لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


مشاهدة نتائج الإستطلاع: ما هو مستوى القصه حسب رأيك ؟
ممتاز 196 75.38%
جيد 51 19.62%
ضعيف 13 5.00%
المصوتون: 260. أنت لم تصوت في هذا الإستطلاع

إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 15-12-09, 11:23 PM   المشاركة رقم: 66
المعلومات
الكاتب:
اللقب:

البيانات
التسجيل: Nov 2009
العضوية: 151911
المشاركات: 146
الجنس أنثى
معدل التقييم: نبــ القصيم ــض عضو على طريق التحسين
نقاط التقييم: 86

االدولة
البلدSaudiArabia
 
مدونتي

 

الإتصالات
الحالة:
نبــ القصيم ــض غير متواجد حالياً
وسائل الإتصال:

كاتب الموضوع : نبــ القصيم ــض المنتدى : القصص المكتمله من وحي قلم الاعضاء
افتراضي

 

.











الجزء الخامس :~

( جرعة حنان )
أحتاج فقط لجرعة حنان حتى أكمل هذه الحياة .





بديت أقرأ الرقم ( ------------050)
كانت عيوني تاكل الأرقام أكل .. معقولة
عزام يحبـــــ .. قطعت تفكيري وأناأضغط
على فتح القفل وأنا مرتبكه من اللي
قريته .. رجعت أقرأ الرقم مرة ثانية
يمكن غلطت برقم والا شي .. يا ربي نفس
الرقم .. عدته مرة و اثنين و ثلاث و كل
مره أقول أكيد أنا غلطانه بس هو و
الله هو .. مرت علي لحظات و أنا على
هالسالفه شوي أكذب عيوني وشوي أصدق بس
ما تطول اللحظات اللي أكون مصدقه عيوني
لأن عقلي يرفض الواقع اللي قدامه و أرجع
أقول .. لالالا يمكن أنا ناسيه الرقم ليش
أظلم الرجال .. طيب وشلون يا ربي أكيد
هذا الرقم أنا متأكده مليون بالمية ..

و الله هووووووو أصلا فيه أحد ينسى
رقـــــــــمــــــــــــه ؟!!!!!

انفتح الباب بقوه : عماااااااااااه .

دخل عزيز و قعد بجنبي وأنا أتنافض
من الروعه و الله إني حسبته عبدالرحمن
بس الحمد لله .. الله ستر ..
حسيت بهز
عزيز على رجلي ارتبكت و صرخت عليه
: نعااااام وش تبي ؟!!

عزيز : وشو هذا ؟!! كان عزيز يأشر
على ايدي و بسرعه دخلت الجوال
اللي كان بحجري بداخل كمي يا
ربي وش يفكن منه هالبثر أكيد بيعلم
أبوه و على أحسن الأحوال بيعلم أمه .


: عماااااااااه وشو
هذا ؟ و كان يأشر على الجبس ابتسمت ببلاهه
.. يآآآآآه أنا ارتعت أحسبه يعني
الجوال و هو يعني الجبس صدق اللي
قال اللي على راسه بطحه يحسس عليها ..

رديت عليه : هذا جبس .

عزيز تحسس الجبس وبعدين رفع راسه
لي : وشوله حطيتيه ؟؟.

أنا : عشان أنا تعباااااانه .

شهق عزيز وضرب راسه كأنه تذكر
شي : نسييييييييييييت ماما قالت لي
قل لعمه تجي نور تبعاااانه .

أنا : نووور .. فزيت من مكاني بسرعه
وأنا أركض و ما فيه ببالي إلا نور ..
ما وصلت الصاله إلا و أنا منتبهه
للي بيدي اليسار .. جوال عزام ..
رجعت بسرعه لغرفتي و تلفت وين أحط
الجوال .

عزيز : عماااه بسرعاااه .

ارتبكت من إلحاح عزيز وزنّه على
راسي لأني أصلا خايفه من الجوال
اللي معي .. حطيته بسرعه تحت
وسادتي .. لا تقولون غبيه كله دقايق
أبشوف وش به نور وأبرجع أكلم على خالد ..


يمكن تستغربون إني ما خفت على نور
مع إني قلت لكم قبل إنه غاليه
علي .. يكفي إنه من ريحة أمي موضي ..
لكن أنا عارفه وش به نور أكيد ارتفع
عليه الضغط هذي هي من أيام أمي موضي
وهي يجيه أيام ويرتفع عليه الضغط
لكن ما ياخذ كثير و ينزل ..


وصلت للمطبخ ما لقيت أحد طلعت للحوش
بسرعة لقيت نور طايحه بالأرض و هند
تصفق وجهه شكله تحسبه مغمى عليه و
تبيه تقوم .

قعدت عنده .. لقيت نور تهمهم شكله
فاقت إلا على دخلة عبد الرحمن .

عبد الرحمن : عسى ما شر .

هند تكلم عبد الرحمن : تعال شفه
طاحت علي و ما أدري وش به ؟!!
أنا تدخلت : شكله ارتفع عليه الضغط
مثل دايم . بس هالمره شكله مرتفع قوه .

طلع عبدالرحمن للشارع و دخل سيارته
من عند باب الكراج وشلنا أنا و هند
نور و ركبناه بالسياره وراح عبدالرحمن
و هند بـ نور للمستشفى ..

___________________________________



قعدت على الدرج اللي ينزلن للحوش و أنا
أراقب عزيز و هو يلعب بالسيكل نفسي
أعرف ليه تأخروا بس وشلوووون ؟؟
ما فيه إلا إني أدق عليهم بس كيف ؟؟..

إيه صح من جوال عزام ..لا لا أخاف
عبد الرحمن يدري .. والله لو يدري كان
يطربق الدنيا على راسي ..


تأففت بملل من هالحالة .. وش أسوي
؟وش أسوي ؟؟..
عزيز : تكلمين نفستس خبله أنتي ..


أنا : لااااااااااا ما ناقصن إلا
أنت تجي تتطنز بعد أوووف لا تخلين
أحط حرتي بك يا حماااار ..

خخخخ شكلي خوفته لأنه ركب بسيكله و
كمل لعبه ,,

نزلت ايدي بعد ما شفت الساعة 9:10ودي
أروح أصلي العشاء لكن عزيز موب راضي
يدخل داخل وهند حرصتن على عياله ..

ناديته للمرة الأخيرة و أنا صاكه سنوني
لأن أعصابي تنرفزت و شكلي أبقوم
أصيحه : عزوووووووز بتدخل معي و
إلا وشلوووووون ؟؟

وقف عزيز وناظرن ثم تخصر : أنتي
وش عليتس أنا كل يوم ألعب بسيكلي
وبعدين هذا حوشنا موب حوشكم عشان
تتأمرين !!


خلااااااااااص طفح الكيل مع هالبثر
دخلت داخل و أنا أصرخ به : بلعنه
إن شاء الله . ومسكت إيد ليان و دخلت
أنا وياه .




بعد ما صليت طلعت أبشوف عزيز وما
لقيته درت بالحوش كله لكن ماله
أثر .. لااااااا لحد هنا و خلاص أعصابي
انهدت هذا أمانه و الله هند بتذبحن لو
يصير له شي ..


بديت أدور بالبيت زي المجنونه
و أصيح و أنادي : عزيــــــــــز
.... عزيـــــــ.....ـــز .....
إهئ عزيـــ....ــز حبيبي وينك
إهئ إهئ رد علي عزيز ..


ما سمعت أي رد لعزيز بالعكس كان
البيت ساكن و ما ينسمع به إلا صياحي
اللي اختلط مع صياح ليان يا عمري
هي خافت .. بس وش أسوي به أنا يبي
لي من يهدين .. مرت علي لحظات قبل
لا أتذكر الجوال .. جوال عزام ..
أنا لازم أدق على عبدالرحمن يجي يشوف
وين ولده أخاف انسرق و إلا شي رحت
أركض لغرفتي و فتحت الدولاب أدور
الجوال و ليان ماسكه طرف جلابيتي
و تصيح كنت من الربكه أكلم نفسي
بصوت مسموع : وين ...... وين حطيته
أنا ......وين ؟؟


بعد ما حست دولابي تذكرت إني حطيته
تحت وسادتي و رحت أركض و طلعته ..

كانت أصابعي ترتجف و أنا أدق على
عبد الرحمن صدقون الخوف اللي بي
بذيك الساعه ما كان خوف من عبد الرحمن
لااااااا كان كله خوف على عزوز اللي
اختفى حطيت الجوال على اذني و أنا
أسمعه يدق : رد

: رد يا عبد الرحمن تكفى .



انسحب من الجوال بالقوة شهقت وأنا
مرعوبة من الحركة أكيد عبد الرحمن
و الله إني بذيك الساعة ما همن إنه
معصب على الجوال أهم شي نلقى عزوز
التفت و أنا مرعوبة ...
لااااااااااااااااااااااااااااااا هذا
موب عبد الرحمن هذا !!!!




: أنتي مجنونه تكلمين عبد الرحمن
تبينه يعرف إن جوالي معتس ويذبحتس .



كنت مذهوله من الموقف اللي أنا فيه
أقصد ضياع عزيز وما انتبهت للرجال
اللي واقفه قدامه بلا غطا : عزام...
عزيـ....عزيز ضاع ما أدري وينــ..


قاطعن و نظرته غييييييييييير كانت
زي نظرات أخوي محمد لي يعني حنوووووون
أو ما أدري يمكن أنا أتخيل كذا بعد
ما عرفت إنه يحبن : أنا أخذت عزيز
معي للبقالة .


غمضت عيوني وأنا أتمتم : الحمد لله الحمد لله ..




و لما فتحت عيوني لقيته إلى الحين واقف
قدامي و مبتسم ... استوعبت الموقف أنا
و عزام و بغرفتي لااااااا و من دون غطا
بعد .. نقزت و جلست على ركبي و حطيت
وجهي على السرير كمحاولة إني أغطيه
و صرخت به : اطلع والله ان يذبحن
عبد الرحمن تكفى اطلع !!


حسيت بخطواته تقرب لي و أنفاسه تلفح
شعري من قربه : والله ما أحد يلمستس
دامي حي !

: أنا .....أنا تناسيت
الجوال اليوم العصر لأني عارف إنتس قد
الثقه ,، خليه معتس و خبيه عن عبدالرحمن
يمكن تحتاجينه بمثل هاليوم ..و حط
الجوال على فراشي وطلع ..





التفت للجوال و أخذته بين ايديني اللي ترجف و أنا ما فيه براسي إلا كلمه وحده :

لأني عارف إنتس قد الثقه
لأني عارف إنتس قد الثقه
لأني عارف إنتس قد الثقه





آآآآآآآآآه يا عزام تثق بي بعد اللي
صار يعني حبك لي وصل لهالدرجه و الله
أنك صرت أحسن من أخوك تركي الله
ياخــ... لاااا قلبي ما يطيعن أدعي
عليه وهـ بس من هالقلب وش يفهمه ؟

ليتك تعدي اخواني شوي كلهم أعماهم
الشك و صاروا ما يناظرونن قدامهم
إلا حشره ويمكن أحقر .. كل يوم إذا
صحيت من النوم أحمد الله إني إلى الحين
عايشه .. أدري انهم يتمنون لي الموت لأن
الموت بزعمهم ستر لي بعد
العـــــــــــــــــــار و الذنب
اللي ما اقترفته !!!


تناولت الجوال و بديت أبحث من جديد
عن رقم خالد عسى ألقى عنده القلب
الرحيم ..





: من وين جبتيه ؟

شهقت و التفت على الصوت برعب و أنا
أحاول أبرر : موب ..... هذا وش
اسمـ...ـــه موب لي ...و الله هو جاء
......قصدي أنا ...لا موب أنا هو ...
إلا أنا لقـ..ــيتــ...ــه .


كانت هند تناظرن بذهول و أنا أتكلم
: هذا ...هذا جوال عزام وش اللي
جابه عندتس ؟!

حاولت أبرر لهند أبيه ترحمن و تلبي
لي اللي أبي : و الله بس أبتصل على
خالد حتى ما سرقته بس لقيته بالصالة .

مدت هند ايده و أخذته بسرعه انقهرت
وصرخت عليه : جـــــيــــبــــيــــــه .


: وشو اللي تجيبه ؟

هذي هي الفرصة جت لهند عشان تنتقم منّ لأخوه
الكريـــــــــه .. غمضت عيوني وأنا
أحتري عبد الرحمن يرقص عقاله على ظهري ..

عبد الرحمن : تكلمن انطرمتن ؟

كانت زمجرة عبدالرحمن الغاضبه كفيله
إنه تخدر لساني و توقف شعر راسي من
الخوف وش أقول و وش أبرر هذا عبدالرحمن
موب أي أحد لااااا شكلي وحده من
الثنتين يا ميته أو ميته .


ثواني و تداركت هند الموقف : هي تبــــــــي
........ تبي رقم خالد .


كان عبد الرحمن موجه نظراته لهند
و هي تتكلم لحد ما انطقت اسم خالد
التفت بجسمه كله لي و باين إنه
معـــصـصصصـب ....

عبد الرحمن : وش تبين برقم خالد ؟


ما قدرت أحط عيوني بعيون عبد الرحمن ..
استدعيت كل القوه اللي عندي و ركزت
عيوني بالأرض و أنا أجاوب عليه
: بس أبقولـ...ــه إني أبــ....
أبدرس .

قرب لمي و دمه فاير و معصب و
مسكنّ مع إذني : أنتي ما تفهمين
متى بتشيلين الدراسة من راستس .


الوجع لا يوصف .. عبد الرحمن ما يحس
بنفسه و هو شاد اذني ولا يحس بهند
اللي ماسكه ايده و تترجاه يتركن
لكن الغضب معميه .. حاولت أتكلم
و أترجاه و يالله بالموت طلعت
الحروف : إهئ ....الله يـ .....
يخلـــ...ــيك أبـ..ـــدرس إهئ .

بحركة سريعه دفّن على الأرض و كأنه
مشمئز منّ و بدأ يصارخ علي و هو موجه
اصبعه السبابه لي حتى إني أحس عيونه
بتطلع من العصبيه و هو يهاوش : والله
دام هالراس يشم الهواء مااااااا
تدرسين .... والتفت على
هند يكمل كلامه: و أنتي لو أسسسسمع
أنتس عطيتيه رقم خالد أو غيره والله
ما تقعدين بهالبيت يوم واحد ....


وطلع و هو ينفخ و يوم وصل للباب
التفت : و بعدين خالد هاللي شادة به
الظهر سافر اليوم و لا حتى افتكر يسأل
عنتس .. هه قالت تبيه يفزع له .. الله
ياخذتس و نرتاح منتس يالعلة ..


.... نثر آخر سمومه وطلع ..
بعد ما أدمى هالجروح اللي ما
بعد التئمت ...

هو ارتاح لما طلّع اللي بقلبه
بس أتععععب غيره ..




هند : الحمد لله هالمرة مرت على خير .

تحشرج صوتي و أنا أرد على هند : أي خير
تكفيييين !!


هند : تخيلي لو شاف .. و غيرت نبرته
للهمس عشان مايسمع عبد الرحمن و
كملت :لو شاف الجوال معتس والله إن
يذبحتس رونق تكفين لا تسوين كذا و
الله إنتس أنتي اللي تجيبين الشبهه
لنفستس بتصرفاتس .


ما كنت مع هند كنت بوادي ثااااااااني ..

كان تفكيري باللي تركون أبوي اللي عمري
ما حسيته معي لكن فقدته لما تركن ..

و أمي راحت من بعده و راحت معه دنيتي
كله..و حياتي كله ..

ومحمد ابوي محمد اخوي محمد اللي يحمين
من أقرب الناس لي يحمين من أبوي ..
الحين صار أخطر أخواني علي ومعه
موتي أكيد ..

و تركي اللي كان معي بالرخاء لما
جاء وقت الشدة راااااح و تركن أغرق
بهمومي و آلامي ...

و هدى و مي و عبد الرحمن راحوا كلهم
وكأننا السبحه إذا انفرطت و ضاعت
حباته..

إلا أسمااااااء ريحة أمي موضي ما تركتن
لكن أسماء مرة و المرة بمجتمعنا ضعيييييفه
ما تقدر تسوي شي ..


آآآآآخر شي جاء ببالي خالد لكن خالد بعد راح
تكاثره البخت علي و رااااااااااااااااح
بعد ماكان أملي الوحيد الباقي ..



رفعت نظري لهند و دموعي غاسله وجهي و
كلام عبد الرحمن إلى الحين
يرن براسي ( خالد سافر اليوم ).
(خالد سافر اليوم ).
(خالد سافر اليوم ).



وهمست لهند : خالد سافر يا هند من
بــقـــ...ــــااالي؟؟

قربت هند و قعدت بجنبي على الأرض و
حطت إيده على كتفي : بقالك رب العالمين
يا رونق .. كلن ينسى إلا هو سبحانه
ما ينسى ..


رفعت راسي للسماء و أنا أتمتم
: ياااااااااااااربي تــ...ـــعـــ..ـــبت
من هالعيـــ...ــــشه ياربي ريحنّ إهئ إهئ .



ما قدرت هند تحمل ضعفي و طلعت و هي
تمسح دموعه ...


أما أنا انسدحت على الأرض الباردة و
قعدت أصيح و أوّن و أنا أتمرغ على الأرض
ياربي وش أسوي ياربي موتن و ريحن من
هالحياة يااااااااااااااارب ..


زادت ضربات قلبي و اسودت الدنيا قدامي
وأخيراَ كأن ربي استجاب دعائي وجت
الموته أو النومة الغريبة الحمــد
لله الحمـــ............


___________________________





فتحت عيوني على ظلام و سكون مزعج ..
زمان كان يروق لي هالجو لكن الحين
لااااا .. حاسة إنه يكتمن يذكرن
بوحدتي القاتلة .. حتى الظلام يشبه
سواد حياتي .. أو حتى يشبه سواد
العار اللي ما اقترفته لكن كل ذنبي
إني حبيت و أخلصت لإنسانة غالية عليّ
أكثر من نفسي ..
سحبت نفس طويــــــــــــل
وتنهدت بوجع و أنا أتذكر كل شي صار
لي اليوم .. حاولت أحرك راسي عشان
أطرد هالأفكار الكريهه من راسي بس ما
قدرت لا أطرد الأفكار و لا حتى أتحرك ..
حاسه نفسي متجمدة .. و حاسة بصداع
فظيييييييييع .. رفعت ايدي اليسار
و حطيته على راسي وشديت شعري وأن
ا مغمضة عيوني كمحاولة إني أهون من
وجع راسي .. حاولت أقوم .. جسمي
ثقيييييييييييييل .. و برداااانه ..


وصلت للحمام غسلت وجهي و طلعت ..

طحت على فراشي و غطيت جسمي كله بالبطانية ..
مر وقت موب قصير لين حسيت إني دفيت شوي
و جسمي خفت رجفته .. شلت البطانية
و قمت فتحت النور و رفعت ايدي اليسرى
أشوف الساعه ..أوووووهـ متأخرين ثنتين
إلا ثلث تسحبت و طلعت للصالة .. ما فيه
أحد ..


رحت للمطبخ لأني جوعاااااانه .. لكن
من دخلته حسيت بكبدي بدت تقلب .. رجعت
لغرفتي .. توضيت و صليت الوتر بعدين
قعدت على سجادتي أسبح و أهلل .. لكن
ابليس الله ياخذه ما يخلين بحالي لازم
يمر شريط حياتي قدام عيوني .. تنهدت
و أنا أسأل نفسي إلى متى يعني
أبعيش هالعيشه .. إلين أموت مثل
ما يقول عبد الرحمن .. و إلا بتجي
معجزه و تطلع برائتي .. برائتي
ياااااااااااه نسيت هالكلمه عند
مشاكلي مع عبدالرحمن .. نسيت إني
حالفه و متوعده إني أبثبت برائتي طال
الزمن و إلا قصر .. لكن كيف و أنا
إلحالي و ما معي أحد .. .. من بيعاونن
و كلهم مصدقين إني غلطت .. من.....
من.....من..... عزام ايه عزام موب هو
يقول أنه يثق بي .. لاااااااا صعبه
كيف أوصل له .. و بعدين هو ليش
واثق بي .. لهالدرجه يحبن .. فعلا
عجيبه هالدنيا عمري ما تخيلت إن عزام
يحبن .. يعني ( الحب لكـ وحدك ) من
قلبه طالعه !! كلمة وحده لكن
صااااااااااااااادقه بعكس كلام تركي
الكثييييير وما صدق منه شي .. كلامه
إلى الحين يدغدغ أذني أتذكر لما
قالت له هند رونق حياتك قال لااا رونق
هي الهواء اللي أتنفسه و قهقه و هو
يشوفن أنكمش تحت جلالي مستحية ..

كأنه زار افمي شبح ابتسامه .. حسيت
بألم هالذكرى على قد ما كانت سعيدة
على قد ماهي مؤلمة بهالوقت .....

شلت عزام من بالي مستحيل أستغل حبه
لي .. و بعدين ما أظنه بيقدر يبين
برائتي ..

أووووووووووف.. لو فيه واحد بس من
أخواني واثق بي و ما صدق ووقف معي
كان قدرت أثبت برائتي .. مي
ماااااافييييييييييه غيره هي تعرف
ذاك وشسمه الرجل اللعاب الحقير .. لازم
أوصل له و أكلمه .. يمكن تحن علي لما
تعرف حالتي .. بس لازم أشوفه لحاله حتى
ما يأثر عليه أحد لا هدى و لا غيره ..



_______________________________




: رونق قومي ..قومي الله
يصلحتس... أووووووف .. رونق بتقومين و
إلا أروح لبيتي ..

فتحت عيوني الا أسماء بوجهي : خلاص اطلعي
الحين أقوم .

أسماء : لا قومي أول بعدين أطلع
وبعدين الساعه وحدة إلا خمس قومي صلي
الظهر ..

أنا : وش جايبتس هالحزه ؟

أسماء : أختس و احس بتس لا تضايقتي .

أنا : و الصدق .

ضحكت أسماء : لا و الله الصدق هند يا
عمري هي اللي قالت لي انتس متضايقه
شوي .يله لا تضيعين السالفه قومي صلي .






قمت و أخذت شور و صليت .. لبست جلابيه
ناعمه ( حنا بحياتنا الجلابيه هي لبس
البيت يعني لا تقولون ما عنده ذوق و
طايحة بالجلابيات عرض )..

حاسه ان نفسيتي
اليوم متغيره عن أمس .. مع إن أمس
كان عندي أمل بخالد و اليوم تصككت
كل البيبان بوجهي .. لكن وجود أسماء
بحد ذاته يسعدن ..



طلعت من الغرفه لقيت بوجهي عزيز شلته
و حببته .. ما شفته أمس بعد اللي صار
.. تدرون ودي أعطيه طراق على اللي سواه
بي أمس بس تذكرت عزام و موقفه معي ..
كله بسبب عزيز .. حبيت عزيز بامتنان
: شكراً عزييييييز.

عزيز ببلاهه ميب غريبه عليه : يعني
أنتي موب زعلانه عليّ .

نزلته على الأرض لأن شيله أتعبن .. أظن
صحتي ما عادت تتحمل حتى عزيز أبو الخمس
سنين ..

ابتسمت و أنا أكلمه : كنت زعلانة
شوي بس الحين رضيت .. هاه و شلونك ؟

عزيز : أنا طيب .. نسيت ماما تقول
تعالي تغدي!!!
ضحكت على عزيز هالولد ما فيه اكثر
من نسيانه .. ودخلت للصاله ..


: إن شاء الله دوم هالضحكة .

ابتسمت لأسماء و جلست بجنبه على السفره
و تكلمت بصوت واطي أشبه بالهمس : وشلونتس ؟
و كملت وأنا أتلفت : وين بناتس ؟

أسماء : عند أبوهن ماجبتهن .

: سمي يارونق .

رفعت راسي لهند وابتسمت له بإمتنان ..
على الأقل سوت شي عشاني .. وهـ بس يا
حبيله طلعت ازين من خواتي هدى و مي
اللي ما افتكرن بي ..

بادلتن هند الأبتسامة ونزلت راسه تكمل
غداه ..

تذكرت نور و سألته : وش أخبار نور ؟

هند : لا الحمد لله طيبه الضغط نزل و هذاه
تشتغل بالمطبخ .

همست بـــ : الحمد لله .

كنت ما أتكلم إلا إني أتقنت فن الأنصات ..
أما هند و أسماء كانن يسولفن و ما شاء
الله ما فصلن .. و عبدالرحمن يشاركهن
أحيانا برأي مختصر و أحيانا يسج ..



بعد الغداء راح عبد الرحمن ينام و هند
بغرفة عياله ما أدري وش تسوي .. رحت لغرفتي
أنا و أسماء بعد ما مريت على نور بالمطبخ
و تحمدت له بالسلامة ..


بعد السؤال عن الحال و الأحوال كلمت
أسماء عن المدرسة و قالتلي أنه بتحاول
و ما راح تسكت حتى تثني عبد الرحمن
عن قراره ..

لا حظت شي على أسماء .. كانت تشرد
بتفكيره كثييير و تحاول ترسم
البسمة على وجهه .. شكله مهمومه
وتحاول تغطي هالهم .. أكيد كالعادة
أم رجله ..

أنا : أسماء وش بتس ؟

أسماء بقلق : لا ما بي شي ... إلا وش
بتلبسين بكرى .. هذي هي أسماء كتومه
و مستحيل تعلم أحد بهمومه ..

أنا : وشوله من بيجي ؟

أسماء : ما سمعتينا تو و حنا نشيل
الصحون ..نقول بكرى بيجتمعون أخوتي ..

يااااااااااهـ وش كثر حنييييييييييييييييييت لهالكلمة "أخـــــــــــــوتــــــــــــــي"

أنا : أخاف عبد الرحمن ما يرضى أروح .

أسماء : لا من هالناحية تطمني أنا كلمته .

انسدحت على سريري و حطيت ايديني تحت
راسي ووجهت نظري لفوق : تدرين ........
خايفة من ردة فعلهم لا شافون .

اسكتت أسماء شوي و بعدين تكلمت : معليش
يا رونق توقعي أي شي و تحملي اللي
يسوونه خلتس أكبر عقل منهم .

أنا : و الله ما همّن شي كثر محمد ودي
أشوووووووووفه.

أسماء : محمد زعلته كااايده هالمره ..
يعني لا تحطين ببالتس إنتس بتشوفينه
......... بس تدرين هو ما زعل عليتس
لهالدرجه إلا لأنه يحبتس .. وأنتي تدرين
أنتس عند محمد أغلى منّا كلنا .

أنا : آآآآآآآآآآهـ بس الله يعين على هالدنيا .

أسماء : آآآآمين .



___________________________________





من بكرى بعد صلاة المغرب لبست تنوره جينز
و بلوزه قطنية فوشيه بما أنهم بس أخوتي
و خواتي و حطيت كحل داخلي و مرطب شفايف
ما كان ودي أحط مكياج و تراب قبر أمي و
أبوي ما جف ..


ركبنا السياره و مشينا للإستراحة ..
تبون الصراحه كان قلبي يرقع من الخوف ..
بس أتخيل ردة فعلهم .. خواتي و حريم
اخواني حتى البنات أقصد بنات هدى ومحمد
وش بيسوون لا شافون ..أووووف مع هالتفكير
زاد خوفي .. حاولت ألهي نفسي بسماع
سواليف عزيز اللي ما تنتهي بس الخوف
ما زال .. لهيت نفسي بالاستغفار و يوم
أقبلنا على الإستراحة زاد الخوف وتمنيت
من كل قلبي إن أسماء معي ..غمضت عيوني
و أنا أتمتم : يارب ثبت قلبي وقوّن إذا
واجهتهم يـــ..



: انزلي وصلنا .










_____________________ نهاية الجزء الخامس ..






أنتظر تعليقاتكم على ما كتبت بفارغ الصبر..













طلب بسيط :~
دعواتكم يالغوالي لأن عندي بكرى شي مهم و لازم أنجزه ادعولي الله ييسر لي ,, بس تراه موب عرس >> فيس يقول من بؤك لباب السماء خخخخ.

























.

 
 

 

عرض البوم صور نبــ القصيم ــض   رد مع اقتباس
قديم 16-12-09, 11:37 AM   المشاركة رقم: 67
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,316
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : نبــ القصيم ــض المنتدى : القصص المكتمله من وحي قلم الاعضاء
افتراضي

 

تسلمين عالبارت حبيبتي

وقبل كل شي الله يوفقج ويفتحها في ويهج ويرزق باللي في بالج

يلا نرد للقصة

وحليلج يا رونق وانتي بعدج خاشة الموبايل زين ان هند شافته مب عبدالرحمن ولا جان الحينه بيسكرج تكسير بعد اشحقه شليته صح انج اترومين تستخدمينه متى ما احتايتي بس بعد وضع ما يسمح لج تاخذين لانج تعرضين نفس للاتهام خصوصا انهم هب امصدقين


عاد نبض ما وقفت الا عند الاستقبال.. اتوقع انهم يطنشونها ويتخيلونها مب موجودة فالمكان ويجرحونها برمستهم واتهاماتهم واللي عادي توصل للضرب

هي صح .. الحمد لله على سلامة نور

لا تطولين حبيبتي

نترياج

 
 

 

عرض البوم صور بوح قلم   رد مع اقتباس
قديم 16-12-09, 01:28 PM   المشاركة رقم: 68
المعلومات
الكاتب:
اللقب:
عضو فخري


البيانات
التسجيل: Apr 2009
العضوية: 142868
المشاركات: 11,327
الجنس أنثى
معدل التقييم: نوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسي
نقاط التقييم: 3549

االدولة
البلدSaudiArabia
 
مدونتي

 

الإتصالات
الحالة:
نوف بنت نايف غير متواجد حالياً
وسائل الإتصال:

كاتب الموضوع : نبــ القصيم ــض المنتدى : القصص المكتمله من وحي قلم الاعضاء
افتراضي

 

السلام عليكم
مرحبااااااااا الف نبوضه
مشكوووووووووووره نبوضه على البارت ويعطيك العافيه على التزامك بس عاد نبوضه عفيه لاعاد تطولين علينا لليل (وحده تعاني من قحط البارتات ها اليومين
المهم
الله ييسر لك امرك وينولك اللي في بالك(بس عاد زعلتيني موعرس (وحده تعجبها طاري العروس )

نجي للبارت
واو صدق توقعي وطلع عزام يحب رونق بس عاد مادري ليه ما رتحت لها العزام
ليه متاكد من براءه رونق مادري ليه احس ان له علاقه بمصيبتها ممكن هذي طريقته عشان تتطلق من تركي ويمكنه بعدها ياخذها
وبعدين وش الجراءه ذي يوصل لباب غرفتها وهلها مو ب فيه ما دري احس وراه سر كبير
واي احد في موقف تركي ماكان تصرف اقل من تصرفه لانه لو يحب صدق بيغار عليها وبتطيح من عينه وماحد بيلومه
لكن اهلها الوم كله عليهم لانهم المفروض عارفين اخلاقها وتصرفاتها والا هم بعد زي الناس قالو طالعه على امها ما دري ليه بس وحده بتدين رونق صعب الواحد يشك بها

همسه في اذنك نبوضه
عندي نقد بسيط
لاحظت ان كل البارتات بلسان رونق يعني مشاعرها وغاب عنا مشاعر الباقي خاطري اشوف مشاعر تركي با السانه
مشاعر هند وعبدالرحمن وصدمتهم فيها وبعد محمد الاب الروحي لاخته الصغيره

نبوضه لك مني كل تقدير
وا نتظرك بفارغ الصبر

 
 

 

عرض البوم صور نوف بنت نايف   رد مع اقتباس
قديم 17-12-09, 02:37 PM   المشاركة رقم: 69
المعلومات
الكاتب:
اللقب:
ملكة المرح


البيانات
التسجيل: Nov 2008
العضوية: 106580
المشاركات: 1,343
الجنس أنثى
معدل التقييم: NoOoFy عضو سيصبح مشهورا قريبا جداNoOoFy عضو سيصبح مشهورا قريبا جداNoOoFy عضو سيصبح مشهورا قريبا جداNoOoFy عضو سيصبح مشهورا قريبا جداNoOoFy عضو سيصبح مشهورا قريبا جداNoOoFy عضو سيصبح مشهورا قريبا جدا
نقاط التقييم: 528

االدولة
البلدSaudiArabia
 
مدونتي

 

الإتصالات
الحالة:
NoOoFy غير متواجد حالياً
وسائل الإتصال:

كاتب الموضوع : نبــ القصيم ــض المنتدى : القصص المكتمله من وحي قلم الاعضاء
افتراضي

 

قهر كتبت الرد وانمسح مادري وشلون ياللى نكتبه ثانيه
اول شي الله ينولتس يارب اللي في بالتس نبوضه يارب وييسر امرتس معنها متاخره
ثاني شي ولله اني متشوقه وخايفه اكثر من رونق على ردة فعل اللي في الاستراحه


قمت التناقض في عبدالرحمن قصوه وضرب وحرمان من الدراسه ويم انكسرت يدها تصيح على شكلها والالم اللي فيها بس ياويلك من تانيب الضمير اذا ظهرت برائتها وانت مسوي فيهاكل هذا


لبي قلب اسومه ولله انتس تهبلين الله يفرج همتس يارب ويعطيتس على قد نيتس
اتوقع نبوضه ان ام زوجها تزربها باختها وان زوجها رافض بناته يجون عند عبدالرحمن عشان مايختلطون برونق وهذا اللي مخليها مهمومه


تدرين نبوضه احس كل اللي صار الرونق من تحت راس عزام وسو هذا كله عشان يتركها تركي وحتى انه يوم جاب التسجيل ماجابها الا وهو عارف بوجود اخوه في بيت عمه عشان مايمديهم يغبون ويتسترون على الموضوع
يبي تركي يشوف وشهي رونق ويعافها
ولا ليش له مده وهو يكلم مي ولا فكر يسجل عليها ويرسله الاهلها ومجرد ماصاد رونق تكلم سجل وفبرك على طول يعني بالعنيه قاصد رونق
الف في الميه عزام له دخل في السالفه


ياترى وشبتسوين يامي اذا شفتي رونق هل بتنكرين لها مثل غيرتس عشان تبعدين الشبهه عنتس ولا بتقربين وتعتذرين منها وتبينين ان مالتس حيل ولا قوه وتحاولين تكسبين رونق وتخلينها تتعاطف معتس مثل ماورطتيها وخليتيها تكلمه
تدرين طرى على بالي توقع يمكن صح ويمكن لا ليش مايكون عزام ومي متفقين على رونق هي تفوز بتركي اذا عاف رونق وهو ياخذ رونق اللي يحبها ليش لا


رونق انتي ماسويتي خطا ولا تخافين وخليتس واثقه من نفستس واذا احد تكلم عليتس كلمه ردي عشر واذا ناظرتس احد نظره رديها بنظره اقو
وخاصه هدى اللي اتوقع لو ان مي هي اللي في السالفه ماكانت هذي ردة فعلها
ولا تخافين الله بيرد حقتس ومحمد اللي تنوحين عليه ربي بيظهر برائتس وبيندم هو غيره على فعلهم فيتس
وانتي لاتخلين مي ماتكلمينها وذكريها ان الله يمهل ولا يهمل وانه سبحانه بيعطيتس حقتس ان ماكان في الدنيا فهو في الاخره



نبوضه مشكوره على البارت تسلم يدينتس عليه الله يجزيتس كل خير يارب
اتمنى من قلبي ماتتاخرين وتحاولين تنزيل قدر استطاعتس البارت لان حلات القصه برتباط القراء فيها اذا طال الوقت صابنا الملل منها
اقل شي بارتين في الاسبوع ياعمري

 
 

 

عرض البوم صور NoOoFy   رد مع اقتباس
قديم 18-12-09, 02:01 AM   المشاركة رقم: 70
المعلومات
الكاتب:
اللقب:

البيانات
التسجيل: Nov 2009
العضوية: 151911
المشاركات: 146
الجنس أنثى
معدل التقييم: نبــ القصيم ــض عضو على طريق التحسين
نقاط التقييم: 86

االدولة
البلدSaudiArabia
 
مدونتي

 

الإتصالات
الحالة:
نبــ القصيم ــض غير متواجد حالياً
وسائل الإتصال:

كاتب الموضوع : نبــ القصيم ــض المنتدى : القصص المكتمله من وحي قلم الاعضاء
افتراضي

 

اقتباس :-   المشاركة الأصلية كتبت بواسطة بوح قلم مشاهدة المشاركة
   تسلمين عالبارت حبيبتي

وقبل كل شي الله يوفقج ويفتحها في ويهج ويرزق باللي في بالج

يلا نرد للقصة

وحليلج يا رونق وانتي بعدج خاشة الموبايل زين ان هند شافته مب عبدالرحمن ولا جان الحينه بيسكرج تكسير بعد اشحقه شليته صح انج اترومين تستخدمينه متى ما احتايتي بس بعد وضع ما يسمح لج تاخذين لانج تعرضين نفس للاتهام خصوصا انهم هب امصدقين


عاد نبض ما وقفت الا عند الاستقبال.. اتوقع انهم يطنشونها ويتخيلونها مب موجودة فالمكان ويجرحونها برمستهم واتهاماتهم واللي عادي توصل للضرب

هي صح .. الحمد لله على سلامة نور

لا تطولين حبيبتي

نترياج





هلااااااااا و غلااااااا بتس يالغلا ..
وهـ بس يا حبيلتس الله يكتب لتس هالدعوة بميزان حسناتس ..
يازين تعليقتس ياعمري و توقعاتس الأروع من رائعة ..

موعدنا الثلاثاء .. تبين بارت قبل ادعي انهم يعطوننا اجازة عشان أتفرغ للكتابة بدل هالدوام و التعب .. الله ونااااااااااااسة الاجازه >> دخلت جو مع تخيلاته عن العطلة ..








.

 
 

 

عرض البوم صور نبــ القصيم ــض   رد مع اقتباس
إضافة رد

مواقع النشر (المفضلة)

الكلمات الدلالية (Tags)
الكاتبة نبض القصيم, رواية بنت الشامية للكاتبة نبض القصيم, قصة بنت الشامية
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 12:10 AM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية