لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


الحلم الغامض

بسم الله الرحمن الرحيم السلام عليكم ورحمة الله وبركاته كل عام وانتم بخير وعيد الله عليكم مبارك 4\10 \ 1429هـ ها أنا عدت

إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 04-10-08, 12:16 AM   المشاركة رقم: 1
المعلومات
الكاتب:
اللقب:
ليلاس متألق


البيانات
التسجيل: Feb 2008
العضوية: 65915
المشاركات: 620
الجنس أنثى
معدل التقييم: غيوم الشوق عضو على طريق التحسين
نقاط التقييم: 83

االدولة
البلدSaudiArabia
 
مدونتي

 

الإتصالات
الحالة:
غيوم الشوق غير متواجد حالياً
وسائل الإتصال:

المنتدى : القصص المكتمله من وحي قلم الاعضاء
Icon Mod 44 الحلم الغامض

 

بسم الله الرحمن الرحيم

السلام عليكم ورحمة الله وبركاته

كل عام وانتم بخير وعيد الله عليكم مبارك

4\10 \ 1429هـ

ها أنا عدت أليكم بقصتي الثالثة واسئل الله أن تنال إعجابكم والكمال لله


بها شيء من الخيال وتحاكي واقعنا

لن احدد يوم لنزولها متى ما كتبت شيء يستحق القراءة وضعته بين أيديكم

ومن لا يستطيع صبراً فأرجو ان لا يقرأها إلا اذا اكتملت

كنت اخطط أن لا أنزلها إلا اذا اكتملت لكن عجزت أردت أنا ارى انطباعكم حولها

واتمنى أن لا تحكموا على القصة من البارت الاول فالقصة لن تبدي إلا في المنتصف



همـــســــــــــــــــه





أريد أن اشكر ظبية الشرقية فقد استعنت بها اسئل الله لها اتوفيق فلقد ارشدتني لبعض الأمور





وكذلك أختي العزيزة ارادة الحياة التي لها نظرة ثاقبة





فلهم كل الشكر لمساعدتي في مولدتي الجديدة




الجزء الأول
الحلم الغامض

الجزء الثاني
الحلم الغامض

الجزء الثالث
الحلم الغامض

الجزء الرابع
الحلم الغامض

الجزء الخامس
الحلم الغامض

الجزء السادس
الحلم الغامض

الجزء السابع
الحلم الغامض

الجزء الثامن
الحلم الغامض

الجزء التاسع
الحلم الغامض

الجزء العاشر
الحلم الغامض

الجزء الحادي عشر
الحلم الغامض

الجزء الثاني عشر
الحلم الغامض

الجزء الثالث عشر
الحلم الغامض

الجزء الرابع عشر
الحلم الغامض

 
 

 


التعديل الأخير تم بواسطة doode al 7aloo ; 13-02-09 الساعة 02:17 AM سبب آخر: أضافة أجزاء القصة ..
عرض البوم صور غيوم الشوق   رد مع اقتباس

قديم 04-10-08, 12:19 AM   المشاركة رقم: 2
المعلومات
الكاتب:
اللقب:
ليلاس متألق


البيانات
التسجيل: Feb 2008
العضوية: 65915
المشاركات: 620
الجنس أنثى
معدل التقييم: غيوم الشوق عضو على طريق التحسين
نقاط التقييم: 83

االدولة
البلدSaudiArabia
 
مدونتي

 

الإتصالات
الحالة:
غيوم الشوق غير متواجد حالياً
وسائل الإتصال:

كاتب الموضوع : غيوم الشوق المنتدى : القصص المكتمله من وحي قلم الاعضاء
Newsuae2

 



تعالي تعالي وقفي اصبري شوي اصبري ... وقفي أقولك انتظريني وقفي ... سواد رهيب صوت هواء شديد بنت شعرها طويل وتركض بسرعة طاحت في حفره غميقه وصرخ بأعلى صوته لاااااااااااااااا


...: بسم الله الرحمن الرحيم اعوذب الله من الشيطان الرجيم ياربي متى ارتاح من الحلم هذا





\

/

\

/

\
ஜ]¦[‗ـ−Ξ الحـــــلم الغـــامض Ξ−ـ‗]¦[ஜ

بداية كتابة القصة
16\4\1429هـ



في بيت من بيوت الرياض بيت فخم نوعا ما وكل البيوت في الحي بنفس النمط شوارع وارصفه وهدوء قاتل يعم الحي محد يطلع بالشارع اصوات فقط الشجر اذا هب السموم ومشي اوراقها على الزفلت وحبات قليلة من الرمل بسبب طبيعة عيشنا في اجواء صحراوية هنا يعيش الدكتور هيف بيت خالي لا أم ولا أب ولا أخت ولا أخ يعيش وحيد ما معه الا آدم خادمة الوفي يهتم به من كان عمره 4 سنوات نقدر نقول عن آدم ابو هيف في النصح وامه في الاهتمام هيف يتيم الأبوين توفت امه وهي تولد بخته الي توفت بعد ولادتها بربع ساعة وأبوه توفى وعمره 16 سنه بسبب حادث عاش هيف وحيد ماله الا الله ثم آدم وصديق عمره سلطان ترك له ابوه ثروه يديرها صديق ابوة المخلص محمد اهتم هيف بدراسته كان ذكي ويحب يتعلم درس الابتدائية ومنها بداية تعرفه على سلطان كان با أولى ابتدائي وخايف ابوه في اجتماع وماقدر يجي معه وكل المهمة لأدم الي راح معه للمدرسة واهتم فيه ... طالعه ابو سلطان وشافه وحيد مع رجل اسود لكن يشع من وجهة النور سبحان الله نور الإيمان استغرب معقولة سواق مع طفل وين أبوه تقرب ابو سلطان من الخادم وتعرف عليه وهنا بدت معرفة سلطان بهيف وبدت صداقة حميمة صداقة روابطها متينة صداقة تخفف في عز الصدمات وتقف بجواره بالفرح والحزن هنا تبدى قصتنا من كبر هيف وصار دكتور هنا تبدى تفاصيل الحلم الغامض الي يجي هيف هنا تبدى حياة هيف وتطوراتها وحياة من حولة

جا هيف يمشي وتنسمع خطوات مشية بسبب هدوء البيت وماسك راسه
بيت خالي يجيب الهم من الهدوء القاتل عشان كذا اغلب وقت هيف اذا مو في المستشفى عند سلطان


آدم : عسى ماشر يا ولدي وش بك
هيف : ولا شي يبه راسي يعورني وين حمزة
آدم : وش تبي بحمزة تبي شي اسويه لك
هيف : لا أنت ارتاح ما جبت حمزه الا ابيه يريحك
آدم : حمزة ارسلته يجيب خضار عشان الغدا
هيف : خلاص انا بروح اسوي لي قهوة
آدم : يا ولدي انا الخادم صرت الحين المخدوم
هيف : انت ابوي مو خادم كم مره قلت لك هـ الكلام
آدم : الله لا يحرمني منك والله يابني ما رضيت اسافر لديرتي عشان اجلس معك
هيف بابتسامة :خلاص يبة انسى ديرتك خلاص انت الحين سعودي حتى بالجنسية
آدم : والله يا ابني اني مابي اسافر لأنك مليت علي حياتي يكفي ماعندي اولاد وانت بمثابة ابني
هيف : الله يخليك لي يارب .. الله العالم لو ما انت في طريقي وش بيصر علي وسكت شوي وكمل .. يالله بروح اسوي قهوتي
آدم : ياولدي قهوة على الريق راح تتعبك هذا وانت دكتور
هيف: وش اسوي راسي بينفجر من الوجع
آدم : لا تقول الحلم مره ثانية
هيف : إلا مدري وش قصة البنت هذي مو راضية تتركني بحالي
آدم : طيب اسئل مفسر أحلام
هيف : اتصلت وكل واحد يقولي تفسير مختلف بس الغريب انها ما تجيني دايم تجيني مرة كل سبوع واحيانا مرتين
آدم : يابني اقرا آية الكرسي قبل لاتنام
هيف : والله اني محافظ عليها يالله عن اذنك
دق جواله وهو يمشي ومنزل راسة يفكر بهالبنت الي كل شوي تطلع له في الحلم
هيف : يالله صباح خير
سلطان : مالت على ذا الخشه هذا وانا متصل عليك الأهل ناوين يطلعون الليلة يسهرون بالبر وابيك تخاوينا
هيف : سلطان والله استحي اهلك مراح ياخذون راحتهم
سلطان : من متى بالله تحسس دومك عندنا نسيت ولا تبيني اذكرك يومك مغط روجلك على مكتبتنا وتلعب سوني
هيف: لاحول ياخي انت متى راح تنسى
سلطان : خلك عاقل وتعال انت منا وفينا
هيف: خلاص ابشر ولا يهمك



ام سلطان : هاه يمه بيجي هيف
نوف : اكيد بيجي
سلطان ويناظرها بنظرة استهزاء : احد كلمك
نوف : لو سمحت وش هـ النظرات
ام سلطان : بدى الموال يالله تعيني عليكم
سلطان : لو موافقة على هيف يوم طلبها مو كان راح يجي بدون ما يستحي
نوف : ياخي هيف وانا مثل الاخوان حتى اهو يوم خطبني عشانك انت مو عشاني
وانا اعتبرة سلطان نمبر تو
سلطان : نمر تو و ميح بالانجليزي وتفلسف علينا
نوف : اوف وش جلسني معكم وانا كل ما اجلس اسمع ذا الموشح
وطلعت وخلتهم
ام سلطان : يا ولدي وش فيك عليها
سلطان : يمه قاهرتني ليش ترفض هيف
ام سلطان : ياولدي حتى هو يوم درى برفضها وهو يقول والله اني اعتبرها اختي
سلطان : ادري انه يعتبرها اخته وهي تعتبره اخوها بس يمكن لو تزوجو يتغير الحال
ام سلطان : من محبتك له يمه و اختك وجاها نصيبها ويكفي بدر ولد خالتك منا وفينا بعد
سلطان : والله ما يغفر لها الا انها بتاخذ الشيخ بدر
ام سلطان : الله يوفقها ويوفقك وشوفك بعد معرس
هنا نط سلطان : آخ يمه جيتي على الوتر الحساس اخطبي لي مثايل بنت عمي
ام سلطان : يا يمه مثايل ما تبيك وكم مره وانت تخطبها وترفضك دور غيرها
سلطان : والله ان تجلس بدون زواج يا توافق علي يا تبطي ما تاخذ غيري
ام سلطان : اذكر الله وش تبي في الي مايبيك
سلطان : مهوب على كيفها انا ولد عمها وانا اولى بها
ام سلطان : يمه هذاك زمان اول يوم البنت تنغصب الحين خلاص ماعاد فيه غصيبه
سلطان : لو تموت ما نزفت لغيري
ام سلطان : البني واجد مدري ليش مصمم عليها
سلطان بعد تنهيدة طويلة : مشكلتي اني احبها من يومها بزر مالبست البرقع
ام سلطان : وش تبي بالي ما يبيك
سلطان : مصيرها تحبني وانا ولد ابوي
قامت ام سلطان وهي تمتم مثل ما تتناقش مع سلطان دايم : الله يهونها يارب ويفرجها من عنده
حط سلطان راسه على المركى وهو يتذكر ملامحها يتذكر دلعها وحركاتها الي يذوب عندها وهي بزر ويشوفها قدام عينه تكبر يوم عن يوم كم تمنى يجتمع وياها في بيت واحد ويقولها عن عشقه لها : اوف الله يعين اروح لهيف اصرف
اخذ شماغه وطاقيته المرمية على المركى وشالها وقعد يتسفر عند المراية الي عند المدخل واتصل على هيف يأكد عليه ما يطلع لحد ما يجيه التفت يمشي الا السواد الي يصقع فيه وطاح شماغه الي اخذ وقت وهو يعدلة : لاحول ولا قوة الا بالله ما تشوفين
....: انت الي وين عيونك ما تشوف
فز قلبه: هلا ومرحبا هلا والله بالطش والرش مثايل في بيتنا اجل مافيه طلعه
اوف كان الرد الوحيد الي قالته رد على ترحيب سلطان ومشت بسرعه تبي تروح لنوف وشافته يتبعها مدري ليش تبعها بس كان يمشي وراها بدون شعور
التفتت عليها : هي انت على وين يا الأخو
سلطان بابتسامة : اوصلك
مثايل : ادل الدرب مشكور ما قصرت
سلطان : ولو حاضرين للطيبين بس ترا سرمكنا مداخيل بيتنا يمكن تتوهين
مسكت مثايل ضحكتها ما تبيها تفلت منها الي يشوف حركاتها معه بيقول تكره وما تطيقه لكنها تموت فيه وماتجي بيت عمها إلا عشانه تستغربون كيف تحبه وترفضه بس الاخت عندها معتقد غريب الي يتزوجون عن حب ما يدوم حبهم وينتهي وهي تستمتع بحب سلطان وما حسبت حساب فرقاهم ويمكن لو يروح من يديها وش بتستفيد ولو فات الفوت ما عاد ينفع الصوت لكن تسرع هالبنت وافكارها الغريبة ما خلتها توزن الأمور
دخلت غرفة نوف وصكت الباب في وجهه
سلطان :آي يا وجهي آهـ يا قلبي متى ها البنت بتحن علي الله يصبر قلبك يا سلطان كان على راسه الطاقية بس والشماغ بيده طلع من البيت وهو يصفر ومستانس يحس بفرحة بس مجرد ما شافها يمكن ما شاف الا سواد لكن الصوت والكلام يغني عن الشوف



نوف : لاحول الخبل هذا طلع طيب حنا بنطلع العصر ولازم نتقضى
مثايل : عادي وش تبين تشترين كل شي موجود أي شي ناقص نمر ونشتري
نوف : ولو ما نبي شي ناقص تعالي خلينا نسوي حلى
مثايل : الله يغثك يا نوف منحاشة من امي وهي الحين مركبة جريش وتتجهز للطلعة ابي استانس عندتس وانتي مدخلتني المطبخ يأختي ما تحترمين ضيوفك
نوف : لا والله من ضيوفي انتي الي اربعه وعشرين ساعه عندنا عباتس غبرت وانتي شوي عندنا شوي في بيتكم
مثايل : مالت على ذا الخشة هذا وانا ما اجي الا عشانتس
نوف : ريحي نفسك وافقي على سلطان وريحي رجولك من المشوار كل شوي
مثايل : والله ثم والله يا نويف لوني لو رحت للبيت ما قعدت اشتغل كان خذيت عباتي وطلعت بعد كلمتس ذي
نوف : هههههههههههههههههههههههه مالت على ذا الوجه يعني تبين تقولين لي انك مهتمة قابليني كان كلمتي همتك
مثايل : كلتس على بعضتس ما تهميني مير ما عندي بنت عم ثانيه الله بلاني بتس حتى اخو ماعندي مدري ليه ابوي ما اعرس على امي عشان يجون لي اخوان
نوف : هههههههههههههههههههههههههههه الله يعينك يا زوجة عمي على ما الله بلاك جبتي بنتي جاحدة
مثايل : والله اني ابي ابوي يعرس ابي لي اخوان تعبت بلحالي ابوي يقول مالي جهده على العرس وتكفين انتي اعرسي وملي علي البيت وامي ما انجبت غيري وتعبت من العلاج وش تبيني اسوي يا نويف ماعندي غيرتس
نوف : وانا بعد احبك و امووووووت فيك ويضيق صدري لو تروح ساعه ما اشوفك
مثايل : والله من النصب يا نويف كم مره وانتي تطرديني من غرفتك
نوف : يا ختي اوقاتك الي تجيني فيها تجيب المرض احد يسير الظهر وانا ابي اقيل اقول انتي ما تتعبين
مثايل : اوف لا فكري وش بنسوي الليلة
نوف : اهم شي نغير جو ويتغير علينا الجو
مثايل : بنروح بعد المغرب على الأقل برد الجو
نوف بصرخة : لا خلينا نروح قبل عشان نتمشى على السيارة
مثايل : خلاص اجل بروح لبيتنا عشان اتجهز
نوف : غريبة بتروحين بدري
مثايل : بروح عشان افكر وش اخذ معي للبر




\
/
\
/
\
/


سلطان : آهـ يا هيف بموت
هيف : محد ميت قبل يومه
سلطان : مالت عليك من خوي هذا بدل ما ترفع من معنوياتي
هيف : سلطان لا تعب عمرك وتطرد ورى بنت ما تبيك البنات مليانات البيوت
سلطان : وش اسوي احبها
هيف يحاول يغير السالفه : شفت عبد العزيز بينقلني لقرية تبعد عن الرياض 200 كيلوا
عدل سلطان قعدته : جد والله
هيف : أي والله مثلك عارف طبع عبد العزيز يقعد ساعه يمدح فيك ويرفعك للسما وبعدها تجيك قنبلة يقول مستوصف هناك لازم اباشر فيه بعد شهر
سلطان : الله ياخذه وما لقى غيرك اشوى ما خلاني اروح معك
هيف :مدري ليش اختارني بالذات
سلطان : الله العالم


\
/
\
/
\
/
\
/



....: بسمة اذكري الله اذكري الله لله ما عطى ولله ما أخذ ولكل اجل كتاب الله سبحانه مقدر

بسمة : صدقيني يا حصة غصب عني ادري ان كل شي مكتوب وادري الي تصبر وتذكر الله ان لها بيت الحمد بالجنة بس هذا زوجي ودمعت عيونها ودفنت راسها بشرشف صلاتها

حصة : لا حول ولا قوة الا بالله الله يعوضك الله يعوضك

رفعت بسمة رأسها الدموع رسمت سيول على وجها الإيماني الصافي مؤمنة بما كتب الله لها بس لحظة وداع حبيبها وزوجها صعب عليها بسمة معيدة دراسات إسلامية بكلية التربية تلقي العديد من المحاضرات سواء بالكلية او خارج أطار الكلية في المدارس في الجمعيات في الحفلات كانت تستغل كل فرصة بنشر الوعي الديني بين خواتها من كانت طالبة وهي نشيطة تلقي محاضرات بالكلية كانت بسمة على اسمها البسمة ما تفارق شفايفها شافتها خولة الحرمة الكبيرة وختارتها لخوها محمد نرجع لحظات


\
/
\
/
\











جت خولة تمشي حرمة كبيرة ما عندها عيال توفى زوجها وما تزوجت بعده تعرفون شكل الحرمة الكبيرة اذا جت تمشي تشوفونها تمشي شوي وتوقف شوي وتمسك الجدار او المسندة او أي شي تعتنز عليه سبحان الله الكبر يهد الأنسان يطلع على الدنيا قطعة لحم حمراء صغيرة فيها عيون وخشم وفم ولسان لكن هـ العيون بس تناظر يمين يسار نظرات مبهمة الخشم ما يشم به الفم والسان مايبي الا قوته حليبه شي يسد جوعه ما يشعر ما يميز نقلبه على كيفنا يكبر يكبر يكبر يبكبر يبدى العيون تتوسع وتناظر بأشكال مختلفه على حسب المواقف نظرات لؤم نظرات حب نظرات اعجاب نظرات عادية تختلف من شخص لشخص ويبدى اللسان مثل المنشار ياكل ياكل ياكل يحش بهذا ولا يخلي هذاك ويغتاب وينم ولو يفكر قبل كان قطعه حمرا ايوى نرجع لقصتنا

جت تمشي ويالله تمشي : محمد يمه

لا تستغربون أخوها لكن الأخو اذا كان صغير وهي الي مربيته بيكون ولدها الأمومة مو بس بالولادة اكيد كلكم عارفين وفاهمين الأمومة بالتربية والعناية

محمد كان يقرا الجريدة ولابس نظراته الطبية حقت القراء فز شاف أخته عفوا اقصد امة فز مثل الملدوغ ومسك بيد يدها واليد الثانية لفها عليها لحد ما جلسها وجاب لها خداديه وحطها ورى ظهرها

خولة : الله يستر عليك دنيا وآخرة يمه

محمد بابتسامة : أمين هاه وش كانت المحاضرة
خوله : قبل المحاضرة عندي لك بشارة
محمد : اوف مشاء الله وجه ذا المحاضرة خير منها كسبتي رضا ربي ومنها جبتي بشاير
خولة : ههههههه اصبر يمة خلني اقول بشارتي يمكن ما تعجبك
محمد : من قال الا بتعجبني
خولة : لقيت لك زوجه ونعم الزوجة
محمد بابتسامة : يمه اعترفي انتي مو رايحة تحضرين محاضرات رايحة تنقين لي مره
خولة وخذت طرف شيلتها وقعدت تضحك : هههههههههههههههه الله يهديك يمه
فز محمد وقرب منها : قولي من هي ومن بنته وقبل كل شي اخلاقها سترها عفتها ابي ادري بكل نقطة
خولة : اسمها بسمة وعلى اسمها بسمة بياض ونور يشع من وجها غصب تجبر الي قدامها يحبها بنت الداعية المعروف ..........رباها ونعم التربية صغيره وأجبرت الكبير والصغير يسمعونها لبسها محتشم اخلاقها عالية تسولف معها كأنك من زمان تعرفها تعامل الصغار وكبار مثل بعض لا تحقر صغير وتحترم الكبير هذي الي اشوفها زوجة الداعية محمد الي بتصونه
محمد : تم روحي وكلميهم يكفي انها اعجبت امي هذا الي ابيه
خولة : الله يوفقكم يارب


\
/
\
/

حصة : بسمة وش تفكرين فيه
بسمة بعيون مليانه دموع : افكر بمحمد كان فرحان يوم عرف اني حامل الحين بيطلع ولده على النور بدون أب
حصة : ستغفري الله النبي محمد صلى الله عليه وسلم كان يتيم وصار افضل الخلق
بسمة بابتسامة : يارب يكون مثل النبي وافتخر فيه
حصة : بسمة تكفين الله العالم بتجبينه او لا توه حتى ما تحرك لا تأملين
بسمة : الله عليك يا حصة التفائل زين والأيمان بالله والله يرضيني بما قسمة الله لي وان شاءلله راح يجي ياسر
حصة : خلاص وبجيب بنت وتراها من الحين محجوزة له
بسمة : هههههههههههه نتشرط الحين والله العالم
حصة : الحمدلله جعل البسمة ما تفارقك
بدت الدموع تجتمع بعيون بسمة : الله يصبر قلبي على فرقاة ما نسيت يوم سمعت بخطوبته لي
وبدت بسمة توصف يوم جا محمد يخطبها

\
/
\
/
\

بسمة : يمه من عندك
أم بسمة : ضيفة يمه
بسمة : يوه بروح البس عشان اسلم عليها
ام بسمة : لا يمة ما يصلح هي جاية تخطب
انصبغ وجه بسمة بالون الاحمر رفعت عيونها لأمها الي ضحكت : كبرتي يا بسمة وبدو الناس يجون يخطبونك الله يسر لك يارب ويوفقك
بسمة : أمين ودعواتك يمه
طلعت الحرمة الكبيرة ودخل ابوي على امي الي اسمع سوالفهم استحيت ادخل عليهم وفيني فضول من الي جا يخطب وابوي عارف جميع شروطي يكون حافظ لكتاب الله ما يدخن يكون بار بوالديه يكون بمعنى صريح ملتزم صرت اتلفت بالمطبخ وش اسوي ابي أتحجج بشي فكرت ايوى ابوي اليوم شاري فواكه بسوي صحن ووديه لهم خذيت الصحن فرحة خفية بقلبي مدري وش سببها بس احس بسعادة جلست اتفنن بتصنيف الصحن وخذيت سفرة بلاستك وسكاكين ومشيت لهم رفع راسه ابوي وابتسم
ابو بسمة : هلا والله هلا ومرحبا بنور البيت
بسمه ببسمة : هلابك أكثر يا قلب نور البيت
ام بسمة : الله يعيني انا وين مكاني
ابو بسمة مكانك وصار يأشر على صدره : هنا يا ام بسمة ويكفي انك جبتي بسمة
بسمة : الله الله بدى الغزل اطلع منها اجل
ام بسمة وابو بسمة : هههههههههههههههههههههه
ابو بسمة : والله اني فرحان الله يتمم على خير تدرين يا بسمة من الي خطبك
ماسكة السكين يا حصة حسيت برجفه خفيفة بيدي حاولت ما ارفع عيونه راح اتكلم وانا منزلة عيوني عشان ما يبين الاحراج : من يبة
ابو بسمة : الداعية محمد ….
غصب عيني رتفعت وختلطت ببسمة في خاطري محمد ما غيره محمد الحمد لله وتحقق حلمك يا بسمة

حصة : هاه وش صار بعدها
بسمة : خلينا قبل نسوي قهوة عشان تجي لسوالف طعم
حصة : ههههههههههههه أي السوالف فيها محمد اكيد بيكون لها طعم
بدت دموع بسمة تنزل
حصة : لا حول ولا قوة الا بالله جيت اكحلها اعميتها
بسمة وختلطت الدموع بالبسمة : ولا يهمك يا حصة بس غصب انسى في يوم ولليلة الله يجمعني وياه في جنته يارب
حصة : أمين أقول بسمة متى وقت الولادة
بسمة : بعد ست شهور
حصة : الله يعينك يعني وقت الحداد بيكون ست شهور
بسمة : الله يعين والله أن محمد لو أحاد علية طول عمري ما وفيته حقه يكفي وقفته معي يوم ماتوا ابوي وامي بحادث كانوا محرمين على طريق الطائف بغيت انجن توني متزوجة مالي الا ثالث شهور
حصة : اصبري وحده وحده تقولين لي كل اخبارك
بسمة : هههههههههه شفتي كيف الاسم يخدع
حصة : افا يا بسمة وين الايمان بالقضاء والقدر
بسمة بعبرة مخنوقة : الانسان ضعيف يا حصة ومهما كان انا من لحم ودم لازم اضعف
حصة بضحكة : يالله خلينا نسوي القهوة بسرعه عشان تقوليلي قصتك من البداية
بسمة : الله عليك يا حصة تاركة بيتك لك شهر وجالسة معي
حصة : اول شي افتخر اني عرفتك واتحسف على الايام الي ما عرفتك فيها وثاني شي فهد عنده دوره ثلاث شهور يعني بجلس على قلبك ثلاث شهور ويكفي هو الي قالي لا تخلين بسمة تراها زوجة الغالي
بسمة : الله يخليه لكم ويجزاه خير فعلا هذا اخو دنيا
حصة : لا تنسين انه صديق محمد الروح بالروح
بسمة : الله يجمعنا بجنته يارب يالله خليك عند الموية لحد ما تغلي وانا بروح اجيب من معمول القصيم عشان نتقوى عليه
حصة : والله انا احب التمر انتي بكيفك
بسمة : ههههههههههه مشتهيته عقبال ما تشتهين يارب
حصة : يارب خاطري بنونو العب وضحك معه
مسكت الأوراق الي بيدها وصارت تشد فيها وترميها تمنيتي يكون عندك ولد ورزقك ربي ببنت لكن يمه صدقيني صدقيني انا الي بتفتخرين فيني بس وين باقي الاوراق وش صار يوم اعرست على ابوي صوت هوا شديد خلاها تخبي الاوراق وتندس خلف الباب مشت بشويش تشوف ظلال رجال ضخم شوي مسكت الاوراق وجمعتها وقفلتها عليها الباب ماتبي الي جاي يحس ان في البيت احد فتحت الدريشة وقعدت تطل معها ظلام مافيه الا نور الحارة هدوء فضيع الساعه ثنتين وقت دراسة اكيد الكل نايم تمنت لو السعات تنقضي عشان يطلع الصبح وتلتقي بسمر


:
:
:
:

سمر : طيب قوليلي وريحي راسك
..: وش اقولك يا سمر اذا انا ما ادري عن شي ما اعرف الا بداية القصة وباقي الأوراق ضايعه
سمر : اسمعيني زين يمكن ربي كاتب لك الخير انك ما تدرين وش السر
...: مستحيل لازم افك الرموز كلها
سمر : طيب وش الحل
...: الحل اني اسافر
سمر : هذا حل بنظرك
....: اختفي اروح أي مكان الي جا البارح اكيد بيجي اليوم وبيدور ويبي الي يدور عليه
سمر : بس هم ما يبونك يبون السر الي تقولين عنه
.....: سمر موت امي مو هين ويعتقدون ان لي دخل فيه او اني ادري عنه
سمر : طيب وين بتروحين ودراستك و انتي بنت مو ولد عشان تروحين على كيفك
...: بيدبرها ربي وبرجع ان شاءلله اذا نسوني وبعد المرحومه كل شي ينعاف
سمر : تبين فلوس
...: كل شي معي ومعي صرافة امي
سمر : بس الميت يتقفل احسابة ولا تنسين يمكن يلحقونك اذا عرفوا من وين صرفتي
..: اوف نسيت اجل بسحب وبخبيها في ذي وشرت على الي في يدها
سمر : هههههههههههههههههههههههههه يعني العابنا نفعت






/
\
/
\


نوف تدف مثايل : روحي انتي
مثايل : انتي الي روحي ما تشوفين هيف جالس معهم استحي
نوف : يا جعل الحيا زين وين لسانك اذا شفتيه
مثايل : الله يا خذتس الله يا خذتس شافنا سلطان شافنا
نوف : اركدي خليتس راكده
جا سلطان يمشي يمهم : وش تسون عندكم
مثايل : ابي ابوي
سلطان : وش تبين بابوك
مثايل : من جدك
سلطان : وانا امزح معك وش تبين بابوك ولا ما تشوفن عندنا رجال ترززن قدامه
نوف : هذا هيف قبل كم سنه تغطينا منه
سلطان : صدق والله روحي روحي سلمي عليه وتقهوي معه
مثايل : تطنز حضرتك
سلطان : الحين هيف متربي عندنا وبقول نوف متعوده عليه وانتي الثانية الحيا وين راح
مثايل : والله انا ابي مفتاح سيارة ابوي ابي اتمشى ويا نوف ولا هيفك وخوياك ما اهتميت لهم
رمى مفتاحه لهم : يالله اخذوه وروحوا
مثايل وهي تنسى نفسها وتحط يدها على خصرها : يا سلام عشان نويف تسوق السياره
تقاطعها نوف : يا بعد عمري والله يا خوي اخيرا بسوق انا
سلطان : ومن قال انتي الي بتسوقينها
نوف : يا سلام هي اختك ولا انا
سلطان : اقول بلا كثر كلام يا الله ولا تبعدون
نوف : اجل دوره لك ودورة لي
مثايل : خلاص امشي وخلصينا
سلطان : وردو سيارتي سالمه
مثايل : والله ما طقيناك على يدك وقلنا عطنا المفتاح .. أي راسي
رماها سلطان بحصاه صغيره على راسها : منتي بكفوا اجل اعطيك المفتاح ومفضلك على اختي وتطولين لسانك
جت بترد بس اسحبتها نوف : اقول امشي خلينا نستانس
مثايل : أي والله صادقة










\

/

\

/

\

نوف : الله ياخذك شوي شوي
مثايل بضحك : الله حمااااااااااااس
نوف : بتقلبينا شوي شوي يا المطفوقه يارب يارب ما يسوقن بنات االسعوديه
مثايل وتقلل من سرعتها : ليه يالحبيبه وش ناقصنا عن بنات العالم عشان ما نسوق
نوف : تدرين يا مثايل انهن فشلن في تدريب السواقة بالخارج ويك ويك يالفشلة
مثايل : كش على ذا الوجة فرحانه انهن فشلن
نوف : نعبنو دارهن حنا يالله يالله ما سكينهن وتبينهن يسوقن عشان يتفلتن وماعاد ينفع معهن طب طبيب
مثايل : وانتي وش قاهرك
نوف : قاهرني يوم بناتنا تمردن اللبس يالله سترك والمغازل تدرين ان وحده بالرياض توها متوفيه مسوية حادث وهي تسوق
مثايل: الله يرحمها هذا يومها
نوف : يا مثايل اسمعيني الغرب غزونا لعبوا بروس عيالنا
مثايل : بالله
نوف : تستهزئين حضرتك
مثايل : لا والله ظلمتيني بس مدري وش قصدتس
نوف : شوفي التلفزيون وشوفي الفضائيات وشوفي النت وشوفي البلستيشن وتقولين وشلون الله يرحم حالنا يوم كنا على القناة الاولى والثانية الحين كبيرنا وصغيرنا نشوف مسلسلات هدامه وعادي عندنا وبزارينا متسدحين معنا قدام التلفزيون البطله حامل زنا والكل متحمس معها عشان ترجع لحبيبها لا ويجيك الثاني سكران ويتخبط ويقول انا نمت معك ولا لا وكلنا متحمسين ونقول سكران ما يدري وتبيني ما انقهر كنا قبل نخاف على الصغار الحين الخوف على الكبار اكثر يسكرون ويمكرون ويزنون وحنا نتابعهم
مثايل : انتي تحمستي وطلعتي من السواقه لتلفزيون
نوف : منقهره يامثايل منقهره لأن بناتنا يطالبن بالسواقة يطالبن يشوفن المباريات وحنا بنات واحفاد الصحابة وين بنودي و جيهنا منهم لو يجي واحد منهم ويشوف حالنا بعدهم بعد الستر والعفاف نسيتي الامريكية وش قالت يوم شافتنا
مثايل : لا تذكريني قسم بالله اني تفشلت ذاك اليوم ولى الحين اتذكر كلمتها
نوف : المشكلة ان الكل متزين عشانها بتجي الي لابسه بنطلون والي لابسه قصير والي لابسه عاري عشانها بتجي تلقي محاضره طاحت وجيهنا يوم رفعت القران وقالت الحمد لله اني امنت به واسلمت قبل اشوفكم يعني الحين حنا يامثايل واجهة المسلمين للي مهوب مسلمين يعني انتي مسلمة تمثلين الاسلام مشكلتنا يا مثايل
نوف بعبرة ظاهره : يا مثايل حنا عار على الإسلام عار على المسلمين يا مثايل لو يقوم الرسول من قبرة بيفتخر فينا بتنفعنا ناطحات السحاب الي بنيناها بتنفعنا المظاهر الي حاوطنا انفسنا بها الحين يقولون خلوك حظاريين لا تصيرون دولة متخلفة ورجعيه الناس تقدم ونتوا تاخرون لكن حنا وش سوينا للبس وتبعنا الكفار واكل وحتى تبعناهم واشكال وتبعناهم صرنا وراهم ونمشي ملثهم …. وبكت
ما قدرت مثايل ترد عليها وش بتقول فعلا نوف معها حق مشت بالسياره وهي قبل شوي تضحك والحين تحس بحزن يملى قلبها ودمعه وحيده تعلقت على رمشها

\
/
\
/


..: نوت لا تروحين للسكة العامة مثل هذاك اليوم ويجيك حرامي
نوت : حمامي
سالم الشيخ الكبير في السن : أي حرامي العبي هنا عند الغنم والدجاج
نوت : بوح بوح
سالم : وش تقولين
نوت : هدا بوح
سالم : والله يا بنيتي مدري وش تقولين حسبك الله على من كان السبب
ناظرته وجلست وصارت تشيل شي عالق برجولها الحافية


وللقصة بقية

هيف وقصة الحلم الغريب ؟
سلطان وحبه وهل يتوج بالزواج ؟
مثايل وما تخبي لها الأيام ؟
بسمة وما ذا فعلت بسمة أو بالحرى اين ذهبت بسمة وماذا حصل ؟
نوت وجرح الزمن وقسوة القلوب ؟

 
 

 

عرض البوم صور غيوم الشوق   رد مع اقتباس
قديم 04-10-08, 12:40 AM   المشاركة رقم: 3
المعلومات
الكاتب:
اللقب:
ليلاس متالق


البيانات
التسجيل: Apr 2007
العضوية: 27124
المشاركات: 1,276
الجنس أنثى
معدل التقييم: reem99sh عضو بحاجه الى تحسين وضعه
نقاط التقييم: 45

االدولة
البلدSaudiArabia
 
مدونتي

 

الإتصالات
الحالة:
reem99sh غير متواجد حالياً
وسائل الإتصال:

كاتب الموضوع : غيوم الشوق المنتدى : القصص المكتمله من وحي قلم الاعضاء
افتراضي

 

غيوم الشوق .....ألف مرحب بك من جديد

يسعدني أكون من المتابعين لك في قصتك الجديدة..

البداية مره تشدك لان كلها غموض ..

نتنتظرك في القادم...

 
 

 

عرض البوم صور reem99sh   رد مع اقتباس
قديم 04-10-08, 12:43 AM   المشاركة رقم: 4
المعلومات
الكاتب:
اللقب:
عضو راقي


البيانات
التسجيل: Feb 2008
العضوية: 62940
المشاركات: 1,517
الجنس أنثى
معدل التقييم: **أميرة الحب** عضو على طريق الابداع**أميرة الحب** عضو على طريق الابداع**أميرة الحب** عضو على طريق الابداع
نقاط التقييم: 247

االدولة
البلدItaly
 
مدونتي

 

الإتصالات
الحالة:
**أميرة الحب** غير متواجد حالياً
وسائل الإتصال:

كاتب الموضوع : غيوم الشوق المنتدى : القصص المكتمله من وحي قلم الاعضاء
افتراضي

 

يعطيك العافية مستنينك يا عسل أختك ريهام

 
 

 

عرض البوم صور **أميرة الحب**   رد مع اقتباس
قديم 04-10-08, 01:28 AM   المشاركة رقم: 5
المعلومات
الكاتب:
اللقب:
عضو ماسي


البيانات
التسجيل: Oct 2007
العضوية: 53753
المشاركات: 10,517
الجنس أنثى
معدل التقييم: ارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عالي
نقاط التقييم: 740

االدولة
البلدIraq
 
مدونتي

 

الإتصالات
الحالة:
ارادة الحياة غير متواجد حالياً
وسائل الإتصال:

كاتب الموضوع : غيوم الشوق المنتدى : القصص المكتمله من وحي قلم الاعضاء
افتراضي

 

السلام عليكم
غيوم الشوق وكل عام وانتي بخير وعيدك مبارك
ومبروك عليك نزول الرائعة الثالثة
اسلوبك تطور كثيرا وحواراتك منسقة بشكل رائع وخيوط الغموض التي تداخلت بأحداث القصة اعطت اثارتا وتشويقا مميزا للقصة
يسعدني ان اسجل حضوري ضمن متابيعك
تناولتي في هذه القصة مختلف المواضيع الاجتماعية واعطيتي في الجزء الاول فكرة واضحة عنها
مع محافضتك على سرية الحدث وهذا بحد ذاته اعتبره ذاكاء من قبلك تعرفنا على اغلب الشخصيات ومايحيط بها من مشاكل ولكن بغموض وبأحداث مبهمة
اهنيك على هذه الحبكةالرائعة

هيف >>شنو معنى الاسم
كنت اعتقد انه بطل القصة زال اعتقادي بتدرجي بالقراءة حيث اكتشفت تعدد الابطال
شخصية متواضعة كثيرا عانه من اليتم ورباه خادم مخلص رزقه الله بصديق وعائلتة وكانو نعم الاهل له لم يعوضو مكان الاهل الاصلين ولكنهم سدو ثغرة في حياة هيف
حلم يؤرق منامه بين فترة واخرى
اكتملت الصورة عن هيف مع الغموض يصبح شخصية يثير التسؤلات ننتظر لنعرف المزيد عنه
سلطان ومثايل
صراحة رجل وعناد زدلال امراءة
نصيحة ان وجد الحب خاصة الحب الذي يدخل البيوت من ابوابها دعوه يدخل لانه الافضل في الدين والدنيا وان ذهب لايعود يوما بعدذلك

بسمة ومحمد ربطهما الزواج بمشيئة الله سبحانه وتعالى وكتب عليهم الفراق بمشيته ايضا فكان زواجهم خيرا لهما ولله حكمة في فراقهما لنرى ماذا بعد الفراق
نوت لا ادري ما قصتها ولا من هي انتظر لاكتشف
كلام نوف
اعجبني كثيرا طريقة تقديمك للنصيحة رائع جدا غيوم
لعلى من خلال نصائحك يهتدن من ضللن الطريق وتمسكن بقشور الغرب الزائف واصبح طعم الب في افواهه علقما
هنا اسأل هل الملابس ونوعيتها وطريقة الكلام الملتوي وسياقة السيارات هي مقياس التطور والتقدم ام العقول ومحتواها هي مقياس ذلك ؟؟؟؟؟؟؟؟؟؟؟؟؟؟؟؟؟
الدين الاسلامي طعمه حلو كالعسل لمن اقتنع به وبحث عن التطور من خلالها

ختاما وفقك الله عزيزتي
بشوق كبير انتظرك

 
 

 

عرض البوم صور ارادة الحياة   رد مع اقتباس
إضافة رد

مواقع النشر (المفضلة)

الكلمات الدلالية (Tags)
مبروك التثبيت غيومة (بندقة), الحلم الغامض, الحلم الغامض للكاتبة غيوم الشوق, ربي يوفقك غيووووووووووم الحلوة, روعة ياغيوم واصلي الابداع وربي يوفقك, غيوم الشوق, نوت وهيف وبندر وسلطان وسمر والخيال الراقي, قصة غيوم الشوق الثالثه الحلم الغامض, كاتبة مبدعه ياغيوم
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 02:46 AM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية