لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > قسم الارشيف والمواضيع القديمة > الارشيف
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

الارشيف يحتوي على مواضيع قديمة او مواضيع مكررة او محتوى روابط غير عاملة لقدمها


جميع كلمات أغاني عبد الله السالم

السلام عليكم ... اليوم بمأني فاضيه حبيت أنقل لكم كلمات أغاني الفنان المبدع عبدالله السالم .. ولا أطيل الحديث ... سأتركم مع أروع الكلمات

 
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 17-11-10, 12:07 PM   1 links from elsewhere to this Post. Click to view. المشاركة رقم: 1
المعلومات
الكاتب:
اللقب:

البيانات
التسجيل: Oct 2010
العضوية: 199627
المشاركات: 11
الجنس أنثى
معدل التقييم: (لــــون بآآآهتـ..) عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
(لــــون بآآآهتـ..) غير متواجد حالياً
وسائل الإتصال:

المنتدى : الارشيف
افتراضي جميع كلمات أغاني عبد الله السالم

 

السلام عليكم ... اليوم بمأني فاضيه حبيت أنقل لكم كلمات أغاني الفنان المبدع عبدالله السالم ..



ولا أطيل الحديث ...
سأتركم

مع أروع الكلمات ...




((احزان ليلي))

أحزان ليلي تزاورني بعد بالنهار
وإن زاد ويلي أنا مالي بهذا خيار

ويش حيلتي ويش أسوي طفيت شموعي وضوي
وحبيبي داله سالي

ماهمه اللي جرالي غره كثير إحتمالي
قلبه من الشوق خالي وأنا فوأدي على نار

أبكي ويضحك على دمعي شوي ويقول إنت أعز ربعي
ليته بحالي يروفي


يلعب كذا بالمشاعر وكل يوم يقول باكر
وأنا للقياه ناطر أقفى ونامنه محتار

قاسي وقلبه من حجر ياناس قاهرني قهر
مابه خليل عطوفي


أعطيه روحي ومهجتي مثله زماني ذلتي
ليته يجيني بوحدتي ويشوف غربالي

يمكن يغير موقفه مني ويتراجع
ويعود خلي وتبتهج القلوب واعزاه




((انتهى المشوار))

إنتهى المشوار عجل بالرجوع *** قلبي المسكين مل الانتظار
ماهقيت اليوم ساعاته تلوع *** يا شقى ليله ويا طول النهار
والمولع دايم(ن) قلبه جزوع *** لا تزيده نار ما يحتاج نار
أزرع البسمه واشعله شموع *** يا عساه يخف ما يرجع يغار
سلوتي ذكراك تجددها الدموع *** لا ذكره القب عذبني وثار
عاذلي يازين للفرقا يجوع *** يتمنى لي على طول انحدار
عزتي للنفس يهددها الخضوع *** والخجل شاور احاسيسي وطار
أحتمي بالوقت واللحظه تفوع *** واستبد بالهم والوقت استدار




((ابحرت بعيونك))

أبحرت بعيونك ادور حياتــــي *** لعلي القى ما مضى ليمن أيـام
لا كن في بحرك ضاع مركب نجاتي *** صارت حقيقة حبنا حلم وأوهـام
ظلم(ن) جرحتيني وحطمتي ذاتـي *** وطعنتي إخلاصي من الشك بسهـام
طردتي من ليلي لذيذ المباتـي *** تسهر عيوني وحولي الناس نيام
من عقلي ضاعت حيلتي والثباتي *** مكنتي جرحك داخل القلب بحكام
جودي بحنانك قبل ساعت مماتـي *** مابي بحبك يلحق الوم لواااام
كلمت رضى بصوتك هناي وغناتـي *** همس السعاده دافي الحن رنـام



((اجل رحيلك))

أجل رحيلك بالسفر لا تعجـــــل *** قلب العنى توه بعد مهتنى بــك
إسمح لي في ليلة لقى قبل ترحل *** أعيش في ذكراه مدة غيابـــــك
أغشى مع الايام عني تبــــــدل *** ويجفي هبوب الهجر من دون بابك
احساسك بحبي لغيري تحــــــول *** مثل الربيع اشتاق وناطر سحابك
لايا عديل الروح تكفى تجمــــل *** لا تطول بفرقاك يسلم شبابــــك
لا تجعل ادموعي على الخد همــل *** تجرح خفوق(ن) بالمحبه شقى بـك



((ارحلي بسكات))

إرحلي بسكات وخلي دمعتــي *** مع حنيني كنتي أحلى الذكريــات
إنشراح البال وفرحت مهجتي *** ياعبير الورد ياعيون المهـــات
مقدر أخفي في وداعك عبرتي *** لهفتي تفضحني يازين الصفــــات
حتى لو جت نظرتك في نظرتي *** ينكشف امري بترديد الآهــــــات
ما بقى لي غير همي ولوعتي *** مقدر أنسى وحالي ما هي والنجات
هذا حظي يا حبيبي وقسمتـي *** الندم مايفيد من بعد الفـــوات


((اسئل عيون الليل))

أسئل عيون الليل وش حالي من حــال *** في غيبتك يابو الثمان المراهيــف
حال(ن) على كف الغرابيل من شــال *** تلعب به أمواجك بعيد(ن) عن السيف
ما قوى على فرقاك ياطيب الفـــال *** لا من ذكرتك صابني اهبال وتخريــف
عجزت اسلي خاطري عنك والبـــــال *** والنفس في نسياك ماهي على الكيـف
أمسح دموعي كل ماشفت عـــــــذال *** واثري أثر حبك على الحال قد شيـف
قالوا لي صبرك يافتى ليا متى طال *** قلت اتركوني لجله الموت تشريـــف



((البارحه))

البارحه في تالي الليل ونيـــت *** ونيت من هم(ن) تهيض بصــــــدري
سكبت دمعي من عيوني لا كن ازريت *** احجز دموع(ن) من عنى القلب تجري
ليلي طويل(ن) يا عرب ماتهنيــت *** هم(ن) يصدربي وهم (ن) يحــــدري
واصبح علي الصبح أنا نوح ممسيت *** أجاذب الونات وامشي واهـــــذري
من لوعت الحرمان ياناس قاسيــت *** أساهر أنجوم السما لين تســــري
وأصبحت أنا لاني بحي(ن) ولا ميــت *** أسباب منهو بيتلذذ بهجـــــــري


((العين ماتذرف الدمعات))


العين ماتذرف الدمعات معيوفـــه *** ماترخص الدمع لا بأول ولا تالـي
لو خفت الدمع عينه غصب(ن) يشوفونه *** والنار لو غاب نوره دخنت عالي
مابه رمد ماتهل الدمع مطروفـــه *** لا شك غصب(ن) تهله من عنى حالي
عزاه من عيني يالي دوم مليوفــه *** عافت لذيذ المنام وخاطري خالي



((الود ودي))


الـود ودي ماتفـارق دقيـقــه *** عن ناظري لا شك منتا بطـــوعي
قلبي الى من غبت صابته ضيقـه *** ومن كثر شوقي لك تنثر دموعـي
اغليك أدري انك تعرف الحقيقه *** لكن تظن انه هـداوة طبوعـــي
جفاك صعب ومهجتي ماتطيقــــه *** ارفق بحال(ن) له فؤادك قنوعي
داو الجروح انك تعرف الطريقه *** لاتصير مع مغليك قاسي قطوعــي




((اميل للعزله))

أميل للعزله وأبعد عن النــاس *** مابي عيون الناس تنظر لحالي
قلبي من الاحزان تايه ومنحــاس *** وعيني تهل الدمع ياعزتالــي
ما عدت أواطن عقب فرقاه جــلاس *** من حزني يالي ماعطاني مجالي
جو السعاده لي تبدل بالاتعــاس *** من يوم عني أبعدتك الليالـي
أصيح بسمك كل ماهب نسنـــــاس *** لجت بريحك لي هبوب الشمالـي
و أذرف دموع الوجد وأقول لاباس *** ومن القهر تصفق يميني شمالي
عزت علي فرقاك ياعدم الاجنــاس *** ماني عقب فرقاك تايه وسالـي
حبك بقلبي ماله أحدود واقيـاس *** حبك حياتي وشوفتك راس مالـي



((او اه من هم الدهر))

أوآه من هم الدهر ياجماعــه *** أنوح مالي بالنجى والجنوحـــي
الي يهواه القلب سن القطاعـه *** وش الحياة ليا غاب مظنون روحي
والحب ماتنفع معاه الشجاعـه *** بصبر لعلك يالغظي يوم توفـــي
يازين حبي لك يزيد إندفاعـه *** إنظر من أسبابك كثيره جروحــي
نار الجفى تشعل بقلبي ولاعـه *** حملتها ما فاد كل النصوحــــي
ودي يغيب الحزن لو ربع ساعه *** عني ويغمض جفني نومه شحوحـــي


((الليل شاب))

الليل شاب وبين الصبح نـــوره *** وأنا عيوني ساهره عافت النــوم
أبكي وليف(ن) شط عنه بـــدوره *** غاب وتركني بين لوعات وهمـــوم
سهر عيوني وراح يبني ســـروره *** يضحك لا شافن حزين(ن) ومضيـــوم
خلي تكبر والسبايب غـــــروره *** أنا أشهد إنه ميت الحس معــدوم
باهي عنيد الراي في بعض أموره *** وبحاجبه موت المحبين مرســــوم
حطم فؤادي مادرى عن شعــــوره *** وضح العزى عنده مراسيم وهــدوم
لا جيت أحدد موعد(ن) لجل أزوره *** ثار وزعل والعذر به غير مـلزوم
غلطان يالي صرت خلي تــــزوره *** غلطان لا تحكم بشي(ن) جرى اليوم
الحب بالتقدير تنمى زهــــوره *** يرضى ولا يسمع به العذل واللـوم




((انكشف غدرك))

إنكشف غدرك في قلبي وإنتهت *** كل ذكرى ماضيه لك في حياتي
الصراحه بالهوى منك اختفت *** والجفى و الصد من حبك غناتي
نار حبك وسط قلبي انطفت *** لاتظن إنه تشتعل لين المماتي
صورت(ن) لك في خيالي إنمحت *** مخلصن بالحب غيرك هو شفاتي
لو شقت نفسي بحبك وارتضت *** في هواك الذل حبك هو سلاتي



((اكمل معي ياشوق))

اكمل معي ياشوق دربا بديناه"="اصبر على جرحا(ن) تعذر مداويه
ياما بقلبي من جروحا(ن) مخفاه"="لكن على شانك تحملت مأبيه
الصد لا تكفين يابنت مقواه"="من لي ملاذ(ن) عن همومي اناديه
عقب الغلأ بان الجفا في حلاياه"="نوى على قلبا(ن) تباعدت انويه
يالوعتي ياكيف ياخوك انا انساه"="كانه صدق في نظرته في تخليه
اشكي لبو سامي عذابي لفرقاه"="تكفى صلاه يمكن يبين خوافيه
مجبور اشكي واشتكي من عشقناه"="اشكي لبو سامي عذابا(ن)أعانيه



((امودعا ياحبنا الغالي))

امودعـا ياحبنـا الغالـي باالخيـر&&&عنك الزمن اخفى شعـاع الحقيقـه
ضاعت على دربك ضروف التياسير&&&والخطوه في ممشاك تاهت طريقـه
والله ماجى مني ومنهـا تقصيـر&&&بقلوبنـا جـذور المحبـه عميقـه
ماكننا نعرف للشقـا اي تفسيـر&&&ارواحنا في بحر السعـاده غريقـه
واليوم حال الامس اصبـح بتغييـر&&&صار العنى عقب المسـره رفيقـه
عمايلك تعطف ونرجـي المقاديـر&&&تسمح لنا باالوصل لو بـس دقيقـه



((اجرحي القلب الشقي))

إجرحي القلب الشقي يامنيتي *** كل إحساسي بالامي انعدم
صرت متعود أشوف بدمعتي *** كل حزن(ن) فوق خدي يرتسم
صرت مدري وش معاني فرحتي *** صارت الدنيا بلا لون وطعم
كل ما حاول أوضح شكوتي *** التقي دمعي على خدي انهدم
صارت الدمعه تسابق كلمتي *** في دروب الحزن توقف بالقدم
كنت اظن إني اقدر انسى لوعتي *** لا كن اظنوني وآمالي وهم



((الزمن غدار))

ياسعاده عشتها بعد النكد == بس خايف لايجي يوم وتزول
ماسعاده دامت لغيري ابد == الزمن غدار عاداته خذول
خايف العذال ومن اهل الحسد == ومن وشا مابيننا بقال او يقول
وش حياتي بعدها و وش لي بعد == كل شي بعدها ماله قبول
الهنا شفته ولاشافه احد == بين شمسه وبيننا ماحد يحول
له حياتي وما طلبت مني بعد == ومن فداها العمر قاصر او يطول


((انتي اغلى من عيوني))

انتي اغلى من عيوني كم من اجلك بهذلوني"="لا اجيك و لاتجوني لا مساء لا صباح
كل ماشافوك جيتي عذبوني مادريتي"="وش حكيت وش حكيتي وش لهم ضامر صلاح
كم رموني بالسجون من اجل شك وظنون"="كل ماقدر يكون لاتطرين الصياح
المحبه والغرام عندهم شي حرام"="والنميمه ياسلام عندهم شي مباح



((اضحك واخفي))

اضحك واخفي حزن الايام عندي &&& وأكتم هموم القلب واصبر على النار
اركض وازيد خطاي و آقف وأعدي&&& وألقى رجولي ما مشت بضعة امتار
بيني وبين الحزن قصة مودي&&& مانفترق دام القمر للوطى جار
رضيت بهموم الزمن والتحدي&&&في غربتي الايام لي فيها تذكار
نفسي عزيزه ماتبيح بسدي&&&لو زادت همومه امينه بالاسرار



((الرحيل اثر على قلبي))

الرحيل اثر على قلبي الشقى&&&صرت اعاني وحشة الليل الرهيب
يابقايا الامس انا لي وش بقى&&&ماتت الامال مالي به نصيب
تشتعل ورقى على همس اللقا&&&لانظمت ابيات شعري للحبيب
حبي العذري على وضح النقا&&& ما ابالي له على طول السهيب
حسبي الله فرقو بين ارفقى&&&صار كلن يشتكي جرحه عطيب
عالم العشاق للعاشق شقى&&&اسئل مجرب ولاتسئل طبيب
في فراقه يوم قلبي ماهقى&&&ليلي اصبح ابدياريك الغريب
في سما الاحلام مضنوني رقى&&& جعلي ما اسرح به ويفضحني النحيب


يتبــــــــــع......

 
 

 

عرض البوم صور (لــــون بآآآهتـ..)  

قديم 17-11-10, 12:13 PM   المشاركة رقم: 2
المعلومات
الكاتب:
اللقب:

البيانات
التسجيل: Oct 2010
العضوية: 199627
المشاركات: 11
الجنس أنثى
معدل التقييم: (لــــون بآآآهتـ..) عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
(لــــون بآآآهتـ..) غير متواجد حالياً
وسائل الإتصال:

كاتب الموضوع : (لــــون بآآآهتـ..) المنتدى : الارشيف
افتراضي

 

((تعالي زادك الشوق))


تعالي زاد لك شوقي تعالـــي *** ارحلي بي عن عذابي والهمـوم
طال صبري وانتهى كل احتمالي *** وا عذابي كان زاد البعد يوم
زاد وجدي وابتعادك سم حالـي *** عزتالي صرت أنا منك محــروم
أفتقدتك وإنت وحدك راس مالي *** السعاده ما نوت جنبي تــدوم
ابعدتني عنك أنا سو الليالي *** دوك عيني من فراقك ماتنــوم
الشقى والويل وا غيره بقالي *** يوم عطفك ارتحل صار معــدوم
كان يجري لكل عاشق ماجرى لي *** ما على من يشكي اللوعات لوم


((تلاعب بالغلا))


تلاعب بالغلا باسلوب باهــر *** غرورك يجذبك لعيون غيــــري
تنام الليل والمجروح ساهر *** يناجي الليل بالدمع الغزيري
ثلاث إسنين وأعمتك المظاهر *** نسيت الود واخلفت المسيــري
عشقتك للأسف بإحساس طاهــر *** أحسب إنك بهالدنيا عشيـــري
جزى الإخلاص بالهجران شاهـر *** سيوف الغدر يالترف الصغيـري
اشيل الجرح وأضحك واتظاهر *** سعيد الحال والخافي خطيــري



((تلاقيت انا وياه))


تلاقيت أنا وياه صدفه بلا ميعاد *** في ساعة(ن) جتني المقادير بالغالي
ليلة فرح من غير عذل ولا حساد *** ليله بها نور القمر فوقنا عالي
جاني نظر عيني وراحت همومي غاد *** و ابرى جروح(ن) والشقى إنزالي
ألا يا عيوني طاب لجفونك المرقاد *** واخظر غصن القلب من عقب المحالي
غلاكم بروحي كل ما بعدت به يزداد *** دخيلك هوى بالي على بيبكم طالي
من قبل أشوف الزين عايش بلا ميلاد *** أمشي مع العالم بلا احساسا في بالي


((تعالي ياغريبه))

تعالي ياغريبه
انا مثلك غريب

اباخذك حبيبه
وخذيـني حبيــب

وشوفيني امــل
وانا اشوفك سنا

وحسيني امـــل
وانا احسك انـا

باخر حروف العذاب يابنت انا قلبي
واول حروف السراب يابنت انا قلبي

في ليلك الظافي..في حبك الدافي..اموت اناواحيا
.........فيه سري الخافي يموت او يحيا........

لو نحب ماهي غريبه الزمن مابه غريب
انا باخذك حبيبه وانتي اخذيني حبيـب

حنا جمعناالعذاب واليوم يفرقنا القدر
تعالي نجتمع احباب من قبل دنيانا تمر

...مكتوب علينا..تبكي علينا...
وتقول هذي غريبه..وتقول هذا غريب
ولاهي صارت حبيبه..ولاهو صار الحبيب

(((جاملني)))

جاملني لو مره بلحظة زيـــــاره *** أبي اودع عقبك الروح وارتـــــــاح
لحظة هنا صبري قضا بانتظــــاره *** لو عشتها ما ابكي على العمر لو راح
بلياك هالدنيا حياته خســـــاره *** لصارت ايام(ن) بها السد ينبـــــاح
دونك وجود(ن) هز كامل عمــــاره *** واصبح سفينت حبي من غير مـــــــلاح
حظي بدربك مال وضيع مســــــاره *** وبغير دربك ماتبي النفس مـــــرواح
ما احد(ن) بهالدنيا شقا بختياره *** تمشي المراكب كيف ما تهب الأريـــاح



((جفت دموع العين))

جفت دموع العين من كثر مبكيـــك *** والنوم عيني من فراقك جفاهـــا
قاسي ظروفي ابعدتني وانا ابيــك *** ارجي عسى الفرقى تطير بمداهــا
ياصاحبي لا تختلف هقوتي فيـــــك *** لا لا يغير بعدنا في صفاهــــــا
ياكود فرقا صاحب(ن) لك مصافيــك *** من جربه ياناس يشكي عناهـــــا
كانك سعيد(ن) ياعشيري اهنيــــك *** جعل الليالي لك تجود بهناهـــا
تستاهل التقدير بالروح أنا فديك *** تفداك روحي يا غلاي ومناهـــــا
يا قلبي سعدني وحقق امانيـــــك *** واتحمل القسوه تقطف جناهـــــا
واسعد مع الي عن همومك يسليـــك *** وإنسى الهموم وما مضى من شقاها



((جيت البحر))

جيت البحر والقيت همي للمــواج *** حيث إن قلبي يصطفق مثل موجــه
جرح الزمن والحب مافيه له إعلاج *** وين الحبيب الي تسليني أهروجه
في سكة العشاق أسايرك محتـــاج *** وقف بدربي دنيتي منك عوجــــه
يا صاحبي مثلك مع الخلق ما داج *** عليك انادم من تحانت ابروجــه
كل ما تلقينا تحرجني إحــــراج *** احرجتني والقلب يصبح احروجــه
الحزن يالغالي يداهمني أفــواج *** بعدك فضات الكون ضلقت أفجوجـه
الحب يكبر والشقى شيد ابـــراج *** لجى رسول الشوق ناطر اهروجــه





((حســــــايـــف))

حسايف صار هرجي لك نظر *** حسايف يا حسايف يا حسايف
غدر بي قلبي الطيب غدر *** تولع في عيونك يا حسايف
تغير يوم شفتك ما انتظر *** تغير ليه صار القلب خايف
لجى لك باعدك كل البشر *** فرح بك يا بعد كل الولايف
تولع صار شوقه لك بحر *** همس لك و أنظر رد الشفايف
تعذب كن وقفاته شهر *** تجرح وش منع زين الوصايف
.قريبك وأرعد بقلبي رعد *** قريبك يا حسايف يا حسايف



((حيرتني بالصمت))

حيرتنـي بـا الصمـت ياصوتـي غالـي
مادري متا تعزف على اوتار سمعـي
مـدري متـى يهـدى عليـك انشغالـي
تـرتـاح نـفـس حـاربــت كـــل ربـعــي
لاظـلـم سـمـا يالـيـل رافــق بحـالـي
في مركب الذكرى واصر بحر دمعـي
انـجـا النـهـار اســرح بـدنـيـا خـيـالـي
وقـف تـرا ذا الوهـم ضمـيـان زرعــي
لاتحسبـنـي ياهـنـا الـــروح سـالــي
ليتك تشوف بعينـك اشلـون وضعـي
فـــي بـعــدك الايـــام نـــد الـلـيـالـي
الحزن من عقـب الفـرح صـار دمعـي
حيرتـنـي باالصـمـت يـاصـوت غـالـي
مدري متى تعزف على اوتار سمعي



((حل الفراق))

حل الفراق وقرب البعد يازين
حل الوداع وسامحي ياحياتي
ياعين هلي دمعة اليوم ياعين
وابكي دموع الحزن ياعين هاتي
الشوق يحرقني ولانتو بدارين
هاتولي القرطاس ابكتب وصاتي
بأكتب وصاتةٍ كامله لاريش العين
من قبل مانزعل اروي حياتي
مابي اموت وباقي له علي دين
ابيه يذكرني ولو في مماتي
وأقول للعذال حنا شريـــــفين
حرام مالمست شفاته شفاتى



((حيره وهاجوس))

حيره وهاجوس ولوعات وهموم &&&& تناولت عقلي وروحي وبـــــــــالي

من عقب صبري اتضح سر مكتوم &&& باح العزى من عقب شي(ن) جرالي

رددت اسمه حين غطيت بالنوم &&&& ورحل ونيني مــــــع هبوب الشمالي

سمعوه من زادوني للعذل واللوم &&& واصبحت في هــــمي وحيد(ن) الحالي

واليوم من شاهد هوى البال محروم &&& تسببوا لي بــــه وتهنوا بــــه بدالي


((خلاص من حبك))

خلاص من حبك ترى خاطري طاب *** هدمت يالمغرور حبك من الساس
حبك تغير قلنا ويش الاسباب *** والإ سمعت الي حكو فيه الانجاس
تلعب على الحبلين ماتحسب احساب *** والي من اجلك بين هم(ن) وهوجاس
تضحك يابو وجهين وأثريك كذاب *** خليت منهو من سبايبك محتاس
خساره أيام(ن) حسبتك للاقراب *** من شان حبك عفت أنا اقرب الناس
أيا عديم الذوق أنكرت الاحباب *** خدعت من قلبه رقيق(ن) وحساس
كنت احسبك وافي وأثريك نصاب *** خاين عهد غدار معدوم الاحساس



((خلها بالقلب))

خلها بالقلب تحرق ما بقى *** عادتي مشكي على غيري عناي
كل واحد من عنا الدنيا لقى *** مشغله والحب هو سبت بلاي
يوم راح الي معا قلبي يهقى *** أدفن احزاني وفي قربه هناي
أكمل المشوار انا ويا الشقى *** وانتحب في صمت والذكر عزاي
يكفي إن الحب في قلبه رقى *** مثل ما حبه تمكن في حشاي
لو زماني بالهنا عاد وسقى *** قلبي العطشان مايروي ضماي
لو عطاني من نعيمه مابقى *** ما تساوي ضحكة الغالي معاي



((خاطري طاب))


خاطري طاب من ذاك الفريج *** صد قلبي وأنا تابع هواه
كل يوم وأنا أدق الطريـــــق *** ولا أحد قال لي واعزتاه
خبروني راعي الثوب الرقيق *** لايجيني ولاعيني تراه
أحمد ألله تهئ لي صديــــــق *** لويجيني مطلع من جزاه
يوم أنا بالهواء جرحي عميق *** قايد الريم يبخل في دواه
لامشى هايم الخصر الرقيق *** له ردوف تتله من وراه



((دورة الايام))

دورة الأيام جتني بانكد *** والسما الصافي تلبد بالغيوم
شالت الغالي ولا عندي احد *** غربتي سكانها كثر الهموم
سافرت بي من بساتين السعد *** رحلتي حتى نسايمها سموم
لين حل الليل في صدري قعد *** هاجسي لا حل بي ماقوى اقوم
وأشرقت شمس الضحى صاب(ن) رمد *** ناظري عقب القظي ماله لزوم
كل ماذكر بسمته مابي جلد *** افضح المكتوم و أشق الهدوم
وعسى الله ما يفرقنا ابد *** والمحبه بيننا جعله تدوم



((دعاني الحظ))


دعاني الحظ في غفله دعاني *** يقول ارتاح في حظني ثواني
واسطر لك مع الاشواق كلمه *** على ما نشتهي بأحلى المعاني
وغاب الوعي والتفكير عني *** غريبه وش بلاه اقبل زماني
وأنا الي طاح حظي ما خدمني *** طوال الليل بالهوجاس اعاني
أغرد للشقى بدموع عيني *** واسولف لثريا عن حناني
واطالع من سلب عقلي وروحي *** تركني وابتعد واختار ثاني
أنا الي كل ما عندي عطيته *** وإدارت ظهره ماقصر عطاني
وأنا الي مخلص(ن) بالحب وافي *** جزى الإخلاص محبوبي نساني
قضبت الحب في دمي وروحي *** وعزفت احلى نغم للمودماني
لقيت الي معاه ابني حياتي *** بعزت نفسي سمته واشتراني
وسطرنا سوا كلمة محبه *** على ما نشتهي جتنا أماني



((لحن التياعي))

داعي وله يعزف على البال ذكراك
يعزف بصوت الليل لحن اللتياعي

يترك بنفسي لك أثر جرح طرياك
ياعز من ردد حروف الوداعي

قدمت صافي الود على كف يمناك
وأهديت كل الحب دون أمتناعي

يوم الزمن وافي

وفيتي كلامك

شمس أكتست دنياك زاد بالشعاعي

كم ضاحكتني دنيتك بضحكت إشفاق
وبحر السعاده هايمن به شراعي

تاهت مراكبنا

على جال ميناك

ومرساك دونه مركبي له ضياعي

فرقى الحياة أرضى ولا يوم فرقاك
مير يحمل العيش بحياة الضياعي

وداعي وله يعزف على البال ذكراك
يعزف بصوت الليل لحن اللتياعي



((داعبي زهر الربيع))


داعبي زهر الربيع بلمسة الكف
وعطري بعطر العوى نسمة لقانا
قبل ينبوع الهنا بالهجر ينشف
وتذبل ورود الهنا بجنة هوانا
لي متى حسب الظروف حنا نتصرف
لي متى صوت العتب يجرح رجانا
ليه حنانك يامنى نفسي تلطف
وبدلي غيوم الزعل تضوي سمانا
نظرت(ن)فيهاالرضى للعين تلطف
وان حصل معها ابتسامه ياهنانا
شوفتك غنوة فرح بالقلب تعزف
تطرب الاشواق وتعلل لقانا
غيبتك دمعة حزن بالويل تذرف
تطفي شعاع الامل في ملتقانا

((رحيق الورد))

الا منه زعل اشقى *** ابات الليل سهرانى
رحيق الورد لو قالوا *** جميع الناس يازينه
يطيح من الخجل لا صافحه *** مدعوج الاعيانى
يناظرنى وانا ظرله *** وعينى تنظر لعينه
مشاعرنا تلاقت ياعلي *** بالعالم الثانى
على شانه ابيع العمر *** ماشور عن سنينه
لان العمر هو لحظة *** فيها صاحبي جانى

((ساعة الليل))

ساعة الليل من غير اللقا بك دهر *** ما تحمل ثوانيها طوال(ن) عـــــراض
الهواجيس تلعبي واعيش بقهـــــر *** واتصبر الان الحب ما يستعــــــــاض
لك محل(ن) في قلبي مع سنيني كبر *** لا تذكر لك دمعي تحدر وفـــــــــاض
ياغزال(ن) إنبها بالحلى وأشتهـر *** أشعل الضي نوره مع شديد البيــــاض
يوم حزنك لعيني ياحياتي بهــــر *** داعي الحب برقه داخل القلب هــــاض
والخدود الرقيقه لين ورده ظهــر *** تحسب إنه بها الروض من أبها الرياض
صرت مركب بلا مجداف وسط البحـــر *** يلعب الموج به عقب الفلا والفيـــاض
مقدر اوصل لشاطي وصلنا يا قمــر *** آه عزي لقلب(ن) لاذكرك استاهـــــاض
الله الي كتب لي في سطور القـدر *** وما كتبه الولي مالي عليه إعتــراض
حالتي منك يبراها كثير السهـــر *** وآ هني الذي مع وادي الحب فـــــاض



((سافري خلي حبيبك))

سافري خلي حبيبك ينجرح *** دوري حظك ترى حظي عثر
بددي حزنك بتجديد الحبيب *** وإنسي الي بي من الدنيا قهر
خوذي أوراقك وباقي عبرتك *** وإسحبي يمناك عن كف القدر
انهي العشرة ولو قلبك وفي *** واتركيني انتحب وابكي دهر
ما أحتمل شوفت عيوني تطلبك *** ودها تلقالي موسمها مطر
سافري يمكن ليا طال السفر *** ينتهي حزنك وحزني لو كبر



((سامحيني))

سامحيني و الزعل ماله لزوم *** امسحي الدمعه عن الخد الحزين
سامحيني يا قمر بين النجوم *** واعصميني وارحميني من الونين
في وسط قلبي لكم حب(ن) يدوم *** بس إنتي عن غر*** خبرين
راحت ايام الحزن ويا الهموم *** يوم شفتك يالحبيبه تناظرين
شوفي قلبي من سببكم يالظلوم *** دايم(ن) مجروح وإنتي تجرحين
المحبه طبعها طبع(ن) رحوم *** بس قلبك قاسين عيى يلين



((سافر حبيب الروح))

سافر حبيب الروح لاوى عن العين ×× جاني يودعني بنفس(ن) حزينه
جاني يقول الزين منا بمبطـــــــــــيه ×× والدمع حسيته يغورق بعينــــــــــــه
ياشين بعد جدار مابين الاثنـــــــــين ×× صارت حياتي عقب فرقاه مشينـــــه
ياالله ياللي تعلم الزين والشـــــــــين ×× لا تجعل الايام بيني وبينــــــــــــــه


((شمس حبك))

شمس حبك عن سماي أنحت وغابت
وشبلاها عجلت قبل المغيب

تونا حنا الضحى من ويش هابت
ماخبر شمس الضحى أنه تغيب

وعسى ماواشين كذبته ذابت
في سرابه ونطوى معنى الحبيب

كان هذا الصح نفسي منك طابت
لاتجيني ماكتب لازم يصيب

كم من الخلان روس الناس شابت
ونت شيبتن قبل وقت المشيب

أنسني وأنساك عين الحسد صابت
كل جرح لامضى وقته يطيب



يتبع ....

 
 

 

عرض البوم صور (لــــون بآآآهتـ..)  
قديم 17-11-10, 12:18 PM   المشاركة رقم: 3
المعلومات
الكاتب:
اللقب:

البيانات
التسجيل: Oct 2010
العضوية: 199627
المشاركات: 11
الجنس أنثى
معدل التقييم: (لــــون بآآآهتـ..) عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
(لــــون بآآآهتـ..) غير متواجد حالياً
وسائل الإتصال:

كاتب الموضوع : (لــــون بآآآهتـ..) المنتدى : الارشيف
افتراضي

 

((صدفتك وذرفت عبرات عيني))

صدفتك وذرفت عبرات عيني&&&وردت بالحشا تنزف جروحي
طرى لي مامضى بينك وبيني&&& يوم انك لي تزيد دوم جروحي
يوم انت بالوصل تسعد سنيني&&& وتملى في شعاع الوقت روحي
قبل تسمع بقول العاذليني&&& وانا لي فيك لابسمع ولا اوحي
تمثل دربك اخلاص وحنيني&&& وعن دربي تعمدت النزوحي
وانا برجو حنانك ياضنيني&&& لقلبن في هوى غيرك شحوحي
بشوقه تنتظر وصلك تجيني&&& وعن ماشاف من ظلمك سموحي
صدفتك وذرفت عبرات عيني&&& وردت بالحشا تنزف جروحي



((صممت اسافر))


صممت أسافر بس ما هو برضايه *** نويت أنا المرواح وخليت الأحباب
غصب(ن) علي ماني بدور عنايه *** ودعت أنا الأحباب والدمع سكاب
فرقاك يالغالي تكدر سمايه *** وقربك ينسيني القرايب والأصحاب
بعدك صعيب(ن) يا منايه وشقايه *** وشلون ابصبر عنك والقب منصاب
عسى الغلا وياك ماله نهايه *** من حب غيري يالغظي صافي مقطاب
ليت القدر يا زين يسمع ندايه *** يوم الملا يعيوني مغليك ما طاب


((صدقيــني))

صدقيني لو تبين الشمس اجيبها&&&ارتمي بالنار وردتي نعيم
صدقيني انتي اغلى يالحبيبه&&& من سواد العين والمولا عليم
الدقيقه قبل اعرفك ماهتني به&&& والحزن يابنت بفؤادي مهيم
حظي يالي ماصدقت مره تصيبه&&&الصراحه اليوم وبقى لي سليم
الهوى والعشق دبلاته عجيبه&&&انحر العشاق تعذيبه مشيم
اسعديني ياهنى القلب وطبيبه&&&اتركيني في سما حبك اهيم
قمة الاحساس لاصرتي قريبه&&&لازعل لاخوف والنشوى نديم


((صديت عني))

صديت عني وابتليت انا بفرقاك^*^غصبن عليا اليوم قلبي جرحته
صديت عني واعسى الله يجزاك^*^مدري علامك ليه حبي ظلمته
اغويتني بالحب ماعرف خفاياك^*^ووهمتني بحلو الكلام وسمعته
خليت قلبي يتبعك ثم يهواك^*^وحققت منه رغبتك ثم تركته
أدميت قلبي وانقطع كل رجواك^*^وجرحت حبي ماكتفيت وطعنته
دمي نزف وانت ألتقيته بيمناك^*^وشربت من كف الغدر وارتشفته
ظيعت عمري ضيع الله دنياك^&^وهديت قصرن من خيالي نسجته


((صادفتني ليلة الجمعه))

صادفتني ليله الجمعه هنوف ... جابها حظي وانـا مـدري بهـا
شفتها في عرس مع ناس وقوف... صوبتني وانا ماقدرت أصيبها
حيرتني واقفن بين الصفوف ... حارت الرجلين مانمشـي بهـا
ليتها تدري وفي حالي تروف... ليت حظـي بالصـدف يجيبهـا
كامله والكامـل الله بالوصـوف ... ياسعـد ياليتنـي حبيبهـا



((عند الوداع))

عند الوداع اقفيت عني ولاجيت
تركتني تايه ولاهي بدينــا
لك منزلآفي داخل القلب حطيت
ماقبلكم أبدآ بالمحبه حظينــــا
نويت اصارحكم ولكن تماديت
ابغى الصرحه منك تظهر علينا
يشهد ضميري كم من أجلك تعنيت
فراقك يالمجمول صعبه علينـــا



((عفت الحياه))


عفت الحياة ومنوتي ليتنـي ميـت
خلاص يكفي مامضى من غرابيـل
ماعاد اطيق العيش بالسوق والبيت
لابالنهار ادلـه ولاارتـاح بالليـل
بالعيد والافراح مالي انـا صيـت
وابكي باوقات الطـرب والتعاليـل
من كل شيء اقول يانـاس مليـت
واكثر من اللي شلت عجزان لاشيل
فوق الشرف رايات الاحزان رزيت
واطفيت مافي دارنـا مـن قناديـل
رفعـت يدّينـي لربـي ونـاديـت
يالله بعد المـوت ماشـوف تنكيـل



((عزاه ياقلبي))

عزاه ياقلـبي من البعــد عزاه *** عزاه طول اللـيل ابـكي وليفي
ابكي وأنا اللي جرحتني خـطاياه *** والدمع دايم من عيوني ذريفي
أنا أشهد أني دايم الفكر مانساه *** هو ربـيع الـعمر وهو خـريفي
يانـور عـيني ياحـياتي ومعـناه *** يابـارقا بالوسـم يوحي بـحنيني
عـيني جفاه النوم ياكـود فرقاه *** وأنا الذي لاجله بشوف كـفيفي



((عطني عهد))

عطني عهد وانا امتثلك وصافيك *** والا ترى مابيننا ماله اساس
اخشى اتورط بالمحبه وحاكيك *** وتصيرلي قصه تسولف بها الناس
خل الوفا ياخذ مكانه وانا جيك *** ولا على العشره نترحم ولا باس
اببتعد عن دربكم ليه اعنيك *** وافتح مجال السو لاجلك والانجاس
مع السلامه جعل ربي يهنيك *** عسى الولي يسعدك ياصعب الاحساس




((على طبيب الهوى))


على طبيب يا ناس دلوني *** تجملوا جمل الله حالكم فيه
تجملوا يا هل المعروف شيلوني *** إن كان مايقدر من المشي رجليه
بس أوصلوني هوى بالي وخلوني *** أموت عنده ولا برض(ن) خلاويه
يا عارفين الموده لا تلوموني *** البال مشغول و عيوني شقاويه
مهما تقولون وش ما تقولوني *** أحبه و النفس مأموره ومنهيه
إن قلت ودام أنا قد باح مكنوني *** أنا أشهد إن هذي بلوه سماويه



((عن عيوني ناعس))

عن عيوني ناعس الطرف اختفى *** وابتدى عمري مشاوير الضياع
كل نور(ن) من بعد نوره طفى *** لا اشرقت شمس(ن) ولا بين شعاع
ماقصد في غيبته خلي جفى *** لا كن الأقدار سلطانه مطاع
يوم حظي خانني بحب وخفى *** المواصل بيننا صار أنقطاع
حبنا رمز التسامح والوفى *** كل شي(ن) بيننا تم بإقتناع



((عنك انا ابعدت))

عنك أنا أبعدت ماهي رغيت(ن) في جفاك *** لا كن أغشى عليكم من كلام العذول
مابي الناس في عين الملا ما تراك *** مابي الناس شي(ن) يحكي عنك ويقول
حتى لو غاب جسمي عنك قلبي معاك *** يا عيوني خيالك دايم(ن) مايزول
يا هنا الروح روحي في المحبه فداك *** بيننا غير فرقاها أبد مايحول
لا تظن إن قلبي في رحيلي نساك *** غيرك من البشر ماله بقلبي نزول
يالذي في طبعه رقه وحسنه ملاك *** عن طريق الوفى بالحب ماله يحول



((عين المها))

عين المها كف النظر لي بتحذير *** مقدر احوش العين دونك نظرها
الله بلاني بحب سودن محاوير *** سلمت له قلبي و أنا أعرف خطرها
أحسب شعوري نظرة إعجاب وتقدير *** اثري عيونك بي تمكن سحرها
يوم(ن) نبذة فسر لي كثر التفاكير *** ويا دموع(ن) طرفي لجلك نثرها
هلكتني بالحب يالله عسى خير *** هذا نصيب النفس وهذا قدرها
ارجوك لا تجعل حياتي مخاطير *** مادام سلطان الهوى لك أسرها
من طلعتك سود اليالي مسافير *** لا بان به نورك تخفى قمرها
يا فاتن الأوصاف سمح التعابير *** جنبني عن جور اليالي وكدرها



((عقب ماكنتي))

عقب ماكنتي امل صرتي سراب"="كل ما اقرب منك فجئه تبعدين
ماقوى النسيان ينسيني عذاب"="نظرتك في شوق وانتي ترحلين
انتهاء فيك الامل عندي وذاب"="مثل ما الدنيا تذوبها السنين
شاب طرفي والحزن دايم شباب"="الفرح والسعد في حزني دفين
كيف اواجه دانيتي وابدي العذاب"="دام انا بالحزن لدنيا مقين


((عطني من ليلك))

عطني من ليلك دموعك والسهر""وادفن همومك فـي قلبـن ماسـلاك
خذ دموعي في سما صيفك مطر""فوق رمشي يعبر بخطـوت رضـاك
اشق عمري لااعترض صفوك كدر""خل عمرك ينتظرساعـة صفـاك
لوبكف السعد صافحني القدر""صرت نشوة صبحك وسلوة مسـاك
عن ضروف الوقت لاتبدي عذر""وانت بين الناس في صورت ملاك
نظرتك لو شافت الشمس القهر""اختفت في غيم حزنك عـن سـواك




((فراقك حان))

فراقك حان ومالي غير دمعي *** أسلي خاطري به و اتصبر
الا ياليت تجي وتشوف وضعي *** على ماصابني الله واكبر
جميع الخلق مايقوون منعي *** بعد فرقاك ماضنيت أنا اصبر
الا ياليت للحب حكم شرعي *** عشان إني في دعواي مجبر
على بعدك ولا غيرت طبعي *** اضيق ليا ذكرتك وا تعبر




((فزيت يوم))

فزيت يو م إطريت عندي وصديـت *** عن عبرتي خايف يشوفون ماهـــا
هيظت قلب(ن) في بروجه تعاليت *** رميت روحي يا بعد من رماهـــا
كانك تغلى عن حبيبك وليا جيت *** تكويه في نظرة عيونك لظاهـــا
خاب الرجى في عشقتي آه ياليت *** تقوى على نفس(ن) وصالط امناها
خذيت بعيونك غرامي وقفيــــت *** وقفت وراك الروح تتبع هواهــا
أبتحمل وخفي شقى ليه طريـــت *** وبدي بحالي ياحسايف غلاهـــــا
أبحتمل جرح(ن) فرقاك يالـيـت *** أباتعزم ورتجيك بعزاهـــــــا



((في وحدتي))

في وحدتي حسيت في صفوت البال ***وابديت اعبر عن هموم(ن) خفيه
يومي فقدت الي لهم اشكي الحال *** وليا ضاقت الدنيا يروفون فيه
صبرت لا كن شف أنا الصبر ذي طال *** ولا لقيت الي يشفق عليه
سكبت دمع(ن) فوق الأوجان سيال *** لعلي دمعي يجلب السعد ليه
لا كن خساره ما بغى القلب ما نال *** خلي يوردني لحوض المنيه
احسبه يهواني واثريه محتال *** و أنا الذي مغليه عن حسن نيه
قلبي طري لا هاب فيه الهوى مال *** واحسب قلوب الناس كلها طريه
لا وآ حسافه يوم كذيت من قال *** كل من ضحك لجلك نفسه وفيه



((في وداعك))

في وداعك صدقي عيت خطاي *** لا تحرك في مكاني وقفت
ما قدرت امشي وخليكي وراي *** ماقدرت امشي ورجلك ما خطت
واستباحت دمعتك من الي عناي *** تحكي احزاني و هي عني حكت
دمعت النجلة تعزي في هواي *** بس روحي عن هواها ما عزت
اليالي السود سودها اساي *** والغيوم أعيوني باحزاني حكت
ماشكيت الصبر في ياسي ورجاي *** والليالي من كثر صبري شكت


((فيه غيرك))

فيه غيرك من يحبوني كثيــر *** لا تدلل تفتكر إنت الوحيــد
أعرف إنك بالهوى توك صغيـر *** تو ماجربت بهالدنيا جديــد
تحسب إن القلب في حبك أسير *** مادريت إنك بتفكيرك بعيــد
راحت أيامي قبل عرفك بخيـر *** من عرفتك ما مضت لحظه سعيد
انتهيت ومن هواكم مستخيــر *** وا عسى يبلاك ربي يا عنيــد


((فارقتني وانتا منى البال والروح))

فارقتنــي وانتا منى البال والروح&&&لاتحسبني عقب فرقاك مرتاح
العين هلت صافي الدمع ممسوح&&&والقلب يكفخ فيني عبرات وصياح
منك السهر من عيني والقلب مجروح&&&ولانيب الاول من فقد صاحبه هنا
والله مالي بالغرابيــل مصلوح&&&لاشك حبك ماهقيتـه بينساه
ياكيف ابقى دايم الدوم مطروح&&& لابيدي حيله ولا دمك سلاح
دور خليل ودربك اليوم مفتوح&&&من يوم شفتك ماتهنيت قبله


((قلت اه ياتركي))

قلت اه ياتركي طوى الهم حالى
حالي قضت من قل شوف المراسيل
عيت تنام العين سود اللليالـي
عافت منامه وانكرت نومـة الليـل
الله على شوفة حسين الدلالي
اللي من اسبابه شكيـت الغرابيـل
ابو عيون رمشه لة اضلالـي
سود محاجرهن وساعـن مظاليـل
ونيتلي ونه من الليـل تالـي
ونـة عليـل زاد بــه الـويـل
ماله طبيب ولا مداوي يـداوي
مضهودمعلولن ولا حـال ولاحيـل



((قالو نسيته))

قــالـــو نــســيــه قلت انـا انـا مقـدر انسـاه
قــالـــو تــحــبــه قـلـت هــذي الحـقـيـه
قــالـــو تـــــزوره قلـت انــا ويــن ابلـقـاه
قــالـــو تــحـــاول قـلـت كـيـف الطريـقـه

قــالـــو تــشــوفــه قـلـت انــا وحــــلــولاه

اشوف زوله في حــيـــاتي دقيقـه

قـالـولـي أصـبـــر قلـت انـا اصبـرمـقـواه

اصبر عن مضنون عيني مطيقه



((قلي متى))

قلي متى نرجع لدنيا الهوى قول *** قلي متى تسعد بشوفك أعيوني
هذا السهر أصبح رفيقي على طول *** ومن أول(ن) ماكان يعرف أعيوني
طبعك غريب(ن) بس رضيناه ومقبول *** منك الجفى والدمع جرح أعيوني
من شاف حالي قال ياحول مخذول *** وأنا دمر حالي هواك وأعيوني
إنت الحبيب الي احبه على طول *** وانت الذي يسكن في داخل اعيوني
لا تفتكر إني ابنساك معقول *** أنسى هوى عمري وبهجة أعيوني
((كلمة سفر))

كلمة سفر..
تجعلني في لحظه حزين
واقسى خبر..
لما تقول مسافرين
يعني خلاص:
ابrى اتعذب من جديد
مامن مناص.
لاحول خلتني وحيد
هوا السفر :يعني نهاية مرحله؟
والا قدر ..انا تناسيت اساله..
كل ماتقابلنا سوى.. عشاق ياخذنا الهوى

واما على سطح القمر.....والا على حدود النهر
طاب السهر..واللي على بالي حضر..
لكنها:كلمة سفر..
تجعلني في لحظه حزين




((كل حزني))

كل حزني في صدى صوتك يضيع"="لا سمعته تبتسم لي دنيتي
ان نصيتك امشي بخطوي سريع"="وان بغيت اجفى تباطت خطوتي
وان ضحكتي عندي الدنيا ربيع"="في جبينك تبتسملي فرحتي
وان ذرفتي دمعتك امرن مريع"="دمعتك دايم تسابق دمعتي
اشتري لرضاك هالدنيا وابيع"="كل مافيها لانك منيتي




((كم كتبنا من رسايل))


كـم كتبنا من رسايل***وانتظر ناله جواب
مـــاتردون الرسايـل***ليه ترضون العذاب

راجيـن منك الوصــال***ماطلبت منك محال
تـــرجعيلـي يـــادلال***لاتزيدين اللهيـــب

افتكــر ايــام هوانـــا***افتكر ايام زمـــان
احنــا والليل وهنانــا***وابتسامات الحنان

كان حبي لك ياغالي***عالي يصعد لسحاب
كيف تنسى ايام لقانا***كيف ترضون العذاب




((كلن يروح))


كلن يروح الله يديمه ويرعاه&&& لابـد ماكلـن يلاقـي حبيبــه
وانبدل الماضي بحاظر وننساه&&&ونقول حبن ماضين وش نبي به
وانغير الماضي وننهي سواياه&&&ومن راح بالعشره ومنهو يجيبه
ياما صبرنا لين كثرت خطاياه&&&وياما تحملنا ولكن مصيبه
وياما سهرنا باول الليل وجداه&&&نبكي الين الشمس تنصا لغيبه
ياجارحن قلبي عجزتك وتقواه&&&من شب نار القلب يطفي لهيبه



((لاخان ودك))

لاخان ودك من تعزه على الـروح معذور لو صديت عن باقي النـاس
شخص معك يمشي لغايه ومصلـوح ان جاه غيرك باح سرك على الناس
ياقلبي لاتخدعك ضحكات ومـزوح بيع اللذي باعوك واعمل كما الناس
يمضي علي اليوم يـوم انـي اروح القاه ويلقاني خفيـه علـى النـاس
لاكل من يعشق تعود علـى النـوحولاكل من خانه عشيره جفا النـاس


((لاجف دمعي))

لجف دمعي وشفت طيف المســـــــرات *** استبشرت نفسي بقدوم السلامـــه
تجيني باخبار(ن) بها اهموم ولوعات *** ترسم على حالي بشقاها علامـــه
أحكي عذابي للمخاليق عبـــــــرات *** والقى العزى منهم عتاب و ملامه
يا ما عليك الليل يسرقني دمعـــات *** ليل(ن) سهر عيني مناه ومرامـه
يقول نومك لحظة(ن) ماهو ساعــــات *** حرم على عينك حبيبك منامــــه
لا تظلميني يكفي هم(ن) مضى فــــات *** ياما حمله القلب واخفاه يامـه
غيرك يقول ليا نظرني سلامـــــــات *** وإنتا على حالي امرت بحطامــه



((ليل يالليل))

ليل يالليل اشتقت له حيل"="اشتقت والغربه ورتنى الويل
ماطاوعن قلبي .. اسلى واخليها"="هي ديرتي وحبي حائل واهاليها
اصل الكرم منها ياناشدن عنها"="والضيف لاجاها يتمنى يسكنها
ربعن هل النخوة.. من طبعهم اخوة"="يازين جمعتهم بالشدة والرخوة



((لاتأسف))

لاتأسف كل حزنك مايفيد *** لا تضيع وقتنا الغالي سدى
لا تذل النفس يا عنق الفريد *** دوك روحي من أجل ذلك فدى
يوم شفت بوجنتك دمع(ن) يزيد *** كنها ورده وغاشيها ندى
إبتديت أحس بإحساس(ن) جديد *** تو حبي ياحبيبي لك بدى
يوم شفت بدمعتك حزن(ن) اكيد *** كل جرحي منك بالدمعه غدى
وانغمزت بنشوة الحب الجديد *** واسمع الخفاق بافراحه شذى
وابتدى قلبي باشواقه يبيد *** كن جرحي منك بركان وهدى
حبي الي مستحيل انه يبيد *** مثل نور الشمس في بعد المدى
كن حبك غنوت(ن) قلبي يعيد *** كل انغامه ودقاته صدى



((لاتجاملني))

لا تجاملني وعشرتنا انتهت *** حتنا مثلك تراني انتهيت
لا تعاتب نفسي الي لك صفت *** بس انت الي عنيد(ن) ماصفيت
عند كل الناس ادافع لا حكت *** وانت يالظالم في غيباتي حكيت
ياما عيني في غيابك لك بكت *** لا تلقينا بعد فرقاه بكيت
منك سري به عواذلنا درت *** لا تحسب إني بطبعك مادريت
غرتك نفسك وعينك انعمت *** أشهد إني عند عرفتك انعميت
رح بلا رجعه ترى نفسي سلت *** عنك انا ياخاين العشره سليت



((لاصار قلبك))

لا صار قلبك يهتوي حب غيري *** ما هي غصايب يوم تتبع هوايه
لا لا تجامل من هواي عشيري *** قلي السراحه لا تجي من ورايه
وطيت من لجلك كل درب(ن) عثيري *** وانت سبايب كل همي وعنايه
يومني اعطيتك فؤادي وضميري *** احسبك مخلص يا حياتي معايه
لا شك خاب الضن بك يالغريري *** يوم(ن) وثقت إنك تدور هنايه



((ليه الجفا))

ليه الجفا لوعتي القلب تلويــع *** نثرتي اللوعات في مهجتي ليــه
انتي ولا غيرك عشقته ولا طيــــع *** لو قيل تمضي وقتنا فيك يا هيه
استر ادموعي ومنع النفس تمنيـع *** لا شك دمعي خانني آه شوفيــــه
خوذي عهودك واتركيني انا ضيــع *** في بحر حبك لو جفتني لياليــه



((للهوا وانتي))

للهوا وانتي ومعــاذير الظروف"="مابقى للقـلب من صبري مفر
الرجاء شمسه بداء فيها الكسوف"="والأمل في ساحـة الظلم انتحر
نلتقي في صمت ونتوادع بخوف"="بيننا حتى الـحكي صار بحذر
في خواطرنا اختفت حتى الحروف"="والمشاعر تبكي من جرح القهر
حبـنا اللي بالوفـاء كان محفوف"="فوق كفك دمـه اليـوم أنتثر
لا الزمن يرحم ولا قلبك يروف"="لي متى وانتي سحاب بلا مطر



((لاتنشدوني))

لا تنشدوني ياهلى ليه ونيت"="هما(ن)بقلبي ماحسبتوا حسابه
يابوي انا في مرقدي ماتهنيت"="ماذقت طعم الزاد وياشرابه
انا مريض وتحسبوني تشافيت"="والعين من كثر الهماليل ذايبه
الباب مابي واحد الاتحريت"="جاه المرض وادواه بول شبابه
اللي من اسبابه من الناس مليت"="جرح بقلبي تراه تجدد صوابه
الله يشافي اللي من اجله تعنيت"="من شان حبه عفت كل القرابه
اللي لا شافن مع الباب دشيت"="يفز قلبه ويبتسملي يهلابه
ليته يطيب لسالف الناس هليت"="وابعدت هما(ن)والحزن في سرابه
والخاتمه رجواي من والي البيت"="انه يخفف عن حياتي عذابه


((لفاني الخط))

لفاني الخط من زين العجايب&&& الا يـامرحبـا عـدة جوابـه
انا ساعة قريته طحت ذايب&&& وراسي شاب في ذمة شبابه
يهون الهم وتهون المصايب&&&وجفني لذة نومه ماهتنى به
الا ياعذليـن ماني بتايـب&&& واشوف القلب يتزايد عذابه
الاياعذلين لو كنت شايب&&& شباب القلب يجدد شبابه




((مشتاقلك))

مشتاقلك بس المسافه طويله@@بيني وبينك ماقدر اصلك واجيك
لاشك اببعثلك سلام تشيله@@ريح الجنوب وطيب العطر تهديك
من قلبي المشتاق يلبو جذيله@@ياخذ سواد الليل منها ويهديك
الحب لك وحدك وعندي دليله@@دمع العيون اللي على البعد يسقيك
الشوق والتحنان في كل ليله@@يسرق حلات النوم واسهر أناجيك
ياعود ريحان نما في خميله@@الروح مني ياشعل العين تفديك



((مقدر اعيش))

مقدر اعيش الواقع المر بسكـــات *** غصبن علي من جور الايام ضايـق
بيني وبين افراح عمري مسافـــات *** تعوقني بالحيل عنها عوايـــق
شيبي وهمي والضلوع النحيـــــلات *** من غربتن بالعمر مابه وفايـق
ظربة عمر منها الجوارح عطيبــات *** ولجل الرجى جربت كل الطرايــق
ورد الأمل في زحمت الياس مامــات *** يحييه دمعي به رموشي غرايــق
بدايه اجاوب صرخة العمر بأهـــات *** مادام حظي من عنى الوجد ذايق
ياليت خلي راح مع فايتن فــــات *** أقفى ولا شب بظميري حرايــــق
أقفى عن أطلال(ن) فقدت به علامـات *** جو الهوى فيها من اعوام رايق
يوم أعتذر وارسل على الخد عبرات *** ألحق على جرح الضماير لحايـق
مظلوم أنا وقت الظروف الصعيبـات *** ولاجي بروحي ماكان لايـــــــق



((ماعلى بالي))

ماعلى بالي سواك من البشر *** يا ملاك الكون ياتاج الجمال
حبكم في القلب يالغالي استقر *** مايبي غيرك وجوفت الكمال
يابعد روحي و يا كل العمر *** خالقك ربي ومعطيك الدلال
ماستطيع افراقكم يوم السفر *** و لا ترجع هاجس(ن) بالقلب طال
خل فرحتنا يضويه القمر *** في ليال(ن) كلها حب وصال
احمدالله يوم سيرك القدر *** واهتنيت بشوفكم والجرح زال



((مافيه داعي تسكب الدمع))

مافيه داعي تسكب الدمع يازين *** قلبي عليل وزاده الدمع عله
تشفق على قلب(ن) عليل(ن) ومسكين *** حرام تصلى ضامري فوق مله
بسهوم عينك يالقضي ليه ترمين *** والحب من قلبك لقلبي تشله
كانك نويت البعد يا قرت العين *** فرقاك ياروحي لروحي تسله
كان انت عايفني ولا انت بباغين *** قلب(ن) ملكته رجعه في محله


((مزع خطاباتي))


مزع خطاباتي ولا عاد لي فيك *** رجع لي الصوره وما بيننا راح
لا عاد تذكرني ولاني بباغيك *** الحب جد ولا تحسب إنه مزاح
يكفي شبابي راح كله وانا ارجيك *** وتكفي دموع العين من بعد الافراح
أرجوك تنساني وتنسى لياليك *** خلني اعيش الي بقالي وارتاح
ومن أول(ن) اسهر بليلي وأنا اجيك *** وارعى نجوم الليل واقول ليا صاح
واليوم عفتك واعرف اني مجافيك *** خلاص يالمغرور حبك ترى راح



((مقدر اقول))

مقدر اقول اشواق قلبي غريبــه *** مقدر اصدق ياهنا النفس ماصـار
كل المشاعر دربها تنتهي بـــه *** لحظات عمري تسعد القلب بأفكار
قبلك حبيبي عشت دايم وحيـــده *** ماعشت قبلك لحظتن تحمل اســرار
مقدر انا اعرف من حياتي دقيقه *** تبعدك عني شينها كلها نــــار
انته ربيع العمر حبك نصيبـــه *** احلأ العمر وياك جنات وانهــار
انت القدر وانته لقلبي رفيقـه *** قلبي تراه وياك في كل مشـــوار
ودي تحس الشوق تعرف طريقه***ودي بعد املك ثوانيك بأفكار
ودي أقدم لك معاني جديـــــده *** واسقيك كاس الحب من كل الانهار



((منتا بقد الغلا))

ماانت بقد الغلا يازين واغليتك"=" اغليت حبك واحسبنك بتصفالي
ايام كنت معي صافي وصافيتك"=" واليوم بالصد سالي ومشغل بالي
طعت العواذل وانا يازين جيتك "="وثقت بك ياحبيبي وانت محتالي
غدار بالحب ظالم وانت ياليتك"=" قلت الصراحه لنا بالحب يالغالي
شفت الجفا منك يااسمر يوم ناديتك "="صديت عني ولا كنك سمعتاني
وان كان حبيت غيري جيت هنيتك"=" حقك على المعزه رغم عذالي



((من سهر عيني))


من سهر عيني انا روحي بخطر"="ماهنأ جفني بمنامه له شهور
وانقضى عمري غرابيل وكدر"="ضاع ونسى من حياتي والزهور
دون مرسى الحب مجدافي انكسر"="وانحدربي مركبي القاع البحور
عن منى نفسي تنحابي القدر"="صارت الاحلام على قلبي تزور
بعد كثر الهم ومشروب القهر"="اقطف اشواك الغبن واجني الزهور
لحظتى ساعه واليوم بشهر"="وغايتي من دونها عالي الجسور



((منيت القلب))


منيت القلب وغايه مرادي"="زاد شوقي لربعي والاحباب
والسمر طاب والشوق غلاب

سال دمعي وانهمر فوق خدي"="من طواري الاحبه والاصحاب
والسمر طاب والشوق غلاب

للاحبه محل في فؤادي"="تجمع الشمل يارب الارباب
والسمر طاب والشوق غلاب



((مافيه داعي تكتم اني مجافيك))


مافيه داعي تكتم اني مجافيك"="يكفي طوال الهجر من غير داعي
والإ ترى قلبي يحبك ويغليك"="لا كــــــــــن تفارقنا بليا وداعي
ضاع الأمل والحب ياعزوتي فيك"="صارت ليالي عمرنا في ضياعي
مسكين ياقلبي علي الخلف فيك"="يعصفك لدروب المحبه تراعـــي
الله يصبرني على عبرتي فيك"="أحرقت في وسط العواصف شراعي
يجزاك ربي في عذاب الي مغليك"="أظلم لفقدك لو عيونه تراعي
تلقى محبن لك في دنياه باغيك"="مهو لحب ينحرف له بساعي
صديت مافكرت بقلبن يناجيك"="وأكفاك جرحن في ضميري يلاعي


((مادريت انك بحبي مستصيب))


مادريت انك بحبي مستصيب&&&مادريت انك معنى في هواه
ما احسبن بالهوى قلبك صويب&&&والسبب في كل بلواكم غلاه
لودريت انك مولع يالحبيب&&&عني ماغاب القمر واظلم سماه
لو طرى ان بالهوى مالي نصيب&&&لانبت جرحي ولابين خفاه
كم قضيت اني احسسه لو نحب&&&مالقيت الي يخفف من عناه
لا نهنا مرتاح من جرحي العظيب&&&والهموم الي لقت بأقصى حشاه
ارتجيت بك والرجا بك مايخيب&&&لاتخيب ياهوى بالي ورجاه
عن عيوني ياحياتي لاتغيب&&&غيبتك عن ناظري سبـة بلاه
غيركم مالي بها الدنيا طبيب&&&انتا غاية منيتي وانتا دواه
هم من الي على العالم رقيب&&&اجتمع شملي معك يامبتغاه

((ناعمات الصوت))

ناعمات الصوت والهرج الحنـون *** دافيات الهمس باخر ليلهـا
راح نومي من بحور العيــــون *** وارسلت بدموع ايا زينـــا
وش لقت فيني كل ما فيني طعون *** غيركم حالي من ياويلهـــا
كل ماقلت انها جروحي تهـــون *** مع بنات اليوم شالت شيلها



((نسمة عبير الشوق))

نسمة عبير الشوق في داخل الروح *** وازداد في قلبي لخلي حنينه
غصب(ن) علي وافقة نفسي على النوح *** ياعلني في دمع عينه سكينه
أقبل ياله في خافي الصدر له فوح *** يازين حرقته في وجهي حزينه
يكتب انين القلب من عيني مجروح *** تقراه ناس(ن) مثلنا عارفينه
الصاحب الي ياهلي منه مذبوح *** منا الليالي شالته مع سنينه
وابحر مع الاشواق من غير مصلوح *** ياليتنا قبل السفر شايفينه


((نوري ياشموع))


نوري ياشموع واعزف ياوتر&&&زانت الالحان بحضور الحبيب
اكتمل جو الطرب زال الكدر&&& توي نغم العود يحلو ويطيب
ارقصي يازهور واصفق ياشجر&&&حان وقت الكيف والطين اللهيب
ياهلا بالزين شاركنا السمر&&&ياهلا بمن صار غالينا قريب
مايروق البال الا لاحضر&&&وان تغيب صابني جرحن عضيب
خاطري مكسور جاني وانقبر&&&جدد البسمات من عقب النحيب
هو حبيب الروح وفراقه عسر&&&دايجن ما اقواه ماشفت مثله عجيب
مولي عطفك ماخاف من الخطر&&&كيف اخاف من الخطر وحولي طبيب




((هلي دمعي))

هل دمعي فوق خدي وانهمل
^^^^^^^واعذاب القلب من فرقا الحبيب
ان بغيت ارسل سلامي ماوصل
^^^^^^^وان بغيت انساه نسيانه صعيب
سيد كل البيض من شافه ذهل
^^^^^^^يفتن العشاق باالحسن العجيب
حبني والا لغيري ماحصل
^^^^^^^يوم شاف أني بحبه مستصيب
أبعد الأيام خلي وارتحل
^^^^^^وعسى الله يجبر القلب الصويب




((هاتي يمينك))

هاتي يمينك وامسحي دمع الاحزان *** وخلي سكون الليل بحسك تغاريد
تعالى ياصوت الهنا عذب الالحان *** نجدد لقانا ونجعل ايامنا عيد
تعالي ياعطر الزهر فوق الاوجان *** نجعل مواصلنا بليا مواعيد
يجمعنا صوت الشوق خلان خلان *** ويا القمر والا الضحى بغير تحديد
قلب(ن) يودك لاتجازيه حرمان *** ماله بكل الناس غيرك مقاصيد
عذبني طول الصبر والحال بنقصان *** فى كل يوم موت يرسلى تهديد



((هذا الوفا))

هذا الوفا وانتا تشوفه بعينك *** ضحيت من شانك وحاربت الاذنين
سلوا سيوف الهجر بينى وبينك *** لكن سيوف الحب تضرب بحدين
الله على ماجال منهم يعينك *** وانا معك صابر على الزين والشين
مملوك فى حبك ومغرم بزينك *** واقنع بما جاء منك يانظرت العين
اهم شي راضي بزينك وشينك *** والزين كله فيك ما يوجد الشين



((هوى قلبي))

هوى قلبي علامك ماتكرم&&&تمتعنا بشي(ن) من دلالك
تمر اليوم وامس وماتسلم&&&تعدانا ولاحنا في بالك
انا مجبور في حبك وملزم&&&وخذت سنين مافارق خيالك
علينا هجركم امر محرم&&&وماتطلب ترا كلي حلالك
شربنا مر من صدك وعلقم&&&وانا والله ملينا قبالك
الرجا منك تلطف بي وترحم&&&ترا والله انا مرضى بدالك



((وقفي نبكي على الماضي))


وقفي نبكي على الماضي ســـــــوى@@@وقفي ننعى سوى حب العمر
حبنا اللي من مدامعنا ارتـــــــوى@@@انتهى ذكره على يد القدر
حبنا حاول لكن ماقـــــــــوى@@@يستمر مادام عانده الدهر
حوله النسيان خيم والتــــوى@@@مثل كنز(ن)ضاع في غب البحر
وقفي نبكي على اطلال الهـــــوى@@@حبنا اللي ضاع في لمح البصر




((وش السبب))

وش السبب يازين غيري تخيرت *** يا ما عشانك زاد فيه بكايه
يومك ملكت القلب شفتك لي قصرت *** ماكنت اصدق تبتعد يا رجايه
ماتدرى انك يا منايه تغيرت *** ابعد وانا ابعد خلني فى عنايه
الله حسيبك يوم عني تسترت *** واخفيت غدرك بالهوا للنهايه



((وش جاك مني))

وش جاك مني ياهوى البال وش جاك *** وش فيك تقسى ياعشيري عليه
وش فيك تبخل ياحبيبي بالامال *** على وانا معطيك عمريهديه
ياما سهرت الليل كله برجواك *** وياما لجل عينك سمحت الخطية
لوعتنى بالبعد يازين وش جاك *** ماترحم الي منك روحه شقيه
محد(ن) يسوي فى حبيبه سواياك *** ولاحد(ن) رضى للي يوده اذيه


((ويل قلبي))

ويل قلبي تحداه الزمان *** غربلتنا الليالى فى هواه
شالت الانس مني والامان *** وحطمت بالجسد تالى قواه
نام حظي ونوم العين شان *** علت القلب قربك فى دواه
ليه تبخل بعطفك والحنان *** او ضميرك مفارقنا نواه
لاتغلى وتسقيني الهوان *** غيبتي طلول هجرانك دواه
كيف حظي معك مايوم زان *** دايم الدوم حدر(ن) مستواه
سكتك ميلها للعين بان *** عزم القلب يمشي في سواه
لاترجى خلاص فات الاوان *** كل قلب (ن) يدور عن هناه





((ياسراب الصيف تعبت خطوتي))

ياسراب الصيف تعبت خطوتي&&& لاعطشت تروي ولاموجك يغـاب
انتظر من عام واسرق جرعتي&&& في منامي منك افراح ياسراب
كن كثر الشوق لك في مهجتي&&& ناري شبت فوق جو فيه العذاب
كان تدري في عذابي ولوعتي&&& ارحمن وان كان توك لاتغاب
كل مجني منك وردي تنطفي&&& نار وجدي قلت عيباك ماتهاب
كل صبري يامشاعر ديرتي&&& كل صبري واكتفي بحرفي عتاب




((ياسراب الصيف ماتروي ضماي))

يا سراب الصيف ماتروي ضماي *** ماتبل الريق دامنك سراب
في طريق الشوق عجلات(ن) خطاي *** في مسار الدرب يجزاني عتاب
حارم(ن) عطفه وهجرانه جزاي *** لو رفعت الصوت ما رد الجواب
ما هقيته فيه خيب لي رجاي *** الأمل عقب الرجى بالشوق خاب
ياسحابت صيف مرت في سماي *** لو تبي تمطر مهي مثل السحاب
تمطر الحرمان وينبت به شقاي *** وناشب القلب في سن الشباب
يرخص العله ولا يرخص دواي *** يبخل بوصل وجوده بالغياب
معلن(ن) هجره ولا وضح خطاي *** وكل ما يبغاه هو عين الصواب
يتضح شوقي وحرماني وعناي *** ويتضح هجره وصده والعذاب



((ياما سهرت))

ياما سهرت الليل في طيف الأحزان *** أجاذب الونات واشكي حنيني
أغشى العواذل كاتم السر ما بان *** دنياي مابه من يهدي انييني
ماغير شوفت صافي الخد فتان *** لجله قضى عمري وقفت سنيني
مثل القمر خده بدجى الليل لا بان *** أنا أشهد إني في غرامه سجيني
زهرة نمت في روضت(ن) وسط بستان *** ياما حرقت قلبي عسى الله يعيني
صدفه التقينا بين خضره و وديان *** يابو عزيز اغشى الغظي ما يبيني
أنا أشهد إنه صابني سهم الأعيان *** صدفه التقينا والعرب غافليني




((ياناس انا نوم العرب))


ياناس انا نوم العرب ماهنالي*** عزي لمن مثلي من الحب مجروح
اسباب منهو بالهوى سم حالي *** وانا اشهد ان الحب مافيه مصلوح
الله من ليل سهر تالي حالي *** ابكي طوال الليل والدمع مسفوح
الي سلب عقلي وهو مايبالي *** كامل بكل الزين غصب(ن) ومملوح
هنيت قلب(ن) من عنا الحب خالى *** مافيه ذره بين كاسح ومكسوح
يالله تجمع كل غالي بغالي *** تساعد الي من عنا الحب مطروح




((ياخوك انا القلب))


ياخوك انا القلب من فرقاه يعذبني"="وان طال هجرة خطير النفس ينهيها
تسهر عيوني بالخفاء ماتريحني"="اساهر نجوم السماء في لياليها
ودموع عيني على الخدين تحرقني"="ابكي حبيبا نوى الفرقاء وانا ابيها
ياخوك تكفى بالهواء من يخلصني"="يزداد حبه كل ماحل طاريها
عقب المحبه والوفاء ليه يتركني"="الله يسامح حبيبي في تواليها
ياموت عجل مماتي لا تأخرني"="ويرتاح قلبي من الدنيا ومافيها



((يحسدون المولع))


يحسدون المولع يحسبونه سعيد"="يجهلون الموده مادرو في عناها
مايشوفون حال في نهاري وحيد"="واليالي سهرتها بتكافح والشقا
ماتفيد الملامه في الفؤاد العنيد"="كفو النصح يكفي ماجرا من هواه
وشفو الي جميع الناس لجله عبيد"="واتركو من تولع غارقن في بلاه
يكفي الي ظلمني في الهوا مايلين"="يسعدا في حياته جاهل في جفاه
ياعشيري ترفق لك عذابي يفيد"="لك حياتي رهينه ماتحرمه مناه
في حيات المولع مابقاله سنين"="يسعد جروح قلبه حايرفي دواه




((ياوزين الروح))


يا وزين الروح لك طرف(ن) حسين &&&& قلبي الولهان لا شافه يزيل
يمـــشي كالـــفــتــان بـــه لا تبتلين &&&& تجعل الدمعات من عيني تسيل
حــبك بقلبي ترى عـــــــد له سنين &&&& والــمـــولع ما يبي غيرك بديل
فـــــي غيابك دايم(ن) قلبي حزين &&&& شـــــفــوتك يفز له قلبي العليل
ساهر(ن) ليلي ودمعي والونيين &&&& ليلي من يهواك يالغالي طويل
حبك بقلبي له اســـاس(ن) متين &&&& مستحــيل القلب عنك انتا يميل




((يامنى عمري))


يامنى عمري ويا احلى منى&&& ياعمر ثاني كتب لي فالعمر
انا انت في حياتي وانت انا&&& بس تفرق بالغلا يا احلى بشر
شوفتك فرحه وبسماتك هنا&&& ضحكتك نغمه واحاديثك شعر
فرقتك لي جرح واحزانك عنى&&&شكوتك لوعه ودمعاتك قهر
انتا فجر وشمس فجري حبنا&&&وانا في ليلي غروب من الستر
ولو يطـول يامناتي وقتنـا&&& ما تـلاقـا بـه غروبـه والفجـر
من تلاقا لو تنثر دمعانا&&& من تلاقا لو شكى من الصبر
بس اضن ان العزا في حبنا&&& عن امل ناده نجافه القدر



تم بحمد الله




منقول ...

 
 

 

عرض البوم صور (لــــون بآآآهتـ..)  
 

مواقع النشر (المفضلة)
facebook



جديد مواضيع قسم الارشيف
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t151343.html
أرسلت بواسطة For Type التاريخ
Which is most popular keyword - [ط§ظ„ط¹ط±ط¨ظٹط©] - About ظ„ط¬ظ„ظƒ - طھط¹ظ†ظٹطھ This thread Refback 10-01-11 06:01 PM


الساعة الآن 12:47 AM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية