البارت العاشر
طآلعت امآيه بِ صدمه ,
قلت : ليش مرخصتني لِ هدرجـه ابا افهم , لييييييييييش ..!
قالت : فديتج طيف والله اني كل الي اسويه عشانج ,
قمت بحاله صدمه : مروآآآآآآآآآآآآآآآآآن هالياااااااااااااااااااهل ,,
سكرت باب الغرفه وطلعت اركض لِ غرفتي , هآدف وابويه يطآلعوني ،
لحقني هادف بس سكرت الباب
فريت عمري على السرير اصيييييييح , انا اقل من البنات بِ شوه بالضبط ,
حرآم والله حرااام , مسحت دموعي وانا اسمع جدال حاد بين امايه وهآدف ,
ابويه ملتزم الصمت
هـآدف : امايه حرام الي تسونه في طيف , لهنييه وبس
قالت : انت ما تعرف شي , اسكت ,
قال : بس
قآطعته : هذا احسن حل ,,,
انفتح الباب, حسيت فيها قربي , : تعالي
فريت عمري في حضنها , وهي تمسح على شعري , قالت : باجر اول يوم في الفصل الثاني , نسبتج في اول فصل كآنت وآيد منخفضه , اباج تشدين حيلج ,
لا تفكرين في شي , بس في الدراسه , فآهمه ,, انا امج واعرف مصلحتج ..!
تنهدت , كنت ابا انام من التعب , مابا شي بس ابا انآم , قلت : امايه , وعيني الصبح , بداوم ..!
تسكر الباب , رفعت تلفوني وفتحت القائمه , قائمه الاسماء , وقفت عند اسم عبدالله
مسح , خلاص بمسسسسسسحـه ما يستآهل يكون في حياتي ،،
عليا
دخلت غرفتي ..خليت جدامي ورقـه . .. كتبت فيهآ اسماء العايله كلها.. وكـل واحد بقضي عليـه بطريقتي .. من عبدالله .. مكمن اسرار العاآيـله .. والدليل اليوم شفته ويا هذي ندى فالليل فالحديقه يتكلمون .. ويقولها سوي ولا تسوين .. يعني هو يعرف بسآلفه آحمد وخلى عمره ما يعرف .. ههههههههههه .. هذا اول شي .. بخلي علاقه آحمد وعبدالله تدمر .. وآحمد يشك بعبدالله .. مروان.. بيتزوج طيف.. وبعدهآ انا الي بخرب لهم حيآتهم .. وكآيد لازم اعرف سره .. معقوله ولا مره كلم امه او اهلـه.. السر عند عبدالله .. وعبدالله كيف ايب راسـه .. كيف .. ابتسمت بخبث . . نظرات اعجاب عبدالله,, ما انساها .. من هاللباب بدخـل عليـه .. وبخليه يخبرني اسراره.. وبعدها كل شي عند امـه .. بدمر هالبيت كامل مثل ما دمروا بيتنا . امايه .. بنتقم من عمي وبخليه يشوف عياله يتعذبون وما يعرف شوي سوي فيهم .. ما اكون عليآ اذا ما سويت هالشـي .. وآخيراً روضـه الي بدبر لها فضيحـه.. مثل ما تكلم ابوها فسمعتنا بخلي الناس كلها تتكلم عنهآآ ,, رحت لسريري وغفيت وانا اخطط ..
كآيد
" قالت لي وهي تصيييييح : انا ما اقدر أعيش في هالبيت اكثر يا كآيد , خلنا نطلع
رديت بعنف : انا مستحيل اودر بيت امايه , انا بكرها ,
وللحين ما تزوج ولا وآحد من اخوآني , ونحن ما كملنا فتره طويله تبين الناس ترمس وتقول منى خذته من بيت اهله والخ , انتي تعرفيييييييين كلام الناس
صرخت : بس انا تعبت , امك ما اطيقني, تفر علي رمسه , ليييييييييييته بيني وبينها , لا الا جدآم الحرييييييييييييييم , مافي شي ما رمست عنه , تحسسني اني ما اعرف الاصول , انا بنت نآس واعرف الاصول زيييين يا كآيد
رحت صوبها ومسكتها من ايدها قربتها مني : حياتي , سكري على الموضوع , هالشي ما بيصير ,,,! "
ماا كنت اتوقع انها متأذيه وآيد من امـآيه , يومها طلعت اصلي الجمعه في المسيد , واول ما رجعت , شفت الدخآن يطلع من نوآفذ قسمي , ركضت وانا اتذكر الدخون ,,
أكيد البخور السسسسسسبب , مع وقفتي جدآم القسسسم شفت عبدالله ينزل يركض وهو يتكلم في التلفون , شكله يطلب المطآفي
كسرت الباااااااااااب وانا اصارخ : منـــــــــــــــــــــى ,, منــــــــــــــــــــى ..!
ما شفتها , ولا ياني صوتها , هالشي بيخليني اتخبل انا اعرف انها ما تطلع من القسسم في الفتره الاخيره لانها منزعجه من امايه
كنت بدخل بس مسكني عبدالله : اصببببببببببببر لا ادش انت تخبللللللللللللت ,,!!!!!
دزيته ودشيييييييت , بس الرؤيا كآنت معدومـه ,
أحترق القسسسسسسسسم , ومنى دآخل , احس النار تحرق جسدي انا , هب هيي
مسكت راسي هب مصدق , بصيص امل , طلعوها , كآنت حالتها صعبببببببه ,
بس ما كلمت يومين في العنايه الا وهي رآحله عن الحياه ,,!
أخر نقاش بيني وبينها يرن في بالي , لو طلعتها , لو ارضيتها , لو قلت لها انا بسوي الي تبييينه , منى هب ضعيفه , انا متآكد انها كآنت تقدر تطلع , بس ليش ما طلعت , ليييييييييييييييش ؟؟!!!
من يومها القسسم مسكر , بس كل ما اشوفه اتذكر اليوم الكئيبب , بعدها ادمنت ,
حسيت اني شرات امايه , ما يهمني الا عمري , عآيش ومرتآح , ومنى كآنت تشكي لي كل يوم , وانا اطنش ..!!
سحبت البطآنيه واستغفرت ابا انآم , بس وقققف من التفكير يا كآيد , بآجر لازم اوعى من الصببببببببح مافيني على تهزيء دكتوره عذاري
منى قربي .. اطالعني .. ويها كله دم ركضت صوبهآ قلت لها : شو فيج ؟؟
قالت : مثل ما ذبحتني بذبحك .. بعذبك
مسكتني من ايدي بقو .. ما قدرت اسحب ايدي منهآ ,, تلطخت ملابسي كلها دم.. الخوف والرعب سيطر عليـه.. سحبتني لمكان منخفض .. سواد .. كانت تسحبني بس انا متعلق بشي واشوفها وهيه تضحك بشر .... بس فجاءه حسيت
اني بطيح .. قمت وصرخت بصوت عالـي .. تميت اشآهـق بقو .. جسمي كله عرق، فريت البطآنيه وفتحت باب الغرفه وانا اتنفس بصعوبه , ركضت لِ مكتب عذراي
فجيت الباب , طآلعتني قلت لها :ابا اتكلم ,
ابتسمت وقالت : تفضل ..!!
.
.
ندى
فتحت عيني على صوت الباب الي يندق .. أحمد نومه ثقيل , لفيت الروب على جسمي , وفجيت الباب , انصدمت وانا اشوف امه ,
ابتسمت قلت : صبآح الخير
طآلعتني بنظره حآده وقالت : كيف قنعتيه يتزوج ..!
طآلعتها بنرفزه , : هو يباني , انا ما قنعت حد
قالت : وآضح والدليل انه خذاج بالسر , لو يباج يا ماما , جآن قنع الكل عشآنج ,
بس يلا شو نقول , خلاص طآح الفاس بالراس ,,,
حسيت اني ولاشي , ليش ترمسني جييه , تجمعت الدموع في عيني
قالت : في هالبيت , كلمتي انا الي تمشـي , ولزي ابا اشوف احمد
قلت لها : نآيم
بس ما ترييتني اكمل كلامي , دشيت وفتحت باب الغرفه الرئيسي , لحقتها وانا اسكر باب الصاله الي تآبعه للغرفه , دشيت بسرعه ,, وشهقت وانا اشوف احمد ملابسه كلها ماي ..!!
آحمد
فتحت عيني على ماي بارد ينجب على راسـي .. شهقت ورفعت راسي شفت امآيـه
قالت : دوآآآآآآآآآم
رفعت تلفوني وشفت الساعه صارخت : السآعه 5 الفير
قالت : لازم تكون ويا ابوك
قلت بعصبيـه : ابويه يداوم الساعه 7
قالت : بس موظف الشحن يداوم قبل
انا .. انا بداوم بقسم الشحن .. ومكتبي الي تركض فيه الخيول
طالعتني امايه .. وقالت : من 5 الصبح ل 5 العصـر
شهقت .. بموووت .. كل هالمده .. وبكرف . .. لا ما اقدر .. مآ آقـد .. سمعت ضربه الباب .. طلعت لازم اثبت لها اني تغيـرت .. مجبور .. سبحت ولبست لبس خفيف .. شكلي بكرف لحد ما تظهر ريحتي .. هههههههههههههه .. كنت مضآيـج .. طلعت بسـرعـه .. وتريقت .. دورت سويج سيارتي ما حصلته .. التفت على الوالده وهيه تفر عليـه مفتا ح وقالت : هذي سياره ابوك قبل 5 سنوات .. طلعها من الكراج واستخدمها وراتبك شرات راتب العمآل الي هنآك .. سآآآمع .. ومصاريف حرمتك منهن
حسيت اني حشـره ولا شي .. ليش جيه وانا آحمد اركب هالسياره الخربـه.. ليش ؟؟!!!!!
مروان
من آمـس ما نمت .. افكر .. طلعت من غرفتي .. وشفت ندى .. هذي زوجـه آحمد .. صرآحه لبسها فاصخ على الاآخر .. ابتسمت لي . شكلها حبوبـه .. وصرآحه جميـله وآيـد بعد .. كانت لابسه بنطلون ماسك على الجسم لونه رصآصي .. وقميص نص كم وردي .. قالت : صبآح الخيـر
ابتسمت.. قلت : صبآح النور .. ننزل نتريق ؟؟
قالت : استحي
طالعته مستغرب .. هالبنت معقوله جيـه .. تستحي .. قلت : تعالي وخلي عنج المستحى
التفت على صوت روضـه .. وهيه تقول : ندى عسى ارتحتي امس ؟؟
هزت راسها .. كانت كاشفه شعرها .. شرات ميريم فآرس هع هع ..
نزلت والكل اجتمع .. عبدالله وبنات عمي .. شمسه وعليآ ... وروضـه وندى .. بيتنا صار فندق .. هههههههههههههه .
عبدالله : عيل وين آحمد ؟؟!
بسرعه رفعت راسها ندى .. شكله قاص عليها بقو بعد .. هههههههههه ..
ابويه : مداوم فالشركه
شرقت بالاكـل .. آحمد راعي كشخات يداوم .. لا مستحيـل ..
امايه : من خمس الصبح ل خمس لعصـر
شفت ابتسامه على ويه عبدالله .. هههههههههه ..
ندى : بس حراام ..
وسكتت بسب نظره امآيـه .. ندى تحاتيه شكلها.. طالعتها وقلت فخاطري شكلج انتـي المسكينـه !!
طلعت غرفتي .. فتحت االلاب .. على المنتـدى وصلتني رساله خآصـه ..
غرشوبـه (( المروان..غايب .. وينك المنتدى ما يسوى بلاك ؟!))
سجلت خروج من غير لا ارد عليهآ .. هالبنات محد يعطيهن سآلفـه .. انسدحت على كرفايتي.. طيف تحب عبدالله وعمرها ما فكرت فيني .. عمرها ما نادتني الا باليآآهـل .. معقوله توافق وما ترفـض ..
لبست بسرعه , اليوم بدايه الفصل الثآني , بشوفها , مدرستها مجآبله مدرستي , كل يوم الصبح اشوفها وهي نآزله مع السايقه ,,
ابتسمت بِ حزن , بس هي ولا مره التفت اطالعني , الا اذا عبدالله هو الي موصلني ,
.
.
.
نزلت وانا مستعيل , لا يكون وصلت وانا ما شفتها ,
لحظآت وشفت السايقه تساعدها وتنزل لها الشنطـه , أكيد تعبآنه ,,, انا اعرف , طيف ما تحب حد يشل لها شي , تخدم نفسها بنفسها , طالعتها , ويها شاحب ,
معقوله لِ هدرجـه رافضتني ..!
دخلت بسرعه المدرسه , الشباب تيمعوا علي ,,
: مروآن مبروووك , ما شاء الله الاول على الدوله , في امتحانات نص الفصل , يا اخي انت صدق عبقري
تجآهلت وايد هالتعليقات انعزلت في الكلاس وهذا هب طبعي ,,, طول اليوم افكر ,, كيف بتكون حياتنا ..!!
آحمد
انصدمت من المكتب الزبالـه الي لي انا ..آحمد الـ,,
طالعت لموظف بحتقآر : انته اكيد تمزح .. مستحيل هذا مكتبي ؟؟
قال وهو يطالعني بقوه عين بعد : هذا الي امر فيه طويـل العمر ..
وقلت : وانته تعرف اني انا ولد طويل العمر
قال : انا عبدالمآمور.. وهذي الملفات لشحنات الي لازم توصل اليوم .. لازم تشيك على كل شي . .وتعد كل كرتون ..وترآقب العمآل الي بينقلون البضآعه من اشاحنات للمخزن وتحسبهن .. واي شي ينفقد انته تغرمـه ..
طالعته بعصبيـه وقال: والحين بيوصـل الاستاذ بدر وهو المسؤل عنك ؟؟
قلت له وانا سافه الكلام اليي يقوله : ما عندكم هندي ايب لنا شآي ؟
طالعني وقال : هيه فيه
قلت بتكبر : روح قوله ايب لي
قال : عفوا بس هذي هب شغلتي ..
فر عليـه كشف وقال : اي غلط بسيط له عواقب يا ولد طـويل العمـر
طلع .. هذا كيف يتجرء يكلمني جيـه ابا افهم .. مسكت الكشف ... ناديت واحد من الهنود وقلت له : روح سجل كل شي زين واخر شي انا بعطيك فلوس
طالعني وهز راسـه وركض برع .. رفعت ريلي على الطاوله .. شو هالوصخ .. المكان كله ترآآب .. شفت وآحد مار وهو شال صينيه فيها كوبات شآي صارخت عليه : ايه انته ؟؟
قال : نعم ارباب
قلت : هات لي شآآي ويا حمار امسح الطآولـه
طالعني .. صارخت : انته ما تفهم .. رووووح كمل شغلك
يلس يرتجف وبعدهآ ركض من جدامـي .. صدق حمآر .. مسكت االزقاير شغلتها وبدت اعصابي تهدا ما حسيت الا بحد يسحب الزقآره ويقول : ممنوع التدخيـن والا ما تشوف التنبيهات
وقفت وطالعته : انته تعرف تكلم منوه ؟
قال : هيه اعرف.. آحمد .. صح ؟
قلت بكل غرور : هيـه ..
قال : التدخين ممنوع ..
فر الزقاره ودعسها بريله .. : انا بدر مديرك .. ويلا اشوف خذ الكشف من عند خان وابد شغلك ..
ضحكت ويلست مكآنـي .. قال : على كيفك .. تقرب مني وقال
: ترا انا نذل وطويل العمر يبا تقرير كل يوم عنك .. يعني مصيرك بايدي انآآ سآآمـع .. اذا ما شفتك تشتغل شرات هالهنود الي برع .. بخبر عليك الوالد وهو بيتصرف ويآآك
خفت .. امايه بتفرني برع البيت .. قمت وانا حدي معصب .. لبست نظارتي وزقرت على خآن وبديت اكتب فالاوراق وهو بس يراقبني .. خاطري اخنقـه ..
عبدالله
اول ما قمت من على الريوق .. رن تلفوني .. ندى شو تبا .. قلت لها طلعي صوب المسبح .. يت صوبي وهيه مضايجه .. قالت وعيونها مليانه دموع : انتوا تبون تذبحون آحمد .. حرآآم الي يصير فيه .. آحمد ما يقدر على التعب .. حرآآآم
والله لو كنت اقدر صفعتها كف .. رصيت على اسناني وصرخت من الغيض : انتـــي غبيــه !!!!!
صآحت .. تلومت .. قلت : يا الغبيه.. ما بيلقى وقت لخرابيطه اذا اشتغل .. احسن شي سوته امايه انها خلته يكرف .. فكري بعقلج وخلي عنج عواطفج
الي وصلتج لهالحال طالعتني .. قلت : اول ما يرجع اليوم بيكون متوقع منج هالموقف .. اطب طبين عليه وتقولين له ماعليه ..لاتضايج بس انتي سوي العكس
طالعتني وفجت عيونها الوساع بغباء .. قلت : ندى فاهمه علي ؟؟!!
هزت راسهآ ودرتني وراحت .. لفيت للمسبح .. اشعه الشمس المنعكسه تخليني اباا اسبح .. تغريني .. حسيت بحركه ورايه .. شفت عليا .. ما ادري ليش هالمشآعر كـل ما اشوفها .. احس دقات قلبي توصل المليـون .. ابتسمت وقالت : عبدالله
اسمي بصوتها غير .. الظاهر اني طحت ومحد سمى عليـ .. لبيـه .. : خير عليا
قالت وهي اطالعني : آنآ آسـفه
حسيت اني يا فقدت السمع يا اهلوس .. عليا الحاده بطبعها اتي تقولي اسفه,, رحت صوبها .. ما صار شي يفصل بينا .. اشعه الشمس بينت لي صفاء بشرتها كنت مركز فادق التفاصيل .. قلت : على شوه ؟
قالت : لاني كنت اعاملك بقسوه .. اكتشفت يوم مرضت ان قلبك طيـب ..
طالعتها .. هالبنت شو بلاها . كيف تتغير جيه وبسـرعه .. قالت : عبدالله ليش اطالعني جيـه .. انته ما مصدقني .. ؟؟
تقربت منها اكثر : مصدقنج ..
ابتسمت : انزين اثبت لي انك هب زعلان
طالعتها وقلت : كيـف ؟؟
قالت : ايلس اشرب وياي عصير جدام المسبح ونسولف .. انزين ؟؟
ضحكت : هاتي العصيـر .. بس لا تيبن لج عصير فيه نسبه عاليه من الحمضيات .. لا تتعبين ..
قالت وهيه تتقرب مني : تخاف عليه ؟
صوتها فجر مشآعري .. خلاني ارتبك .. حاولت اضبط اعصآبـي.. قلت : اكيد .. هب انا ولد عمـج ؟؟
ودرتني وراحت تنفست الصعداء بلاك عبدالله لازم تسيطر على عمـرك .. لازم
عليآ
دخلت المطبـخ .. بطيح فايدي يا عبدالله .. تتحسبني ما لاحظت ارتبكاك .. خذت لنا عصيـر .. شفته يتامل المسبح .. رحت صوبه وانا خاطري اخلي له سم فالعصيـر .. واحرق قلب امه وابوه عليه مثل ما حرقوا قلبـي .. اباه يهذي باسمـي .. عطيته الكوب .. طالعني وشكرني بنظراته .. بدا يشرب .. يلست مركزه فالمسبـح وخطرت في بالي فكـره وقفت جدامه بحيث اني اكون عاطيه ظهري للمسبح .. قلت : عبدالله انته شو رتبتك ؟؟
قال : ضابط
طالعته وابتسمت .. رجعت بخطواتي على ورى وسمعت صرخته وهو يقول : عليآآآآآ
ما حسيت الا وانا فالمسبـح ارتعشت من الخآطر ولعنت عمري بديت اصآرخ بخوف .. ما حسيتا لا وانا في حضن عبدالله .. لحضتها قلت لازم اكمل المسرحيـه .. دفنت راسي بين ايديـه وهو يهديني ..
عبدالله
انصدمت يوم طاحت فالمسبـح .. صرخت وعفدت.. مسكت فيني بقو.. يلست اطالعها وهيه ترتجف .. ما كنت ابا الموقف ينتهي .. بس تعوذت من ابليس وطلعتها من المسبح .. بس هيه تمت ماسكه فيني .. لهدرجـه خوافـه .. كانت تشآهق وتصيـح .. شليتها لغرفتها وهيه متعلقه فيني .. ضحكت .. حسيت بفرحـه .. هالبنت ما بتكون لحد غيـري .. شهقت شمسه ويت تربـع
: شو فيهآآآآآآآ ؟؟!
قلت : ماشي بس انزلقت فالمسبح ..
خليتها على السرير وهربت من نظراتهـآ وصوتهاوهيه تستنجد فيي .. دخلت غرفتـي .. فريت عمري على السرير وبعدها ملابس مبلله بالماي .. ابتسمت من الخآطر,, بس قلبي عورني عليها
شمسه
تقربت منها بخوف بعد ما طلع عبدالله : عليوه انتي بخيـر ؟؟
قامت وكان شي ما صآآر .. وصرخت فيني : انتي تسكتين فآآهمه ..
طالعتها بعتب .. طلعت من الغرفه .. رحت صوب الحديقه ...
ما بقى شي عن السفر ,,
رن تلفوني وكآن جآبر ,
رديت : الو
قال : تجهزتي , ما بقى شي ..!
قلت : لا ,
عصب : شو لا .. انا بمر عليج وبنطلع السووووووق ..!
قلت برتبآك : لاما بخذ راحتي , بروح ويا روضه , بليز خلني على راحتي
قال : اوكييه , بشتآق لج , لِ اليوم الي بنكون فيه مع بعض .
سكر بسرعه , ضحكت بِ استهزاء , انا قررت اعطييه حقوقه , بس مشآعري لا ,
انا ما احبه ولا في يوم من الايام بحبه , بس انا اعرف ربي وأخآفه ,,
يارب سآعدني ,,
عليا لازم تتعود على غيابي , ويمكن زعلنا من بعض , بيسآعدها انها تنسآني ,,
طلعت لِ الطآبق الثاني وانا افكر ,
وقفت جدآم غرفه عبدالله , دقيت الباب , اول ما شافني ابتسم : عليا فيها شي ..!
قلت : آمممـ ممكن نتكلم ..!
قال : أكيد
يلسنا في الصاله , طآلعني وقال : آمري يا شمسه
قلت : عليا , ابا اوصيك عليها , انا بروح خلاص , اهتم فيها ,
ابتسم وحسيت انه مبسووط من توصيتي له
قال : وليش اخترتيني انا ..!
قلت : لانك أحن قلب عليها هنيييه , عليآ طيبه , بس صدمه وفاه امايه مأثره عليها ,
قال : لا توصيين وسمعي , اذا احتيتي اي شي , كلميني , انتي شرات روووضه بالنسبه لي , تآكدي ان وراج ريال ,, بيدآفع عنج في اي وقت
طآلعته وابتسمت ..!
روضـه
خليت على القناه الي قالها عنها فيصـل ويلست اتريآآ .. بدت الامسيه انتفض قلبي يوم شفت فيصل كآآآشخ من الخآآطر .. ابتسمت .. كنت قافله باب الغرفه ما فيني على صدعه اخوانـي ..اول ما تكلم فيصـل .. قال : اول قصيده اهداء لحبيـه فيصـل ..,.,
شهقت : هذا اكيد تخبـل .. ..
خليت ايدي على قلبي تهدى دقآآتـه .. بس وصفه لي .. خلاني احس اني ملكـه .. اميـره .. بس انحرجت واآآيــد من بعض الاشياء لانه كان واااايد جريئ .. معقوله كلامه صـح .. معقوله يحبني .. بس لليش حبني .. ليش انآآ .. سكت .. كملت الامسيـه واول ما ظهر من الحفله انتبهت على التلفون الي يرن واسمه على الشآشـه .. استحيت وااايد عقب هالكلام الي قآله كيف ارد عليـه .. كيف ..ماادري من وين يبت الجرئـه ورديت .. يمكن لاني متعطشـه لاهتمام اي شخص فيني .. وفيصل غمرني باهتمامه.. رديت : الو
قال بعذوبـه .. : آسف وصفي ما يظاهيج .. . الوصف ما يعطيج حقج
ذبت مكاني .. قلت : فيصـل انته تلعب بعواطفي بكلامك
قال : وانتي لعبتي بقلبي
قلت ابا اهـرب : فيصل انا ما اقدر على هالكلآآم ....
قال : روضـه انا الحين رايح صوب البيت .. اباااشوف رغد قبل لا تنآآم ’,
قلت : اوكيـه
قال : تصبحين على خيـر ,.
سكرت التلفون ,, شو يآآج .,. ليش تنسين الكلام يوم تكلمينه .. ليش,, طلعت من غرفتي..رحت صوب غرفه ندى .. دقيت الباب .. فتحته وعلى ويها ابتسآمه ياربي قمر شويه عليهآآ : مسآء الخيـر
قالت : هلا روضـه تفضلي
دخلت وياها .. يلست تسولف لي عن آحمد وكيف تعرفوا على بـعض .. ما كنت اتوقع اخوي رومنسـي.. بس هيه وااايد حزينه شكلها تعرف بمصآيبـه ..
قلت : وينه الحين؟؟
ارتبكت : بعده فالشغل .. اكيد احين بيرجـع البيت ...
ابتسمت لها .., وبعدها استآذنت ورجعت غرفتـي .!
ندى
ملل ... طلعت من الغرفه من فتره ما شفت لامارا .. اول ما ظهرت شفته .. دق قلبي بقو .. طالع للغرفه .. كان معصب وآآآآآآآآآيـــــــــد
بس يوم شآفني اشاح بويهه عني .. شكله تعبان فديت قلبـه ..
قلت : قلبي تبا غدى شكلك تعبان ,,
قال : لا مابا منج شي , يكفيني الي انا فيه
ودرني ورآح وانا وآقفه مصدومه ..تجمعت الدموع في عيني , انا مستحيل انفذ رمسه عبدالله , مستحيل ما يهون علي احمد لو يسوي فيني البلاوي
طلعت يلست فالصآلـه .. لقيت مروان الي كان يتآبـع التلفزيون .. يلست عدالـه .. قلت: شو فيك ؟؟
طالعني ابتسم .. قال : تصدقين ملجتي وراى بآآجـر
ابتسمت وقلت : اكيـد تحبها ؟؟
ضحك وقال : شو الفايـده اذا هيـه تحـب غيـري ..
استغربت ..كنت بسآله بس شفت ملامح ويه .. وخلاني اسكت .. نزلت بنت فيها شبه من شمسـه .. اكيد عليآ اختها .. ضحكت لي .. شكلها طيوبـه يت صـوبـي .. قالت : ليش يالسه هنيه وريلج فوق.. غمزت .. سمعته يرمسـج .. ويقول كلام .. طلعي له احسـن
ابتسمت بتوتر وانا اموت اكيد يكلم وحده من ربيعآتـه .. ليش يا آحمد .. ليش .. شليت بعمري وقمت طلعت لغرفتي .. وحبست عمري فيهآآآ
كآيد
قلت لها كل شي ,
شو السبب ما اعرف , بس كنت محتاي ارمس ,
.
.
قالت : بس هذا يومها !!
صآرخت : لاااااااااا .. انا الي ذبحتهاا انا السبب
قالت : كايد .. اقتنع ولا تعذب عمرك .. منى ماتت لان هذا يومها .. يعني حتى لو طلعت وياك كانت ماتت .. ماتت
ما قدرت استحمـل هالفكره .. ما حسيت بعمري الا وانا اضرب الدكتوره كف على ويها .. بس الكف كان لي انا بكلامها.. لانه الحقيقـه .. صفعتني بالحقيقه المؤلمه .. منى خلاص انتهت .. راحت ولازم اتقبل هالشي هذا قدرهآ .. فتحت عيني وانا اطالع الدكتوره.. انحرجت من فعلتي ..ما ادري كيف يبت الجرئـه مسكت ايدها : عورتج
سحبت ايدها : لا .. انا بخيـر .. اهم شي انك تكلمت يا العنيـــــــد
طلعت ودرتني .. ابتسمت .. وانفجرت بنوبه ضحك .. ما قدرت اسكت.. انا لازم اعتذر منهآ .. لازم .. طحت على السرير اباا ارتاح وانآآم
عذاري
وقفت جدام المرايآآ ,, ايده قويه الله يغربل ابليسـه حسيت فكي انكسـر .. كنت متآكده انه بيخبرني اليوم بكل شي .. تعرفون ليش .. لاني لما سآلته عن الجرح الي فويهه .. عقله الباطن ما صاآر يفكر الا بمني .. ومن الضغط وكثره الهلوسـه والتفكيـر . شافها فالحلم . كنت اترقب هالشي بس ما توقعته يضربني .. بشرتي تحسست .. وعلم الكف فويهي .. يالله اهم شي اشوف مرضاي بخييـر .. سمعت الباب يندق .. هذا اكيد دكتور محمد . .ياي يراضيني بعد خلافي وياه اليوم الصبح .. قلت : اآدخـل
قال : زعلانـه ؟!
ابتسمت .. قلت : لا ليش ازعـل .. هذا عمل !!
قال : خلاص انا بسمح بخروجهم للعشا وياج بس وياكم حراسـه وبحجز لكم المطعم كامل .. زين ؟؟!!
ابتسمت وقلت : مشكور بس الحجز على حسآبـي ..
طالعني .. اقترب مني وقال : شو فيـه خدج .. ؟؟!!
ارتبكت .: ما شي
قال : ليمتى بنظل جيـه يا عذاري ؟!
قلت : شو تقصـد ؟؟
قال : تبين الصدق انتي يبالج دكتور يساعدج ..ما تتقبلين اي حد يتقرب منج , عازله بعمرج عن الكل الظآهر صآدفتج مشكله او متعقده من شي
الصفعه الي عطاني اياها كايد .. هب قويه.. لان كلام دكتور محمد كان صفعه اقوى .. قلت : لو سمحت دكتور محمد هذي اشياء شخصـيه وما يخصك فيها ..
طلع .. تركني .. وقفت ومسحت دموعي خذت شنطتي ورحت البيت وانا منهآره .. من الي صار لِ لطيفه وانا ارفض اي شاب يحآول يتقرب مني ,
معاناه لطيفه كلها شهدتها , وهالشي رآسخ في بالي ,..!
لطيفه ,
سمعت صوت الجرس , غريبه , شفت من العين السحريه , والصدمه
الي جدآم الباب " العنووووووووود "
كيف تجرءت , فجيت الباب بغضب وقلت : خير !
شالت نظآرتها الشمسيه , طآلعتني من فوق لِ تحت وقالت : خلينا نتكلم ,,
آنتابني فضول , قلت : تفضلي
دشت , كآنت اطالع البيت ,
طآلعتني وقالت : يمكن خذتيه مني , بس صدقيني لِ فتره هب اكثر , منصور ما يستغني عني ...!
انحرقت اعصابي , قلت : وآصل خذيه ماباه ..
كلمتي هـآي كآنت صدمه , صدمه لِ منصور الي فج الباب على هالحوار , طآلعني
وقفت العنود وهي تبتسم , وقفت بِ ارتباك
قالت : هي ما تباك , ما ادري ليش ذال عمرك عليها ..!
خفت , خفت من رده فعل منصور , الكلمه قويه , وفي حقه جدآم طليقته ,
طالعته برتباك قال : العنود , ما اعتقد سمحت لج اطبين بيتي ,
فتح الباب وقال : تفضلي
طآلعته بغضب وهي تشل شنطتها وقالت : بتتتتتتتتتتتتندم ,
تسكر الباب وعم الهدوء في المكآن , طآلعته بس هو ما طآلعني ابداً , دش غرفته وما سمعت الا صوت الباب الي انغلق بكل هدوء ,
رحت صوب الغرفه , وقفت جدآم الباب بتردد , اعتذر , والا لا ..!!
شو بيسوي ، شو بيقول ,,
أنفتح الباب وقف يطآلعني : خير لطيفه في شي ؟؟!
قلت : لا
وكنت بروح , بس رديت وقلت : منصور ,, انا اسفه
سكرت باب غرفتي بسرعه من غير لا انتظر رده ... نزلت نظري لِ اسفل الباب وشفت ظله ,, وآقف جدآم باب غرفتي , ياااربي , بشو يفكر
قال من ورى الباب وبصوت خفيف : والله لو اني ما احبج ,ما سكت على رمستج ,بس والله ما تهونين علي يا ام عبدالله
تسكر باب غرفته , حسيت بِ شعور غريب , وصوت العنود وهو يرن في راسي ...
أكيد تبا تسترده , وانا ما عاطيه منصور ويه , أكيد بيحن لِ زوجته , , لازم اكون اعقل من جييه وما اخرب بيتي بِ ايدي ,,, صوت عبود وياه يلعب ,
طلعت بسرعه , فجيت باب غرفته التفتو هم الاثنين ,
قلت : عبود تعال لازم تنآم
قال : بث انا ابا بابا . تعالي ماما نآمي هنيه
اشر على الطرف الثآني من سرير ابوه , ارتبكت ,, وكنت بظهر , بس صوت منصور وهو يقول : تعالي , سمعي رمسه عبود ..!
وقفت مكآني , حسيت بِ ايده وهو يمسكني ويقول : بآجر بنروح نسجل عبود في الروضه ,, ما تشوفينه مبسووط ..!
ابتسمت , طآلعت عبود الي يطآلعنا وهو يضحك , : ماما ابا كآفي
ضحكت , ما يفكر الا بالشوكولاته , نسيت نفسي , وقعدت اسولف ويا منصور وعبود , ما ادري شو الي خلى نفسيتي تتقبل هالشي , ممكن الشعور بِ الخطر الي يهدد عايلتي الصغيره ,,
سرحت وما رجعت الا على صوت منصور : عبود نآم , بوصله سريره ,
طلع ورد , قمت وقلت : انا بعد ......!
قآطعني وقال: خلج عاد ,,, !
وقبل لا اقبل او ارفض سحبني لِ حضنه وقال : مشتآق لج لطيييييييييييييفه وربي مشتآق لج ,,!
.
.
.
في الطآيره
كنت احس ان روحي في البلاد بعدها ويا عليا ,
طآلعت جآبر الي مآسك كتآب ويقرا فيه , التفت لي : ما بقى شي بنوصل , وكل شي مرتبنه , الشقه , وغرفتنا , ان شاء الله تعيبج بس ,
ابتسمت ب هدوء , وحسيت بِ ارتباك وانا اسمع قايد الطايره يقول ان الطآيره بتنزل الحيين وصلنا ,,
المطآر زحمه ’ أحس اني بختنق , غريبه , ما اعرف لغه وايد , ولا متعوده اطلع من البلاد ,,
شد بِ ايده على ايدي , قال : لا تغيبين ما بحصلج ,
مسكي فيني , وابتسم ,
ودرته وقلت : انا ما اخاف ..!
لحظآت وما شفته قربي , تلفت بخوووف , قعدت امشي بسرعه , اتلفت يمين ويسار
لحد ما حسيت فيييه وهو يصارخ : انا شو قلتتتتتتتتتت , مسكي فيني احسن لج
مسكت ايده , وتبعته وانا احس بتعب
قال : خلصنا , يلا الحين بنطلع لِ شقتنا بالتآكسي ,
ابتسمت , ابا انآم صدق خلاص تعبت ,
وقبل لا نطلع من المطآر , التفت صوبي , طآلعني وقربني منه , ارتبكت , حسيت فيه يفج شيلتي , فتحت عيوني على وسعها بصدمه
: هذا مكآنه بس في البلاد ,
وقفت بِحآلة ذهول ..!!!
.
.
.
جوآهر
مسكته من ايده بقو وقلت : وانت صدقت الرمسه الي انقالت فيني !!
طآلعني وقال : لج عين تنآقشيني ..!
صرخت بثقه : انا ما غلطت , غييييييييييث لو غلطت ما برضها لك , بودرك بروحي
بس لا تظلمني , تراك قآعد تظلمني
دزني بشكل خفيف وقال : رمسه امس ما بتتغيرر ..!!
قلت : وانا اقول لا ..!
طآلعني وقال : برآحتتتتتتتتتتتتتتتج
وخطف بكل برود ,
دمعت عيني , شوا سوي , شو الحل , شو الحل ,
قلت : تتزوج شهد , بنت يارتنا حمده
التفت بِ صدمه : شهد الخبله ؟؟!!؟!
قلت : هييييييييييه , انت قلت اختاري , وانا قلت لك انت ظآلمني , ومن حقي الحين اختار الحرمه الي ترتبط فيييهـآ ,
غيث بعصبيه : هذا ظلممممممممممم
قلت : وانت بعد ظآلمني ,, اذا انت وآثق مليون بالميه اني خنتك , تتزوج الي تباها , بس انا اقولك انت ظآلمني , و انا بييب لك بنت تيب لك عيال, اذا العيال مني عار يا ولد خآلتي ..!
طآلعني وقال : حلوه , صح خبله , بس حلووه , وبخذها , وبقهرج يا جوآهر ما اكون انا غييييييييييييث
سكر الباب وطلع اانا شو سووويت , كنت متآكده انه بيرفض , بيآخذ شهههد الخبله , علي انا , يااااااااااااربي , فريت عمري على السرير اصييييييييييح ..!!
نهآيه البارت
نلتقي
09-02-11, 01:40 PM
جديد مواضيع قسم القصص المكتمله من وحي قلم الاعضاء
العرض العادي
