كاتب الموضوع :
شغف الامارات
المنتدى :
الارشيف
يا ريت كلمه خواتي لو جبر خاطر
البارت الثالث
؟
؟
؟
العرووووووووووووووووووس
الفستان كان مفتوح و ضيج عالصدر لين نص الفخذ وبعدين من تحت قطعة شيفون ويتوسع بطريقة مرتبه والكرستالات الفضيه تتزاحم عند الصدر وتبدر تتشتت لين نص الفخذ مع ذيل طوييييييييل ... وكان مزين راسها تاج مرصع بالالماس وسوارسكي ...والطرحة على راسها مطرزة بالفصوص ومثبته على التسريييحة المتدااخلة بشكل شرقي مميز وغريب ....والميكاب بنسبع للشدو كان عبارة عن عدة الوان مداخلة تنتهي بالاسود ا...ما البلشر بطيخي يمتد على عرض خدودها بطريقه امصغرة ويها المليان ومعطتنه طول ... اما بالنسبه للروج فكان بلون العنابي الفاقع اللي زاد جمال شفايفها المليانه نسبيا ... اما عن المسكة فكانت ورود بيضه متجمعة وتبدا النقل بتدريج لين الاسفل ...
وكانت اموله اخت مهرة بعد لابسه ابيض ومع تاج وورده وحدة بيضه بساق طويل ,شواخ طالبتنها طلبيه تمشي فعرسها
طبعا لان اموله محبوبه الجماهير خخخ
نرجع للقصه
مهرة : طوفوا نظهر خل شواخ تكمل تصوير
العاش : يلا
وهم ظاهرين دخلوا خوات المعرس سلموا عليهم وظهروا
ساروا صوب ام مهرة ووقفوا حذالها فالاستقبال
ام مهرة : مهرووو ليش جذا اجتافج عاريه سيري حطي اي شي عليهم
فطالمي : لا مايحتاي لحظة
وزخت شعرها ويابته عجدام بطريقه خلت جتفها مستور بشعرها وهالشي خلاها انثويه اكثر
ام مهرة : هي جي احسن – صدت صوب بنات خواتها – ماشالله لا اله الى الله عقبالج العاش وانتي فطامي مابقولج الحينه عقبالج لان بعدج صغير
فطامي : ههههه
مهرة : احس نحن يايين من وقت
فطامي : عي حتى انا حسيت وحتى الفرقة بعدهم مابدوا يغنون
العاش : ايه انتو يالمخبل نسيتوا مفروض انكون من الاوائل لانا هل العرووس وبعدين انا قلت حق عفاري اتي بسرعه عسب نتصور
مهرة : هممم
ويتهم ام شواخ من داخل بكشختها وسلمت عليهم وقعدت وهي عينها ع مهرة
ام شيخة : مريم (ام مهرة ) شعنه مخليه بنتج جذا فاتحة شعرها خافي ربج
ام مهرة وهي طالع مهرة وتبتسم : مارمت عليها الا بتفتحة
ام شيخة زقرت مهرة :مهرة تعالي هن خليني اقرى عليج عن يحسدونج فديتج
مهرة : انشالله
..........
ردت عفرى من الصالون سوت تااان استوت بشرتها البرونزيه ... وصبغت شعرها المدرج لين نص ظهرها بني فاتح بلون يناسب عيونها الفاتنه و رفعته بتسرحة بسيطه ومودرن .... وحطت فيه ورده صفرى مثل لون فستانها الليموني كان اقرب لفستان الممثلات فهوولييوود سمبل ومميزواهم شي بنسبه لعغرى انه يبرز مفاتن جسمها ... اما الميكاب كان ولا اروع اصفر ويتدرج للاسود والبلشر البطيخي والروج الاحمر الصارخ طبعا كان من صنع ايدها لانها وبلا مبالغة فالمييكاب وهي تعرف اللي يناسبها ....لبست فوقها عباتها الشفافة والمطرزه بالفضي ومنثور هليها الفصوص وتو صل مع الرفعه لين نص الفخذ بطريقه اتبين الفستان من تحت... حطت على راسها شيلتها اللي مطرزة اطرافها بالفضي نفس العباة .... حطتها على راسها بطريقه اقرب ماتكون لطرحة العروس ... لبست كعب فضي بإرتفاااعه الخيااالي... لانها رغم جمالها الااثيري الى انها تعتبر نسبيا قصيرة ...
القت نظرة سريعه على عمرها فالمنظرة العودة اللي تعتبرجزء لا يتجزا من غرفتها
تاملت شكلها من منبت شعرها لين اخمص قدميها
حست برضا عن شكلها شلت شنطتها واهم شي البيبي اللي لبسته كفر ليموني بلون فستانها
ونزلت جافت ثاني منسدح فصاله يطالع تلفزيون وهو تفكير ابعد ما يكون عن تلفزيووون
عفرى استغربت من سرحانه فقالت تلفت انتباهه: وين امايه
مارد عليها ثاني
عفرى استغربت لا اليوم ثاني بلاه شي علت صوتها :هووود يالربع
ثاني :هاااااا . ربع فيج يني عسى شو تبين
قالت : قول حق امايه اني سرت العرس
اطالعها بنظرة وصد عنها
عفرى : بل ماكله حلال ابوك
ثاني : ذلفي عن ويهي مب فايجلج
للحظة كانت بتساله شو فيه لاكن رده خلاها اتسوي طاف محترم وتروح عنه
ركبت سيارتها انفنتي بيضا وسارت جدا المركز التجاري
دخلت القاعه وقفت ثواني عدلت عمرها
وخلت سلمت على اللي فالاستقبال ما عرفت ولا حد منهم ويوم وصلت عند مهرة والعاش وفطامي
وسلموا عليها
وهي تعرف فطامي وشواخ لانها كانت اتسير بيتهم عند العاش تدرس وياها
ساروا وياها داخل قعدوا وتمو يسولفون اما فطامي راحت عند العروس
عفرى عطت مهرة جيس
مهرة استغربت : شو ها
عفرى ببتسامه ظهرت صفة الولو اللي ورى اسنانها : الكانون
مهرة بفرحة: صدق – صدت صوب العاش – العاش طوفي نصور
العاش : يلا نشي عفرى ظهري مهاراتج
مهرة : ليش انتي اي تخصص
عفرى : ديكور بس ماخذه دورة فتصوير
وسارت وياهم فالممر اللي صوب الحمام كان في منظرة تمت اتصورهم فوق الثلاثين صورة كل صورة بوضع مختلف
بعضهم العاش بروحها وبعضهم مهرة روحها والقليل وهن مع بعض
عفرى ما ملت من تصوير لا بلعكس لانها تموت عشي اسمه تصويير
ومن خلصت سارت صوبهم تراوييهم صورهم
مهرة : وااااو وايد حلو تصويرج
عفرى : في صور يبالهم شوي عالفوتوشوب انشالله بعدلهم ويوم الاحد بييبلكم اياهم ففلاش
العاش: بس مب عباله عليج
عفرى : لا عباله ولا شي
فطامي يت عندهم : يلا تعالوا بيزفون العروس
ظهروا كلهم
وزفوا العروس على غنيه حمد العامري
الف صلي وسلم عليك ياحبيب الله محمد كللللللللللللللللللللللللللللوووووووووووووووش
لا مشت يالارض فوقج اطيب واجمل صبيه وحدها تمشي ولاكن حسنها يسوى قبايل
يالفرح طرز مساها بلورود النرجسيه بس لا تنسى تنقي احلى ازهار الخمايل
واكتب الاشعار فيها وووصف الطله البهيه عن حلاها والمحيى عن سناها والجدايل
يالاصيله اليعربيه الف اباركلج زفافج يانسل اسما العوايل
ياسميه ام اغلى من حكمنا فالبريه ياعروس من حلاها حيرت كل خصايل
ربي يسعدها ويجعل روحها دايم هنيه وسعد يملا سماها والهنا يمطر همايل
ربي يحفظها وتبقى دايم الورده النديه يلي من عفة شذاها تنظرب فيها المثايل
كانت تمشي وحذالها العاش وفطامي وخوات المعرس وجدامها تمشي امل باوامر من مهرة
لين ما وصلت كوشتها اللي كانت فخمه بحيت لاالباكراوند كان عبارة عن ماي ينصب من اعلى الكرشه وكرسي العروس كان كانه عربه سندريلا والاضواء الذهبيه معطيه الكوشه شكل رائع
ضعدن البنوتات كلهن هل المعرس والعرووس وقاموا يرفصووون على لنغام الاعاني اللي شاله القاعة شل
عقب ما رقصوا وشبعوا نزلوا وفضت الكوشه تقريبا صعدت عفرى وسلمت عليها كل الحريم كانن يرمسن عن عفرى وجمالها لان الله عاطنها جمال مب طبيعي
وودعتها ونزلت من عالكوشه
وتعشوا وخلصوا مهرة يابت امها وسلمت عليها عفرى برزانه وسولفت شوي معاها لاحظت انه مهرة وسيف عيونهم عامهم بس سيف يشابه امه اكثر انا نهرة ملامحها تختلف المهم وسارت ام مهرة اتسلم عالعرووس
اااخر شي دخل المعرس مع ابوه وخوه وابو شيخة واخوها حمد
واتصوروا وآآآخر شي
دوهم االفندق بمسيره طويييله شلو فيها الدنيا بهرنات السيارة
*******
دخلت عفرى البيت كانت الليتات مصكرة طبعا ساعه وحدة وشي امها راقدة وثاني ديج اكيد من ساعه عشر راقد
فصخت نعالها ومشت على راس اصابعها واول مابغت اتحطي ريلها عالدري
نقزت يوم اليت اشتغل التفتت للي شغل الليت وانصدمت
...
طاح النعال من ايدها من صدمه يوم استوعبت ركضت صوبه وفرت عمرها فحضنها وهو دار بها كانها ياهل
عفرى وهي توايهه وتبتعد عنه شوي : متىى ييت
: قبل ساعة تقريبا , انتي وين كنتي
عفرى: كنت فعرس اخت ربيعتي
: محلوة شو مسويع بعمرج
عفرى : بعد
: هههه وين ا مي وثاني
عفرى : لحظة بسير وبرجع انت تعال ايلس
ركضت عفرى غرفة امها بطلت الباب شوي شوي جافت امها بعدها واعيه
سارت صوبها وزخت ايدها : امايه تعالي براوييج شي بتستانسين عليه
ام ثاني : شو بلاج
عفرى تسحبها : تعالي والله بتستانسين
سارت وياها ام ثاني ونزلوا الدري جافت واحد كان واقف ايده فبنطلونه ومعطنهم ظهره
ام عفرى اطالعت عفرى اللي تظحك فويهها يوم دققت قالت بصوت مهزوز : م..مطر
مطر صد عليها ابتسم وسار صوبها وحظنها وامه تمت اتصييح وحضنت ويهه : مطر فديتك والله ما خليك تبعد عني مرة ثانيه
مطر زخ ايدها وباسها : امايه تولهت عليج ما بودرج مرة ثانيه لا تخافين
وعفرى سارت ال مطبخ يابتله عصيير وسوتله سندويج وسارت وعت ثاني وسلم عليه وتمو يسولفون نص ساعة عقب خلوه يسير يرقد لانه اكيد تعبان من الطريييج
........
ردوا قوم مهرة من العرس وكلهم ساروا حجرهم
من دخل سيف حجرة فر الغترة ودش يسبح وظهر جاف مس كول من عفرى اتصل فيها
سيف وهو ينسدح عشبريه : هلا باحلى الوووه فالعالم
عفرى : اهلييين شحالك
سييف : آآآآآه ...تعباااااان
عفرى : افا سيفاني يتعب وانا موجودة
سيف : فكل لحظة انتي بعيدة عني انا تعبان
عفرى : انت تروم تخليني قريبة منك
سيف فهم عليها فغير السالفة : سرتي العرس
عفرى : هيه عرسهم وايد حلو
سيف : اكيد مب عرس بنت خالتي اكيد حلو
عفرى اونها ما تدري : منو بنت خالتك شيخة
سيف : هي اونج ماتدرين
عفرى : لا انت ما قالتلي
سيف : ماعرفتي انه العاش بنت خالتي وشيخه اختها ومهرة اختي
عفرى : ما علينا امم مسوتلك سربرايز
سيف : شو
عفرى : يوم بجوفك براويك اياها
سيف : ومتى بجوفج شو رايج باجر
عفرى : حبيبي ماروم يمكن انسير حتا عند يدوو
سيف : انتو من زمان مب سايرين عندهم شمعنى باجر
عفرى : لان مطر اخوي فديته رد من لندن ويدووه حاشرتنا تباناانسيرعندهم ونسلم عليهم
سيف : اها الحمد الله عسلامته - فجأة تغير صوته لشخص ثااااااني - عفرى احبج
عفرى بهمس : انا اموت فيك وما اتخل حياتي بدونك والله بتخبل
سيف : فديتج
وتموا يسولفون لين ثلاث عقب صكروا ورقدوا
.........................
اليوم الجمعة
ساعة 9ونص
ثاني : عفرواااا بسرعة والله بنودرج
عفرى :coming
نزلت عباتها مفتوحه لا بسه سكني رمادي وبدي اسود
: عفرى غيري ثيابج
.
.,
1-منو ضنكم امر عفرى تغير ثيابها ؟
2-ليش ثاني ما قال شي يوم عفرى سارت العرس وهي كاشفه اكثر مما هي ساترة ؟؟
3-وهل العاش تمثل شي بنسبه لسيف ولا ؟؟
++++++
وهاذا البارت الثالث
انتظر ردكم ونقدك لا تخيبون رجاي فيكم حبيباتي
|
17-11-10, 05:31 PM
جديد مواضيع قسم الارشيف
العرض العادي
