مساء العوده بعد غياب
إن شاء الله آخر الغيبات تذكار

رغد وعمر


يعني بنتظلين عنيده لمتى عادت اول في عبدالعزيز وغصب عنك اخذتيه وهذا معك ولدين ومات الرجال والين الحين مسويه صادمه وما تبين احد يتشمت فيك
طيب تبين ترجعين تعيدين الأول ليش فكري في الموضوع اول انت تشوفين ان هند غلطانه بس كل اللي سوته عمر قائل لها عليه
عمر عارف انك عنيده فحب يختصر الموضوع ويوفر الوقت لا تنكرين انك بحاجة رجال يربي معك عيالك لو كنت تقدرين مأخذتيهم و وديتهم لأهلهم عشان تبيني لهم أنهم مسؤولين عنهم موب انت بس لوحدك

سلطان ومريم
ما أقول الا الله يصبرك على ما ابتلاك الرجال
يحبك ويبي مصلحتك تكافئينه بشرطك
اللي في مثل وضعك تحمد ربها على النعمه اللي هي فيها لاقيه لها زوج يحبها ومتغاضي عن اللي صار معك لانه عارف ان اللي صار معك غصب عنك وراضي بس انت ارضي بالمكتوب وريحي الولد

دانيه وفهد
ذا الدلوعه متى بس تتزوج فهد عشان يصلبها وش ذا الدلع ما أبيه سمعت كلام شين عنه احلفي انت من اول ما حبيته تخافين منه بسبب قوة شخصيته بس هو بيعدل أسلوبك الماصخ بس تبعد عنك رنيم هذا اللي تموت في تراب رجليه
الى الآن ما عرفنا وش اللي ورطه مع ذا العصابه هو عشان يوقع بهم والا هو أصلا معهم

نواف وأماني
ما اعتقد ان أبوك يمشي وراء كلام أمك هو بيشاورك قبل يرد عليهم وانت مواقفه
خلاص ماضي وانتهى ليش موب راضين تنسون

ابو عبدالعزيز وأمه
صدق موقف شوفتهم للعيال قطعت قلبي
ياويل قلبي على ولد مات وما شاف ذريته اللي ينتظرها عمر
ليش خايفين على عيالكم من عمر هذا ولدكم أحسن لكم من الغريب اللي ماتعرفون وش بيسوي فيهم وكيف يتعامل معهم

طلال
انت موب ناوي تتركها الا لين تجيب لها مصيبه وعمر هو اللي بيساعدها وبتعرف قيمة عمر ووجوده في حياتها

تذكار دمتي مبدعه

اعذروني اللي ماقدرت ارد عليهم الاتصال عندي سئ جدا
اتمنى يعجيكم البارت


(الجزء الخامس والعشرون )

عند باب المطبخ ضغطت على ايدينها وهي تحاول تمنع

دموعها اللي نزلت غصب عنها لا يمه تكفين لاتسوين

فيني كذا لاتحرميني منه يمه مو كذا طلعت منها شهقه

سمعت صوت سعد باستغراب وبقوه :اماني

انتفضت وطالعت فيه وهي تشوف بعيونه اتهامات

سحبها من يدها على غرفته طلعت معه الدرج وهي

مرعوبه حاولت تقوي حالها هالوقت عطها فرصه تفكر

وتبني افكارها دخلها الغرفه وبصوت قوي : اماني ليش

تبكين علشان امي رفضت ولا تقولي شي ثاني لاني
شايفك وانتي تناظري دفها بعيد عنه وهو يناظرها بقوه


اماني وهي تمسح دموعها وبصوت حاولت يكون ثابت
:ايه انا ابكي لان امي ماتبيه

فتح عيونه بصدمه بس هي كملت بسرعه :لاتفكر فيني

غلط انت تعرف انه خال بنات عمي دائما يتكلمو عنه

وانه طيب وحنون عليهم حنا البنات مانبي الا الحنون

ماابي اكون نفس ساره اخذ واحد قاسي يشوف المشاعر

ماهي شي مهم يكفي انها تعرف انه يحبها لاتتوقع انو

مااعرف حيات اختي كانت صابره وساكته ومن كلام

ماجد حاسيته هو الرجال اللي تحلم فيه أي بنت ناظرت

بسعد اللي حست ملامحه لانت اول ماجابت طاري

ساره هذا تفكيري يااخوي والرسول قال من ترضون

خلقه ودينه زوجوه رغد كلمتني قبل وانا فكرت كثير

قالت لي كل شي عنه دموعي كانت صدمه برفض امي

وانت عارف انا حساسه ودميعتي على الرف

بصوت مخنوق حاولت يكون طبيعي :بس اذا انتم وامي

ماتبونه اخذت نفس فانا معكم

كان هادي ويفكر اقتنع باسبابها بس عجبته باخر كلمه

قرر يساعدها بدون مايقولها قرب منها وباس راسها

ابتسم لها :الله يوفقك يارب

ابتسمت وداخلها مخنوقه وتحاول تكتم أي دمعه بعيونها


المانيا
بريلن
مستشفى فيفانتس

ناظرت بمجمع المستشفيات بربكه وخوف وهي تقدم

خطوه وترجع وسلطان قدامها بخطوه طول امس وهي

تحاول تتجاهله واليوم حاولت تقوي نفسها تبين له انها

اقوى من أي شي بس اول مانزلو من التاكسي وشافت

المكان حست بالخوف والتردد تبي ترجع تبي امها

وابوها وحياتها الاولى ماعاد ابيك ياسلطان ماابي

اتشافى انا مافيني شي رجعت بسرعه وكانها تهرب منه

ودموعها نزلت تلقائيا بس سلطان حس عليها لف

وشافها تجري لحقها بسرعه وثبتها من خصرها بيدينه

اول ماحست بيدين على خصرها طلعت شهقتها بخوف

حست بالاختناق عرفته من ريحة عطره نفسها تضربه

ترميه تمحيه من حياتها همس لها بهدوء :مريم استهدي

باالله وامشي

سارت ادف يدينه بقوه وبصوت مخنوق :مالك دخل

فيني رجعني السعوديه مو طايقتك لفت عليه وهي

تنفض نفسها منه وبصوت عالي مهزوز وهي ترفع

يدها بوجهه سلطان: ماعاد ابيك انا مافيني شي اتركني

ناظر لها بعصبيه فك يده من خصرها بس مسكها من

زندها وسحبها بدون ولاكلمه خلاص فاض فيه الامر


استسلمت له سارت تجاري خطواته وهي تبكي وتشهق

وكل قوه حاولت انها تبينها طارت
اليوم الثاني
العصر
السعوديه
(بيت ابو ركان )

بعد ماخلصت تلبيسهم سمعت طق عالباب بس ماردت

اكيد هند خليها تعرف غلطها انا مو لعبه عندهم

يزوجوني اللي هم يبون المره هذ لو يذبحون مااخذته

حطت عزام جنب فهد بهدوء بس سمعت صوت جدها

يناديها عن الباب استغربت بالعاده مايطلع الدور الثاني

راحت وفتحت الباب شافته واقف قدامها بعصايته قربت

منه وهي عارفه ايش يبي باست راسه وبهدوء :حياك

جدي تفضل

دخل بهيبه رغم عجزه الانه محتفظ بهيبته اللى زادها

الشعر الابيض جلس على جلسه على جنب كرسين

وطاوله اشر لرغد تجلس قدامه جلست رغد بهدوء

وعيونها على عيالها

ابو سالم بهدوء وبدون أي مقدمات :عمر ولد خالتك

هاله تقدم لك جت بتتكلم مد يده وكانه يمنعها من الكلام

انا ماراح اغصبك بتكلم كلمتين واروح وماراح اخذ

ردك الا يوم ملكة ماجد عالخميس عمر رجال ماعليه

كلام شايل حمل كل شي فكري زين بعيالك محتاجين
رجال يربيهم ويهتم فيهم رجال ماقدرو على مسولية

عيال كيف انتي يابنتي جت بتتكلم بس منعها ماابغى

اسمع منك لاكلمه اهم شئ عيالك محتاجين اب محتاجين

رجال لاتفكري فيهم اللحين كلنا حولهم وهم صغار بس

لاكبرو يعالم من يعيش عمهم فيه الخير والبركه بس

بيتزوج وينشغل بحياته انا ماراح اغصبك بس ابغيك

تفكري زين وتستخيري ولاتحطي براسك انا نغصبك

تاخذي الموضوع عناد انا بعد سالفتك مع عبد العزيز

ماحبيت اجبرك بس اتمنى توافقي

رغد بهدوء وقفت :حضورك ياجدي على عيني وراسي

وخذ ردي من اللحين موموافقه واذا على عيالي ياما

حريم طلعو رجال تهتز لهم المجالس وياما رجال طلعو

رخمه الموضوع مو رجال وحرمه الموضوع طريقة

تربيه وانا مو عاجزه اربيهم

وقف وهز راسه بعجز بس قبل مايطلع لف عليها

:بنتظر ردك الخميس وطلع بدون مايسمع منها كلمه

لفت على عيالها بدون اهتمام لكلامه اخر همها

هاالموضوع


الليل –العزيمه
( بيت ابو عبد العزيز )
غرفة رون

جلست جنبها بهدوء :يابنت ايش فيك من جيتي وانتي

مو على بعضك يعني مو هذا اللي تبغينه جى نواف

وخطبك
موني وهي تحاول تمنع دموعها وبصوت مخنوق :امي

مو راضيه عن الخطبه ابدا

قطعتها رون وهي تقوم :قومي بس انتي تركتيه وهذا

هو جى لك واذا ربي كاتبه لك بتاخذينه غصب عنك

وعن الكل واذا ربي صرفه خيره لك خلينا بس ننزل

غسلي وجهك والحقيني

راحت رون من الغرفه قامت موني غسلت وجهه

وضبطت مكياجها تنهدت بتعب وهي تحاول تقوي حالها

ونزلت لهم

صالة الحريم

جالسه رغد بهدوء ملاحظه نظرات الكل بس ماهمها

بحضنها فهد وعزام مع ام عبد العزيز اللي مستغربه

منه شكل اماني وهي داخله وتحاول تشتت نظرتها اكيد

فيه شي معقوله يرفضو لفت لاام ماجد اللحين عرفت

سر نظرتها القويه معقوله تبي توصلهاانها رافضه خالها

الله يستر

حظ اماني خلاها تجلس جنب حنان تمنت ان حنان

ماتفتح الموضوع وعلشان تلهيها سالتها عن دانيه :كيف

دانيه وجهازها مسويه عروس ماتيجي

حنان بصوت واطي :والله موعارفه شقولك بس مااحد

راح يساعدنا غيرك

موني بخوف :وش فيه

حنان بهمس :مو راضيه تجهز ومااحد يجهز غير انا

وعمتي حاولنا فيه حتى الفستان حق الزواج انا اخترته

موني باستغراب :مستحيل من متى دانيه ترضى بذوق

احد انا لازم اروح لها

حنان براحه :أي والله حاولي فيها عجزنا معها وانتي

شايفه العرس مابقى عليه الا كم اسبوع حتى اليوم

مارضت تيجي مع ان عمتي سمحت لها


المطبخ

ماسكه جوالها بابتسامه فرحه ووجه مشرق وبصوت

كله دلع :مروان حبيبي مابقى شي على زواجنا لازم

ماتشوفني

سمعت صوته وهو منرفز ومقهور :ايش هالخرابيط

يعني في بيتكم ومااشوفك

هدى بخبث ودلع زياده :حبيبي مابقى شي على زوجنا

كلها اسبوعين واشوي والان فيه ناس لازم اروح لهم

باي حبي

قفلت الجوال وهي تضحك ضمته لها بفرحه وابتسامه

حب الله لايحرمني منك

سمعت صرخه نقزتها شافت رون واقفه :لاحبيبتي
اتغزلي اكثر وانا خليني اكرف واقهوي

ضحكة هدى ومرت جنبها طالعه :حبيبتي انا عروس

لازم ادلل

انقهرت رون منهاوبقهر كلمت نفسها : بس من يمسكك

من كشتك قال عروس قال اوف

المانيا
برلين

من اول ماجت من المستشفى وهي تحت الحافها ماتبي

تشوفه

للحظه كانت بتهرب بس كلامه خلها ترجع

اتذكرت كلامه وهو يتريق عليها وقتها صممت انها

تكمل للدكتوره وتتعالج وتوريه انها اقوى منه

غمضت عيونها وكلامه باقي يتردد براسها :انتي جبانه

ومستحيل تتعالجي مااقول الا الله يعين خالي وخالتي

اللي حاطين الامل فيني مادرو ان بنتهم ماعندها قوه

انتي اصلا تحاولي توهمينا وتوهمي نفسك انك طبيعيه

لاتكذبي على حالك لانك اكثر وحده تعاني من اللي انتي

فيه كوابيس بعد عن اخوانك ولو انك طبيعيه ليش

تبعدي عني الى هنا انتهى دوري امشي يلا نرجع مافيه

منك فايده بتبقين جبانه طول عمرك همست وهي ترد

نفس كلامه انا مو جبانه انا اقوى من أي شي وقتها

دخلت عالدكتوره الى الان تحس برجفه لانها لاول مره

بعد الحادثه تتكلم عنها للدكتوره الجزائريه اللي كانت

تحمل الجنسيه المانيه اختارها سلطان علشان يسهل

العلاج ومايكون فيه مترجم

كل اشوي تزيد الرجفه وعيونها ماوقفت ادموع حست
بايدينه تضمها همست بتعب :سلطان

ضمها بقوه له وهو يحاول يخفف من رجفتها :انا معك

ياعيون سلطان

ماكان فيه مجال اتقاومه او ترفض تواجده لانها ببساطه

مالها بهالغربه غيره وبهاللحظه بالذات محتاجه احد

يضمها يحتويها يخفف عنها مرهقه نفسيا وجسديا

الليل
بيت ابو عبد العزيز
الصاله

صرخت بقهر :مو بكيفها تتزوج وعيالنا

صرخت عليها رون :ليش مو بكيفها من حقها انها

اتعيش حياتها ولاتنسي كيف اخوك الله يرحمه اتزوجها

مها بنفعال اكثر :رون انطمي

رون بصوت عالي :مابي ماراح اسكت

دخل فهد وبعصبيه :مافيه احترام لاامكم اللي جالسه

قرب من امه وباس راسها وجلس جنبها ناظر مها

ورون :وش عندكم

رون سكتت وناظرة بمها اللي اتكلمت بقهر :عاجبك

عيال اخوك يتربو عند الغريب وانت موجود ولا اخو

بالاسم هذا حق عبد العزيز عليك

ناظرها فهد ببرود :الله يوفقها وعمر مو غريب ولد

عمتنا ومنا وفينا وماعلى عيال اخوي خوف ولا اني

بمقصر معهم مو لازم اهدم حياتي علشان بس اربي

عيال اخوي وانا اقدر اربيهم من بعيد ناظر مها

وبصوت حازم :مها مالك علاقه بالموضوع ولو اسمع

انك اتكلمتي ماراح يسير لك طيب فاهمه


ناظر بامه وبحنان قرب وباس راسها :تصبحين على

خير يالغاليه

طلع فهد وهي تناظر فيه الين راح ناظرت برون اللي

تحاول تكتم ابتسامتها لفت لاامها وبصوت واطي مقهور

:عاجبك يمه

ام عبد العزيز بهدوء :قلت لك من الاول الموضوع

منتهي بس حبيت اعطيكم خبر بس انتي الله يهديك لازم

تتكلمي

رون بابتسامه استفزاز :ياحبها حق النقا ر الله يعينك

يامحمد ياولد عمتي صرخت مها بقهر :انقلعي

طلعت رون تجري وهي تضحك لفت مها لاامها

:عاجبك يمه

تنهدت ام عبد العزيز :الله يهديك يمه انت نافس ومو

كويس عليك الزعل والصراخ وبعدين انا وابوك اتكلمنا

بس تعرفي فهد مايسمع لااحد

مها قربت لاامها وبصوت واطي :يمه فهد مايرفض لك

طلب ولو ضغطي عليه وطلبت موافقته برضاك راح

يوافق

ام عبد العزيز بتفكير :بس لاتنسي زواجه مابقى عليه

شي وانتي تعرفي دانيه دلوعه مو مثل ساره راح ترى

بضره

مها بابتسامه انها بدت تقنع امها :اذا هي دلوعه فاكيد

عمتي ومحمد راح يعقلونها واذا على خطبته نطول

خطبة عمر الين بعد زواج فهد تكون وقتها عنده ويقدر

يلعبها صح معها
ام عبد العزيز بتردد :بس يمك فهد مو شديد مثل

المرحوم ماراح يقدر على رغد ولاتنسي تركي

مايرضى على اخته ابدا اذا محمد ممكن يمشي تركي

مستحيل

مها باقناع :يمه فهد مشاء الله عليه عقله كبير ويقدر

يوديك البحر ويرجعك عطشانه مااحد يقدر عليه واذا

بغى يكون شديد يقدر يشد هو صح طيب وحنون بس

وقت الجد تعرفينه كيف قوي وماهمه واحد من غير

عقليته يعني راح يقدر على رغد وحتى دانيه واذا على

تركي اذا شاف اخته راضيه بيرضى وفهد اكيد يقدر

على دانيه يعني بس انتي سوي خطوه قويه وتشوفي اذا

مارضى على الاقل عيال اخوي يربو بينا مو عند

الغريب
الصباح
بيت ابو ركان
غرفة رغد
محتاره ايش تسوي بعيالها كانت تحطهم عند هند

مااتئمن الخدم عليهم بس الان الوضع بينها وبين هند

متوتر ناظرة الساعه باقي ساعه ونص عالدوام سوت

لهم رضاعات وبدلت ملابسها وجهزت مسكت عبايتها

بتنزل توصي الشغاله الا الباب يدق بدون ماتلف قالت

:ادخل

دخلت هند بهدوء : رغد ممكن نتكلم

لفت رغد عليها جات بتتكلم قطعتها هند :بس اسمعيني

بعدها اتكلمي

حطت رغد عبايتها عالسرير وجلست جلست جنبها هند

وبهدوء:ترى انا لمن سويت اللي سويته شفت فيه

مصلحتك عمر رجال الكل يشهد له مصلي والكل يشهد

له باخلاقه وطيبة قلبه انسان وفي ومخلص وقادر انه

يحتويك ويحميك حتى من نفسك وكلامه معي اكبر

دليل لانه ماحب انه يجبرك وجا لك بطريقه ثانيه

علشان ماتقولي انها افكار ابوي والعائله وترى انا

بتصرفي حاولت احميك لاني اعرف ابوي كيف يفكر

وانت اكثر وحده عارفه تقاليدنا وان الحرمه مالها الا

اخو زوجها مابغيت تنحطين بنفس الموقف للمره الثانيه

ودانيه مو ساره الله يرحمها انا حبية مصلحتك ولاتقولي

مايقدرو يجبروني اذا سكت عليك اللحين لان عيالك

يرضعو اول مايكملو سنتين لهم الاحقيه باخذهم يعني

ماتقدري تتكلمي انتي اللحين مو البنت القويه اللي قدرت

توقف عبد العزيز انت ام والام مهما كانت قوتها

ماراح تقدر تفقد عيالها انا خفت من هاليوم يجي علشان

كذا قلت لعمر انك موافقه

مسكت رغد راسها بصدمه :هم كيف يفكرو معقوله

ممكن يسوها

اتنهدت هند وبالم :اتوقعي أي شئ

قامت رغد وهي مصدومه اخذت عبايتها وشنطتها

وبصوت هامس :انتبهي لعيالي

نزلت الدرج وصلت لباب الخارجي وهي تحس بضياع

مو قادره تجمع أي شئ براسها لبست عبايتها وهي

افكارها بعيده غطت وجهها وطلعت للسواق ركبت

السياره دق جوالها بنغمة رساله شافت رساله من رقم

غريب مكتوب فيها قريب احنا لبعض طلال


ضغطت عالجوال وركت راسها عباب السياره مشتته

ضايعه تعبانه مو قادره تفكر كل ضربه اقوى من الثانيه

هند صادقه ماعادت رغد القديمه حاولت تنتشل نفسها

وتعيد ترتيب اوراقها لكن من قوة الضربات مو قادره

تجمع حتى فكره المره هذي فعلا حست انها عاجزه

وبحاجة احد معها


بيت ابو ركان
غرفة رغد
بصوت هامس وهي تبكي :مو كذا ياعمر قسينا عليها

سمعت صوته يتنهد وبهدوء :هند رغد تحسب ان حياتها

معركه ياتكسب ياتخسر لازم تفهم ان الحياه مو ربح

وخساره وفيه منطق لازم تمشي عليه مو لانها تبي شي

لازم الكل يقول لها ايه ولاتخافي عليها ماني بضارها

بشي انتي استهدي بالله وانتبهي لعيالها وكل شئ ان شاء

الله بيتيسر

مسحت هند دموعها :ان شاء الله بس لو ظلمتها يوم

ياعمر ماراح اسامحك طول عمري

سمعت صوته :افا عليك مو انا عمر اللي اظلم حرمه

وبصوت حاول يكون طبيعي ومو أي حرمه بتكون

زوجتي

تنهدت هند :طيب يلا فمان الله

الشركة
مكتب عمر
قفل الجوال شال شماغه وعقاله وطاقيته وسار يمسد

بايدينه راسه هذا انا احاول بطرق ملتويه علشان اتمم

هالزواج احس امانه ثقيله وانا احاول اني اكون قدها

تنهد اه ياجومانه وينك تصدقي اني جالس اسعى علشان

اتزوج وحده غيرك مسح بيده على وجهها اخذ نفس

قوي كل هالمده وهو يحاول يوازن حاله علشان مايظلم

رغد ويكون قد هالزواج اللي مرت فيه هالانسانه كثير

بحاول اهتم فيك احترمك واقدرك وا سكت بهدوء اقدر

امنحك كل شئ يارغد الا قلبي لها وحدها وين ماكانت



الظهر
بيت ام محمد
غرفة دانيه
دخلت موني الغرفه بعربجيه :العروس السوداويه

ناظرتها دانيه بابتسامه : هلا والله اسفتر وانورت متى

جيتي




مشت موني وجلست عالسرير قدام دانيه اللي ماسكه

كتاب :توي جيت وش عندها العروس جالسه تقراء بدل

ماتجهز

دانيه بدون اهتمام حطت الكتاب جنبها :لاتقولي

عروس

موني بقهر :غصبن عنك فهد مية بنت تتمناه بس انتي

ماادري شاالافكار الغبيه اللي براسك حتى زواجك مو

راضيه تهتمي بالتجهيزات

عضت شفايفها بقهر وهمست :تبينه خذيه

ناظرتها موني بصدمه اخذت شنطتها وقامت معصبه

لحقتها دانيه ومسكتها: موني خلاص والله اسفه

لاتروحي ناظرتها وهي تبكي موني مو قادره اتحمل

لفت عليه موني واخذتها وجلستها عالسرير :احكي

يادانيه

انفجرت دانيه تبكي :تتذكري الحفله اللي كنا فيها يوم

عزمتنا هيا سمعت وحده تكلم فهد

ناظرتها موني بصدمه :مستحيل ويمكن يكون مو فهد

دانيه هزت راسها وشهقاتها تزيد : لا متاكده حتى

اتكلمت عني وقالت اختك وخطيبتك اللي تركتها

سكت موني اما دانيه قامت الحمام تغسل وجهها

رجعت دانيه بابتسامة الم :شفتي ايش وقعت فيها

ضحكة موني :انتي غبيه

ناظرتها دانيه باستغراب كملت موني :انا اقدر امسك

جوال واول مااشوفك اوهمك اني اكلم فهد بتصدقي

يعني اسمحي لي اعيدها لك انتي غبيه ليكون قلتي لفهد

سكتت دانيه وهي تفكر معقوله تكون ظلمته قطع

افكارها صوت موني :والله شكلك بهدلتي حرام عليك

الوحده لازم تكون اكثر ثقه بزوجها انا وهو ولد عمي

واثقه فيه ومااشك فيه شايفه رون كيف تتكلم عليه

اللحين جننتي عمتي وجننتينا علشان وحده حاقده ماانتي

متاكده من كلامها

ناظرتها دانيه باصرار :لا حبيبتي مافيه وحده بتيجي

من الباب والطاقه وتخرب بينا بدون مايكون لها هدف

والاكيد انها تعرفه لاتحاولي تغيري وجهة نظري امون

انتي اتعبي حالك عالفاضي


قامت اماني بقهر :خللك مع افكارك وبيجي يوم تتندمي

انا رايحه قلت يمكن تغيري رايك بس واضح انك قفله

بس اتاكدي بيجي يوم تتندمي على كلامك وبما انك مو

راضيه ترضي وتروحي السوق انا بروح اجهز لملكة

ماجد

دانيه سحبتها وضمتها بابتسامه :فديتك انتظري بروح

معك السوق نجهز لملكة اخوك والعرس مالك فيه


ابتسمت موني وبراسها موال مسكت جوالها وارسلت

لرون مسج


المستشفى

طلعت من دوامها وهي هلكانه شغلت نفسها كثير علشان

ماتفكر المواضيع سارت مشربكه ناظرت ادور سيارة

السواق وانصدمت بسيارة جدها مطلق تنتظرها وجدها

مع السواق راحت له وهي خايفه فتحت الباب :جدي
ايش فيه

ناظرها جدها بهدوء :اركبي مافيه شئ بس انا ابغاك

ناظرته بنظرات تايه لا مو وقتك ياجدي مو بهالوقت انا

باقي ماجمعت اشلائي ركبت بهدوء الان بس عرفت ان

هاليوم راح يكون غير أي يوم


انتهى البارت
اعذروني الاتصال سئ ماقدرت اعدل السطور
نلتقي ان شاء الله يوم الخميس
اذا مداني يمكن انزل جزئيه قبل

صباح الخير ... بارت حلو بس ماشبعنا منه وخصوصا انو ولا مشكلة انحلت ورست على البر .......اتمنى البارت الجاي تنحسم بعض الامور وتاخذ خطوة كبيرة

عمر ورغد

رغد ماقدامها الا توافق على عمر دامه انسان مافيه اي عيب ورجال محترم ومحترم حقوقها كأنثى ماجاها لابقوة ولا بالغصب هو بعد حامل هموم مايعلم فيها الا رب العباد .......تتزوج واحد ماوراه مشاكل وحاط الاولوية لعيالها وانهم امانة برقبته ولا تنجبر على انسان مابغيها ويحب زوجته ومو ناقص مشاكل

اما طلالوه واحد مثله مايراعي حرمة الغير مايستحق الثقة واحد بدون وجه حق يلاحق ارملة خويه ويتغزل فيها هل هذا يدل على احترامه لها وتقديره هل نرتجي منه تربية عيال ماهم عياله مااعتقد انو بيحبهم ولا بيرغب في وجودهم لانو مااحترم امهم من الاول واحد بعمره مازال تفكيره طايش واهم شي عنده رغباته ماتوقع يتأمن له الي يقدران ويحب انسها يروح يخطبها من اهلها ماله داعي التهديد والرسايل وهي مو حلاله لذلك لو تزوجت عمر بتلاقي الي يحميها منه ومن امثاله واتوقعه بيكون متفهم ضد اي اتهام منه
رغد ارملة سمعتها اهم شي لها ولعيالها لو طلع عليها اي موضةع بخصوص طلالوه بتنحرم من عيالها وبتتعامل معاملة جدا سيئة من الكل
هي مو بس عيالها محتاجين اب يربيهم ويحميهم هي نفسها محتاجة لرجل حنون يحتويها ومتفهم للظروف الي مرت فيها واحد يحتوي قلبها ويعوضها عن الحياة القاسية الي عاشتها قبل طلال مايعرف اي شي عن مشاكلها مع العيلة ومشاكل امها بس عمر شخص من دمها واهله تعرفهم ويعرفوها والاهم عيالها بيكونو بأمان

ياليت تتم ملكتها قبل زواج فهد وبكذا يحط الكل امام الامر الواقع ويقطع على مهيو تخطيطاتها الخبيثة


موني ونايف

يمكن مايكون لهم نصيب مع بعض وهذي حكمة من رب العالمين يمكن لانهم غلطو بالبداية بس دام اماني تابت وتراجعت في الوقت المناسب ربي يكتب لها الخير

اما ام ماجد ماراح تمشي كلمتها لاني ملاحظة انو الحريم كلهم مالهم كلمة بالعيلة اذا رغد القوية ماقدرت تمنع زواجها من عزيز وصارت ضرة بنتها الظاهر ام ماجد همها بس رايها مو مهم سعادة عيالها مو كافي بناتها وحدة ماتت والثانية مريضة نفسيا لو ردت نايف تضمن احد بيتقدم لبنتها وبيسعدها

دام الرجال مافيه اي عيب ماعندها عذر بتقول اخو حصة وحصة وينها بقبرها ماتت وشبعت موت وهي بتموت مابتعمر يعني لو عذرها قوي عذرناها وهذا هي زوجت ماجد لبنت حصة وظلموها ومااشوفها خافت انو ربي يعاقبها ببناتها .......انا اقول اذا رغد بتقهر الكل تشرط انو ملكتها مع ملكة خالها على اماني وجدها مابيرفض هالطلب وهو يبغيها زوجة لعمر وبنشوف ام ماجد شراح تسوي لو الجد بكبره وقف بوجهها وامر ولده يزوج بنتها او هي تطلق وبعدين مين ولي امر البنت ابوها حتى لو اماني رفضت بسبب خباثت امها رغد تعرف الحقيقة وتدري بكره الخبيثة لهم ورغد من زمان مااستخدمت قوتها ووقفت احد عند حده وهذي فرصتها


مريم وسلطان

زين سوى فيها سلطان بصراحة بالاول عاذرتها وكاسرة خاطري بس الحين لاعت كبودنا منها يعني الى متى اهلها بيتحملو جنونها ومين بيصبر عليها اخوانها كلن بيتزوج وبيعيش حياته ماهم ملزومين بوحدة حابسة عمرها بقوقعة الماضي وعندها فرص تعيش وتكون طبيعية خلاص زوجها راضي فيها واختارها بنفسه باقي هي تتعالج وتتصالح مع عمرها مو من زين الحياة الي تبغي تعيشها الحين


دانية وفهد

اتمنى انو كلامها عن رنيموه يوصل لفهد علشان يقدر يتصرف مع رنيموه ويهددها لو بس وصل لها خبر انو متزوجها بدل مايطلق دانية بيطلقها هي وبدون رجعة هالمرة

تذكار زوجيهم بسرعة قبل ماتنفذ رنيموه خطتها اذا تم الزواج فهد بتكون سلطته اقوى ويمكن يعدل من دلعها وتتعلق فيه وتدافع عن بيتها وتحرق قلب رنيموه وتفاجأها انها تبغي فهد ومتمسكة فيه ومايهمها انو متزوج غيرها دام قلبه معاها بنشوف رنيمو ساعتها كيف بتتحمل


مهيوه

انانية همها تمشي رغبتها تخرب حياة اخوها مع حماتها وتجبر رغد للمرة الثانية على اخوها الحين عرفت انها ماتحب دانية اصلا يوم عزيز بيتزوج رغد على سارة العقيم يعني عنده عذر قومت الدنيا والحين مايهمها اخوها كيف بيعيش مايهمها مشاعر رغد الي مستكثرة عليها العيشة السنعة

لكنهم ماعرفو رغد مين ودام الجد اختار عمر والرجال خطب ورغد ان شاء الله بتوافق مابينفذو الي براسهم اشوف يوم محمد كان بارد معاها ماعجبتها الحياة اجل ليش ترضاها لغيرها اتمنى من قلبي يملك عمر على رغد قبل زواج فهد وبنشوف ساعتها كيف بتتصرف

اما ام عزيز الحين حلت رغد بعينها المفروض ماتظلم بنات الناس علشان رغبات تافهة هي العجوز ماتقبلت الضرة كيف ترضاها على دانية اليتيمة هل هذا قدر البنت عندها .......

ومهيوه قبل ماتخطط تحط نفسها موقع رغد ودانية وبعدين تخطط ربي لايوفقها ولا يهنيها ومحمد يقلب عليها وتنصدم بردة فعله لانو دانية امانة برقبته واخته الوحيدة

في انتظارك اتمنى البارت الجاي فيه
احداث تبرد القلب