كاتب الموضوع :
ضمني بين الاهداب
المنتدى :
القصص المكتمله من وحي قلم الاعضاء
مساء الخير ............. كيفك ضمضم ان شاء الله تمامو ............. اول مرة اعلق على بعض العيون ومايكون هالتعليق بالمنتدى الثاني والحمد لله انو انا مسجلة هنا والله كنت بتأثر مثل باقي العضوات الي انحرمو من التعليق على هالبارت ...... ان شاء الله بس يبطلو شغل العناد ويهديهم ربي ومايكررون حركاتهم شذنب المتابعات بشغف هناك ويحبون يتركون بصمة جميلة بعد كل بارت ........... في بعض الاخوات ردودهم ماشاء الله جدا مميزة ونفقد هالردود اذا مالقينا تواجد لهم لاننا نعتبرها مكملة للبارت ............ بس ان شاء يفيد هالعقاب ومايحرمون غيرهم من البارتات بسبب عدم تقيدهم بالقوانين رغم التحذير الي سبق وماتنلامي ضمضم انتي عطيتيهم خبر بس الظاهر فكروها لعبة فالتجربة خير برهان
البارت كان مكمل لسلسلة الدموع واللوعة الي بدات من انكشفت الحقيقة مع اني كل مرة اتأثر بموقف الغيوض بس هالمرة الدموع كانت حاضرة من اول كلمة لها جدا تأثرت الله لايحرمنا من فرحتنا بعيالنا ابد ..........
جدا موجع للام الي ضناها كبر ومر بمراحل النمو وهو بعيد عنها وبدون ارادة منها .............. ماتحمل له ذكريات ابد ولو بتجلس في المستقبل مع احفادها وسألوها عن طفولة ابوهم كيف بتتحمل تلاقي لهم جواب وهي ماشافت منه الا الطفولة القصيرة الي ماتعدت سنتين او ثلاث .............والي يحرق القلب ويسعر فيه الحسرة انو الجاني هو الاب الي بيوم وثقت فيه وحبته واخلصت له ........ يعني مافي كلمة ممكن توفي الظلم الي عاشته الغيوض رغم انها تزوجت وجابت عيال لكن حسرتها على ضناها الي هي متعذبة انها ضيعته وماتدري وين هو هل عند مسلم لو يهودي صار رجال يرفع الراس لو مجرم سفاح ...........لو سطام جاها بالنور واخذ ولدها وهي تدري عن مكانه ومنعها عنه كان بيكون عذابها اهون بتحاول وبتناضل في سبيل شوفته وضمته بس جريمة مرتبة وبأصرار من الجاني الي خطط ونفذ بدون رهبة من رب العباد ومن دعوة ام مظلومة لاسباب واحقاد مالها منطق جدا صعب على اي انسان يتحملها فكيف بأم ذاقت حر فراق عيالها واحد ورى الثاني ..............
واحسن مافي الامر انو مسألة غياب عناد المجهول ماطولت وبنفس اليوم نزلت رحمة رب العباد على الغيوض كنت خايفة انو سطام يكمل جرمه ويتكتم على الموضوع الين يلاقي كذبة ثانية تبعد عناد اكثر عن امه بس الظاهر كلام عياله ونظرتهم له خلته يخاف ربه في هالمسكينة الي مارحمها ثلاثين سنة
اما موقف شهد وريان ماكنت متخيلة غير هالشي لانهم مايكرهون عناد اصلا الي بينهم مجرد تباعد في الافكار ومابينهم اي انسجام بسبب ابتعادهم عنه من خلال سفراتهم مع اهلهم لكن من الداخل هم يحبون عناد ويقدرونه ويتمنون انو الحاجز الي بينهم الي السبب فيه سارة بالدرجة الاولى هو الي خلى علاقتهم سطحية
بنظري كلام ريان وشهد عن طفولة عناد قدام امه شي يحرق القلب اكثر انها تسمع انو ولدها عاش محروم وناقص عن بقية الاطفال وعن اخوانه بالذات شي صعب خصوصا انو الشي الي هو انحرم منه شي فايض عندها وتتمنى انها تغرق ولدها فيه
الام لما ولدها يكبر ويصير رجال وله اسم ومنصب يرفع الراس تحب تفتخر فيه عند جماعتها وتتفاخر انها عرفت تربيه وانو مرغوب من كل العوايل .............يوم المنى الي تحط عينها على بنت تتمناها لولدها وتخطبها له ............ تدمع عينها لما تشوفه واقف ببشته وهي بالمبخرة تبخره لاحلى يوم الام تنتظره وتحلم فيه وتدعي له بالسعادة
احلى خبر وعوض لها عن تعبها سنين تربيته وهو يبشرها بحمل زوجته بأول حفيد لها وتجلس تحسب الايام والشهور لجية الحفيد الي بيذكرها بولدها يوم تناظره اول مرة بعد ولادته .............فكيف وهالشي كله صار وهي ماتدري وين مكان وجوده والقهر تسمع انو تزوج وعنده ولد وهي جدة من كم سنة ............حرقت قلب تدمي القلوب بدل المرة تزوج مرتين وهي ماكان لها اختيار لحرمته في المرتين .............الله يعطيها الصبر والطاقة على هالحسرة الي مابتروح من قلبها الين اخر يوم لها بحياتها .........
بس هي صبرت سنين وحمدت ربها على كتبته ومافي يوم يأست من رحمة رب العباد كانت تدعيه ليل نهار يجي اليوم الي تشوف ضناها وهذا ربي ماخيبها ابد وجاء اليوم حتى لو بعد ثلاثين سنة بس جاء ورجع ولدها بالسلامة وبتكحل نظرها بشوفته وبتشم ريحته وبتاخذه بصدرها الين تروي عطش سنين العجاف الي مرت بتجلس معاه جلسة طويلة تخبره عن معاناتها طول السنين بتحكي له عن احلامها وكوابيسها فيه وهو نفس الشي بتكون جلستهم كلها شكوى عن الحرمان الي عاشوه
الغيوض مو بس عناد ولدها الي بينور حياتها بعد سنوات الظلام لا بيكون لها عيال غير عناد وهم ريان وشهد الي ردة فعلهم وكلامهم جدا جدا رهيب كبرو بعيني اكثر بعد وقفتهم مع الحق واستنكار الجريمة الي سووها اهلهم بدون استثناء بحق هالام الي حزنها ولوعتها تنطق الحجر ............ عجبني جدا ندائهم للغيوض يمه ........ عجبني مسكتهم ليدها واسنادها بوقت ضعفها .......... مقطع ابدعتي فيه ضمضم عشنا الموقف بكل حاسة فينا ........دائما تبهرينا بوصفك الدقيق لردات الفعل كل مانقرأ مقطع كأننا نشوفه صوت وصورة اعشق هالدقة في الوصف سلمت يمناك
وجسار بعد ماراح يكون اقل من اخوانه بس ردة فعله بتكون جدا موجعة في الصميم لاهله ........... وبتكون في قلبه غصة انو كان بيوم سبب في ايجاع اخوه فوق الالم والجرم الي سووه فيه اهله ............... كنت متمنيه وجود جسار من بدايه الاحداث لاخوه ووقفته معاه في هالمحنة الي بيكون اثرها عميق جدا جدا على عناد ........... واتوقع بيثور لانو غاب اسبوع وكثير من الاشياء صارت لعناد بدون مايكون له تواجد وخصوصا انو غياب عناد صار بيوم سفره بس ماحد كلف خاطره وخبره ...........وموقادرة اخمن متى وكيف بيعرف وردة فعله ...........بس الي جدا متشوقه له لقائه بعناد بعد البعد الي صار بينهم والخصام
عناد الله يصبر قلبه صعب عليه الي بيعرفه والي بيسمعه ..........جرح كبير بيضل ينزف بقلبه بعد الحقيقة المرة الي بيصحى عليها ........... بيتمنى انو مات في هالمهمة ولا انو يعرف انو طول السنين كان عايش حياة مزيفة كان عايش بخدعة موجعة بسبب حقد وانانية ناس ابد مااهتمو الا بأرضاء نفسهم ............اما هو وامه ابد ماعملو حساب الاثر المترتب الي بيتراكم عليهم من جورهم وحقدهم ............ صعب يعيش انسان مع ام يحترق ليل نهار بسبب بعدها وجفاها ونبذها وتفريقها بنه وبين اخوانه وبالاخير تطلع مو امه ........... والقهر اسم الام الي بشهادة ميلاده مزور بعد
مااقدر اتخيل مقدر الالم والصدمة الي بتصيب عناد ............بس عندي احساس انو دموعه بتنزل بغزارة وهو الي دايم يكتم مشاعره عناد القوي الجبل بينهار وبيصير اضعف والين من القطن الله يعينه
ردة فعل ملوك برجعة عناد كانت واقعية فعلا لما نكون عايشين برعب وخوف وماندري عن مصير من نحب وغيابه لسبب خطير ردة الفعل لما نسمع خبر رجوعه يكون بدون وعي وبدون قيود المشاعر بس هي الي تسيرنا مو مهم الي حولنا قد ماهو مهم نروي العيون بشوفة المعشوق .......... اتمنى يكون لملوك وعناد فرصة يبثون فيها مواجعهم بعد هالفراق الي صار والخوف من الطرفين والرعب الي عاشو فيه على بعض والفرحة من رجعة الحبيب لحبيبه اتمنى يمدي ملوك تخبر عناد عن الطفل الي كان يتمناه انو بالطريق وان شاء الله تقر عينه فيه ...........
لانو الي بينقال وبيصير بيكون صدمة للاثنين .............شي مايخطر ببال احد ........... وملوك بعد العذاب الي عاشته على عناد بتكون خير عون وصدر وحضن له بعد هالصدمة
اما ام سطام الى اخر لحظة وهي موراضية تكفر عن الي سوته ومازالت مصرة انو الي صار من حقها وموحاسة بوجع الغيوض لانها ماعاشت نار الحرمان والبعد الي عاشته الغيوض وماراح بصحيها من غفلتها الا ردة فعل عناد وعتبه لها بيكون مر ماعمرها ذاقت مثل هالعتب
رهف وفرحتها بلقاء اخوها بعد هالسنين بعد ماقطعت الامل بوجوده وهي الي كانت تردد موته عند ياسر لما سألها عنه هذا هي بتشوفه وبترمي حالها بحضنه وبتغرق بدفاه وبتشم ريحة الحرمان منه ومن احمد بتعبر له عن مشاعرها الي عاشتها بعد مافقدت عزوتها والحين هو بيكون السند لها ............ بتخبره كل شي عن احمد وكل شي كانت هي او احمد يتمنوه لما يلتقون فيه ...........وانو ربي عوضها هي وابوها بالشبه الي بينهم علشان يكون دواء لحرقة فؤاهم .......ز
عجبني كلام عبد المجيد انو ماراح يستسلم الين يثبت للعالم انهم اهل عناد وانو هو ولدهم المفقود وكأن عناد ضناه هو مو ضنى الغيوض بس وفعلا هذا الي بيكون عبد المجيد بيعامل عناد بكل ابوة وخصوصا بعد ماشاف فيه العوض عن ولده وذاق حرقة فراقه بيعيش لحظاته مع عناد الي ماعاشه مع احمد بس الغصة له مثل غصة الغيوض انهم انحرمو من شوفت احمد بالبشت ومابتتحقق بشوفة عناد بس لما يجي ولد ملوك بيفرح فيه عبد المجيد وكأنو اول حفيد له من ولده وبيعوض شوي من الحسرة الي بقلبه
اما ياسر عليه افكار ولا افكار مراهق خخخخخخخخخخ الحين بدل ماتفتح عيونك وتشوف السعادة الي بتعيشها رهف واهلها برجعة عناد تتمنى تشوف عذابهم ولوعتهم .............وكله كوم ويوم يحسد عناد على انو صار رفعة راس لاهله ولوطنه وانو لو مات شهيد بعد بيرفع الراس ............ ياخي الحين ييتم ولده ويرمل زوجته الحامل الي لسى ماانضربت وانوجعت بهالخبر لسى ان شاء الله بعد ماترجع رهف معاك البيت تبشرك وتطلب البشارة بعد هههههههههه
بس لو بنجيها من ناحية ثانية ياسر صدق يحسد عناد بس مو لانه بياخذ رهف منه او بيفقدها مثل مافقد ملوك ولا لانو ملوك صارت زوجته لانو خلاص تجاوز هالمرحلة ورهف بدت تغزو قلبه مثل ماغزت حياته
ياسر حاسد عناد على الاهل والام الحنونة الي بتغدق عليه الحب بعد هالعمر وبالاخت الي موعارفة ايش بتسوي وايش بتخلي لما تشوف والفرحة والجو العائلي الي بيعيشه عناد الي من وجهة نظره حصل الي هو ماحصل عليه ولا بيلقاه بيوم ..............هو عاش يتيم محروم من حنان الام وقرب الاب الى ابد مالهم بديل ........... ياسر يشوف حاله افضل من عناد واولى انو هو الي يكون رافع راس اهله وامه الغيوض متلهفة تاخذه بحضنها واخت يتمنى وجودها وتدلعها عليه شي لايمكن يلاقي له عوض ولا بكنوز الدنيا احلام اليتيم دائما ترتكز على هالشي على لو مابين واليتيم مهما كان عمره ماتتغير نظرته لهالامنيه ............لانو ياسر من داخله فيه بياض بقلبه وفيه طيبة وفيه احساس عميق جدا والدليل مقدار العشق لملوك ومقدار اللوعة والعذاب والدمار الي عاشها بعد الفراق ............. ياسر خسر اشياء وانحرم من اشياء يحبها غصب عنا الموت حرمه امه وابوه الي مايقدر يلاقي لهم بديل ,,,,,,,,,,,, وفقد ملوك الي كانت سلوى له عن يتمه وحاجته لاهله بس كان لها بديل ...........
الكل شايط على جسار لانه خبر الظبي انو ابوها عرضها عليه مع انو الكل كان شايف انو الامر هذا مو تنقيص بحق البنت لما ابوها يشوف الرجال الي يحس انو جدير لبنته ........... يعني هي حلال تكون صريحة وتصدم جسار وتتعنجه عليه انو ميت على قرب العاجي الي بيوم كان عدو له عادي ومن حقها
وجسار قساوة منه انو يخبرها انو ابوها الي طلب هالطلب مو هي تشوف كل الي يسويه صح حتى لو كان العكس مو هي تقبل كل اوامره وطلباته وعسل على قلبها خلاص هالشي بعد عسل على قلبها ومقرن الي بغي يكسب قربه مو بس صديق وهو الي جاهد للهزواج
هي طول عمرها تذب بحكي على العالم وماتراعي مشاعرهم خليها تذوق شوي من الغصات الي ذوقتها لفلك وملوك انو هم مو مرغوبين وانهم مايبغون قربهم واختلاطهم في عاجيتهم .......... ترى الظبي مصدر قوتها مقرن بكرة اذا مات بتطيح طيعة قوية مابتقدر توقف على حيلها خليها تاخذ جرعات ترويض للتخفيف من غرورها وعاجيتها الكريهة الي ماراح تنفعها وتعيشها بعد ابوها ............ مادام هي صريحة حتى لو صراحتها تقتل الي قبالها خلاص تتقبل الصراحة بصدر رحب مافيها شي دام هالشي يعتبر ميزة لها اجل لانستنكر اذا احد عاملها نفس معاملتها لانها مو احس من احد
واذا جسار ماتعامل معاها من البداية على نفس مستوى اسلوبها حياتهم بتكون دمار لانو جسار مابيتحملها ومو كل الرجال طارق عنده طاقة صبر على غرورها .............هالشي من صالحها ابوها مازوجها لجسار الا لانو يبغيها تتغير وتستفيد من الرجال الي عطاها له ........... وهذا الي بيصير جسار بيصلح وبينهي اغلب عيوب الظبي اذا كان يبغيها زوجة وام بديلة لبناته واتمنى الي صار لعناد يكون درس له انو يكون قريب حيل من بناته لانو الظبي ماراح تكون مثل الام الحقيقية لهم واذا جاه عيال منها لازم مايكون تفريق بينهم مع انو هالشي مستحيل مهما كان غريزة الام بتميل لعيالها اكثر بس هو الاب لازم يكون دوره مضاعف علشان بناته مايلوموه بالمستقبل وهذي امهم نموذج لبعد الاهل وسؤ التربية
اما فلك عاد كايدة العذال عدل خخخخخخخخخ توقعت انهم يلصقون اذانهم ويشغلون عويناتهم على بتال ويسوون استنفار وحالة حصار على انفاسه زين طلع فيهم دلاخة تفضي الجو لكناري الحب مع اني مايعجبني حالة الاستسلام الي فلك عايشتها لانو بيتها موجود وماحد يقدر يجبرها انها تعيش حرقة قلب وتكتم مهما كان مافي حرمة مهما كان حب الزوج لها تتحمل تشوف زوجها مع غيرها كلنا زوجات وعافين ايش يعني هالمنظر فلك اذا حست حالها انها ممكن تتعب نفسيتها مافي داعي تجامل احد علشان هم يرتاحون وهي تحترق مافي زوجة تتحمل طال الزمن او قصر هذي غريزة الانثى شي خارج عن ارادتها .............ز
الخبلان مفكرين العالم كلهم مثلهم سحر قال سحر ومناهلوة ماتابت بعد الي صار لها من مشيها ورى شورة البقرة وبعد مافقدت الضنى الي ياخوفي يكون هو التؤم الي بحلم بتال عاد راحت فيها فلك من غرور مناهلوه والي ابد مابترضى لقرب ولدها من ولد فلك ............. مابيرتاح قلبي الا اذا ولدت فلوكة ننتظر هاليومين وموراضيين يجون نبغي نتطمن لتفسير حلم بتال
فلك بتاخذ عقل مقرن بتصرفاتها وبتحرق قلوب الساحرتين بتصرفاتها كل ماحاولو يحرونها هي صح بتستخدم سحر بس السحر الحلال الي يجي من العقل والرزانة والدرابة ..........غير الاشياء الثانية الي بنات العز والاصول مايعرفونه
ضمضم منتظرة بارت بكرة ومجهزة معي عصير ليمون مثلج بالنعناع لانو اعصابنا بتنهار وحلوقنا بتجف وعيونا بتغرق والمناديل بدل العلبة درزن ............ الي تبغي عصير والا مناديل لاتستحي عاد هذي اللحظة الي صار لنا شهور ننتظرها ونبغي نعيش اجوائها مع الغيوض ............ وبعد ماتهدى النفوس ويطلع عناد بالسلامة الغيوض وعبد المجيد مسويين لنا عشاء ماصار ولا استوى برجوع الغالي ............ يالله عاد تجهزو لها من الحين ههههههههههه ضمضم انتي اولنا ولاتنسين العيال والحبايب والي يعز عليك لاتقصرين الدعوة مفتوحة بس الي عيالهم شياطين لايدخاونهم داخل لهم خيمة برة كبيرة وساري متبرع يراقبهم بعد ماشرط على عبد المجيد مبلغ وقدره ههههه
الا على طاري مسودة الوجه ليه تطلع لنا ببارت بكرة لايكون بتقرأ خبر عن عناد وبتطلع تعبر عن مشاعرها عاد يوم زواج جسار ماسمعنا حسها والحين يوم الكل مو حولها بتطلع لنا مع وجهها ترى ذي كل شي متوقع منها
يالله العد التنازلي بدأ اربطو الاحزمة واكتمو الانفاس للقاء المدمر
|
23-05-11, 12:06 AM
جديد مواضيع قسم القصص المكتمله من وحي قلم الاعضاء
العرض العادي
