ننتظرك سوسو هالله الله بالصور الزينه

- إيش كآن فصلك في أول إبتدآئي .. ؟ يعني ( أ , ب , ج ) ..
اولى جـ


- أول مدرس/ه جآكم بالفصل ( بأول إبتدائي ) .؟على الأقل الإسم الأول ..
ابلى سايره^^



- أول مشكله أو مشآده حصلت بينك و بين أحد التلآميذ .. ؟

بنت مصريه اسمها مي ..كنا في اولى ابتدائي
كانت دايما تسرق اقلامنا ودفاترنا واي شي يعجبها تسرقه حتى قدام عينش>_<
وكانوا البنات يخافووون منها كثير
المهم~>
مره كنا في الحصه الاولى قبل ماتدخل المعلمه خذت الواني وقلت هاتيها وعيّت
بعدين سحبت الالوان منها وهي مارضت تفكها وانا جالسه اسحب وهي ماسكتها بقوة
بعدين طاحت البنت من الكرس وجلستني عـ الارض
خلاص حن نسينا من الالوان وجلسنا هدّه
والبنات راحوا يقولون لـ ابلى سايره ..جتنا وحاولت تفكنا ومارضيت المصريه
وانا العبره خانقتني..شوي واصيح
وبعد عناء طويل فكّتني
....جاء في الفسحه
وكنت جالسه مع بنات عمي وزميلاتي
فجأه شفت البنات كلهم قاموا وابعدوا عني وجالسين يناظرون وراي
واحس شي يمشي على راسي..اثاريها تنثر علي حليب سعوديه>_<
هي نثرته ولا مانثرته وانا خلاص انفجرت..سويت مناحه في المدرسه
لااااا والانسات ماحد فيهم قالي انها وراي>>فيس مقهور منهم
ومرّه..ضربتني على راسي بالملطّف>_<

طبعا (مي )هذي لو ايش يصيرلي مانسيتها هذي البنت ..كانت ناشبة لي زماافتكيت منها الا في رابع



- من كآن يلبسك ( ثوبك / مريولك ) بالإبتدائي .. ؟
الوالده:)
[COLOR="Black"]

- كم قلم ضيعت بأول إبتدآئي و هل كآن ( أبوك / أمك ) تهآوشك عليه..؟
[COLOR="Black"]

[COLOR="Black"]اول ؟؟؟مااعتقد..كنا فرحانين فيها^^
بس بعدها خلاص والين ثالث ثانوي وانا اضيّع


- هل بكيت بأول يوم درآسه .. أو خليت ( أبوك / أمك ) يدآوم معآك .. ؟
[COLOR="Red"]

لا مابكيت بس شوي وابكي

كانت معنا في المدرسه زوجة عمّي>>معلمه
لولا الله ثم هي ^^ كان سويت مناحه


- هل كنت تغآر من أحد التلآميذ .. مع ذكر السبب ؟


كنت اغار من بنات المعلمات..كانوا كثير دلوعات>_<


- بالمتوسط .. هل حسيت إنك كبرت .. ؟

لا والله ابدا..
احس نفسي ماتغيرت


- كيف كآن شكل كتبك الثآنوية .. ( مكتوب عليهآ شعر , مرسوم عليهآ , نظيفة ) .. ؟
اوووووووووووه
كانت معفوسه..
نسولف فيها انا وصديقاتي اذا ماكنا نبغى الحصه
وارسم فيها واكتب اشعار:)


- هل خآلفت الأنظمه .. كم مره .. إذكر لنآ إحدى المخآلفات .. !
لا..كنت محافظه على الانظمه>>المريول والالوان المسموحه و شعري>>فيس محافظ كثير

بس اخالف اني اجيب اكل انا وصديقاتي وياخذونه ونرجع نجيب>>مانتوب

- إذكر لنا بعض الألقاب التي أطلقت على المدرسين .. مع ذكر السبب .؟
صطيف>>ابلة الاحياء كثيييييييير تشبهه
الاسد>>المديره لمّن تعصب وتصيح صوتها غلييييييظ ونشبه صوتها على زئير الاسد خخخخخخخخخ
البومه>>ابلة الفيزياء >>عيونها تشبه عيون البومه>>فيس بوحه الي يستغفر :)
وبس

- هل أخذت رئاسة فصل أو مسرحية أو إذاعة أو مآ شآبه
رئاسة فصل في ثاني متوسط
وعدّة مسرحيات في الابتدائي
والاذاعه كل يوم رازّه وجهي إلا في الثانوي



- هل يوجد ألقاب أطلقت عليك .. ( إعترف ) .. ؟
لا والله مافيه:)
- أين كآن مقعدك في الصف الأول ثآنوي .. ؟
اول ثانوي؟؟؟؟
ممممممممممم>>فيس يتذكر
المجموعه الثالثه على يمين السبوره جنب الباب على الجدار
الصف الاول


- في أي سنه إلتقيت بأعز أصدقائك .. ؟
وحده في الابتدائي وثنتين في الثانوي:)

- مدرس تقول له ( شكرا من القلب و يعطيك العافية ) .. ؟
جميع معلماتي للغه الانجليزيه..وابلة العربي في ثالث متوسط

- كم مره أخذت إنذار منع من دخول المدرسة إلا بولي أمر و مآ كآن السبب و كم مره أخذت تعهد و بين الأسباب .. ؟
انذار ما اخذت
تعهد كثير
واكثر التعهدات بسبب تاخرنا عن الحضور انا وبنات عمّي:)
والاكل الي نجيبه

- مدرس تمشكلت معه .. مع ذكر السبب .. ؟
انا بطبعي كثير محترمه مع المعلمات وشاطره في المدرسهوماعمري رفعت صوتي على معلمة
الا هذي ~>ابلة الرياضيات في اول ثانوي وثاني ثانوي>_<...>>فيس مايحب طاريها
كانت تكرهني بدون سبب و تدخل وتخرج لازم تعطيني كلمه وانا ضاغطه على اعصابي
ومرّه تاخرت ماحضرت الحصه الرابعه وهي كانت علينا
ولقيتها عند الباب
قامت ترفع صوتها علي برّا الباب يعني الي يمر بيشوفنا
فانا وقتها كنت متضايقه وصحت فيها
وقلت لها مافيه في المدرسه الا انا..ناشبة لي
خلاص تاخرت نقصيني درجات بس لاعاد ترفعين صوتش علي مره ثانيه

وهاذي المعلمه..من جد افتكيت منها في ثالث ثانوي..>_<


- أطرف موقف حدث لك في حيآتك المدرسية ؟ ..
حاليا اتذكر موقفين
الاول~>
كان فيه في الساحه الداخليه ندوه للبنات
وانا كنت نازله من الدرج ومستعجله والساحه مليانه بنات وجالسين يستمعون للندوه
تعثرت و..طحت من الدرج ..وكلهم التفتوا
انا الظاهر كنت في غير حسي
لأني قلت لهم:ماعليكم مني كملوا كملوا
خلاص انفجروا البنات ضحك وانا وجهي صفر وحمر وخضر من الفشيله
الثاني~>سبق وذكرته في مدونتي
كنت متاخره من النوم و ودّاني الوالد للمدرسه
وكانوا لسّه طوابير..وانا مستعجله اخلس عباتي
ومشيت بسرعه وانا ادخل عباتي في الكيسه
شوي الا وانا في الارض..والمديره بكبرها تحتي>>طحت عليها خخخخخخخ
كان احرااااج


-صور اي شي من ممتلكات الخاصه بالمدرسه ونزلها ؟(كتاب - مريول
- شنطه -الخ)


هذي مدري وش فيها مقلوبه
الدفتر البني للحاسب في ثاني ثانوي والوردي للعربي في ثالث متوسط:)

[IMG]
..[/IMG]

وهذا اوتوجرافي في المتوسط:)



[IMG]
..[/IMG]
وهذي شنطتي في ثالث ثانوي:)


[IMG]
..[/IMG]


صورت بطاقة تخرجي وملفي للمتوسطه بس مانزلتها>>فيس تنبّه ان اسمه واضح فيها

وسلااااااامتكم وطول اعماركم

ساره حلوو ذكرياتي وخاصه طيحاتك هههههه
بس الله يرضى عليك انتبهي
لهذي

لا الحمد الله احسبك من بنات الحين
تنبهي الوحده كلتك انت وقشورك الله المستعان
الله يسلمك حبيبتي


الله يرزقنا بامثالك واخلاقك كثير