كاتب الموضوع :
نسايم نجد
المنتدى :
القصص المكتمله من وحي قلم الاعضاء
اليوم نزلت البارت بدري لاني متاكده ان فيه ناس متحمسه وبقوه للبارت هذا
والبارت طويل كثير علشان خاطركم
البارت الثاني والثالث والعشرون
عند غاده
بعد ماسلمت الظرف لسواق دخلت لغرفتها لقت هند متسنده على سريرها
هند / غاده
فزت لما سمعت صوت هند اول مادخلت كانت نايمه
غاده بارتباك / نعم ماماتي
هند بجديه / قولي وش وراك بنتي واعرفك
غاده بخوف / ماماتي بقولك لاني محتاجه لمساعدتك
هند / قولي الي عندك
قربت منها وانسدحت جنبها على السرير وصارت تلعب باصابع هند
غاده / ماماتي اوعديني تسوين الي ابيه اذا قلت لك
هند / وعد
غاده / واهم شي ماتعصبين علي
هند بعصبية / خلصي قولي ماعاد فيني صبر
غاده / قالت لهند كل شي
هند عصبت وبصوت عالي / وانتي ما تستحين واقفه مع رجال غريب ولا بعد تجادلينه بالكلام هذي ثقتي فيك
غاده بخجل / ماماتي انا ندمانه على تصرفي لكن هو طلعني من طوري ولازم اربيه ماماتي انتي ربيتيني ماسكت عن الي يغلط علي ويتجاوز حدوده معي وهذا وقح
هند بجديه / هذا الي كنت خايفه منه وكنت ارفض روحاتك لصديقاتك وهذا الي جنيته
غاده بترجي / مامتي فديتك نفذي الي بطلبه منك انتي وعدتيني
هند / قولي وش ناويه عليه
غاده / قالت لهند كل شي ناويته بفيصل
هند / اخر مره اسمح بهالشي وهاتي الظروف الي كاتبتها بنفذ لك الي تبينه مثل ما خططتي
هو يستاهل يتربى ويعرف منهي بنت الفهد الي قل ادبه معها
غاده / ماماتي انا با مكاني اخش عنك السالفه عمري ما خشيت عنك شي ماما لا تزودينها علي كنت مبسوطه مع الجوهره باخر لحظه نكد علي
هند / صار خير وبكره بيصير كل الي تبيه واعيد واكرر اخر مره تحطين نفسك بهالمواقف ومستحيل اسمح بالشي لاني بعقابك
غاده ضمت هند / توبه ماماتي انتي تعرفيني لعصبت افقد السيطره على تصرفاتي
هند / نامي وانا بنام علشان اقوم بدري اجري اتصالاتي ونفذ الي تبينه
غاده بفرح قامت اخذت شور ولبست بجامه وانسدحت جنب هند
عند فيصل
دخل غرفته وهو مبسوط انه شاف وجه بنت عمه ومنسحر من جمالها ومعجب بقوتها
فيصل بنفسه / وانا اقول ناعمه مو قد انتقامي تربية هند طالعه عليها بس والله تهبل تدخل القلب ولا جمالها سبحان من خلقها
تذكر الصراخ الي صار اليوم وطلع لغرفة الجوهره دخل لقاها على الاب توب قرب منها ثواني ودخل عليهم جاسم
فيصل بحماس / الجوهره قولي الي صار
جاسم / وش الي صار
الجوهره بابتسامه / فرحااااااانه من الي سوته غاده اليوم بردت قلبي بالريم وبنات خالتك
فيصل بعدم صبر / خلصينا قولي بالتفصيل الي صار
الجوهره / حكت لهم الي صار بالتفصيل
جاسم عصب وثار وانجن انها تقول عن حبيبته ها لكلام لو هو الي سمع الكلام كان قتلها
جاسم بعصبية / قليلة الحياء وصلت معها تتعرض الناس بشرفهم
الجوهره / غاده عطتها درس مستحيل تفتح فمها مره ثانيه
فيصل عرف ان غاده قويه وتذكر ( كلمتها انا حيه لا يغرك ملمسها الناعم ترى قرصتها والقبر انتظر ردي الفعلي على تصرفك )
دخل جاسم وفيصل غرفتهم كل واحد منهم غارق بافكاره جاسم سرحان بهند وفيصل سرحان بغاده استمرو بتفكيرهم لين نامو
اليوم الثاني الصباح
بيت ام جاسم
قام فيصل من النوم طالع بساعته كانت 5 الفجر التفت على سرير جاسم لقاه نايم
دخل الحمام توضاء ولبس وقوم جاسم يبيه يلحق على الصلاه نزل تحت البيت فاضي الكل نايم فتح باب الشارع طلع وشاف
صدمت عمره انفجع وهو يشوف سيارته بدون كفرات مرفوعه على حصى مكسره وصايره كانها جايه من التشليح وهي جديده ما كملت شهر قرب من سيارته الي تغيرت ملامحها شاف على باب السياره محفور جملة ذكرى من غاده
عصب وجن جنونه / سويتيها يابنت العم هذا ردك والله لا تدفعين ثمن الي سويتيه غالي انا فيصل تتجراء على بنت
فتح باب السياره يشوفها من داخل لقى ظرف فتح الظرف ولقى ورقه مكتوب فيها بخط غاده
هذا اول رد على كشفك لوجهي انتظر ردي على مسكت يدي والبوسه واوعدك بيكون ردي لك سريع ماحب التاخير
فيصل بنفسه / صدق انك حيه لكن على قلبي مثل العسل ياترى وش بتسوين بعد
كلم الونش يشلون السياره لان مايبي احد يشوفها مراح يسلم من الاسئله من حسن حظه بسرعه جو واخذو السياره والكل نايم
رجع للبيت صلى الفجر لانها فاته وطلع لغرفته وهي يغلي قهر من غاده وانها ماهي بسهله مثل ما توقع ومع هذا يحس بانتعاش لقلبه وحساس لذيذ اول مره يحسه بحياته
دخل لقى جاسم باسط السجاده ويصلي بعد ماخلص جاسم الصلاة التفت على فيصل
جاسم / ماشاء الله صاحي لصلاة ليه ماصحيتيني
فيصل / من قال ماصحيتك لكن مارضيت تقوم وش اسوي فيك نومك ثقيل ولا وبعد سهران مع الاطلال
جاسم اطلق تنهيده قويه طالعه من قلبه / اااااااااه ماني قادر اصبر على شوفتها او سماع صوتها مادري متى تحن علي وتسكن جداتي عندها
فيصل / هههههههههه تسكن جداتك ولا تسكنك انت
جاسم بعشق / الله يقرب البعيد شكلي بتزوجها غصب عنها اخاف من نفسي عليها اخاف اتهور واغلط معها لاني بالقوة ماسك نفسي لاوقع بالحرام معها معشم نفسي بالزواج والقرب بالحلال
فيصل بعصبيه / انتبه ياجاسم انت العاقل الكبير تقول هالكلام لا تخلي حبك يبعدك عن ربك
جاسم بنبرت حزن / ااااااه من الحب شوفني كيف صرت امشي مع الناس جسم بلا روح روحي عندها
فيصل بجديه / هند الفهد قويه ما تنغصب اذا ما خذتك برضاها مراح تنجبر عليك
جاسم / انا اغصبها وبطريقتي اذا اضطرتني
فيصل تذكر حاله مع غاده خاف تتطور العلاقه ويصير نسخه من اخوه
فيصل بنفسه / لا ماتوقع اني احبها هذي كسرت سيارتي يمكن اعجاب بقوتها اول مره يمرعلي بنت قويه ياترى وش ينتظرني منك ياغاده
فيصل / انا تعبان بنام على الساعه 10 صحيني بمر المعارض اشتري سياره
جاسم / صاحي سيارتك جديده وغاليه بتشتري غيرها وهي ما كملت شهر
فيصل وهو يبتسم يقول بنفسه / ماقصرت فيها الحيه غيرت ملامحها لو ابيعها ماتنباع بريالين
فديت اسمها المحفور بالباب
فيصل / سيارتي بعتها مارتحت لها
جاسم بعصبية / زوجه علشان ترتاح لها
فيصل / ههههههههههه صار تفكيرك بالحريم
جاسم بحب / فديتها الي الحريم مايجن ماطأ رجلها
فيصل / اوووووه يالعاشق المتيم كل هذا
جاسم / هذا ولا شي من الي بداخلي
دخل فيصل سريره ولحظات الا هو بسابع نومه
دخل جاسم في سريره وطيف هند قدامه
جاسم في نفسه / لو اعرف رقم جوالها كان ادور أي حجه علشان اسمع صوتها ويوم اتصلت علي من جوال اخوها فتح بوكه وطلع سلسالها وصار يشمه ويضمه ويغني بصوته الجميل
ذبحني الشوق بغيابك
وانا شوقـي بلا مقياس
وبعدك عني عذبني
وانا ماضل صبر فيني
تعال ورد لأحضاني وابعدني
حبيبي عن عـيون الناس
تعال وضمني في صدرك
وأحضني بحنانك حيل دفيني
وأدخل بعــــثر بروحي
وأمزجني مــــــــع الانفاس
وأسكن في وسط عيني
وقطـــــع فـــــي شراييني
غبت عني الف مره ؟
ومــع ذلك قلـت لاباس
وقلت بكره بيرجعـــلي
ينشف دمعي من عيني
وانا شوقي مثــــــل نسمه
حزينه عافها النسناس
وأتامل هبوب الريح
لأحضانك يــــــوديني
صرت مجنون بغيابك
وعقــلي صابه الوسواس
تعال ورد لي عقلي
ومــــن اجناني اشفــيني
كتبتك همسه فـــــي صدري
وسجنتك داخل الاحساس
و حولتك قصيدة حـــــــب
وأسكنتك دواوييـني
ورغم الطعون في صدري
لكـــن ماخضعت الراس
ولاعمري قلــــت مجروح
عنيد وأنـــــــت تدريني
صحى فيصل على صوت جاسم الحزين واوجعه قلبه على اخوه رفع نفسه وتسند على السرير
فيصل بحزن / لمتى ياجاسم قولي لمتى تكتوي بنارها وهي مادرت عنك والله حالتك تصعب على الكفار
جاسم / ...........
فيصل بعصبية / احسن لي اقوم طيرت النوم من عيني بروح للمعرض تخاويني منها تغير جو
جاسم / روح خلص اشغالك وخلني بحالي شويات وبنام لا تحاتيني ياخوي
فيصل هز راسه علامة الاستياء من حالت اخوه الي واضح عليه التعب
فيصل / على راحتك
دخل فيصل الحمام اخذ شور ولبس ثوب وغتره وطلع بسيارة جاسم متجه لصرافه بيصرف مبلغ محتاجه لان بوكه فاضي
دخل البطاقه بالصرافه تطلع رساله الرفض اعاد المحاوله اكثر من مره لكن نفس النتيجه وهو متاكد ان حسابه مليان ومبلغ كبير طلع بطاقته الثانيه ونفس المشكله فكر يمكن الصرافه عطلانه جرب بكذا صرافه لكن نفس النتيجه وهو محتاج للفلوس
فيصل في نفسه / مالي الا اروح للبنك قبل لا يسكر لان اليوم خميس يسكرون بدري
اتجه للبنك الي يتعامل معه وقف سيارته ونزل ودخل البنك متجه للعامل المسئول عن سحب المبالغ
فيصل / اخوي انا بسحب مبلغ والصرافات رافضه الطلب وقلت اجي اسحب كاش
الموظف / الاسم اخوي
فيصل / فيصل سعد ال ......
الموظف / اسف اخوي ارصدتك مجمده
فيصل بصراخ / على كيفكم تجمدونها
الموظف معصب / القرار جاي من فوق من الي اكبر مني ومنك اذا عندك مشكله روح لوزارة الماليه
فيصل جاء بيطلع ناده الموظف
الموظف / اخ فيصل
فيصل بعصبية / خير عندك شي ماقلته
الموظف / اخوي عندي ظرف مكتوب عليه يسلم لفيصل
اخذ فيصل الظرف وطلع من البنك وهو يشتعل غضب فتح الظرف لقاه نفس الظرف الي من غاده الي استلمه اليوم بس استبعد فكرة انه من غاده كان بالظرف ورقه قراه اانفجع وانصدم شي ماتوقعه ان يصير ولا 1%
كانت الرساله من غاده مكتوب
هذا ردي الثاني ردي على بوستك ليدي وانتظر ردي على مسكتك لها ومثل ما وعدك ردي سريع
فيصل بعصبية وصراخ / يا لمجنونه هذا كله على بوستي ليدك اجل لو تعمقت وبست شفايفك وش سويتي
صدق طلعتي حيه ملمسك ناعم وقرصتك والقبر ياترى وش ردك على مسكت يدك ماتوقع ان فيه اقوى من ردك على البوسه وش وراي انتظر
فيصل يبتسم / يحلوك يابنت العم طلعتي قويه وواصله تعجبيني خليك كذا محد يتجرا يلمس منك شعره
ماتدرين ان مع كل تصرف مجنون منك يزيد غلاك بقلبي لكن الحين وش اسوي فلوسي كلها مجمده من وين بصرف
في بيت عبدالرحمن
الساعه 8 الصباح
غاده ما نامت الا الساعه سبع الصباح بعد ما تطمنت ان هند نفذت لها الي تبيه ونامت وهي فرحانه تتمنى تشوف ردت فعل فيصل من الي بيصير
هند بعد ما نتهت من اتصالاتها نامت وصحت على اتصال من سوزان تقول لها ان يوم الاربعاء اخر الدوام اتصلت الشركه واجلت الموعد بسبب ظروف طارئة
طرت في باله فكره انها تزور جداتها ومدام التغى الموعد تنام عندهم لازم موافقت خالها وخالتها
طلعت من غرفتها وتركت غاده نايمه لانها عارفه انها ما نامت الا من ساعه لقت خالها وخالتها يسولفون بالصاله جلست عند خالها
هند / خالي الشركه الغت الموعد الي المفروض يصير اليوم
عبدالرحمن بستغراي / ماتدري وش اسبابهم
هند / مادري ماقالو
نوره / مالك نيه تفطرين
هند / بعد شوي ابيكم بموضوع
عبدالرحمن / قولي عساه خير
هند / بروح لام راشد وعدتها انام عندها ومدام اليوم فاضيه برجع بكره على العشاء
عبد الرحمن / ماقدر امنعك عن جدتك مالها ذنب بافعال ولدها وهي تجهل وجودكم الي اقدر اقوله لك انتبهي لنفسك
هند / افهم انك موافق
عبد الرحمن / ايه لكن بدون غاده لان غاده ما تدري عن شي واخاف من ردة فعلها لازم نعلمها بالتدريج
التفتت هند لخالتها وقالت / خاله اش رايك
نوره / جداتك لهن حق عليك
هند / سلمت على خالها وخالتها اجل الحين بكلمهم وبعزم نفسي للغداء عندهم
نوره / لا تنسين خذي هديا لجداتك ترى الهديه زينه
هند / وش اهدي لحرمه كبيره فديتك خالتي قومي بالمهمه بالنيابه
نوره / ان شاء الله بروح الحين علشان ما تتاخرين عن الناس
طلعت هند لغرفة خالد وخذت جواله
خالد / خير وش تبين بجوالي صاير معك اكثر منه معي
هند / ابي رقم جاسم
خالد / يالله صباح خير وش عندك
هند / عطني الرقم بلا تحقيق
اخذت هند الرقم واتصلت على جوال جاسم من تلفون البيت
طلعت نوره مع السواق وشترت هدايا لام راشد ولام موضي لان هند قالت لها عنها وجابت هديه لام جاسم بتوصيه من هند انها تكون ثمينه لان ام جاسم ادخلت بقلب هند
في بيت جاسم
الساعه 9 الصباح
اتصلت هند على جوال جاسم برقم البيت طالع برقم مارد ماله خلق لارقام غريبه لكن لما شاف اصرار الرقم على طول رد خاف شي ضروري
هند بجديه / الو جوال جاسم
جاسم عرف الصوت الي ذوبه وحرمه النوم
جاسم يتظاهر البرود/ هلا من معي
هند / هند الفهد
جاسم في نفسه / فديتك كانك داريه اني متعطش وميت على سماع صوتك
جاسم / أي خدمه
هند / من فضلك ممكن اكلم ام جاسم
جاسم انقهر نفسه تطول المكالمه يروي فيها حرمانه ويطفي فيها نيران قلبه
جاسم / سكري وبانزل بعد 5 دقائق اتصلي
هند / اوكيه ياله فمان الله
نزل جاسم تحت لقى امه بالمطبخ مد جواله لها
جاسم / يمه هند الفهد كلمت بجوالي تبيك
ما كمل كلامه الا الجوال يدق مده لامه وطلع لصاله عند جداته
هند / السلام خالتي كيفك
ام جاسم / وعليكم السلام الحمد لله بخير انتي بشريني عنك
هند / الحمدلله بخير اسفه على اتصالي بدري اخاف ازعجتك وصحيتك من النوم
ام جاسم بحب / لا حبيبتي جالسه مع جداتك نفطر
هند / شخبارهن
ام جاسم / الحمدلله يسالن عنك
هند / وانا علشان كذا متصله
ام جاسم / عسى خير يابنتي
هند بجدية / عازمه نفسي عندكم على الغداء اذا كان الوقت مناسب
ام جاسم بفرح / حياك الله
هند / وعازمه نفسي على النومه عندكم الليله
ام جاسم / الساعه المباركه الي بتنامين فيها عندنا ما تدرين اش كثر ذا الخبر بيفرحهن
هند / خلاص خاله بعد ساعه وانا عندكم اشوفك على خير
ام جاسم / بحفظ الله
قفلت ام جاسم من هند ودخلت الصاله عند خالتها وامها وجاسم
ام جاسم / يمه خاله ابشركم هند جايه للغداء
جاسم فز قلبه على طاريها وتشقق وناسها انها بتغداء عندهم
ام راشد / الله يحيها
ام جاسم / بعد بتنام الليله عندنا
هنا جاسم شوي يغمى عليه من المفاجئة كانها ليلة القدر البارح لما تمنى شوفت هند واليوم تحقق ماتمناه
جاسم يحاول يكون طبيعي / طيب وش بتغدونها
ام جاسم / مدري وانا امك روح صحي الجوهره تعرف بنات يمكن تعرف وش الي يناسبها
طلع جاسم لغرفة الجوهره لقاها توها طالعه من الحمام
جاسم بجديه / اتصلت هند الفهد على امي وتبي تتغداء عندنا
الجوهره وهي مو مستوعبه / من جدك
جاسم / ايه خلصيني انزلي تفاهمي مع امي عن الغداء المناسب لبنت الفهد مانبي نصير اقل منهم
الجوهره / اتوقع صعبه تذبح ذبيحه يمكن ما تحب اللحم والرز خلها سفره منوعه انا بقوم اجهز الي اقدر عليه مع الشغالات من صواني تنفع للغداء والي مالحق اسويه نطلبه من برا
جاسم / اوكيه انا موجود بالبيت متى ما بغيتو شي اتصلو علي
جاء بيطلع بعدين التفت على الجوهره
وقال / تراها بعد بتنام جهزي لها مكان يلقيق فيها هذي بنت قصور ودلع
الجوهره / يووووووووه طيب ليش امي ماعتذرت منها وقالت لها تجي يوم ثاني
جاسم / لا ياشيخه بتجي بعد ساعه
الجوهره / وش الحق عليه ابي اكشخ ولا اجهز اغراض الضيافه الله يهديها ماتعرف تكلم قبلها بيوم تحط عندنا خبر شكلي بكلم غاده واخليها توصل اعتذارنا لاختها بطريقه دبلوماسيه
جاسم معصب ماصدق تجيه الفرصه اطيرها الخبله منه
جاسم بعصبيه / اعتذري علشان اكسر اصابيعك الي اتصلتي فيها مابقى الا تحرجين امي مع البنت
الجوهره مستغربه من اهتمام جاسم لهند عمره مهتم بزيارات النسائيه
الجوهره / فيه سؤال يقرقع بقلبي ودي اسئلك
جاسم / خليه بقلبك وكملي شغلك يله انا طالع لغرفتي
الجوهره بنفسها / اقص يدي جاسم يحب هند كيف وشلون متشوقه اشوف وجهها اخر مره لما جتنا كانت متغطيه ياليت غدويه تجي معها لكن اكيد ماقالو لها عنا متى تدري اني بنت عمك
في بيت عبد الرحمن
الساعه 10 الصباح
هند بغرفتها تجهز اغراضها الي تحتاجها في بيت ام جاسم من ملابسها ولاب وتوبها واوراق خاصه لشغل
اول ماخلصت صحت غاده علشان تحط عندها خبر انها مسافره بشغل وتجي بكره باليل
هند / غدويه حبيبتي اصحي
غاده رفعت راسها / ماماتي تعبانه بنام
هند / غدويه بحط عندك خبر الحين مسافره بشغل وبكره بالليل بكون موجده اذا فيه شي ضروري اتصلي على جوالي
غاده / طيب يله بنام
هند / باست غاده على خدها يله انتبهي لنفسك
طلعت من الغرفه لصاله مافيها احد طلعت لغرفة نوره بتاخذ الهدايا طقت الباب فتحت نوره عطتها اكياس الهديا وكل هديه كيستها لون ام جاسم كيس الهديه بالون الاحمر وام راشد اخضر وام موضي بنفسجي
نوره / هنوده حبيتي لونت لك الاكياس علشان ما تخربطين
هند باست نوره على راسها / تسلمين يالغاليه انتبهي لغاده باليل لجت تنام
نوره / ان شاء الله بنام عندها تطمني
هند / فديتك يالغاليه
نوره / يله لا تتاخرين عن الناس
نزلت هند وطلعت وركبت السياره مع عمران
في بيت ام جاسم
الساعه 10 الصباح
دخل جاسم بغرفته لقى فيصل بالغرفه منسدح على السرير يفكر
جاسم / فيصل هند بتجي عندنا وبتنام
فيصل / معها غاده اختها
جاسم / لا ماظن اتوقع للحين مخبين عنها يخافون انها تنهار
فيصل بقلبه / هذي تنهار هذي تسبب انهيار
جاسم / فيصل احسك منت بطبيعي
فيصل / الظاهر المرض الي صابك صابني
جاسم / أي مرض الحمدلله ماني بمريض
فيصل / مرضك الي مايخليك تنام ويفز قلبك لانذكر اسمها
جاسم / هههههههههه من ضحك ابتلى يعني حبيت
فيصل / ايه شربت من نفس الكاس
جاسم / بسرعه قولي شلون وكيف عرفتها
فيصل / قال لجاسم كل الي صار من يوم عند الدرج يوم كشف نقابها لين ما تجمد حسابه
جاسم / ههههههههههه تستاهل والله قويات بنات العم جابن روسنا شكل محكوم علينا بالعذاب والحرمان
فيصل بحب / لا تقول حرمان ما تخيل اعيش بدونها يا جاسم هذي حيتي
جاسم / ههههههههه تمدحها وتقول حيه
فيصل يبتسم / هي الي كانت لابسه جلد حيه وتقول انا حيه ملمسي ناعم بس قرصتي والقبر
جاسم / هههههههه تربيت هند الي عذبت اخوك وصار مجنونها
فيصل / القهر اختها تكسر يدي وهي تكسر سيارتي بس على الي سوته وربي ينتفض قلبي لما اذكر شوفتها احساس لذيد احس فيه وانا اشوف طيفها قدامي
جاسم بوجع / ليه يا فيصل ما يكفي انا اتعذب وانحرم تجي انت وتتعذب معي حاول ياخوي تتراجع مدامك توك بالبدايه
فيصل / انت جربت تنساها ما قدرت وانت القوي
جاسم / الله يصبرنا
سمع جاسم صوت جرس الباب وعلى طول طار لشباك شافها شاف روحه الي سلبت منه النوم وهي محمله باغراض واكياس ياله تشيلهم
تحت
فتحت الشغاله الباب وساعدت هند بشيل بعض اغراضها وحطتهم بغرفة نوم الضيوف دخلت داخل لقت ام جاسم والجوهره واقفات عند باب المدخل
ام جاسم / ياله حيها
دخلو بالصاله وطلبت ام جاسم من هند تعطيها عباتها وافقت هند
ام جاسم / حبيبتي شيلي نقابك محد بيدخل من عيالي
هند / ان شاء الله بس ياليت ياخاله تعطيني جلال ونقابي بيدي مابي احكر عيالك
ام جاسم / اغراضك بغرفة نوم الضيوف علشان تاخذين راحتك فيها
الجوهره / مراح تاخذين راحتك لاني بكون معك يابنت العم
هند / عادي وياليت تنامين بحضني متعوده على غدويه صار ما يجيني نوم الا وهي جنبي
الجوهره / ولا يهمك انا محتاجه حنان امي لها ايام مشغوله عني وصارت تنام بحض امها
هند / هههههههههههههههه ولا يهمك بسلفك حضني الليله
الجوهره متحمسه تشوف شكل هند بتشوف تشبه غاده او احلى
هند كانت لابسه فستان ناعم بنفسجي محروق وكالعاده بدون مكياج وشعرها لامته بشباصه بنفسجيه والجزمه واطيه صندل بنفسجي ولابسه حلق ناعم الماس بنفسجي
كشفت هند واخذت ام جاسم عباتها وجابت لها جلال انبهرت الجوهره وصنمت قدام جمال هند الطبيعي من غير ماتحط ولا ذرة مكياج
اول ماجلست هند على الكنبه شالت الشباصه وطاح شعرها الي كانه شلال حوليها ونزل نصه على الكنب
جلست الجوهره تقرأ بداخلها على هند خايفه عليها منها
الجوهره في نفسها / سبحان من خلقها عمري ما شفت بجمالها على جمال غاده ولا شي عند هند وينهن بنات خالتي لشافن هند والله لاطير عقولهن
طلعت الجوهره فوق وهي طالعه قابلت جاسم بوجهها انصدم من شكل الجوهره كانها مسبهه
جاسم / الجوهره وش فيك صاير تحت شي
الجوهره / هااااااه ايه لا
جاسم / هههههههه من جد شكلك خبله
الجوهره / من الي شفته تسبهت وعرقت وحراره وصلت الاربعين
جاسم بجديه / خير وش ذا الي قالب حالتك
الجوهره / شوفت بنت عمك سلبت عقلي وانا بنت شلون لو شافها رجال هذي خطر عليهم
جاسم يضحك في نفسه / تقولين عن شوفتها ااااه لو تدرين وش سوت شوفتها باخوك سلبت عقله وفوقه قلبه وروحه وصار بيني وبين الجنون شعره بسبتها ياليتها تحن علي
الجوهره / تصدق جاسم خفت اصكها بعين قعدت اقرا عليها بنفسي والمشكله بدون مكياج شلون لو حطت
جاسم في نفسه / بسم الله عليها الله يحفظها ويخليها لي المكياج لغيرها هي ماتحتاجه
الجوهره / يا حبي له بتنومني بحضنها الليله وناسه
جاسم بغيره / شنو وش كبرك تنامين بحضنها استحي
الجوهره / والله هي الي عزمتني وقالت انها متعوده ما تنام الا غاده بحضنها وانا الليله بديله لغاده
جاسم في نفسه / متى يجي اليوم الي تنام بحضني اااااااه انا الي ميت على حضنها وضمها يهنيالك يالجوهره بحضن حبيبتي
الجوهره / تاخرت عنهم يويلي من امي
انزلت الجوهره من الدرج وجاسم واقف بخاطره يشوفها يرتوي من شوفتهاهند جالسه بوسط جدتها ام راشد وجدتها ام موضي كانت جالسه بوجه الدرج
وجاسم وقف بحيث يتمكن من شوفتها ويراقب حركتها وسوالفها وطريقة كلامها اول ماشافها خفق قلبه بقووووووه حس من قو خفقانه وصل صوته لعندهم
التهمها بنظراته يبي يحفظ صورتها بذاكرته ومع كل نظره يزاد عشق وحب وغرام فيها يحاول انه يلقى شي يكرهها فيه لكن زاده حب فيها اكثر واكثر كل مره يشوفها تكون احلى من المره الي قبلها كانها من كوكب ثاني
جلس يتامل شعرها البني الطويل الناعم الي يعشقه وجسمها الفاتن وشفايفها الشهيه الي ما قدر على مقاومتها وهي مريضه بين يديه وصدرها المغري
كلها على بعضها صعبه على أي رجل بكامل الرجوله ان يقف بدون ما يذوق من رحيقها لان كل ما فيها ينادي
فكيف بجاسم العاشق الولهان المتيم ما قدر يستمر كثير با لمراقبه لان كل فصول السنه مر فيها خلال دقائق
دخل غرفته وحالته صعبه لقى فيصل جالس يلبس لبس الشغل عنده رحله على الساعه 12 الظهر
فيصل بحزن / اكيد شفتها لان واضح عليك من التعب الي بوجهك خف على نفسك من مراقبتها
جاسم / ............
فيصل / جاسم انا طالع عندي رحله الحين بغيب سبوع
جاسم / تروح وترجع بالسلامه
طلع فيصل من الدرج الخارجي علشان ما يكشف الي بالصاله
طلع من البيت ركب سيارة اخوه جاسم بيوقفها بالمطار ويجي جاسم مع السواق وياخذها
وصل فيصل المطار وحس فيه شي غريب وان فيه نظرات غير معروفه اطارده وصل عند رئيسه علشان يستعلم عن موعد الرحله
فيصل / ابو عبدالله متى موعد رحلتي لسنغافور
ابو عبدالله / للاسف احب ابلغك انك موقف عن العمل
فيصل / نعم اش قلت ماسمعت
ابو عبدالله / جانا امر بتوقيفك عن العمل
فيصل بعصبية / وليه ان شاء الله
ابو عبدالله / الامر جاي من مدير الخطوط السعوديه وجانا باسمك الكامل
فيصل بصراخ / ابي اعرف السبب
ابو عبدالله / للاسف اجهل الاسباب لكن عندي ظرف جابه مسئول جاي من مكتب المدير خذه يمكن ذاكر السبب
حس فيصل ان غاده ورى السالفه استلم الظرف وركب السياره وفتح الظرف وصدق توقعه طلع من غاده قرا الورقه
هههههههههه ماطولت عليك بردي الاخير وتوقيفك من الشغل ثمن ماسكك ليدي وش رايك احسن الافعال والا الاقوال وياليت تتذكر الي سويته فيك قبل لا تقرب من غاده الفهد
وش رايك صدقت بكلامي اني حيه ملمسي ناعم وقرصتي والقبر
ملاحظه / اذا اعترفت بقو جريمتك وتبت وعزمت ما تعيدها انت ادل بيت اهلي تعال اخطبني
فيصل فتح عيونه بقوه وقفلهم مو مصدق كلمة اخطبني اكيد بحلم ما مامداه يفرح
غاده / ههههههههههههه اسفه غلط مطبعي مو اخطبني قصدي تعتذر عن تصرفتك بطريقه غير مباشره انك تطلب من الجوهره تزورني اذا زارتني اعرف انك تعتذر واذا قبلت اعتذارك كل الي صار لك اليوم بيلغي وبعد بيعتذرون منك ويدورون رضاك سي يوووووووو
فيصل / فديتك والله فرحتيني بغى يوقف قلبي من الفرحه لما قلتي اخطبني طلعتي تستخفين دمك
والله ما تتزوجين غيري وانا ولد ابوي دخلتي مخ وقلب فيصل مستحيل افرط فيك انا سنين وانا ادور عن الحب ولقيته صعب افرط فيه بسهوله مستعد احارب العالم لعيونك وان رفضتيني اخطفك ماهمني احد
طلع من المطار راجع للبيت دخل البيت وطلع فوق من الدرج الخلفي دخل لقى جاسم مثل ماتركه
فيصل / السلام
جاسم التفت مستغرب ان فيصل راجع ولا سافر
جاسم / ليش جيت ماسافرت
فيصل وهو يبتسم / بركات بنت العم
جاسم / لا تقول اطردوك بسبتها
فيصل / ههههههههه ايه ثمن مسكت يدها شلون لو تعمقت معها ودخلت بالعميق وش سوت
جاسم / هههههههههه بنت هند انا احسن منك كل شوفاتي مسروقه ولا كان من زمان بقبري
فيصل / تدري على فعايلها فيني احسني مبسوط منها هذي حيتي بعد قلبي ماحد يقرب منها الا قرصته
جاسم / اجل ذا غاده حيه اجل هند شنو
فيصل / هههههههههههه مانسيت شلون بحركه سريعه كسرت يدي مرأه حديديه هتلر
جاسم بحب / بعد قلبي من ذاك اليوم وهي مالكه قلبي وعقلي وروحي قوتها واسلوبها وجرائتها شي عجيب
فيصل معصب / مبسوط انها كسرتني
جاسم بهيام / فداها تكسرك وتقطعك بعد
فيصل / يقليل الخاتمه تبيع اخوك علشان بنت
جاسم / وابيع نفسي علشانها بس تحن وترضى علي
فيصل / انها تحن وترضى غني ياليل ماطولك
جاسم / الله كريم
تحت
وقت الغداء
تغدت مع جداتها وام جاسم والجوهره بغرفة الطعام وكان الاكل مالذ وطاب اكلت هند وعجبها الاكل وجاسم وفيصل تغدو بالصاله الي فوق
هند خلصت الغداء وقامت تغسل وجت عندهم
هند / تسلمين خالتي على الغداء الحلو اول مره اكل بهالكثر
ام جاسم / جعله صحه وعافيه ماكلتي شي وانا امك
هند / بعد اكثر من الي اكلته
بيت عبدالرحمن
الساعه 12 الظهر
قامت غاده من نومها التفتت حولها مالقت هند عرفت انها ماكانت تحلم لما قالت بتسافر
دخلت الحمام خذت شور لبست فستان بيتي ناعم لونه زيتي وطلعت بالصاله لقت نوره وعبدالرحمن جالسين يسولفون ومحمد وخالد بغرفتهم
غاده / صباح الخير على الحلوين
نوره / قول مساء الخير شوفي كم الساعه
راحت عند خالها وخالتها وباست روسهم
عبدالرحمن / ان شاء الله انبسطتي بالعزيمه امس
غاده وهي تتذكر فيصل / كثير خالي
نوره / ناس طيبين
غاده / خالتو افطرتو ولا باقي
عبدالرحمن / هههههههه ننتظر الغداء وانتي تسالين عن الفطور
نوره / روحي وانا امك فطورك جاهز افطري والغدا خليه العصر
غاده / فديتك ويلوموني فيك اني احبك
نوره / هههههههههه ماخليتي احد الا قلتي له هالكلمه خلي العياره عنك
قامت من عندهم ودخلت للمطبخ اخذت فطورها وطلعت لغرفة الطعام
افطرت وخلصت فطورها وطلعت فوق لغرفة اخوانها طقت الباب سمعت صوت خالد يسمح لها بالدخول
غاده / خلودي حبيبي ابي المكتبه والسوق
خالد / وش ذا الطمع اختاري واحده منهم واوديك لها
غاده / انت كريم وانا استاهل
خالد / غلبتيني متى تبين تروحين
غاده / بعد المغرب اصلن مراح اطول بالمكتبه ولا بالسوق
خالد / وش عندك بالسوق مافيه مناسبه ولا كثيره طالعاتك
غاده / بهدي هديه لماماتي متفقه مع صديقاتي يوم الاثنين بنهدي امهاتنا
خالد / وش المناسبه للهديه
غاده / من غير مناسبه رد للجميل
خالد / انفع انضم لكم واشتري هديه لامي
غاده بحزن / خالد عندك صوره لمي ساره متشوقه اشوفها ماماتي مو راضي اني اشوف صورتها وكل ما سالتها قالت ماعندي لها صور
خالد اعتصر قلبه على غاده لانها انحرمت من امها ولا شافتها وهند رافضه انها اطلع صور امها علشان ماترجع لها المواجع
خالد قرب من غاده وضمها بقوه وغاده كانها ما صدقت جلست تبكي وهم على حالتهم طلع محمد من الحمام وخاف من شكلهم
محمد بخوف / غاده خالد وش صاير امي وابوي وهند فيهم شي
غاده وخالد على حالهم / ..............
محمد خاف اكثر / خوفتوني وش له داعي كل البكاء
غاده رفعت راسها من صدر خالد وطالعت محمد بعيون كلها دموع
غاده / حمود ابي اشوف صوره لامي ساره ليش رافضين اني اشوف صورتها ما يكفي اني ماعشت معها
محمد سحبها من حضن خالد محمد / غدويه لو تدري هند انك تبكين علشان امك ساره يمكن تحس بذنب وتشك انها مقصره تجاهك كلنا نشهد ان هند ما قصرت معك معتبرتك بنتها مراح تستفيدين بصوره امك ساره الي عليك اتسوينه لامك تدعين لها وتبرين بامك هند غاده الام ماهي الي تولد الام الي تربي قومي وانا اخوك غسلي وجهك دمعتك غاليه علينا انتي اختنا الدلوعه الموت اهون علينا من دموعك
غاده بحزن / ان شاء الله
طلعت غاده من غرفة اخونها وبوجهها نوره كانت بتدخل تنادي عيالها على الغداء تروعت من شكل غاده
ماحبت تساله قالت اكيد اخوانها عندهم خبر
دخلت نوره على عيالها وشافتهم متاثرين عرفت انهم يدرون عن الي صاير لغاده
نوره / خالد محمد وش صاير لختكم شفتها وجهها احمر ودموعها على خدها عمري ماشفت غاده بالشكل
خالد بحزن / يمه تسالنا عن امها ساره وتبي صورتها وانتي تعرفين راي هند بالموضوع
نوره بصدمه / شنووووو وش عندها غاده تذكرت ساره كلنا نعرف ان هند قايمه بدور الام بامانه عمرها ماحسستها انها اختها يكفيها انه رافضه الزواج علشانها ورافضة ان غاده تناديها باسمها من كانت صغيره
محمد / كلنا دارين انا مثلك يالغاليه مستغرب من غاده عمرها محسستنا ان لها ام غير هند
نوره / ياقلبي ياهند لو تدري بحال غاده وربي بتلوم نفسها
خالد / لا تدري هند انا بطلع مع غاده السوق مراح ارجع الا لما توسع صدرها
نوره / زين تسوي وانا امك وانا مراح ادخل عليها بخليها تفضي الي بصدرها يمكن ترتاح وانت العصر طلعها وغدها برا اعرفها تحب المطاعم
خالد بحب / باس راس امه الله لا يحرمنا منك يالغاليه
في بيت ابو نواف
الساعه 12 الظهر
دخل نواف الصاله كان جاي من المستشفى لقى امه جالسه تتكلم نجلاء في التلفون التفتت على ولدها وقفلت المكالمه قرب نواف من امه وباس راسها
نواف / شخبارك يالغاليه
ام نواف / الحمد لله بخير انت شلونك واخبار مستشفاك
نواف / الحمدلله وابشرك جاسم داوم
ام نواف / الحمدلله رجع له عقله
نواف / يالغاليه يوم السبت بتروحين معنا لبيت جاسم ولا تخلينها خطبه رجال
ام نواف / ابوك رافض يقول تجون بالملكه وهذي الزياره خطبه وشوفه شرعيه
نواف / يمه لازم الشوفه الشرعيه خليها للملكه
ام نواف / اخبر البنت الي تخاف من الشوفه الشرعيه مو الولد لازم وانا امك تشوفها يمكن ماتجوز لك وبعدين تتوهق
نواف / اذا تشبه جاسم مراح اتوهق بتصير حلوه
ام نواف / ههههههههه ماكل بنت تشبه اخوها ولا كل اخو يشبه اخته
نواف خاف صدق يكون تورط وتكون شينه وهو اصلن ما اقدم على الزواج الا علشان يرضي امه ويناسب جاسم
نواف / يصير خير ان شاء الله طيب اجيب هديه لها تراني ماعرف بالسوالف
ام نواف / الهديه خلها بالملكه
نواف / ملكتي ابيها بعد اسبوع من زيارتنا لهم وياليت الزوج بسرعه بعد شهر باجازة الربيع
ام نواف / ان شاء الله بنشوف بس مافيه وقت انها تتجهز ولا يمدينا
نواف / يمه ان شاء الله يمدي لشديتو حيلكم
ام نواف / الله يوفقك ويفرحني فيك واعيش واشوف عيالك
نوامين / الله يطول بعمرك يالغاليه
بيت ام جاسم
بعد الغداء
هند تسوالف مع ام جاسم وجداتها بالصاله بدت تتاقلم معهن طلبت هند من الجوهره تجيب الاكياس الملون
هند عطت جدتها ام راشد كيس / هذي هديه لك جده مني علشان تذكريني فيها
ومدت كيس لجدتها ام موضي / وهذي لك جده انا ماعرف وش يعجبكم جبت على ذوقي
ومدت كيس لام جاسم / وهذي لك ياخاله يشهد علي ربي لك مكانه بقلبي
ام جاسم / تسلمين يابنتي ليه الكلافه شوفتك هديه لنا وفرحتنا بجيتك فوق ما تتصورين
هند / تسلمين خالتي
طلعت ام جاسم والجدات يريحن بعد الغداء
بقى بالصاله الجوهره وهند
الجوهره / هند تبين تروحين للغرفة تريحن بعد الغداء
هند / لا بجلس الا اذا تبين تنامين
الجوهره / لا مافيني نوم
هند / جاسم وفيصل وينهم
الجوهره / في غرفتهم
هند / اذا معليك امر تنادين جاسم ابيه بموضوع ضروري وجيبي بطريقك الاب توب حقي
الجوهره / ان شاء الله
جابت لهند الاب توب و طلعت فوق ودخلت غرفة اخوانها لقت جاسم مسرح ومتكي على السرير وفيصل جالس على المكتب فاتح النت
الجوهره / جاسم انزل تحت
جاسم مستغرب / خير وش ينزلني والبنت تحت
الجوهره / هند طالبتك بالاسم تبيك ضروري
جاسم فز قلبه وحس بحراره بجسمه حبيبته طالبته بالاسم تبي تشوفيه يمكن تحبني يارب يكون صح الي افكر فيه
جاسم يخفي انفعالاته ويحاول يكون طبيعي / زين انزلي وشويات اجي وراك
طلعت الجوهره من الغرفة ونزلت تحت عند هند
جاسم / فيصل سمعت الي سمعته هند طالبه تشوفني
فيصل / ايه سمعت روح لها هذا يوم المنى عندك
دخل جاسم الحمام ياخذ شور وتكشخ كانه معرس
فيصل بسخريه / وش ذا الكشخه على هونك الي يشوفك يقول هند بتخطبك
جاسم بتوتر/ الله يسمع منك فيصل شكلي حلو
فيصل / ايه انا بنزل معك اخاف تتهور مع بنت العم صاير ما تنضمن
جاسم بقلق / أي والله انزل معي ما ضمن نفسه اخاف اطير لحضنها
فيصل / يا مثبت العقل والدين ثبت عقل جاسم
جاسم بعصبية / خلص لا تاخرني احس بنفضه بجسمي
فيصل / من يصدق الي قدامي جاسم الهيبه والرزه والثقل قلبتك بنت
جاسم / انت جاي عليك الدور
فيصل تذكر غاده وابتسم / الا وقعت محدن سمى علي والله بدت اكتوي بنار بنت عمك
جاسم / ههههههه الظاهر نهايتنا على ايدين بنات عمك
تحت
هند لبست نقابها والجلال وتسترت واخذت الاب توب والجوهره بالمطبخ تجهز الشاهي على طلب هند
بعد ربع ساعه جاء جاسم ومعه فيصل وهند كانت مندمجه بالاب توب
جاسم / السلام
رفعت عيونه من الاب توب / وعليكم السلام كيفك جاسم
جاسم في نفسه / تسالين عن كيفي والله ماني بخير بسبتك
جاسم / الحمدلله كيفك انتي
هند / الحمد لله بخير عمر الشقي بقي
جاسم في نفسه / بسم الله جعل يومي قبل يومك ياروح جاسم
التفتت هند لفيصل وشافت الجبس على يده وتذكرت انها السبب
هند بقوة / فيصل عظمك طري بسرعه انكسرت
فيصل بزعل / الا اليد الي مسكتني حديديه تقول مرزبه
هند / هههههههه مرزبه مره وحده اذكر ربك
دورو جاسم ما تلقونه داخ وذاب من صوت ضحكتها على طول على اقرب كنب جلس
هند التفتت على جاسم
هند بجدية / جاسم انا طلبتك ابيك بخدمه واكون لك مشكوره
دخلت الجوهره ومعها الشاهي
الجوهره / تفضلي الشاهي
هند بحب / تعالي جنبي انتي بمكان غاده
فيصل انتفض على ذكر اسمها قال في نفسه/ فديت الاسم وطاريه
جلست الجوهره جنب هند و حطت يدها وراء ظهر الجوهره
جاسم في نفسه / والله كثير علي الي اشوفه تضمين الجوهره وانا الي محتاج لضمتك ولحضنك ليش جالسه بنقابك تحرميني امتع نظري بشوفتك ااااه لو تدرين اني شبعان من وجهك واسرق شوفته وش بتسوين
قطعت عليه تفكيره هند / مارديت علي
جاسم انتبه على نفسه / تامرين شنو طلبك
هند والاب توب بحضنها وعيونها فيه وصابعها تضغط على ازراره
هند / عندي موظف اسمه مرزوق رجال كبير بالعمر على قد حاله ولا يقدر على السفر برا للعلاج فيه مرض بقلبه ياليت تصير انت طبيبه
جاسم / حاضرين لكن لازم اشوف كشوفاته وقدر اقرر
هند بجديه / عندي تقاريره حافظتها بالاب توب قرب علشان تشوفها
جاسم في نفسه / مجنونه تبيني اقرب منك وش ناويه عليه يا هند ما تدرين اني اضعف لشفتك ومن بعيد تبيني اقرب
فيصل عرف الي في بال اخوه طلب من الجوهره تعطي الاب توب لجاسم
جاسم في نفسه ممتن لفيصل انه حماه من الي كان بيصير متاكد ان قربها يخليه يسكر ولا يكون مسئول عن تصرفاته
جاسم اخد الاب توب مبسوط ان اصابعه تجي بمكان حطت هند اصابعها عليه كان نفسه ياخذ الاب توب ويضمه لانه كان بحضنها وبين يدينها
جاسم يقرا التقارير الي قدامه بتمعن
جاسم / يلزمه عمليه بسرعه قبل لا تدهور حالته
هند بخوف / طيب التكاليف كلها علي اهم شي يقوم بالسلامه اهله محتاجينه
جاسم في نفسه / اه ياهند حنانك مغطي الجميع يوصل لعندي ويوقف ليه والله اني محتاجه تكفين حني علي
جاسم / من السبت لو كان مستعد نفسيا للعمليه
هند / الاحد العمليه ان شاء الله لازم اتكلم معه السبت بخصوص العمليه ولازم امن اهله بكل شي بغيابه عنهم
فيصل في نفسه / كل ها لقلب والحنان والتواضع تفكرين بموظف فقير تنقلبين قاسيه قدام ابوك وش الانقلاب ياليت تحسين بالضعيف الي قلبتي حاله وترحمينه
دق جوال هند وكان المتصل غاده
هند / صح النوم
غاده / ماماتي وينك فيه شلون تخليني
هند / يا عيون ماماتك انتي الي ما شاء الله عليك مانمتي الا الساعه سبع قومتك ماقمتي
فيصل في نفسه / اكيد مانامت من التخطيط والتنفيذ وتدمير فيصل بس انا وراك يابنت العم
غاده / متى تجين من السفر ماماتي
هند / بكره ان شاء الله انتبهي على نفسك تغديتي اليوم
غاده / ايه ماماتي انتبهي على نفسك انا كبيره
هند / بتبقين بعين ماماتك بيبي لين تتزوجين ترى الليله بتنامين بحضن خالتي موصيتها عليك
جاسم بنفسه / فديتك يابعد روح وقلب جاسم ان شاء الله تصيرين ام لعيالي
فيصل في نفسه / اه ياغاده طاريك واسمك يسوي فيني البلاوي
قفلت هند من غاده تتكلم مع الجوهره وفيصل وجاسم مستمعين كلن بعالمه
هند / فديتها غدويه ما تنام الا بحضني ولايجيها النوم الا لما امسح على
الجوهره / ليش ماجبتيها معك
هند / انا قايله لها اني مسافره ماقلت لها عنكم بعد الاختبارات ان شاء الله اقول لها
والبارح كانت معزومه ماجت الا متاخر
وفيصل بنفسه / يويلي على البارح من بعد البارح وانا منقلب حالي ياليته ينعاد ترد لعيوني شوفها
الجوهره ساكته ما قالت ان غاده صديقتها ولا قالت انها كانت عندها البارح لانها مستحية من الكلام الي قالته الريم بحق هند وخايفه انه وصل لها وهي تعرف غاده ماتخبي شي عن امها وخايفه هذا ياثر على علاقتها فيهم
هند / جوهره ممكن ادلنيني على الغرفه الي فيها اغراضي
قامت الجوهره ولحقتها هند وقربت من جاسم بتاخذ لاب توبها
وجاسم بعالم غير العالم
هند / جاسم لو سمحت الاب توب بكمل شغلي
مد جاسم الاب توب مسكت هند يده بالغلط الي كانت تحت الاب توب تكهرب من لمستها وحس بحراره باطرافه اخذت منه الاب توب مادرت انها تركت ورها كتله منصهره بسبتها
دخلت هند الغرفه الي بتنام فيها شالت نقابها وفتحت شنطتها وطلعت بجامه قطنيه احمر فيها صور دباديب
في شقة راشد
العصر
موضي جالسه منقهره من العيشه الي عايشتها بالشقه المتواضعه وهي متعوده على سكن القصور
موضي بحقد / وش ناوي مع هند
راشد / للحين ما فضيت لها
موضي بحقد / لازم تحرق دمها مثل ماحرقت دمك
راشد / شلون
موضي / ارسل لها رسالة تهديد وتخويف علشان ما ترتاح
راشد / ماعندي رقم جوالها
موضي / ارسل الرساله على رقم جاسم اكيد يتقرب لها طمعان بفلوسها
راشد كتب الرساله وارسلها لجوال راشد
بيت ام جاسم
4 العصر
جاسم بصاله مع فيصل وجتهم الجوهره علشان تخلي هند تاخذ راحتهاوصلت رساله لجوال جاسم انصدم وهو يقراها جاسم عصب من الرساله وخذ الجوال وحذفه على الجدار تكسر جواله الى قطع الكل انصدم من عصبيت جاسم المفاجئة جلس يصارخ
جاسم بصراخ / لهدرجه حقارته وش ناوي عليه ما كفاه الي سواه
فيصل / خير من وين الرساله
الجوهره بخوف / هدي اعصابك ياخوي شوف وجهك شلون اخاف يجيك شي من العصبيه
جاسم / اااااااااااااااااااه يالجوهره
الجوهره بخوغ / فيني الاااااااااه ولا فيك
فيصل / من وين الرساله
جاسم / من عمك وخالتك
فيصل مستغرب / وش ذكرهم فينا
جاسم بوجع / عمك يهدد ويتوعد ويبيني اوصل تهديده لهند
فيصل / وش ماسك على هند خله عنك
جاسم بحزن / يقول برسالته اني اوصل لها مثل ماطردته من بيته ورضت انه يعيش بشقه مفروشه والله لا ينتقم منها وتنتظر رد راشد
فيصل بعصبية / انجن عمك نسى انهم بناته
الجوهره بكره / من السوسه الي وراه هي الي مقويه قلبه على بناته
هند لما سمعت صراخ جاسم خافت على طول لبست نقابها وجت ركضت وسمعت الكلام
هند بصراخ الكل التفت لها / قوله وصلت الرساله واعلى مافي خيله يركبه انا هند الفهد ابوي دفنته يوم اجرم بحق امي وفضل الفلوس علينا الكل تعاطف مع هند الي واضح انها منهاره لكن تكابر
هند عرفت انهم متعاطفين معها قربت منهم وجلست على الكنب وهي تكتم حزنها حاولت تغير من الجو الكئيب
هند بحزن تحاول تخفيه / الجوهره وش رايك نشوي بالحديقه مدام الجو حلو
جاسم في نفسه / يويلك من ربي ياعمي الي تسويه فيها اجرمت بحقها لمتى حبك للفلوس يخليك ادوس عليها ماتراعي احساسها اااااااااه ياروح جاسم والله حاس فيك وانك تكابرين وتحترقين من لداخل
الجوهره وهي تحاول تكون طبيعيه وهي ماخفى عنها حزن هند وانها تكابر
الجوهره / ايه يابنت العم والشوي عليك لاني بصراحه ماعرف اشوي
هند تضحك بغصه / ههههههه الشوي على الشباب لاني ما عرف
فيصل وجاسم / حاضرين
التفتت هند لفيصل وبمراره وحزن واضح على صوتها
هند بحزن / فيصل للحين حاقد علي بسبب الكسر فيصل تراني ماني شرانيه لكن اذا انفعلت تصرفاتي تصير غير مسئوله
فيصل حس باسلوب الالم والمرار بكلامها
فيصل بابتسامه / صراحه حقدت عليك ونفسي اعرف كيف طحت لاني محسيت بنفسي الا وانا طايح
هند / هههههههههههههه بقلبك للحين تبيني اعيدها مستعده
فيصل / لا ولي يرحم والديك عندك جاسم
هند / لا جاسم حبوب ما يستاهل
جاسم كانه ملك الدنيا بكلمت حبوب الي قالتها ما يدري انها قالتها عاديه بدون احساس
هند / اسمحو لي بدخل داخل عندي شغل بكمله
راحت هند من عندهم للغرفه الي كانت فيها وهي تعتصر الم وحرقه
الجوهره بحقد / ياويله من ربي عمك متاكده انها دخلت تبكي
فيصل باسى وحزن / عم بلا به الله سود وجهينا عند الناس الكل حاط فكره شينه عنا وانا نشبهه
جاسم / مدري وش يدور براس عمك
الجوهره بكره / الي مافيه خير لامه وجاحدها توقع منه أي شي وهذا عمك وخالتك
هند دخلت الغرفه لكن عكس ما توقعو ما بكت لانها خافت احد يدخل ويشوف دموعها واغلى ماعندها دمعتها
اخذت جوالها واتصلت على فهد تطمنت عليه وكلمت خالتها نوره تطمنت على غاده وتصلت على خالد وتطمنت عليه وخالد شاك ان فيها شي لكن انكرت ماحب يضعط عليها
ام جاسم صحت من النوم ودخلت الصاله شافت عيالها متضايقين وهند ماهي معهم
ام جاسم / وش فيكم وجيهكم مقلوبه
جاسم / مافينا شي
الجوهره بتسرع / الا فينا شي
فيصل بصراخ / الجووووووهره
الجوهره / سكتنا
ام جاسم / هند وينها
فيصل / بالغرفة ترتاح
ام جاسم بعصبية / قولو وش خاشين عني
الكل / ............
ام جاسم خافت صرخت / قولو وش صاير
الجوهره / حكت لامها كل شي صار
ام جاسم منقهره وحزينه على حال هند / حسبي الله عليهم عمك شوره من موضي الي ما تخاف الله قسته على امه والحين على عياله وش ناوين يسونه بالضعيفه الي ذنبها الوحيد انها بنته جلست تبكي من قلب على حال هند وختها غاده
ام جاسم بحزن / روحي ناديها مو زين تجلس لحالها هي تضيفتنا الله يسود وجه راشد مثل ماسود وجهينا معها
قامت الجوهره ودخلت الغرفه الي فيها هند لقتها تبدل بجامتها بفستان ناعم وردي وطالعه خيال
الجوهره / ما شاء الله وش هالجمال احمدي ربك اني ماني برجال كان خطفتك وغصب تزوجتك
هند / ههههههههههه ياحبي لك اجل الحمدلله انك مانتي برجال كان رفضتك وقلت لك هند مو لزواج
الجوهره / هالجمال الي فيني وترفضين اجل طاح حضك
هند / ههههههههههه خليه طايح اجل
الجوهره سحبت هند معها لصاله نسيت الجوهره ان اخوانها جالسين دخلت في وسط الصاله الكل انفجع من دخولها عليهم بذا الشكل منبهرين من جمالها الخيالي فيصل وقف متجمد ما تخيل ولا 1% انها بالجمال المبهر
فيصل في نفسه / مالومك يا جاسم يوم تولع قلبك فيها لو ما دريت انك تحبها كان حبيتها والله عليها جمال يقطع القلب من يصدق انها المراه الحديديه شكلهن ملمسهن ناعم وقرصتهن والقبر فديتها حيتي ولله متشوق لها
جاسم ولع قهر من تصرف الجوهره الغبي و غار من اخوه انه شاف حبيبته
هند ولع وجهها وحمرت خدودها من الخجل والاحراج وزاد جمالها جمال وعلى طول صدت ورجعت لغرفتها
جاسم في نفسه / يويل قلبك يا جاسم رحت وطي مع الوردي والخدود الحمر يارب صبر قلبي ونولني الي ببالي عاجلن غير اجل
هند في نفسها / فشيله وش بيقولون عني جايه استعرض عند الشباب كله من الجوهره الغبيه
انتبهت الجوهره على نفسها وتفشلت من هند وانحرجت من اخوانها
الجوهره لحقت هند للغرفه / هنوده اسفه والله اني غبيه وحماره بعد والي تبين بس والله ماكان قصدي اسئلي غاده عن ثوارتي
هند ماسكه ضحكتها من شكل الجوهره وهي تسب بنفسها
هند / عارفه انك مو قاصده لو ادري انك قاصده كان زعلت عليك بس انتبهي على ثوارتك الي تودي بستين داهيه الحين شلون اطلع من الاحراج
الجوهره / لا حراج ولا شي مثل اخوانك
طلعت الجوهره لصاله وكلهم انطلقو عليها يهاوشونها
ام جاسم بعصبية / ما تخلين عجلتك فشلتي البنت
جاسم بسخريه / الله يعينك يانواف بكره تسحبه عند الحريم وتقول نسيت
الجوهره بجديه / قالو لك حماره ادخله عند البنات ويحط عينه على وحده منهم ويطير مني ما وصل فيني الغباء لهالدرجه فيني ذكاء شوي
الكل / هههههههههههههههههههه
فيصل / الله يصبرك يا نواف على ما بلاك
الجوهره بغرور / يحمد ربه اني بكون من نصيبه
دخلت هند بنقابها متفشله بس حبت تصير طبيعيه
هند بجرائة / ناسف على الخلل الفني الي صار من شوي واسفه على تخويفكم
فيصل حب يخفف دمه / صراحه ياهند ذنبي برقبتك ان جتني كوابيس بنومي الليله
ضربه جاسم كوع منقهر من كلام اخوه واحراجه لهند
قطع عليهم سوالفهم دخول الجدات قامت ام جاسم المطبخ تطلب من الشغاله تجهز قهوة المغرب وتحطها بالحديقه
طلع فيصل وجاسم برا البيت بيطلعون للستراحة عند الشباب
طلعت ام جاسم من المطبخ لصاله
ام جاسم / بنطلع بالحديقة الجو حلو والقهوه هناك
طلعو كلهم برا وجلسو بالحديقه وهند سرحانه والحزن مرسوم على وجهها انتبهت لها ام جاسم متاكده ان راشد السبب وصارت بداخلها تدعي عليه وعلى موضي
قامت الجوهره للمطبخ تجهز عدة الشوي واللحم المتبل وطلبت من الشغالات يسون السلطه
بعد صلاة العشاء جاء جاسم وفيصل دخلو بالحديقه كانت هند بالغرفه تصلي اطلعت لبست اجلالها ونقابها لانها تسمع صوت الشباب
طلعت جلست مع ام جاسم والجدات على الطاوله وجاسم وفيصل قريب منهم يشون والجوهره تساعدهم
هند / جده الاسبوع الجاي قصر امي بيكون جاهز ياليت تجين تسكنين فيه انتي وجدتي موضي علشان اكون قريبه منكم
الجده ام راشد / ان شاء الله يا بنتي اذا صار جاهز كلمي جاسم علشان يجيبني عندك
فز قلب جاسم ولولا الحياء كان رقص قدامهم اخير تحقق الي يبيه وبيصير قريب من حبيبة القلب
خلص العشاء على الساعه 11 كلن دخل غرفته بينام
والجوهره دخلت بسرير هند بتنام معها وهند لبست بجامه حرير احمر طالعه خيال
انسدحت جنب الجوهره لكن ماجاها النوم لان المكان جديد عليها وهي صعبه تنام بالمكان الجديد بسهوله
قررت تطلع للحديقه القريبه من غرفة الضيوف
طلعت بلاب توبها وتكمل شغلها وتتفحص ايميلاتها
اطلعت للحديقه من باب غرفة الضيوف وهذي الحديقه خاصه لضيوف الي ينامون بالغرفة
توقعت ان الكل نايم محد يكشفها طلعت بحريه ببجامتها
جلست على الطاوله القريبه من غرفتها ومن حسن حظ جاسم انها تحت غرفته يشوفها بوضح
جاسم حاول ينام لكن الي صار اليوم طير النوم من عينه سمع صوت بالحديقه راح لشباك يطل وياليته ماطل
هند جالسه بالكرسي المقابل لشباك غرفته وكانت مشغوله بدراسة بعض المشاريع السريه الموجوده بالاب توب
ما كانت تدري عن العاشق الي يراقبها ذاب وداخ وطار قلبه من صدره ووقع عندها
الي يشوفه اقوى من تحمله البس الاحمر على بياض بشرتها سحره وشعرها الي يتطاير من الهواء وكل ما ضايقها ترفعه بيدها جننه
نفسه ينزل لها ويضمها الى صدره الملتهب من شوفتها وحرمانه منها ما قدر يتحمل اكثر من كذا قرر ينزل
ويبرد ناره المشتعله والي فيها فيها
توقعاتكم
اختكم نسايم نجد
|
07-11-10, 10:45 PM
واصلي ابداعك اليوم انا مبسوطه علشان عرفت وش الي بالظرف من غاده لفيصل 
كل هذي لك ياعزيزتي نسومه:1H
جديد مواضيع قسم القصص المكتمله من وحي قلم الاعضاء
العرض العادي
