كتبني الحزن والواقع قراني ليه الغرابه؟
وأنا من يأس في يأس
كسرت خاطر زماني والأماني
عيت تحقق , وعيا يطيب هوجاس
مبطي وانا أقول
مدري وش بلاني ؟
اليوم حسيت بـ أني فاقد إحساس
الفصل الرآبـع
بـآرت 1
.
بـآريس- السـآعه 6 مغرب
فهد: لالا ياعبدالرحمن اقولك ارسلتها
عبد الرحمن : فهد , بندر ارسلها من اسبوع وانت توك تقول لي ؟
فهد: بندر قال لك ؟ ارسلها قبل اسبوع جاني الرد وخلصت بس باقي فرع ب بلجيكا
عبد الرحمن : والله مدري عنك انت وحريمك
فهد : هههه استلم يافهد
عبد الرحمن : ايه ابستلمك ولاتخليني اتهور واجي عندك
فهد: لالا خلاص تكفى فكني منك وخلني اخذ راحتي
عبد الرحمن: على العموم بكره ترد لي إذا وصل ولا لاء طيب؟
فهد: طيب , بس لاتنفخ
عبد الرحمن: لا ابد سلامتك انت ماتنفخ ولا شوي وتدخل علي من السماعه
فهد: يالبى قلب اللي متحملني
عبد الرحمن بملل: ياكثر هذرتك إذا احتجت حنان
فهد: لا خل حنان عنك تقعد محتاج ليندا
عبد الرحمن: هههههههههههههه الله يقطع سوالفك , اجل شكلك رايح لها
فهد : صح عليك ممكن تقفل الحين
عبد الرحمن: وجع , طس طس خلها تنفعك لاضعت بيـ
فهد: هههه بسس وقف يرحم امك ياشيخ لاتكمل تراني جايها ب إرادتي وبكل حماسي
عبد الرحمن: ما الونك عليها عيون يالبيه والله اني اضيع فيها ورب البيت
فهد : ههه خلاص اجل اصور لك
عبد الرحمن: لاتصير واطي لهدرجه
فهد: أحاول ههههههههه
سكر فهد من عبد الرحمن وهو مبتسم نزل من السياره ورفع راسه ل السما , أخذ نفس قوي
دخل لفندق وكلهم حيوه له هيبه بكل مكان , اتجه لرسبشن واخذ رقم الجناح طلع وصل لها , فتح الباب بهدوء وسكره بنفس الهدوء شم ريحة عطر حلوه كثير استنشق الريحه وهو يمشي ببطئ لابس بنطولون جنز سكني وتي شيرت احمر وفيه كتابات ب الاسود ورمادي , يمشى ينقل نظراته وقفته يدها حول خصره لف بهدوء لين صار مقابلها كانت بكل ماتعنيه كلمة أنثى . .
فستان وردي فاتح مربوط حول رقبتها والصدر بشكل 7 وحزام تبع الفستان مربوط ب اهمال وشعرها ماسكته ب ربطه ذيل حصان و عيونها الرمادي على بترولي ماسكر ازرق وقلوس والساعه الفضيه اللي اهداها ايها فهد . .
فهد بتعجب : Oh
قربت منه لين صارت مقـآبله له وبصوت انوثي : فهد
فهد ابتسم لها ونزل نفسه لها وصار وجهها بوجهه: عيون فهد
رفعت عينها وحطت عينها بعينه انهبل فهد من عيونها الجرئيه يضيع صدق لامن شافها . .
حط ايديه برقه حول رقبتها وقربها منه اكثر وهمس ب اذنها : عيونك تضيعني ارحميني
ابتسمت ليان وهي تلف ووجهها نعومه ودلع : وانت كلك على بـ
ماكملت كلمتها إلا وفهد شايلها على فوق ضحكت بمياعه وفهد خق عليها صار يدور بها وهي تصارخ
ليندا : فهــد بس س س
ضحك فهد ونزلها وهو ماسك خصرها وعيونه بتاكلها: ليندا قلبي
ليندا مغمضه عيونها وهي حاطه راسها على صدره: اممم
فهد دفن وجهه بشعرها وقال بهمس يذوب: وش هالرقـه
دآخت هنـآآ ليندا من حركته وهمسته , رفعت رآسها شوي وهي تبوس رقبته برقه
*عبد الرحمن يشتغل مع فهد بالشركه كان ابوه شريك اعمام فهد
وهو اقرب شخص بالسفر ل فهد دايم وياه الكل يحبه و يحترمه له هيبه و تقدير مثل فهد
××××××××××××××××××××××××××××××××××××××××××
الساعه7:55 عقب المغرب
فرح : هلا وغلا يالله حيها
فوزيه ب إحراج : هلا فيتس
نزلت مشلحها وطبقته وهي منجرحه كثير من فرح . .
ام خالد : ياهلا والله ببنت مساعد
فوزيه سلمت على ام خالد وحبت راسها : هلا فيتس ياخالتي , وشلونتس عساتس طيبه ؟
ام خالد : ماعلي خلاف ’ انتي وشلونتس وشلون امتس ماعينتها اليوم؟
فوزيه : بخير والله امي عند مطلق كانه تعبان شوي
فرح و ام خالد : سلامته
ام خالد : وش به ؟
فوزيه : ابد والله شكل الشمس ضاربته
ام خالد وهي تدخلها : والله مايشوف شر ماقالت لي مير ابجيها هذا الغالي مطلق
دخلت فوزيه وجلست بالصاله , وبينهم مليون جاحز ام خالد ما انتبهت لهم ابد
ام خالد : انا ابكمل صلاتي وانتن اخذن راحتكن
طلعت ام خالد من الصاله وراحت تصلي بالحوش كالعاده إذا كانت الأجواء كذا . .
توتر الجو كثير بالصاله
فرح صبت القهوه ل فوزيه ب ابتسامتها المعهوده اما فوزيه مو قادره تحط عينها بعين فرح لامت نفسها كثير وندمت كثير [خايفه فرح ماتتقبل حتى لو قلت قلبها كبير يارب تسير لي يارب لازم ابدا هاللحين ]
حطت الفنجان على الارض بعد ماشربت منه . .
فوزيه بصوت هادي: فرح
وهي مشبكه ايدنها ببعض وضاغطتها عشان تجمع الكلام
فرح : سمي
فوزيه : انا والله مدري شلون ابداء بس ادري اني قصرت كثير وانا اللي بديت بالقطاعه بسـ
فرح قاطعتها ب ابتسامه : فوزيه اللي راح راح ونا والله ماشلت عليتس ولاآ
فوزيه بدت تدمع : والله اني قلت قلبتس كبير بس لازم اقولتس اللي صار
ابتسمت فرح وهي تجلس جنبها : قولي اللي عندتس واعرفي اني مازعلت ولا شلت عليتس والله العظيم
فوزيه : والله يا فرح من كثر خوفي على سعد__ بدت تنزل دموعها وصوتها تغير__ والله يافرح ان غلاتتس من غلاة سعد ومن يوم عرفت انه راح عشانتس لو اقولتس وش كان يسوي قبل لايروح شفتي نوم الليل اللي تنامينه انتي وانا وامي وكل الديره ماتعرف السهر هو يسهر بالحوش لين اذا الفجر , ماهوب شي يقهر وانا كنت اقولتس ادري ان مافي يدتس شي تسوينه بس بس والله مدري ..
بدت تصيح فوزيه دمعت عيون فرح وهي تشوف صديقة عمرها بهالحاله
ضمتها ومسحت على راسها : فوزيه يابعد عمري كلنا فقدنا اخوان بس انتي فتره ادري انتس تحبين سعد بس انتي فكرتي ب نفسك وب اخوتس انه مايبعد عنكم انا حتى لو قلتي لي قبل وش كان يسوي وش بيدي يا فوزيه تبين الديره تندقني بالهرج لين يوصل ل الكلام الكبار ثم اطيح راس ابوي انا والله اني اعز سعد وادري عنه قبل تقولين لي بس والله مابيدي شي والله
فوزيه تمسح دموعها وهي تشاهق : ان ان شاء الله يردج سالم والله يرحم محمد , اعذريني يافرح بس
فرح : خلاص يا فوزيه قلت لتس الي راح راح وانا مسامحتس وماحصل شي وعاذرتتس بكل شي سويتيه
حبت فوزيه خد فرح وهي مستحيه . .
فرح بعد ما ابعدت فوزيه : من متى الحركات الرومانسيه ما اخبر انتس عندكم رسيفر وتتابعين من وراي
فوزيه ضحكت : لا والله بس اذكر اخر فلم شفته معتس
دخلت عليهم ام خالد وهي مستغربه وجييهم باين عليها الصياح
أ م خالد : يادفع البلا انتم علامكم ؟
فرح مسحت وجهها بسرعه : سلامتس يالغاليه بس نتدلع على بعض
ام خالد : البكى ماهوب زين للبنات منقود
فرح : ابشري , يافوزيه تراتس تشينين من كثر البكى ثم يهون متعب
نزلت راسها واستحت من كلام فرح
ام خالد وهي مكشره : اهبي تهبين
قامت فرح وحبت راس امها وتمسح على يدها
فرح : ههههههههه امزح يا ام خالد امزح ولا عليتس من فزفز ماعندها اشكاليه بالعكس تدور اللي يجب طاري متعب
ام خالد : الله يهديتس ويكملتس بعقلتس
ابتسمت فوزيه وهي تدعي بداخلها ل فرح وان بعد تدوم علاقتهم مثل اول ولايعيد هالموقف
بيت ابو ياسر
الساعه 10– ليل
جوري : هههههههه جودي شرايك في ردي عليها ؟
جود تناظر الاب وتضحك : رهيبه
جوري : انا مش تسالي
جود : هههههه تنكتي مع خشتك
قاطعهم صوت ملوك المتذمر : يووووووه جود وين وديتيه ؟
جود : وشو ملوك ؟
ملوك : سي دي سمر اللي اعطتني إياه ؟
جود : ياكثرهم ما ادري والله دوري ب هالدرج
دخل عليهم ياسر : سلام عليكم
الكل : وعليكم السلام
ياسر وهي متكي على الباب : غريبه غرفة جود مفتوحة كذا
ابتسامت جود : مسويه افتتاح حياك
ياسر ابتسم لها : لا انا طالع بس حبيت اسلم عليكم ,
قامت جوري وقفت قدام بندر : ياعملاق انزلي
ضحك ياسر ونزل لها : هلا عيوني
باسته على خده وحوطت إياينها حول رقبته : يالله اطلع ناخذ لفه علي البيت من فوق
ضحكوا عليها . .
جود : ياسر إذا وصلتوا هنا لك سفره ل لبنان على حسابي انا وانت بس طلعني مثلها
ملوك : ليه بتكسرين ظهر ياسر عشان لبنان لالا واللي يرحم والديك لاتعطيهم وجه
ياسر : عيوني لكم
قامت جود وباسته وهي ترفع جواجبها ل ملوك : تسلم لنا عيونك وه
ابتسم لهم ياسر ابتسامه عريضه : يالله جوري ناخذ لفه على البيت من فوق
ضحكوا وطلع وهو شايلها وصاير وجهها بوجها وإيداها حول رقبته . .
رجعت جود ل سريها
جود بذاله: امممم ملوك ترى فستانك بكرآ يوصل
ملوك وهي تدور بالدرج سي يدي وقفت ولفت عليها : ادري يعني لازم تذكريني
جود ابتسمت وهي تمدد رجلينها : ان الذكرى تنفع المؤمنين ههههاااااااي
ملوك وهي تلوي فمها وتقلدها : ان الذكرى تنفع المؤمنين ههههاااي سامجه سامجه ماتضحكي
وبعدين انتي جهزي اغراضك وانشغلي بدل تفكيرين بشي مايخصك
جود وسماعات الأيبود : اصلاً الشرهه مو عليك على اللي يبي يسولف معاك
ملوك طلعت السي دي : مره ثانيا اختاري سوالف حلوه اوكي _اشرت بيدها_ يلا بايو
بعد ماسكرت الباب ملوك فتحت عيونها جود وهي تسمع الاغنيه كريستينا اغيليرا,Christina Aguilera
Seems like it was yesterday
When I saw your face
You told me how proud you were,
But I walked away
If only I knew what I know today
Ooh, ooh
نزلت دموع جود وهي تسمع للغنيه جت على الوتر الحساس غمضت عيونها وهي تضغط يدها على المخده بقهر
××××××××××××××××××××××××××××××××××××××××××
صبـآح إسترآليـآ
واقفه على الشباك وبهدوء خذت نفس عميق بقمص نومها أوف وايت درابيه بالصدر وتحتها شريطه اغمق من الفستان وكسرتين من الجنب , شعرها صابغته بني لدرجه مطلعتها مع الفستان ..
.
.
دخل مشـآري الشقه وهو قرفـآإن من نفسسه ويدور مخدته بس , مناوبه وزحمه بالمستشفى ..
فتح الغرفه نزل ملابسه ودخل ياخذ له دش سرييييييع وهو طالع طاحت عينه على السرير فـآضي ؟
[غريبه وين سمر يعني ؟ أي صح انا من دخلت ما انتبهت اذا هي موجوده ولالا ]
عدل الفوطه على خصر وطلع يدورهـآ
مشاري : سمر ؟ سمر وينك فيه ؟
ناظر المطبخ والصـآله بعيونه , واتجه للغرفه المقـآبله .. فتح بـآبها بسرعه أرعبت أحلام سمر اللي تسبح فيها بهدوء حطت يدها على صدرها وبسرعه فائقه لفت للباب شافته بالفوطة وجسمه باقي مبلل وشعر ينقط ماي ..
مشاري : سمر ؟ وش تسوين هنـآ ؟
سمر : انت شلون جيت ؟
مشاري عقد حواجبه : شلون جيت ؟ انا خلصت مناوبه , قولي انا ليه هنا ؟ خوفتيني عليك
سمر لفت واعطته ظهرها وقلبها يدق بقووه فتحت الباب فجعتهاا ..
سمر: مشاري لاعاد تسوي كذا
تقدم لها : وش سويت ؟
سمر : خوفتني
حط يده على كتفها ونزل لها : فديتك والله ماكان قصدي بس لاني استغربت وخفت عليك
باس راسها بهدوء , نزلت راسها ب أسى ما انتبه لها لان عيونه على الشبـاك اللي للأخير مفتووح على كبـره ..
مشاري :ليه مانمتي للحين ؟ عاجبك الجو ؟ ولا تنتظريني
سمر : ولا وحده
مشاري كشر : افا على الأقل جامليني طيب؟
رفعت يده عن كتفها : معليش مشـاري
مشاري : سمر ؟ شفيك ممكن تقولين لي ؟
سمر عصبت : لا مو ممكن ورح البس ونوم
مشاري : انتي فيك جنان على هالصباح شكله ؟
سمر : إي فيني اللي فيني خلاص خلني بروحي
حس ان فيها شي ف طلع يبي يخلها تهدى من هالتوتر , سمر قربت من الشباك لين صارت شوي وتطيح تحس بخنقه وقلبها يعورها حييييل
دقـآيق دخل مشاري بعد مابدل وشافها بنفص وقفتها ..
مشاري : سمر ؟
سمر:نعم ؟
مشاري : ممكن ماتعطيني ظهرك ؟
لفت له ببطئ قـآتل : وش تبي ؟
مشاري حط يده على مقبض الباب وتكى ,
مشاري : ابيك تجي وتنامين وترتاحين بدل الوقفه اللي مالها لزمه
سمر : ما ابي انوم
مشاري: مو بكيفك , بتجين يعني تجين
سمر : لوسمحت مشاري خلني بروحي
مشاري : خليتك بروحك بمافيه الكفـآيه تعالي قولي وش فيك ؟
سمر حست ان الغصه كل مالها تزيييييد , لاحظ مشاري التغيرات بملامح وجهها
مشاري : اقص يدي إذا مافيك شي , سمري بليز تعالي وربي حتى عيوني مو قادر افتحها
مشت سمر لعنده وهي منزلـه رآسها وقفت فدامه , مشاري حط يده على راسها ومسح شعرها ولف على ورى بهدوء
مشاري : ممكن تقولين لي وش فيك ؟
سمر : ؟
مشاري : عمري لاتتعبيني معك , قولي
فتح بـآب الغرفه بيده والثـآنيه ظام فيها سمر , دخلوا وهو مو لاقي رد منها
مشاري : يلا حبيبتي قولي مايصير تسكتين كذا
نزلت دموع سمر لآ إرادي و هو ما استغرب لان لها كم يوم وهذا حالها ولا تتكلم وتقول اللي بخاطرها
ظممها له أكثر ومسسسح على شعرها
مشاري : ياحياتي ياسمر قولي اللي فيك وش تحسين فيه في شي يآلمك , ادري اني مقصر معك بس لآزم تعذريني شوي بس هالايام انا مضغووط حدي , وانتي شايفه الزحمه تطبيق واختبارات
قطع حكيه شهقه قوييه ودها تطلع اللي فيها بس مو قادره كلامه يزيدها
مشاري ب أسى كبير: والله والله بتقطع لا تجلسين تصيحين مثل كل يوم كذا
سمر: م شششت ـاآ ق ـه
مشاري باس راسها : بس ؟ وتسوين بعمرك كذا ؟ حرام عليك متعـ
مشاري : أجل ؟
سمر : ككك ـلهم يلوم ـوني
رفع راسها ومسح دموعها عن وجهها وأبعد الخصل ..
مشاري : من اللي يلومك ؟
مسحت سمر باقي دموعها : كل البنات
مشاري :منهم
سمر: بنات عمي
مشاري:وعلى وشو يلومونك ؟
سمر: ؟؟؟
مشاري : جاوبي على وشو؟
سمر : كل شي
مشاري : ماعليك فيهم , ولا تتعبين روحك ع سوالف تافهه ولا ادري يوم انك نزلتي دمعه عشانهم
سمر صحتك أهم من كل شي اونتي هاليومين مهمله نفسك كثير يعني مو عشاني مشغول تسوين كذا لازم اكون ورآك ؟ أوكي ياروحي
سمر زت راسها بـ إي
مشاري : أبتسمي اشوف
سمر هزت راسها ب لا
مشاري : مو بكيفك يلآ اشوف يلآ اخليك تضحكين مو تبتسمين – وغـمز
أتبسمت سمر وأبعدت عنه
ضحك مشاري : والله مو مسوي شي ,أمزح معك
ركضت سمر ل دورآت المياه وسكرت البـآب
كشر مشاري [لحوول ولا قوه , والله صايره ماتتحمل شي , الله يعيني عليها]
وقف مشاري عند دورات المياه : والله امزح معاك ماراح اسوي شي , اطلعي يلا خلنا ننوم
ماسمع رد وهو ماعاد يقدر يقـآوم التعب :خلاص سمر انا بروح انام , ياليت ماتطولين مو زين يـآعمري
رمى نفسسه على السرير وتـآوه بتعب وآآآآآآآضح ماطول كثير وحس باللي رفع المفرش , فتح عين وهو يشوفها هدوء تنسدح جنبه
لين اعدلت بسدحتها حط يده خصرها وقربها بهدوء ودفن وجهه بشعرها وأستسلم لنووووم هو ويـآها
××××××××××××××××××××××××××××××××××××××××××
بعد مارجعت ساره لريـآض عشان عمل تركي ’ جالسين يتقهوون وخالد يلعب قدامهم
ساره : لا ياتركي غاليه غير عن فاطمه اصلا حرام نقارن وانت ادرى ماله داعي نتكلم واجد عنهم
تركي : الله يستر عليهم بس انا اقول ماتظمنون يمكن تغير انا ميدي عمتي وعمـ
قاطعته ساره : ادري فهمت لا ان شاء الله مايقصرون حتى لو تغيرت نايف صله بينا
تركي: الله يوفقهم ويعينهم
ساره : امين , حولت نظراتها ل عيالها الجالسين قدام التلفزيون و مندمجين ب البلاي
تركي : سارة
سارة: لبيه
تركي : لبى قلبك , في شي ودتس تقولينه ؟
سارة سكتت شوي : كانك عارف
تركي ابتسم : من بداية الموضوع بس قلت لين خلصنا اسال , طيب وش عندك
ساره واضح الارتباك فيها : والله ياتركي انا ما فكره في هالشي إلا عشان اشغل نفسي عن مليت من جلسة البيت تعودت على الديرتين طلعه وجمعه بس هنا ما قدت اتعرف على ناس
ابتسم ابتسامه عريضه : طيب بدال هالمقدامات ادخلي بالموضوع على طول
ساره شبكت ايديها ببعض: انا سالت عن معاهد ولقيت معهد كمبيوتر كبير ومعروف صباح وعصر و و
تركي : اها يعني ناويه تروحين ؟
ساره : أي والله ياتركي مـ
ضحك تركي : طيب وشوله هالخوف والارتباك ؟
ساره رفعت عينها : هاه
تركي وهو يمد فنجانه تصب له : من قال هااه سمع , اقولك ماله داعي الخوف انتي بس تاكدي إذا هو زين وروحي معودك لين طلتيني رديتك
ساره ابتسمت : لا والله حشاك بس عشان الرياض متفتحه غير الديره
تركي : هي صح عشانها مدينه منتيب متعوده بس عادي اللي يبي الطريق الصح يروح له واللي يبي الخطا الله يعينه
سارة: صح , بس انا شاء الله استفيد وقبل كل شي تكون راضي عني
قرب تركي وسحب يدها وباسها : راضي يا ام خالد والله عنتس راضي
استحت سارة وسحبت يدها خافت لاحد يلف ويشوفهم من عيالها
يوم زوآج رائـد وِ ملوكـ.
.
الساعة 3 العصر
دخلت أم ياسر غرفة ملوك وتفتح الانوار والستـآير وهي بصوت عالي تقوم ملوك
ملوك تغمض عيونها: ماما الله يخليك طفي الليت شوي بس
ام ياسر وهي ترفع المفرش عن ملوك : حبيبتي تاخرتي ترى ومابقى على الكوافير إلا نص ساعه
ملوك تضم نفسها : مالي حيل ونا مانمت وتعبانه خليني بروحي
جلست أم ياسر على طرف سريرها وتمسح على شعرها : طيب بس انتي خذي شور وراح تتنشطي
حست ملوك ان ما امل تكمل نومه جلست بنرفزه , وناظرت امها شلون هي مبتسمه
[ فرحانه ياماما ان بنتك بتنقتل اليوم , بس الايام بينا ]
ام ياسر : يالله حبيبي اليوم فرحك ابيك تكوني ملكة
وقفت وبادلت امها الابتسامه وحبت راسها : ان شاء الله
دخلت ملوك الحمام وطلعت من هنا ام ياسر
جود : ماما ملوك صحت ؟
ام ياسر وهي نازله : ايوه يلا انتي قولي تاكدي إذا الغرفه جاهزه ولا لاء مابقي شي
جود بحماس : طيب
×
× ×
× × ×
× × × ×
رائد : الوعد الليله ان شاء الله
ابو منصور: ابشر ماطلبت شي وعزيمتك وصلت
رائد بحـآلميه يمزح : يسلم لي هاللسان
ابو منصور: انا والله انهبل من لسانك
رائد : هههه واني داري بغيب عنك اسبوعين وحاس انك بتفقدني وانصحك تاخذ اجازه نصيحه
ابو منصور : اقول فارق صدقت روحك انت حيل
رائد : يحق لي
ابو منصور : بالحييل , يالله انا بقفل اللحين تامر شي
رائد : ابد سلامتك بس انصحك تاخذ إجازه
ابو منصور : هاها ماتضحك , اليوم عرسه وماراح يتضبط يارب انك تشفيه
رائد : وياك حبيبي
قفل رائد من ابومنصور وابتسامته مافارقت وجهه
اتجه للبـآيكه وهو يشوف العامل خلص شغله , ركب سيارته وهو في قمة روقـآآآآآنه
× × × × × × ×
اسيل تدور بالصاله وقدأمها إياد و ريـآن بحضنه
إياد : واو سالي والله تجنني
جلست جنبه وهي ترمش بعيونها : عيونك تجنن إيادو حياتي
ضحك ريان من حركاتها وجلس يقلدها
اسيل : ههه لالا مو حلو ريان
ريان عقد حواجبه : إلا حلو
إياد يبوسه بخدوده : صح حلو حلو عيدها مره ثانيه
سمعوا صوت الباب ينفتح والتفتوا
بندر ابتسم : السلام عليكم
إياد+أسيل: وعليكم السلام
أسيل وقفت : بندوري شرايك ؟
ناظرها بندر ب اعجاب : طالعه قمر
أسيل : وه فديتك اكيد دام اخوي بندر
ابتسم ابتسامه عريضه : شكرا على المجامله , وين امي ؟
أسيل قطبت حواجبها : انا ما اجامل بس انت شكلك مو رايق , وماما فوق
جاء لمها بندر وباس راسها : لبى قلبك والله بس كم اقولك لاتمدحيني كثير
أسيل: اوكي بس ما اقدر اشوف القمر قدامي ولا اقول شي
إياد : صح بندر ليه ما تحب احد يمدحك مع انك احلى واحد فينا ؟
بندر ابتسم لهم بحب ويبي ينهي هالموضوع : لان بكره راسي يكبر ماعاد اشوفكم شي , يالله ممكن اطلع ؟
إياد+أسيل: خذ راحتك
×
× ×
× × ×
× × × ×
االسـآعه 10
القـآعه النسـآء
أم رائد وام فهد وام بندر وام ياسر ب الاستقبال معأزيمهم كثير وصديقـآتهم القـآعه اتملت تقريبـاً
لابسه أخضر عشبي نص كم لكن برسمه حلوه وغريبه وثلاث كرستآلات ذهبيه أحجأم عند الصدر
أم يـآسر لابسه اسود ب اكمام ومن الأطرآف مطرز بذهبي وذيل طويل دائري
جهه ثـآنيه
البنـآت جالسين بطـآوله ب اول القاعه وصديقـآتهم معاهم , قطع سوآلفهم صوت المطربه المحمس كثير
خنتني.. ؟مبروك يعني وش اختلف
وهذي الدنيا .. وهذا الكون كون ..
تحسب ان قلبي من الصدمه وقف ؟!
ماتأثر بس .. عرفتك من تكون !!
جود بتصفق بحمـآس : يالله غدي نرقص هذي
غدي : جودي حيـآاتي قومي مع صديقاتك انـ
اسيل تقومها : يلا زييييييين قومي حتى انا رآح ارقص
غدي : لا ما ابي
جوري : هيـآ غدي طيب تعالي معاي
بعد محاولات منهم قامت ترقص الأنظـآر عليهم وكل وحد احلى من الثـآنيه
جود لابسه سكري نـآعم من الصدر كرستـآلات فضيه بشكل 7 , ورافعه شعرها كله فوق.
اسيل فستآنها أسود ومن الصدر منفش بشكل دأئري مخمل رمآدي فاتح, قآصه شعرها قصه جديده ومخليته مفتوح.
غدي فستـآنها التوتي كسرآت بالطول من الصدر كسرآت بالعرض لنص السآق مسويه بوف وفـآتحه شعرها.
جوري منقـآوي وفوشيي درجـآت قصير بدون اكمام وفيه كرستآلات صغيره صـآير منفوش بحلآوه .
×
× ×
× × ×
× × × ×
رائد بصدر المجلس ثوبه الابيض والشمـآغ والبشت الاسود وساعة السوداء والجزمه كله زره وهيبه
الشبـآب رايحين جايين عليه وكالعاده تعليقات بينهم ,
زيـآد : يا اخي كل شي اتخيله عليك إلا البشت
رائد: لعنبو دآرك استح على وجهك كم مره قلتها لي ؟
زيـآد : لاجد عشان اكون معك صريح , مسك كتف بندر ويلفه لمهم ,بندر بالله تتخيل شكله بالبشت
ضحك بندر لان هذي ثالث مره يساله هالسؤال
رائد زم شفايفه وسوى نفسه عصب: اقول زيـآد تعرف تفـآرق ؟
زيـآد : ابد والله قلب علي الرجـآل بندر يا اخوي أفزع معي
ضحكوا منه وانتبهوا ل إياد جـآي لمهم
زيـآد كشر : هـآ يالخكري وش تبي ؟
إيـآد أعطاه نظره وحول نظره ل رائد : عمي يقول بيدخلو الرجـآل للعشا وانت يارائد تجهز
انتبهوا ل نظره إياد ومتعودين على النظرات واكثر لكن ماكان المكان مناسب لها ابد
لف بيروح ومسك كتفه بندر : لحضه بروح معاك , يالله رائد جهز نفسك , تعال يازياد
زيـآد :لا انا بقعد مع رائد لين يدخل
بندر : كيفك يالله سلام
رائد : الله وياك
راح بندر هو وإيـآد . .
بندربهدوء: إياد
إياد وهو متوتر: ايوه
بندر بحنـآن باين حتى من عيونه: ليه ناظرت زيـآد كذا ؟
إياد لف عليه بقوه : ايش قصدك تبغاني اسكت له , وانت شفت من اللي اول بداء
بندر : بس بعد المفروض ماتناظره كذا وانت شايف رائد موجود
إيـآد: هو اللي بداء
بندر : طنشه واجل نظرتك واللي بتقوله لوقت ثاني تتفاهمون فيه مو قدام خلق الله رائد وبومنصو مابقى احد حتى لو ولد عمنا ولا خوينا هذي اسرار
إياد نزل راسه : بندر بليز خلاص انا وزيـآد مستحيل تنفق ونا احاول ما اقرب منه عشان مايصير مشاكل كذا وانت شوف مين يبداء
جاهم ياسر وحط يده على ظهر إياد بحنيه , طبعاً شايف كل شي
يـآسر : افـآآ , وش فيه المزيون ؟
نزل رآسه أكثر ولف بصوت واطي : بندر انا بروح ل بـآبـآ اوكي؟
ربت بندر عليه وراح إيـآد , ويـآسر ابد ما استغرب لانه يعرفه كثير هذي حالته إذا زعل او تضـآيق من شي ..
بندر : يـآسر خلصتوا انت وعمـآني ؟
يـآسر: أي يالله انا رايح ل رائد
×
× ×
× × ×
× × × ×
ملوك بنرفزه : مو بكيفه مو بكيفه ,
جود جالسه جنبها : ملوك حبيبي ادهي طيب بس أهدي وانـ
ملوك وهي تقبض يدها بقوه : أنتي ماتفهمين ؟ اقولك مايبي زفه
جود تمسح على ظهرها: والله ماتسوى ولا يستاهل اللي تسوينه
ملوك تقبض يدها بقوه : شلون ماتسوى وهو كل شوي طالع بسالفه
اسيل دخلت الغرفه وبيدها مويه : جبتهـآ , جلست جنب ملوك وهي تمد الكاس عليها
ملوك وقفت بعصبيه : ما ابي شي خلاص خلوني بروحي
تنهدت جود بوضوح : ملوك والله مايصير
اسيل : حياتي ملوك طيب انتي هدي والله والله راح اقول حق عمي
قطع كلامهم فتحت الباب , وصوت ام ياسر
ام ياسر :لالا عادي حبيبتي حيـآك , لفت للبنـآت ب ابتسامه , بنت خال رائد
ابتسموا لها مع الجو متوتر كثير إلا جود واسيل حاولوا يغيرونه بسرعه بديهيه
اسيل : اهلن اهلن حيـآك
سلمت عليهم بسرعه وهي منحرجه وبـآركت ل ملوك وهلا ملاحضه ملآمحهآ المتذمره , طلعت وام يـآسر تنـآظرهم ب أستغراب
أم يـاسر : شفيكم ؟ ملوك ليه شفيك ليه وجهك متغير ؟
ملوك : من ولد العم هذآ الخـآيس غبي اللي يمشي ورآه غبي
تجمدت أم ياسر من كلام ملوك
جود ابتسمت بتوتر : ولا شي يمه بس ملوك كانت محضره نفسها لزفه ورائد مايبي
بلعت ريقهـآ اسيل : خالتي لاتخافين اللي تهداء بس انتي ارتـآحي على مايجون أعمامي
ام يـآسر: طيب ملوك حيـآتي لاتقولين كذآ عن زوجك مهمـآ كان إيش اتفقنـآ قبل يومين ؟
جلست ملوك بفتور وهي ترص على اسنـآنهـآ [ولاشي من اللي قلتيه يمه ماراح يصير دآمي مع الحيوان رائد]
دزتهـآ اسيل , ورفعت عينها واشرت لها عشان ترد
ملوك : ان شاء الله يمه
أم يـآسر : الله يوفقك يـآعمري بس هدى من عصبيتك وبشوف ليه رائد مايبي الزفه
شوي وهو يسمعون الزغـآريط من ورى البـآب
أم رائد : هلا والله وغلاآ بحبيب أمه بـآس رآسها , وعيونه تلمع من الفرحه
يـآسر طق البـآب كم طقه: تفضل يـآلعريس
.
.
أنفتح البـآب وهم بهدؤهم ~
رفعت عيونها مللوك بسرعه تنـآظر الباب وطـآحت عينها بعينه
رائد ابتسم : السلام عليكم
وكان جنب رائد يـآسر وأمه ورآهم
تجمدت ملوك مكانها ورخت عينها بسرعه [ إهدى ياملوك لايشوف هالنظره فيك لازم تكونين قويه]
ابتساماتهم وتحريبهم
جود: هلا والله بالمعرس , الف مبروك
رائد : الله يبـآرك فيك , وعقبـآلك
أسيل بشقـآوه: مبروك ولد عمي على بنت عمي
ضحك رائد : يبـآرك بعمرك يـآبنت عمي
تقدم بـآس راس ام يـآسر : أنتبه لـ ملوك يـآرائد
رائديـآشر على عيونه : ملوك بعيوني يـآعمه , يالله يمه نـآدي اللي يبي يجي
.
.
ملوك بللت شفـآيفهـآ بعد مـآسلمت على ام رائد : أنتبهي على نفسك وديري بـآلك على رآئد والله مافي مثله أثنين , وشدت على يدهـآ
ملوك ابتسمت بمجامله : أن شاء الله خـآلتي , وهي بنفسهـآ[ القرد بعين أمه غزآآل ]
يـآسر بحب واضح من عيونه : الف الف مبروك دلوعتي
ابتسمت وهي تضمه : الله يبـآرك فيك , وعقبـآلك حبيبي
بآس رآسها : ربي يوفقك , ورفع صوته رائد أنتبه ل ملوك ترها دلوعتنـآ
رائد عيونه عليهـآ: أبد بالحفظ يـآروح رائد
أبتعد عنهـآ وهو يشوف الغرفه بدت تمتلي ب هـآلسرعه
ربع سـآعه سلآم وتبـآريك بهالغرفه ورائد وملوك مـآطحت عيونهم ببعض إلان رائد حـآول ينتبه لكل شي تسويه . . .
طلع الكل مـآبقى غير [رآئـد ملوك المصورة]
المصوره : يلآ نبدآء
رائد ينـآظر مبتسم بميلآن: هـآ ياكريمتنـآ, تقولك نبداء ؟
ملوك رفعت عيونهـآ’ وأخيراً حـآطت عيونهم ب بعض , وقفت ببرود: يلآ
هـــدوء عم دقـآيق على مـآتعدل المصوره اللي عندهـآ’
رائد يتفحص ملوك من فوق ل تحت وابتسامته مـآفآرقته [محلوه الملعونه]
المصوره بتذمر وهي متجه لملوك : يلآآآ وئفي لكآن
ملوك : بسم الله زين لاتنافخين مانيب اصغر عيالك
قرب منهم رائد : وانتي اعصابك عليهـآ’
ملوك ابتسمت بدآخلها [الحمدلله بداء] : انت مالك خص
رائد رفع حـآجبه : من اليوم ورآيح كل شي يخصك لي دخل فيه
ملوك حطت يدها على خصرهـآ: وب أي صفه أخ رائد؟
رائد ابتسمت بخبث حرك اصعبه بطريقه عشوائه على انفها: بصفة اني زووووووجك يـآحلوه
ابتعدت عنه وملامحها تدل انها متقررفه
المصور وكانها بدت تعصب : شو يعني بتئعدو تتخاصمو هيك , كفـآيه المزيه تعطلت
نـآظرته بحقد وقالت بصوت عالي: هي هي وانا شدخلني ب المزيه واتوقع اني كنت على كلامي ,
سكتت المصوره ورائد زأدت ابتسامته بتدت تـآخذ لهم كم صوره وهي موقـآدره يتحمل ثـآنيه معـآإه
.
.
أسيل : يـآحياتي يـآملوك وربي حـآلتها صعبه
جود تضحك بروآقه : الحمدلله جـآها رائد خل يـآدبها
أسيل فتحت عيونها على كبرهـآ: يه يه شريره ترى اختك هي
جود : ادري انها اختي اجل اختك
أسيل: والله موصـآحيه
غدي : اقول أنتي ويـآها بتريحونا ولا لاء
جوري: ههه والله غدي النفسيه موو تمام . .
غدي ابتسمت: شسوي عاد ابي اسافر زهقت
جود : ليه قررتوا ؟
غدي : لا بس انا بروح لسمر
جوري : دوووبيه بتروح بروحهـآ حتى ماتذكرتني
غدي: لافديتك , بس طلعت معآي كذآ ولا انا ناويه اقول حق ابوي نروح كلنـآ استرآليا
اسيل:لالا انا نفسي ب لبنـآآآن
جود: مو بكيفك حبيبتي إذا رحنا بتروحين غصب معآي
أسيل: قلت لك ابي لبنااااان مشتاقه لهااا
جوري: جودي خليها تروح بروحهـآ احسن وإحنا راح نستانس أكثرر –مدت لسانها لنذاله-
اسيل : يـآخايسه السفره ماتحلى إلا بي قال بتستانس قال , بس بعد ابي لبنان ولاتجادلون
جود رفعت حواجبها : قولي الصراحه انتي تبين لبنان ولا اللي بلبنان
اسيل حمرت : كلهم لبنان واهلها و و و
ضحكوآ البنات منهـآ وهي منحرجه
غدي : اوكي بنروح سمور وبعدها لبنـآن دام سالي مشتاقة للي فيها
أسيل وهي تقوم تبوسها : وه أموووت على اللي فاهميني بسرعة
يـآسر وهو يناظر ملوك تعدل طرحتهـآ : يلا قلبي انا انتظرك أوكي
ملوك : أوكي
طلع يـآسر وشـآف سيـآرة رائد وهودآخلها ابتسم وجـآء لباب السواق
يـآسر: وين يالغالي , انا اللي بوصلكم
ابتسم رائد وهو يعدل شماغه: شيل من بالك , مو تبون موكب قل للشباب يخلصوون
ياسر ناظره ب استغراب : اقول انزل بس , ترى اول خواتي لازم
رائد قـآطعه: ادري وشقلب قل لشباب وانت ساكت
ضحك يـآسر :اللي تبيه يلآ سلام
سكر بابه وطلع يقول ل ملوك انه مـآراح يدويهم , واتجه لشبـآب
طلعت ملوك وانتبه لها رائد , ونزل قزآزته عشان ينـآظرها عدل , عبـآيتها الفخمه أطرأف اكمامها الحيرآن وكله كرستآلآت ذهبيه حجمهـآ حلو وهي مش مكسمه عليهـآ كثير بس بالنسبه ل رائد اللي تغيرت ملامحه للعصبيه بسرعه , فتحت البـآب بصعوبه وركبت ب كبريـآها المعتـآد , عدلت اللثمه بهدوء . . .
وعيون رائد بتطلع وهو يشوف برودهـآ ولا كانه موجود جنبها ولا كانه اعطاها من النصـآبح وانبح حلقه بهالنصايح . .
طوول على هالحال يبيها تحس أما هي عـآرفه بتصرف رائد وفاهمه قصده لكن قدر المستطاع قدرت تمحي وجوده جنبهـآ
ماحست إلا باصابعه يغرسها بذرآعها وبين عروقهـآ تأوهتغمضت عيونها: فكني
رائد وهو يزيد بيده ويحط عينه بعينها: والله بس رحمك هالباب ولا لو مب موجود لـ أنسيك شي اسمه عروس
ولفت عليه بقوه وهي تسحبها منه : رائد فكني
أنتبه ل الأصوآت ولف ويده للحين بيدها , بسرعه فكهـآ ومسك الدركسون وبصوت واطي : نتفـآهم على هالموضوع
بدت الاصوات تتعالى من تصفير وبوآري وأغاني ابتسم ,اما هي لوبيدها فتحت الباب ونزلت واللي يصير يصير
. . وصولوا وانفتحت بوآبه القصـر . .
طلع يده رآئد واشر لشبـآب بيده وهو يضحك من هبـآلهم , أتجهوا لبـآب نزلت ملوك وهي شـآده اعصابها والتوتر ممتلكها في كل جزء بجسمها فتح رائد البـآب وهي قدآمه طلـعوا الدرج . . .
وهي تمشي ببطىء عشان الفستـآن ثقيل عليها وأخيرا وصلت اخر درجه وبنفس الوقت رائد صـآر قدامها, مشت ورآه والسكون طغى على المكـآن مافي غير صوت كعب ملوك على الرخـآم . . .
فتـح البـآب وشغل النور وأتجه لأ إحدآى الغرفه أما ملوك أحتـآرات تسبقه ولا تجلس على الصوفـآ ماطولت بالتفكير
رائد: ملوك تعالي ليه واقفه ؟
ماناظرته وتنزل عبـآيتها بهدوء اخذت نفس عميق وهي تسمع طق رجله ب الارض ثم رفعت عينهـآ له واعطته نظره مسكت عبـآيتها بيد واليد الثانيه رفعت بها غرتها بنعومه وهي جـآيه للغرفه . .
ابتسم رائد وما انتبه لنظرتها ابد وصلت ملوك قدامه ورائد متنح
ملوك : ممكن تبعد
رائد مو سامع شي ابد [اللحين ملوك صارت ملكه يسوي اللي يبيه ولا احد بيرده حتى هي ماتقدر واخيراً ياملوووك واخيرا].
مشاعر تتلآعب داخله يحس بفرح غـآمر ومره عنف يحتويه بلع ريقه دخل الغرفه قبل يطلع منه أي حركه مووقته
رائد : بدلي بسرعه عشان الوقت مايمدي بيروح علينآ
جلس على طرف السرير ومدد جسسمه وثوبه للحين عليه , وقفت ملوك ب استغراب [وش عنده ليه مايذلف ؟]
ملوك: طيب ممكن تطلع عشان ابدل ؟
رائد وببرود يحط يده ورى راسه وب أبتسـآمه جانبيه: واحد ماسكك بدلي
ملوك : اف ترى مو رايقه بسرعه اطلع عشان ما اعطلك
رائد : طلعه مو طالع
بسرعه خذت ملابسها من الشنطه وهي اتجهت للباب
رائد بصوت عالي شوي : ملوووووك , امشي بدلي هنا
طنششته وفتحت الباب وماحست إلا ب يد رائد على ذرآعها , شكلك بايعتها مع سالفة اليوم
سحبها ودخلها الغرفه وفقل الباب
: قلت لك هنا يعني هنا
رصت على شفتها لين ماحست بطعم الدم سحبت يدها منه بقوه ولفت وراها بقهر اعطته ظهرها
بداخل رائد ضحكه كـآتمها [ خطوه خطوه بمشي معك بعدك ماشفتي شي]
كتفت ايدينها وتنفست بصوت عالي , زأدت ابتسامة رائد وحس انها من جد ماعاد عندها القدره لرد عليه , تقدم خطوتين صار وراها على طول وحوط ايديه حول خصرهـآ بهدوء , ارتبكت ملوك وبسرعه ابعدت عنه
رائد وعيونه تلمع بخباثه: ارجعي عشان اتركك تبدلين براحتك
بلعت ريقها ملوك وتشوف ملامح رائد شلون تغيرت 180ْ
قرب مره ثـآنيه واللحين قبـآلها ونفس الحركه بس صارت عينه بعينها وبهدوء طبع بوسسه على خدهـآ’ إما ملوك تجمدت وحست ان قلبها ممكن يطلع من مكانه..
بدا يستنشق عطرها القووي صار يطبع بوسه بكل مكان بوجهها لحد ماحس بداقات قلبها تعالت ضمها لصدره ببطىء
وباسها على رقبتها بقوه ملوك وقتها حست ب انفاسها انقطعت بجد , ابعد عنها بهدوء
رائد وابتسم بنذآلـه : اتوقع اللحين تقدرين تبدلين قدآمي ؟
ملوك ماتبي تبين له ان قربه أثر فيها أو باالاصح خدرها بلعت ريقها واعطته ظهرها وطلعت ..
ورائد مازالت ابتسامته مرسومه على ثغره وافكار تدور بباله فسخ ثوبه وبدل بكسل ورمى نفسه على السرير وغمض عيونه بتعب وغطه النوم ..
××××××××××××××××××××××××××××××××××××××××××
مآلي مزآجْ أرجعَ أقلبْ دفآتر أورآقهآ تجريحْ وسطورهآ عتآبْ!!
مآلي مزآجْ أنظرْ لـ / صورة قديمْة فيهآ ملآمحَ تضحكْ بـوجه كذآب
أسيل ومـآ أدراك بصبـآح اسيل
من ردوا من الزوأج والنوم مجافيها , ماهي قادره تنام ولا هي قادره تفكر ولا تصيح ضـآآآآآآيعه وكل ماتحضر زواج ترد نفسيتها تعبااااااانه و تصير قلقـآنه ومتوتر حدها ..
أخذت نفس عميق وتحس قلبها كل ماله يزيد عوآآآر وعيونها على السماء الصـآفيه والجو بالرياض اليوم ياهو حلو بس جو أسيل أكئب من الكـآبه ..
أسسيل بحشرجه وملامح الحزن وآآضحه : من يعرف اسيل ومايندم , انا اصلا غلط وجودي ياليتني مت قبل مايصير اللي انا فييييييه , وين آلآقييه وين بس والله هالنار اللي بداخلي ل أخليه يعيشها وأقلب له دنياه جحييييييييييم ..
أن مانسيته حليب امه ما اكووووون اسيل وربي ما اخليه يتهنى بنووومه وافضحه قريب بس اصبر ياقلبي شوي لين اجيب فكره تكون بالصميم
صـارت تدور بغرفتها وتفكر بخطه تحقق مبتغاها واللي ببالها عضت شفتها ب أقوى ماعندها تبي تطلع الحره اللي بدآخلها ..
مر تقريباً 10 دقـآيق وهي كل مره يجي ببالها فكره والثانيه اقوى منها , ابتسمت مع ان الهم كبير بدآخلها
أسيل : لقيتهااااا بس على الله تضبط مثل ما ابي , أكييييد بتضبط مدامها فكرتي
أنطق البـآب وهي غمرة أفكاراها وخططها وبين حزن وألـم
أسيـل وهي مكانها : مين ؟
بندر: انا بندر يا أسيل
تقدمت خطوتين بتردد كبيـر و وآضح
بندر: اسيل ؟
اسيل : بندر سوري ممكن تخليني
بندر : برآحتك بس حبيت اقولك اني ماشي الشرقيه
طول بالوقفه وماردت اسيل مشى وهو متاكد ان عادتها رجعت ,
يدفع ثمن عمره ويعرف وش تحس فيه وش يآلمها ..
[اكيد اكيد بندر عرف اللي فيني أجل ليه جـآآ’]
انتظرت لين سمعت صوت سيـآرته وطلعت للحديقه تتنفس
××××××××××××××××××××××××××××××××××××××××××
السآعه 10 الصباح – الديـره
أم خالد : يا ابو خالد البنت البارح تقول التسجيل بدا
ابو خالد ومسباحه بيده : وشهو تسجيله ؟
أم خالد: هو وراك نسيت ؟ تسجيل الجامعه
أبو خالد : مانسيت يابنت الحلال , بس قلبي ناغزني من هالداشر وش يجيبه بعد هالغيبه ؟
ام خالد وكل علامات التعجب فيها: الداشر ؟ منهوو
ابو خالد وعيونه على مكان محدد بس داخلياً مو مستقر: حسن
أم خالد : حسن بـن بلاهيد ؟
أبو خالد: ايه
ام خالد: وش فيه ؟
أبو خالد : مسرع نسيتي انتي
ام خالد : وشو انسى
أبو خالد: يامره مااهوب حسن طالني نوره ؟
أم خالد وهي تتذكر: إيييييه ذكرت هاللحين , بس هذا قبل كم؟
ابو خالد : وش عليتس انتي بالشهر , الرجال اذاني
ام خالد: يا أبو خالد البنت مانيب قايلتن صغيره مير هالرجال ماينفع لها وانت ادرى
ابو خالد: هـو تعلميني أدري فيه سكير أزوجه بنتي شايفتني هذريت
أم خالد : حشى والله بس الرجال مدام انه صامل تخاف انه يقوله بالمجلس
ابو خالد : لا مانيب حاسبن لحسابه شي وكل اللي بالديره خابرينه
أنتبهت ام خالد لفتحت باب الغرفه
أم خالد بصوت واطي : اص البنت قامت
سكت ابو خالد وكمل استغفاره , ودخلت فرح دورآت الميـآه
أم خالد : لاتقول لها شي عن ولد بلاهيد
ابو خالد : انتي والله ان فيتس
أم خالد : وش فيني ياهنه؟
أبو خالد :بعقلتس يوم تقول لاتقول لها شي لا مانيب قايلن شي
ام خالد : ياحول ياذا والله اللي مايعجبه العجب
أبو خالد : جاه الله علاتس تسكتين
أنهى كلمته وفرح طالعه ومتجهه لهم ..
فرح : السلام عليكم
حبت راس ابوها ثم امها , وجلست
: وعليكم السلام
فرح : وش لونكم ؟ عساكم بخير
ابو خالد : مانونس شي , انتي علاتس اليوم طولتي ورى ماقمتي مع امتس
فرح : سهرت الله البارح وتكاسلت القومه , لو انك مطلعنا مع الصبح كان قمت
ام خالد : بكره ان شاء الله تروحين مه الصباح لرياض
فرح ابتسمت : صدق ؟ وافقت يبه
أبتسم خاطر ابو خالد : أيه ان كان تبين بكره ماشانا وان كان تبين اللحين ماعندي شي
فرح : لالا خلاص ببكره اجل نطول بالرياض ونروح لساره والفيصليه والمملكه مانيب راقده ولا اخذ غفوه بعد
ضحكوا منها وعلى أستهبالها
أم خالد : يا قمي افطري ترى حنا افطرنا
فرح : ابشري
وقفت فرح بنشاط من سفرة الريـآض وداخلها فرح كبييير واخيراً امنتيها بتتحقق
××××××××××××××××××××××××××××××××××××××××××
ملوك تحركت بملل لها دقـآيق صاحية بس عيونها مغمضتها اشعة الشمس مخترقه الغرفه ب جزء كبير , تمغطت وتحس عظامها تعورها وكل جزء بالم ثاني تقلبت كم مره ثم فتحت عيونها ببطئ استنكرت المكان رفعت المفرش عنها وعقدت حواجبها كالعاده جلست وهي تتذكر ليلة البـآرح شلون هي كانت كريهه بالنسبه لها وقفت بسرعه وفتحت الباب بهدوء ووحطت يدها على مقبض الباب وهي مستغربه وكل علامات التعجب بوجهها [غريبه من رائد تاركني كـ] ماكملت كلمتها إلا وشي يشدها من شعرها
ملوك : يمـآآآ
رائد زاد شد ولفها عليه : بسم الله عليك ياعيون أمك
ملوك خافت وجهها باين عليه الخوف : رآئـد
رائد: ليه مانمتي معاي؟
فتحت عيونها للآخر : نعـم ؟
رائد : ايه ليه مانمتي على السرير , موانتي البنت المدلعه مستحيل تنوم على أرض كذا قاسيه عليها ؟
ملوك فهمت قصده دفت يده بقوه : اقول تلايط بس
رائد عقد جواحبه وأستغرب الكلمه كثير رجع مسك يدها : تلايط ؟ خير ان شآء الله وش الألفـآظ ؟
ملوك : أي تلايط وبلا نصـآيح بلييز ابي اصبح عدل
زآد بمسكة يدها وحط إيديه حول ذقنها : كلام اسمعه منك كذا مره ثانيه كسرت هذأ لك سامعه ؟ ثاني شي نومتك امس ماعجبتني وكانك استغليتيني ولـآ ؟
ودها ترد ملوك بس ماتقدر تتكلم رفع رقبتها حط عيونه على بوسة امس ابتسم على جنب وبـآسها بنفس المكان بهدوء , أبتعد عنها ورجع لصـآله أما هي متجمده مكانها [ غبيه غبيه نفس حالتك امس اف ] ..
رائد : ملوووك ترى الفطورعلى وصل
أنتبهت ملوك لكلامه : كل هوآآآآ
وخذت ملابسها ودخلت تاخذ شور
رآئد : لا والله يـآفديت عيونك أحلى صبـآح دامه على صوتك
أبو منصور: لآه لآه رائد صبـآحية زوأجك ترى خل الغزل بعد 3 شهور ولا مب عندها على الأقل
يرمي الزيتون بفمه ومتكي : محد عندك بعدين ابن امه يفتح فمه ان كلمتك
أبو منصور: طيب متى ناوي تحجز؟
رائد : هونت
أبو منصور: نعم ؟
رائد : ايه هونت , ورآك مستغرب ؟
أبو منصور : أبد سلامتك ما كآني سمعت شي
ضحك رائد وهو فـآهم قصده : لا والله تبي الجد ودي ب اخس دوله أسفرها
ابو منصور : صدق انك بايعها ياولد استح على وجهك اليوم صبـآآآآآآآآآآحية زواجك تقول كذا
ضحك رائد ضحكه طويله بـ قهقه تنرفز
أبو منصور : ما اسمع صوتك إلا بعد اسبوعين وقليله عليك بعد
رائد : يا أخي يـ
أبو منصور : رائد حبيبي أعقل وأقرب طيـآر لـ إيطآليا , فمان الله
طوط طوط طوط
فتح فمه رائد وهو ينـآظر الجوال : صدق انه وآطي
استنشق الريحة , ورفع عينه وابتسم
رائد : أووه , وش هالريحه الحلوه
جلست ملوك وهي سـآفهته..
كانت لابسه تنوره قصيره فوشي ومشجره ب ألوان كثيره وبلوزتين اصفر وفوشي وقلوس فوشي وكحله زرقـآ ..
رائد : ورأه شكل الأخلاق مش ولا بد ؟ مع انك مصبحه علي
ونفس الحـآله ما كانه موجود أبد , أما رائد خطرت ببأله فكره وبداء ياكل . .
رائد : اقول ملوك , كم لك ما اعتمرتي ؟
استغربت االسؤال : ليه ؟
رائد : انتي جأوبي اللحين
ملوك بضجر : مهم يعني
رائد : بلا تحقيق وجـآوبي
ملوك : العاام
رائد : يعني قبل سنه ماشفتي الحرم
هزت راسها ب إي
رائد بطريقة أستفززازيه : اهاا أأجل غيرنا الوجهه نبي نروح للحرم وأبها ونرجع
فتحت عيونها ملوك : نعـم ؟
رائد ياكل ولا رفع عينه : يقولون اللي قدآمي فطور
ملوك بنرفزه: عيد كلامك الأووووول
رآئد وهو كاتم ضحكته :يقولون اللي قدآمي فطور
وقفت ملوك بعصبيه : أأوكي كمل فطورك
وقف رائد بسرعه وسحبها من بلوزتها لين صـآر ظهرها على صدره بنفس يده مسك خصرها وضغط عليه وكانت بتتحرك إلا صوته
رائد : خليك أفضل لك ولي
وحط يده الثـآنيه بالجهه الثانيه وضغط عليهم أقوى
رائد : شايفه لو عدتي هالحركه ورب البيت ياملوك ورب اللي خلق سبع السماوات لتفاهم معاك بطريقتي الخاصه زين ؟
ماردت عليه ونزل راسه وحط خده على خدها وبصوت حااااااااااد , ارتبكت ملوك من قربه ب هالطريقه ..
رائد : ردي زين ؟
هزت راسها ب إي وهي تحاول تتحرك , لفها عليه بسرعه وزآد عطرها بفوحانه تحرك شعرها مع سرعة حركتها واعجب فيها رائد , ابتسم ب وهو يشم الريحه اللي دخلته بعالم ..
أرتبكت ملوك من نظرته وبنان على ملامحها وحب يزيدها رائد , قرب بهدوء وباسها برقه والريحه كل مالها تخترق أنفاسه حس برجفت شفايفها قربها منه لين صـآرو جسد واحد ..
رائد : شكله كذا انتي تعدلين معاي ؟
أبتعد عنها ومسك يدها وجلسوا
رائد : كلمتي ماتنكسسر واناا اصلا ما استشرتك , بسرعه تعالي نفطر وبعدها جهزي نفسك
وكمل فطوره ولآ اعطى لها بال
وهي داخلياً تحترق [فكري ياملوك فكري شهر عسل كذا مو اللي انتي تطمحين له إي اطمح وي خرابيط انتي اللحين مع رائد , منهو رائد من عشان مايحقق حلمي يحققه وهو حمار]
××××××××××××××××××××××××××××××××××××××××××
من يعزّي هالمدينـه والعصافير الحـزينه
من يعزّي الـورد ..؟ فلّه .. / ياسمينه ..
من يعزّي بي الطفوله ودمعةٍ فيني عجوله
الشرقية / الساعه4:30 العصر
بالشاليه جاء عقب صلاة الفجر , وكان يبي يجهز لهم جمعة الشباب الليلة
بندر جالس على كرسي وكوب القهوة الفرنسيه تفور قدامه عيونه مثبته على الطـآوله وبـآله بعيد على المكان ومو حاس بالعامل اللي جنبه له نص ساعة ينادي ..
تنهد تنهيده طويلة دور عيونه وهو يمسح على رأسه يبعد هالشوشره اللي تعبته كثير
بندر انتبه ل العامل وناظره بتسال
العامل : معليش ياعمي اعذرني عكرت جوك بس لازم اقولك على حاجه مهمه
بندر: لا عادي , وشو الشي المهم
العامل بيآس :كل شي تمام بس الورد مش كويس
بندر عقد حواجبه : أي ورد ؟
العامل يأشر على زاوية : هنا ياعمي بالزاويه
اتجه بندر ل المكان اللي اشر عليه جلس على حافة ومد يده وهو يشوف التغير في الوردات
بندر: كم له يوم ذا ماسقيتوه ؟
العامل : كل يوم بس معرفش ايش صارلو حتى ريحتوا تغيرت كتير
بندر قام من مكانه وهو مستغرب فتح المويه عليه ثم سكره
بندر : طيب خلصت اللي قلت لك عليه
العامل : ايوا بس الـفورش حنبسطها بعد العصر ان شاء الله وكمان المطابخ حنبدا فيها
بندر : زين بعد العصر يكون كل شي جاهز
اخذ كوبه وصـآر يتمشى والجو اليوم كان حلو ومناسب ل الطلعه
يـآسر دخل المزرعـه بـ اليوكن الأبيض وسوت الأغاني على الأخر ومروق على هالطلعـه دآخله تفائل كبير . . .
وقف بندر وهو مستغرب هالصوت ولف على البوآبـه
يـآسر بصوت عالي: سلآأأأأأأأأم يا ولد العـم
بندر أبتسم : وعليكم السلآم , قصر على الصوووت يالحبيب
سكر ياسر المسجل ونزل بنششآط باين حتى بعيونه : كيف الحال ؟
بندر : والله بخير , وشلونك انت ؟
يـآسر : مبسوووووووط
بندر : عسا دوم يآرب
يآسر: لاتردني عن شي أبد قل سو واقولك أمـر
بندر : ماتقصر أدري فيك بس مايحتاج كل شي ماشي
ياسر: الحمد لله , على الله الشباب كلهم يجون
بندر : ان شاء الله , على فكـره رائد وأهله مشوا ولا ؟
ياسر : أيه طلعوا من الرياض , الله يوفقهم
بندر: على وين ؟
ياسر : يقول مكـه وبعدها والله مادري
بندر: زين ماسوى
ياسر: اتصل على فهد اليوم ؟
بندر : لا عاد
ياسر :إي والله وسال عنك ترى ويسلم عليك
بندر: الله يسلمه ما قالك متى ناوي يشرف
ياسر : هههه يا اخي سوى زحمه تشوف انت ؟
بندر : إي والله , حتى عمي ترى البارح ما حسيته مرتاح
ياسر : الله يقوي قلبه على هالولد , يعني كل اللي وصى فيه خلصه وش يخليه هالشهر هناك مدري
بندر : افكر اقول ل عماني هالإجازه يرحون له
ياسر : هههه والله شايل انت
بندر بجديه : لا يا ياسر بس حال عمي يعور القلب وفهد ماهوب داري خل يطبون عليه ويجيبونه معهم
ياسر: على الله , قل لهم ويمكن فكرتك تصيب
××××××××××××××××××××××××××××××××××××××××××
الساعه 5 العصـر
رائد يسوق مطي ملوك آطبر طااااااف وهو يسمع تاففها ونرفزتها الواضح وضوح الشمس من ركبوا إلى الآآآآآن
ملوك : خفف السرعه
ضحك بدآخله من طريقه كلامها واضح انها تبيه يرد غصب بس هو ولا عليه ..
ملوك : رائد لو سمحت لاتخليني اتصل على أبوي
رفع حاجبه وناظرها ب نظره تخوف بس ملوك ما حطت لنظرته إي أعتبار , طلعت جوالها سحب منها رائد الجوال بقوه وخدشها
ملوك: ايييييييي ,
رائد وهو وحط الجوال بجيبه: احسن
ملوك بعصبيه: ياكلي
رائد عصب وحط الجوال بجيبه: كلـب؟ وربي ل أدفعك ثمنهاا ياملوك صبرك علي
ملوك : أي كلب شفت شلون جرحتني
رائد ضغط على الدركسون : والله ودي بذبحك, ماشفتي شي بعدك وجوال تحلمين تمسكينه ولا تفكرين تفهمين ؟
ملوك ضربت رجلها بقون : مو بكيفـ
رائد يرص على سنونه بقووه: أنكتمـي , صوتك مايرتفع ل أهت سنونك هت
سكتت ملوك وهي تمسسسح الدم بعصبيه
رن جوال ملآك , وطنشه المره الأولى يبي يقهرها بس الأتصال ماوقف طلعه وشـآف [نور عيني]
رائد عقد جواجبه: تركي؟ وش هالأسم السامج , قفـل افضل حل
و هو يكلم نفسسه قاعد يصير قدام ملوك
ملوك بصدمه : ترررررررركي ؟
رائد : يمكن غلطان ما أتصل على شريحتك الثآلثه ؟
ملوك : شقاعد تقول أنت ؟
رائد شغل شريط شعر مسجل بصوت يـآسر وبنـدر دأم معاه ويحبه رفع على الصوت ..
ملوك بصوت عالي: ردي علي منو تركي
رائد رفع عينه على عليها : عدلي غطاتك ياوحقه
ياوحقه
ياوحقه
13-11-10, 11:08 AM
جديد مواضيع قسم الارشيف
العرض العادي
