لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 27-09-10, 03:08 PM   المشاركة رقم: 16
المعلومات
الكاتب:
اللقب:

البيانات
التسجيل: Oct 2007
العضوية: 48769
المشاركات: 196
الجنس أنثى
معدل التقييم: SOZI عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
SOZI غير متواجد حالياً
وسائل الإتصال:

كاتب الموضوع : New Moon المنتدى : القصص المكتمله من وحي قلم الاعضاء
افتراضي

 

أحم أحم أحم

أنا الأولى ^ــــــ^

لي عوده مع التعليق هههههههاااااي

..........................................................

وااااااااااو البااارت خووووقاقي

الاحداث مره مره حماااااس

همــايل:: الحمدلله توقعي صحيح انها بتكون نحيفه وحلوه وقصت شعرها زي قصت شعر زوجة ديفيد بيكهام لاعب الكوره المشهور تعرفيه ياموون صح؟؟

طارق:: برضه توقعي صحيح انه بيكون رجل اعمال ناجح يناااس انا مافي مني

هيوف:تصرفها مبالغ فيه بس للي حوليها لكن بالنسبه لي أشوف أنها معذوره لأنها كارهه عائلة عمها كلهم وهذا بسبب العم الكريه

دانه::انسانه نعومه وطيوبه وتحب ترضي هيوف بأي شكل على بالها ان هيوف تحبها كمان وماتعرف بأسرار هيوف والحقد الي متغلغل بقلبها لكن دانه بطيبتها مو قادره تفهم سبب هذا الشي الي تسويه هيوف

يسلموووو البارت الجونااان

متابعتكـــي::ســــــــــــــوزي::





ايوه تذكرت امممم
امممم
اممم
امم
ام

 
 

 

عرض البوم صور SOZI   رد مع اقتباس
قديم 27-09-10, 05:27 PM   المشاركة رقم: 17
المعلومات
الكاتب:
اللقب:

البيانات
التسجيل: Oct 2007
العضوية: 48722
المشاركات: 64
الجنس أنثى
معدل التقييم: وردة الدلووعة عضو بحاجه الى تحسين وضعه
نقاط التقييم: 13

االدولة
البلدSaudiArabia
 
مدونتي

 

الإتصالات
الحالة:
وردة الدلووعة غير متواجد حالياً
وسائل الإتصال:

كاتب الموضوع : New Moon المنتدى : القصص المكتمله من وحي قلم الاعضاء
افتراضي

 


همــايل::مرررة عجبتني وخصوصا انو قلبها للان مع طارق بس برضو حسيت انها جرحت مشاعر سعد ...

طارق:: الحقد مالي قلبوو او الحب بس اكيد الحقد على اسم الرواية امكن فيه حب بس هو مو فاهم نفسو خصوصا لم انصدم انو سد خطيب همايل ...

هيوف:كرهت حركتها مع في المفروض تفكر تنتقم من عمها وبس ...

دانه :: اتمنى يسير فيها اي شي وهيوف تعرف انها توهم نفسها بكرهها لدانه وتندم على فعايلها فيها ...

تراااااااني احاول اغلب سوزي في التوقعات هههههه بس اتوقع ما اقدر هههه ...

ويسلمو مووون عـ البارت الحلو زيك ...

متى مواعيد البارتات ...

*_*

 
 

 

عرض البوم صور وردة الدلووعة   رد مع اقتباس
قديم 27-09-10, 09:36 PM   المشاركة رقم: 18
المعلومات
الكاتب:
اللقب:
الادارة
مشرفة روائع من عبق الرومانسية
كاتبة مبدعة
سيدة العطاء


البيانات
التسجيل: Aug 2009
العضوية: 148401
المشاركات: 25,150
الجنس أنثى
معدل التقييم: حسن الخلق تم تعطيل التقييم
نقاط التقييم: 137607

االدولة
البلدEgypt
 
مدونتي

 

الإتصالات
الحالة:
حسن الخلق غير متواجد حالياً
وسائل الإتصال:

كاتب الموضوع : New Moon المنتدى : القصص المكتمله من وحي قلم الاعضاء
Congrats

 
دعوه لزيارة موضوعي

السلام عليكم و رحمة الله و بركاته

برافو عليك يا سوزى الف مبروك الكأس الجديد انا مطمئنه ان طول ما انت هنا هنخلص على كل كؤؤس مونى هههههه

تحليلك و توقعاتك خطيره يا سوزى انا معاكى فيها يا جامد انت

مراااحب مونى فعلا الفصل الثالث ده هو البدايه الفعليه للقصه و بداية ترابط الاحداث

طارق ... تغير شامل طرأ عليه و اصبح شخص تانى لكن رغم كل شىء لم ينسى الماضى و خصوصا ان والده توفى من قهره فى السجن

كمان اتأثر لما سمع عن همايل و عن خطبتها يا ترى هيعمل ايه مع سعد

همايل ... واااو ايه الجمال ده كله دى تحفه
وافقت على خطوبة سعد لإحساسها بالفراغ فقط لكنها لم تنسى طارق ابدا و لا جرحها منه لما ابتعد عنها فجأه

احنا لم ننسى وعده لها انه سوف يتزوجها عندما يكبر

حاتم .... متزوج و يحب زوجته !!!! تعجبت منه كيف تغير حاله من الاستهتار البالغ الى الاستقرار

اصعب موقف فى البارت موقف هيوف مع فى و العم ابو كامل
خطييير بجد مش ممكن مليان مشاعر ذنب و قهر و خوف و كره انت عبقريه يا مون بس انا عندى سؤال بدون ما تعصبى على يا مونى

هى زوجه العم كامل تعرف بالى حصل لهيوف مع زوجها ؟؟

كامل .... فهمت انه يعمل فى شركة اخو جود و كان يأمل يسافر معهم لكنه لم يتمكن للأسف قصة حبهم حلوه لكن يا ترى ستكمل للنهايه ام لا انا حسيت ان جود تأثرت بطارق اول ما شافته بصراحه حيرتنى

دانه .... عورت قلبى لما بكت على اختها هى طيبه و رقيقه و كانت بتهزر هى بتحب هيوف من قلبها و بتحب ترضيها

هيوف ... على فكره حبيتها هى انسانه مجروحه و متألمه و تصرفاتها مبرره جدا حتى لو كانت قاسيه انما هى طيبه القلب فى داخلها و بتندم على تصرفاتها حتى لو لم تظهر ذلك شخصيه غنيه و انا حبيتها و متعاطفه معاها و نفسى تلاقى شخص يعوضها عن الى حصل لها

اخيرا طارق و ما يخبىء له القدر مع همايل الصغيره رفيقة الطفوله هل تستطيع ان تمحى وصية الحقد من قلبه ؟؟ و ترجع له السلام النفسى ؟؟؟

هيوف و حقدها يا ترى الى اين ستصل ؟؟

القصه كل شويه و تحلو اكثر و اكثر تسلمى يا مون انت افكارك خطيره
منتظرينك ان شاء الله لان الاحداث حماااسيه

دمتى بكل حب

 
 

 

عرض البوم صور حسن الخلق   رد مع اقتباس
قديم 29-09-10, 03:22 PM   المشاركة رقم: 19
المعلومات
الكاتب:
اللقب:
ليلاس متالق


البيانات
التسجيل: Feb 2010
العضوية: 155618
المشاركات: 2,676
الجنس أنثى
معدل التقييم: New Moon عضو على طريق التحسين
نقاط التقييم: 56

االدولة
البلدSaudiArabia
 
مدونتي

 

الإتصالات
الحالة:
New Moon غير متواجد حالياً
وسائل الإتصال:

كاتب الموضوع : New Moon المنتدى : القصص المكتمله من وحي قلم الاعضاء
افتراضي

 

بسم الله الرحمن الرحيم
السلام
وبعد
الفائزه بالكأس
سووووووووووووووزي ..... مبرووووك


سوزي :

مبروك . ثانيا انا خايفه عليك من نفسك لا تعينين نفسك وتصيبينها صح توقعاتك الاوليه صح لكن دوام الحال من المحال (فيس متحدي)
طارق توقعك له صح وهمايل بعد لكن مو قصتها فكتوريه لا شعرها طول بس مبعثر (ابغى اخرب توقعاتك هههه؟)اما دانه وماذا عن دانه شوفوا قصتي فيها مبدا بتعرفونه بعدين (فيس يحمسكم ) دانه طيبه ورقيقه صح بس وش بعدددددد!!!!!

واحم احم ............ مبروك مره ثانيه



ورده دلوعه :

هلا بدلوعتي شوفي ايش رايك بدال ما تنافسين سوزي على التوقعات تنافسينها على الكاس (فيس اكبر محارش ) وخليك تيم مع صمت السنين (اللي اشتقت لها وما عاد شفتها ) تريها نصيحه بجمل عموما توقاعتك ابغى افهم ليه ما تحبين هيوف تريها من افضل الشخصيات بنظري ويحقلها كل اللي تسويه بعدين يا ورده كيف تبينها تحط حرتها في عمها وهي حتى ما تقدر تناظره او تسمع صوته وثانيا هي تبغى تخلي دانه والباقين محرومين مثلها تحبهم يعيشون عذاب نفسي مثلها انا بغيت هذا يبان من القصه وما اشرحها لكن اظن انه وجب الشرح ..... ورده دلوعه خليك تفكيرك حاقد وغاضب على الدنيا وبتكون توقاعتك صح ؟؟؟؟


حسن الخلق :

مبرووووووووك الكاس تعرفين صرت اخاف لا خذته سوزي ما ترده بعدين لازم اسوي نسخ عنه ولا تعب

حسونه حبيبيتي فرحت لما عرفت ان الموقف اعجبك تعرفين انه يمكن من اكثر المواقف اللي اعجبتني في القصه (نفس الذوق ) وبعد فرحت لاعجابك بهيوف انتي تمام واوكيه ... قدعه

بعدين كان خاطري امسكك من اذنك لكن لا عادي سؤالك غريب ليه شكيتي ان ام كامل تعرف لا هي ما تعرف نهائيا اما عن حاتم وزوجته صدقيني الفصول القادمه تحمل الكثير عنهم وعن زوجته بالذات

فيه شي اخير راح يكون بنظري واجب لكم
دوروا على معنى اسم همايل وارجعوا اقروا الفصل الثالث وشوفوا هل فيه شي يدل عليه تروا بتلقون شي بمنتهى الرومانسيه
ومفروض ما اقول هذا الشي لكن لازم تحسون مثلي
حلوا واجبكم

وعلى فكره موعد نزول البارتات هو الاثنين والخميس لكن بما ان سوزي قالت الاثنين والاربعاء فراح انزله اليوم استثنائي


اختكم : مون

 
 

 

عرض البوم صور New Moon   رد مع اقتباس
قديم 29-09-10, 03:24 PM   المشاركة رقم: 20
المعلومات
الكاتب:
اللقب:
ليلاس متالق


البيانات
التسجيل: Feb 2010
العضوية: 155618
المشاركات: 2,676
الجنس أنثى
معدل التقييم: New Moon عضو على طريق التحسين
نقاط التقييم: 56

االدولة
البلدSaudiArabia
 
مدونتي

 

الإتصالات
الحالة:
New Moon غير متواجد حالياً
وسائل الإتصال:

كاتب الموضوع : New Moon المنتدى : القصص المكتمله من وحي قلم الاعضاء
افتراضي

 


الفصل الرابع


ملاك بين البشر

فيه ناس قد ما تاخذ قد ما تعطي للثاني
وانا يا ما عطيت وقلت ممكن الخير ينتشر
اضحك لهم لفرحهم ويضحكون على لما اعاني
وانا مازلت عايشه ملاكا بين البشر






فاتحه دفتر الرياضيات عشان تحل الواجب لكن افكارها غلبتها وملت دفترها بكتابتها الرمزيه كل الصفحه كانت ممتلئه بحرف الفاء


F+D=love
F my love
F I love you

FFFFFFFFFFFFFFFFFFF للابد

دانه تناظر الحرف برضا


هيوف تناظرها بهدوء



هيوف _ انتي مهبوله تعتقدين انه ممكن يناظر وحده مثلك



دانه ناظرت هيوف وابتسمت _ ليه ما يناظرني هيوف انتي ما شفتي انا شفته وهو جاي ياخذ وعد كان يناظرني وكانه عارفني


هيوف وهي تحاول تحبطها _ كيف يعرفك وانتي لابسه العبايه دانه لا تنجرين ورا ظنونك بلا اللي يحب كذا يعتقد ان اللي يحبه يكن لها نفس المشاعر



دانه دمعت _ لا يا هيوف حتى وعد تبيني لي بعض الكلمات



هيوف _ وليه تبين لك بعض الاشياء وعد زميلتنا يعني لو به شي كان صارحتك دغري



دانه ناظرت هيوف وقربت منها وحطت راسها في حضنها وبكت


دانه _ بس يا هيوف انا احبه وهو راح يسافر عشان دراسه الماجستير قريب ابغى اعرف هل هو يحبني ولا لا بموت لو سافر ولا عرفت اذا هو يحبني ولا لا


هيوف مسدت شعر صديقتها هذا اللي صاير لدانه بسبتها لان وعد جاتها وقالتلها ان اخوها فايز معجب بدانه وطلبت من هيوف انها تعرف اذا دانه تبادله نفس المشاعر بس هيوف قالتلها ان هذا مستحيل لان دانه تحب ولد الجيران بسام اللي عمرهم اصلا ما شافوه





..



هيوف _ انسيه لا عاد تكونين ضعيفه كذا


دانه _ هيوف كيف تقدرين تكونين بذا البرود انتي عمرك ما حبيتي



هيوف سكتت ما ردت لا عمرها ما حبت ما كان عندها وقت كانت بس تكره



هيوف _ اتركيك من ذا الكلام الخايس حب بلا حب بلا هم بلا وجع قلب تخيلي اكتشفت ان موزه تحب الاخ سالم وفي الدلخ تحب صديق سالم هادي يا انا بغيت اموت ضحك وانا اتسمع عليهم هم منين عرفوا ذا الكلام


دانه ابتسمت من بين دموعها _ ايوه انا عارفه ان موزه تحب سالم لكن في جديده بس هادي هادي صدق غريبه كيف ربي جمع ووفق



هيوف _ المهم روحي حلي لنا واجب الرياضيات ديمه بتغيب هاك دفتري انسخي لي الواجب بس لا تنسخين لي حرف الفاء والقلوب يا المغرمه



دانه ضحكت بخجل _ هيوف تعرفين ممكن اتهور واعترف لوعد بحبي لاخوها ممكن تساعدني


هيوف _ لا لا لا بس قولي لها والله راح يكون اخر ما بيني وبينك ما ابيك تطيحين من عيني دانه اوعديني انك ما راح تقولين لها



دانه _ اوعدك انا قلت ممكن اتهور بس ما قلت اني تهورت




هيوف _كويس



طلعت من الغرفه وهي تفكر انها نجت من الموت باعجوبه


راحت لغرفه في وموزه كانت في نايمه وموزه تحل واجباتها


هيوف بصوت واطي _ موزه وش قاعده تسوين


موزه _ احل واجباتي انا وفي الله يهديك يا هيوف ضربك قوي امس ما قدرت ترقد واليوم عيونها توجعها بس ما قالت لاحد



هيوف وقفت شوي ما تكلمت _ وانتي ليه تحلين لها اتركي الدفتر حقها الحين

موزه ناظرت اختها باستغراب _ انتي ما سمعتي اقولك ابنت تعبانه



هيوف _ اتركيه لما تقوم من النوم خليها تحله قولي ما فضيت يله ما عاد الا هي تحلين وتعبين نفسك وهي تاخذها بارده مبرده



موزه قفلت دفتر في عارفه اختها ما ينفع معها الاقناع _ ها قفلته تبين شي ثاني


هيوف _ لا بس بغيت احد يجلس معي يله بنزل تحت امري لله



موزه اول ما شافت هيوف طلعت فتحت دفتر في ورجعت تحل


هيوف قفلت الباب وهي متاكده ان موزه بترجع تحل لفي بس خلاص وش عليها هاذي حركات بزران اللي قاعده تسويها من اليوم راح اوريهم والله لاخلي قلب النجس يموت من القهر كم مره وعدت نفسها بس ما زالت تحس نفسها ما سوت شي



............................................................ ........




صباح الغد



وزعوا الواجبات كالعاده


دانه بابتسامه برأه _ هذا اخر واجب كطالبه ثانوي اعطيكم ياه


وعد عطتهم واجب الكيمياء _ وهذا بعد بنات ماني مصدقه ان الاختبارات بعد اسبوعين بس


ديمه _ بلا صدقي خلينا نرتاح فكه اوووف قرف غصبى خلصنا


هيوف ناظرتهم _ وش له ذا التعلق بالمدرسه تروه مبنى الا اقول ديمه خبري بتغيبين وش مسرحك خليت دانه تحللي الرياضيات


ديمه _ اووووه اسفه رغم هذا حليتها لكم


هيوف _ خليه على كبدك مالت عليك


ديمه _ هيوف وش ذا المزاج الشيطاني على ذا الصباح استهدي بالله



وعد _ تلقونها عشان النسبه قربت الجامعات وانا وياها نسبنا زي وجيهنا احم احم حلوه


دانه _ لا يكون عشان كذا زعلانه هيوف هيوف انا ناويه ادخل اللي تدخلينه لو حتى كان ايش كذا ولا كذا مابه وظايف والطب ممنوع ما عندي مانع


هيوف _ اسمعوا تخسون انتي وياها مو النسبه اللي ترفع ضغطي بعدين انا ناويه اجلس في البيت ما ابغى دراسه ليه المرمطه والقرف اشتغل مع امي وخالتي احسن لي



ديمه _ لا حبيبتي ما تفقنا على كذا اتفقنا ندخل كلنا الجامعه


هيوف _ مابه شي يثبت اني وقعت


وعد ضحكت _ احب المحتاط اقول لا يكثر خلاص اقطعوا ذي السالفه اللي تجيب الهم اوووه في خبر ابغى اقوله انا ممكن اسافر مع فايز لاستراليا وادرس هناك



دانه سود وجهها


ديمه _ لا لا تفكرين كيف تستحملين تجلسين معه لحالكم اكيد المسؤليه بتكبر على راسك


وعد_ بسم الله هدي علي انا راح اجي للمفيد اخي فايز وتحت رغبه امي خطب امس بنت جيرانا غاليه وراح يتزوجون بعد الاختبارات مباشرة وانا راح اسافر معهم هذا مو اكيد اقصد سفري معهم عشان ممكن ان بعدهم عرسان وما الى ذلك


هيوف ناظرت دانه ودانه بدون شعور ناظرت هيوف



دانه قامت


وعد ناظرتها _ وين رايحه خليني اكمل القصه



دانه بصوت ماهي عارفه منين طالع _ ابغى اروح الحمام اعذروني


هيوف ناظرت بنت عمها وهي تطلع من الصف حست ان دانه بتموت

وعد ناظرت هيوف باستغراب _ وش في دانه


هيوف _ ما اعرف


ديمه _ اتركونا من دانه كملي السالفه متى الزواج وهل حن مدعوين



وعد _ اكيد مدعوين يا الدلوخ



هيوف بحركه مقصوده نثرت على ثوبها مويه وشهقت _ اسفه يا بنات بروح الحمام


وعد_ حتى انتي وش فيه بلا مويه

هيوف _ اقول اسكتي احس فيه شي ثاني مو بس مويه بروح


وعد_ يله روحي (ورجعت تكلم ديمه ) شفتي غاليه احسن شي انها تناسب فايز متعلمه ومثقفه ...........






............................................................


دانه داخل واحد من الحمامات تبكي حبها اللي انتهى بابشع طريقه تخيلتها


كم تخيلت انها راح تغار عليه لكن كيف يحقلها بعد هاليوم انها تغار من زوجته كيف تقدر تتخيل انه ما يحقلها تفكر فيه
وما راح يكون الفارس المثالي لقصه حبها الاسطوريه .......


هيوف دقت الحمام اللي متعوده ان دانه تبكي فيه دانه فتحت لها



هيوف _ دانه


دانه حضنت هيوف وبكت بقوه وجلست على ذا الحال شويه بعدين قالت _ فايز فايز يا هيوف كيف؟؟ احس اني بموت ما اقدر اكمل اليوم تكفين ابغى اروح البيت احس اني بنفضح اذا جلست اكثر ابغى اروح الحين

هيوف _ لا خليك قويه بعدين ما به احد يجي ياخذك اجلسي يله


دانه بقوه _ فايز راح يا هيوف راح

هيوف _ معليه بدال فايز ميه وتريه (اندق باب الحمام)


هيوف بغضب _ نعم


وعد _افتحوا الباب


دانه ناظرت هيوف بخوف اما هيوف فكان وجهها ميت


فتحوا الباب


وعد ناظرت هيوف نظره لها الف معنى بعدين ناظرت دانه _ ليه ما قلتيلي انك تحبينه ليه خبيتي علي


دانه تجمدت وناظرت هيوف



وعد ووجهها باين عليه الغضب _ وانتي يا هيوف ليه لما سئلتك اذا دانه تبادل فايز نفس الشعور قلتي لي لا وانها تحب ولد جيرانكم


دانه بشهقه _ ايش


هيوف ناظرت دانه بهدوء بعدين ناظرت وعد ولا أي تعبير على وجهها


وعد_ انتي ايش انتي خربتي حياة اخوي وصديقتي انتي تظنين فايز راضي بغاليه بلا عشان امي طلبته لكن هو ما يبغى الا دانه كيف طاوعك قلبك تسوين كذا



دانه قعدت تناظر هيوف ما هي مصدقه


هيوف بصوت غريب حاقد _ وطي صوتك انا مو اصغر بزرانك عشان تكلميني كذا فهمتي



وعد انصدمت ثواني مفروض هيوف تشعر بالذنب مو بقوه عين تراد _ ليه ليه سويتي كذا فهميني الحين انا جد معصبه ودي اذبحك شفت اخي يتعذب وهذا كله منك كله منك



هيوف ناظرت وعد في عيونها مباشرة _ عصبي ولا سوي اللي تبين وطي صوتك لان جد انا اللي بديت اعصب من قرفك ثانيا اخوك في جهنم عساه لا تهنى في يوم طيب



وعد بصوت عالي _ انتي حشره


هيوف ناظرت وعد من فوق لتحت وبدت تقرب منها تبغى توريها لكن كلام دانه شلها



دانه ناظرت وعد وقالت بصوت يائس _ وعد بس خلاص لا عاد تتكلمين مع هيوف بذي الطريقه هي اكيد شافت شي من مصلحتي ولا ما كان سوت كذا انا عارفه هيوف


وعد ناظرت دانه بصدمه وناظرت هيوف اللي وقفت من التقدم وقعدت تناظر دانه _ لكن انا مو عارفتها احسها غريبه هيوف اتمنى انك تنسيني ضيعتي حياة دانه ودانه رضت لكن انا لا ما راح اسامحك على حياة اخوي الله لا يسامحك



هيوف رجعت تناظر وعد بهدوء منرفز وعلى وجهها علامه استهزاء


وعد_ دايمن شفت في عيونك الحقد بس مع ذلك قلت لنفسي اتوهم لكن صدق انتي صدمة عمري



ديمه جات بعد ما سمعت الكلام الاخير ووعد كانت بتروح مسكتها


ديمه _ ارجعي وش فيه


وعد فكت يد ديمه بقوه _ اتركيني


هيوف تناظر طريق وعد اللي سلكته تحس قلبها في ثلاجه مو حاسه بالندم وما شافت الا يد دانه تلتف حولها وتحضنها


دانه _ لا تزعلين يا هيوف انا مو زعلانه منك ووعد بترضى بعدين لا تخافين



هيوف ناظرتها مو مصدقه



دانه بابتسامه _ انا عارفه انك تشوفين فايز واحد ما ينفعلي انا مو زعلانه منك انا زعلانه من نفسي ليه ضعيفه كذا لكن عادي ربي ما كتب


ديمه _ وش السالفه ابغى افهم


هيوف حضنت دانه بهدوء واحد غير مهتم


دانه مع ان في صدرها الم وزعل على هيوف بس هي ما تبغى تجرح هيوف ولا تالمها مثل ماهي متالمه حضنت صديقتها ودموع قلبها تنزل بغزراه على حبها الوحيد اللي صار حبها الوحيد الفاشل


............................................................ ..



كان الحقد يريد ايقاع اشخاص في فخه كما جرت العاده لكن فوجئ عندما علم ان ليس الجميع معرض للوقوع في مصيدته وان البعض لديهم من نقاء الروح ما يكفل عدم وقوعهم ضحيه الحقد ... هؤلاء يعيشون في هذه الحياة كملائكه بيننا نحن البشر كملائكه بيننا نحن من نستمع للشيطان لتلك الدرجه التي اصبحنا معها .. من ذريته



وصيه الحقد (ذكريات مسروقة 2)####



............................................................ ...................




تابع .................... الفصل الرابع


^^^^^



علي _ انا مو فاهم ليه انت جامع هذا كله وش المغزى منه


طارق بهدوء ناظر علي _ قفل الملف وتعال شوف هذا التصميم عندي ملاحظات



علي قفل الملف وناظر الاب مع طارق – وش فيه جدا كويس وتصميم حديث


طارق _ انا عارف ان هذا مو تخصصي تخصصك لكن انا شايف ان التصميم مو هو اللي انا كنت طالبه


علي _ اللي انت طلبته صعب يا طارق


طارق _ انا ما وظفت المهندسين بهاذي الرواتب عشان يقولون لي صعب


علي _ خلاص انا نفسي راح اشرف على هذا الموضوع


طارق _ كويس الشي الثاني وين الاخ عمار

علي بابتسامه _ عمار اخي ليه تسئل اكيد في مدرسته الداخليه في فرنسا مع فارس اخوك


طارق _ اذن هاذي الصور مو له ويعني بعد انه ما سافر تايلند العطله الاسبوعيه اللي طافت


علي بدهشه _ وش انت قاعد تقول



طارق _ انا ارسلت لك الصور في ملف تلقاها في اميلك جاتني امس من ادراة المدرسه تشكي لي تصرفه علي اهتم بموضوع اخوك اكثر



علي قام _ اسف يا طارق على الازعاج راح اتصرف معه

طارق _ علي قبل لا تروح وش اخبار صفى


علي _ كويسه امي سافرت لها امس مع ابوي عشانها توها والده جابت بنوته صغيره


طارق بابتسامه _ تتربى في عز والديها


علي _ امين يله اشوفك على خير


طارق _ ان شاءالله


طلع علي

ناظر طارق روزنامة التاريخ لقاه شهر جون عيد ميلاده اليوم بيكمل الواحد والثلاثين ابتسم ورجع لشغله وكأن هذه الابتسامه هي هديته لهذا اليوم





اندق الباب


محمد دخل



طارق ناظره





محمد_ فيه اخبار مهمه جدا



طارق رجع للاوراق الي في يده _ قول



محمد_ الشيخ عاصي الله يرحمه انفتحت وصيته اليوم



طارق باستغراب _ وصيه غريبه انا ما كنت عارف ان فيه وصيه



محمد_ ما زال الغموض يلف السالفه يا استاذ لكن المهم والاهم انهم يقولون الشيخ فهد جدا معصب الوصيه تنص شي شكله من صالح ولد اخوه



طارق بابتسامه ساخره _ ولد الشيخ زايد اللي مات قبل سنتين


محمد قرب من المكتب وحط اوراق _ بالضبط انا مستغرب


طارق حتى هو باين على وجهه علامات الاستغراب _ عموما خلك مطلع على هذا الموضوع جبت البريد


محمد حط الاوراق ورجعوا يتكلمون عن التجاره والشغل




............................................................ ....



ابو حاتم وحاتم وخمسه من رؤساء وشركاء الشركه مجتمعين في مكتب كبير



ابو حاتم _ هاذي الروزنامه النهائيه


عبدالرحمن الملا (شريكهم) _ لكن التوصيات اللي فيها ارجوا ان تكون قابله للتغيير بند 15 هو اكثر بند اخاف منه


حاتم _ انا اشوف انه من اهم البنود لازم ناخذ هذا القرض رغم الضمانات الصعبه اللي يطالبها البنك لكن التطور مطلوب اسهم الشركه تتراجع وتصنيفها يقل


عبدالرحمن _ نبغى ضمانات احنا المدراء نبغى ضمانات خاصه فينا كشركاء



حاتم _ كيف



ا عبدالرحمن _ ممكن كلامي غير مقبول لكن هو الحل الوحيد عشان نوافق بالاجماع الربح يتوزع والخساره تتحملونها انتم بس



حاتم نا ظر ابوه ابو حاتم سلمه الامر _ اللي تشوفه يا حاتم



حاتم _ انا ضامن مشروعي لكن عندي شرط الربح يزيد بالنسبه لنا خمسه بالميه عنكم نظرا لتنازلنا عن حقنا بتقاسم الخساره



عبدالرحمن _ 2.5 هذا اكثر شي اقدر اواوفق عليه


حاتم سكت ثواني _ اتفقنا ممكن الحين نصوت على التوصيات الموجوده في الروزنامه






وصية الحقد (ذكريات مسروقة 2)####





............................................................ ...................

 
 

 

عرض البوم صور New Moon   رد مع اقتباس
إضافة رد

مواقع النشر (المفضلة)

الكلمات الدلالية (Tags)
لون, مون ...روايه تجنن, البارت الاخير الخامس والخمسون, الحقد ووصيته .... رفض الابتعاد, ذكريات مسروقة2, دانه وجاسر, عاصي وآل عاصي, عندما يرفض الحقد الابتعاد, همايل \\طارق \\, هيوف, نيو مون, نيو مووووووووووون, وصية الحقد, وصيه جاسر الباري, وصيه هيوف, وصيه طارق الراشي
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 05:53 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية