منتديات ليلاس - ترويض المتمردة

عذوبه تسلم ايديكى على البارت الجميل

اقتباس:

وأيضاً بالنسبة للخيل في حياة شهد.. فهو مرتبط بالحادثة.. والشيء الكبير الذي يمنعها من أستعادة ذاكرتها هو أمها نورة رحمها الله..

يعنى عقلها رافض يتذكر الحادثه علشان ما تفتكرش الطريقه البشعه اللى ماتت بها والدتها.
ومتشكره كتير على شرحك والمعلومه وصلت ياقمر.
البارت رائع المشاعر ديه غريبه فى التوقيت اللى شافت فيه طيبه وحنان فهد مع الاطفال وتقرر انها تعرف كل حاجه عنه ديه كانت خطوه كويسه لتحسن علاقتها بفهد حتى وهى بتدور فى اشياءه كل ما تفتح درج بتكون خايفه ومش عايزه يكون اللى فى عقلها صحيح بس رجعنا لنقطه الصفر باكتشافها مساله انه دكتور وجراح وكمان انهم داروا عنها الحقيقه واكيد اللحظات اللى هى عاشتها بعد كده كانت لحظات خوف من فهد وعدم ثقه باللى حواليها.
انا من اشد المعجبين باابو شهد مثقف وواعى والافضل الايمان الشديد بالله احترمت رغبته لما اصر على انه يعالج بنته بقراءه القران لها وشرب مياه زمزم والادعيه والرقيه والحمد لله تحسنت كتير .
فهد خوفه على شهد كبير وبيحبها قوى بس ياريت هى تحس انه فعلا بيحبها وتتخلص من الرواسب اللى اتركزت فى قلبها ناحيه الاطباء عموما.
وصفك لحالتها وهى متخيله فهد كله دم وريحته دم وبتطلب منه انه ما يقطعش ايديها -التعبير قاسى- كان ارائع جدا ياعذوب
رفضها ليه شىء مؤلم للطرفين بس فهد حاسه بصوره اكبر بكتير.
طبعا اصرار ابو شهد على وجود فهد فى العيد كان قرار حكيم جدا .
اما بالنسبه لدخول شهد ومحاوله فهد انه يسلم عليها وهى رافضه ومعناده وابوها يقول لها تسلم عليه وهى رافضه رفض قاطع واجبارها على انها تسلم عليه وتحترمه وهى رفاضه وتطلب منه الطلاق وتهينه قدامهم كلهم اعتقد ان ابو شهد لحظتها كان شايف ان خلاص لازم وضع حد لانها خرجت عن الحدود وما احترمتش كلمه ابوها من ناحيه والناحيه التانيه صغرت فهد والصفعه اللى خدتها من ابوها لان فهد مش هيضربها لانه مقدر حالتها وماكانش عايز يجى من الاساس وطلال لالا مااعتقدش هو ابوها بس انا خايفه ليزيد ده من احساسها بالوحده والالم . بس حاسه انه هيكون سبب فى تحسين علاقتها بفهد بصوره او باخرى اللى خايفه منه ان ابو شهد وفهد يقرروا فرح شهد .
عرفت ان الفتره ديه هى فتره اعياد فى الكويت كل سنه وانتى طيبه الله يعيدها عليكم الايام ديه بالخير يارب امين.
تسلم ايديكى ياعذوب ومستنيين البارت الجديد