كاتب الموضوع :
مشاعر العتيبي
المنتدى :
الارشيف
بـآرت 2
.
.
إستراليـآ الساعة 12 ليلاً
سيدني-السيركلآركي
سمر تبكي وتشاهق: رحت وسحبت علي ادورك مالقيتك نفس المكان
مشاري ب ابتسامه:طيب خلاص انا اسف بس بعد انتي ليه تحركتي ؟ مو قلت لك بخلص من الرجال واجيك
قرب منها وهي رفعت رأسها ويديها على وجهها تمسح دموعها وتشوف بوجهه ابتسامه . .
سمر لفت ورى ب ارتباك : انا تعبانه
مشاري ب ابتسامة خبث: حتى انا تعبان وش رايك ننام احسن مو؟
رجعت سمر وناظرت فيه : لا بس تعبانه مافيني نوم
مشاري يمشي جهتها: يعني مافيك نوم ؟بعد احسن واحسن
سمر رفعت صوتها: مشاري لو سمحت
مشاري مسكها من أكتافها : سمر لو سمحتي انتِ
سمر بعيونها قهر :مشاري لاتجبرني على شي انا ما ابيه
مشاري يشوفها ترتجف يرفع يدها وحطها على وجهها: تشوفين تشوفين انتِ بردأنه
سمر رفعت صوتها : بردانه مو بردانه ماطلبت منك تدفيني لو سمحت مشاري
مشاري بخبث:سمر حبيبتي
سمر قاطعته وهي تبعد عنه:لاتقول حبيبتي وابعد عني خلني اروح انوم
مشاري أرخى نفسه لين صار وجهه بوجهها :وانتي مو تقولين مافيك نوم؟
سمر حست بحرآره غمضت عيونها بقوه خايفه منه هو جريء وممكن يسوي أي شي وهي اعصابها تلفانه مو رايقه له ول تصرفاته اللي تنرفزها . .
.
.
السعوية 4 العصر
الريـآض
نـآزل بشموخه المعتداد من الدرج الكبير وسط القصر ثوب الأبيض وشماغ الأحمر
نظـآرته السوداء مغطيه نص وجهه ساعته بيساره اللي يحبها كبيره سوداء فخمه جداً واخيراً عطره يفوح ب أرجـآء الصـآله . .
رائد:السـلآم عليكم
أمه وأبوه: وعليـكم السـلآم
جلس رائد ب الصـآله الي جـآلسين فيها كبيره تتكون من الأحمر والبيج والذهبي
كرآسي بيج والإطـآرات ذهبيه الجـدآر خيـآل أحمر على عنـآبي . .
رائد صب له من القهوه اللي قدأمه
أبو ه: رائد
رائد رفع رأسه: سم يبه
أبوه: سم الله عدوك بغيت أسـآلك رحت ل بندر؟
رائد: احم لا اللحين انا رأيح له
أبوه : اهاا لا خلاص ماله دأعي تروح تو عمك أتصل علي يقول كتبوا له خروج
رائد ب ابتسامه: مجنون هالولد مع انه المفروض مايطلع لين يشيل الحزأم
ابوه: هههه طألع على ولد عمه
رائد بضحكه: ولد عمه وأبوه قبله
أبوه : طيب رائد ابيك تجهز اللحين الرجـآل يروحون معك للمزرعه
رائد وقف : ابشر طال عمرك , تامر شي ثـاني؟
أبوه :سلامتك
رائد ب ابتسامه كبيره: وانتِ يـآالغاليه؟
أمه : أنتبه ل نفسك حبيبي
رائد : ابشري
طلع بهدوءه المعتـآد ورأح يضبط أموره . .
[أبو مشاري لولاء متقـآعد ماله غير سنه شديد في كلامه مره
أم مشاري موجهه في وزاه التربية والتعليم حبيبه حيل
مشـآري طبيب ويدرس استراليا مأخذ بنت عمه سمر ولهم 5 شهور
رائد طيار مملك على بنت عمه ملوك]
.
.
الساعة 6 المغرب
بـآالديـرة
سـآره ب وناسه كثيره وأبتسأمتها على وجههـآ: بالله يا تركي؟
تركي ب ابتسامه : أيه والله
خالد يلعب بالبلاي ستيشن : وش السالفه يبه؟
تركي : لف على أبوك وكلمه زين
سـآره توقف : يالله بروح أبشر أمي
طلعت من الصاله وراحت ل غرفة التلفون
عبد العزيز بصوت واطي يتهاوش مع خالد : كل تراب انت
خالد عصب ورفع صوته وأنكشف: على تبن وافتح فمك
تركي ألتفت عليهم ورفع : خااااااااااالد
خالد بصوت عالي ورمى يد البلاي: يبه تراه جالس ببلعومي من الييوم
عبدالله : جااك يتورعن علينا بعد
تركي بعصبيه : عبيد اسكت , شوف انا مارفعت العقال للحين
خالد ساكت ولا رد عيونه مره رفعها ومره بنزلها
تركي بحده : عبدالله وعبدالعزيز اطلعو من الصاله يلا
طلعوا عبدالعزيز وعبدالله بهدوء وعيونهم على خالد
وخالد ساكت ل أول مره أبوه يسوي كذأ . .
تركي بحزم وحده: خالد اسمعني الكلام ذا خله دايم ب أذنك
أول شي انا ابوك تحترمني اكون موجوده ماترفع صوتك حتى لو على اخوانك
أي مشكله عندك مع أي شخص حتى لو مع امك تقول لي
أمك يجي يوم اشوفك سابها ولا ترفع صوتك عليها وقسسم باللله ياخالد ل يجيك شي ماعمرك شفته
عزوز وعبيد أخوانك مهما كان الأمر ماتسوي عليهم رجال اسمع ولا لاء ؟
حنا اهلك ماحنا ب اخوياك تنافخ علينا وترفع صوتك والألفاظ هذي اسمعها منك مره ثـآنيه تندم وربي ؟ ورفع صوته : تسسمع ؟
خالد حرك راسه ب أيوه وهو مستغرب اسلوب ابوه هالمره . .
وقفين عند البـآب الكبير ينتظرون دخوله . .
أسيل ب فستـآنها مابين الرمادي والموف بـآرد مأسك عليها وشعرها لأسود على اكتافها عدساتها الرمـآديه و ترتب شعر ريـآن اللي شـآيلته مربيته الفلبينيه مايا
وأمها جنبها بجلآبيتهـآ الخضرأء الرأهيه . .
زيـآد بصوت عـآلي : مرحبـآبقدوم خلي يوم جـآني في محلي عاششش بندر عاش
نزل من السيـاره وينـآظر أخوانه وأمه وأخته شكثر فرحـآنين برجوعه رفع نظره للقصر فوق وأبتسم أبتسأمه كبيره وكمل طريقه ل امه على طول . .
حبها وجنبها اسيل باسته كثير: وه وه البيت حتى محتفل
زيـآد يربت على كتفه: سلا يا جحش
بندر : هلا بالعربجي هههه جحش قال
إياد بنعومته المعتاده: هلا وغلا بندروي نورتنـا والله
بندر با ابتسامه كبيره: هلا بالكيوت
أبو بندر : يلآ ادخلوو خلوه يرتاح شوي وراه روحه للمزرعه
[أبو بندر عنده شركات ومع اخوانه ومحلات مجوهرات وكلها شراكه اخوان
أم بندر مهتمه بنفسها حيل و مخليه عيالها على راحتهم
بندر 26يشتغل بشركه ابوه ولـه قصة مع فجر
أسيل 19دلوعة اخوانها تحبهم كلهم إلا شخص تنقهر منه وهو وزياد مايناسب برستيجهم
زيـآد إياد 17 توأم
زيـآ عربجي حده وتنرفزه كثيرمن حركات عايلتهم وتفتحهم الزايد
إياد كيوت وكول اهم شي استايله وله علاقة حب مع ولد
ريـآن 7 سنوات ]
.
ام خالد مقفله من بنتها وفرحانه حيل :يـآالله انك توقفهم وتيسسر امورهم يآرب
أبو خالد دأخل البيت : سلا عليكم
ام خالد وهي مبتسمه: وعليكم السلام
أبو خالد: ماشاء الله وش مبسطتس يامره؟
أم خالد: تركي رقوه ونقلوه ل الرياض
أبو خالد ويده على لحيته البيضاء: الله يوقفهم
إلا نوره وهيني ماشفتها اليوم؟
ام خالد : ابد الاختبارات قربت والبنت تذاكر
أبو خالد متهجه لغرفته : ايييه الله يوفقها مير
.
.
جود وأمها جالسين على الكرأسي بالحديقة الكبيره . .
جود بيدهـآ جوألها فسفوري وعليه صورة فهد تتأملها وابتسامتها على وجهها . .
أم يـآسر: جود
جود رفعت عينها: هلا مـآمـآ
أم ياسر : كلمتي غدي اليوم؟
جود خبطت راسها بخفه : اووه لآآآ نسيت والله
ام ياسر ترفع جوالها : طيب خلاص ولو اني سمعت انها تعبانه
ملوك: يعني مراح يجون؟
ام ياسر : ما ادري والله
طلعت لهم جوري: جوووود ملوووك
جود تلف وراها : هلا حياتي
جوري تدور ب فستانها: شرأيكم؟
جود : وااااو حلوو اكثر ؟
ملوك ب ابتسامه: خلصتي؟
جوري تجلس جنبهم على الكرسي: ايوه
أبو يـآسر طـآلع ومفتاحه بيده :يلا حبـآيبي
ركب باليوكن 2009 ألكحلي وركبوا معاه متجهين للمزرعة
.
.
فوزيه : يمه مانيب مدأومه قسم بالله لو قمت فصلت
مطلق متنرفز: فوزيوه و وجع وش الهبال هذا ؟
سعد راح يشوف حياته لين يستقر وبيرجع لكن أنتي؟
ولا تدرين احسن بعد أنقطي بالبيت انا لولا متعب اللي شرط تكملين لا أطنش كلامه
ام سعد: مطلق خلاص متعب ولانقدر نسكر كلامه وبعدين وش ناقص فوزيه ماتكمل دراستها ؟
فوزيه بقهر كلمه في قلبها من اليوم ودها تطلعها: اصلا اصلا اساس روحة سعد والوضع اللي حنا اللحين فيه فرح
هـدوء نظـرات بين مطلق وامه . .
تكلمت ام سعد بنبره: وش دخل فرح يا فوزيه؟
فوزيه أرتبكت وكـانها توها تستوعب : هاه
مطلق على صوته: وش دخل فرح ب سعد؟
فوزيه خافت : مدري بس عندي احساس
مطلق بنظره : إهااا طيب لاتأكددتي من احساسك تعالي تعلميني , رفع صوته فوزيه لاتشككين بالكلام ذا بكرا يطلع الكلام وينتشر وتقطعين رزق البنت فرح وين وسعد ولا هي بس حركه زعلتك فرح من شي وحطيتهها فيها هاااااه؟
فوزيه سكتت وبينها بين نفسها مد وجزر
.
.
فرح: والله اني فرحت لتس تدرين يابنت الحلال مير نبي نجيتس ب بالبيت الجديد
ساره تضحك: ايه بالحييل
فرح: هههه سويره اتخيل شكل خالد ولدتس العربجي وش قال يوم علمتوه؟
ساره : هههههه والله انه مجنني تخيلي وش يقول عني ؟
فرح : هاه بعد لاتقولين طبلون ألفين و اثنين؟
ساره بضحكه: لاغير هالمره لوحة سياره
فرح مـآتت ضحك: اجل لوحة سياره ماسألتيه كم رقمها
سـآره ضحكت اكثر : الله يرجك يافرح أقول انا بروح أسوي العشاء انتي رأيقه شدي حيلك طيب
فرح: أبشري ولاتشيلين همي
ساره: بعدي والله يالله فمان الله
فرح: مع السلامه
قفلت منها فرح وهي تتذكر سـآلفة خالد ولد اختها وتضحك . .
فرح: ادق على فزفز , ولا اقول لالا اللحين اكيد الأخلاق ماهيب اللي أروح أكمل مذاكره بس
.
.
الساعه 9
بـآالمزرعة
بندر جالس وساند نفسه على ورى والحزام عليه مغطي كل صدره وظهره لان ظهره مكسور والفقرأت تبـآعدت عن بعض . .
جنبه يـآسر ولأف جهة إياد
يـآسر : ايوه إياد شخبـارك؟
إياد يناظر : تمام لولا الثوب هذا
ياسر بضحكه : لهدرجه الثوب مضايقك
إياد : ايوه والله مضايقني
زيـآد بنص عين : بالله مضـآيقك ؟ اجل السلسال مايضايق؟
ياسر يطقه من كتفه: ملعون انت
زيـآد : على تبن تشوف وش يقول؟
إياد أعطاه نظره وقام . .
زيـآد يرفع يده : في ستين دأهيه
رأئد بضحك : الله يعين عمي عليكم بس
لف على بندر ويشوفه مغمض عيونه وكـآن شيء يعوره :بندر
بندر فتح عيونه بسرعه: هلا
يـآسر : تعبان ؟ تبي اوديك ؟
بندر يقاطعه: لالا لاتعبان ولا شيء
يـآسر ينادي على الصبي يصب له قهوه . .
أبو فهد : يـآسر ماتبي تكمل طقة مشاري وفهد ؟
يـآسر: ههههه وراك ياعمي تفاولت علينا
أبو فهد ب استغراب: افاااا
يـآسر يشرب من فنجانه وخايف لايتكلم ابوه ولاشيء . .
أبو مشاري: وراه يايـآسر ماهوب عاجبك شغلهم ؟
يـآسر رفع رأسه بشموخ: والله ياعمي هذي مهيب من عاداتنا عشان أربط نفسي فيها ولا فكرت تزوجت دورت اللي تروق لي سواءً من بنات عمي ولا برى . .
بندر ضحك : وانا مثل ياسر لاتربطوني
زيـآد : ليتك انت بس تشافى من اللي بتقبل ب واحد ظهره مكسور هع هع
يـآسر يربت على كتفه:حبيبي تدري ان البنات اللحين لو يجيها معاق اهم شي جماله وصوته وبندر وسيم يعني بنت امها وابوها ترفضه
زيـآد :هع هع لااااااا؟ جد يعني لازم اسوي لي ضبط صوت
رائد يضحك: انت اول عدل ضحكتك ثم اضبط صوتك
زياد:ياولد خذ العلم الصحيح الرجال رجأل ب 3 اشياء
ماهوب عشان جماله مثل جواد العلي ولا صوته راشد الماجد
يضربه على فخضه بخفه : كلمته لاتنطق بها مايرد عنها
مايرفع صوته على مره اضعف منه
يحفضها ويصونها مثل اخوي بنيدر
بندر: تطنز هاه
رائد: ههه لايكون كلامه صدق يابندر؟
بندر يضحك من سوالفهم يلهي نفسه عشان لايبين التعب . .
/
إيـآد : لالا حبيبي بس شوي متضـآيق
أسامه ب خبث: أجيك لك؟
إياد : لا ساعه ونص ع بال توصل وانا بس انتظرهم يحطون العشاء واتعشى واجيك
أسامه : حياتي ابي بوسسه
إياد ضحك: أممممممواح
إسامه : هذي من بعيده مره مره وحتى مو من قلبك
إياد يشوف زياد طالع من المجلس . .
إياد: اوكي سومي بس اجي وأوريك البوساات جد
أسامه: أنتظرك وترى حمزه الخبل عندي يسلم عليك
إياد : الله يسلمه وبوسه قول ذي من إياد
أسامه: ترى اغاااااااااااار
إياد : فديت اللي يغار
زيـآد بصوت عالي وهو يشوفه متكي على السور : يأخكري ثوبك
إياد لف عليه : ايش ؟
طنشه وهو عارف انه سمعه وماقدر يزيد عليه كلام لانه ممكن يغلط من ذيك المره
.
.
البيت هادي كالعاده امها وابوها نايمين وجالسه وقدامها عشاها المتـآخر هـ الايام مايجيها نفس للأكل ابد شايله هم الاختبارات كثير . .
فرح: لحوول والله عاد اقدر انتفس حتى الله يلعن العلمي والتوجيهي والدراسه كلها
وقفت وشالت كتابها وصحنها باليد الثانية طلعت من غرفتها وراحت للحوش . .
فرح بعد ماجلست غمضت عيونها وهي تستنشق الهواء: يـآآآآآآآآآآآآلبيه أي والله هذا السنع شكلي بعد اليوم بذاكر هنا احسن لي , الليل الجو يزين
بدت تاكل وعيونها على كتـآبها
.
.
الريـآض 12 ونص الليل
بالمزرعه
جود بالمسبح تلعب وأسيل معاها ويضحكون على غدي اللي ماتقدر نزل معاهم
جود بنذاله: غدي تبغين تنزلين ؟ هههاااااي
أسيل : ههاااي الالا حرام هي تعبـانه
غدي بقهر : نذلآت لاتقهروني أكثر
أسيل وجود جو عندها. .
جود : يـآحياتي لاتزعلين وربي نمزح معاك
قامت غدي ولا ردت عليهم . .
اسيل: ياعمري وربيي زعلانها
جود : يووه عاد غدي حساسه موووت
طلعوا جود واسيل عشان يرتبون اشكـالهم ويراضون غدي . .
ملوك بنفخ وحواجبها مقطبه: اوه جود لاتغرقيني
جود واسيل طنشوها وكملوا شغلهم . .
/
غدي بالبلكونه واقفه وتناظر سيارات اعمامها وعيال اعمامها تحت {يـآربي ممكن يكون موجود ولا طلع مثل كل مره؟ ليه مايحس فيني وربي يقهرني ياناس متى يفهم متى ؟ لايكون شايفني بيبي ؟ لاا اصلا هو من كبره عاد بيني وبينه سنه بس}
قطع تفكيرها اليدين اللي انحطت على عيونها والبوسه اللي على خدها . .
جود:ام سوري غدي
أسيل: والله ماكانا نقصد بس نبي نمزح معاك
غدي لفت عليهم وهي مبتسمه: ومين قال اني زعلت انا بس كنت متضايقه وقمت
جود تحبها على خدها: فديت اللي متضأيقين قولي لنا شلي مضايقك ؟
غدي ب حزن: كل شي ممل بالحياه ماعاد لها داعي العيشه
اسيل ب استغراب: غدي شهالكلاآآم؟
غدي : والله هذي الحقيقه ياسالي
جود: غدي حبيبتي احنا اليوم متجمعين امسحي الي ببالك وسولفي معانا
غدي ودموعها تجمعت : جود اسيل انتم مو فاهميني ولا بتفهموني من راحت سمر وانا تعبانه
أسيل تقرب منها : غدي حيـآتي قولي اللي بخاطرك والله والله بنفهمك انتي متغيره من زواج سمر بس ماكان في وقت عشان افتح معاك الموضوع
جود:غدي طيب قولي لنا اعتبرينا سمر وطلعي اللي بخاطرك
غدي ماقدرت تمسك نفسها اكثر وجلست تصيح . .
.
.
رائد بنرفزه يعتريها الهدوء: ملوك
ملوك رافعت راسها وناظرت ب استحقار ورجعت نظرها ل الثيل اللي قدامها
رائد : اعقتد أني اتكلم معاك مو مع الطاوله ولا الكراسي طيب؟ هذا أولا. . ثـآنياً
وابتسم ب خبث : أجلت زواجنا ل 12/7
ملوك بقهر وترص على اسنانها اسنانها: تدري انك وقح ؟
رائد هو مقهور من اسلوبها وانقهر الحين زياده
[صبرك علي ياملوك صبرك والله ل اعيشك ب حجيم] غرم ذا ابتسم ابتسامه تنرفزها: بس مو اوقح منك
ملوك وقفت وبعصبيه: يعني انت جاي تعكر جوي تعلمني ب الخبر التافه ذا
رائد : الخبر إذا تافه عندك ف عندي مو تافه لاتحسبينه حبن فيك لا طبعاً لكن انا الأيام ذي فيني نشاط قلت افرغه واربيك من جديد
ملوك تضرب رجلها ب الأرض بقوه : انا متربيه وأحسن تربيه لاتشكك
صفق بخفه: واضح التربيه واضح
سحب جوالها من الطاوله وعيونه عليها لفت ملوك عليه وعيونها كلها حقد
ملوك: انت ب إي صفه تاخذ الجوال من غير أذني
رائد وعيونه على الجوال :بصفة اني زوجك ولآآآآآ؟
ملوك بصيغة أمر: عطني الجوال
رائد وقف ورمى جوالها على الطاوله خلاص ماعاد قدر يصبر عليها هو انسان عصبي اللي بباله يسويه ولا عمر احد قدر يرفع الصوت عليه
مسك عضدها وبقوه نفخ بوجهها: واللي رفع سبع سماوات يا ملوك ل اربيك تربيه ماعمرك شفتها وراح اتبع معاك اسلوب حتى تكرهين نفسك بعد
ملوك بقوه : فكني احسن لك ولا رحت علمت
رائد لوى يدها وبعصبيه: علمي اللي تعلمينه سابع جد لك روحي علميه انا محد يقدر يوقف بوجهي
ملوك رفعت صوتها: لاتحداني لأنك مو قدي ابد
رائد: لاااااااااا والله وتهددين بعد راح تندمين لاتحطين راسك براسي
فكها وابعد عنها وكانه متقرف منها مشى واعطاها ظهره
ملوك انقهرت كثير تناظر بيدها وتمسح عليها: خسيس واطي لكن وربي ل اجننك ياحيوان واعلمك ملوك مين؟وتقلده [لاتحطين راسك براسي] وجع ان شاء الله يوجعك عساك السم اللي يسمك
.
.
صبـآح الريـآض
نزلت بالأصنصير فيها كسل مو طبيعي اليوم البارح نامت متآخر كلها 3 ساعات بس
لابسه مريولها البيج وتحته بلوزته البيضاء أساورها الملونة وساعاتها متوسطة الحجم البيج شعرها مسويه زيل الحصان بس مهمل وصالا مايمسكه كلب لان شعرها طبقاته كثيره وقصيرة العبايه والشنطه بيد الشغاله اللي معاها. .
وقفت شغالتها عند الباب واتجهت أسيل لغرفة الطعام
أسيل: السلام عليكم
أمها أبوها زياد إياد : وعليكم السلام
جلست على كرسيها أخذت توست وكوب كوفي
قطع الهدوء زيـآد بصوته العالي والمزعج : يمه
أم بندر: هلا حبيبي
زياد والأكل بفمه : هذا اخر يوم بداوم فيه ويحمدون ربهم أصلا اني تنازلت وداومت
أبو بندر بحزم: زياد خلص أكل بعدين تكلم
اسيل رفعت عينها ل زياد: قرف
إياد وقف ويرفع يده ويبعد القصه عن وجهه: يلا أسيل
ام بندر: لحضه حبيبي إياد خل اسيل تخلص فطور
وقفت اسيل : لا ماما انا خلصت
حبوا راس امهم وابوهم وطلعوا مع بعض
زيـآد مدرسه وإياد مدرسه ثـآنيه ابد ولا واحد منهم متقبل الثاني
كلن وله شخصيته ويبعده كل البعد عن الثـآني . .
.
.
فاطمة: طيب يا خالد انت بعد ماتشوف ان فرح ما كله الجو
خالد ساكت وهي من اليوم تحشي راسه من الكلام اللي وماله لا اول ولا تالي
فاطمه: صحيح والله يعني ولا وحده من بنات الدير دخلت الجامعه واولهم انا خلصت ثنوي وجلست وخوتي مثلي والباقين من الديره دخلو هالمعهد واختك ما اشاء الله جامعه بعد
خالد: انا مانيب راضي بسالفة الجامعه بس ابوي اللي وعدها ومااقدر ارد كلمته ولا وين تروح هناك الدشره كلها
فاطمه فرحت انه تفاعل معاها: صح وتخيل لو تعرف على بنات دشير و
خالد اعطاها نظره
وكملت بثقه : خالد تذكر قصة بنت ابو عقاب يوم اخذها السكران حسن هاه وهذا حنا بالديره يعني كلنا نعرف بعض وشلون لو بالرياض كبيره وتطور وناس متفتحين ولا بعد ع فكره ترى اختك نقل رجالها وانت قاعدن بمحلك الواسطاااااااااات الوسطاااات
خالد تنرفز كثير: ادري انه تركي نقل طيب وش تبيني اسوي
فاطمه : لأنك منتب رجال ولا كان سويت مثـ
خالد عصب وعيونه حمرت قهر : فاااااااااااااطمه
[إلااا قهرته مثل مايقهرني اجل ساروه تسكن بالرياض وانا بالديره لهالحين]
فاطمه: والله ماقلت غير الجد
خالد . . . ؟ سحب عقاله بجنبه : اجل انا منيب رجال ؟
هاه رجال طول بعرض مانيب عاجبتس
بداء يضرب فيها ومن قلبه هالمره زودتها بالحيل وشككت برجولته
.
.
الساعة 5 العصر
جالسه بالصالة وتبرد أظافرها
خلصت أختبـآرت وهي مواصله للحين نظامها صيفي طوأل السنة
دخل يـآسر البيت بهدوء وسكر الباب وهو يناظر الصالات إذا فيها احد
يـآسر : سلا عليكم
ملوك : وعليكم السلام
ياسر اتجه ل ملوك وجلس :اخبارك؟
ملوك : بخير غريبه جاي اليوم هالوقت؟
ياسر ينسدح على الصوفا: والله ماعندي شي وطلعت
هدوء مر وبعدها تكلم ياسر
ياسر : ملوك
ملوك رفعت راسها : هلا
ياسر بهدوء: قالك رائد عن تاجيل زواجكم؟
ملوك تحاول تصير هاديه: أي قالي
ياسر : اهاا , طيب ليه وما اشوفك متحمسه للجهاز ؟
ملوك بنرفزه:هذا انت قلتها مانيب متحمسه لشي ابد لازواج ولا غيره
وبعدين إذا يحبني بعجبه لو البس خيشه
ياسر ابتسم وجلس: ملوك اول شي هدي ليه معصبه ثاني شي اموت واعرف ليه تكرهين رائد بقولك شي قبل أبوي ما أجبرك عليه إلا لأنه شاف فيه كلمة رجال معنى رجال مو بس اسم دون فعل ترى عيال عمي ناصر غير وبعدين انتي مع الايام راح تتأقلمين معاه
ملوك : طيب والمطلوب؟
ياسر ب ابتسامه كبيره: ابيك تهدين اول بعدين انا ناوي اطلعك اليوم تقضين اغراضك وبعد انا بتعلم واشوف شلون زوجتي المستقبليه تقضي
ملوك ببرود: اوكي بس ترى عشانك مو عشان رائد لايصدق نفسه
ياسر وقف : يلا طيب عشاني بس تجهزي وانا انتظرك برى
طلع ياسر وقفت ملوك بملل وهي ترقى الدرج
دخلت غرفتها واخذت عبايتها الوسيعه واطرافها الوأن فرايحيه الأورنج الوردي الاخضر واللأصفر . . والشنطه كبيره أورنج
بتذمر: قال ايش قال عبايتك فستان عرس صدق انسان همجي حده
.
.
محمد جالس مع نايف ولده ويلاعبه بهدوء . .
دخلت عليه غاليه وهي مبسوطه وابتسامتها على وجهها
محمد مبتسم ل ابتسامتها : وراك اتبسمين؟
غاليه: الحمد لله اليوم اخر يوم دوام سلمنا الطالبات الشهايد وخلصنا
محمد : اييه زيين والله يعني بكرا منيب مدأومه ؟
غاليه : وش فيك انت ؟ ههه لا أفتكيت خلاص
محمد : طيب مدام انتس فاضيه تبين نروح ل ابوي اليوم؟
غاليه :ماعندي مشكله تبي اللحبن ولا شوي المغرب؟
محمد يناظر ساعته : لا خليه الحين احسن
غاليه : طيب دقايق واخلص اخذ نايف واجيك
قامت غاليه تضبط شكلها بسرعه ولبست عبايتها وطلعت لهم
حياه كاسيها الهدوء و المحبة والمودة خاليه أي مشاكل
.
.
بـآلديره
الدنيا محتـآسه ساره تدور بين ذا وذا تجمع اشيـآئها الخاصه
تركي: يالله ياخالد طلع اخوانك وناد امك بسرعه خل الرجال يدخلون
دخل خالد وهو يتحلطم ما اقتنع بسالفة النقل للحين : يمه
ساره مشغوله :هلا ياخالد تعال انا بالغرفه
خالد: يمه ابوي يقول اطلعوا لان الرجال وصلووا
شالت شنطتها ومسكت يد ريا وطلعت من البيت وهي تتذكر كل شي حلو و مر فيه
10 سنوات فيه أكيد راح تشتاق له تنهدت وفي قلبها امل ممكن تلقى حياه افضل واحسن بالرياض . .
/
خالد يطق عبدالعزيز ويحاول يطرحه
عبدالعزيز: وجع
خالد مد يده على راسه وهو مستحقره: يوجعك يالأعرج ههه
عبدالله وعيونه على خالد : عزيز تعال هنا
خالد وهو يقرب منه وينفخ صدره: هاه وش عندك انت الثاني مسووي رجال علي؟
عبدالله بتردد: احد قالك شي ؟
خالد : يا اخي تادب معي طيب تكلمني ب اسلوب ماتنافخ لاني عمك
تركي اللي كان يراقبه من بعيد ومخفي ضحكته من كلام ولده : خااااااااااااااااااالد
ألفت خالد بسرعه ل ابوه : هلا
تركي ياشر له ب اصبعه : تعال تعال
خالد مشى لم ابوه هو من داخله خايف بس خارجياً يثبت العكس : هلا يبه
تركي بنظره: اجل حاشر اخوك هاه؟
خالد: يبه هو الغلطان
تركي بنرة اني كاشفك: ايه طيب طيب , امك طلعت ؟
خالد: ايه
تركي:رح اركب طيب, وأشر للعمال يدخلون
.
.
الساعة 9 عقب صلاة العشاء
توه قايم من النوم شبعان نوم ورآه طيارة ل سوسيرآ
اخذ له دش وطلع وهو يغني
والله وطلع لك ريش يالزين وصرت اطير
الملح ويا العيش مـآله معك تـآثير
صلى صلاة المغرب والشعاء
لبس بدلته القميص الأبيض و بنطلونه الكحلي والهات الكحلي
بعد ماخلص ألقى نظره اخيره بالمرأيه
:والله ياكثير يتمنون نظره وحده بس تجيك النعمه لعندك ياملوك وترفسينها
قهقه وهو طالع من غرفته ويسكر الباب
نزل وشاف أمه تكلم الخدم ومشغوله معاهم
وائد:السلام يا ام مشاري
لفت ب ابتسامه:هلا وعليكم السلا م
رائد:يلا يـآالغاليه انا ماشي
أم مشاري:سلامتك والله آنتبه لنفسك واتصل علي
أشر برأسه وهو حافظ ه الأسطوانه: أبشري ولا يهمك
حب رأسها : يلا فمان الله
:فمان الرحمن حبيبي
طلع وهو يدندن مروق اليوم مايدري ليه بس حس النفسيه اليوم منفتحه ل السفره
يمكن لانه عقب مايرجع على طول بيكون باقي كم يوم و يجي زوأجه . .
.
.
[بقـآيـآ حطام ـلذكرى ـآآ مشوهه]
|
18-10-10, 10:15 PM
جديد مواضيع قسم الارشيف
العرض العادي
