منتديات ليلاس - كثر ما كرهته عشقته

الجزء الرابع

مشاعل بخوف : اي اخو
منار : مشعل مشعل طاح و تعور
مشاعل شلون شلون
منار : واهم يلعبون كان يوسف بياخذ الكوره و بالغلط طاح مشعل على ظهره و قام يتالم
مشاعل : انزين ماعرفتي شفيه
منار بدت تصيح : ماادري ماادري انا سيده يتكم
مشاعل راحت تركض عشان تجوف اخوها
منار : وانتي مابتروحين
شذى بدون اهتمام : وانا شلي خص اخوج انتي انا شعلي منه ومايهمني
منار : انتي شنو ماعندج قلب
شذى مشت عنها بدون اي اهتمام
منار عصبت عليها بس اجلت الموضوع لانه احين اهي مستعيله

رجعت منار لهم وسالت عن مشعل وقالو لها ودوه المستشفى و اتصل لهم مشاري طمنهم انه بخير و على الساعه 5 ونص الكل مشى

و عقب ساعتين رجع مشعل مع مشاري و كان عنده خلع في الجتف الايمن عطوه حبوب تخفف الالم وضمدوها له وقالو له مايحركها وايد عشان ماتالمه

ام مشاري : ها يمه ان شاء الله مو شي جايد
مشعل حب راس امه لا يمه مافيني شي وابتسم لها
ام مشاري : عيل يمه روح داخل ارتاح
مشعل : ان شاء الله
ام مشاري : شذى يمه قومي جوفي زوجج
مشعل : لايمه مايحتاج خليها مع البنات
رهف : الحمدالله على سلامتك
مشعل الله يسلمج
مشاعل : الحمدالله على سلامتك يا خوي في عدوينك ان شاء الله
مشعل : الله يسلمج يا الغاليه
منار راحت حبت راسه : الحمدالله على سلامتك ماتجوف شر
مشعل الشر مااييج يا المزعجه واهو يبتتسم
شذى ماقامت ولا تكلمت
منار راحت صوبها : على الاقل قولي الحمدالله على السلامه لاتحسسنين احد بشي
شذى بدون نفس : الحمدالله على السلامه
مشعل : الله يسلمج وراح عشان يروح الغرفه يرتاح
ام مشاري : يبنيتي روحي حق ريلج
شذى : ان شاء الله يمه انتي تامررين
مشاعل تسال منار : شفيهم احس بينهم برود
منار : مافيهم شي يمكن زعلانه من شي عليه خبرج تتدلع عليه
مشاعل : متاكده
منار : اي

دخلت شذى الحجره وكان مشعل يحاول يبدل ملابسه
مشعل : اذا سمحتي وتكرمتي تعالي ساعديني لانه صعب علي بيد وحده ابدل ملابسي
شذى : اففففف انزين
وراحت صوبه حست ان قلبها يدق بسرعه لان عمرها ماجربت صوب ريال غريب
شذى حست ان يدها ترتجف واهي تساعده عشان يفصخ الفانيله
مشعل حس برجفتها واهو مو وده يحطها بالموقف او يحط نفسه فيه لانه يعرف ان اهي مو متقبلته و تكره قربه
بعد ما ساعدته في تبديل التيشرت قال ممكن تساعديني ابدل البنطلون كان يستهبل بس
شذى بخوف : لالالالالالالالالالالالالالالالالالا مستحيل مابي
مشعل : ههههههه جنه احد بياكلج
شذى : مالت عليك مليق
مشعل مشى عنه و سوه عمره ماسمع الي قالت له و قعد على السرير واتصل على مرام تم يرن لين انفصل ومافي رد ولمكا رجع يتصل مره ثانيه كان التلفون مغلق
مشعل : اففففففففف وحط التلفون و حط راسه عشان ينام كلها 10 دقايق والا اهو في سابع نومه

شذى شغلت التلفزيون وخلت الصوت على الخفيف وقامت تتصل على امها عشان تسال عن اخبارهم

شذى : الو سلام عليكم هلا يمه شخباركم وشلونكم وحشتوني وايد
ام خالد : وعليكم السلام والله احنه بخير وانتي اخبارج واخبار مشعل
شذى : بخير و مشعل تمام
ام خالد : وينه بكلمه وبوصيه عليج
شذى : راقد يمه شخبار شوق و سامي و ابوي
ام خالد : كلهم بخير ومساعه شوق كانت هني ويا اليهال وهيلتهم وابوج بعد توه طلع عشانه مواعد ريال
شذى : يمه شخبار قيس وخلودي وحشوني موت من زمان ماجفتهم ولا سمعت اصواتهم وهيلتهم
ام خالد : والله بخير و كان خلودي يسال عنج
شذى : واي فديت قلبه ولد اختي حبيبي ان شاء الله عقب باجر بييكم
ام خالد : حياج الله واذا بتيين لا تيين بروحج تعاي ويا ريلج
شذى في نفسها اففففف بروحي ابي افتك منه : ان شاء الله يمه تامريني بشي
ام خالد ؟: سلامتج يمه بس حطي بالج على روحج وعلى ريلج
شذى : ان شاء الله فمان الله
ام خالد : فمان الكريم

ولما سكرته اسمعت مشعل يسولف
التفت عليه جافته نايم وجربت صوبه سمعته يتكلم واهو راقد
تمت تطالعه بحاجب مرفوع
مشعل : هي انت العب عدل شوتها اقول عطني الكوره انا بسجل
كانت بس هذي الي مفهوم الباقي مو مفهوم وكانه في مباره
شذى وفيها الضحكه هههههههههههههههههههههههه
قحص مشعل على صوتها : يمه خليني شوي برقد وبكمل اتلحلم عقب بقوم بروح المدرسه
شذى : ههههههههههههههههههههههههههههههههههههه هههههههههه ههاي
وقامت اطلعت برع الحجره تكمل ضحك خافت يقوم ويزفها
منار ياتها : شفيج يالخبله تضحكين ضحكيني وياج
شذى : هههههههههه مشعل ههههههههه واي قلبي مااقدر
منار : شنو فيه مشعل يضحكج فيه كفايه التعامل الي تعاملتي وياه مساعه
شذى اسلوب منار سكتها : مافيه شي بس كان يسولف واهو راقد ويخربط علي ويقول لي يمه بعدين قعديني
منار : لاتشلخين
شذى : والله يسولف تبين تعالي وياي دخلو الحجره و كانت وضعيته تغيرت
صار محل راسه صارت ريوله ومحل ريله صار راسه
شذى مبطله عينها هذي شلي اقلبه هلون مساعه كان بالعكس
منار تقرب صوبه ومره وحده صرخ : هييييييي انت اقعد محلك سمعت و اسمعني للاخر
منار تخرعت بسبب انه مره وحده صرخ
و راحت شذى حط يدها على حلج منار عشان ماتصرخ وطلعو برع الحجره
شذى : ههههههههههه جفتي
منار : هههههههههههههههههه وااي اخوي انتيكه طلع ههههههههه

طبعا الكل مشى ماتم احد بالمزرعه
ام مشاري : شذى يمه وين ريلج
شذى : راقد ليش يمه امريني
ام مشاري : لا يمه بس شكلنه بنتم هني لانه تعبان ومانبيه يسوق
منار : البركه فيني انا بسوق
شذى : انا مو مستعده اركب وياج امي تبيني ولا بايعه عمري
منار : اصلا يحصل لج تركبين مع الانسه منار
شذى : وييييييييع مابي
ام مشاري: هههههههه الله لا يحرمني منكم ويخليكم حق بعض
منار وشذى بصوت واحد : آآآآآآآآآآآآآآآآآآآآآآآآميييييييييييين ويخليج لنه
منار وشذى قررو يسهرون على فلم

و اختارو فلم مستر بن ان هولدي قعدو يتابعون
منار : هههههههههه هههه احبه عجيب يضحك
شذى : هههههه حده فن مستر بن عجيب تحسينه خريش ويذبح من الضحك
منار : اييييييي

و نامو واهم في محلهم في الصاله حطو لهم مفرش عشان يتابعون الفلم ولما خلص الفلم نامو محلهم

على اذن الفير قام مشعل وتوضى عشان يصير وبعد ما صلى استغرب عدم وجود شذى في الغرفه وفي نفسه هل كثر ماتشتهي تقعد في محل انا فيه
ولما طلع من الغرفه راح صوب الصاله جاف شاشة التلفزيون مشغله و استغرب ولما دخل الصاله جافهم راقدين
مشعل رافع حاجب : هذيله شسونو هني ليش ماعندهم احجر راقدين في الصاله

راح صوب اخته : منور قومي روحي الحجره رقدي
منار : اوهو قوم مناك خلني ارقد و غطت ويها باللحاف
تم يحاول وياها وطلع منها فايده وراح صوب شذى
مشعل : شذى قومي روحي داخل رقدي
شذى : مابي وقامت شالت اللحاف والمخده
مشعل توقع تروح الحجره بس شذى راحت حق الكرسي وحطت المخده و انبطحت فوقه وارقدت
مشعل : ههههههههه الله يعقل عليهم وراح حق منار منور قومي صلي وعقب خمدي
منار : افففففففففففف ياربي مللتني بالع راديو اذلف خلني ارقد حرام عليك توني راقده
مشعل : محد قال لج ساهري قومي صلي وخمدي وقومي وياج شذى
منار : انزين انزين انته روح وانا بقوم
مشعل اي صح لو اروح انتي ولا عقب سنه بتقومين
منار : اوووووووف هذاني قمت يه الواحد مايعرف يرقد منكم
وراحت تتوضى عشان تصلي وقعدت شذى عشان اهي الثانيه تصلي
وعقب ماصلو رجعو نامو في محلهم
لما رجع مره ثانيه : هذيله ليحين هني يه وانا شعلي كيفهم خله يرقدون محل مايبيون
وراح الغرفه عشان يكمل نومه

على الساعه 8 ونص طلعت من الغرفه ( ام مشاري تقعد من الصبح حزت الصلاه وتصلي وتقعد تقره لها من كتاب الله العزيز و تدعي لعيالها و حق كل من عزيز عليها و تدعي لزوجها بالرحمه والمغفره و في بعض الاحيان تاخذ لها غفوه و احيناا تطلع تجوف عيالها و تباري البيت )

و عقب ماجافت الخدم اشرفت على الريوق ( الفطور ) راحت الصاله وجافت منار وشذى راقدين فيها
راحت صوب شذى
ام مشاري : يمه شذى قومي شنو تسون هني
شذى : بطلت نص عين سهرنه على الفلم ورقدنه هني
ام مشاري : انزين يمه قومي داخل نامي
شذى : ان شاء الله قامت و اهي تسحب اللحاف وياها و المخده في يدها ودخلت الحجره و سيد على السرير بدون ان تنتبه حق مشعل الي نايم عليه ونامت يمه
على تسع وشي قام مشعل واستغرب من وجود شذى يمه
مشعل : بسم الله هذي اشييبها هني
وكانت حاظنه يده
حاول يبتعد بس ماقدر لها ماسكه يده اليسرى و اليمنى مايقدر يحركها قعد يطالعها كان شكلها بريئ وكانت مثل اليهال
مشعل : شذى شذى قومي
شذى بدت تبطل عينها : هااا واهي تفرك ويها بيدينها
و مره وحده بطلت عينها و انقزت : انا شسوي ع\هين من يابني هني
مشعل : ماادري قمت حصلتج
شذى : جذااااااب ليش يبتني هني وعييييييي رقد يمك وعييييييييي مابي مابي
مشعل يطالعها ويقول الله يعيني
شذى قامت من السرير من الاستعيال طاحت على الارض وقامت مره وحده وسيده راحت الحمام وقفلته على روحها
شذى : ياربي بل احين بقول هذي ميته علي ومن جي يات صوبي اففففففففف ياربي وراحت بطلت الدش عشان تسبح ولما سبحت وخلصت بطلت باب فتحه صغيره واطل اذا مشعل موجود او طلع بس لما طلت طلعت راسها وماجافت احد طلعت بسرعه واخذت لها فوطه ولفت نفسها وقعدت بسرعه ادور شي تلبسه واختارت تي شرت لون ابيض و فوشي و لبست بنطلون سبورت فوشي و جوتي( وانتو بالكرامه ) ابيض وفوشي
عشان تلعب رياضه على الصبح
ولما طلعت جافت مشعل الي كان لابس برمودا ابيض وتي شرت احمر و لابس جوتي ( وانتو بالكرامه ) سبورت لونه احمر وقبعه لونها ابيض واحمر

طالعته بسرعه مشت عشان ماتبي توريه ويها لانها حاس روحها متفشله

طلعت برع الفله و راحت تلعب رياضه في المزرعه وراحت صوب حمام السباحه
وقعدت هناك لفت نظرها لعبه على شكل بنوته

راحت لها
شذى : حق من اللعبه اكيد وحده من اليهال الااي تينن اللعبه وقعدت تسولف ويا اللعبه
( يعني مثل ماكنه صغار شلون انسولف ويا اللعبه كانها بني ادم )
شذى : اي عليج فديتج اغووو وااي عليج وتمت تسولف ويا اللعبه

كان مشعل مار هناك بالصدفه وسمعها تتكلم ولما جرب جافها تكلم اللعبه
مشعل : هههههههههههههههههههههههه الله يعقل
التفت شذى على الصوت وانصدمت بوجوده قامت معصبه : مالك خص وحضرتك من متى واقف
مشعل : هههههههههههههه من يوم عمري و اغو ههههههههههههههههههههههههههه
شذى احذفت اللعبه عليه بس اهو اسرع وتجنبها
مشعل : مينونه انتي
شذى : اييييي عندك مانع
وراحت عنه واهي تمشي بعصبيه ومتفشله
شذى : اففففففف شي حظ النحس يعني ماحلت لي اسولف ويا العبه الا اجدامه

مشعل واقف محله : ههههههههههه وخذ اللعبه وراح يلحق شذى
مشعل : شذى شذى لحظه بس شوي
شذى وقفت و اهي تهز ريلها من العصبيه : خيييييييير
مشعل واهو ميود روحه عشان مايضحك : الخير بويهج بس نسيتي بنتج ههههههههههه
شذى : سخيييييييييف و دزته ومشت
مشعل : هههههههههههههههه وانا اقول منور ليش مينونه لازم تصير مينونه دامها لاصقه فيج 24 ساعه

شذى نزلت على الارض وخذت حجره صغيره و احذفتها على مشعل و صادته في ريله
مشعل : طالع المينونه انا اقول لج مينونه
شذى حست روحها بتصيح : جببببب انزين
مشعل : هههاااااي
شذى ماقدرت تيود روحها وصاحت
مشعل انصدم لما جافها صاحت راح جرب صوبها : مو قصدي كنت اتقشمر
شذى : جببببببب ولا كلمه
مشعل عصب : سمعي يابنت الناس قلنه كنت اتقشمر بس عاد مو تغلطين صج ىانج مو ويه احد يتقشمر وياج
شذى : خل قشمرتك حق ربعك وحق روحك انا ماابيك تسولف وياي
مشعل : صج انج مو ويه احد يسولف انا الغلطان اكلم وحده مثلج
شذى واهي حاط يدها على خصرها : وشفيني انا يحصلك تسوي ويا وحده مثلي
مشعل : عداال لاتعورين
مشت عنه
مشعل : تعاليييي اخذي بنتج هههههههه
طنشت له ورجعت الفله

راحت شذى المطبخ وجافت مشعل قاعد على الكرسي وام مشاري قاعده تصب لهم كوب من الحليب
شذى : انت متى ييييييييييت توك هناك
مشعل : اناا انا من مساعه هني في البيت ماطلعت
ام مشاري : صباخ الخير يمه
شذى راحت حق خالتها : اسفه يمه ماصبحت عليج صباح الخير وحبت راسها
ام مشاري : من لقا احبابه نسى اصحابه يمه روحي قعدي يم ريلج و تفضلي الاكواب
شذى : في نفسها اففففففف وابتسمت ان شاء الله وقعدت يمه
مشعل يتكلم بالعدال : ماخذتي بنتج حرام عليج فلتيها برع
شذى عصبت وحطت الكوب بالقوه فانكسر الكوب فانسكب الحليب جزء منه على الطاوله وعلى مشعل وشذى