خليفه : عيــل وينها غزلان
محمد : صباح الخير البنت ردت بيتهم ما بتقعد عدنــا
محمد : اختج شريره اتذكر اول يوم يت بيتنا يوم تظاربت معاها ما سوت لي سالفه بحصه فرتني
: تستاهل حد قال لك تتمصخر عليها
خليفه : والله فرتك بحصاه.... قول لي شو صار شو صار
ورن تلفوني جفت الرقم كان رقم غريب ما رديت
محمد : منو
: ما علينا قول لخليفه السالفه
خليفه : امانه تقول لي
محمد : انت ما عليك دوام اليوم
خليفه : لا ما عليه قاعد عندكم .. غيداء دقي لغزلان خليها تي وناسه البيت بوجودها
محمد : لا دقين لها .. امسكانت عدنا
: اصلن ادق لها من الصبح وما ترد ما اعرف ليش
وصل فوني 15 مس كول
خليفه : جوفي منو الي ازعجج اكيد وحده من ربيعاتج
: الو السلام عليكم
عبير : غيداء وينج انتي ادق لج من الصبح
: بسم الله شو فيج شو فيه صوتج صار شي
عبير : غـــ غزلان
: غزلان شو فيها
عبير : ( تصيح ) خذت دواء السكر كــ.... كــامل
:جذاااااااااااااااااابه ( بصوت عالي )
عبير وهي تصيح : والله والحين شالينها المستشفى
ما رمت استحمل الصدمه اخر شخص بقى لي ويحاول يموت ليش يا غزلان ليش
خليفه : غزلان شو فيها
محمد : غيداء ردي علينا
(ليش جي تسوين فيني تعرفين ما بقى لي لا ام ولا ابو ولا اخ محد غيرج انتي انتي وتتنتحرين ليش انا زعلتج فشوو خلاص خلاص والله ما اباهم والله برد الملجى عندج ما بقول لهم امي وابوي بس ردي عليه حرام عليج غزلان لا تروحين ما حسيت الى وخليفه طلع يركض وركب السيارته ومحمد صفعني ..
محمد : لبسي عباتج بنروح المستشفى
مب رايمه اتحرك ريولي ما تطاوعني اخاف اروح والقها راحت مثل ما رحو وابقى بروحي
محمد : كونجيت كونجيت وصمخ ييبي عبايه غيداء
ام محمد : خير محمد شو صاير شو فيه خليفه ظاهر .. (جافتني ودموعي تنزل مب رايمه اسكت )حبيبتي شو فيج
محمد : غزلان خذت دواء واغمى عليها وشلوها المستشفى وخليفه راح والحين نحن رايحين
ما كان عندي وقت البس شيلتي او حتى عباتي نسيت الدنيا نسيت الكل ركضت سياره بسرعه وانا اصرخ على محمد
: يله ودني يله
محمد : مسك عباتي وفرها عليه فسيــاره
: بسرعــه دخيلك
محمد : شو انتي هبله
: ( بصراخ ) محمد اختي بتروح وانت تقول لي مينونه
ام محمد : استوني بروح وياكم
محمد : تعالي انتي وابوي
ام محمد : لا تسوقون بسرعه
يا رب يا رب يا رب تحفظها لي وتخليها .. ما اروم استحمل بعادها يكفــي امي وابوي وخواتي الى غزلان هي الوحيده الي بقت لي فدنيا )
وصلنا المستشفى ونزلنا نركض
جفت خليفه وعيونه حمرا ودكاتره داخلين وظاهرين من الغرفه حاولت اني اجوفها من دريشه بس كانو حولها
20 دقيقه ما حسيت بالي حولي تفكيري مع غزلان وادعي ربي ان يحفظها ويقومها بسلامه
طلع الدكتور من غرفه : سلام عليكم
ابوي وعليكم السلام ها دكتور طمنا عليها
دكتور : هذا قضاء الله وقدره وانتو مومنين .. حاولنا معاها كل شي بس بسبب زيادة جرعة الإنسولين للاسف دخلت فغيبوبه عطيناها ادويه مضاده وشوينا لها غسيل معده لكن ما بيدنا شي غير دعاء وبنخليها فا عنايه مركزه لين ما تستقر حالتها
بدت دموعي تنزل بقوه ما اعــرغ شو اسوي افرح لن في امل انها بتردي لي ولا اصيح على مصيبه
جفت ابوي وحاسه ان كل الي صار بسبته بسبته يعرف انها رافضه زواج ليش قال لها
طحت على الارض وتميت اصيح حسيت روحي بتظهر تمنيت اني ادخل لها بس للاسف ما خلونا يلست 4 ساعات اجوفها من الدريشه
محمد : غيداء يله قومي خلينا نرد البيت
: ما اريد اريد اقعد عندها اريدها تجوفني لا قامت
محمد : نزل لمستواي ) غزلان فعنايه ولو صار شي بيدقون لنا
: امي وابوي وين ..؟
محمد : راحووو
: خلاص انت روح وانا بقعد هنيه
محمد : جوفي شكلج وانتي قاعده هنيه وبعدين هي فغيبوبه فعنايه يعني مستحيل تقوم اليوم (وسكت ) اسف ويلستنا هنيه ما منها فايده واوعدج باجر من الصبح ليبج هنيه
: محمد غزلان اخر شخص من اهلي بقاء لي ومستحيل اخليها دقيقه وهي هني
محمد : قومي خلينا نرجع
: جفت المكان وكااان خالي ومحد غيري وانا ومحمد طاوعته ورحت معاه البيت وقلبي يقول لي ابقي عندها .. خلج قربها يوم مرضتي ما خلتج دقيقه .. سهرت عليج ليالي دافعته عنج كانت امج وابوج واختج واخوج فكل دقيقه من كل يوم 18 سنه وهي يبنبج ما خلتج تحتاجين لحد
وصلت البيت ودخلت غرفتــي وطحت على سرير وضميت ريلي بقوه لصدري
مب رايمه اتحمل الموقف فراق غزلان غزلان ...غزلان ...غزلان ...غزلان ..غــزل...ان






~*¤ô§ô¤*~h~*¤ô§ô¤*~

قاعده افحص مريض في الطواري :ها ابوي ممكن تقول شو يئورك
رجل طاعن فالسن ينظر لي بنظرات متفحصه : وانتي من وين
ضحكت وفهمت ماذا يقول : ابويه شي يئورك
العجوز : ( يقلد صوتي ) يئورك اسمها يعورك
: يعععــورك
العجوز : راسي افتر من حنه عيوزنا ووارتفع الضغط
: خلاص بكتب لك دواء ضغط وان شاء الله تصير احسن
العجوز : ما قلتي لي انتي متزوجه شو رايج اخذ على حرمتتي عشان اقهرها واحرق قلبها شويه
ضحكت
( انسه تعالي بسرعه هناك حاله انتحار ) ms came Quicklyther girl tray to suuosi : Nares
وصلت الاسعاف ونزلو البنت كانت بنت ماسكه ايدها وتصيح تناديها
: سلوى دخيلج لا تروحين ما بقى لي حد فدنتيتي غيرج سلوى
: can you ask them what she take
سلوى حاولي تزلي معي وفجئ اغمى عليها
دخلنها غرفه طواري
Take simbl of har blid to laptore foe axsm and call docter ahmad
بديت اسمع دقات قلبها تييك .......تيك ...تك... وتقل دقاته دقيقه بعد دقيقه
Nurse low blood pressure
للحظه نسيت الطب وكل شي مع اني عالجت واايد حالات انتحار
We will make washing stomach
مسكت الانبوب وكنت اريد ادخله بس نسيت نسيت كل الطب
الحمدالله يا دكتور احمد ومسكه عني ودخله
وبدائو عمليه غسيل المعهده
يت نتائج الدم وكاااان السمم منتشر فجسمها
بعد ساعه خرجنا من الغرفه
: you will toke to parents
د احمد : سلام عليكم
رد علينا ريال كبير فسن : وعليكم السلام ها دكتور طمنا عليها
د احمد : هذا قضاء الله وقدره وانتو مومنين .. حاولنا معاها كل شي بس بسبب زيادة جرعة الإنسولين للاسف دخلت فغيبوبه عطيناها ادويه مضاده وسوينا لها غسيل معده لكن ما بيدنا شي غير دعاء وبنخليها فا عنايه مركزه لين ما تستقر حالتها
بدت البنت قي صياح وحظن امها
للحظة تذكرت علياء واشتقت لها .. سيف وعبدالله .. اح....
:it is my breke time
وبدون تفكير رحت للسطح .. رفعت راسي لسماء اخره مره يا سما جفتني وانا اشتكي لج همومي .. شخص حبيته وهو مب داري . حتى وداع ستاكثرها عليه
رجعت اتذكر البنت وتفاصيل ويهها احسني أعرفها بس ما اتذكر وين .. وبدايت اسبح في ماضي مجهول ما اعرف منه شي وذكريات ممسوحه بدلتها بظلام
ليت لي ابو وام احظنهم لا قست الدنيا علي
ليت لي اخو اشد الظهر لا حد تطاول علي
دنيا علمتنا نعطي بس ما ننتظر ناخذ شي منها
وهــذي هي وقت التغيــر
بخليك تندم على كل لحظــة
تندم اني اكــون لك
وبيدي العب بقلبك
انتهى يومي فمستشفى ورجعت البيت
فتحت البــاب اسمع صوت صــراخ
دخلت بسرعه
ســاره ( تصيح )
فاطمه :( تصيح ) دخيلك خلها دخيلك
سلطـان : ماسك علي من كندورته ويحاول يبعد بدور من ايده
علي ماسك شعر بدور وقاعد يظربها بدون حاسيه
مستحيل علي المحب الي يحبه كل البيت يظرب بدور انسانه مسالمه يمكن سوت شي
بس هذا ما يعني يظربها
جفت ويه بدور وكان كله دم
سلطان : قوم عنها قوم انت مينون بتذبحها
علي : خلني اذبحها خلني وارتاح منها
بدور : والله انت قاهم الموضوع غلط
جفت سلطان مسك علي ورحت اركض لبدور
: ســاره سائديني شلينها وخذنها للغرفه .. خلك معاها وسكرت الباب وخذت المفتاح معاااي
ركض علي للباب وبداء يركله بجنون ويصارخ وككلامه مش مفهوم وكانت حركته مش منتظمه فيه شي جفته بنظرات حقد
مسكه سلطان وبقوه طلعه من البيت وطاح على البــاب
فاطمه : حسبي الله عليك من ولد حسبي الله عليك
مسكت عمتي فاطمه : هدي عموه
فاطمه : بنتي وينها بنتي
فتحت الباب وجفت ساره تصيح وما تعرف شو تسوي
جفت بدور وكان كل شي فجسمها مجروح او متعوره
: عموه لزم نشلها المستشفى
فاطمه : لا لا مستشفى لا بلا فضايح
جفت سـاره : انزين ئندكم عده اسعاف اوليه
ســاره : هيه عدنا
ونزلت تركض ودقايق رجعت
جفت بدور كان على جبتها جرح كبير وويها كله جروح
اي انسان يسوي فاخته كل هذا اي انسان يعامل اهله جذيه
عقمت الجرح
بدور : اييييي
: استحملي حبيبتي
وخيطت لها الجرح ومسكت ايدها
: ايييييييييييييييييييييي
شكلها مسكروه
: لزم ناخذها المستشفى جوفي ايدها مسكوره لا يكون فيها شي ثاني مكسور
سلطان : يمه لزم نوديها
بدور : لا ما اريد اروح
دورت بين الادراج على شي اثبت ايدها عليها
لقيت مسطره حطيت المسطره ولفيتها
وظهرت من الغرفه لين الحين مب رايمه اتخيل كيف طاوعه قلبه يضرب اخته
خذت حبه مهدى : حبيبتي بدور لزم تاخذين هذي عشان ما تحسين بالم فجسمج
جفت فاطمه بعدها يالسه على الارض تجوف بنتها بنظرات كاسرنها الحزن
: ســاره شولي امك لغرفتها عشان ترتاح
ســاره : يلــه يما قومي غرام هنيه وانا بعد
فاطمه : اريد اطمن على بنتي
ســاره : يما قومي ارتاحي فغرفتج
جفت فاطمه وبدء التعب عليها حطيت لها كمادات
ويلست عدالها
كيف ترضين احد يسوي فيج جي ..؟
كيف ترضين يعاملج بمثل ها الطريقه ..؟؟
الناس تطورت وهذا لين الحين رجعي ..؟



~*¤ô§ô¤*~h~*¤ô§ô¤*~
رحت بســرعه للمخزن وبيدت ادور في الكراتين والادراج اريد القى الكتاب
انا متاكده كان هنيه .. فمكان هنيه .. لا يكون احد خذاه
مستحيل منو فالبيت غيري انا وعمتي وامي
يمكن عمتي خذته رحت للمكتب
شغلت الليت هذا مكان احسه مهجور الانسانه الوحيده الي تدخله عمتي
من سنين وانا ما دخلته
بديت اخطي خطوات خفيفه خايفه لا يطلع لي شي
يلست على كرسي المكتب وحسيت اني وصلت للنهايه وانا الحين فايزه
بديت ادور على كتاب بين الاوراق
فتحت كل الادراج وما لقيته
كان في درج مسكر
شدني الفضول اني اعرف شو فيه
حاولت افتحه .... افتح يله بسرعه بسرعه ... يا رب يفتح
اخيـــررررررررررررررررررا
كــان فيه صندوق بني
فتحت الصندوق وكان فيه دفتر مذكرات
شدني الفضول اني اعرف عن عمتي اشياء اكثر
لني ما اعرف عن ماضيها شي
عدلت المكتب وسكرت الدرج
وخبيته تحت ملابسي وبديت امشي مثل الحرامي
وحطيته تحت السرير
عمتي نوره : غياهيب غياهيب
: هلا عموووه
عمتي نوره : ابوج عند الباب يريدج
ابوي .. بيتنا غريبه .. هذي يا انه حس انه مقصر او انه جايب مصيبه من مصايب مريم
لبست شيلتي وطلعت برع جفت ابويه فسيــاره
: سلام عليكم
ابويه (عبدالله ) : وعليكم السلام
: اقرب
ابويه : قريب يا بنتي
: امر قالت عموتي انك بغيتني
ابويه : كنت عدال بيتكم وقلت اجوفج واكمن عليج اذا تبين شي محتاجه شي فلوس اي شي
: لا تسلم انت ما مقصر فشي ولا عمتي
ابويه : متاكده
: هيه نعم
ابويه : شو رايج تين ها الاسبوع تقعدين عندي
: ما اروم اخلي امي بروحها
ابويه : يوم واحد ما بيصير لها شي
: خلاص ان شــاء الله هذا الويك اند بكون عندكم
دخلت البيت وانا قلبي حاس ن مصيبه جايه لي ومن اختراع حيزبونه مريوم
تعشيت على سريع ودخلت غرفتي بحجه النوم
فتحت اوصل صفحه
وكــان مكتوب عليها
حيــاتي معها حــلم اصبح حقيقه
للحظة حسيت ان هذا الدفتر سيخبرني امور كثيره جهلتها عن امي وابي
امور قد تنكشف زتختفي الاســرار
رجعت اقراء المذكــره
( ها انا الان اعيش اول لحظات حياتي معها
الحلم سيتحقق
مللت من انتظارها طول تلك السنين
رويتها من بعيد
ملاحقه باص المدرسه
الهاب لمدرسه لعلني اره عيونها التي سحرتني
اابتسامتها التي ملكتني
اليوم هو اليوم التي سوف تصبح ملكي
زوجتـــي )
للحظة عرفت ان هذا مذكره ابوي
بديت اقراء عن لحظاته الحلوه مع امي فشهر العسل كل كلمه خطها فدفتره
كل حرف اثر فيني عرفت شكثر ابوي يحب امي
لكن ليش طلقها
ليش تزوج غيرها
ليش رماها
ليش اخذها للمستشفى الامراض العقليه وهذي الي ما اروم اسامحك فيه
جفت الساعه وكانت 2 صبح وباجر عليه دوام فمدرسه
سكرت الدفتر وانا ودي اكمل كل حرف وكل كلمه
اريد اعرف اكثر واكثر
رجعته لمكانه تحت السرير ونمت