كاتب الموضوع :
الروح الطاهرة
المنتدى :
الارشيف
وردينال
عدلت طرحتي لما سمعت صوت مشاري
مشاري: وصلنا لمخيمنا
نظرت في المخيم" شكله نوعا ما حلو"
إستقبلنا رجال كبير في السن
سلم على عمي مشاري
وبعدها نزلت من السيارة معاي مشاعل
ورحنا لخيمة الحريم
سلمت علي حرمة كبيرة في السن
ورحبت فيني عرفت إنها
" أم العريس"
ترحيبها كبر راسي قدام أهلي ومشاعل
وبعدها جو بنات سلمو ورحبو فيني
حسيت إنهم فرحانين بوجودي
وعرفت هالشي من طريقة كلامهم وترحيبهم
غلا
منال:إتصلت يادكتورة على المريضة تسنيم أكثر من مرة ولا أحد يرد
غلا إن شاء الله خير
كثير حالات تخاف من الخطوة الثانية في العلاج النفسي أكثر من البداية
ويتراجعون خوفاً من نظرته لنفسه أكثر من نظرة الناس
مثل ما الجسد يتعب النفس تتعب
ليه نهمل النفس .؟!
منال: دكتورة في مريضة
إسمها مرام فهد...
غلا: خليها تتفضل
دخلت المكتب بخطوات ثقيلة
وجها أصفر وعيونها ذبلانه من التعب من الهم أو شي أكبر
إبتسمت : تفضلي أختي مرام
نظرت لملامح وجهي المبتسمة ونزلت وجها الارض
وجلست على الكرسي: هلا فيك
غلا: تشربين شيء
مرام: لا
حبيت تكون على راحتها حتى تحس بالراحة وعدم الضغط
غلا: إسمك مرام
هزت براسها: إيه
غلا: عمرك
تنفست بضيق: 23 سنة
غلا: جامعيه
مرام: إيه
غلا: مشكلتك عائليه
نظرت فيني بجمود: ياليت عائلية كان ماجيتك هنا
رجعت نظرها للارض: أنا لقيت الحل الوحيد إني اجيك
يمكن القى أحد من الناس يغفرلي ويقولي الخطأ مو منك
مو من شخصيتك الضعيفة اللي الكل يستغلها
ضحكت بحزن:إنتي ثقب النور اللي لقيته في سواد الدنيا
أثر كلامها فيني :ممكن اعرف مشكلتك.؟
مرام: متأثرة يا دكتورة لا تتأثرين على وحدة حقيرة مثلي
باعت نفسها وأهلها بضعف شخصيتها
غلا:تكلمي من البداية
مرام:أنا من عائلة محافظة عشت حياتي بين أمي وابوي واخواتي
مستورين وحياتنا أي احد يتمناها
غلا:وبعد
مرام: أهلي كان عندهم عيب واحد إني ما احتك بصديقات
كانو يقولون الصديقات مايجي من وراهم عير البلا
والسوء
أبوي دايم يحضرنا ويمنعنا نحتك بأحد خوف علينا
من صديقات السوء
غلا:وبعدين
مرام:دخلت الجامعة وتعرفت على بنت متزوجة
عجبتني شخصيتها القوية عكس شخصيتي الضعيفة
وعجبني كلامها وأسلوبها
دخلت قلبي وتمنيتها اختي
تغير صوتها لبحة البكاء:وياليت ماتمنيتها
غلا: وش صار بعدها
مرام: زرتها في بيتها استقبلتني بحب وبإحضان
قلتها ابي اشوف عيالك
شفتهم وسلمت عليها
وبعدها صرفتهم ودخلتني غرفة الضيوف
وقربت مني اكثر وبدت تتكلم عن مشاعرها لي
وو...
.نزلت راسها
فهمت قصدها: واهلك كيف سمحو لك تزورين صديقه وهم مانعينك من الاصدقاء
اخذت المنديل من شنطتها:لاني قلتهم متزوجة وخلوقة
بصراحة بصعوبة قدرت اقنعهم
غلا: وردت فعلك لما بينت لك مشاعرها
مرام: كنت ضعيفة قدامها
بس قمت من مكاني وصرخت في وجها
واعطتني كف
وصرخت في وجهي وقالت انها
تحبني وبعدها استسلمت لها
سكتتت دقيقتين وكملت: كانت تجي لبيتنا وادخلها غرفتي
غلا: واهلك يسمحون لك تدخلين صديقة لغرفتك
مرام: ماحد كان يدري
غلا: وتجي مع عيالها
مرام: إيه
حطت يدها على وجها: أنا خسرت كل شيء
دكتورة أنا ما انفع اكون أم ما انفع اكون زوجة
أنآ يادكتورة عاقبني ربي
رددت بوجع : ما انفع اكون
"يعني الذبول والملامح مرض بسبب الاتصال الجنسي المحرم"
تغيرت ملامح وجهي من" إنعكاس الفطرة"
مرام: لاتستغربين يادكتورة المرض
اللي أنا فيه يمنعني من الزواج يمنعني اكون أم
عقاب ربك يادكتورة شديد
هي زوجة عندها عيال وزوج وأنا اش استفدت خسرت حياتي
وأهلي
مثل مالاتصال الجنسي المحرم بين الجنسين يسبب أمراض
ايدز و سيلان و امراض ثانية
هالنوع من العلاقات طلعت له أمراض وإنتشرت
منها العقم ويسبب أمراض اخرى
ضررها مثل الايدز
هي تكون متعة لحظة وفي سن معين بس تدمر باقي العمر
" لاحول ولاقوة إلا بالله"
وردينال
طلعت من الخيمة
ومشيت وماحسيت بالوقت ولا خطواتي
ولا عرفت وين أبغى أوصل..!
لقيت نفسي تايهة في البر
ماحسيت بالخوف
ولا حسيت بشيء
يمكن قوة الهروب اللي بداخلي اقوى من الخوف أو اقوى من أي شي احسه
حسيت نفسي مخنوقة من المكان
ومن كل شيء حولي
سحبت طرحتي ورميت جسمي على الارض
غمضت عيوني وانا احس بهدوء المكان وغربته
وبغربتي
نسيت كل شي في المكان نسيت
وردينال والخبث اللي فيها
على أي احد حياته احسن منها
نسيت ندى وغيرتي منها
نسيت مشاعل وكرهي للسعادة اللي احسدها عليها
نسيت اهلي اللي احس انهم اهلي بالاسم
نسيت زيد اللي ربطت نفسي بحياة منهية معاه
فتحت عيوني انظر للقمر بإكتماله
له شكل غير إحساس غير
ما افهمه ولا احس فيه
غموض بس في نفس الوقت وضوح
نوره الساطع بين سواد الليل وغمقة السماء
نفضت التفكير اللي في بالي
بس في هاللحظة ابي أحس إني مو أنا
:قمر يناظر قمر
قمت بسرعة وتوني انتبه إني بعدت كثييييير عن مخيمنا
وإن صوت الذياب تزيد صوت الذيب اللي قدامي يحرقني
حميد: قلت لك ماراح تفلتيييين من يدي
حسيت نفسي اضعف مخلوق مايقدر يدافع على نفسه
مشلول عن كل شي
حتى تفكيره باللي يصير انشل
وردينال: تعرف إنك إنسان واطي وحقير
إبتسم: وإنتي
قرب أكثر مني
وردينال: والله لا اسوي لك فضيحة إبعد عني
سحبني بقوة لحضنه: صرنا لحالنا وبعيد عن عيون الناس
مافي غيري وغيرك
أبي انسى
نسيني كل شيء..!
الصدف تكون وليدة اللحظة
قد تكون صدفة غريبة حددها القدر للقاء لان القدر يكون له قصة
تكون اغرب من الخيال
وصدفة في انفسنا التي تفاجئنا بفعل أشيآء
تكون صدفة لنا.!
جواد
أكره البر بس جيت له حتى ما اكون ضعيف قدام نفسي
نظرت في ظلمة البر
في اسرار مدفونة "هنا"
مثل مايقولون البحر غدار
البر ممكن يقتل من غموضه
على كثر ماهو هادئ على إن الخطر يكون بإي لحظة
ويصير إزعاج لمشاعرنا بس هاديء
سمعت صوت صيااااح
صيااااح مو طبيعي
كل ما اقرب من المكان
يزيد الصوت
ويزيد أكثر
جاء في بالي " جن"
اعوذ بالله من الشيطان الرجيم
قربت من المكان ميزت إن هالصوت
"صياح حرمة"
أسرعت بالسيارة
ضميري اللي دفنته عشر سنوات
بدى يصحى على هالصوت
الجمود اللي إنزرع من عشر شنين
صار مثل الثلج عند لهيب النار
اسرعت بالسيارة
غمضت عيوني وسحبت البندقية ورميت رصاص قريب من المكان
زاد الصياح
هالمرة خوف من شيئين خوف من الرصاص وخوف من شي الله يعلم فيه
نزلت من السيارة والتفت يمين
لقيت وحدة مرمية وصوت صياحها يزيد
ودافنة وجها بالارض وشكلها منهار
ضربت بالرصاص اكثر من مرة
على الرجال اللي اسرع من المكان
لما شافني
جريت وراه ابي امسكه
" الواطي"
بس صوتها وقفني
نظرت للمنظر
صورة خالتي "أحلام" جات في بالي
حسيت كأنها تناديني وتقول تعال
انقذني من عمك " ناصر"
قتلني
قطعني صوت صياحها قربت من عندها :سوى فيك شيء
ردت بصوت مخنوق من بحة البكاء: لآآآ
جات صورة الموقف
وطرته من بالي
هالوقت مايحتاج " اكون فيه ضعيف"
جواد: لاتخافين يابنت الناس انا هنا بحميك
"جواد الذيب يحمي"
"جواد اللي يأكل أي شي ويرميه يحمي"
طردت كل شي من بالي
وصورة خالتي قدامي
شفت رجفت الخوف والشهقات تزيد بين ظلمة الليل
وحدة البر
وغموض الموقف
جواد:إنتي وش جابك هنا
حطت يدها على شعرها المفتوح واللي مساعدها على تغطية وجها
وماقدرت اشوف ملامحها
هالمرة مو ندى اللي فتحت المواجع هالمرة وحدة عابرة
فتحت المواجع
ردت برجفة: أنآ ضآيييعة
غمضت عيوني
أغض البصر
" لاني صرت مثل الواحد اللي ماعنده إحساس
ينهش أي شي قدامه وفجأة صحى الضمير"
وردينال
حسيت النهاية قريبة
مثل أي قصة نهايتها حزينة
سمعت صوته العالي هو يحلف إن مايلمسني ويوصلني لاهلي
وشفت بعيونه الشك اللي بداخل كل رجال لما يشوف بنت
في البر لوحدها
لفيت وجهي ونفضت طرحتي وحطيتها على راسي
سمعت صوت " الغريب": إمشي وراي أنا بردك لاهلك
ومشيت وراء" المجهول"
ولا أدري وش تفاصيل النهاية..؟؟
|
04-10-10, 06:13 PM
انا كل يوم انتظر الاثنين عشان البارت 
جديد مواضيع قسم الارشيف
العرض العادي
