هلا بكل الغوالي ويا مرحباااابكن

ومشكوووره على المروور

فرسان على جمر الغضى


الجزء السابع



رجع الشيخ طايل لمجلسه وشاف قماد جالس برا البيت

الشيخ طايل:وش اتسوي اهنيا يا ولد

قماد:ودي اياك يا عمي ترخصلي العمه ما ودها اياااني

طايل:هي وش سوت

دخل طايل لبيت الشعر بمجلسه وشاف فعايل بنيته بالضو ما كان بيده غير انه تافف وهو ينفض بشته ويروح يجلس بمكانه

طايل:زين لقهوه يا ولد

جلس قماد قدام النار واخذ يشعلها من اول وجديد وهو مبتسم من ردة فعل الشيخ لبنته البنيه مالها من يردعها اذا كان هذا بس الي قدر الشيخ يسويه

طلت شوق عليهم ونظرت لقماد وبعدها نظرت لابوها واول ما التفت الشيخ طايل ليها صدت عنه وهي زعلانه

قام الشيخ طايل:اويلي ويلاااه

وراح لاحقنها للمجلس الثاني لجل يحاول انه يرضيها

نزل قماد اللثام عنه بشوي واخذ ينفخ النار ولو ان شوق طلت عليه وشافت وجهه كان خمدت كل النيران الي اشعلتها فيها

ظل الشيخ طايل يحاول يتحجى معها وهي ساكته متريد اتحاجيه

طايل:يا بنيتي ليييه ليييه تسوي فيني كذا تراااني ابوووج وشلوووون تخليني بالحااال ذا

ظلت ساكته وما كانها تسمعه

طايل:زييين وش الي ودج ايااااه

بعد ظلت ساكته

طايل:الي ودج ايااااه سويييه يا بنيتي سويييه ودج اقوووم هالحييين واطرده

قامت شووق وراحت تاركه ابوها مكانه

دخلت عليه ام شووق:وش فيييك يا ابو شوووق

طايل:شوووق زعلااانه مني يا ام شوووق

ام شوووق:انت بس الي معطيها وجه ومكدر حالك معها اترك لبنيه وتجنب اتحجي معها وشوووف وشلوون ودها ترجع

طايل:متهون على يا ام شوووق انا قليبي يوجعني عليها وما ودي اياها تزعل مني

ام شوق:هي لجل المقهوجي زعلت؟

طايل:ما ودها فيه

ام شوووق:خله يابو شوووق واترك عنك شوووق وسو الي تريده وتر هذا مهب زعل هي بس تريد تمسكك من اليد الي توجعك

طايل:لزوم اقول للراعي يمشي لحاله لجل ترضى علي

ام شوووق:خله يا رجاااال وما عليييك منها اسمع مره مني يا شيييخ وشف وش راح تسوي ان ما شافت الزعل يفيد

طايل:تهقين ودها ترضى على

ام شوق:انت اصبر بس


......................................................


البدور:اممممممم

العمه:وش بج يا بنيتي؟

البدور:احس اني موجووووعه حيييييل

العمه:مهو وقت ولاااده هالحييين يا بنيتي

البدور بصوت عااالي:اويلااااااااااه امتى امتى ودي اووووولد يا عمه معااد بي حييييل

اخذت بعدها البدور تبكي ويعلى بكيها

العمه:تعوذي من ابليييس يا بنيتي وقريييب باذن الله تولدي

غطت البدور راسها باللحاااف وبدت تنتحب تحته

هزت العمه راسها"الله يكون بعونج يا بنيتي

من بر البيت نادى حماد:يا عمه يا عمه يا البدووور

جلست بدور بسرعه ومسحت دموعها وناظرتها العمه وابتسمت

.....................................


قوت امضت اكثر اوقاتها مع صالح الصغير وهي تعلمه ركوب المهره وكانت ظبيه والشيخ سعيدين حيييل بوجودها مع صالح الصغير

الشيخ:شفتي يا ظبيه هالحين ما ودي اسمع صوووتج تصيحي بصااالح هذا هو جااه من يسلي حاله معه

ابتسمت ظبيه ورجعت للخيمه

كانت قوت تسال صالح عن كل الي يجون اهنيا عندهم وكم هو عددهم ولويييش هم جالسين اهنيا وكثييير من الاسئله الي كان ودها تعرفها

الشيخ طايل سمع حجي حرمته وخلا قماد يكمل قهوته وشرب منها وهو متوجس وخاايف ان بنيته ماترضى عنه

طايل:اقووول يا ولد

قماد:سم يا عمي الشيييخ

طايل:انا اناااا ودي اروووح لمجلس ابوووي وانت خلك اهنيا تسمع ما ودي اياااك تفااارق المجلس

قماد:ابشر يا عمي بالي تريييد

بعد ما رااح الشيخ طايل طلت شوق وشافته

شوق وهي توقف وراه:انت بعدك اهنيا؟

وقف قماد وهو منحني بوقفته ومنزل راسه لتحت:حيالله بعمتي ودج شي

شوق:انت تدري وش ودي فيه

قماد:يا ليييت يا عمه اني اقدر اسوي لج الي ودج اياه مير عمي الشيخ قال اني متحرك من جنب الضو

شوق وهي تقرب منه خطوتين وتهمس بهمس يرعب:حتى لو انشويييت بالضو؟

قماد انفجع هي وش ودها اتسوي

قماد:يا عمه الله يهداج بس وش انشويله

شوق وهي حاطه ايديها بوسطها وتناظره بطرف عينها

شوق:الجمر الجمر يوم انه يجي على ملااابسك وتنحرق حينها وكااااد انها تشويييك فيهااا

ناظر قماد النار هي ودها صحيح تحرقه وليييه لااا تراااها مهب صاااحيه وهي تكب الرمل بالقهوه ومحدن قالها شي يا ويييييلي ومن يقدر يقول لها شي لو انها احرقتني اتهبا اتهبا الله يبعدها عني هذا وانا اقووول ان السالفه جايزه لي حيييل

قماد:اقووول يا عمه

شوق:همممه وش عندك

قماد:ارخصيلي يا عمه ودي اروووح اشوووف خويي واقوووله يشوووف الحلااال

التفت عنها وفر هااارب

شوق وعيونها تضحك وهي تشوفه مولي هارب


دخل قماد على عتيبه وغيث بالخيمه وهو يلهث من الركيض

عتيبه:حيالله مقهوجي الشيخ طايل

قماد:والله لعيون المزيونه كل شي يهووون

ناظره عتيبه بغيض:قماااااد حنا وش قلنا

قماد:اجل يا خوووي انت تكفل بقهوة الشيخ طايل انا ما ودي اعاود اهناااك مرتن ثانيه تقووول ودها تحرقني

عتيبه:من الي ودها تحرقك؟

قماد:ابنيته المهبوله

عتيبه:مهبوله ولا مزيونه

قماد:الاثنين يا خوووي

عتيبه:وليييه ودها تحرقك؟

قماد:ماتريييد الرويعي يسوي لقهوه ببيت ابوها تقول ريحتي تقط الطير من السما

جاهم الصوت من الخارج:يا قماااااد

لف قماد اللثام عليه وطلع لجل ايبلغه الرجال ان الشيخ طايل يريده يعاااود

قماد من بعد ما رااح الرجال:يا جهد البلااااا وش السواااه هالحييين؟

طلعله عتيبه:وش عندك

قماد:زهب يا خوووي الي عندك من الي يطيب لحروووق وكاد اني اليوم منحرق

وراح قماد وعتيبه واقف يناظره باستغراااب

كان غيث منسدح على ظهره وهو يلعب بالسكين بيده

غمض عيونه وشافها ....شافها والرجال يسحبوها للحجز وهي تقااااوم بكل ما فيها من قوه...

كان واقف بخيله وهاله الي يشوفه حرمه ورجالين ما قدرو يحركوها وهي ترص برجولها بالارض رافضه انها تستسلم ليهم لفت بيه الفرس ورجع مرتن ثانيه يرجع الفرس لجل ايشوف وش هي من البشر

صوت فرسه خلاها تلتفت صوبه وحس بعيونها تخترق صدره ...بعمره ما شاااف عيون مثل عيونها على اتساعهن بالاصل زاد الكحل وسعهن ازود غير النظره القويه الي تناظر فيها الي حولها...

الفرس عندت به ورجعت تلف به وحس انه وده يذبحها وهي تصد به عن الي يشوفه مير انه من شاف عيونها حس بوجع براسه وعيونه من اتساع اعيونها

فتح غيث عيونه وعتيبه يناديه

عتيبه:يا غيييث

اعتدل غيث بجلسته:وش بك

عتيبه:سمعت قماد وش يقول

تنهد غيث :هذا هو قماد من عرفته

وقف:انا ودي اروح اشوف الحلال

....................................


دخل قماد مجلس الشيخ طايل

طايل:انت وين رحت يا ولد؟

ناظر قماد شوق وهي جالسه وتناظره بتهديد

قماد:يا عمي انا تذكرت وحده من المعز مريضه وقلت لزومن اخبر الرعيااان لجل ايشوفوها وهذا انا جيييت

طايل:ايييه زين زين ...هات القهوه يا ولد

اخذ قماد الدله ووقف يصب لقهوه وبطرف عيونه يناظر شوق الجالسه والي ودها كان تذبحه

سمع الشيخ طايل صوت ولد عمته عايض وقاله يقلط

شوق كانت ناويه توقف مير ابوها قال:اجلسي يا بنيتي ترااه ولد العمه مهوب غرييب

رجعت شوق وجلست وفرح الشيخ انها رضيت وكان ودها تشوف عايض وشلون هو شكله مير تضايقت حيييل وهي تشوف قماد وتقول بنفسها انه ما يبيض الوجه بمجلس ابوها

سلم عليهم عايض وقاله الشيخ طايل يقلط

شوق لجل انها ما تنحرج ازود من وجود قماد عزمت انها هي تصب لقهوه

قربت من قماد وجلست قريب منه

شوق:هات الدله والفناجيل انا ودي اصب لقهوه

قماد:خلي عنج يا عمه

شوق بهمس:انكتم ...هو من اي يد يمسكو الدله

ابتسم قماد من تحت اللثام

قماد:هقوتي الحرمه تمسكها من اليد الثانيه واشار ليها لليد اليمين

شوق:هااات

خذت شوق الدله والفنجال وقربت من ابوها وعايض ولد العمه

ابوها ماااات بثيابه وهو يشوفها ماسكه الدله بالغلط

طايل:يا بنيتي خلي المقهوجي هو يصب لقهوه

شوق:وليييه يا بوووي انا مصب لقهوه هذي هي المها مرت عمي تصب لقهوه دوووم

نزل طايل راسه تحت وهو منحرج وتقهوء عايض الي كانت شوق تناظره وهي تفكر ان عمها فهاد ازين منه ومن بعدها استرخص ورااح بعد ما بلغ طايل ان الشيخ يريده

طايل:وش الي سويتيه يا بنيتي كان لزووم تقهوي الرجال بيدج اليميين

شوق وعيونها نقزت قدام:يا بوووي هذا انا ماسكه الدله بيميني

طايل:ميجوووز يا بنتي تمدي يدج الثانيه له

حست بناااار تشتعل بصدرها وهي تلتفت للمقهوجي الي جالس بجنب النار قربت منها وكبت دله لقهوه كلها على ظهره

ارتعد قمااد من حرااارة لقهوه ووقف ما يعرف وش يسوي الا انه ثبت بمكانه وهو يسمع ام شوووق تانب بنيتها بالي سوته وقربت بسرعه من قماد وكبت جربة المي على ظهره لجل اطفي من حرارة لقهوه

كان يحاااول يسحب انفاااسه من قوة الحرااره على ظهره وحس بالمي برد اشوي من شدة الحراره

طايل:وش الي سويتيييه يا بنيه لييييه ليييه اتسوي كذا

شوق:ترااه هو السبب ويستاااهل ما جااااه

طايل :اويلاااااه

التفت لقماد:يا ولدي وش صااار لك تحس بشي

قماد رفع عينه وهو متوجع حييييل من الحرق مير انه ما بين شي وهو يقول للشيخ:لا تاااخذ هم يا عمي لقهوه بااارده

من قهرها رمت الدله الي بيدها حييييل على صدره لجل توجعه مرتن ثانيه من قدام

شوووق:وتخليييني اصب قهوه بااارده الله يوخذك

التفتت عنهم ورااحت لشقها

ام شوووق :البنيه ذي لزووومن توقف عند حدها شف وش اخرة سكوووتك عنها هذا هي اتريييد تذبح الرجااال

طايل:اسمحلي يا ولدي تراااها جاااهل ووحيده والي تسويه غصبا عنها رح رح يا ولدي وتخير لك الي ودك ايااااه من الحلااال رضوتن لك

قماد:مريييد شي يا عمي وانا تراااني ما فيني شي مير ارخصلي لجل اروووح اغير ملااابسي

طايل:رح وماعليييك شر باذن الله

ترخص قماد وراااح ودخل على غيث وعتيبه وهو موجووووع بالحيييل نط عتيبه

عتيبه:وش بك وش به وجهك اسود

قماد:احرقتني الله يحرق قليبها

عتيبه:من الي احرقتك

التفت قماد وهو يورجيهم ظهره :كبت لقهوه على ظهري

قام غيث وقرب منه يناظر ملابسه الي لصقت بظهره

عتيبه:وكااااد انك سويييت شي بالبنيه

قماد:للا يا خووووي مسويت شي مير هي متريدني اقهوي بمجلس ابوها

غيث:مستوجع

قماد:حييييل

غيث:اخلع ملااابسك

قماد:هقوتي انها ناشبه بظهري

غيث:اجلس اشوووف

عتيبه قام وراح للخارج لجل ايجيب شي وطلع غيث السكين وغرزها بملابس قماد لجل ايشق الثوب حولين الحرق

كان يحرك السكين ويشق الثوب ورجفه قويه مشت بيده والذكرا اتعود له مرتن ثانيه

سحبله نفس ورجع يكمل شق الثوب

قدرو بالاخير انهم يطيبو حروق قماد الي كان طوول الوقت ساكت وفكره بعيييد حتى ان عتيبه خاف منه يسوي شي

عتيبه:اقوول يا قماد وش راييك تطلع من الديره وتجلس بالمغاااره مع خوييننا اهناااك

كانت عندهم اكثر من مغاره مخبين فيها العده الي مجهزينها للغزو

التفت قماد لعتيبه :وش قلت؟

عتيبه:تطلع من الديره يا خوووي

قماد:وليييه

عتيبه:لجل تريح رااسك من رعي الحلال وقهوة الشيخ طااايل

وقف قماد:للا ما ودي ودي اظل بمجلس الشيخ

وقفله عتيبه:مجلس الشيخ معاااد تروووحله ابد

قماد:بس هو يريدني وانا ودي اظل اهناااك

عتيبه:انت هالحييين متقدر شف وش صاااار لك

قماد:معلي ولزوووم اني اعااااود مرتن ثانيه

عتيبه وبنفسه وده يكلم الشيخ طايل ويطلب منه انه يعفو عن قماد:زييين هالحييين قم وتريح ترا الحروووق مهي بهينه وكاد اتصيبك منها حمى


...................................................

فهاد من بعد ما نقل بيت المها لجنب بيت ابوه ماطل على المها ابد وكانت العمه عندها

جا الليل وكان فهااد نايم بمجلس ابووه

ابو طايل:يا ولدي لييه نايم اهنيا ما ودك تبيت ببيتك

فهاد:اهنيا وهناااك كله واحد يا بوووي

ابو طايل:وحرمتك

فهااد:ماعليها شر العمه تبيت عندها

ابو طايل :يا ولدي ما ودك اتعاود من الي انت ناوي عليه

فهاد التفت لبووه:اعاااود عن ايش يا بوووي

انك ترحل حرمتك من بعد ماتجيييب ثارها

اعتدل فهاد وهو يناظر ابوووه باستغراب:وش الي انت قاعد تقوله يا بوووي اتحيدني رجالن مهب قد كلمته

ابو طايل:يا ولدي الغضب مرااات تخلي الواحد يقول شي يندم عليه

فهااد باصراار وهو قاعد:وانا ماندم على شي قلته واول ما اخذ بثارها توقع عليها يمين الطلاق وترحل من الديره

ابو طايل:الله يهداااك يا ولدي

قام الشيخ ورااح لشقه الي يبيت فيه تارك وراه واحدن النوم جافى عينه

...............................

مرن يومين وفيهن كان قماد طريح لفراش من وجع الحرووق الي صابته من وراها حمى شديده

غيث:يا عتيبه الحال ذا ما ينسكت عنه لزززومن واحدن منا يروووح يجييب دوا ينشف لحروووق تراها كل يوووم تزيد اوجاعه...الله ياخذ الحريم وياخذ فعايلهن

ابتسم عتيبه:الحرييم ههههه هذا انتو يا عيال العطاوي على كل الغزوات الي غزيتوها الا ما طيحكو بلفراش الا هن وزين ان ذا سلم ضدره لجل يقدر ينام عليه مير انت الي ماكنت تقدر تنام على ظهرك ولا صدرك

وقف غيث:ودك تروووح ولا اروووح انا

وقف عتيبه:ارووح انا يا غيث وخل بالك منه

غيث:تيسر والله يعيين

...............................


اليوم هو اليوم الي كان ناوي فيه فهاد يرحل من الديره لجل ياخذ بثار اخو المها

كانت شوق جالسه مع المها الي ما شافت فهاد من ذاك اليوم

شوق:اليوم عمي فهاااد راحل من الديره

ارتجف قليب المها وناظرت شووق وش ودها تقول هي كل يوم تبكي على الي قالته لفهاد

شوق:هو عمي لييه مايجي عندك اهنيا يا المها

العمه من وراهن:اقووول يا شوووق اتركي الهرج ذا عنك وتيسري روحي شوفي امك وش ودها اياااك فيه

شوق بعناد:ما ودي اروووح وامي ما ودها اياااني وهرجي ماني تاركتنه

العمه:يا بنت تحجي معي زييين

شوق:ليييه وشقالولك عني يا عمه

العمه ابد ما تطيييق شوق ولسانها الي كل ماتحجت معها بشي ترادها

العمه :هذا حجيج معي كذا وفهااد يقول ازوجج لولدي عايض عزالله ان ولدي بخييير منج

وقفت شووق وهي غاضبه:ومن هو ولدج يا عمه ؟...حتى لو كان ودج اياني انا ماريييد اكووون حرمة اولدج

العمه طلعت وهي ما ودها تزيييد بالحجي مع شووق

المها:ليييه يا شوووق الي تسوينه مهب زييين

شوق:العجوووزه ذي انا ما طيقها تفهمي ما طيقها

المها:هذي عمتج يا شوووق

شوق:عمتي وهي سبب

فهاد من الخارج:المها يالمها

حست ان روحها ودها تطلع منها وقامت بسرعه

المها:هذا فهااااد

العمه قربت من فهاد:وش عندك يا فهااااد

التفت فهاد لعمته:ودي احجي مع المها قبل اطلع من الديره

العمه:زين يا ولدي وش ودك اتقول لها

فهاد باستغراب:لييه هي وييين

العمه:بالشق

فهاد وهو ناوي يقلط بالمجلس:خليها تجي لجل احاجيها

وقفت العمه بطريقه:انا يا ولدي ابلغها بالي تريد تقوله

فهاد:وليييه ما احجي معها انا

العمه:انت نسيت يا ولدي ان كل واحد منكم راح يكون بطريق وش اتريد منها

فهاد:ودي اسالها عن الرجال الي قتل اخوها ما ودي شي ثاني

العمه:زييين وش تريدني اسالها عنه

فهاد حس ان في شي صاير للمها تقدم ومر من جنب العمه وراح للداخل :المها يالمها

لاكنه ما قدر يظل بالمجلس وراح للشق لجل ايشوفها ...وقفت المها الي كانت من غير شالها وهي تناظر فيه وتاكد ان مافيها شي

دخلت العمه وراحت للمها ورفعت لها شالها وظلت واقفه بينها وبين فهاد والتفتت لشوق الي اخذت تناظر العمه وبعدها طلعت من بعد ما ودعت عمها فهاد

رجع فهاد يناظر المها الي حس بمشاعره الحلوه ترجع له من شافها الا ان العمه وماعرف وش سالفتها ظلت واقفه جنبها

فهاد:الحقيني بالمجلس ودي اياك شوي

طلع فهاد وجلس بالمجلس ينتظر المها طلعت المها وهي تناظره وجلست بمسافه عنه

فهاد:انتي وش قلتي للعمه؟

المها:ما قلت شي

العمه قربت منهم وجلست بينهم وكان فهااد منجن مايدري وش فيها عمته

العمه:وش ودك تسال فيه المها عن الرجال الي قتل اخوها؟

حست المها بخيبه امل يوم دريت انه جاي لجل يسالها

فهاد:ودي اسالها هو الرجال كان جاي لحاله ولا ان معه حد

وقعد فهاد يسال المها عن الرجال والمها اتجاوبه

وقف فهاد:خييير يصير خييير

كانت جالسه وتناظره وودها تقول له انه مايرووح ماتدري لييه حست بوجع بقليبها وخووف ان فهاااد مايعاااود للديره مرتن ثانيه

فهاد:ارخصيلي يا عمه

العمه:موافق خييير يا ولدي

طلع فهاد ومن بعد ما طلع وقفت المها ومشت كم خطوه وهي ناويه تناديه

المها:فهاااد

امسكتها العمه:وييين يالمها

المها:يا عمه لزووم.............

العمه:لزوووم ويش يا بنيتي

هزت راسها وراحت لشقها لجل تنزل دموعها بعيد عن العمه

فهاد ومعاه اثنيين من اخوياه طلعو من الديره لوجهتهم وكان عايض وده يطلع معهم الا ان فهاد طلب منه يظل بالديره
...................................................


عتيبه طلع لوجهته بعد لجل يجييب الدوا لاخوه قماد وكان بطريقه لزووم يمر بالجبل الي فيه الشيخ وحرمته تشاور يمر فيهم ولا لا وبلاخير عزم انه يمر

وبعيد عن الجبل شاف قوت وصالح والمهره الصغيره وكانت قوت تعلم صالح عليها ...ركضت قوت اول ما عرفت انه عتاب ومسكت بلجام الفرس

نزل عتاب:وش اتسوو اهنيا

التفتت قوت لصالح وكان نفسها منقطع:هو اليوم مشي بالفرس مسااافه كبيره وانا امشي ورااهم

عتاب:وشلوونكم

قوت:الحمد لله انت وشلووونك

عتاب وهو مبتسم ويشوف صالح الي رجع بالمهره بطريق الجبل:انا اشهد انه صار فااارس بيها

قوت:ويعرف يركض بيها

التفت عتاب لقوت واخذ يناظرها كانت بملابس غير الي كانت عليها المرة الي فاتت وكان شكلها غييير كنها زايده حلاااه

ابتسم ليها وهي ابتسمت وناظرت لتحت

عتاب:وشلووون ظبيه والشيييخ ان شالله تكوني مرتاحه معهم

قوت:حييييل مرتاااحه مير ما ودي بفرااقك

عتاب:وش قلتي؟؟

التفتت تناظر صالح الي غاب عنهم

عتاب:هو الشيخ بالمغاااره

قوته:اييه اليوووم بطنه توجعه

عتاب وهو يضحك:هو دوووم كذا ان كان ما وده يطلع يقنص لهم شي اشتكى من وجع بطنه

ضحكت قوته وكانت ضحكتها شي غييير

عتاب وهو يحس بوناسه ما يدري ليييه:تعالي لجل انروووح ونشوفهم

ركب الفرس ومد الها يده ترددت بالبدايه وبعدها مدت يدها وركبت ومثل اول مسكت بالسرج ابتسم عتاب ومد ايديه لوراه ومسك ايديها ولفهن بوسطه وهو يقربها منه

عتاب:اعتقد اني صرت رجالج ليييه مبعده عني

عضت قوت شفايفها وغمضت عيونها وهي تتوسد ظهره براسها ومشو رايحين للجبل

نزل عتاب وما حست قوت بنفسها الابيديه تنزلها وهو ماسك بوسطها حست باحرااج واخدودها تحمر وماغاب هذا عن عتاب الي كان مبتسم طووول الوقت

لف عنها ومشي رايح للشيخ

اجتمعو كلهم قدام النار وخبر عتاب الشيخ بحالة قماد ووصفله دوا عند حرمه بحدى الديرات ومن بعدها عزم انه يرووح معه وطلعو من بعدها

على الليل من بعد ما خذو الدوا عاودو للجبل وتعشو ومن بعدها طلب عتاب منهم يرخصو له

كان يغسل ايديه من بعد العشى وكانت قوت تسكب المي على ايديه

قوت:صحييح ودك تمشي

ناظرها عتاب:اييه ودي اوصل الدوا

قوت:الديره بعيييد

عتاب:بعيييد

قوت:اجل ليييه ماتمسي اهنيا

عتاب:ودك ايااني امسي

قوت :مدري عنك

تركته ومشت لداخل الخيمه

جلسو جميع حولين النار وجلست قوت جنب ظبيه واول ما رفع عتاب نظره ناحيتها رجعت لورا لجل مايشوفها متخبيه ورا ظبيه استغرب منها ورجع يناظر النار ويسولف مع الشيخ

بعدها بشوي رجع يناظر ناحيتها ولمح شوي من وجهها قبل ما ترجع تخبيه ورا ظبيه

ابتسم وحس بشي يصير بصدره هي وش سالفتها لييه ما ودها اياني اشوووفها

وظل عتاب سوالف مع الشييخ وكل ما حس بيها تناظره رفع نظره لها وهي بسرعه تعاود تستخبا

عتاب الي كان يحس بيه خلااه يطول بالسهره معهم لين ماتكلمت ظبيه

ظبيه:اقووول يا خووي يا عتاااب

عتاب :قووولي يا خيه

ظبيه:انت ودك تمسي اهنيا ولا ودك تمشي لجل ان كان ودك تمسي اخذت صالح معي وان كان ما ودك تمسي خليته نايم اهنيا عند قوته

الشييخ من بعد ما ناظره عتاب مستنجد:وده يمسي يمسي يا حرمه قوومي وخذي ولدج معج

ظبيه:لا والله انت الي ودك تقوووم وتاخذه انا ودي انااام ارخصووولي يا جماعه

قامت ظبيه وراااحت وقام الشيخ وهو يتحرطم وشال اولده ولحقها من بعد ما غمز بعينه لعتاب

ظل عتاب مايدري وش يسوي من بعد ما حطه الشيخ قدام الامر الواقع

ناظر قوت الي كانت جالسه بعيد ومنزله راسها

عتاب:قوته

ناظرته

عتاب:ليييه قاعده بعيد تعالي اهنيا بالدفى

كان عتاب متوسد وسايد كبيره وفارد رجيله وقفت قوته وقربت منه ومد يده ليها وطلب منها تجلس قريب منه وكانها جالسه بحضنه قريب وسطه وهو متمدد

عتاب اعتدل بجلسته وهو متسند على يد وحده واخذ يناظرها

عتاب:وش فييج؟

قوته بخجل:ما فييني شي

عتاب وهو يناظرها رفع يده ولمست اصبعه خدها:ليييه خدوودخ محمره؟

عضت قوت شفايفه وعتاب يناظرها باستغراب

قوته: يووو يا عتاااب لييه تحرجني

عتاب:احرجج بشوو؟

قوته :انت ليييه ما تفهم؟

عتاب:وش افهم؟

قوته :انك يوم تناظرني احس اني خجلااانه

عتاب وهو يحك راسه:هو وش الي يصير ترا انا بعد مدري وش يصير بصدري

ناظرته قوته "يا قواااتك ويا كذبك

قوت:يا وييييلي

ضحك عتاب :وش بج؟

قوته :انت وش بك وش تحس صاير بصدرك؟

عتاب والي ماكان يفهم بامور القلوب:مدري بس احس برجيييف اهنيا كل ما ناظرتج هو صحيح وش الي يصير؟

وقفت قوته وهي تبصم انه واحدن ما مثله حد يكذب ما تدري انه صحيح ما يفهم وش يصير له

عتاب:لوييين ودج تروووحي؟

قوت:ازين لك لفراش

عتاب:انا ماعلي اهنيا ودي انااام

قوته:جنب النار؟

وقف ومشي ناحيتها:اجل وييين ودج ايااني انااام

قوته :اهنيا اهنيا هالحييين ازين لك لفراش

وراحت بسرعه تزين له لفراش
!! !!
!! !!
!! !!

لقهـــــــوه يا ولد

مررررررررررررررررررررررحبا ملالالالالالالالالالالالالالالاين ولايسدنــــــــــــ

هلا والله وديمه مشكوره غناتى على هلابداع

شوق<<<جعل يدج الحرق ياقليله الادب عنبوا بليسج اشفيج على الرجال مستقويه عليه هذا كله عشانه راعى عندج ماااااااااااالت هم مالت عليج صج ابوج ماعرف يربيج<<فيس رافع عصا


قماد<<<وربى ماتستاهل الى صارلك قوا الى مسكك منها ومارميتها هى بكبرها فى النارهالمجنونه<<<فيس يبكى على قماد

قوته<<انابس ابغى افهم انتى وش تبغين توصليله الحين بهالحركات


عتبه<<انا قايله انك خام وماتعرف فى حركات الحريم شى اااااااه ياويل قلبى طحت بيد قوووووت الشريره<<خخخخخخخخخخخخخخخخ

العمه<<<شكلج ياعمه حاطه عينج على المها وتبغينها لولدج وناشبه للحرمه ماتبغينها تلين جدام زوجها<<استغفر الله كلن مايحب الا مصلحه نفسه حتى لو على احساب هله

فهاااااااااد<<<هقوتى مانت بقادرعلى فراقها وشكل الحب الى فى راسك بينطح وبتتنازل للمها<<فيس عيونه قلوب حمرا خخخخخخخخخخخخخخخخخ


وديـــــــــــمه تسليمن على الالتزامج بالتنزيل وياليت بعد هالقصه البدويه تتحفينا بقصه امارتيه على مستوى نور<<<مغرمه بهالقصه

شوق أوف منه سخفته كل ماله تمادى بس أحسن شيء إنك تفشلت قدام عايض وفشلتِ أبوك اللي يخاف من زعلك هاهاي

قماد وش تبي بذي العله ودي تأده ما أوصيك ربه هاللي ماتستحي..

قوت نفسي أفهم وش تبين؟!!!!

حماد وبدور وش دخلهم بالقصة ووشي قصتهم؟!!

السلام عليكم ..
هههههههههههههههه ودوووووومه تدرين قوته هذي وراهاا سر ..وسر كبييييييير ..
اشكالهم تضحك وهم كل واحد منهم يلعب على الثاني ...!!!!

بس لفت انتباهي كلام عتيبه لغيث ..(ابتسم عتيبه:الحرييم ههههه هذا انتو يا عيال العطاوي على كل الغزوات الي غزيتوها الا ما طيحكو بلفراش الا هن وزين ان ذا سلم صدره لجل يقدر ينام عليه مير انت الي ماكنت تقدر تنام على ظهرك ولا صدرك )

ياترى ايش سوت ام العيون الكحيله بغيث ؟؟؟وعقوله طعنته بصدره وجرجرته على الشوك وهي من على الفرس تسحبه ؟؟؟يمكن هالبنت بتكون القنبله ..لاننا الين هالحين ماشفناا دور غيث بالقصه ..وكااد ان بيهاا قصه موجعه ..

بدوووور ..انتي زوجة الشيخ حمااد والا بنته والا من تكونين بالضبط ..حالتج صعيبه انتي وهالحماال اللي مدوخناا معااج ..

شووووق تدرين وش الحل اللي بقوله للشيخ طايل ..يزوججلقمااد علشاان تعرفين كيف تتطاولين على الرجال ببيته .. وبيقول ارحلوا من الديره ولا اشوف وجيهكم الا السنه الجايه ..عاد هناا قمااد بيفرح حييييييل ..ويمكن ياخذهاا لأم صالح وقوت ..وهناك يتعارفن روس الشر مع بعض هههههه ويمكن شوووق تهبل بهالقمااد وتجلس تعاير فيه ..يالمقهوجي ..يالراعي ...ويمكن تقوله لو انك ولد العطااوي ماكان حالي هيج ههههههههه
ويمكن شوق تشوف قمااد بدون لثاام وماتعرفه ..ومن تشوفه تطيح بهوااه لانه حيييل مزيووون >>فيس كتب القصه ههههههه

ودوووووومه ..ياليت بمنااسبه انتهااء البنوتااات الحلوات من الاختبارات تسوين لناا هديه صغنوووونه بوسط الاسبوووع ..>>فيس اشتاااق للهداياا ..
ننتظرج ياوخيتي على احر من جمر الغضى ..

السلاااااااااااااااااااام عليكم ورحمة الله وبركاته


مشكووووووووووووورة ودوووووووم على البارتات الحلو مثلك .. وهالفرسااااااااان والله شكل حكايتهم حكااااااية غويصة ويبي لهااااا واحد يقعد يحلل ويفكر فيهاا وكله كوووووووم وهالغييث كوم ثاني قصته قصة ويااااا العيون الكحيلة ..
بارت اليوم ..


عتيبة :: يا ويلي منك والله انت اللي طحت في السالفة تبي تلعب فيها ولعبت هي عليك وعرفت كيف تجيبك اجل تحس برجييييييييف بقلب هاااا الله يستر عليك يا الحبيب ضاااااعت علومك خلااااص والحين ما راح يمر عليك يوم الا وانت مشتااااق لقوتة وتبي تروح لهااا وتتطمن على احوالهاا << فيس يهز راسه على ضياعك .. وانتي يا قوته خلااااااااص عرفتي من وين تدخلين للرجال خليتي قلبه معركة قايمة قاعدة بحركاتك ودلعك وبعدين اش تسوين مع صااااااالح هاا قاعدة تعلمينه وهو يعلمك بكل الاسرار والله انك قاعدة تخططين على كبير ووراك علوم معقولة قوتة اللي تسرق قبل بتسرق الحين بس ما اضن بتخلين عيااال العطاااوي بعد ماااا لقيتيهم اخيرررااا منتظرين بقية القصة ..



بدور :: يا ويحاااة يا اخية انتي وهالحممل اللي كل شوي تتبكين منه وهالشيخ حماااد اللي من يجي تنقزين فرحانه وشاقة الوجه بذيك الابتسامة لما يجي الا اقول يا بدور لا يكون انتي اخت قوتة << فيس يفكر اش صلتك بالموضوع كلله .. او تكونين اخت عيال العطاااوي وهناا بيكون لك مدخل في القصة ..



غيييييييييييث :: اييييي يا غيووووووووووث انت العلوم كلهاااا عندك تعاال قول لي من هذي ام عيون كحيلة اللي كل شوي تذكرها وتاركة لك في جسمك علاماااات على طول تذكرك فيهااااااا والله على قولة النوري شكل عندك قصة بتخلين عقولنا تلف لفان انت وام عيون هذي اللي شكلها انشالت في غزوة من الغزوات اللع يستر لا تقابلها قريب ويكون هاللقاء عااااااااااصف << فيس خايف ..



قماد :: سلااااااااااااماااااااات سلامتك يا ولد العطاااوي المزيون عسا يدها الكسر ان شاء الله شفت ان ما ورا البنيات خير كلن تبي تمشي رايها وانت يا الثور عاجبك الوضع يا اخي المفروض تهج من اول يوم مو تجلس وتستمتع << فيس يهز راسه .. الحين كيف راح ترجع لها وبهالحروق كلها المفروض تبدأ تنتقم يا قماد نبيك تلبس لنا ذا اللبس اللي يطيح الطير من السماء و وتكشف هاللثام اللي على وجهك وخلها تشوف قماد المزيون وتضيع علومها << فيس شرير ..



شووووووق :: عساااااااااااك الموت والكسسسر انتي وهالدلع الماصخ جبتي لي الضغط الله يرفع ضغطك بحركاتك البايخة اجل ما تعرفين تمسكين الدلة الله يأخذ شيطانك وين عايشة انتي ما تشوفين الي حولك تعلمي من مها هذي هي عندم خذي شوي من اللي عندها واركدي وانت اليوم كله نازلة في الرجال سب ولعن واخر شيء حرق << فيس منهار منك بس الغلط مو عليك على ابوك هذا اللي يبي الواحد يجلده لانه ما عرف يربيك وخربك بالدلع يا مدلعة .. << فيس مقهور منها



فهاد ومها :: اقول انتي يا العمة ابعدي بعيد اش نبي فيك احنا يا الله اشوف مناك خلي الحبايب يودعون بعضهم اضن ان فهاد ما راح يعود بسرعة ومها بتموت قلق عليه ويمكن لنها تلحقه بعد كذا << فيس يعرف التوقع خيالي بس بيحطه ..
المصيبة لا رجع بدري وتخلص من هالرجال احس انه بينصاب وبيرجع مريض وهنا لازم مها تكون جنبه عشان تهتم فيه ..


وديمة الف شكر لك حبيبتي على الالتزام وهالقصة الخطيرة افكار جديدة ومختلفة عن الموجود تابعي ونحن بانتظارك ..

زوزو ...