كاتب الموضوع :
بوح قلم
المنتدى :
القصص المكتمله
الـ ج ـــزء الــ خ ــامس..
••.•°¯`•.•• شوق ووله ••.•°¯`•.••
آه لو تدري ..ح ــبيبي..كان والله ما قسيت ..
من غ ــرامك كم أسهر ...بالليالـــي ما ..أنام ..
لا هنى زادي وشربي لا و لا بيومي إهتنيت ..
تايه مضيـ ع دروبي وسط ع ـتمات الظلام ..
لا خ ــوي ولا مـ خ ـاوي ولا لقيت اللي أهتويت ..
بين ياسي وبين همي غ ـارق في بحر الـ غ ـرام ..
يا ح ـبيبي روف و أرح ـم طالبك و أنا رج ـيت ...
ح ـالتي ما هي بخير في الح ـشا ع ـوق وسقام ..
في هواك القلب هايم ومن غ ـرامك إبتليت ..
والله ع ــالم كيف حالي بين ألاف الأنام .
ميت بـ ح ـبك وزينك وإنت يالـ غ ـالي دريت ..
بس ما ادري وش ع ـلامك قاطع وتنوي الـ خ صام ..
لا خ ـبر منك لفاني آآه يا ع ـمري جـفيت ..
لا توافيني بوصلك لا ولا ح ــتى السلام ..
في النهاية يا وليفي لك غ ــلا دامي حييت ..
وح ــبكم تاج على راسي وع ــلى الصدر دايم "وسام"..
..شعور الحب ساكن افكيانها من عهد طويل..ومشاعر الشوق تعودت تصبح وتمسي فؤادها..واحاسيس الوفا نوخت اركابها ع خفوقها العنيد..ومعاني الوله كلها تجسدت في شجونها الفريد..الهيام اصبح عنوان قصة عشقها..والوصال هو كل امانيها..أعلن الغلا عن وجوده الدائم افقلبها..و كلمة بعاد ياماكرهتها..
روضه اعشقت بمعنى عشقت ..من هي بدونه..حياتها موول ما تسوى..حبها لــ"سهيل"..فاق معنى الحب..سهرت عانت شقت كله ..بسبة درب طوووويل..لا تظنون انه صعب تخطفونه ابسهوله وبسرعه..درب طووويل سبب الآااام وأحزااان للقلوب الجريحه والخواطر الكسيرة..هاذا اللي يسمونه درب العااشقين....درب المحبين..درب هــل الأشواق..محد يظهر منه..يا مجروح ومتعذب..او الحظ حالفه وظهر من هالدرب سعيد افبقية حياااته..وااحد من الإثنين..غيرهم مااشي..
نظراته يا ماعذبت قلبها..وهجرانه يا ماجرح خفوقها..وكلماته ياما ذوبت روحها..وابقربه..حان الموت في عيونها...
روضه:اككككككره مادري كيف اتراابعه..
سهيل:ههههههه..والله سيف طيب ومحد شراته..
روضه:امحق طيّب افذمتية..اممممرة ما عنده معنى..
سهيل:انتي ما تعرفينه زين ..
روضه:وماريد اعرفه..
سهيل:لا خلاني الرب من منطووقـــــج..>>>>>>>>>>اونه..
صخت روضه..ما عندها شي اتقوله..وسهيل بدوره التزم الصمت..ترك الموقف يسرد روحه بروحه..
وقفت سيارة سهيل عدال سيارة سيف..وسيف اللي كان يمشي بسيارته على هونه..ظهرن البنات من سيارة سيف..وكل وحده ميودة أجياسها..ووقفن على طوول عند سيارة سهيل..وظهرت روضه..سلم عليهن سهيل ..وتم يتخبرهن عن الحال..
سهيل:سيييف ياا سيييف..
بس سيف حدر البيت مطنش سهيل..مــع إنه كان يسمعه..
سهيل:يلا براايكن..
الكل:الله يحفظك..
من حدر سهيل البيت..تمن البنات محتشرااات..
موزة:اششششكر فنج بنت العم..خشمج خشمج..
ويتوايهن ..
سلامي:شو تشكرين فنها..؟؟انتي شو سويتي؟؟"اتطالع روضه"..
روضه:انا ما سويت شي..؟؟
غبوش:شو ما سويتي شي ..يالسه اتراددين الريال..لو درابج محمد ولا حمدان بزواالــــــج..
روضه:اللحينه انتن بلاكن محتشرات عليه..ضيعتكم..ويوم لاقيتكم..احتشر علي الشيخ سيف بن المر..ماادري بلااااه؟؟
غبوش:لأنج زودتيها ..حشى من الساعه اربع ونص ونحن اندورج..
سلامي:الريال زاااغ ..لا استوابج شي ولا شي..
روضه:ياا حاافظ ..يزيغ عليه..من متى؟؟قولي الا استاانس..بس تدرين اسميه حرق اعصاابي ..
موزة:قهرني الصرااحــــه..اونه اتحداج اتظهرين من السيارة..
خلودي"منحرجه من أخوها":خلاص زين ما صار الا الخير..
موزة"اتزيييد":اي خير غناتي..واخوج عهد علينا ايودينا وييبنا..وطرد روضه من سيارته..شو يعني يذلها؟؟
غبوش:مووزوووه عن الرمسة الماصخه..
روضه:خلاص زين سكتن..
موزة:ليش نسكت عنوني.."اتطالع خلودي"الصراحه خلودي اخوج قمه فالوقاحه مستلم البنيه جيه ..ولا يصاارخ عليها جنه الا ريلها..
روضه:شو؟؟بسم الله عليه..
سلامي:ايييه عاااد رواضي و موزاني مررة مزوداتنها انتن..مستلمات الريااال..
غبوش:صج مضيعات المذهب..
روضه"اتعدل شيلتها":سييري مناكي..فايجتلج انا اللحينه اتسويلي محاظرة..
فطوم"معععععصبه":خلااص زين كل وحده تبلع لسانها ..حشى كيف شباب الشعبيه يطالعونا..يالسات تتناقشن فالشارع..
فطوم سحبت شموس وياها..وحدرن البيت..من بعدها حــدرن كلهن البيت..ومن بعد ما غيرن ملابسهن..يلسن ايسولفن وكأنهن من شوي ما تضااربن؟؟!!
. . . . . . .
عيوني عنك ..اداريها عن عيونك..
أخاف تحس بأشواقي عليك..
وتعرف اني مجنونك..
وأذوب بنظرة عيونك..
واحاول اكتم انفاسي..واكتم احساسي..
علشانك..أخاف الناس يدربوك.
يحسدوني على حبك لأني صرت محبوبك..
بيت بو سهيل..
يــوم الأحــــــد..
الســاعه 6 ونص..
حيرة سلامي..
سلامه:ما كان قصدي..
شموس:شو ما كان قصدج..تدرين به انتي اللحينه ..كيف متأذي من حركتج الماصخه..
غبوش:شموس خلاص هو وين اللحينه..
شمسه"ابعصبيه":افبيييتهم..
سلامه:ااااااااااه فدييت قلبه والله..
وحظنت سلامي الدبدوب الأحمر اللي من عند خلووف..
غبوش"باهتمام":سلامي دامج اتحبين هالكثر..ليش اتعذبينه ويـــاج..
شمسه:مادري هااي بلاها تستهبل..
سلامي"اتحرك ثمها مفتقده التقويم تراها مظهرتنه اليوم":خلاص زين..لا تمن جيه ع راااسي..
شموس:يلا بعد ما تخلصين وتتسبحين..لبسي لج كندورة غاوية..وكشخي وتعالي بنسير صوب بيت عمي..
سلامي"باستسلام":انزين..بس والله والله استحي..اذا شفته شو اقوله؟؟
غبوش:هه..>>>>>تستهزء في سلامي...اونها تستحي..
شموس:اونج سلامي..انتي اتظهرين الرمسه جداااامه..
سلامي:خلاص انزين لا تاكلوني..
ظهرن شموس وغبوش..من حيرة سلامي..ومن يلسن فالصاله..تنااقعن ضحك..
غبوش:اسمييج اتقنتي الدووور..واتسوين عمرج معصبه..
شموس:ههههههههههههه..خليها اتحس اشويه..خلووف بيموت والسبه هي..
غبوش:وبوشهاب بيمووت والسبه انتي..
شمسه"بابتسامه اتحاول تخفيها..":شو دخل بوشهااب فالسالفه؟؟
غبوش:اووووونج..يوم كان يوم اليمعه..الكل لاحظ نظراااته وهو يطالعج..
شمسه:نظرات عاديه..
غبوش:شموس انا اكثر وحده افهمج..أعرف ان حمد يننج..من اول ما شفتيه..
شمسه:سيري اهنااك..انتي ما كنتي عندنا اول ما شفته..روضه كانت ويااي..
غبوش:انزين ترى روضه خبرتني..
شمسه:بأدبها الغبيه..دوومها اتطلع اشاعات ع الناااس..حبيبة سهيل..
غبوش"بابتسامه":العرب كلهم بيحبون..الا انا..
شمسه:بيي يوم وبتحبين..يمكن تنسينا بعد..
غبوش:انسى الكل الا انتي..
شمسه:افديت قلبج والله..
صخن يوم سمعن صوت حد ياي..كان هاذا سعيد..سلم عليهن ..
غبوش:بوعسكور عطنا من اللي عندك؟؟
كانت تقصد سلة البستاش اللي في يده..
سعيد:نو نو نو..>>>>زطي..
غبوش:بخييييييل..
سعيد:براايه عااد قولي اللي تبينه..
غبوش:سعيد عن النذاله..
سعيد:تدرين اصلن هااي سارقنها..توه حمد يايب لروضه وموزة ثلاث..وخذيت وحده انا وشردت..
غبوش:الااا يالنذل..بخبر عليك..بس تدري قالوا ان الشرده نص المريله..
سعيد:شفتي كيف..يلا براايكن..
وعطاهن ظهره..
غبوش:شو ما بتعطينا..؟؟
سعيد:فالأحلام..
غبوش:بنت منو هاي؟؟
سعيد:وحده الله يستر عليها..سلملم.."وفي خاطره يتفدى اللي اسمها احلام"..
"هاي كلمة سعيد..دووم يقولها..سلملم"..
غبوش:مااااالت علييييك يالسباااااال..
سعيد:بااي نونو..>>سعيد يسمي غبوش النونو أو البيبي..
حدر سعيد غرفته..
"سعيد..كان من أول الشخصيات اللي ظهروا في بداية القصه..وعرفتوا انه أخو سهيل وسلامه..سعيد..انسان عايش حياته ع النت..وبالتحديد الشات والمسن..بدوي..بس ما يحب سوالف البدو..الشباب يوم يظهرون للعراقيب ..ولا يوم يقنصون بصقورهم..ما يسير وياهم..الا ان شي مطر..يفضل ياخذ الابتوب ماله وييلس ويا ربعه فالميلس..ويحدرون الشات اربااعه..ويطيحون في هل الشاات..عااشق الحلويات..وهالشي طبع فالعاايله كلهم..طويل..بس مب عريض واايد..واحيانن يلبس النظارات..يدرس ثاني سنه فالكلية..وشااطر ماااشاالله عليه..نادر ما يرمس بنات.."..
طولت سلامي..فنزلن غبوش وشمسه تحت..ولقن عمهن وأمــهن العوده..وأم سلامي..
أبو سهيل:مرحبااااا مليووووون بغراااشيب الرماااااح..
شمسه وغبوش:مرحباابك زوود يالغالي..
وايهن عمهن ويلسن حذاله..
أبو سهيل:هاه شحالكن بناتي..عساكن ابخير..؟؟
شموس وغبوش:بخير ربي يعافيك..
أم راشد:هاه غبوش خلصتي مذاكرة..؟؟
غبوش:هيه افديتج من نص ساعه مخلصه وييت اشوف أخبـــار سلامي..
أبو سهيل:هيه عاد غبوش شدي حيلج..احن حاطين كل الآمال فيج..صحيح انج ثاني ثنوي..بس اللحينه النسبه تأثر في نسبة الثنويه العامه..
شمسه:اووه عمي ظهرت تعرف افهالسوالف..
أبو سهيل:ههههههههه..عيل ع الفاضي دارس افأمريكا سنتين..
غبوش وشموس:اوووووووووووونه..
أبو سهيل:والله ماجذب..
غبوش :اووه والله ما كنت ادري..
شمسه:سنتين بس..
أبو سهيل:ما عيبني الوضع فأمريكا..رديت..
أم راشد:عاد هااي امكيرا ماشي من الزين فيها..اتلوع بالجبد..
الكل:هههههههههههههههههه..
أبوسهيل:امايه امريكا امريكا..مب امكيرا..
أم راشد:اووه جانك اللحينه بتعلمني الرمسه..صخ لا هالعيرة ع رااسك..أمكيرا ايكرا وماريكا كلها نفس الشي..داار الخيااس..
الكل نقع ضحك ع رمسة أم راشد..ويت سلامي.
تمن غبوش وسلامي وشموس يسولفن ويا عمهن..اللي كان يتمصخر عليهن ويعلق على كل وحده..
صدت شمسه افويه كل واحد من اللي يالسين عندها..وقالت افخاطرها"لو يلست فالكويت..شو كان بيصيرلي"..
بالفعل..حست انها انسانه..لها أهل..عندها حد يهتم فيها....عمومتها وعيال عمومتها..رياييل ينشد ابهم الظهــر..حست ابهم عون وسند لها..بيوقفون وياها وين ما كانت..اسبوعين بس..دخلوا قلبها بطيبتهم وروحهم الحلوة...استانست بخفة دم روضه واستهبالها..وجدية غبوش ودراستها..بصراحة موزة الجارحه..وبراءة سلامي وغباءها..عيبتها سوالف خلودي..وارتاحت لفطوم ومقالبها ويا روضه..ارتاحت لحمدان ومحمد بطيبتهم..ولخلوف يوم يرمسها عن سلامي..وسعيد وبخله بالحلويات..وسهيل ونظراته لروضه..وعبودي وعنودي صراخهم فالبيت..واستغربت من طبع حميد..ومن قواة عين سيف..زادا اعجابها بعمومتها..واهتمامهم فيها..واستانست على حريم عمومتها..كيف معتبراتنها وحده من بناتهن..واستوت اتموت في يدوتها..وكيف ما تصبر عن شوفتها..أرتاااحت لكل شي في الرمــــاح..وهل الإمارات كلهم..افهالبلد..حست انها انولدت من يديد..وحيااتها كلها اتغيرت..كل شي كل شي..حتى اسلوبها ورمستها..ومشااعرها واحاسيسها اتغيرت..حياتهم اليوميه حلوة وعجيبه بمعنى الكلمة..والفرحه والبسمه ما تفاارق بيوتهم..لأنهم عاايلة كل واحد قلبه ع الثااني..وكل واحد يده ع يد الثاني..والشي الوحيد الشاغل فكرها..هو حمد..ما بقولكم لأنه يوم طاح فيها بالنظرات حبته..بالعكس هي من شافته اقبل عليهن هي وروضه..فز قلبها..حست انه انسان ماخذ الحياة بريلاكس..ونكيت وراعي سوالف..وهاذا واحد من الأسباب اللي عيبها فالإمارات..
لازم اتعيش يومها كاامل..واول شي..وأول شي ..يحلون مشكلة خلوف وسلامي..بس همست افداخلها"فدييييييييتج يالكويت..كم اتولهت عليييييج"..
واللحينه..تم أعلاان الإنسحااااب..والسيرة صوب بيت بو محمد..زقرت غبوش البشكارة ..وعرفت ان روضه عند موزاني..صدت غبوش صوب شموس..وابتسمن لبعض..جنهن مستانسات ان الخطه بتمشي اوكييييي..
من حدرن بيت عمهن..لقن افدربهن حمد..
حمد:مرحبااااااااااا مليوون وزوودهن مليوووون ولا يسدن بشيووخ الرمااااح..
غبوش:اووه كل هالترحييب حقي..
حمد"ايرقع السالفه":حقج وحق اللي عندج..شحالج غبوش؟؟
غبوش:يسرك الحال ومن صوبك..
حمد:القلب صويييب دخيل الله لا تتخبرين..
ضحكت غبوش..وحمد اكتفى بالإبتسامه..
حمد:هاه شموس شحالج ربج الا بخير؟؟
شمسه:بخير ربي يسلمك..>>>>وسكتت..
غبوش:جيه ما تتخبرين عن حال ولد عمج..
شمسه"منحرجه":اشحاااالك انت وشعلوومك عسااك ابخير..؟؟
حمد"متشقق":بخير لا خلاني الرب منج..>>>>زودها..
شمسه"معصبه":هااه الشيخه غبوش ارتحتي..
غبوش:هيه عادي عندي..
حمد:سلامي شحالج؟؟
سلامه"برقه":بخير ومن صوبك..؟؟
حمد:ابخير ونعمه..هاه وين التقويم اشوف اختفى..
سلامي:هيه ودعنااااه اليوم..
حمد:جيه ما داومتي وياهن..
شموس:لا نقعتهن خيانه..
سلامي:انتي اللي منقعه خيااانه..
حمد:ليش ما ادرسين عندهن..؟؟
شموس:ما احب الدراسه؟؟
حمد:هب ع شكلج؟؟
غبوش:شكلها يوحي بأنها مصريه اتحب الدراسه..
حمد:هيه شرااتج..
الكل:ههههههههههههههههههه..
سلامي:ابغي افهم..ليش كل وحده شااطره مسمينها المصريه..والله لاحظت هالشي فالمدرسه بعد..
حمد:ماادري مع احتررامنا الشديد لأخواننا المصريين..بس هم ماشالله عليهم ..يعني يدرسون دراسه من الخاطر..
سلامي:هيه هب شراتنا..
حمد:اها يلا شي فالخاطر؟؟
الكل:سلامتك..
وسار حمد عن شلة البنات وركب سيارته راايح للمول"مكــان شغلـــه"..والبنات سارن وحدرن الصاله..
"حمــــد..مخاوي الضحك ع قولة روضه..ذيج السنه مخلص الثنويه العامه..وما يريد يشتغل او يكمل..ودوومه مداوم فالمول ..اربع وعشرين سااعه..الصبح يوم ينش لازم يسير المول..ويا ربعه ناصر وأحمـــد..واذا ما ســار يوم واحد المول..يسجلونه غياب..ويخصمون من راتبه...خخخخخ...
انسان وع حسب أفكار شموس..ماخذ الحياه بريلاكس..وما يهمه شي..صحيح ان دووم ويا ربعه..بس علاقته قووو ويا سيف وسهيل وسلطان..وهالشلة دوومهم ويا بعض"..
من دخلن البنــات الصـــاله..يلســـن يتفوالن من الفواله الموجوده فالصـــاله..صدت غبوش صوب شموس..وشموس متجاهله غبوش ما تبــى اتبيــــن شي لسلامــي اللي كانت اتسولــف ولا عليــــها..
دقايق خطفت ابســرعه الا موزة ورواضي يايات من فوق وهن يتضااحكـــن ومكشخات اضرووسهـــــن..
موزة:غبــــوووش ...نشي يلا للمطبــــخ..
روضه"اتطالع في شموس":هيه سموس قالت لي انج متفيجه تطبخين لنا العســـا اليووووم..عاد انا خااطريه في خبــــز مدقوق بلبــــن..
غبيشه:لا عاد هالأشياااء انتي اتسوينها مب أنــــــا..
روضه:امممممممف علييييييج..بدوية ع الفــــاظي..
موزة:يلااا خلاف اتفااهمن يلا سبااالوه غبوشي..
غبيشه:وتسبـــــن؟؟اقول لا اتخلنــي افضحكن للحينه ويرووح اللي بتن امس فليل اتخططن فالهـــــوى>>شبه نذلــــه..
موزة"اتغمز لها بعيونها الهنتين":غبوووش يلاااا عاد عنوني طولتيها..
روضه:بمووت من اليـــوع..
غبوش"اتنش من مكانها":هاه نشينـــا خلاااص..>>>وميودة ضحكتها..
نشت غبوش وسلامه اتطالع فيــــها..وجان يطالعن شموس ويظـــهرن
من الصــاله..بس ما راحن المطبـــخ...تمن واقفــات على باب الصاله العود..
سلامه:يلا عاااد بنشوف غبوش شو بتسويلهـــــن..
شموس:لا ما عليج فيها بتعطيهن وصفات ولا أحلـــى..اووه سلامي نسيت ما ارويــج القصايد اللي ظهرتن من النت..وموزاني سوتلهن برنت..
سلامي:اوووه عااد انا احب القصاايد..نشي بنييبهن..
شموس:لا افا علييـــج..بسير بتخبـــر موزاني وين حطتهـــن وبييبهـــا..
سلامي:انزين شو انا ايلس ارووحي؟
شموس:يلا عاده ما بيستوي فيج شي..
نشت شموس وما عطت سلامه اي مجــال للرمســـة..وظهرت من الصــاله على اساس انها بتسير صوب الأخت موزة وتتخبرهـــا وين حطت القصــايد..وهو في الأصـــل لا قصـــايد ولا هـــم يحزنـــون..بس عســـب تظهر شموس من الصـــاله..
وقفت شمــوس عند روضه وغبــوش وموزانــــي..عند البــاب..
روضه:غبوس من نحــاست رمستــج الماصخه الريــال ما بيظهــر..
غبوش:اسمييييي غبووووشششششش..
روضه:غبووووووشششششش..انزين شو اسوي كله ابسبة التقويـــــم...
شموس:المهـــم..موزاني فديتج انتي رمستي خلووف؟؟لا يكون قلتي له شي عن هالخطـــه..
موزاني:لاااااا..بس هو قــالي انه بيظهـــر من بعد خمس دقاايـــق..
غبوش:واحن طولنــا يالسين اهنه..
روضه:خلونا نتريـــا..بس ياا خوفي يظهــر ويشوفها وتشوفه ولا يرمسون بعــض..
شموس:لاا عـــاد اهنيه احن لازم نتدخـــل..
روضه:انا وحده كل شي عندي بالغصب..غصصصصب عنهم يترااضون..احن ما عندنا حبااايب يتزااعلــــون..>>اونه؟؟؟!!
موزة وغبووش:عااااااااشووووو..
شموس:اصصصصصصصص..صخن يالعنز لا تصــاارخن..
موزة:ماا احب حد يسبنــي..
روضه: مب بكيفـــج ..صح رمستها..اللحينه بتيينا سلامي وهي تربـــع..
غبوش:مب وقتها مواقعتكن اللحينه..لا تنسن انتن فريييق..
روضه:خلاص موزاني سامحيني اخر مررة..
موزه:افاا ما بين هالرمسه..خشمج خشمج..
وبتوااايهن..
شمسه:هاذي المرة الألف..
غبوش:هههههههههههههه.
موزة"تفج البــاب بشوي اشوي"..:اوووف..سلامي بتنش..
روضه:لأااا لا تقولين..
موزة:اوووف قويه..يوم نشت سلامي ..خلووف ظهـــر ظهــــر..خلووف ظهـــر..
روضه:هجوووم يالقووووم..
غبوووش:اخييرن ما بغـــى..
غبوش يلست ع ركبها وحطت عيونها بين البـــاب..واشوي فوقها شموس وبعدين موزة ولأن روضه اطول وحده هي بتكون اعلى وحده فيهن..
كااانن يراقبـــن الموقف بين سلامي وخلوف..أقصد سلامه وخليفه..يراقبن هالموقف بكل تفاصيلـــه ...وكل وحده اعيوناتها اشوي وبتظهـــر..
وفالصــاله..بند خليفـــة باب حيرتـــه..وحط السمــــاعه في مخبــاه..ومشـــى ..وفي نص الصـــاله..وقف مجاابــل المنظـــرة العوده..عسب يصلـــح سفرتــــه..
عدل السفـــرة..وتم ايشوف ويهه..شاف صورة سلامه في المنظــرة..علــى بــاله يتخيــــل..وبصبووعه مســـح عليها ابكل حنيـــه وقال بصوت مسموع:
خليفه:والله اني امووت فييج..
رد وطالع افويهه..بس انتبه ان الصورة لا زالت في المنظرة.. غمض عيونه العسلية حرك راسه وكــانه يخلي عقله يرد للواقـــع..فج اعيونـــه..استغرب..!!!الصورة لا زااالت موجــوده..هاذا يفسر شي وااحد..ان هاذا مب طييف سلامي..هاذي سلامي بكبرها موجـــوده..وابسسسسرعه..وبدون تردد..صد خليفه وراه ..جان ايشوف سلامي وااقفـــــه..نســــى كل شي..نســــى انه زعلان علييها وماخذ افخــاطره..نســى انه من ثلاث ايااام كان مطنشنــــها..نسى كل شي بس يوم شــــافهــــا..ويأ صوبها..
ولا سلامي..من زوود الإحرااج تمت اتطــــالع الأرض..ومرتبشـــــــه..وقف مقابلنها بالضبــــط..كانت دريشه الصـــاله مفتوحه..دريييشه عوووووده..يعنـــي ماااخذه نص اليدااار..و كااان مهب قوووي..لدرجه ان الستااير تتماايل يمين ويســــار..
خليفه كنت أتخيلج..ترى طيفــج دووم يزوورنـــي..>>>مركز ع قصه سلامي اللي اتطير شرات الستااير..
سلامة:...........................
خليفه"تذكر انه زعلان":ليش ما ترمسين..لا تقولين متلومـــــة..
سلامه:.......أنا............انا..
خليفه:انتي شووو؟؟انتي بس تجرحين..عنلاات صداااج ماخذ السمــــاعه بسلم عليج وبشوف شو اخبارج وشو الدراســــــة..ابا اقولج انيه متوله علييييج وااايــــد..جان ترقعيــــــن السماعه افويههي..ولا الأخت موزة العنز يالسه تضحـــــك..
عند البنات..روضة تضحك..
روضه:اوووه سبج يالمسكييينه قاالج العنز..
غبوش:روااضي صخي بيسمعونج..
روضه"بغباااء":هييه صح..صخن صخن..
خلوف"يكمل":والمشكله ما يييتي تعتذرين بعد اللي سويتيه فيني..ييت بيتكم عسب سعيد..شفتيني حتى ما مديتي يدج اتسلمين..وعند قوم بو سيف شفتيني يالس فالصاله ولا رمستيني..واللحينه لو انج مب ارووحــج جان نشيتي وخليتيني..صــــــح؟؟
سلامه:............................>>>>ههههههههه..ا تضحكني..يالسه اتخيل شكلها..
خلوف:رمســــــــي..
سلامه:شو اقووووول..
خلوف:أي شي..
سلامه:انته اللي مطنش..
خلووف:انا ولا انتي..
سلامه:انت..
خلووف:انزين انتي ليش جييه؟؟
سلامه:انا ما سويتلك شي..انت اللي تطنش..
خليفه:.................................
سلامي:....................................
خليفه: تعالي نسكت أحسن من كلام تاليته جروح..
هلا بالصمت دام الصمت مايجرح مشاعرنا..
أنا وانتي وطول الصمت والدمعه وكثر البوح..
وليل مابقا به حيل ينهان اويامرنا..
توحّي تسمعين الليل مدري وش بلاه ينوح..
على ضحكاتنا والا على كسرة خواطرنا..
بكا ماكنّه اللي كان يغرينا فرح ومزوح..
سكت ماكنه اللي كان ملهمنا وشاعرنا..
سلامي تدرين انج تعبتي وتعبتيني ويــــااااج..
سلامه:انزين انا احبـــــــــــك..>>>>لوتيه..
خلوف:مب شي يديد..
سلامة:شووووووو..
خلوف:شو اللي شو..؟؟
سلامه:انا اول مرة ينطق لساني بهالكلمــــة..
خلوف:انزين اللحينه قلتيها عسب ما اعااتبـــــج..سلامي انا شووو ذنبي انيه أريد ارمســــج..والمشكله انتي قايله ما تبين ترمسيني تيلفون..انزين انا ريلـــــج عاااادي..
سلامه:استحي..
خلوف:قربي..
سلامه:ماارييييد..
خلوف:قربي عسب اصفعــــج..والعن خيرج..
سلامه:ما تروووم..
خليفه:انزين قربي عسب اعطييج السطار الي يوديج بيتكم اتصيحييين..
قربت سلامة منه..قربت خدها عسب يعطيها كـــف..بس هو يود ويها وبااسها بين حياتها..
سلامه"منصدمه":خلووووووووووف؟؟
خليفه:ههههههههههههههههه؟؟عادي انتي حرمتيه..ههههههههه..بلاه ويهج جيه استــــوى أحمـــــــــــــر..
سلامه:..........................
خلوف:هههههههههههه..سلامي حلفتــــج..كل يوم اتقولين لي أحبـــــك..دخيييلــــج..
سلامه:...........................
طبن البنااات علييهم جان تنفج عيون سلامي..عكس خلوف اللي شااق الحلج..
روضه:بس عااااااااد أحرجت البنيه..
خلوف"ميود يد سلامي وحااطها عند قلبه":عاااااادي حرمتيه..عرسنا يوم اتخلص الثنويه..وملجتنا ذييج السنــــه..
روضه"اتحط يداتها على عيون غبوش":اووووووووه خلوف احشم يااخي ختيه بعدها صغييرة على هالحركااااات..
الكل:ههههههههههههههههههههههههه..
سلامه:ليش خليييييتوني..؟؟
خلوف"ايسوي عمره معصب":شووو انتي ما تيووزين؟؟
سلامه"بخوف":خلاص انزين اخر مــــــرة..
شموس:يلا خلوف خليناكم اتردوون لبعض..ييبلنا اسكريمــــات..
غبوش:بااسكن روبنز..
خلوف:ليش اييبلكم..احن اصلن طبيييعي طبيييعي انرد لبعض صح سلامي حبيبي..؟؟
سلامه:هيه صــــح..
موزة:طاااااااع ويهها..
خلوف:لا تسبيين حرمتيه..
روضه:لا تسب موووزة..
وبدت الحرووب الأهليه بمخاااد الكنب الصغيره..>>>>>شراااتي انا وختييه العنـــــز..هههههههه..
. . . . . . .
تميز في جمــــــالن ميزه ربي.... و خذ منه الحلا أشكال والواني!
اهو راحت هناي و بلسم جروحي .. يهلـيـبه فوادن فيه شفجاني!
بيت بو أحمـــــد..
الساعه 9ونص..
ميلس الرياااييل..
مل حمـــــدان من الإنتظــار.."شو بلاها اتأخـــرت"..ما وحــاله الا يصد صوب البـــاب..الا دخلت ريسه بابتســـامتها الجذابه..وهدووؤها المعتــاد..وكشختها الحلــــوة..
حمدان:مرحبــــــا مليــــــاااار ولا يسدن..
ريسه:مرحباااابك زووود..
من بعد ما سلمت عليــــه ويلســـت..
ريسه:هاه حبيبي شو أخبــــارك..؟؟
حمدان:مااشي بس اتولهت عليــــــج..
ريسه:فديتك والله..
حمدان:يلااا عاد بوظبي مشتااقه لج..
ريسه:فديتها بوظبي..بنورها بعد شهر وشي..
حمدان:اوووووووووه..مليييت من اليلسه ارووحــــي اهنـــــاااك..
ريسه:حمدووني فديت خشمـــــــك..هاااي أول تجربه لــــي..ابا اكوون عند أماايه..
حمدان"زعلان":ما قالوا لج متى بتولديــــن؟؟
ريسه"بصوتها النعيم":قـــالوا لي بعد اسبــــوع وشي..انشاالله بس ما يصـــادف ملجة خلوودي..بتزعل اذا مااايييت..
حمدان:شو لا يكون ناويه اتسيرين للملجــــــــــة..
ريسه:اكيـــد..
حمدان:لا..
ريسه:لييييش؟؟
حمدان:بتتعبين اهناااك..
ريسه:ايلس ارووحـــي..خواتي كلهن بيسيرن..وامايه بعـــد..
حمدان:عاادي انا يلست اسبووعيــــن ارووحي..وانتي ما بتتحملين سااعتين..
ريسه:مااا اهوووون عليك؟؟
حمدان:عسب صحتج..كل شي عندي يهوون..
ريسه:حمداااااان..دخييييييلك..ما اقهر اليلسه ارووحــــي..
حمداان:هههههه..ما بسير انا بيلـــس عندج..
ريسه:قول والله؟؟
حمدان:صدقتي؟؟هههههههههه.
ريسه:مخليني مطنزة عنــدك هاه..بس ماا عليـــه..
حمدان:زعلتـــي؟؟
ريسه:لا عيل بترياا الإذن منك لين اتزعلنــــي..
حمدان:هههههههههههههه..
ريسه:حمداااااااااااان..
حمدان:ريسووووووووووووووووه العنــــــز...
ريسه:واتسبني..؟؟
حمدان:لا بس قااعد اشتمج..
ريسه:تدري الغلط هب منك..منيه انا اللي يالسه عندك..
ونشت من مكانها معصبـــــة..
حمدان:تعالي تعالي تعالي..وين تبين ؟؟
ريسه:بسير..من سااعة يلستيه عندك وانته طاايـــح فيني..
حمدان:حراام علييج ريسووه فدييت قلبج والله لتيلسييين..
ريسه:بيلس بس خلنـــــي لسير ملجة خلوودي..
حمدان:زيين خلاص سيري بس انتي المسؤؤؤلـــة..
ريسه"مستانسه":انا المسؤوولـــة..فدييت قلبك والله انك طيب..
حمدان:اعرف ومن زمااااان..اللحينه تعالي يلسي عنديه بسوولف قبل لا يدق بوشهااب ويغثني..
ريسه:فديييييت سواالفك والله..
حمدان:يااهالتفدي الي طااح فيج مرة ووحده..
ريسه:حمدوون شو قصدك..
حمدان:ما اقصد شي..يلسي يلسي تراني تولهت ع سوالفج السخيفه..
ريسه:توووك يااا زينك..تتفداني وتتفدى قلبي..واللحينه اتقول سوالفي سخييفه..انت صااحي؟
حمدان:لا حمدااان..هههههههههههه..
ريسه:اقول سووولف سوولف..شو اخباارهن خواااتك..
وتموا يسولفون لين ما دق حمد..عااد حمد ما يدق مرة وحده..حوالي مية مرة يدق..لين الواحد يطفر وييه..
نش حمدان وسار لسياارتـــــه..وركب ..وموظي الجامه وريسووه اترمســه..
حمدان:بااجر بخطف عليج الساعه اربع وبيبج بيتنا عسب اتسلمين عليييهم..
ريسه:اوكي حبييبي..
حمدان:ولا اقوولـــج..أحمد اخووج ما عنده لا شغله ولا مشغله..بس ياالس يتحوط في المولات وياا حمد..خليه اييبــــج..مافيني اصك خط زاخر روحه ورده...
ريسه:ليش ما تبى اتشوفيني؟؟
حمدان:يا حبيبتي انتي ليش تفهمين الأمور على هوااج..انا بااجر بكون تعباان..
ريسه:هههههههه..بتكون تعباان؟؟شو درااك يمكن بااجر ما اتكون تعباان..بالعكس بكامل قواك الصحيه..
حمدان:بالله علييج كييف بكون بكامل قوااي الصحيه وانا ما بشوفج اول ماا نش..
ريسه:انزين عاد انته اليوم اول ما نشيت ما شفتني..وما اشوفك تعبااان..
حمدان:يوم شفتج رااح التعب كلـــه..
ريسه:ياا رمستك انته محد يغلبك الا الرووض اختك..
حمدان:ههههههه..القردنه شي موروث عندنا فالعايله..يلا عاد بخلييج انا..بينا كوول.
ريسه:اوكيك حبيبي..الله يحفظك..
حمدان:فمان الله غناتي..بتوله علييج..
ريسه:هههه..وانا زوود..
حمدان:بااي..
ريسه:بااي..
حرك حمدان سيارته وظهر من بيت هل حرمـــته..فالوقت اللي توجهت ريسه بكرشتها صووب باب الصاله عسب تدخل..بس لقت اختها فطامي قاابظه كتابها وتطالعها بنظراات..
ريسه:ليش جيه اتطاالعيــني..؟؟
فاطمه:وانا زوود..وبيكون تعبان اذا ما شافج..وتفهمين الأمور على كييفج..وياا حبيبتي..يااا عيني ياا خشمي ياا اذوني..
ريسه:حشــى ردار مستويـــــة..ما خليتي كلمة ما لقطتهــــا..
فاطمه:انا فاااطمه..فطوووم الي ما تعرفونها..كلمة ضاايعه فالهوا على طوول الاقي اهلها..
ريسه:ههههههه..يا مسودة الويه..
دق تيلفون ريسه..جان تنقز فاطمه عندها..
ريسه:حشى مب شاايفه خير؟؟اول مرة اتشوفين تيلفون؟؟
فاطمه:منو منو منو منو منو؟؟هاذا اكيد حمدان ما مدااه الرياال يحرك سيارته الا يتصل يااهالشووق اللي لاعب بقلوب العااشقييين..
ريسه:هـــلا والله بعليا ..يسرج الحال ومن صوبج؟؟
فاطمه:علياا عليااااااااا علياااااا عليااااااااا..فديييت قلبها ختييييه,,توني كنت افكر فيها..
ريسه:اقوول عليوه لحظه بس لين احدر الصاله افتك من حشرة هاليااهـــل..
فاطمه:لأااااااا يلسن عنديه ملييت من الدراااســـــة..
بس ريســـه طنشتــــها وحدرت الصاله وهي مسويه لفطوم أكبر أكبر أكبر طاااااااااف..!!!خخخخخ..ويهها محترق اللحينه..زقروا المطافي ربي لا هاانكم..
. . . . . .
عــطني ج ــمـــوع الشوق .. وأع ــطيــك تقدير ..
عــطني يباس الموق .. وأسقيك غ ـــــــيــــــمه ..
غـــــيــــــمه غــــلا .. تحيي اللقــــا والمشاوير ..
قبل الـ خــــواطر لا تــ ع ـيــــش .. بخصيـــــمه ..
العيـــن مول..
الساعه 10 ونص..
صد حمد صوب أحمــــد..وهو مبتسم..
حمد:هاه بوشهااب اشوفك ياالس اتكـــح..لهالدرجه البنيه الحلوة اللي خطفـــت اثرت علييك..
أحمد:ادخييلك عاد من حلاتها هي ؟؟لا بس من شفت حمدان كحيـــت..نذير شؤم..
حمد:ههههههههههههههههههههههه..وينه حمدان..
أحمد:كح كح كح كح ..هكووه جدامك..
حمدان:مرحباااا شباااب..
حمد:مرحبااابك زووود..
أحمد:لا مرحبا ولا مسهلا ولا هم يحزنون..
حمدان"مبتسم وييلس ع الكرسي":افا يالعلــم اللي يانا.."ويطالع حمد الي كان يطالع فالساير والراااد"..بوشهاب بلاه أحمــــد..
حمد:الريااال من يلسنا وهو يكح..مادري شحل عليه..؟؟
حمدان:سلامات سلامات ..يالغالي ما تشوف شر..هاذي عين صاابتك منن جمالك يااخي ومن هالرحامه الي طااحت فيك"يتمصخر"..يلا عساها في حمد ولافيك..
حمد:يااارياال قول فيك انته ولا فيه..انا طيب..
أحمد:خلووونا من فيفي..وفيفات..حمدان وين كنت.
حمدان:عند حرمتيه..
أحمد"يكح بقووه":وااانااا أقوول ليش أكح من الخاااطــر..ثره الريال يالس ويا ختيه الحبوووبـــة ايحشووون فيني..
حمدان:لا منو قاال..
أحمد:بس بس..احلف انكم ماا يبتوا طااريه..
حمدان:لا يبناه بــــس بالخيــــ....
أحمد"يقاطعه":بس بس ياريال ..من متى انته وحرمتك ما ترمسون عن حد بالخير..بس ذم وشتم وسب وحش.
حمد"انفجر من الضحك مرة وحده":هههههههههههههههههههههههههههههههههههههههههههه هههههههههههههههههه..حلوووووووة كثر منها هالسوالف يا ريااال..
حمدان:ههههههههه.حرام عليك يا احمد..انته جيه ظلمتني..
حمد:عيل شو كنتوا اتقولون عنه؟؟
حمدان:حمود لا ترز ويهك..
حمد:لا اتسبني لا اقوم واجلب هالطاوله عليك..
أحمد:لا تتضاربون وانا جدامكم استحوا وحشموا اشوي..وصح رمسة بوشهاب..شو كنتوا اتقولون عنيه..
حمدان:عسب اتييبها باجر الرماح..
حمد:لااا حبيب ماماااااا احن عندنا مشوار لدبي باااجر..وما بنرد الا الساعه12ونص فليل..
حمدان:قلت لك لا ترز ويهـــك..
حمد:وقلت لا تقفطني ولا بجلب هالطاوله علييك..
أحمد: خلااص انزين..يلا وااحد منكم ينش وياايه..توهن اللحينه شلــة بنات خطفن كل وحده شااده حيلها اكثر عن الثاانيه..
حمدان وحمد سكتوا..
أحمد:يلا حمدان..؟؟
حمدان:ريال معرس..واحب حرمتيه مووووت..
أحمد:هيه صح حرمتك ختيه..انزين يلا حمد..شو من عذر عندك..
حمد:لا ياا رياال مافيني..
أحمد:نش عااااد..
حمد:بنش بس ما بنغازل..
أحمد:أوكيك بس بنطااالع..
نش حمد..وأشر لحمدان انه يي وياهم بس حمدان قالهم انه بييلس ما فيه اينش الشاايب..أحمد..وبدون رمســه..لحق البنات..اللي شااداات حيلهن فالكشخـــه..وكل وحده أحلى عن الثاانيه..
أحمد:حمود هاللي وياها شنطه ورديه عليك..وصاحبة الشنطه البيضا عليه..
حمد..ماا يعرف شو استوواااابـــــه..وبسسرعه زااره طييف شمووس..ما يعرف ليش زاااره..وهو دووم يغازل..وما يخلي مول الا وساارلــه والسبه البناااات..وعيونه مشتغله ردارات تبحث عن مخلوقات تلبس شيله وعباايه..
بس اللحينه..شي مختلف..حمد ما يريد يغاازل..او بمعنى آخــر..ما يريد "يخووووون"..
حمد:مب متفييييج..
أحمد:اوووهووو بلاك بوشهااب..هاييلا شكلهن مقصاات ويصدقن ابسسرعه...
حمد:بسير عند حمدان..دق لسعيد خله ايي بسررررعه..وليش اسعيد..سهيل فالخدمه ويا رااسه بييك طيييرااااااان..
سار حمد وما عطى أحمد أي مجاال للرمسه..ماا يدري ليش يوم أحمد طراااله مغازلة البناات..زااره طيف شمووس..يعني من متــى وهو يغاازل..بس يوم زاره هالطيف..ما رام ايغازل شرات أول..ما يعرف ليش دخلت مشاعر تكن الوفــى والإحتراام والحب لهالإنساانه..وسكنت قلبـــه..وفرضت احترامها هالمشااعر..والدليل..اللي يستوي اللحيـــنه..يعاند أحمد وما يطيع شوووره..لييش يعني..بسبة شمووس..بهالسرعــــه..؟؟!!
هو يدري لو إنه مخبـــر شموس باللي افقلبــه..يمكن تصده وما تعطييه ويـــه..؟؟!!صج.يمكــن اتسويها ولا تعطي اي اعتباار لمشاااعره..وشكل شموس يوحي انها طيوبه..بس ماا عندها سوالف الحب ..يعني يمكن اتطنشه وما تعطييه فييس؟؟؟ظنكم هالطريقه اللي يفكر فيها حمد صحيحه..
صد أحمــد صوب حمد مستغرب..غريييبه شاللي حل ع الريااال؟؟وفج أحمد ثمه عسب يرمس بس لاحظ إنه حمد رد للكوفي صووب حمدااان..
"أحمد...هاذا أخو عليا..حرمت محمد..وأخو ريسه..حرمت حمدان..سوالف ..شكله حليوو..رااعي بنااات..ويحب يسووولف وينكـــت..درس سنه فلندن..بس ما عيبه الوضع رد لدااره..ما يقوى على فرااقهااا؟؟"..
. . . . . .
آه من قلبن غدى حبــه جنوني..وآه من خلــن على بالي طـــــــــرى..
لي سطــى فالروح وتملك شجوني..من صدوده يا ملــى دمعي جرى..
بيت بو محمد..
الساعه1ونص فليل..
حيرة رواضي..
جلبــت الصفحـــه..ويأ نظرها ع الصفحه اللي لونها عنــابي..ومخططه بالأحمـــر..وعلى طرف حرف الإس..صدت افصوب ثاني من هالورقـــه..ولقت رساله ملصقتها..فجتها..
"أهدااااااااااء لأعز ناااسي..
آه من قلبن غدى حبــه جنوني..
وآه من خلــن على بالي طـــــــــرى..
لي سطــى فالروح وتملك شجوني..
من صدوده يا ملــى دمعي جرى..
فالمحبه يا عرب لا تعذلوني..
لأن حبه في فؤاادي قد سرى..
..*رواضي محبتج سااكنــه في حنايا القلب أموت ولا اخليها تروح*..
عااشق عيونج..
سهيــــل.."..
ارتسمت ابتساامه حلوة ع ويهها..زااادت من حلاته..لو تعبر وتوضــح..وتشرح وتفهّم..وتبين وتقول..لو شو ماا تسوي..ما تقدر توصف شي قليل من الحب اللي اتحبه هالإنســــان..أتحبه بمعنــي اتحـــبــه..
ضمـــت الدفتر الأسود لقلبها بكل حنيه..هالدفتر ما يحمل الا شي وااحد..في كل صفحه من صفحاته..وفي كل جزء من أجزاائه..خطـــت روضه بقلم يدها..ذكــرى لسهيل..هالدفتر يحمل كل موااقف روضه ويا سهيل..>>>>تدرون شو كنت بكتب..كنت بكتب مبارك ويزووي..للحينه متعوده على كتاابة أساميهم..فديتهم والله..
______
خلونا نرد لسهيل وروضه..
______
جلبت الصفحــــه..وتمت تقرى اللي مكتــوب ..كاان شي صار من شهريـــــن..
••.•°¯`•.••
اليوم:الإثنين..امتحان الجغرافيا..
الموقف استوى الصبــح الساعه 7ونص..
بس انا يالسه اكتب الساعه 11ونص..قبل لا ارقـــد..
اليـــوم من نشيت الصبـــح..كنت تعبــانه وحالتيــــه لله..ومن بعد ما تسبحت وتريقت وتلبســـت..كشخت اشويه..شي من طبعي الكشخه افكل مكااان..ظهرت من البيت..جــــان اشوف سهيل واقف بسيارته الهمر جدام بيتنــــا..فديت قلبــه...كااان كااشخ..والله انه صوب قلبي بنظرتــــه..يعلني ماا خلا منه..الحمدالله ان شجون ساارت ويا دريولها والبشكــــارة..و غبوش ســــارت وياا سلامي ..وموزة اللحينه بتخطف علييه..صديت صوبه..وتم يطالعني..انا اعرف انيه حلوة..بس نظرات اسهيل اتخليني اشووف عمريه ملكة جمـــال!!
سهيل:صباااح الخيير..
انا:صبااح النور...
سهيل:شحـــالج؟؟
انا :يسرك الحال..ومن صوبك؟؟
سهيل:ما نشكي الا بعاادكم..
انا صخيت وما عرفت شو اقول..لأنه يحرجني بالكلام..
سهيل:رواضي..
انا ومنزله راسي تحت:هممم..
سهيل:طاالعينــــي..
طالعته..عيونه تعذبنــــي..تحيرني..تجتلنـــي..شوو اسوي؟؟!!
عطاني وحده من رساايلـــه..اللي تعودت اشووفهن كل يوم فجيتها وقريتها بعد ما ساار..بس مستحيل اخليه يسير ويخلني..انا اللي استأذنت منه يوم شفت سيارة قوم موزااني..
لأني وبكـــل بســـاطه ما أحب اشوف سهيل وهو راايح عنيه..لأحسه بيسير وما بيرد لي مرة ثاانيه..!!!
••.•°¯`•.••
صدت اتطالع شو مكتووب بهالصفحه..وهي ع حالتها مبتسمه..
••.•°¯`•.••
اليوم:اليمعـــه..
الموقف استوى الساعه 5 العصر..
بس انا يالسه اكتب الساعه 12ونص فليل..
يوم كان تعيس سخيف وما عنده ساالفـــة..لأنه بيكون اليوم الســـادس اللي ما شفت سهيل فيه..كان رايح للإمارات الشماليه ويا السباال حمد..يتحوطون ويغيرون جو فهالصيـــف..ويوم رمست حمد قال انهم بيردون اليوم..
..وكالعاده فهالوقت..
انــا وموزاني وغبوش وسلامه يالسات نتضاارب..وفي بيت عمي خليفـــه..والسبب..الضرابه اللي بدت بين موزاني وغبوش..وانا وسلامي رزينا الفيس ..وانجلبت الصاله لحلبـــة مصــــارعه..
مع انيه ما كان لي باارض..بس غيرت مزاجي من اول ضربه بالمخده ..كانت على رااسي..ومن جيه ابتديينـــــا..وصلت الضراابه..للمـــاي..يعني استوينا انرش بعضنا بالمــــاااي..وسلاحنا اللي ويانا خلص..يعني ماشي مااي الا اذا سرنـــا المطبـــخ..
وبدون تفكيــر ربعنا انا وموزاني للمطبــــخ..
موزة:ياا حظج رووضه للحينه ما تخيستي..
انا:لا تحسدين..يلا خذي هالغرشه ومزريها مااي..عسب نأدبهـــــن..
اشوي الا غبــوش وسلامي حادرات المطبـــخ..وانا فديتني ماااهره واكبر مااهره فهالألعااب..ولا قطرة مااي مستني..اشوي الا حااسده عمري وانجبت علي غرشة مااي عووده..وملتني مااي من فوق لين تحت..
اشوي الا صاارخت عليهن..بس في صوت كان أعلـــى من صوتي..صوت حمد اخويـــه..صدت صوبه وكان سهيل عدااله..عاد انا ظاهره جدام سهيل بهالشكـــل............................
••.•°¯`•.••
ما رامت اتكمل اللي كتبته من قبل كمن شهـــــر..لأنها تنحرج من هالصفحه..وودها الا اتشقهـــا..لأنها يالسه تتذكر شكل سهيل وهو منصدم منها..وضحكات سلامي وغبوش..وحتى موزاني وحمد كانوا يضحكــــون عليـــــها..جلبــــت الصفحـــه وهي في أمل انها اتشوف وتقرا شي يونسها..
••.•°¯`•.••
المدرســـة..
حــزة البرييك..
اليوم ماادري شاللي حــل عليـــه..وراويت مريووم ربيعتي كل رساايـــل سهيل اللي واصلتني منه..كانن ويااي في شنطة المدرســــة..
مريوم:اوووه اوووه من قدج ..لهالدرجه ايحبج؟؟
روضه:فدييتج انتي ما تعرفيينه..يحبني وبس..الا يمووت فيني..
سهيله:وانا اقوول ليش اتحب اسميه..ثره عسب اسمي يقاارب من اسمــه..
روضه:اوكيك عادي خلي حبيبج ايغير اسمه ويخليه رواض او روض عسب يقارب من اسمــي واذكرج فيه كل مااا شفتيني..
مريوم وسهيله:ههههههههههههههه...
سهيله:يلا انا بخليييكـــن هااييلا سلامي وموزاني..بسير بتحوط ويااهن..مب شراتكن يالعيااييز..
مريوم:احسن بتفاارجـــينا اشويـــه..
سهيله:من قلبج..؟؟؟!!
مريوم:لا من حدود قلبي..
انا:بس عاااد..سهيله يلس ويانا ماا عليج منها هالعيووز..
مريوم:لا تنسين انتي بعد رااسبـــه ..والسبه سهيلوووه..
سهيله:باااي بااي..
وسارت سهيله..فالوقت اللي مريوووم ظهرت صورة من مخباها..
مريوم وهي اتمد يدها صوبي:هااج روااضي كحلي عيونج بشووفته..
صدييت صوب الصورة..كانت صورة سهيل..
انا وبلهفه:منو ياابلج اياها؟؟
مريوم:منو يعني..سلامي وبمشاركه من موزاني وسهيله..
انا:فديييته والله..
!!!!
••.•°¯`•.••
بندت روضه الدفتــر..وكأنها اكتفت باللي قرته كل يووم..رقدت وهي بأمل انها اتشوف سهيل بااجر..وأول ما حطت راسها ع المخده..الا بطييف سهيل..واقف مكانه شرات كل ليله..عند الدريشه..
طيف سهيل:مرحباا بالحلوين..
روضه "اترمسه وجنه الا سهيل":مرحباابك زوود..
طيف سهيل:شحـــالج؟؟
روضه:انا بخير ومن صوبك؟؟
طف سهيل:الحمدالله على كل حــال..خلصتي قرااية الدفتر..
روضه:هيه..
طيف سهيل:تدرين روااضي..؟؟
روضه:شو؟؟
طيف سهيل:تدرين أني أحبــج مووت..ولا اروم اعيش ثاانيه من دونج..
روضه:فديتك والله..
طيف سهيل:يلا عنوني رقدي..باجر مدرســـة..
روضه:انشالله..
طيف سهيل:تامرين بشي..
روضه:تعال لي كل ليله..
طيف سهيل:من عيوني..
شلت روضه اللحاف وتلحفت..ومرت ثواني الا شاله اللحاف اتطالع هل الطييف ساار ولا بعده؟؟ومن شافته استااانست..
روضه:شو للحينه ماسرت؟؟
طيف سهيل:لا بس اتريااج ترقدين..خلاف انا بسير برقد..
روضه:اها..سهيل انا احبــك..اعرف انك انته طيف سهيل..بس سرلسهيل اللحينه وقله اني احببببه موووت..
طيف سهيل:يوم ترقدين بسيرله..وبلاقي طيفج اهناك..في حيرته ايرمسه..
روضه:هههههه..يلا تصبح على خيـــر..
طيف سهيل:وانتي من هله..
شلت روضه اللحاف وتلحفت..الا الباب ينفج بقوه..وهالشي خلاها اتنش من مكانها ابسسسسسسرعه..
حمدان:روضه؟؟
روضه:حمدان..؟بلاك شي مستوي؟؟
حمدان:كنت اسمع صوتج وانتي اترمسين؟؟"وبشك"..اترمسين منوو؟؟
روضه:والله ما ارمس حد..بلاك؟
حمدان:بس انا توني خاطف وسمعتــج تضحكييين..
روضه:وياا ويهك...ع بالي عندك سالفــه..أكيد كنت تتخيـــل ضحكة ريسه شاله البيت..رح رح الله يهديك ..ويعدل سمعــــك..
حمدان ماا رد عليها.. ظهر و بند الباب بهدووء ..روضه..ما تنكر..كانت ترمس وتسولف مع طيف سهيل..من كثر حبها "الجنوني" استوت تتخيــل طيف سهيل وترمســـه..مع انه تعرف هاذا شي يسمونه "خبال وغبااء"..بس هاذا هو الوااقـــع..!!!!!
. . . . . .
لو غلط قلـــبي نوبه..ما يكررهاا توبه..قلبي بعدك تعلم..وشهو معنــى الصعوبه..
قلبي ياللي بصدر..صار يشهد ويدري..ان درس ابتعــادك اصعب دروس عمري..
يـــوم الإثنيــــــن..
جدام بوابة المدرســة..
"العوده الي البيوت"..
صدت روضه عن حشرة سلامي..والسبه ان المس ما عيبها التقرير اللي قدمته سلامه اسمها واسم موزاني..بس عيبها تقرير سهيله..اللي كانوا مسوين بس كوبي وبيست من واحد من مواقع الطلبه اللي ما يقصرووون..
روضه:سلااااااااامي عنلاااات صدااج صخي..
سلامي:انزين انزين ليش لييييييييش ما يعيبها وانا تعبت علييه اشد التعب..
موزاني:اووف كيف مليله..
مريوم:خلاص سلامي..انتي عدليه وييبيه بااجـــر..
سلامي:انزين بس والله قهرتني مسودة الويه..خاطريه ادووس ببطنها..
موزاني:اصلن نحن طلاب الثنويه العامه لازم نشقــى ونتعب لأنها اخر سنه لنا..ولازم يعلمونا هالسوالف صح ما صح..عسب ما ندخل كليه او جامعه واحن ما نعرف الله وين عاقنا..صح روضه؟؟
روضه:هيه صح؟؟بس بلاه اسماعيل للحينه مااايأ..والله انه يقهــــر..
فالوقت اللي ين سهيله وغبوش..
سهيله:منو اللي يقهر؟؟
روضه:منو غيره السبال..الأخ اسمااعيل..يا ماوصيته قبل ما نظهر بعشر دقايق ابغي اشوف اول من بركن شيارته..بس صج انه هندي وما يفهم..
الكل:هههههههههههه..
مريوم:هدي أعصاابج..اللحينه بيي..
موزة:طالعوا طالعوا سيارتنا يت.."وتظهر لسانها"..محي الدين احسن عن اسماعيلكم..
روضه:بس دريولنا ايعرف يسوق..مب كل ساعه يضيع دربه شرات محي دينكم..
مريوم:ههههههههه..اسماعيلكم ومحي دينكم..حلووووة..
موزة:شفتي كيف مستوية روضه مهرج..يلا بنات منو وياايه..
غبوش:انا بسير..
موزاني:يلا روااضي ..وسلامي..بتسد السيارة ..
روضه:لا لا تعرفني ما اداني الضيج..
موزة:عيل براايكن..يلا غبوش..
غبوش:يلا...
وتحركن موزة وغبوش بعد ما حطن شيلهن ع وييهن..من الشبااب اللي رااصين جنهم الا صف عسكري جدام بواابة المدرسه..واشوي التفت كل الأنظـــار لموزة بعد صرخة غبوش..اللي كانت بتدعمها بورش..بس زين انها وقفت..ولا جان موزة متعوقه اللحينه....
..
|
27-12-09, 01:41 PM
جديد مواضيع قسم القصص المكتمله
العرض العادي
