كاتب الموضوع :
نسايم نجد
المنتدى :
القصص المكتمله من وحي قلم الاعضاء
البارت الرابع والعشرون
هند جالسه بالكرسي المقابل لشباك غرفته وكانت مشغوله بدراسة بعض المشاريع السريه الموجوده بالاب توب ما كانت تدري عن العاشق الي يراقبها ذاب وداخ وطار قلبه من صدره ووقع عندها
الي يشوفه اقوى من تحمله البس الاحمر على بياض بشرتها سحره وشعرها الي يتطاير من الهواء وكل ما ضايقها ترفعه بيدها جننه
نفسه ينزل لها ويضمها الى صدره الملتهب من شوفتها وحرمانه منها ما قدر يتحمل اكثر من كذا قرر ينزل
ويبرد ناره المشتعله والي فيها فيها
طلع من غرفته ونزل طلع للحديقه شافها من بعيد شاف نفسه ضعيف عن الي كان بيسويه تعوذ من بليس وتراجع وطلع لغرفته
بعدها بنص ساعه قفلت لاب توبها ودخلت غرفتها ونسدحت جنب الجوهره
فوق عند جاسم
الساعه 2 الفجر
جاسم على سريره يتقلب كانه على تنور من الي فيه عشيقته وحبيته قريبه منه ولا يقدر يقرب منها
جاسم في نفسه بحزن / والحل يا جاسم كنت بين شعره وتتهور لو ما لحقت على نفسي مو كل مره بقدر امسك نفسي
حلي هو زواجي منها بس كيف وشلون وعمي بالوسط لازم اتزوجها غصب عليها خايف اني اضرها بسبب العشق المجنون من يصدق انك جاسم الي تكره صنف الحريم تجي بنت عمك وتشقلب حالك وصار لا ليلك ليل ولا نهارك نهار يخوفي عمي يسوي بلوه تبعدها عني اكثر واكثر على قولة فيصل عم بلا به الله
طلع سلسالها من بوكه وضمه وشمه وباسه يعوض حرمانه من صاحبته فيه وكانها بين يدينه ويغني بصوته الحزين
ردولي قلبي ردوه
ردولي قلبي ردوه
ياللي سرقتو قلبي
ردولي قلبي ردوه
حسبي عليكم حسبي
وشلون مني خذتوه
قلبي وماعندي بديله
عمري وانا في صدري اشيله
فجأه كدا في يوم وليله
من بين صدري شلتوه
ردولي قلبي ردوه
كنت بحياتي عايش
مرتاح وبالي مبسوط
والسهم جاني طايش
صوب بقلبي مضبوط
من يومها مدري اش جرالي
ياللي انتو مرمرتولي حالي
مالي انا والحب مالي
من وين ليّه جبتوه
ردولي قلبي ردوه
سهران طول ليلي
مايجيني نوم هيهات
والشوق منه ويلي
دوخني سبع دوخات
عاجبكم الحال اللي صاير
ذا حبكم ظالم وجاير
حنو علي جيبولي خاطر
واللي تبونه سووه
ردولي قلبي ردوه
فيصل يسمع اخوه وحاس بناره ووجعه من بعد ما شافها ماصار يلومه غصب عن فيصل نزلت دمعه حاره على خده على حال اخوه
فيصل بحزن / جاسم نام يا خوي خلها على الله
جاسم /..............
فيصل بحزن / وش رايك بكره نطلع طلعه شبابيه ونسافر
جاسم / .................
فيصل بعصبية / جاسم حرام عليك نفسك والله حرام تبيها اخطبها جرب ما تدري يمكن توافق
جاسم / ................
فيصل / اروح لجوهره احسن
جاسم بحزن والم / نسيت ان الجوهره بحضن هند
فيصل / تقلب على سريره وتفكيره مشغول باخوه وهو بتفكيره نام
جاسم / حاول ينام لكن كل ما حاول ينام شاف طيفها وصار يفكر فيها لين سمع اذان الفجر
قام دخل الحمام اخذ شور وتوضاء ولبس وصحى فيصل وطلع من الغرفه نزل تحت وقبل لا يطلع من البيت التفت على الغرفه الي تنام فيها واصدر تنهيده لعلها تطفي النيران الي بجوفه
طلع من المسجد ركب سيارته يدور بشوارع الرياض بلا هدف مر على افضل مطعم وطلب فطور وتذكر حبيته لازم تذوق من نفس الاكل الي يذوقه طلب فطور بكميه كبيره للي في البيت وصل للبيت لقى الجوهره بالمطبخ محتاره وش تسوي فطور لهند
جاسم / جوهره خذي الفطور كنت مار جنب مطعم وطريتي على بالي وقلت افطرك اليوم
الجوهره / فديتك جسوم والله كنت محتاره ريحتني الله يريحك
جاسم متردد ييسال عن هند / وضيفتك نايمه ولا صاحيه لان حلات الفطور حار
الجوهره / فديتها وربي من زمان مانمت مثل نومت البارح في حضنها سحر
جاسم في نفسه / لا يا لجوهره لا تشعلين نيران اخوك مافيه كافيه
الجوهره وهي تجهز الفطور وتتكلم مع جاسم
الجوهره بحزن / تصدق حسدت غاده على اختها تمنيت عندي اخت اكبر مني
جاسم ضربها على راسها / ماحنا عاجبينك ناقصنا عله ثانيه وحده وياله نلحق عليها
الجوهره بعصبية / جسوم انا علة شوف بكره لتزوجت شلون بيكون البيت من دوني
جاسم يشدها باذنها / يا قليلة الحياء ما تستحين تقولين الكلام قدامي
الجوهره / أي اوجعتني ما قلت شي عيب
جاسم / روحي صحي امي وجداتي يفطرن معكم وانا وفيصل ارسلي فطورنا فوق لاني دايخ بفطر وانا وقوم لصلاة الجمعه
الجوهره / ان شاء الله
طلع جاسم فوق ودخل غرفته لقى فيصل نايم
طلعت الجوهره من المطبخ دخلت غرفة امها لقتها بالحمام نزلت ودخلت غرفة جداتها لقتهن جالسات يسولفن
الجوهره / جداتي ليش ماطلعتن بالصاله ولا بينكم اسرار
الجده ام راشد / بنطلع لصاله قلت يمكن نايمين ما شاء الله وش الذرابه اليوم صاحيه بدري خبري 10 تقومين
الجوهره / تعرفين جده عندنا ضيوف لازم اصير ذربه مو بكيفي غصب عني
الجدات / ههههههههههه
مسكت الجوهره جداتها تساعدهن على المشي وطلعت معهن با لصاله
وام جاسم دخلت غرفة هند لقتها صاحيه ولابسه تنوره جنز وبلوزه فوشي وشعرها مظفرته ظفيره هندي
هند تبتسم بوجه ام جاسم بابتسامتها الي تذوب
هند بابتسامه / صباح الخير خاله كيف صباحك اليوم
ام جاسم / بخير ان شاء الله نمتي زين عندنا
هند / الحمد الله
ام جاسم / جداتك والجوهره برا جالسات ينتظرنك على الفطور
طلعت هند مع ام جاسم لصاله وجلسو على الارض يفطرون لان الجدات يكرهن الاكل على الطاوله
وهي مبسوطه من الاكل على الارض وتغير عن الروتين اليومي افطرت بعد ما خلصت فطور جابت الشغاله القهوه والشاهي لان الجدات لازم قهوه بالصباح
قام جاسم وفيصل وصلو صلاة الجمعه وبعدها جلسو شوي مع هند بالصاله وطلعو فوق علشان تاخذ راحته
تغدو بعد الغداء جلسو بالصاله والجدات وام جاسم راحن يريحن
على الساعه 5 العصر
هند / يله بروح اجهز اغراضي السواق جاي بالطريق
جاسم اعتصر قلبه الم ووجع حبيبته بتفارقه مراح يستمتع بشوفتها
الجوهره / بدري هند نامي الليله عندي
هند / ماقدر وراي شغل بكره وشتقت لغدويه
فيصل بنفسه / فديتها كلها كم يوم وخلي الجوهره تزورها علشان تعرف اني معتذر يمكن تتغير نظرتها لي ويقرب الله البعيد
الجوهره / لا تنسينا عيدي الزياره
هند / انتي الي زورينا ببيتي او بيت اهلي
جاسم بنفسه / متى تصيرين ببيتي وبين ايديني
طلعت من الصاله ودخلت غرفتها جمعت اغراضها ودخلت غرفة جداتها سلمت عليهن وطلعت لقت ام جاسم بالصاله
هند ضمت ام جاسم على عيون العاشق الولها الي تمنى انه مكان امه
هند بحب / خالتي يشهد علي ربي ان لك معزه بقلبي زورينا
ام جاسم / تسلمين يابنتي
هند / يله فمان الله السواق برا
طلعت هند واخذت معها قلب وروح جاسم الي جالس بوسطهم بجسمه
في بيت عبدالرحمن
6 المغرب
دخلت البيت لقتهم جالسين على قهوة المغرب خالها وخالتها وخالد ومحمد وعدنان وغاده اول مادخلت طارت لها غاده ضمتها بقوه
غاده بحب / ماماتي الحمد لله على السلامه لا عاد تتركيني هند وهي ماسكه غاده قربت من خالها وباست راسه وقربت من خالتها وباستها على راسها قام خالد وسحب غاده من حضن هند ورمى نفسه بحضنه
خالد بحب / وربي احسني يتيم بغيابك لك وحشه
عبدالرحمن بعصبية / يتيم ماني بعاجبك
هند / ههههه يله من بيفكك منه خالي غيور
قام محمد وسحبها من حضن خالد وضمها
محمد / ماانتم احسن مني لي فيك مثل مالهم ولا علشاني طيوب ينوكل حقي
هند بحب / فديتك انت تعرف مكانك بقلب هند
محمد / باس راسها والله ياهند نحمد ربنا الي رزقنا باخت مثلك
هند / كل هذا علشان غبت عنكم يوم
التفتت هند لخالد بنظرة حقد
هند / خالد بكره بداوم غصب عليك
خالد / هههههههههه كل هذا حقد سويها فيني والله لاحبك اكثر
هند / تحلم عارفه انه يوم المنى عندك يكفي بعطيك سبوع لملكتك تحمد ربك بعد
خالد / بس اسبوع يبخلك ياشيخه
هند / لا تخليني اخليك اداوم
خالد / لا سحبت كلامي تسوينها
جلست هند بجنب خالها مسكت يده وحطت راسها على صدر ه
هند بحزن / خالي اذا صار لي شي لا تبكيني
فز وارتعش عبدالرحمن وكان ماء حار انسكب عليه خاف من كلامها
عبدالرحمن بخوف/ هند بعد الشر عليك
هند بحزن موجع / احساسي يقول بيصير لي شي ويمكن تفقدوني
نوره بحزن / وش الكلام ياهند تعوذي من ابليس
اخوانها يعرفون ان احساس هند مايخيب على طول اركضو لها
هند بحزن / اوعدوني ما تنسوني وتذكروني بالدعاء
عبدالرحمن بصراخ / خلاص ياهنددددددد
خالد بخوف / هند انتي مريضه ومخبيه علينا
هند بحزن / لا ماني بمريضه
محمد بخوف / صاير شي لك ببيت عمك
هند / لا بالعكس شايليني من على الارض شيل
خالد والدموع متحجره بعيونه / جعل يومي قبل يومك يالغاليه لا تتفاولين على نفسك روحي توضي وصلي علشان ترتاحين
دخلت هند غرفتها لقت غاده تلبس تستعد لطلعه السوق
في الصاله الجميع بحالة ذهول وخوف وصدمه خايفين على بنتهم الي عاشت معهم سنين وهي امهم وابوهم الثاني عمرها ماملت من شكاويهم وتقدمهم على نفسها
عبدالرحمن خانقته العبره / خالد يا بوك حاول تعرف وش فيها كلامها اوجعني يمكن تفتح لك قلبها
خالد بحزن / مراح اسئلها الليله بخليها لبكره قلبي يقول صاير شي مسبب لها الكئابه اعرفها هند
محمد / مدري حاس ان راشد ورى السالفه هند ما تنعفس حالها الا بسببه
عبدالرحمن بعصبية / الله ياخذك ياراشد ويحرقك مثل ماحرقت قلب هند
طلعت غاد من الغرفه دخلت عليهم في الصاله
غاده / خلود يله جاهزه
خالد على انه ماله خلق لطلعه لكن ماحب يضايق غاده لانه امس جته ظروف وماقدر يطلعها
و يكفيها الي فيه ضغط على نفسه طلع وطلعت وراه وركبو السياره
في غرفة هند
بعد ما طلعت غاده من الغرفه انسدحت هند على السرير وكانت مخنوقه متضايقه انسدحت على سريرها تبكي وتشاهق كانت نوره ماره جنب غرفتها اعتصر قلبها وجع وهي تسمع بكاء هند طلعت بالصاله وهي مهمومه
نوره بحزن / اسمع صوتها تبكي وتشاهق بالغرفه عورني قلبي ماقدرت ادخل
كلهم فزو متروعين هند مايبكيها شي سهل اكيد صاير شي عظيم منعهم عبدالرحمن من الدخول عليها وتكفل هو بالمسئوليه طلع من الصاله دخل لغرفة هند وعوره قلبه وهو يسمع صوت بكائها الي واضح انه بكاء وجع وقهر وحرقه
قرب عبد الرحمن منها من غير ماتدري جلس على سريرها وصار يمسح على ظهرها وشعرها وهي مستمره بالبكاء
عبدالرحمن بحزن موجع / ياقلب خالك اوجعتي قلبي قولي جعلني فدوه لك وش مضايقك
هند تشاهق / ..........
رفع راسها واوجعه قلبه يشوف وجهها احمر وعيونه متورمه من البكاء
عبد الرحمن بحنان / ليش مسويه بنفسك كذا يروح خالك راشد السبب
هند ما قدرت تتكلم / هزت راسها بايه
عبد الرحمن وهو منفعل وده لو راشد قدامه قطعه مليون قطعه انه سبب الي صاير لبنت الغاليه
عبدالرحمن بنفسه / وش ناوي عليه يا راشد تبيها تلحق امها وانتفض من الفكره تخسى تقرب منها والله ما يفكك مني الا الموت ولا راح احد يشفع لك عندي حتى هند
خالد وغاده مروا لمكتبه والسوق وهو شايل هموم الدنيا على راسه على الساعه عشر خلصو من السوق ودخلو البيت
دخلت غاده غرفتها ولقت هند نايمه بملابسها وواضح عليها التعب بدلت ولبست بجامه ونسدحت جنبها ومن التعب نامت على طول
دخل خالد لقى الصاله فاضيه شكل الكل نايم شاف نور المكتب عارف ان ابوه صاحي دخل المكتب على ابوه شافه حاط يده على خده والحزن واضح عليه ومتاكد ان سبب حزنه هند
خالد بحب / يبه وسع صدرك تلاقي من الارهاق قالت الكلام الي قالته
عبد الرحمن بحزن / راشد السبب بس مدري وش مسوي
خالد عصب / هي قالت لك راشد
عبد الرحمن / وجع اختك من راشد سالتها اذا كان راشد اشرت براسها بايه ما حبيت اضغط عليها
خالد بعصبية / هذا ما يخاف الله ما يكفيه الي يسويه وش ناوي عليه
عبد الرحمن / الله ياخذ روحه وهي ترتاح
خالد بخوف / هذي هند القويه وصار فيها كذا يبه انا خايف على غاده لو درت بسوالف ابوها وكيد مراح تسلم منه هذا كل همه الفلوس
عبد الرحمن / وهذا الي مخوفني غاده ماهي بقوة هند
في بيت بسام
الساعه 2 الظهر
صحت نجلاء من النوم وهي تتوجع من الم بظهرها واسفل بطنها التفتت كان بسام نايم نجلاء تحاول تصحي بسام من النوم ودموعها على خدها من قو الوجع
نجلاء تبكي / بسام قوم تعبانه بموت من الوجع
بسام فز كانه مقروص لما سمع بكاها / وش فيك حبيتي
نجلاء / مدري وجع قوي ما قدر اتحمله اخاف ولاده
بسام قام يلبس وهو محتاس ما يدري وش يسوي التفت عليها
بسام / بدري على الولاده توك بالسابع
نجلاء / مدري
بسام / اكلم امك
نجلاء / اخاف على امي تعرف فيها ضغط
بسام / اجل بكلم امي ما اعرف بالسوالف هذي وتحتاجين لاحد معك
بيت ابو بسام
الساعه 2 الفجر
صحت ام بسام على صوت جوالها خافت لما شافت الساعه ثنتين الفجر والي متصل ولدها ردت على الجوال وهي خايفه حاسه فيه شي
ام بسام / الو بسام
بسام / هلا يمه انا بطريقي للمستشفى
ام بسام بخوف / وش فيك يوليدي
بسام / نجلاء تعبانه اخاف انها ولاده
ام بسام / توها بسابع وخالتك وينها
بسام / نجلاء رفضت تعرفين خالتي ضغط وخفنا نخوفها يرتفع الضغط عليها
ام بسام / زين سويتو انا جايه بطريق
بسام / بسرعه يمه تعرفين ما عرف بالسوالف وحالتها صعبه تتوجع
ام بسام تطمنه / كذا الولاده وانا امك تطمن وطمنها
قفلت الخط من ولدها ولتفتت لابو بسام لقته نايم
ام بسام / سلمان قوم ولدك زوجته بتولد وهي تعبانه ومحتاس فيه ابي اروح لهم
ابو بسام / زين بدخل الحمام ان طلعت القاك جاهزه
ام بسام / ان شاء الله
دقائق طلع ابو بسام لقى ام بسام بعباتها مرت على غاده تصحيها
ام بسام / غاده قومي انتبهي للبيت وختك طالعه للمستشفى عند نجلاء بتولد
غاده فتحت عيونها / زين يمه بشريني اذا ولدت
ام بسام / الله يقومها بالسلامه
غاده / امين
طلعت ام بسام لقت ابو بسام بسياره
ابو بسام / وش فيك تاخرتي
ام بسام وش اسوي اصحي غاده تنتبه للبيت اخاف اطول
طلو للبيت بطريقهم للمستشفى دخلو لقو بسام واقف بالسيب الي عند غرفة الطوارئ
جته امه وحطت يدها على كتفه ام بسام / ارتاح وانا امك ان شاء الله تقوم بالسلامه
بسام / يارب
لحظات وجتهم الدكتوره وتسال
الدكتوره / وينه زوجها
بسام / انا زوجها خير وش فيه
الدكتوره / ولاده ولازم عمليه قيصريه
بسام خاف / عمليه ليه
الدكتوره / لا تخاف بسيطه لان عندها ولاده مبكره ولازم عملية
بسام اخذ الاوراق ووقع على العمليه وجلست ام بسام على كراسي الانتظار وابو بسام وصلهاللمستشفى ورجع للبيت وطلب منهم يطمونه عليها
بسام على اعصابه خايف على حبيبته نجلاء الي شمعة حياته ونورها لو صار لها شي ما يقدر يعيش من غيرها
بعد ساعه من الترقب والتوتر طلعت الدكتوره بسام اول ما شافها ركض لها
بسام / بشري يادكتوره كيفها نجلاء
الدكتوره بابتسامه / الحمد لله صحتها تمام
بسام حس برتاحه / اللهم لك الحمد
الدكتوره / ما سالت وش جابت
بسام بابتسامه / نسيت كان همي صحة زوجتي
الدكتوره / مبروك توئم بنت وولد
بسام وهو فرحان / كيف صحتهم
الدكتوره / الحمد لله لكن لازم يبقون بالحاضنه لان باقي على ولادهم شهرين
بسام / مشكوره دكتوره
الدكتوره / واجبي
على طول ركض بسام لامه الي جالسه على الكرسي
بسام / يمه باركي لي جابت نجلاء هدى وسلمان
ام بسام بعدم استيعاب / وش جابت بنت ولا ولد
بسام / توئم
ام بسام وهي فرحانه / مبروك يا وليدي يتربون بعزك وشلونها نجلاء
بسام بفرح / الله يبارك فيك البنت سميتها على اسمك والولد على ابوي اللهم لك الحمد نجلاء بخير
ام بسام / تعيش وتسمي يولدي كيف صحتهم
بسام / الحمد لله بخير لازم يبقون بالحضانه لانهم انولدو بدري
ام بسام / بكلم غاده ببشرها موصيتني اول ما تولد غاده اكلمها
اتصلت ام بسام على غاده وبشرتها وطارت غاده من الفرح وقررت انها تغيب اليوم من الجامعه علشان الصباح تزورهم وتشوفهم
ام بسام التفتت على بسام وطلبت منه يكلم خالته
ام بسام / يا وليدي كلم خالتك وبشرها
طالع بسام بساعته الساعه اربع الفجر
بسام / الوقت بدري الساعه اربع الفجر الناس نايمه
بيت ابو نواف
الساعه 5 الفجر
صحت ام نواف توضت وصلت وابو نواف ونواف يصلون بالمسجدبعد الصلاه انزلت تحت الا تسمع صوت تلفون البيت
ام نواف / اللهم اجعله خير من الي مصبحنا
ردت على التلفون كان الاتصال من بسام
ام نواف / الو
بسام / شلونك خاله
ام نواف / بخير شلونك وشلون نجلاء
بسام / ابشرك نجلاء جابت توم بنت وولد وهي بخير
ام نواف خافت على بنتها تعرف انها بالسابع
ام نواف / يا وليدي بدري على ولادتها هي بسابع حلفتك بالله انك تقول الصدق هي طيبه بخير
بسام / أي والله بخير والحمد لله صحيح جابتهم بعمليه قيصريه والعيال بالحاضنه لانه ولدو بدري
ام نواف بحزن / يا قلبي يا بنتي ولدتهم بعمليه من غير لا كون معها
بسام / اذا بتطمنين عليها تجهزي الحين مارك لا تحاتينها ماقلنا لك خايفين على صحتك
ام نواف / الله يبارك فيك يوليدي تسوي خير انا الحين بالبس عباتي انتظرك
بسام / ان شاء الله دقائق وانا عندك
ام نواف / يوليدي انتبه بالطريق لا تسرع
بسام / ان شاء الله يا خاله
سكرت التلفون على دخلت ابو نواف ونواف
ابو نواف / ياله صباح خير من تكلمي بالفجر
ام نواف / هذا بسام يبشرنا ان نجلاء ولدت وجابت توم
نواف / مبارك يمه مبارك يبه كبروكم عيال بسام
ام نواف / ان شاء الله نفرح بعيالك
نواف / امين خلي اول نتزوج وبعدين يجون العيال
ابو نواف / موعدنا اليوم مع الجماعه بعد المغرب
نواف / ان شاء الله
جلس ابو نواف ونواف بصاله بعد ربع ساعه سمعو صوت الجرس
ام نواف طلعت لابسه عبايتها
ام نواف تكلم ابو نواف تاخذ الاذن منه
ام نواف / هذا بسام جاي ياخذني لبنتي
ابو نواف / الله يهداك مشوره الرجال كان قلتي لي او لنواف نوديك
ام نواف / الله يسعده هو الي مصر انه يمرني فرحان بعياله الله يتمم له
الكل / امين
طلع نواف لبسام يبارك له وعلى طول جتهم ام نواف اركبت جنب بسام بطريقهم للمستشفى
في المستشفى
الساعه 6 الصباح
دخلت ام نواف لقت اختها على الكرسي جالسه وواضح عليها الارهاق سلمت على اختها وباركت لها وجلست جنب اختها تنتظر الدكتوره تسمح لهم بزيارتها لانها تحت الملاحظه
في بيت عبدالرحمن
الساعه 6 الصباح
هند ما طلعت من غرفتها من بعد ما كلمها خالها سمعت صوت جوالها يرن وكان مالها خلق لاحد التفتت لقت غاده نايمه
دخلت الحمام اخذ ت شور لبست بنطلون اسود وجكيت اسود داخله بلوزه بنقسجي محروق لبسها ظاهر عليها طابع الكابه طلعت لصاله لقت خالها ونوره وخالد جالسين يسولفون
هند/ السلام
الكل / وعليكم السلام
خالد منقهر من حال هند وواضح عليها الحزن والكئابة
خالد بنفسه / وش سوى الحقير الي خلاك بالحاله وين القاه وربي لا خليه يتمنى الموت ما يلقاه
صحت غاده دخلت الحمام خذت شور لبست وطلعت
غاده / صباح الخير
الكل / صباح النور
نوره / يله افطرو الفطور جاهز
دخلو صالة الطعام وهند مالها نفس ياله شربت كاس حليب وقامت وطلعت لصاله لحقها خالد وغاده
دق جوال هند شافت رقم غاده طالعت بخالد فهم خالد ان المتصله غاده من نظرات هند
خالد يبتسم / ردي حرام اطنشين البنت
هند / يعيني بدينا نخاف عليها
ردت هند على المكالمه
هند / الو هلا غاده وش الازعاج صباح الله خير
ضربها خالد على خفيف
غاده بزعل / مالت عليك وعلي انا الخبله الي من فرحتي قلت افرحك معي
هند / توك تدرين انك خبله يله بشرينا وش عندك
غاده / بصير احسن منك ولا راح ارد عليك لاني فرحانه
هند / يله فرحينا معك
غاده / بسام جاله توم يعني اخيرا صرت عمه عقبالك
هند بتحرج غاده / مبروك والبركه فيك شدي حيلك وبصير عمه
غاده منحرجه / وجع هنيدان يحبك للاحراج انقلب طماطه
هند / هههههههههه طماطه كثري منها اعرفك لا تمثلين انك تستحين ضنتي ان اخوي يستحي اكثر منك
سكرت غاده الخط بوجه هند وهي تتوعد فيها
هند / الخبله سكرت الخط بوجهي
خالد / تستاهلين اكلتيها مايسوى عليها كلمتك
تذكرت هند / ترى بسام جاله توم
خالد / ما شاء الله بكلمه ابارك له
رجع خالد عند امه وبوه يفطرون
خالد / يبه يمه بسام جاله توم
نوره فرحانه / الله يفرحك لازم امر ام بسام ابارك لها
تذكرت نوره ان نجلاء بالسابع
نوره / خالد من قال لكم
خالد / غاده كلمت هند وقالت لها
نوره / طيب ماقلت شلونها نجلاء
خالد / يمه تاخرت كلمي خالتي ام بسام وتجاوبك على اسئلتك
عبدالرحمن / عقبال مانفرح بعيالك امين
خالد يبتسم لابوه وبحماس / امين
عبدالرحمن / هههههههه مستعجل مافي زواج الا بعد سنه
خالد / لازم تذكرني ويتعكر مزاجي
نوره بابتسامه / وانك راضي ومبسوط
خالد / مكره اخاك لا بطل
الكل / ههههههههههههه
طلع خالد لقى هند وغاده ينتظرونه طلعو ركبو السياره وصلو غاده لجامعتها وكملو طريقهم لشركه
وصلو لشركه خالد دخل مكتبه وهند دخلت مكتبها علقت عباته وشالت نقابها ودقت جرس على السكرتيره
هند / سوزي مرزوق موجود
السكرتيره / ايه من بدري حاضر وشكله تعبان
هند / اطلبيه ابي اقابله
السكرتيره / حاضر استاذه
طلعت السكرتيره من عند هند ولبست عباتها ونقابها تنتظر مرزوق كلمت اخوها خالد يحضر المقابله
بعد نص ساعه دخل مرزوق وكان قدامه هند وخالد جلس بالكرسي المقابل لهند
هند بحب / عم مرزوق انت تعرف معزتك عندي ويحزني اشوفك تعبان ومريض وتضغط على عمرك واداوم رغم اوجاعك
مرزوق وهو خايف / لاحظتي علي قصور
هند بحنان / لا ياعم انا جيتك وكلي امل تعتبرني بنتك وتلبي رجائي
مرزوق / تامرين يابنتي
هند / انا حجزت لك عند دكتور استشاري بامراض القلب علشان علاجك ويكون برياض على طلبك وكل المصاريف على الشركه
مرزوق / اخاف يصير لي شي ويضيعون عيالي
هند بجديه / اعيالك امانه برقبتي وهذ خالد شاهد على كلامي ووعد وعهد علي قبل ما تسوي العمليه احاول بكل جهدي ماخليهم يحتاجون لحد
وولدك وليد موقعه على وظيفته بالشركه وبيداوم من بكره والسكن شريت لكم فله واثثتها بدال الشقه الي مستاجرها ومن اليوم تسكن فيها عيالك وبنتك سمر شريت مشغل وكتبته باسمها تقدر تباشر عملها من بكره عمي لا تحسب اني متفضله عليك كله من جهدك وتعبك وامانتك انت من ايام الغاليه
مرزوق نزلت دموعه من اهتمام هند فيه / مدري وش اقول لك يابنتي الي سويته كثير ما يسويه القريبين مني ما قول الا الله يزيدك من فضله ولا يحوجك لحد
هند / امين عطيتك اجازه مفتوحه لين تقوم بالسلامه اليوم روح لمستشفى ال ...... ودخل على الدكتور جاسم وقول جايك من طرف هند وهو بيقوم بالازم ياعم قولي عن موعد العمليه ضروري وانت عندك رقم جوالي اول ماتخلص من الدكتور كلمني وطمني
طلع من عندها وهي يدعي لها انها ساعدته واهتمت بعياله طلع من الشركه بطريقه للمستشفى
خالد التفت على هند وهو مبسوط ومفتخر ان هند اخته قام من كرسيه وباس راسها
خالد / الله يجزاك خير بيضتي وجيهنا يالغاليه الله يكثر من امثالك
هند بجديه / يله روح مكتبك اشوف احلوت لك الجلسه
خالد / نسيت اني بالمكتب زين ما تخصمين علي اني تجرئت وبست راس المديره بالدوام الرسمي
هند / المره سماح المره الثانيه خصم نص الراتب
خالد / اوف نص الراتب على بوسه على راس المدير بالدوام الرسمي اجل توبه
طلع خالد من مكتب هند متجه لمكتبه وهو حاس ان هند تتوجع بداخلها وتكابر
خالد بنفسه / اااااااااه ياهند لو اعرف وش مضايقك
بيت ام جاسم
الساعه 7 الصباح
صحى جاسم من النوم التفت على سرير فيصل مالقاه شكله طالع لشركه دخل الحمام اخد شور ولبس بنطلون جنز وقميص ابيض ومشط شعره الناعم يوصل لرقبه وتعطر ونزل تحت لقى امه وجداته بالصاله يتقهون
جاسم / السلام
الكل / وعليكم السلام
ام جاسم / بتطلع للمستشفى
جاسم / ايه يا لغاليه توصين على شي
ام جاسم / لا وانا امك افطر فطورك جاهز
جاسم / بفطر بالمستشفى لاني تاخرت
طلع من البيت بطريقه للمستشفى دخل عند نواف مالقاه بمكتبه عرف انه بالكفتريا نزل متجه للكفتريا شاف نواف من بعيد على طاوله قرب منه جاسم وكان نواف سرحان
جاسم / السلام
نواف / وعليكم السلام
جاسم / الي ماخذ عقلك يتهنا فيه
نواف / الي بجيهم بعد المغرب
جاسم / ههههههه بدري على المغرب وانت تحاتي
نواف / افكر العروسه تشبهك ولا تشبه فيصل
جاسم بمرح / لا تشبه كومار السواق
نواف بمزح / افا يذا العلم شكلي بهون
جاسم بجديه / اخاف يخوي منت بمقتنع بالزواج كله بس علشان تناسبني
نواف بجديه / وش الكلام الي تقوله انا مصيري متزوج ولا راح القاء احسن من نسبكم وانت تعرف ان كل الكلام الي قلته مزح والله لو ان اختك سويداء بحبها من محبتي لك
جاسم / ههههههههه لا تطمن ماهي سويداء وحنا نتشرف بنسبك يالغالي لو لك اخت خطبتها لي
نواف يطالع بجاسم بنص عين / وهند
جاسم فز قلبه / فديت الاسم وراعيته هذي ما بدلها بصنف الحريم اذا ما تزوجتها يحرمن علي الحريم من بعدها
نواف بعصبيه / من صدقك الكلام الي تقوله
جاسم بصدق / أي والله اني صادق ان ما تزوجتها مستحيل اتزوج غيرها
نواف / انت متاكد انها مستحيل تكون من نصيبك مافكرت بامك تبي تفرح فيك تحرمها علشان سراب
جاسم بعصبية / نواف ياتقول كلام يبرد القلب ولا ياليت تسكت وتلتهي بفطورك القلب ياخوك مايسكنه شخصين
نواف / كيفك انت الي بتندم على تصرفاتك
جاسم قام / يله تاخرت بطلع فوق اشوف المراجعين
دخل جاسم مكتبه نادى الممرضه
جاسم / فيه مراجعين برا
الممرضه / ايه فيه مريض له ساعه ينتظر برا
جاسم / بسرعه خليه يدخل
دخل مرزوق على جاسم وهو خايف من العمليه رغم ان هند مطمنته
جاسم / هلا تفضل ياعم
مرزوق بتوتر / انا جايك عن طريق هند الفهد
جاسم / هند قالت لي عنك وشفت كشوفاتك لازم نسوي اجرائات من تحاليل وكشوفات جديده واذا كنت صايم نبداء فيها الحين
مرزوق / ايه انا جايك صايم
جاسم / خلاص على بركة الله نبداء روح مع الممرضه وسو الكشوفات المطلوبه وبعدها تعال لمكتبي تكون التقارير جاهزه
طلع مرزوق مع الممرضه وسو الي طلبه منه جاسم بعد 3 ساعات طلعت النتيجه وطلب من الممرضه انها ادخل عليه مرزوق
دخل مرزوق وهو يقدم رجل وياخر الثانيه خايف من النتيجه
جاسم / تفضل اجلس ياعم
جلس مرزوق وهو على نار / طمني يولدي
جاسم / تطمن يعم عمليتك مره سهله وباذن الله نسبة نجاحها كبيره مره
مرزوق فرح / الله يطمن بالخير
جاسم / بكره عمليتك باذن الله
مرزوق رفع جواله يتصل على هند الي كانت جالسه بالمكتب بالغلط من مرزوق شغل السبيكر
اول ماشافت هند رقم مرزوق على طول ردت
هند بلهفة / هلا عمي بشرني عنك
جاسم سمع صوت حبيته وهي متلهفه غار من مرزوق انه سمع صوتها وله حريه الاتصال فيها
مرزوق / تطمني يا بنتي الدكتور بشرني ان عمليتي سهله
هند براحه/ اللهم لك الحمد متى عمليتك
مرزوق بحزن / بكره
هند بحنان / ياعم دخيلك لا تحاتي عيالك واهلك بذمتي
جاسم بنفسه / ااه ياهند كل هالقلب الطيب والحنان المتدفق من يصدق ان بداخله حقد دفين وصلتيه لي وانا مالي ذنب
مرزوق / واثق فيك يا بنتي الي سويته ما يسويه اخو
هند بحب / انت غالي عندي وانا اوعدك بكره بوقت العمليه بكون موجوده مراح اطلع لين اتطمن عليك
جاسم ارتجف قلبه وذاب بكره بيشوفها بقربه
جاسم في نفسه بحزن / لا مو بقربي بقرب مرزوق ياليتني مرزق وتهتمين فيني واصير غالي عندك
مرزوق / يابنتي مابي عيالي يدرون اني بسوي العمليه تعرفين تعلقهم فيني
هند / ابشر متى بيرقدونك بالمستشفى ومتى وقت العمليه
التفت مرزوق على جاسم الي بعالم ثاني
مرزوق / دكتور متى الترقيد ومتى وقت العمليه
جاسم / الترقيد الحين والعمليه بكره الساعه 6 الصباح
مرزوق كمل كلامه مع هند / الحين يابنتي والعمليه بكره 6 الصباح
هند / ياعم انتبه على نفسك اهم شي النفسيه ابي تصير نفسيتك زينه علشان العمليه يله فمان الله
جاسم بنفسه / حرام بدري لا تسكرين ما شبعت من سماع صوتك
طلع مرزوق من عند جاسم مع الممرضه ادله على الغرفه الي بيترقد فيها
اول ماطلع مرزوق من عند جاسم فتح بوكه وطلع السلسال وضمه بحرقه ووجع
جاسم بنفسه / لمتى يا جاسم عايش على الاطلال ومخلي السلسال ونيسك لو ضاع وش بيصير فيك تعلقت فيه لانه من ريحتها لازم تتحرك وتسوي خطوه ايجابيه تقربها منك باجل الخطوه لين تسكن بالقصر واكون قريب منها
في بيت ابو بسام
الساعه 8 الصباح
صحت غاده من النوم لقت امها تفطر
غاده / صباح الخير للجده الجديده
ام بسام بابتسامه / صباح النور للعمه الجديده
غاده / فديتهم يمه شخبار نجلاء وعيالها
ام بسام / الحمدلله بخير
غاده / دخلتي عليهم شفتيهم
ام بسام / لا نجلاء نايمه وتحت الملاحظه وعيالها رفضو نزورهم كلمت بسام طمني على نجلاء فاقت بس يقلبي عليها تتوجع من العمليه
غاده / يمه بزورهم الحين مشتاقه لهم
ام بسام / اول افطري وبعدين نروح
غاده / ان شاء الله
دخلت غاده المطبخ اكلت فطيره وشربت عصير على السريع طلعت لغرفتها لبست عباتها وانزلت لقت امها جاهزه اطلعو للمستشفى
المستشفى عند بسام
الساعه 8 الصباح
ام نواف ارجعت للبيت بعد اصرار من بسام لان الانتظار تعب عليها ووعدها اول ما تفيق يكلمها يطمنها وان قدرت نجلاء تتكلم بيخليها تكلمها
كلمت السواق ورجعها لانها ماتبي تتعب بسام الي واضح عليه التعب والارهاق
بسام موجود بالمستشفى ما طلع الا لغرفة عياله يشوفهم من بعيد وجلس ينتظر قدام غرفتها لين تفيق والدكتوره تسمح له بزيارتها
صحت نجلاء من البنج وكانت تتوجع من العمليه وكانت تسال عن بسام دخل عليها بسام بعد ما سمحت الدكتوره له بالدخول
اول ماشاف حبيته على السرير الابيض وواضح عليها التعب والوجع تمزق قلبه ركض لها وباس راسها
بسام / لا باس يالغاليه جعل الوجع فيني ولا فيك
نجلاء / اااي
نادى بسام الممرضه تعطيها مسكن للوجع دخلت الممرضه وعطتها ابره مسكنه بعد ماهدء الوجع
نجلاء / بسومه ابي ماء
بسام بفرح / ياعيون بسومتك وروحه
جاب لها الماء وسندها على خفيف مايبي يوجعها وشربها
بسام / صحه ان شاء الله
نجلاء / وش جبت
بسام / وش تتوقعين جبتي
نجلاء / ولد
بسام بفرح واضح على وجهه / جبتي سلمان وهدى
نجلا بفرح / والله توم
بسام / ايه يقلب بسام وسميتهم على امي وبوي
نجلاء / زين ما سميت ان شاء الله يطلعون لهم
بسام سحب يدها وطبع بوسه عميقه كلها حب وامتنان
بسام / الله لا يحرمني منك ياروح بسام
نجلاء / ولا منك يا عيون نجلاء
بسام تذكروعده لام نواف / حبيتي تقدرين تكلمين تلفون انا وعدت خالتي انك تكلمينها لافقتي من البنج
نجلاء / ايه حبيبي بطمن امي اعرفها تحاتي
دق بسام على ام نواف على طول ردت
ام نواف بلهفه / الو بشر صحت
بسام / ايه خالتي خذيها معك
نجلاء / شخبارك يالغاليه مبروك
ام نواف بفرح / الله يبارك فيك ومبروك عليك جعلهم يتربون بعزكم
نجلاء / امين يمه لا تحاتيني انا ولله الحمد بخير
ام نواف / له الحمد والشكر يله بسكر وانتي ارتاحي يمه
نجلاء / ان شاء الله يالغاليه يله فمان الله
على اخر المكالمه دخلت ام بسام وغاده ومعهم باقة ورد كبيره وحلويات وغراض لضيافه لزوار نجلاء قربو من نجلاء وسلمو عليها
ام بسام / كيفك الحين يمه ان شاء الله ما تتوجعين
نجلاء / شوي يا خاله من شوي الممرضه عطتني ابره مسكنه والحمد لله
غاده / انا زعلانه منكم الحين تسمون هدى وتنسون غاده من زين اسم هدى الحين
ام بسام ضربت غاده على راسها
ام بسام / يالي ما تستحين تعيبين بسمي قدامي
غاده / يمه وين حرية الراي ترى اوجعتني ضربتك
ام بسام / تستاهلين
بسام / وانا انخبلت اسمي على اسمك ابتلش وتصير مثلك
غاده / لكم الفخر لو صارت تشبهني
نجلاء / مراح تكسب منك الا طول اللسان
غاده / فديتني يا ناس الا بروح اشوف قرودكم
نجلاء / تعيبين فيهم بعد وتبين تشوفينهم ممنوعه من الشوفه
بسام / ايه خلي طول لسانك ينفعك
غاده / مستغنيه عن شوفتهم بكره تجون تقولون غاده شيليهم غاده سكتيهم تحلمون
بسام يحب ينرفزها / بتسكتينهم وتشيلهم بالغصب او برضاء
زعلت غاده وطول الجلسه ساكته ولما انتهت الزياره وطلعت التفتت على بسام
غاده / عفيه بسام ابي اشوفهم والله قليبي يتقطع على شوفتهم
بسام / ايه خليك كذا مؤدبه ياله قدامي لغرفتهم
طلعت غاده بفرح ولحقها بسام وقفو برا الغرفه يشوفونه من وراء الزجاج
غاده / يحلوهم بس ابي اشوفهم من قريب وشيلهم
بسام / ممنوع لانهم بالسابع
غاده / يارب متى يطلعون والعب فيهم
ضربها بسام على راسها / ليه شايفه عيالي لعبة لك
غاده / وش فيكم تضربوني على راسي شكلي بفقد الذكره وطيح بكبودكم
بسام / لا ضامن منتي بطايحه بكبودنا بطيحين بكبد خلود
غاده استحت ووجها ولع من الحياء وسكت طلعو من الحاضنه وطلعت مع امها مع السواق للبيت
دخل بسام غرفة نجلاء شافها نايمه طلع لشركه
مر اليوم على خير لا جديد على ابطالنا الا ان نواف خطب الجوهره وتم الموافقه ورفضت الجوهره الشوفه وزعل عليها جاسم وفيصل قالت الشوفه بالملكه واذا كان مصر ماتبي تتزوج
قال جاسم لنواف ان اخته مستحيه من الشوفه وكان الامرعادي عند نواف لانه مو مستعد لشوفه وحددو الملكه بعد نتائج التحاليل
والزواج بعد شهر
اليوم الثاني بيت عبدالرحمن
الساعه 5 الفجر
ما نامت هند طول الليل وهي تحاتي وتفكر بعملية مرزوق خايفه يصير شي وينحرمون اهله منه وهي تكون السبب لانها اصرت عليه يسوي العمل
دخلت الحمام اخذت شور ولبست اقرب لبس لقته قدامها مالها خلق تبي تروح للمستشفى بدري تجلس عند مرزوق وتقويه صلت الفجر وصحت غاده وطلعت لابسه عبايتها لقت خالد توه راجع من المسجد
طالع فيها خالد عرف انه ما نامت وانها قلقانه علشان مرزوق
هند / عفيه خالد بروح لمرزق
طالع خالد بالساعه الا الساعه 5
خالد / هنوده بدري الساعه 5 وعمليته 6
هند / ادري بس ابي اجلس معه اقويه قبل العمليه
خالد / يله
طلع خالد وهند من البيت بطريقهم للمستشفى
في بيت جاسم
الساعه 5 الفجر
صحى جاسم من الساعه ثلاث وهو يحاتي ويفكر لانها اول عمليه بعد الي صار له وتسبب بوفاة الطفل خاف انه ما يصير عند حسن ضن هند
صلى الفجر طالع بساعته الا الساعه 5 طلع من البيت للمستشفى علشان يصير عنده وقت يتستعد استعداد نفسي للعملية
مستشفى
5 الفجر
صلى مرزوق صلاة الفجر بمصلى المستشفى دخل غرفته جلس يقرا القراءن على الساعه 5 وربع الا هند داخله عليه ومعها اخوها خالد فرح مرزوق بزيارة هند وعرف انها عند وعدها له
هند / السلام
مرزوق بابتسامه / وعليكم السلام
هند / بشرني عنك ياعم
مرزوق بخوف / تحت رحمة الله
هند / ونعم بالله خل اتكالك عليه ما يضيع من اتكل عليه
عند جاسم
دخل جاسم غر فته لبس البالطو والسماعات وطلع لغرفة مرزوق قبل لا يفتح الباب احس بدقات قويه لقلبه اول مافتح شافها
جاسم بنفسه / ااااااااااااه يقلبي خف علي
جاسم يكلم مرزوق يحاول يتجاهل هند لا تنفضح مشاعره
جاسم / كيفك ياعم بشر ان شاء الله النفسية تمام
مرزوق / الحمد لله
جاسم التفت لهند وخالد / شخبارك خالد واخبار بنت العم
كان نفسه يقول اخبارك ياورح جاسم و حياته
هند / الحمد لله انت كيفك
جاسم / الحمدلله بخير
هند التفتت على خالد وتكلمت معه عادي قدام جاسم
هند / خالد لا تتاخر روح للبيت علشان توصل غاده للجامعه وتروح لشركه واذا خلصت عملية عم مرزوق بكلم عمران الحقك لشركه
جاسم بنفسه / والله على عيني تروحين مع السواق اه لو اقدر اوصلك واجلسك جنبي يحلوها الاحلام
خالد / خلاص بعد ما يدخل العم مرزوق العمليات بطلع من المستشفى
هند / طيب محاضرة غاده الساعه 8
طلع جاسم من غرفة مرزوق بعد نص ساعه جو الممرضات بسرير سدحو مرزوق عليه متجه لغرفة العمليات
طلع خالد للبيت وهند طلعت ووقفت عند باب غرفة العمليات
جلست عند غرفة العمليات وكل تفكيرها بالعم مرزوق وعياله ولما طولو صارت على نار وخايفه جلست تدعي ان ربي يقومه بالسلامه
بعد ثلاث ساعات من الترقب طلع جاسم من غرفة العمليات ركضت له من غير شعور مسكت يده
هند بخوف / بشر
جاسم تكهرب وانتفض من مسكتها
جاسم / الحمد لله العمليه انجحت وهو بخير
هند من غير شعور سجدت سجده شكر لله على نجاح عملية العم مرزوق
قامت من سجوده وطالعت بجاسم
هند بفرح / ابشر بالي تبيه يا جاسم ما تدري اش كثر فرحانه وردت الروح لي
جاسم بنفسه / الي ابيه قربك وحضنك ابيك زوجه لي بالحلال لكن مستحيل اطلب شي نفسي فيه ثمن واجبي
جاسم بجديه / هذا واجبي ما خذ عليه ثمن ماكل شي ينشرى يا بنت الفهد
هند ما هتمت لكلامه لانه بالاساس ما يهمها
هند / طيب متى راح يفوق
جاسم / انصحكم تاجلون الزياره لبكره لانه محتاج لراحه
هند بقوة وعصبية / انا سئلتك متى يفوق ماخذت رايك
جاسم انقهر من اسلوبها الجاف معه وانها ما عبرته
جاسم / بعد ساعتين
هند بقوة / اجل بانتظره بالغرفه الي كان فيها لين يصحى ابي لا فاق يشوفني قدامه لاني مواعدته ما تركه
جاسم بنفسه / ااااااااااااه ياهند ليه تعذبيني باهتمامك بغيري وخوفك عليهم وانا ولا شي عندك قولي لي وش الي بيحببك فيني والله لاسويه
راحت من عند جاسم ما نتظرت رده دخلت للغرفه الي كان فيها جلست على الكرسي تنتظر متى يصحى
مرت الساعتين طويله على هند على طول توجهت لغرفة مرزوق لقته توه فاتح عيونه على طول جت جنبه
هند / الحمدلله على السلامه يا عم
مرزوق فرحان انه عايش وان العمليه انجحت وبقلبه كل الشكر والامتنان لهند مهما عمل مراح يقدر يرجع لها الي سوته
مرزوق ما يقدر يتكلم لان محطوط جهاز التنفس على فمه
هند بتعب / عم تسمح لي اروح انا على وعدي ما تركتك وانا مرهقه ما قدر اتركك الا بموافقتك
هز مرزوق راسه بالموافقه انها ترتاح
طلعت من المسنشفى بتمر الشركه بتشوف اذا مافي شي مهم بترجع للبيت ترتاح
عند جاسم
دخل مكتبه متضايق ماله نفس يشوف احد ومن حسن حظه ما عنده مراجعين وهو بمكتبه اصدر تنهيده من اعماق اعماق قلبه الجريح جاسم يغني بينه وبين نفسه
ياعذابي كيف انا بقوى عذابك
لاصار في بعدك عذاب وفي قربك عذاب
ياشبابي زينة ايامي شبابك
لك في حياتي احساس ونسيانك احساس
ماتصدق لو اقول انك حياتي في كل شي
سمعي وشوفي انت دمي واحساسي
بأسم الهوى لازلت فكري وهوجاسي
تدري علي بعدك عذاب وفي قربك عذاب
ياحب مالي فيه غير الشقى
ياحب اخذ من حياتي مابقى
عشته باحساسي ولا به شك
يبدل اشعوري حبك جرى في دمي وذاب
ياعذابي كيف انا بقوى عذابك
لاصار في بعدك عذاب وفي قربك عذاب
انطق الباب كان الي عند الباب نواف كان بيطمن على حال صديقه بعد العمليه اول ما دخل وشاف شكل جاسم خاف هو عارف ان العمليه نجحت
نواف / وش فيك ياخوي
جاسم بحزن يضرب صدره / قول وش ما فيني هنا وجعي يا نواف
نواف / سلامتك من الوجع
جاسم / كانت هنا يا نواف ولا كانها شايفتني ولا معبرتني ااااااااااااه يانواف قلبها متلهف وخايف على مرزوق لو شفت حالها يوم نجحت العمليه
اااااااااااااه يانواف قالت ابشر بالي تبيه كانت فرصه لي اقول انتي الي ابيه ماحبيت استغل ظروفها اول كان عندي امل 1% الحين انهار الامل قولي ياخوي وش اسوي
نواف حزن على حال صديقه وحس بطعنات بقلبه من نبره الحزن والالم الي يشوفها بوجه صديقه الي عمره ما ضعف ولاخضع لحد
نواف في نفسه / ااااااااه وش سويتي فيه قلبتي حاله حال مكان الي قدامي جاسم لهدرجه العشق يذبح الرجال ويدمره الله يكون بعونك يا خوي
نواف / سلامتك من الاااااه ياخوي تعال معي نطلع للكفتريا ولا اطلع ارتاح بالبيت
جاسم / .............
جاسم بنفسه / تبيني اطلع وانا عارف انها بتجي تبيني احرم نفسي من وجدها
طلع نواف من عند جاسم بعد متاكد ان وجوده ما بيغير شي
توقعاتكم
اختكم نسايم نجد
|
10-11-10, 01:54 AM
جديد مواضيع قسم القصص المكتمله من وحي قلم الاعضاء
العرض العادي
