.
ندى 2:30 الظهر .
ما صدقت على الله قرب وقت الزياره ,, كنت لابسه عبايتي و جالسه بالصاله أحتري أبوي ,, مع إني سألت أمي عن رونق و سألت عنه أمجاد بعد بس إلى الحين بالي مشغووووول عليه يكفي إني شفت الحريق بعيني ,, و الله إني من ذاك اليوم و حالتي حاله ,, أحس إني السبب باللي صار له يمكن إذا تكلمت و علمت على عزام يخفـّّون خوالي على رونق بس ويييييييين و هم رافضين أي أحد يفتح الموضوع مرة ثانية غير إن رونق حلفتن ما أقول يا ربي وش هالهم ..
نزل أبوي و صرخت بصوت ملأ الصاله : و أخيراً .
ابتسم أبوي : بلاتس مطفوقه باقي على الزياره الحين نص ساعه ..
قربت لأبوي و حبيت راسه و كلمته بترجي : يبآآآآآه هالنص ساعه طريق !!
رد أبوي و هو يلبس شماغه : أجل يله مشينا .
طرت قبل أبوي و ركبت بالسياره ,, طبعا أمي ما راحت عشان تقعد مع البزران و لأنه بتروح على زيارة الليل و بترافق مع رونق ..
وصلنا و من دخلنا المستشفى ,, كان أبوي ماسك ايدي و يوجهن و أنا موب حاسه بالطريق بديت أتخيل شكل رونق و هي بالغيبوبه ,, جسد صغييير ممتد على السرير بدون حركه و كأنه جثه !!
: ندى !
نزيت و رديت بسرعه بدون ما أحس : هاه .... و لما حسيت بنفسي إني قاعده أكلم أبوي عدلت كلامي و تداركت الخطأ بردّي : قصدي سم .
عثمان : ما ودتس تدخلين على رونق !!
كأني بهاللحظه وعيت على نفسي و شميت ريحة المستشفى زادت ضربات قلبي و رديت بتردد و الصوره ما زالت بين عيوني ( صورة رونق ) : أ أ ... أيه بس !!!
قاطعن أبوي : سمي بالله يا ميمتي و ادخلي ..
سميت بالله و دخلت بخطوات ما تعرف للثقه طريق ,, ركزت نظري على موضع رجليني و أنا أمشي و وصل لمسامعي صوت صار لي زمان ما سمعته رفعت راسي بصدمه للسرير و شفت رونق جالسه عليه ,, انعقد لساني و ركزت نظري على عيونه ,, قطع علينا لحظة التأمل صوت خالي خالد : ندى أنتي بخير ؟!
حسيت بنفسي و بشوقي الكبيييييييييييييييير لرونق ,, أسرعت بخطواتي لحد ما وصلت له ضميته و شميت ريحته ,, حبيته مع راسه و خدوده و خشمه و رجعت مره ثانيه أضمه ,, أجهشت ببكاء موووووجع و توالت شهقاتي و اختلطت مع أنينه المتواصل ,, امتزجت دموعنا ,, دموع شوق و وله و حب أخوي ما يدنسه شي ,, كنت كل شوي أرفع راسي أشوفه و أرجع أضمه مره ثانيه لحد ما حسيت بإيد خالي خالد تبعدن ...
خالي خالد : رونق اسمعي عثمان يسلم عليتس ..
تنحنحت رونق و ردت : هلا بك يا بو صالح .
تكلم أبوي ( عثمان ) من برا الغرفه : الحمد لله على سلامتس ..
رونق : الله يسلمك !!
أبوي : وش أخبارتس الحين بشري عن صحتس ؟!
رونق : بخير الحمد لله ..
رد أبوي : يله أجل أنا أستأذن ,
و نادى علي : ندى تراي أبجي أخذتس بعد ما تخلص الزياره .
رد خالي خالد اللي كان طالع عند أبوي لكن وصلنا صوته : أنا أبروح للبيت بعد الزياره من الصبح و أنا هنا و أوصله على طريقي .
رد أبوي : أخاف أكلف عليك .
علا صوت خالد : لا أي كلافه يا بو صالح أصلا أنا رايح للبيت و هي بطريقي ..
رد أبوي : الله يجزاك خير .
من بعد ما راح أبوي جلسنا أنا و رونق و خالي خالد نسولف لحد ما سمعنا خالي محمد و فيصل ..
طبعا دخل خالي محمد أما فيصل فطلع له خالي خالد و قال له يجي لزيارة المغرب لأن المغرب ما فيه أحد يتغطى عنه ,, سمعت احتجاجاته لكن خالي خالد سكته ,, تفشلت الصراحه بس وش أسوي هو ولد يقدر يجي بأي وقت موب مثلي لازم أحد يجيبن و أحد يودين ..
تغير الجو لما دخل خالي خالد نظرا لأن خالي محمد كان جاف مره بسلامه على رونق ,, استغربت هالشي بس تذكرت عقدة العار اللي سببته لهم رونق على حد زعمهم !!
دار الكلام بين خوالي عن حالة رونق لحد ما قال خالي محمد : تراي جهزت لتس غرفه بعد ما تطلعين من المستشفى ...
قاطعه خالي خالد : غرفته جاهزه من ولادته موب من الحين .
سأل خالي محمد : وش قصدك ؟!
خالي خالد : أبسكن أنا وياه ببيتنا ..
اعترض خالي محمد بشدة : أنا قلت ببيتي يعني ببيتي ..
كانت عيوني مركزه على رونق و ملامحه الخاليه من أي أثر لا لتعاسه و لا لفرح ,, ما قدرت أعرف هي من تبي محمد و لا خالد !!
سمعت خالي خالد ينهي الحديث بقبله على راس خالي محمد و تكلم : يا أبو فيصل لك القدر بس اللي صار له بغيابي يكفي .
جفل خالي محمد يوم سمع الكلمه و نزل راسه لكن ايد خالي خالد اللي انحطت على فخذه كوسيلة اعتذار تكلم : ابو فيصل لا تنسى إن دراستي ما انتهت ,, خل رونق تجلس عندي أشوفه و أشبع منه و إذا جيت أسافر أبد أبجيبه عندك !!
لمحت طرف ابتسامه من خالي محمد لكنه خنقه قبل لا تنولد و تكلم يخفيه : الله يحيينا إلى ذاك اليوم !!
حطيت ايدي لى ايد رونق حسيت ببرودته ,, شي غريب اللي يصير ,, رونق ما تحس و إلا فقدت احساسه ,, هي ليه ما تأثرت ,, ليه ما بينت راحته لسكنه عند خالي خالد و ضيقه من سكنه عند خالي محمد ,, يا ربي هي تكابر و إلا إيش ؟!!
طلع خالي محمد اللي ما تجاوزت زيارته الربع ساعه و استأذن بعده خالي خالد رايح لدورة المياه ..
استغليت الفرصه و سألت رونق : رونق أنتي من تبين تسكنين عنده خالي محمد و إلا خالي خالد .
تنهدت رونق و ردت : الحين ودي أسكن عند خالد لكن بنفس الوقت أحس برغبه بداخلي إني أسكن عند محمد ..
سألته مستغربه : أنتي صاحيه .
ردت رونق : احساس داخلي يقول يمكن اذا رحت لبيته يحن علي و يرجع مثل أول .
تنهدت و رديت : تحلمين إلااااا إذا ....
التفتت رونق علي مستغربه : إلا إذا إيش ؟!
بلعت ريقي و رديت : إلا إذا علمتي على عزام .
تنهدت تنهيده طويييييله و ردت : بالأول قلت ما نيب فاضحته عشان هند لكن الحين هند و نهى ..
قاطعته : غبيه اذا سكتي له ..
قاطعتن رونق : ما راح أهدم حياة أختي اللي ما شفت منه إلا كل خير ..
رديت : الله و الخوات عاد لو أنا منتس كان كرهت كل خواتي عقب مي .
سمعت الآآآآهـ منه و خنقت المخده بين ايدينه و ردت : ربي ما يضيع حق أحد و كل اللي صار لي بسببه بتشوفه بحياته .
رديت : آآآآآميييييييين يآآآآآآ رب !!
ـــــــــــــــــــــــــــــــــــــــــــــــــــــــ
سلطان ,, العصر
دخلت العناية و لساني يلهج بالإستغفار ,, و ريحة المعقمات اخترقت راسي ,, سميت بالله و قربت للسرير ,, كانت عيوني تدور على أي أثر للحياة بملامحه ,, قربت ايدي و لامست ايده البارده ,, اقشعر جسمي و وقف شعري من برودة جسمه ,, قربت الغطا و غطيته زين ,, ما أبي البرد يقرب له ,, رفعت راسي و قبلته مع جبهته ,, مرت دقايق طويله و أنا أتأمل الوجه البيضاوي اللي قدامي بسمرته المايله للإحمرار ,, مديت ايدي و تحسست عيونه الواسعه ,, حسيت برموشه الكثيفه تدغدغ أصابعي ,, تحسست خشمه الصغييييير و تذكرت تريقتي عليه يوم كنت أعيّره بـ الفنساء ,, ابتسمت على هالذكرى و نزلت ايدي لأفمه الصغير ,, يآآآآآآآآه يا ملح شفايف هالعجيز ,, طاحت دمعتي يوم جت ببالي هالكلمه ,, ماكانت تزعل لما أقول له يالفنساء بس اذا قلت له يا ملح شفايف هالعجيز تطيش و تتحلطم و تبدأ تذكرن بتاريخ ميلاده و إنه أصغر منّ بكثيييير ,, كأنه ناسيه إني ناقش هالتاريخ بقلبي ,, يكفي انه بهاليوم انولدت حياتي و روحي و أم بنياتي أسماء !!
رفعت ايدي و حطيته على جبهته و بديت أقرأ عليه و أنفث ,, و يوم خلصت حسيت بمنابت شعره تمخش ايدي ,, رفعت ايدي بسرعه و غطيت فروة راسه الفارغه من أي شعره و هذا كله طبعا من العلاج الكيماوي ,, تذكرت بنيتي فطوم دايم تأذين تبي تزور أمه بس وين أجيبه و هذي حالة أسماء ,, هي أصلا نفسيته بالحضيض و أخاف تتأثر و تندمر نفسيته زياده و أنا موب ناقص ,, رفعت ايدي و أخذت طرف شماغي و مسحت به دمعه تسللت و نزلت على خدي و أنا محتار بهالهموم ,, هم أسماء و هم فطوم و إلا هم أمي اللي أتعبتن بكمّ العرايس اللي جايبتهن لي !!
قبل لا أطلع رفعت ايد أسماء و حبيته بشغف ,, نزلت ايده و أشحت بنظري عنه و عن الأجهزه الموصله به ,, طلعت و تركت وراي جسم بلا روح !!!
ثم توجهت لبيت ابو صالح عشان أخذ بناتي و أقضي معهن أكبر قدر من الوقت أقدر عليه ,, يمكن تسلى فطوم و تتحسن نفسيته ..
ـــــــــــــــــــــــــــــــــــــــــــــــــــــــ
أمجاد ,, المغرب
دخلنا على رونق المغرب و معنا القهوه و الشاهي ,, جلسنا عنده أنا و أمي و أمجاد و عمتي هدى ,, شربت رونق فنجال قهوه و ما رضت تشرب غيره ,, عطيناه الشوربه اللي سوته أمي لكنه رفضت تأكله ,, عاد أنا ما تمر علي حركات الدلع هذي ,, لزمت عليه أو بالأحرى غصبته لين أكلت له كم ملعقه ,, و بعده سولفنا و أخذنا علوم بعض بهالوقت ,, لحد ما جت نهى ,, استغربت تأثر رونق بهالمقابله حتى إنه تأثرت أكثر من نهى ,, دخل بعده فيصل و سلم على رونق و قال لنا نمشي لكن أمي عارضت لأنه تبي ترافق معه ,, و عمتي هدى رفضت لأنه أصلا مستعده و ناوية تجلس عنده ,, المهم إننا طلعنا و تركنا عمتي هدى و نهى عند رونق ...
ـــــــــــــــــــــــــــــــــــــــــــــــــــ
نهى
من صار اللي صار لرونق و أنا مالي بهالدنيا ,, كل شي عندي تساوى ,, مرت علي أيام أتمنى رونق جنبي ,, قبل زواجي و يوم زواجي و حتى بعد الزواج كله أيام كنت أتمناه معي ,, ما أدري ليش أحس إن عندي كلام كثير و ما أقدر أقوله إلا لرونق ,, يمكن لأني حاسه إنه بتفهمن أكثر من الناس كلهم أو يمكن من بعد ماعرفت إن تركي كان خاطبه و أخذ مي ,, مع إني أجهل سبب اللي صار إلا إني عارفه إن قلبه انكسر ,, تدرون لما عرفت حسيت إنه ما كانت محتاجه لأحد يوقف معه بذاك الوقت لأنه كانت قويه بشكل ,, و الله لو أنا مكانه و تحرك قلبي له لأذبح اللي أخذته من و حتى لو هي أختي !!
أحيانا أفكر بأنانية و أقول أكيد رونق اللي قدرت تتحمل صدمة فك خطبته بتقدر تتحمل كلامي و تحل لي مشاكلي ,, ما كانت مشاكل بالمعنى الأصح لكنه كانت أشياء كثيييييييييره تدور بقلبي و ما لقيت من يفهمه !!
قررت أروح له اليوم و أول ما بلغت عزام بقراري عارض لكني ما سمعت كلامه ,, لبست ملابسي و أخذت عبايتي توجهت للصاله ..
كان قاعد بالأرض و بجنبه ابريق الشاهي و منكب على الجريده يقراه ,, حس بوجودي و رفع راسه مبتسم لكن الابتسامه انمحت من شاف عباتي ..
حاول يغير رايي : نهى تبيننا نطلع نتعشى برا ؟!!
تجاهلت كلمة حبيبتي اللي تردد على أذني مئات المرات باليوم من غير لا يصير له أي صدى بنفسي و رديت بجفاء : لاااااا أبروح لرونق .
قام عزام من مكانه و كلمن برجآآآآآء : نهى يااااا حبيبتي خليه بكرى ..
لبست عبايتي و رديت بعناد و أنا مستغربه تهربه من زيارة رونق : قلت أبروح يعني أبروح ,, تبي تودين و لا أدق على عبدالرحمن و إلا خالد يودونن .
قام و لبس شماغه و توجه لباب الشقه و رد : خلاص خلاص أوديتس له بس لا تزعلين علي يا حياتي ..
انطلقنا للمستشفى و أنا أفكر بحياتي مع عزام ,, دائما لما أبي شي أصر عليه و أتصنع الزعل و بثواني ألقى عزام منصاع لرغبتي ,, و أنا لو يموت ما أسوي إلا اللي ببالي ,, لا تلوموننا قلوبنا غير هو قلبه مال لي و أنا قلبي مال عنه !!
وصلنا للمستشفى و لما دخلنا لقيت فيصل عند الاستقبال ,, توجهت لغرفة رونق مع فيصل ولد أخوي محمد و عزام قال إنه بينتظرن لحد ما أنتهي ..
وهـ بس يا حبيله هالفيصل ,, مهتم برونق بالحييييييييل و هذا اللي رفع غلاه بقلبي ..
دخلنا على رونق ,, فرحت برونق بالحييييل ,, ما صدقت أشوفه تستصح من جديد ,, و تسترد عافيته ,, كانت جالسه على السرير و البسمه تعتلي وجهي ..
كنت متخيله اللقاء غير عن كذا ,, تخيلت إني راح أكون متأثره مقابل رونق الجامده لكن اللي صار عكس توقعاتي !!
سلمت على رونق سلام عادي لكنه جذبتن له أكثر و ضمتن و بدت تنشج بصوت عالي ,, ضميته لي أكثر و شاركته بأنيني ,, مر وقت على ما سمعت صوت أمجاد : يكفي عاد ترى بنصيح معكم ..
ابتعدت عن رونق و أنا مستغربه من حالته ,, لكن تدرون أعتقد هذا دليل على إنه محتاجه لي أكثر من حاجتي له ..
جلست على طرف السرير لأن المكان ضيق ,, طبعا أنتم عارفين إن كل غرفه من غرف المستشفى به 6 سراير ,, و بين كل سرير و الثاني ستاره ,, أعتقد إننا سببنا ازعاج للمرضى اللي حولنا ..
من جلست و عيوني ما فارقت رونق ,, كنت أراقب كلامه و اذا سكتت أراقب ردة فعله على كلامهم ,, حسيت بهم يستأذنون و يطلعون ,, لكن قبل لا يطلعون عرض علي فيصل يوصلن لبيتي و رفضت ..
جت الممرضه و علمتنا للمره المليون إن الزياره انتهت لكننا صرفناه و كملنا جلستنا ..
جلسنا نسولف أنا و رونق و هدى أختي ,, ما فيه شي صار بهالثلاث شهور إلا قلناه لرونق ,, ضحكنا شوي و بكينا كثير لما تذكرنا الحبيبه اللي بالعنايه ..
حسيت بالجوال يهتز بشنطتي و دخلت ايدي للشنطه و عطيته مشغول من دون لا أشوف الرقم ,, عارفه إنه عزام و ما راح يقول شي لأنه يدري إن زعله و رضاه من آخر اهتماماتي ..
تكلمت هدى و شكله حست بالمكالمه : نهى روحي لا تقطعين عزام ..
رفعت راسي لهدى و رديت : لا ما عليتس منه ..
هدى بعتاب : نهى !!!
رديت بكذب عشان لا تزعل هدى : هو أرسل لي تو يقول إنه يبي يتأخر نص ساعه !!
هدى : إيه أشوى !!
و كملت هدى : أجل دامتس عند رونق أبروح لدورات المياه شوي ..
رديت : خوذي راحتس ..
طلعت هدى و التفت على رونق ,, سكونه من جبنا طاري عزام غريب ,, لا يكون تحبه ,, لا لا وشلون تحبه و هي كانت مخطوبه لأخوه ,, أكيد رونق تذكرت شي و قعدت تهوجس به يعني عزام ماله دخل ,, إيه صح ماله دخل ..
تكلمت أنا : رونق وش أخبارتس ؟!
تنهدت رونق و ردت : الحمد لله على كل حال ..
و كملت : أنتي الي وش أخبارتس عقب عرستس ؟!!
تنهدت و رديت بألم : ما ودي أوجع راستس بالكلام و أنتي تعبانه ..
ردت رونق : اشغلين تكفين و نسين همومي ..
سندت ظهري على الكرسي و رديت : من وين تبينن أبدأ ؟!
التفتت رونق بجسمه كله علي و ردت : ابدي باللي متعبتس كوده يريحتس ..
تنهدت ورديت : يحبن يا رونق و ما يشوف بالدنيا غيري ,, أول الزواج قلت يمكن طفّه و تروح لكن لمست حبه الصادق و ما قدرت أبادله و لو شي بسيط من حبه لي ..
ردت رونق : تكرهينه !!
رديت و دموعي بدت تاخذ طريقه على وجهي : شويه عليه أكرهه ,, أكره كلامه و أكره حبه لي و أكره قربه من ,, ما أبيه مــــا أبيه !!
و انفجرت أصيييييييح هم كبير جاثم على صدري ,, و ما أعرف كيف أتخلص منه و أرتاح ..
تكلمت رونق : طيب و عمتي منيره وش قالت ؟!!
رديت و صوتي مبحوح من الصياح : أمي حرجتن ما أطلب منه الطلاق ,, أمي يا رونق شافت معاملته لي و كسر قلبه ..
تنهدت رونق و ردت : و أنتي ما كسرتي قلب أمتس ؟
رديت : المشكله يا رونق إنه ولد عمي يعني اذا تطلقنا المشكله بتصير بيننا و بين عيال عمي ..
تكلمت رونق بعد ما علقت عيونه بالسقف : الرسول عليه الصلاة و السلام حذر من زواج الأقارب !!
رديت أنا : رونق تعبت و الله تعبت !!
ردت رونق : اصبري ربي اللي عنده الفرج يا نهى !!
ـــــــــــــــــــــــــــــــــــــــــــــــــــــــــ
عزام
تعبت و أنا ماسك الجوال و أدق على نهى بس يوم عطتن مشغول وقفت الاتصالات أخاف تزعل علي ,, عاد هي زعله صعب و ما ترضى بسهوله !! رحت لسيارتي و ركبت به ,, كان جوالي بإيدي و عيوني و أذاني تنتظر منه أي اتصال تبلغن به إنه تبينا نمشي ..
تذكرت شي كنت ناسيه أو بالأحرى متناسيه ,, لا تصير رونق قالت لنهى شي !! و الله اني تبت و ما عاد أعيده لا ببنت عمي و لا بغيره ..
يمكن بعضكم يستغرب توبتي و ما يصدق !!
لكن اسمعوا اللي عندي و احكموا ,, من بعد وفاة ابوي و أمي بحادث سيارة و أنا عايش مع تركي و هند ,, كنت وقته طالب بأولى ثانوي ,, كلهم اعتبرون رجال و عاملون على حسب هالكلمه ,, لكن بالحقيقه أنا غيييييييير ,, احتجت حنان و ما لقيته الا عند أختي هند اللي ما وصلت ثاني ثانوي الا وهي متزوجه و مبعده عن ,, من بعده عشت مع تركي أخوي ,, كان يخاف علي من الهواء لكن ما يبين خوفه لأني على حسب كلامه رجال ,, دورت على الحب و ما لقيته إلا عند بنت عمي ,, ما كانت تحمل من الجمال إلا بشرته البيضاء و شعره الأشقر أما باقي ملامحه فكانت جدا عاديه ,, حبيته أو بالأحرى أعجبت بشكله المميز بيننا ,, لكن لما شفت اهتمام تركي أخوي به كرهت تركي ,, كيف يوم أنا محتاج لهالإهتمام منه ما لقيته و الحين يصرفه على بنت يحاوطه الجميع بحبهم و اهتمامهم ما عدا أبوه ,, حاربت الدنيا كلهم عشانه أو يمكن عشان أبعد تركي أخوي عنه و أعاقبه على حبه اللي أهدره عليه وقت ما أنا محتاج هالحب أكثر من العالم كلهم ,, وصلت له أخيرا و صارت رونق لي أنا بس و هذا لأني شوهت سمعته بعين أخوي ,, أدري لو أخطبه بيفرحون بي عيال عمي ,, لكني بهالوقت عرفت إنه ما بقلبي لرونق أي ذرة حب ,, اللي بقلبي ما كان إلا انتقام من أخوي تركي !!
شفت نهى بالصدفه و شلت تفكيري ,, معقوله فيه بنت بهالجمال ,, كانت أنثى بكل ما تعنيه الكلمه ,, بداية بملامحه الجميله و شعره الناعم المنسدل على ظهره و نهاية بجسمه الأنثوي !!
حبيته من شكله و ما صدقت على الله إني تزوجته ,, توقعت هالحب بيطفأ بعد الزواج لكني انفتنت به أكثر ,, تمنيت إنه تبادلن هالحب لكن ما لقيت منه إلا الصدود و هذا ما زادن إلا افتتان به أكثر و أكثر !!!
: عزااااااااام !!!
انتبهت من هواجيسي على صوت نهى ,, شكله ركبت ما حسيت به ,, وشلون دلت مكان السياره ,, يوووووه صح نسيت اني وقفته هنا و هي معي يوم نجي ...
حركت و صوته عند أذني لما نادتن ,, كان صوته متغير !!
سألته : نهى وراه صوتس كذا ؟!
ردت نهى و هي ملتفته على الشباك : عزام الله يعافيك لا تسألن عن شي تراي منب طايقه نفسي ..
سكت و توجهت للبيت و هذي عادتي إذا شفته كذا لأنه دايما نفسيته متقلبه ...
ــــــــــــــــــــــــــــــــــــــــــ
.
04-04-10, 07:16 AM
جديد مواضيع قسم القصص المكتمله من وحي قلم الاعضاء
العرض العادي
