لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 15-09-10, 09:22 AM   المشاركة رقم: 21
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,316
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : وجه النهار المنتدى : القصص المكتمله من وحي قلم الاعضاء
افتراضي

 

نهووورة


مباركن عيدج فديتج<< فسي يعايد الناس يبي ينسى سالفه الدوام

احمد

لا انته خالص.. الحينه بدال لا تدور لك صرفه ويا امك.. وتحاول تغيير رايها في سالفه عرسك.. وتخبرها انك معرس.. يالس لي شقق وبنات وما ادري الشووو<< فيس معصب يهز راسه.. صدق انك مضيع المذهب.. بعدين تعال اونك تحب حرمتك.. اللي يحب حد ما يخونه.. شكلك تعودت عليها بس وما تحبها<< فيس مصر ع رايه

عبدالله

بيض الله ويهك.. هذا اللي لازم يستوي من زمان<< فيس الاوكيك.. خلك ويا اخوك ولا تودره وان شاء اله يرد لكم شرا قبل واخير<< فيس متعاطف وياه

نووف

فيس خاطره يفلعها بهالتلوفن اللي ترمس به..ما تخيلين موليه.. مطرشه للريال مسج حب وغرام وماادري الشو.. جليله الحيا<< فيس معصب وشال العقال..

امهم

حشا ولا خالتي قماشه.. بلاج عليهم انتي.. شو هالاستبداد هذا.. يعني يا انه ياخذ بنت اختج المفلعه ولا خلاص ما بترضين عليه<< فيس يجوفها باستنكار

مروان

تمرد المراهقه.. حلو تسليط الضوء على هالفئه.. الشباب في بدايه مراهقتهم يتمردوون.. فيبيلهم توجيه ومتابعه خاصه

كايد

احساسه بالذنب هو اللي دفعه للادمان.. اكثر من حبه لحرمته.. اكيد جاهد للتخلص من الذنب وما رام.. فاختار اسهل الطرق.. وريح عمره<< فيس يحلل


نترياج فديتج<< الفيس راعي الورود

 
 

 

عرض البوم صور بوح قلم   رد مع اقتباس
قديم 24-09-10, 01:40 PM   المشاركة رقم: 22
المعلومات
الكاتب:
اللقب:
ليلاس متالق



البيانات
التسجيل: Jul 2009
العضوية: 147447
المشاركات: 317
الجنس أنثى
معدل التقييم: وجه النهار عضو بحاجه الى تحسين وضعه
نقاط التقييم: 40

االدولة
البلدUnited Arab Emirates
 
مدونتي

 

الإتصالات
الحالة:
وجه النهار غير متواجد حالياً
وسائل الإتصال:

كاتب الموضوع : وجه النهار المنتدى : القصص المكتمله من وحي قلم الاعضاء
افتراضي

 


البارت الرابع











وكآن اللقآء غريب , وسريع
فهل نلتقي مره آخرى , وبِظروف آخرى عما قريب ؟!









وقفت اتريا المواجهه ...بيلس اتفرج ...سمعت عبدالله يقول: آحمد انآآآآآآآ
ضحك آحمد : ههههههههههههه سمعني انا بخذها بس عشان خااطر امايه بس هيه ما تعنيني ..تروم تشبع فيهآآآآآآآآآ
طالعه عبدالله منصدم: آحمد هذي بنت ........
آحمد وهو يحرك ايده بعدم اهتمام : ادري والله ادري ...بنت خالتي ووشو يعني؟؟؟؟؟
طالعت روضه الي ركضت غرفتها ...هذيلا شو من البشر ...قمت وشليت اللاب توب ودخلت غرفتي ..احسن لي ما اظهر منها ...بس مهما كان ما يتكلم عن طيف جيـــــــــه والله هالبنت بطيح عند واااحد وغد مثل آحمد ..ما اقول غير الله يعينها ..طلعت السيجاره ...محد يدري اني ادوخ ...ما ادري ليش هالتوتر ..ليش اعصب كل ما احس ان آحمد بيعرس ...يمكن لاني اغااار منه ...مسكت السيجاره وبديت اخذ نفس ...دخلتها بكل قوه لرئتي وطلعتها ..من يوم ما سافر آحمد لبنان واماايه تميزه
اتذكر كيف كانت حالتها
(( بعد ما سافر آحمد لبنان ...وعينا الصبح على صوت صياح امايه ...نزلت اركض بالبيجامه ...
قالت : حرب ...اخوك يا مروان بيروح من بين ايدينا
ركضت صوب التلفزيون ...فتحت على القنوات الاخباريه ...لبنان فيها حرب ...وسفاره الامارات ..بترجع كل المواطنين ....يلسنا نتريا ...ابويه سوى مكالماته ...وبعد بدايه الحرب ...مطار لبنان تسكر ...يعني ما يقدر يطلع ...تخبلت اماااايه ...ابويه سوى مكالماته ..وعرف ان مافيه حد من الامارات في لبنان ...كلهم بيرجعون عن طريق سوريا ...فاليوم الثاني ..رجع هادف ولد خالتي وربع آحمد ...وآحمد ما رجع ...بغينا نتخبل ...حسينا ان خسرناه ...مر اكثر من اسبوع ..وامايه اذا وعت من اغمائها ..بدت تصيح....حالتها كانت صعبه ...وروضه بعد ..الكل اجتمع فبيتنا..وكلنا كناا نتريا اي خبر ...الكل كان يتوقع الاسوء...بس ونحن يالسين دخل آحمد ...قامو امايه وابويه يركضون صوبه ...امايه كانت ما مصدقه...حتى انا عيوني دمعت ..وحمدت ربي انه رجع ..ومن ذاك اليوم واماااايه تميزه ...ادلعه عن الكل ...))
طفيت السجاره ..ويلست على اللاب ....اكيد الشات


















روضه





















احتقره ...كيف يقول جيه عن طيف..والله انه سبال ..يلست اتخيل ان هااادف يقول انه ما يباني ...ما اعرف كيف عبدالله تمالك اعصابه وما مد ايده على آحمد ....فريت عمري على السرير ..صحت ابا اشكي لحد ...ابا حد يفهمني ..بس ابدا ما بحصل حد ارمسه عن مشااعري ..امايه ناويه تخطب طيف لـ أحمد جريب ...ياليتني اقدر اقولها لا ...لا توافقين ...انا متاكده انها تحب عبدالله ...شو تحب اصلا هالمراهقه ما مخليتنها فحالها ...










لطيفه










نزلت اركض على الدري بعد ماسمعت ان منصور عندنا فالبيت ...محد فالبيت االا انا وامــــــــــــايه ...عذاري رايحه الدواام...دخلت الميلس بعد ما لفيت شيلتي على راسي
طالعته : شو يايبنك ؟؟
ما رد عليه ...صد صوب امايه وقال : عمتي قولي لغيث اني اباه.......
صرخت : شو يايبنـــــــــــــــــــــــــــــــــــــــك؟؟
يت امايه صوبي: لطيفه عيب عليج ............
قلت : امايه لا تدخلون فيني خليني اتفاهم وياه
رفع راسه ...يلس يطالعني ...طلعت امايه تتصل لغيث ...قلت : بعيد عنك تاااآآآآآآخذ عبود مني فااااااااااااااااااهم
تقرب مني وقال : بخذه رضيتي والا انرضيتي ...
قلت : ما بتاااآآآآآآآآآآآآآآخذه
تقرب مني ...وقال : انا ابوه ...والمحكمه والقانون فصفي فاااهمه
قلت بعصبيه : ومنو قال انه ولدك
فتح عيونه على الاخر ...طالعني منصدم ...مسكني من معصم ايدي وشدني له وانا اتنفس بقو : شو قصدج ؟؟
قلت وانا ابي اقهره : هب ولدك ...عبود من ريال غيرك
ما احسيت الا بالحراره على ويهي ..ما قدرت امسك نفسي طحت على الارض ...انهرت : تضربني يا الحقير
نزل لمستواي ...وقال : اما عذبتــــــــــــــــج ...وخليتج تقولين ان الله حق ما اكون منصـــــــــــــــــــور
صرخت وانا اجوفه بيطلع : لا تاااااخذه قلتلك انته هب ابوه
طلع وضرب بالباب بقو ...انهرت وطحت على الارض اصيـــــــــــــــح ...ما ادري كم من الوقت مر ما حسيت الا بغيث فوق راسي ويطالعني بعصبيـه
















غيث













طلعت بروح الدوام ...بس فاخر لحضه لفيت صوب بيتنا بسلم على امايه بطمن على لطيفه ...وقفت عند الباب وانا اسمع تلفوني يرن ...هذي امايه ...دخلت البيت ..وجفتها سكرت السمااعه ويت تركض صوبي حسيت ان مصيبه صارت
قالت : الحق منصور يا البييت هنيه
طالعتها منصدم ...وكملت وهيه مرتبكه ..: لطيفه تشادت وياه فالكلام ...وقالت ...وقالت .....
قلتلها : شو قالت ؟؟
قالت : انه هب ابو عبود
بغيت اتخبل ...كيف تقول لطيفه هالكلام ...عصبت ...شو الي يالسه تقوله ...هذي اكيد استخفت ...
قلت وانا معصب : وينها ؟؟
اشرت امايه على الميلس ..رحت اربع وفتحت الباب ...جفتها تصيح وطاايحه على الارض ...سودتي ويهي يا لطيفه ...شو الي قلتله ...رفعت ويها ...جفت شفايفها تنزف ..طالعتها وهيه انهارت وقالت : ضربني الحقيـــــــــــــر
حضنتني ...ما ادري كيف اتصرف ..قلت : لطيفه الكلام الي قلتيه ...
قاطعتني وهيه تبتعد عني وتصارخ : اقولكم هب ولــــــــــــــده عبود هب ولده
ودرتني وراحت ...رفعت شعري بعصبيه ........ااه منج يا لطيفه ...شو تبوني اسوي الحين ...انا الي انا ...حسيت اني بتخبل وانا اسمع الكلام ...كيف ريلها ...كيف تقول هالكلام ....كيـــــــــــــف..صح انا ما اداني منصور ..وماا اطيقه ...بس بعد الكلام الي قالته لطيفه ما ينقال ...كنت ناوي اروح له اليوم واتفاهم وياه ...بس بعد الي صار ..ما اقدر اراويه ويهي ....الله يهديج يا لطيفه

الضيجه مستمره , من صوب جوآهر ومن صوب لطيفه ,
جوآهر امس وعت تصآرخ في الليل , وهي تقول لي لا تودرني ,
كآنت تهذي , من تزوجنا وهي على هالحال , ما اعرف شو السبب , وهي تتهرب مني , ما تبا تخبرني شي , متضآيج من الصوبين ,
















عبدالله












وعيت من الرقاد ...جفت امايه على راسي : وين اخوك؟
تجلبت الجهه الثانيه : ساااافر
قالت : ويــــــــــــــن؟؟
قلت : ما اعرف ....
قالت وهي تضربني على جتفي : عبدالله يوم اكلمك ,,قووووووم وكلمني
اعتدلت ويلست على الكرفايه وانا اعدل شعري...امايه : وين رااااح ...وكيف يسافر جيه .حتى ما خذ وياه ملابس ولا شي ؟؟
قلت : امايه خلوه يرتاح ...وهو بيرجع
امايه : انته شو تخربط؟؟
قلت : امايه من ماتت منى وهو حالته حاله ...ما تبينه يسافر ويرتاح
سكتت امايه ...شكلها اقتنعت ..قلت : امايه منو بنات حمــــــــــــــد الي طراهن ابويه
طالعتني وقالت : قريب بتعرف ......
وطلعت....رجعت ارقد ...تعبااااان بعد ضرابه امس ..رن تلفوني...اوووه هذا وقته ...رفعته وجفت مصبح يتصل بك ...اوهو ...
: آلوووو
قال : هلا بالغالي
قلت :هلا والله
قال : نبا نجوفك اليوم ...عندنا ..تعرف وين مكان دوريتنا عند شارع (_______)
قلت : ان شاء الله ...يلا اجلب ويهك برقد ..
سكرت التلفون ورديت ابا ارقد ..بس مروان اقتحم عليه الغرفه ...
قلت : خير يا طيــــــــــــــــــــــــــــــر
قال : انته بتسكت على اخوك آحمد بعد الكلام الي قاله عن طيف
قلت : شو تباني اسوي هذا آحمد من يوم يومه جيه ...
سمعت صفقه الباب ... ..رديت ارقــــــــــــــــــــــــــــد















عليا















مثل كل مره ...اكيد انتوا مليتوا فما بالكم انا ...يالسه اطبخ فالمطبخ ...فالحــــــــر ...سمعت صوت الباب ...محد غير ام طارق الحين يايه ...اووف ..سكرت على القدر ورحت صوب الباب فتحته ...قلت : هــــــلآ
بس سكتت يوم جفت ريال واقف فويهي ...شكله كبير ..ويهه فيه لحيه ..ومبين عليه العز ..وقفت وراى الباب
قال بدفاشه : وين امج يا بنت ؟؟
عصبت هذ شو يخصه فينا : منو بغيت ..؟؟
قال : هب هذا بيت حمد الـ..........
قلت وانا خانقتني العبره ..الله يرحمك يا ابويه : هيـــــــــــه
قال : زقري امج
ارتبكت...رحت اربع صوب امايه ...كانت منسدحه تعبانه ...قلت : امااايه قومي ريال يبا يكلمج برع
قامت امايه مخترعه ...: ريال ...منو هذا
قلت : ما اعرف بس هوه يعرف ابويه ..وشكله مبين عليه العز
قامت امايه وهي مرتبكه شكلها عرفته ..قالت بصيغه الامر : دشي داخل وقفلي عليــــــــج الباب ولا تظهرين
قلت : ليش ؟؟
قالت بحده : سمعي الكلام وروحي غرفتج
اول مره امايه ترمسني جيه ...رحت صوب غرفتي ..دخلت وسكرت الباب ..وقفت وراى الباب ابا اسمع .,.بس ماشي صوت ..منو هذا ..مليت ..مرت ربع ساااعه ..وهنيه انصدمت وانا اسمع صوت الريال يصااارخ ...ما قدرت افهم شي ..غير بعض الكلمات...بناتج ....ما عرفتي تربينهن ..عصبت ..منو هذا الي بكل وقاااحه ياي يرمس عنا فبيتنا ولامايه التعبانه ...فتحت الباب ما رمت استحمل يوم سمعت صوت امايه تصيح : دخيلك لا تاخذهن ..انته
قال : الناس يرمسون عنهن وانتي ..........
طلعت وصرخت : تخسي الا انت ..نحن اشرف من الشرف فآآآآآآآآآآآآآآآهم ..الحمد الله متربيات احسن تربيه
قام وقف فويهي : والي متربيه ترفع صوتها على اكبر منها
صرخت وانا اجوف امايه تصيح : وانته منوه اصلا عشان تدخل فحياتنا ابا افهم
صرخت امايه : عليا سكتي ودخلي غرفتج ...يلاااااااااااااااااااا
وقفت مبهته كيف امايه تسمح له يتكلم عنا ...قلت : ما بطلع الا يوم هو يطلع من بيتنا ...وقفت جدامه وقلت : اطلع برررررررررررررررررع
ما حسيت الا بكف على ويهي ..ما جفت بعده شي ..تميت اترنح ...مسكت وين ظربني...وصحت بصوت عاااالي ...ما حسيتا لا بامايه تلوي عليه ..وتقول: دخيلك خلنا في حالنا يا ابو كــــــــــــــــــــــــــــــــايد
ارتجفت ...منو هذا ابا افهم ...وليش امايه تترجاه ..
راح بيطلع وانا خاطري اقوم واظربه ..واعلمه ما يمد ايده مره ثانيه عليه ...هوه لا ابويه ولا اخويـــــــــــــــــه .....
وقبل لا يظهر قال : علمي بناتج الادب يا عايشـــــــــه
حسيت بامايه وهيه هب قادره توقف ..طلع ..التفت صوبها ودموعي على ويهي : منو هذا ؟؟ منو هذا امايه وكيف تسمحين له يمد ايده عليه ...؟؟؟
ظربتني على ايدي : انا ما قايلتلج لا تظهرين
طالعتها وانا منصدمه ...دخلت غرفتي وانهرت ...ولا عمره حد مد ايده عليه ...طول عمري محد جاف دمعتي ..منو هذا الي خلاني جيه ...حقييييييييييييييير...انهرت ..ما حسيت االا بشمسه تدخل عليه ...اول ما جفتها ...صحت ..ما رمت اسكت ...
: فهميني شو صاآآآآآآآآير ؟؟؟!!!!!!!!!!!!!
ما قدرت ارمس ...بس كنت اشاهق واحس قلبي بيوقف ...لو كان لنا ابوي يحمينا ما مد ايده الحقيـــر ...لو كان لي اخ عزوه وسند ..ما اهاني انا وامايه ...صرخت من القهر : حقيير
قالت : عليا لا تخوفيني شو صااااير ...ردي ...
ما قدرت ارمس فريت عمري فحضنها...صحت ....


















شمسه















ما عرفت شو صاااير...امايه ما طلعت من غرفتها ...وعليا تصيح ...حسيت عمري بموت من القهر ..
رحت صوب غرفه امايه : امااايه ..فتحي الباب انا شمسه ..دخيلج
انفتح الباب ...شكل امايه صااايحه ...رحت صوبها ..مسكت ايدها : شو صاااير .؟؟
قالت : ابو كاايد كاان هنيه
شهقت : عمي...شو الي طرى على باله وخلاه اي من توفى ابويه ما جفناه ...من 16 سنه ...
طالعتني وقالت : عمج ياي يقول اني ما عرفت اربيكن ..وان انتي دايره على حل شعرج
سكرت على اذني ...: هذا اكيـــــــــــــد تخبل...شو يقول
كانت امايه اطالعني بنظرات شك ...رحت صوبها ...قلت : واقسم بالله يا امايه والله .....
مسكت ايدي: ما يحتاي تحلفين انا مصدقتنج
قلت وانا مضااايجه : شو قال بالضبط
قالت : قال انج مرابعه واااحد من الي يشتغلون وياااج
طاارق ..اكيد يقصد طااارق ..ابا افهم يوم ما نشد عنا من توفى ابويه ...شو يايبنه الحين ...الله على الظالم ...غطيت ويهي وصحت ...: والله يا امايه اني ما سويت شي غلط
قالت : خلي هذا اختج عليا ...طلعت وتضاربت وياه ...ومد ايده عليها
هنيه ما قدرت استحمل ...يمد ايده على عليا ..هو حتى ما يعرف شي عنا ...امايه ربتنا ...وصرفت علينا ...لحد ما كبرنا ..ما طالبته بشي...وما عرست ...هذي يزاتها ...ما بسكت له ...يتحسبنا ضعاف ما بنقدر عليـــــــــــــــــــه ....
قلت : والله يا امايه دموعج ما تنزل بسبه واااحد حقير ...انآآآآآآ بتفاهم وياه
امــــــايه : لا تسوين شي يا شمسه نحن ما نروم عليه
صرخت : لا نرووووم .....عيل يتكلم فشرف بنت اخوه ....ويظرب عليا ...امايه ما اروم اسكت ...الغصه واقفه هنيه (( اشرت على حلقها )) ما اقدر ما ارد ...
طلعت بس وقفت يوم سمعت امايه : شمسه ماشي طلعه من البيت ....
وقفت ونزلت راسي : بس .....
صرخت : ما بنسوي مشاكل ويا عمج ..مهما كان هذا عمج ..لا تعصيني يا شمسه ..
ما قدرت اطلع ...صحت ورحت صوب غرفه عليا ...دخلت وهيه على حالها ...
رحت صوبها قالت : منو هذا ابا افهم ...؟؟
يلست عدالها : هذا عمــــــــــــــــــــج
شهقت : عمــــــــــي ؟؟
قلت : هيه ...
قالت : بس انا ما ادري عنه ...وينه عنا كل هالسنين ..وينه ...ويوم جفته يظربني ...يمد ايده يا شمسه
لويت عليها اهديها ...لحد ما نامت فحضني ...جفت الساعه ...9 فالليل ...وقت دوا امايه ...بقوم اسوي عشا ..دخلت الغرفه بدلت ملابس ...جفت موبايلي يرن (( سندي في الحياه )) طااارق...فريت التلفون وظهرت صوب المطبخ بسوي العشا .......
دموعي ما نشفت ....انا ...انا مرابعه شباب ..منو الي وصله الكلام بس ..منوه ...يا على بالي جابر...محد غيره
((بتندمين على الكلام الي قلتيه ))
محد غيره والا عمي طول عمرنا ما نشد عنا ...حطيت الاكل فالصينه وطلعت ورحت الصاله خليته ...رحت وصب غرفه امــــــــــــــــــــــــايه ...لازم تاكل ..عشان الدوا













عليا











عمي ...وينه هذا عنا ...ابا افهم من وين ظهر ....خليت ايدي على ويهي ...يعل ايدك الكســــــــــــــــــــــــــر ان شاء الله ...مسحت دموعي ...سمعت صرخه فالبيت...وقف قلبي وركضت صوب الغرفه الي ياي منها الصوت ...غرفه امـــــــــــايه ...دخلت وجفت امايه طايحه على الارض...وشمسه تصيـــــــــــــح
وقفت مذهوله ...ما عرفت شو اسوي ...جفت شمسه تركض صوب الغرفه طلعت تلفونها ما سمعت الا : طاااااااااااااارق الحق عليه امايه تعبانه
صحت شرات اليهال ...ركضت صوب امايه ...مسكت ايدها وحبيتها ...رفعت راسي وجفت طارق دخل الغرفه علينا ...طارق كل شي بالنسبه لنا ...جفته وهو يسند امايه هو وشمسه وطلعوا ...وقفت مثل الي هب عارف يتصرف...ركضت صوب الباب العود ...جفتهم ركبوها السياره وراحوااااااااااا وانا واقفه مصدومه .....شو اسوي ...شو اسوي ..دخلت الصاله ..جفت ادويه امايه ...يلست على الارض وانا اصيح ...ركضت صوب غرفه شمسه وطلعت سويج سيارتها ...مسحت دموعي ...ولبست عباتي ...













عبدالله













طلعت من البيت صوب المكان الي فيه ربعي ...لبست اللبس العسكري ورحت ...وقفت عدال الدوريه ...نزلت وسلمت عليهم ...يلسنا على كراسي وبدينا نسولف
مصبح : جفت مباراه العين والوصل امس
ضحكت فخاطري انته لو تدري شو صارل لي امس ...ههههه : لا والله مالحقت عليها
قال : افتكيت ...احترقت اعصابنا واخر شي تعادل
ضحكت ...يا صوبنا سالم ...وهزاع ...سلمت عليهم ...ربعي من فتره ما جفتهم
لفيت صوب سالم : شخبارها الهنوف ( بنته الصغيره ) عساها بخيير الحين ؟؟
قال : الحمد الله ...بخير
قلت : يعني ما بتسافرون المانيا؟؟
قال : لا والله ...
التفتنا على سياره بتمر ...اشر لي مصبح : دخيــــــــــــلك قوم وقف البنيه وخذ منها الليسن والملكيــــــــــــــه
قلت : وانا شو دخلني ؟؟
سالم : دخيلك قوم نبا نجوف البنات دوم يتبزن علينا ...وتقولك ناسيه البطااقه ..قوم عبدالله
قمت بعد اصرار منهم ..ما عدا انها هب شغلتي ...رحت وقفت البنت ...دقيت على الدريشه : الليسن والملكيـــــــــــــــــــــــه لو سمحتي
فتحت الجامه ..بس السياره مظلمه ...قلت : لو سمحتي .........
سمعت بنت تشهق ...وانهارت تصيـــــــــح ...قالولي يدلعن ...بس هب يصيحن ...وقفت مصدووم هب عارف شو اسوي ؟؟؟؟
ما عرفت شو اسوي يوم سمعت البنت تصيح ...
قلت : شو فيج ؟؟
قالت : دخيلك انا ما عندي ليسن
طالعتها وقلت : يوم ما عندج ليسن ليش تسوقين ...الي تسوينه غلط ..و
قالت وهي تصيح : امايه فالمستشفى ...دخيلك ابا اروح لها
كسرت خاطري ...التفت وجفت الشباب يطالعوني ...ويضحكون ...قلت : يلسي على الكرسي الثاني
التفت منصدمه ...قلت : جدامج دوريه ثاانيه حتى لو مشيتج هو بيمسكونج ...انا بوصلج
طالعتني خيفااانه ...قلت : انا رجل امن كوني واثقه ..
قامت ...طالعت الشباب وركبت سيارتها ...وحركت ...جفت تلفوني يرن ..هذا مصبح ..لبسته..التفت وجفتها تصيح ومغطيه على ويها ...طالعتها ...
كسرت خاطري : لا تصيحين ان شاء الله ما عليها شر
شهقت : خـ..يــفــ....ــــــــآآآآآنــ...ـــــه.
سكت وانا اسمعها تدعى : يااارب مالي غيرها ...يااارب اشفيها ..يااارب
وصلتها عند المستشفى وهيه بعدها تصيــــــــــــــــــح ..
قلت :وصلنا
نزلت تركض من السياره...نزلت ومسكتها من ايدها ...التف منصدمه
ارتبكت خليت السويج فايدها ...ورحت ...ناااس وايد محتايين ,...ووضعهم صعب ...هالبنت لو غيري جافها ...شو بيسون فيها ..شو بيسوون ...بنت صغيره ...وحلوه تمشي جيه فالشارع بس ما الومها ..هذي امها ...رحت امشي صوب الشارع العام ...وقفت تكسي وركبت ورحت صوب الشباب الحين بيستلموني .....اول ما نزلت يو يربعون صوبي
سالم : واخيــــــــــــــر تعرفت على وحده ...منو هذي ومن وين تعرفها ؟؟؟
ضحكت ...مسكني مصبح من ايدي : واخير ظهرت من صمتك ...وتقولي بعد حبيبتك الاوليه ما بتحب
قلت : شباب.....
بس محد سمعني يلسوا يتمصخرون ...صرخت : شبــــــــــــــــــــاآآآآآآآآآب
طالعوني ...قلت : البنت تسوق وما عندها ليسن ...وامها فالمستشفى عسب جيه وصلتها
طالعوني ..سالم : ياطيب انته يا حنون ...هيه حلوه ؟؟
هيه من ناحيه حلوه ...فهيه صارووخ ...صراحه اول بنت اجوفها بعد ريم ..وتدخل مزاجي ....شكلها قمر ..ما حسيت الا بمصبح يهزني : لا الريال طاااااااااااااح!!!!!
ضحكت ورحت صوب سيارتي...شو صار الحين عندها ..















جوآهر













مررت ايدي على رقبتي وانا أحس بغصه , ما اقدر اكمل جيـه ,
المشآهد ترجع لي بعنف ,
" كمآ تدين تدآن , مثل ما خليتي ريلي يحبج ويتعلق فيج وانتي تلعبين عليه ,
بيي اليوم الي تآخذ وحده ريلج عنج وبعدها بتحسيين , "
مسكت راسي , انا شو سويت في حياتي , شووووه , ليش كل مره صوتها يرد في ذهني , من اشوف غيث اتخبل , اكيد بيحب وحده غيري , آكييييييييييييييـد





نهآيه البارت

 
 

 

عرض البوم صور وجه النهار   رد مع اقتباس
قديم 24-09-10, 06:07 PM   المشاركة رقم: 23
المعلومات
الكاتب:
اللقب:
عضو فخري


البيانات
التسجيل: Apr 2009
العضوية: 142868
المشاركات: 11,327
الجنس أنثى
معدل التقييم: نوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسي
نقاط التقييم: 3549

االدولة
البلدSaudiArabia
 
مدونتي

 

الإتصالات
الحالة:
نوف بنت نايف غير متواجد حالياً
وسائل الإتصال:

كاتب الموضوع : وجه النهار المنتدى : القصص المكتمله من وحي قلم الاعضاء
افتراضي

 

السلام عليكم
مرحباااااااااا نهارو
يالبى قلبك بس وربي انك مبدعه واللي مايقرى القصه يكون فاته شي كبير
بصراحه نهورتي بجد بجد احس تطور اسلوبك بشكل يسلب العقل
**********
احمد وعبد الله
يتعازمون على رهف صدق انهم مخبل ومستحيل رهف تكون لواحد فيهم
احسها من نصيب اخوهم الصغير الي شكله يبيها بس هي صادمته بحبها لعبد الله وتدخينه اكبر دليل انه يبي يهرب من الواقع وممكن
وغيرته من احمد لان امه بتزوجه البنت اللي هو يبيها بعد

**********
عبدلله وعلوي
اكيد غمزت السناره ياشاطر وبيتحقق حلم علوي وبتاخذ واحد غني بس هل الغني واهله بتحسين بنفس الشعور الحلو اللي كنت عايشته وممكن يتغير بوفاة امك فيس يتوقع ن الام بتتوفاى
هذا ممكن يقل الاحداث
*******
جواهر والحلم والسالفه القدمه
اتوقع ان جواهر يا كانت لعابه وبتنال عقابها بسرقه زوج رفيقتها
والا ان رجال زايغه عينه وحب على مرته وهي اكتشفت ان حبيته جواهر
وقالت لها اللي قالته بالحلم
********
لطيفه
وووووووووو معقوله يوصل فيها خوها على ولدها لي المواصيل ماتدري ان اول من بيتضرر هو ولدها
صراحه احس يبي لها دكتور نفساني لاني متاكده ان كلامها كله مو صحيح
نهورتي انتظرك بكل شوق يالغلا

 
 

 

عرض البوم صور نوف بنت نايف   رد مع اقتباس
قديم 25-09-10, 04:22 AM   المشاركة رقم: 24
المعلومات
الكاتب:
اللقب:
ليلاس متالق


البيانات
التسجيل: Dec 2008
العضوية: 113384
المشاركات: 885
الجنس أنثى
معدل التقييم: النصف الاخر عضو على طريق الابداعالنصف الاخر عضو على طريق الابداعالنصف الاخر عضو على طريق الابداعالنصف الاخر عضو على طريق الابداع
نقاط التقييم: 354

االدولة
البلدSaudiArabia
 
مدونتي

 

الإتصالات
الحالة:
النصف الاخر غير متواجد حالياً
وسائل الإتصال:

كاتب الموضوع : وجه النهار المنتدى : القصص المكتمله من وحي قلم الاعضاء
افتراضي

 

هلا وغلا بارت مشوق

اتوقع عبدالله يطلع ولد عمها وبياخذهم عمها عنده بعد ما تموت امهم

احس غيث بتصير له اشياء كثيره بس للحين مو مبين شى

اتوقع جواهر لها سابقه قبل الزواج


بنتظار الغموض ينفك

وبنتظار يالغاليه

 
 

 

عرض البوم صور النصف الاخر   رد مع اقتباس
قديم 30-09-10, 05:36 PM   المشاركة رقم: 25
المعلومات
الكاتب:
اللقب:
ليلاس متالق



البيانات
التسجيل: Jul 2009
العضوية: 147447
المشاركات: 317
الجنس أنثى
معدل التقييم: وجه النهار عضو بحاجه الى تحسين وضعه
نقاط التقييم: 40

االدولة
البلدUnited Arab Emirates
 
مدونتي

 

الإتصالات
الحالة:
وجه النهار غير متواجد حالياً
وسائل الإتصال:

كاتب الموضوع : وجه النهار المنتدى : القصص المكتمله من وحي قلم الاعضاء
افتراضي

 

البارت الـرآبـــع " 2 "













أن افقدكِ أنتي بالذات .!


هذا هو أقسى فقد ، لآني افقد ذآتي معكِ ..!!!















دخلت المستشفى وانا اركض ودموعي تنزل غصبن عني ...رحت صوب الطواري .....جفت طااارق واقف ...ركضت عنده ...مسكته وقلت بتوتر : وينهم ؟


طالعني وسكت ..التفت على صوت شمسه وهي تصيح : شو يابج ؟؟


قلت : وين امـــــــــــــــــــــــــــايه ..؟؟


قالت : بيدخلونها العمليات الحين ..


حضنت شمسه ويلست اصيــــــــــــــــــــــــــــــــــح ....ما اقدر اعيش بلا امايه ..التفتنا على صوت الدكتور : يا جماعه ...


قلت : شو صاير ؟؟


قال : شدوا حيلكم


صرخت فالمستشفى ...لا امااايه ...لا تودريني ..التفت على شمسه الي طاااحت مغمي عليها ...ركض صوبها طااارق ...التموا عليهـــــــــــــــا الممرضات ...وانا رحت صوب غرفه امايه ...جفتهم مغطينها بالابيض ...كلام الحقييير الي اسمه عمي ..يتردد فاذني ..ما عرفتي تربين بناتج...رحت صوبها وانا احس عمري بموت وبتبعها ...شو فايده الحياه بلاها ...شو انا ...انا ولا شي بدونها ...شهقت..خليت ايدي على شفايفي اكتم شهقاتي ....سحبت الكرسي ويلست عدالها وانا اردد...ان الصبر عند الصدمه الاولى ...سكتي...لا تصيحين ...تقربت منها ويلست ..


قلت وعيوني تهل منها الدموع : امـــــــــــــــــايه ليش رحتي ؟؟..وكيف ...كيف تـ...ودريـــــــــنـ...ـــــــي ,,,انا ما اقدر اعيش بلااااج ...امــــــــــــايه ردي علي ...دخيلج ...


نزلت راسي وانهرت ..قلت : والله يا امايه بنتقم منه ...هو السبب ...والله بخليه يصيح دم ...


شهقت ...: امايه سامحيني ...سامحيـــــــــــــــــــني ...


طلعت وانا منهاره ما قدرت ايلس اكثر من جيـــــــــــــــــــه ... ...يلست امشي فممر المستشفى ما اعرف وين اروح ...مشيت ..لحد ما حسيت بحد يمسكني من ايدي التفت .............
















طارق






















الصدمه كبيره عليه وعليهن ...ما قدرت استحمل الخبر ...وقبل لا استوعب شي ...طاحت شمسه جدامي ....بعد امهن شو بيصير ...ركضت صوبها ..شليتها من على الارض ...والتمن عليه الممرضات ...دخلنها غرفه ..تبعتهن بس ما خلني ادخل ..حاولت اتماسك ...راحت ام شمسه الي اعتبرها شرات امايه ...عليا ...وين راحت ...رحت اركض فالممرات ..جفتها تمشي ..مسكتها من ايدها : تعالي


قالت بذهول : طارق ...امايه ماتت !!!!!!!!!!!!


سكت ...شو اقول ...مسكتها من ايدها تبعتني ...اعرف انها هب حاسه بشي ...وصلت لحد الغرفه الي فيها شمسه ..سمعنا صوت صريــــــــــــــخ ...وقفت مكاني منصدم...دخلت اركض انا وعليا ...جفنا شمسه منهاره...والممرضات يحاولن يعطنها ابره مهدي ...وهيه تصااارخ واطالعني ...ما رمت استحمل...صرخت على الممرضات ...: ودرنها



















كايد


















فتحت عيني بالغصب ....وين انا ...شو صاير ..بغيت ارفع جسمي ..بس ما قدرت احس عمري متكسر ..كل الي اذكره .....الشقه .....آحمد .....عبدالله ...رفعت ايدي ..جفت الابره والمغذي ...مستشفى ...وقف قلبي ...بيعرفون اني اتعاطى ..قمت بسرعه والدنيا تلف فيني ...احس اني بطيح على الارض ....وقف قلبي يوم سمعت الباب ينفج...الله يغربل ابليسك يا عبدالله...


التفت على صوت رقيق : مســـــــــــــــاء الخير


طالعتها بحتقار وقلت : وين انا ؟؟


ابتسمت ..تقربت مني وهي تقولي : ارتاح الحيــــــــــــــــــــــــن


صرخت : ما ابا ارتاح...


شديت الابره من ايدي وما اهتميت بالدم الي ينزف ...ما حسيت الا بثنين يثبتوني على السرير وهيه واقفه ...


صرخت وانا اتضارب ويآآآآآآآآآآآآهم : ودرونـــــــــــــــــــــــــي


قالت : اهدى الحين وارجع نام


صرخت : خلوني اآآآآآآآآظهر ....


ثبتوني على السرير ...يلست هيه مجابلتني : انته هنيه لمصلحتك ...نحن هنيه بنساعدك تتخطى ادمانك وترجع .........


صرخت : ومنو قالج اني ابا اتعالج!!!!!!؟؟؟؟؟


قالت بهدوء يقهرني : عيوونك تقول


طلعت وانا اطالعها ومستغرب منها ..شدراها اني ابا اتعالج ..غمضت عيني وانا احس ان جسمي يتشنج ...صرخت ابا المخدرات ............















عذاري





















هالمريض شكله وااااااااااايد عنيد ....الله يعيني عليه ...لبست عباتي وانا فمكتبي ...وشليت شنطتي ابا اطلع بس سمعت الباب يندق التفت وجفت الدكتور محمد ...


ابتسم : سمعت انج يتي المكتب عندي بس مالقيتني ؟؟


قلت : هيه ...عرفت عن المريض اليديد الي دخلناه المركز


قال : كايد الـ..........؟؟


قلت : هيه ..


قال : ماكنت اتوقع صراحه ان شخص بمستواه يدمن ...


قاطعته : ليش هو حاله من حال غيره ...هيه صح ابا اغير نظام يوم المرضى


قال وهو يبتسم : على راحتج ...المركز وصاحب المركز تحت امرج


تجاهلت كلامه ...المركز ملك لمحمد ...اعرف انه معجب فيني ...بس انا ما اطيقه


قلت ابا اغير الموضوع : نبا نسوي دوري رياضي شو رايك ؟؟


قال : فكره حلوه وانتي دكتوره نفسييه وعارفه كيف تتعاملين مع المدمنين


كمل : شو رايج ننزل نشرب كوفي ...؟؟


طالعته ...كم مره عزمني وكنت ارفض ..قلت وانا منحرجه : غير المره ...الدريول يترياني تحت


طلعت بعد ما خذت شنطتي ...نزلت وركبت السياره ...من الصبح للحين الساعه 8 فالليل انا فالمركز ....تعبانه.....






















روضه






















وعيت الصبح ...اليوم بروح المول ويا طيف..خذت شور لبست ..ودقيت تلفون...ما ترد ...رحت دقيت على بيتهم ...وقف قلبي


: الو


رديت : الو ..صباح الخيــــــــــــــــــر


رد هادف : صباح النور ......منو وياي ؟؟


حسيت بطعنه فصدري ...ما عرفني ...رديت وصوتي كان بيخوني : انا ...انا روضه


قال هلاااااا روضه شحالج ؟؟


ما رمت استحمل ...ابا اقوله كل شي ...قلت بتهور : هادف ..اابا اجوفك ممكن؟؟؟


حسيته استغرب..قلت : لا تخبر حد ابا اجوفك بس انته


قال بتردد : ليش شي صااير ؟؟


قلت : لا بس.......


قال: خلاص وين تبيني اجوفج ؟؟


قلت : فمطعم .....على الغدا


قال : خلاص اوك


شو الي سويته ...ليش قلت له ابا اجوفك ...بس والله فرحانه انه ما ردني وقال لا ..ركضت غرفتي وبديت اجهز ...لبست بدله لونها بيج ...خليت مكياج خفيف على ويهي ...وتعطرت ...لبست العباه ..ما يهمني امايه تسمح لي اروح اهم شي اجوفه ...اهم شي اقوله كل الي فخاطري خلاص تعبت ........























هادف




































مواصل وسهران من امس وانا يالس اكلم القلب ...قمت ودقيت الباب على طيف...بس شكلها بعدها نايمه ...طلعت بروح الصاله ...رن التلفون ...رديت وكانت روضه بنت خالتي ...بس ما اعرف شو تباني ..شووراها هالبنت ...بروح وبجوف ...طلعت غرفتي ...لبست جينز وقميص رصاصي ماسك على جسمي ...الله يخلي صاله الاثقال ...رتبت شعري ...وركبت سيارتي ... ..ورحت صوب المطعم ..نزلت ويلست اترياها ..جفتها يايه وتبتسم ..بادلتها الابتسامه ...يلست


مبين انها مرتبكه ...قلت انا ارمس : شحالج روضه؟؟


قالت : بخيـــــــــــــــر شحالك هادف


قلت : بخير ...شو صاااير ؟؟


طالعتني مرتبكه ..نزلت راسها وقالت: هادف...انا ..انا احبــــــــــــــــــــك


انصدمت ...عمري ما بينت له اي عاطفه ...ولا تهمني ...شو ارد الحين ..طالعتها وقلت : روضه انا احبج ...


طالعتني فرحانه ..كملت : بس انتي شرات طيف


انصدمت ...حسيتها بتصيح...قلت : روضه ..آنا اسف بس ما اقدر اخدع عليج واقول احبج وانتي ما تعنين لي اي شي ...

قالت : بس انا ........




قاطعتها : انتي ما تملكين صفات البنت الي اباها


طالعتني والدموع فعيونها قلت : ابا بنت شخصيتها قويه ولها استقلاليتها وانتي ..


انتبهت على عمري يوم قامت تركض وراحت ...شو الي قلته ..اكيـــــــــد جرحت مشاعرها ...اووف ...بس هيه ابدا ما بينت لي انها تحبني ..ولا عمري حسيت فيها ...اصلا شو مضايج بي ...هذي ياهل شرات طيف..ماذيه عبدالله ...اووف ...اصلا ما تجذبني ..انا ابا بنت ادوخني يوم اجوفها ...قمت من مكاني وركبت سيارتي ..اووف يا غباء البنات ......























عبدالله





























نزلت بتغدى ...العايله كلها مجتمعه ...التفت وما جفت روضه ..وينها ...


امايه : ميري وين روضه ؟؟؟؟


ميري : نايم ماما


غريبه ...اكيد ميري تكذب ...اعرفها ...يلست اكل ..التفت على ابويه ...شكله مهموم ...


قلت : ابويه فيك شي ؟؟


قال : لا ماشي ....بس اباكم كلكم بعد الغدا


طالعته مستغرب ...غريبه ابويه عمره من ماكان جيه ...التف على صوت آحمد : انا بظهر


امايه : بعد ما تيلس ويا ابوك بتظهر ..فااااهم


مروان وهو يعايب على آحمد : هزبوه ...ويك ويك ويك


طالعته ومسكت ضحكتي ....ياترى شو صار بالبنت الي وصلتها امس المستشفى ...طول الليل ..ربعي يتمصخرون عليه ..التفتنا كلنا على صوت روضه الي دخلت البيت وهي تشاهق ومنهاره ...وقفت مصدوم ...التفت امـــــــــــــــــايه ...: روضــــــــــــــــــــــه ...تعااااااااااااااااااالي


بس روضه ركضت وركبت غرفتها ..جفت مروان قام بيلحقها ...بس امايه قالت : كملوا غداكــــــــــــــــــــــــم ..محد يقوم


طالعت ابويه الي هب ويانا ...يلست وبالي عند روضه امايه مول هب مهتمه فيهاااا ...طالعت آحمد الي مكمل بلع ولا هامنه حد ...هالادمي متى بيتغير ابا افهم ....


التفت على صوت آحمد : امايه متى بتخطبين لي طيف؟؟؟؟


طالعته بحتقار ...ردت : هاليومين بكلم امها ..لا تحاتي ..


طالعت مروان وهو حده معصـــب ,,,سمعت ابويه يقول : تعالوا اباكم ...وزقروا روضه ..


قمت ابا انتهز الفرصه : انا بناديها وبرجع


طلعت ركض من غير لا اهتم ....فتحت باب الغرفه ..وجفته طايحه على السرير ومنهاره....ما عرفت شوى اسوي ..رحت صوبها


خليت ايدي على راسها : روضاني ...قومي حياتي


فرت عمرها فحضني وقعدت تشاهق ...خفت عليها ...قلت : شو صاااير؟؟


رفعت راسها وهيه تحاول تغطي ويهاا ..رفعته غصبا عنها : روضه فهميني


مسحت دموعها وقالت : متضاربه ويا ربيعتي


قلت : وين كنتي ؟؟


قالت : فالسوق


قلت : شو صااار بالضبط ؟؟


قالت : ما اابا اتكلم


تقربت منها وحبيتها على رااسها ...: حبيبي غسلي ويهج ونزلي تحت ابويه يبانا


قالت وهي تصيــــح : ما اآآآآآقدر


قلت : لازم تنزلين يلا اااا قومي


دخلت الحمام عزكم الله وانا اتبعها بنظراتي ..غسلت ويها ..وطلعت ويها صاير احمر ...احسها تجذب عليه ...هب هذا سبب صياحها ...طلعت وانا ماسك ايدها نزلنا


جفت الكل فالصاله ...


ابويه : يلسوا .......




















مروان





































حسيت اني بموت من الغيض من هالحقييير آحمد ...يالسه يتفاهم ويا امايه على الخطوبه ...وابويه حالته حاله ...وقف قلبي وانا اجوف روضه وشكله كيف معتفس ...بس امايه ما اهتمت ولا حتى نشدت عنها


يلسنا كلنا ...ابويه ..قال : اليوم بكلمكم فموضوع انا مخبنه عنكم من سنين ...


طالعته وقلت فخاطري ..لايكون انا هب و لدهم ...


ابويه : لكم عــــــم


شهقنا كلنا وانصدمنا ...وكمل : وبنات بيعيشن ويانا


التفت وانا اجوف ابتسامه آحمد الخبيثه ...


كمل ابويه : ابوهن متوفي من 16 سنه ...واليوم توفت امهن ..بروح وبخذهن من بيتهن وبيبهن يعيشن هنيه ...


آحمد : ابويه اقدر اي وياك؟؟


لا حول ولا قوه الا بلاه ...البنات همه الاول والاخير ..يا اخي ..هذيلا امهن متوفيه هب متفيجات لقله ادبك ....بس شو اقول ..اذا رمست بيقولي انته تسكت طووول


التفتنا على صوت عبدالله ..:وليش كنت مخبي علينا وجودهم ، وبعدين يمكن يقولن لا ....


ابويه بعصبيه بعد ما تجآهل سؤال عبدالله الاول : هب على كيفهن ...انا ما بخلي بنات اخوي روحهن فبيت ...يسون الي يبنه


قاام معصب وطلعت وراه امايه ...طالعت روضه وهيه سرحانه ...قامت وطلعت ...






















هادف




























رديت البيت فالليل ...دخلت غرفتي وفريت عمري على السرير ...ما حسيت الا بالباب ينفج بدفاااااشه ..عرفتها ...هذي طيف


حسيت فيها وهيه تكفخني على جتفي ...قمت مخترع...: شو فيج ؟؟


طالعتها ..لايكون عرفت الكلام الي قلته لروضه...اكيد روضه قالت لها ...هالبنات يهال وما يفهمن ..واحييين بتعذبني ...اوووه رديت : قوووم وصلني بيت خالتي


قلت : شو عندج هناك ؟؟


قالت : ابا اجوف رويض ادق عليها تلفون ما ترد ...


زين للحين ما انفضحنا ..لا تفرح وااايد احين بتروح وبتلقاها فاجه مناحه ...يالله من وين يتني هالبلوه ...قلت : انا تعبان ...........


ما كملت لان طيف كفختني على راسي : قوووووم يلا


سمعت كفخت الباب ...اوووف ...قمت ...وخذت السويج ...رن تلفوني ...هذا آحمد ...: الو


رد : هلا بالغالي


قلت : احين انا ياي صوبكم


قال : والله ؟؟ منو وياك ؟؟ طيف ؟؟


استغربت ...ليش ينشد عنها ...قلت : هييييه


سمعت صرخه طيف ....: هاااااااااااااااااااااااااااااااااااادف وصمخ .اتريآآآآآآآآآآآآآآآآآآآآآآآآآآآك عند السياآآآآآآآآآآآآآآآآآآآآآآآره


ضحك آحمد ...قلت : يلا اجلب ويهك قبل لا تقتحم علي طيف الغرفه


طلعت وجفتهاآآ كاشخه ...كل هذا حق عبدالله ...وعمره ما بيحس فيها,,, وياما قلت هالكلام بس ما فادها ...طلعنا ورحنا صوب بيت خالتي ......



















مروان

































كنت واقف جدام النافوره الي فمدخل البيت ....افكر ...طلع لي بنات عم ...جفت سياره ادش البيت ...هذا هااادف ...نزلت طيف ورقعت بالباب ...اضني انكسر...يت صوبي


قلت : سلمي انزين ؟؟؟


قالت بدلعها المعروووف : اووف يلا هب متفيجه للياهل الحين


قلت : يا الغبيه انتي قدي فالعمر


طالعتني بطرف عينها ...وبعدين تغيرن ملامحها ويت صوبي ...قالت : مروان عبدالله هنيه ؟؟؟


ضحكت فخاطري ...قلت : هييييه ولا تروحين له نصيحه ...هو معصب اليوم ...ما ادري شو بلاه!!!!!!!


قالت : فديته


طالعتها ورفعت حاجبي ....: بنت !!!!!!!!!!!


قالت : بروح اجوف رووويض باااي


ضربتني على جتفي وراحت...هالبنت خبله .....


مسكت تلفوني ...دقيت لعبدالله ....رد : الو


قلت : ياك الموت يا تارك الصلاآآآآآآآآآآآآآآآآآآآآآآآآآه


قال : طيف عندنا ؟؟؟


ضحكت : نيههههأأأأأأأأأأأأأأأأأي


قال : يلا انا بقوم اشرد من البيت ....بااااااااااي


ضحكت ....آحمد ناوي على نيه ...الله يستر ...كيف بتتقبل طيف انها تاخذه ابا افهم........




























لطيفه




























من راح منصور وانا حابسه عمري فغرفتي ....خيفآآآآآآآآآآآآآآآآنه ...شو بيسوي ...


رجعت بالذاكره للورى


(( بعد ما قالت لي ام منصور ان بنات خالت منصور بيزورنا ....رحت غرفتي...قررت اني اسوي اكل فالمطبخ ..رحت وسويت حلويات ...وبعدها طلعت خذ تشور ..تجحلت ....كنت لابسه بدله عيناويه ...كشششششششخه ...فتحت شعري ...ورسمت عيوني ..بقلم كحل ...وخليت لمعه عيناويه ...تعطرت ...وسمعت الباب يندق ...وقبل لا اقول ادخل ..انفتح الباب بدفاااشه ...التفت ...وجفت ...بشاير اخت منصور قالت : تعااالي الصاله البنات يبن يجوفنج


طالعتها وابتسمت ..: الحين بظهر


طالعتني من فوق لتحت وطلعت ...ليش احسهم يكرهوني ...انا شو سويت ..تمالكت نفسي...التفت على صوت الباب الي ينفج مره ثااانيه ..لا يكون ام منصور ...غمضت عيني ...حسيت بايد منصور وهو يتلمس شعري ...التفت ...مسكت دموعي يوم جفته ...تقرب مني وباسني على خدي ...قال : شو فيـــــــــج ؟؟


ضحكت : لا ما فيني شي ...بس بروح الميلس ...بنات خالتك هنيه


حسيت انه ارتبك ...قلت وانا اخلي ايدي على خده : شو فيك ؟؟


قال : لا ماشي ....نطلع حتى انا ابا اسلم عليهن


تفاجات ...قلت : عادي تطلع جدامهن؟؟


قال : هيييه عادي ...نحن متربين ويا بعض ...وهن متعودات عليه


مسكت ايده وقلت : يلاااا


طالعني بنظره ما فهمتها ...مسك ايدي...وقبل لا ندخل الميلس سحبها ...تفاجأت ..بس اكيد لان امه تضايج من هالحركات ...او انه ينحرج يكون جيه جدام بنات خالته ...دشيت وكانت اول مره ادش عليـــــــــــــــــهم ...ابتسمت وانا اجوف بنتين وحده يالسه عدال ام منصور وكانت يالله يالله مخليه الشيله على راسها ...والثانيه متحجبه ويالسه عدال بشاير ...


قلت : مساء الخير ..


كنت خيفااانه ...تحس انك غريب من بينهم ..دورت على منصور ما لقيته...التفت وجفته يسلم عليهن ....مد ايده وسلم على الي يالسه عدال بشاير ...وزقرني : لطيفه تعالي


رحت صوبه ...قال : هذي عفرا


طالعته ...جفتها اطالعني..بس ما فهمت نضرتها ...تقربت مني وباستني وسلمت عليه...قلت : شخبارج ؟؟؟


قالت : بخيـــر الحمد الله


التف وانا اجوف البنت الثانيه ...مدت ايدها لمنصور...حسيته ارتبك ...يمكن هو يخاف اني اغآآآآآآر ...ورفعت شيلتها تعدلها ..وتمت ماسكه ايد منصور واطالعه...حسيت قلبي ينمزع ...حسيت بنار فقلبي ..طالعتها ..سمعت منصور وهو يقول : هذي العنود


طالعتني من فوق لتحت ...حسيتها تكرهني ...طالعتها ...كنت بتقرب وبحبها ...بس هيه مدت ايدها بكل غرور....))


رجعت للواقع على صوت الباب الي انفج ...وكانت عذاري ..يت ولمتني فحضنها


قلت وانا ابتسم : شخبار دوامج اليوم ؟؟


قالت : مريض يديد ...بس غامض ...


قلت : اها ..وشخبار محمد ؟؟


قالت وهيه تتافف : اووف ...لا تيبن طاريه


كملت : لطيفه هالمريض غير ابي اعرف عنه كل شي


طالعتها وقلت : عذاري لا تتهورين ...انتي تعالجينهم بعد عشرين يوم ...يعني بعد ما يتخلص جسمهم من المخدر ...لا ادشين غرفهم قبل والا .......


قالت : لا حرااام شكله طيب


قلت : عذاري ...هذا هب تخصصج ...انتي تعالجينهم نفسيا بعد الادمان


طالعتني وغيرت السالفه ...اخاف عليها عنيده ...قلت : منصور اليوم يا عندنا البيت


قاطعتني : ادري امايه خبرتني كل شي...انتي اكيد تخبلتي ؟؟؟


قلت : عذاري والله هب ناقصه ...بروح اكلم جوااهر احسن




















طيف


























دخلت بيت خالوه...ابي اجوفه...رحت اربع فوق ...صدمت فشي جدامي بغيت اطيح ...ما حسيت بعمري الا فحضن حد ...رفعت راسي وجفت آحمد ...وقف قلبي


قال وهو يطالعني بنظرات غريبه : سلمتي


ارتبكت وسحبت عمري من بين ايديه ...التفت وجفت خالوه ...انحرجت ...رحت صوبها وسلمت عليهآ...ابتسمت لي


قالت : عيل شخبارها امج ؟؟


قلت: بخير


بلعت ريجي ...قلت : انا بروح عند روضه


ركضت على الدري ...بروح لروضه ...بس حسيت بآحمد وراي...شو يبا ابا افهم ...وقفت عند باب روضه ..بدق الباب ...بس حسيت فيه وهو يمسكني من ايدي ويخليني مجابلتنه ...طالعته ...كان خاطري اصفعه على ويهه ...


قلت : أحـمـ,,,


ما كملت الا واجوف عبدالله طالع من حجرته مستعيل ....نزل ..ابا ازقره ...بس آحمد وقف وغطي عليه


قال : ابا اكلمج ممكن ؟؟


استغربت : نعم !!!!!!!!!


تقرب مني...ارتجفت ...قال : ابي اتكلم وياااج ممكن


غمز لي ...وقف قلبي ...هذا شو سالفته اليوم ...اكيــــــــــــــد شارب ...خطف مروان ...ويلس يطالعنا ...بلعت ريجي ...قلت : قول


قال بعد ما مسك ايدي هب هنيه...فالحديقه ...سحبني وانا اتبعه ...هب عارفه وين اروووح ...سحبت ايدي يوم وصلنا الحديقه ...قال : تفضلي


يلست على الكرسي ويلس هو مجابلني ....قال : انا احبـــــــــــــــــــــج


حسيت يا انا ما اسمع ....يا انا ما اجوف ...وانا الي جدامي عبدالله هب آحمد ...طالعته وبلعت ريجي...مسك ايدي ...: طيف لا تعذبيني ...انا بخطبج ...


وقف وانا منفعله : انته شو تخربط؟؟؟؟!!!!


قال وهو يتقرب مني ...مسكني من خصري وشدني له ...هنيه صدق وقف قلبي ....تمنيت الارض تنشق وتبلعني ...ما اباك انت ...ابا عبدالله ...اباه هو الي يتقرب مني ...تقرب مني وهمس وانا احس اني بموت : باجر هالخبر بيكون عند آمج


فتحت عيني بعد ما شهقت ...لا دخيلك لا تسويهاآآآآآآ




***







هب راضي عن الي قاعد يصير ...طلعت غرفتي ...جفتهـآ وياه ...دخلت الغرفه وطلعت على البلكونه ....سمعت صوت ....تقربت من حافه البلكونه ...وطالعت تحت ...جفتهـآ فحضنه ..هنيه ..تنفست بقو ...دخلت وسكرت باب البلكونه وفريت عمري على السرير ...شو حارنك يا مروان...خلهم ما يخصك فيهم...قمت ...رحت صوبه غرفه روضه ...اللاب مالي مفيرس ...وبخذ لابها ...ما اصبر عن الجات ..وعن الماسنجر ...والتهكير ...عشقي ...دقيت الباب عليها ..ما ردت ...دقيت مره ثااانيه ..بعد مافيه رد ...يمكن طلعت ويا عبدالله ...بس انا جفته بروحه ظااهر ...فتحت الباب ...الغرفه مظلمه ....فتحت اضاءه الابجوره...ما لقيتها ..جفت اللاب على الطاوله ..شليته وكنت بظهر ...بس سمعت صوت حد يون فالحمام ( عزكم الله ) ..باب الحمام مفتوح ....فتحت الباب وجفت شي ...............وقف شعر جسمي ..فريت اللاب وركضت وانا اجوف روضه غرقانه فالدم ...والمشرط مفرور عدالها ..........انتحرت


















احمد




















مجبور على هالشي ...قربتها مني وانا اتخيلها ندى ....وجفت ويه ندى ...قلت : انا احبج


حسيتها منصدمه التفتنا على صرخه مروان ...ياني يربع ومسكني من ايدي : الحق روضــــــــــــــــــه انتحرت ...


وقف الدم بعروقي ...خطفت اركض وانا اسمع طيف تصيح وتركض وراي انا ومروان...فتحت باب حجرتها ...وطاحت عيني عليها وهيه طايحه فالحمام ( عزكم الله ) ...مسكت راسي ....سمعت شهقت طيف..ارتبكت...التفت على مروان الي ركض وشلها من على ارضيه الحمام وصرخ : شغل سياااااااااااااارتك بسرعه


ركضت صوب السياره ....شغلتها ...نزل مروان وهيه بين ايديه ...فتح الباب وخلاها فالكرسي الوراني ...ما تريت حد ...دست على البترول وطرت على اقرب مستشفى























طيف




















جسمي يرتجف ...واحس اني برجع كل الي فبطني ....منظر الدم يخرع ...ركضت وراى مروان...اول ما وصلت الحوش ...جفت مروان واقف وملابسه ملطخه بدم روضه ....رحت صوبه ...مسكته من جتفه وانا ارتجف : وينها؟؟؟


التفت ...قال ...: آحمد الحقير راح و ودرني ...


ما فهمت شي ...التفت عليه وهو خاطف يركض ....ركضت وراه ...جفته يدش غرفه كايد ...وياخذ سويج سياره وينزل


صرخت : وين بترووووح ..؟؟


قال : بلحقهم المستشفى


شهقت ..وانا اشوفه يغادر الغرفه , شو الي قاعده اسويه , لازم اتبعه ...جفته يشغل السياره ...فتحت باب السياره وركبت عداله ..التفت صوبه وانا خيفانه : تعرف تسوق ؟؟؟


طالعني بعصبيه ...نفس نظره عبدالله ...اربكني وآيد ...قال : اذا ما تبين نزلي


غمضت عيني وانا احسه يحرك السياره ....وقف قلبي ...كان يسوق بتهور ...يلست اتشاهد ...اكيد نحن بنموت .....التف على صوت باب سيارته ...نزل


مسحت دموعي وتبعته ...ركضنا فممرات المستشفى ...طاحت عيني على آحمد وهو يكلم دكتور ...مسكت مروان واشرات بايدي ...خطف مروان يربع ...وقفت وانا اجوف عبدالله عدال آحمد ...رحت صوبهم ....مسك عبدالله راسه ....وجفته يكلم الدكتور سألت مروان


: شو صاااار ...قول انها بخيــــــــــــر ...دخيلك..!!!


تم يطالعني وقال : الحمد الله ....بس الدكتور يبا يعرضها على دكتور نفسي ...وعبدالله رفض


دكتور نفسي ...ليش ...روضه هب مينونه ...ودرتهم وفتحت باب الغرفه ...جفته طايحه على السرير ...شعرها متناثر ...ويها شاحب,,والشاش ملفوف على معصمها ...ليش بس ابا افهم ...ليش ...التف على مروان وهو داش ...راح صوبها وحب ايدها ...حسيت بآحمد وراي ...


قال : لا تصيحين ان شاء الله ما عليها شر


















مروآن




























حسيت فيها وهيه تتحرك...طالعتها ...فتحت عيونها...الحزن مرسوم على ويها رسم ...


قلت : سلامات


طالعتني وصااحت ...ما حسيت الا بعبدالله يلمها ....طالعته ...عبدالله وااايد وجوده مهم فحياتنا ....


سمعته يقول : ااحين بتظهرين ؟؟


قالت وهي تشاهق : ابا ارجع البيت ....دخيلك عبدالله



طالعته وانا اتسال ...والدكتور النفسي ...هز راسه بالنفي ...لازم نعرف شو اسبابها ...اكيد عدم الاهتمام ...امايه طول ما تهتم فيها ...التفتنا على تلفون آحمد الي يرن ...وشكله انحرج ...اكيد وحده من الخايسات ربايعه ...طالعت طيف الي عيونها على عبدالله ....تحبه ...طالعت آحمد وهو يطلع ...رن تلفوني ...امايه


قلت وانا اطالع عبدالله : امايه


صرخت روضه : لا تخبرهآآآآآآآآآآآآآآآآآآآآآ


هزيت راسي بتفهم ...رديت : الو


قالت وهيه تصارخ : مروان ...وينكم انتوا ...بنات عمكم الحين بين البيت اباكم الحييين عندي فاهم


طوط .,,طوط ....طوط


سكرت فويهي ..تنهدت ...خبرت عبدالله ...ظهرنا روضه من المستشفى ....وحصلت لي هزبه من عبدالله ...كيف اسوق وانا ما عندي رخصه ....















شمسه























مذهوله ...فحاله صدمه...مشغلين القرآن...وكل يرانا ويانا ...يعزونا بوفاه امايه ..راحت ...التفت على عليا ...جفت ملامحها جامده ....ما صاااحت ...وانا دموعي ما وقفن ....على الساعه 11 فضى البيت ...رحت صوب غرفه عليا ...دقيت الباب ...فتحته وجفتها ماسكه بطنها..شكلها تتألم


قلت : فيج شي ؟؟


قالت بجمود : لا لا تحاتيني ...جوفي شكلج انتي كيف صاااير ..!!


التفت وانا اسمع صوت الباب يندق ....اكيد طارق ....رحت بسرعه بفتح الباب ...انصدمت ويبست مكاني يوم جفت عمي بو كااايد


قال : احسن الله عزاكم


قلت وانا اداري دموعي ...: البقاء والدوام لله


قال : ما بتقولين لي تفضل يا بنت حمد ؟؟


قلت : تفضل


هذا الي رمس عني ....وسبب الهم لامايه...التفت على صوت عليا : خيرررر شو يايبنك بيتنا ...ترانا نحن ما فينا ادب ..وأمنا ( هنيه شهقت ولا قدرت تكمل ...انهارت )


وقفت يابسه مكاني يوم جفت عمي يتقرب منها ويلوي عليها وهي تضربه ...صحت ...حسيت عمري على القوه الي انا فيها ...ياااااااااااااهل ...ابا حد يطبطب عليه ...ابا حد يقولي ما عليه ...بتكونين بخير...شهقت ...


قال : بنات انا ما بخليكن هنيه اروحكن ....


طالعته عليا ...نظراتها كلها كره ...قالت : ونحن ما بنظهر من هنيه


قال : انتن بتروحن وياي بيتي


قالت وهي تصارخ : انا ما بظهرررررررررررررررررر


طالعتها وقلت : عليا احترمي عمج


تذكرت امايه وهيه تقول ...مهما كان هذا عمج ...هنيه طالعتني عليا تلومني


قال : تعالن ...يلا الحين بتروحن بيتي


التفت على عليا وقلت : لبسي عباتج


كيف تبونا نعيش بنات فبيت اروحنا ...اذا حد هجم علينا ..اذا صار اي شي ...ما اروم اتحمل المسؤليه ...خلااااص انا تعبت ...على الاقل فبيت عمي بحس بالامان ...طالعت عليا ما تحركت


قلت : علياااااااااااا يلاآآآآآآآآآآآآآآآآآآآآآآآآآآآآآآ


شهقت وركضت غرفتها ...ودعت البيت ركن ركن ..دخلت غرفه امايه وانهرت ...كلامها وياي اخر مره يرن فاذني ...لميت اهم اغراض لنا...ورحت صوب عليا ...لازم اكون قاسيه وياها ...هيه عنيده ...قلت : يلاآآآآ


مسكت ايدي : بتودينا نعيش عند الي ذبح امج يا شمسه


صرخت: انتي شوه ما تحسين حرآآآآآآآآآآآآآآآآآآم عليج ...انا تعبت خلاآآآآآآآآآآآآآآص ...كيف تبينا نعيش بروحنا ...تقربت منها ...انا تعبت فهميني


طالعتني وقالت : هيه انتي بتودريني عند عمي وبتعرسين ....وبتاخذين طااارق وانا ........


ما صرت اهمج ...اهم شي حبيب القلب


ما قدرت امسك عمري...صفعتها كف ...حسيت صدى صوته يتردد فالبيت ،


متى انا فكرت في عمري عشآن تتهمني هالاتهآم


طول عمري وهم اول شي في حيآتي ,


تقربت مني ويها صار احمر ...شهقت ...شو سويت انا ...قالت بصوت يرتجف : سواها قبل عمج ...خطفت من جدامي ...غطيت على ويهي ..هل الي اسويه صح...والا ..لا, ما صرت افرق بين الصح والغلط ...!!


طلعت بسرعه ...ابا الحقها وقفت عند باب البيت لفحني الهوا البارد ..جفتها واقفه ...وعمي يتريانا فالسياره ..اول ما جافتني فتحت الباب الوراني وركبت وعيونها كلها دموع ...التف جفت طارق ...نزلت راسي ...وركبت عدال عمي ...ما قدرت اوقف دموعي ...شو بيصير فحياتنا شوه ...؟؟





نهآية البارت ,!

 
 

 

عرض البوم صور وجه النهار   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ولِ القلوبِ معـاركْ ..!, وجه النهار
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 09:32 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية