لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


مشاهدة نتائج الإستطلاع: ما هو مستوى القصه حسب رأيك ؟
ممتاز 196 75.38%
جيد 51 19.62%
ضعيف 13 5.00%
المصوتون: 260. أنت لم تصوت في هذا الإستطلاع

إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 15-01-10, 05:32 PM   المشاركة رقم: 81
المعلومات
الكاتب:
اللقب:

البيانات
التسجيل: Nov 2009
العضوية: 151911
المشاركات: 146
الجنس أنثى
معدل التقييم: نبــ القصيم ــض عضو على طريق التحسين
نقاط التقييم: 86

االدولة
البلدSaudiArabia
 
مدونتي

 

الإتصالات
الحالة:
نبــ القصيم ــض غير متواجد حالياً
وسائل الإتصال:

كاتب الموضوع : نبــ القصيم ــض المنتدى : القصص المكتمله من وحي قلم الاعضاء
افتراضي

 


هلا و غلا حبيبتي نوفي ,,,
و ربي تنورين كل المنتديات بردودك ,,
تدرين ودي أقولتس شي ,, إذا شفت ردتس و تحليلتس على كل شي بالقصه و الله إن تعبي يروح و أستانس أحس إني سويت شي ,, تعجبني ردودتس الدقيقه و تحليلاتس على كل صغيره و كبيره,,

نجي للقصه :
ليش قال فيصل لرونق إن فيصل ما يستاهلها ؟
لأن فيصل يقدر انفعال عمانه و انزعاجهم من سالفة رونق و هو كان نفسهم لحد ما سمع عمته أسماء و رونق يتكلمون بالحقيقه ,, لكن اللي أزعج فيصل إن تركي الرجل الخلوق الطبيب اللي كل الناس يشهدون له بالخير تخلى عن رونق بأول شدة تمر عليها يعني المفروض هو اللي يوقف معها لحبه لهل أو حتى يوقف مع عيال عمه و يتزوج رونق عشان يستر عليها لكن تركي خيب ضنونهم كلهم و غروره كان سيد الموقف ..الغريب إذا كانوا عيال عمه منزعجين منه ليه رضوا فيه لــ مي و هذا الشي بتعرفونه بالجزء القادم ..

ما سبب سكوت مي ؟
مي تحب رونق ما تكرهه لكن هي مقهوره من موقف تركي من رونق مثل مالكل مقهور من تركي ,, لكن وش سبب سكوته عن الحقيقه ؟ بتعرفونه بالأجزاء القادمة ..

تركي و مي إلى الحين ما جاء دورهم انتظري الأجزاء القادمة ..

أمجاد و ندى و فيصل ما يعرفون أكثر من ما تعرف رونق ,, و سبب ترديدهم إن تركي ما يستاهل رونق إنهم مقهورين من تصرفه,,

عزام يحب رونق ,, و ما لقا طريقه يوصل فيها لرونق إلا إنه يبعد أخوه عن طريقه ,, و بعدين عزام شخصيته ضعيفه ..

أقدر لتس أختي متابعتس لكني بحاول إني أنزل جزئين بالأسبوع كن ما أوعدتس (يعني أبجرب بكتب بدفتري) و إذا حسيت إني أقدر نفذت ,,

وهـ بس ياحبيل قلبتس يا خيه ..

 
 

 

عرض البوم صور نبــ القصيم ــض   رد مع اقتباس
قديم 15-01-10, 05:34 PM   المشاركة رقم: 82
المعلومات
الكاتب:
اللقب:

البيانات
التسجيل: Nov 2009
العضوية: 151911
المشاركات: 146
الجنس أنثى
معدل التقييم: نبــ القصيم ــض عضو على طريق التحسين
نقاط التقييم: 86

االدولة
البلدSaudiArabia
 
مدونتي

 

الإتصالات
الحالة:
نبــ القصيم ــض غير متواجد حالياً
وسائل الإتصال:

كاتب الموضوع : نبــ القصيم ــض المنتدى : القصص المكتمله من وحي قلم الاعضاء
افتراضي

 

اقتباس :-   المشاركة الأصلية كتبت بواسطة النصف الاخر مشاهدة المشاركة
   ماشاءالله البارت مع انه قصير او يمكن انا حسيته كذا من كثر ما استمتعت فيه
رونق ليش تبكين على واحد تكلم بشرفك واتهمك ومافكر حتى يسمع والله انه مايستاهل
خليه ياخذ مى ومصيره يعرف انها هى سبب البلاوى كله وساعتها ماينفع الندم
نهى اتوقع تكبر علاقتها اكثر برونق وتساعدها على تبرائت نفسها
محمد ماشفن له اى دور بالبارتات مع انه الكل يحبه
ننتظرك على خير

وهـ بس يا حبيلتس أنتي و توقعاتس الرائعه ,,
و محمد بنشوف له دور كبير بالأجزاء الجايه ..
الله يعافيك على ردك الرائع ..

 
 

 

عرض البوم صور نبــ القصيم ــض   رد مع اقتباس
قديم 15-01-10, 05:38 PM   المشاركة رقم: 83
المعلومات
الكاتب:
اللقب:

البيانات
التسجيل: Nov 2009
العضوية: 151911
المشاركات: 146
الجنس أنثى
معدل التقييم: نبــ القصيم ــض عضو على طريق التحسين
نقاط التقييم: 86

االدولة
البلدSaudiArabia
 
مدونتي

 

الإتصالات
الحالة:
نبــ القصيم ــض غير متواجد حالياً
وسائل الإتصال:

كاتب الموضوع : نبــ القصيم ــض المنتدى : القصص المكتمله من وحي قلم الاعضاء
افتراضي

 

اقتباس :-   المشاركة الأصلية كتبت بواسطة بوح قلم مشاهدة المشاركة
   تسلمين حبيبتي عالبارت

مي وتركي

انتو شو ما عندكم ذرة احساس.. ان شاء الله يوم عرسكم تنكسر الكوشه واتطيحون من عليها خخخخ دواكم

فيصل


هي هذا ولد الاخو اللي يحس بعمته

نهى

صعب انج تدخلين عالم يديد وتعيشين وسط ناس عقب هالعمر كله يظهرون اهلج بس الحلو فالسالفة انهم يحبونج

رونق

ما عليج منهم حبيبتي.. اصلا عرسهم بروحه اكبر عقاب.. لان تركي بيعاقب نفسه قبل لا يعاقبج.. اونتي حقج بيظهر.. ومردهم بيعرفون انهم ظلموج


نترياج حبيبتي

لا تطولين


الله يسلمتس يالغالية ..
و محاكاتس للشخصيات أكثر من رائع ,,
بس تدرين و أنا أقرأ ردودتس أستانس لأني أشوفتس متفاعله مع القصه ,,
الله يوفقتس ,,
ما دام الضروف ما تعاندن ما راح أطول ,, انتظرين ,,

 
 

 

عرض البوم صور نبــ القصيم ــض   رد مع اقتباس
قديم 15-01-10, 05:48 PM   المشاركة رقم: 84
المعلومات
الكاتب:
اللقب:

البيانات
التسجيل: Nov 2009
العضوية: 151911
المشاركات: 146
الجنس أنثى
معدل التقييم: نبــ القصيم ــض عضو على طريق التحسين
نقاط التقييم: 86

االدولة
البلدSaudiArabia
 
مدونتي

 

الإتصالات
الحالة:
نبــ القصيم ــض غير متواجد حالياً
وسائل الإتصال:

كاتب الموضوع : نبــ القصيم ــض المنتدى : القصص المكتمله من وحي قلم الاعضاء
افتراضي

 

..





أعتذر عن التأخير الخارج عن ارادتي ، ،




أعترف لك كان يكفي الاعتراف...
واعتذر لك كان يكفيك العذر...
في ليالي الشوق حسيت اختلاف...
مرت الساعه على روحي شهر...






الجزء الثامن :




( ولا هم يحزنون )


تتعبنا همومنا و تؤرق مضاجعنا ، ، حتى
لا نرى في الدنيا إلا الليل الحالك بسواده ، ،
فتضيق بنا دنيانا ، ، و ما أن نسمع
"و لا هم يحزنون " حتى نرى بصيص من
نور ، ، عندها نتيقن أن لنا ربا رحيما نسينا
أن نرجوه و نطلبه جلاء لهمومنا ..







" إن الذين أقاموا الصلاة وآتوا الزكاة
لهم أجرهم عند ربهم ولا خوف عليهم
ولا هم يحزنون " سورة البقرة..




في الطريق : ~


صدح صوت الشيخ أحمد العجمي بالسيارة
و ملأ المكان راحة و سكينة ، ،
كنت ساكنه بمكاني ، ، ما كان فيه شي يدل
على حياتي إلا نبضات قلبي ، ، كان بالي
بعييييد ، ، بالي مع المشاكل اللي طاحت
على راسي ، ، بالي عند مي و تركي كيف
أبقدر أتحمل وجودهم مع بعض قدامي
كيف أبحضر عرسهم؟! كيف أبشوف
عيالهم؟! اقشعر جسمي لمجرد تخيل
الصوره و دمعت عيوني ، ، عضيت
على شفايفي و كتمت صوتي عن فيصل
، ، ما أبيه يضيق صدره ، ، يا الله و الله
كبير هالهم كبييييييييييييير ،
تنهدت بألم و أنا أتذكر إنه موب بس هم مي
و تركي على قلبي ، ، لا عندي هموم ثانيه
و أولها عزام اللي وجوده بحياتي يسبب
لي خوف كثييييير..
ياربي أقول لفيصل عن عزام و إلا لا..
و الله ما أدري..
خطفت نظره سريعه على عزام..
يووووووه قصدي فيصل وش صار لي
أنا و الله إنه من كثر التفكير فيه و الخوف
منه صرت أهذري بإسمه ، ،
رجعت ناظرت فيصل لقيته مركز بسواقته
إلا إنه يوجه لي نظره سريعة بين الفترة
و الثانية..
صرت ألتفت لفيصل كل شوي و بعدين أرجع
أركز بيديني ، ،
لاحظ فيصل ارتباكي و مراقبتي له ، ،
التفت لي و تكلم : رونق بتس شي؟
تلعثمت و ما عرفت و ش أقول أقوله عن
الموضوع أو لا؟ خل أقوله و أتخلص
من هالهم بس و أتفرغ لهمومي الثانية..
أعتقد إن فيصل موب غبي لأنه ما فاته
ترددي و ضغط على ايدي اليسار و كأنه
يستحثن على الكلام ، ،
فيصل : رونق تكلمي..
أنا : هاه.
فيصل : قولي اللي تبي تقولينه.
أبتكلم خلاص و يصير اللي يصير ، ،
لازم أرتاح من هالهم لازم..
حاولت أشتت نظري و أنا أكلم فيصل ، ،
ما أبي أشوفه و هو معصب بعد ما أقوله
السالفه ، ، و بتلعثم تكلمت : أ.. أ... أنا
.. أنا اليوم رحت لل...
فيصل بقلة صبر : وش فيه تكلمي؟
أنا : أنا رحت للمسبح اليوم و ووو
فيصل مقاطع : درينا رحتي للمسبح و
بعدين؟
أنا : أنا رحت للمسبح وووو إهئ إهئ
انفجرت أصيح وحطيت راسي على
رجليني ، ، محتاره خايفه ، ، عارفه ردة
فعل فيصل لو أبقوله ، ، و الله إن يعصب
و يذبح عزاموه ، ، طيب أقوله ليش؟
يا الله محتاجه لتس يا مي محتاجتس يا
خيتي هالحين ، ، خايفه ريحين ، محتاره
دلين ، وينتس يا خيتي وينتس.. آآآآآآآآآآآآآآه ، ،
حسيت بمسح فيصل على ظهري ، ،
فيصل : و الله ما فيه أحد يستاهل دموعتس
يالغالية ، ،
غاااااااااليه! ياااااااااااه عارفة قدري
عندك يالغالي ، ،
و الله إني أدري أنه يعزن ، ، طيب ليه أنا
أنانية ، ، أكبر همي إني أرتاح من هم
عزاموه و بس ، ، و ما همن فيصل و
اللي يبي يصير له ، و الله إن يتذابحون
هو و إياوه ، ، يكفي موت أمي و أبوي
ما أبي فيصل يلحقهم..
حسيت بالسياره توقف ثم التفت فيصل
بجسمه علي و تكلم برجاء : و بعدييييين
يعني ، ، خوفتين عليتس ، ، تكلمي قولي
وش بتس؟
و رفعت راسي لفيصل : ما بي شي.
فيصل سحب ايدي اليسرى واحتضنه بين
ايدينه و كمل : علي.
تنهدت وما رديت عليه.
فيصل : طيب وش صار بالمسبح؟ ليه
ما كملتي السالفة؟
سحبت ايدي من ايدين فيصل و تكلمت
و أنا أتلعثم :.. ما فيني شي بس.... بس
.... ايه بس ضاق صدري و تذكرت ابوي.
رجع فيصل ظهره و تسند على المرتبة و
تكلم بعد ما تنهد : الله يرحمهم يارونق
ادعيلهم..
أنا : أمين.. الله يرحمهم.
و كملت : ليش وقفت حرك..
فيصل : إذا خلصتي صايحة مشيت!
مسحت دموعي و تكلمت : خلاص موب
صايحه حرك..
فيصل بعناد : لااا ، طلعي الصياح اللي
بتس أول بعدين نمشي..
يووه موب وقت استهباله و عناده و
الله : فيصاااااال تكفى عبدالرحمن يبي
يعصب علي.
فيصل : لاااااااااااااااااا صيحي أول.
خلاص أعصابي تنرفزت رديت
بعصبية : فيصلوه و حطبه أمش.
ضجت السيارة بضحكة فيصل
: هههههههههههههههههههههههههه
: تامرين عمتي هههههههههههه.
عضيت شفتي أخفي ابتسامه حاولت تسلل
لفمي ، ، ما أبيه يشوف نفسه منتصر وهمست
بداخلي : الله يديم هالبسمة يا رب..
لما وصلنا البيت جيت أبنزل ، مسك فيصل
ايدي : رونق.
أنا : هلا.
فيصل : لا نامي تفكرين.
تنهدت بقهر : و الله بحاول لكن ما أتوقع أقدر.
سكت فيصل شوي و نزل راسه و ضغط على
ايدي بعين رفع راسه و كأنه تذكر شي
: تذكرين أمي موضي وش تقولنا نسوي
إذا ما جانا النوم.
ناظرته و أنا مسطله ما أقدر أفكر و
سألته : هاه؟!
ابتسم فيصل ابتسامه حزينه و تكلم : عدي
من واحد إلى خمسين و تنامين.
سحبت ايدي و نزلت و تكلمت و أنا نازله
: ما ظنتي لكن بحاول ، ،
فيصل : رونق لا تقولين أبحاااا........
قاطعته بسرعه : مع السلامه تصبح على خير..
تأفف فيصل و رد : و أنتي من أهل الخير.



ــــــــــــــــــــــــــــــــــــــــــــــــــ ــــ



دخلت البيت و أنا أسحب رجليني ، ، أخاف
يصحى عبدالرحمن على صوتي ، ، أكيد
إنه معصب الله يعين عليه.
: وينكم إلى الحين؟
شهقت من الخوف و لفيت بكل جسمي و أنا
حاطه ايدي على قلبي ،
و تكلمت : هذانا جينا ، ،
عبد الرحمن : أدري إنكم جيتوا شايفتن عمى
قدامتس..
نزلت راسي و تكلمت بصوت أشبه بالهمس
: و الله إننا أول ما اتصلت جينا..
عبدالرحمن : صار لي ساعه إلا ربع داق
على فيصل.
رديت و أنا إلأى الآن منزلة راسي : والله
ما نعيده بس لا تعصب..
عبدالرحمن بعصبيه : مالتس دخل أعصب و
إلا لا و فصيييل شغله عندي هالكلب..
سكتت تلافيا لصراخه ، ، خلاص عبدالرحمن
لا صار معصب ما يقدر يتكلم معه أحد لأنه
يطلع عن حدوده..
حسيت بعبدالرحمن يطلع من الصاله و هو
معصصصب ، سمعت تسكيرة الباب و
عرفت إنه دخل غرفته ، تسحبت و دخلت
لغرفتي..
تسندت على الباب و تأففت ، ، فور أعصابي
عبدالرحمن ، ، الله يعين عليه شكله
معصصصصب ، ، درت نظري على الغرفه
، ، و رحت لسريري ، ، رميت عباتي على
الأرض و طحت بسريري ، ، حاسه نفسي
تعباااااااانه.. و جسمي كنه مكسر ، ، بذلت
اليوم مجهود ، ، طول اليوم و أعصابي مشدودة ، ،
تعبت من كثر ما تقلبت بالفراش ، ، عارفه
إني ما ارتحت بلبسي بس و الله ما بي حيل
أبدل غمضت عيوني و ذكرى أمي موضي
ترجع علي "عدي يا ميمتي لين خمسين
و تنامين "و غمضت عيوني و بديت
أعد 1 2 3 4.............. 223


صرخت بقهر و سحبت شعري بكل ايديني
و تخيلاتي لمي و تركي فجرت رأسي
: اطلعوا من راسي أبي أناااااااااام.
اووووووووووووف.
تذكرت إني أرسلت لتركي أبرر له اللي صار
بالمسبح ، ، يا رب ما يفهم الرساله ، ،
ايه صح أنا ما كتبت اسمي مع الرساله ، ،
يا الله بس الرساله واضحه أكيد بيفهم ، ،
و الله قهر الحين يبي يقول إني ميتة عليه ، ،
كل شي يصير ضدي يا رب كل شييييييي...
حطيت مخدتي على وجهي و دخلت بموجة
بكاااااااااااء موووجع ، ، كانت شهقاتي تبعثر
أنفاسي ، ، لحد ما تعبت و انهد حيلي ، ،
رميت المخده بعيد.. و صرخت : تعبت
و الله تعبت..
تنهدت و همست "يا ربي أنام و أرتاح
يااااااااااا رب "



ــــــــــــــــــــــــــــــــــــــــــــــــــــــــــــ ــــ





يتبع >>>

 
 

 

عرض البوم صور نبــ القصيم ــض   رد مع اقتباس
قديم 15-01-10, 05:50 PM   المشاركة رقم: 85
المعلومات
الكاتب:
اللقب:

البيانات
التسجيل: Nov 2009
العضوية: 151911
المشاركات: 146
الجنس أنثى
معدل التقييم: نبــ القصيم ــض عضو على طريق التحسين
نقاط التقييم: 86

االدولة
البلدSaudiArabia
 
مدونتي

 

الإتصالات
الحالة:
نبــ القصيم ــض غير متواجد حالياً
وسائل الإتصال:

كاتب الموضوع : نبــ القصيم ــض المنتدى : القصص المكتمله من وحي قلم الاعضاء
افتراضي

 

.





فتحت عيوني يوووووووه الشمس طالعه و

أنا ما صليت الفجر ، ، قمت بسرعه و بدلت

ملابسي و توضيت للصلاة و طلعت و

صليت الفجر انسدحت على سجادتي أريح

بعد ربشة الصلاة..



: رونق قمتي أخيرا.



رفعت رأسي لهند و ابتسمت : ايه بس ليش ما

قومتين للصلاة ،

هند : يووووه منتس ذبحتين نص ساعه على

راستس و أنتي ما جبتي خبري.

و كملت : لين مليت و تركتس ، ، بس و الله

رحمتس شكلتس تعبانه البارح.

رديت بعد ما اعتدلت جالسه : لا بس شوي

ارهاق ، ، الا ما قلتي لي وش مقومتس هالحزه.

هند : ههههههههه شوفي ساعتس كم ، شكلتس

إلى الحين ما شبعتي نوم.

أنا : ما ساعه علي.

هند : الساعة 12 نص و.

شهقت : معقوله نمت كل هالوقت؟!

هند : لا قلت انتس تعبانه صدقين.

لفيت جلال الصلاة على راسي و تكلمت أنهي

الحديث : لا ما نيب تعبانه.

و كبرت "الله أكبر"

بعد الصلاة طويت سجادتي و شلت عبايتي

من على الأرض عقب أمس..




و طلعت من غرفتي ، ، دخلت المطبخ لقيت

هند تصلح الغدا..

هند : الحين أخبارتس وش؟ !

أنا : الحمد لله.

صبيت لي فنجان قهوه و سحبت صحن

الضميد (المكنوز) أخذت تمرة و بديت أتقهوى.

: رونق شوفي من اللي داق علي.

درت نظري أدور جوال هند ، ، قمت و أخذته

و قريت الإسم ، ،

رمشت بعيوني أكثر من مره أتأكد من اللي

أشوفه : (ن : تركي) أووووووووف وش

يبي هذا ، أنا ما أصدق أنساوه إلا يجي يذكرن

غصب ،

: منهو؟

رفعت راسي لهند و أنا موب عارفه وش

أقوله ، ، تقدمت له بخطوات مرتبكه و قلبي

يضرب بشكل جنوني ، ، لما وصلت انقطع

الإتصال ، ،

هند و هي مشغوله بالطبخ : شوفي منهو؟

حاولت أفتح الجوال ، حاسه ايديني تتنافض ،

و انعادت علي الذكرى من جديد ، ، ، مي و

تركي ، مي و تركي ، مي و تركي.

اتصل مره ثانية (ن : تركي)

تنهدت و قربته لهند بدون لا أتكلم..

هند : ردي بسرعة شوفي وش يبي؟؟!!.

أنا : هااا.

هند : رديييييييي.

حبست نفسي و فتحت زر الرد و حطيت

الجوال على اذني من دون ما أتكلم لكن

أعتقد إن الطرف الثاني وصله صوت نبضات

قلبي اللي كأنه طبول ، ، و وصلن صوت

رقيق : افتحوا الباب.

كأنه صوت تركي ، ، لا لا موب هو ، إلا هو

لا لا صوت تركي فيه بحه ، ، ما أدري و

الله ما أدري! .

نزلت الجوال و قريت الرقم للمره المليون

(ن : تركي) يا الله من أصدق عيوني و

إلا أذاني.

رجعت الجوال لأذني : طوط طوط.

تكلمت و الجوال بين ايديني : يقول افتحوا

ال.... الباب.

هند : ايه قولي لنور تفتح الباب هذا عزيز

جاء من الروضة.

أنا : ايش؟ عزيز؟

هند : اايه هذا تركي صاحب النقل جايب

عزيز من الروضه ،

تجمدت قدام هند و أنا مطيره عيوني ، ، يعني

كيف الرساله اللي أرسلته لتركي ما وصلتله

، ، الله أحسنننننننن شيييييييي ، خل يقعد

على عماوه ، ، لازم ما يدري إني حاولت

أبرر له السالفه عشان لا يحسب إني مهتمه

فيه.

: نووووووووووووور

نووووووووووووووور.

التفت بسرعه لهند اللي تنادي نور يا حليله

شكله يأست من ، ،

و رحت أركض لغرفتي ، ، قعدت على

سريري و شعوري ما أقدر أحدده ، فرحانه

و حزينه ، ، مره أقول ليت تركي عرف

إني بريئه و مره أقول ليته ما يعرف لأني

موب مجبوره ببأأأأأاأبرر له..

: عماااااااااه جبت لتس حلاوه..

رفعت راسي للصوت اللي انتشلن من أفكاري

و رديت : هلا بعزيز حياتي ، ، عطني الحلاوه

يله؟

قعد عزيز بالأرض و بدأ يحوس بشنطته

يدور الحلاوه : لقيتااااه..

و رفعه بكل يدينه و كأنه جايب لي أغلى هديه..

ضحكت و صفقت أجاريه فرحته و تكلمت

: الله يا سلام عزوزي جايب لي هدية..

ضحك و صدحت ضحكته بالبيت كله و

شاركته ضحكته...

ـــــــــــــــــــــــــــــــــــــــــــــ





مرت عدة أيام و الحال على ما هو عليه

بالنهار ألهى مع عزيز و ليونه و بالليل

أتذكر مشاكلي و ما أنام إلا على دموعي..

يوم الأثنين..

من يوم كنا نتغدى و أنا ملاحظه هند موب

على بعضه ، ، كنت حاسه إنه به شي..

كنت جالسه بالمطبخ لأني مليت من غرفتي

ودي أطلع للحوش بس ما أقدر لأن

عبدالرحمن موجود بالبيت ، ،

: مي.... قصدي رونق!

رفعت رأسي للصوت بدون ما أتكلم..

: أبقولتس انتبهي لليان و عزيز..

أنا : بتطلعين؟

هند : ايه ، ، أبروح مع تركي نشتري طقم

لمي ، ، تعرفين قربت الملكه!

حاسه كلامه سكاكين تطعن قلبي ، ، ما أقدر

أتحمل الحين أجل كيف الملكه و إلا العرس

، ، يا الله صبرن و اربط على قلبي..

: أقدر أروح و ما أقولتس عشان

ما أجرحتس ، ، لكن إلى متى تبيننا نداريتس

بالكلام ، ، تعودي يا رونق بكرى تجي الملكة

و العرس وشلون بتتحملين ، ، انسيه يا رونق

، ، وكأنه عمره ما كان لتس.. انسيه و لا تقسين

على قلبتس..

تكلمت بحشرجة : م...... ا أقدر و الل.......

هند قاطعتن : الا تقدرين بس أنتي حاولي

، ، و الله طول عمرتس قويه ، ، وش اللي

جاتس؟!

قمت من الكرسي و الدنيا قدامي سوداء ، ،

اتجهت للباب أبطلع ، ، حسيت بإيدينه

تنغرس بذراعي.. و لفتن له بقوه و

سحبتن له ، ،

ضميته بكل قوتي ، ، ما أدري وشو

إحساسي ذيك اللحظة ، ، لكن الأكيد

إن كل إحساس سيء سكن روحي ، ،

حاولت أعبر عن حزني أفرغ شي

من اللي بداخلي ، ، لكن ما قدرت أعتقد

إن همي أكبر من إني أبكيه أكبر من إني

أعبر عنه ، ، أبعدت عن هند و أنا إلى

الحين أحس إني بدوامه مشاعري ما أقدر

أحدده ، ،

لاحظت على هند إن عيونه محمره ، ، حتى

هند حزينه على حالي!

انسحبت من المطبخ و أنا أجر رجليني

لحد ما وصلت غرفتي ، ، تسندت على

الباب و درت نظري بالغرفه ، ، و الله

تعبت من هالعيشه تعببببببببت..

دخلت للحمام و وقفت قدام المغسلة فتحت

الماء و ناظرت وجهي بالمرايه كان

شاحب و أصفر و عيوني ما به أي أثر

للدموع لكن باين إني مرهقه بما فيه الكفاية

، ، جمعت ايديني و أخذت بهن ماء ، ،

غسلت وجهي مره و ثنتين و ثلاث ، ،

لكن إلى الحين كل معالم التعب ساكنه

ملامحي ، ،

عارفه بنفسي وش اللي متعبن ، ، الله لايوفقك

يا تركي على اللي تسويه بي..

غمضت عيوني و همست بصوت مسموع

: اطلع من راسي اطلععععع..

فتحت عيوني و توضيت للصلاة ثم طلعت

من الحمام و تسننت ، ، و قعدت على

سجادتي أستغفر ، ، أنا أدري إن اللي نزل

بقلبي حب أكره إنسان بالدنيا قادر إنه ينزعه

من قلبي..

رفعت ايديني و تمتمت بدعاء خالص من قلبي

للي ما يخيب عبد رجاوه : اللهم إنى أمتك أبنة

عبدك وأبنة أمتك ناصيتى بيدك ، ماض في

حكمك ، عدل في قضاؤك أسألك بكل أسم هو

لك سميت به نفسك ، أو أنزلته في كتابك ،

أو علمته أحدا من خلقك ، أو استأثرت به

في علم الغيب عندك أن تجعل القرآن العظيم

ربيع قلبي ونور صدري وجلاء حزني و

ذهاب همي



.

"الله أكبر"

رددت مع المؤذن ثم قمت و صليت العصر..

خلصت من الصلاة و طويت سجادتي ، ، أكيد

هند ضايق صدره علي ، ، خل أطلع أشوفه

لا تروح وهي ضايق صدره..

طلعت من غرفتي شفت ليونه ، ، شلته و

بوسته و طلعت به معي للصالة..

ما كان فيه أحد بالصالة ، قعدت و حطيت

ليونه بجنبي ، ، فتحت التلفزيون وقلبت لحد

ما وصلت لقناة المجد للقرآن الكريم ، ، قعدت

أسمع تلاوة خاشعه للشيخ خالد الجليل..

: رونق ،

التفت لهند و كتمت الصوت عشان أسمعه ، ،

أنا : هلا "و كان صوتي مبحوح"

هند نزلت رأسه و رفعته و تكلمت : و الله

إني أدري أنتس قويه ، ،

وكملت : تراي هونت موب رايحه.

أنا : ليش؟

هند : ما ودي أروح و أنتي كذا؟

رديت بانزعاج : وش بي أنا؟ ما فيني شي؟

و كملت بعد ما وجهت نظري للتلفزيون : روحي

لا تقعدين..

تنهدت هند : أكيد!

رديت : أكيد.

و عليت على صوت التلفزيون ، ،











.



ــــــــــــــــــــــــــــــــــــــــــــــــــ





لما راحت هند ، ، رحت ألهي نفسي

و ألعب مع عزيز و ليان ، ،

تذكرت إن عبد الرحمن موب موجود قلت

خل أستغل الفرصه و أطلع للحوش أنا و

البزارين..

طلعنا و قعد عزيز يلعب بسيكله أما ليونه

بدت تسحب عروسته بالحوش ، ، قعدت

على الدرج و بديت أراقبهم ، ، و راحت

أفكاري عندهم ، ، أكيد بياخذ لها أحسن

طقم ، ، و أكيد هو اللي بيختاره و إلا............

لا خلاص ما أبي أفكر بهم ، ،

قمت من على الدرج و نزلت أتمشى

بالحوش درت على البيت و رجعت لهم

، ، حاسه إني ملييت وش أسوي؟ وش

أسوي؟

أبي أشغل نفسي عن التفكير ، ، زمان ما

ألقى وقت فراغ و الحين كل حياتي ممله

و كئيبه ، ، ما عندي شي أشغل به نفسي

، ، وش أسوي؟

تذكرت شي ، ، أنا من زمان ما طبخت بس

وشلون أروح و أترك هالبزارين بالحوش ، ،

تذكرت نور ، ، و ناديته بأعلى صوتي

: نوووووووووور.

ثواني و كانت نور قدامي : ايش يبغى رونا..

أنا : نور اقعدي عند عزيز و ليان شوي

أبروح أحوس بالمطبخ.

نور : لا رونا ايش يبي أنا سوي..

تكلمت و أنا داخله : خلتس عندهم و انتبهي

لعزيز لا يفتح باب الشارع.

دخلت المطبخ و قعدت على الطاولة وش

أسوي؟ تذكرت إني أضبط السينابون ، ،

طلعت زبديه و بديت أعجن المقادير و لما

خلصت شكلتهن و حطيتهن بصينيه و دخلته

الفرن بديت أدور بالمطبخ أنتظره تخلص ، ،

حسيت جسمي اقشعر ، ، لا لا شكلي أتوهم ، ،

وشون يجي هنا ، ،

: وش أخبارتس رونق؟

لا صدق هو والله هو ، ، لا لا وشلون بيدخل

هنا!

التفتت عشان أكذب أذاني و تجمدت عيوني

عليه هذا هو طويل و عريض مايل للبياض

و أشباهه جدا عاديه إلا هو ، ، وش جايبه

هنا الله ياخذه..

: لا تخافين أنا بس أبتطمن

عليتس.

أنا : عز عز... ا... م

و كملت : تتطمن علي يالك.. لب بعد ما

حط... يت كل شي على راااسي..

قرب لي عزام و رجعت أنا على ورا و

صدمت بالفرن : أنا.. أنا و الله أحبتس

افهمي يا بنت أحبتس..

أنا بانفعال : و أنا أكرهك إهئ إهئ..

قرب عزام أكثر و مد ايده عشان يمسح دموعي

ودفيت ايده عن بقرف

سحب ايده بعد ما رديته و تكلم برجاء : طيب

قوليلي وش اللي تبينن أسويه؟

تكلمت بصراخ : انقلع عن وجهي الله ياخذك

انقلععععععععع.

عزام : أنا أدري إن اخوانتس موب مريحينتس

بس تراي أبخطبتس يعني أبطلعتس من العذاب

اللي أنتي عايشته..

قاطعته بقهر : العذاب من اللي جابه لي الا أنت

و بعدين العذاب أهون من مقابل وجهك يا

زفتتتتتتتتتت.



حسيت بإيده أحرقت وجهي ، ، كيف تجرأ

و عطان كف الحقير ذا ، ،

مسكت خدي و غمضت عيوني و جمد لساني

، ، ما قدرت أقول شي ، ، لكن كل عضو

بجسمي كان يتفل قهر ، ، لهالدرجه مهانه

عندهم..



: آآآآآآآآآآآآه.

فتحت عيوني لقيت نور و بإيده قدر ، ،

التفت لعزام اللي طايح على الأرض ، ،

تسحب بصعوبه و أخذ شماغه و طلع و

هو ماسك راسه..

لفيت لنور اللي جت و ضمتن و بدت تهدين

: بسم الله رونا بسم الله..

سميت بالله و افتكيت جسمي من نور : ضربتيه

يا نوووور.

نور : أحسن هو يضرب أنتا أول..

طلعت و أنا أسحب جسمي كله سحب من

الخوف ، ، الموقف أكبر من إني أتحمله ، ، قبل

لا أطلع من المطبخ التفت لنور و تكلمت

: لا... لا ت... دري ه ند...!

نور : ايش؟ لا أنا في قول عش......

قاطعته و أنا أصيح : و الله ما أكلمتس إذا

قلتيله.

نور : طيب بس هذا مطبخ فيه دم.

أنا : امسحيه بسرعه.

تذكرت الحوش أكيد فيه أثر دم أخذت

الفوطه اللي منشوره ورا الباب و طلعت

للحوش ، ، تروعت لما حسيت باليد اللي

مسكت ذراعي و التفتت برعب.

: أنا في يمسح إنتا تعبان روح

غرفه.

تنهدت براحه بعد ما شفت نور و اتجهت

لغرفتي كاتمة أحزاني و أنا أدعي "يارب

اشغله بنفسه ".









ـــــــــــــــــــــــــــــــــــــــــــ

نهاية الجزء الثامن














أنتظر ردوركم لما خطته يداي بفارغ الصبر ..

 
 

 

عرض البوم صور نبــ القصيم ــض   رد مع اقتباس
إضافة رد

مواقع النشر (المفضلة)

الكلمات الدلالية (Tags)
الكاتبة نبض القصيم, رواية بنت الشامية للكاتبة نبض القصيم, قصة بنت الشامية
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 11:27 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية